Aaron Jackson ပါဝင်သော ဇာတ်ကားများ

နယူးဇီလန်နိုင်ငံရဲ့ သမိုင်းမှာ အဆိုးရွားဆုံးဖြစ်ရပ်တစ်ခုဖြစ်တဲ့ ၂၀၁၀ ခုနှစ် Pike River ကျောက်မီးသွေးတွင်း ပေါက်ကွဲမှုကို အခြေခံပြီး ရိုက်ကူးထားတဲ့ ဖြစ်ရပ်မှန် Drama ဇာတ်ကားဖြစ်ပါတယ်။Emmy ဆုလျာထားခံရတဲ့ Melanie Lynskey နဲ့ ဝါရင့်မင်းသမီး Robyn Malcolm တို့ရဲ့ သရုပ်ဆောင်ကောင်းတွေ ပါဝင်အားဖြည့်ထားပါတယ်Chernobyl အဖြစ်ဆိုးလိုမျိုး ကော်ပိုရေးရှင်းကြီးတွေရဲ့ ပေါ့လျော့မှုကြောင့် ဖြစ်ရတဲ့ ဘေးဒုက္ခတွေနဲ့ တရားမျှတမှုရဖို့ကြိုးစားပုံတွေကို ကြိုက်နှစ်သက်သူတွေအတွက် ကွက်တိဖြစ်စေမယ့် လက်ရာတစ်ခုပါ။ ၂၀၁၀ ခုနှစ်၊ နယူးဇီလန်နိုင်ငံက Pike River ကျောက်မီးသွေးတွင်း ပေါက်ကွဲမှုကြောင့် အလုပ်သမား ၂၉ ဦး သေဆုံးခဲ့ရတယ်။ ဒီဝမ်းနည်းစရာ ဖြစ်ရပ်ဆိုးကြီး ဖြစ်ပွားပြီးနောက် အာဏာပိုင်တွေနဲ့ ကုမ္ပဏီဘက်က တာဝန်ယူမှု တာဝန်ခံမှု အားနည်းနေတာကို တွေ့ရတဲ့အခါ... ဆုံးရှုံးသွားတဲ့ သားသမီးတွေ၊ ခင်ပွန်းတွေအတွက် ဇွဲမလျှော့ဘဲ ရှေ့ထွက် တိုက်ပွဲဝင်ခဲ့ကြတဲ့ အမျိုးသမီးနှစ်ဦး (Melanie Lynskey နဲ့ Robyn Malcolm) အကြောင်းကို ရိုက်ကူးထားတာပါ။ ဒီဇာတ်ကားဟာ ပေါက်ကွဲမှုအကြောင်းကိုပဲ ပြတာမဟုတ်ဘဲ အမှန်တရား ပေါ်ပေါက်ဖို့၊ အလောင်းတွေ ပြန်လည်ထုတ်ယူနိုင်ဖို့နဲ့ တရားခံတွေကို အပြစ်ပေးနိုင်ဖို့အတွက် ဆယ်စုနှစ်တစ်ခုကျော်ကြာအောင် စနစ်ဆိုးကို အံတုခဲ့ကြတဲ့ မိသားစုဝင်တွေရဲ့ ခံစားချက်နဲ့ စိတ်ဓာတ်ခိုင်မာမှုကို လေးလေးနက်နက် ပုံဖော်ထားတဲ့ကားကောင်းတစ်ကားဖြစ်ပါတယ် File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

We Were Dangerous (2024) IMDb Rating (6.4) / Rotten Tomatoes (97%) New Zealand ကို Maori အခေါ် Aotearoa လို့ခေါ်ပါတယ်။ Maori တွေက ပိုလီနီးရှန်းမျိုးနွယ်စုထဲက တစ်ခု ဖြစ်ပြီး New Zealandနိုင်ငံကို ၁၃ရာစုမှာရေကြောင်းကနေ ရောက်လာခဲ့တာဖြစ်ပါတယ်။ ဒီရုပ်ရှင်ကားမှာတော့ Maori အမျိုးသမီးငယ်လေးတွေအပေါ် ဆိုးသွမ်းလူငယ်ပြုပြင်ထိန်းသိမ်းရေးကျောင်းရဲ့ ဖိနှိပ်ဆက်ဆံမှုတွေကို ရိုက်ပြထားပြီး 1954 ခုနှစ် မှာ ဇာတ်အိမ်တည်ထားပါတယ်။ အဲ့ဒီခေတ် အခါမှာ မိန်းကလေးတွေဟာ ပူဆွေးမှု၊ စိတ်ဓာတ်ကျဆင်းမှု စတဲ့ စိတ်ရောဂါလက္ခဏာတွေ ပြလာခဲ့ရင် အိမ်ထောင်ဦးစီးဖြစ်တဲ့ အမျိုးသားတွေဟာ မိမိတို့ရဲ့ ဇနီးတွေ၊ သမီးတွေကို စိတ်ရောဂါကုဆေးရုံ သို့မဟုတ် ဦးနှောက်ခွဲစိတ်မှုတွေ အတင်းအကြပ် လုပ်စေတဲ့ ကာလမျိုးဖြစ်ပါတယ်။ ဒီဇာတ်လမ်းထဲမှာ Nellie, Daisyရယ် Louisa တို့ မိန်းကလေး သုံးယောက်ရဲ့ နောက်ခံ ဇာတ်လမ်းက ကွာခြားပေးမယ့် စည်းကမ်းကြီးပြီး နှိပ်စက်တတ်တဲ့ မေထရွန်ကြီး ရဲ့ ကျောင်းမှာတော့ မိန်းကလေးအားလုံးဟာ တန်းတူညီမျှ အဖိနှိပ်ခံရတာပဲ ဖြစ်ပါတယ်။ မေထရွန်ကြီး ကိုယ်တိုင်ကလည်း Maori လူမျိုး တစ်ယောက်ဖြစ်ပေမယ့် ဘာသာရေးကိုင်းရှိုင်းလွန်းပြီး လူ့အဖွဲ့အစည်းရဲ့ အမျိုးသမီးတွေအပေါ် ကလေးမွေးစက်တစ်ခုအပြင် ပိုမမြင်တဲ့ အစွဲကိုလည်း မသိလိုက်မသိဘာသာ အားပေးနေသူတစ်ဦးလည်းဖြစ်ပါတယ်။ ဘာသာရေးစည်းကမ်း တင်းကြပ်လွန်းတာကြောင့် ကျောင်းရှိ မိန်းကလေးတွေဟာ ကတာတို့၊ သီချင်းဆိုတာတို့၊ Maori ရိုးရာ Haka အကတို့ လုပ်မိရင်လည်း ရိုက်နှက်အပြစ်ပေးခံကြရပါတယ်။ ဒီလို လူ့အဖွဲ့အစည်းကနေ ကျဥ်ဖယ်ထားတဲ့ အမျိုးသမီးလေးတွေကို ကျွန်းတစ်ကျွန်းပေါ်မှာ စုပေါင်းပြီး အိမ်ထောင်မှုသားမွေးအတွက် လေ့ကျင့်ပေးနေတဲ့ မေထရွန်ကြီးဆီကို အထက်အဖွဲ့အစည်းတစ်ခုက ပုဂ္ဂိုလ်တစ်ယောက်ရောက်လာပြီး အမျိုးသမီးငယ်တွေအပေါ် သားကြောဖြတ်တဲ့ ဆေးဝါးခွဲစိတ် စမ်းသပ်မှုတွေ ပြုဖို့ ပြောလာပါတယ်။ အဲ့ဒီနောက်ပိုင်း Nellie, Daisy နဲ့ Louisa တို့ သုံးယောက်ဟာ ကျွန်းပေါ်ကနေ ထွက်ပြေးဖို့ တိုင်ပင်ကြပါတော့တယ်။ သူတို့အစီအစဥ်အောင်မြင်ပါ့မလား၊ မေထရွန် သိသွားပြီး သူတို့ကိုဒဏ်ခတ်မလားဆိုတာ ရုပ်ရှင်ထဲမှာ ဆက်လက်ကြည့်ရှုပေးပါ။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size… (1.6 GB) / (750 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:23:48 Subtitle…. Myanmar Subtitle (Hardsub) Encoder…. Double K Translated by Leonie

