Alex Ferns ပါဝင်သော ဇာတ်ကားများ

IMDb Rating (6.6) / Rotten Tomatoes (50%) ဒီကားလေးကတော့ UK နိုင်ငံက ရိုက်ကူးတဲ့ Thriller အမျိုးအစား Mini-series လေးပဲဖြစ်ပါတယ်.. သည်းထိတ်ရင်ဖိုဇာတ်ကားဖြစ်ပြီး ရှေ့ကိုမှန်းဆရင်း မသေမချာမရေရာမှုတွေနဲ့ ကြည့်လို့ကောင်းတဲ့ကားလေးဖြစ်လို့ စဉ်းစဉ်းစားစားကြည့်လိုသူ ရုပ်ရှင်ပရိသတ်များအတွက် ကျေနပ်နှစ်သိမ့်စေနိုင်မဲ့ ဇာတ်လမ်းလေးပဲဖြစ်ပါတယ်... အဓိကဇာတ်ကောင်များအနေနှင့် Peaky Blinders မှာ John Shelby အဖြစ်သရုပ်ဆောင်ခဲ့တဲ့ မင်းသား Joe Cole နဲ့ ဗြိတိန်ဇာတ်လမ်းတွဲများတွင် အဓိကပါဝင်လေ့ရှိတဲ့ ဝေလသရုပ်ဆောင် Alexandra Roach တို့ သရုပ်ဆောင်ထားပြီး ရထားမတော်တဆဖြစ်ဖို့ ပူးပေါင်းကြံစည်မှုကို အတူတူ လက်တွဲတားဆီးကြပုံကို မြင်တွေ့ခံစားရမှာဖြစ်ပါတယ်.. Abby (Alexandra Roach) ဟာ ဗြိတိန်အမျိုးသားဆိုက်ဘာလုံခြုံရေးဌာရဲ့ ယာယီနည်းပညာဒါရိုက်တာဖြစ်ပါတယ်.. တာဝန်ကြီးတဲ့ရာထူးရထားသူဖြစ်ပြီး အားလပ်ရက်လည်း နည်းပါးပါတယ် တစ်နေ့ Abby နဲ့ ၎င်းသူငယ်ချင်းဖြစ်သူတို့ အားလပ်ရက်ခရီး သွားဖို့အခွင့်ရလာတဲ့နေ့မှာတော့ အများပြည်သူသုံးစနစ်ထဲ ဗိုင်းရပ်စ်တစ်ကောင်ရှိနေကြောင်း လုပ်ဖော်ကိုင်ဖက်တစ်ယောက်ထံမှ သိခဲ့ရပြီး ခရီးထွက်ဖို့အစီအစဉ်ဟာ ပျက်ခဲ့ရပါတယ်.. ဗိုင်းရပ်စ်ကို အဖြေရှာဖို့ကြိုးစားနေစဉ်အတွင်းမှာပဲ ခရီးသည်အပြည့်နှင့် Heart of London ညအိပ်ရထားမှ ဆက်သွယ်ရေးကိရိယာများ အလုပ်မလုပ်တော့ကြောင်းကို ဂြိုဟ်တုဖုန်းမှတဆင့် Abby ထံ အကြောင်းကြားဆက်သွယ်လာခဲ့ပါတယ်.. ၎င်းဆက်သွယ်သူဟာ Joe (Joe Cole) ဖြစ်ပြီး ရဲအရာရှိဟောင်းတစ်ယောက်ဖြစ်နေခဲ့ပါတယ်.. ရထားမန်နေဂျာရုံးခန်းအောက်ရှိ ဝိုင်ယာကြိုးများကို အပြောင်းအလဲလုပ်တပ်ဆင်ကာ စက်တစ်လုံးလည်း တပ်ဆင်ထားကြောင်း ပြောပြပြီးနောက်မှာတော့ ဗိုင်းရပ်စ်ကိစ္စဟာ သွေးရိုးသားရိုးကိစ္စမဟုတ်ဘဲ စနစ်တကျတိုက်ခိုက်မှုအဖြစ် Abby တစ်ယောက် အလန့်တကြားသိခဲ့ရပါတယ်.. ထို့နောက်မှာတော့ ဗြိတိန်ရထားမှန်သမျှ ဆက်သွယ်ရေးကိရိယာများ အကုန်ပျက်နေကြောင်း သိရှိရပြီး Abby နှင့် Joe တို့ နှစ်ယောက်ပူးပေါင်းဆက်သွယ်ကာ လူအများအပြား ထိခိုက်သေကြေရမယ့်ဘေးကို တားဆီးရမည့်အခြေ ဆိုက်ရောက်လာခဲ့ပါတော့တယ်.. ဒီကားလေးဟာဆိုရင် ရင်တထိတ်ထိတ်နဲ့ ကြည့်ရှုရမယ့် သည်းထိတ်ရင်ဖိုကားလေးဖြစ်ပြီး ခေတ်သစ်နည်းပညာများရဲ့ ဘေးအန္တရာယ်ကိုပါ မေးခွန်းထုတ်တင်ဆက်ထားတာဖြစ်လို့ အမြင်သစ် ရှုထောင့်သစ်တစ်ခုအနေနဲ့ ခံစားနိုင်ဖွယ်ဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ... File Size –778 MB  / 435 MB Quality –WEB-DL 1080p HEVC / 720p Episodes -  6 Eps Duration -  58m Subtitle – Myanmar Hardsub Format – mkv /mp4 Genre :   Action , Crime , Drama , Horror , Thriller Translator –  Ye Thiha Htet & ZWT Encoder – Min Wai

MonsterVerse Timeline MonsterVerse ရဲ့ ၅ ကားမြောက် Godzilla x Kong: The New Empire (2024) လဲထွက်လာခဲ့ပြီဆိုတော့ Godzilla, Kong နဲ့ သူတို့ကြားက အဖြစ်အပျက်တွေကြားက timeline ကို တစ်ချက်ပြန်ကြည့်ကြည့်ရအောင်. ဒီ timeline ထဲက အဖြစ်အပျက်တွေက ထွက်ရှိခဲ့တဲ့ MonsterVerse ရုပ်ရှင်၊ ဇာတ်လမ်းတွဲတွေအပြင် tied in graphic novels တွေက အကြောင်းတွေပါ ပါဝင်ပါတယ်။ Event တွေများ source တွေလည်း များလို့ မှားနေတာ လိုနေတာရှိရင် ဝင်ဆွေးနွေးသွား ထောက်ပြသွားနိုင်ပါတယ်။ - 252 millions BC ကမ္ဘာ့ မျက်နှာပြင်ပေါ်မှာ Radiation တွေ ယနေ့လက်ရှိအချိန်ထက် အဆပေါင်းများစွာရှိနေတုန်းက radiation ကို စားသုံးကြီးထွားတဲ့ Godzilla နဲ့ တခြား Titan တွေဟာ ကမ္ဘာမျက်နှာပြင်ပေါ်မှာနေကြတယ်။ ဒီမှာ Shinomura ဆိုတဲ့ နှစ်ကောင်ပေါင်းပြီး တစ်ကောင်ဖြစ်နိုင်တဲ့ Titan နဲ့ Godzilla တို့ ချနေကြတဲ့အချိန် ဘေးကိုဥက္ကာခဲကြီးကျလာပြီး ဖြစ်လာတဲ့ ကျင်းကြီးထဲကို Shinomura ပြုတ်ကျသွားတယ်။ ဥက္ကာခဲကျပြီး ပေါက်ကွဲမှုကြီးကြောင့် ကမ္ဘာ့ မျက်နှာပြင် radiation ပမာဏ ကျဆင်းသွားတဲ့အတွက် Godzilla နဲ့ တခြားအကောင်ကြီးတွေ နေစရာ စားစရာရှားလာတာမို့လို့ radiation ရှိသေးတဲ့ ကမ္ဘာ့အတွင်းပိုင်း၊ ပင်လယ်ရေအောက်ကြမ်းပြင် တွေကို ပြောင်းရွှေ့သွားကြသလို မြေအောက်မှာ နှစ်တေတွအကြာကြီး hibernate လုပ်ကိန်းအောင်းနေကြတာတွေလည်း ဖြစ်ကုန်ကြတယ်။ - Hollow Earth နဲ့ Skull Island ကမ္ဘာ့ မျက်နှာပြင်အောက်မှာ အခေါ်င်းကြီးဖြစ်နေပြီး Godzilla လို တခြား titan ကြီးတွေ နေထိုင်ကြတဲ့ Hollow Earth ဆိုတာရှိတယ်။ ဒီ Hollow Earth နဲ့ ချိတ်ဆက်နေတဲ့ တစ်နေရာကတော့ ပင်လယ်ထဲက ပြင်ပလောကနဲ့ အဆက်အသွယ်မရှိတဲ့ Skull Island ဆိုတဲ့ ကျွန်းကြီးတစ်ကျွန်း။ ဒီကျွန်းကို Kong ရဲ့ မျိုးနွယ် ape ကြီးတွေရောက်လာပြီး နေကြတယ်။ ဒါပေမယ့် နောက်တော့ Skullcrawler ဆိုတဲ့ကောင်တွေပေါ်လာလို့ Kong တို့အမျိုးတွေနဲ့ နှစ်ပေါင်းများစွာ စစ်ခင်းကြတယ်။ Iwi လူမျိုးတွေ ကျွန်းပေါ်စရောက်လာတဲ့အချိန်မှာတော့ Skull Island မှာ Kong ရဲ့ မိဘနှစ်ပါးပဲ ကျန်တော့တယ်။ Skullcrawler တွေလက်ချက်ကြောင့် Kong မွေးပြီးပြီးချင်း သူ့မိဘတွေ ဆုံးသွားခဲ့တယ်။ - Early 20th Century 1926 မှာ အမည်မသိလူတစ်ယောက် ဦးဆောင်တဲ့အဖွဲ့တစ်ဖွဲ့က ဒီ hollow earth ကို စူးစမ်းလေ့လာဖို့ထွက်သွားခဲ့ပေမယ့် ပြန်ပေါ်မလာခဲ့ဘူး။ 1938 မှာတော့ ပြင်သင်နိုင်ငံက ဂူကြီးတစ်ခုက Hollow Earth ရဲ့ ဝင်ပေါက်တစ်ပေါက်ဖြစ်ပြီး ဒီကသွားရင် Titan ကြီးတွေဆီရောက်လိမ့်မယ်လို့ ပုံတွေဘာတွေ ထွက်ရှိလာခဲ့တယ်။ 1943 မှာလည်း U.S.S Lawton ဆိုတဲ့ အမေရိကန် စစ်ရေယာဥ်တစ်စင်းဟာ အမည်မသိအကောင်တစ်ကောင် တိုက်ခိုက်ခံခဲ့ရပြီး William Randa တစ်ယောက်ကလွဲလို့ တစ်ယောက်မှ အသက်ရှင်မကျန်ခဲ့ဘူး။ US အစိုးရကတော့ ဒါကို ဖုံးကွယ်ခဲ့တယ်။ - WWII and Hiroshima ဒုတိယကမ္ဘာစစ်အတွင်း အမေရိကန်တိုက်လေယာဥ်တစ်စင်းနဲ့ ဂျပန်တိုက်လေယာဥ်တစ်စင်းတို့ ရင်ဆိုင်တိုက်ခိုက်ရင်း ကျွန်းတစ်ကျွန်းပေါ်ကိုပျက်ကျတယ်။ ဒီကျွန်းက Kong နေတဲ့ Skull Island ဖြစ်နေသလို ဒါကိုသိသွားခဲ့ကြတဲ့ pilot ၂ ယောက်ဟာ ရန်သူတွေကနေ မိတ်ဆွေတွေ၊ ညီအစ်ကိုတွေဖြစ်သွားခဲ့ကြပြီး ကျွန်းကလွတ်မြောက်ဖို့ အတူတူကြိုးစားခဲ့ကြတယ်။ 1945 မှာ Hiroshima ကို nuclear bomb ဖေါက်ခွဲခဲ့တဲ့အခါမှာတော့ ကြီးမား များပြားတဲ့ radiation တွေပေါ်ထွက်လာခဲ့ပြီမို့လို့ အရင် တိမ်မြုပ်နေတဲ့ titan တချို့ ပြန်လည်နိုးထလာတယ်။ အရင်ဆုံး ပေါ်လာတာကတော့ Godzilla နဲ့ ရင်ဆိုင်ရင်း ချောက်ထဲကျသွားတဲ့ Shinomura ဖြစ်ပြီး သူ့ကိုမျက်မြင်တွေ့ခဲ့သူတွေထဲမှာ “Let them fight” ဆိုပြီးပြောခဲ့တဲ့ Dr. Serizawa ရဲ့ အဖေ Eiji လည်းပါပါတယ်။ - 1946 - Monarch 1946 မှာတော့ Monarch ကိုတည်ထောင်တယ်။ ဒီ “အကောင်ကြီးတွေ” ကိုရှာဖွေ လေ့လာ စူးစမ်းဖို့အတွက်ပေါ့။ နောက်တော့ Monarch အဖွဲ့ထဲမှာ Eii Serizawa လည်း ပါဝင်လာခဲ့တယ်။ Monarch အဖွဲ့ကို ဦးဆောင်ခဲ့သူတွေထဲမှာ Keiko Miura, Lee Shaw နဲ့ Bill Randa တို့လည်း ပါဝင်လာခဲ့တယ်။ Keiko က single mother တစ်ယောက်ဖြစ်ပြီး အစပိုင်းမှာ Lee Shaw နဲ့ ကြိုက်မလိုဖြစ်ခဲ့ပေမယ့် နောက်တော့ သူနဲ့ စိတ်တူကိုယ်တူ Bill Randa နဲ့ပဲ လက်ထပ်ဖြစ်ခဲ့တယ်။ ဒါပေမယ့်လည်း ၃ ယောက်သားက အခင်မင်မပျက်ခဲ့ဘူး။ ဒီကြားထဲ Shinomura ပေါ်လာပြီး နေရာစုံ လိုက်တိုက်ခိုက် ရန်ရှာနေတာကို Godzilla က လိုက်ရန်တွေ့မောင်းထုတ်နေရင်း 1954 ခုနစ် Castle Bravo nuclear “စမ်းသပ်မှု” မှာ Monarch နဲ့ US အစိုးရက Godzilla နဲ့ Shinomura ကို မျှားခေါ်ပြီး ဖေါက်ခွဲခဲ့တာမှာ Godzilla တော့ မသေဘဲ Shinomura အလုံးစုံ ပျက်စီးသွားခဲ့တယ်။ 1959 မှာတော့ Keiko Miura တို့ ၃ ယောက် Kazakhstan မှာ သွားရောက် စူးစမ်းရှာဖွေတုန်း အကောင်တွေထွက်လာလို့ Keiko ပါသွားတယ်။ 1962 မှာ Lee Shaw ဦးဆောင်ပြီး Operation Hourglass ဆိုတဲ့ Hollow Earth ကို စူးစမ်းလေ့လာတဲ့ခရီးထွက်ခဲ့တယ်။ ဒါပေမယ့် အဆက်အသွယ်ပြတ်တောက်သွားခဲ့လို့ Bill Randa တစ်ယောက်ပဲ ကျန်ခဲ့တော့တယ်။ - 1973 - Kong: Skull Island 1973 ခုနစ် US အစိုးရက Vietnam စစ်ပွဲက ဆုတ်ခွာလာတဲ့အချိန် Bill Randa နဲ့ Monarch အဖွဲ့ဟာ လက်နက်ကိုင် အစောင့်အရှောက်တွေနဲ့တကွ Skull Island ကိုသွားပြီး စူးစမ်းလေ့လာခဲ့တယ်။ ဒီမှာ Skull crawler တွေလက်ချက်နဲ့ Brill Randa အပါအဝင် အများအပြား သေခဲ့ကြတယ်။ James Conrad, Brooks, San နဲ့ WWII pilot Marlow တို့ပဲ လွတ်မြောက်ခဲ့တယ်။ Bill က မသေခင် သူ့မှတ်တမ်းတွေကို ရေထဲမျှောပစ်ခဲ့တယ်။ - 1982 - Lee Shaw 1982 ခုနစ်မှာ Shaw တစ်ယောက် Monarch ဆေးရုံတစ်ရုံမှာ ပြန်လည်နိုးထလာတယ်။ သူ့အတွက် Hollow Earth ထဲမှာ ရက်အနည်းငယ်ပဲကြာသေးပေမယ့် ခုသူပြန်ရောက်လာတဲ့အခါမှာတော့ Keiko ရဲ့သား Hiroshi ကပါ Monarch မှာ လူကြီးတစ်ယောက်ဖြစ်နေပြီ။ Bill ရဲ့ recording တွေကို ပြန်ဆယ်တွေ့ထားလို့ ဒီကြားထဲ Bill ဆုံးသွားမှန်း သိခဲ့ရတယ်။ - 1973- Aaron Brooks 1973 ခုနစ် Skull Island က ပြန်လွတ်လာခဲ့တဲ့ Huston Brooks ရဲ့ သား Aaron Brooks ကလည်း Monarch ဆီရောက်နေပြီ။ ဒီမှာ Skull Island လိုအရေးကြီးတဲ့နေရာကို Kong တစ်ကောင်တည်းလက်ထဲ ထားလို့ရမရ သွားကြည့်မယ်ဆိုပြီး သူ့အဖွဲ့တွေနဲ့အတူ Skull Island ကိုသွားတယ်။ ဟိုမှာအကောင်တွေလက်ချက်ကြောင့် တစ်ဖွဲ့လုံးနီးပါးသေတဲ့အပြင် Aaron တို့အဖွဲ့သားတစ်ယောက်ကြောင့် Iwi တွေရဲ့ တံတိုင်းတွေပါ ပျက်ကုန်တဲ့အခါ Aaron လည်း ပြန်မလာဖြစ်တော့ဘဲ Randa တုန်းကလိုပဲ recording တွေလုပ်ပြီး ရေထဲပြန်မျှောပေးလိုက်တယ်။ ဒီ recording တွေကို 2012 မှာ Huston Brooks ရရှိခဲ့တယ်။ - 1999 - MUTO 1999 မှာတော့ ဖလစ်ပိုင်က Titan လိုအကောင်ကြီးတစ်ကောင်ရဲ့ အရိုးစုတွေထဲမှာ ကပ်ပါးကောင်ဥ တွေရှာတွေ့ကြတယ်။ ကောင်းနေပြီး မြုံနေတဲ့ ဥတစ်လုံးကိုတော့ Nevada ကိုပြန်ယူသွားနိုင်ခဲ့ပေမယ့် နောက်တစ်ဥကတော့ ပေါက်သွားခဲ့ပြီ။ သိပ်မကြာခင်မှာပဲ ဂျပန်နိုင်ငံက Janjira nuclear power plant ကို ခုနက ဥကပေါက်ပြီးထွက်သွားတဲ့ဆိုတဲ့ MUTO ဝင်မွှေတယ်။ ဓာတ်ပေါင်းဖိုပျက်စီးတာကြောင့် Joe Brody ရဲ့ ဇနီးဆုံးသွားခဲ့တယ်။ ဒီမှာ MUTO က ဓာတ်ပေါင်းဖိုက radiation