Alex Sharp ပါဝင်သော ဇာတ်ကားများ

Idiots (2026) IMDb Rating (6.1) / Rotten Tomatoes (63%) ဒီဇာတ်ကားကတော့ Comedy နဲ့ Crime အမျိုးအစား အမေရိကန် ဟာသရုပ်ရှင် ဇာတ်ကားသစ်ပဲ ဖြစ်ပါတယ်။ ဒီဇာတ်ကားကို အစက The Shitheads ဆိုတဲ့ နာမည်နဲ့ ဆန်းဒါးစ် (Sundance) ရုပ်ရှင်ပွဲတော်မှာ ပြသခဲ့တာဖြစ်ပြီး နောက်ပိုင်းမှ Idiots အမည်နဲ့ ရုံတင်ခဲ့တာပါ။ ဒါရိုက်တာ Macon Blair က ရိုက်ကူးတင်ဆက်ထားပြီး အဓိက သရုပ်ဆောင်တွေအဖြစ် Dave Franco, O'Shea Jackson Jr., Mason Thames, Kiernan Shipka နဲ့ Peter Dinklage တို့က ပါဝင်သရုပ်ဆောင်ထားကြပါတယ်။ ဇာတ်လမ်းကတော့ အလုပ်ပြုတ်သွားတဲ့ လူငယ်နှစ်ယောက်ဆီကနေ စတင်ပါတယ်။ ဘုရားကျောင်းက လူငယ်ခေါင်းဆောင် Davis ဟာ ကလေးတွေကို မပြသင့်တဲ့ ရုပ်ရှင်သွားပြမိလို့ အလုပ်ထုတ်ခံရသလို၊ Mark ဆိုတဲ့ လူငယ်ကလည်း အလုပ်ကနေ အထုတ်ခံလိုက်ရပါတယ်။ ပိုက်ဆံလိုနေတဲ့ သူတို့နှစ်ယောက်ဟာ အင်တာနက်မှာ နာမည်ကြီးနေတဲ့ သန်းကြွယ်သူဌေးသားလေး Sheridan (Mason Thames) ကို ဆေးဖြတ်တဲ့ ဂေဟာဆီ လိုက်ပို့ပေးရမယ့် အလုပ်တစ်ခု ရလာပါတော့တယ်။ Sheridan ဆိုတဲ့ ကောင်လေးဟာ လမ်းဘေးနေ အဘိုးအို တစ်ယောက်ကို မီးရှို့ပြီး နာမည်ကြီးလာတဲ့ ကြောက်စရာကောင်းတဲ့ ကလေးတစ်ယောက်ပါ။ ဒီအလုပ်လေးက လွယ်လွယ်ကူကူ ပြီးသွားမယ်လို့ သူတို့ ထင်ခဲ့ပေမဲ့ တကယ့်လက်တွေ့မှာတော့ အဲဒီ ငတုံး နှစ်ယောက်ဟာ ကလေးရဲ့ လှည့်စားတာတွေကို ခံရပြီး ပြဿနာပေါင်းစုံနဲ့ ရင်ဆိုင်ရပါတော့တယ်။ Sheridan က သူ့ကို ပြန်ပေးဆွဲထားပါတယ် ဆိုပြီး အင်တာနက်မှာ လိမ်တင်လိုက်တဲ့အခါ တကယ် ပြန်ပေးဆွဲချင်တဲ့ ဂိုဏ်းစတားတွေရော၊ လမ်းခရီးမှာ တွေ့ရတဲ့ ထူးထူးဆန်းဆန်း လူတွေနဲ့ပါ ထိပ်တိုက်တွေ့ပြီး အသက်လု ထွက်ပြေးရမယ့် အခြေအနေတွေကို ရယ်မောစရာ ကြည့်ရှုရမှာပါ။ ဒီဇာတ်ကားဟာ သာမန် Road Movie တွေလို လမ်းခရီးမှာ ဖြစ်ပျက်တဲ့ အလွဲလွဲအချော်ချော် အဖြစ်အပျက်တွေကို အခြေခံထားပေမဲ့ ဇာတ်လမ်းဇာတ်ကွက်တွေက မှန်းရခက်ပြီး ရုတ်တရက် အလှည့်အပြောင်းတွေ အများကြီး ထည့်သွင်းထားပါတယ်။ ရယ်စရာ ဟာသပြကွက်တွေရော၊ ခပ်ကြမ်းကြမ်း မှုခင်းဇာတ်ဝင်ခန်းတွေကိုရော သေသေချာချာ ပေါင်းစပ်ဖန်တီးထားတာပါ။ ဇာတ်ကောင်တွေရဲ့ ပီပြင်တဲ့ သရုပ်ဆောင်ချက်တွေကြောင့် ဟာသနဲ့ မှုခင်း ရောနှောထားတဲ့ ဇာတ်ကားကောင်းတွေကို သဘောကျတဲ့ ပရိသတ်တွေ အကြိုက်တွေ့စေမယ့် ရုပ်ရှင်တစ်ကားပဲ ဖြစ်ပါတယ်။ File size… (2.1 GB) / (925 MB) Quality…. WEB-DL 1080p HEVC / 720p Format…. mkv/mp4 Genre…. Comedy, Crime Duration…. 01:40:00 Subtitle…. Myanmar Subtitle (Hardsub)

2024 မှာထွက်ရှိလာတဲ့ 3 body Problem ကတော့ စိတ်ဝင်စားစရာတွေနဲ့ ကြည့်ကောင်းမဲ့ကားလေးတစ်ကားပါပဲ....... ကျွန်တော်တို့အသက်ရှင်နေထိုင်တဲ့ စကြာဝဠာကြီးမှာ တခြားသက်ရှိတွေရော ရှိနိုင်မလားဆိုတဲ့ အတွေးက တကယ့်ကိုစိတ်ဝင်စားစရာပါ.....အဲဒီ စိတ်ဝင်စားစရာအတွေးကိုလည်း ပညာရှင်တွေက နည်းလမ်းမျိုးစုံနဲ့ အဖြေထုတ်နိုင်ဖို့ကြိုးစားနေကြတာပါ.....နည်းပညာမြင့်တဲ့ နိုင်ငံတွေအပြိုင်အဆိုင် ကြိုးပမ်းရာကနေ တရုတ်နိုင်ငံလေ့လာရေးစခန်းတစ်ခုမှာရှိတဲ့ ပညာရှင်တစ်ယောက်က နေဟာ ကိုယ်တိုင်လည်း လျှပ်စစ်သံလိုက်စွမ်းအင်ထုတ်ပေးနိုင်သလို တခြားဂြိုလ်ရဲ့ စွမ်းအင်ကိုလည်း ချဲ့ထုတ်ပေးနိုင်တယ်ဆိုတာကို လေ့လာတွေ့ရှိသွားပါတယ်...... စကြာဝဠာကြီးထဲမှာ တခြားသက်ရှိတွေများရှိမလားလို့ တွေးမိနေကြတဲ့ လေ့လာသူတွေဟာ တခြားသက်ရှိတွေကို ဆက်သွယ်လို့ ရလိုရငြား အသံထုတ်လွှင့်စက်ကြီးတွေနဲ့ အရင်ကထုတ်လွှင့်နေရာကနေ နေရဲ့ ချဲ့ထုတ်နိုင်စွမ်းကိုတွေ့သွားတော့ အားနည်းလှတဲ့ ကမ္ဘာဂြိုလ်က ထုတ်လွှင့်စက်ကို နေဘက်ကိုသာဦးတည်ပြီး လွှင့်လိုက်ရင် ချဲ့ပေးနိုင်မှာပဲဆိုတဲ့ အတွေးနဲ့ သူက ထုတ်လွှင့်ချင်နေတာပါ.....