Chang Ryul ပါဝင်သော ဇာတ်ကားများ

Final Table (2026) အပိုင်းသစ် (4) အစားအသောက်တွေဆိုတာ တစ်ခါတစ်ရံမှာ မေ့ပျောက်နေခဲ့တဲ့ အမှတ်တရတွေကို ပြန်လည် နှိုးဆွပေးသလို ၊ နေ့စဉ်ဘဝထဲမှာ ငြီးငွေ့နွမ်းနယ်နေတဲ့ စိတ်နှလုံးကိုလည်း နှစ်သိမ့်ပေးနိုင်ကြပါတယ်။ ဒီလို စိတ်ဓာတ်ခွန်အားဖြည့်တင်းရာ ဟင်းတစ်ခွက် ဖြစ်လာဖို့ တတ်နိုင်သမျှ အစွမ်းကုန် ချက်ပြုတ်ပေးကြတဲ့ စားဖိုမှူးတွေရဲ့ ပြင်းထန်ပူလောင်လှတဲ့ ကမ္ဘာကို Survival Show ပုံစံနဲ့ ပေါင်းစပ်ပုံဖော်ထားတဲ့ ဒရမ်မာသစ်လေးနဲ့ မိတ်ဆက်ပေးပါရစေ။ Main Cast တွေကတော့ Business Proposal ထဲက မင်းသား Ahn Hyo-Seop နဲ့ Buried Hearts ထဲက မင်းသမီး Hong Hwa-Yeon တို့ပဲ ဖြစ်ပါတယ်။ - ဇာတ်လမ်းအကျဉ်း - ဂန်ဟန် (Ahn Hyo-Seop) ဟာဆိုရင်တော့ "Chris K" ဆိုတဲ့ နာမည်နဲ့ ဥရောပ၊ အမေရိက အချက်အပြုတ်နယ်ပယ်တွေမှာ ကျော်စောသတင်းမွှေးနေတဲ့ စားဖိုမှူးလေးပါ။ စားလိုက်ရုံနဲ့ ပါးစပ်ထဲမှာ မီးပန်းတွေ ပေါက်ထွက်သွားတဲ့အလား အရသာတင်မက ဇာတ်လမ်းတစ်ပုဒ်ကိုပါ ခံစားလိုက်ရစေတာကြောင့် လူအများက သူ့ဟင်းလျာတွေကို "ပဥ္စလက်"လို့တောင် တင်စားခေါ်ဝေါ်ကြပါတယ်။ တစ်ဖက်မှာလည်း ချွဲဆုန်းအီ (Hong Hwa-Yeon) ကတော့ ဖခင်ဖြစ်သူကို ရုတ်တရက် ဆုံးရှုံးလိုက်ရပြီးနောက်မှာ ဖခင်လက်ထက်ကတည်းက တည်ထောင်ခဲ့တဲ့ စားသောက်ဆိုင်လေးပါ ပိတ်သိမ်းရတော့မယ့် အကျပ်အတည်းနဲ့ ရင်ဆိုင်နေရသူပါ။ အဖေ့ရဲ့ ဂုဏ်သိက္ခာကိုရော ၊ ဆိုင်လေးကိုပါ ပြန်ဆယ်နိုင်ဖို့အတွက် ဆုန်းအီက "The Table: K Chef 2026" ဆိုတဲ့ ဟင်းချက်ပြိုင်ပွဲကြီးမှာ အတူဝင်ပြိုင်ဖို့ ဂန်ဟန်ကို ကမ်းလှမ်းလိုက်ရာမှာတော့... အဆင့်တိုင်း ပေးအပ်လာမယ့် ဆန်းဆန်းပြားပြား မစ်ရှင်တွေ ၊ အကြိတ်အနယ် ပြိုင်ဆိုင်မှုတွေကြားမှာ ဘယ်သူက "ကိုးရီးယားရဲ့ အတော်ဆုံး စားဖိုမှူး"ဆိုတဲ့ ဂုဏ်ပုဒ်ကို ဆွတ်ခူးသွားနိုင်မှာလဲ... ဒီအဖြေကိုတော့ အပတ်စဉ် စနေ ၊ တနင်္ဂနွေနေ့တိုင်း "The Table: K Chef 2026" ဆိုတဲ့ ပြိုင်ပွဲစင်မြင့်ထက်မှာ အတည်ပြု ကြည့်ရှုလိုက်ရအောင်နော်။ Episodes: 12 Airs: Oct 24, 2026 - Nov 29, 2026 Airs On: Saturday, Sunday Original Network: jTBC Duration: 1h 10m Genres: Food, Life, Drama

