ဇာတ်ကားနှင့် ဇာတ်လမ်းတွဲ ရွေးရန်

Watchful Eyes (2026) IMDb Rating (6.1) Sebastian ဟာကြေကွဲဖွယ်ရာ အတိတ်တစ်ခုကနေ ရုန်းထပြီး ဘ၀ကိုအသစ်ကပြန်စဖို့ကြိုးစားနေတဲ့ လူတစ်ယောက်ဖြစ်ပြီးလက်ရှိမှာ မိတ်ဆွေတစ်ယောက်ရဲ့အစီအစဉ်နဲ့ထိပ်တန်းတက္ကသိုလ်ဝင်းတစ်ခုထဲမှာ ယာယီကျောင်းစောင့်အဖြစ်အလုပ်ဝင်ခဲ့ပါတယ်။ သူဟာ အဲ့ဒီကျောင်းမှာတစ်ပတ်သာ တာဝန်ထမ်းဆောင်ရမှာဖြစ်ပြီး အဲ့ဒီတစ်ပတ်စာအတွက် ယူရိုငွေတစ်သောင်းဆိုတဲ့မယုံနိုင်စရာ ပမာဏကိုရရှိမှာပါ။ သူ့တာဝန်ကတော့ လုံခြုံရေးကင်မရာတွေ၊ မိုက်ခရိုဖုန်းတွေနဲ့လူသတ်မှု သံသယတရားခံကျောင်းသား ငါးဦးကိုစောင့်ကြည့်ပေးရမှာဖြစ်ပါတယ်။ ဘာမှခက်ခဲစရာမရှိတဲ့ တာဝန်လို့ထင်စရာပေမယ့် အဲ့ဒီကျောင်းသားငါးယောက်ကြားက အဖုအထစ်တွေ၊ တင်းမာမှုတွေကတစ်ဆင့် မမြင်ရတဲ့အန္တရာယ်တွေကပါ သူတို့ကို ဒုက္ခပေးလိုက်ပြီးကျောင်းသားတွေတစ်ယောက်ပြီးတစ်ယောက် ပျောက်ဆုံးစပြုလာချိန်မှာတော့..။ အီတလီဇာတ်ကားတွေထုံးစံအတိုင်း ဇာတ်လမ်းရော တင်ဆက်ပုံပါ တစ်မျိုးဆန်းသစ်ပါတယ်။ Murder Mystery ဆန်ဆန်ဇာတ်လမ်းကိုထိတ်လန့်သည်းဖိုသဘာ၀လွန်ကိစ္စတွေရောမွှေထားပြီး ထင်မှတ်မထားတဲ့ အချိုးအကွေ့နဲ့ဇာတ်သိမ်းထားတာဖြစ်လို့လက်မလွတ်သင့်တဲ့ကားကောင်းတစ်ကားပါပဲ။ File size… (480 MB) / (290 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:06:27 Subtitle…. Myanmar Subtitle (Hardsub)

Beware Boiúna [2026] +++++++++++ Beware Boiúna (၂၀၂၆) ရုပ်ရှင်ကားကတော့ အမေဇုန်တောနက်ကြီးထဲက ဒဏ္ဍာရီလာ မြွေဆိုးကြီးအကြောင်း ရိုက်ကူးထားတဲ့ ရှင်သန်ရေးနဲ့ သည်းထိတ်ရင်ဖို (Monster Horror/Survival Thriller) ဇာတ်ကားသစ်လေး ဖြစ်ပါတယ်။ ဒါရိုက်တာ Mike P. Nelson က ရိုက်ကူးထားပြီး အောက်တိုဘာလ ၂ ရက်နေ့ကစလို့ ရုံတင်ပြသခဲ့တာပါ။ ဇာတ်လမ်းကတော့ လူသားချင်းစာနာထောက်ထားမှုဆိုင်ရာ ဆေးဘက်အကူအညီပေးဖို့ အမေဇုန် မိုးသစ်တောကြီးထဲကို ရောက်လာတဲ့ ဆရာဝန်အဖွဲ့တစ်ဖွဲ့ကနေ စတင်ပါတယ်။ တောနက်ထဲမှာ သူတို့ဟာ ဘရာဇီးလ် ဒဏ္ဍာရီတွေထဲက ဘိုယူးနား Boiúna (သို့မဟုတ် Cobra Grande) လို့ခေါ်တဲ့ အလွန်ကြီးမားလှတဲ့ ရှေးဟောင်း မြွေဘီလူးကြီး တစ်ကောင်နဲ့ သွားရောက်ကြုံတွေ့ရပါတော့တယ်။ ရေပေါ်ရော ကုန်းပေါ်မှာပါ လွှမ်းမိုးနိုင်တဲ့ ဒီမြွေကြီး နိုးထလာတဲ့အခါမှာတော့ တောအုပ်ကြီးရဲ့ သဘာဝတရားကပဲ ဘယ်သူသေမလဲ၊ ဘယ်သူရှင်မလဲ ဆိုတာကို ဆုံးဖြတ်ပေးမယ့် အခြေအနေ ဖြစ်လာပါတော့တယ်။ ဆရာဝန်အဖွဲ့အနေနဲ့ ဒီကြောက်စရာကောင်းတဲ့ သဘာဝလွန် သတ္တဝါကြီးရန်ကနေ လွတ်မြောက်အောင် ဘယ်လို အသက်လု ထွက်ပြေးကြမလဲ၊ မုဆိုးနဲ့ သားကောင် အခြေအနေတွေ ဘယ်လိုပြောင်းလဲသွားမလဲ ဆိုတာကို ရင်တမမနဲ့ ကြည့်ရှုရမှာပါ။ သရုပ်ဆောင်တွေအနေနဲ့ လီနာ အဖြစ် Kiana Madeira၊ အယ်လီ အဖြစ် Jessica Rothe နဲ့ ဘရင်နန် မယ်လွိုင်း အဖြစ် Logan Marshall-Green တို့က အဓိက ပါဝင်သရုပ်ဆောင်ထားကြပါတယ်။ ဒီကားကို ကိုလံဘီယာနိုင်ငံက အမေဇုန် တောအုပ်ထဲမှာ တကယ်သွားရောက် ရိုက်ကူးထားတာဖြစ်လို့ တောတောင်ရှုခင်းတွေနဲ့ လျှို့ဝှက်ဆန်းကြယ်တဲ့ သဘာဝလေထုကို အပီပြင်ဆုံး ခံစားရမှာပါ။ Anaconda လိုမျိုး ဧရာမ သတ္တဝါကြီးတွေနဲ့ အသက်လုရတဲ့ (Creature Feature) ဇာတ်ကားမျိုးကို သဘောကျတဲ့သူတွေအတွက် အကြိုက်တွေ့စေမယ့် ဇာတ်ကားကောင်းလေးမို့ ကြည့်ရှုဖို့ ညွှန်းပေးလိုက်ပါတယ်ဗျာ။ File Size… (2.81GB) / (1.40GB) Quality… WEB-DL 1080p HEVC / 720p Format…mkv / mp4 Duration…1h 44m Genre …Action , Horror , Thriller Subtitle….Myanmar Subtitle (Hard Sub)

Resident Evil [2026] ++++++++++ IMDb Rating (7.5) / Rotten Tomatoes (96%) Resident Evil (၂၀၂၆) ရုပ်ရှင်ကားဟာ နာမည်ကြီး Resident Evil ဗီဒီယိုဂိမ်းကို အခြေခံပြီး ဒါရိုက်တာ ဇက်ခ် ခရက်ဂါ (Zach Cregger) က အသစ်ပြန်လည် အသက်သွင်း (Reboot) ရိုက်ကူးထားတဲ့ သည်းထိတ်ရင်ဖို ဇာတ်ကားကြီး ဖြစ်ပါတယ်။ ၂၀၂၆ ခုနှစ် စက်တင်ဘာလမှာ ရုံတင်ပြသခဲ့ပြီး ရုံတင်ဝင်ငွေ ဒေါ်လာ သန်း ၄၀၀ အထိ ရရှိကာ ဂိမ်းအခြေခံ ရုပ်ရှင်တွေထဲမှာ အအောင်မြင်ဆုံးနဲ့ ဝေဖန်ရေးဆရာတွေရဲ့ ချီးကျူးမှုကို အများဆုံးရထားတဲ့ ဇာတ်ကားဖြစ်ပါတယ်။ ဇာတ်လမ်းအကျဉ်း +++++++++++ ဒီကားရဲ့ ဇာတ်လမ်းက ဂိမ်း Resident Evil 2 (၁၉၉၈) ရဲ့ အဖြစ်အပျက်တွေနဲ့ အပြိုင်ဖြစ်ပျက်နေတာပါ။ ဘရိုင်ယန် (Austin Abrams) ဆိုတဲ့ ဆေးဘက်ဆိုင်ရာ ပစ္စည်းပို့သမားလေး တစ်ယောက်က ကော်လိုရာဒို တောင်တန်းတွေပေါ်မှာရှိတဲ့ Raccoon City ဆေးရုံကြီးဆီကို အရေးပေါ် ပါဆယ်ထုပ်တစ်ခု သွားပို့ရာကနေ ဇာတ်လမ်းစပါတယ်။ သူ အဲဒီမြို့ကို ရောက်တဲ့အချိန်မှာပဲ မြို့သူမြို့သားတွေဟာ ဗိုင်းရပ်စ်ကြောင့် ကြောက်စရာကောင်းတဲ့ သတ္တဝါတွေအဖြစ် ပြောင်းလဲသွားတဲ့ ကပ်ဘေးကြီးနဲ့ သွားကြုံပါတော့တယ်။ ရိုးရိုးသာမန် လူတစ်ယောက်ဖြစ်တဲ့ ဘရိုင်ယန် တစ်ယောက် အထူးစွမ်းရည်တွေ၊ လက်နက်ကျွမ်းကျင်မှုတွေ မရှိဘဲ သူ့ရဲ့ လိမ္မာပါးနပ်မှုတစ်ခုတည်းနဲ့ ဒီငရဲခန်းလို ဖြစ်နေတဲ့ မြို့ကြီးထဲကနေ၊ ဆေးရုံထဲကနေ အသက်လု ထွက်ပြေးရပုံတွေကို ရင်တမမနဲ့ ကြည့်ရှုရမှာပါ။ ဇာတ်လမ်းထဲမှာ ဗီဇပြောင်း သတ္တဝါကြီးတွေနဲ့ ရင်ဆိုင်ရတာတွေကို လက်တွေ့အထူးပြုလုပ်ချက် (Practical effects) တွေ အသုံးပြုပြီး ဂိမ်းကစားနေရသလို ခံစားချက်မျိုး ပေးစွမ်းနိုင်အောင် ရိုက်ကူးထားပါတယ်။ သရုပ်ဆောင်များ ပစ္စည်းပို့သမား ဘရိုင်ယန် အဖြစ် Austin Abrams Umbrella သိပ္ပံပညာရှင် ကားလ် အဖြစ် Zach Cherry Umbrella အစောင့်အကြပ် မက်ဆင်း အဖြစ် Kali Reis နဲ့ Paul Walter Hauser တို့က အဓိက ပါဝင်သရုပ်ဆောင်ထားကြပါတယ်။ သည်းထိတ်ရင်ဖိုစရာတွေ အပြည့်ပါတဲ့အပြင် ဟာသလေးတွေပါ (Dark comedy) နည်းနည်းနှောထားလို့ ဂိမ်းပရိသတ်တွေရော၊ ဇွန်ဘီနဲ့ သရဲကား ကြိုက်သူတွေပါ လက်မလွတ်တမ်း ကြည့်ရှုသင့်တဲ့ ဇာတ်ကားကောင်းတစ်ကား ဖြစ်ကြောင်း ညွှန်းပေးလိုက်ပါတယ်ဗျာ။ File Size… (4.09GB) / (1.54GB) / (819MB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 35m Genre …Horror, Science Fiction, Adventure Subtitle….Myanmar Subtitle (Hard Sub)

Man Across the Street (2026) IMDb Rating (5.1) အမ်မာဟာ အနိုင်ကျင့်တတ်တဲ့ ချစ်သူလက်ကလွတ်မြောက်ဖို့ သူငယ်ချင်းဖြစ်သူနဲ့ဘ၀သစ်စမယ် ဆိုပြီး ဗေးဂတ်စ်ကိုပြောင်းလာခဲ့တာပါ။ ဒါပေမယ့် အဲ့ဒီအိမ်ကိုရောက်ရောက်ချင်း နေ့မကူးခင်မှာပဲ မျက်နာချင်းဆိုင်မှာရှိတဲ့ လူချောတစ်ယောက်ဖြစ်တဲ့ စတိဗ်နဲ့ ရင်းနှီးကျွမ်းဝင်သွားပါတယ်။ ဒါပေမယ့် နောက်တစ်နေ့ စတိုးဆိုင်ရှေ့မှာတွေ့မိလို့နူတ်ဆက်ချိန်မှာတော့ စတိဗ်ဟာ ဘီးတပ်ကုလားထိုင်ပေါ်ရောက်နေပြီး သူ့ဇနီးဆိုသူက ဒါဟာ စတိဗ် မဟုတ်ပဲကားလ်ဆိုတဲ့ သူ့ရဲ့အမြွှာညီဖြစ်ကြောင်း စတိဗ်ဟာ လွန်ခဲ့တဲ့ နှစ်နှစ်ကတည်းက ယာဉ်မတော်တဆမှု တစ်ခုမှာသေဆုံးခဲ့ပြီဖြစ်ကြောင်း ပြောလာတဲ့အခါမှာတော့..။ သူမြင်ခဲ့တဲ့ စတိဗ်ဟာ လူလား ဝိဉာဉ်လား? ဒါမှမဟုတ် အိမ်ရှေ့အိမ်မှာ သူမသိတဲ့လျှို့ဝှက်ချက်တွေ ဘယ်လိုများရှိနေဦးမလား? အစကနေ အဆုံးထိ သိချင်စိတ်တွေနဲ့ရှုစားရမယ့် Psychological Thriller ဇာတ်ကားတစ်ကားဖြစ်ပါတယ်။ File size… (1.2 GB) / (710 MB) Quality…. WEB-Rip 1080p HEVC / 720p Format…. mkv/mp4 Genre…. Horror,Thriller Duration…. 01:31:41 Subtitle…. Myanmar Subtitle (Hardsub)

