Aaron Hong ပါဝင်သော ဇာတ်ကားများ

ထိုင်ဝမ်ရဲ့ အေးချမ်းတဲ့ကျေးလက်ဒေသက သာမန်မိသားစုလေးတစ်စုရဲ့ သာမန်နေ့ရက်တွေကြားက သာမန်မဟုတ်တဲ့ဖြစ်ရပ်တွေနဲ့ ရှားပါးနက်ရှိုင်းပြီးခိုင်မြဲတဲ့ သံယောဇဉ်တွေအကြောင်း ရုပ်ရှင်ဇာတ်ကားဖြစ်ပါတယ်။ Golden Horse Awords မှာ nominees တွေအများကြီးရခဲ့တဲ့ ဇာတ်ကားကောင်းလေးပဲဖြစ်ပါတယ်။ မထင်မှတ်ပဲ ကိုယ်ကမွေးစားသမီးဖြစ်နေတာကို သိလိုက်ရတဲ့ သမီးကြီး...... အချိန်တွေကြာလာမှ အဖေ့အကြောင်းနားလည်လာတဲ့ သားငယ်...... ကမောက်ကမဖြစ်နေတဲ့ မိမိရဲ့ဘဝဆိုးကို ပြောင်းလဲနိုင်ဖို့ ကြိုးစားနေတဲ့ အဖေ....... ကလေးရဖို့ ရိုးရာနည်းရော ခေတ်မီနည်းနဲ့ပါကြိုးစားခဲ့ရတဲ့ မေမေ......သူတို့လေးယောက်ဟာ တစ်မိုးအောက်မှာစုဝေးနေထိုင်ရင်း ဘဝရဲ့အနိမ့်အမြင့်တွေကိုဖြတ်သန်းရင်း ဘဝကို ကိုယ်စီပုံဖော်နေကြတာပဲဖြစ်ပါတယ်။ မိသားစုတစ်စုဖြစ်တည်လာဖို့ဆိုတာ အလိုအလျောက် အလွယ်တကူဖြစ်မလာနိုင်ပါဘူး။ အင်အားကြီးပြီး နွေးထွေးတဲ့အချစ်တွေနဲ့ အပြန်အလှန်ဖေးမရင်း ရင်ကိုနွေးစေမယ့်မေတ္တာတွေကိုခံစားမိစေမယ့် ဇာတ်ကားပဲဖြစ်ပါတယ် Filesize : 1.18 GB / 546 MB Quality : WEB-DL 1080p HEVC , 720p HEVC Format : mp4 Genres : Drama and Family Runtime : 1 h 39 min Subtitle : Myanmar Subtitle ( Hardsub )

ကလေးမွေးဖွားခြင်းဆိုတာ ပျော်ရွှင်စရာအဆုံးသတ်တစ်ခုလို့ လူအများက ထင်တတ်ကြပေမဲ့… တချို့မိသားစုတွေအတွက်တော့ အသက် အချစ်နဲ့ သတ္တိကို အတူတူ စမ်းသပ်ခံရတဲ့ အစပဲ ဖြစ်နိုင်ပါတယ် အချစ်ဆိုတာကလည်း လူနှစ်ယောက်ရဲ့ ဇာတ်လမ်းပဲ မဟုတ်ပါဘူး… တစ်ခါတလေတော့ မိသားစုတစ်ခု ဖြစ်လာဖို့ ဘယ်လောက်သတ္တိလိုအပ်လဲဆိုတာကို သက်သေပြရတဲ့ ခရီးရှည်တစ်ခုလည်း ဖြစ်နိုင်ပါတယ် ဒါရိုက်တာ ယိုရှောက်ရှန်ရဲ့ ကိုယ်တိုင်ကြုံတွေ့ခဲ့ရတဲ့ အတွေ့အကြုံကို အခြေခံရိုက်ကူးထားတဲ့ Unexpected Courage ဆိုတဲ့ ရုပ်ရှင်လေးဟာ အချစ်ရေး အိမ်ထောင်ရေးနဲ့ မိဘဘဝအကြား