တွေကို စုပ်ယူနေပြီး နောက်ထပ် ၁၅ နှစ်လောက် မလှုပ်ရှား အိပ်စက်နေခဲ့တယ်။ Joe က ဇနီးဆုံးသွားတာ ဒီတိုင်း ငလျင်လှုပ်လို့ စခန်းပြိုတာကြောင့်မဟုတ်ဘူးဆိုပြီး တောက်လျှောက်တွေးနေ လေ့လာနေလို့ သူ့ reputation တင်မက သားဖြစ်သူနဲ့ပါ ဆက်ဆံရေးထိလာခဲ့တယ်။ - 2005 - Orca Technology Emma နဲ့ Mark Russell တို့ ဇနီးမောင်နှံပေါင်းပြီး Orca နည်းပညာကို စမ်းသပ်တီထွင်ခဲ့တယ်။ ဒီဟာကိုသုံးပြီး Titan တွေကို စကားပြောလို့ရ (သို့မဟုတ်) ဒီစက်ကြောင့် Titan တွေ အမူအကျင့် ပြောင်းနိုင်လိမ့်မလားဆိုပြီး ဖြစ်လာတယ်။ နှစ်ယောက် အိမ်ထောင်ကွဲသွားခဲ့ပြီးနောက် Monarch မှာ ဆက်ရှိနေရင်း ဒီနည်းပညာကို ဆက်လေ့လာနေခဲ့တယ်။ ဒီကြားထဲမှာလည်း MUTO စောင့်ကြည့်စခန်းတွေဆီ Alan Jonah ဆိုတဲ့လူ ခိုးဝင်တာမိရာက သူ့ပါ စောင့်ကြည့်စာရင်းထဲ ထည့်ခဲ့ကြတယ်။ - 2009 - Nathan Lind နဲ့ Mothra Nathan Lind ရဲ့ အစ်ကိုဖြစ်သူဟာ ၂၀၀၉ ခုနစ်မှာ Hollow Earth ကို စူးစမ်းလေ့လာဖို့ ခရီးထွက်ပေမယ့် ဝင်ဝင်ချင်းမှာပဲ မြေဆွဲအား ပြောင်းလဲမှုကြောင့် သေဆုံးခဲ့တယ်။ ဒီအချိန်မှာပဲ တရုတ်နိုင်ငံ Yunnan ပြည်နယ် တောအုပ်ကြီးထဲက သီးချင်းဆိုသံတွေ ကြားရတယ်ဆိုလို့ ရှာဖွေကြရာက Mothra ဖြစ်လာမယ့် ပိုးအိမ်ကိုတွေ့ခဲ့တယ်။ Outpost 61 ဆိုတာ ဆောက်လုပ်ခဲ့ကြပြီး Emma Russell ရဲ့ အဓိက တာဝန်ကျနေရာဖြစ်လာခဲ့တယ်။ - 2013 - Ford Brody Joe ရဲ့သားဖြစ်သူ Ford Brody ဟာ ဗုံးဖြုတ်စစ်သား EOD ပညာရှင်အနေနဲ့ ၁၄ လ ကြာ စစ်မှုထမ်းစထွက်ခဲ့တယ်။ - 2014 - Godzilla : G-Day Ford အိမ်ပြန်ရောက်ရောက်ချင်းပဲ အဖေဖြစ်သူ တားမြစ်နယ်မြေထဲဝင်လို့ဆိုပြီး သွားခေါ်ထုတ်ပေးရာက နှစ်ယောက်သား ပြန်ခိုးဝင်ရင်း MUTO ထွက်ပေါ်လာတယ်။ Brody ဆုံးတယ်။ ဒီမှာ MUTO နဲ့ Godzilla တို့လက်ချက်ကြောင့် မြို့တွေ ရွာတွေတော်တော်များများ ပျက်စီးကုန်ပြီး Godzilla နဲ့ တခြားကောင်တွေ ရှိနေသေးတယ်ဆိုတာ public က သိလာခဲ့တယ်။ San Francisco မှာဖြစ်ခဲ့တဲ့အတွက် ဒီနေ့ကို G-Day လို့ ခေါ်လာခဲ့ကြတယ်။ ဒီနောက်ပိုင်းမှာ Mark Russell လည်း Monarch က ထွက်သွားခဲ့တယ်။ - 2015 - Legacy of the Monsters Keiko ရဲ့ မြေးနှစ်ယောက်ဖြစ်တဲ့ Cate နဲ့ Kentaro တို့ အဖေတူ အမေကွဲမောင်နှမနှစ်ယောက်ဟာ ပျောက်သွားတဲ့ သူတို့အဖေ Hiroshi Randa ကိုလိုက်ရှာရင်း လူအိုရုံမှာ အသက်ကြီးသလောက် လျှင်မြန်ဖြတ်လတ်နေသေးတဲ့ Lee Shaw နဲ့တွေ့တယ်။ နေရာစုံ သွားလာရင်းနောက်ဆုံး Hiroshi နဲ့ပြန်တွေ့ပေမယ့် Shaw က Hollow Earth ကိုသွားလို့ရတဲ့ ဝင်ပေါက်ထွက်ပေါက်တွေအကုန်လုံးကို ပတ်ပစ်ဖို့ ကြိုးစားတယ်။ အကြောင်းအမျိုးမျိုးကြောင့် Cate, Shaw နဲ့ May တို့ ၃ ယောက် Hollow Earth ထဲရောက်သွားခဲ့တယ်။ ဒီမှာ Hollow Earth ထဲကိုရောက်တာ ရက်ပိုင်းပဲရှိသေးလို့ ကယ်မယ့်လူစောင့်နေတဲ့ Keiko နဲ့ ပြန်တွေ့ကြတယ်။ ရှိတဲ့စက်အပျက်တွေ ပြန်ပြင်သုံးရင်း လက်ရှိအချိန်ကို ပြန်လာဖို့ ကြိုးစားတာမှာ Shaw က အသေခံပြီး Hollow Earth မှာ ကျန်ခဲ့တယ်။ - 2016 - King Ghiorah Antarctica တိုက်က ရေခဲပြင်တွေအောက်မှာ မြုပ်နေတဲ့ ခေါင်းသုံးလုံးရှိတဲ့ Ghidorah ကို Monarch အဖွဲ့က ရှာဖွေတွေ့ရှိခဲ့တယ်။ - 2017 - Apex Cybernetics Hollow Earth မှာ ခနလေးသောင်တင်ပြီး ထွက်ပြေးလာခဲ့တဲ့ Keiko, Cate နဲ့ May တို့ဟာ 2017 ခုနစ် Skull Island ပေါ်က Apex