Anna Friel ပါဝင်သော ဇာတ်ကားများ

My Sister's Bones (2026) ++++++++++++ ဖတ်ဖူးတဲ့ စာအုပ်ကို ပြန်ကြည့်ရသလိုမျိုး ခံစားရမယ့် "My Sister’s Bones" (2026) ကားက Nuala Ellwood ရဲ့ နာမည်ကြီး Psychological Thriller စာအုပ်ကို ပြန်ရိုက်ထားတာဖြစ်ပြီး တော်တော်လေးကို ရင်တုန်ဖို့ကောင်းတဲ့ ဇာတ်ကားပါ။ ဇာတ်လမ်းရဲ့ အဓိကဇာတ်ဆောင်က Kate ဆိုတဲ့ အမျိုးသမီးပါ။ သူက စစ်ပွဲတွေဖြစ်နေတဲ့ နေရာတွေမှာ သတင်းသွားယူရတဲ့ သတင်းထောက်တစ်ယောက်ပေါ့။ စစ်မြေပြင်က ဒဏ်ရာဒဏ်ချက်တွေကြောင့် သူက PTSD (စိတ်ဒဏ်ရာ) ဝေဒနာကို ခံစားနေရသူပါ။ သူ့အမေ ဆုံးသွားတဲ့အခါမှာတော့ သူငယ်ငယ်က ကြီးပြင်းခဲ့တဲ့ အိမ်ဟောင်းကြီးကို ပြန်လာခဲ့ရပါတယ်။ အဲဒီမှာ သူ့ရဲ့ညီမဖြစ်သူ Sally နဲ့ ပြန်တွေ့တာပေါ့။ ဒါပေမဲ့ ညီမဖြစ်သူနဲ့ ဆက်ဆံရေးကလည်း သိပ်မပြေလည်ဘူး။ တစ်ညမှာတော့ Kate က ဘေးအိမ်က ပြတင်းပေါက်ကနေ ကလေးတစ်ယောက်ရဲ့ မျက်နှာကို လှမ်းမြင်လိုက်ရတယ်လို့ ထင်မိရာကနေ ဇာတ်လမ်းက စတာပါပဲ။ Kate က ကလေးတစ်ယောက် အကူအညီလိုနေတယ်လို့ ယုံကြည်ပြီး လိုက်စုံစမ်းပေမယ့် ဘယ်သူကမှ သူ့ကို မယုံကြဘူး။ သူက အရက်သောက်တတ်ပြီး စိတ်ဝေဒနာ ခံစားနေရသူဆိုတော့ အားလုံးက သူ့ရဲ့ စိတ်အာရုံချောက်ခြားမှုလို့ပဲ သတ်မှတ်ကြတယ်။ Kate နဲ့ Sally တို့ ညီမနှစ်ယောက်ကြားမှာ ငယ်ငယ်က ဖြစ်ပျက်ခဲ့တဲ့ ကြောက်စရာကောင်းတဲ့ လျှို့ဝှက်ချက်တစ်ခု ရှိနေပါတယ်။ အဲဒီ လျှို့ဝှက်ချက်က ဘာလဲ။ အိမ်နီးချင်းအိမ်ကရော တကယ်ပဲ တစ်ခုခု ဖြစ်နေတာလား။ ဇာတ်လမ်းအဆုံးနားမှာတော့ ပရိသတ်တွေ လုံးဝ ထင်မထားတဲ့ Twist (အလှည့်အပြောင်း) ကြီးက စောင့်ကြိုနေပါတယ်။ ဇာတ်လမ်းက "ဘာဆက်ဖြစ်မလဲ" ဆိုတာကို တစ်ချိန်လုံး ခန့်မှန်းနေရအောင် ဆွဲခေါ်သွားနိုင်ပါတယ်။ လူတစ်ယောက်ရဲ့ စိတ်ဒဏ်ရာက ဘဝကို ဘယ်လောက်အထိ ထိခိုက်စေနိုင်လဲဆိုတာကို သေချာပြထားပါတယ်။ Kate အဖြစ် သရုပ်ဆောင်တဲ့သူက စိတ်ရှုပ်ထွေးနေပုံနဲ့ ကြောက်လန့်နေပုံတွေကို အရမ်းပီပြင်အောင် သရုပ်ဆောင်ထားပါတယ်။ "My Sister’s Bones"ဟာ လျှို့ဝှက်ဆန်းကြယ်တာတွေကို ကြိုက်တယ်၊ ဇာတ်လမ်းအဆုံးမှာ အံ့သြသွားစေမယ့် ကားမျိုးကို ရှာနေတယ်ဆိုရင်တော့ လုံးဝ လက်မလွတ်သင့်တဲ့ ကားပါပဲ။ ညဘက်ကြီး တစ်ယောက်တည်းကြည့်ရင်တော့ နည်းနည်း ကျောချမ်းရမယ်နော်။ File Size… (752MB) / (471MB) Quality… WEB-DL 1080p HEVC / 720p Format…mkv / mp4 Duration…1h 21m Genre ….Thriller Subtitle….Myanmar Subtitle (Hard Sub)

