Asaka Seto ပါဝင်သော ဇာတ်ကားများ

ဂျပန်မှာ အထက်တန်းကျောင်းသူကျောင်းသားလေးတွေက ပတ်ဝန်းကျင် ဖိအားတွေ စိတ်ဖိစီးမှုတွေ များလာတဲ့အခါကျရင် ဆယ်ကျော်သက် မျက်နှာမမြင်ဆိုတဲ့ ရောဂါကြီး စွဲကပ်သွားတယ်တဲ့...။ မှန်ကြည့်ရင် ကိုယ့်မျက်နှာကြီးက ဆင်ဆာဖြတ်ထားသလို အဝါးကြီးပေါ့လေ။ ဒါကလည်း ဒီဇာတ်ကားအတွက် တင်စားနည်းတစ်မျိုးပေါ့လေ။ ဇာတ်လမ်းလေးက ဘယ်လိုလဲဆိုရင်တော့ မာမိယာ အာဆာဟာဆိုတဲ့ကောင်မလေးက ဘတ်စကတ်ဘောကလပ်အသင်းက သူများကိုလည်း အရမ်းကူညီပေးသလို ကိုယ်ကျိုးသိပ်မကြည့်တတ်သူလေး။ ဒါပေမဲ့ ဖြစ်ချင်တော့ လူတွေရဲ့အတင်းအဖျင်းတွေ ဖိအားဘာညာတွေနဲ့ တစ်ရက်ကျ ဒီ မျက်နှာပျောက်သွားတဲ့ရောဂါ ဖြစ်ပါလေရော။ အဲဒီမှာတင် ဒီရောဂါဖြစ်နေတာကို လူသိမှာကြောက်ပြီး စိတ်ဓာတ်တွေကျနေခဲ့တဲ့ အာဆာဟာကို အာဆာဟိန ဆိုတဲ့ အတန်းဖော်ကောင်လေးက ဖေးမကူညီပြီး ဒီရောဂါပျောက်အောင် ဘယ်လိုလုပ်ကြမလဲ။ အာဆာဟိနလည်း ဘယ်လိုတွေ ကြုံတွေ့ခဲ့ဖူးလဲ သူတို့ကို အားပေးနေတဲ့ ဆေးပေးခန်းက ဆရာမနဲ့အတူ ဒီရောဂါဖြစ်နေတဲ့ ဂျူနီယာကောင်မလေးနဲ့ရော အတူတူ ဘယ်လိုကျော်ဖြတ်ကြမလဲဆိုတာကို အထက်တန်းကျောင်းသား ပတ်ဝန်းကျင်ဆိုင်ရာ ဆက်ဆံရေး အသိုင်းအဝိုင်း အခက်အခဲလေးတွေကို သင်ခန်းစာပေးထားတဲ့ ဂျပန်ကားလေး ဖြစ်ပါတယ်..။

ဒီရုပ်ရှင်ကတော့ သေမင်းတမန်စာအုပ်ရဲ့ နောက်ဆုံးရုပ်ရှင်ပဲဖြစ်ပါတယ်. အရှေ့ရုပ်ရှင်နှစ်ခုဖြစ်တဲ့ Deat Noteနဲ့ L is the last nameတို့ရဲ့ Spin-out sequelဖြစ်ပြီး ဒီရုပ်ရှင်မှာတော့ L ရဲ့ တကိုယ်တော်စွန့်စားခန်းဖွင့်တာကိုမြင်တွေ့ရမှာပါ.... ဇာတ်လမ်းအကျဉ်း Lတစ်ယောက်ကီရာ့အမှုကို လိုက်နေရင်း ထိုင်းနယ်စပ်က သူ့အဖွဲ့ဝင်တစ်ယောက် လွှတ်လိုက်တဲ့ ညဏ်ကြီးရှင်ကလေးတစ်ယောက်ကို ကယ်ဆယ်ခဲ့ရတယ်.