Austin Butler ပါဝင်သော ဇာတ်ကားများ

Caught Stealing (2025) ++++++++++ IMDb Rating (7.3) / Rotten Tomatoes (84%) ဟော်လီးဝုဒ်ရဲ့ နာမည်ကြီး All-star A list တွေကြည့်ပါဝင်ထားတဲ့ ရုပ်ရှင်ကားကြီးထွက်လာပါပြီ.. Austin Butler, Bad Bunny , Zoe Kravitz, Matt Smith ..ပါတဲ့ Cast တွေနဲ့တင် အရမ်းကောင်းနေပြီး Rating လည်း 7.3 လောက်ရထားပါတယ်... ဇာတ်လမ်းကတော့ရိုးရှင်းပါတယ်... ငယ်ငယ်က ဘေ့စ်ဘောအားကစားမှာ ပါရမီပါခဲ့ပေမဲ့ အက်ဆီးဒင့်တစ်ခုကြောင့် ဘဝလမ်းပျောက်ပြီး အသက်နည်းနည်းရလာတော့ ဘားတစ်ခုမှာ အဖျော်ဆရာလုပ်ပြီး ဘဝကိုအေးဆေးဖြတ်သန်းနေခဲ့တဲ့ ဟန့်ခ်သွန်ဆင်ဆိုတဲ့ လူတစ်ယောက်ရှိတယ်... သူ့ဆီကို တစ်နေ့ သူငယ်ချင်းဟောင်း ရက်စ်မိုင်နာဆိုသူက အလောတကြီးရောက်လာပြီး ကြောင်တစ်ကောင်နဲ့ သော့တစ်ချောင်းကိုပေးသွားပါတယ်... ပြီးတော့ လန်ဒန်က အဖေဖြစ်သူရဲ့နောက်ဆုံးအချိန်ရောက်နေလို့ ပြန်ရမှာဆိုပြီး.. ဟန့်ခ်ကို ကြောင်နဲ့ သော့ကိုပါအပ်သွားတယ်.. ဒါပေမဲ့ဖြစ်ချင်တော့ ရက်စ်အပ်သွားတဲ့ကြောင်တစ်ကောင်နဲ့သော့တစ်ချောင်းနောက်ကွယ်မှာ ဟန့်ခ်ဘဝကို ဇောက်ထိုးမိုးမျှော်ဖြစ်သွားစေမယ့် နောက်ဆက်တွဲကိစ္စတွေ အများကြီးပါဝင်လာတဲ့အခါ ဘာဆက် ဖြစ်သွားမလဲဆိုတာကို ကိုယ်တိုင်ပဲ ကြည့်လိုက်ကြပါဦး File Size… (2.30GB) / (920MB) Quality… WEB-DL 1080p HEVC /720p Format…mkv / mp4 Duration…1h 47m Genre … Gangster , Comedy , Crime , Thriller Subtitle….Myanmar Subtitle (Hard Sub)

Eddington (2025) IMDb Rating (7.0) / Rotten Tomatoes (68%) ဒီဇာတ်ကားလေးကတော့ ဒီတလောမှ ထွက်ရှိထားတဲ့ A24 ရဲ့လက်ရာဖြစ်ပြီး ဝါကင်းဖီးနစ်၊ ပက်ဒရိုပါစကယ်၊ အမ်မာစတုန်းနဲ့ တခြားသော ဟောလိဝုဒ် ဝါရင့်သရုပ်ဆောင်တွေ ပါဝင်ထားပြီး တွေးစရာလေးတွေပေးမဲ့ IMDb Rating 7/10 ရရှိထားတဲ့ ဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်း ဒီဇာတ်ကားလေးကို ကိုဗစ်ကပ်ဘေးကာလ အမေရိကန် နယူးမက္ကဆီကိုက ဆဗီလာစီရင်စုနဲ့ ပါဘလိုစီရင်စု နှစ်ခုကြားမှာ တည်ရှိတဲ့ အယ်ဒင်တန်မြို့လေးမှာ စတင်အခြေတည်ထားပါတယ်။ မြို့တော်ဝန် တက်ဒ် ဂရာစီယာက ကိုဗစ်ကာလတွင်းမှာ ထပ်ကျင်းပမဲ့ ရွေးကောက်ပွဲမှာ နည်းပညာလုပ်ငန်းစုတစ်ခုကို ဒီပြည်နယ်ထဲမှာ ဒေတာစင်တာ အမြောက်အမြား ဆောက်လုပ်ခွင့်ပေးပြီး သူတို့ရဲ့ ကျောထောက်နောက်ခံနဲ့ ပြန်လည်ရွေးကောက်ခံရဖို့ မဲဆွယ်ဖို့ ပြင်ဆင်နေခဲ့ပါတယ်။ တစ်ဖက်မှာတော့ အယ်ဒင်တန်မြို့ရဲ့ ရဲမှူး ဂျိုး ခရော့စ်ကလည်း အများပြည်သူဧရိယာတွေမှာ နှာခေါင်းစည်းမတပ်ပဲ ကန့်လန့်တိုက်နေကာ ဒီမြို့ကိုမရောက်လာသေးတဲ့ ကိုဗစ်ရောဂါအတွက် ဘာလို့ လူမှုစီးပွားရေးတစ်ခုလုံးကို ရပ်ဆိုင်းခိုင်းရတာလဲဆိုပြီး အစိုးရကို မေးခွန်းထုတ်နေခဲ့ပါတယ်။ ဒီလိုနဲ့ တစ်နေ့မှာ ရဲမှူး ဂျိုး ခရော့စ်က စိတ်မကျန်းမာတဲ့ သူ့မိန်းမ လူဝီနဲ့ မြို့တော်ဝန် တက်ဒ် ဂရာစီယာကြားက ကိုယ်ရေးကိုယ်တာကိစ္စတစ်ခုကြောင့် တက်ဒ် ဂရာစီယာရဲ့ အုပ်ချုပ်ပုံကို မေးခွန်းထုတ်ပြီး မြို့တော်ဝန်နေရာကို ရွေးကောက်ခံဖို့ ဝင်ပြိုင်ရာကနေ အစပျိုးထားပါတယ်။ A24 ရဲ့ လက်စွမ်းကိုသိတဲ့အတိုင်း ဇာတ်လမ်းဇာတ်ကွက်က ဘယ်လိုအလှည့်အပြောင်းနဲ့ အမျိုးစုံကြိုးခုန်ပြီး တွေးစရာလေးတွေပေးပြီးတင်ဆက်သွားမလဲဆိုတာတော့ ကိုယ်တိုင်ကြည့်ရှုလိုက်ပါ။ File size… (9.4 GB) / (3.2 GB) / (1.2 GB) Quality…. WEB-DL4K HEVC / 1080p HEVC / 720p Format…. mkv/mp4 Genre…. Comedy,Crime,Western Duration…. 02:28:50 Subtitle…. Myanmar Subtitle (Hardsub)

ဒီဇာတ်ကားလေးကတော့ ၂၀၂၄ မှာထွက်ရှိခဲ့တဲ့ Thriller ဆန်ဆန် ရုပ်ရှင်ဇာတ်ကားလေးဖြစ်ပါတယ်။ မိုက်ကယ်ဆိုတဲ့ လူငယ်လေးက အခုမှ အိမ်အသစ်ကိုပြောင်းလာခဲ့တာပါ။ အိမ်အသစ်ကို ပြောင်းပြောင်းချင်းမှာပဲ ညဘက်တွေမှာ အိပ်မက် ဆိုးတွေမက်ပြီး ထူးဆန်းတဲ့ အဖြစ်အပျက်တွေကို စတင်ကြုံတွေ့ လာရပါတော့တယ်။ စိတ်ကျန်းမာရေးလည်း တဖြည်းဖြည်း ထိခိုက်လာပြီးတော့ အိမ်နီးချင်းဖြစ်သူ ဂျိုး ပြောပြတဲ့ အိမ်ဖောက်ထွင်းမှုအကြောင်းကို စိတ်စွဲကာ စိုးရိမ်စိတ်တွေလည်း စ ဝင်လာပါတော့တယ်။ မိုက်ကယ် မတိုင်ခင်က အိမ်မှာ နေခဲ့တဲ့ နန်စီဆိုတဲ့ အမျိုးသမီးတစ်ယောက်ကလည်း ထူးဆန်းတဲ့အဖြစ် အပျက်တွေကြောင့်ပဲ အိမ်ကနေ ပြောင်းပြေးခဲ့ရတာပါ။ ဆိုတော့ ဒီဇာတ်ကားလေးထဲမှာ ထူးဆန်းတဲ့အဖြစ်အပျက်တွေကရော ဘာကြောင့်ဖြစ်နေတာလဲ၊ မိုက်ကယ်ရဲ့ ညဘက်အိပ်မရတဲ့ရောဂါဟာ ဘာကြောင့်လဲ၊ ဘယ်လိုအရာတွေကို ကြုံတွေ့ကြရမလဲဆိုတာကိုတော့ ဇာတ်လမ်းဇာတ်အိမ်ခိုင်ခိုင်မာမာနဲ့ အပိုအလိုမရှိအောင် တင်ဆက် ထားတာဖြစ်လို့ ပေါ့ပေါ့ပါးပါးနဲ့ ကြည့်ရှုလို့ကောင်းမဲ့ ဇာတ်ကား တစ်ကားဖြစ်မှာ အသေအချာပါပဲ။ File size… (898MB) / (491MB) Quality… WEB-DL 1080p HEVC / 720p Format…mkv / mp4 Duration….1h 41m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Wil

Masters of the Air (2024) [သွေးချောင်းစီးတဲ့-၁၁၀] Ongoing ~ IMDb - 8.8/10, Rotten Tomatoes - 85% ~ ဒုတိယကမ္ဘာစစ်ရဲ့ နာမည်ကျော် အမေရိကန်လေတပ် အမှတ်-၈ (နာမည်ပြောင် Mighty Eighth) ရဲ့ ဖြစ်ရပ်မှန်စစ်ဆင်ရေးတွေကို အခြေခံပြီးရိုက်ကူးထားတဲ့ စီးရီးအသစ်ထွက်လာပါပြီ။ ဒီဇာတ်လမ်းရဲ့အဓိကတပ်ဖွဲ့ကတော့ အမှတ်-၈ လေတပ်လက်အောက်ခံ အမှတ်-၁၁၀ ဗုံးကျဲလေယာဉ်အုပ်နဲ့ နာမည်ကျော် ဘီ-၁၇ မိုးပျံခံတပ်အကြောင်းပဲ ဖြစ်ပါတယ်။ ဒီဗုံးကျဲလေယာဉ်အုပ်ဟာ အကျအဆုံးများလွန်းလို့ သွေးချောင်းစီး-၁၁၀ လို့ နာမည်ပြောင်ပေးထားရတဲ့အထိ ရှေ့တန်းမှာ တိုက်ခဲ့ရတာပါ။ ဒီစီးရီးဟာ Band of Brothers နဲ့ The Pacific စီးရီးတို့နဲ့ ဖြစ်ရပ်ဆက်စပ်တာမို့ စီးရီး ၃ ပေါင်းပြီးကြည့်လို့ရတဲ့သဘောပါပဲ။ တကယ့်စစ်ကားကြီးတွေလို အထူးပြုလုပ်ချက်တွေနဲ့ ရိုက်ကူးထားတာမို့ အတော်ကြည့်ကောင်းပါတယ်။ Band of Brothers ရဲ့ ဇာတ်ညွှန်းဆရာတစ်ယောက်ဖြစ်တဲ့ John Orloff က တာဝန်ယူရိုက်ကူးထားတာဖြစ်ပြီး Elvis ရုပ်ရှင်ရဲ့မင်းသား Austin Butler ခေါင်းဆောင်ပါဝင်ထားပါတယ်။ ဒုတိယကမ္ဘာစစ် ဥရောပ စစ်မြေပြင်မှာ အမေရိကန် အမှတ်-၈ လေတပ်ပါဝင်တိုက်ခိုက်ခဲ့ပြီးအင်အား ၂ သိန်းအထိ ပါဝင်တာကြောင့် မိုက်တီး-၈ ဆိုပြီး နာမည်ပြောင်ပေးခံခဲ့ရပါတယ်။ စစ်ဆင်ရေးနဲ့အောင်မြင်မှုတွေအရမ်းများခဲ့သလို အကျအဆုံးကလည်း ဒုတိယကမ္ဘာစစ် အမေရိကန်တစ်နိုင်ငံလုံးရဲ့ လေတပ်ကျဆုံးဒဏ်ရာရသူ ၁၁၅၃၃၂ ယောက်ထဲမှာ အမှတ်-၈ တစ်ခုတည်းကနေ ၂၆၀၀၀ ကျော် ကျဆုံးပြီး ၂၀၀၀၀ ကျော် ထိခိုက်ခဲ့ပါတယ်။ သူရသတ္တိဆိုင်ရာ ဆုတံဆိပ်ပေါင်း ၄ သိန်းကျော်ရခဲ့သလို၊ ဗုံးပေါင်း တန် ၇ သိန်းလောက်ကျဲခဲ့ပြီး၊ လေယာဉ် ၅၀၀၀ ကျော် ပျက်စီးခဲ့တာပါ။ ဒုတိယကမ္ဘာစစ် စစ်ရှိန်အမြင့်ဆုံးကာလရဲ့ တိုက်ပွဲတွေကို အခြေခံရိုက်ကူးထားတာမို့ စစ်ကားကြိုက်သူတွေအတွက်တော့ ရေငတ်တုန်း ရေတွင်းထဲကျသလိုဖြစ်မှာပါပဲ။ ကြည့်လိုက်ကြပါ။ (ဒီစီးရီးအတွက် အညွှန်းရေးသား ဘာသာပြန်ပေးသူကတော့ Mr. Anderson ပဲဖြစ်ပါတယ်) Size ~ 2GB+, 800MB+, 400MB+ Total - 9 Episodes Quality – 4K HEVC, 1080p, 720p Duration ~ 55min (@Episode) Subtitle – Myanmar Hardsub Format – Mp4 Genre : Action, Drama, Thriller Source : ATVP.Web-dl.1080p Translator – Mr. Anderson Encoder – Y

Sons of Anarchy စီးရီးကို ကြိုက်တဲ့လူတွေဆိုရင် ဒီမူဗီကို ကြိုက်မယ်လို့ ယုံကြည်ပါတယ်။ Motorcycle Club က biker တွေရဲ့ အငွေ့အသက်တွေကို အလွမ်းသယ်နိုင်မှာဖြစ်ပါတယ်။ The Bikeriders မှာတော့ မင်းသားကြီး Tom Hardy, ပျိုမေတို့ အသည်းစွဲ Austin Butler နဲ့ မင်းသမီး Jodie Comer တို့က အဓိက ပါဝင်သရုပ်ဆောင်ထားပါတယ်။ Jeff Nichols ရေးသားရိုက်ကူးပြီး Danny Lyons ရဲ့ The Bikeriders photo book ကို မှီငြမ်းထားတယ်လို့ သိရပါတယ်။ ဒီမူဗီမှာတော့ ဗန်ဒယ်ဆိုတဲ့ မော်တော်ဆိုင်ကယ်ကလပ်က အဖွဲ့သားတွေရဲ့ နေထိုင်ဖြတ်သန်းပုံ ဘဝအစဉ်အဆက် ကြမ်းကြပုံ ရမ်းကြပုံတွေကို စိတ်ဝင်စားဖွယ် ရိုက်ကူးထားပါတယ်။ သူ့ရဲ့ စိတ်ဝင်စားဖို့ ကောင်းတဲ့အချက်က ဒီဇာတ်ကြောင်းကို ဗန်ဒယ်ကလပ်နဲ့ နီးစပ်ခဲ့သူ အမျိုးသမီးတစ်ဦးက အဖွဲ့ဝင်ဟောင်း တစ်ယောက်ကို ဇာတ်ကြောင်း ပြန်ပြောပြတဲ့ စတိုင်လ်နဲ့ အတိတ်ကိုတစ်လှည့် ပစ္စုပ္ပန်ကို တစ်လှည့် ရိုက်ကူးပြထားခြင်းပါ။ ဇာတ်ကြောင်းကို အင်ထရိုဝင်ပေးနေရင် ဇာတ်ပေါ့သွားနိုင်လို့ ဇာတ်လမ်းကိုပဲ အပြေးကြည့်ကြဖို့ တိုက်တွန်းလိုက်ပါရစေ။ အကြိုက်တွေ့စေရမယ်လို့ အာမခံပါတယ်။ File size…1.71GB / 726MB Quality…WEB-DL 1080p 5.1CH / 720p Format…mp4 Duration….1h 56m Genre ….. Crime , Drama Subtitle….Myanmar Subtitle (Hard Sub) Encoder….Min Wai Translated by Act Molemy

Dune: Part Two (2024) ထွက်ရှိလာပါပြီ... အညွှန်းကိုတော့ part 1က ဟာကိုပဲ စပွိုင်လာရှောင်တဲ့အနေနဲ့ထည့်ပေးထားပါတယ်... သာမန် Sci- fic​တွေထက် အပုံကြီးကျယ်ပြန့်တဲ့ Frank Herbertရဲ့ Duneစာအုပ်​တွဲ​တွေကို မှီငြမ်းရိုက်ကူးထားတဲ့ ဇာတ်လမ်း၊ ​Timotheé Chalamet, Zendaya, Oscar Issac, တို့အပါအဝင် ကောင်း​ပေ့ဆိုတဲ့ Cast​တွေ၊ Legendary soundtrack ​တွေပဲ တီးခတ်တဲ့ Hans Zimmer၊ ​ ပြောင်​မြောက်လွန်းတဲ့ VFXနဲ့ CGI​တွေရဲ့ ​​ပေါင်းစပ်မှုအပြီးမှာ DUNE 2021ဇာတ်ကားဟာ ပရိတ်သတ်​တွေ အ​​မျှော်လင့်ဆုံး ဇာတ်ကားဆိုရင်လည်း မမှားနိုင်ပါဘူး။ အနာဂတ်နှစ်​ပေါင်း၂၀၀၀၀​ကျော်မှာ အ​ခြေပြုထားတဲ့ ​ ခေတ်လွန် Dune Universeထဲမှာ Known Universeကို အုပ်ချုပ်​နေတဲ့ Emperorဆိုတာရှိပြီး သူတို့ရဲ့လက်​အောက် မှာ​တော့ Houses​တွေက နယ်​မြေအသီးသီးကို အုပ်ချုပ်ပါတယ်။ ဒီဇာတ်လမ်းရဲ့ အဓီကအ​ကြောင်းရင်းက​တော့ House​ Harkonnen​တွေ နှစ်​ပေါင်း၈၀ကြာ​​​အောင် အုပ်ချုပ်လာတဲ့ Planet Dune တဖြစ်လဲ Planet Arrakisကို Emperorရဲ့ အထက်အမိန့်အရ House Atreides​တွေကို ​ပြောင်းလဲ အုပ်ချုပ်​စေခြင်းကစပါတယ်။ ဒါ​ပေမဲ့ Harkonnen​တွေဟာ Arrakis ဂြိုလ်​​ပေါ်ကရတဲ့ Spiceဆိုတဲ့အရာ​ကြောင့် ဂြိုလ်ကိုလွယ်လွယ်လက်လွှတ်မခံနိုင်ပါဘူး၊ Spiceဆိုတာဟာ Dune universeတစ်ခုလုံးမှာ အဖိုး အတန်ဆုံးအရာပါ၊ Spiceကိုစားသုံးရင် စိတ်အာရုံနိုးကြားကာ အသိဉာဏ်ပညာတိုးပွားလာခြင်း၊ သက်ရှည်ကျန်းမာ​စေခြင်းစတဲ့ စွမ်းအား​တွေရရှိမှာဖြစ်ပြီး သူ့ကိုလည်း Arrakisဂြိုလ်တစ်ခုထဲ မှာပဲ တူး​ဖော်နိုင်မှာပါ၊ တူး​ဖော်ခွင့်ရှိတဲ့ Houseဟာလည်း Emperorထက်​တောင် ပိုပြီးချမ်းသာသွားမှာပါ။ ဒါ​ကြောင့်မလို့ နိုင်ငံ​ရေးအရ​ရော၊ စီးပွား​ရေးအရပါ အချက်အချာ ဖြစ်​နေတဲ့ Duneဂြိုလ်ကို လွှဲ​ပြောင်းယူလိုက်ရတဲ့ House Atreides အ​နေနဲ့ House Harkonnenရဲ့ ဒုက္ခ​ပေးလာမှု​ရော၊ Emperorနဲ့ တခြားHouse​တွေရဲ့ ရန်စလာမှုကိုပါ ဘယ်လိုကြံ့ကြံ့ခိုင်ရမလဲ၊ House Atreidesရဲ့ သား​​​​တော်... အိမ်​တော်ရဲ့အနာဂတ် The Oneအဖြစ် တင်စားခံရတဲ့ Paulက​ရော Atreides​တွေကို ဘယ်​​လောက်ထိ ​ ခေါင်း​ဆောင်​ပေးသွားမလဲ...... Dune: Part Two (2024) ဇာတ်လမ်းအကျဉ်း Dune ဒုတိယမြောက်ရုပ်ရှင်မှာတော့ အေထရီးဒီး အိမ်တော်ကျဆုံးပြီး ပေါလ်အေထရီးဒီးတို့သားအမိ ဖရေးမန်းတွေနဲ့ပူးပေါင်းမိသွားတာကနေ စပါတယ်။ ဖရေးမန်းတွေထဲက ဘာသာရေးယုံကြည်သူတွေအလိုအရ အေထရီးဒီးရဲ့ မိခင်က မယ်တော်ကြီးဖြစ်လာပြီး ပေါလ်အေထရီးဒီးကလည်း သူ့ကို လီဆန် အာ-ဂါရစ်ဆိုတဲ့ ကယ်တင်ရှင်ပရောဟိတ်လို့ ယုံကြည်နေကြသူတွေနဲ့ မယုံကြည်ကြသူတွေကို စည်းရုံးပြီး ဟာကွန်နင်အိမ်တော်နဲ့ အင်ပါယာကို ဖြုတ်ချဖို့ ကြိုးစားပါတော့တယ်။ ပထမ ရုပ်ရှင်က ဇာတ်လမ်းအပျိုးမို့ နိုင်ငံရေးနဲ့တိုက်ပွဲအသေးစားတွေပဲ ပါပေမယ့် ဒီရုပ်ရှင်မှာတော့ အဆုံးအဖြတ်တိုက်ပွဲကြီးတွေ ဖြစ်လာပြီး နောက်ရုပ်ရှင်အတွက် ပိုကြီးတဲ့တိုက်ပွဲတွေကိုလည်း အစပျိုးသွားပါပြီ။ ကြည့်လိုက်ကြပါဦး..... File size…  (7.3 GB)/ (1.77 GB) / (928MB) Quality…WEB-DL 4K HEVC/1080p  / 720p Format…mp4 Duration….2h 46m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai , Ka Naung Translated by Mr. Andreson

Elvis ဟာ အောင်မြင်ကျော်ကြားတဲ့ အဆိုတော် အဲလ်ဗစ်ပရက်စ်လီရဲ့ ဘဝအကြောင်းကို ရိုက်ကူးထားတဲ့ အတ္ထုပ္ပတ္တိရုပ်ရှင်ပါ။ ငယ်ဘဝကနေ ကွယ်လွန်ချိန်အထိ သူဖြတ်သန်းခဲ့ရတဲ့ အတွေ့အကြုံတွေ၊ အောင်မြင်မှုတွေနဲ့ အခက်အခဲတွေကို သူ့သီချင်းတွေနဲ့အတူ တင်ပြထားပါတယ်။ တွမ်ဟန့်နဲ့ အော်စတင်ဘတ်တလာတို့ အဓိကသရုပ်ဆောင်ထားပြီး The Great Gatsby ရဲ့ ဇာတ်ညွှန်းရေးသူ Baz Luhrmann က ဒါရိုက်တာနဲ့ ဇာတ်ညွှန်းတာဝန် ယူထားပါတယ်။

သေခြင်းတရားဟာ မသေဆုံးပါဘူး။ အဆို‌တော်တစ်ယောက်ရဲ့နာမည်ကြီးဇာတ်ဝင်သီချင်းတစ်ပုဒ်။ လူ‌တွေဟာ Polar Fracking ကနေ စွမ်းအင်ထုတ်ယူ သုံးစွဲခဲ့ကြတယ်။ အလွန်အကျွံ သုံးစွဲမှုတွေရဲ့နောက်ဆက်တွဲ အနေနဲ့ ကမ္ဘာ‌‌မြေကြီးဟာ Polar Fracking ကြောင့် သူ့ဝင်ရိုးပေါ်ကနေ တိမ်းစောင်းခဲ့ပါတယ်။ အဲဒီရဲ့ နောက်ဆက်တွဲ ဆိုးကျိုးတွေကတော့ ..... နေ့အလင်းရောင်ဟာ တော်တော်နဲ့မကုန်တော့ပါဘူး။ နေ့တာရှည်လာပါတယ်။ ရေဒီယိုတွေ လိုင်းမကောင်းချင်တော့ပါဘူး။ ဖုန်းလိုင်းတွေ ပြတ်တောက်ကုန်ပါတယ်။ အိမ်မွေးတိရစ္ဆာန်လေးတွေ ပျောက်တဲ့ကောင်ပျောက်ကုန်ပါတယ်။ အမူအကျင့်တွေ ‌ပြောင်းလဲကုန်ပါတယ်။ အဲဒီထက် ဆိုးတာကတော့ ဒီဇာတ်လမ်းရဲ့ ခေါင်းစဉ်အတိုင်းပါပဲ။ သေဆုံးခြင်းက မသေဆုံးတော့တဲ့အခါ ..... တစ်နည်းအားဖြင့် သေပြီးသားလူတွေ အသက်ပြန်ရှင်လာကြတဲ့အခါ ..... ခင်ဗျားတို့ရော တွေးကြည့်ဖူးလား????? Zombie ကားကို အတွေးအခေါ်တစ်မျိုးနဲ့ ထပ်ကြည့်ကြည့်ပါ။ Horror ကား ကောင်းကောင်း ကြိုက်တတ်သူများ လက်မလွှတ်စေချင်ပါဘူး။ အဲ ..... တစ်ခု လက်တို့စရာ ကျန်သွားလို့ Selena Gomez လေးလည်း ပါတယ်ဗျ။ ? ? ?? ? ဘာသာပြန် နဲ့ Review ကတော့ August ပါ။

Once Upon a Time in Hollywood (2019) IMDb Rating (7.6) / Rotten Tomatoes (86 %) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  ၉ ကားမြောက် ရုပ်ရှင်ကားကြီးဖြစ်ပါတယ်။ ရှေ့က ၈ ကားကတော့ Django Unchained (2012) ... The Hateful Eight (2015) ... Death Proof (2007) ... Inglourious Basterds (2009) ... Reservoir Dogs (1992) ... Kill Bill: Vol. ... Kill Bill: Vol. ... Jackie Brown (1997) ဆိုတဲ့ကားတွေပါပဲ။ ဒီရုပ်ရှင်ကတော့ ဟောလိဝုဒ်ခေတ်ဟောင်းကို ပြန်တမ်းတဖို့ သရုပ်ဖော်ထားတဲ့ ရုပ်ရှင်ပါပဲ။ ခေတ်ဟောင်းကောင်းဘွိုင်ကားအကြောင်းတွေ၊ ဟောလိဝုအထာတွေ၊ အဲဒီခေတ်ရဲ့ ဟစ်ပီတွေနဲ့ ပုံဖော်ထားတာပါပဲ။ လီယိုနာဒို၊ ဘရက်ပစ်၊ မာဂေါ့ ရော်ဘီ တို့ အဓိက ပါဝင်ထားပါတယ်။ လီယိုနာဒိုကတော့ ရစ်ခ် ဒယ်တန်ဆိုတဲ့ နာမည်ကျဆင်းနေတဲ့ ဟောလိဝုဒ် မင်းသားပေါ့။ တစ်ချိန်ကတော့ ဂျိတ်ကေဟေးဆိုတဲ့ ကောင်းဘွိုင်ဇာတ်ကောင်နဲ့ ပေါက်ခဲ့ဖူးခဲ့သူပါ။ အခုတော့ ဇာတ်လမ်းတွဲလေးတွေမှာ ဗီလိန်လိုက်လုပ်ပေးနေရပါပြီ။ သူ့ရဲ့ စတန့်အရံကတော့ ကလစ်ဖ် ဘုသ် ( ပရက်ပစ်) ပါပဲ။ သူကတော့ ရစ်ခ်ရဲ့ မိတ်ဆွေကောင်းအဖြစ် အတူရုန်းကန်နေတဲ့သူပေါ့။ မာဂေါ့ရော်ဘီကတော့ ဟောလိဝုဒ်နာမည်ကျော် ဒါရိုက်တာ ရိုမန် ပိုလန်းစကီးရဲ့ မိန်းမအဖြစ် သရုပ်ဆောင်ထားပါတယ်။ မထင်ရှားသေးတဲ့ သရုပ်ဆောင်တစ်ယောက်ရဲ့ အခြေအနေကိုလည်း ပြထားတာပေါ့။ သူတို့တွေကို အခြေခံပြီး ဟောလိဝုအထာ၊ ဟစ်ပီတွေ၊ အီတလီရုပ်ရှင်တွေနဲ့ ၁၉၆၀ ဝန်းကျင် ရွှေခေတ်ကို ပုံဖော်ပြထားတာလေးကို လှလှပပ ခံစားကြည့်ရမှာပါ။ ဘောနက်စ်အနေနဲ့တော့ ဘရုစ်လီဇာတ်ကောင်ကိုလည်း တွေ့ရပါလိမ့်ဦးမယ်။ ဘရုစ်ဖန်တွေတော့ နည်းနည်းထိရှမလားပဲ။ File Size : (9.9 GB) / (2.6 GB) / (1.4 GB) Quality : WEB-DL 4K / 1080p / 720p Format…mkv/ mp4 Duration…02:41:00

Season 1 (Ep1+Ep2) ပေါင်းထားပါတယ် မျိုးနွယ်စုများစွာမှာ နတ်သူငယ်တွေ စုနေတဲ့ တိုင်းပြည်တစ်ခုရှိတယ် အစဉ်အလာအရ တိုင်းပြည်ရဲ့ အထွတ်အမြတ် သစ်ပင်ကြီးကို ကာကွယ်ဖို့ သူရဲကောင်း ၆ ယောက်ကို ရွေးချယ်ခဲ့တယ် ထိုအထဲမှာ တိုင်းပြည် ရဲ့ မင်းသမီးလေးလဲ အပါအဝင်ပေါ့.... ရွေးချယ်မှု ပြီးမြောက်တဲ့ ရက်မှာပဲ မင်းသမီးလေးကို သစ်ပင်ကြီးက နမိတ်ပြခဲ့တယ်... ပျောက်ဆုံးနေတဲ့ နှစ်ပေါင်းများစွာက မှော်ပညာတွေ ပြန်အသက်ဝင်လာတော့မယ် မကောင်းဆိုးဝါးတွေ ပြန်လန်ရှင်သန် ထမြောက်တော့မယ်လို့ အာရုံပြခဲ့တယ်... ဒီနောက်မှာတော့ ဘာတွေဆက်ဖြစ်ကြမလဲ...... (သစ်ဆန်းခန့်)