Love Me (2025) အပိုင်း (၁ မှ ၁၂) စ/ဆုံး “Dr. Romantic, Why Her” စတဲ့ နာမည်ကြီးဇာတ်လမ်းတွဲတွေရဲ့ ပဲ့ကိုင်ရှင် မမ Seo Hyun Jin, Twice အဖွဲ့ဝင် Dahyun, “The Scandal of Chunhwa, Daily Dose of Shunshine, My Name” စတဲ့ဇာတ်လမ်းတွဲတွေမှာပါဝင်ခဲ့တဲ့ မင်းသား Chang Ryul, Lee Si Woo, မင်းသားကြီး Yoo Jae Myung နဲ့ မမလှလှ Yoo Se Ah တို့ အဓိက ပါဝင်သရုပ်ဆောင်ထားတဲ့ ကားသစ်လေးရပါပြီနော်။ ဇာတ်လမ်းလေးဟာဆိုရင် “Älska mig” အမည်ရှိဆွီဒင် comedy drama ကားကို အခြေခံ ရိုက်ကူးထားတာပဲဖြစ်ပါတယ်။ သားဖွားမီးယပ်အထူးကုဆရာဝန်မလေး “ဆောဂျွန်ဂယောင်း” ဟာ အများအမြင်မှာတော့ ရုပ်ရည်လေးကလည်းချော, ထက်ထက်မြက်မြက်ကလည်းရှိ, ကောင်းမွန်တဲ့အသက်မွေးဝမ်းကြောင်းအလုပ်လည်းရှိပြီး ပြီးပြည့်စုံတဲ့ဘဝကို ပိုင်ဆိုင်ထားသူတစ်ယောက်ပေါ့။ တကယ်တမ်းမှာတော့ လွန်ခဲ့တဲ့ ၇ နှစ်က ဂျွန်ဂယောင်းတို့ မိသားစုမှာ အဖြစ်ဆိုးတစ်ခုနဲ့ကြုံတွေ့ခဲ့ရပြီး ဂျွန်ဂယောင်းက အဲဒီအဖြစ်ကနေ ထွက်ပြေးလာခဲ့မိတဲ့အတွက် ကိုယ့်ကိုယ်ကိုယ် အပြစ်ရှိစိတ်ဝင်ခဲ့ကာ နာကျင်စရာအတိတ်နဲ့ စိတ်ဒဏ်ရာကြီးကို သယ်ပိုးထားရင်း တစ်ကိုယ်တည်း အထီးကျန်နေရသူပါ။ ဒီလိုနဲ့ တစ်နေ့မှာတော့ .. ဂျွန်ဂယောင်းကို အပြည့်အဝနားလည်ပေးနိုင်တဲ့သူ .. ဂျွန်ဂယောင်းရဲ့ healing journey လေးကို အတူတူလျှောက်လှမ်းပေးမဲ့သူတစ်ယောက်ပေါ်လာတဲ့အခါ .. ဂျွန်ဂယောင်းရဲ့ဘဝ ဘယ်လိုမျိုး ပြန်တောက်ပလာမလဲဆိုတာကို အတူတူရှုစားရမဲ့ healing drama ကောင်းလေးဖြစ်ပြီး အပတ်စဥ် သောကြာနေ့တိုင်း တင်ဆက်ပေးသွားမှာပဲ ဖြစ်ပါတယ်။ Episodes: 12 Aired: Dec 19, 2025 - Jan 23, 2026 Aired On: Friday Original Network: jTBC Genres: Romance, Drama, Melodrama

The Scandal of Chun Hwa (2025) အပိုင်းသစ် (၁ မှ ၁၀) စ/ဆုံး နန်းတွင်းအချစ်ဇာတ်လမ်းတွေကို ကြိုက်နှစ်သက်တဲ့ ပရိသတ်ကြီးအတွက် မင်းသမီး Go Ara၊ မင်းသား Chang Ryul နဲ့  SF9အဖွဲ့ဝင် Chani တို့ အဓိကပါဝင်သရုပ်ဆောင်ထားတဲ့ ဇာတ်လမ်းတွဲသစ်ကလေးကို တင်ဆက်ပေးလိုက်ပါတယ်နော်။ ဇာတ်လမ်းကတော့.. တော်ဝင်မိသားစုရဲ့ အငယ်ဆုံးမင်းသမီးလေးဖြစ်တဲ့ ဟွာရီ (Go Ara) ဟာ အချစ်ဦးနဲ့လွဲခဲ့ရပြီး လက်ထပ်ဖို့ အသက်အရွယ်လည်း‌ရောက်ပြီမလို့ သူမရဲ့အနာဂတ်ခင်ပွန်းလောင်းကို ကိုယ်တိုင်ရွေးချယ်ချင်တာကြောင့်ရော ကာမရမ္မက်နှိုးကြွစေတဲ့ ချွန်းဟွာပန်းချီကားမှာ သူမရဲ့မျက်နှာကို အဓိကအမျိုးသမီး‌‌ဇာတ်ကောင်အဖြစ် ထည့်‌ရေးဆွဲခဲ့တဲ့သူကို ရှာချင်တာကြောင့်ရော နန်းတော်ပြင်ပကိုထွက်လာခဲ့ပါတယ်။ ချွဲဟွမ် (Chang Ryul)ကတော့ မြို့တော်ရဲ့အချမ်းသာဆုံး ရုပ်ရည်ချောမောတဲ့ ကုန်သည်လူရှုပ်လေးဖြစ်ပြီး သူ့မှာ လျှို့ဝှက်ချက်တစ်ခုလည်းရှိနေပါတယ်။ အီဂျန်ဝန်း (Chani) ကတော့ ဂုဏ်ထူးဆောင်မိသားစုရဲ့ အကြီးဆုံးသားဖြစ်တဲ့အပြင် ခန့်ညားပြီး ဉာဏ်ကောင်းလွန်းတာကြောင့် မျိုးရိုးမြင့်မိသားစုတွေကြားမှာ စံပြသမက်ပုံစံလေးအဖြစ် ရေပန်းစားတဲ့သူလေးပေ့ါ။ ဒါကြောင့် မင်းသမီးလေးဟွာရီက သူမရဲ့ခင်ပွန်းလောင်းကို ဘယ်လိုရွေးချယ်သွားမလဲ။ သူမရဲ့မျက်နှာကို ချွန်းဟွာပန်းချီကားထဲ ထည့်ရေးဆွဲခဲ့တဲ့သူကိုရော ရှာတွေ့သွားမလား။ နန်းတွင်းအချစ်ဇာတ်လမ်းဆိုတဲ့အတိုင်း သခင်လေး ချောချောလေးတွေ အများကြီးပါမှာမလို့ မလွတ်တမ်းကြည့်ရှုလိုက်ကြပါဦးနော်။ (ဒီဇာတ်လမ်းလေးဟာ 19+ အပြောအဆိုတွေများနှင့် ဇာတ်ဝင်ခန်းများ ပါရှိတဲ့အတွက် အသက်မပြည့်သေးသူများ ကြည့်ရှုရန် မသင့်တော်ပါ။) (အညွှန်းကိုတော့ Toe Toe Aung မှ ရေးသားထားပါတယ်။) Aired: Feb 6, 2025 - ? Aired On: Thursday Genres: Historical, Romance, Drama Episodes: 10 Original Network: TVING Translated by Esth, Hnin Wai Oo, Vanessa, Su Sandi & Htoo Htoo Aung Encoded by Tiff

