Panor 2

ဇာတ်လမ်းအကြောင်း

ထိုင်းသရဲကားတွေထဲမှာ ဂန္ထဝင်ဖြစ်နေတဲ့ "ဖနော" (Art of the Devil) ကို တော်တော်များများ ကြည့်ဖူးကြမှာပါ။ အခု ညွှန်းပေးမယ့် "Panor 2" (တကယ့် နာမည်အရတော့ Art of the Devil 3 သို့မဟုတ် Long Khong 2) ကတော့ အဲဒီကားထဲက ဆရာမ မစ္စ ဖနော တစ်ယောက် ဘာကြောင့် ဒီလောက်တောင် အောက်လမ်းပညာတွေ ကျွမ်းကျင်ပြီး ကြမ်းတမ်းသွားရတာလဲဆိုတဲ့ နောက်ခံဇာတ်ကြောင်းကို ပြန်ပြထားတဲ့ ကားပါ။ ဇာတ်လမ်းအရဆိုရင် မစ္စ ဖနော က ရုပ်ရည်ချောမောလှပတဲ့ ဆရာမလေး တစ်ယောက်ပေါ့။ သူ့ရဲ့ အလှအပကြောင့်ပဲ ပတ်ဝန်းကျင်က ယောက်ျားတွေက သူ့ကို ပိုင်ဆိုင်ချင်ကြ၊ အောက်လမ်းပညာတွေနဲ့ ပြုစားဖို့ ကြိုးစားကြတယ်။ အဲဒီလို အနှောင့်အယှက်တွေ၊ လှည့်ကွက်တွေကြားမှာ မစ္စဖနော တစ်ယောက် ကိုယ့်ကိုယ်ကိုယ် ကာကွယ်ဖို့နဲ့ သူ့ကို ဒုက္ခပေးတဲ့သူတွေကို လက်စားချေဖို့အတွက် အောက်လမ်းပညာတွေကို စပြီး ထိတွေ့လာရတယ်။ ဒီကားထဲမှာ မစ္စ ဖနောက မျက်လုံးသုံးလုံးပါတဲ့ နတ်ဆိုးရဲ့ အစွမ်းတွေကို ရဖို့ ကြိုးစားရင်းနဲ့ သူကိုယ်တိုင် အမှောင်လောကထဲကို ဘယ်လို နစ်မွန်းသွားလဲဆိုတာကို ပြသထားတယ်။ တစ်ဖက်မှာလည်း သူ့ကို ပြုစားခဲ့တဲ့သူတွေကို အကြမ်းစား ပြန်ပြီး လက်စားချေတာတွေကို ရင်တမမနဲ့ ကြည့်ရမှာပါ။ ရိုးရိုး သရဲခြောက်တဲ့ကားမျိုး မဟုတ်ဘဲ အောက်လမ်းပညာတွေ၊ သွေးထွက်သံယို အခန်းတွေနဲ့ အသည်းယားစရာ အကွက်တွေ တော်တော်များများ ပါတာမို့ အကြမ်းစား horror ကားတွေ ကြိုက်တဲ့သူတွေ အကြိုက်တွေ့မှာ သေချာပါတယ်။ ပထမကားကို ကြည့်ပြီး မစ္စ ဖနော ရဲ့ အတိတ်ကို သိချင်နေတဲ့ သူတွေအတွက်တော့ သေချာပေါက် ကြည့်သင့်တဲ့ ကားကောင်းလေး တစ်ကားလို့ ညွှန်းပေးလိုက်ပါတယ်နော်။