အဲ့ဒီကလေးက အဲ့ဒီထိုင်းနယ်စပ် ရွာလေးအပေါ် ရက်စက်စွာသတ်ဖြတ်ခဲ့တဲ့ မှောင်ခိုဂိုဏ်း တခုရဲ့ ရက်စက်တဲ့အမှုရဲ့ နောက်ဆုံးမျက်မြင်သက်သေပေါ့... ဒီထဲမှာ Lရင်ဆိုင်ရမှာကတော့ သူတို့ရဲ့အဖွဲ့ထဲက အဖွဲ့ဝင််ဖြစ်တဲ့ Kဆိုတဲ့ ညဏ်ကြီးရှင်မိန်းမတစ်ယောက်ပါပဲ... ပညာလွန်သော်ကောက်ကျစ်ရာ၏ဆိုသလို အစွန်းရောက်သွားတဲ့ မိန်းမတစ်ယောက်ပါပဲ...ဒီပွဲမှာရော Lတစ်ယောက် အနိုင်ရမှာလား သူဘာတွေစတေးရခဲ့လဲ ဆိုတာကိုတော့ ဆက်လက်ကြည့်ရှုခံစားပါခင်ဗျာ File size…2.1Gb / 1.2Gb Quality…1080p Blu Ray 5.1CH / 720p Format…Mp4 Duration….2h 9mins Subtitle….Myanmar Subtitle (Hard Sub) Encoder….YK Reviewed by YK Translated by Aung Tay Za

2006ခုနှစ်က ထွက်ခဲ့တဲ့ Animationကို adaption ပြန်လုပ်ပြီး ရိုက်ကူးထားတဲ့ ဒီရုပ်ရှင်ဟာ လူငယ်တွေကြား အတော်လေးရေပန်းစားခဲ့ပြီး ဆု၄ဆုနဲ့ စကာတင်ဆုတချို့လဲရခဲ့ပါတယ်. Ratingပိုင်းမှာလဲ ပြောစရာမရှိအောင်ကောင်းတာကြောင့် ကျွန်တော်တို့ Channel Myanmarကနေ Quality အကောင်းဆုံးနဲ့ တင်ဆက်ပေးလိုက်ရပါတယ်. ဇာတ်လမ်းအညွန်း တိုကျိုရဲ့သာမန်မနက်ခင်းတခုရဲ့ သတင်းစာမှာ ရာဇဝတတ်သားတွေရဲ့ နာရေးသတင်းတွေ တန်းစီတက်နေတာကြောင့်် ပြည်သူလူထုတချို့ရဲ့ အံ့ဩတုန့်လှုပ်မှုက အတော်လေးမြင့်တက်နေပါတယ်. သေဆုံးပုံကလဲ တပုံစံတည်းဆိုတော့ ထင်ကြေးအမျိုးမျိုးနဲ့ ဝေဖန်နေကြပါတယ်.. သူတို့ရဲ့သေဆုံးပုံကတော့ နှလုံးရပ်ပြီး ရုတ်တရက်ပဟေဌိဆန်ဆန် သေဆုံးကြတာပါပဲ. လူသတ်မှုနဲ့အကျဉ်းကျနေသူတွေ မုဒိန်းကောင်တွေ လာဘ်လာဘ်ယူလုပ်ခဲ့တဲ့ ဝန်ကြီးတွေ ခရိုနီတွေနဲ့သူတို့ရဲထင်တိုင်းကြဲနေတဲ့ သားသမီးတွေပါ သေဆုံးနေတာကြောင့်် တချို့သောလူတွေကလဲ ဒါကမှ တရားမျှတမှု တချို့လူတွေကတော့ ဒါက အစွန်းရောက်မှုဆိုတဲ့ ငြင်းခုန်မှုတွေနဲ့ ပွက်လောရိုက်နေကြပါတယ်. ဒါတွေက သမားရိုးကျ တိုက်ဆိုင်မှုလေလား လူတစ်ဦးတစ်ယောက်ရဲ့ ပယောဂလားဆိုတာကိုတော့ ဇာတ်အိမ်ခိုင်ခိုင်အပေါ် သရုပ်ဆောင်တွေရဲ့လေးနက်တဲ့သရုပ်ဆောင်မှုနဲ့ ကြည့်ရှုခံစားသွားရမှာပါ….. File size…1.98GB / 1.15GB Quality…1080p Blu Ray Remux DTS 5.1CH Format…Mp4 Duration….2h 6mins Subtitle….Myanmar Subtitle (Hard Sub) Encoder….YK Reviewed by YK Translated by Aung TayZa