The Canvas (2026) IMDb Rating (4.6) ရောဘတ်နဲ့ဒင်နီယယ်တို့ဟာ နယ်မြို့တစ်မြို့ အိမ်အိုကြီးတစ်လုံးကိုပြောင်းလာကြတဲ့ သားအဖဖြစ်ပါတယ်။ ရောက်ရောက်ချင်းရက်မှာပဲ သားငယ် ဒင်နီယယ်က ထပ်ခိုးပေါ်ကနေ ပန်းချီကားတစ်ချပ်ရှာတွေ့ခဲ့ပြီး သူ့အမေနဲ့တူလို့အောက်ထပ်မှာ ချိတ်ထားချင်ကြောင်းပြောလာပါတယ်။ အိမ်ရှင်က ထပ်ခိုးပေါ်ကို မတက်ဖို့သေချာ မှာလိုက်ပေမယ့်ရောဘတ်က အမှုမဲ့ အမှတ်မဲ့နဲ့ သားကို အလိုလိုက်မိလိုက်ပါတယ်။ အကျိုးဆက်အနေနဲ့တော့ သူတိုနှစ်ယောက်လုံး အိမ်မက်ဆိုးတွေမက်လာ၊ အချိန်တွေ ပျောက်ဆုံးလာ၊ လက်တွေ့နဲ့စိတ်ကူးနဲ့မခွဲခြားနိုင်လောက်အောင် အခြေအနေ ဆိုးလာချိန်မှာတော့ ဒီဖြစ်ရပ်တွေဟာ ဒီပန်းချီကားနဲ့ပတ်သက်နေလိမ့်မယ်ဆိုတာ ရိပ်စားမိလာပြီး အဖြေရှာဖို့ကြိုးစားရပါတော့တယ်။ ပန်းချီကားရဲ့လျှို့ဝှက်ချက်က ဘာလဲ? ဘယ်လို အတိတ်ဆိုးတွေများရှိခဲ့လဲ? ဘယ်လိုဆိုးယုတ်တဲ့ ပညာတွေနဲ့စီရင်ထားလဲ စတာတွေကို ဆက်လက်ရှုစားကြပါ။ The Canvas (2026) ဟာစိတ်ဒဏ်ရာတွေနဲ့ သူတို့ရဲ့နောက်ဆက်တွဲဝေဒနာတွေကိုတစ္ဆေခြောက်တဲ့ ပန်းချီကားကတစ်ဆင့်ရင်ဆိုင်ဖြေရှင်းကြပုံကိုဆက်စပ်ဖန်တီးထားတဲ့ Horror/Thriller ဇာတ်ကားကောင်းတစ်ကားပါ။ File size… (600 MB) / (400 MB) Quality…. WEB-Rip 1080p HEVC / 720p Format…. mkv/mp4 Genre…. Horror Duration…. 01:20:40 Subtitle…. Myanmar Subtitle (Hardsub)

IT: Welcome to Derry - A Story of Derry (2026) IT: Welcome to Derry ရဲ့ အထူးဇာတ်လမ်းပိုင်း (Special Episode) ကိုတော့ ဒီကနေ့ ၂၀၂၆ ခုနှစ် ဟယ်လိုဝင်းနေ့ (အောက်တိုဘာလ ၃၁ ရက်) မှာပဲ HBO Max ကနေ Surprise အနေနဲ့ ရုတ်တရက် ထုတ်လွှင့်ပြသလိုက်ပြီ ဖြစ်ပါတယ်။ ဒီအထူးဇာတ်လမ်းပိုင်းဟာ Stephen King ရဲ့ နာမည်ကြီး IT ဇာတ်ကားတွေရဲ့ အကြိုဇာတ်လမ်း (Prequel) ဖြစ်တဲ့ Welcome to Derry ဇာတ်လမ်းတွဲရဲ့ အစိတ်အပိုင်းတစ်ခုပါ။ ပထမရာသီ ဇာတ်လမ်းတွဲတွေကို ၂၀၂၅ ခုနှစ်ကတည်းက ပြသခဲ့ပြီးဖြစ်ပေမဲ့၊ အခုထွက်လာတဲ့ အထူးအပိုင်းကတော့ ဒယ်ရီ (Derry) မြို့လေးရဲ့ ပိုမိုနက်နဲတဲ့ အတိတ်သမိုင်းကြောင်းတွေနဲ့ ကြောက်စရာ လူပြက်ကြီး ပန်နီဝိုက်စ် (Pennywise) ရဲ့ မူလဇစ်မြစ်ကို ပိုပြီး ထိတ်လန့်စရာကောင်းအောင် ရိုက်ပြထားတာပါ။ ဒီအပိုင်းမှာတော့ ဒယ်ရီမြို့လေးမှာ ၁၉၆၀ ပြည့်လွန်နှစ်တွေတုန်းက ဖြစ်ပွားခဲ့တဲ့ ကြောက်မက်ဖွယ်ရာ ဖြစ်ရပ်ဆန်းတွေ၊ မိုက်ခ်ဟန်လွန် ရဲ့ အဘိုးဖြစ်သူခေတ်က အကြောင်းအရာတွေကို အဓိကထား ရိုက်ကူးထားပါတယ်။ ပန်နီဝိုက်စ် ဆိုတဲ့ မိစ္ဆာကောင်ကြီး ဘယ်လိုစတင်ဖြစ်ပေါ်လာသလဲ၊ ဒယ်ရီမြို့လေးကို သူ ဘယ်လို လွှမ်းမိုးခြယ်လှယ်ခဲ့သလဲ ဆိုတာတွေကို ဒီအပိုင်းမှာ ပိုပြီး ရှင်းရှင်းလင်းလင်းနဲ့ ကြက်သီးထစရာ မြင်တွေ့ရမှာပါ။ သရုပ်ဆောင်ပိုင်းမှာတော့ အားလုံးရဲ့ အသည်းစွဲ ကြောက်စရာ လူပြက်ကြီး ပန်နီဝိုက်စ် အဖြစ် ဘီလ် စကားစ်ဂတ် (Bill Skarsgård) ကပဲ ဆက်လက်ပါဝင် အသက်သွင်းထားပါတယ်။ ဟယ်လိုဝင်းညမှာ အမိုက်စား သည်းထိတ်ရင်ဖို ဇာတ်လမ်းလေး ကြည့်ချင်တယ် ဆိုရင်တော့ ဒီ IT: Welcome to Derry ရဲ့ Special Episode လေးကို ညွှန်းပေးလိုက်ပါတယ်ဗျာ။ File size… (1.5 GB) / (590 MB) / (370 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror Duration…. 00:29:20 Subtitle…. Myanmar Subtitle (Hardsub)

Apocalypse Z: New World (2026) IMDb Rating (6.9) Apocalypse Z: New World (၂၀၂၆) ရုပ်ရှင်ကားဟာ ၂၀၂၄ ခုနှစ်က ထွက်ရှိပြီး အောင်မြင်ခဲ့တဲ့ စပိန် ဇွန်ဘီဇာတ်ကား Apocalypse Z: The Beginning of the End ရဲ့ အဆက် ဇာတ်ကားသစ်လေး ဖြစ်ပါတယ်။ ဒီကားကို အောက်တိုဘာလ ၃၀ ရက်နေ့ကစပြီး Amazon Prime Video ကနေ ကမ္ဘာတစ်ဝန်း ထုတ်လွှင့်ပြသနေပြီ ဖြစ်ပါတယ်။ ဇာတ်လမ်းကတော့ TSJ ဗိုင်းရပ်စ် ကူးစက်မှုကြီး ဖြစ်ပွားပြီးနောက်ပိုင်း ဥရောပရဲ့ နောက်ဆုံး ခိုလှုံရာနေရာ ဖြစ်လာတဲ့ ကနေရီကျွန်းစု (Canary Islands) ကနေ စတင်ပါတယ်။ ရှင်သန်ကျန်ရစ်သူတွေဟာ ထောက်ပံ့ရေးပစ္စည်းတွေ ရှာဖွေဖို့အတွက် ဗိုင်းရပ်စ်တွေ ဖုံးလွှမ်းနေတဲ့ မက်ဒရစ်မြို့ဆီကို အသက်စွန့်ပြီး ခရီးထွက်ခဲ့ရပါတယ်။ အဲဒီအဖွဲ့ထဲကို ရော်ဘတ်တို ဆိုတဲ့လူတစ်ယောက်က မရိုးသားတဲ့ ရည်ရွယ်ချက်တွေနဲ့ ဝင်ရောက်လာတဲ့အခါ ဇာတ်လမ်းက ပိုပြီး ရှုပ်ထွေးသွားပါတယ်။ အသက်အန္တရာယ်ပေးမယ့် ဇွန်ဘီအုပ်ကြီးတွေကြားမှာ ပိတ်မိနေတဲ့အပြင်၊ ကိုယ့်လူအချင်းချင်း သစ္စာဖောက်မှုတွေနဲ့ပါ ရင်ဆိုင်ရတဲ့အခါ ကိုယ်လွတ်ရုန်းမလား၊ ဒါမှမဟုတ် ကျန်ရစ်တဲ့ လူသားတွေအတွက် ကိုယ့်အသက်ကို စွန့်မလား ဆိုတဲ့ ခက်ခဲတဲ့ ရွေးချယ်မှုတွေကို ရင်ခုန်စိတ်လှုပ်ရှားဖွယ် ကြည့်ရှုရမှာပါ။ သရုပ်ဆောင်တွေအနေနဲ့ ကားလို့စ် အယ်လ်ကိုက်ဒ်၊ ဂျူလီယာ မာတီနက်ဇ် တို့ အဓိကပါဝင်ထားပြီး၊ ပထမကားထဲက ပရိသတ်တွေ အချစ်တော် ကြောင်လေး Lúculo ကလည်း ဆက်လက် ပါဝင်ထားပါတယ်။ ဒါ့အပြင် ပထမကားက ပရစ်ချန်ကို အဖြစ် သရုပ်ဆောင်တဲ့ ဂျို့စ် မာရီယာ ရပ်ဇ်ပစ်ခ် နဲ့ လူစီယာ အဖြစ် သရုပ်ဆောင်တဲ့ ဘာတာ ဗက်ဇ်ကက်ဇ် တို့လည်း ပြန်လည်ပါဝင်ထားကြပါတယ်။ ဇာတ်လမ်းသွား ပိုကျယ်ပြန့်လာပြီး ဇွန်ဘီအုပ်ကြီးတွေ ပိုများလာသလို၊ အက်ရှင်အခန်းတွေကိုလည်း ပိုမိုက်အောင် ရိုက်ကူးထားတဲ့ ဇွန်ဘီ သည်းထိတ်ရင်ဖို ဇာတ်ကားကောင်းလေးမို့ ဇွန်ဘီကား ကြိုက်သူတွေ သေချာပေါက် ကြည့်ကြည့်ဖို့ ညွှန်းပေးလိုက်ပါတယ်ဗျာ။ File size… (6.4 GB) / (1.8 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror,Thriller Duration…. 01:38:35 Subtitle…. Myanmar Subtitle (Hardsub)

Gudang Merica (2026) ဒီဇာတ်ကားလေးကတော့ ဆေးကျောင်းသား ဆေးကျောင်းသူတွေ ဆရာဝန်တွေအတွက်တော့ အတွေ့အကြုံနုစဉ်တုန်းက အချိန်တွေကို ပြန်လည် အမှတ်ရစေမဲ့ ဇာတ်ကားလေးပဲ ဖြစ်ပါတယ်။ ဇာတ်လမ်းအကျဉ်းကတော့ ရာဇီနှင့် ဆေးကျောင်းသား သုံးယောက်ဟာ မြို့နယ်ဆေးရုံတစ်ခုမှာ တာဝန်ကျတဲ့အခါ လူနာပေါင်းများစွာ ပြဿနာပေါင်း သောင်းခြောက်ထောင်နဲ့ ကြုံတွေ့ရပြီး အဲဒီထဲကမှ ဘယ်သူဘယ်ဝါ မသိရဘဲ နာမည်စာရင်း မရှိတဲ့ လူနာတစ်ယောက်က သူတို့တာဝန်ကျနေချိန်မှာ ဆုံးသွားတဲ့အခါ ဘယ်လောက်တောင် ငါးပါးမှောက်ပြီး တလွဲတွေ ဖြစ်စေမလဲဆိုတာကို ခွီရင်း ကြည့်ရှုရမှာ ဖြစ်ပါတယ်။

Immortal 2026 မသေမျိုး ရုံတင်ပြီး တစ်ပတ်အတွင်း ကန်ဒေါ်လာ ၅သန်းအထိ ရခဲ့တဲ့ သဘာဝလွန် ဖြစ်ရပ်ဆန်းကားလေး တင်ဆက်‌ပေးချင်ပါတယ်။ လွန်ခဲ့တဲ့ နှစ်ထောင်ချီ ကျောက်ခေတ်လူသားတွေခေတ်တုန်းကပေါ့...။ ကလေးအရမ်းချစ်တတ်တဲ့ ကိုယ်ဝန်ဆောင် ဇနီးမောင်နှံတစ်တွဲ ရှိခဲ့တယ်။ မွေးလာမဲ့ကလေးက သားသားလေးလား မီးမီးလေးလားနဲ့ နေ့စဉ်နဲ့အမျှ တွေးရင်း ကြည်နူးမိကြတဲ့ လင်မယားတွေပေါ့။ ဒါပေမဲ့ မွေးလာတဲ့ကလေးက ကံဆိုးစွာနဲ့ပဲ လူသားတစ်ယောက်မဟုတ်ခဲ့တော့ မတတ်သာတဲ့အဆုံး သွားစွန့်ပစ်ခဲ့ရတယ်။ ဝံပုလွေတွေပေါများတဲ့နေရာမှာ စွန့်ပစ်ခဲ့တာမို့ ‌ေ-သဆုံးပြီလို့ပဲ တွက်ထားခဲ့ကြတာပေါ့....။ မျက်မှောက်ခေတ်မှာတော့ မာဂီက အရေးတကြီး အိမ်ပြောင်းဖို့ အိမ်လိုက်ရှာနေလေရဲ့။ ငှားရမ်းခတွေ ခေါင်ခိုက်နေတဲ့ကာလမှာ ဈေးပေါပေါပဲပဲနဲ့ ကြယ်ငါးပွင့်ဟိုတယ်အခန်းလို အိမ်ကြီးတစ်လုံး သူတွေ့သွားခဲ့တယ်။ ထူးဆန်းတာက အဲဒီအိမ်မှာ အိမ်ရှင်အမျိုးသမီးလေး တစ်ယောက်တည်းနေတာပါတဲ့လေ။ စားရကံကြုံလို့ မုတ်ဆိတ်ပျားစွဲ ဆိုသလို ချက်ချင်းကို အိမ်ပြောင်းတော့တာပေါ့။ အိမ်ရှင်ကလည်း နတ်မိမယ်လိုချောမောပြီး သဘောကောင်းသူတစ်ယောက် ဒီလိုနဲ့နေလာရင်း ထူးဆန်းတာက မာဂီ့စိတ်ထဲကတွေးနေတာတွေက အပြင်မှာ တကယ်ဖြစ်လာခဲ့တာပါ။ တစ်ခါ နှစ်ခါမက တိုက်ဆိုင်တာတွေများလာလေတော့ သံသယဝင်လာတဲ့ မာဂီနဲ့ ပုံမှန်မဟုတ်တဲ့ လောကကြားက အားပြိုင်မှုတွေကို ဆက်လက်ကြည့်ရှုလိုက်ပါဦး။ File size… 1.6 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub)