ဒါပေမဲ့လည်း သူမွေးဖွားရာနိုင်ငံက တရုတ်ဖြစ်နေပြီး သူတို့ရဲ့ သမ္မတကြီးကလည်း မော်စီတုံးဖြစ်နေတာကြောင့် Red Sun လို့တင်စားထားတဲ့ သမ္မတကြီးဂုဏ်သိက္ခာအတွက် သူ့အထက်လူကြီးတွေက ခွင့်မပြုခဲ့ပါဘူး......လူတွေရဲ့ ဗီဇအရ ခွင့်မပြုတာမှပိုလုပ်ချင်တဲ့သူကလည်း မရ ရအောင်ခိုးလွှင့်ခဲ့ရာကနေ အဲဒီလှိုင်းက ဘယ်ကိုရောက်သွားမလဲဆိုတာ ဆက်လက်ခံစားကြည့်လိုက်ပါဦးလို့........... File size…(1.7 GB)/(1 GB) Quality….Webrip 1080p / 720p Format…mp4 Duration….01:00:00 Genre...Adventure, Drama, Fantasy Subtitle….Myanmar Subtitle (Hardsub) Encoder….Garfield Translated by CM Team

Sir Nicholas Winton သို့မဟုတ် ဒုတိယကမ္ဘာစစ်အတွင်း စစ်ရှောင်ကလေးငယ် ၆၆၉ဦးအားကယ်တင်ခဲ့သူ... ဖြစ်ရပ်မှန်ကို ရိုက်ကူးထားတဲ့ ဒီဇာတ်လမ်းလေးဟာ တီဗီအစီအစဥ်တစ်ခုမှ လူသိများပြီးအစပျိုးလာခဲ့တာပါ...။ ဇာတ်လမ်းအကြောင်းကို ပြောပြရရင် Nicholas Wintonဆိုတဲ့ လန်ဒန်မှ လူငယ်stockbrokerလေးတစ်ယောက်... ဒုတိယကမ္ဘာစစ်မဖြစ်မီ ၁၉၃၈ခုနှစ် ဒီဇင်ဘာလထဲမှာ ချက်ကိုစလိုဗားကီးယားနိုင်ငံရဲ့မြို့တော် ပရော့ဂ်ကို အလည်သွားရာကစခဲ့ပါတယ်...။ အဲ့ဒီခေတ်အချိန်က ဒုတိယကမ္ဘာစစ်ဖြစ်ရန်တာဆူနေပြီး ဟစ်တလာဟာ မဟာမိတ်တွေဆီကနေ ချက်ဇ်နိုင်ငံရဲ့ ပြည်နယ်တစ်ခုကိုတောင်းပါတယ်...။ စစ်ကိုရှောင်လွှဲချင်တော့ ဟစ်တလာရဲ့တောင်းဆိုချက်ကို လိုက်လျောပြီး နယ်မြေပေးလိုက်ရတဲ့အခါ နာဇီဂျာမဏီတွေရဲ့ ရန်ကိုကြောက်တဲ့ ဂျာမဏီ၊ သြစတီးနဲ့ ချက်ဇ်ဒေသခံ ဂျူးလူမျိုးတွေဟာ ပရော့ဂ်ကိုတိမ်းရှောင်လာခဲ့ကြပါတယ်။ ကလေးတစ်ပွေ့တစ်ပိုက်နဲ့မိသားစုတွေဟာ နေစရာမဲ့ စားစရာမဲ့ အတိဒုက္ခရောက်နေရတဲ့အပြင် နာဇီတို့ကျူးကျော်လာမယ့် အန္တရာယ်ကိုပါကြောက်လှန့်နေခဲ့ရကာ ပြေးစရာမြေမရှိဖြစ်နေခဲ့တာပါ။ ဒီအခြေအနေကို ကြုံတွေ့မြင်တွေ့ခဲ့ရတဲ့ Nicholas Wintonဟာ စစ်ကြောင့်နယ်စပ်တွေပိတ်မသွားမီ ကလေးငယ်တွေကို စစ်ဘေးလွတ်ရာ အင်္ဂလန်သို့ပို့ဖို့ကြံဆောင်ပါတော့တယ်...။ ဘယ်အချိန်ထဖြစ်မယ်မသိတဲ့စစ်မီးစင်ကိုကြည့်ရင်း အချိန်လုပြီး အသက်ကယ်ရတဲ့အခါ အသက်ဘယ်နှစ်ချောင်းကို ဘယ်လို ကယ်တင်နိုင်မှာလဲ....။ Nicholas Wintonတစ်ယောက်ဒီလိုစွမ်းဆောင်ခဲ့ပုံတွေကို တော်ရုံလူမသိခဲ့ကြဘဲ နှစ်ငါးဆယ်အကြာတီဗီအစီအစဥ်လေး တစ်ခုမှာမှ လူအများသိခဲ့ရပါတယ်။ ဘာလို့ဆို အဲ့ဒီအစီအစဥ်မှာလာကြည့်တဲ့ ပရိသတ်တိုင်းဟာ Nicholas Wintonကယ်တင်ခဲ့ဖူးတဲ့ကလေးငယ်များ ဖြစ်နေကြောင်း အံ့သြစွာသိရှိခဲ့ရလို့ပါပဲ...။ သူ့ရဲ့ဇာတ်လမ်းလေးက ဘယ်လိုမျိုးဖြစ်မလဲဆိုတာ ဒီတစ်ခါတော့ ရုပ်ရှင်အတိုင်းသားကြည့်ရှုခွင့်ရတော့မှာပဲဖြစ်ပါတယ်ဗျာ...။ File size…2.02GB / 720MB Quality…WEB-DL 1080p 5.1 CH/ 720p Format…mp4 Duration….1h 50m Genre ….. Biography , Drama , History Subtitle….Myanmar Subtitle (Hard Sub) Encoder….Min Wai Translated by Themes

~ IMDb - 7.5/10, Rotten Tomatoes - 96% ~ ဒီနှစ်ထွက်လာမယ့်ကားတွေထဲ အမျှော်ခဲ့ဆုံးကားက Living ဖြစ်သလို တကယ်ထွက်လာတော့လည်း မျှော်မှန်းထားတာထက်တောင် ပိုကောင်းတယ်လို့ ပြောရမှာပါပဲ။ ဒါဆို ဒီကားကို ဘာလို့မျှော်ရလဲဆိုတဲ့အကြောင်းရင်းက စပြောရမှာပဲ။ ပထမဆုံးအချက်ကတော့ Kazuo Ishiguro ပါ။ သူ့ကို ဒီကလူတော်တော်များများ ရင်းနီးပြီးသားပဲဖြစ်ပါလိမ့်မယ်။ သူက ကျွန်တော်တော်တော်ကြိုက်တဲ့စာအုပ်တွေထဲပါတဲ့ An Artist of the Floating World ခေါ်  မြင့်သန်းဘာသာပြန်တဲ့ " လွင့်မျောနေသော ကမ္ဘာကြီး၏ အနုပညာသည်တစ်ဦး " စာအုပ်ကို ရေးခဲ့တဲ့ စာရေးဆရာလည်းဟုတ်တယ်။ ၂၀၁၇မှာ နိုဘယ်ဆုရထားတဲ့ စာရေးဆရာလည်းဖြစ်သလို သူ့သိပ္ပံစိတ်ကူးယဉ်ဝတ္ထုဖြစ်တဲ့ Never Let Me Go ကို ရုပ်ရှင်အဖြစ် ပြန်အသက်သွင်းတာမှာလည်း တော်တော်လေးအောင်မြင်ခဲ့တယ်။ ဒီကားကိုလည်း