X-Man movieတွေမှာ ဂျင်းဂရေးအဖြစ်သရုပ်ဆောင်တဲ့ မမ Famke Janssen(ကတ်သရင်း)ရဲ့ ပီပြင်တဲ့သရုပ်ဆောင်ချက်တွေကို ထပ်မြင်တွေ့ရမယ့် ကားတစ်ကားပါပဲ....။ ဇာတ်လမ်းလေးက ဆေးရုံကြီးတစ်ခုမှာ လော့အင် ဆင်ဒရုန်းဖြစ်နေတဲ့ လူနာတစ်ယောက်(ကတ်သရင်း)က စပါတယ်...။ လော့အင် ဆင်ဒရုန်း(Locked-in syndrome)ရောဂါဆိုတာ ကြွက်သားအားလုံး အကြောသေပြီး ခန္ဓာကိုယ်တစ်ခုလုံးမလှုပ်နိုင်မရှားနိုင်ဘဲ မျက်တောင်အပိတ်အဖွင့်၊ မျက်စိဘယ်ညာသာလှုပ်ရှားနိုင်တဲ့ရောဂါပါ....။ ကတ်သရင်းဟာ ဘာလို့ဒီရောဂါဖြစ်ခဲ့ရလဲဆိုတော့..... ဒီရောဂါမဖြစ်ခင်ကဆို ကတ်သရင်းဟာ စံအိမ်ပိုင်ရှင်သူဌေးကြီးကို လက်ထပ်ယူထားတဲ့ ထိတ်ထိတ်ကြဲ ဟောလိဝုဒ်မင်းသမီးပေါ့.... ‌ယောကျ်ားဖြစ်သူဆုံးသွားတော့ ကတ်သရင်းအတွက် ဘာဆိုဘာမှမထားခဲ့ဘဲ သားဖြစ်သူအတွက်သာ အမွေ‌တွေအကုန်ပေးအပ်ခဲ့ပါတယ်...။ ဒီတော့ စံသာစံနေရတယ် စံအိမ်မပိုင်တဲ့အိမ်ရှင်မကြီးဘဝရောက်ခဲ့ရတယ်ပေါ့....။ အမွေရတဲ့ သားဖြစ်သူဟာငယ်ငယ်ကတည်းက ရောဂါကြောင့် အိပ်ယာထဲတစ်ဘိုင်းဘိုင်းလဲနေရသူပါ....။ အမွေမရတဲ့ ကတ်သရင်းကတော့ သားဖြစ်သူကိုမကြည်တဲ့အပြင် အမွေတွေကို ပြန်အပိုင်သိမ်းဖို့သာ နည်းလမ်းရှာနေခဲ့ပါတယ်....။ ဒီလိုနဲ့ သားဖြစ်သူလည်းအိမ်ထောင်ကျ ချွေးမတစ်ယောက်ပါ ထပ်ရလာတဲ့အခါမှာတော့.... အမွေလုဖက်တစ်ယောက်တိုးလာခဲ့ပြန်ပါပြီ....။ မိထွေးဖြစ်သူ၊ သားနဲ့ချွေးမတို့ကြား လူကောင်းမျက်နှာဖုံးအောက်က အမွေလုပွဲကို မထင်မှတ်ထားတဲ့ Plotတွေ စုံစုံလင်လင်နဲ့ကြည့်ရှုရမယ့် Mystery Thrillerဇာတ်လမ်းလေးဖြစ်ပါတယ်...။ File size…1.10GB / 521MB Quality…NF WEB-DL 1080p 5.1 CH/ 720p Format…mp4 Duration….1h 36m Genre ….. Horror , Mystery , Thriller Subtitle….Myanmar Subtitle (Hard Sub) Encoder….Min Wai Translated by Themes

ကန်းထရီးဂီတကို လူတွေ သိပ်အဖက်မလုပ်ကြတော့သလို ဒီကန်းထရီး ဂီတနဲ့နွယ်တဲ့ စီးရီးကလည်း ပလစ်ခံရပြီး rating တော့ အနည်းသားပဲ ပရိသတ်ကြီးရေ . . . . . ဒါပေမဲ့ ကျွန်တော့်အနေနဲ့ ဇာတ်ကားကို ဘာသာပြန်ရင်း ကြည့်ပြီး သုံးသပ် မိပြန်တော့ ဒီစီးရီးက ထိုက်တန်တဲ့ rating အောက်တော့ ရောက်နေတယ်လို့ သုံးသပ်မိပါတယ်။ ဘာလို့ဆို ဒီဇာတ်လမ်းမှာ ကန်းထရီးဂီတလောကရဲ့ အကြောင်းတွေ သီချင်းကောင်းတွေ အများကြီး ပါတဲ့အပြင် ဇာတ်လမ်း ဇာတ်ကွက်ကလည်း သူ့အထာနဲ့သူ ကောင်းနေပါတယ်။ ကန်းထရီးဂီတလောကကို ဦးဆောင်နေတဲ့ ရိုမန်မိသားစုဟာ ကန်းထရီးဘုရင်မ ဖြစ်တဲ့ မိခင်ကြီး ဒေါ့တီရိုမန်တစ်ယောက် ကျန်းမာရေး အခြေအနေကြောင့် အနုပညာလောကက