ညစ်ပတ်ပြီး ကြမ်းတမ်းတဲ့ ဟာသ အက်ရှင် အမျိုးအစားဖြစ်လို့ မိသားစုနဲ့ အတူမကြည့်သင့်ပါဘူး။ ကောင်းတာတော့ အတော်ကောင်းပါတယ်။ ဟယ်ရီပေါ်တာ မင်းသားက ဒီလိုကားတွေနဲ့ အတော်အကျိုးပေးပုံပါပဲ။ ဒီကားမှာတော့ မိုင်လ် ဆိုတဲ့ ကောင်လေးတစ်ယောက်ပေါ့။ မိုင်လ်ဟာ ကုမ္ပဏီတစ်ခုမှာ ကွန်ပြူတာလေး တစ်လုံးနဲ့ အလုပ်လုပ်ရတဲ့ ကောင်လေး၊ လက်တွေ့ဘဝမှာဘယ်သူမှ အထင်မကြီးသလို၊ ဘာမှလည်း အရာမရောက်တဲ့ ကောင်လေးပါ။ ဒီလိုလူတွေရဲ့ ထုံးစံအတိုင်း အင်တာနက်ပေါ်မှာ ထရိုးလိုလို ဂိလိုလိုနဲ့ ဖောင်းထုပြီး ဖင်နာရှာရင်း ပျော်နေရတဲ့ သူပေါ့။ ဒါပေမယ့် သူဖောင်းထုတာ လူမှားသွားပါတယ်။ လူတွေကိုဖမ်းပြီး လူသတ်ပွဲတွေလုပ်ခိုင်းရင်း တိုက်ရိုက်ထုတ်လွှင့်တဲ့ ကောင်တွေကို သွားပြီး ဖောင်းထုမိတာပါပဲ။ ဟိုက တည်နေရာကိုရှာပြီး အိမ်အထိ လာရိုက်တဲ့ အခါမှ ခြေသလုံးဖက်တောင်းပန်ပေမယ့် မမှီတော့ပါဘူး။ ရလာဒ်ကတော့ လူသတ်ကစားပွဲထဲကို အသွင်းခံရပြီး၊ အတော်ဆုံး ကစားသမားနဲ့ အသက်လု ချရဖို့ ဖြစ်လာတော့တာပါပဲ။ ဒီလိုသောက်ပေါနဲ့ တကယ့် လူသတ်သမားအကြမ်းစားတို့ ပြေးကြလွှားကြ တိုက်ကြရင်း အဲဒီပွဲက အင်တာနက်မှာလူကြည့်အများဆုံးဖြစ်လာပြီး သူလည်း တစ်ရက်ထဲနဲ့ နာမည်ကျော်လာပါတော့တယ်။ ဒီလောက်ဆို ဆက်ကြည့်ချင်မယ်ထင်ပါတယ်၊ ဆက်မပြောပြတော့ဘူးနော်။ စကားလုံးရော ရိုက်ချက်တွေရော ကြမ်းလို့ အိမ်မှာ မိသားစုနဲ့ ကြည့်လို့မသင့်တာ သတိပေးပါရစေ။ File Size : ( 916 MB , 334 MB ) Quality : WEB-DL 720p Running Time : 1 hr 35 min Format : Mp4 Genre : Action , Comedy Subtitle : Myanmar Subtitle (Hard Sub) Translated by Little Neo Encoded by Moe Myint Lwin

Mortal engines ဗြိတိသျှစာရေးဆရာ ဖီးလစ်ရိဖ့်ရဲ့ "Mortal engines"ကမ္ဘာသစ်ကနေ ကြိုဆိုပါတယ် "Mortal engines"ဆိုတဲ့ စာအုပ်ဟာ ၂၀၀၁ခုနှစ်က စတင်ထုတ်ဝေခဲ့ပြီး အောင်မြင်ခဲ့တဲ့အတွက် ၄အုပ်တိတိ ထွက်ရှိခဲ့ပါတယ် ပထမဆုံးအနေနဲ့ ၂၀၁၈ခုနှစ်မှာ စာအုပ်ကို အခြေခံပြီး ရုပ်ရှင်အဖြစ် ပြန်လည်ရိုက်ကူးခဲ့တာပါ ဒီဇာတ်လမ်းကို ဆန်းသစ်တဲ့အတွေးအခေါ် အိုင်ဒီယာတွေနဲ့ ဇာတ်အိမ်ဖွဲ့စည်းတည်ဆောက်ထားပြီး ကမ္ဘာပျက်သွားပြီးတဲ့နောက် လူတွေရဲ့ နေထိုင်ရှင်သန်မှုတွေကို အတွေးစိတ်ကူးကောင်းကောင်းနဲ့ ပရိသတ်ကို