One Missed Call မူရင်း ဂျပန်ကားတွေက ကျွန်တော်တို့ငယ်စဉ်ကာလ ၂၀၀၀ ခုနှစ်ကျော်ကာလတွေမှာ နာမည်ကြီးခဲ့တဲ့ ဂျပန်သရဲကားတွေပဲ ဖြစ်ပါတယ်။ အဲဒီတုန်းက ဂျပန်သရဲလိုင်းဆို Ring မူရင်းတို့ The Grudge မူရင်းတို့တွေ ကြီးစိုးနေတဲ့အချိန်ပေါ့။ ဒီ One Missed Call ထဲက ဖုန်း Ringtone သံဆိုရင် ဖုန်းကိုင်တဲ့လူငယ်တွေကြားတောင် တော်တော်လေး ပေါက်သွားသေးတယ်ပြောရမယ်။ သူက အလွယ်လေး သရဲကားလို့ခေါ်လိုက်ပေမဲ့ တကယ်တမ်း ကိုယ့်ဖုန်းထဲကို အနာဂတ်တစ်ချိန်ချိန်ကနေ ကိုယ့်အသံနဲ့ ကိုယ့်ဖုန်းဆီကို Voicemail ရောက်လာပြီ အဲဒီအချိန် သေတော့မယ်ဆိုတာကို နမိတ်ကြိုပြတာမျိုးဆိုတော့ Final Destination တို့လို သည်းထိတ်ရင်ဖိုလိုင်းလည်း ဖြစ်တာပဲ။ ဒီဂျပန်ရုပ်ရှင် Franchise မှာတော့ ၃ ကားတိတိ ထွက်ရှိထားပြီး Hollywood ကပါ နံပါတ် ၁ ကားကို Remake ပြန်ရိုက်ခဲ့ပေမဲ့လည်း သိပ်တော့ အောင်မြင်လှခြင်းမရှိပါဘူး။ One Missed Call (2003) ဒါကတော့ နံပါတ် ၁ မူရင်းကား ၃ ကားထဲမှာလည်း အကောင်းဆုံးလို့ပဲ ဆိုရမှာပေါ့။ သူ့ဇာတ်လမ်းက ကောလိပ်ကျောင်းသူတွေဆီကို ကိုယ့်နာမည် ကိုယ့်ဖုန်းကြီးနဲ့ အသံမေးလ်တွေ ရောက်ရောက်လာတယ်။ ရက်စွဲတွေကလည်း နောက် ၁ ရက် ၂ ရက်နေမှဆိုတော့ အနာဂတ်ကနေ လှမ်းပို့သလိုကြီး။ ဒါပေမဲ့ ဒီထက်ပိုပြီး ထူးခြားတာကတော့ အဲဒီနေ့ အဲဒီအချိန်ဆို အဲဒီအပို့ခံရတဲ့လူက ထူးဆန်းတာတွေ မြင်ရ ကြားရ ကြုံရပြီး သွေးပျက်ဖွယ်ရာ သေဆုံးသွားတာမျိုး။ အစပိုင်းမှာတော့ မတော်မဆလို့ပဲ ထင်ခဲ့ကြပေမဲ့ တဖြည်းဖြည်းနဲ့ သေဆုံးသူတွေများပြားလာပြီး မင်းသမီးဆီ ရောက်လာတဲ့အခါမှာတော့ ဒီ ဖုန်းကျိန်စာဟာ ဘာကြောင့်လဲဆိုတာကို အဖြေရှာပြီး ရပ်တန့်သွားအောင် ကြိုးစားကြတာတွေကို