အပိုင်း ( ၁ မှ ၁၂) ထိ စ/ဆုံး All of Us Are Dead” ရဲ့ပဲ့ကိုင်ရှင် ဒါရိုက်တာ Lee Jae Kyu ရဲ့လက်ရာအသစ်ဖြစ်ပြီး “All of Us Are Dead” နဲ့မတူကွဲပြားပြီး ရယ်လည်းရယ်ရ ငိုလည်းငိုရမယ့် healing ဒရာမာလေးပဲဖြစ်ပါတယ်။ Cast တွေအနေနဲ့လည်း Park Bo Young, Yeon Woon Jin, Jang Dong Yoon နဲ့ Lee Jung Eun တို့က အဓိကပါဝင်သွားမှာဖြစ်သလို စုစုပေါင်းအပိုင်း ၁၂ ပိုင်းပါဝင်မှာပဲဖြစ်ပါတယ်။ အရင်က ကိုယ်တွင်းအင်္ဂါကုဌာနမှာပဲလုပ်ခဲ့ဖူးတဲ့ သူနာပြုဆရာမလေး Jung Da Eun .. တစ်နေ့မှာတော့ မြောင်ရှင်းတက္ကသိုလ်ဆေးရုံက စိတ်ရောဂါကုဌာနဆီ ပြောင်းရွှေ့ခံလိုက်ရပါတော့တယ်။ ပ ထမဆုံးအတွေ့အကြုံလည်းဖြစ်သလို သာမန်ဝေဒနာရှင်တွေလိုမျိုး ကိုယ်ခံစားနေရတဲ့ဝေဒနာကို သေချာမပြောပြနိုင်ကြတဲ့လူနာတွေနဲ့ကြုံတွေ့လာရတဲ့အခါ ဘယ်လိုအလွဲတွေ အမွှေတွေဖြစ်ဦးမလဲ ..။ “အရိုးကျိုးရင် အရိုးအထူးကုဆီသွားပြကြပြီး အအေးမိရင် ဆေးသောက်လိုက်ကြပေမယ့် စိ တ်ပိုင်းဆိုင်ရာနာမကျန်းဖြစ်တဲ့အခါမှာတော့ လူတော်တော်များများက ကိုယ့်ပင်ပန်းမှုတွေကိုထုတ်ပြောပြီး အကူအညီမတောင်းတတ်ကြသလို ဆေးကုသမှုခံယူဖို့လည်း သတိမရတတ်ကြပါဘူး။ တစ်စုံတစ်ယောက်ရဲ့အကူအညီကိုရယူတာက တကယ့်ကိုကောင်းမွန်တဲ့အရာဖြစ်ကြောင်းပြချင်လို့ ဒီကားလေးကိုရိုက်ကူးဖြစ်ခဲ့တာပါ” ဆိုတဲ့ ဒါရိုက်တာကြီးရဲ့ပြောစကားအရ စိတ်ဝေဒနာရှင်တွေကို ဖေးမကူညီပေးသွားကြမယ့် မြောင်ရှင်းတက္ကသိုလ် စိတ်ရောဂါကုဌာနကဆရာဝန်တွေ နဲ့ သူနာပြုတွေရဲ့နွေးထွေးကြင်နာမှုတွေကို တွေ့မြင်ရမယ့် ဇာတ်ကားကောင်းလေးပဲဖြစ်ပါတယ်။ ဇာတ်လမ်းတွဲအညွှန်းကိုတော့ Lai Laii မှရေးသားပေးထားပါတယ်.... Episodes: 12 Aired:Nov 3, 2023 Aired On: Friday Original Network: KBS2 Duration: 1 hr. 10 min. Genres: Drama Subtitle__Myanmar Subtitle (Hardsub) Translated by  Lai Laii, Htoo Htoo Aung, Toe Toe Aung , Hsu Pyae & Stary Encoded by  Phyo Pyae