Echoes of Dread (2026) IMDb Rating (4.8) ရူဘင်နဲ့ဆမန်သာတို့ဟာ Nerd Warriors ဆိုတဲ့ချန်နယ်ထောင်ထားပြီး ဖြစ်ရပ်ဆန်းကျယ်တွေအကြောင်းကို တင်ဆက်နေကြတဲ့စုံတွဲတစ်တွဲပါ။ တစ်နေ့တော့ သူတို့ဟာ ၁၉၀၈ ခုနှစ်က ရုရှားနိုင်ငံမှာဆန်းကြယ်တဲ့သတ္တဝါကြီးတွေတိုက်ခိုက်ခြင်းခံရတဲ့ မြို့တစ်မြို့အကြောင်းကိုရိုက်ကူးထားတဲ့ မှတ်တမ်းဟောင်းတွေကို မတော်တဆရှာတွေ့ခဲ့ပါတယ်။ အကြောင်းမသိပဲ အဲ့ဒီ ရုပ်သံတွေကို လိုင်းပေါ်တင်လိုက်မိတဲ့အချိန်မှာတော့ ကြည့်ရှုသူ ပရိသတ်တွေကိုကူးစက်သွားပြီး ကြည့်ရှုသူတွေဆီကနေ တစ်ခြားကမ္ဘာကဝိဉာဉ်မိစ္ဆာတွေ ထွက်ပေါ်လာပြီး ကမ္ဘာပျက်မယ့်အရေးကြုံလာချိန်မှာတော့ သူတို့ဟာ ကျွမ်းကျင်သူတွေအကူအညီနဲ့ဒီပြဿနာတွေကို အဖြေရှာဖြေရှင်းဖို့ကြိုးစားရပါတော့တယ်။ Echoes of Dread ဟာ ဘတ်ဂျက်နိမ့်အင်ဒီကားတစ်ကားဖြစ်ပေမယ့် ထူးခြားတဲ့ဇာတ်လမ်းဖွဲ့စည်းပုံအတော့်ကို creepy ဖြစ်တဲ့ မွန်းစတားဖန်တီးပုံတွေကြောင့် ကြည့်ပျော်တဲ့ဇာတ်ကားတစ်ကားပါပဲ။ File size… (1.6 GB) / (920 MB) Quality…. WEB-Rip 1080p HEVC / 720p Format…. mkv/mp4 Genre…. Horror,Science Fiction Duration…. 01:21:17 Subtitle…. Myanmar Subtitle (Hardsub)

ယုံကြည်မှုနဲ့ အမှန်တရားကြားက ကြောက်မက်ဖွယ် ပဟေဠိတစ်ခု… ဘန်ကောက်မှာ သူနာပြုလုပ်နေတဲ့ နက်ဟာ နိုင်ငံခြားမှာ အလုပ်သွားလုပ်ဖို့ ဗီဇာစောင့်ဆိုင်းနေစဉ်အတွင်း နာမကျန်းဖြစ်ရာကနေ ပြန်လည်သက်သာလာတဲ့ မိခင်ကို ပြုစုစောင့်ရှောက်ဖို့ မွေးရပ်မြို့လေးဆီ ပြန်လာခဲ့ပါတယ် တစ်ညမှာတော့ ဒေသခံဆေးရုံရဲ့ ညဆိုင်းတာဝန်ထမ်းဆောင်နေစဉ် နက်ဟာ ပယောဂနှင်ထုတ်တဲ့ အစီအရင် မအောင်မြင်ခဲ့တာကြောင့် သရဲပူးကပ်ခံရပါတယ်ဆိုတဲ့မက်ဆိုသူကို တွေ့ခဲ့ပါတယ် သဘာဝလွန်ဖြစ်ရပ်တွေကို မယုံကြည်တဲ့ နက်ကတော့ မက်ရဲ့အခြေအနေဟာ စိတ်ပိုင်းဆိုင်ရာ ရောဂါတစ်ခုသာဖြစ်တယ်လို့ ယူဆခဲ့ပါတယ် မက် ရုတ်တရက် သေဆုံးသွားပြီးနောက်မှာတော့ သူ့ဆီမှာ တွေ့ခဲ့ရတဲ့ ထူးဆန်းကြောက်မက်ဖွယ် လက္ခဏာတွေဟာ နက်ရဲ့မိခင်နဲ့ မက်ရဲ့အရင်းနှီးဆုံးသူငယ်ချင်း ကေတို့ဆီမှာပါ တစ်စတစ်စဖြစ်ပေါ်လာရာကနေ ကိုယ်တိုင်ယုံကြည်ထားတဲ့ သိပ္ပံနည်းကျ အယူအဆတွေနဲ့ ရှင်းပြလို့မရတဲ့ ဖြစ်ရပ်ဆန်းတွေကို ဆက်တိုက်ရင်ဆိုင်လာရတဲ့အခါ နက်တစ်ယောက် သူမရဲ့ယုံကြည်ချက်တွေပေါ် သံသယဝင်လာခဲ့ပါတော့တယ် အဲဒီမကောင်းဆိုးဝါးရဲ့ ခြိမ်းခြောက်မှုက သူမနဲ့ တဖြည်းဖြည်း နီးကပ်လာတဲ့အခါ… မျက်စိနဲ့မြင်ရတဲ့ အမှန်တရားနဲ့ မမြင်ရပေမဲ့ ယုံကြည်နေရတဲ့ အရာတွေကြားမှာ နက်တစ်ယောက် ဘယ်လိုရွေးချယ်မလဲ မိခင်ကို ကယ်တင်ဖို့ ကြိုးစားရင်း သူမကိုယ်တိုင်ရော ဒီကြောက်မက်ဖွယ် အဖြစ်ဆိုးကနေ လွတ်မြောက်နိုင်ပါ့မလား… ဆိုတာကိုကြည့်ရှုလိုက်ရအောင်ပါ

Mum, I'm Alien Pregnant" (2026) "​မေရီ"ဆိုတဲ့ မိန်းကလေးတစ်ယောက်ဟာ ကိုယ့်ဘဝကိုယ် လွတ်လွတ်လပ်လပ် ဖြတ်သန်းချင်သူဖြစ်ပေမဲ့ မိသားစုအတွင်းက ဖိအားတွေ၊ နေ့စဉ်ဘဝရဲ့ အရှုပ်အထွေးတွေနဲ့ ရင်ဆိုင်နေရပါတယ် ဒါပေမဲ့ မမျှော်လင့်ဘဲ ဂြိုဟ်သားအင်္ဂါရှိတဲ့ "ဘူး "ဆိုတဲ့လူနဲ့ မတော်တဆ ထိတွေ့မှုဖြစ်ပြီးတဲ့နောက်မှာတော့ သူ့ရဲ့ဘဝဟာ မထင်မှတ်ထားတဲ့ အပြောင်းအလဲတစ်ခု ဝင်ရောက်လာ​ပြီး ဇောက်ထိုးမိုးမျှော် ဖြစ်သွားခဲ့ပါတယ် ​မေရီ တစ်ယောက် ကိုယ်ဝန်ရှိလာတဲ့အခါ အရာအားလုံးဟာ ပုံမှန်အတိုင်း မဖြစ်တော့ပါဘူး။ သူ့ရဲ့ခန္ဓာကိုယ်မှာ ထူးဆန်းတဲ့လက္ခဏာတွေ ပေါ်လာပြီး ပတ်ဝန်းကျင်ကလူတွေ နားလည်လက်ခံဖို ခက်ခဲတဲ့ အခြေအနေတွေနဲ့ ရင်ဆိုင်လာရပါတယ် ပိုပြီးကြောက်စရာကောင်းတာကတော့ သူ့ရဲ့ဗိုက်ထဲမှာ ကြီးထွားလာတဲ့အရာဟာ သာမန်လူသားကလေးတစ်ယောက် မဟုတ်နိုင်ဘူးဆိုတဲ့ သံသယပါပဲ ​လှုပ်ရှားမှုတွေ စတင်လာတဲ့ သူ့ရဲ့ ဗိုက်ထဲကအရာက ပုံမှန်ကလေးမဟုတ်ဘဲ ဂြိုဟ်သား (Alien) တစ်ကောင် ဖြစ်နေတဲ့အခါ... ဒီအခြေအနေကြားမှာ ​မေရီ တစ်ယောက် ဒီဆန်းကြယ်တဲ့ ကိုယ်ဝန်ကို ဘယ်လိုထိန်းချုပ်မလဲ.... ရုပ်ပိုင်းဆိုင်ရာ ပြောင်းလဲမှုတွေနဲ့အတူ မိဘဖြစ်လာမယ့် ထိတ်လန့်ဖွယ်ရာ စိန်ခေါ်မှုကို ဘယ်လိုရင်ဆိုင်သွားမလဲဆိုတာကို ဟာသဆန်တဲ့အခြေအနေတွေကြားမှာ ရွံရှာထိတ်လန့်စရာ မြင်ကွင်းတွေ၊ ဂြိုဟ်သားတွေနဲ့ပတ်သက်တဲ့ ထူးဆန်းမှုတွေကို သာမန် Horror ဇာတ်ကားတွေထက် ပိုပြီးဆန်းသစ်တဲ့ ဇာတ်လမ်းမျိုးကို ကြည့်ချင်တယ်၊ ရယ်ရင်းနဲ့ ကြက်သီးထစရာတွေကို ခံစားချင်တယ်ဆိုရင်တော့ ဒီဇာတ်ကားကို ကြည့်ဖို ညွှန်းပေးလိုက်ပါတယ်

The Teenage Vampire (2026) ဟောလိဝုဒ် တောင်ကုန်းပေါ်ကဖုတ်ကောင် အိမ်ကြီးအကြောင်းကို ရိုက်ကူးထားတဲ့ Horror / Thriller ရုပ်ရှင် ဖြစ်ပါတယ်။ ဇာတ်လမ်းအကျဉ်းဇာတ်လမ်းကတော့ အသက် ၁၈ နှစ်အရွယ် ကောင်မလေး ဆန်းဒရား တစ်ယောက် ဟောလိဝုဒ် တောင်ကုန်း (Hollywood Hills) ပေါ်မှာရှိတဲ့ လှပတဲ့ အိမ်ငယ်လေးဆီကို အိမ်ငှားခသက်သက်သာသာနဲ့ရလိုက်လို့ ပြောင်းနေထိုင်လာတာကနေ စတင်ထားတာပါ။ သူမဟာ ဒီနေရာမှာ ပါတီပွဲတွေနဲ့ အချစ်ကိုရှာဖို့ မျှော်လင့်ထားခဲ့တာဖြစ်ပါတယ်။ ဒါပေမဲ့ မကြာမီမှာပဲ သူမ မျှော်လင့်ထားတဲ့ စိတ်ကူးဟာ လုံးဝပြောင်းလဲသွားခဲ့ပါတော့တယ်။ ဘာလို့လဲဆိုတော့ အိမ်ရှင်တွေဟာ ရှေးဟောင်း သွေးစုတ်ဖုတ်ကောင် မိသားစုကြီး ဖြစ်နေပြီး၊ အနီးအနား ပတ်ဝန်းကျင်တစ်ခုလုံးကလည်း သွေးစုတ်ဖုတ်ကောင်တွေ စုဝေးရာ သီးသန့်နယ်မြေ ဖြစ်နေတာကြောင့်ပါ။ ဆန်းဒရားရဲ့ ပထမဆုံး ပါတီပွဲမှာပဲ ဧည့်သည်တွေဟာ သ-တ်ဖြတ်ခြင်းခံလိုက်ရပြီး၊ ဖုတ်ကောင်တွေနဲ့ ရင်ဆိုင်ရတော့မယ့် ဆန်းဒရားရဲ့ စွန့်စားခန်းကို ကြည့်ရမှာ ဖြစ်ပါတယ်။

Never After Dark [2026] +++++++++++++ IMDb Rating (6.9) / Rotten Tomatoes (98%) Never After Dark (၂၀၂၆) ကတော့ ဒီနှစ် SXSW ရုပ်ရှင်ပွဲတော်မှာ ဆုရရှိခဲ့ပြီး ဝေဖန်ရေးဆရာတွေရဲ့ ချီးကျူးမှုကို အများကြီးရထားတဲ့ ဂျပန် သဘာဝလွန် သည်းထိတ်ရင်ဖို သရဲကားကောင်းလေး တစ်ကားပါ။ ဒါရိုက်တာ Dave Boyle ရိုက်ကူးထားပြီး Rotten Tomatoes မှာ ၉၈ ရာခိုင်နှုန်းအထိ ရထားတဲ့ ကားလေးဖြစ်ပါတယ်။ ဇာတ်လမ်းကတော့ အိုင့်ရီ လို့ခေါ်တဲ့ နတ်ဝင်သည်မလေး တစ်ယောက်အကြောင်းပါ။ အိုင့်ရီ က သေဆုံးသွားတဲ့ သူ့အစ်မဖြစ်သူ မိခူရဲ့ ဝိညာဉ်လေးနဲ့အတူ အမြဲသွားလာနေပြီး လမ်းလွဲနေတဲ့ ဝိညာဉ်တွေကို တမလွန်ကို ပို့ဆောင်ပေးတဲ့ အလုပ်ကို လုပ်ပါတယ်။ သူက ဝိညာဉ်ကမ္ဘာနဲ့ လူ့ကမ္ဘာကြား အတားအဆီးတွေ ပိုအားကောင်းပြီး လုံခြုံတဲ့ နေ့ဘက်တွေမှာပဲ ဒီအလုပ်ကို လုပ်လေ့ရှိတာပါ။ တစ်နေ့မှာတော့ ဝေးလံခေါင်ဖျားတဲ့ တောရွာက အိမ်ကြီးတစ်လုံးဆီကို ဝိညာဉ်နှင်ထုတ်ပေးဖို့ သူ အခေါ်ခံရပါတယ်။ အဲဒီကိုရောက်တဲ့အခါ အိုင်းရီး တစ်ယောက် အရင်က တစ်ခါမှ မကြုံဖူးလောက်အောင် စွမ်းအားကြီးပြီး ရုပ်ဆိုးကြောက်စရာကောင်းတဲ့ သရဲကြီးတစ်ကောင်နဲ့ ရင်ဆိုင်ရပါတော့တယ်။ အဲဒီအိမ်ကြီးရဲ့ အတိတ်က လျှို့ဝှက်ချက်တွေကို ဆက်ပြီး တူးဖော်ကြည့်ချိန်မှာတော့ ကြောက်စရာကောင်းတဲ့အတိတ်တွေ ပေါ်ပေါက်လာပါတော့တယ်။ သရုပ်ဆောင်တွေအနေနဲ့ နတ်ဝင်သည် အိုင့်ရီ အဖြစ် Moeka Hoshi၊ အစ်မဖြစ်သူ မိခု အဖြစ် Kurumi Inagaki၊ ဂွန်ဂျီ အဖြစ် Kento Kaku တို့က အဓိက ပါဝင်သရုပ်ဆောင်ထားကြပါတယ်။ ပုံမှန် သရဲကားတွေလို ရုတ်တရက် လန့်အောင်လုပ်တဲ့ကားမျိုး မဟုတ်ဘဲ လျှို့ဝှက်ဆန်းကြယ်မှုတွေနဲ့ လူ့သဘာဝရဲ့ အမှောင်ဘက်ခြမ်းကို သေချာလေး ရိုက်ပြထားတဲ့ ဇာတ်ကားမျိုးကို သဘောကျတယ်ဆိုရင်တော့ ဒီကားလေးကို သေချာပေါက် ကြည့်ကြည့်ဖို့ ညွှန်းပေးလိုက်ပါတယ်ဗျာ။ File Size… (1.41GB) / (670MB) Quality… WEB-DL 1080p HEVC / 720p Format…mkv / mp4 Duration…1h 45m Genre …Horror , Thriller Subtitle….Myanmar Subtitle (Hard Sub)

