Eddie the Eagle

ဇာတ်လမ်းအကြောင်း

အက်ဒီဟာ ငယ်ငယ်ကတည်းက အိုလံပစ်မှာ ဝင်ပြိုင်ပြီး ချန်ပီယံဖြစ်ချင်ခဲ့သူပါ။ အဲဒီအိပ်မက်နောက်ကို လိုက်ရင်း အားကစားတစ်မျိုးပြီးတစ်မျိုး စမ်းလုပ်လာခဲ့ပြီး နောက်ဆုံးမှာ နှင်းတောင်ပေါ် စကီးစီးတာကို သဘောကျသွားပါတယ်။ ဒီအားကစားမှာ ပါရမီရှိပေမယ့် အသင်းအတွက် အရွေးမခံရတဲ့အခါ စကီးစီးရင်း တောင်ပေါ်က ခုန်ချရတဲ့ အားကစားကို ပြောင်းရွေးလိုက်တယ်။ အသက်အန္တရာယ်များတဲ့ ဒီအားကစားမှာ လူသစ်တစ်ယောက်ဖြစ်တဲ့ အက်ဒီက အိုလံပစ်အထိ ရောက်ဖို့ ဘယ်လိုကြိုးစားမလဲဆိုတာ ပြထားပါတယ်။ ၁၉၈၈ အိုလံပစ်က အက်ဒီရဲ့ ဖြစ်ရပ်မှန်အကြောင်းကို အခြေခံရိုက်ကူးထားပြီး Hugh Jackman ပါဝင်သရုပ်ဆောင်ထားတဲ့ အားကစားဒရာမာဇာတ်ကားပါ။