Andre Gregory ပါဝင်သော ဇာတ်ကားများ

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

The Shadow (1994) IMDb Rating (7.6) / Rotten Tomatoes (97%) Beetlejuice, The Cat in the Hat , Pearl Harbor တို့ထဲကမင်းသား Alec Baldwinနဲ့ The Last Emperor , M. Butterflyတို့ရဲ့ မင်းသား John Lone နဲ့ ဂန္တဝင်ကြီး Ian McKellenတို့ ပါဝင်သရုပ်ဆောင်ထားတဲ့ ဒီရုပ်ရှင်ဟာ Action/Adventureကားဖြစ်ပြီး စူပါဟီးရိုးဆန်ဆန်ကားလို့ ပြောလို့ရပါတယ်။ ဇာတ်လမ်းကတော့ အရိပ်လို့ခေါ်တဲ့ သဘာဝလွန်သူရဲကောင်းတစ်ယောက်က ကမ္ဘာကိုဖျက်ဆီးချင်နေတဲ့ ဂျင်ဂစ်ခန်ရဲ့မျိုးဆက်သစ်နဲ့ ထိပ်ဆိုက်ရင်ဆိုင်ရတဲ့ ဇာတ်ပါ။ မှော်အစွမ်းတွေ အက်ရှင်တွေမနည်းပါတာမို့ အက်ရှင်ပရိသတ်တွေ အကြိုက်တွေ့မယ့် ရုပ်ရှင်ပါပဲ။ ဂျွန်လုံးကလည်း ဗီလိန်အဖြစ်ပြောင်မြောက်အောင် သရုပ်ဆောင်ပေးထားသလို ဇာတ်က ထူးထူးခြားခြားဟီးရိုးဇာတ်မို့ စူပါဟီးရိုးကားကိုမှ အရမ်းကြီးပါဝါတွေမပြဘဲ စုံထောက်ဆန်ဆန်ကြည့်ကောင်းနေတဲ့ကားကို ကြည့်ချင်ရင်တော့ ဒီကားကိုရွေးသင့်ပါတယ်။ File size… (2 GB) / (1.3 GB) Quality…. Blu-Ray 1080p HEVC / 720p Format…. mkv/mp4 Genre…. Action,Fantasy Duration…. 01:47:31 Subtitle…. Myanmar Subtitle (Hardsub)

ပြစ်မှုတွေမရှိတော့တဲ့ ခေတ်ကာလတစ်ခုက တကယ်ပဲအေးချမ်းသွားလား ၂၀၃၂ ခုနှစ်၊ ဆန်အန်ဂျလိစ်မြို့မှာ အအေးခန်းထောင်ဆိုတာ ဟိုးအရင်ကတည်းက ရာဇဝတ်သားတွေကို 0°အောက် အအေးခဲခန်းထဲထည့်၊ နှစ်တွေအကြာကြီး ပိတ်လှောင်ထားတယ်။ ဖြစ်ချင်တော့ တစ်နေ့မှာ ဆိုင်မွန်ဖီးနစ်ဆိုတဲ့ လူဆိုးတကောင်က ထောင်ထဲကနေ လွတ်သွားတယ်။ ဒီကောင်ကလဲ ဂန္တဝင် လူရမ်းကား လူသတ်သမား။ ဘာစည်းမှမရှိတဲ့ကောင်။ ဆန်အန်ဂျလိစ်မြို့တော်ဟာ ဖရုဿဝါစာ တခွန်းပြောမိရင်တောင် ဒဏ်ရိုက်ခံရတဲ့အထိ အေးဆေးနေကြပါတယ်။ သေနတ်တောင် ပြတိုက်မှာသွားကြည့်မှ မြင်ရတာပါ။ ဒီလိုမြို့ထဲကို ဖီးနစ်က သေနတ်တွေနဲ့ ရှယ်သောင်းကျန်းတော့ အကြမ်းဖက်မှုကိုမကြုံဖူးတဲ့ ရဲတပ်ဖွဲ့ဟာ ဘာလုပ်ရမှန်းမသိတဲ့နောက် ဆုံးဖြတ်ချက်တခု ချလိုက်တယ်။ ဖီးနစ်ရဲ့ ရန်သူတော်ဟောင်းကြီး၊ ဖီးနစ်ကို ဖမ်းဖို့၂နှစ်တိုင် ကြိုးစားခဲ့တဲ့ ရဲစုံထောက်ဟောင်း ဂျွန်စပါတန်ကို