Veins (2026) IMDb Rating (5.5) Isabelle ဆိုတဲ့ မိန်းကလေးက အဝေးရောက်နေတာ ကြာပြီဖြစ်တဲ့ ကွီဘက် (Quebec) ပြည်နယ်က တောအုပ်ကြီးထဲမှာရှိတဲ့ သူမရဲ့ မွေးရပ်မြေ ရွာငယ်လေးဆီကို ချစ်သူမိန်းကလေးနဲ့အတူ ပြန်လာခဲ့ပါတယ်။ နေမကောင်းဖြစ်နေတဲ့ အဖေဖြစ်သူကို လူမမာမေးဖို့ ပြန်လာခဲ့တာပါ။ ဒါပေမဲ့ ရွာရောက်တော့ အဖေက ဆုံးပြီး သင်္ဂြိုဟ်ပြီးသား ဖြစ်နေသလို၊ အမေဖြစ်သူကလည်း စိတ်မမှန်ဘဲ ထူးဆန်းနေတာကို တွေ့လိုက်ရတယ်။ တကယ်တော့ အဲဒါတွေက အိမ်နားက အငြိမ်းစားဆရာဝန်ကြီးက ရွာသားတွေကို ဒေသထွက်အပင်ကရတဲ့ "လျှို့ဝှက်ဆေးရည်" တစ်မျိုး တိုက်နေတာကြောင့် ဖြစ်နေတာပါ။ အဲဒီဆေးက နာကျင်မှုကို ပျောက်ကင်းစေပေမဲ့ ဘေးထွက်ဆိုးကျိုးအနေနဲ့ မှတ်ဉာဏ်တွေ ပျောက်၊ ဆံပင်တွေ ကျွတ်ပြီး အဆိုးဆုံးကတော့ လူသားခန္ဓာကိုယ်ကို သစ်ပင်၊ သစ်မြစ်တွေနဲ့ ရောယှက်ပြီး အပင်သတ္တဝါတွေအဖြစ် ပြောင်းလဲသွားစေတာပါပဲ။ ဒီလိုနဲ့ မိခင်ဖြစ်သူနဲ့ ရွာသားတွေက တဖြည်းဖြည်း သစ်ပင်တွေအဖြစ် ပြောင်းလဲနေပြီး isabelle တစ်ယောက် ဒီအသည်းယားစရာ ကပ်ဆိုးကြီးထဲကနေ ဘယ်လိုရုန်းထွက်မလဲဆိုတာကို ရင်တထိတ်ထိတ်နဲ့ ကြည့်ရမယ့် သဘာဝလွန် Bio-horror ကားပဲ ဖြစ်ပါတယ်။ File size… (1.1 GB) / (810 MB) Quality…. WEB-Rip 1080p HEVC / 720p Format…. mkv/mp4 Genre…. Drama,Fantasy,Horror,Thriller Duration…. 01:36:15 Subtitle…. Myanmar Subtitle (Hardsub)

The Cycle [2026] ++++++++++ လူတွေရဲ့ဘဝမှာ မိသားစုရဲ့အမှောင်ဖုံးနေတဲ့အတိတ်ဆိုတာ ဘယ်တော့မှ ပျောက်ကွယ်သွားနိုင်စရာမရှိပါဘူး။ ဒါရိုက်တာ Jordan Downey ရိုက်ကူးပြီး နာမည်ကျော် Shudder ပလက်ဖောင်းကနေ ၂၀၂၆ ခုနှစ် အောက်တိုဘာလ ၂၃ ရက်မှာ ဖြန့်ချိခဲ့တဲ့ "The Cycle" ဇာတ်ကားထဲမှာလည်း မိသားစုရဲ့ကြေကွဲစရာအတိတ်ဆိုးကြီးနဲ့ သည်းထိတ်ရင်ဖိုစုံစမ်းထောက်လှမ်းမှုတွေ ရောပြွမ်းနေတာကို တွေ့ရမှာပါ။ ဇာတ်လမ်းထဲမှာ အဓိကဇာတ်ကောင်ဖြစ်တဲ့ဒေါက်တာမက်ဂ်ဂါလန်းက လူ့ခန္ဓာကိုယ်တွေ ပုပ်သိုးပြိုကွဲပုံကိုလေ့လာပြီး လူသတ်မှုအမှုဟောင်းတွေကိုဖော်ထုတ်ပေးတဲ့ ခန္ဓာကိုယ်လေ့လာရေးခြံဝင်းကိုဦးစီးနေတဲ့ မှုခင်းမနုဿဗေဒပညာရှင်တစ်ယောက်ဖြစ်ပါတယ်။ တစ်နေ့မှာတော့ သေးငယ်တဲ့မြို့လေးတစ်မြို့မှာ မိခင်နဲ့သမီးဖြစ်သူတို့ ရက်စက်စွာအသတ်ခံရတဲ့အမှုတစ်ခုကိုစုံစမ်းဖို့ ရောက်ရှိသွားခဲ့ပါတယ်။ အဲဒီရာဇဝတ်မှုကျူးလွန်ရာနေရာအနီးမှာ ရဲတပ်ဖွဲ့တွေက အံ့သြစရာကောင်းလောက်အောင် ပုပ်ပွပျက်စီးခြင်းမရှိဘဲ ထူးဆန်းစွာတည်ရှိနေတဲ့လူအလောင်းတစ်လောင်းကို ထပ်မံတွေ့ရှိခဲ့ရပါတယ်။ စစ်ဆေးကြည့်လိုက်တဲ့အခါမှာတော့ အဲဒီအလောင်းဟာ လွန်ခဲ့တဲ့ ၃၆ နှစ်ကတည်းက ပျောက်ဆုံးသွားခဲ့ပြီး ငယ်စဉ်ကတည်းက မိသားစုကိုစွန့်ခွာသွားခဲ့တဲ့ မက်ဂ်ရဲ့ဖခင်အရင်း ပီတာဖြစ်နေကြောင်း တုန်လှုပ်စရာကောင်းအောင် သိရှိလိုက်ရပါတော့တယ်။ အလောင်းမှာ တိရစ္ဆာန်ရိုင်းတိုက်ခိုက်ခံထားရတဲ့ဒဏ်ရာလက္ခဏာမျိုး တစ်စုံတစ်ရာမှမရှိဘဲ ထူးဆန်းစွာလတ်ဆတ်နေတာကြောင့် စုံစမ်းစစ်ဆေးသူတွေကို ပိုလို့တောင် ဦးနှောက်ခြောက်စေခဲ့ပါတယ်။ ဒီလိုနဲ့ မက်ဂ်ဟာ ဒေသခံရဲအရာရှိတွေဖြစ်တဲ့အီယန်၊ သူ့အဖေ မာ့ခ်စ်တို့နဲ့ပူးပေါင်းပြီး ဖခင်ဖြစ်သူရဲ့ပျောက်ဆုံးနေတဲ့အတိတ်နဲ့ဒီလူသတ်မှုတွေကြားက ဆက်စပ်မှုကို စတင်ဖော်ထုတ်ပါတော့တယ်။ တူး‌ဖာ်စစ်ဆေးတာနဲ့အမျှ ဖခင်ဖြစ်သူရဲ့ဘဝနောက်ကွယ်မှာ သာမန်လူသားတွေမသိနိုင်တဲ့ အမှောင်ဖုံးနေပြီးကြောက်စရာကောင်းတဲ့လျှို့ဝှက်ချက်ကြီးတစ်ခု ကိန်းအောင်းနေတယ်ဆိုတာကို တစ်စချင်းစီသိရှိလာရပါတော့တယ်။ Deborah Ann Woll ၊ Jeffrey Donovan နဲ့ Will Hochman တို့ အဓိကပါဝင်သရုပ်ဆောင်ထားကြတဲ့ဒီဇာတ်ကားထဲမှာ မှုခင်းစုံစမ်းထောက်လှမ်းမှုရသနဲ့အတူ နောက်ပိုင်းမှာ ပေါက်ကွဲထွက်လာမယ့် တိရစ္ဆာန်ဆန်ဆန်ကြောက်စရာဟော်ရာမြင်ကွင်းတွေကို ရင်တထိတ်ထိတ်နဲ့ အစအဆုံး စိတ်လှုပ်ရှားစွာခံစားကြည့်ရှုရမှာ ဖြစ်ပါတယ်။ File Size… (1.43GB) / (792MB) Quality… WEB-DL 1080p HEVC / 720p Format…mkv / mp4 Duration…1h 51m Genre …Crime , Horror , Thriller Subtitle….Myanmar Subtitle (Hard Sub)

The 3 Killer Pigs [2026] ++++++++++ မိမိပိုင်ဆိုင်တဲ့ မွေးမြူရေးခြံနဲ့ တိရစ္ဆာန်လေးတွေကို ပြန်လည်ရရှိဖို့ ရုန်းကန်နေရတဲ့ လယ်သမားကြီးဂျိုးဟာ အစွန်းရောက်ပြီး မလုပ်သင့်တဲ့ "သွေးကတိကဝတ်" တစ်ခုကို ပြုလုပ်ခဲ့မိပါတယ်။ အဲဒီကတဆင့် တားဆီးလို့မရနိုင်တော့တဲ့ ဆိုးယုတ်လှတဲ့ လူသတ်ဝက်ဘီလူး ၃ ကောင် လောကထဲကို ပေါက်ဖွားလာပါတော့တယ်။ ဒီမိစ္ဆာဝက်ကြီးတွေဟာ သူတို့ရဲ့ ရင်းနှီးရာလယ်ကွင်းဆီကို ပြန်လည်ရောက်ရှိလာပြီး လမ်းမှာတွေ့သမျှ လူသားတိုင်းကို ငရဲမင်းထံ ပို့ဆောင်ပေးဖို့အတွက် သွေးအေးအေးနဲ့ လိုက်လံဖြတ်တောက် သတ်ဖြတ်ကြပါတော့တယ်။ သူတို့ရဲ့ ရန်ကနေ ဘယ်သူတွေ လွတ်မြောက်နိုင်မလဲဆိုတာကိုရင်တထိတ်ထိတ်နဲ့ကြည့်ရှုရမှာပဲဖြစ်ပါတယ်....... သွေးထွက်သံယိုဇာတ်ဝင်ခန်းတွေနဲ့သတ်ဖြတ်ခန်းတွေကိုရှင်းရှင်းလင်းလင်းကြီးရိုက်ပြထားတာကြောင့်အသက်မပြည့်သေးသူများနဲ့ရောဂါအခံရှိသူများသတိထားကြည့်ရှုဖို့အကြံပြုပါရစေ... File Size… (1.38GB) / (781MB) Quality… WEB-DL 1080p HEVC / 720p Format…mkv / mp4 Duration…1h 35m Genre …Horror , Thriller Subtitle….Myanmar Subtitle (Hard Sub)

The Exit State (2026) IMDb Rating (3.5) သိပ်မဝေးလှတော့တဲ့ အနာဂတ်မှာ အမေရိကန်နိုင်ငံဟာ စီမံခန့်ခွဲမှုအလွဲတွေကြောင့် ပျက်စီးယိုယွင်းလာနေပြီးအမေရိကန်နိုင်ငံသားတစ်စုဟာ တောင်ဘက် မက္ကဆီကိုနိုင်ငံကိုထွက်ပြေးတိမ်းရှောင်ဖို့ကြိုးစားခဲ့ပါတယ်။ အဲ့ဒီလိုပြေးရင်းနဲ့ ဗင့်စ်နဲ့ကလဲရ်ဆိုတဲ့ လူချမ်းသာမောင်နှမနှစ်ယောက်ပိုင်ဆိုင်တဲ့ ကြားနေနယ်မြေ(IBZ) ဆိုတဲ့စခန်းတစ်ခုမှာခဏတာ ခိုလှုံဖြစ်ခဲ့ကြပါတယ်။ အဲ့ဒီဒုက္ခသည်တွေကြားမှာ ဇီုဝီဆိုတဲ့သတင်းထောက်မလေးတစ်ယောက်လည်းပါနေပြီး သူ့ဆီမှာ အမေရိကန်အရာရှိတွေရဲ့အဂတိလိုက်စားမှု မသမာမှုတွေကို မှတ်တမ်းတင်ထားတဲ့ လျှို့ဝှက်ရုပ်သံဖိုင်တွေပါလာပြီးသူ့တာဝန်ကအဲ့ဒါတွေကို တစ်ဘက်နိုင်ငံက အာဏာပိုင်တွေဆီကိုပို့ဆောင်ဖို့ပဲဖြစ်ပါတယ်။ အစပိုင်းမှာတော့ အချင်းချင်းရင်းနှီးသွားကြပြီး ဒုက္ခတွေကို ခဏတာမေ့လျော့ရင်း ပျော်ရွှင်နေကြပေမယ့် သူတို့ထဲမှာ မသမာတဲ့အကြံအစည်နဲ့လူတွေပါနေတာကိုအသိနောက်ကျချိန်မှာတော့ သူတို့ရဲ့ခိုလှုံရာစခန်းဟာ ငရဲခန်းတစ်ခုအဖြစ် ပြောင်းလဲသွားပါတော့တယ်။ ဇာတ်လမ်းကို အချိန်တိုတိုနဲ့ကျစ်ကျစ်လျစ်လျစ်ဖန်တီးထားပြီး ထိတ်လန့်သည်းဖို၊ ဟာသ နဲ့ social commentaryတွေကို အချိုးကျကျ ထည့်သွင်းထားလို့ အချိန်ကုန်မှန်းမသိသာစေမယ့် horror-thriller ဇာတ်ကားကောင်းတစ်ကားဖြစ်ပါတယ်။ File size… (1.6 GB) / (900 MB) Quality…. WEB-DL 1080p HEVC / 720p Format…. mkv/mp4 Genre…. Horror,Thriller Duration…. 01:32:48 Subtitle…. Myanmar Subtitle (Hardsub)

"ချစ်ရသူရဲ့ ဝိညာဉ်ကို ပြန်ခေါ်ဖို့အတွက်... မကောင်းဆိုးဝါးတွေရဲ့ ကမ္ဘာထဲကို ဝင်ရဲလား" ထိုင်းဟော်ရာပရိသတ်တွေအတွက် ကြက်သီးဖျန်းဖျန်းထစေမဲ့ ဂျင်ဇာတ်ကားကြီးရဲ့အဆက် ထွက်ရှိလာပါပြီ။ အရင်ကားမှာတုန်းက ဂျင်ဆိုတဲ့ မကောင်းဆိုးဝါးရဲ့ ခြောက်လှန့်မှုတွေနဲ့ အသည်းယားခဲ့ရပေမဲ့ ဒီ Part 2 မှာတော့ ပိုပြီး ကြောက်မက်ဖွယ်ကောင်းတဲ့ အဖြစ်အပျက်တွေနဲ့ ဆက်လက်ခြောက်လှန့်ဦးမှာပါ။ Cast ပိုင်းမှာတော့ ပရိသတ်မင်းသားကြီး Yotsawat Tawapeeနဲ့ မင်းသမီးလေး Mim Rattawadee တို့က ပါဝင်အားဖြည့်ထားပါတယ်။ ဇာတ်လမ်းကတော့ ဘူဒိုတောင်ခြေရွာလေးရဲ့ တောအုပ်ထဲမှာ ပျောက်ဆုံးသွားခဲ့တဲ့ ဒင်နာဆိုတဲ့ အမျိုးသမီးလေး ပြန်ရောက်လာရာကနေ စတင်ပါတယ်။ ဒါပေမဲ့ ပြန်ရောက်လာတဲ့ ဒင်ယာနာဟာ အရင်လို သာမန်မဟုတ်တော့ဘဲ အရမ်းကို ကြမ်းတမ်းရက်စက်တဲ့ အပြုအမူတွေ လုပ်လာတဲ့အခါ... ခင်ပွန်းဖြစ်သူ အာနတ်ခမျာ မတတ်သာတဲ့အဆုံး ကိုယ်ချစ်ရတဲ့ ဇနီးသည်ကို ကိုယ်တိုင် လက်နဲ့ သတ်ပစ်လိုက်ရပါတော့တယ်။ ဇာတ်လမ်းက ဒီမှာတင် ပြီးသွားတာ မဟုတ်ပါဘူး။ ဇနီးဖြစ်သူ သေဆုံးသွားပြီးနောက်မှာတော့ အာနတ်တစ်ယောက် ဒင်နာရဲ့ ဝိညာဉ်ကို ဂျင်တွေရဲ့ ပရလောကနယ်ပယ်ကနေ ဘယ်လို ပြန်ခေါ်လာရမလဲဆိုတာကို နည်းလမ်းရှာဖွေရပါတော့တယ်။ အမှောင်လောကထဲက ဝိညာဉ်ကို ပြန်လုယူဖို ကြိုးစားရင်း အာနတ်တစ်ယောက် ဘယ်လို ထိတ်လန့်စရာတွေနဲ့ ထပ်ပြီး ရင်ဆိုင်ရမလဲ... သူချစ်ရတဲ့ ဇနီးသည်ရဲ့ ဝိညာဉ်ကိုရော တကယ်ပဲ ပြန်ကယ်တင်နိုင်ပါ့မလား ဆိုတာကို ရင်တမမနဲ့ ကြည့်ရှုရမှာပါ။ အချိန်ပေးရကျိုးနပ်အောင် ဇာတ်ရှိန်တက်တက်နဲ့ ကြောက်ရမဲ့ကားမို့လို ညဘက် တစ်ယောက်တည်း မကြည့်ဘဲ အဖော်နဲ့ ကြည့်ဖို အကြံပေးလိုက်ရပါတယ်ဗျာ။