သူကိုယ်တိုင် ဇာတ်ညွှန်းရေးထားတာပါ။ Kazuo Ishiguro ဟာ အခုရုပ်ရှင် Living (2022) နဲ့လည်း အော်စကာမှာ ဇာတ်ညွှန်းဆု ဆန်ခါတင်ဝင်ထားပါသေးတယ်။ နောက်တစ်ချက်ကတော့ ဒီကားက ကူရိုဆာဝါရဲ့ အကောင်းဆုံးတွေထဲက တစ်ကားဖြစ်တဲ့ Ikiru ကို ပြန်ရိုက်ထားတာ။ Ikiru ရဲ့ ဘိုလိုကလည်း To Live ပဲဆိုတော့ နာမည်ပါအတူတူပဲ ပေးထားတယ်လို့ ပြောလို့ရပါတယ်။ Kazuo Ishiguro ကိုယ်တိုင်ကလည်း Ikiru (1952) ကို Bill Nighy နဲ့ ပြန်ရိုက်ချင်နေတာ နှစ်ပေါင်းများစွာကြာနေပြီ။ ရိုက်ချင်လွန်းလို့ကို သူရိုက်ချင်တဲ့မင်းသား Bill Nighy ကို Ikiru ကြည့်ခိုင်းပြီး ရိုက်ပေးနိုင်မလားမေးခဲ့တယ်။ ကူရိုဆာဝါကားပီပီသသ ပြောင်မြောက်လွန်းလေတော့ Nighy ကလည်း ကြည့်ပြီးပြီးချင်းပဲ ရိုက်ဖို့ သဘောတူလိုက်တယ်။ နောက်ဆုံးအချက်ကတော့ Ikiru ရော ဒီကားရောရဲ့ မူရင်းဇာတ်လမ်းက မသိသူမရှိတဲ့ ရုရှစာရေးဆရာကြီး လီယိုတော်စတွိုင်းရဲ့ အစဉ်အလာကြီးတဲ့ The Death of Ivan Ilyich ဆိုတဲ့ ဝတ္ထုကိုပြန်ရိုက်ထားတာ။ ကူရိုဆာဝါရဲ့ တင်ပြပုံနဲ့ တော်စတွိုင်းရဲ့ တင်ပြပုံကတော့ မတူဘူး။ ဒါပေမဲ့ အခုဗားရှင်းကျ ကူရိုဆာဝါရဲ့ မူလဗားရှင်းအတိုင်းပဲ အဓိကနေရာတွေတော်တော်များများသုံးပြီး ပြန်ရိုက်ထားတယ်။ နှစ်ခုလုံး မူရင်းဝတ္ထုနဲ့ တင်ပြပုံမတူဘူး။ ကား ၂ကားကကျ အတူတူပဲမို့ ဘယ်ကားကြည့်ရမလဲဆိုရင်တော့ နှစ်ကားလုံးသာကြည့်ပါ။ ဘာလို့လဲတော့ ဆက်ပါမယ်။ ဒီ၂ကားဟာ တစ်ကားက ဂျပန်မှာ ဇာတ်အိမ်တည်ပြီး တစ်ကားက ၁၉၅၀ အင်္ဂလန်မှာ ဇာတ်အိမ်တည်ထားပါတယ်။ ပြတဲ့နိုင်ငံချင်းမတူပေမဲ့ ဇာတ်အိမ်တည်ရာ အချိန်လည်းတူ၊ ဇာတ်ဝင်ခန်းတော်တော်များများလည်းတူ၊ ဇာတ်ကောင်တော်တော်များများလည်း အတူတူပါပဲ။ ဒါပေမဲ့ သရုပ်ဆောင်ပုံတော့ လုံးဝကိုမတူပါဘူး။ ကူရိုဆာဝါကားရဲ့ ဇာတ်ကောင်တွေက မျက်နှာမှာ Emotions တွေ အရမ်းသိသိသာသာပြပြီး ဇာတ်ကောင်ရဲ့ ခံစားချက်ကိုပုံဖော်သွားပေမဲ့ Oliver Hermanus နဲ့ Kazuo Ishiguro တို့ကားရဲ့ ဇာတ်ကောင်တွေက လုံးဝကို အငြိမ်ပါပဲ။ ဒါပေမဲ့လည်း Bill Nighy ကြီးဟာ ဇာတ်ကောင်ရဲ့ဘဝကို၊ ဇာတ်ကောင်ရဲ့ဝေဒနာကို ပေါ်လွင်အောင် သရုပ်ဆောင်ပြသွားပါတယ်။ ငြိမ်ငြိမ်လေးနဲ့ကို လုပ်ပြသွားတာပါ။ ဒါကြောင့်လည်း အော်စကာမှာ သူ အဓိကဇာတ်ဆောင် ဆန်ခါတင်ဝင်ထားတာပါပဲ။ ပုဂ္ဂလိက အမြင်အရတော့ The Whale က ဘရန်ဒန်ဖရေဆာထက် သူ့ကိုပိုကြိုက်ပါတယ်။ ဒါပေမဲ့လည်း သူတို့သုံးထားတဲ့ သာမန်ညောင်ညမိန်းကလေးဇာတ်ကောင် အနေအထားနဲ့ကကျ ဂျပန်မင်းသမီးက အပြတ်အသတ်ပိုလိုက်နေတာတော့ သေချာပါတယ်။ Living (2022) ဟာ Remake ကိုမှ ကမ္ဘာ့ရုပ်ရှင်လောကရဲ့ အကျော်အမော်ကြီးရဲ့ အကောင်းဆုံးဆိုတဲ့ကားတွေထဲက တစ်ကားကို ရိုက်ထားတာပေမဲ့ မူရင်းကားကို ဘယ်လိုမှမမီပါဘူးလို့လည်း ပြောမရသလို ရုပ်ရှင်အဆင့်အတန်းတစ်ခုပေးနိုင်သွားတဲ့ အကြောင်းရင်းက ချစ်စိတ်လို့ပဲ ထင်ပါတယ်။ Kazuo Ishiguro ဟာ Ikiru ကို သိပ်ကြိုက်လွန်းလို့ ဇာတ်ညွှန်းရေးပြီး Bill Nighy နဲ့ ရိုက်ချင်တာဖြစ်တဲ့အတွက် ဒီကားအပေါ်သူ့ချစ်စိတ်ကို ကျွန်တော်တို့ တွေးကြည့်စရာမလိုပါဘူး။ Bill Nighy လည်း မထူးပါဘူး။ ကားကြည့်ပြီး ကြိုက်လို့ သဘောတူလိုက်တာပဲမလား။ ဒါပေမဲ့ ဒီကားကို လက်တွေ့အသက်သွင်းခဲ့တဲ့ ဒါရိုက်တာ Oliver Hermanus ရဲ့ ချစ်စိတ်ကိုတော့ ကျွန်တော်တို့ကားထဲမှာ မြင်နိုင်ပါတယ်။ ဘယ်လိုဆို ဒီကားမှာ Kazuo Ishiguro ရဲ့ အငွေ့အသက်တစ်ချို့ ကျွန်တော်တို့ရနေတာကလွဲ ဒီကားဟာ Ikiru ကို သစ္စာမဖောက်ထားပါဘူး။ ဘယ်လိုအငွေ့အသက်လဲကတော့ ကိုယ်တိုင်ပဲကြည့်လိုက်ပါ။ ကျွန်တော်တော့ လွင့်မျောနေသောကမ္ဘာကြီးထဲက ကျွန်တော့်အကြိုက်ဆုံး စာသားတစ်ချို့နဲ့ ဇာတ်ဝင်ခန်းကို ဒီထဲ အသွင်ပြောင်းပြီး တွေ့လိုက်ရပါတယ်။ Living (2022) ဟာ နှိမ့်ချတယ် သိမ်မွေ့တယ်ဆိုတဲ့ ညွှန်းဆိုချက်တစ်ခု တွေ့လိုက်ပါသေးတယ်။ တကယ်လည်း