အနားယူမယ့်အခါ ဒီမျိုးဆက်ကို ဆက်လက်ထိန်းသိမ်း ထားဖို့ အခက်တွေကြုံရပုံတွေနဲ့ အနုပညာသမားတို့ရဲ့ ဘဝတွေကို ရိုက်ကူးး တင်ဆက်ထားပါတယ်။ ဒါ့အပြင် Drama ဇာတ်လမ်းဖြစ်လို့ ဒီရိုမန်မိသားစုတစ်ယောက်ချင်းစီရဲ့ ဘဝ ရေးရာ ပြဿနာတွေလည်း ပါဝင်တာဖြစ်လို့ ဂီတချစ်သူတွေရော တစ်ချိန်လုံး သီချင်းတွေဆိုနေရင် ငြီးငွေ့တတ်တဲ့ သူတွေအတွက်ပါ ကြည့်လို့ အဆင်ပြေမယ့် အပန်းဖြေကြည့်စရာ ဇာတ်လမ်းလေး တစ်ပုဒ်ပါပဲ။ (၁)ပတ်တစ်ပိုင်းနှုန်းဖြင့် စုစုပေါင်း(၁၁)ပိုင်းထွက်ရှိလာမှာဖြစ်ပြီး၊ cm မှ အပတ်စဥ် တင်ဆက်ပေးသွားပါမည်။ (ဒီစီးရီးရဲ့ အညွှန်းနဲ့ ဘာသာပြန် ရေးသားပေးသူကတော့ Yoon Sandi Aung ဖြစ်ပါတယ်။) File Size.............(400 MB) / (800 MB) Quality...............WEB-DL 720p / 1080p Duration............45Mins(@Episode) Subtitle..............Myanmar Hardsub Format...............MP4 Genre.................Drama, Music Translator..........Yoon Sandi Aung Encoder..............SWM

Books of Blood (2020) ပုံမှန် horror/thriller ဇာတ်ကားမျိုးလို ဇာတ်လမ်းထက် အသံ ဇာတ်ကောင်ဦးစားပေးပြီး မကြောက်ကြောက်အောင်ခြောက်ပြီးရိုက်ထားတဲ့ ဇာတ်ကားမျိုးမဟုတ်ဘဲ ဇာတ်လမ်း၃ပိုင်း ကို same time and space မှာရောယှက်ပြီး ရိုက်ကူးပြသွားတာပါ။ Books of Blood ဇာတ်ကားကြီးက တစ်ကားလုံးကို အစကနေအဆုံးထိသေချာကြည့်မှ အရသာရှိသလို အစအဆုံး အချိန်ပေးရကျိုးလည်း တကယ်နပ်တဲ့ကားမျိုးဆိုတာ ကြည့်ဖူးပြီးသူတိုင်း ငြင်းနိုင်မယ်မထင်ပါဘူး။ တကယ်တမ်းကြောက်စရာကောင်းတာက တစ္ဆေသရဲဆိုတာတွေထက် လူတွေရဲ့ လောဘ ဒေါသတွေနဲ့ဖုံးလွှမ်းနေတဲ့ စိတ်ဓာတ်တွေပါလားဆိုတာကို ဒီရုပ်ရှင်ကနေ တစ်နည်းတစ်ဖုံခံစားမိနိုင်တယ်ဆိုလည်းမမှားပါဘူးနော်။ ထွေထွေထူးထူး အများကြီး spoil ဖြစ်လောက်တဲ့ထိ အသေးစိတ်ရေးပြီး review ပေးမယ့်အစား Books of Blood ဇာတ်ကားကြီးကိုပဲ ကိုယ်တိုင်ကြည့်ရှုခံစားကြည့်ကြပါအုံးလို့ပဲ recommend ပေးလိုက်ပါရစေ။ အညွှန်း နဲ့ ဘာသာပြန်ကတော့ Lucy May ပဲ ဖြစ်ပါတယ်။ Genre.....Drama, Horror, Mystery Quality….WEB-DL 1080p and 720p and 480p File size…1.5GB and 783MB and 288MB Format…mp4 Duration….1h 47min Subtitle….Myanmar Subtitle (Hardsub) Translator ..... Lucy May Encoder ..... August

