Zhan Yu ပါဝင်သော ဇာတ်ကားများ

ဒီတစ်ခါမိတ်ဆက်ပေးချင်တာကတော့ Rebirth, Female Empowerment ကိုမှ Revenge Drama ပုံစံလေးပါ။ လက်စားချေတာဆို‌တော့ ဇာတ်အိမ်က အကွက်ကျကျ လက်စားချေမှုနဲ့ လျှို့ဝှက်ဆန်းကြယ် Plot Vibe မျိုးဖြစ်မှာကတော့ ပြေးကြည့်ရင်တောင် မောနေပါဦးမယ်။ အဓိကဇာတ်ဆောင်တွေအဖြစ် အလှလေး He Xuanlin နဲ့ ကိုလူချောလေး Zhan Yu တို့က တွဲဖက်သရုပ်ဆောင်ထားကြပါတယ်။ ဇာတ်လမ်းအညွှန်း >>> မိသားစုတစ်စုလုံး မတရားသတ်ဖြတ်ခံလိုက်ရတဲ့ ဆိုးရွားလှတဲ့အဖြစ်ဆိုးကြီးကနေ ကံကောင်းထောက်မစွာနဲ့လွတ်မြောက်လာခဲ့သူ ရှန်းလီဟာ သူ့ရဲ့မူလအထောက်အထားကိုဖုံးကွယ်ကာ ကုဟန်ရီးဆိုတဲ့နာမည်အသစ်တစ်ခုကို ပြောင်းခဲ့ပါတယ်။ သူဟာ မိသားစုအတွက် လက်စားချေဖို့ရည်ရွယ်ပြီး ဆေးပညာနဲ့စစ်ဗျူဟာပညာတွေကို အပြင်းအထန်လေ့ကျင့်ရင်း အချိန်နှစ်ပေါင်းများစွာကြိုတင်ပြင်ဆင်ခဲ့တာပေါ့။ ဒါ့ပြင် ကုဟန်ရီးဟာ သူနဲ့ကံကြမ္မာတူညီတဲ့ အမျိုးသမီးမဟာမိတ်အဖွဲ့အစည်းကြီးတစ်ခုကို တိတ်တဆိတ်ဖွဲ့စည်းခဲ့ပြီး မိသားစုကို သတ်ဖြတ်ခဲ့တဲ့တရားခံတွေကို တစ်ယောက်ပြီးတစ်ယောက် ရှာဖွေအပြစ်ပေးခဲ့ပါတယ်။ ဒါပေမဲ့ ပထမရန်သူနှစ်ယောက်ကို ချေမှုန်းအပြီး သတ်ဖြတ်မှုနောက်ကွယ်က လူသားစားပန်းပုံတက်တူးနဲ့ တကယ့်ကြိုးကိုင်သူခေါင်းဆောင်ကြီးကို စုံစမ်းမိလိုက်ချိန်မှာတော့ အဲဒီကြောက်စရာကောင်းလှတဲ့တရားခံအမှန်ဟာ သူနဲ့အနီးကပ်ဆုံးမှာ အမြဲတမ်းရှိနေခဲ့သူဖြစ်နေမှန်း မထင်မှတ်ဘဲ ထိတ်လန့်ဖွယ်သိရှိသွားခဲ့ရပါတော့တယ်။ ဒီ Short C-Drama လေးက Female-Led Revenge နဲ့ Suspense Romance အမျိုးအစား ဖြစ်လို့ တကယ့်ကို ရင်တထိတ်ထိတ်နဲ့ကြည့်ရမှာပါ။ မဟာမိတ်အဖွဲ့နဲ့ အကွက်ကျကျ လက်စားချေမဲ့ Strong Female Lead ဖြစ်လို့ ကြည့်ရတာ အရမ်းကျေနပ်စရာကောင်းမှာကျိန်းသေပါပဲနော်။ Total Episodes : 24 Quality : WEB-DL 1080p Format : mp4 Genres : Romance, Drama Runtime :15 min Subtitle : Myanmar Subtitle ( Hardsub )

