Ox-Head Village

ဇာတ်လမ်းအကြောင်း

အထက်တန်းကျောင်းသူ သုံးယောက်က သရဲခြောက်တယ်လို့ နာမည်ကြီးတဲ့ ဟိုတယ်ပျက်ထဲ ဝင်ပြီး တိုက်ရိုက်ထုတ်လွှင့်ပြကြရာက ဇာတ်လမ်းစပါတယ်။ သူတို့ထဲက ရှိအွန်ဟာ ဗီဒီယိုထဲမှာ သူ့မျက်နှာပါသွားမှာစိုးလို့ နွားခေါင်းပုံ ခေါင်းစွပ်ကို ဆောင်းထားတယ်။ ကျန်တဲ့မိန်းကလေးတွေက သူ့ကို အခန်းတစ်ခန်းထဲ အတင်းပိတ်ထားလိုက်ပြီး ခဏကြာလို့ တံခါးပြန်ဖွင့်ကြည့်တဲ့အခါ ရှိအွန်က ထူးထူးဆန်းဆန်း ပျောက်သွားပါပြီ။ ဒီဗီဒီယိုကို ကြည့်မိတဲ့ ခန်အွန်ဆိုတဲ့ မိန်းကလေးက ရှိအွန်နဲ့ ရုပ်ချင်းခွဲမရအောင် တူနေပါတယ်။ ဒါကြောင့် ဒီအဖြစ်အပျက်ကို စိတ်ဝင်စားသွားပြီး နွေရာသီကျောင်းပိတ်ရက်မှာ သူနဲ့ အီစီကလီဖြစ်နေတဲ့ ကောင်လေး ရန်နဲ့အတူ ရေပူစမ်းဟိုတယ်ပျက်ရှိတဲ့မြို့ကို သွားကြတယ်။ သူတို့ကို လိုက်ပို့တဲ့ တက္ကစီသမားဆီကနေ နွားခေါင်းပုံပြင်အကြောင်း ကြားလိုက်ရပါတယ်။ ဒီပုံပြင်ကို နားထောင်မိသူတိုင်း ကျိန်စာသင့်ပြီး သေဆုံးရမယ်ဆိုတဲ့ ယုံတမ်းစကား ရှိနေတာပါ။ သူတို့ကတော့ အဲဒီစကားကို မယုံဘဲ ဟိုတယ်ပျက်နဲ့ နွားခေါင်းအကြောင်း ဆက်စုံစမ်းကြပါတယ်။ ခန်အွန်နဲ့ ရှိအွန်တို့ဟာ ဒီကျိန်စာနဲ့ ဘယ်လိုပတ်သက်နေကြသလဲ၊ ကျိန်စာက ဘာကြောင့်ရှိလာပြီး လူငယ်တွေ ဘယ်လိုကျော်လွှားကြမလဲဆိုတာကို ရှေးဓလေ့တွေနဲ့ သဘာဝလွန်ဖြစ်ရပ်တွေ ချိတ်ဆက်ထားတဲ့ ဇာတ်လမ်းအဖြစ် တင်ဆက်ထားပါတယ်။ Howling Village နဲ့ Suicide Forest Village တို့ကို ရိုက်ကူးခဲ့တဲ့ ဒါရိုက်တာရဲ့ ဂျပန်သည်းထိတ်ရင်ဖိုရုပ်ရှင်ပါ။