ဒီညအတွက်အကောင်းဆုံးကားလေးတစ်ကားဖြစ်တဲ့  NeverLand Mini Series လေးကိုတင်ဆက်ပေးပါမယ်... နာမည်ကိုကြည့်လိုက်ကတည်းကအားလုံးလည်းအံ့သြသွားကြမှာပါ.... ဟုတ်ပါတယ်...ဒီကားက အပိုင်း ၂ ပိုင်းနဲ့ခွဲပြီးထွက်ထားတဲ့ Mini Series လေးပါ... ဒါပေမယ့် အခုတင်ပေးတာကတော့ အဲ ၂ပိုင်းလုံးကိုပေါင်းပြီးတစ်ကားတည်းဖြစ်အောင်လုပ်ထားတဲ Mini Series ပါ....အပြီးထိပါပါတယ်.. ဒါကြောင့်မို့လို့ကားရဲ့ကြာချိန်ဟာလည်း ၃ နာရီနီးပါးရှိပါတယ်... ဒီကားလေးအကြောင်းမပြောခင် Disney ကရိုက်ကူးခဲ့တဲ့ Peter Pan နဲ့ ကပ္ပတိန်ဟွတ်ဆိုတဲ့ Animantion ကားလေးတွေကိုတော့ အားလုံးလည်းသိကြမှာပါ... နာရီမြိုထားတဲ့ မိကျောင်းကိုကြောက်တဲ့ ပင်လယ်ဓားပြကြီးဟွတ်နဲ့ Neverland ဆိုတဲ့ ကျွန်းလေးကို ကာကွယ်ပေးနေတဲ့ လူပျံလေး ပီတာပန်တို့အကြောင်းတွေကိုရိုက်ကူးထားခဲ့တာပါ.... နောက်ပြီး တင်ကာဘဲလ် ဆိုတဲ့နတ်သမီးလေးအကြောင်းလည်းတွေ့ခဲ့ရမှာပါ.... ဒီ Animation ကားလေးတွေဟာ အောင်မြင်ခဲ့ပြီးတော့ Tinkerbell ဆိုတဲ့ Animation ကားလေး တစ်ကားလည်းသက်သက်ထွက်ရှိခဲ့ပါတယ်.... Peter Pan ဟာ ကျွန်တော်တို့ငယ်စဉ်ကအကြိုက်ဆုံးဇာတ်ကောင်တစ်ခုဖြစ်ခဲ့သလို ကပ္ပတိန်ဟွတ်ဆိုတာကလည်း အကောင်းဆုံးနဲ့အရယ်ရဆုံးဗီလိန်ကြီးတစ်ယောက်ဖြစ်ခဲ့ပါတယ်... ကဲဒါဆို ဒီဇာတ်ကားလေးအကြောင်းကိုပြောလိုက်ရအောင်.... ဒီဇာတ်ကားလေးဟာ ခုနကပြောခဲ့တဲ့ Animation ကားလေးတွေရဲ့ ပထမဆုံးဥလျောင်ကားဖြစ်ပါတယ်... ပီတာပန် ဘာလို့ပျံနိုင်လဲ... ကပ္ပတိန်ဟွတ် ဘာလို့လက်တဖတ်မရှိတာလဲ.... မိကျောင်းထဲကိုနာရီကဘယ်လိုရောက်သွားတာလဲ... အားလုံးမသိကြပါဘူး... ဘာလို့လဲဆိုတော့ Animation ကားလေးတွေက ဘယ်ကဘယ်လိုဖြစ်လဲမရိုက်ပြတော့ပဲ သာမာန်ဖြစ်နေကျအတိုင်းပဲရိုက်ပြထားခဲ့လို့ပါ...... ဒါကြောင့် အကုန်လုံးကိုအစဆုံးသိချင်ရင်တော့ ဒီ အစအဆုံးပါတဲ့ Mini Series လေးကသင်တို့အတွက် စိတ်ကျေနပ်မှု့ကိုလုံးဝရရှိစေမှာပါ.... ဒီဇာတ်ကားလေးထဲမှာပါတဲ့ ရှု့ခင်းတွေကသာယာကြည်နူးဖွယ်ကောင်းတဲ့အပြင် Animation ထဲမှာပါတဲ့လူရိုင်းကျေးရွာကလူရိုင်းလေးတွေရယ် တိုက်ဂါးလီလီဆိုတဲ့ ခေါင်းဆောင်သမီးလေးရယ် ပင်လယ်ဓားပြတွေရယ် ပီတာပန့်အနားမှာအမြဲလိုလိုရှိနေတဲ့ တင်ကာဘဲလ်ဆိုတဲ့ နတ်သမီးလေးနဲ့ စုံစုံလင်လင်လှလှပပရိုက်ကူးထားတဲ့ကားကောင်းလေးတစ်ကားဖြစ်ပါတယ်... ဒါကြောင့် ညဘက်မှာကော်ဖီလေးတစ်ခွက်နဲ့ အချိန်ကြာကြာလေး နေရာအသစ်အဆန်းတွေကိုခေါ်ဆောင်သွားမယ့် ကားကောင်းလေးတစ်ကားကိုကြည့်ချင်ရင်တော့ ဒီ NeverLand ဆိုတဲ့ ကားလေးကိုကြည့်ဖို့ညွှန်းလိုက်ပါရစေ.... Quality…..BluRay 720p Duration…..03:00:00 Format…Mp4 File Size…(1.2GB , 594 MB) Translator…..May Thazin Myint Encoder…..Moe Myint Lwin

