B.J. Novak ပါဝင်သော ဇာတ်ကားများ

The Devil Wears Prada 2 (2026) 4K HEVC +++++++++++ IMDb Rating (6.6) / Rotten Tomatoes (77%) ပထမကားထွက်ပြီး နှစ် ၂၀ အကြာမှာ အားလုံးက အရမ်းကို စောင့်မျှော်ခဲ့ရတဲ့ The Devil Wears Prada 2 ရုပ်ရှင်ကြီး ထွက်လာပါပြီ။ အရင်ကားက မူလသရုပ်ဆောင်တွေဖြစ်တဲ့ Meryl Streep, Anne Hathaway, Emily Blunt နဲ့ Stanley Tucci တို့ အကုန်ပြန်ပါလာတာမို့လို့ တကယ့်ကို အလွမ်းပြေစေမယ့် ကားလေးပါ။ ဇာတ်လမ်းအကျဉ်း ++++++++++++ ဒီကားမှာ အဓိကပြသွားတာက ခေတ်တွေပြောင်းသွားပြီး ဒစ်ဂျစ်တယ်မီဒီယာတွေ လွှမ်းမိုးလာတဲ့အချိန် ပုံနှိပ်မဂ္ဂဇင်းကြီးဖြစ်တဲ့ Runway ဘယ်လိုရုန်းကန်ရလဲ ဆိုတာပါပဲ။ ဇာတ်လမ်းစစချင်းမှာ အန်ဒီ (Andy) က သတင်းဌာနတစ်ခုမှာ အလုပ်လုပ်နေရင်း ရုတ်တရက် အလုပ်ပြုတ်သွားတယ်။ အဲဒီမှာ သူပြောခဲ့တဲ့ စကားတွေက အွန်လိုင်းမှာ နာမည်ကြီး ဖြစ်သွားရော။ တစ်ဖက်မှာလည်း မစ္စ မီရန်ဒါ (Miranda) က မဂ္ဂဇင်းကို ဆက်ရပ်တည်နိုင်ဖို့ အတော်လေး ခေါင်းခဲနေရတယ်။ ပိုဆိုးတာက သူ့ရဲ့ လက်ထောက်ဟောင်း အမ်မလီ (Emily) က အခုဆိုရင် Dior လို ဇိမ်ခံဘရန်းမှာ အမှုဆောင်အရာရှိကြီး ဖြစ်နေပြီး ကြော်ငြာကိစ္စတွေမှာ မီရန်ဒါနဲ့ အပြိုင်အဆိုင် ဖြစ်နေတာပါ။ အဲဒါနဲ့ Runway မဂ္ဂဇင်းရဲ့ နာမည်ကို ပြန်ဆယ်ဖို့ ဥက္ကဋ္ဌကြီးက အန်ဒီကို Feature Editor အနေနဲ့ ပြန်ခေါ်ခန့်လိုက်တယ်။ အန်ဒီ Runway ကို ပြန်ရောက်သွားတဲ့အချိန်မှာ မီရန်ဒါက သူ့ကို လုံးဝမမှတ်မိသလို ဟန်ဆောင်နေတာတွေ၊ လက်ထောက်အသစ်တွေနဲ့ အန်ဒီတို့ ဘယ်လိုတွေ အချင်းများကြမလဲ၊ အမ်မလီနဲ့ရော ဘယ်လိုတွေ ထိပ်တိုက်တွေ့ကြမလဲ ဆိုတာကို ရိုက်ပြထားတာပါ။ ဒီကားက ပထမကားလောက် အဆိပ်မပြင်းပေမဲ့ မူရင်းအငွေ့အသက်တွေ အပြည့်ပါပဲ။ ဖက်ရှင်တွေကတော့ ပြောစရာမလိုအောင် မိုက်တုန်းပဲ။ အန်ဒီနဲ့ အမ်မလီတို့ရဲ့ အချိတ်အဆက်တွေက ကြည့်ရတာ တော်တော်လေး သဘောကျစရာကောင်းတယ်။ ခေတ်သစ် အွန်လိုင်းမီဒီယာ အခက်အခဲတွေကိုပါ ထည့်ရိုက်ထားတာမို့လို့ ဇာတ်လမ်းက အသက်ဝင်ပါတယ်။ နည်းနည်းလေး ဟာတာကတော့ အန်ဒီရဲ့ အချစ်ရေးဇာတ်လမ်း အသစ်လေးက သိပ်ပြီး ဆွဲဆောင်မှုမရှိတာပါပဲ။ ဒါပေမဲ့ အရင်ကားကို ကြိုက်ခဲ့တဲ့ ပရိသတ်တွေအတွက်တော့ ကျေနပ်စရာ ကားကောင်းတစ်ကားပါ။ နာမည်ကြီး ဧည့်သည်သရုပ်ဆောင်များ: ဒီကားထဲမှာ Lady Gaga နဲ့ Donatella Versace တို့က Cameo အနေနဲ့ ပါဝင်သရုပ်ဆောင်ထားပါတယ်။ Lady Gaga ဆိုရင် 70s စတိုင် ဂါဝန်ကြီးဝတ်ပြီး မော်ဒယ်တွေ လမ်းလျှောက်တဲ့အချိန် သီချင်းတောင် ဆိုပြသွားသေးတယ်။ မီရန်ဒါနဲ့ နိုင်ဂျယ်လ် (Nigel) တို့ ပါတဲ့ အခန်းတစ်ခန်းကို အီတလီနိုင်ငံ၊ မီလန်ဖက်ရှင်ဝိခ် (Milan Fashion Week) က တကယ့် Dolce & Gabbana ပွဲမှာ သွားရိုက်ခဲ့တာပါ။ ဒေါ်လာ သန်း ၁၀၀ ပဲ အကုန်ခံရိုက်ခဲ့ပေမဲ့ ရုံတင်ဝင်ငွေ ဒေါ်လာ ၆၈၅.