Cybernetics စခန်းမှာ ပြန်လည်ထွက်ပေါ်လာခဲ့ပါတယ်။ - 2019 - Godzilla: King of the Monsters Emma နဲ့ သူ့သမီး Madison တို့ကို Alan Jonah က ပြန်ပေးဆွဲခဲ့ပြီး တခြား အိပ်စက်နေတဲ့ Titan တွေကို လိုက်နှိုးခဲ့ကြတယ်။ Emma က Alan နဲ့ပေါင်းပြီး Titan တွေကို ပြန်လွှတ်ပေးချင်တာဖြစ်ပေမယ့် သူတို့လွှတ်ပေးလိုက်တဲ့ Ghidorah က ကမ္ဘာ့ပြင်ပကလာတဲ့ ဂြိုလ်သားတစ်ကောင်ဖြစ်နေပြီး သူ့စိတ်အရ တစ်ဂြိုလ်လုံးကို ပျက်စီးအောင်လုပ်မှာဖြစ်လို့ Godzilla ပြန်နိုင်အောင် ဝိုင်းကူကြရတယ်။ နောက်ဆုံး Godzilla နိုင်ပြီး King of the Monsters ဖြစ်လာတယ်။ Dr. Serizawa နဲ့ Emma တို့ ဆုံးပါးခဲ့တယ်။ - 2021 - Kingdom Kong 2021 ခုနစ်မှာတော့ Monarch အဖွဲ့ဟာ Skull Island မှာရှိတဲ့ Hollow Earth ဝင်ပေါက်ကို တူးဖေါ်စမ်းသပ်ဖို့ လုပ်ကြတယ်။ ဒီအချိန်မှာပဲ ကြီးမားပြင်းထန်တဲ့ မုန်တိုင်းကြီးတစ်ခုကလည်း Skull Island ဆီကို ဦးတည်လာနေတယ်။ ဝင်ပေါက်ကို ဖေါက်ကွဲလိုက်မိတဲ့အချိန်မှာပဲ အထဲက Titan Camaztoz ဆိုတဲ့ လင်းနို့လိုကောင်ကြီးနဲ့ သူ့လိုအကောင်သေးသေးလေးတွေ ထွက်လာပြီး Kong နဲ့ ရင်ဆိုင်တယ်။ Iwi တွေရဲ့ ဟောကိန်းအရ နေရောင်ပျောက်တဲ့အချိန် မြေအောက်က ဒီဘုရင်ကြီးနိုးထလာမယ်လို့ ရှိတာမို့လို့ မုန်တိုင်းတွေကြောင့် နေရောင်ပျောက်တာနဲ့ အံကိုက်ဖြစ်နေတယ်။ Kong ဘက်ကနေ Monarch တိုက်လေယာဥ်တွေ ဝိုင်းကူလို့ Camaztoz ရှုံးသွားတယ်။ ဒါပေမယ့် မုန်တိုင်းကြီးကြောင့် Skull Island ရဲ့ eco system ကို လုံးဝ ထိခိုက်လာနေပြီမို့လို့ ကျွန်းပေါ်က Iwi လူမျိုးစုကို ကယ်ထုတ်ရင်း Kong ကိုပါ ပြောင်းရွှေ့ဖို့ လုပ်ကြရတယ်။ - 2024 - Godzilla vs. Kong Apex Cybernetics ရဲ့ Mechagodzilla project ကို ဖျက်ဆီးဖို့လို့ရင်း လူသားတွေနဲ့ Godzilla တို့ ထိပ်တိုက်တွေ့သလိုဖြစ်လာခဲ့တယ်။ ဒီအချိန် Skull Island က ပြောင်းရွှေ့လာတဲ့ Kong နဲ့လည်း Godzilla တို့ တွေ့ကြပြန်တယ်။ Apex ကလည်း Hollow Earth က အင်အားကြီးမားတဲ့ energy source တွေကို လိုချင်လာတဲ့အတွက် Kong ကိုလမ်းပြခိုင်းပြီး အထူးပြုလုပ်ထားတဲ့ ယာဥ်တွေနဲ့တကွ Hollow Earth ကို လိုက်သွားကြတယ်။ ဒီက ရတဲ့ Energy signature ကို ပြန်ပွားပြီး Mechagodzilla ကို အသက်သွင်းတယ်။ Kong ကလည်း Hollow Earth မှာ ပုဆိန်ပြန်ရပြီး သိပ်မကြာဘူး Godzilla ရန်စလို့ Japan ကိုသွားပြီး ရင်ဆိုင်ရပြန်တယ်။ Ishiro Serizawa ရဲ့သား Ren Serizawa ဟာ Apex က ပညာရှင်တစ်ယောက်ဖြစ်ပြီး Mechagodzilla ကိုမောင်းနှင်ရတဲ့ pilot လည်းဖြစ်တယ်။ Ghidorah ရဲ့ ဦးခေါင်းခွံနဲ့ ဦးနောက်ကိုသုံးပြီး လှုပ်ရှားတာဖြစ်တာမှာ Ghidorah က Pilot ကိုပြန်အပိုင်စီးပြီး Mechagodzilla ကိုမောင်းနှင်ခဲ့လို့ တွေ့သမျှအကုန်ဖျက်ဆီးမဲ့ပုံစံ ဖြစ်သွားခဲ့တယ်။ ဒါကြောင့် Godzilla နဲ့ Kong တို့နှစ်ယောက်ပေါင်းပြီး Mechagodzilla ကို ရင်ဆိုင် အနိုင်ယူခဲ့ရတယ်။ — (MonsterVerse Timeline ရှင်းတမ်းကို  Movie Monster FB Page မှ ကူးယူဖော်ပြပါသည်။) ထွက်ရှိပြီးသမျှ MonsterVerse ရုပ်ရှင်တွေကို ဒီမှာ  https://channelmyanmar.org/?s=monsterverse ကြည့်လို့ရပါတယ်။ +++++++++++++++++++++++++++++++++++++++++++++++++++ Godzilla x Kong: The New Empire (2024) IMDb Rating - 6.5/10 Monsterverse ရဲ့ ၅ ကားမြောက်ရုပ်ရှင်သစ်လာပါပြီ။ ဒီပွဲကတော့ ဂေါ်ကြီးနဲ့ ကောင်ကြီး ပူးပေါင်းတဲ့ပွဲပါ။ ဇာတ်လမ်းအစမှာတော့ ဂေါ်ကြီးက မြေပေါ်ကမ္ဘာ မှာကြီးစိုးနေပြီး လူတွေကို တိုက်တန်တွေရဲ့ ရန်ကနေ ကာကွယ်ပေးနေပါတယ်။ ကောင်ကြီးကတော့ အတွင်းခေါင်းကမ္ဘာထဲမှာပဲ နေရင်း မိသားစုလိုက်ရှာနေပါ တယ်။ ဒါပေမဲ့ ဂေါ်ကြီးက ရန်သူအကြီးကြီးတစ်ကောင်ကို အာရုံရပြီး သူ့ကိုယ် သူ အနုမြူစွမ်းအင်တွေရှာပြီး အင်အားအစွမ်းကုန်ဖြည့်လာတဲ့အတွက် မိုနာ့ခ် အဖွဲ့သားတွေကလည်း ဘယ်က‌နေ အန္တရာယ်ရောက်လာမလဲဆိုတာ စုံစမ်းရပါ တော့တယ်။ အဲဒီမှာပါ ကောင်ကလည်း သူ့မိသားစုဖြစ်လာနိုင်တဲ့ ကောင်မျိုးနွယ်တွေကို တွေ့ ပေမဲ့ သူတို့ရဲ့ ခေါင်းဆောင်က ကမ္ဘာတစ်ခုလုံးကို သိမ်းပိုက်ချင်တဲ့ စခါးကင်းဆို တဲ့ ကောင်ကြီးတစ်ကောင်ဖြစ်နေတော့ အတွင်းခေါင်းကမ္ဘာထဲမှာ စခါးကင်းနဲ့ ရင် ဆိုင်ရပါတော့တယ်။ ဒါပေမဲ့ မနိုင်တော့ မြေပြင်ပေါ်တက် ဂေါ်ကြီးကို စစ်ကူတောင်း ပြီး နှစ်ကောင်ပေါင်းပြီး တွယ်ကြတဲ့ဇာတ်လမ်းဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size.........(7.9 GB) /(2.02 GB) / (1.05 GB) Quality............WEB-DL 4K HEVC/ 1080p / 720p Duration.........1Hr 55Min Subtitle...........Myanmar Hardsub Format............mkv/MP4 Genre..............Action, Adventure, Fantasy Translator.......Mr.Anderson Encoder..........SWM,Ka Naung

ရောဘတ် ပတ်တီဆန် ပါဝင်သရုပ်ဆောင်ထားတဲ့ The Batman က စုံထောက်ဇာတ်လမ်းပုံစံနဲ့ ပဟေဠိတွေကို အခြေခံထားပါတယ်။ အဓိကဗီလိန်က ရစ်ဒလာဖြစ်ပြီး Catwoman ကိုလည်း ဒီဇာတ်ကားမှာ မိတ်ဆက်ထားတယ်။ မှုခင်းနဲ့ ပဟေဠိတွေကြားမှာ အက်ရှင်နဲ့ ဒရာမာကို တွဲဖက်ထားတဲ့ ဇာတ်လမ်းပါ။

ဂျေဆန် စတေသန်ကြီးရဲ့ အက်ရှင်ကား အကြမ်းတစ်ခု လာပါပြီ။ ဒီကားကတော့ အတော်ကောင်းပါတယ်။ ဇာတ်လမ်းအကျဉ်းကတော့ လော့စ်အန်ဂျလိမှာ ဖော်တီကိုဆိုတဲ့ ကုမ္ပဏီတစ်ခုရှိတယ်။ သူတို့တွေက ကာစီနိုတွေ၊ ကုန်တိုက်တွေကနေ ငွေတွေ သယ်ပို့ပေးတာတွေကို ဝန်ဆောင်မှုပေးတာပါ။ ငွေသယ်ကားတွေနဲ့ လုံခြုံရေးကုမ္ပဏီတစ်ခုပေါ့။ အမြဲတမ်း ဒေါ်လာ သန်းချီပြီးသယ်နေရတာဖြစ်တော့ ဓားပြတွေ မျက်စိကျတဲ့ ကားတွေပါပဲ။ တစ်နေ့မှာ ကားတစ်စီး ဓားပြတိုက်ခံရပြီး အစောင့်နှစ်ယောက် သေသွားခဲ့တယ်။ အဲဒီနောက်မှာ လူသစ်ဝင်လာတာကတော့ ကျွန်တော်တို့ရဲ့ ဖိုက်တာကတုံးပေါ့။ ကတုံးဝင်လာပြီးပြီးချင်း ဓားပြခြောက်ယောက် မသာပေါ်သွားအပြီးမှာ ကတုံးလည်း သူရဲကောင်းဖြစ်သွားတာပေါ့။ ဒါပေမယ့် သူဝင်လာရတဆက ရည်ရွယ်ချက်တွေ၊ ဓားပြမှုတွေ နဲ့ ဓားပြတွေ ဘယ်လိုဆက်စပ်နေသလဲဆိုတာကို ဇာတ်လမ်းထဲမှာ အဖြေရှာကြည့်ရမှာပါပဲ။... Translated by : Mr.Anderson Encoded by : YK File Size : 1.04GB Quality : 720p Duration : 1h 59mins

Chernobyl (2019) ဇာတ်လမ်းအညွှန်း ~~~~~~~~~~~~~~~~~~~~~~ လူတစ်သိန်းလောက်ရဲ့ vote နဲ့ Imdb မှာ 9.7 ရပါတယ်လို့ ပြောရင် ဆက်ညွှန်းစရာမလိုဘဲတောင် ကြည့်ချင်ကြမယ်ထင်ပါတယ်။ ဒါပေမယ့် နည်းနည်းလေး လျှာထပ်ရှည်ပါရစေ။ ဒီစီးရီးကို HBO က ပြသခဲ့ပြီး အပိုင်း ၅ ပိုင်းပါဝင်မှာဖြစ်ပါတယ်။ HBO ရဲ့ အအောင်မြင်ဆုံးစီးရီးတွေထဲက တစ်ခုပါပဲ။ ၁၉၈၆ ဧပရယ်လမှာ ဆိုဗီယက်ပြည်ထောင်စု၊ ယူကရိန်း နဲ့ ဘီလာရုစ် နယ်မြေကြား ချာနိုဘယ်မှာဖြစ်ခဲ့တဲ့ ကမ္ဘာကျော် အနုမြူဓာတ်အားပေးစက်ရုံ ပေါက်ကွဲမှုအကြောင်း ဖြစ်ရပ်မှန်ကို အခြေခံပြီး တင်ဆင်ထားတာပါ။ ဒီကပ်ဆိုးကို