ရွေးချယ်မှုတွေကို တင်ဆက်ရိုက်ပြထားတဲ့ Family Romance ဇာတ်အိမ်လေးတစ်ကား ဖြစ်ပါတယ် ဒီရုပ်ရှင်လေးထဲမှာတော့ Lesson in Love မှာ Li Dawei အဖြစ် ပါဝင်သရုပ်ဆောင်ခဲ့တဲ့ မင်းသား Hsueh Shih Ling (Simon Hsueh) က ပေါ်အန်းအဖြစ် Male Lead နေရာက ပါဝင်သရုပ်ဆောင်ထားပါတယ်အောင်မြင်တဲ့ အနုပညာလောကမှာ အလုပ်များပြီး အချိန်နဲ့အပြေးအလွှား ရုန်းကန်နေတဲ့ ပေါ်အန်းနဲ့ လဲ့ဖူတို့ ချစ်သူနှစ်ဦးဟာ နှစ်ပေါင်းများစွာ လက်တွဲလာခဲ့ပေမဲ့ အသက်အရွယ်ကွာဟမှု မိသားစုအတိတ်ဒဏ်ရာတွေနဲ့ အနာဂတ်အပေါ် ကြောက်ရွံ့မှုတွေကြောင့် အမြဲတမ်း ဆုံးဖြတ်ချက်ချဖို့ ဝန်လေးနေခဲ့ကြရင်း မမျှော်လင့်ထားတဲ့ ကိုယ်ဝန်သတင်းတစ်ခုက သူတို့နှစ်ယောက်ရဲ့ ဘဝကို လုံးဝပြောင်းလဲသွားစေပါတော့တယ်… ဒါပေမဲ့ မျှော်လင့်ထားတဲ့ ပျော်ရွှင်မှုဟာလည်း လွယ်လွယ်ကူကူ ရောက်မလာခဲ့ပါဘူး…ကိုယ်ဝန်ဆောင်ချိန်အတွင်း မထင်မှတ်ထားတဲ့ ကျန်းမာရေးအန္တရာယ်တွေ အသက်နဲ့ရင်းပြီး ရင်ဆိုင်ရတဲ့ ဆုံးဖြတ်ချက်တွေ မိခင်နဲ့ ကလေးနှစ်ယောက်စလုံးကို ကယ်တင်ဖို့ ဆရာဝန်တွေရဲ့ ခက်ခဲတဲ့ရွေးချယ်မှုတွေကြောင့် မိသားစုတစ်ခုလုံး စမ်းသပ်ခံလိုက်ရပါတော့တယ် တစ်ဖက်မှာတော့ ပေါ်အန်းဟာ အပြင်ပန်းမှာ တည်ငြိမ်အောင် ဟန်ဆောင်နေပေမယ့် ရင်ထဲမှာတော့ ချစ်သူကို ဆုံးရှုံးရမှာကြောက်တဲ့ စိုးရိမ်မှု၊ ဖခင်တစ်ယောက်ဖြစ်လာမဲ့ တာဝန်နဲ့ မပြောဖြစ်ခဲ့တဲ့ ခံစားချက်တွေအားလုံးကို တိတ်တဆိတ် ထမ်းပိုးရင်း ရုန်းကန်နေခဲ့ရပါတယ်နောက်ဆုံးမှာတော့ Unexpected Courage ဆိုတဲ့ ရုပ်ရှင်နာမည်လေးအတိုင်း "သတ္တိ" ဆိုတာ ကြီးကျယ်တဲ့အရာတွေကို လုပ်ပြနိုင်တာမဟုတ်ဘဲ ကိုယ်ချစ်တဲ့သူအတွက် ကြောက်နေတဲ့ကြားက ရှေ့ဆက်လှမ်းရဲတာပဲဆိုတဲ့ အဓိပ္ပာယ်ကို ခံစားမိစေမဲ့… Family ဇာတ်အိမ်အမျိုးအစားတွေကို ကြိုက်တဲ့သူတွေ မိသားစုတစ်ခုရဲ့ အဓိပ္ပာယ်နဲ့ မိဘဘဝရဲ့ တန်ဖိုးကို ခံစားချင်တဲ့သူတွေအတွက်တော့ မျက်ရည်ကျစေနိုင်တဲ့ ရုပ်ရှင်ဇာတ်ကားကောင်းတစ်ကားလို့ ပြောနိုင်ပါတယ် Filesize : 1.38 GB / 731 MB Quality : WEB-DL 1080p HEVC , 720p HEVC Format : mp4 Genres : Drama and Romance Runtime : 1h 51 min Subtitle : Myanmar Subtitle ( Hardsub )