မင်းသား Bradely Cooper နဲ့ မင်းသားကြီး Robert De Niro တို့ပါဝင်သရုပ်ဆောင်ထားတဲ့ ၂၀၁၁ ခုနှစ်ထွက် Limitless ဇာတ်ကားကို မကြည့်ဖူးချင်နေမယ် မသိတဲ့သူတော့မရှိလောက်ပါဘူး။ Thriller, Action ဆိုတဲ့အတိုင်း ဇာတ်လမ်းကတော့ Fighting ခန်းများများစားစားမပါဘဲ သွက်သွက်လေးသွားပါတယ်။ ဇာတ်လမ်းအကျဉ်းလေးနည်းနည်းလောက်ပြန်ပြောပါမယ်။ ပိုက်ဆံကမရှိ ရည်းစားကပစ် အလုပ်ကအဆင်မပြေဖြစ်နေတဲ့ စာရေးဆရာ အက်ဒ်ဝက်မိုရာ အိမ်ခြေရာမဲ့ ပုံပေါက်တဲ့အထိ စုတ်ပြတ်နေလေရဲ့။ လမ်းပေါ်မှာ လျှောက်သွားနေရင်း ဆေးရောင်းသမား ယောက်ဖဟောင်းနဲ့ ပြန်တွေ့တယ်။ သူက ဆေးလုံးတစ်လုံးပေးတယ် NZT တဲ့။ ဦးနှောက်ရဲ့ ၁၀၀% ကို အသုံးချနိုင်အောင်လုပ်ပေးတဲ့ ဆေးလို့ပြောပြီး ဆေးရောင်းသမားထုံးစံ ပထမတစ်လုံးကို အလကားပေးသွားတယ်။ အဲဒီတော့ ဘဝဆုံးပြီးလို့တွက်ထားတဲ့ အက်ဒီ ပေါက်တဲ့နဖူးထူးချင်ထူးလာမှာပဲဆိုပြီး သောက်ကြည့်လိုက်တော့ ညွန်းတဲ့အတိုင်း ဆေးကစွမ်းတာကိုသိလာတယ်။ ဆေးနောက်ထပ်ရဖို့အသွား ယောက်ဖဟောင်းက သတ်ခံရပြီး သူကျန်ခဲ့တဲ့ဆေးတွေ ရလာတော့ စိတ်ကြိုက်သုံးပါလေရော။ အရင်က စာတစ်လုံးမှ ခေါင်းထဲပေါ်မလာတဲ့ စာရေးဆရာ စာတစ်အုပ်လုံးကို ၄ ရက်နဲ့အပြီးရေးနိုင်လာတယ်။ နောက်တော့ သူဒါနဲ့တင်ရပ်မနေနိုင်တော့ဘဲ ရှေ့ကိုပဲဆက်ပြီးသွားချင်နေတော့တယ်။ အဲဒါနဲ့ Stock ‌စျေးကွက်ထဲကို ဝင်ပြီး ခဏလေးအတွင်းမှာပဲ အောင်မြင်လာပါတယ်။ သူနောက်ထပ် ဘယ်ကိုသွားမယ်ဘယ်ကိုရောက်မယ်ဆိုတာတော့ ဇာတ်ကားမှာပဲပြန်ကြည့်လိုက်ပါတော့။ အရမ်းကောင်းတဲ့ဦးနှောက်နဲ့ စာရေးဆရာတစ်ယောက်ရဲ့ ဖန်တီးနိုင်စွမ်းတွေ ပေါင်းစပ်မိသွားတဲ့အချိန်မှာ ဖြစ်နိုင်ချေတွေက အကန့်အသတ်မဲ့ဖြစ်လာတာပေါ့ဗျာ။ *Spoiler Alert* ဒီဇာတ်ကားထဲမှာပါတဲ့ NZT-48 ဆိုတဲ့ဆေးအကြောင်း နည်းနည်းပြောချင်ပါတယ်။ သူ့ရဲ့မူလဇစ်မြစ်က အိုင်ဘန် ဆေးဝါးဆိုတဲ့ ကုမ္ပဏီက တစ်ခုကလို့ ဇာတ်ကားထဲမှာ စကားနဲ့ ပြောထားပါတယ်။သုံးထားတဲ့အချိန်မှာ ဉာဏ်အရမ်းကောင်းလာပေမဲ့ ဖြစ်နိုင်တဲ့ဆိုးကျိုးတွေကလည်း ရှိနေပါတယ်။ သုံးတဲ့သူရဲ့ ဉာဏ်ရည်နဲ့ တွေးခေါ်မှုပေါ်မူတည်ပြီး အပြောင်းအလဲတော့ရှိတယ်လို့ ယူဆလို့ရပါတယ်။ဒီဇာတ်ကားမှာတော့ ဆေးသုံးတဲ့သူတွေ အားလုံးနီးပါးက ကိုးမားဖြစ်တာ သေတာနဲ့ပဲလမ်းဆုံးကြပါတယ်။ အချိန်မီဖြတ်နိုင်လိုက်တဲ့သူတွေတောင်မှ ဦးနှောက်က ပုံမှန်အခြေအနေမဖြစ်နိုင်တော့ပါဘူး။ ဒါပေမဲ့ ဒီလောက်ကောင်းတဲ့ဆေးကို