ဒီတစ်ခါ မိတ်ဆက်ပေးချင်တာလေးကတော့ ‌လူ့လောကရဲ့အရှုပ်အထွေးတွေကြားမှာ ပွင့်လန်းလာမဲ့အချစ်ဇာတ်လမ်းလေးတစ်ပုဒ်ကို လှလှပပပုံဖော်ထားတဲ့စီးရီးအသစ်လေးပါ။ ဒီစီးရီးမှာ အချစ်ရိပ်နွေးနွေးလေးအပြင် သိုင်းလောကရဲ့ရှုပ်ထွေးမှုကိုပါမြင်ရမှာကြောင့် သိုင်းကွက်လှလှလေးတွေပါ ခံစားရစေမဲ့ဇာတ်လမ်းလေးမို့ ပရိတ်သတ်တို့လဲ အကြိုက်တွေ့လောက်မှာပါနော်။ ဒီစီးရီးရဲ့အဓိကဇာတ်ကောင်တွေက Zhu Zheng Ting နဲ့ မမလှလှလေး Lu Yang Yang တို့က လိုက်ဖက်ညီညီသရုပ်ဆောင်ထားကြပါတယ်။ ဇာတ်လမ်းအညွှန်း >>> ကျင်းလန်မြို့က ဟန်မိသားစုဆိုတာ မျိုးရိုးစဉ်ဆက် နန်းတွင်းသမားတော်ကြီးတွေဖြစ်ပြီး သူတို့ရဲ့ဆေးပညာဟာ တစ်တိုင်းပြည်လုံးမှာ နာမည်ကျော်ပါတယ်။ ဒီမိသားစုရဲ့မျိုးဆက်ဖြစ်တဲ့ ဟန်ယွင်လင်ဟာလဲ မိသားစုရဲ့ထုံးတမ်းစဉ်လာအတိုင်း ဆေးပညာကို ကြိုးစားသင်ယူနေသူတစ်ဦးပေါ့။ ဒါပေမဲ့ လွန်ခဲ့တဲ့ (၈) နှစ်ကဖြစ်ပွားခဲ့တဲ့ ကပ်ရောဂါဆိုးကြီးတစ်ခုမှာ ဟန်မိသားစုဟာ မဟုတ်မမှန်စွပ်စွဲခံရပြီး မိသားစုလိုက် ကွပ်မျက်ခြင်းခံခဲ့ရပါတယ်။ အဲဒီအချိန်ကစလို့ ဟန်ယွင်လင်လဲ အစအနမရှိ ပျောက်ဆုံးသွားခဲ့ပါတယ်။ (၈) နှစ်ကြာပြီးနောက် ကျင်းလန်မြို့ရဲ့နယ်စပ်မှာ စစ်ပွဲတွေပြန်ဖြစ်လာတဲ့အခါမှာတော့ အသက်ပေါင်းများစွာကိုကယ်တင်ပေးနေတဲ့ လျှို့ဝှက်ဆန်းကြယ်တဲ့သမားတော်မလေးတစ်ယောက် ပေါ်လာခဲ့ပါတယ်။ သူဟာ တခြားသူမဟုတ်ဘဲ ပျောက်ဆုံးနေတဲ့ဟန်ယွင်လင်ပါပဲ။ စစ်ပွဲတစ်ခုအပြီးမှာတော့ စစ်သူကြီးးရှောင်ချီဟာ သူနဲ့ဆုံတွေ့ခဲ့ပြီး ယွင်လင်ဟာ ငယ်ငယ်တုန်းက သူ့အသက်ကို ကယ်တင်ပေးခဲ့တဲ့သူဆိုတာကို ချက်ချင်းမှတ်မိသွားခဲ့ပါတယ်။ ရှောင်ချီဟာ သူ့ကိုထာဝရကာကွယ်ပေးဖို့ သစ္စာဆိုခဲ့သလို သူ သိုဝှက်ထားတဲ့မိသားစုရဲ့နာကျင်စရာ လျှို့ဝှက်ချက်တွေကိုလဲ တဖြည်းဖြည်းဖော်ထုတ်ပေးခဲ့ပါတော့တယ်။ ဒီဇာတ်လမ်းက Medical Romance ကိုမှ မိသားစုအတွက် ကလဲ့စားခြေခြင်းပါ ပေါင်းစပ်ထားတဲ့အတွက် တော်တော်လေးလေးနက်မှုရှိပါတယ်။ ဒါ့အပြင် စစ်မြေပြင်ကဒဏ်ရာတွေကို ဆေးပညာနဲ့ကုစားရင်း အမှန်တရားကိုရှာဖွေသွားတာက ဒီဇာတ်လမ်းရဲ့အနှစ်ချုပ်မို့ အချစ်ရိပ်တွေကြား ရင်ခုန်စိတ်လှုပ်ရှားချင်ရင်တော့ must watch ပါပဲနော်။ Total Episodes : 22 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

နွေဦးရဲ့မတ်လအစမှာ ချိုမြိန်တဲ့ဇာတ်လမ်းလေးတစ်ပုဒ် စတင်ရောက်ရှိလာပါပြီ။ Main role တွေကတော့ Scent of Time ၊ Love Me Love My Voice တို့နဲ့ပရိသတ်အချစ်ကိုအပြည့်အဝရရှိထားတဲ့ မင်းသမီးလေး Zhou Ye နဲ့ Put Your Head on My Shoulder၊ Love Scenery တို့နဲ့ကျော်ကြားခဲ့တဲ့ မင်းသားချော Lin Yi တို့ပဲဖြစ်ပါတယ်။ ယွဲ့ချန်းလင်ဆိုတဲ့ကောင်မလေးဟာ ကုရွှင်ဆိုတဲ့ကောင်လေးကို တိတ်တခိုးသဘောကျနေတာကြာခဲ့ပါပြီ။ ဘွဲ့ရခါနီးမှာ သူမရဲ့အချစ်တွေကိုဖွင့်ဟဝန်ခံခဲ့ပေမယ့် အငြင်းခံလိုက်ရပါတယ်။ အသည်းကွဲသွားတဲ့ ယွဲ့ချန်းလင်တစ်ယောက် ဂိမ်းကိုပဲနစ်မြှုပ်ကစားရင်း ဂိမ်းတွင်းသူငယ်ချင်းတစ်ယောက်ကလည်း သူမကိုနှစ်သိမ့်ပေးပါတယ်။ အဲ့ဂိမ်းထဲကသူငယ်ချင်းက ယွဲ့ချန်းလင်ကိုမျက်နှာတောင်မမြင်ဖူးဘဲ တိတ်တခိုးသဘောကျနေသူပါ။ ကံကြမ္မာရဲ့လှည့်စားချက်အရ ဖြစ်ချင်တော့ ဂိမ်းထဲကသူငယ်ချင်းဆိုသူဟာ ယွဲ့ချန်းလင်ကိုငြင်းခဲ့တဲ့ ကုရွှင် ဖြစ်နေပါတယ်။ ကိုယ်ကြိုက်နေတဲ့သူမှန်းမသိဘဲ ငြင်းလိုက်မိတဲ့ကောင်လေးနဲ့အငြင်းခံလိုက်ရပြီးနောက် ပြန်ချေမယ့်ကောင်မလေးတို့ရဲ့ ချိုမြိန်တဲ့ချစ်ဇာတ်လမ်းလေးတစ်ပုဒ်ကို ကြည့်ရှုကြရမှာဖြစ်ပါတယ်။ Quality : WEB-DL 1080p , 720p Total Episodes : 24 Format : mp4 Genres : Drama, Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Yin Wai Phyo Encoded by LK