ဆင်းရဲမှာနဲ့ သေမှာ ဘယ်ဟာကိုကြောက်လဲ။ The Young Hoodlum ရုပ်ရှင်က က ဆယ်ကျော်သက်အရွယ် ကောင်လေး ၄ ယောက် ငွေနောက်လိုက်ပြီး လမ်းမှားပေါ် ရောက်သွားတဲ့ ဇာတ်လမ်းလေးပဲ ဖြစ်ပါတယ်။ ဇာတ်လမ်းအကျဉ်းလေးကတော့- ဝူချန်ဟန့်ဟာ ညီမလေးရီရွှမ်းနဲ့အတူ အရက်သမားအဖေရဲ့ နှိပ်စက်သမျှ ခံနေရသူဖြစ်ပါတယ်။ နောက်ထပ် သူ့လို အောက်ခြေဘဝမှာ အတူတူကြီးပြင်းလာတဲ့ ညီအစ်ကိုလို ခင်ရတဲ့ သူငယ်ချင်း ၃ ယောက်လည်း ရှိပါသေးတယ်။ သူတို့ ၄ ယောက်ဟာ ငွေလွယ်လွယ်နဲ့ ရမဲ့ လိမ်လည်ရတဲ့ အလုပ်တွေကိုပဲ အပျော်လို့ သဘောထားပြီး လုပ်နေကြပါတယ်။ ရီရွှမ်းရဲ့ မွေးနေ့မှာ လျိုဖျင်ရန်ဆိုတဲ့ ကောင်မလေးနဲ့ ခင်သွားခဲ့ပြီး သူတို့ မမြင်ရတဲ့ ဘဝတစ်မျိုးကို မြင်ခဲ့ရပါတယ်။ ပိုက်ဆံကို လွယ်လွယ်နဲ့ ရှာခဲ့ပြီးနောက် လောဘဇောမသက်နိုင်ဖြစ်လာခဲ့ပါတယ်။ နောက်ဆုံးမှာ လျိုဖျင်ရန်က ဦးဆောင်ပြီး သူ့မိဘဆီက ပိုက်ဆံတောင်းဖို့ ပြန်ပေးဆွဲတဲ့ ဇာတ်လမ်းကို ကြံစည်ကြပါတော့တယ်။ ဒါပေမဲ့ လူ့စိတ်ဆိုတာ ခန့်မှန်းရခက်တဲ့အတွက် သူတို့ ပြန်ပေးဆွဲဖို့ အကြံအစည်က အောင်မြင်ပါ့မလား...... စနောက်ခြင်းကနေ ဒုစရိုက်အစစ် ကျူးလွန်မိသွားတဲ့အခါ ဘယ်လိုတွေ ဆက်ဖြစ်သွားမလဲဆိုတာကို ဆက်လက်ကြည့်ရှုလိုက်ရအောင်နော်။ Filesize : 1.83 GB / 865 MB Quality : WEB-DL 1080p , 720p Format : mkv  Genres : Crime  Runtime : 1h 19 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

