Yoona ပါဝင်သော ဇာတ်ကားများ

Bon Appétit, Your Majesty (2025) အပိုင်းသစ် (1 မှ 12) စ/ဆုံး မထွက်ခင်ကတည်းက အားလုံးမျှော်လင့်စောင့်​စားနေကြရတဲ့ မင်းသားချောလေး Lee Chae-min, မမလှလှတွေဖြစ်ကြတဲ့ Lim Yoon-A, Kang Han-Na တို့နဲ့ တခြားသရုပ်ဆောင်ပေါင်းများစွာတို့ရဲ့ အမိုက်စားနန်းတွင်းကားသစ်လေး ထွက်ရှိလာပါပြီ။ ဇာတ်လမ်းအညွှန်း ​ယွန်းဂျီယောင်း (Lim Yoon-A) ဟာ အစားအသောက်ကို ရူးသွပ်ပြီး ပျော်ပျော်ရွှင်ရွှင်နေတတ်တဲ့ ပြင်သစ်စားဖိုမှူးမလေးတစ်ယောက်ပါ။ တစ်နေ့မှာတော့ ပဲရစ်မြို့က နာမည်ကြီး Michelin 3-star စားသောက်ဆိုင်မှာ အလုပ်လုပ်ဖို့ ကမ်းလှမ်းခံနေရချိန်မှာပဲ ကံကြမ္မာရဲ့ အလှည့်အပြောင်းတစ်ခုကြောင့် ခေတ်နောက်ပြန်ဆွဲကာ ဂျိုဆွန်းခေတ်ကို ရောက်ရှိသွားပါတော့တယ်။ ဘုရင်အီဟွန်း (Lee Chae-min) ကတော့ ဂျိုဆွန်းခေတ်ရဲ့ ရက်စက်ကြမ်းကြုတ်တဲ့ ဘုရင်တစ်ပါးဖြစ်ပြီး အာဏာကို အပြတ်အသတ်  ကိုင်စွဲထားသူလည်းဖြစ်ပါတယ်။  ဒါပေမဲ့ သူ့မှာ ထူးခြားတဲ့ အရသာခံနိုင်စွမ်းရှိပြီး ရာသီဥတုအနည်းငယ် ပြောင်းလဲတာနဲ့တောင် အစားအစာရဲ့အရသာကို ခွဲခြားနိုင်သူပါ။ ​ဒီလိုနဲ့ ဂျိုဆွန်းခေတ်ကို ရောက်သွားတဲ့ ဂျီယောင်းဟာ အကြောင်းကိစ္စတစ်ခုခုကြောင့် ဘုရင်အီဟွန်းကို သူ့ရဲ့ဟင်းလျာတွေ တည်ခင်းဖို့ ဖြစ်လာခဲ့ပြီး ဂျီယောင်းရဲ့ ဟင်းလျာတွေကို စားကြည့်ပြီးနောက် အရမ်းကြိုက်သွားတဲ့ ဘုရင်ကြီးဟာ သူ့အတွက် သီးသန့်ဟင်းတွေ ချက်ပြုတ်ခိုင်းဖို့အတွက် နန်းတော်ထဲကို ခေါ်ဆောင်သွားတဲ့အခါမှာတော့... ကမ္ဘာ့အဆင့်မီ စားဖိုမှူးမလေးက အာဏာရှင်ဘုရင်ကြီးရဲ့ စားတော်ကဲဖြစ်လာပြီး ဘယ်လိုဟင်းလျာတွေ ချက်ပြုတ်ရင်း ဆက်လက်ရှင်သန်သွားမလဲ... နန်းတွင်းအာဏာပြိုင်ဆိုင်မှုတွေနဲ့အတူ ဒီကမ္ဘာနှစ်ခုက လူသားနှစ်ယောက်ရဲ့ ကံကြမ္မာက ဘယ်လိုဆက်စခန်းသွားမလဲဆိုတာကို စိတ်ဝင်စားဖွယ်ကြည့်ရှုရမယ့် ဇာတ်လမ်းကောင်းလေးတစ်ပုဒ် ဖြစ်ပါတယ်။ Aired: Aug 23, 2025 - Sep 28, 2025 Aired On: Saturday, Sunday Genres: Historical, Comedy, Romance, Fantasy Episodes: 12 Original Network: tvN

Pretty Crazy (2025) IMDb..... 6.6 စားဖိုမှူးမလေးမဟုတ်တဲ့ နတ်ဆိုးမလေး Yoona ရဲ့ ရုံတင် အချစ်ဟာသကားသစ်လေး ထွက်ရှိလာပါပြီ။ အတူတွဲဖက်သရုပ်ဆောင်ထားတဲ့ မင်းသားကတော့ ကေဒရမ်မာချစ်သူများနဲ့ မစိမ်းတဲ့ Ahn Bo-Hyun ပဲ ဖြစ်ပါတယ်။ - ဇာတ်လမ်းအကျဉ်း - အီဂီဂူ (Ahn Bo-Hyun) ဆိုသူဟာ ကုမ္ပဏီကနေ အလုပ်ထွက်ပြီးနောက် အိမ်မှာပဲ အချိန်ကုန်ဆုံးနေတဲ့ အလုပ်လက်မဲ့လေးပါ။ ဒီလိုနဲ့ တစ်နေ့မှာ ဂီဂူရဲ့အောက်ထပ်အိမ်ကို ဂျောင်ဆွန်းဂျီ (Yoona) တို့ မိသားစု ပြောင်းလာပါတော့တယ်။ ဆွန်းဂျီက အလှလေးဆိုတော့ ဂီဂူလည်း မြင်မြင်ချင်း ကြွေဆင်းသွားခဲ့တာပေါ့။ ဒါပေမဲ့ ဆွန်းဂျီရဲ့ ထူးခြားချက်တစ်ခုက အရုဏ်တက်ချိန်ရောက်တိုင်း သူ့ကိုယ်ထဲက နတ်ဆိုးက နိုးထလာပြီး နေ့ခင်းတုန်းကနဲ့ လုံးဝ ကွဲပြားတဲ့လူတစ်ယောက်လို ဖြစ်သွားတတ်တာပါပဲ။ ဂီဂူတစ်ယောက် ဆွန်းဂျီရဲ့ မတူညီတဲ့ပုံစံနှစ်မျိုးကြောင့် စိတ်ထွေပြားရင်းကနေလည်း သိချင်စိတ်ကြောင့် ဆွန်းဂျီအနား ရစ်ဝဲနေချိန်မှာပဲ ဆွန်းဂျီရဲ့အဖေက ဆွန်းဂျီရဲ့ နတ်ဆိုးကျိန်စာအကြောင်းကို ဂီဂူ့ထံ အကုန်ပြောပြလာပြီး အရုဏ်တက်ချိန်မှာ ဆွန်းဂျီရဲ့အုပ်ထိန်းသူ လုပ်ပေးရမဲ့ အချိန်ပိုင်းအလုပ်ကို လုပ်ပေးဖို့ ကမ်းလှမ်းလာတဲ့အခါမှာတော့... နတ်ဆိုးမလေး ဆွန်းဂျီနဲ့ အိမ်နီးချင်းကောင်လေး ဂီဂူတို့ကြား အလွဲလေးတွေနဲ့ ဘယ်လိုဆက်ပြီး နှစ်ပါးသွားကြမလဲ.... ဆွန်းဂျီကရော နတ်ဆိုးကျိန်စာကနေ လွတ်မြောက်သွားနိုင်မလားဆိုတာကိုတော့ ဇာတ်လမ်းလေးထဲမှာ ဆက်လက်ကြည့်ရှုပေးကြပါဦး။ File Size : 2.61GB/ 1.10GB Quality : WEB-DL 1080p/ 720p Format…mp4 Duration…1hr 55m Genre : Mystery, Comedy, Romance, Supernatural Subtitle : Myanmar Subtitle (Hard Sub)

King Hotel ပိုင်ရှင်ရဲ့သား ဂူဝန်ဟာ လုပ်ငန်းဆက်ခံဖို့ ပြင်ဆင်ရင်း ဟိုတယ်မှာ အလုပ်သင်ဝင်လုပ်ပါတယ်။ ဂုဏ်အရှိန်အဝါကြီးပြီး အပြုအမူကလည်း တခြားသူတွေနဲ့ မတူတဲ့သူပါ။ ဆာရန်းကတော့ သွက်လက်ထက်မြက်ပြီး ပျော်ပျော်နေတတ်သလို ကိုယ့်ကို ထိလာရင်လည်း ပြန်ပြောတတ်တဲ့ ကောင်မလေးတစ်ယောက် ဖြစ်ပါတယ်။ ဟိုတယ်ဝန်ထမ်းဖြစ်ချင်တဲ့ ဆာရန်းဟာ King Hotel မှာ အလုပ်ရသွားရာက သူတို့နှစ်ယောက် စတွေ့ကြတော့တယ်။ ခပ်ဂျစ်ဂျစ်သူဌေးသားနဲ့ ခပ်စွာစွာဝန်ထမ်းမလေးကြားမှာ ကတောက်ကဆတွေ ဖြစ်ရာက အချစ်ရေး ဘယ်လိုဆက်လာမလဲဆိုတဲ့ ဟာသအချစ်စီးရီးပါ။ Lee Jun Ho နဲ့ Yoona တို့ အဓိကပါဝင်ထားပြီး စုစုပေါင်း ဆယ့်ခြောက်ပိုင်းရှိပါတယ်။

ပတ်ချန်ဟိုဟာဆိုရင် တရားခွင်မှာ နိုင်နိုင်ချေ ၁၀ ရာခိုင်နှုန်းလောက်ပဲရှိတဲ့ ရှေ့နေတစ်ယောက်ပါ အရမ်းလည်းစကားများလွန်းလို့ လူတိုင်းက ​ Big mouth(အာကျယ်ကောင်)ဆိုပြီး နာမည်ပြောင်ပေးထားရသူပါ ဂိုမီဟိုကတော့ ပတ်ချန်ဟိုရဲ့မိန်းမဖြစ်ပြီး သူနာပြုဆရာမလေးတစ်ယောက် ဖြစ်ပါတယ် ရုပ်ရည်ချောမောရုံသာမက ယောကျာ်းဖြစ်သူ ရှေ့နေဖြစ်လာတဲ့အထိ ငွေကြေးပိုင်း စိတ်ပိုင်းဆိုင်ရာအဘက်ဘက်ကနေ supportive ပေးခဲ့တဲ့ မိန်းမဖြစ်တဲ့အပြင် အရမ်းကိုထက်မြတ်တဲ့မိန်းကလေးဆိုလည်း မမှားပါဘူး တစ်နေ့မှာ ချန်ဟိုတစ်ယောက် လူသတ်မှုတစ်ခုမှာပါဝင်ဖို့ အကြောင်းဖန်လာပြီးတော့ ဥာဏ်ကြီးရှင်လူလိမ် Big mouth အဖြစ်သံသယဝင်ခံရတဲ့အခါ..... လင်မယားနှစ်ယောက်ပေါင်းပြီးတော့ ဒီလိုစွပ်စွဲခံရတဲ့ကိစ္စကို ဖြေရှင်းကြမှာလဲ တကယ့်တရားခံအစစ်ကရောဘယ်သူလဲ နာမည်​ကြီးတွေဖြစ်ကြတဲ့ Lee Jung Suk နဲ့ Yoona တို့ရဲ့ Come back Dramaလေးဖြစ်တဲ့ Big Mouth ကို အပတ်စဥ် သောကြာနဲ့စနေတိုင်းထုတ်လွှင့်မှာဖြစ်ပြီး စုစုပေါင်း ၁၆ပိုင်းပါဝင်မှာဖြစ်ပါတယ် File Size – 500MB / 1GB Quality – 720p Duration – 60 mins Total Episodes: 16Eps Subtitle – Myanmar Hardsub Format – Mp4 Genre :  Mystery , Drama , Crime Translator – Myo Myo Htet ~ Yong Hom ~ Honeyey ~ Ichika - Jim X ~ Go-O Encoder – YK

မြောက်ကိုရီးယားအကြမ်းဖက်ခေါင်းဆောင်တစ်ယောက်ကို ဖမ်းဆီးဖို့ စုံထောက်အင်းချောရောင်းဟာ တောင်ကိုရီးယားစုံထောက် ဂန်ဂျင်ထယ်နဲ့ လက်တွဲလုပ်ကိုင်လာပါတယ်။ တောင်နဲ့မြောက်က စုံထောက်နှစ်ယောက် ပူးပေါင်းပြီး တရားခံကို လိုက်ဖမ်းကြပေမယ့် သူတို့နောက်ကိုလည်း လိုက်နေသူတစ်ယောက် ရှိနေတယ်။ အဲဒီသူက FBI စုံထောက်ဂျက်ပါ။ ဂျက်က သူတို့နှစ်ယောက်ကို လိုက်ဖမ်းနေတာကြောင့် တစ်ဖက်မှာ တရားခံရှာရင်း တစ်ဖက်မှာလည်း ပြေးလွှားနေကြရပါတယ်။ ဒီလိုနဲ့ မထင်မှတ်ထားတဲ့ အခြေအနေတစ်ခုကြောင့် ဂျက်ကိုယ်တိုင် အင်းချောရောင်းတို့နဲ့ ပူးပေါင်းဖို့ ဖြစ်လာတော့တယ်။ မှုခင်းအက်ရှင်ဇာတ်လမ်းထဲမှာ ဟာသအနည်းငယ်လည်း ရောပါဝင်ပါတယ်။ Hyun Bin နဲ့ Daniel Henney တို့ရဲ့ အက်ရှင်ခန်းတွေအပြင် Yoona ကိုလည်း ပေါ့ပေါ့ပါးပါး ဇာတ်ကောင်တစ်ယောက်အဖြစ် တွေ့ရမှာပါ။

A Year-End Medley (2021) အညွှန်း IMDb...7.0 နှစ်သစ်ကူး အားလပ်ရက်မှာ Emors လို့ခေါ်တဲ့ ဟိုတယ်တစ်ခုမှာ ဆုံကြတဲ့ လူတွေရဲ့ဇာတ်လမ်းအဖုံဖုံ နာမည်ကြီးသရုပ်ဆောင်များစွာပါဝင်ထားပြီး ဟိုတယ်ပိုင်ရှင်ကအစ ဟိုတယ်ဝန်ထမ်းတွေနဲ့ ဟိုတယ်မှာလာရောက် တည်းခိုတဲ့ လူတွေအထိ လူတွေအများကြီးရဲ့ကိုယ်စီ အချစ်ရေးတွေ လူမှုရေးလေးတွေကို . ဟာသလေးနှောပြီး ရိုက်ကူးထားပါတယ်... Casts တွေက ခေါင်းဆောင် မင်းသား မင်းသမီးနေရာကပဲ သရုပ်ဆောင်တဲ့ သူတွေ အများကြီးပါ၀င်ပါတယ်.. ကိုယ်ကြိုက်တဲ့ Casts ပါလို့ ကြည့်မယ်ဆို ရင် တောင်ဒီကားလေးမှာ ကိုယ်ကြိုက်တဲ့ သူတွေ အများကြီးကို တစ်ကားထဲ ကြည့်ရမှာပါနော်.... Casts တွေကတော့ Lee Dong Wook, Han Jimin, KangHaNeul, Im Yoona, Won Jina, Seo Kangjoon, KimYoungKwang, Lee Kwang Soo, Go Sunghee, Lee Jin Wook, Jo Junyoung, Lee Kyuhyung, Lee Hyeyoung တို့ဖြစ်ပါတယ်.... File Size :(2.12GB) ,(1.12GB) & (425MB) Quality : WEB-DL 1080P, 720p Format…mp4 Duration…02:17:00 Genre : Romance , Drama Subtitle : Myanmar Subtitle (Hard Sub) Translated by Shoon EiPhyu & Lwin Lwin Aung Encoded by Phyo Pyae

