Brian Patterson ပါဝင်သော ဇာတ်ကားများ

Jauja (2014) IMDb Rating (6.5) 2014 ခုနှစ်ထွက် ဒီရုပ်ရှင်လေးက ပုံမှန်ရုပ်ရှင်တွေနဲ့ မတူဘဲ ဇာတ်လမ်းဇာတ်အိမ်တွေကို ကြည့်ရှုရမဲ့အစား ဇာတ်လမ်းသွားထဲစီးမျောခံစားဖို့အတွက် အသားပေးရိုက်ကူးထားတဲ့ ဇာတ်ကားမျိုးပါ။ ဇာတ်ကားနာမည်ထဲက Jauja ဆိုတာက မြေကြီးပေါ်က ကောင်းကင်ဘုံလို့ လူတွေသမုတ်ကြတဲ့ နေရာတစ်ခုပါ။ ၁၉ ရာစုနှောင်းပိုင်း အာဂျင်တီးနားနိုင်ငံရဲ့ လူသူမရှိတဲ့ လွင်တီးခေါင်ကန္တာရထဲကို ဒိန်းမတ်လူမျိုး စစ်တပ်အင်ဂျင်နီယာ ဗိုလ်ကြီးဒီနီဆန် နဲ့ သမီးတို့ တာဝန်တစ်ခုနဲ့ ရောက်နေကြပါတယ်။ တစ်ရက်မှာတော့ သမီးဖြစ်သူက စစ်သားတစ်ယောက်နဲ့ အတူတူပျောက်သွားတဲ့အတွက် သမီးကို လိုက်ရှာဖို့ ဗိုလ်ကြီးလည်း ကန္တာရထဲကို တစ်ဦးတည်း ထွက်လာခဲ့ပါတယ်။ ဗိုလ်ကြီး သွားရာလမ်းတလျှောက်မှာလည်း ကြမ်းတမ်းတဲ့ လွင်တီးခေါင်တွေ၊ တောတောင်တွေကို ကျော်ဖြတ်ခဲ့ရပြီးတော့ ခရီးစဥ်အဆုံးပိုင်းကိုရောက်လာတာနဲ့အမျှ ထူးဆန်းတဲ့ အချိန်စီးကြောင်း ပြောင်းလဲမှုတွေကိုပါ ကြုံလာရရင်းနဲ့ စိတ်ကူးယဥ်ဆန်တဲ့ အဖြစ်အပျက်တွေကို ကြုံတွေ့လာရပါတော့တယ်။ ဒီဇာတ်ကားကတော့ အပြန်အလှန်စကားပြောခန်းတွေ သိပ်မပါဘဲ လွင်တီးခေါင်ကန္တာရရဲ့ လေပြင်းတိုက်ခတ်သံတွေ၊ ကြမ်းတမ်းတဲ့မြေမျက်နှာသွင်ပြင်တွေကို ခံစားရင်းနဲ့ ကောင်းကင်ဘုံဆိုတဲ့ ပျော်ရွှင်မှုကို ရှာတွေ့နိုင်ဖို့တကယ်ပဲဖြစ်နိုင်ရဲ့လားဆိုတဲ့ အတွေးထဲမှာစီးမျောရင်း ကြည့်ရှုရမှာပါ။ File Size : 1.85GB Quality : BluRay 1080p 5.1CH Format…mp4 Duration…1hr 50m Genre : Western, Drama Subtitle : Myanmar Subtitle (Hard Sub)

ဒိန်းမတ်ထောင်ကနေ ထွက်လာတဲ့ ဟာရန်းက ဆေးရုံတက်နေတဲ့ သူ့မွေးစားအဖေ မွန့်ကို သွားတွေ့ခဲ့တယ်။ မွန့်ဟာ သေခါနီးနောက်ဆုံးဆန္ဒအဖြစ် သူ့သားအရင်းနဲ့ တွေ့သွားချင်ခဲ့တာကြောင့် သူ့ရဲ့ မွေးစားသား ဟာရန်းက သားအရင်းရှာပုံတော်ကို ဖွင့်ခဲ့ရပါတယ်။ မွန့်ရဲသား လူဗစ်က လက်ရှိမှာ ဆွီဒင်ထောင်ထဲမှာ ထောင်ကျနေတာကြောင့် ဟာရန်းက သူ့မိတ်ဆွေ စာဖိုးမှူးနှစ်ယောက်ဖြစ်တဲ့ ပီတာနဲ့ မာတင်တို့ကို ခေါ်ပြီး‌ ထောင်ဖောက်ဖို့ ကြိုးစားခဲ့ကြတယ်။ အဖေနဲ့သား ပထမဆုံးအကြိမ် တွေ့ဆုံခဲ့ကြပြီး ဖခင်ဖြစ်သူမွန့်ဟာ အသည်းအစားထိုးဖို့ ပိုက်ဆံလိုတာကြောင့် ဟာရန်းတို့တတွေဟာ ဘဏ်ကို ဓားပြတိုက်ဖို့ ကြိုးစားခဲ့ကြတယ်။ ဘဏ်ဓားပြတိုက်နေစဉ်မှာ မေလီနဲ့ ဆုံတွေ့ခဲ့ပြီး သူတို့အဖွဲ့ဟာ အုတ်အော်သောင်းနင်းနဲ့ ဘယ်လိုတွေ တလွဲတချော် လုပ်ကြမလဲဆိုတာကို ဟာသဆန်ဆန် ကြည့်ရှုရမယ့် အက်ရှင်ကားတစ်ကားပဲ ဖြစ်ပါတယ်။ File size…(1.8 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Action, Comedy, Crime, Thriller Subtitle….Myanmar Subtitle (Hardsub) Encoder….Swan Min Htet Translated by Su Mon

In China They Eat Dog တဲ့။ နာမည်လေးက ဆန်းပါတယ်။အခုခေတ်သာဆို Racist ဆိုပြီး အပိတ်ခံလိုက်ရမယ့်ဖြစ်ခြင်းပါပဲ ။ နာမည်ကဆန်းသလို ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ဇာတ်လမ်းကလည်းဆန်းပါတယ်။ဆန်းပေမယ့် ပေါက်ကရလျှောက်ရိုက်ထားတာမျိုးမဟုတ်လို့ IMDb rating 7.3 တောင်ရထားပါတယ် ။1999ခုနှစ်ထွက် ဒိန်းမတ်ရုပ်ရှင်တစ်ကားအတွက် လူပေါင်း ၃ သောင်းနီးပါး Voteထားပြီး ရတဲ့ Rating ပါ ။Comedy ကားတစ်ကားအတွက် တော့တကယ်မြင့်တဲ့ rating ပါပဲ။ ဘဏ်ဝန်ထမ်း အာဗစ်ဟာ ဘဏ်ဓားပြတိုက်မှုကို လုပ်ဖော်ကိုင်ဖက်ဖြစ်သူ အခြောက်ဟန်နင်းရဲ့ အသစ်စက်စက် ဘတ်တံကြီးနဲ့တားဆီးပြီး သူရဲကောင်းဖြစ်သွားပါတယ်။ အဲ့ဒီအတွက်သူရလိုက်တာကတော့ ခိုကိုးရာမဲ့ဖြစ်သွားတဲ့ဘဏ်ဓားပြဖြစ်သူရဲ့ မိန်းမက ရန်တွေ့တာခံရခြင်းနဲ့အတူ လမ်းကြားထဲမှာ ရောခ့်အဖွဲ့ရဲ့ ဝိုင်းဆော်တာခံလိုက်ရခြင်းပါပဲ။ ဘဏ်ဓားပြရဲ့ မိန်းမဖြစ်သူကို သနားသွားတဲ့ အာဗစ်ဟာ ဘဏ်ကိုဓားပြပြန်တိုက်မယ့်အပြင် သူကြောင့် ထောင်ကျသွားတဲ့ဘဏ်ဓားပြဖြစ်သူကိုပါ ထောင်ဖောက်ကယ်ဖို့ မဟာအကြံအစည်ကြီးကိုအကောင်အထည်ဖော်ပါတော့တယ်။ ဘဏ်ဖောက်ဖို့ ကွဲကွာနေတာကြာပြီဖြစ်တဲ့ သူ့အစ်ကိုကို သွားစည်းရုံးရင်း ဘဏ်ဓားပြတိုက်၊ထောင်ဖောက်မယ့်ကိစ္စမှာ သူ့အစ်ကိုရဲ့စားသောက်ဆိုင်က စားဖိုမှူးတွေပါ ပါချလာပါတော့တယ် ။ဘဏ်ဝန်ထမ်းနဲ့ စားဖိုမှုးတွေလုပ်မယ့် ဘဏ်ဓားပြတိုက်မှုကြီးဟာ ဘယ်လိုတလွဲတွေဖြစ်လာမလဲဆိုတာ ဒီကားမှာကြည့်ကြရမှာပါ။ File size…(2.3 GB)/(1.3 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Drama, Crime  Subtitle….Myanmar Subtitle (Hardsub) Encoder….Swan Min Htet Translated by Swan Yee Myo Thant

Three Kings (1999) ~ IMDb - 7.1/10, Rotten Tomatoes - 94% ~ ဒီကားကတော့ Cast နဲ့တင် ဖြုံလောက်စရာပါ။ George Clooney, Mark Wahlberg, Ice Cube နဲ့ Spike Jonze တို့က အဓိက ပါဝင်သရုပ်ဆောင်ထားပါတယ်။ ဒါရိုက်တာကလည်း ၂၁ ရာစုအမေရိကန် Cinema တစ်ခေတ်ကို အရွေ့‌ဖြစ်စေခဲ့တဲ့ ပြတ်ရွေ့ကြောတွေထဲ တစ်ထောင့်တစ်နေရာက ပါခဲ့တဲ့ David O. Russell ဆိုတော့ Dark Humor ကောင်းကောင်း၊ ဒိုင်ယာလော့ခ် မိုက်မိုက်၊ ရိုက်ကွက်လှလှ နဲ့ ကြည့်ရတာ အတော်ကိုမြိန်စေတဲ့ရုပ်ရှင်တစ်ကားပါပဲ။ ဇာတ်လမ်းကတော့... Gulf war လို့ခေါ်တဲ့ ကူဝိတ်ကို အီရတ်က ကျူးကျော်မှုမှာ အမေရိကန်ရဲ့ ဝင်စွက်ဖက်မှုအပြီးကို ဇာတ်လမ်းအချိန်အရ အခြေခံထားပါတယ်။ George Clooney က အနားယူမယ့်ဗိုလ်မှူး၊ Mark Wahlberg က အိမ်မှာမွေးစကလေးရှိလို့ စီးပွားရေးအရ ခိုင်ချင်တဲ့ဆာဂျင်၊ Ice Cube က ရဲဘော်တွေကို စိတ်မချလို့လိုက်မယ့်လူ၊ Spike Jonze ကတော့ Mark Wahlberg လိုဖြစ်ချင်တဲ့ အူကြောင်ကြောင်ဘဲလေး။ ဒါရိုက်တာ David O. Russell လက်ရာဆိုတဲ့အတိုင်း ဇာတ်ကောင်တွေကို ပြီးပြည့်စုံနေအောင်မလုပ်ထားဘူး။ စစ်ကားဆိုပေမဲ့ အထက်အမိန့်ပဲနာခံပြီး အမြဲ ကိုယ်ကျိုးစွန့်တဲ့သူရဲကောင်းတွေအဖြစ် ဇာတ်ကောင်တွေကိုပုံမဖော်ထားဘူး။ လိုချင်တောင့်တမှုကိုယ်စီနဲ့ "ငါသာဆိုလည်း ဒီလိုနေမှာ" လို့ ထင်ဟပ်‌မိစေမယ့် ဆက်စပ်နိုင်မှုမျိုးကိုပါ ခံစားရစေပါတယ်။ ဒီလိုနဲ့ စစ်ပြီး‌တော့ သူတို့တွေ အီရတ်သုံ့ပန်းတွေကိုခေါ်နေတုန်း သုံ့ပန်းတစ်ယောက်ရဲ့ အမေပေးတဲ့ပေါင်မုန့်တစ်စုံ ကြားမှာ ညှပ်ထားတဲ့ မြေပုံတစ်ခုတွေ့တယ်။ အဲဒီအချိန် ဗိုလ်မှူး George Clooney ကလည်း ကတုတ်ကျင်းတစ်ခုမှာ ဆက်ဒန်ခိုးထားတဲ့ ‌ကူဝိတ်ရွှေတွေ မြုပ်ထားတယ်ဆိုတဲ့သတင်းတစ်ခုရထားတယ်ပေါ့။ အဲဒါနဲ့ သူတို့လေးယောက် လက်ဝါးချင်းရိုက်ပြီး မြေပုံကိစ္စကို အထက်လူကြီးဆီအသိ‌မပေးဘဲ ‌သွားရှာမယ်။ ရှာလို့တွေ့ရင် ခွဲယူပြီး ထိုင်စားမယ်လို့ ဆုံးဖြတ်လိုက်ကြပါတော့တယ်။ ဒါပေမဲ့လည်း အခြေအနေတွေက သူတို့ထင်သလို ပန်းခင်းသောလမ်းတော့ ဟုတ်မနေခဲ့ပါဘူး။ ကူဝိတ်ကိစ္စကို ဖြေရှင်းပြီးပေမဲ့ အီရတ်နိုင်ငံထဲမှာ ဆက်ဒန်ကို ဖြုတ်ချမယ့် သူပုန်တပ်တွေရှိနေပါတယ်။ ဆက်ဒန်တပ်တွေရဲ့ ပြည်သူတွေအပေါ်ဆက်ဆံပုံကိုမြင်တဲ့အချိန်မှာ သူတို့ ၄ ယောက်သား အကြပ်ရိုက်ပါပြီ။ အထက်ကပြောသလို မသိချင်ယောင်ဆောင်မလား။ ဝင်ကူညီမလားပေါ့။ လူသားချင်းစာနာမှုနဲ့ ကိုယ့်ရည်ရွယ်ချက်အကြား ပွတ်တိုက်မှုတွေဖြစ်လာတဲ့အခါ သူတို့ဘာကိုရွေးချယ်ကြမလဲဆိုတာကို ကြည့်ရှူရမှာဖြစ်ပါတယ်။ ကိုယ်တိုင်သတိထားမိတဲ့ ထူးခြားချက်တစ်ခုက ဒိုင်ယာလော့ခ်တွေကို ရှေ့လူစကားပြန်ထပ်ပြောတာပါပဲ။ ဥပမာ - မင်းဒါကိုစားမလို့လားဆိုရင် အေး ငါဒါကိုစားမလို့ ဆိုပြီး ပြန်ကောက်ပြောတာမျိုး။ ဘာကြောင့်လဲတော့မသိပေမဲ့ အဲဒီဟာကပါ ဟာသတစ်ခုလိုဖြစ်သွားတယ်။ ဘယ်လိုမှန်းမသိတဲ့ ရသလေးတစ်ခုပေါ့။ ဆုတွေကလည်း အတော်ကိုရထားတဲ့အပြင် ဒိတ်ဒိတ်ကြဲမင်းသားကြီးတွေနဲ့ ဒိတ်ဒိတ်ကြဲ ဒါရိုက်တာကြီးတို့ရိုက်ထားတဲ့ ဟောင်းပေမဲ့ကောင်း ရုပ်ရှင်လေးဖြစ်တာကြောင့် မထိုင်စတမ်းကြည့်ကောင်းမယ်လို့ မျှော်လင့်ပါတယ်။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.7GB, 1.1GB Quality - 1080p, 720p IMDb Rating - 7.1/10 Format - mp4 Duration - 1H 54Min Genre - Action, Adventure, Comedy Subtitle - Myanmar Subtitle (Hardsub) Translated by Min Thant Bo Encoded by Y