Hello Ghost (2010) ကိုရီးယားကားကို တချို့ ကာရိုက်တာ ပလော့တွေပြောင်းထားပြီး ထိုင်ဝမ်ဗားရှင်းနဲ့ 2023 ခုနှစ်မှာ ရိုက်ကူးတင်ဆက်ထားတာကို ဘာသာပြန်တင်ဆက်ပေးလိုက်ပါတယ်... ဇာတ်လမ်းအကျဉ်းလေးကိုပြောရရင်... ဒီလူ့ဘဝကြီးမှာ အသက်ရှင်ဖို့ အကြောင်းပြချက် လိုက်ရှာနေတဲ့ ကောင်လေးတစ်ယောက်... ဘာပဲပြောပြော မွေးနေ့မှာ ဟက်ပီးဘတ်ဒေး ပြောတဲ့သူရှိသင့်တယ်မလား... တစ်ခုခုပင်ပန်းတဲ့အခါ မှီဖို့အနားမှာလူရှိသင့်တယ်လေ... ဘာကြောင့် ဘယ်သူ့အတွက် ဒီလောကမှာ နေပေးရမယ်ဆိုတဲ့ အဖြေကို ရှာမတွေ့တဲ့ ရွှီချန်ဝေတစ်ယောက် အဆုံးစီရင်ဖို့ ကြိုးစားခဲ့တာပေါ့... အကြိမ်ကြိမ် ကြိုးစားပြီး အကြိမ်ကြိမ် ထူးထူးဆန်းဆန်း သတ်သေတာ မအောင်မြင်ခဲ့ရာကနေ.. ၂၂ ကြိမ်မြောက် ကြိုးစားရာမှာ ခဏတာ နှလုံးရပ်သွားခဲ့ပါတယ်... ပြန်နိုးလာချိန်မှာတော့ ထူးထူးဆန်းဆန်း သူ့ဘဝထဲကို သရဲ ၄ ကောင်ပေါ်လာပါတယ်... ဆေးလိပ်သောက်ကြိုက်တဲ့ အစ်ကိုကြီး... အမြဲ ငိုငိုနေတတ်တဲ့ အစ်မကြီး.... အားနေ ကစားကွင်းသွားချင် ကိတ်မုန့်စားချင်နေတဲ့ ကောင်လေး.... နောက်ပြီး အကကချင်ပါတယ်.. အောင်သွယ်ပေးချင်ပါတယ်ဆိုတဲ့ အဖွားကြီး... တို့ပေါ့... ဒီသရဲလေးကောင်နဲ့ဘယ်လိုစခန်းသွားကြမလဲဆိုတာ ကိုဆက်လက်ကြည့်ရှုရမှာပါ ရယ်မောစရာတွေပါသလို ငိုချင်စရာအခိုက်အတန့်လေးတွေလဲပါတာဆိုတော့ ရသစုံတဲ့ရုပ်ရှင်လေးတကားပဲဖြစ်ပါတယ် Filesize : 1.69 GB / 818 MB Quality : WEB-DL 1080p , 720p Format : mkv Genres : Comedy , Family , Drama Runtime : 1h 44 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

Marry my dead body (2023) စော်မရှိဘဲမရှိလေးတွေအတွက် ရွေးစရာတစ်ခုကိုချပြလိုက်တဲ့ Taiwan BL movie ကား Marry My Dead Bodyလေး ထွက်ရှိလို့လာပါပြီ။ Trailerထွက်လာကတည်းက ‌တော်တော်လေးစိတ်ဝင်စားခံနေရတဲ့movieလေးလည်းဖြစ် BL romance သီးသန့်ကြီးမဟုတ်ဘဲ Crime suspense လေးပါတွဲပါသေးတဲ့အပြင် ထိုင်ဝမ်BLပီပီ လက်ကိုင်ရုံနဲ့ပြီးတဲ့ဂျင်း‌တွေနည်းတဲ့ကားလေးဆိုတော့ အများကြီးဆက်မညွှန်းတော့ပါဘူး... 