The Miracle : Letters to President (2021) IMDb - 7.7/10 ဒရမ်မာကို ဟာသလေးနှောပြီး ကြည့်ချင်သူများအတွက် ၂နာရီစာလောက်ပဲရှိတဲ့ ဇာတ်ကားကောင်းလေး တစ်ကားကို တင်ဆက်ပေးပါရစေ Cast တွေကတော့ Girl's Generation ထဲက Yoon-Ah နဲ့ Hellbound မီနီစီးရီးထဲက Park Jung Min တို့ ခေါင်းဆောင်အနေနဲ့ ပါဝင်ထားတာပဲ ဖြစ်ပါတယ်။ ဇာတ်လမ်းအကျဉ်းကတော့ ..... အချိန်ကာလအားဖြင့် ၁၉၈၀ ပြည့်နှစ်ဝန်းကျင် ကိုရီးယား ဂယောင်းဆန်းခရိုင်မှာ ရွာရဲ့လိုအပ်ချက်ကို ဖြည့်ဆည်းပေးချင်တဲ့အတွက် သမ္မတကြီးဆီကို စာတွေအမြဲပို့ပေးခဲ့တဲ့ ဉာဏ်ကြီးရှင် ဂျွန်းဂယောင်းနဲ့ ဂျွန်းဂယောင်းရဲ့အိမ်မက်ကိုနားလည်သွားတဲ့ ကောင်မလေး လာဟီးတို့ရဲ့ ကြိုးစားမှုရယ် အဖေနဲ့ မောင်လေးကိုပဲ ဦးစားပေးလာတဲ့ ဂျွန်းဂယောင်းအစ်မ ဘိုဂယောင်းနဲ့ သားနဲ့ ဆက်ဆံရေး စိမ်းသက်သက်ဖြစ်တဲ့ သားအဖနှစ်ဦးကြားက သံယောဇဉ်... ဒီလိုဆန်းပြားတဲ့ ကာရိုက်တာတွေကို ဘယ်လိုတင်ဆက်ပေးမလဲဆိုတာကို The Miracle : Letters to President မှာ ကြည့်ရှုပေးကြပါနော် ဘာသာပြန်သူကတော့ အပြည့်အဝညွှန်းပေးချင်ပါတယ် အညွှန်း နဲ့ ဘာသာပြန်ကတော့ Thuu Thuu ပဲ ဖြစ်ပါတယ်။ Genre.....Drama Quality….WEB-DL 1080p and 720p and 480p File size… 1.6GB and 1GB and 500MB Format…mp4 Duration….1h 57min Subtitle….Myanmar Subtitle (Hardsub) Translator ..... Thuu Thuu Encoder ..... August

ဒီတစ်ခါတော့ ကိုးရီးယားဒရမ်မာတွေကကြားကနေ တစ်မူကွဲထွက်နေတဲ့ ဇာတ်လမ်းလေးတစ်ခုကို မိတ်ဆက်ပေးချင်ပါတယ် Hush ဆိုတဲ့ ဒီဇာတ်လမ်းတွဲကတော့ သတင်းထောက်တွေရဲ့ နေ့စဉ်ဘဝဖြတ်သန်းမှုတွေ အခက်အခဲတွေနဲ့ ကြုံတွေ့ရတဲ့ ပြသနာတွေကို ရိုက်ကူးပုံဖော်ထားတဲ့ Office drama ပါ ဝါရင့်သတင်းထောက်တစ်ယောက်ဖြစ်တဲ့ ဟန်ဂျွန်ဟျော့ဟာ အစပိုင်းမှာတော့ တရားမျှတမှုတွေကိုဖော်ထုတ်ပေးချင်တဲ့ ရည်ရွယ်ချက်နဲ့ အလုပ်ဝင်ခဲ့သူပါ ကြာလာတော့ စိတ်ကူးနဲ့လက်တွေ့ကြားထဲမှာ လမ်းပျောက်နေတဲ့သူပေါ့ ခင်ပွန်းသည်တစ်ယောက်အဖြစ်ရော ဖခင်တစ်ယောက်အဖြစ်ပါ တာဝန်ယူထားရတဲ့သူဟာ ကိုယ်ရေးကိုယ်တာပြသနာတွေနဲ့ လုံးထွေးနေရပါတယ် လီဂျီဆူကတော့ မှန်တယ်ထင်ရင် ဘာမဆိုပြောတတ် လုပ်တတ်တဲ့သူပါ သူသတင်းထောက်အဖြစ်အလုပ်ဝင်တော့ ဟန်ဂျွန်ဟျော့နဲ့တွေ့ပြီး သတင်းထောက်စစ်စစ်တစ်ယောက်ဖြစ်လာဖို့ ကြိုးစားရင်း ဘယ်လိုတွေနဲ့ ရင်ဆိုင်ရမလဲဆိုတာ ကြည့်ရှုရမှာပါ သတင်းထောက်တွေရဲ့ စိတ်ကူးနဲ့လက်တွေ့ကွာဟချက်များပဲ ဖြစ်ပါတယ် အပတ်စဉ် သောကြာနေ့နဲ့ စနေနေ့တိုင်း JTBC ကနေ ထုတ်လွင့်ပြသသွားမှာပါ Review by ~ Amelia Translated by : Thin Zar Htet ~ Jerrica ~ Thet Hnin Hsu ~ Phue Nge ~ Amelia ~ Hazel ~ Emily ~ May Tu Aung Encoded by : YK