ကြည့်ရမှာပါ။ One Missed Call 2 (2005) ဒါကတော့ ဒုတိယမြောက်ကား၊ သူက တိုက်ရိုက်ချိတ်ဆက်ထားပြီး ပထမကားဖြစ်ရပ်အပြီး ၁ နှစ်အကြာကို အခြေခံထားတယ်။ ဒီမှာကျ မူလတန်းကျောင်းဆရာမလေးနဲ့ တရုတ်စားသောက်ဆိုင်ဝန်ထမ်း ဓာတ်ပုံဆရာကောင်လေးဆီ ဒီဖုန်းကျိန်စာက ပြန်လည်ရောက်ရှိလာပြီး ဒီကိစ္စတွေကို အတွေ့အကြုံရှိသူ ဂျာနယ်လစ်မကလည်း လာရောက်ကူညီပေးမှာပါ။ ဒီကားမှာကျ ဒီဖုန်းကျိန်စာအကြောင်း ပိုမိုသိရှိရမှာဖြစ်ပြီး ဒီကျိန်စာရဲ့ တကယ့်ဇစ်မြစ်ကို အဖြေရှာရင်း ထိုင်ဝမ်နိုင်ငံထိ ရောက်သွားပြီး ကျိန်စာဘယ်လိုဖြေမလဲဆိုတာကို ကြည့်ရမှာပဲ ဖြစ်ပါတယ်။ Wind and Cloud ခေါ် နဲ့ဖုန်းနဲ့ ပုကျင်းရင် သိုင်းကားထဲက ပုကျင်းရင်နေရာက ထိုင်ဝမ်နာမည်ကြီးမင်းသား Peter Ho လည်း ပါဝင်သရုပ်ဆောင်ထားပါသေးတယ်။ One Missed Call 3 Final (2006) သူကတော့ တတိယမြောက် ဖိုင်နယ်ဆိုပြီး ထွက်လာခဲ့ပေမဲ့ ရှေ့ ၂ ကားနဲ့ ဘာမှမဆက်စပ်တာကို မြင်ရတယ်။ နံပါတ် ၂ ကားမှာ ထိုင်ဝမ်ထိ နယ်ချဲ့လာခဲ့တဲ့ဇာတ်ကားက‌ ဒီကားထဲမှာလည်း တောင်ကိုရီးယားထိ ရောက်သွားပြန်ပါတယ်။ ကိုရီးယားရောက်မှတော့ ကိုရီးယားမင်းသား Jang Keun-suk လည်း အဓိကဇာတ်ကောင်တစ်ယောက်အဖြစ် ဝင်ပါသရုပ်ဆောင်ထားပါသေးတယ်။ ဒီကားမှာကျ ကျောင်းသူကျောင်းသားတွေ ဂျပန်ကနေ ကိုရီးယားကို လေ့လာရေးခရီးထွက်လာတဲ့အချိန် သူတို့ကျောင်းမှာ အနိုင်ကျင့်ခံရပြီး ကိုယ့်ကိုကိုယ် အဆုံးစီရင်ထားတဲ့ကောင်မလေးက ဒီဖုန်းကျိန်စာတိုက်လို့ တစ်ယောက်ပြီးတစ်ယောက် ခွေးဖြစ်ကြမယ့်ဇာတ်လမ်း။ ဒါပေမဲ့ ဒီကားမှာကျ နည်းနည်း ပိုထူးခြားသွားတာက ကိုယ့်ဆီ အဲဒီ Voicemail ရောက်လာရင် ကိုယ့် Contact ထဲက နောက်တစ်ယောက်ဆီကို Forward လုပ်လို့ရပြီး အသက်သေမယ့်ရန်ကနေ ကာကွယ်နိုင်တာပဲ။ ဒီအချက်ပါလာတဲ့အတွက် လူတွေရဲ့ တကယ့်စိတ်ရင်းတွေကိုလည်း မြင်ရပြီး သရဲအပြင် လူအချင်းချင်း ရက်စက်ကြတာမျိုးတွေလည်း ကြည့်ရပါဦးမယ်။