အအေးခန်းထဲကထုတ်၊ အသက်ပြန်သွင်းပြီး ဖီးနစ်ကို လိုက်ဖမ်းခိုင်းပါတယ်။ ၂၀ ရာစုနှစ်သားဖြစ်တဲ့ စပါတန်ဟာ နိုးထလာချိန်မှာ ၂၁ ရာစုကို ရောက်နေပြီး ပြောင်းလဲသွားတဲ့ မြို့ရဲ့အထာတွေကို နားမလည်တော့ပါဘူး။ ဆန်အန်ဂျလိစ်မြို့ဟာ တကယ်ပဲ ငြိမ်းချမ်းတယ်လို့ထင်ရပေမယ့် မြောက်ကိုရီးယားလို ပိတ်ဆို့ခံရတာဖြစ်ပြီး လိင်မဆက်ဆံရ၊ ကိုယ်ဝန်မယူရ၊ နမ်းခွင့်တောင်မရှိတဲ့ ကန့်သတ်ချက်တွေကြားမှာ မသိနားမလည်ပဲ ပျော်နေကြတာပါ။ စပါတန်ဟာ ဖီးနစ်ကို ဖမ်းဖို့ကတဖက် brainwash ခံထားရတဲ့ မြို့သားတွေကို လမ်းပြချင်တာကဖက် မြေအောက်ဂိုဏ်းတွေရဲ့ ဆူပူမှုကတဖက်နဲ့ ဗျာများနေရတဲ့ကြားမှာ သူ့ရဲ့ တာဝန်ကို အောင်မြင်အောင် လုပ်နိုင်ပါ့မလား၊ သူ့ကို ကူညီမယ့်လူရော ရှိပါ့မလား၊ အခက်အခဲတွေကို သူဘယ်လိုဖြေရှင်းမလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပြီး ကြမ်းကြမ်းရမ်းရမ်း အက်ရှင် ခန်းတွေနဲ့ ဖိုက်တင်ဆရာကြီး Stallone၊ Blade မင်းသားကြီး Wesley Snipe နဲ့ မင်းသမီး Sandra Bullock တို့အပြင် ဗဟုသုတရဖွယ် အဆဲပေါင်းစုံကိုလဲ မြင်တွေ့နိုင်မှာ ဖြစ်ပါတယ်။ File size…(2.4 GB)/(1.2GB)/(600 Mb) Quality….Webrip 1080p / 720p / 480p Format…mp4 Duration….01:56:00 Genre...Crime,Action,Science Fiction Subtitle….Myanmar Subtitle (Hardsub) Encoder….Mr. Anderson Translated by Hnyun Yadanar Myintmo Htun

ကိုယ့်ဘဝကိုယ် မကျေနပ်ဘဲ နေ့စဉ်လုပ်နေကျ ပုံစံခွက်ထဲမှာ ပိတ်မိနေသလို ခံစားနေရတဲ့ ဝေါလေ့စ်ဟာ မိတ်ဆွေဟောင်း အန်ဒရေနဲ့ ညစာစားဖို့ သွားနေပါတယ်။ လမ်းတစ်လျှောက်မှာလည်း သူ့ဘဝအကြောင်း ငြီးတွားနေရင်းပေါ့။ စားသောက်ဆိုင်မှာ ဆုံကြတော့ အန်ဒရေက မတွေ့ဖြစ်ခဲ့တဲ့ကာလအတွင်း သူကြုံခဲ့ရတာတွေကို အဆက်မပြတ် ပြောပြတော့တယ်။ ပိုလန်က တောထဲမှာ စိတ်ထဲရှိသလို လွတ်လွတ်လပ်လပ် လုပ်ခဲ့တဲ့အကြောင်း၊ ဆာဟာရမှာ ဘုန်းကြီးတစ်ပါးနဲ့ ပြဇာတ်ရိုက်ဖို့ ကြိုးစားခဲ့ပုံ၊ စကော့တလန်က ဖင်းန်ဟွန်းအဖွဲ့ဆီ သွားခဲ့ပုံနဲ့ ဟောလိုးဝင်းမှာ အရှင်လတ်လတ် မြေမြှုပ်ခံခဲ့ရပုံတွေကို ပြန်ပြောပြပါတယ်။ သူ့အတွက် အဲဒီခရီးတွေဟာ ကိုယ်နေထိုင်နေကျ ဘောင်ထဲက ရုန်းထွက်ဖို့၊ တခြားလူတွေနဲ့ အမှန်တကယ် ဆက်နွှယ်မိဖို့နဲ့ ပကတိတရားကို ထိတွေ့နိုင်ဖို့ ကြိုးစားမှုတွေလို့ ဆိုတယ်။ အန်ဒရေရဲ့စကားတွေကနေ လူစစ်စစ်တစ်ယောက်လို ရှင်သန်ဖို့ ဘာတွေလိုသလဲ၊ နေ့စဉ်လုပ်နေကျကိစ္စတွေကို စက်ရုပ်လို ထပ်ခါတလဲလဲ လုပ်ရင်းနဲ့ပဲ ဘဝကုန်သွားရမှာလားဆိုတဲ့ မေးခွန်းတွေ ဆက်လာပါတယ်။ သူက ပကတိတရား၊ သဘာဝတရားနဲ့ ထိတွေ့မှုရှိမှ လူစစ်စစ်လို ရှင်သန်နိုင်မယ်လို့ ယူဆထားတယ်။ ဝေါလေ့စ်ကတော့ အဲဒီအမြင်ကို သိပ်သဘောမတူဘူး။ လူတိုင်း အဲဒီလောက်အထိ လိုက်မလုပ်နိုင်ဘူးလို့ ယုံကြည်ပြီး သူနှစ်သက်တဲ့ လျှပ်စစ်စောင်လေး၊ အသင့်ရှိနေတဲ့ ကော်ဖီတစ်ခွက်ကြောင့် ရတဲ့ကျေနပ်မှုတွေနဲ့ သူ့အမြင်ကို ပြန်ရှင်းပြပါတယ်။ နှစ်ယောက်စလုံးက ကိုယ့်ရှုထောင့်နဲ့ကိုယ် လူ့ဘဝထဲက လစ်ဟာနေမှုတွေကို နားလည်ဖို့ ကြိုးစားကြတာပါ။ လူအချင်းချင်း လက်တွေ့ဆက်နွှယ်မှု ပျောက်ဆုံးလာတာ၊ ကိုယ်ပိုင်စိတ်ကူးကမ္ဘာထဲမှာပဲ နေထိုင်နေကြတာတွေအထိ စကားဝိုင်းက ရောက်သွားတယ်။ ဖြစ်တည်မှုနဲ့ မမြဲခြင်းအကြောင်း မေးခွန်းတွေကိုလည်း ဒီညစာဝိုင်းထဲမှာ ဆွေးနွေးထားပါတယ်။ ဝေါလေ့စ်နဲ့ အန်ဒရေအဖြစ် ပါဝင်ထားသူတွေက အမေရိကန်ပြဇာတ်ရေးဆရာ Wallace Shawn နဲ့ ပြင်သစ်-အမေရိကန် ပြဇာတ်ဒါရိုက်တာ Andre Gregory တို့ဖြစ်ပြီး ဇာတ်လမ်းထဲမှာ သူတို့နာမည်ရင်းတွေကိုပဲ သုံးထားတာပါ။ ရုပ်ရှင်ဖြစ်လာပုံကလည်း သူတို့နှစ်ယောက် ပြန်ဆက်သွယ်မိရာက စခဲ့တာဖြစ်တယ်။ Andre က နှစ်နဲ့ချီ ခရီးတွေထွက်ပြီး အနုပညာအလုပ်တွေနဲ့ ဝေးနေရာက လုပ်ဖော်ကိုင်ဖက်ဟောင်း Wallace ကို ဆက်သွယ်ကာ တစ်ခုခုအတူလုပ်ဖို့ ပြောခဲ့ပါတယ်။ Wallace က လက်ခံပေမယ့် ဘာလုပ်ကြမလဲဆိုတာ မသိသေးဘူး။ Andre မှာ မတွေ့ဖြစ်တဲ့ကာလက အတွေ့အကြုံတွေ ပြောပြချင်နေမယ်ဆိုတာကိုပဲ သိထားတာပါ။ အဲဒီကနေ မိတ်ဆွေနှစ်ယောက် ညစာစားရင်း စကားပြောကြတဲ့ပုံစံကို အခြေခံပြီး သူတို့နှစ်ယောက်ကိုယ်တိုင် ဇာတ်ညွှန်းရေးခဲ့ကြတယ်။ အပြင်မှာ အနုပညာအလုပ်အတွက် ဆက်သွယ်ခဲ့တာကို ရုပ်ရှင်ထဲမှာတော့ ညစာစားဖို့ ဖိတ်ခေါ်တဲ့အဖြစ် ပြောင်းထားပါတယ်။ ဒါရိုက်တာက ဗင်းနစ်ရုပ်ရှင်ပွဲတော်ရဲ့ ရွှေခြင်္သေ့ဆု နှစ်ကြိမ်ရထားတဲ့ Louis Malle ပါ။ ရုပ်ရှင်က သဘာဝကျတဲ့ ရိုက်ကူးပုံနဲ့ ဒီလူနှစ်ယောက်ရဲ့ ညစာဝိုင်းစကားပြောခန်းကို အဓိကထား တင်ဆက်ထားပါတယ်။