ထိန်းသိမ်းဖို့ ရူဘယ် ၁၈ ဘီလီယံကျော်ကုန်ကျခဲ့ပြီး လူသိန်းနဲ့ချီပြီး လုပ်ကိုင်ခဲ့ရတာပါ။ အမေရိကန် နဲ့ အားပြိုင်နေချိန်မှာ ဖြစ်ခဲ့တဲ့ အဖြစ်ဆိုးဖြစ်တဲ့အတွက် တရားဝင်ကြေညာတဲ့ အသေအပျောက်စာရင်းဟာ အတော်ကိုလျှော့ပေါ့ထားမယ့်ပုံပေါ်ပါတယ်။ သမိုင်းရဲ့အကြီးဆုံးအနုမြူကပ်ဘေးကို ကျော်လွှားဖို့ ပါဝင်ခဲ့ကြတဲ့ သူရဲကောင်းတွေအကြောင်းကို အဓိက ဇာတ်ကောင် သိပ္ပံပညာရှင်နှစ်ယောက်ကို အခြေတည်ပြီး ရိုက်ကူးပြထားပါတယ်။ မပြန်လမ်းမှန်းသိသိကြီးနဲ့ ဝင်သွားခဲ့တဲ့ သူရဲကောင်းတွေ၊ ဝင်လိုက်တာနဲ့ သေမိန့်ချပြီးသားလိုဖြစ်နေတဲ့ နယ်မြေထဲမှာ အကြာကြီး လုပ်ကိုင်ခဲ့ကြတာတွေကို တွေ့ပါလိမ့်မယ်။ စီးရီးဆိုပေမယ့် ၅ နာရီစာ ရုပ်ရှင်ကောင်းကြီးတစ်ခုကို ကြည့်လိုက်ရသလိုပါပဲ။ အပိုအလိုမရှိတဲ့ ဇာတ်လမ်း၊ ဒိုင်ယာလော့၊ ရိုက်ချက်၊ အသံ အကုန်ကောင်းမွန်ပါတယ်။ ဒီစီးရီးရဲ့ ဇာတ်လမ်းကို ခံစားနိုင်ရုံတင်မကဘဲ၊ အနုမြူအန္တရာယ်အကြောင်း ဗဟုသုတတွေ၊ သူတို့တွေ လုပ်ပုံကိုင်ပုံတွေကိုပါ ဗဟုသုတအဖြစ် ရှင်းရှင်းလင်းလင်းမြင်ရမှာပါ။ ဇာတ်လမ်းအစကိုတော့ ဓာတ်ပေါင်းဖိုပေါက်ကွဲတာကနေစထားတာမို့ စကတည်းက အရှိန်က တက်သွားလိုက်တာ ပြန်ကိုမကျတော့ပါဘူး။ အဲဒီအစမှာတော့ ဝန်ထမ်းတွေ တရားရစရာလေးတွေ တွေ့ပါဦးမယ်။ ပြဿနာကြီးဖြစ်တာနဲ့ အပြစ်တင်စရာလူပတ်ရှာတဲ့ လူကြီးတွေ၊ အထက်ကို ဖုံးဖုံးဖိဖိ တင်ပြကြတဲ့ လူကြီးတွေက စတာပါပဲ။ အဲဒီနောက်မှာတော့ ပြဿနာကိုဖြေရှင်းဖို့အပြင် နိုင်ငံသိက္ခာမကျဖို့ ဖုံးဖုံးကွယ်ကွယ်လုပ်ကြတာပါ။ ပေါင်းလိုက်တော့ မသေသင့်ဘဲ သေသွားရတဲ့ လူဦးရေ အတော်ကိုများသွားခဲ့မှာပါပဲ။ ကြည့်မိတဲ့လူအားလုံးကြိုက်ကြမယ်ထင်ပါတယ်။ ကြည့်ကိုကြည့်သင့်တဲ့ စီးရီးတစ်ခုပါပဲ။ သိပ္ပံအသုံးအနှုန်းလေးတွေ အဆင်ပြေသလို ဘာသာပြန်ထားတာကိုတော့ သည်းခံကြည့်ပေးကြပါဦး။ Quality ~~~ 4K/1080p, 720p Duration ~~~ 1hr 4 min Genre ~~~ Drama/ History/ Thriller Format ~~~ mp4 / Mkv

တာဇံဟာ ဂျိန်းနဲ့လက်ထပ်ပြီး မိဘတွေရဲ့အမွေကို ဆက်ခံကာ အင်္ဂလန်မှာ ဂျွန် ကလေတန်အဖြစ် နေထိုင်နေပါပြီ။ တောထဲကဘဝနဲ့ ဝေးကွာပြီး လူကြီးလူကောင်းတစ်ယောက်အဖြစ် နေထိုင်နေချိန်မှာပဲ ဘာလင်ကွန်ဖရင့်အပြီး ကွန်ဂိုနယ်ကို သိမ်းပိုက်ထားတဲ့ ဘယ်ဂျီယံဘုရင် လီယိုပိုးဒ်က ဒေဝါလီခံရလုနီးပါး အခြေအနေကနေ လွတ်မြောက်ဖို့ နည်းလမ်းရှာနေပါတယ်။ တာဇံနဲ့ ဂျိန်းတို့ ကြီးပြင်းခဲ့ရာ အာဖရိက ဘွန်မာကို ပြန်လာကြတဲ့အခါ ဘုရင့်လူယုံ ရွမ်ရဲ့ အကြံအစည်ထဲမှာ ကြားညပ်သွားပြီး ဂျိန်းလည်း ဖမ်းဆီးခေါ်ဆောင်ခံလိုက်ရတယ်။ ဂျိန်းကို ပြန်ကယ်ဖို့အတွက် တာဇံဟာ သူ့ရဲ့မူလဗီဇနဲ့ စွမ်းအားတွေကို ပြန်အသုံးချပြီး ထောင်နဲ့ချီတဲ့ စစ်တပ်ကို ရင်ဆိုင်ဖို့ ကြိုးစားလာပါတယ်။ သူ့ရှေ့မှာ ရွမ်ရဲ့စစ်သားတွေသာမက ရန်သူဟောင်း မ်ဘွန်ဂါလည်း ရှိနေတယ်။ တစ်ချိန်က သူနဲ့အတူရှိခဲ့တဲ့ လူဝံအုပ်စုတွေကပါ သူ့ကို စွန့်ခွာသွားသူအဖြစ် သတ်မှတ်ထားတာကြောင့် သူတို့ကြားမှာလည်း ရုန်းကန်ရဦးမှာပါ။

