Bourke Floyd ပါဝင်သော ဇာတ်ကားများ

Clika (2026) ++++ အခုတစ်ခါတင်ဆက်ပေးမှာကတော့ Drama/Music အမျိုးအစား ဇာတ်ကားတစ်ကားဖြစ်တဲ့ Clikaဆိုတဲ့ဇာတ်ကားလေးပဲဖြစ်ပါတယ်.... မိသားစုကို လုပ်ကျွေးဖို့ စိုက်ပျိုးရေးခြံထဲမှာ ရုန်းကန်နေရတဲ့ လူငယ်လေး ချီတိုမှာ ဖုံးကွယ်ထားတဲ့ ပါရမီတစ်ခု ရှိပါတယ်။ အဲဒါကတော့ ဂီတပါ။ သူ ဖန်တီးလိုက်တဲ့ သီချင်းတစ်ပုဒ်ဟာ လူမှုကွန်ရက်ပေါ်မှာ မထင်မှတ်ဘဲ ပေါက်ကြားသွားပြီး နာမည်ကြီးလာတဲ့အခါမှာတော့ သူ့ရဲ့ဘဝဟာ တစ်ဆစ်ချိုး ပြောင်းလဲသွားခဲ့ပါတယ်။ ဒါပေမဲ့ အောင်မြင်မှုရဲ့ နောက်ကွယ်မှာ ပေးဆပ်ရမယ့် တန်ဖိုးတွေ ရှိနေပါတယ်။ ငွေကြေးအခက်အခဲကြောင့် မူးယစ်ဆေးဝါးလောကနဲ့ မပတ်သက်ချင်ဘဲ ပတ်သက်မိသွားတဲ့အခါမှာတော့ သူ ချစ်ရတဲ့ မိသားစု၊ သူ မက်ခဲ့တဲ့ အိပ်မက်တွေနဲ့ သူ့ရဲ့ အနာဂတ်ဟာ စိန်ခေါ်မှုတွေနဲ့ ရင်ဆိုင်ရပါတော့တယ်။ "အမှောင်ထဲမှာ လုပ်ခဲ့တဲ့ အမှားတွေဟာ တစ်နေ့ အလင်းထဲကို ပြန်ရောက်လာတတ်တယ်" ဆိုတဲ့အတိုင်း ချီတိုတစ်ယောက် သူ့ဘဝရဲ့ အမှောင်ဆုံး အချိန်တွေကို ဘယ်လိုကျော်ဖြတ်မလဲ.... သူ့ရဲ့ ဂီတအိပ်မက်ကိုရော ဆက်ပြီး ဆုပ်ကိုင်ထားနိုင်ပါ့မလားဆိုတာကို ခံစားကြည့်ရှုရမှာ ဖြစ်ပါတယ်........ File Size… (1.32GB) / (673MB) Quality… WEB-DL 1080p HEVC / 720p Format…mkv / mp4 Duration…1h 22m Genre ….Drama , Music Subtitle….Myanmar Subtitle (Hard Sub)

Soul on Fire (2025) +++++++++++ "Soul on Fire" ဇာတ်ကားဟာ စာရေးဆရာ ဂျွန်အိုလဲရီ(John O'Leary) ရဲ့ ဖြစ်ရပ်မှန်ဖြစ်တဲ့ “On Fire: The 7 Choices to Ignite a Radically Inspired Life” ဆိုတဲ့ အရောင်းရဆုံးစာအုပ်ကို ပြန်လည်ရိုက်ကူးထားတဲ့ အမေရိကန် အတ္ထုပ္ပတ္တိ ဒရမ်မာ (Biographical Drama) ရုပ်ရှင်ကားကြီး ဖြစ်ပါတယ်.... အသက် ၉ နှစ်အရွယ်ပဲ ရှိသေးတဲ့ ကောင်လေးဂျွန်အိုလဲရီဟာ မတော်တဆ မီးလောင်မှုတစ်ခုကြောင့် တစ်ကိုယ်လုံးနီးပါး ပြင်းထန်စွာ မီးလောင်ဒဏ်ရာတွေ ရရှိခဲ့ပါတယ်။ ဆရာဝန်တွေက အသက်ရှင်ဖို့ မျှော်လင့်ချက်မရှိတော့ဘူးလို့ သတ်မှတ်ထားခဲ့ပေမဲ့ သူ့ရဲ့မိသားစု၊ သူငယ်ချင်းတွေ၊ ခိုင်မာတဲ့ယုံကြည်ချက်တွေနဲ့အတူ အားကစားကြေညာသူ ဂျက်ဘာ့ခ်ရဲ့ ကူညီအားပေးမှုတွေကြောင့် မယုံနိုင်စရာကောင်းလောက်အောင် အသက်ဘေးကနေ အံ့ဩဖွယ်ရာ ပြန်လည်လွတ်မြောက်လာခဲ့ပါတယ်။ ဒဏ်ရာတွေ၊ အခက်အခဲတွေကို ကြံ့ကြံ့ခံကျော်ဖြတ်ပြီး နောက်ပိုင်းမှာ လူသန်းပေါင်းများစွာကို စိတ်ခွန်အားပေးနိုင်တဲ့ Motivational Speaker တစ်ယောက် ဖြစ်လာပုံကို စိတ်လှုပ်ရှားဖွယ် ရိုက်ကူးထားတဲ့ ရုပ်ရှင်ဖြစ်ပါတယ်။ File Size… (1.75GB) / (992MB) Quality… WEB-DL 1080p HEVC / 720p Format…mkv / mp4 Duration…1h 53m Genre ….Biography , Drama Subtitle….Myanmar Subtitle (Hard Sub)