၅ သန်းအထိ ရခဲ့ပြီး ၂၀၂၆ ခုနှစ်ရဲ့ တတိယမြောက် ဝင်ငွေအကောင်းဆုံး ရုပ်ရှင်ဖြစ်ခဲ့ပါတယ်။ အမ်မလီရဲ့ ကောင်လေး Tech-bro အနေနဲ့ Justin Theroux က ပါဝင်ထားပြီး၊ မရန်ဒါရဲ့ လက်ထောက်အသစ် Amari နေရာမှာတော့ Bridgerton မင်းသမီး Simone Ashley က သရုပ်ဆောင်ထားပါတယ်။ ပထမကားကို 20th Century Fox က ထုတ်လုပ်ခဲ့တာဖြစ်ပြီး အခု အဲဒီစတူဒီယိုကို Disney က ဝယ်လိုက်ပြီဖြစ်ပေမဲ့ Runway မဂ္ဂဇင်းရဲ့ အငွေ့အသက်တွေကို မပျောက်ပျက်အောင် အကောင်းဆုံး ထိန်းသိမ်းပြီး ရိုက်ကူးထားနိုင်ခဲ့ပါတယ်။ လက်မလွတ်တမ်းကြည့်ရမဲ့ ဒရာမကားကောင်းတစ်ကားပါပဲ။ File Size… (5.54GB)/(1.70GB) / (958MB) Quality… WEB-DL 4K HEVC /1080p HEVC / 720p Format…mkv / mp4 Duration…1h 59m Genre ….Comedy , Drama Subtitle….Myanmar Subtitle (Hard Sub)

ဘန်ဟာ နာမည်ကြီး ပေါ့ဒ်ကတ်စ်ဂျာနယ်လစ်နဲ့ စာရေးဆရာတစ်ယောက်ပါ။ အချစ်ကို အယုံအကြည်မရှိဘဲ မိန်းကလေးတွေနဲ့ အပျော်တွဲတတ်တဲ့ သူ့ဆီကို တစ်ညမှာ ဖုန်းတစ်通 ဝင်လာတယ်။ အက်ဘ်လင်းဆိုတဲ့ မိန်းကလေးရဲ့အစ်ကိုက သူ့ညီမသေဆုံးသွားပြီဖြစ်လို့ ရည်းစားဖြစ်သူ ဘန်ကို ဈာပနလာပေးဖို့ ဆက်သွယ်လာတာပါ။ ဘန်ကတော့ အက်ဘ်လင်းနဲ့ သုံးခါလောက်ပဲ ချိန်းတွေ့ဖူးပြီး သူ့အကြောင်းကိုတောင် သိပ်မမှတ်မိတော့ပါဘူး။ ဒါပေမဲ့ အက်ဘ်လင်းရဲ့မိသားစုက သူ့ကို အရေးတကြီး ဖိတ်နေကြတာကြောင့် တက္ကဆက်ပြည်နယ်ထဲက အတော်ဝေးတဲ့ နေရာတစ်ခုအထိ သွားလိုက်တယ်။ ဈာပနအပြီးမှာ အက်ဘ်လင်းရဲ့အစ်ကိုက သူ့ညီမဟာ လူသတ်ခံရတာ ဖြစ်နိုင်တယ်လို့ ပြောလာပြီး တရားခံကို အတူရှာဖို့နဲ့ လက်စားချေဖို့ ဘန့်ကို တောင်းဆိုပါတယ်။ ဘန်က လူသတ်မှုလို့ မယုံပေမယ့် ဒီမိသားစုရဲ့ ရိုးအပုံတွေကို အသံဖမ်းပြီး ပေါ့ဒ်ကတ်စ်လုပ်ရင် လူကြိုက်များနိုင်တယ်လို့ တွေးမိတာကြောင့် အလိုက်သင့် လိုက်စုံစမ်းပေးတယ်။ ဇာတ်လမ်းထဲက တက္ကဆက်မှာတော့ လူသတ်မှု တကယ်ဖြစ်ရင်တောင် ဖော်ထုတ်ဖို့ မလွယ်ပါဘူး။ သေနတ်ထိတာဖြစ်ဖြစ်၊ ဓားနဲ့ခုတ်ခံရတာဖြစ်ဖြစ် ရဲတွေက မတော်တဆမှုအဖြစ်ပဲ သဘောထားပြီး ထူးထူးခြားခြား စုံစမ်းမနေကြဘူး။ အရေးပေါ်နံပါတ် ၉၁၁ ကို ဖုန်းဆက်ရင်လည်း အလေးအနက် မထားကြပါဘူး။ အသံလွှင့်ဖို့ ဇာတ်လမ်းရရုံလောက်သာ ရည်ရွယ်ခဲ့တဲ့ ဘန်ဟာ အဲဒီနေရာမှာ တကယ်လေးနက်တဲ့ ကိစ္စတွေနဲ့ ကြုံလာရပါတယ်။ ဘီဂျေ နိုဗက်က ဇာတ်ညွှန်းရေး၊ ဒါရိုက်တာလုပ်ပြီး ကိုယ်တိုင်ပါဝင်သရုပ်ဆောင်ထားတဲ့ ဟာသ၊ လျှို့ဝှက်ဆန်းကြယ်နဲ့ သည်းထိတ်ရင်ဖိုဇာတ်ကားဖြစ်ပြီး ဒဿနဆန်တဲ့ အကြောင်းအရာတွေလည်း ပါဝင်ပါတယ်။