Bargain (a.k.a) Ransom (2022) [အစ-အဆုံး] အပိုင်းသစ် - ၄ မှ ၆ (ဇာတ်သိမ်းပိုင်း) (1080p ရပါပြီ) လူသားဆန်မှု .. တရားဥပဒေ .. အဲ့ဒါတွေ ဒီနေရာမှာမရှိဘူး!!! ဇာတ်လမ်းအညွှန်း ... နိုဟျောင်းဆူ တစ်ယောက် ဘတ်ဂျူယောင်း နဲ့တွေ့ဖို့ မိုတယ် တစ်ခုမှာ တွေ့ဆုံဖို့ ချိန်းထားလိုက်တယ်။ တကယ်လည်းတွေ့ရော ဘတ်ဂျူယောင်းရဲ့ အလှအပတွေကို တအားကို စိတ်ကျေနပ်သွားပြီး ဝန်ဆောင်ခ အားလုံးကျေကျေနပ်နပ်ကြီး ပေးချေဖို့ ဆုံးဖြတ်လိုက်ပါတယ်။ ဒါပေမဲ့လည်း ကိစ္စတွေက သူထင်ထားသလို ပျော်ရွှင်စရာ အခိုက်အတန့်မဟုတ်ခဲ့ဘဲ လူတစ်စုက သူ့ကို ဝိုင်းထားလိုက်တဲ့အခါ နိုဟျောင်းဆူတစ်ယောက် အလွန်အံ့အားသင့်သွားခဲ့ရပါတယ်။ အဲ့ဒီလူတစ်စုက လူကုန်ကူးတဲ့ ဂိုဏ်းတစ်ခုကလူတွေဖြစ်နေပြီး သူ့ရဲ့ ကိုယ်တွင်းအင်္ဂါတွေကို ရောင်းထုတ်ဖို့ လုပ်ကိုင်နေကြတာပါ။ ဒီလိုနဲ့ နိုဟျောင်းဆူရဲ့ ခန္ဓာကိုယ်အစိတ်အပိုင်းတွေကို ဝယ်ယူကြဖို့ ရွေးချယ်နေကြချိန်မှာ ရုတ်တရက် မြေငလျင်လှုပ်ခတ်လာတဲ့အခါမှာတော့ ... ဘာတွေဆက်ဖြစ်မလဲ? လောဘသားတွေအုပ်စိုးတဲ့ လူသားဆန်မှု ကိုယ်ချင်းစာမှု တရားဥပဒေတွေ ကင်းမဲ့‌တဲ့အဲ့ဒီနေရာ ... သဘာဝဘေးထက် လူ့လောဘတွေက ပိုကြောက်ဖိုကောင်းနေတဲ့ အခြေအနေတစ်ခု ... အဲ့ဒီငရဲမှာ လူသားနဲ့ လောဘသား ဘယ်သူကများအနိုင်ရရှိသွားမလဲ ? ဆိုတာကိုတော့ ဒီဇာတ်လမ်းတွဲလေးမှာ ဆက်ပြီး ကြည့်ရှုလိုက်ကြစို့နော်။ ဒီဇာတ်လမ်းတွဲလေးဟာ ၂၀၁၅ တုန်းကထွက်ရှိခဲ့တဲ့ Bargain ဆိုတဲ့ ဇာတ်လမ်းတိုလေးကို အခြေပြုဇာတ်အိမ်တည် ရိုက်ကူးထားတာဖြစ်ပြီး main lead တွေအနေနဲ့ The Outlaws, Through the Darkness တို့နဲ့စကေးကြမ်းခဲ့တဲ့ မင်းသားကြီး Jin SeonKyu ~ The Call, Money Heist တို့နဲ့ နာမည်ကြီးခဲ့တဲ့ Jeon JongSeo ~ My Name , Golden Spoon , Arthdal Chronicles တို့မှာ ပါဝင်အားဖြည့်ခဲ့တဲ့ Chang Ryul တို့ က အဓိကပါဝင်ထားပါတယ်။ ဇာတ်လမ်းဇာတ်အိမ် ထိမိပြီး သရုပ်ဆောင်တွေကလည်း အမိုက်စားတွေမို့ CM ရဲ့ K-Drama ပရိသတ်ကြီးတို့ အကြိုက်တွေ့ကြဦးမဲ့ ဇာတ်လမ်းတွဲလေးပါပဲ။ Aired: Oct 28, 2022 -- Nov 4, 2022 Aired On: Friday Genres: Thriller, Drama Duration: 35mins Episodes: 6 Original Network: TVing File Size: 1080p(~800MB), 720p(~300MB) Translated by Song Song, Win & Tiff Encoded by Kinnov