My Family's Killer Affairs (2025) အဲရစ်ကာဆိုတဲ့ အမျိုးသမီးတစ်ဦးဟာ ငယ်စဉ်ကတည်းက မိခင်ဖြစ်သူနဲ့ အရမ်းချစ်ခင်ရင်းနှီးခဲ့သူပါ။ တစ်နေ့မှာ အဲရစ်ကာတို့ သမီးနဲ့အမေနှစ်ယောက်ဟာ အဲရစ်ကာရဲ့ကောင်လေးဖြစ်သူ သောမတ်ကြောင့် စကားအချေအတင်ဖြစ်ခဲ့ကြပါတယ်။ မိခင်ဖြစ်သူကလည်း သမီးဖြစ်သူ ဘဝတက်လမ်းအနှောင့်အယှက်ဖြစ်စေနိုင်တဲ့အတွက် အရည်အချင်းမရှိတဲ့ကောင်လေးနဲ့ လမ်းခွဲဖို့ပြောပေမယ့် သမီးဖြစ်သူကလည်း ဘုကလန့်လုပ်တဲ့အရွယ်ဖြစ်တဲ့အတွက်ကြောင့် မိခင်စကားကိုနားမထောင်ဘဲ မိခင်ဖြစ်သူ သေသွားရင်သိပ်ကောင်းမှာပဲလို့ ပြောပြီး စိတ်ဆိုးဆိုးနဲ့အိမ်ကနေထွက်လာခဲ့ပါတယ်။ ဒါပေမဲ့ နောက်နေ့ညမှာပဲ သူ့ရဲ့မိခင်ဖြစ်သူဟာ အသတ်ခံလိုက်ရပါတယ်။ မိခင်ဖြစ်သူအသက်ခံလိုက်ရပြီးတဲ့နောက် မကြာခင်မှာပဲ အဲရစ်ကာမှာ တကယ့်သွေးသားရင်းချာ မိခင်တစ်ယောက်ရှိမှန်း ထပ်သိလိုက်ရပါတယ်။ ဖြစ်ချင်တော့ တစ်ချိန်က နစ်ကီဆိုတဲ့အမျိုးသမီးဟာ တစ်ချိန်တုန်းက သူ့ရဲ့မမျိုးဥကို ဖန်ပြွန်သန္ဓေသားနဲ့မျိုးပွားဖို့လုပ်တဲ့နေရာမှာ မတော်တဆ အဲရစ်ကာ့အဖေရဲ့သုတ်ပိုးနဲ့ သွားပြီး သန္ဓေစပ်ခဲ့မိတာပါ။ ဒီလိုနဲ့ပဲ အဲရစ်ကာဟာ နစ်ကီနဲ့ပြန်ဆုံဖို့ ကံပါလာခဲ့ပြီး တစ်ဘက်မိသားစုနဲ့တစ်ဘက် ဝင်ဆံ့ဖို့ကြိုးစားခဲ့ပေမယ့်လည်း အဲရစ်ကာရဲ့ ကောင်လေးဟာ သူ့ကိုလာလာနှောင့်ယှက်နေပြီးနောက်မှာတော့ သူ့အမေမတော်တဆကိစ္စအပြင် တခြားအရှုပ်အရှင်းကိစ္စတွေလည်း ဖော်ကောင်လုပ်ဖြစ်လာပါတော့တယ်။ File size… (1.6 GB) / (680 MB) Quality…. WEB-Rip 1080p HEVC / 720p Format…. mkv/mp4 Genre…. Thriller Duration…. 01:25:00 Subtitle…. Myanmar Subtitle (Hardsub)

2024 ရဲ့နှစ်ဦးပိုင်းမှာ အသစ်စက်စက်ထွက်ရှိထားတဲ့ Action/ Thriller ဇာတ်ကားကောင်းလေးတစ်ကားနဲ့မိတ်ဆက်ပေးချင်ပါတယ် မင်းသားကြီး Dolph Lundgren အဓိကပါဝင်သရုပ်ဆောင်ထားပြီး ကိုယ်တိုင် ဒါရိုက်တာလည်း လုပ်ထားပါသေးတယ် မင်းသမီးချောလေး Christina Villa တို့ မင်းသားကြီး Kelsey Grammer တို့ကလည်း ပါဝင်အားဖြည့်ထားကြသေးတယ်ဆိုတော့...... ဇာတ်လမ်းလေးကတော့ မက္ကဆီကိုနဲ့ အမေရိကန်နယ်စပ်တစ်နေရာမှာ တရားမဝင် လူ/ဆေး ကုန်ကူးသမားတွေကို အသွင်ယူပြီးလိုက်နေတဲ့ DEA အေ့ဂျင့်နှစ်ယောက်အသတ်ခံလိုက်ရတာကစတာပဲ မျက်မြင်သက်သေတွေဖြစ်ကြတဲ့ အပျော်မယ်နှစ်ယောက်က အဲဒီဖြစ်ရပ်ထဲမှာ ထွက်ပြေးလွတ်မြောက်သွားခဲ့တယ် ဂျိုဟန်ဆန် ဆိုတဲ့ ဝါရင့်ရဲစုံထောက်ကြီးကို အဲဒီမျက်မြင်သက်သေနှစ်ယောက်ကို မက္ကဆီကိုကနေ အမေရိကန်ဘက်ကို တရားခံပြောင်းရွေ့ဖို့တာဝန်ပေးခံရတာကနေ....... ဘယ်လိုအန္တရာယ်မျိုးတွေနဲ့ရင်ဆိုင်ရမလဲ...... ဒီလူသတ်မှုရဲ့နောက်ကွယ်ကရည်ရွယ်ချက်ကဘာလဲ...... ဒီလူသတ်မှုရဲ့နောက်ကွယ်မှာဘယ်သူတွေရှိနေတာလဲ..... ဆိုတာတွေကိုတော့ ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ဖြစ်ပါတယ်

ဇိုင်ယွန်အမျိုးသားဥယျာဉ်မှာ ဇာတ်အိမ်တည်ထားတဲ့ အချစ်ဇာတ်လမ်းပါ။ ရှေးဟောင်းပစ္စည်းစုဆောင်းသူ မစ္စဟိုလင်းစတန်းဟာ သူ့ဘဝနောက်ဆုံးဆန္ဒအဖြစ် ဒန်ဗာသဘာဝသမိုင်းပြတိုက်ကို ရှေးဟောင်းအိုးသုံးခုနဲ့ သူ့ခရီးသွားမှတ်တမ်းဂျာနယ် လှူဒါန်းခဲ့ပါတယ်။ အဲဒီအိုးတွေကို ဆန်နာဆာဇီမှာ တွေ့ခဲ့တာဖြစ်ပြီး တန်ဖိုးကြီးပစ္စည်းတွေ ဖြစ်နေတဲ့အတွက် တူမြေးဖြစ်သူ ဂရေဒီက ပြန်ရချင်နေတယ်။ ပြတိုက်တာဝန်ခံ လော်ရန်က အိုးတွေအကြောင်း သုတေသနလုပ်ကြည့်ရင်း အချက်တစ်ခု မကိုက်ညီတာကို သတိထားမိလာပါတယ်။ အိုးတွေက သုံးခုတည်းမဟုတ်ဘဲ လေးခုဖြစ်နိုင်နေတာပါ။ အဲဒီကနေ သူမသိထားတဲ့ နောက်ခံရာဇဝင်အကြောင်းတွေ ပေါ်လာတဲ့အခါ ဘာတွေ ဆက်ဖြစ်လာမလဲ။