အန်နာဆိုတဲ့ ကောင်မလေးတစ်ယောက်က အပြင်ထွက်ရမှာကို အရမ်းကြောက်လန့်ပြီး အိမ်ထဲမှာပဲ နေနေခဲ့တာအခုဆိုရင် ၁၀ နှစ်ကျော်တောင်ရှိခဲ့ပါပြီ။ အခုအချိန်မှာတော့ သူကသေလု မျောပါးဖြစ်နေတဲ့ သူ့အစ်ကိုကို အိမ်မှာပဲ စောင့်ရှောက်ပေး နေခဲ့ပါတယ်။သူဘာလို့ အိမ်ပြင်ထွက်ရမှာအရမ်းကြောက်လန့် နေတယ်ဆိုတဲ့ အကြောင်းအရင်းကိုတော့ သေချာမသိရ သေးပါဘူး။သူ့အစ်ကို ဆုံးပါးသွားတဲ့အချိန်မှာတော့ အစ်ကိုရဲ့ သေတမ်းစာအတိုင်း ပိုက်ဆံတွေအများကြီးကို အမွေရခဲ့ပါ တော့တယ်။ လူသူတွေနဲ့ ထိတွေ့ဆက်ဆံရမှာကိုကြောက်တဲ့ အန်နာ့မှာ သိတဲ့ လူဆိုလို့ သူ့အိမ်ကို စားစရာ Delievery လာပို့ နေကျ ကောင်လေးနဲ့ သူ့အစ်ကိုရဲ့ ရှေ့နေပဲရှိပါတယ်။ အဲ့ဒါကြောင့် အန်နာလည်း စားစရာပို့တဲ့ ကောင်လေးဖြစ်တဲ့ ဒန်နဲ့ ခင်မင်သွားပြီး သူ့အတွက်အရေးမကြီးတဲ့ အမွေရထားတဲ့ ပိုက်ဆံတွေကို ဒန့်ကိုပေးပါတော့တယ်။ဒါပေမယ့် ဒန်က အဲ့ဒီလောက် ပိုက်ဆံအများကြီးကို လက်မခံနိုင်တဲ့အတွက် ငြင်းခဲ့ပါတယ်။ဒီလိုနဲ့ အစ်ကိုဖြစ်သူရဲ့ ဈာပနနေ့ကို ရောက်ရှိ လာခဲ့ပြီး ထုံးစံအတိုင်းပဲ အန်နာကတော့လုံး၀အပြင်မထွက် ပါဘူး။အဲ့ဒီအချိန်မှာ လူ ၃ ယောက်ကသူ့အိမ်ထဲကို ဖောက်ထွင်း ဝင်ရောက်လာကြပြီး သူအမွေရထားတဲ့ပိုက်ဆံတွေကို လာရှာပါတော့တယ်။အဲ့ဒီ လူတွေကဘယ်သူတွေလဲဆိုတာကို အန်နာလုံး၀မသိသလို သူ့ဆီမှာပိုက်ဆံရှိနေတယ်ဆိုတဲ့ သတင်းကို ဘယ်လိုရသွားကြမှန်းလည်း မသိပါဘူး။သိပ်မကြာ လိုက်ခင်မှာပဲ အဲ့ဒီလူတွေက အန်နာ့ကိုတွေ့သွားပြီး ပိုက်ဆံတွေ ဘယ်မှာထားလဲဆိုတာကို အတင်းမေးပါတော့တယ်။ဒီလိုနဲ့ အဲ့ဒီ အိမ်ကြီးထဲမှာ လူဆိုးသုံးယောက်နဲ့ အန်နာတစ်ယောက်တည်း ဖြစ်နေခဲ့ပေမဲ့ တကယ်တမ်းမုဆိုးကသားကောင် သားကောင်က မုဆိုးဖြစ်နေတာကို သိလာရတဲ့အချိန်မှာတော့ ဘယ်လို စိတ်လှုပ်ရှားစရာကောင်းတဲ့ သည်းထိပ်ရင်ဖိုအလှည့်အပြောင်း တွေကို တွေ့ရမလဲဆိုတာကို ကြည့်ရှုရမဲ့ 2015 ခုနှစ်ကထွက်ရှိခဲ့တဲ့ Intruders ဆိုတဲ့ဇာတ်ကားကောင်းတစ်ကားပဲဖြစ်ပါတယ်။ File size…1.14GB / 527MB Quality…Blu-Ray 1080p  / 720p Format…mp4 Duration….1h 32m Genre ….. Drama , Horror , Mystery Subtitle….Myanmar Subtitle (Hard Sub) Encoder….Min Wai Translated by Saw Lay