ဟုတ်တယ်ပြောရမှာပါပဲ။ ဒါရိုက်တာဟာ သူဘာလုပ်နိုင်တယ် ဘာလုပ်ပြမယ်ဆိုတဲ့ မာနကိုမထည့်ထားဘဲ ကူရိုဆာဝါရဲ့လက်ရာကို ရိုးရိုးရှင်းရှင်းနဲ့ပဲ ပြန်တင်ပြထားတာပါ။ ဒီဘက်ခေတ်နဲ့လည်း ပိုကီးကိုက်တယ်လို့ပြောလို့ရတာပေါ့။ ဘာလို့ပြောလဲဆို ၂ကားယှဉ်ကြည့်ရင်လိုက်ရင် သိမှာပါပဲ။ နောက် ဒီရုပ်ရှင်ရဲ့ဇာတ်ကိုတင် ၁၉၅၀လောက်မှာ တည်ထားတာတင်မဟုတ်ဘဲ သုံးထားတဲ့ ဖရိန်တွေ ကာလာတုန်းတွေ Editing တွေကအစ အဲဒီခေတ်အရသာကိုပဲ ရ‌အောင်လုပ်ထားလို့ ဒီနှစ်ထွက်ကားပေမဲ့ ကလပ်စစ်ကားတစ်ကားရဲ့ အငွေ့အသက်တော့ ပေးနိုင်နေမှာပါပဲ။ ဒီလိုအားလုံးချစ်စိတ်နဲ့ ရိုက်ခဲ့ကြလို့ ဒီ Remake ဟာ တော်တော်လေး လှတဲ့ Remake ဖြစ်နေတာပါပဲ။ ဒါပေမဲ့လည်း ကူရိုဆာဝါဖန်တွေ ကြိုက်မယ်လို့တော့ တစ်ထစ်ချ အာမခံလို့မရပါဘူး။ ဆဲတဲ့ဖန်တွေလည်း ဆဲတာပါပဲ။ နည်းတော့နည်းပါတယ်။ တစ်ချို့အခန်းတွေမှာ ကိုယ်တိုင်လည်း လာစားနေပြီလို့ တွေးမိတာ နည်းနည်းပါပေမဲ့ ဒီဇာတ်ရဲ့ အလှကို ပျက်အောင်တော့မလုပ်သွားပါဘူး။ ပြန်ခြုံငုံကြည့်ရင် ချစ်စိတ်နဲ့ရိုက်တာကပဲ ပိုထင်ရှားနေမှာပါ။ ဘာအရင်ကြည့်ရမလဲမေးလာရင်တော့ ကူရိုဆာဝါ့ဟာ အရင်ကြည့်စေချင်ပါတယ်။ ဒါမှပဲ ဒီကားကို ပိုထဲထဲဝင်ဝင်ခံစားနိုင်မယ်လို့ ယူဆပါတယ်။ Ikiru ကို မကြည့်ရသေးတဲ့လူတွေအတွက် ဇာတ်လမ်းအကျဉ်းပြောရရင်တော့ - လူတစ်ယောက်ရှိတယ်။ တစ်နေ့နေ့ ခင်ဗျား အဲဒီလူလိုဖြစ်လာချင်ဖြစ်လာမယ်။ အခုလည်း ခင်ဗျား အဲဒီလူလို ဖြစ်နေတာလည်း ဖြစ်နိုင်တယ်။ ဒီလူဟာ လူတစ်ယောက်ဆိုတာထက် လူတွေရဲ့ ရှင်သန်ခြင်းရဲ့ နိမိတ်ပုံတစ်ခုလို့ ယူဆလည်းမမှားဘူး။ သူ့အလုပ်က သာမန် အစိုးရဝန်ထမ်းအလုပ်။ တစ်နေ့တစ်နေ့ လျော့မလာတဲ့ စာရွက်စာတမ်းပုံတွေကြားနေရင်း သူ့ဘဝမှာ တစ်နေ့နဲ့တစ်နေ့ ဘာမှအပြောင်းအလဲမရှိခဲ့တာ နှစ်ပေါင်းတော်တော်ကြာပြီ။ သူတို့ရုံးကလည်း အဲဒီစာရွက်စာတမ်းပုံကြီးကို မလျော့စေချင်တဲ့လူက ခပ်များများ။ ဘာလို့ဆို အလုပ်တွေ မတရားကြိုးစားလိုက်လို့ ဒီအပုံကြီးကုန်သွားရင် ဘာမှအရေးကြီးတာ လုပ်စရာရှိမနေတဲ့လူတွေပဲလို့ လူတွေကဲ့ရဲ့မှာကြောက်ကြသတဲ့။ မနက်ဆို သူရုံးသွားတယ်။ ညနေဆို အိမ်ပြန်လာတယ်။ ရုပ်ရှင်ကြည့်မယ့်နေ့မှာ ရုပ်ရှင်ကြည့်တယ်။ သူ့ဘဝကဒါပဲ။ အလုပ်ချိန်ကိုလည်းနောက်မကျဖူးသလို စောလည်းမဆင်းဖူးဘူး။ ပုံမှန်အတိုင်းပဲ လည်ပတ်နေခဲ့တယ်။ ဒါပေမဲ့ သူ့ဘဝကြီးကို ဘယ်လိုအတွေးမှမပေါက်ဘဲ ဒီတိုင်းပဲ သူရှင်သန်နေခဲ့တယ်။ တစ်နေ့အထိပေါ့။ အဲဒီနေ့မှာ သူဆေးစစ်ချက်သွားထုတ်ဖို့ ရုံးစောစောဆင်းသွားတယ်။ သိလိုက်ရတာက ကင်ဆာတဲ့။ အဲဒီမှာ သူအိမ်ပြန်လာပြီး ဧည့်ခန်းမှာ တစ်ယောက်တည်းထိုင်ပြီး သူ့ဘဝကြီးရဲ့ အချည်းနှီးဖြစ်မှုကို ထိုင်တွေးတယ်။ ဝတ္ထုက တော်စတွိုင်းဆိုတော့ သူဘာတွေးသလဲ နီးနီးစပ်စပ်သိချင်ရင် မြသန်းတင့် ဘာသာပြန်ထားတဲ့ တော်စတွိုင်း၏ ဘဝအမြင်နဲ့ သမိုင်းအမြင်ဆိုတဲ့စာအုပ်က ပထမခြမ်း ဘဝအမြင်ကို ဖတ်ကြည့်လို့ရတယ်။ ဒီကားကိုယ်တိုင်ကလည်း အဲဒီထဲက တော်စတွိုင်း ဘဝ ရှင်သန်ခြင်း သေဆုံးခြင်းကို ဆက်စပ်စဉ်းစားထားသလိုအကြောင်းအရာကို ရိုက်ပြထားတယ်လို့ မြင်မိပါတယ်။ ကားနာမည်ကိုက ရှင်သန်ခြင်း ခေါ် ဘဝခေါ် Living မလား။ သူသေတော့မှာ သိပြီးတဲ့နောက်မှာတော့ သူ့ဘဝကို သူတကယ်မရှင်သန်ခဲ့ရဘူးဆိုတဲ့ အသိဝင်သွားသလားတော့မသိပါဘူး။ နှစ်ပေါင်းများစွာ ရုံးချိန်တောင် နောက်မကျဘဲ ဒီပုံစံခွက်ထဲပဲရှင်သန်ခဲ့တဲ့သူဟာ နောက်နေ့အလုပ်မတက်ခဲ့ဘူး။ သူ့ဘဝကို ရှင်သန်တယ်ဆိုတဲ့ ခံစားချက်ရအောင် ရှင်သန်ဖို့ နည်းလမ်းကို သူရှာဖွေခဲ့တယ်။ ဇာတ်ကြောင်းကတော့ ဒါပဲပေါ့။ ဘဝမှာ အတွေးအခေါ်တွေ များများစားစားတော့ မလိုပါဘူး။ လိုတယ်ထင်တဲ့လူတွေလည်း အဆုံးမရှိရှာနေကြသလို အတွေးအခေါ်လိုလား မလိုလားဆိုတဲ့ အမေးတောင် မမေးဘဲ ရှင်သန်နေကြတဲ့လူတွေလည်း မနည်းဘူးမလား။ ဟိုလိုလို ဒီလိုလိုဖြစ်နေတာထက်စာရင်တော့ အဲဒီလိုလူတွေက