21 ရာစု LGBTQကာလကြီးထဲမှာ လိင်တူချစ်သူဆိုတာ ဘာရယ်မဟုတ်ပေမဲ့ homophobic ရဲသားလေးဝူမင်ဟန်ကတော့ ဒါကိုလက်မခံပါဘူး။ လိင်တူချစ်သူဆိုတာကို ရွံစရာလို့သတ်မှတ်တဲ့အပြင် ဂေး ဆို ပိုပြီး ချိုးနှိမ်တတ်လို့ အပြစ်ပေးခံရသူလည်းဖြစ်ပါတယ်။ ဒီလိုနဲ့ မူးယစ်ရာဇာကြီးရဲ့ တပည့်တစ်ယောက်ကိုလိုက်ဖမ်းရင်းနဲ့ သူပစ်ချခဲ့တဲ့သက်သေတွေကို လိုက်ကောက်ရင်း သက်သေမဟုတ်တဲ့ စာအိတ်အနီလေးကို ကောက်မိတဲ့အခါ ... စာအိတ်ကိုကောက်လိုက်တာနဲ့ ဝိုင်းအုံလာကြတဲ့အဒေါ်ကြီးတစ်သိုက်နဲ့ သူတို့ပြောသွားတဲ့ စာအိတ်ထဲက ဓာတ်ပုံပိုင်ရှင်‌ကောင်‌လေးနဲ့ လက်ထပ်ရမယ်ဆိုတဲ့ ထူးဆန်းတဲ့စကားတွေဟာ ဝူမင်ဟန်အတွက်တော့ ဟာသတစ်ခုထက်မပိုပါဘူး။ ဓာတ်ပုံပိုင်ရှင်က ကောင်လေးဖြစ်နေပြန်တော့ သရဲနဲ့မှတော့ မဂေးနိုင်ဘူးဆိုတဲ့မင်ဟန်ကတော့ အဘွားကြီးရဲ့ လက်မထပ်ရင်ကံဆိုးလိမ့်မယ်ဆိုတဲ့စကားကို လျစ်လျူရှုပြီးထားခဲ့တာပေါ့။ ဒါပေမဲ့ သူ့ရဲ့မူပိုင်ရှင်လေးက သူ့နောက်ကလိုက်နေလေတော့ သရဲကြောက်တဲ့မင်ဟန်တစ်ယောက် သရဲ‌နဲ့လက်ထပ်ရမယ့်အပြင် သရဲတွေမြင်နေရတဲ့ပြဿနာကြီးက ဆီးကြိုနေတဲ့အခါ... တျဲကြောက်ပါတယ်ဆိုမှ တျဲနဲ့မှညားတဲ့မင်ဟန်တစ်‌ယောက် ပဟေဠိတွေနဲ့ သေဆုံးသွားခဲ့ရတဲ့ တျဲလောင်ကုန်းလေး မောင်းပန်ယွီရဲ့အမှုကို အတူတူစုံစမ်းရင်းနဲ့ ထူးခြားတဲ့ခံစားချက်တွေ ပေါက်ဖွားလာလေမလား။ သာမန်မဟုတ်တဲ့နှောင်ကြိုးတစ်ခုကနေ အချစ်စစ်တို့ ဖြစ်တည်လာနိုင်မှာလား။ ‌ပန်ယွီရဲ့သေဆုံးမှုနောက်ကွယ်မှာရှိနေတဲ့လူကိုရော မင်ဟန်တစ်ယောက် ဖော်ထုတ်နိုင်မလားဆိုတာ အားလုံးအတူ ကြည့်ရှုခံစားလိုက်ရအောင်ပါ။ အညွှန်းကိုတော့ Mary Christ က ရေးထားပေးပြီးတော့ ဘာသာပြန်ထားတာကတော့ Joyz, Mary, Thae, Su Myat တို့ပဲ ဖြစ်ပါတယ်။ Genre..... Comedy, Action, Romance, Mystery Quality…. 1080p | 720p File size…1.4GB | 686MB Format… mp4 Duration….2h 10min Subtitle…. Myanmar Subtitle (Hardsub) Translator .....Joyz, Mary, Thae, Su Myat Encoder ..... Aaron