Dance of the Damned (2026) IMDb Rating (7.1) ဒီဇာတ်ကားကတော့ အင်ဒိုနီးရှားရဲ့ နာမည်ကျော် Franchise တစ်ခုဖြစ်တဲ့ Qodrat Cinematic Universe ထဲကဗီလိန်တစ်ယောက်စတင်ဖြစ်ပေါ်လာပုံအကြောင်းဖြစ်ပြီး Qodrat စီးရီးရဲ့ Prequel လည်းဖြစ်ပါတယ်။ ဇာတ်လမ်းကတော့ ဒါဆိုဟာ ကိုယ်ဝန်ဆောင်ဇနီးသည် ဒါဆီနဲ့အတူအင်ဒိုနီးရှား ရိုးရာလူရွှင်တော်ဝတ်စုံဝတ်ပြီးလမ်းဘေးမှာဖျော်ဖြေအသက်မွေးရတဲ့ ဆင်းရဲသားအနုပညာရှင်တစ်ယောက်ပါ။ တစ်ညအိမ်အပြန် ရထားလမ်းဘေးကလူမိုက်တွေဟာ ဇနီးသည် ဒါဆီနဲ့ဗိုက်ထဲက ကလေးကိုရက်ရက်စက်စက်သတ်ဖြတ်လိုက်ကြပါတယ်။ ဖြေဆည်မရနိုင်တဲ့ပူဆွေးမှုတွေနဲ့အရူးတစ်ပိုင်းဖြစ်သွားတဲ့ ဒါဆို ဟာ သူ့ရွာကိုပြန်သွားတဲ့အချိန်မှာ မသမာတဲ့ကုမ္ပဏီတစ်ခုက ရွာသားတွေရဲ့မြေကိုသိမ်းယူဖို့ကြိုးစားရင်း ရိုးရာပွဲတော်တစ်ခုကိုနှောင့်ယှက်ဖျက်ဆီးခဲ့တာကြောင့် ရုတ်ရုတ်သဲသဲဖြစ်ပြီး ကျိန်စာတစ်ခုအသက်ဝင်လာရာကနေသူဟာ လက်စားချေချင်တဲ့ အမှောင်အင်အားစုတစ်ခုရဲ့ကြောက်စရာစွမ်းအင်တစ်ခုအဖြစ်ပြောင်းလဲသွားပါတော့တယ်။ ဇာတ်လမ်းက သာမန်သရဲခြောက်၊ ကျိန်စာတိုက်အစရှိတဲ့ ဇာတ်လမ်းတွေနဲ့ကွဲထွက်နေပြီး ရိုးရာသိုင်းပညာဖြစ်တဲ့ ဆီလတ်အသုံးပြုတိုက်ခိုက်တဲ့ အက်ရှင်ခန်းတွေ Slasher စတိုင်ကြမ်းတမ်းတဲ့ အထိုးအခုတ်အသက်အဖြတ်တွေနဲ့ဖွဲ့စည်းထားတာပါ။ Qodrat ဇာတ်ကားတွေကိုမကြည့်ဖူးပဲကြည့်လို့ရပေမယ့် ကြည့်ဖူးမယ်ဆိုရင်တော့ Post-credits တွေကိုပိုနားလည်နိုင်ပါလိမ့်မယ်။ ဟော်ရာကြိုက်သူတွေရော အက်ရှင်ပရိသတ်တွေပါ လက်မလွတ်သင့်တဲ့ ဇာတ်ကားကောင်းတစ်ကားဖြစ်ပါတယ်။ File size… (1.3 GB) / (880 MB) Quality…. WEB-DL 1080p HEVC / 720p Format…. mkv/mp4 Genre…. Action,Drama,Fantasy,Horror,Thriller Duration…. 01:41:14 Subtitle…. Myanmar Subtitle (Hardsub)

The Mummy [2026] ++++++++++ လူတွေဟာ ဘယ်လောက်ပဲ အာဏာနဲ့စည်းစိမ်တွေ ကြီးမားနေပါစေဦးတော့ သေခြင်းတရားကို ရင်ဆိုင်ရမယ့်အချိန်ရောက်လာပြီဆိုရင် ထာဝရအသက်ရှင်ဖို့အတွက် ဘာမဆိုလုပ်တတ်ကြစမြဲပါပဲ။ ဒါရိုက်တာ Maurice Chauvet ရိုက်ကူးပြီး နာမည်ကျော် The Asylum ရဲ့ ၂၀၂၆ ခုနှစ် ဧပြီလမှာဖြန့်ချိခဲ့တဲ့ ဒီဇာတ်ကားထဲမှာတော့ အဲဒီလိုလောဘနဲ့အတ္တကြီးတဲ့အစပျိုးမှုကနေ ဇာတ်လမ်းစတင်ခဲ့တာပါ။ ဇာတ်လမ်းထဲမှာ သေခါနီးဖြစ်နေတဲ့ဘီလျံနာသူဌေးကြီးရဲ့ဇနီးဖြစ်သူ ရှာလော့က ခင်ပွန်းဖြစ်သူ အသက်ဆက်ရှင်နိုင်ဖို့အတွက် ထာဝရရှင်သန်မှုကိုပေးနိုင်တယ်ဆိုတဲ့ ရှေးဟောင်းရုပ်တုတစ်ခုကိုလိုက်လံရှာဖွေရင်းနဲ့ အီဂျစ်ဗေဒပညာရှင် ရောဘတ်ဆီ ရောက်ရှိသွားခဲ့ပါတယ်။ ရောဘတ်ဆီမှာရောက်နေတဲ့မမ်မီက သာမန်ရှေးဟောင်းရုပ်တုမဟုတ်ဘဲ သူ့အဘေးလက်ထက်ကတည်းက အမွေအနေနဲ့ဆက်ခံသိမ်းဆည်းလာခဲ့ပြီး ယဇ်ပူဇော်ခံခဲ့ရတဲ့ရှေးဟောင်းကျိန်စာသင့်မမ်မီတစ်ခုဖြစ်နေခဲ့တာပါ။ ရှာလော့နဲ့အဖွဲ့ဟာ အဲဒီရှေးဟောင်းရုပ်တုနဲ့ မမ်မီရဲ့တားမြစ်ထားတဲ့မှော်အစွမ်းတွေထဲမှာ ထာဝရအသက်ကိုပေးနိုင်မယ့်လျှို့ဝှက်ချက်တွေပါတယ်လို့ ယုံကြည်ပြီး အတင်းအကျပ်ရယူဖို့လုပ်ပါတော့တယ်။ အဲဒီနောက်မှာတော့ အဲဒီကျိန်စာသင့်မမ်မီက ရှေးအတိတ်က သူ့ကိုယဇ်ပူဇော်ခဲ့သူတွေရဲ့သွေးစက်တွေအတိုင်း လက်ရှိမှာ သူ့ကိုနှောင့်ယှက်လာသူမှန်သမျှကို တစ်ယောက်မကျန် လိုက်လံသုတ်သင်ဖို့ကြိုးစားပါတော့တယ်။ အဲဒီလိုသတ်ဖြတ်တဲ့နေရာမှာ ရောဘတ်ရဲ့သမီးဖြစ်သူ အစ္စဘယ်လ်ရဲ့ကိုယ်ခန္ဓာထဲကို အဲဒီမမ်မီက ဝင်ရောက်ပူးကပ်ပြီးလုပ်ဆောင်တတ်တဲ့အတွက် ရောဘတ်ကို သွေးပျက်စေခဲ့ပါတယ်။ Jon Jacobs ၊ Lisa Zane ၊ Apoorva Mittra နဲ့ Siena Goines တို့ အဓိကပါဝင်သရုပ်ဆောင်ထားကြတဲ့ ဒီဇာတ်ကားထဲမှာ ကိုယ်ချစ်ရတဲ့သမီးလေးကို မကောင်းဆိုးဝါးပူးကပ်နေပြီး ကိုယ်တိုင်လည်း အသက်အန္တရာယ်ကြုံလာရတဲ့အခါ အဲဒီသေမင်းရဲ့သတို့သမီးရုပ်တုရန်ကနေ ဘယ်လိုများလွတ်မြောက်အောင် တိုက်ပွဲဝင်ကြရမလဲဆိုတာကို ရင်တထိတ်ထိတ်နဲ့ ခံစားကြည့်ရှုရမှာ ဖြစ်ပါတယ်။ File Size… (1.38GB) / (781MB) Quality… WEB-DL 1080p HEVC / 720p Format…mkv / mp4 Duration…1h 35m Genre …Horror Subtitle….Myanmar Subtitle (Hard Sub)

Cerita Lila (2026) IMDb Rating (7.9) ဒီဇာတ်ကားလေးကတော့ အင်ဒိုနီးရှား သရဲကားကောင်းကောင်းလေးကို ကြည့်ချင်တဲ့သူတွေအတွက် အကြိုက်တွေ့စေမဲ့ ဟော်ရာဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်းကတော့ တာရီဆိုတဲ့အမျိုးသမီးမှာ သမီးလေးတစ်ယောက်ရှိပြီးတော့ သူမဟာ တစ်ကိုယ်တည်းမိခင်ဖြစ်ကာ အိမ်ခြံမြေအကျိုးဆောင်အဖြစ် လုပ်ကိုင်နေသူ ဖြစ်ပါတယ်။ တာရီဟာ သူ့ယောက်ျားနဲ့ ကွာရှင်းဖို့ တရားရုံးတက်ပြီးတဲ့အချိန်မှာ ရှေ့နေငှားခတွေနဲ့ စုဆောင်းထားသမျှ ငွေတွေ အကုန်ကုန်သွားခဲ့ပြီး လချုပ်နဲ့ ငှားနေတဲ့အိမ်ကနေ ဆင်းရဖို့ ဖြစ်လာပါတော့တယ်။ တစ်ဖက်မှာလည်း တရားရုံးရက်ချိန်းတွေကြောင့် အလုပ်ခဏခဏ ပျက်ကွက်ပြီး အလုပ်ထုတ်ခံရမလို ဖြစ်တဲ့အတွက် သူဌေးကို တောင်းပန်ရာကနေ သူဌေးက နောက်ဆုံးအခွင့်အရေးအနေနဲ့ အိမ်တစ်လုံးကို ဈေးပေါပေါနဲ့ အရောင်းတင်ထားကြောင်း၊ အဲဒီအိမ်ကို တစ်ပတ်အတွင်း ရောင်းထွက်အောင် လုပ်နိုင်ရင် အလုပ်ပြန်ခန့်မှာဖြစ်ကြောင်း ပြောခဲ့ပါတယ်။ ဒီလိုနဲ့ တာရီနဲ့ သူ့သမီးဟာ တိုက်ခန်းကနေ ဆင်းရတဲ့အတွက် သူ့ကိုရောင်းခိုင်းထားတဲ့ အိမ်လေးမှာပဲ ခိုးနေပြီး တစ်ပတ်အတွင်း ရောင်းထွက်အောင် ရောင်းဖို့ ဖြစ်လာပါတော့တယ်။ ဒီတော့ သူဌေးက ဘာလို့ အဲဒီအိမ်ကို ဈေးပေါပေါနဲ့ ရောင်းခိုင်းတာလဲ၊ သူတို့သားအမိ အဲဒီမှာ ခိုးနေတဲ့အတောအတွင်း‌မှာရော ဘာတွေဖြစ်လာမလဲဆိုတာကို စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။ File size… (1 GB) / (560 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:46:39 Subtitle…. Myanmar Subtitle (Hardsub)

Kuyank (2026) IMDb Rating (5.8) Kuyank (၂၀၂၅) ရုပ်ရှင်ကားကတော့ အင်ဒိုနီးရှား သည်းထိတ်ရင်ဖို ဒရာမာ ဇာတ်ကားသစ်လေးဖြစ်ပြီး ၂၀၂၃ ခုနှစ်က ထွက်ရှိခဲ့တဲ့ နာမည်ကြီး Saranjana: Kota Ghaib ရုပ်ရှင်ရဲ့ အကြိုဇာတ်လမ်း (Prequel) ဖြစ်ပါတယ်။ ဒီကားကို ၂၀၂၅ ခုနှစ် ဒီဇင်ဘာလ JAFF ရုပ်ရှင်ပွဲတော်မှာ စတင်ပြသခဲ့ပြီး ၂၀၂၆ ဇန်နဝါရီလမှာ ရုံတင်ခဲ့တာပါ။ ဇာတ်လမ်းကတော့ Saranjana တံခါးကြီး မပွင့်ခင် ၇ နှစ်အလို ကာလီမန်တန် ဒေသက ရေပေါ်ရွာလေး တစ်ရွာမှာ အခြေတည်ထားပါတယ်။ ရွတ်စ်မီယာတီ ဆိုတဲ့ အမျိုးသမီးဟာ ခင်ပွန်းဖြစ်သူ ဘက်ဒရီ ရဲ့ အချစ်တွေ လျော့ပါးသွားမှာကို အရမ်းစိုးရိမ်နေခဲ့ပါတယ်။ ဖိအားတွေများလာတဲ့အခါ သူမဟာ ယောကျ်ားဖြစ်သူရဲ့ အချစ်ကို ဆက်ထိန်းထားနိုင်ဖို့နဲ့ အမြဲတမ်း နုပျိုလှပနေစေဖို့အတွက် Kuyang လို့ခေါ်တဲ့ အောက်လမ်းပညာကို လျှို့ဝှက်သင်ယူခဲ့ပါတယ်။ ဒါပေမဲ့ အဲဒီ အောက်လမ်းပညာက သူတို့ရွာလေးဆီကို ကျိန်စာသင့်သလို ဆိုးရွားတဲ့ အကျိုးဆက်တွေ ယူဆောင်လာပါတော့တယ်။ ညဘက်တွေဆိုရင် ရွာထဲက ကိုယ်ဝန်ဆောင်သည်တွေနဲ့ မွေးကင်းစ ကလေးငယ်တွေဟာ ဆက်တိုက်ဆိုသလို အန္တရာယ်ပြုခံရပြီး သားကောင်ဖြစ်လာကြပါတယ်။ အဲဒီကနေ ရွာသားတွေနဲ့ ဘာတွေဆက်ဖြစ်ကြမလဲဆိုတာကို ကြည့်ရမှာပါ။ သရုပ်ဆောင်တွေအနေနဲ့ ဘက်ဒရီ အဖြစ် ရီယို ဒီဝမ်တို၊ ရွတ်စ်မီယာတီ အဖြစ် ပူထရီ အင်တန် ကာဆီလာ တို့က အဓိကပါဝင်ထားပြီး ဒါရိုက်တာ ဂျိုဟန်ရှား ဂျမ်ဘီရန် က ရိုက်ကူးထားတာပါ။ အင်ဒိုနီးရှားရဲ့ ရိုးရာသရဲယုံကြည်မှုတွေကို အချစ်ဇာတ်လမ်းလေးနဲ့ သေချာလေး ရောနှောပြီး ရိုက်ပြထားတဲ့ သည်းထိတ်ရင်ဖို ဇာတ်ကားကောင်းလေးမို့ ကြည့်ကြည့်ဖို့ ညွှန်းပေးလိုက်ပါတယ်ဗျာ။ File size… (1.3 GB) / (820 MB) Quality…. WEB-DL 1080p HEVC / 720p Format…. mkv/mp4 Genre…. Drama,Horror,Mystery Duration…. 01:39:00 Subtitle…. Myanmar Subtitle (Hardsub)