ပိုအားကျဖို့ကောင်းတယ်။ ဒါပေမဲ့လည်း တစ်ခါတလေတော့ ကျွန်တော်တို့ ရှင်သန်လာခဲ့ခြင်းတွေကို ကျွန်တော်တို့ ပိုချစ်တတ်လာအောင် တစ်ချို့အနုပညာပစ္စည်းတွေက စီးကူးပေးနိုင်တယ်။ Kazuo Ishiguro ရဲ့ " လွင့်မျောနေသောကမ္ဘာကြီး၏ အနုပညာသည်တစ်ဦး "ကို ကျွန်တော်ကြိုက်တာမှာလည်း သူ့ရဲ့အဆုံးသတ်တွေမှာ အဲဒီဓာတ်ပါနေလို့လည်း မကင်းဘူး။ တစ်ခါတလေကျ ဒီဓာတ်ကို တစ်ချို့စာအုပ်တွေကနေ ကျွန်တော်တို့ရတတ်တယ်။ များသောအားဖြင့်တော့ ကဗျာတွေပေါ့။ တစ်ခါတလေကျလည်း ရုပ်ရှင်တွေကနေရတတ်တယ်။ Ikiru ရော Living ရောဟာ သူ့နည်းသူ့ဟန်နဲ့ ဒီဓာတ်ကို စီးကူးပေးနိုင်တဲ့ ရုပ်ရှင်တွေပါပဲ။ Living ဟာ ဘာအကြောင်းလဲ တိုတိုနဲ့ လိုရင်းပြောရရင်တော့ Living ဟာ Living အကြောင်းပဲလို့တော့ ဖြေရမှာပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2GB, 880MB Quality - 1080p, 720p IMDb Rating - 7.5/10 Format - mp4 Duration - 1H 42Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

တရားမမှုအတွက် တရားခွင်နဲ့ ရာဇဝတ်မှုအတွက် တရားခွင် ဆိုတာပဲရှိတယ်။ နိုင်ငံရေး တရားခွင်ဆိုတာ မရှိဘူးဗျ။ ဟိ...ဟိ... နိုင်ငံရေးလှည့်ကွက် အနေနဲ့ အသုံးချဖို့ တရားခွင်ကို အသုံးချတာလေ။ မကြားဖူးဘူးမလား။ ဘယ်ကြားဖူးမလဲ။ တကယ်မှမရှိတာကိုး။ ဟား...ဟား.... ဆောရီးဗျာ။ နည်းနည်းတော့ရယ်မိတယ်။ အဲဒါနဲ့ နိုင်ငံရေးတရားခွင်ဆိုတာ မရှိဘူးနော်။ ကျွန်တော်ပြောရင် ယုံလိုက်။ ငိငိ xD... ၁၉၆၈ ခုနှစ် အမေရိကန်နိုင်ငံ ချီကာဂိုမြို့မှာ အမျိုးသားဒီမိုကရက်တစ်ညီလာခံကို ကျင်းပခဲ့ပါတယ်။ ၁၉၅၅ ခုနှစ်က အစပြုခဲ့တဲ့ ဗီယက်နမ် စစ်ပွဲက အားကောင်းနေဆဲကာလလည်းဖြစ်ပါတယ်။ ဒီလို အကျိုးမရှိဘဲ အပျက်ပျက်နဲ့နှာခေါင်းသွေးထွက်ရတဲ့ စစ်ပွဲကို တားစီးနိုင်ဖို့ရည်ရွယ်ချက်နဲ့ တစ်နိုင်ငံလုံးအာရုံစိုက်နေကြတဲ့ ညီလာခံရှိရာ ချီကာဂိုမြို့ကို စစ်ပွဲကို ဆန့်ကျင်သူတွေကို ဦးဆောင်ပြီး စစ်ပွဲဆန့်ကျင်ရေးတက်ကြွ လှုပ်ရှားသူ ၇ ယောက် ချီကာဂိုမြို့ကို ငြိမ်းချမ်းစွာ ချီတက်လာခဲ့ပါတယ်။ ဒီလို ဆန့်ကျင်ဆန္ဒပြရာမှာ ဆန္ဒပြသူတွေနဲ့ ရဲတွေကြားမှာ ပဋိပက္ခတွေဖြစ်ပွားပြီး လူပေါင်းများစွာ ထိခိုက်ဒဏ်ရာရခဲ့ပါတယ်။ ဒီလို အဓိကရုဏ်းဖြစ်ပွားအောင် သွေးထိုးလှုံ့ဆော်ဖို့ ပူးပေါင်းကြံစည်မှုနဲ့ ၁၉၆၉ မတ်လ ၁၀ ရက်နေ့မှာ ခေါင်းဆောင် ၇ ယောက်ကို တရားစွဲဆိုခဲ့ပါတယ်။ နေဦး တရားစွဲတယ်လို့ ပြောမိတာလား။ မတရားအဆွဲခံရတယ်လို့ ပြောရင် ပိုမှန်မလား။ အဲဒါကို ဇာတ်ကားကို တစ်ချက်ကြည့်ပြီးမှ ဆုံးဖြတ်ကြတာပေါ့။ တကယ်ကို စိတ်ပျက်စရာကောင်းတဲ့ တရားခွင်အကြောင်းကို ရိုက်ကူးထားတာဖြစ်ပေမဲ့ အတော်ကို ဟာသမြောက်ပါတယ်။ Chicago 7 လို့ လူသိများတဲ့ ဒီ ၇ ယောက် စစ်ပွဲကို ငြိမ်းငြိမ်းချမ်းချမ်း ဆန့်ကျင်ဆန္ဒပြရင်း ထောင်ခြောက်ဆင်ခံရပြီး နိုင်ငံရေးကစားပွဲထဲက ထိုးကျွေးခံနယ်ရုပ်လေးတွေ ဖြစ်လာတဲ့ပုံကို လှလှပပလေးပြထားပါတယ်။ ဒီ လူ ၇ ယောက်ထဲက နာမည်ကျော် နိုင်ငံတကာလူငယ်ပါတီ(YIP - Yippy လို့လည်းခေါ်ပါတယ်) ခေါင်းဆောင် အက်ဘီ ဟော့ဖ်မန်း ရဲ့ပြက်လုံးတွေကတော့ အဓိကအားဖြည့်ထားတာပေါ့။ သောက်တလွဲတရားသူကြီး ဂျူလိယက် ဟော့ဖ်မန်း(တရားခံ အက်ဘီဟော့ဖ်မန်းနဲ့အမျိုးမတော်ပါ။ ဒီအကြောင်းကို ဇာတ်ကားထဲမှာ သေချာရှင်းရှင်းလင်းလင်းပြထားပါတယ်။) ရဲ့ ကြောင်တောင်တောင် ဂေါက်တောက်တောက် လုပ်တာတွေက တကယ်ကို မုန်းချင်စရာကောင်းသလို ရယ်လည်းရယ်ချင်စရာကောင်းပါတယ်။ သူတို့ ၇ ယောက် တရားရုံးမှာ မလှုပ်သာမလှည့်သာ အကြပ်ရိုက်နေကြတာကို ထေ့လုံးငေါ့လုံးတွေနဲ့ သရော်ပြထားပြီး အဓိကရုဏ်းဖြစ်တဲ့နေ့က အဖြစ်အပျက်ကို အပြည့်အစုံပြထားပါတယ်။ ဒီတရားခွင်ဖြစ်လာတဲ့ အကြောင်းကို သိရင် အပေါ်မှာ ပြောထားတဲ့အတိုင်း နိုင်ငံရေးတရားခွင်ဆိုတာ ရှိလား ဆိုတာ ပြန်ပြီးမေးခွန်းထုတ်ချင်စရာဖြစ်လာပါလိမ့်မယ်။ ပိုပြီး ထင်ရှားတာကတော့ သူတို့ ၇ ယောက်နဲ့ ဘာမှမဆိုင်တဲ့ လူမည်းအခွင့်အရေးတက်ကြွလှုပ်ရှားသူ Black Panther ပါတီ ခေါင်းဆောင် ဘော်ဘီစီးလ် ကိုပါ သူတို့ ၇ ယောက်နဲ့ အတူတရားစွဲခံထားရတာကိုသာကြည့်ပါတော့။ သူတို့တွေက အတွေးအခေါ်တစ်ခုကို ပြည်နယ်တွေကို ဖြတ်ပြီးသယ်လာရင်း တစ်နိုင်ငံလုံးကို သိလာအောင် မြင်လာအောင် ကြားလာအောင် ပြောပြဖို့ ကြိုးစားရင်းက ပါးစပ်တွေကို ပိတ်ထားလိုသူတချို့ရဲ့စနက်ကြောင့် ရာဇဝတ်သားတွေဖြစ်လာခဲ့ရတာပါ။ တရားခွင်ကျင်းပနေစဉ်မှာပါ တကယ်ကို ပါးစပ်ကို အဝတ်နဲ့ ဆို့ပြီး မပြောနိုင်အောင် ပါးစပ်ပိတ်ထားခဲ့တာကို တွေ့ရပါလိမ့်မယ်။ ဒီသောက်တလွဲ တရားခွင်က ဘယ်လိုသောက်တလွဲတွေဖြစ်မယ်ဆိုတာကို The Trial of Chicago 7(2020) ကြည့်ပြီး ခွီရင်း ဒီဇာတ်ကားရဲ့ မတ်စေ့(Message) ကြီးကို ယူလိုက်ကြပါကုန်။ "တစ်ကမ္ဘာလုံးက စောင့်ကြည့်နေကြတယ်"တဲ့ ဆန္ဒပြသူတွေရဲ့ ကြွေးကြော်သံပါ။ သူတို့ပြောတဲ့အတိုင်းပဲ တစ်ကမ္ဘာလုံးက စောင့်ကြည့်နေကြတယ်ဆိုပေမဲ့ စောင့်ကြည့်နေကြရုံပါပဲ။ မပြောဘဲ၊ မလုပ်ဘဲနေခဲ့ကြတာပါ။ ဒီနေရာမှာ အက်မွန် ဘရွတ်ရဲ့ စကားကို ကိုးကားချင်ပါတယ်။ "မကောင်းမှုအောင်မြင်ဖို့အတွက် ဘာမှမလိုပါဘူး။ လူကောင်းတွေ ဘာမှမလုပ်ဘဲ ရပ်ကြည့်နေဖို့ပဲလိုပါတယ်" ဆိုတဲ့စကားလေးပါပဲ။ လိုအပ်ရင် ကျွန်တော်တို့ ပြောဖို့လိုပါတယ်။ ပြဖို့လိုပါတယ်။ လုပ်ဖို့လိုပါတယ်။ ဒါပေမဲ့ ပြောတဲ့သူတွေ ဘာဖြစ်တတ်တယ်ဆိုတာ ဒီဇာတ်ကားမှာ မြင်မှာပါ။ ဘေးကနေ လက်ပိုက်ကြည့်နေရုံအတွက်တော့ သတ္တိမလိုဘူးပေါ့။ တစ်ယောက်ယောက်ကတော့ ပြောဖို့လိုနေပြီဆိုတာကို သိပြီး သိတဲ့အတိုင်းပြောခဲ့ကြတဲ့ သူရဲကောင်း ၇ ယောက်ကို ဒီအညွှန်းနဲ့ ဦးညွှတ်လိုက်ချင်ပါတယ်။ (အညွှန်းနဲ့ဘာသာပြန်သူကတော့ d3mon ပဲဖြစ်ပါတယ်…) File Size : (1.80 GB) , (950 MB) and (480 MB) Quality : NF WEB-DL (1080p 5.1,720p,480p) Running Time : 2hr 09min Format : Mp4 Genre : Drama, History, Thriller Subtitle : Myanmar Subtitle (Hard Sub) Source : 1080p.WEB.h264-PALEALE Translated by d3mon Encode by Thanhtike Zaw

The Sunlit Night (2019) The Sunlit Night (2019) ဟာ နေမဝင်တဲ့ နော်ဝေးရဲ့ ရင်သပ်ရှုမောဖွယ် ရှုခင်း အလှပတွေကို နောက်ခံထားပြီး ပန်းချီဆရာတို့ရဲ့ဘဝနဲ့ လောကဓံကို ငြိမ့်ငြိမ့်လေး ရင်ဆိုင်ဖြတ်သန်းပုံလေးတွေကို ခံစားကြည့်ရှုကြရမဲ့ ရိုမန်တစ်ဒရမ်မာ ဇာတ်ကားကောင်းတစ်ကား ဖြစ်ပါတယ်။ သရုပ်ဆောင်များ - Jenny Slate (Frances အဖြစ်) - Alex Sharp (Yasha အဖြစ်) - Zach Galifianakis (Haldor အဖြစ် - David Paymer (Frances’ Father အဖြစ်) - Gillian Anderson (Frances’ Mother အဖြစ်) - Fridtjov Såheim (Nils အဖြစ်) ဇာတ်လမ်းအကျဥ်း Frances ဆိုတဲ့ ပန်းချီဆရာမလေးတစ်ဦးဟာ သူ့ကိုယ်သူ ပျောက်ဆုံးပြီး အသည်းတွေကွဲ၊ အစ်မက အိမ်ထောင်ပြု၊ မိဘတွေက ကွာရှင်းလုစဲစဲ အခြေနေတွေကြောင့် အရာရာ ရှုပ်ယှက်ခက်နေချိန် အလုပ်လည်းလုပ်ရင်း၊ စိတ်ပြေလက်ပျောက် ပန်းချီလည်းရေးရင်း နော်ဝေးဘက်ကို ထွက်လာခဲ့ပါတယ်။ Frances ဟာ ဇာတ်ကားရဲ့အမည်အတိုင်း နော်ဝေးရဲ့ နေရောင်လွှမ်းတဲ့ညတွေအောက် ဖြတ်သန်းရင်း သူ့ကိုယ်သူပြန်ရှာတွေ့နိုင်မလား၊ သူနော်ဝေးကို ထွက်လာခဲ့တာဟာ သူ့ဘဝထဲက ထွက်ပြေးခဲ့တာလား၊ ဘဝထဲကို ပြေးဝင်ခဲ့တာလား ဆိုတာတွေကို ဇာတ်ကားထဲမှာ ဖြည်းဖြည်းအေးအေးလေးနဲ့ ငြိမ့်ငြိမ့်ညောင်းညောင်း ခံစားကြည့်ရှုလိုက်ကြပါဦးနော်။ File Size - 1.40 GB/ 730MB Quality - WEB-DL 1080p/ 720p Duration - 1h 46m Format - mp4 Genre - Comedy, Drama, Romance Subtitle - Myanmar Subtitle (Hard Sub)

