Hive

ဇာတ်လမ်းအကြောင်း

Hive (2026) Marvel ရုပ်ရှင် Doctor Strange in the Multiverse of Madness ထဲက America Chavez အဖြစ် လူသိများတဲ့ မင်းသမီးချော Xochitl Gomez ရဲ့ ပထမဦးဆုံး Horror ခေါင်းဆောင်မင်းသမီးနေရာက ပါဝင်ထားပြီး IT ရုပ်ရှင်ဆန်ဆန်လူကြိုက်များနေတဲ့ ဇာတ်ကားဖြစ်ပါတယ် ဇာတ်လမ်းကတော့ စိတ်ဖိစီးမှုတွေနဲ့ ရုန်းကန်နေရတဲ့ ဆယ်ကျော်သက် ကလေးထိန်းမိန်းကလေးတစ်ဦး အကြောင်းကနေ စတင်ထားပါတယ်။ တစ်နေ့မှာတော့ သူမဟာ ထုံးစံအတိုင်း လူချမ်းသာမိသားစုတစ်ခုက ကလေးကိုထိန်းပေးနေရင်း ကစားကွင်းဆီ ခေါ်သွားပြီး ထိန်းကျောင်းပေးနေတုန်း... မထင်မှတ်ဘဲ သူမ တာဝန်ယူထားရတဲ့ ကလေးကရုတ်တရက်ပျောက်ဆုံး သွားပါတော့တယ်။ ကလေးကို အသည်းအသန် လိုက်လံရှာဖွေရင်း... ကစားကွင်းထဲက တခြားသော ကလေးငယ်တွေကြားထဲမှာ ပုန်းကွနေတဲ့ လူသားစားမကောင်းဆိုးဝါးကြီး ရှိနေတာကို သူမ ရိပ်မိသွားပါတယ်။ အချိန်ကြာလာတာနဲ့အမျှ ပတ်ဝန်းကျင်တစ်ခုလုံးက လက်တွေ့ဘဝလား၊ စိတ်အာရုံမှားမှုလားဆိုတာ ခွဲခြားမရအောင် ဝေဝါးလာပြီး အရာအားလုံးက လှည့်စားမှုတွေနဲ့ ပြည့်နှက်နေတဲ့ ဒီထောင်ချောက်ကမ္ဘာ ကလေးကစားကွင်းထဲကနေ... ကလေးကို ပြန်လည်ကယ်တင်ပြီး သူမကိုယ်တိုင် အသက်ရှင်လွတ်မြောက်ဖို့အတွက် အသည်းအသန် ကြိုးစားရပုံကို ရင်တမမနဲ့ ကြည့်ရမယ့် horror ကားကောင်းတစ်ကားဖြစ်ပါတယ်