Miller ဟာ ဘယ်သော့မဆို ဖွင့်နိုင်တဲ့ သော့ပြင်သမားတစ်ယောက်ပါ။ ငွေနောက်လိုက်ရင်း အကျင့်ပျက်ရဲတစ်ယောက်နဲ့ ပေါင်းပြီး ဖောက်ထွင်းမှုကျူးလွန်ခဲ့ပေမယ့် အဲဒီရဲရဲ့ သစ္စာဖောက်မှုကို ခံလိုက်ရတယ်။ အဲဒီအဖြစ်အပျက်ကြောင့် အခင်ဆုံးသူငယ်ချင်းကို ဆုံးရှုံးခဲ့ရသလို သူကိုယ်တိုင်လည်း ထောင်ကျသွားပါတယ်။ ထောင်ကပြန်ထွက်လာတော့ Miller က ဘဝသစ်ပြန်စချင်နေပြီ။ ဇနီးဟောင်းနဲ့ သမီးအပေါ် ပျက်ကွက်ခဲ့တာတွေကို ပြန်ပေးဆပ်ဖို့ပဲ စိတ်ကူးထားပါတယ်။ ဒါပေမဲ့ သူ့ကြောင့် သေဆုံးခဲ့ရတဲ့ သူငယ်ချင်းရဲ့ညီမက အကူအညီလာတောင်းတယ်။ သူ့အစ်ကိုအတွက် ပြန်ပေးဆပ်ချင်ရင် Miller တတ်ထားတဲ့ စောရပညာကို သုံးပြီး သူမကို ဒုက္ခတွင်းကနေ ကယ်ထုတ်ပေးဖို့ ပြောလာတာပါ။ ဘဝသစ်စဖို့ ရည်ရွယ်ထားတဲ့ Miller တစ်ယောက် ဒုစရိုက်မှုတွေ ပြန်ကျူးလွန်ဦးမှာလား။

ဘရိုင်ရန်ဟာ နိုင်ငံရပ်ခြားမှာ စစ်မှုထမ်းခဲ့ပြီး မသန်စွမ်းဖြစ်လာတဲ့ စစ်ပြန်တစ်ယောက်ပါ။ အလုပ်မလုပ်နိုင်တော့တဲ့အတွက် မသန်စွမ်းလစာကိုပဲ အားကိုးပြီး နေထိုင်နေရတယ်။ ဇနီးနဲ့လည်း ကွဲနေပြီး စိတ်ကျန်းမာရေးအခြေအနေကလည်း မတည်ငြိမ်ပါဘူး။ သူရသင့်တဲ့ ငွေလေးပြန်ရရင် သမီးကို ခွေးလေးတစ်ကောင် ဝယ်ပေးချင်တဲ့ ဖခင်တစ်ယောက်လည်း ဖြစ်ပါတယ်။ သူ့အတွက် အားကိုးစရာဖြစ်နေတဲ့ လစာကို စစ်မှုထမ်းဟောင်းရေးရာနဲ့ နည်းပညာကောလိပ်တစ်ခုတို့ ပူးပေါင်းဖြတ်ယူနေမှန်း သိလိုက်ရတဲ့အခါ ဘရိုင်ရန်က ငြိမ်မနေတော့ဘူး။ ငွေပြန်ရဖို့နဲ့ စစ်မှုထမ်းဟောင်းရေးရာရဲ့ အကျင့်ပျက်ခြစားမှုကို လူသိရှင်ကြား ဖော်ထုတ်ဖို့ ဘဏ်တစ်ခုကို ဝင်စီးလိုက်ပါတယ်။ သူတောင်းဆိုတာတွေ မလုပ်ပေးရင် ဗုံးဖောက်ခွဲမယ်လို့လည်း ခြိမ်းခြောက်ထားတယ်။ ဖြစ်ရပ်မှန်ကို အခြေခံထားတဲ့ ဒီဇာတ်လမ်းမှာ ဘဏ်ကို ဝင်စီးပြီးနောက် ဘရိုင်ရန် ဘာတွေထပ်တောင်းဆိုမလဲ၊ ဓားစာခံတွေကို ဘယ်လိုဆက်ဆံမလဲ၊ သူလိုချင်တာတွေ ရနိုင်ပါ့မလားဆိုတဲ့ မေးခွန်းတွေနဲ့ ဆက်သွားပါတယ်။