ရုံးပိတ်ရက်မှာ ခေါင်းရှုပ်ခံပြီး စဉ်းစားစရာမလိုဘဲ "ဘုန်းခနဲ ဒိုင်းခနဲ" ပစ်ခတ်သတ်ဖြတ်ခန်းတွေနဲ့ စိတ်ပြေလက်ပျောက် ကြည့်ချင်တယ်ဆိုရင်တော့ Shadow Man က ရွေးချယ်စရာ အကောင်းဆုံး ဇာတ်ကားတစ်ကား ဖြစ်ပါတယ် Steven Seagal ရဲ့ အထာကျကျ လမ်းလျှောက်ပုံ လက်ကောက်ဝတ်တွေကို ချိုးပစ်တဲ့ အိုက်ကီဒို (Aikido) ကွက်တွေကို လွမ်းနေသူတွေအတွက် ဒီကားက လုံးဝ စိတ်ကျေနပ်မှု ပေးစွမ်းနိုင်မှာပါCIA အေးဂျင့်ဟောင်းနဲ့ စီးပွားရေးသမားဖြစ်သူ Jack Foster (စတီဗင် ဆီဂဲ) ဟာ ဥရောပခရီးစဉ်အတွင်း သူ့ရဲ့သမီးဖြစ်သူ ရိုမေးနီးယားမှာ ရုတ်တရက် ပြန်ပေးဆွဲခံလိုက်ရပါတယ် ဒီဖြစ်ရပ်နောက်ကွယ်မှာ MK-Ultra လို့ခေါ်တဲ့ အသက်အန္တရာယ်ရှိတဲ့ ဇီဝလက်နက် ဗိုင်းရပ်စ်နဲ့ ပတ်သက်တဲ့ လျှို့ဝှက်ချက်တွေ၊ နှစ်ဖက်ကစားမှုတွေ ရှုပ်ထွေးနေတာကို Jack တစ်ယောက် ဖြေရှင်းရပါတော့တယ် ပြန်ပေးဆွဲခံရတဲ့ သူ့ရဲ့ ၈ နှစ်သမီးလေးကို ကယ်တင်ဖို့အတွက် ရိုမေးနီးယား မြေအောက်လောကတစ်ခုလုံးကို ဇောက်ထိုးလှန်ပစ်မယ့် ပုံစံမျိုးဖြစ်ပြီး "ငါ့သမီးကို ထိရင် မင်းတို့ သေပြီသာမှတ်" ဆိုတဲ့ မျက်နှာပေးနဲ့ ရန်သူတွေကို အပြတ်ရှင်းတာမလဲဆိုတာ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

(ခရစ္စမတ်ကို ရန်သူတွေနဲ့အတူဆင်နွှဲခဲ့ကြတဲ့ ပထမကမ္ဘာစစ် စစ်သားများအကြောင်း) ဒီရုပ်ရှင်ကိုမကြည့်ဖူးကြရင်တောင် ဆိုရှယ်မီဒီယာမှာ အတိုလေးတွေ အတော်များများ မြင်ဖူးကြမှာပါ။ ဂျာမန်၊ ဗြိတိသျှ၊ စကော့တလန်စစ်သားတွေ ပထမကမ္ဘာစစ်အတွင်း ကတုတ်ကျင်းကိုယ်စီနဲ့ တစ်ဘက်နဲ့တစ်ဘက် အသေအကြေတိုက်ခိုက်နေကြပေမဲ့ ခရစ္စမတ်အကြိုညမှာတော့ အပစ်အခတ်တွေရပ်စဲပြီး အတူ ဆင်နွှဲကြဖို့ ဆုံးဖြတ်လိုက်တဲ့ အကြောင်းပါ။ စစ်ပွဲရဲ့ အကျဉ်းတန်ခြင်းတွေထဲကနေ လူသားဆန်မှုတွေကို ပြတဲ့ရုပ်ရှင်ပါပဲ။ အကောင်းဆုံး နိုင်ငံခြားရုပ်ရှင်ဆု အော်စကာ စကာတင် ဝင်ခဲ့ပါတယ်။ Tsotsi 2005 ကို မကျော်နိုင်ခဲ့လို့သာ ဆုမရခဲ့တာပါ။ အော်စကာရသွားတဲ့ Tsotsi ကိုလည်း Channel Myanmar မှာ တင်ပေးပြီးသားပါ။ ဒီရုပ်ရှင်ထဲမှာတော့ နှစ်ဘက်စစ်သားတွေရဲ့ တာဝန် နဲ့မိသားစုကြားက လွန်ဆွဲတာတွေ၊ ရန်သူကနေ မိတ်ဆွေဖြစ်လာပြီး ရန်သူပြန်ဖြစ်လာတဲ့အခါ ဆုံးဖြတ်ရခက်တာတွေနဲ့ အထက်ဖိအားတွေကြားထဲက စစ်ရဲ့ အကျဉ်းတန်မှုတွေကို မြင်ရမှာပါ။ ကြည့်ဖြစ်အောင်ကြည့်ရမဲ့ရုပ်ရှင်ဖြစ်လို့ ခရစ္စမတ်အမီလေး တင်ပေးထားလိုက်ပါတယ်။ File Size : 1.74 GB, 787 MB Quality : Blu-Ray 1080p / 720p Running Time : 1hr 56min Format : Mp4 Genre : Drama, History, War Subtitle : Myanmar Subtitle (Hard Sub) Translated by : Mr.Anderson Encode by : Thit San Khant

လန်ဒန်က တံတားအင်ဂျင်နီယာတစ်ယောက်ဟာ အာဖရိကတိုက်၊ ဆာဗိုမှာ တံတားတစ်စင်းကို ငါးလအတွင်း အပြီးဆောက်ဖို့ တာဝန်ပေးခံရပါတယ်။ အဲဒီကို ရောက်သွားတော့ အလုပ်သမားအချင်းချင်း မတည့်တာ၊ ဆေးရုံကောင်းကောင်းမရှိတာ စတဲ့အခက်အခဲတွေကို ရင်ဆိုင်ရတယ်။ အဲဒီထက် ပိုကြီးတဲ့ပြဿနာကတော့ ခြင်္သေ့တွေ လူလာဆွဲနေတဲ့ကိစ္စပါ။ အစပိုင်းမှာ သူက အပင်ပေါ်ကနေ ခြင်္သေ့တစ်ကောင်ကို ပစ်သတ်ပေးနိုင်ခဲ့လို့ အလုပ်သမားတွေလည်း စိတ်ချမ်းသာသွားကြပြီး တံတားဆောက်တဲ့အလုပ် ပြန်အဆင်ပြေလာတယ်။ ဒါပေမဲ့ နောက်ပိုင်းမှာ ခြင်္သေ့တွေ ပိုအတင့်ရဲလာပြီး လူတွေကို ပိုသတ်လာကြပါတယ်။ တံတားလည်း ဆက်မဆောက်နိုင်၊ ခြင်္သေ့တွေကိုလည်း မနှိမ်နင်းနိုင်ဖြစ်နေချိန်မှာ အာဖရိကလူမျိုးစုတွေနဲ့အတူ အမဲလိုက်လေ့ရှိတဲ့ နာမည်ကျော်မုဆိုးတစ်ယောက် ရောက်လာတယ်။ သူတို့နှစ်ယောက် ခြင်္သေ့တွေကို နှိမ်နင်းနိုင်ကြမလား၊ ကိုယ်စီရဲ့အိပ်မက်တွေကရော ပြည့်လာပါ့မလားဆိုတာကို ဆက်ကြည့်ရမှာပါ။ ဖြစ်ရပ်မှန်ကို အခြေခံထားတဲ့ ဒီစွန့်စားခန်းဒရမ်မာမှာ Val Kilmer နဲ့ Michael Douglas တို့ ပါဝင်သရုပ်ဆောင်ထားပါတယ်။