EXIT (2019) IMDb Rating (7.0) 2019 မှာ ထွက်ရှိခဲ့ပြီး IMDb 7 ရှိတဲ့ EXIT ဆိုတဲ့ disaster comedy ဇာတ်ကားလေးကို ပြန်လည် တင်ဆက်ပေးလိုက်ပါတယ်ရှင်။ ဒီကားလေးက 2019 ခုနှစ်ရဲ့ ထွက်ရှိသမျှ ကိုရီးယားရုပ်ရှင်တွေထဲမှာ တတိယဝင်ငွေအမြင့်ဆုံးရုပ်ရှင်တစ်ကားလည်း ဖြစ်ပါတယ်။ သရုပ်ဆောင်တွေအနေနဲ့ Hospital Playlist မင်းသား Jo Jung Suk နဲ့ Girls’ Generation အဖွဲ့ဝင် Im Yoona တို့ပါဝင်ထားပါတယ်။ ယုံးနမ် (Jo Jung Suk) ဟာ ကျောင်းပြီးထားတာနှစ်အတော်ကြာပြီ ဖြစ်ပေမဲ့ အလုပ်ကောင်းကောင်း တစ်ခုရဖို့ ကြိုးစားနေရဆဲ လူငယ်တစ်ယောက်ပါ။ သူ့ရဲ့ ဝါသနာကတော့ တက္ကသိုလ်ကျောင်းသား ဘဝကတည်းက တက်တက်ကြွကြွ ပါဝင်ခဲ့တဲ့ တောင်တက်အားကစားပဲ ဖြစ်ပါတယ်။ ဇာတ်လမ်းရဲ့အစမှာတော့ ယုံးနမ်ရဲ့ မိခင် အသက်၇၀ပြည့်မွေးနေ့အတွက် ခန်းမတစ်ခုမှာ မွေးနေ့ပွဲ ကျင်းပနေကြတာပဲ ဖြစ်ပါတယ်။ အဲဒီမွေးနေ့ပွဲမှာပဲ ယုံးနမ်နဲ့ အွီဂျူ (Im Yoona) တို့ တွေ့ဆုံဖြစ်ခဲ့ကြပါတယ်။ အွီဂျူက သူတို့ပွဲလုပ်နေတဲ့ ဟိုတယ်က လက်ထောက်မန်နေဂျာဖြစ်ပြီး နှစ်ယောက်က ကျောင်းသားဘဝမှာ ဇာတ်လမ်းတွေရှိခဲ့ကြတယ်ပေါ့… တိတိကျကျပြောရမယ်ဆိုရင်တော့ ယုံးနမ်ဘက်က အွီဂျူအပေါ်မှာ စိတ်ရှိနေသေးတာပါပဲ။ ဒီလိုနဲ့ မွေးနေ့ပွဲကျင်းပနေတဲ့အချိန်မှာပဲ ရုတ်တရက်ဆိုသလို လူသေစေနိုင်တဲ့ အဆိပ်ငွေ့တွေဟာ ဆိုးလ်မြို့အနှံ့ကို ပျံ့နှံ့လာပါတော့တယ်။ ဒီလိုနဲ့ သူတို့နှစ်ယောက်အတူတူ ခန်းမထဲကလူတွေကို ကယ်ထုတ်ရင်း ကိုယ်တိုင်ပါ လွတ်မြောက်အောင် ကြိုးစားရတော့တာပေါ။ ဇာတ်လမ်းပုံစံကတော့ Disaster ကားတွေရဲ့ပုံစံအတိုင်းပါပဲ။ ဒါပေမဲ့ Comedy ပုံစံသွားထားတာဆိုတော့ အရမ်းစိတ်နှစ်ပြီး ကြည့်စရာမလိုဘဲ ပေါ့ပေါ့ပါးပါး ကြည့်ရှုလို့ရပါတယ်။ စိတ်ပင်ပန်းမှုတွေ လျှော့ချချင်ရင် အခုပဲ ကြည့်ကြည့်လိုက်ပါတော့နော်… File Size : 1.68GB/ 850MB Quality : BluRay 1080p 5.1 CH/ 720p Format : mp4 Duration : 1hr 44m Genre : Action, Thriller, Comedy, Drama Subtitle : Myanmar Subtitle (Hard Sub)

ဒီဇာတ်ကားလေးကတော့ ငယ်ရွယ်ပြီး ရည်မှန်းချက် ကြီးမားတဲ့ အိမ်ရှေ့စံနဲ့ သူ့ရဲ့ ကံကြမ္မာကို ပုံဖော်ပေးတဲ့ လူငယ်လေးနှစ်ယောက်ရဲ့ ဇာတ်လမ်းဖြစ်ပါတယ် အိမ်ရှေ့စံ ဝမ်ဝန်းဟာ မွေးလာကတည်းက မြွေတစ်ကောင်လို ထက်မြက်တဲ့ ဉာဏ်ပညာ ကြည့်ကောင်းတဲ့ရုပ်ရည်၊ သံလိုက်လို ဘယ်အရာကိုမဆို ဆွဲဆောင်တတ်တဲ့ အကျင့်စရိုက်မျိုးပိုင်ဆိုင်ထားတယ် အိမ်ရှေ့စံဟာ နူးညံ့သိမ်မွေ့တဲ့ အကျင့်စရိုက် ရှိသလောက် တခြားတိုင်းပြည်ကို သိမ်းပိုက်ချင်တဲ့အထိကိုရည်မှန်းချက်ကြီးမားသူတစ်ယောက်ပါ သူ့ဆီမှာ ရင်းလို့ခေါ်တဲ့ ငယ်စဉ်ကတည်းက အတူသွား အတူစား အမြဲအတူနေခဲ့ကြတဲ့ ငယ်သူငယ်ချင်း လူယုံတော်လည်း ရှိတယ် ငယ်ရွယ်စဉ်အချိန်တုန်းက ဝမ်ဝန်းဟာ ဆန်ဆိုတဲ့ မိန်းကလေးနဲ့ မမျှော်လင့်သော အကြောင်းအရာတစ်ခု‌ ‌ကြောင့် တွေ့ဆုံခဲ့ကြတယ် နောက်ပိုင်း