Bebe Neuwirth ပါဝင်သော ဇာတ်ကားများ

Don't Say Good Luck (2026) ++++++++++ ဆိုဖီဟာ ဂီတပြဇာတ်ကို ရူးသွပ်တဲ့ ဆယ်ကျော်သက်အရွယ်ကျောင်းသူလေးတစ်ယောက်ဖြစ်ပါတယ်။ သူ့ရဲ့အစွမ်းအစကို ချပြခွင့်ရဖို့ ကျောင်းဂီတပြဇာတ်တစ်ခုမှာ ဇာတ်ပို့နေရာက လူရွေးခံခဲ့ပေမဲ့ ဆိုဖီရဲ့ အရည်အချင်းကို အသိအမှတ်ပြုတဲ့ ဆရာမက ဆိုဖီ့ကို အဓိကဇာတ်ကောင်နေရာအတွက် ရွေးချယ်ခဲ့ပါတယ်။ ကျောင်းမှာ သတင်းကောင်းရှိနေပေမဲ့ အိမ်မှာတော့ ဆိုဖီ့အမေရဲ့ ကင်ဆာရောဂါက ပြန်ထလာပြီဆိုတဲ့ သတင်းဆိုးကြီးက စောင့်မျှော်နေခဲ့ပါတယ်။ မိခင်ဖြစ်သူဟာ သမီးဖြစ်သူရဲ့ ဂီတပြဇာတ်အပေါ် ရူးသွပ်မှုကို သိတာကြောင့် သူ့ရဲ့ဝါသနာနောက်ကိုပဲ ဆက်လိုက်ဖို့ တိုက်တွန်းခဲ့ပါတယ်။ ဒီလိုနဲ့ ဆိုဖီဟာ လက်တွေ့ဘဝဇာတ်ခုံမှာတစ်လှည့် စင်ဇာတ်ခုံပေါ်မှာ တစ်လှည့် ကြိုးစားရုန်းကန်ရတဲ့ အခြေအနေကို ရောက်ရှိသွားပါတော့တယ်။ မိခင်မေတ္တာ မိသားစုသံယောဇဉ်ကို ထိထိမိမိ ဖော်ညွှန်းထားတဲ့ ဇာတ်လမ်းကောင်းလေး တစ်ပုဒ်ပဲ ဖြစ်ပါတယ်... File Size… (1.81GB) / (894MB) Quality… WEB-DL 1080p HEVC / 720p Format…mkv / mp4 Duration…1h 36m Genre ….Comedy, Music, and Drama Subtitle….Myanmar Subtitle (Hard Sub)

စပိုက်ဒါမန်းနိုးဝေးဟုမ်းမှာ မပါပါဘူးဆိုတဲ့ လူလိင်ကြီး အန်ဒရုး ဂါဖီးရဲ့ Musical ရုပ်ရှင်အသစ်ထွက်ပါပြီ။ တိုနီဆုရှင် ပူလစ်ဇာဆုရှင် အမေရိကန် တေးရေးဆရာ ဂျိုနသန်လာဆန်ရဲ့ အကြောင်း ဖြစ်ရပ်မှန်ကို ရိုက်ကူး ထားတာဖြစ်ပါတယ်။ အန်ဒရူးရဲ့ အော်စကာနဲ့တောင်တန်တဲ့ သရုပ်ဆောင်ချက်တွေကို ထပ်ပြီးတွေ့ရဦးမှာပါပဲ။ ဇာတ်လမ်းအကျဉ်း ဂျိုနသန်ဟာ အသက်သုံးဆယ်ပြည့်တော့မှာဖြစ်ပြီး နာမည်ကျော် ပြဇာတ်ဂီတတေးရေးဆရာဖြစ်ဖို့ ကြိုးစားနေတဲ့ သူတစ်ယောက်ဖြစ်ပါတယ်။ သူ့ဆီမှာ နာမည်ကြီး ပရိုဂျူဆာ ဒါရိုက်တာများစွာရဲ့ ငြင်းပယ်စာတွေလည်း ရှိပြီးနေပါပြီ။ သူ ရှစ်နှစ်တိတိအချိန်ယူရေးသားထားတဲ့ ပြဇာတ်သီချင်းနဲ့ ဘရော့ဝေးပြဇာတ်ရုံမှာ ဖျော်ဖြေခွင့်ရဖို့ ကြိုးစားနေဆဲပါပဲ။ ဒါပေမဲ့ သူ့မှာ မီတာခ နဲ့ စားစရာတောင် အနိုင်နိုင်ဖြစ်နေပါပြီ။ ချမ်းသာတာဆိုလို့ သူငယ်ချင်းကောင်းတစ်ယောက်နဲ့ ချစ်သူတစ်ယောက်ပဲ ကျန်ပါတော့တယ်။ ဒီလိုအခြေအနေကနေ သူ့အိပ်မက်တွေကို မလျှော့တမ်းဘယ်လိုကြိုးစားသွားမလဲ ဆိုတာကို သီချင်းလှလှ သရုပ်ဆောင်ချက်ကောင်းကောင်းတွေနဲ့ တန်ဆာဆင်ထားတာပဲဖြစ်ပါတယ်။ ဒီနှစ်အတွက် Musical ကောင်းကောင်းလေး ငတ်နေတဲ့လူတွေတော့ အဝကို ခံစားကြည့်ရှုလို့ရပါပြီ။ (ဒီဇာတ်လမ်းရဲ့ အညွှန်းကို Mr.Anderson မှရေးသားပေးပြီး၊ ဘာသာပြန်ရေးသားပေးသူများကတော့ CM Team မှဖြစ်ပါတယ်။ ) File Size - (1.16 GB ) Quality – WebDL 1080p, 720p Duration - 1hrs 55min Subtitle – Myanmar Hardsub Format – MP4 Genre : Biography, Drama, Musical Translator – CM Team Encoder – San Win Maung

အကုန်လုံးစောင့်နေတဲ့ Jumanji တော့လာပါပြီ IMDb 7 နဲ့ toamtoes မှာ 71 ရထားပါတယ် ပထမကထက်ပိုပြီးစိတ်လှုပ်ရှားဖို့ကောင်းပြီးတော့ ဟာသတွေပိုပါဝင်လာမှာပါ စပန်ဆာတစ်ယောက်နေရင်းထိုင်ရင်း Jumanji ထဲပြန်ဝင်သွားရာကနေ ဇာတ်ရှုပ်ပါတော့တယ် အဲဒီမှာပဲသူ့ကောင်မလေးနဲ့ကျန်ခဲ့တဲ့သူငယ်ချင်းတွေကပြန်လိုက်ခေါ်ဖို့လုပ်ပါတော့တယ် ဒါပေမယ့်ဂိမ်းထဲကိုပြန်ဝင်လာတာသူတို့အုပ်စုတင်မဟုတ်ပဲ စပန်ဆာရဲ့အဖိုးနဲ့သူငယ်ချင်းဖြစ်သူတို့ပါပါလာတဲ့အခါမှာတော့ ဇာတ်လမ်းကပိုပြီးအရှိန်တက်လာပါတော့တယ် ဂိမ်းထဲကိုရောက်တဲ့အခါမှာလည်း ပထမတစ်ကားတုန်းကဇာတ်ကောင်တွေမဟုတ်တော့ပဲ ဇာတ်ကောင်အပြောင်းအလဲတွေဖြစ်သွားတဲ့အခါမှာ ဘယ်လိုတွေတိုင်ပတ်ကြမလဲ အခက်အခဲတွေကိုထုံးစံအတိုင်းဘယ်လိုကျော်ပြီး အပြင်ကိုဘယ်လိုပြန်ထွက်မလဲ သူတို့ကိုလုပ်ခိုင်းတဲ့ missionကိုရောပြီးမြောက်အောင်လုပ်နိုင်မလားဆိုတာ...။ File Size : (4.6 GB)/(2.2 GB)/(1.2 GB) Quality : BluRay 4K HEVC / 1080p /720p Running Time : 2 hr 03 min Format : mkv/mp4 Genre : Action , Adventure , Comedy Subtitle : Myanmar Subtitle (Hard Sub) Translated by Phue Encoded by Moe Myint Lwin,Nyeinsaeya Aung