The Founder (2016) IMDb Rating (7.2) / Rotten Tomatoes (80 %) ဒီဇာတ်ကားကတော့ ကမ္ဘာပေါ်မှာ မသိသူမရှိအောင် နာမည်ကြီးတဲ့ McDonald's ဟမ်ဘာဂါဆိုင် တည်ထောင်သူ Ray Kroc အကြောင်း ရိုက်ကူးထားတဲ့ဖြစ်ရပ်မှန် Biography ရုပ်ရှင်ကားကြီးဖြစ်ပါတယ် အသက်၅၂နှစ်အရွယ် ယောကျာ်းတစ်ယောက် အောင်မြင်မှုရဖို့ဘယ်လိုကြိုးစားခဲ့ရတယ်ဆိုတာကို ရိုက်ကူးတင်ဆက်ထားတာပါ.... အောင်မြင်ဖို့အတွက် အသက်အရွယ်တွေက အဓိကမကျနေပါဘူးဆိုတာ KFC နဲ့ McDonald တည်ထောင်သူတွေကိုကြည့်ရင် အားကျမိမှာမလို့ ဒီလိုဇာတ်ကားတွေကို လူတိုင်းကြည့်ရှုသင့်ပါတယ်။ File size…(1.6 GB )/(950 MB)  Quality….BluRay 1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung Trasnlated by Kaung Myat Thu

ဒီဇာတ်ကားက ကျွန်တော် အရမ်းကြိုက်ခဲ့တဲ့ Spider-Man ကာတွန်းဇာတ်လမ်းထဲက ဇာတ်လမ်းတစ်ချို့ကို အခြေခံပြီး ရိုက်ကူးထားသလို၊ Visual Effect ကလည်း အရမ်းကောင်းပါတယ်။ ဒါ့အပြင် Spider-Man Web ပစ်ပြီး လေထဲမှာ သွားတဲ့ အခန်းတွေက တကယ် ကြည့်လို့ကောင်းပြီး၊ Electro နဲ့ ရင်ဆိုင်တဲ့ အခန်းမှာလည်း Slow Motion ကို လိုအပ်သလောက် ထည့်ပြီး ပညာသား ပါပါ အသုံးပြုသွားပါတယ်။ Superheros ရုပ်ရှင် ကားတွေထဲမှာ လက်ရှိအချိန်ထိ ကျွန်တော့် အကြိုက်ဆုံး ဇာတ်ကားတွေကThe Dark Knight နဲ့ Avengers တို့ဖြစ်ပါတယ်။ ဒီကားက အဲ့ဒီ နှစ်ကား လောက် စိတ်လှုပ်ရှားမှုမပေးနိုင်သလို၊ ဇာတ်ရှိန် အတက်အကျမကောင်းပေမယ့်၊ လက်ရှိအချိန်မှာတော့ အကောင်းဆုံး Spider-Man ကားလို့ တောင် ပြောလို့ရပါတယ်။ Original Spider-Man 2 ဇာတ်ကားထက်တောင် မှ အများကြီးသာလွန်နေပြီး၊ Captain America ထက် ပိုကြိုက်ပါတယ်။ ဒါပေမယ့် ကျွန်တော်ပြောခဲ့သလို၊ ဇာတ်လမ်းက ဇာတ်ရှိန် အတက်အကျ မမှန်ပါဘူး။ အထူးသဖြင့် Peter နဲ့ Gwen တို့နဲ့ အချစ်ဇာတ်လမ်းက ကလေး ကစားသလိုဖြစ်နေပါတယ်။ ပရိတ်သတ်တစ်ချို့က ဒီအချစ်ဇာတ်လမ်းမလိုဘူး လို့ထင်ပေမယ့် တကယ်တော့ Spider-Man ဇာတ်လမ်းမှာ အချစ်ဇာတ်လမ်း လိုကို လိုပါတယ်။ သူက လူတွေကို ကယ်တင်နေရင်းနဲ့ တဖက်ကလည်း ချစ်သူနဲ့ တွဲသင့် မတွဲသင့် အမြဲ တမ်းကြုံတွေ့ရသလို၊ ရန်သူတွေက သူ့ချစ်သူကို အန္တရာယ်ပေးမှာ လည်း တွေးပူရပါတယ်။ ဒီကားက အဲ့ဒီအချက်ကို ထည့်ပေးထားပေမယ့် တစ်ချို့အခန်းတွေက သာမန် Drama ကားတွေလောက် တောင် မကောင်းဘူးဖြစ်နေပါတယ်။ ဒါပေမယ့် ကျွန်တော်က ကျန်တဲ့ အချက်အားလုံးနီးပါးကို သဘောကျပါတယ်။ ဒီကားမှာ Electro ကို အဓိက ရန်သူအဖြစ် မိတ်ဆက်သွားပြီး၊ သူ့ရဲ့ Transformation ကလည်း အရမ်းကောင်းပါတယ်။ ကာတွန်းထဲက နဲ့ မတူပေမယ့် ကာတွန်းထဲက Origin ထက်ပိုပြီး ကြည့်လို့ကောင်းပါတယ်။ အထူးသဖြင့် Oscorp နဲ့ ဗီလိန်အား လုံး ချိတ်ဆက်ပေးထားပြီး Sinister Six ကို သွားနေတဲ့ ပုံစံလည်း ဖြစ်ပါတယ်။ ဒီကားက အက်ရှင် ဇာတ်ကွက်တော့ အနည်းပဲပါပြီး၊ သာမန်ပရိတ်သတ်ကို စိတ်ကြေနပ်မှု သိပ်မပေးနိုင်ခဲ့ ပါဘူး။ ဘာလိုလည်းဆိုတော့ သူတို့က နောက်ထပ် ဇာတ်ကားတွေအတွက် ပြင်ဆင်နေလို့ပဲဖြစ်ပါတယ်။ အထူး သဖြင့် Andrew Garfield ကို နောက်ထပ် ၂ ကားထပ်ရိုက်ဖို့ စာချုပ်ချုပ်ပြီးသွားပြီလို့လည်း သိရပါတယ်။ (ဇာတ်လမ်းအညွှန်းကိုတော့ ရုပ်ရှင်မိတ်ဆက် Movie Review မှကူးယူဖော်ပြထားတာဖြစ်ပါတယ်။) File size…(4.8 GB)/(2.4 GB)/(1.3 GB) Quality….BluRay 4K HEVC/ DS4K 1080p HEVC / 720p Format…mkv/mp4 Duration….02:21:34 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

The Smurfs 2 (2013) ဇာတ်လမ်းအကျဉ်း မကောင်းဆိုးဝါး မှော်ဆရာ "ဂါဂါမယ်လ်" ရဲ့ ဖန်တီးမှုတစ်ခုဖြစ်ခဲ့ပေမဲ့ "ပါပါးစမာ့ဖ်" ရဲ့ မေတ္တာကြောင့် စစ်မှန်တဲ့ စမာ့ဖ်အပြာလေး ဖြစ်လာခဲ့သူကတော့ "စမာ့ဖ်ဖက်" ပဲ ဖြစ်ပါတယ်။ တစ်နေ့မှာတော့ စမာ့ဖ်ဖက်ဟာ သူမရဲ့ မွေးနေ့မှာ ကိုယ့်ကိုယ်ကိုယ် ဘယ်သူဘယ်ဝါလဲဆိုတာ သံသယဝင်ပြီး စိတ်အားငယ်နေချိန်မှာပဲ ဂါဂါမယ်လ်က မကောင်းတဲ့ ကိစ္စတစ်ခုကို စတင်လိုက်ပါတယ်။ ဂါဂါမယ်လ်ဟာ စမာ့ဖ်တွေကို ထုတ်ယူပြီး တစ်ကမ္ဘာလုံးကို စိုးမိုးနိုင်ဖိုအတွက် "လူဆိုးလေးများ" လို ခေါ်တဲ့ သတ္တဝါအသစ်တွေကို ဖန်တီးခဲ့ပါတယ်။ ဒါပေမဲ့ အဲဒီလူဆိုးလေးတွေကို စစ်မှန်တဲ့ စမာ့ဖ်အပြာရောင် ပြောင်းလဲပေးနိုင်မယ့် လျှိဝှက်မှော်ဆေးနည်းကို စမာ့ဖ်ဖက် တစ်ယောက်တည်းသာ သိရှိထားတာကြောင့် ဂါဂါမယ်လ်ဟာ စမာ့ဖ်ဖက်ကို ပဲရစ်မြိုဆို ပြန်ပေးဆွဲ ခေါ်ဆောင်သွားခဲ့ပါတယ်။ ဒီလိုနဲ့ ပါပါးစမာ့ဖ်နဲ့ စမာ့ဖ်အဖွဲဝင်တွေဟာ သူတိုရဲ့ မိတ်ဆွေ "ပက်ထရစ်" တို မိသားစုနဲ့ ပူးပေါင်းပြီး စမာ့ဖ်ဖက်ကို ကယ်တင်ဖို ပဲရစ်မြိုကြီးဆီ ဦးတည်ထွက်ခွာလာကြပါတယ်။ စမာ့ဖ်ဖက်တစ်ယောက် ဂါဂါမယ်လ်ရဲ့ လှည့်ကွက်တွေကြားမှာ လမ်းမပျောက်ဘဲ စမာ့ဖ်အဖွဲနဲ့ ပြန်လည်ပေါင်းစည်းနိုင်မလား၊ စမာ့ဖ်အဖွဲရဲ့ စွန့်စားခန်း ကယ်ဆယ်ရေးအစီအစဉ် ဘယ်လိုအောင်မြင်သွားမလဲဆိုတာကို ရသစုံလင်စွာ ကြည့်ရှုရမှာပဲ ဖြစ်ပါတယ်။

Billy McMahon နဲ့ Nick Campbell တို့ဟာ အရောင်းပိုင်းမှာ ကျွမ်းကျင်ပြီး အလုပ်ကြိုးစားကြတဲ့သူတွေပါ။ ကိုယ့်ဘဝ အခြေတကျရှိနေပြီလို့ ထင်ထားကြပေမယ့် သူတို့အလုပ်လုပ်တဲ့ နာရီကုမ္ပဏီက လုပ်ငန်းဖျက်သိမ်းလိုက်တာကိုတောင် မသိလိုက်ကြဘူး။ အသက်ကြီးမှ အလုပ်သစ်ပြန်ရှာရတဲ့အခါ အဆင်မပြေတဲ့ အလုပ်ရှင်တွေနဲ့ပဲ တွေ့နေရလို့ Billy က အင်တာနက်ပေါ်ကနေ အလုပ်ရှာဖို့ ဆုံးဖြတ်လိုက်ပါတယ်။ Google သုံးပြီး အလုပ်ရှာနေရာက Google ကိုယ်တိုင် အလုပ်သင်ခေါ်ထားတာကို တွေ့သွားတယ်။ အမြဲတမ်းအလုပ် မဟုတ်သေးပေမယ့် စိန်ခေါ်မှုအသစ်ကို စမ်းရင်ဆိုင်ကြည့်ဖို့ Billy က တိုက်တွန်းတော့ Nick လည်း စိတ်ပါလာပါတယ်။ နည်းပညာနယ်ပယ်မှာ အတွေ့အကြုံမရှိ၊ အသက်ကလည်း ကြီးနေပြီဖြစ်ပေမယ့် အွန်လိုင်းအင်တာဗျူးမှာ သမားရိုးကျမဟုတ်တဲ့ သွက်သွက်လက်လက်အဖြေတွေ ပေးနိုင်ခဲ့လို့ နှစ်ယောက်လုံး အလုပ်သင်အဖြစ် ရွေးချယ်ခံလိုက်ရတယ်။ Google ကို ရောက်တော့ အရင်က သိပ္ပံစိတ်ကူးယဉ်ဝတ္ထုတွေထဲမှာပဲ တွေ့ဖူးတဲ့ နည်းပညာတွေကို သူတို့ရှေ့မှာ မြင်ရပါတယ်။ လုပ်ငန်းခွင်ထဲက အရာတွေကို အခမဲ့သုံးနိုင်ပြီး အနားယူချိန်မှာလည်း သက်တောင့်သက်သာ နေနိုင်တာကြောင့် နှစ်ယောက်လုံး သဘောကျနေကြတယ်။ ဒါပေမဲ့ ဒီမှာ အလုပ်ရဖို့က မသေချာသေးပါဘူး။ အလုပ်သင်တွေကို အဖွဲ့ခွဲပြီး ယှဉ်ပြိုင်ခိုင်းမှာဖြစ်သလို အနိုင်ရတဲ့အဖွဲ့ကသာ အလုပ်ရဖို့ အာမခံချက်ရှိတာပါ။ သူတို့နဲ့အတူ ဝင်လာသူအများစုက တက္ကသိုလ်ပြီးကာစ လူငယ်တွေဖြစ်ပြီး အသက်အရွယ်ကြောင့် သူတို့နှစ်ယောက်ကို ဘယ်သူမှ အဖွဲ့ထဲမခေါ်ချင်ကြဘူး။ နောက်ဆုံးမှာ တခြားအဖွဲ့တွေက မရွေးတဲ့သူတွေချည်း တစ်ဖွဲ့တည်း စုမိသွားပါတယ်။ အဲဒီအဖွဲ့မှာ ဖုန်းကိုပဲ အာရုံစိုက်နေတဲ့ Stuart၊ အိမ်မှာပဲ စာသင်ခဲ့ဖူးလို့ ပြင်ပလောကနဲ့ အခုမှ ထိတွေ့ရတဲ့ Yo-Yo၊ ပေါက်ကရတွေးတတ်တဲ့ Neha တို့ ပါလာတယ်။ အဖွဲ့ခေါင်းဆောင်ကတော့ ကိုယ့်ကိုယ်ကိုယ် စိတ်မလုံခြုံလို့ အမြဲတက်ကြွနေသလို ဟန်ဆောင်တတ်တဲ့ Google ဝန်ထမ်းငယ် Lyle ပါ။ Nooglers လို့ခေါ်ကြတဲ့ ဒီအလုပ်သင်တွေဟာ အဖွဲ့အလိုက် တာဝန်တွေကို လက်ခံလုပ်ဆောင်ရမှာဖြစ်ပြီး Mr. Chetty က သူတို့ကို အကဲဖြတ်ပေးမှာပါ။ အဖွဲ့တွေရဲ့ လှုပ်ရှားမှု၊ အားကစားနဲ့ နည်းပညာပိုင်း ကျွမ်းကျင်မှုတွေကို သူက စောင့်ကြည့်နေပါတယ်။ မတူတဲ့ပတ်ဝန်းကျင်တွေက လာကြပြီး လူတွေနဲ့ အဆင်ပြေအောင် ပေါင်းသင်းဖို့လည်း ခက်နေတဲ့ ဒီအဖွဲ့အတွက် ဘာအခက်အခဲတွေ ကြုံရမလဲ။ Billy နဲ့ Nick တို့ကလည်း သူတို့ထက် ငယ်ရွယ်ထက်မြက်ပြီး အင်အားသာတဲ့ ပြိုင်ဘက်တွေကို ဘယ်လိုယှဉ်ပြိုင်ကြမလဲ။ ဒါရိုက်တာ Shawn Levy ရိုက်ကူးထားပြီး Vince Vaughn နဲ့ Owen Wilson တို့ အတူပါဝင်တဲ့ တတိယမြောက် ဟာသဇာတ်ကားဖြစ်ပါတယ်။ လူမှုဘဝဟာသတွေနဲ့ Google ရဲ့ လူသစ်စုဆောင်းမှုကို ပေါင်းစပ်ထားပေမယ့် Google ကို ပုံရိပ်မြှင့်တင်ပေးတာ များလွန်းပြီး ကြော်ငြာဆန်တယ်ဆိုတဲ့ ဝေဖန်မှုတွေလည်း ရှိခဲ့ပါတယ်။

ကြည့်ဖူးတဲ့သူကတော့ ဒီပုံလေးမြင်တာနဲ့ မှတ်မိမှာပါ။ အာဏာရှင် ကင်ဂျုံအီ၊ ကဒါဖီ တို့ကိုအခြေခံပြီး ဇာတ်ကောင်ဖန်တီးရိုက်ကူးခဲ့တဲ့ နိုင်ငံရေးသရော်တဲ့ ဟာသကားပါ။ ဒီကားထဲက အာဏာရှင် ဗိုလ်ချုပ်ကြီး အလာဒန် ဟာ နယူးယောက်ခ် ကုလအစည်းအဝေးကို လာတက်စဉ်မှာ ပြန်ပေးဆွဲခံလိုက်ရပြီး သူ့နေရာကို ပုံစံတူလူစားထိုးခံလိုက်ရပါတယ်။ ရည်ရွယ်ချက်ကတော့ သစ္စာဖောက်ဦးလေးဟာ နိုင်ငံကိုဒီမိုကရေစီအဖြစ်ပြောင်းလဲပြီး ကိုယ်ကျိုးအတွက်စီးပွားရေးလုပ်ဖို့ပါပဲ။ ဘယ်သူမှမမှတ်မိတော့တဲ့ အလာဒန်တစ်ယောက် အခက်ခဲတွေကြားထဲကစွန့်စားပြီး သူ့နိုင်ငံကြီး ဒီမိုကရေစီမရဖို့အရေး သက်စွန့်ကြိုးပမ်းဆောင်ရွက်လာရတဲ့အခါမှာတော့..... File size…(1.6 GB)/(910 MB) Quality….Webrip 1080p / 720p Format…mp4 Duration….01:46:00 Genre...  Comedy  Subtitle….Myanmar Subtitle (Hardsub) Encoder….Swan Min Htet Translated by Htet Lin Kyaw