ရှာပေဟာ သူတို့နယ်မြို့လေးက Country Club မှာ ခွေးလေးဘွိုင်နဲ့အတူ ဖျော်ဖြေနေရာက Broadway ဒါရိုက်တာတစ်ယောက်ရဲ့ သဘောကျမှုကို ရသွားပါတယ်။ လူရွေးပွဲဝင်ဖို့ ကမ်းလှမ်းခံရတဲ့ ဂီတပြဇာတ်အသစ်မှာလည်း သူသိပ်အားကျတဲ့ အမ်ဘာလီအာဒမ်စ်က ပါဝင်မှာတဲ့။ ဒါကြောင့် ရှာပေက သူ့အိပ်မက်ကို အကောင်အထည်ဖော်ဖို့ နယူးယောက်ကို သွားချင်နေပါတယ်။ ဖခင်ဖြစ်သူကတော့ သမီးအဆင်သင့်မဖြစ်သေးမှာ စိုးရိမ်လို့ စိတ်မချဘူး။ ရှာပေက အစီအစဉ်တွေ သေသေချာချာ ချပြပြီး ညှိနှိုင်းတဲ့အခါ အပေးအယူတစ်ခုနဲ့ မိဘတွေရဲ့ခွင့်ပြုချက် ရလာပါတယ်။ သူလုပ်နိုင်ကြောင်း သက်သေပြဖို့ အချိန်တစ်လရမယ်။ အစီအစဉ်မအောင်မြင်ခဲ့ရင်တော့ အိမ်ပြန်လာပြီး အဖေ့အတွက် အလုပ်လုပ်ပေးရမှာပါ။ ဒီလိုနဲ့ Broadway လူရွေးပွဲကို ရောက်သွားချိန်မှာတော့ ဒါရိုက်တာလိုချင်တာက သူ့ကိုမဟုတ်ဘဲ ခွေးလေးဘွိုင်ကို ဖြစ်နေတယ်။ မျှော်လင့်ထားသလို ဖြစ်မလာတဲ့ ရှာပေက ဘွိုင်ကို လူရွေးပွဲဝင်ခွင့် ပေးပါ့မလား။ လူရွေးပွဲမှာ ဘယ်သူနဲ့ အပြိုင်နေရာလုရဦးမလဲ။ သူအားကျရတဲ့ အမ်ဘာလီကရော လက်တွေ့မှာ သူထင်ထားသလို လူမျိုးပဲလား။ ၂၀၁၁ ခုနှစ်ထွက် ဒီရုပ်ရှင်ဟာ High School Musical ထဲက Sharpay Evans ဇာတ်ကောင်ကို မူလသရုပ်ဆောင်နဲ့ပဲ သီးခြားခွဲထုတ်ရိုက်ကူးထားတာပါ။ ပန်းရောင်အပြင်အဆင်တွေနဲ့အတူ Disney ဂီတရုပ်ရှင်ဟန်အတိုင်း သီချင်းတွေ ပါဝင်ပါတယ်။

[Adventure ကားလေးလည်းဖြစ် ဟာသဆန်ဆန်လေးလည်းရောထားတဲ့ ကားလေးတစ်ကားနဲ့ မိတ်ဆက်ပေးပါရစေ.... ၂၀၀၉ ခုနှစ်ကထွက်ရှိထားတဲ့ Aliens in the Attic ကားလေးဟာ IMDB 5.4 ပဲရထားပေမဲ့ ပေါ့ပေါ့ပါးပါးလေးနဲ့ တကယ်ကိုစိတ်ဝင်စားစရာကောင်းတဲ့ကားလေးမို့ လက်လွတ်မခံသင့်တဲ့ ကားလေး တစ်ကားပဲဖြစ်ပါတယ်။ ဇာတ်လမ်းအကျဉ်းလေးကတော့ ပီတာဆန်မိသားစုက နွေရာသီပိတ်ရက်ဖြစ်တဲ့အတွက် ငါးဖမ်းဖို့မီချီဂန်မှာရှိတဲ့ အပန်းဖြေရိပ်သာတခုကို ခရီးထွက်လာခဲ့ကြပါတယ်... အဲ့မြို့ရောက်တဲ့အခါ သူတို့ငှားထားတဲ့အိမ်မှာ ဘယ်တုန်းထဲက မြှုပ်ထားမှန်းမသိတဲ့ ဂြိုလ်သားတွေနဲ့ပတ်သက်တဲ့ စက်ကိရိယာတခုကြောင့် ဂြိုလ်သားတွေ သူတို့အိမ်ထဲ ကျူးကျော်ဝင်ရောက်မှုတွေဖြစ်ပြီး လူသားတွေကို စိတ်ထိန်းချုပ်စက်တွေတပ်ဆင်ကာ ကမ္ဘာကြီးကို ကြီးစိုးဖို့ကြိုးစားပါတော့တယ်။ တွမ်ပီတာဆန်တို့မောင်နှမတသိုက် မိဘတွေမသိအောင် ကမ္ဘာကြီးကိုဘယ်လိုကာကွယ်ရင်း ဂြိုလ်သားတွေကိုဘယ်လိုနှိမ်နင်းကြမှာလဲ... သူတို့အချိန်မှီကာကွယ်နိုင်မလား ဂြိုလ်သားတွေကပဲ ကမ္ဘာကြီးကို ထိန်းချုပ်ဖို့ ဝင်ရောက်လာကြမလားဆိုတာကို ပရိတ်သတ်ကြီးက ဇာတ်ကားလေးကြည့်ရှူလိုက်ကြပါဦးနော်...] File size…(714 MB)  Format…mp4 Duration….01:25:47 Subtitle….Myanmar Subtitle (Hardsub) Translator…Sofy Encoder….Moe Myint Lwin