2019 ထဲမကြာသေးမီကမှ လောလောလတ်လတ် ထွက်ရှိထားတဲ့ the Hustle ဆိုတဲ့ ဇာတ်ကားလေးတင်ဆက်ပေးချင်ပါတယ် … Crime/Comedy ဇာတ်လမ်းအမျိုးအစား ဖြစ်ပြီးတော့ မပြုံးဘဲဝါးလုံးကွဲ ရယ်ချင်သူများနဲ့ ဂျိမ်းစ်ဘွန်းဆန်ဆန် စုံထောက်ဆန်ဆန် ရုပ်ရှင်ကားတွေကို နှစ်သက်သူတွေအတွက် ကြည့်ရမယ့်စာရင်းထဲ ထည့်ဖို့ဇာတ်ကားလေးပါ … ပန်နီ ရပ်စ်ဆိုတဲ့ ဝတုတ်တုတ်ကောင်မလေးဟာ အွန်လိုင်းမှာ ခပ်မိုက်မိုက်ကောင်မလေးတွေရဲ့ပုံတွေတင်ပြီးတော့ အပြင်မှာ ဒိတ်ချင်တဲ့ ယောက်ျားတွေကို လိမ်စားနေတဲ့ ကြုံရာကျပန်း လူလိမ်မလေးတစ်ယောက်ပေါ့ … ဂျို့စ်ဖင်း ချက်စ်တာဖီးဒ် ဆိုတဲ့ ချောမောလှပတဲ့ အမျိုးသမီးကတော့ သန်းကြွယ်သူဌေးတွေကိုမှ ပစ်မှတ်ထားလေ့ရှိတဲ့ နိုင်ငံတကာပတ်ပြီး အကွက်ချလိမ်လည်တတ်တဲ့ လူလိမ်အကြီးစားတစ်ယောက်ပေါ့ တစ်နေ့တော့ ခပ်ဝဝ လူလိမ်မလေးတစ်ယောက်နဲ့ ခပ်လှလှ လူလိမ်မကြီးတစ်ယောက်တို့ဟာ ရထားတစ်စီးပေါ်မှာ အမှတ်မထင် ဆုံတွေ့ခဲ့ကြပါတော့တယ်… ရယ်မောရင်းရင်ခုန်ရမယ့် ဒီဇာတ်ကားလေးကို နာမည်ကြီးဟောလိဝုဒ် စတားတွေဖြစ်ကြတဲ့ Anne Hathaway နဲ့ Rebel Wilson တို့က အဓိကပါဝင်သရုပ်ဆောင်ထားကြလို့ ကိုယ်တိုင်ပဲ ကြည့်ရှူခံစားတော်မူကြပါ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ)

ဒီစကြ၀ဠာကြီးထဲမှာ သက်ရှိဆိုလို့ ကျွန်တော်တို့ လူသားတွေပဲ ရှိနေတယ်လို့ ယုံကြည်နေကြတဲ့ လူတွေရှိသလို တခြားဂြိုလ်က ဂြိုလ်သားတွေလိုမျိုး သက်ရှိတွေလည်း ရှိနေဦးမယ်ဆိုပြီး ယုံကြည်တဲ့ လူတွေအများကြီး ရှိနေပါတယ်။အဲ့ဒါကတော့ ၂၀၂၄ ခုနှစ်အထိ ရောက်လာခဲ့တာတောင် အဖြေမပေါ်သေးတဲ့ ငြင်းခုံစရာ ကိစ္စရပ်တစ်ခု ဖြစ်နေတုန်းပါပဲ။သေချာရေရာတဲ့ အဖြေတွေ မထုတ်နိုင်သေးသလို ဂြိုလ်သားတွေနဲ့ ပတ်သတ်ပြီး ကြားခဲ့ဖူးတဲ့ ဟိုသတင်းဒီသတင်းတွေလည်း ရှိပါသေးတယ်။ အဖြေမထုတ်နိုင်ရသေးတဲ့ အဓိကအကြောင်းပြချက်တွေထဲမှာ အစိုးရတွေက အဲ့လိုသတင်းတွေ ထွက်လာရင်ချက်ချင်းဖုံးဖိ တတ်တာမျိုးကလည်း အဓိကဖြစ်နေပါတယ်။အခုတင်ဆက် ပေးမဲ့ဇာတ်ကားကတော့ ၂၀၀၆ ခုနှစ် နိုဝင်ဘာလ ၇ ရက်နေ့ ညနေ ၄ နာရီ ၁၅ လောက်မှာချီကာဂိုအိုဟဲလေဆိပ်အပေါ်မှာ UFO(ပန်းကန်ပြားပျံ)တွေ့ခဲ့ရတယ်လို့ဆိုတဲ့အဖြစ်အပျက် အကြောင်းကိုအသေးစိတ်ပြန်လည် ရိုက်ကူးတင်ဆက်ထားတာပဲ ဖြစ်ပါတယ်။ဇာတ်ကားနာမည်ကတော့ UFO ပဲဖြစ်ပြီး IMDb Rating 6.2 ‌အထိရရှိထားပါတယ်။ ဒဲရက်ဆိုတဲ့ တက္ကသိုလ်က သင်္ချာကြောင် ကျောင်းသား တစ်ယောက်က တစ်နေ့မှာတော့ အထက်မှာပြောခဲ့တဲ့ UFO တွေ့ရှိခဲ့တယ်ဆိုတဲ့ သတင်းကိုကြားခဲ့ပြီး ကျောင်းစာတွေကို ပစ်ကာ အဲ့ဒီအကြောင်းကို လိုက်လံစုံစမ်းပါတော့တယ်။ အစိုးရကတော့ အဲ့ဒီတွေ့ရှိခဲ့ရတဲ့အရာက ဒရုန်းတို့ လေယာဉ်ပျံ တို့လို့ပြောပြီး လိုက်ဖုံးဖိနေသလောက် သူကတော့သူ့ရဲ့သင်္ချာ ဉာဏ်ကြီးရှင်ဦးနှောက်နဲ့ လိုက်လိုက်ဖော်နေတော့တာပါပဲ။ ကျောင်းစာတွေအပြင် ကောင်မလေးနဲ့ သူငယ်ချင်းတို့ကို ပါပစ်ထားပြီး နေ့မအိပ်ညမအိပ်ကြိုးစားခဲ့တဲ့ ရလာဒ်တွေက သူလိုချင်တဲ့အတိုင်း ဖြစ်လာပါ့မလား နောက်ဆုံးမှာအဲ့ဒီ UFO ဆိုတာကြီးက တကယ်ရှိလားဆိုတာကို အဖြေရှာသွားနိုင်ပါ့ မလားဆိုတာကို ခက်ခဲနက်နဲတဲ့ သင်္ချာတွေရူပဗေဒသဘော တရားတွေကိုသုံးပြီး အဖြေရှာသွားပုံတွေကို ကြည့်ရှုရမဲ့ ဖြစ်ရပ်မှန် ဇာတ်ကားတစ်ကားပဲဖြစ်ပါတယ်။ File size…947MB / 402MB Quality…Blu-Ray 1080p  / 720p Format…mp4 Duration….1h 28m Genre ….. Drama , Mystery , Sci-Fi Subtitle….Myanmar Subtitle (Hard Sub) Encoder….Min Wai Translated by Saw Lay