တင်ပြထားပါတယ် ၂၁ရာစုကို သိပ္ပံပညာရပ်အထွန်းကားဆုံး ဖွံ့ဖြိုးတိုးတက်မှုအရှိဆုံး အချိန်ကာလအဖြစ် ညွှန်းဆိုထားခဲ့ပြီး အဆုံးစွန်ထိစွမ်းအားကြီးတဲ့ အဖျက်လက်နက်များကို တီထွင်နိုင်ခဲ့ပြီးတဲ့အခါမှာတော့ မိနစ်၆၀ အတွင်းမှာတင် ကမ္ဘာကြီးဟာ အစိတ်အမွှာမွှာဖြစ်သွားခဲ့ရပါတယ် ဇာတ်ကားထဲက အချိန်ကာလမှာတော့ ၂၁ရာစုကလူတွေကို ရှေးဟောင်းလူသားတွေလို့ ပြောဆိုသုံးနှုန်းကြပြီး ပေါင်မုန့်မီးကင်စက်လေးတစ်လုံးဟာ ပြတိုက်ထဲမှာ အမြတ်တနိုး ထားရမယ့် ရှေးဟောင်းပစ္စည်းတစ်ခုဖြစ်လို့နေပါတယ် မိနစ် ၆၀စစ်ပွဲကြောင့်သာ ကမ္ဘာကြီးဒီလိုဖြစ်ပျက်နေတယ်လို့ နားလည်ကြပြီး ၂၁ရာစု(ရှေးခေတ်)နည်းပညာတွေကို အာသာငမ်းငမ်းပြန်လည်လိုချင်နေကြတဲ့ လူသားတွေအဖြစ် သရုပ်ဖော်ထားပါတယ် ပရိသတ်အခိုင်အမာရရှိထားတဲ့ ရုံတင်ဇာတ်ကားကောင်းတစ်ကားဖြစ်လို့ ဒီကားကို အထူးညွှန်းဆိုစရာမလိုအပ်ဘူးလို့ ထင်ပါတယ်... File Size : (2 GB) , ( 1 GB), ( 444 MB) Quality : BluRay 1080p 5.1 CH , BluRay 720p , BluRay 480p Running Time :2hr 08 min Format : Mp4 Genre : Action , Adventure , Fantasy Subtitle : Myanmar Subtitle (Hard Sub) Translated by Mg King & Aye Mon Kyaw Encoded by Moe Myint Lwin

Disney ရဲ့ ၂၀၁၆ ထွက် လက်ရာကောင်းတစ်ခုပါပဲ။ IMDb 6.7 ရထားပါတယ်။ ဇတ်လမ်းအကျဉ်းလေးကတော့ ၅ နှစ်သားမှာ ကားမှောက်ပြီးမိဘ၂ ပါးလုံး ဆုံးသွားတဲ့ ကလေးလေး Pete၊ တောနက်ထဲမှာ တစ်ယောက်တည်းဖြစ်နေတုန်း သူ့လိုပဲ တစ်ကောင်တည်းအထီးကျန်နေတဲ့ နဂါးကြီးနဲ့တွေ့ပြီး သူငယ်ချင်းတွေ ဖြစ်လာခဲ့တယ်။ နဂါးကို နဂါးလို့ခေါ်မှန်းတောင် မသိတဲ့ Pete လေးဟာ နဂါးမိတ်ဆွေလေးကို သူ့ပုံပြင်စာအုပ်ထဲက အက်လီရက် ဆိုတဲ့နာမည်ကိုပေးထားပြီ တောထဲမှာ ၂ ကောင်သား ၆ နှစ်တိတိအသက်ရှင်နေထိုင်နေခဲ့ပါတယ်။ တစ်နေ့မှာတော့ သစ်ခုတ်ရင်း တဖြည်းဖြည်း တောနက်ထဲထိ ကျွံဝင်လာတဲ့ အလုပ်သမားတွေနဲ့ သစ်တောအရာရှိမိသားစုလေးနဲ့ ဆုံတွေ့ဖို့ အကြောင်းဖန်လာတဲ့အခါ.... File size…(1.7 GB)/(920 Mb) Quality….Blu-Ray 1080p / 720p Format…mp4 Duration….01:42:00 Genre... Action, Adventure, Comedy Subtitle….Myanmar Subtitle (Hardsub) Encoded & Translated by Mr. Anderson