ဒီတစ်ခါCMကနေတင်ဆက်ပေးမှာကတော့ ဟာသလေးလေးနှော ရိုမန့်လေးလည်းပါတဲ့ historical ကားကောင်းလေးတစ်ကားပါ ထန်မင်းဆက်ခေတ် ယန်ကျိုးဆိုတဲ့ချမ်းသာကြွယ်ဝတဲ့မြို့လေးမှာ အာဏာကြီးမားတဲ့တုမျိုးန်နဲ့လီမျိုးနွယ်တို့ဟာ သူတို့သမီးတွေကို လက်ထပ်ထိမ်းမြှားပေးဖို့ စီရင်ကြပါတော့တယ် မျိုးနွယ်နှစ်ခုလုံးရဲ့ လက်ထပ်ပွဲနေ့ဟာလည်း တစ်ချိန်ထဲတစ်နေ့ထဲ ကျရောက်ခဲ့ပြန်ပါရော တုပင်းယန်နဲ့လက်ထပ်မဲ့ သတို့သားကတော့ ကျန်းမာရေးချူချာတဲ့ ချီမျိုးနွယ်တတိယသား ချီထျန်လိန်ပါ ချီမျိုးနွယ်တွေမျှော်လင့်တာက ချီသခင်လေးရဲ့ ဆိုးဝါးတဲ့အခြေအနေကံတရားကြောင့် ချောမောတဲ့သတို့သမီးလေးက လှည့်ပြန်ခဲ့ရင် သူတို့ချမ်းသာမှုကိုဘယ်သူမှမပေးရတော့ဘဲ ဆက်တည်ရှိနေမှာပါ အဲ့ဒါကြောင့် ချီသခင်လေးက သေခါနီးဖြ​စ်နေပါပြီလို့ ကောလဟာလတွေ ထုတ်လွှင့်ပါတော့တယ် ချီသခင်လေးရဲ့ကောလဟာလကြောင့် တုပင်းယန်ဟာ စိတ်ပျက်မိပေမဲ့ မိဘတွေဆန္ဒအတိုင်း လက်ထပ်ပွဲကိုလက်ခံလိုက်ပါတော့တယ် တစ်ဖက်မှာလည်း လီမိသားစုဟာ လီယွီဟူကို ရက်စက်ပြီးကြမ်းကြုတ်တယ်လို့ နာမည်ကျော်ကြားတဲ့ ယွမ်ပုချူနဲ့ လက်ထပ်ပေးဖို့ စီစဥ်ပါတော့တယ် ယွမ်ပုချူရဲ့သတင်းကြောင့် လီယွီဟူကလည်း လက်မထပ်ချင်စိတ်ညစ်မိပေမဲ့ မိဘတွေသဘောအတိုင်း လက်ထပ်ပွဲကိုသဘောတူလိုက်ပါတော့တယ် လက်ထပ်မဲ့နေ့မှာ လက်ထပ်ပွဲဆီ သတို့သမီးနှစ်ဦးလုံးကို လိုက်ပို့ချိန် မိုးရွာလာတဲ့အတွက် ဘုရားကျောင်းမှာ မိုးဝင်ခိုကြပါတော့တယ် အဲ့အချိန်မှာပဲ ဘုန်းတော်ကြီးက ဓားပြတွေလာပြီလို့ပြောလိုက်သောအခါ အစေခံတွေအားလုံး ကြောက်လန့်ထွက်ပြေးကုန်ကြပါရော အဲ့လိုရုတ်ရင်းဆန်ခတ်ဖြစ်ပြီး သတို့သမီးနှစ်ယောက် လှည်းမှားပြီးလက်ထပ်ပွဲဆီရောက်လာသောအခါ....... ဒါကသူတို့အတွက် ကံကြမ္မာကစီစဥ်ပေးထားတဲ့ ဖူးစာလား? အဲ့အမှားကြောင့် ဘာတွေဆက်တွေ့ကြုံရမလဲ? သူတို့လေးယောက်လုံးဘယ်လိုရင်ဆိုင်ကြမလဲ?ဆိုတာ ဟာသလေးနှော အချစ်လေးရောပြီး စောင့်ကြည့်ပေးပါဦးနော် Quality : WEB-DL 1080p , 720p Total Episodes : 24 Format : mp4 Genres : Drama , Romance , Comedy Runtime : 45 min Subtitle : Myanmar Subtitle ( Hardsub ) Translated by CM Team Reviewed By Kong Hou Encoded by LK