How to Lose a Guy in 10 Days (2003) ~ IMDb - 6.5/10, Rotten Tomatoes - 42% ~ Kate Hudson နဲ့ Matthew McConaughey တို့လို နာမည်ကျော်ထဲက နာမည်ကျော်သရုပ်ဆောင်တွေ ဇာတ်ဆောင်လုပ်ထားတဲ့ ရိုမန့်တစ်ဟာသကားပေါ့။ ဘာထူးခြားလဲဆိုရင်တော့ အခုထိ မကြည့်ဖြစ်သေးရင်တော့ မရတာကြာတဲ့အရသာတစ်ခုပြန်ရလိမ့်မယ်။ ဟိုးတုန်းက ကျွန်တော်တို့ကြည့်ဖူးခဲ့တဲ့ ဟောလိဝုဒ်အချစ်ရိုမန့်တစ်ကားတွေက တခြားကထွက်တဲ့ရိုမန့်တစ်ကားတွေနဲ့ မတူတဲ့အရသာတစ်ခုရှိတယ်။ အဲဒီလိုအရသာမျိုးကို ၂၀၀၀ခုနှစ်ပတ်လည်နားက ကားတွေမှာတော့ ကျွန်တော်တို့ရခဲ့ကြပေမဲ့ ဒီဘက်ခေတ်မှာတော့ အဲဒီလိုပုံစံတွေ ပြန်ရိုက်ရင်တောင် အဲဒီအရသာပါမလာတော့တာ သတ်လတ်ပိုင်းတော်တော်များများတော့ သိကြမှာပါ။ How to Lose a Guy in 10 Days (2003)က ထူးထူးခြားခြားကောင်းနေတဲ့ ရုပ်ရှင်တော့ မဟုတ်ပေမဲ့ အဲဒီလိုအရသာမျိုးကို ပြန်ပေးနိုင်တဲ့ ကြည့်ကောင်းတဲ့ဇာတ်လမ်းဆိုတော့ ကြည့်ကိုကြည့်သင့်တယ်လို့ ပြောရမှာပါပဲ။ Kate Hudson ရဲ့အလှတွေကိုလည်း ပြန်လည်ခံစားရမယ့် ရုပ်ရှင်လည်းဟုတ်တယ်။ ဇာတ်လမ်းနောက်ခံကတော့ ကြော်ငြာလောကနဲ့ မဂ္ဂဇင်းလောကပေါ့။ မင်းသားက ကြော်ငြာသမား၊ မင်းသမီးက အမျိုးသမီးမဂ္ဂဇင်းက ဆောင်းပါးရှင်။ မင်းသမီးက How to ဆောင်းပါးတွေကို ကိုင်ထားတဲ့သူ။ How to ဆောင်းပါးဆိုတာက How to Flirt with Your Crush (ခွက်ရှ်နဲ့အီနည်း) How to Clean a Toilet the Right Way (နည်းမှန်လမ်းမှန် အိမ်သာတိုက်နည်း) တို့လို နည်းပေးလမ်းပြဆောင်းပါးတွေပေါ့။ ဒီတစ်ခါ မင်းသမီးလက်တွေ့ကွင်းဆင်းပြီး ရေးဖို့ ရွေးလိုက်တဲ့ဆောင်းပါးက How to Lose a Guy in 10 Days (၁၀ရက်အတွင်း ဘဲဖြတ်နည်း) ဒီတော့ မင်းသမီးက မရှိတဲ့ဘဲကို အရင်မဖြတ်ခင် ဘဲအရင်ရဖို့ ပါတီတစ်ခုမှာဖန်တယ်။ အဲဒီပါတီမှာရှိနေတဲ့ မင်းသားက သူလိုချင်တဲ့ ကြော်ငြာရဖို့ သူ့အလုပ်ရှင်နဲ့သူ့ပြိုင်ဘက်တွေနဲ့ အလောင်းအစားလုပ်လိုက်တယ်။ သူက ဘယ်မိန်းမကိုမဆို သူ့ကိုချစ်လာအောင် လုပ်နိုင်တယ်အာချောင်ထားတာ။ နောက်၁၀ရက်နေ သူတို့အလုပ်ကလုပ်မယ့် ကြော်ငြာပွဲရှိတယ်။ အဲဒီမတိုင်ခင် သူက မိန်းမတစ်ယောက်က သူ့ကိုချစ်မိသွားအောင်လုပ်ရမှာ။ ဒီတော့ ၁၀ရက်အတွင်း ဘဲဖြတ်ဖို့ ဘဲအရင်ရှာနေတဲ့မင်းသမီးနဲ့ ၁၀ရက်အတွင်း မိန်းမတစ်ယောက်ရဲ့အချစ်ကိုရဖို့လုပ်မယ့်မင်းသားနဲ့ အဲဒီပါတီမှာ တစ်ယောက်ကိုတစ်ယောက် ပစ်မှတ်လုပ်လိုက်ကြတယ်။ ပြီးတော့ သူတို့တွဲဖြစ်သွားတယ်။ How to Lose a Guy in 10 Days ဟာ ၁၀ရက်ဆိုတဲ့ အချိန်အတွင်း တစ်ယောက်ကချစ်လာအောင်၊ တစ်ယောက်ကစိတ်ကုန်အောင် အပြိုင်အဆိုင်လုပ်ကြတဲ့အကြောင်းကို ဟာသတွေအပြည့်နဲ့ ရိုက်ပြထားတဲ့ဇာတ်လမ်းပါပဲ။ ဟောလိဝုဒ်ရဲ့ ရိုမန့်တစ်ဟာသအရသာဟောင်းကို အပြည့်အဝရမယ့် ရုပ်ရှင်ဆိုလည်း မမှားဘူး။ ခေတ်ကြီးနဲ့ ခဏလောက်ဖြစ်ဖြစ် ကတ္တားခြားသွားအောင် ပေါ့ပေါ့ပါးပါးနဲ့ ကြည့်လို့ကောင်းမယ့် အချစ်ဟာသကားပေါ့။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.9GB, 1.3GB Quality - BluRay 1080p HEVC, 720p IMDb Rating - 6.5/10 Format - mp4 Duration - 1H 56Min Genre - Feel-Good Romance, Romantic Comedy, Comedy, Romance Subtitle - Myanmar Subtitle (Hardsub) Translated by WiRa Aung Encoded by Y

ဒီဇာတ်ကားကတော့ ဖြစ်ရပ်မှန်နဲ့ စိတ်ကူးယဉ် ပေါင်းစပ်ထားတဲ့ဇာတ်ကားဖြစ်ပါတယ်။ ၁၉၇၆ နဲ့ ၁၉၇၇ ခုနှစ်တုန်းက နယူးယောက်မှာ ဆမ်ရဲ့သားလို့ အမည်ခံတဲ့ ကွင်းဆက်လူသတ် သမားတစ်ယောက် ပေါ်လာခဲ့ပါတယ်။ သူ့ကိုဖမ်းမိတဲ့အချိန်မှာ လူ‌ခြောက်ယောက်ကိုသတ်ခဲ့ပြီးပါပြီ။ ဆမ်ရဲ့သားဟာ .၄၄ ပြောင်းဝအကျယ် ရှိတဲ့ သေနတ်တစ်လက်နဲ့ ကားပေါ်မှာ ချိန်းတွေ့နေတဲ့ အတွဲတွေကို ပစ်ခတ်လေ့ရှိပါတယ်။ ဆမ်ရဲ့သား ဆိုတဲ့ လူသတ်သမားက ဒီဇာတ်ကားမှာ အရေးကြီးတဲ့နေရာက ပါဝင်နေပေမယ့် လူသတ်သမားရဲ့အကြောင်းကို အလေးထားရိုက်ပြထားတာတော့မဟုတ်ပါဘူး။ ဒီလူသတ်သမားကြီးစိုးနေတဲ့အချိန်မှာ ပြည်သူတွေ ဘယ်လိုနေကြလဲဆိုတာကို ပိုပြီး အသားပေး ရိုက်ထားပါတယ်။ ဇာတ်လမ်းအကြောင်းပြောရမယ်ဆိုရင် ဆမ်ရဲ့သား လူတွေပြန်စသတ်တဲ့အချိန်မှာ ရစ်ချီဆိုတဲ့ ကောင်လေးဟာ သူ့အရင်နေခဲ့တဲ့ ရပ်ကွက်ကိုပြန်ရောက်လာပါတယ်။ ရစ်ချီရဲ့ ပန့်ခ်ပုံစံအဝတ်အစားတွေ ခပ်ကြောင်ကြောင်အပြုအမူတွေကြောင့် သူ့ရဲ့ ငယ်သူငယ်ချင်း ဗင်နီ ကလွဲလို့ တခြားသူတွေက သူ့ကိုသဘောမကျကြပါဘူး။ ကြောက်စိတ်တွေများနေကြတဲ့ ရပ်ကွက်ကသူတွေဟာ ရစ်ချီကို လူသတ်သမားလို့ သံသယဝင်လာကြတဲ့အခါမှာတော့... File size…(3 GB)/(1.7 GB) Quality….Blu-Ray 1080p / 720p Format…mp4 Duration….02:22:00 Genre... Crime, Drama, Romance Subtitle….Myanmar Subtitle (Hardsub) Encoder….Garfield Translated by Alvaro

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

Sci-Fi / Horror ပရိတ်သတ်တွေ အကြိုက်တွေ့မယ့် ရုပ်ရှင်ဟောင်းလေးတင်ဆက်လိုက်ပါတယ်။ The Lord of the rings ဇာတ်ကားမှာ လူပုလေးဖရိုဒိုနေရာကနေဝင်သရုပ်ဆောင်ထားတဲ့ မင်းသား Elijah Wood ပါဝင်သရုပ်ဆောင်ထားတဲ့ကားကောင်းလေးလည်းဖြစ်သလို ဇာတ်လမ်းဇာတ်ကွက်အပြင် ဇာတ်ပျိုး၊ဇာတ်လယ်၊ဇာတ်တက်၊ဇာတ်ဆင်း ရှယ်ကြမ်း ရှယ်ကောင်းတဲ့ science-fiction တစ်ဖြစ်လဲ horror ကားကောင်းလေးလည်းဖြစ်ပါတယ်။ ဇာတ်ကားနာမည်လေးကတော့ The Faculty (1998) ဖြစ်ပြီး IMDb အနေနဲ့ 6.5 ရရှိထားပါတယ်။ ဇာတ်လမ်းကတော့ ပြောပြနေတာထက် ကြည့်လိုက်တာက ပိုကောင်းတာမို့ မညွှန်းတော့ပါဘူးနော်။ File size…(1.8 GB)/ (1 GB) Quality….BluRay 1080p / 720p Format…mp4 Duration….01:44:11 Subtitle….Myanmar Subtitle (Hardsub) Encoder….Nyeinsaeya Aung Translated by San Thu Aung

ကျနော်တို့ ကလေးဘ၀ ကတည်းက ကြည့်ရှု့နှစ်ခြိုက် ခဲ့ရတဲ့ Jumanji ဇာတ်ကားလေး တင်ဆက် ပေးလိုက်ရပါတယ်။ ကလေးငယ်လေး နှစ်ယောက် ဟာ မမျှော်လင့်ဘဲ ဒီ ဂျုမန်ဂျီလို့ခေါ်တဲ့ ကစားကွက် ကိုတွေ့ရှိခဲ့ပါတယ်။ ဒီတော့လည်း ကလေးတို့ ထုံးစံ အတိုင်း ကစားကြည့်တာပေါ့ အဲ့အချိန်မှာမှ သိလိုက်ရတာက ဒီကစားနည်းမှာ ကျတဲ့ အတိုင်း အပြင်လောက မှာ တစ်ကယ်ဖြစ်လာတယ် ဆိုတာပါပဲ တောရိုင်းတိရိစ္ဆာန်တွေ ထွက်လာတာ ခြင်တွေက ဒုက္ခပေးတာ မုဆိုးတစ်ယောက်က သင့်ကို လိုက်သတ် လိမ့်မည် ဆိုတာမျိုးတွေပေါ့ ဒါပေမဲ့ စည်းကမ်း ချက် တစ်ခု ရှိပါတယ် ဒီကစားနည်း ကို အပြီး အထိ ကစားမှသာ ကစားနည်းကြောင့် ကြုံနေရတဲ့ အန္တရာယ်တွေ ပျောက်ကွယ်သွားမှာပါ။ ဒီလို အန္တရာယ်တွေ ကြားထဲမှာ သူတို့ ဘယ်လိုများ ဒီ ကစားနည်း ကို ပြီးအောင် ဆော့မလဲ ဆိုတာကို ရယ်စရာ ရင်မောစရာ စိတ်လှုပ်ရှားစရာ တွေနဲ့အတူ ကြည့်ရှုရမှာပါ။ (ဘာသာပြန်သူကတော့ ကို ဝေလင်းကျော် ပဲ ဖြစ်ပါတယ်) File Size : (800MB) Quality : Bluray Running Time : 1h 44min Format : Mp4 Genre : Action, Adventure, Family Subtitle : Myanmar Subtitle (Hardsub) Encode By Tariq L Walker

ထရေစီ (Nicole Kidman) နဲ့ အန်ဒီ (Bill Pullman) တို့ဟာ အချစ်တွေလျှံနေသေးတဲ့ သာမန် ပညာတတ်လူရည်မွန် ဇနီးမောင်နှံဖြစ်ကြပါတယ်။ ငယ်ရွယ်ချောမောတက်ကြွပြီး ပျော်ပျော်နေတတ်တဲ့ ထရေစီဟာ ကောလိပ်မှာလက်ထောက်ဌာနမှူးဖြစ်သူ အန်ဒီရဲ့ တပည့်ကျောင်းသူဖြစ်ခဲ့ဖူးသူလေးပါ။ တစ်ပတ်မှာ ငါးရက်လောက် ဆေးရုံရဲ့ ကလေးအထူးကုဌာနမှာ လုပ်အားပေးနေသူ ကျောင်းသူ ထရေစီရယ်၊ အနှစ်၁၀၀လောက် သက်တမ်းရှိနေတဲ့ ဝိတိုရိယခေတ်လက်ရာ အိမ်အိုကြီးမှာနေပြီး သမိုင်းဝင်အိမ်ဆိုတဲ့အပေါ်ဂုဏ်ယူနေတတ်တဲ့ ကျောင်းဆရာအန်ဒီတို့ဟာ အိမ်အတွက် အခြေခံလိုအပ်တဲ့ ပြင်ဆင်စရိတ်ကိုတောင် မတတ်နိုင်ကြတဲ့ လူလတ်တန်းစားဇနီးမောင်နှံပေါ့။ ဒါပေမယ့် “အသက်တစ်ရာ မနေရ၊ အမှုတစ်ရာပွေရ”ဆိုတဲ့ ဆိုရိုးရှိတယ်မလား။ အန်ဒီအလုပ်လုပ်တဲ့ကောလိပ်မှာ မုဒိမ်းမှုတွေကို ဆက်တိုက်ကျူးလွန်နေသူ တရားခံတစ်ယောက်ပေါ်ပေါက်လာပြီး တိုက်ခိုက်ခံရသူကျောင်းသူတွေမှာ ထိခိုက်ဒဏ်ရာရ အသက်သေဆုံးတဲ့အထိဖြစ်လာကြတယ်။ တစ်ဖက်မှာလည်း ထရေစီအလုပ်လုပ်နေတဲ့ ဆေးရုံကို ဂျက်ဒ် (Alec Baldwin)ဆိုတဲ့ ခွဲစိတ်ဆရာဝန်ပြောင်းလာခဲ့ပြီး အန်ဒီနဲ့တွေ့ဆုံခဲ့ကြတယ်။ အထက်တန်းကျောင်းနေဘက်တွေ ဖြစ်ခဲ့ကြလို့ အန်ဒီကဝမ်းပမ်းတသာရှိလှပေမဲ့ ထက်မြတ်ပြီးမောက်မာတဲ့ အတွက် ဂျက်ဒ်ကို ထရေစီကတော့ မျက်စိဆံမွှေးစူးစရာအဖြစ်ပဲမြင်ခဲ့ပါတယ်။ တစ်ရက်မှာတော့ အန်ဒီဟာ မုဒိမ်းမှုတွေအတွက် သံသရှိသူစာရင်းဝင်အဖြစ် ရဲစခန်းမှာသွားရောက်အစစ်ဆေးခံခဲ့ရသလို ထရေစီရဲ့ အရေးပေါက်ခွဲစိတ်ကုသမှုတစ်ခုအတွက် အုပ်ထိန်းသူအနေနဲ့သဘောတူပေးလိုက်ရာမှာ မှားယွင်းခွဲစိတ်မှုဖြစ်သွားတဲ့အတွက် ထရေစီရဲ့ နာနာကျည်းကျည်းလမ်းခွဲမှုကိုပါ ကြုံလိုက်ရတယ်။ ခွဲစိတ်ပေးခဲ့တဲ့ သူငယ်ချင်းဖြစ်သူဂျက်ဒ်မှာ တရားစွဲခံခဲ့ရရင်း အန်ဒီတစ်ယောက် မမျှော်လင့်ထားတဲ့ အမှန်တရားတွေ သိလာရဖို့ဖြစ်လာပါတော့တယ်။ File size…(2.5 GB)/(1.1 GB) Quality….Blu-Ray 1080p / 720p Format… mp4 Duration…. 