MBC ကနေ Big Mouth အစား အပတ်စဉ် သောကြာ စနေတိုင်း ထုတ်လွှင့်ပြသသွားမယ့် "Golden Spoon"... မှင်စာကားထဲက မင်းသားရဲ့တူဖြစ်တဲ့ ဒေါ့ဟွာလေးကို မှတ်မိပြီး Mystic Pop-Up Bar ကြည့်ဖူးတဲ့သူဆို ဒီကားကို လုံးဝ ကြည့်ချင်ကြမှာ ပြောရဲပါတယ်... ဟုတ်ပါတယ် အဓိကဇာတ်ဆောင်က BTOB အဖွဲဝင်ဖြစ်ခဲ့တဲ့ အဆိုတော် မင်းသား Yook Sung-Jae ပါပဲ ဇာတ်လမ်းလေးကလည်း အတော်စိတ်ဝင်စားဖိုကောင်းပါတယ် ကိုရီးယားနိုင်ငံမှာ အဆင့်အတန်းကို ရွှေဇွန်း ၊ ငွေဇွန်း ဆိုပြီး ခွဲခြားပြောတတ်ကြတာကို ကြားဖူးမှာပါ Lee SeungCheon ဆိုတဲ့ အထက်တန်းကျောင်းသားလေးဟာ ဆင်းရဲတဲ့မိဘတွေနဲ့ တစ်ဘဝလုံး ငွေဇွန်းလိုအပြောခံပြီး ရုန်းကန်ကြီးပြင်းလာခဲ့ရတယ် နုံချာတဲ့ အသိုင်းအဝိုင်းကို စိတ်ကုန်နေပြီး ချမ်းသာချင်နေတဲ့အချိန်မှာ တိုက်ဆိုင်စွာနဲ့ အဘွားအိုကြီး တစ်ယောက် ဈေးရောင်းနေတာကို ကြားလိုက်ရတယ်"မချမ်းသာချင်ဘူးလား? ချမ်းသာအောင်လုပ်ပေးမယ့် ရွှေဇွန်းလေ းတစ်ချောင်းတည်းကို ဝမ် သုံးသောင်းတည်းပါ" Seung-Cheon စိတ်ဝင်စားသွားပြီး ရွှေဇွန်းကို ဝယ်တဲ့အခါ အဘွားအိုက ဒီလိုမှာလိုက်တယ် "ချမ်းသာတဲ့ မင်းနဲ့ရွယ်တူတစ်ယောက်အိမ်မှာ ဒီရွှေဇွန်းနဲ့ ထမင်းသုံးနပ်အတူစားပါ အဲလိုဆို သူ့မိဘတွေက မင်းမိဘတွေဖြစ်လာလိမ့်မယ်" သူလည်း အဘွားအိုပြောတဲ့အတိုင်း အရမ်းချမ်းသာတဲ့ သူနဲ့ရွယ်တူ သူငယ်ချင်း Hwang Tae-Yong ရဲ့ အိမ်မှာ အဲရွှေဇွန်းနဲ့ ထမင်းသုံးနပ်စားလိုက်တယ် သိပ်မကြာခင်မှာပဲ သူ့ရဲ့ ဘဝပြောင်းလဲသွားပါတော့တယ်... Yook SungJae , Yeon Woo , Jung ChaeYeon , Lee JungWon တိုကအဓိကပါဝင်ထားပါတယ်။ Supernatural , fantasy ကြိုက်တဲ့သူတွေအတွက် ကွက်တိဖြစ်ပြီး  စိတ်ဝင်စားဖွယ် ဇာတ်အိမ်တည်ထားတဲ့အပြင် Idol မင်းသားချောလေး Yook Sung Jae ရဲ့ main lead ကားဆိုတော့ အပတ်စဉ် မလွတ်တမ်း စောင့်မျှော်ကြည့်ရှုလိုက်ကြပါတော့!!! (အညွှန်းရေးသားထားသူကတော့ Khaing Khin ဖြစ်ပါတယ်) Quality : WEB-DL 720p,1080p Total Episodes : 16 Format : mp4 Genres : Psychological, Drama, Fantasy, Supernatural Duration : 1 hr 20 min per Episode Subtitle : Myanmar Subtitle ( Hardsub ) Translated by CM Team Encoded by LK

ကဲ CM ကကွီးယားဖန်တွေအတွက် ဒီတစ်ခေါက် တင်ဆက်ပေးမယ့်ကားကတော့... လက်ရှိပြသနေတဲ့ ယူမီဆဲလ်ထဲကမင်းသား Ahn Bo-Hyun နဲ့ လိပ်ပြာကားထဲကမင်းသမီးချောလေး Han So-Hee တို့ရဲ့ ကြမ်းကြရမ်းကြမယ့် "My Name"ဆိုတဲ့ အက်ရှင်ဇာတ်လမ်းတွဲပဲဖြစ်ပါတယ်... ဇာတ်လမ်းအကျဥ်း Yoon Ji-Woo(Han So-Hee) က မူးယစ်ဆေးဂိုဏ်းရဲ့အဖွဲ့ဝင်တစ်ယောက်ဖြစ်ပြီး ဖခင်ဖြစ်သူ ရုတ်တရက်သေဆုံးသွားတဲ့အတွက် အသည်းအသန်လက်စားချေချင်နေတဲ့သူတစ်ယောက်ပါ... ဒီလိုလက်စားချေနိုင်ဖို့ Dongcheonpa ဆိုတဲ့မူးယစ်ဆေးဂိုဏ်းခေါင်းဆောင်တစ်ဦးဖြစ်တဲ့ Choi Moo-Jin(Park Hee-Soon)ရဲ့ အကူအညီနဲ့ ရဲတပ်ဖွဲ့ထဲကို သူလျှိုအနေနဲ့ဝင်ရောက်ပြီး ဖခင်ဖြစ်သူသေဆုံးမှုရဲ့နောက်ကွယ်က အကြောင်းရင်းကို ဖော်ထုတ်ဖို့ကြိုးစားပါတော့တယ်... Jeon Pil-Do(Ahn Bo-Hyun)ကတော့ မူးယစ်စုံစမ်းစစ်ဆေးရေးဌာနရဲ့ ရဲတပ်ဖွဲ့ဝင်တစ်ယောက်ဖြစ်ပြီး Yoon Ji-Wooရဲ့ ပါတနာတစ်ယောက်ဖြစ်လာခဲ့ပါတယ်... မူးယစ်ဆေးဂိုဏ်းခေါင်းဆောင်၊ရဲစုံထောက်နဲ့သူလျှို ဒီသုံးယောက်ကြားမှာ ဘယ်လိုမမျှော်လင့်ထားတဲ့ ဇာတ်လမ်းတွေဖြစ်ပေါ်လာမလဲဆိုတာတော့.... အပိုင်း၈ပိုင်းလုံး တစ်နေ့တည်းအပြီးပြသသွားမှာဖြစ်လို့ သောကြာနေ့ညကို My Name လေးကြည့်ရင်းဖြတ်သန်းရအောင် CMကနေချက်ချင်းတင်ဆက်ပေးသွားမှာမို့ စောင့်မျှော်အားပေးကြပါဦးနော်... အညွှန်းကိုတော့ Ei Phyu Khin မှ ရေးသားထားပေးပါတယ်... Episodes: 8 Duration: 50 Min Genres:  Action , Crime , Drama Subtitled by  Ei Phyu Khin, Hnin Pale , Win  & Yumeko Encoded by  Phyo Pyae