ဗီယာဂို ၊ ဒီယေဂို နဲ့ ဗလာဒစ်စလာဗ်တို့ဟာ တစ်အိမ်တည်းမှာ အတူနေထိုင်ကြတဲ့ ဗင်ပိုင်းယားသူငယ်ချင်း (၃)ယောက် သူတို့ရဲ့ သက်တမ်းတွေဟာလည်း နှစ်ပေါင်းရာချီနေကြပြီပဲဖြစ်ပါတယ်။ သူတို့လိုပဲ လူတွေနဲ့ရောနှောနေထိုင်ကြတဲ့ ဗင်ပိုင်းယားတွေ ၊ သမန်းဝံပုလွေတွေ ၊ စုန်းမတွေဟာလည်း ယနေ့ ခေတ်မှာအများအပြား တည်ရှိနေဆဲပဲဖြစ်ပါတယ်။ သူတို့တွေဟာ နှစ်စဉ်နှစ်တိုင်း စုပေါင်းပြီးပါတီပွဲကျင်းပလေ့ရှိကြပါတယ်။ တစ်နေ့မှာတော့ မှတ်တမ်းတင်ရုပ်ရှင်ရိုက်ကူးရေးအဖွဲ့နဲ့ ပူးပေါင်းကာ သူတို့ရဲ့ နေပုံထိုင်ပုံတွေ ၊ ရှာဖွေစသောက်ရပုံတွေကို လက်ခံရိုက်ကူးစေခဲ့ပါတယ်။ ဒီကားကတော့ ယနေ့ခတ်မှာ ဗင်ပိုင်းယားတွေ ဘယ်လိုနေထိုင်ရှာဖွေစားသောက်ရသလဲဆိုတာတွေ အခက်အခဲတွေ အလွဲတွေကို Documentory ဆန်ဆန်ရိုက်ကူးထားတဲ့ Comedy, Fantasy, Horror ကားပဲဖြစ်ပါတယ် ။ Documentory ကားဆိုပေမယ့် မူးနောက်စေမယ့် ရိုက်ကွင်းရိုက်ကွက်တွေ မပါဝင်ပါဘူး။ ဒီကားကိုပဲအခြေခံပြီး ဒီနှစ်ထဲမှာ What We Do in the Shadows (2019) ဆိုတဲ့ Series ထွက်ရှိထားပါတယ်။ ဝေဖန်ရေးဆရာတွေရဲ့ ချီးကျူးမှု့တွေကိုလည်း ရရှိထားတဲ့ ဟာသကားကောင်းတစ်ကားပဲ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Kiwi ပဲဖြစ်ပါတယ်…… File Size : (750 MB) and (375 MB) Quality : Blu-Ray 720p Running Time : 1hr 26min Format : Mp4 Genre : Comedy, Horror Subtitle : Myanmar Subtitle (Hard Sub) Source : 1080p.BluRay.x264.DTS-FGT Translated by Kiwi Encoded by Thanhtike Zaw

Jack the Giant Slayer (2013) IMDb Rating (6.3) ပဲစေ့လေးကနေ ဧရာမနွယ်သစ်ပင်ကြီးပေါက်လာပြီး လူ့ဘီလူးတွေကမ္ဘာထိရောက်သွားတဲ့ ပုံပြင်လေးကို အားလုံးပဲသိကြမယ်ထင်ပါတယ်။ Warm Bodies ဇွန်ဘီးကားထဲက မင်းသား Nicholas Hoult ဦးဆောင်ပါဝင်ထားပြီး Xmen ရုပ်ရှင်တွေရဲ့ ဒါရိုက်တာ Bryan Singer ရိုက်ကူးထားတာမလို့ Fairy Tale ပုံပြင်ရုပ်ရှင်ဆိုပေမယ့် အက်ရှင်စွန့်စားခန်းတွေနဲ့ Animation