ဘယ်သူကမသုံးချင်ဘဲနေမလဲ။  အက်ဒီတစ်ယောက်ပဲ လွှတ်တော်အမတ်ဖြစ်လာတဲ့အထိ အဆင်ပြေပြေ ကျန်းကျန်းမာမာရှိတာကိုတွေ့ရမှာပါ။ ဒါပေမဲ့ နောက်ထပ် အဆင်ပြေပြေအသုံးချနိုင်တဲ့သူတွေရော ရှိနေဦးမလားဆိုတာ စဉ်းစားစရာပါပဲ။ NZT-48 ကျမှပဲ အောင်မြင်တာလား အဲဒီအရှေ့က Version ထဲကတစ်ခုခုကိုသုံးပြီး အဆင်ပြေသွားတဲ့သူတွေရှိနိင်လား နောက်ထပ် Version သစ်တွေရှိနေနိုင်ဦးမလား။ ဆေးကိုရဖို့ ဘယ်သူတွေက ဘယ်လိုဖန်တီးကြမလဲ။ ဘေးထွက်ဆိုးကျိုးမရှိနိုင်တဲ့ဆေး ထွင်နိုင်လောက်အောင် ဉာဏ်ကောင်းရင် ကောင်းလာနိုင်မှာပဲလေ။ မပြောနိုင်ဘူးပေါ့။ ဖြစ်နိုင်ချေတွေက အကန့်အသတ်မဲ့ရှိနိုင်တာပဲမဟုတ်လား။ File Size : 2 GB, 1 GB Quality : Blu-Ray (1080p 5.1,720p) Running Time : 1hr 45min Format : Mp4 Genre : Action,Scifi,Thriller Subtitle : Myanmar Subtitle (Hard Sub) Translated & Encoded by d3mon

Land of the Lost (2009) ဒီဇာတ်ကားကတော့ အားလုံးနဲ့မစိမ်းတဲ့ ဟာသမင်းသားကြီး Will Ferrell ရဲ့ ဇာတ်ကားဟောင်းလေးပဲဖြစ်ပါတယ်။ ဇာတ်လမ်းကတော့ ဂေါက်သီးသိပ္ပံပညာရှင်လို့ ယူဆခံထားရတဲ့ ဒေါက်တာရစ်ခ်မာရှယ်ဟာ အစပိုင်းမှာတော့ တခြားသူတွေရဲ့ လှောင်စရာတစ်ခုကနေ မပိုခဲ့ပါဘူး။ ဒါပေမဲ့ တစ်နေ့မှာ သူ့ရဲ့ သီအိုရီတွေမှန်ကန်မယ်လို့ ယုံကြည်တဲ့ ကမ်းဘရစ်ခ်ျက ကျောင်းသူတစ်ယောက်ရောက်လာချိန်မှာတော့ သူ့သီအိုရီတွေကိုလက်လျှော့လိုက်တဲ့ ရစ်ခ်မာရှယ်တစ်ယောက် လုပ်ငန်းပြန်စရပါတော့မယ်။ ထင်ထားတဲ့အတိုင်း သူ့သီအိုရီတွေဟာ မှန်ကန်ခဲ့ပြီး အချိန်နဲ့အာကာသဟင်းလင်းပြင်ကိုဖြတ်လို့ တခြားကမ္ဘာဦးလူသား‌တွေ ဒိုင်နိုဆောတွေရှိတဲ့ အချိန်တစ်ခုဆီရောက်သွားပါတော့တယ်။ ဒါပေမဲ့ အချိန်သာမတူမယ် ပြဿနာတွေကတော့တူတူပဲဆိုတဲ့အတိုင်း ပြဿနာတွေတစ်ခုပြီးတစ်ခုလာပါတော့တယ်။ သူတို့တွေ အတိတ်ကနေပြန်လာနိုင်မလား... ရစ်ခ်မာရှယ်ကကော ဟာသကြီးတစ်ခုအဖြစ်ကနေ လွတ်နိုင်ပါ့မလား... ဆိုတာကို ရယ်ရင်းမောရင်း ကြည့်ရှုရမှာပဲဖြစ်ပါတယ်။ ဒီဇာတ်ကားဟာ Adventure/Comedy ကားလေးဖြစ်တာကြောင့် ပေါ့ပေါ့ပါးပါး ဟာသကားတွေကြည့်ချင်သူတွေအတွက် အဆင်ပြေမှာပါ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 1.9GB, 850MB Quality - 1080p, 720p IMDb Rating - 5.3/10 Format - mp4 Duration - 1H 42Min Genre - Action, Adventure, Comedy Subtitle - Myanmar Subtitle (Hardsub) Translated by Min Thant Bo Encoded by Y

နယူးကာဆယ်အသင်းမှာ ခြေစွမ်းပြနေတဲ့ ဆန်တီယာဂို မူနစ်ကို ရီးရဲမက်ဒရစ်က ဝယ်ယူလိုက်ပါတယ်။ ပိုကြီးတဲ့အသင်းမှာ ကစားခွင့်ရတာ ဝမ်းသာစရာပေမယ့် စပိန်ကို ပြောင်းရွှေ့အခြေချဖို့က သူ့ချစ်သူအတွက်တော့ ချက်ချင်း လက်ခံနိုင်တဲ့ကိစ္စ မဟုတ်ဘူး။ နောက်ဆုံးမှာ သူမလည်း လိုက်လာဖြစ်ပေမယ့် မူနစ်အတွက် အသင်းပြောင်းလိုက်ရုံနဲ့ အရာအားလုံး ပြည့်စုံသွားတာတော့ မဟုတ်ပါဘူး။ ပတ်ဝန်းကျင်အသစ်၊ လူသစ်တွေနဲ့ အသင်းကြီးတစ်သင်းထဲမှာ နေရာရဖို့ သူ့ခြေစွမ်းကို ထပ်သက်သေပြရဦးမယ်။ Goal ပထမကားက မူနစ်ရဲ့အိပ်မက်နောက်ကို ဆက်လိုက်ကြည့်ရတဲ့ အဆက်ဖြစ်ပြီး ဒီတစ်ခါတော့ ရောက်ချင်တဲ့နေရာကို ရောက်လာပြီးနောက် ဘယ်လိုရပ်တည်မလဲဆိုတာ ကြည့်ရမှာပါ။ ဘောလုံးနဲ့ပတ်သက်တဲ့ ဇာတ်လမ်းတွေကို ကြိုက်ရင် အသင်းကြီးမှာ ကစားခွင့်ရတဲ့ သူ့ဝမ်းသာမှုနဲ့အတူ နောက်ကလိုက်လာတဲ့ အခက်အခဲတွေကိုပါ လိုက်ခံစားရမယ့်ကား ဖြစ်ပါတယ်။

ဒီကားလေးကတော့ ဆန်တီရာဂိုဆိုတဲ့ ကောင်လေးတစ်ယောက်အကြောင်းရိုက်ပြထားတာပဲဖြစ်ပါတယ်။ ဆန်တီရာဂိုဟာငယ်ငယ်ကတည်းက ဘောလုံးအားကစားးကိုရူးသွပ်သူတစ်ယောက်ဖြစ်ပြီး အရွယ်ရောက်လာချိန်မှာလည်း သူဟာလော့အိန်ဂျလိစ်က ဒေသခံအသင်းငယ်လေးတစ်ခုမှာ ကစားလိုက်၊ စားသောက်ဆိုင်မှာ စားပွဲထိုးလုပ်လိုက်နဲ့ ဖြတ်သန်းနေတာပေါ့။ တစ်နေ့မှာ သူဘောလုံးကန်နေတာကို ဂလင်းဆိုသူကတွေ့ပြီးသဘောကျကာ သူ့ကို နယူးကာဆယ်ဆိုတဲ့အသင်းမှာ ခြေစွမ်းသွားစစ်ဖို့ ကမ်းလှမ်းခဲ့ပါတယ်။ ဒါကိုဆန်တီရာဂိုက လက်ခံပေမဲ့ သူ့အဖေဖြစ်သူကတော့ သဘောမကျပါဘူး။ မဟုတ်တဲ့အိမ်မက်တွေနောက်မလိုက်ဘဲ ထရပ်ကားတစ်စီးဝယ်ကာသူနဲ့အတူတူ ကိုယ်ပိုင်စီးပွားရေးလုပ်ဖို့ပဲ ပြောနေသူပါ။ အဖေ့ခွင့်ပြုချက်မရတော့ ဆန်တီရာဂိုက သူ့ဘာသူသွားမယ်ဆိူပြီး တောက်တိုမယ်ရအကုန်လုပ်ကာ ပိုက်ဆံလေးတွေစုပါတော့တယ်။ တစ်နေ့မှာသူ့အဖေက ထရပ်ကားဝယ်ဖို့ဆိုပြီး သူစုထားတဲ့ပိုက်ဆံတွေကိုယူသုံးလိုက်ပါတော့တယ်။ ဆန်တီရာဂိုတစ်ယောက်လည်း စိတ်ဓာတ်ကျနေချိန် အဖွားဖြစ်သူက ရှိတဲ့ပစ္စည်းလေးတွေရောင်းချပြီး လက်မှတ်ဝယ်ကာ ဆန်တီရာဂိုကို အင်္ဂလန်ရောက်အောင်ပို့လိုက်ပါတော့တယ်။ ဆန်တီရာဂိုတစ်ယောက် နယူးကာဆယ်မှာ ခြေစမ်းရင်းဘာတွေဆက်ဖြစ်သွားမလဲဆိုတာတော့....... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ye Myat ဖြစ်ပါတယ်