IMDb - 5.4 2011 တုန်းက ထွက်ရှိခဲ့တဲ့ Smurfs ရုပ်ရှင်က ၃ကားထွက်ရှိခဲ့တဲ့ film serieထဲ ပထမဆုံးကားဖြစ်ပါတယ်။ Neil Patrick Harris,Sofia Vergaraတို့လို နာမည်ကြီးတွေ ပါဝင်ပြီး Hank Azariaက မှော်ဆရာကြီး Gargamelအဖြစ်သရုပ်ဆောင်ထားပါတယ်။ဇာတ်လမ်းအကျဥ်းကတော့ အပြာရောင်မှော်ဝင်သတ္တဝါလေးတွေဖြစ်တဲ့ Smurfsလေးတို့ရွာကို မှော်ဆရာကြီး Gargamelက လိုက်ဖျက်ဆီးလို့ထွက်ပြေးရင်းနဲ့ မတော်တဆ လူ့ကမ္ဘာရဲ့portalပွင့်သွားပြီး NewYorkမြို့ကိုရောက်ရှိသွားပါတယ်။အိမ်ပြန်နိုင်ဖို့ကြိုးစားရင်း Patrickဆိုသူရဲ့ အကူအညီနဲ့ Gargamelရဲ့ အနှောင့်အယှက်တွေကြားထဲကဘယ်လိုဆက်ဖြစ်မလဲကြည့်ရမှာပါ။ ကလေးကားဆိုပေမယ့် ဟာသနဲ့ adventureကြိုက်တဲ့လူကြီးတွေလည်းအကြိုက်တွေ့မှာပါ။ပျော်ဖို့လည်းကောင်းပြီး လေးလေးပင်ပင်တွေမကြိုက်တဲ့သူတွေဆိုကြိုက်လောက်မယ့် feel-good movieလေးဖြစ်ပါတယ်။ File size…(2.4 GB)/(1.4 GB) Quality….Webrip 1080p / 720p Format…mp4 Duration….01:43:00 Genre...Animation, Family, Adventure, Comedy, Fantasy Subtitle….Myanmar Subtitle (Hardsub) Encoder….Mr. Anderson Translated by Hsu Hlyann Ni

Rotten Tomatoes 89% IMDb 8.3/10 ရရှိထားပြီး အော်စကာ ၁ ဆုနဲ့ အခြားသော ဆုပေါင်း ၁၂၄ ဆုရရှိခဲ့တဲ့ ၂၀၀၉ ခုနှစ်ထွက် ဟစ်တလာ လုပ်ကြံရေး ဇာတ်ကားကောင်း တစ်ကားကို CM ပရိသတ်ကြီးအတွက် တင်ဆက်ပေးလိုက်ပါတယ်။ ဒုတိယကမ္ဘာစစ်ရဲ့ အစပိုင်း ပြင်သစ်ကို နာဇီတို့ သိမ်းပိုက်ထားချိန်ကာလ..... နာဇီတွေကို တန်ပြန်သုတ်သင်ဖို့အတွက် မဟာမိတ် တွေဟာ လျှို့ဝှက် တပ်ဖွဲ့တစ်ခုကို ဖွဲ့စည်းဖို့ လက်ဖတင်နင် Aldo Raine (Brad Pitt)ကို တာဝန်ပေးခဲ့ပါတယ်။ Aldo ဟာ Basterds လို့ခေါ်တဲ့ ဂျူး ကပြားတွေ အများအပြားပါဝင်တဲ့ တပ်ဖွဲ့ကိုဖွဲ့စည်းပြီး ဟစ်တလာရဲ့ နားရွက်ကို တံတွေးစွတ်ပါတော့တယ်။ Basterds တွေဟာ နာဇီမှန်သမျှရက်ရက်စက်စက်သတ်ပြီး ဦးခေါင်းရေကို ခွါယူလေ့ရှိပါတယ်။သူနဲ့သူ့လူတွေဟာ ဟစ်တလာကို လုပ်ကြံဖို့ ဗြိတိသျှတို့ရဲ့သူလျှို၊ဂျာမန် နာမည်ကြီးမင်းသမီး Bridget von Hammersmark(Diane Kruger)နဲ့ပူးပေါင်းပြီး ကီနို စစ်ဆင်ရေးကို အကောင်အထည်ဖော်ဖို့ ကြိုးပမ်းကြပါတော့တယ်။ အဲဒီအချိန်မှာပဲ နာဇီတွေ သုတ်သင်ခဲ့တဲ့ ဂျူးမိသားစုတစ်ခုက ထွက်ပြေးလွတ်မြောက်ပြီး နာဇီတွေကို လက်စားချေဖို့ကြိုးစားနေတဲ့ ရုပ်ရှင်ရုံပိုင်ရှင် ဂျူး မိန်းမလှလေး Shosanna Dreyfus(Mélanie