The Autumn Ballad ဒီတစ်ခါ CMကနေ ဘာသာပြန်တင်ဆက်ပေးဖို့ ရွေးချယ်ထားတဲ့ ဇာတ်ကားလေးကတော့နန်းတွင်းဇာတ်ကားလေးဖြစ်တဲ့ The Autumn Ballad ပဲဖြစ်ပါတယ် ဒီကားလေးမှာတော့လက်ရှိ CM မှာပြသနေတဲ့ Dream Garden ထဲကမင်းသမီးချောလေး Qiao Xin က (ချိုးယန်း)အဖြစ် Novoland:castle in the sky 2 ထဲကမင်းသားချော Xu Zheng Xi က (လျန်ရိ)အဖြစ်အဓိကပါဝင်သရုပ်ဆောင်ထားကြတာပဲဖြစ်ပါတယ် ဇာတ်လမ်းလေးကတော့ချိုးမိသားစုရဲ့အချစ်မခံရတဲ့ချိုးယန်းမမလေးကတစ်နေ့မှာဖိအားပေးလက်ထပ်ခြင်းခံခဲ့ရတယ် ကံမကောင်းစွာနဲ့မင်္ဂလာဆောင်တဲ့နေ့မှာပဲ သတို့သားလောင်းဟာ သေသွားခဲ့ပြီးချိုးယန်းဟာလည်း အခန်းထဲမှာပိတ်လှောင်ထားခံခဲ့ရပါတယ် ချိုးယန်းကသူမရဲ့ဉာဏ်ရည်ထက်မြက်မှုနဲ့ဇွဲလုံ့လဝိရိယကိုသုံးပြီးပိတ်လှောင်ထားရာကနေလွတ်မြောက်အောင်ကြံဆောင်နိုင်ခဲ့ပါတယ် ဒါပေမယ့်လည်း အဲ့ကိစ္စကမပြီးသေးဘဲ တစ်စတစ်စပိုပိုရူပ်ထွေးတဲ့အမှုဖြစ်လာပါ‌တော့တယ် အဲ့အမှုကိုစုံစမ်းရင်းအခက်အခဲတွေကြုံတွေ့လာတဲ့အချိန်မှာအေးတိအေးစက်နိုင်တဲ့ ဦးရီတော်လျန်ရိနဲ့ရင်းနှီးကျွမ်းဝင်ခဲ့ပါ‌တော့တယ် လက်ရုံးရည်ရောနှလုံးရည်နဲ့ပါပြည့်စုံတဲ့ လျန်ရိနဲ့ဉာဏ်ရည်ထက်မြက်တဲ့ချိုးယန်းတို့နှစ်ယောက်အပြန်အလှန်ဖေးမကူညီပေးရင်း အမှုတွေ အခက်အခဲတွေကိုဘယ်လိုရင်ဆိုင်ဖြေရှင်းကြမလဲ တစ်ယောက်နဲ့တစ်ယောက် ဖေးမကူညီရင်းအချိန်တွေကြာလာတာနဲ့အမျှလျန်ရိနဲ့ချိုးယန်းတို့ရဲ့ချစ်ခြင်းမေတ္တာတွေဘယ်လိုပေါက်ဖွားလာမလဲဆိုတာကိုတော့ CMကနေ မကြာခင်မှာတင်ဆက်ပေးတော့မယ့် The Autumn Ballad ဆိုတဲ့ဇာတ်လမ်းတွဲလေးမှာ စောင့်မျှော်ကြည့်ရှု အားပေးကြပါဦးနော်~