Goal! The Dream Begins (2005) IMDb - 6.7/10 Director: Danny Cannon ရိုက်ကူးတင်ဆက်ထားပြီး May 12, 2006 (USA) မှာ ရုံတင်ပြသခဲ့တဲ့ အားကစားစိတ်ဓါတ်ကို အတည်ပြု အဓိက ရိုက်ကူးထားတဲ့ ဘောလုံးရုပ်ရှင် Goal! (1) ဖြစ်ပါတယ်... နယ်စပ်ကနေ ခိုးဝင်လာပြီး တရားမဝင် နေထိုင်နေတဲ့ ဆန်တီရာဂို မူနက် တို့ မိသားစုဟာ အဖေ ဖြစ်သူရဲ့ ခြံရှင်း သန့်ရှင်းရေး ဝန်ဆောင်မှု မှာ ဝိုင်းကူလုပ်ပေးနေရင်း မူနက် ဟာ သူဝါသနာပါတဲ့ ဘောလုံး ကစားချင်းကိုလဲ ကစားနေပါတယ် သူတို့ လူငယ်အသင်းမှာ မူနက် က ဦးဆောင်ကစားရပါတယ် သူပါတဲ့ ပွဲတိုင်းလဲ နိုင်ပါတယ် အတော်ဆုံးလူငယ်စာရင်းထဲ အပါဝင်ပေါ့... ဒါပေမယ့် မူနက် ရဲ့ အဖေဟာ သူ့သား ဘောလုံးကစားတာကို ကြည့်မရပါဘူး အမျိုးမျိုးပိတ်ပင်တားဆီးရင်းနဲ့ သူ့ခြံရှင်းလုပ်ငန်းအတွက် ကားဝယ်ဖို့ကိုလဲ မူနက် ခြေစမ်းဖို့ သွားမယ့် ခရီးစရိတ်ထဲက မသိအောင် ယူသုံးလိုက်ပြန်ပါတယ် အကြီးအကျယ် စိတ်ဓါတ်တွေ ကျနေတဲ့ အချိန် သူကစားတာကို မြင်မိတဲ့ လူငယ်ကင်းထောက်ဟောင်း တစ်ဦးက နာမည်ကြီးအသင်း နယူးကာဆယ် အသင်းမှာ ကစားနိုင်ဖို့ အတွက် အသင်းပိုင်ရှင်နဲ့ စကားပြောဆိုပေးခဲ့ပါတယ် ဒါပေမယ့် ကတိပျက်ကွက်ပြီး သူကစားတာကို လာမကြည့်တဲ့အတွက် စိတ်ဓါတ်တွေ ကျပြန်ပါတယ်.. လူငယ်ကင်းထောက်ဟောင်း ကလဲ သူ့ကတိ ပေးပြီးတဲ့ အတိုင်း မူနက် ကို အင်္ဂလန်ခေါ်ပြီး သူ့အိမ်မှာ ထားခါ နယူးကာဆယ် အသင်းရဲ့ ခြေစမ်းပွဲမှာ သွားရောက်ယှဉ်ပြိုင်ခိုင်းပါတော့တယ်... ပန်းနာရင်ကျပ် ရောဂါ ရှိပြီး တကယ့်ကစားကွင်း အခြေအနေနဲ့ လိုက်လျောညီထွေစွာ မကစားနိုင်တဲ့ မူနက် တစ်ယောက် ဘာတွေ ဆက်ဖြစ်မလဲ ဆိုတာ ထပ်မံ ရှုစားကြပါအုံး..... ဒီဇတ်ကားကို Arkar Phyo မှ တင်ဆက်ပေးထားပါတယ်... Thit San Khant

အလယ်ခေတ်က လူတစ်ယောက် တောအုပ်ထဲက ပြေးထွက်လာပြီး ကားလမ်းအလယ်မှာ သေဆုံးသွားရာက ဇာတ်လမ်းစပါတယ်။ အိုင်တီစီက ဒီသေဆုံးမှုကို မတော်တဆမှုတစ်ခုအဖြစ် ဖန်တီးလိုက်တယ်။ တစ်ဖက်မှာတော့ ပရော်ဖက်ဆာ ဂျွန်စတန်နဲ့ သူ့ရဲ့ရှေးဟောင်းတူးဖော်ရေးအဖွဲ့ဟာ အလယ်ခေတ် ပြင်သစ်နဲ့ အင်္ဂလိပ်တို့ တိုက်ပွဲဖြစ်ခဲ့တဲ့နေရာမှာ တူးဖော်မှုတွေ လုပ်နေကြပါတယ်။ တစ်နေ့မှာ ကိတ်နဲ့ မရက်တို့က ပရော်ဖက်ဆာရဲ့ မျက်မှန်နဲ့ သူ့လက်ရေးနဲ့ ရေးထားတဲ့ အကူအညီတောင်းစာကို ထူးထူးဆန်းဆန်း တွေ့ရှိသွားတယ်။ တွေ့ထားတဲ့ပစ္စည်းတွေကို ကာဗွန်သက်တမ်းစစ်ကြည့်တော့ နှစ်ပေါင်းခြောက်ရာလောက် ရှိနေပြီဆိုတာ သိလိုက်ရပါတယ်။ ပရော်ဖက်ဆာရဲ့သား ခရစ်နဲ့ အဖွဲ့သားတွေဟာ သူ့အဖေ ဘာဖြစ်သွားတာလဲဆိုတာ သိဖို့ အိုင်တီစီဆီ သွားကြတယ်။ ဒီနေ့ခေတ်နဲ့ အလယ်ခေတ်ကြား အသွားအပြန်ခရီးမှာ ခရစ်က သူ့အဖေကို ရှာတွေ့ပြီး ကယ်တင်နိုင်ပါ့မလား။ ခရစ်အဖြစ် Fast and Furious မင်းသား Paul Walker က သရုပ်ဆောင်ထားပါတယ်။