Laurent) ကလည်း သူ့လက်စားချေမှုကို အကောင်အထည်ဖော်ဖို့ အခွင့်အရေးတစ်ခုကို အမှတ်မထင် ရရှိလာပါတယ်။ ဒီလို အခြေအနေမှာပဲ Jews Hunter လို့နာမည်ကြီးပြီး ကောက်ကျစ်စဉ်းလဲပြီး ဉာဏ်များတတ်တဲ့၊ ကာနယ် Hans Landa (Christoph Waltz) ဟာ ဒီလုပ်ကြံမှုကို ဘယ်လိုမျိုး တားဆီးကာကွယ်မလဲ။ Basterds တွေရဲ့ ကံကြမ္မာနဲ့ ဟစ်တလာရဲ့ ကံကြမ္မာဟာ ဘယ်သူ့အပေါ်မှာ မူတည်မလဲ? လုပ်ကြံမှုကရော အောင်မြင်မလား.... ကျဆုံးမလား ဆိုတာကို ရင်သပ်ရှုမောနဲ့ ကြည့်ရှုရမှာပါ။ ဒီဇာတ်ကားဟာ ဇာတ်လမ်း ဇာတ်အိမ်နဲ့ ဇာတ်ရုပ်တွေကို အများနဲ့မတူအောင် ခွဲထွက်ရိုက်ကူးတဲ့ နေရာမှာ နာမည်ကျော်တဲ့ အော်စကာဆုအပြင် အခြားဆုတွေအများကြီး ရထားတဲ့ ဒါရိုက်တာ Quentin Tarantino ရဲ့ လက်ရာပါ။ ဇာတ်လမ်း၊ သရုပ်ဆောင်မှု နဲ့ ရိုက်ကူးတင်ပြမှုတွေအရမ်းကောင်းတာကြောင့် ကြာမြင့်ချိန် ၂ နာရီခွဲကို ဆိမ့်နေအောင် ကျကျနနခံစားကြရမှာပါ။ (ရုပ်ရှင်အညွှန်းနဲ့ဘာသာပြန်ကို Kaung Thant Sin မှတင်ဆက်ထားပါတယ်။) 4K Quality ကိုတော့ ကာလာပိုလှတဲ့ HDR Version နဲ့ တင်ဆက်ထားတာမလို့ 4K ဖိုင်ကို HDR Play နိုင်တဲ့ ခေတ်ပေါ် Device များသာကြည့်ရှုလို့ရမှာဖြစ်ပြီး 1080p နဲ့ 720p ဖိုင်တွေကိုတော့ ပုံမှန်အတိုင်း ကြည့်ရှုလို့ရပါတယ်ခင်ဗျာ။ File size…(5.3 GB)/ (2.2 GB)/(1.1 GB) Quality….BluRay V2 4K HDR/1080p HEVC/720p Format…mkv/mp4 Duration….02:32:53 Subtitle….Myanmar Subtitle(Hardsub) Encoder….Ka Naung Translated by Kaung Thant Sin

A man who lost his family in the September 11 attack on New York City runs into his old college roommate. Rekindling the friendship is the one thing that appears able to help the man recover from his grief.

IMDb 6.9 Rotten Tomatoes 89% Comedy ဇာတ်ကားတစ်ကား ဒီလောက် Rating မြင့်မားနေရင် မှတ်ထားလိုက်ပါတော့...ရှယ်ကောင်းလို့ပါပဲ။ မင်းသား Seth Rogen ,Paul Rudd,Jonah Hill,Jay Baruchel တို့လို ဟာသသရုပ်ဆောင်တွေမြိုင်ဆိုင်သလို မင်းသမီး Katherine Heigl,Leslie Mann တို့ဆိုတာကလဲ ဒီလိုဇာတ်ကားနဲ့ သိပ်လိုက်ဖက်လှတာပေါ့။ ဇာတ်လမ်းကလဲ R Rated ဆိုတဲ့အတိုင်း တကယ့်ဗရုတ်သုတ်ခပါပဲ... မူးမူးရူးရူးနဲ့ ဖြစ်မိတဲ့ တစ်ညတာ one night stand က မထင်မှတ်ဘဲ ကိုးလလွယ်ဆယ်လအထိကြာ‌အောင်ခံရမယ့် ဒုက္ခအဖြစ်သို့ ပြောင်းလဲသွားသောအခါ..... အယ်လီဆင် စကော့ ဟာ ရုပ်မြင်သံကြားဌာနတစ်ခုမှာ အလုပ်လုပ်နေတဲ့ ရည်မှန်းချက်ကြီးကြီး အိပ်မက်လှလှလေးတွေမက်နေတဲ့ မိန်းမပျိုလေးပါ ။ တစ်နေ့မှာတော့ အထက်လူကြီးတွေက သူ့ကို ရာထူးတိုးပေးလိုက်တော့ ပျော်လွန်းလို့ သူ့အစ်မ ဒက်ဘီ နဲ့အတူ ကလပ်တစ်ခုမှာ သွားပြီး အောင်ပွဲခံပါတော့တယ်။ အဲဒီမှာ ဘန် ဆိုတဲ့ကောင်လေးနဲ့ ဆုံမိကြပါတယ်။ ဘန် ကတော့ ဆေးခြောက်ပုံမှန်သုံးစွဲလေ့ရှိတဲ့ သူငယ်ချင်းတစ်စုနဲ့ အတူနေတဲ့ ငပျင်းတစ်ကောင်ပါပဲ။ တကယ်ဆိုရင် သူက အမေရိကန်မဟုတ်ဘူး။ ကနေဒါကနေ တရားမဝင် လာနေနေတာ။ တရားမဝင်နေတော့ အခွန်ဆောင်စရာမလိုတော့ဘူးပေါ့ဗျာ တဲ့။ ဆောင်ရအောင်လည်း သူ့မှာ ပိုက်ဆံမှမရှိဘဲ။ သူ ကျောင်းသားဘဝတုန်းက စာပို့ကားတက်ကြိတ်တာခံရလို့ အစိုးရက သူ့ကို လျော်ကြေး ဒေါ်လာ တစ်သောင်းလေးထောင် ပေးဖူးသတဲ့။ဘာမှမလုပ်ဘဲ အဲဒါကိုထိုင်စားလာတာ ဆယ်နှစ်ကျော်ပြီတဲ့။ ခုတောင် လက်ထဲ ဒေါ်လာကိုးရာလောက် ကျန်သေးတယ်ဆိုပဲ။ သူက ဆေးခြောက်နဲ့ စပါဂက်တီခေါက်ဆွဲဖိုးလောက်ပဲ ကုန်စရာရှိတာကိုး။ သူ့ဘော်ဒါတွေကလည်း သူနဲ့ထူးမခြားနားပါပဲ။ ဒီလောက်ဆိုရင် အယ်လီဆင် နဲ့ ဘန် တို့ဟာ ဘယ်လောက်ခြားနားတဲ့ အနေအထားရှိတယ်ဆိုတာ သိသာပါတယ်။ ဒါပေမဲ့ ဆန်းကြယ်တဲ့ကံတရားနဲ့ ဆန်းကြယ်သောစိတ်ကူးရှိသူ ဇာတ်ညွှန်းရေးဆရာကြီးတို့ရဲ့အလိုအရ သူတို့နှစ်ယောက် ဆုံဖြစ်အောင်ဆုံမိသွားကြပါတယ်။ သို့သော်လည်း one night stand က one nightနဲ့ ရပ်လို့မရဘဲ long-standingကိစ္စ ဖြစ်လာတဲ့အခါ နှစ်ယောက်လုံး တိုင်တွေပတ်ကုန်ကြပါတော့တယ်။ ဒီဇာတ်ကားမှာ နာမည်ကျော်ဟာသသရုပ်ဆောင်တွေ တပြုံကြီးပါဝင်ထားသလို ဧည့်သည်သရုပ်ဆောင် နာမည်ကျော်များကလည်း မထင်မှတ်တဲ့နေရာတွေကနေ အကွက်စေ့စေ့ ပါဝင်သရုပ်ဆောင်ထားကြပါတယ်။ Ratingကောင်းတွေ ရရှိခဲ့သလို ဝင်ငွေအရလည်း ဘတ်ဂျက် 25 millionsမှာ ဝင်ငွေ 219 millionsရရှိခဲ့တဲ့အတွက် စီးပွားရေးအရပါ အောင်မြင်တဲ့ကား ဖြစ်ခဲ့ပါတယ်။ ဒီဇာတ်ကားထဲမှာ ဇာတ်ကောင်တွေပြောတဲ့ ပြောစကားတွေထဲမှာ အမေရိကန်တွေ အနောက်တိုင်းသားတွေသာ ချက်ချင်းနားလည်မယ့် စကားလုံး၊စကားရပ်တွေ အသုံးအနှုန်းတွေအများအပြားပါဝင်နေပါတယ် ။ အထူးသဖြင့်တော့ Hollywood movie quotesတွေပေါ့။ သူတို့ပြောစကားထဲက နာမည်တွေလိုက်ပြီး Googlingလုပ်ရင်တောင် ဗဟုသုတ အတော်ပွားနိုင်စရာ ရှိပါတယ်။ ဇာတ်လမ်းကလည်း ရယ်ရရုံ ပျော်ရရုံသက်သက် မကဘဲ အိမ်ထောင်ရေးပဋိပက္ခတွေဖြစ်ရတဲ့ ဇစ်မြစ်၊ ကိုယ့်အတ္တနဲ့ တဖက်သားကို ဇွတ်ပြောင်းလဲလာအောင် ဖိအားပေးတတ်တဲ့စိတ်မျိုးတွေ ၊ တာဝန်ယူမှု တာဝန်ခံမှုဆိုတာ ဘယ်လောက်အရေးကြီးသလဲဆိုတာတွေကို သင်ခန်းစာယူနိုင်ကြပါလိမ့်မယ်။ ကြည့်ရှုခံစားပျော်ရွှင်နိုင်ကြပါစေ။ Unrated Version နဲ့တင်ဆက်ထားတာမို့ တချို့အခန်းတွေမှာတော့ မိသားစုနဲ့ကြည့်ဖို့သင့်တော်မှာမဟုတ်ပါဘူး။ (ရုပ်ရှင်အညွှန်းနဲ့ဘာသာပြန်ကို Thaman Myint မှ တင်ဆက်ထားပါတယ်။) File size…(2.6 GB)/(1 GB) Quality….BluRay Unrated 1080p / 720p Format…mkv Duration….02:12:57 Subtitle….Myanmar Subtitle (Hardsub) Encoder….Nyeinsaeya Aung Translated by Thaman Myint