ဒီတစ်ခါမှာတော့ How to Talk to Girls at Parties ဆိုတဲ့ဇာတ်ကားကောင်းလေးကို တင်ဆက်ပေးလိုက်ပါတယ်။ ဒီဇာတ်ကားမှာတော့ အားလုံးရဲ့အချစ်တော် မင်းသမီးချောလေး Elle Fanning နာမည်ကျော်မင်းသမီးကြီး Nicole Kidman အပြင် မင်းသား Alex Sharp တို့ပါဝင်သရုပ်ဆောင်ထားပါတယ်။ Enn တို့သူငယ်ချင်းတစ်သိုက်ဟာ ထိုအချိန်က ခေတ်စားနေတဲ့ ပန့်ဂီတနဲ့ ယဉ်ကျေးမှုကို ရူးသွပ်ကြတဲ့သူတွေဖြစ်ပါတယ်။ တစ်ရက် ပန့်ဂီတပွဲကိုသွားပြီးအပြန်မှာထူးဆန်းတဲ့ ဂီတသံတွေကြားတာကြောင့် လိုက်လံစပ်စုရာမှ ထူးဆန်းတဲ့လူတွေ နေထိုင်တဲ့ အိမ်ကြီးတစ်အိမ်ဆီကိုရောက်ရှိသွားပါတယ်။ တကယ်တော့ အဲဒီလူတွေဟာ လူအစစ်မဟုတ်ဘဲ ကမ္ဘာမြေကို မကြာသေးခင်ကမှရောက်ရှိလာတဲ့ ဂြိုလ်သားတွေပဲဖြစ်ပါတယ်။ အဲဒီလို Enn တို့သူငယ်ချင်းတွေ ထိုအိမ်ကြီးကိုရောက်ရှိသွားရာက ဂြိုလ်သားမလေးZen နဲ့ တွေ့ဆုံခဲ့ရပါတယ်။ ကမ္ဘာမြေနဲ့လူတွေအကြောင်းကို အရမ်းစိတ်ဝင်စားတဲ့ ဂြိုလ်သားမလေး Zen ဟာ အတွေ့အကြုံအသစ်တွေကို ရှာဖွေချင်တာကြောင့် သူတို့ဂြိုလ်သားမျိုးရိုးတွေဆီကနေ ထွက်ပြေးပြီး Enn နောက်ကိုကောက်ကောက်ပါအောင် လိုက်သွားပါတော့တယ်။ အဲဒီလိုနဲ့သူတို့နှစ်ယောက်သား ချစ်ကျွမ်းဝင်သွားတဲ့ အခါမှာတော့......။ ဒီဇာတ်ကားမှာ ပန့်ယဉ်ကျေးမှု ဂီတတွေအပြင် ဂြိုလ်သားတွေပါ ပါဝင်နေတာကြောင့် ကြည့်တဲ့သူတွေအဖို့တော့ နည်းနည်းကြောင်တောင်တောင် နိုင်နေပါလိမ့်မယ်။ သို့ပေမယ့် ကျွန်တော့်လို့ Elle Fanning မျက်နှာကိုမြင်နေရရုံနဲ့ ကျေနပ်နေတဲ့သူအဖို့တော့ သိပ်ပြီးပြဿနာမဟုတ်ခဲ့ပါဘူး။ Elle Fanning ရဲ့ပရိသတ်ဆိုရင်တော့ လက်လွှတ်မခံသင့်ပါဘူး၊ သူ့ကြည့်ရတာနဲ့ တန်နေပါပြီ။ (ဇာတ်လမ်းအညွှန်းနဲ့ဘာသာပြန်သူကတော့ ကိုမျိုးသန့်ပါ) File Size : (850 MB) and (350 MB) Quality : Blu-Ray 720p Running Time : 1hr 42Min Format : Mp4 Genre : Comedy, Music, Romance Subtitle : Myanmar Subtitle (Hard Sub) Source : 720p.BluRay.x264.DTS-HDC Translated by Myo Thant Kyaw Encoded by Thanhtike Zaw

~ IMDb - 6.8/10, RT - 70%, Meta - 64% ~ လူရယ်လို့ဖြစ်လာရင် အကြောက်တရားနဲ့ ဆင်းရဲဒုက္ခဆိုတာ ယှဥ်တွဲလာစမြဲပါပဲ။ ​တချို့က ဝလာမှာကြောက်တယ်။ တချို့က ​အသက်ရှင်ရတာကိုတောင် ကြောက်လာကြတယ်။ အမျိုးမျိုးသော အကြောက်တရားတွေကြားမှာ ဒီ အယ်လန်ဆိုတဲ့ ကောင်မလေးကတော့ ဝိတ်တက်မှာကို ကြောက်တာပါ... Broken Family ​ဖြစ်သွားတဲ့ အယ်လန်တစ်ယောက် မိထွေးလက်အောက် ဂေးမိခင်တစ်ယောက်လက်အောက်မှာ မိသားစုအရှုပ်အထွေးတွေကြားမှာ သနားစရာ ကြီးပြင်းလာခဲ့ပါတယ်။ အဲ့ကြားထဲကမှ အနုပညာကိုဝါသနာပါတဲ့ အယ်လန်ဟာ ကိုယ့် artwork ကြောင့် လူတစ်ယောက်နစ်နာသွားတာကို သိလိုက်ရတဲ့အချိန်မှာ ပြိုလဲပြီး အစာသိပ်မစားဘဲ အငတ်ခံလို့ စိတ်သက်သာရာ ရှာပါတော့တယ်။ အဲ့လို အယ်လန်ဟာ အကြောက်တရားကနေ ဘယ်လိုရုန်းထွက်မလဲ။ အယ်လန့်ကို ကူညီပေးတဲ့ဆရာဝန် ဒေါက်တာဘက်ခမ်းကရော ဘယ်လိုကုထုံးတွေနဲ့ ​အယ့်လန့်ဘဝကို အဖက်ဆယ်ပေးမလဲ။ အယ်လန့်သူငယ်ချင်းလုခ်ကရော အယ်လန့်ကိုဘယ်လိုပျော်အောင်လုပ်ပြီး အယ်လန့်ဘဝကို ဘယ်လိုအသက်ဝင်လာစေမလဲဆိုတာကို ဒီ '' To The Bone '' ဇာတ်ကားလေးမှာ ရှုစားရမှာပါ။ ဒီကား​လေးက ဝမှာတအားကြောက်နေတဲ့သူတွေ အစာအငတ်ခံလို့ အလွန်အမင်းဝိတ်ချနေတဲ့လူတွေ စိတ်ဆင်းရဲမှုကြောင့် ခံတွင်းမလိုက် ဖြစ်​နေသူတွေအတွက်လည်း ပညာပေးကားဆန်ဆန်​လေးဖြစ်မယ်လို့ ထင်ပါတယ်။ ကိုယ်အလေးချိန်နဲ့ ပတ်သက်တာကို အဓိကရိုက်ပြသွားပေမဲ့ ကိုယ့်ကိုယ်တွင်းက အကြောက်တရားကို တွန်းလှန်ပြီး စိတ်ချမ်းသာရာကို ဘယ်လိုရှာရမယ်ဆိုတာ ပြတဲ့ကားလေးဖြစ်တာမို့ လက်လွှတ်မခံသင့်ကြောင်း တိုက်တွန်းလိုက်ပါတယ်နော်... ခေါင်းဆောင် မင်းသား မင်းသမီး​တွေအဖြစ် Emily in Paris ထဲက မင်းသမီးလေး Lilly Collins နဲ့ မသိသူမရှိလောက်မယ့် မင်းသားကြီး Keanu Reeves တို့ ပါဝင်ထားတာမို့ မကောင်းမှာကိုတော့ စိတ်ပူစရာမလိုမယ့် ကားကောင်းတစ်ကားပါပဲ။ (ဇာတ်ကားနဲ့ အညွှန်းကို Nadi Myint Naing မှ ပြန်ဆိုရေးသားထားပါတယ်) Size - 1.6GB, 1GB Quality - 1080p, 720p IMDb Rating - 6.8/10 Format - mp4 Duration - 1H 47Min Type - Drama Subtitle - Myanmar Subtitle (Hardsub) Translated by Nadi Myint Naing Encoded by Y