တွေနဲ့မိုက်ပါတယ်။ လူ့ဘီလူးကြီးတွေနဲ့ချတဲ့အခန်းတွေ ပဲစေ့လေးကနေ အပင်ကြီးပေါက်လာပြီး စွန့်စားခန်းဖွင့်တာတွေ အကုန်လုံးရင်သပ်ရှုမောစရာကောင်းပါတယ်။ ဇာတ်လမ်းလေးကလဲ ပုံပြင်လေးလိုဆိုတော့ Fantasy ဆန်ဆန်လေး လှပပါတယ်။ File size…(6.7 GB)/ (2.2 GB )/(1.5 GB) Quality…BluRay 4K HEVC/1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung

Emperor ကတော့ ဇာတ်လမ်းနာမည်လေး အတိုင်း ဘုရင် နဲ့ သူ့တိုင်းပြည် အကြောင်းရိုက်ထားတဲ့ ဇာတ်ကား လေးတစ်ခုပါ။ ဘယ်နိုင်ငံ နဲ့ ဘယ်ဘုရင်လဲ ဆိုတော့ ဂျပန်နိုင်ငံပါ။ ဒုတိယကမ္ဘာစစ် အပြီး မှာ စစ်ရှုံး (လက်နက်ချ) လိုက်တဲ့ ဂျပန်တွေ နဲ့ စစ်နိုင်သူ အမေရိကန် တွေရဲ့ ကြား က နိုင်ငံရေး အယူအဆ တွေ ၊ ဂျပန်နိုင်ငံ ရဲ့ ဘုရင်အပေါ် သစ္စာစောင့်သိမှုတွေ ၊ ဘုရင်ရဲ့ သူ့ တိုင်းသူပြည်သား တွေကို ကာကွယ်စောင့်ရှောက်ချင်မှုတွေ ၊ ထိုခေတ် က ဂျပန်စစ်တပ် ရဲ့ ဝါဒဖြန့်မှုတွေ နဲ့ အတူ ဂျပန် ကို ချစ်မြတ်နိုးတဲ့ အမေရိကန် စစ်သားတစ်ယောက် အကြောင်း စသဖြင့် ဖြစ်ရပ်မှန် တွေကို စိတ်ဝင်စားဖွယ်ကြည့်ရှု ရမှာပါ။ ဇာတ်လမ်း က ဇာတ်အေးသဖွယ်ဖြစ်နေပေမဲ့လည်း ခံစားချက်ကို အဆုံးအထိ ဆွဲတင်ခေါ်သွားနိုင်တဲ့ ဇာတ်ကားလို့ ဆိုရင်လည်းမှားမယ် မထင်ပါဘူး။ ဒီဇာတ်ကားလေး ဟာ စစ်ရဲ့ အနိဌာရုံ နဲ့ အတူ ၊ ခေါင်းဆောင်ကောင်း ရှိတဲ့ စစ်ဖက်နိုင်ငံနှစ်ခု ခေါင်းဆောင် ကောင်း နှစ်ယောက် နဲ့ နောက်လိုက်ကောင်းတွေ ၊ လုပ်စရာရှိတာ ကို လုပ်ပြီး ခံစရာရှိတာ ခံရဲ တဲ့ သတ္တိရှိတဲ့ အမျိုးကောင်းသားတွေ ရဲ့ အထ္ထုပ္ပတ္တိပဲ ဖြစ်ပြီးတော့ ကြည့်ပြီးသွားရင် ရင်ထဲ တစ်ခုခုတော့ ကျန်ခဲ့မှာပါ။ ပထမဆုံးဘာသာပြန်တဲ့ ကားဖြစ်တော့ အနည်းငယ်ထောက်နေတာရှိရင် သည်းခံပေးကြပါဦး။ သိဒ္ဓိဝင်ဇီဝက (ဇာတ်လမ်းအညွှန်းနဲ့ဘာသာပြန်သူကတော့ သိဒ္ဓိဝင်ဇီဝက ဖြစ်ပါတယ်) File Size : (850 MB) Quality : Blu-Ray 720p Running Time : 1hr 45min Format : Mp4 Genre : Drama, History, War Subtitle : Myanmar Subtitle (Hard Sub) Source :  LIMITED.1080p.BluRay.x264-GECKOS Translated by သိဒ္ဓိဝင်ဇီဝက Encoded by Thanhtike Zaw