ရှန့်ဝေရှင်းက အစားအသောက်ဆို သိပ်ကြိုက်တဲ့ ကျောင်းသူတစ်ယောက်ပါ။ သူ့သူငယ်ချင်းကို ပိုးပန်းတဲ့သူက လာပို့ပေးတဲ့ မနက်စာကိုတောင် သူက အကုန်စားပစ်တတ်တယ်။ အစားအသောက်ရှိမှ ဘဝက အဓိပ္ပါယ်ရှိတယ်လို့ သတ်မှတ်ထားတဲ့ ရှန့်ဝေရှင်းတစ်ယောက် နောက် ၁၅ နှစ်ကြာရင် ကိုယ် ဘယ်လိုဖြစ်နေမလဲဆိုတာကိုလည်း စဉ်းစားနေပါတယ်။ နောက် ၁၅ နှစ်မှာ အောင်မြင်နေမလား၊ အခုထက် ပိုဝလာမလား၊ လက်ရှိချစ်သူနဲ့ပဲ ဆက်တွဲနေဖြစ်မလားဆိုတဲ့ အနာဂတ်အကြောင်း မေးခွန်းတွေက ဒီထိုင်ဝမ်ကျောင်းသားဇာတ်ကားရဲ့ အဓိကအတွေးပါ။ မသိနိုင်သေးတဲ့ အနာဂတ်ကို တွေးနေတဲ့ ဆယ်ကျော်သက်အရွယ် ခံစားချက်တွေကို အချစ်နဲ့ လူငယ်ဘဝဒရာမာတို့ ရောပြီး ပုံဖော်ထားပါတယ်။

အနာဂတ်ကို မျှော်မှန်းပြီး စိတ်ကူးပုံဖော်ထားတဲ့ ၂၀၂၁ ခုနှစ်က ရိုက်ကူးထားတဲ့ ဇာတ်ကားလေးကို ဘာသာပြန်တင်ဆက်ပေးလိုက်ပါတယ်နော်...ဟုတ်ပါတယ် ဒီကားက မရောက်လာသေးတဲ့ အနာဂတ်ဘဝကို ပုံဖော်ရိုက်ကူးထားတာပါ...ထိုင်ဝမ်ကားပီပီ ယုံကြည်သက်ဝင်မှုတို့ အောက်လမ်းပညာ၊ နတ်ကိုးကွယ်ယုံကြည်မှုတို့ကို တစ်စေ့တစ်စောင်း ရိုက်ပြထားသလို... တစ်ဖက်မှာလံ သိပ္ပံပညာနဲ့ ဆီလျော်တဲ့ ဆေးဝါးသစ်ရှာဖွေပုံတွေ ကုထုံးသစ်တွေကိုပါ စိတ်ကူးပုံဖော်ထားတာပေါ့...ဒီကားမှာ ကင်ဆာရောဂါ နောက်ဆုံးအဆင့်နဲ့သေတော့မယ့် လူတစ်ယောက်ကို တကူးတက အောက်လမ်းပညာတွေနဲ့ လှည့်စားပြီးသတ်သွားတဲ့ အမှုကနေ အစချီထားတာပေါ့... အခင်းနေရာမှာ သေဆုံးသူ ဝမ်ဥက္ကဌရဲ့ တစ်ဦးတည်းသောသားရယ်...အခုယူထားတဲ့ သူထက် အနှစ် ၂၀ လောက်ငယ်တဲ့ မယားလေးရယ်...အိမ်တော်ထိန်းရယ် ၃ ယောက်ရှိနေပြီ... ပစ္စည်းသက်သေ လူသက်သေတွေကတော့ တစ်ဦးတည်းသော သားကိုပဲ ဦးတည်ထွက်ဆိုနေတာပေါ့...ဖြစ်ချင်တော့ ဒီအမှုကိုလိုက်တဲ့ အစိုးရရှေ့နေကလည်း ဝမ်လုပ်ငန်းစုမှာ ဆေးကုသမှုခံယူနေတဲ့ ကင်ဆာဝေဒနာသည်ဖြစ်နေပြန်တာပေါ့...