01:47:00 Genre... Crime, Mystery, Thriller Subtitle….Myanmar Subtitle (Hardsub) Encoder….Garfield Translated by Khatar Aung

နယူးယောက်မြိုရဲ့ သြဇာကြီးမားပြီး သပ်သပ်ရပ်ရပ် နေတတ်တဲ့ လူမိုက်ခေါင်းဆောင် ဘန်ဆီဂယ် ဟာ ကယ်လီဖိုးနီးယားတောင်ပိုင်းက လောင်းကစားဝိုင်းတွေကို နယ်မြေချဲ့ထွင်ဖို့ ၄ ရက်တာ ခရီးစဉ်အဖြစ် လော့စ်အိန်ဂျလိစ် (ဟောလိဝုဒ်) သို့ ရောက်ရှိလာခဲ့ပါတယ်။ ဟောလိဝုဒ်ရဲ့ လျှပ်ပေါ်လော်လီမှုတွေနဲ့ ရုပ်ရှင်လောက အသိုင်းအဝိုင်းကို သဘောကျသွားတဲ့ ဘန်ဟာ ရေရှည်အခြေစိုက်ဖို့ ဆုံးဖြတ်လိုက်ပြီး အဆိုတော် လောရင့်စ်ဆီက အိမ်ကိုပါ ချက်ချင်း ငွေပုံပေးဝယ်ယူလိုက်ပါတော့တယ်။ အဲဒီနောက် ဟောလိဝုဒ်မှာတင်ပဲ သူ့လိုပဲ လိုချင်တာကို မရရအောင်ယူတတ်ပြီး စရိုက်ပြင်းထန်တဲ့ မင်းသမီးချော ဗာဂျီးနီးယားဟေးလ် နဲ့ ဆုံတွေ့ပြီး ပြင်းထန်တဲ့ အချစ်ဇာတ်လမ်း စတင်ခဲ့ပါတယ်။ တစ်ဖက်မှာလည်း ဒေသခံလူမိုက် ဂျက်ဒရက်ဂ်နာ ကို ခြိမ်းခြောက်ပြီး နယ်မြေကို သိမ်းပိုက်သလို၊ သူတို့ဆီက ပိုက်ဆံခိုးသွားတဲ့ ဂျူးလူမိုက် မစ်ကီကိုဟန် ကို သတ်ပစ်မယ့်အစား သူ့ရဲ့ လက်အောက်ခံအဖြစ် သွေးဆောင်စည်းရုံးပြီး လုပ်ငန်းတွေကို အကြီးအကျယ် ချဲ့ထွင်ဖို့ ကြိုးစားလာပါတော့တယ်။ အချစ်၊ အာဏာနဲ့ ရာဇဝတ်မှုတွေကြားထဲမှာ "ဘတ်ဆီ" လို့ ခေါ်ရင် လုံးဝမကြိုက်တဲ့ လူမိုက်ကြီး ဘန် တစ်ယောက် ဘယ်လို ဆက်လက် အာဏာစက် ထူထောင်မလဲဆိုတာကို ရှုစားရမယ့် ဇာတ်ကားဖြစ်လို့ အခုပဲကြည့်လိုက်ရအောင်နော်

Say Anything... (1989) ~ IMDb - 7.3/10, RT - 98%, Meta - 86% ~ Say Anything က Ghostတို့ Titanicတို့ 10 Things I Hate About You တို့လို When Harry Met Sally... တို့လို Classic Romance ကားပဲ။ အနီးစပ်ဆုံးအရသာတူတာကတော့ When Harry Met Sally... နဲ့လို့ ပြောရမယ်။ တစ်နှစ်တည်းထွက်တဲ့ ရိုမန့်ဟာသကားချင်းအတူတူကိုး။ သူ့ဇာတ်ကတော့ အထက်တန်းကျောင်း ကျောင်းဆင်းပွဲနေ့ကနေစတယ်။ ကျောင်းက အရာရာတော်နေတဲ့ ထက်မြက်တဲ့ကျောင်းသူလေးကို သွားကြိုက်မိတဲ့ ပေတေတေနေတဲ့ကောင်လေးတစ်ယောက်က သူအဲဒီကောင်မလေးကို ချစ်မိနေတဲ့အကြောင်း သူ့ဘော်ဒါနှစ်ယောက်ကို ပြောရာကစတယ်။ သူ့ဘော်ဒါမတွေကတော့ သူ့ကို မဖြစ်နိုင်တာတွေ မလုပ်နဲ့ ဘာညာ တားကြပေမဲ့ သူကတော့ ရအောင်လိုက်မယ်ဆိုပြီး လိုက်လေရဲ့။ ကောင်မလေးက သူ့ကို စိတ်ဝင်စားပေမဲ့လည်း အဖေတစ်ခုသမီးတစ်ခုနေနေတဲ့ သူတို့ဘဝမှာ သူ့အဖေရဲ့ အတွေးတွေက သူ့ကို လွှမ်းမိုးထားတော့ သူ့စိတ်အတိုင်းသွားရခက်နေခဲ့တယ်။ ဒီလိုနဲ့ကောင်လေးကပဲ ကောင်မလေးကို ပြောင်းလဲပေးနိုင်မလား။ ကောင်မလေးကပဲ ကောင်လေးကို ပြောင်းလဲပေးသွားမလားဆိုတဲ့ ဇာတ်ပေါ့။ A Walk to Remember နဲ့တောင် နည်းနည်းခပ်ဆင်ဆင်ပဲ။ ဒါပေမဲ့ Say Anything ကတော့ ကလပ်စစ်ပိုဖြစ်သလို သူ့ထဲက ကတ်ဆတ်ကြီးအကျယ်ကြီးဖွင့်ပြီး မ,လာပြီး ကောင်မလေးအိမ်ရှေ့ရောက်လာတဲ့အခန်းကတော့ ရိုမန့်ရုပ်ရှင်သမိုင်းရဲ့ Iconic အခန်းတွေထဲပါသလို သူ့ဇာတ်ကလည်း Reality တော်တော်ဆန်တဲ့ဘက်ကို သွားတယ်။ ဇာတ်ကြောင်းက Romanceကားပေမဲ့ Reality မတရားဆန်နေတော့ ဇာတ်ကြောင်းသစ်သလိုဖြစ်နေတယ်။ ရုပ်ရှင်ကတော့ ဆယ်ကျော်သက်ရုပ်ရှင်ဆန်ပေမဲ့ အတွင်းမှာ ပိုနက်နဲခါးသက်တဲ့အရာတွေကိုလည်း ထည့်ထားတဲ့ရုပ်ရှင်လို့ ပြောကြပေမဲ့လည်း တကယ်တမ်း ဒီရုပ်ရှင်ကြည့်ဖို့ ဒါတွေမလိုပါဘူး။ Say Anything ဟာ အတန်းထဲက ကိုယ်ကြိတ် Crushနေတဲ့ ကောင်မလေးကို ရဲရဲတင်းတင်းလိုက်ပိုးရင်း ကောင်မလေးဘက်က အခြေအနေပေးလာတဲ့ အချစ်ဇာတ်လမ်းလေးရဲ့ အခင်းအကျင်းမှာ ဘဝတွေအတိုင်း မိသားစု ကျောင်းစတဲ့ လွမ်းစရာဆွေးစရာ အဖြစ်တွေပေါ်လာတဲ့ ဇာတ်ပါပဲ။ တစ်ခါတလေ ဒါတွေက ကျွန်တော်တို့ငယ်ဘဝတွေပေါ့။ တစ်ခါတလေ လွမ်းစရာအတိနဲ့ ဇာတ်တွေ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.5GB, 930MB Quality - 1080p, 720p IMDb Rating - 7.3/10 Format - mp4 Duration - 1H 40Min Genre - Comedy, Drama, Romance Subtitle - Myanmar Subtitle (Hardsub) Translated by WiRa Aung Encoded by Y