Crawlers (2026) IMDb Rating (5.4) / Rotten Tomatoes (61%) Paradiso Palms ဆိုတဲ့ တိုက်ခန်းတွဲကြီးမှာ ဆယ်ရီနာဆိုတဲ့ကောင်မလေးကတောက်တိုမယ်ရလုပ်ပြီး ခိုကပ်နေရပါတယ်။ အိမ်ပိုင်ရှင်က အပေါက်ဆိုးဆိုး တကိုယ်ကောင်းသမားဖြစ်ပြီး သူ့ကိုလည်းအမြင်မကြည်ပါဘူး။ ဒီလိုပဲ အိမ်ငှားတွေကလည်းစရိုက်အထွေထွေလူသားတွေဖြစ်တော့ ဘုကျကျ ဆယ်ရီနာနဲ့တည့်တဲ့သူရှားပါတယ်။ တစ်နေ့တော့ ရှားရှားပါးပါးသူနဲ့အပေါက်အလမ်းတည့်တဲ့ ဂျော့ချ်ဆိုတဲ့ အဘိုးကြီး ထူးထူးဆန်းဆန်းသေဆုံးသွားချိန်မှာတော့ သူတို့တိုက်ခန်းတွဲကို ကူးစက်ရောဂါ ဗဟိုဌာနကနေချိတ်ပိတ်ပြီး ကွာရန်တိုင်းလုပ်လိုက်ပါတော့တယ်။ အားလုံးထင်နေကြတာက ကိုဗစ်လို ကူးစက်ရောဂါတစ်မျိုးကြောင့်လို့ထင်ပေမယ့် တကယ်တမ်းက အဆိပ်ပြင်းပင့်ကူတွေကြောင့်ဆိုတာ သိလိုက်ရတဲ့အခါမှာတော့ မဖြစ်နိုင်တဲ့ အခြေအနေတွေကြားကနေ သူတို့အားလုံးအသက်ရှင်သန်ရေးအတွက် ရုန်းထွက်ဖို့ဖြစ်လာပါတော့တယ်။ Crawlers ဟာ ၉၀ ခုနှစ်တွေကB-movie စတိုင် Body Horror နဲ့ဟာသတွေကိုပေါင်းစပ်ထားတဲ့ ဇာတ်ကားမျိုးပါ။ တကိုယ်ကောင်းဆန်တဲ့ လက်တွေ့ကျတဲ့ ဂွတီးဂွကျလည်းနိုင်တဲ့ ဇာတ်ကောင်တွေပါတယ်။ ကြောက်စရာ အသည်းယားစရာရွံစရာ ဇာတ်ကွက်မျိုးတွေထဲမှာ သဘာ၀ကျတဲ့ဟာသတွေပစ်ထည့်ထားတယ်။ အစကနေအဆုံးထိ အီလေးဆွဲနေတာဒရာမာချိုးနေတာတွေမပါပဲ လိုရင်းရောက်အောင်သွားထားလို့ ကြည့်ရတာ ပျော်စရာကောင်းနေတဲ့ ဇာတ်ကားတစ်ကားပါ။ File size… (1.3 GB) / (770 MB) Quality…. Blu-Ray 1080p HEVC / 720p Format…. mkv/mp4 Genre…. Horror,Thriller Duration…. 01:28:21 Subtitle…. Myanmar Subtitle (Hardsub)

Rosario (2026) IMDb Rating (6.6) ဘတ်သ်နဲ့အိဗ်တို့ရဲ့မိခင်ဆုံးပါးသွားချိန်မှာ အမျိုးတစ်ယောက်က မိခင်ဖြစ်သူရဲ့လက်ထဲကိုရှေးထုံးအရဆိုပြီး ပုတီးတစ်ကုံးထည့်ပေးခဲ့ပါတယ်။ အစဉ်အလာအရဆိုရင်တော့ ရုပ်အလောင်းကိုမမြုပ်နှံခင်မှာ အဲ့ဒီပုတီးကိုကြိုးဖြတ်ပစ်ရမှာဖြစ်ပေမယ့် ဒါမျိုးတွေကိုအယုံအကြည်မရှိတဲ့ သူတို့မောင်ဖြစ်သူက အဖြတ်မခံတဲ့အတွက် မဖြတ်ခဲ့ကြရပါဘူး။ အဲ့ဒီနောက်မှာတော့ ကျိန်စာဟာ သူတို့မိသားစုဆီရောက်ရှိလာပြီး မိသားစုဝင်တွေကို တစ်ယောက်ပြီးတစ်ယောက်လိုက်လံသတ်ဖြတ်ပါတော့တယ်။ ကျိန်စာကိုအဆုံးသတ်ဖို့အတွက် ကူကယ်ရာမဲ့နေတဲ့ ဘတ်သ်ဟာ အယုံအကြည်မရှိကြတဲ့မွေးချင်းတွေကြားကနေ ကြိုးစားပြီး အဖြေရှာရတော့မှာပဲဖြစ်ပါတယ်။ ဇာတ်လမ်းအစပိုင်းကတော့မိသားစုဒရာမာကားဆန်ဆန်ဖြစ်နေခဲ့ပေမယ့် ကျိန်စာစတင်ပြီးတော့ သတ်ခန်းဖြတ်ခန်းတွေစလာချိန်မှာဇာတ်ကားကကြွတက်လာပါတယ်။ ဖိလစ်ပိုင်ဟော်ရာတွေကလည်းတစ်ခြား အာရှဟော်ရာရုပ်ရှင်တွေနဲ့တစ်မျိုးတစ်ဖုံကွဲထွက်နေတတ်တာမို့အရသာသစ်မြည်းစမ်းကြည့်ချင်သူတွေအတွက် ဇာတ်ကားတစ်ကားပါပဲ။ File size… (3.3 GB) / (710 MB) / (450 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror Duration…. 01:34:31 Subtitle…. Myanmar Subtitle (Hardsub)

The Leaching [2026] ++++++++++ ဇာတ်လမ်းကတော့ မိန်းမငယ်လေး ဗီဗီယန်တစ်ယောက် မည်းမှောင်အေးစက်နေတဲ့တောအုပ်ကြီးထဲက သချိုင်းမြေကျင်းတစ်ခုထဲမှာ သတိပြန်ရနိုးထလာခဲ့ရာကနေ စတင်ထားတာပါ။ သူပထမဆုံးရင်ဆိုင်လိုက်ရတာကတော့ ကိုယ့်ကိုယ်ကိုယ်ဘယ်သူလဲဆိုတာကိုရော၊ ဘာကြောင့်ဒီလိုကြောက်စရာကောင်းတဲ့မြေကျင်းထဲ ရောက်နေရတာလဲဆိုတာကိုပါ လုံးဝမမှတ်မိတော့တဲ့မှတ်ဉာဏ်ပျောက်ဆုံးမှုပဲ ဖြစ်ပါတယ်။ အဲဒီနောက် သူ့အဖေလို့ဝန်ခံလာသူ အဲလစ်ရဲ့သီးခြားတည်ရှိနေတဲ့တောနက်ထဲက အိမ်ကလေးကို ရောက်ရှိသွားခဲ့ပါတယ်။ ဒါပေမယ့်လည်း လုံခြုံရမယ့်အိမ်ကလေးဟာ မကြာခင်မှာပဲ စိတ်ခြောက်ခြားစရာငရဲခန်းတစ်ခုလို ပြောင်းလဲသွားခဲ့ပါတယ်။ အတိတ်ရဲ့မှတ်ဉာဏ်အပိုင်းအစလေးတွေကို ပြန်ဆက်စပ်ဖို့ကြိုးစားနေတဲ့ဗီဗီယန်ဟာ တစ္ဆေဝိညာဉ်တွေရဲ့ခြောက်လှန့်မှု၊ တောအုပ်ထဲက မျှော့သတ္တဝါကြီးရဲ့အသက်အန္တရာယ်ခြိမ်းခြောက်မှုတင်မကဘဲ အဖေဆိုသူရဲ့မသင်္ကာစရာထိန်းချုပ်မှုတွေကိုပါ တစ်ပြိုင်နက်တည်း ရင်ဆိုင်လာရပါတယ်။ အကြောက်တရားတွေကြားထဲက အမှန်တရားကို စူးစမ်းလိုက်တဲ့အခါမှာတော့ မိစ္ဆာတွေ၊ နာနာဘာဝလျှို့ဝှက်ချက်တွေနဲ့ နက်နက်ရှိုင်းရှိုင်းဆက်နွှယ်နေမှန်း သိလိုက်ရပြီး သူ့ဘဝကို ဝါးမြိုမသွားခင်မှာ ဒီအမှောင်ထုထဲကနေ လွတ်မြောက်အောင် ရုန်းကန်ရမယ့်အကြောင်း သည်းထိတ်ရင်ဖိုပုံဖော်ထားတာ ဖြစ်ပါတယ်။ ဒီဇာတ်ကားဟာ သာမန်သရဲတစ္ဆေကားတွေလို ရုတ်တရက်လန့်အောင်လုပ်တဲ့ရိုက်ကွက်တွေတင်မကဘဲ စိတ်ပိုင်းဆိုင်ရာသည်းထိတ်ရင်ဖိုစရာတွေ ၊ ခန္ဓာကိုယ်ပိုင်းဆိုင်ရာ ထိတ်လန့်စရာတွေနဲ့ သတ္တဝါဆန်းခြောက်လှန့်မှုတွေကို ကျွမ်းကျင်စွာ ပေါင်းစပ်ပုံဖော်ထားတာပါ။ ရုပ်ရှင်တစ်ကားလုံးရဲ့ဇာတ်ညွှန်း၊ ရိုက်ကူးမှုနဲ့ဒါရိုက်တာတာဝန်တွေကို Evan Showalter က တာဝန်ယူခဲ့ပြီး ဒါဟာ သူ့ရဲ့ပထမဆုံးသောရုပ်ရှင်ဖန်တီးမှုလည်း ဖြစ်ပါတယ်။ DePaul University က ကျောင်းသားတွေနဲ့အနုပညာရှင်တွေစုစည်းပြီး ShoWorld ထုတ်လုပ်ရေးကတစ်ဆင့် ဖန်တီးခဲ့ကြတာပါ။ ကြာချိန်အားဖြင့် ၁ နာရီ ၁၆ မိနစ်လောက်ပဲရှိပေမယ့်လည်း အချိန်တိုအတွင်းမှာတင် ပရိသတ်ကို ရင်ခုန်စိတ်လှုပ်ရှားစေခဲ့ပါတယ်။ CGI ကွန်ပျူတာနည်းပညာထက် တကယ့်မိတ်ကပ်နည်းပညာတွေကို အဓိကအသုံးပြုထားတာကြောင့် သဘာဝဆန်ဆန်နဲ့ တကယ်ကြောက်စရာကောင်းတဲ့အမှောင်ထုခံစားချက်ကိုပေးစွမ်းနိုင်တဲ့ ၂၀၂၆ ဟော်ရာရုပ်ရှင်သစ်တစ်ကားဖြစ်ပါတယ်။ File Size… (1.29GB) / (882MB) Quality… WEB-DL 1080p HEVC / 720p Format…mkv / mp4 Duration…1h 16m Genre …Horror Subtitle….Myanmar Subtitle (Hard Sub)

Its Presence Between Us [2026] ++++++++++++++++ ပန်းချီဆွဲရတာဝါသနာပါပြီး အနုပညာကိုအသက်ပေးလုပ်ကိုင်နေတဲ့မိန်းကလေး ဂျင်းနဲ့ သူ့ချစ်သူကောင်လေး ဘရန်ဒန်တို့ရဲ့ချစ်သူသက်တမ်းအစပျိုးကာလက ရင်ခုန်စရာအခိုက်အတန့်တွေကို အစပျိုးပြသထားပါတယ်။ လူငယ်သဘာဝအလျောက် သူတို့ရဲ့ဆက်ဆံရေးက ပိုနီးကပ်လာပြီး ခန္ဓာကိုယ်နဲ့စိတ်ပိုင်းဆိုင်ရာရင်းနှီးမှုတွေ တိုးလာတာနဲ့အမျှ တစ်ယောက်ကိုတစ်ယောက် ပိုမိုပိုင်ဆိုင်လိုစိတ်တွေ၊ ရင်ထဲမှာမြှုပ်နှံထားတဲ့မလုံခြုံမှုတွေနဲ့စိုးရိမ်ပူပန်မှုတွေက အချင်းချင်းကြားမှာ စတင်ကြီးထွားလာပါတယ်။ ထူးဆန်းတာကတော့ သူတို့ရဲ့စိတ်ခံစားချက်တွေ ရှုပ်ထွေးလာတာနဲ့အမျှ ဂျင်းရဲ့နေအိမ်အတွင်းမှာ မျက်စိနဲ့မမြင်နိုင်တဲ့နာနာဘာဝ သဘာဝလွန်ဝိညာဉ်ခြောက်လှန့်မှုတွေပါ တပြိုင်နက်တည်း စတင်ဖြစ်ပေါ်လာပါတော့တယ်။ အဲဒီလိုမမြင်နိုင်တဲ့တစ္ဆေခြောက်လှန့်မှုတွေဟာ တကယ်တော့ သူတို့နှစ်ယောက်ရဲ့ရင်ထဲမှာ ဖုံးကွယ်ထားခဲ့တဲ့သံသယတွေ၊ အကြောက်တရားတွေနဲ့ အနာဂတ်အတွက်စိုးရိမ်ပူပန်မှုတွေရဲ့ပြင်ပပုံရိပ်ယောင်တွေဖြစ်နေတာကို တွေ့ကြုံရပါတယ်။ ချစ်ခြင်းမေတ္တာဆိုတာ နုနယ်ပြီး လွယ်လွယ်နဲ့ထိခိုက်ပျက်စီးတတ်တဲ့အရာတစ်ခုဖြစ်တာကြောင့် တစ်ယောက်ရဲ့အားနည်းချက်ကို တစ်ယောက်က မြင်တွေ့လက်ခံရတဲ့အခါ ဖြစ်ပေါ်လာတဲ့ရုန်းကန်မှုတွေကို ဟာသနှောလို့ ရိုမန်းတစ်ဆန်ဆန်နဲ့ ခြောက်လှန့်မှုတွေကြားမှာ ရိုက်ကူးတင်ဆက်ထားတာ ဖြစ်ပါတယ်။ Independent Production တစ်ခုဖြစ်တဲ့ OcuFilms က ထုတ်လုပ်ထားပြီး ဇာတ်ကားတစ်ကားလုံးကို စိတ်ကူးပုံဖော်ရိုက်ကူးတင်ဆက်ပေးခဲ့သူကတော့ ဒါရိုက်တာ၊ ဇာတ်ညွှန်းရေးဆရာနဲ့ သရုပ်ဆောင်တစ်ဦးလည်းဖြစ်တဲ့ Kelton White ဖြစ်ပါတယ်။ ဇာတ်ကားရဲ့ကြာချိန်ကတော့ ၁ နာရီ ၂၃ မိနစ်လောက်ရှိပြီး ရိုးရာဟော်ရာဇာတ်ကားတွေလို ကြောက်စရာသက်သက်မဟုတ်ဘဲ လူငယ်တွေရဲ့အချစ်ရေးနဲ့ စိတ်ပိုင်းဆိုင်ရာဒဏ်ရာတွေကို ပေါင်းစပ်ဖန်တီးထားတာကြောင့် ထူးခြားတဲ့အနုပညာလက်ရာတစ်ခုဖြစ်ပါတယ်။ File Size… (798B) / (465MB) Quality… WEB-DL 1080p HEVC / 720p Format…mkv / mp4 Duration…1h 23m Genre …Horror Subtitle….Myanmar Subtitle (Hard Sub)