ကြီးပြင်းလာပြီး ပြန်ဆုံတွေ့ကြတဲ့အခါမှာ ဆန်ဆိုတဲ့ မိန်းကလေးက အိမ်ရှေ့စံရဲ့ နှလုံးသားထဲ ဝင်ရောက်လာခဲ့ပါတယ် ဒါပေမဲ့ ဆန်ဆိုတဲ့ မိန်းကလေးကို အိမ်ရှေ့စံရဲ့ ငယ်သူငယ်ချင်းဖြစ်သူ ရင်းကလည်း မြင်မြင်ချင်း ချစ်မိနေခဲ့တယ် သို့ပေမဲ့ သူငယ်ချင်းဖြစ်သူ အိမ်ရှေ့စံကို မနာကျင်စေချင်တာကြောင့် သူ့ခံစားချက်တွေကို ဆန်မသိအောင် ဖုံးကွယ်ထားခဲ့ပြီးတော့ သုံးယောက်သား အရင်းနှီးဆုံးသူငယ်ချင်းတွေ အဖြစ် ကျင်လည်ခဲ့ကြတယ် တစ်နေ့မှာ ဆန်က ရင်းရဲ့ ခံစားချက်တွေကို ရိပ်မိသွားခဲ့ရာ.... သူတို့ရဲ့ ဆက်ဆံရေးတွေ ဘယ်လိုပြောင်းလဲသွားမလဲဆိုတာကိုတော့ ဇာတ်လမ်းလေးထဲမှာပဲ ကြည့်ရှုအားပေးလိုက်ကြပါဦးနော် အညွှန်းကို Miri မှ ရေးသားပေးထားပါတယ် Episodes: 20 Aired: Jul 17, 2017 - Sep 19, 2017 Aired On: Monday, Tuesday Original Network: MBC, Viki Genres: Historical, Romance, Drama, Political Translated by Miri, Eric, Khin Ni, Vanessa, Zoronoa & Alice Encoded by AHtet

Confidental Assignment (2017) ကလေးအဖေဖြစ်သွားပြီဖြစ်တဲ့ နာမည်ကြီးမင်းသား ဟျွန်ဘင်း၊ သူ့ဇနီးဖြစ်သူ ဆုန်းရယ်ဂျင်းနဲ့ရိုက်ကူးထားတဲ့ဇာတ်လမ်းတွဲကို အများစုက မြောက်ကိုရီးယားဗိုလ်ကြီးကားဆိုပြီး လူသိများကြပါတယ်... မင်းသားက မြောက်ကိုရီးယားဗိုလ်ကြီးကားကနေတစ်ဆင့် လက်တွေ့ဘဝမှာ ဖူးစာစုံခဲ့သလို မြောက်ကိုရီးယားလူမျိုး Character ကလည်း မင်းသားနဲ့အတော်လေး လိုက်ဖက်ပြီး အကျိုးပေးတယ်ပြောရပါမယ်... အခုတင်ဆက်ပေးတဲ့ Confidential Assignment ဇာတ်ကားကလည်း မြောက်ကိုရီးယားက ဗိုလ်မှူး Character ဖြစ်တဲ့အပြင် Girl Generation အဖွဲ့က Idol ယွန်းနာနဲ့ ဟာသနာမည်ကြီးမင်းသားကြီး ယူဟယ်ဂျင်းတို့ ပါဝင်ရိုက်ကူးထားတဲ့ ကားကောင်းလေးဖြစ်လို့ မသိတဲ့သူ ရှိမယ်မထင်ပါဘူး... ဇာတ်လမ်းအကျဉ်းကတော့.... မြောက်ကိုရီးယားသမ္မတက စက်ရုံထောင်ပြီးတော့အထိ ဘယ်လိုနောက်ဆုံးပေါ်စက်တွေနဲ့စစ်စစ် အတုဆိုတာမပေါ်နိုင်တဲ့ အမေရိကန်ဒေါ်လာငွေ ငွေစက္ကူရိုက်ပလိတ်ပြားကို လျှို့ဝှက်ပြီး ဖန်တီးနေခဲ့ပါတယ်... အဲဒါကို လာခိုးမဲ့သူတွေရှိတယ်လို့ သတင်းရထားတဲ့ ဗိုလ်မှူး အင်မ်ချောလျောင်းကတော့ အထက်အမိန့်အရ သူ့ရဲ့နောက်လိုက်အဖွဲ့နဲ့အတူ အသင့်အနေအထားနဲ့ စစ်ဆင်ရေးစတင်ဖို့ စောင့်ဆိုင်းနေခဲ့ပါတယ်... အဲဒီအချိန်မှာ ကင်းပုန်းစောင့်နေတဲ့နေရာဆီ ထမင်းမစားရမှာစိုးလို့ဆိုပြီး ချောလျောင်းရဲ့မိန်းမဖြစ်သူကလည်း ထမင်းဘူးလေးကိုင်ပြီး ယောကျ်ားဖြစ်သူကို ထမင်းဝင်အောင်ကျွေးဖို့ရောက်လာခဲ့ပါတယ်... ဒီလိုကနေ အထက်လူကြီးက အသင့်အနေအထားပဲနေခိုင်းနေပေမဲ့ အခြေအနေမဟန်ဘူးထင်တဲ့ ချောလျောင်းက စက်ရုံထဲကိုအဖွဲ့နဲ့ဝင်သွားပြီး စစ်ဆင်ရေးစတင်ခဲ့ပါတယ်... ဒါပေမဲ့ ပလိတ်ပြားကို ခိုးယူမဲ့သူတွေက သူထင်ထားသလို ပြင်ပကလူမဟုတ်ဘဲ သူ့ရဲ့အထက်လူကြီးကိုယ်တိုင်ဖြစ်နေတဲ့အခါ .. ဝင်ရှုပ်တာပဲဆိုတဲ့သဘောနဲ့ ချောလျောင်းရဲ့မိန်းမအပါအဝင် သူ့လက်အောက်က တပ်ဖွဲ့တစ်ခုလုံးကိုပါ ခေါင်းဆောင်ဖြစ်သူ ချာဂီဆောင်းက သူ့ရှေ့မှာ ပစ်သတ်ပြခဲ့ပါတယ်... ပြီးတာနဲ့ ချာဂီဆောင်းက ပလိတ်ပြားတွေကို ခိုးယူပြီး တောင်ကိုရီးယား ဆိုးလ်မြို့ဆီ သူ့လက်အောက်ငယ်သား တပ်ဖွဲ့ဝင်တွေနဲ့အတူ နိုင်ငံကူးပြီးပြေးသွားခဲ့ပါတယ်... အခင်းဖြစ်နေရာမှာ ပစ်ခတ်ခံခဲ့ရပေမဲ့ အသက်မသေခဲ့တဲ့ အင်မ်ချောလျောင်းက ချာဂီဆောင်းကို လက်စားချေချင်တဲ့စိတ်သက်သက်နဲ့ မြောက်ကိုရီးယားသမ္မတရဲ့ လျှို့ဝှက်ဖန်တီးထုတ်လုပ်ထားတဲ့ ပလိတ်ပြားတွေကို လူမသိအောင် ပြန်ယူလာဖို့စေလွှတ်တဲ့ တောင်မြောက်ပူးတွဲစစ်ဆင်ရေးမှာပါဝင်ဖို့ လိုက်ပါသွားခဲ့ပါတယ်... အဲဒီကနေ တောင်ကိုရီးယားဘက်က စုံထောက်ဖြစ်သူ ဂန်ဂျင်းထယ်နဲ့ တွဲဖက်အဖြစ် ဟန်ပြတာဝန်ပေးခံရပါတော့တယ် ပလိတ်ပြားကိုပါအရသိမ်းချင်ပြီး ချာဂီဆောင်းကို လက်ရဖမ်းမိအောင်လုပ်ရမယ်ဆိုတဲ့ တောင်ကိုရီးယားအထက်ပိုင်းတွေရဲ့ အမိန့်ကိုနာခံနေရတဲ့ ဂန်ဂျင်းထယ် ပလိတ်ပြားကို တောင်ကိုရီးယားကပါ မသိစေရဘဲ တိတ်တိတ်လေးပြန်ရအောင် ယူလာနိုင်ရမယ်၊ ကိုယ်ရေးကိုယ်တာခံစားချက်တွေ မပါစေနဲ့ဆိုတဲ့ မြောက်ကိုရီးယားအကြီးအကဲရဲ့ အမိန့်ကိုနာခံနေရတဲ့ အင်မ်ချောလျောင်း ဒီလိုတောင်မြောက်စုံထောက်နှစ်ဦးကြားက တူညီတဲ့စစ်ဆင်ရေးအောက်မှာ မတူညီတဲ့ Mission တွေကို ဘယ်လိုလုပ်ဆောင်ကြမလဲ တစ်ယောက်အကြောင်းတစ်ယောက် သိသွားကြမှာလား သိသွားရင်ရော ရန်သူဖြစ်သွားမလား၊ မိတ်ဆွေဖြစ်သွားမလားဆိုတာကို ခပ်မိုက်မိုက် အက်ရှင်ဇာတ်ဝင်ခန်းတွေနဲ့ ခံစားကြည့်ရှုရမှာဖြစ်ပါတယ် File size…    1.96 GB /  844 MB Quality… BluRay 1080p / 720p Format… mp4 Duration…. 2h 4m Genre ..... Action, Thriller, Comedy, Drama Subtitle…. Myanmar Subtitle (Hard Sub) Encoder…. AHtet Translated by Chothet_mlmt

IMDb Rating (7.8) The K2 ဆိုတဲ့ ကိုရီးယား ဇာတ်လမ်းတွဲလေးကို 4K Quality ထိ Quality Update တင်ဆက်လိုက်ပါတယ်။ ဒီဇာတ်ကားဟာ အပိုင်း ( ၁၆ ) ပိုင်းတိတိထုတ်လွင့်မှာဖြစ်ပြီးတော့ ထုတ်လွင့်တဲ့ Network ကတော့ TVN ရုပ်သံလိုင်းဖြစ်ပါတယ်။ ရိုက်ကူးသူဒါရိုက်တာကတော့ Kwak Jung-Hwan ဖြစ်ပြီးဇာတ်လမ်းရေးသားသူကတော့ Jang Hyeok-Rin ဖြစ်ပါတယ်။ အဓိကသရုပ်ဆောင်တွေအနေနဲ့ 2015 တုန်းက Healer ( K- Drama ) မှာသရုပ်ဆောင်ခဲ့ပြီး လူကြိုက်များခဲ့တဲ့ Ji Chang-Wook နဲ့အတူ မင်းသမီးအနေနဲ့ Korea နာမည်ကြီး K Pop Girl Group တစ်ခုဖြစ်တဲ့ Girl's Generation (SNSD) အဖွဲ့က အဆိုတော်မလေး Yoona ကနေ ပါဝင်သရုပ်ဆောင်ထားပါတယ်။ ဇာတ်လမ်းအညွှန်း အထူးတပ်ဖွဲ့ဝင် တစ်ယောက်ဖြစ်တဲ့ ကင်မ်ဂျယ်ဟာ က အီရတ်မှာ မတရားချောက်ချခံရပြီးရာထူးမှ ထုတ်ပယ်ခံရချိန်မှာ ထွက်ပြေးခဲ့တာကြောင့် Interpol ကအလိုရှိတဲ့သူတစ်ယောက်ဖြစ်လာပါတယ်။ စပိန် နိုင်ငံ ဘာစီလိုနာမြို့မှာ တိမ်းရှောင်နေရင်းကိုရီးယားပြန်လာဖို့ ကြိုးစားနေတဲ့အချိန်မှာ ချုပ်နှောင်ခံရမှုကနေလွတ်မြောက်ပြီး ဖခင်ဖြစ်သူနဲ့တွေ့ရှိနိုင်ဖို့ကြိုးစားနေတဲ့မိန်းမငယ်လေး အန်နာ နဲ့ စတင်ဆုံဆည်းခဲ့ပါတယ်။ ဒီလိုနဲ့ ကင်မ်ဂျယ်ဟာ ကိုရီးယားကို ပြန်ရောက်ချိန်မှာတော့ သာမန်နေ့စားလုပ်သားတစ်ယောက်အနေနဲ့အသက်မွေးဝမ်းကြောင်းပြုရင်း အမှုမဲ့အမှတ်မဲ့ အမတ်လောင်းတစ်ဦးရဲ့အရှုပ်အရှင်းကို မမြင်သင့်ပဲ မြင်ခဲ့လို့ သမ္မတလောင်းရဲ့ဇနီးသည် ချွဲယူဂျင်း က သူ့ကို အပြတ်ရှင်းထုတ်ပစ်ဖို့စီစဉ်ခဲ့ပါတယ်။ ဒါကို ပါးနပ်လွန်းတဲ့ ကင်မ်ဂျယ်ဟာက လက်ဦးမှုယူပြီး သမ္မတလောင်းကတော်ကိုပြန်ပေးဆွဲကာ သူနဲ့ပတ်သက်တဲ့သူတွေနဲ့သူ့ကိုထပ်မံပြီး ဒုက္ခပေးတာမျိုးမရှိအောင် သတိပေးဖို့ကြိုးစားစဉ်မှာ ထပ်ဆင့်လုပ်ကြံမှုတစ်ခုနဲ့ကြုံတွေ့ခဲ့ရတယ်။ သူ့ကို ထပ်မံလုပ်ကြံသူတွေက တစ်ချိန်ကအီရတ်မှာ သူ့ချစ်သူ ရာနီယာ ကိုသတ်ခဲ့တဲ့ ပုဂ္ဂိုလ်ဆိုတာသိပြီး လက်စားချေဖို့အတွက် ချွဲယူဂျင်းနဲ့လက်တွဲပြီး JSS အဖွဲ့ရဲ့အထူးသက်တော်စောင့် တစ်ယောက်အနေနဲ့သူမုန်းတီးတဲ့ နိုင်ငံရေးလောကနဲ့ပြန်လည်ပတ်သက်ဖို့အကြောင်းဖန်လာခဲ့တယ်။ ချွဲယူဂျင်း က တော့ JB ကုမ္ပဏီဥက္ကဌကြီးရဲ့ သမီးကြီးတစ်ယောက်ဖြစ်ပါတယ်။ JSS အဖွဲ့မှာ K2 ဆိုတဲ့ Code Name ကို လက်ခံရရှိခဲ့တဲ့ ကင်မ်ဂျယ်ဟာတစ်ယောက် သူ ကာကွယ်ပေးရမဲ့သမ္မတလောင်းရဲ့သမီးက ဘာစီလိုနာမှာဆုံတွေ့ခဲ့ဖူးတဲ့ အန်နာ ဆိုတဲ့ မိန်းမငယ်လေးဖြစ်နေတာကို သိခဲ့ရပြီး သူတို့သားအဖ နှစ်ယောက်ရဲ့ဒုက္ခတွေကိုပါ ကူညီနိုင်ဖို့ကြိုးစားရင်း အန်နာ ကို ကာကွယ်ပေးရတဲ့ သက်တော်စောင့်တစ်ဦးဖြစ်လာခဲ့ပါတယ်။ နောက်ပိုင်းမှာတော့ ချွဲယူဂျင်းရဲ့ရက်စက်လွန်းလှတဲ့ အစီအစဉ်တွေ ရှုပ်ထွေးလွန်းလှတဲ့ နိုင်ငံရေးလှည့်ကွက်တွေနဲ့ စီးပွားရေးကုမ္ပဏီတစ်ခုဖြစ်တဲ့ JB ကုမ္ပဏီ ရဲ့ ပြဿနာ အရှုပ်အရှင်းတွေကြားထဲမှာ K2 တစ်ယောက် အန်နာ ကိုကာကွယ်ပေးနိုင်ပါ့မလားဆိုတာတော့ ဆက်လက်စောင့်ကြည့်ရမှာဖြစ်ပါတယ်။ ရင်ခုန်စိတ်လှုပ်ရှားဖို့ကောင်းတဲ့ အက်ရှင် ဇာတ်လမ်းတွဲပြီးပြီး Romance ဆန်တဲ့ ဇာတ်ဝင်ခန်းတွေလည်းပါတာကြောင့် CM ပရိသတ်တို့အကြိုက်တွေ့မယ့် ဇာတ်လမ်းတွဲလေးဖြစ်မယ်ထင်ပါတယ်။ File size…(3 GB) / (1.7 GB) / (600 MB) Quality….WEB-DL UHD 4K HEVC/ 1080p HEVC / 720p Format…. mkv/mp4 Genre….Drama, Romance, Thriller Duration….01:10:00 Subtitle….Myanmar Subtitle (Hardsub) Encoder….Ka Naung