Detective K: Secret of the Living Dead (2018) Detective K ရဲ့ နောက်ဆုံးထွက်ရှိထားတဲ့ Secret of the Living Dead ကတော့ ကိုရီးယားနန်းတွင်း မကောင်းဆိုးဝါး ဟာသကားတွေကို ကြိုက်တဲ့သူတွေအတွက် ကွက်တိဖြစ်စေသလို Kim Myung Min, Oh Dal Soo, Kim Ji Won နဲ့ Lee Min Ki တို့က အဓိကအနေနဲ့ ပါဝင်ထားလို့ cast တွေကလည်း ပြောစရာမလိုအောင်ကို ရှယ်တွေကြီးပဲနော်။ -ဇာတ်လမ်းအကျဥ်း- အလွတ်စုံထောက်တစ်ယောက်ဖြစ်တဲ့ ဂင်မင်း က မကောင်းဆိုးဝါးလောကကြီးကို ယုံကြည်ပြီး ဂျိုဆွန်းတိုင်းပြည်မှာ သွေးစုပ်ဖုတ်ကောင်ရှိနေတယ်လို့ ယုံကြည်ကာ အချက်အလက်တွေကို လိုက်ရှာနေတဲ့သူဖြစ်တယ်။ တစ်ရက်မှာတော့ ဂန်ဟွာကျွန်းက မီးလောင်ပြီးသေသွားတဲ့ အလောင်းတွေရဲ့ ကွင်းဆက်လူသတ်မှုကို စုံစမ်းပေးဖို့အတွက် သူ့ဆီကို အမှုအပ်လာခဲ့တာကြောင့် ဂန်ဟွာကျွန်းကို သွားခဲ့တဲ့အခါမှာ အရမ်းလှပပြီး အားအရမ်းသန်ပြီး ထူးဆန်းတဲ့ အမျိုးသမီးတစ်ယောက်နဲ့ ဆုံခဲ့ကြတယ်။ ဂင်မင်းကတော့ အဲဒီအမျိုးသမီးဟာ ဒီအမှုနဲ့ဆက်စပ်မှုရှိနေတယ်လို့ ထင်နေခဲ့ပေမဲ့ အဲဒီအမျိုးသမီးကတော့ ကိုယ့်နာမည်ကိုတောင် မသိတော့တဲ့ မှတ်ဉာဏ်ပျောက်ဆုံးနေတဲ့ သူတစ်ဦး ဖြစ်နေခဲ့တယ်။ ဒါပေမဲ့ လူသတ်မှုရဲ့နောက်ကွယ်က လူကိုဖမ်းဆီးဖို့ရာအတွက် ထိုအမျိုးသမီးရဲ့ အင်အားနဲ့တိုက်ခိုက်စွမ်းရည်ကို ဂင်မင်းက လိုအပ်နေခဲ့တာကြောင့် နှစ်ယောက်သား သဘောတူညီမှုနဲ့ အမှုကိုအတူတူစုံစမ်းဖို့ရာ ဖြစ်လာခဲ့တဲ့ အခါမှာတော့..။ လူသတ်မှုရဲ့နောက်ကွယ်မှာ ဘယ်သူရှိနေမလဲ..။ အထောက်တော်ကြီးနဲ့ အမျိုးသမီးတို့ကရော ဘယ်လိုပူးပေါင်းပြီး နောက်ကွယ်ကလူကို ဖော်ထုတ်ဖမ်းဆီးသွားကြမှာလဲ... မင်းသမီးရဲ့ မေ့ပျောက်နေတဲ့ မှတ်ဉာဏ်တွေကရော ဘယ်လိုတွေဖြစ်နေမလဲဆိုတာကိုတော့ Detective K (2018) ဇာတ်ကားလေးထဲမှာပဲ ကြည့်ရှုပေးပါဦးနော်။ (ဇာတ်လမ်းအကျဉ်းကို Vanessa မှ ရေးသားပေးထားပါတယ်။) File size…2.49GB / 930MB Quality… WEB-DL 1080p 5.1 CH/ WEB-DL 720p Format…mp4 Duration….2h 00m Genre ….. Historical, Mystery, Comedy, Supernatural Subtitle….Myanmar Subtitle (Hard Sub) Encoder….Tiff Translated by Vanessa