ဇာတ်လမ်းကတော့ ဇနီးဖြစ်သူနဲ့ ကွာရှင်းထားပြီး သမီးလေးကို တစ်ယောက်တည်း ပြုစုပျိုးထောင်နေရတဲ့ စုံထောက် ကော်လီမိုး (Detective Collymore - သရုပ်ဆောင် Fabrizio Santino) ကနေ စတင်ပါတယ်။ တစ်နေ့မှာတော့ တစ်ဖနီ (Tiffany - သရုပ်ဆောင် Jessica Impiazzi) လို့ခေါ်တဲ့ မိန်းကလေးတစ်ယောက် ထူးထူးဆန်းဆန်း သေဆုံးသွားတဲ့ အမှုကို သူ စုံစမ်းစစ်ဆေးဖို့ ဖြစ်လာပါတယ်။ ဆေးစစ်ချက်တွေအရ သဘာဝအတိုင်း သေဆုံးတာလို့ ဆိုပေမယ့်၊ တစ်ဖနီဟာ သေဆုံးချိန်မှာ အလွန်အမင်း ကြောက်လန့်ပြီး နှလုံးခုန်နှုန်း (Adrenaline) အဆမတန် မြင့်တက်သွားခဲ့တာကို စုံထောက် ကော်လီမိုး က သံသယဝင်ခဲ့ပါတယ်။ ဒီအမှုကို နက်နက်နဲနဲ ဆက်လက်စုံစမ်းရင်းနဲ့ ကစားသမားတွေရဲ့ အနက်ရှိုင်းဆုံး အကြောက်တရားတွေကို လက်နက်အဖြစ် အသုံးချပြီး သတ်ဖြတ်နေတဲ့ "Jitters" ဆိုတဲ့ လျှို့ဝှက် AI ဗီဒီယိုဂိမ်းတစ်ခုအကြောင်းကို သိရှိသွားပါတော့တယ်။ စုံထောက် ကော်လီမိုး တစ်ယောက် ဒီဂိမ်းထဲက ပဟေဠိတွေဖွက်တတ်တဲ့ ကြောက်စရာ လူပြက်ကြီး (Daniel Jordan) ရဲ့ လက်ကနေ လွတ်မြောက်အောင် ဘယ်လို ရင်ဆိုင်မလဲ၊ သူ့ရဲ့ ကိုယ်ပိုင် အတိတ်က အကြောက်တရားတွေကိုရော ဘယ်လို ကျော်လွှားမလဲ ဆိုတာကို ရင်တမမနဲ့ ကြည့်ရှုရမှာပါ။ ဒီဇာတ်ကားရဲ့ အဓိက ဆွဲဆောင်မှုကတော့ သာမန် သရဲတစ္ဆေတွေ မဟုတ်ဘဲ၊ ယနေ့ခေတ်မှာ ခေတ်စားနေတဲ့ AI နည်းပညာက လူတွေရဲ့ စိတ်ပိုင်းဆိုင်ရာ အားနည်းချက်နဲ့ အကြောက်တရား (Phobias) တွေကို ဘယ်လို ခြယ်လှယ်ပြီး အသက်အန္တရာယ် ပေးနိုင်လဲ ဆိုတဲ့ အိုင်ဒီယာပါပဲ။ "အကြောက်တရားကသာ တစ်ခုတည်းသော စည်းမျဉ်း" (When fear is the only rule) ဆိုတဲ့ ဆောင်ပုဒ်အတိုင်း ကစားသမားတွေကို ကြောက်လန့်ပြီး သေဆုံးသွားအောင် ဖန်တီးထားတဲ့ ဇာတ်ကွက်တွေက စိတ်ဝင်စားဖို့ ကောင်းပါတယ်။ "Jitters (၂၀၂၆)" ဟာ နည်းပညာအခြေခံ သရဲကား (Techno-Horror) တွေနဲ့ လူပြက် (Killer Clown) ပါဝင်တဲ့ ဇာတ်ကားတွေကို သဘောကျတဲ့ ပရိသတ်တွေအတွက် အပျင်းပြေ ကြည့်ရှုလို့ကောင်းမယ့် ဇာတ်ကားသစ်တစ်ကား ဖြစ်ပါတယ်။ ဦးနှောက်စားရတဲ့ ဂိမ်းပဟေဠိတွေနဲ့ ခြောက်ခြားစရာ အခန်းတွေကို ခံစားချင်တယ်ဆိုရင်တော့ ဒီဇာတ်ကားလေးကို မဖြစ်မနေ ကြည့်ရှုဖို့ ညွှန်းဆိုပေးလိုက်ပါတယ်။ File size… 1.1 GB / 600 MB Quality… WEB-DL 1080p / 720p Format… mp4 Duration…. 1h 34mGenre ..... Horror, Thriller, Mystery Subtitle…. Myanmar Subtitle (Hard Sub)

The Curse (2026) "သေဆုံးပြီးသားသူရဲ့အကောင့်ကနေ တက်လာတဲ့ ဗီဒီယိုတွေနဲ့ ဆိုရှယ်ပေါ်က အတားအဆီးမဲ့ အမှောင်ကျိန်စာ" အမှန်အကန် Horror ကားတွေကြိုက်တဲ့ J Horror ပရိသတ်တွေအတွက် နာမည်ကြီး ဒါရိုက်တာ Kenichi Ugana ရဲ့ တုန်လှုပ်ချောက်ချားစရာ အငွေ့အသက်အပြည့်နဲ့ ကြည့်ရှုရမဲ့ သရဲကားအသစ်စက်စက်ကြီးကို တင်ဆက်ပေးလိုက်ပါတယ်။ မြို့ပေါ်က အလှပြင်ဆိုင်တစ်ဆိုင်မှာ ဧည့်ကြိုလုပ်ရင်းနဲ့ သူငယ်ချင်းဖြစ်သူ အာအိရိနဲ့အတူ တိုက်ခန်းတစ်ခုမှာ အတူတူနေထိုင်နေတဲ့ ရီကိုဆိုတဲ့ ကောင်မလေးတစ်ယောက်....... တစ်နေ့မှာတော့ ရီကိုဟာ ထိုင်ဝမ်မှာရှိတဲ့ သူ့သူငယ်ချင်းရှူဖန်ရဲ့ ဆိုရှယ်က အကောင့်မှာ ထူးဆန်းပြီး နားလည်ရခက်တဲ့ ဗီဒီယိုတွေကို ဆက်တိုက်တင်နေတာကို သတိထားလိုက်မိပါတယ်။ သူငယ်ချင်းဖြစ်သူကို စိတ်ပူသွားတဲ့ ရီကိုတစ်ယောက် ရှူဖန်ဆီကို ဆက်သွယ်ဖို့ကြိုးစားပေမဲ့ အဆက်အသွယ်မရတာကြောင့် ထိုင်ဝမ်မှာရှိနေတဲ့ ရည်းစားဟောင်းဖြစ်သူ ဂျာဟိုကို မေးမြန်းကြည့်လိုက်တဲ့အခါမှာ ရှူဖန်ဟာ လွန်ခဲ့တဲ့ ၆လကတည်းက သေဆုံးသွားမှန်း သိလိုက်ရပါတော့တယ်။ ဒါပေမဲ့ သေဆုံးပြီးသားသူရဲ့ အကောင့်ကနေ သွေးပျက်စရာဗီဒီယိုတွေ စာတွေ ဆက်လက်တင်နေပြီး မကြာခင်မှာပဲ အာအိရိဟာလည်း ရက်စက်စွာ သေဆုံးသွားခဲ့ပြန်တယ်။ အဖြေမှန်သိရဖို့အတွက် ရီကိုတစ်ယောက် ရည်းစားဟောင်း ဂျာဟိုနဲ့အတူ လိုက်လံစုံစမ်းတဲ့နောက်မှာတော့ ........ ဒီဖြစ်ရပ်ရဲ့နောက်ကွယ်မှာ ဘယ်လိုကျိန်စာဆိုးတွေ ရှိနေမလဲ..... သူငယ်ချင်းတွေ တစ်ယောက်ပြီးတစ်ယောက် ရက်စက်စွာသေဆုံးသွားတဲ့ အကြောင်းအရင်းကိုရော ရီကို အဖြေရှာနိုင်သွားမလားဆိုတာကိုတော့ ရင်သပ်ရှုမောဖွယ် ကြည့်ရှုရမဲ့ သရဲကားကောင်းလေးတစ်ကားဖြစ်ပါတယ်။ File size…1.67GB / 797MB Quality… WEB-DL 1080p/ 720p Format…mp4 Duration…. 1 hr. 34 min. Genre ….. Horror, Thriller, Drama Subtitle….Myanmar Subtitle (Hard Sub)

Hallowarrior [2026] ++++++++++ ကမ္ဘာပျက်ကပ်ပြီးနောက် ကာလနောက်ခံနဲ့ ဟယ်လိုဝင်းညတစ်ညရဲ့ ရင်တထိတ်ထိတ်ဖြစ်စရာအခြေအနေကိုအခြေခံပြီးရိုက်ကူးထားတဲ့ Survival Horror ဇာတ်ကားတစ်ကားဖြစ်တဲ့ Hallowarriorဆို့တဲ့ဇာတ်ကားလေးကိုတင်ဆက်ပေးလိုက်ပါတယ်........ ကပ်ရောဂါဆိုးကြီးကြောင့် လူသားတွေ မျိုးတုံးပျောက်ကွယ်လုနီးပါး ဖြစ်သွားတဲ့ ကမ္ဘာကြီးမှာ ပန့်ကင် ဆိုတဲ့ မိန်းကလေးငယ်တစ်ယောက်ဟာ အထီးကျန်ဆန်ဆန်နဲ့ အသက်ဆက်ရှင်ရပ်တည်နေရပါတယ်။ တစ်နေ့မှာတော့ ဟယ်လိုဝင်းညရဲ့ တိတ်ဆိတ်အေးစက်နေချိန်မှာ သာလီယာ ဦးဆောင်တဲ့ ရက်စက်ကြမ်းကြုတ်တဲ့ လုယက်သူအုပ်စုက သူမရဲ့ ခိုလှုံရာနေရာကို ရောက်ရှိလာပြီး ကျူးကျော်တိုက်ခိုက်ဖို့ ကြိုးစားပါတယ်။ အရေအတွက်ချင်း အဆမတန်ကွာခြားပြီး အင်အားကြီးမားတဲ့ လူဆိုးအုပ်စုကို မိန်းကလေးငယ်က ဘယ်လိုပြန်ပြီး ရင်ဆိုင်မလဲ၊ သူမရဲ့ ဉာဏ်ပညာ၊ ဟယ်လိုဝင်းပစ္စည်းတွေနဲ့ ထောင်ချောက်တွေကိုသုံးပြီး တစ်ညလုံး ဘယ်လို အသက်စွန့်ခုခံသွားမလဲဆိုတာကို Home Alone ဇာတ်ကားဆန်ဆန် ခပ်ကြမ်းကြမ်းနဲ့ သည်းထိတ်ရင်ဖို ကြည့်ရှုရမှာ ဖြစ်ပါတယ်.......... File Size… (1.40GB) / (852MB) Quality… WEB-DL 1080p HEVC / 720p Format…mkv / mp4 Duration…1h 18m Genre …Horror , Thriller Subtitle….Myanmar Subtitle (Hard Sub)

Devour [2026] +++++++++ သွေးစုပ်ဖုတ်ကောင် (Vampire) အလှလေးတွေဖြစ်တဲ့ All-female Heavy Metal Band တစ်ဖွဲ့ရဲ့ သွေးပျက်စရာ ခရီးစဉ်အကြောင်း ရိုက်ကူးထားတဲ့ Horror-Action ဇာတ်ကားလေးကို တင်ဆက်ပေးလိုက်ချင်ပါတယ်။ သူတို့အဖွဲ့ဟာ နယ်လှည့်ဖျော်ဖြေပွဲထွက်ရင်း လူသူဝေးတဲ့ မြို့လေးတစ်မြို့ကိုရောက်ရှိသွားခဲ့ပါတယ်။ အဲ့ဒီမြို့က သာမန်မြို့မဟုတ်ဘဲ စုန်းကဝေတွေ၊ လူသားစားဂိုဏ်းတွေ၊ သွေးစုပ်ဖုတ်ကောင်အုပ်စုတွေအပြင် သွေးဆာနေတဲ့ သမန်းဝံပုလွေ (Werewolf) ကြီးပါ ရှိနေတဲ့ တကယ့်သေမင်းတမန်နယ်မြေ ဖြစ်နေတဲ့အခါမှာတော့...။ လွတ်မြောက်ဖို့အတွက် သူတို့ရဲ့ လျှို့ဝှက်ဆန်းကြယ်တဲ့ သဘာဝလွန်စွမ်းအားတွေကို ထုတ်သုံးပြီး တစ်ညတာလုံး အသက်လုတိုက်ပွဲဝင်ရမယ့်အပြင် ရင်တထိတ်ထိတ်နဲ့ သွေးသံရဲရဲ ခြောက်ခြားဖွယ်ရာ ဇာတ်ကွက်တွေကို Heavy Metal Music အမိုက်စားတွေနဲ့အတူ မြင်တွေ့ရမှာပါ။ Stranger Things နဲ့ Avatar တို့ရဲ့ Creature visual effect အဖွဲ့က ဖန်တီးထားတာမို့လို့ မကောင်းဆိုးဝါးတွေရဲ့ ပုံစံတွေက တကယ့်ကို အသက်ဝင်ပြီး ကြောက်ဖို့ကောင်းပါတယ်။ Heavy Metal ဂီတကိုမှ သဘောကျပြီး သွေးသံတရဲရဲနဲ့ သဘာဝလွန် အက်ရှင်သည်းထိတ်ရင်ဖို ဇာတ်ကားမျိုးကိုမှ ကြည့်ချင်တဲ့သူတွေအတွက်တော့ ဒီဇာတ်ကားက လက်မလွှတ်တမ်း ကြည့်သင့်တဲ့ ကားကောင်းတစ်ကားပဲ ဖြစ်ပါတယ်။ File Size… (1.67GB) / (1.10GB) Quality… WEB-DL 1080p HEVC / 720p Format…mkv / mp4 Duration…1h 52m Genre …Horror , Thriller Subtitle….Myanmar Subtitle (Hard Sub)