အများကြီးပြောရင် ဇာတ်လမ်းပေါ့သွားလိမ့်မယ်... သဘာဝလွန်တာလေးမှ ကြည့်ချင်တယ်... ဒါပေမယ့် လော့ဂျစ်ကျပြီး အဓိပ္ပာယ်လေးတော့ရှိပေးနော်ဆိုရင် ဒီကားလေးကိုသာ ကြည့်လိုက်တော့လို့ ညွှန်းချင်ပါတယ်... Filesize : 972 MB / 536 MB Quality : WEB-DL 1080p HEVC , 720p HEVC Format : mkv Genres : Mystery, Science Fiction, and Thriller Runtime : 2h 10 min Subtitle : Myanmar Subtitle ( Hardsub )

ယခုတစ်ခါမှာတော့ CM fan တွေအတွက် Till We Meet Again ဆိုတဲ့ Taiwan Movie လေးတစ်ခုနဲ့ မိတ်ဆက်ပေးချင်ပါတယ် ဒီကားလေးက‌တော့ ဇာတ်လမ်းဇာတ်အိမ်လေးတစ်မျိုးဆန်းသစ်ပြီး IMDB rating လည်း 7.5 ထိ ရရှိထားပါတယ် ဇာတ်လမ်းအကျဉ်း ရှီရှောင်လန်ဟာ မိုးကြိုးပစ်ခံရပြီး သေဆုံးသွားခဲ့တယ် ခေါင်းကို မိုးကြိုးထိခဲ့တာကြောင့် သူ့ရဲ့မသေခင်က မှတ်ဉာဏ်တွေပျောက်ဆုံးသွားခဲ့ပါတယ ရှောင်လန်က ငရဲပြည်ကိုရောက်တဲ့အချိန်မှာ ပြန်လည်မွေးဖွားဖို့ မရွေးချယ်ဘဲ အချစ်နတ်ဘုရားအဖြစ် အလုပ်လုပ်ပြီး နောက်ဘဝ လူဖြစ်ဖို့ ကုသိုလ်ကောင်းမှုတွေလုပ်ဖို့ရွေးချယ်ခဲ့တယ် အချစ်နတ်ဘုရားရဲ့ တာဝန်ကတော့ လူနှစ်ယောက်ပေါင်းဖက်နိုင်အောင် ဖူးစာကြိုးနီလေး ချည်ပေးရမှာပါ လူနှစ်ယောက်ကို ဒီလို ဖူးစာဖက်ပေးဖို့အတွက် အချစ်နတ်ဘုရားတွေဟာ နှစ်ယောက်တစ်တွဲအလုပ်လုပ်ရတယ် ပင်ကီက ရှီရှောင်လန်ရဲ့ တွဲဖက်နတ်ဘုရားဖြစ်လာခဲ့ပြီး ရှောင်လန် လူပြည်မှာ ပထမဆုံးထမ်းဆောင်ရမယ့်တာဝန်က လူ့ဘဝမှာကျန်ခဲ့တဲ့ သူ့ချစ်သူအတွက် ဖူးစာဖက်ရှာပေးဖို့ဖြစ်နေခဲ့တယ် ရှောင်လန်တစ်ယောက် လူ့ဘဝရဲ့ မှတ်ဉာဏ်တွေ ပြန်ရသွားတဲ့အခါ... ပုံမှန်အချစ်ဇာတ်လမ်းတွေနဲ့ မတူ တစ်မိုထူးခြားပြီး Fantasy ဆန်ဆန်ရိုက်ကူးထားတာမို့ ရသတစ်မျိုး ကြည့်ရှု့ခံစားရမှာပါ ။ ( ဘာသာပြန်ပြီး အညွှန်းရေးသားထားသူက‌တော့ Hay Thar Oo ပါ ) File Size__(2.2GB) / (1GB) Quality__WebDL_1080p, 720p IMDb Rating__7.5/10 Format__mp4 Duration__02:07:00 Type__Adventure, Romance, Fantasy Subtitle__Myanmar Subtitle (Hardsub) Translated by Hay Thar Oo Encoded by Naing Aung Latt