Adored [2026] ++++++++ ဒီတစ်ခေါက်တင်ဆက်ပေးမဲ့ ဇာတ်ကားလေးကတော့ သည်းထိတ်ရင်ဖို Horror ကြိုက်တဲ့သူတွေ လက်မလွတ်သင့်တဲ့ ဇာတ်ကားကောင်းတစ်ကားပါ။ ဇာတ်လမ်းလေးကတော့ အနုပညာလောကရဲ့ ထိပ်တန်းမင်းသမီးချောလေး ဒန်နီဟာ စိတ်ဒဏ်ရာတွေကို ကုစားဖို့အတွက် ဗာဂျင်ကျွန်းစုပေါ်က လူသူဝေးတဲ့ သီးသန့်ဗီလာတစ်ခုဆီ အပန်းဖြေခရီး ထွက်လာခဲ့ပါတယ်။ ဒါပေမဲ့ သူမ ထင်ထားသလို အေးချမ်းမနေဘဲ မမြင်ရတဲ့ စောင့်ကြည့်ခြိမ်းခြောက်သူတစ်ယောက်ရဲ့ အန္တရာယ်နဲ့ ရင်ဆိုင်ရတဲ့အခါမှာတော့ သူ့ရဲ့ အပန်းဖြေခရီးဟာ ပြောင်းလဲသွားပါတော့တယ်။ နောက်ပိုင်းမှာတော့ သူ့ရဲ့ အနားနားမှာ အမြဲရှိနေပေးတဲ့ လက်ထောက်ကောင်မလေး ရောက်လာပြီး နှစ်ယောက်သား ပူးပေါင်းကာ အသက်ရှင်ကျန်ရစ်ဖို့အတွက် အသည်းအသန် ရုန်းကန်ကြရမှာပါ။ ဘယ်သူ့ကိုမှ ယုံကြည်လို့မရတဲ့ ကျွန်းပေါ်က ဗီလာအိမ်ကြီးထဲမှာ စိတ်လှုပ်ရှားစရာ ဇာတ်ရှိန်အလှည့်အပြောင်းတွေနဲ့ ၁ နာရီခွဲစာလုံး မျက်တောင်မခတ်တမ်း ကြည့်ရမယ့် ကျောချမ်းဖွယ် ဇာတ်ကားကောင်းတစ်ကားမို့ အခုပဲ ကြည့်ရှုလိုက်ဖို့ ညွှန်းဆိုပေးလိုက်ချင်ပါတယ်။ File Size… (1.57GB) / (927MB) Quality… WEB-DL 1080p HEVC / 720p Format…mkv / mp4 Duration…1h 45m Genre …Horror , Thriller Subtitle….Myanmar Subtitle (Hard Sub)

Dracula Eternal (2026) သွေးစုပ်ဖုတ်ကောင်ကားကြိုက်သူတွေအတွက် အသစ်ထွက်ရှိထားတဲ့ဒရက်ကူလာ ကားသစ်ကြီးလာပြီနော်...ပုံမှန်ဆိုရင် အေးချမ်းသာယာပြီး ပျော်စရာကောင်းရမယ့် နွေရာသီအပန်းဖြေခရီးစဉ်တစ်ခုဟာ မီနာဆိုတဲ့လူငယ်အမျိုးသမီးတစ်ဦးအတွက်တော့ ဘဝရဲ့ အဆိုးဆုံး အိပ်မက်ဆိုးကြီး ဖြစ်လာခဲ့ပါတော့တယ်.... ခရီးစဉ်အတွင်းမှာ သူမရဲ့ အရင်းနှီးဆုံး သူငယ်ချင်းဖြစ်သူလူစီမှာ မသင်္ကာဖွယ်ရာ လက္ခဏာတွေနဲ့ ရုတ်တရက် နာမကျန်းဖြစ်လာပြီး လက်ထပ်ဖို့ စေ့စပ်ထားတဲ့ ချစ်သူကလည်း ရိပ်ခြေမပြဘဲ ရုတ်တရက် ပျောက်ဆုံးသွားတာတို့ကြောင့် မီနာဟာ တစ်ကိုယ်တည်း ထိတ်လန့်ကြောက်ရွံ့မှုတွေနဲ့ ရင်ဆိုင်ရပါတော့တယ်။ အဲဒီနောက်မှာတော့ သူမဟာ ရာစုနှစ်များစွာ သက်တမ်းရှိနေပြီဖြစ်တဲ့ ရှေးဟောင်း မကောင်းဆိုးဝါး၊ သွေးစုပ်ဖုတ်ကောင်ဘုရင်ကြီးနဲ့ ရင်ဆိုင်ရပြီး မိမိရဲ့ အသက်နဲ့ ချစ်ရသူတွေအတွက် လွတ်မြောက်ဖို့ အသည်းအသန် အသက်လု ရုန်းကန်တိုက်ပွဲဝင်ရပါတော့တယ်... File Size - 1.1 GB/ 429 MB Quality - WEB-DL 1080p/ 720p Duration - 1h 25m Format - mp4 Genre - Horror Subtitle - Myanmar Subtitle (Hard Sub)

Stream of Terror (2026) IMDb Rating (5.1) အထက်တန်းကျောင်းပြီးခါစ တီဖနီဟာ ဆိုရှယ်မီဒီယာပေါ်မှာ ဖော်လိုဝါတွေ အများကြီးနဲ့ ပျော်စရာဘ၀ကိုပိုင်ဆိုင်ထားသူပါ။ ဒါပေမယ့် တက္ကသိုလ်မတက်ခင် ကားအသစ်စက်စက်လေးကို ရည်းစားနဲ့အတူလျှောက်မောင်းရင်း လူတစ်ယောက်ကိုတိုက်မိပြီး ထွက်ပြေးခဲ့ကြပါတယ်။ နောက်နှစ်တွေ အတော်ကြာချိန်မှာတော့ တစ်ဖနီဟာ လက်ဝှေ့နည်းပြတစ်ယောက်ဖြစ်နေပြီး စိတ်ဒဏ်ရာတွေအတွက်လည်း ကုထုံးခံယူနေရသလို ဆေးပုံမှန်သောက်နေရသူတစ်ယောက်ဖြစ်နေပါပြီ။ အဲ့ဒီအချိန်မှာပဲ မျက်နှာဖုံးစွပ်လူသတ်သမားတစ်ယောက်ဟာ သူ့ပတ်ဝန်းကျင်က သူ့သူငယ်ချင်းတွေကို မျက်နှာဖုံးထဲက ကင်မရာနဲ့ Live လွှင့်ပြီးရက်ရက်စက်စက် သတ်ဖြတ်ပြပါတော့တယ်။ အဲ့ဒီအချိန်မှာတော့ တစ်ဖနီတစ်ယောက် သူကိုယ်တိုင်နဲ့သူ့ပတ်ဝန်းကျင်က သူချစ်ရသူတွေကိုကယ်တင်ဖို့အစွမ်းကုန်ကြိုးစားရဖို့ဖြစ်လာပါတော့တယ်။ Stream of Terror ဟာ  classic Slasher ဇာတ်ကားတွေဖြစ်တဲ့ I Know What You Did Last Summer နဲ့ Scream တို့ရဲ့ပုံစံကိုဒီခေတ် ဆိုရှယ်မီဒီယာယဉ်ကျေးမှုနဲ့ပေါင်းစပ်အသက်သွင်းထားတဲ့ Slasher Flicks တစ်ကားဖြစ်ပါတယ်။ တသမတ်တည်း မဟုတ်တဲ့ POV ရိုက်ချက်တွေက ပရိသတ်ကိုပွဲကြည့်ပရိသတ်မဟုတ်ပဲ ရုပ်ရှင်ထဲမှာ ကိုယ်တိုင်ရောက်နေတဲ့အတိုင်းခံစားချက်ပေးစွမ်းနိုင်ပြီး ဇာတ်ကောင်တွေရဲ့အပေးအယူမျှမှုကလည်း သဘောကျစရာပါ။ ပေါ့ပေါ့ပါးပါးနဲ့ကြည့်ရမယ့် ဇာတ်ကားမျိုးဖြစ်ပါတယ်။ File size… (1.2 GB) / (680 MB) Quality…. WEB-Rip 1080p HEVC / 720p Format…. mkv/mp4 Genre…. Horror,Thriller Duration…. 01:22:41 Subtitle…. Myanmar Subtitle (Hardsub)

Siccîn 9 (2026) IMDb Rating (4.1) ဒီကပရိသတ်တွေနဲ့ အထူးမိတ်ဆက်ပေးဖို့မလိုတဲ့ နာမည်ကျော် တူရကီဟော်ရာ ရုပ်ရှင်စီးရီးစ်ဖြစ်တဲ့Siccin ကတော့ ကိုးကားမြောက်ထွက်ရှိလာခဲ့ပါပြီ။ Siccin ဇာတ်ကားတွေထုံးစံအတိုင်းဖြစ်ရပ်မှန်ကိုပဲ အခြေခံထားပြီး ဇာတ်လမ်းကတော့ ဖခင်ဖြစ်သူ ရီဇာကို ဘယ်တုန်းကမှမမြင်ခဲ့ဖူးတဲ့ ဂျီမယ်လ်ဆိုတဲ့ လူငယ်လေးကိုဗဟိုပြုထားပါတယ်။ ဂျီမယ်လ်ဟာ မကောင်းဆိုးဝါး ဝင်ရောက်ပူးကပ်ခံခဲ့ရပြီး ကောင်မလေးတစ်ယောက်ကို ခဲနဲ့ထုသတ်ခဲ့တာကြောင့်မိခင်ဖြစ်သူက မကောင်းဆိုးဝါးရဲ့ကလေး ဆိုပြီး အပနှင်ဆရာကိုခေါ်ယူမောင်းထုတ်ခဲ့ပါတယ်။ နောက်နေ့မှာတော့ သူ့မိခင်ကိုသေဆုံးလျက်သားရှာတွေ့ခဲ့တာကြောင့် သက်ရှိထင်ရှားဖြစ်နေတဲ့ဖခင်ဖြစ်သူ၊ သူ့ဇနီးနဲ့ သူ့အဖေတူမအေကွဲအစ်မ ဒင်းနစ် တို့ရှိရာအိမ်ကြီးကိုရောက်လာခဲ့ပါတယ်။ဒါပေမယ့် ဂျီမယ်လ်နဲ့အတူပါလာတဲ့ ကျိန်စာဟာ အိမ်မှာရှိနေနှင့်သူတွေကို အိမ်မက်ဆိုးတွေ၊ဖြစ်ရပ်ဆိုးတွေနဲ့အတူ အတိတ်ကကြောက်စရာလျှို့ဝှက်ချက်ကြီးတစ်ခုပေါ်လာတဲ့အထိ တောက်လျှောက်မွှေနှောက်ပါတော့တယ်။ Siccin ဇာတ်ကားတွေထုံးစံအတိုင်း ကြောက်စရာမြင်ကွင်းတွေ၊ ရက်စက်တဲ့သတ်ဖြတ်မှုတွေ၊ သွေးထွက်သံယိုတွေတင်းကြမ်းပါဝင်လို့ကြည့်ရဲမှကြည့်သင့်တဲ့ကားပါပဲ။ File size… (1.5 GB) / (840 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:31:33 Subtitle…. Myanmar Subtitle (Hardsub)

Evel (2026) IMDb Rating (4.1) ကယ်ရီကငယ်ရွယ်ထက်မြက်တဲ့ရှေ့နေမလေးတစ်ယောက်ဖြစ်ပြီး အရေးပါတဲ့စီးပွားရေးစာချုပ်တစ်ခုအတွက် လျှို့ဝှက်ဥပဒေရေးရာ စာရွက်စာတမ်းများကို သွားရောက်ပေးပို့ဖို့တာဝန်ပေးခံရပါတယ်။ အဲ့ဒီခရီးကို သူက အင်ပိုင်ယာကော်ပိုရေးရှင်းရဲ့နောက်ဆုံးပေါ်ဒေးဗစ်ဆိုတဲ့ AI စနစ်ပါဝင်တဲ့ အဆင့်မြင့်အလိုအလျောက်မောင်းနှင်စနစ်သုံးကားနဲ့ထွက်ခွာလာခဲ့ပါတယ်။ ဒါပေမယ့် မမျှော်လင့်ပဲ ကားရဲ့စနစ်ချို့ယွင်းသွားပြီး သူ့ကို ကားထဲမှာပိတ်လှောင်ထားလိုက်ပြီးထွက်ပြေးမရအောင်ပိတ်ဆို့ထားလိုက်ပါတယ်။ အဲ့ဒါအပြင် ကားရဲ့ အေအိုင်စနစ်က သူ့ရဲ့ဒစ်ဂျစ်တယ်အချက်အလက်အထောက်အထားတွေကို ဖျက်ဆီးပစ်လိုက်ပြီး သူ့ကို လိုရာသုံးမယ့် အကြံအစည်နဲ့သူဌေးကြီးတစ်ယောက်ဆီပို့ဆောင်ဖို့ကြံစည်ထားတဲ့ လျှို့ဝှက်အစီအစဉ်တွေပေါ်ပေါက်လာချိန်မှာတော့ ကယ်ရီတစ်ယောက် အေအိုင်တစ်ယောက်နဲ့ဉာဏ်ချင်းယှဉ်ပြိုင် လွတ်လမ်းရှာရဖို့ဖြစ်လာပါတော့တယ်။ ခေါင်းဆောင်မင်းသမီး Athena Park ရဲ့သရုပ်ဆောင်ချက်တွေနဲ့တစ်ကားလုံးဆွဲခေါ်သွားနိုင်တဲ့ကားပါ။ သူ့ရဲ့ ထက်မြက်ပါးနပ်တဲ့ သရော်မော်ကား မထီမဲ့မြင်အမူအယာတွေက ဇာတ်ရုပ်ရော ပတ်ဝန်းကျင်အခြေအနေနဲ့ပါကွက်တိကျလိုက်ဖက်လှပါတယ်။ဇာတ်ကောင်နဲ့ အေအိုင်ကြားက အပြန်အလှန်စကားပြောခန်းတွေမှာပါတဲ့ မရေရာမှုတွေ တင်းမာမှုတွေကလည်း အဆုံးထိဆက်ကြည့်ချင်အောင်ဆွဲဆောင်နိုင်ပါတယ်။ လှည့်ကွက်တွေလည်းမိုက်ပြီး ကြည့်ကောင်းတဲ့ AI အခြေပြု Sci-fi/Horror နောက်တစ်ကားပါပဲ။ File size… (1.3 GB) / (790 MB) Quality…. WEB-Rip 1080p HEVC / 720p Format…. mkv/mp4 Genre…. Horror,Science Fiction,Thriller Duration…. 01:25:45 Subtitle…. Myanmar Subtitle (Hardsub)