Christopher Gaze ပါဝင်သော ဇာတ်ကားများ

Barbie and the Secret Door (2014) ဘာဘီနှင့် လျှို့ဝှက်တံခါးနောက်ကွယ်မှစွန့်စားခန်း ဇာတ်လမ်းကတော့ ရှက်ရွံ့တတ်ပြီး စာအုပ်ဖတ်ရတာကိုပဲ ဝါသနာပါတဲ့ မင်းသမီးလေး "အလက်ဇာ"အကြောင်းကနေ စတင်ထားတာပါ။ သူမဟာ နန်းတွင်းက ကပွဲတွေ၊ မင်းသမီးတာဝန်တွေကို မကျေပွန်ဘဲ စာအုပ်တွေကြားထဲမှာပဲ အချိန်ကုန်လွန်စေလိုသူ ဖြစ်ပါတယ်။ တစ်နေ့မှာတော့ သူမဟာ နန်းတော် ဥယျာဉ်ထဲမှာ ဝှက်ထားတဲ့ ဆန်းကြယ်လှတဲ့ လျှို့ဝှက် တံခါးတစ်ချပ်ကို တွေ့ရှိသွားခဲ့ပါတော့တယ်။ အဲ့ဒီ တံခါးကို ဖွင့်လိုက်တဲ့အခါမှာတော့ ဆန်းကြယ်တဲ့ မော်သတ္တဝါတွေ၊ နတ်သမီးလေးတွေနဲ့ ရေနဂါးမလေးတွေ နေထိုင်ရာကမ္ဘာကြီးဆီ ရောက်ရှိသွားခဲ့ပါတယ်။ ဒါပေမဲ့ အဲ့ဒီ ကမ္ဘာကြီးကို ရက်စက်ပြီး အတ္တကြီးတဲ့ မင်းသမီးလေး "မလူစီယာ" က အုပ်ချုပ်နေပြီး... တိုင်းသူပြည်သားတွေရဲ့ မော်အစွမ်းတွေကို လိုက်လံ လုယူနေတာကို သိလိုက်ရတဲ့အခါ... အလက်ဇာဟာ သူမရဲ့ သတ္တိနဲ့ မော်တုတ်ကောက်လေးကို အသုံးပြုပြီး ဒီကမ္ဘာကြီးကို ကယ်တင်ဖို့ ဘယ်လိုမျိုး ရဲရင့်စွာ ရုန်းကန်သွားမလဲဆိုတာကို ရှုစားကြရမှာ ဖြစ်ပါတယ်။

၂၀၁၂ ခုနှစ်မှာ ထွက်ရှိခဲ့တဲ့ "Barbie: The Princess & The Popstar" ကတော့ Barbie ရုပ်ရှင်ပရိသတ်တွေကြားမှာ ယနေ့တိုင် ရေပန်းစားနေဆဲဖြစ်တဲ့ ဂန္တဝင်ရုပ်ရှင်ကားတစ်ကားပါ။ ဒီဇာတ်လမ်းက Mark Twain ရဲ့ နာမည်ကြီးဝတ္ထု "The Prince and the Pauper" ကို မှီငြမ်းထားပြီး ခေတ်သစ်ပုံစံနဲ့ ပြန်လည်အသက်သွင်းထားတာ ဖြစ်ပါတယ်။ ဇာတ်လမ်းက ရုပ်ချင်းဆင်တူပေမယ့် ဘဝမတူတဲ့ မိန်းကလေးနှစ်ယောက်အကြောင်းကို အဓိကထား ရိုက်ကူးထားပါတယ်။ တစ်ယောက်ကတော့ တင်းကျပ်တဲ့စည်းကမ်းတွေနဲ့ နေထိုင်ရတဲ့ မင်းသမီးလေး Tori ဖြစ်ပြီး နောက်တစ်ယောက်ကတော့ အောင်မြင်ကျော်ကြားပေမယ့် ဖိအားတွေများတဲ့ Popstar Keira ပါ။ သူတို့နှစ်ယောက်လုံးက ကိုယ့်ရဲ့ဘဝထက် တခြားတစ်ယောက်ရဲ့ဘဝကို ပိုပြီးသာယာတယ်လို့ ထင်မြင်နေကြပါတယ်။ တစ်နေ့မှာ သူတို့နှစ်ယောက် တွေ့ဆုံခဲ့ကြပြီးနောက် တစ်ယောက်နေရာမှာ တစ်ယောက် အချိန် 잠시 ဝင်နေကြည့်ဖို့ ဆုံးဖြတ်လိုက်ကြပါတယ်။ ဒီလိုနဲ့ မင်းသမီးလေးက Popstar ဘဝရဲ့ အခက်အခဲတွေ၊ စိန်ခေါ်မှုတွေကို ရင်ဆိုင်ရသလို၊ Popstar ကလည်း တော်ဝင်မင်းသမီးတစ်ပါးရဲ့ တာဝန်တွေကို သင်ယူရပါတော့တယ်။ သူတို့ထင်သလို တခြားတစ်ယောက်ရဲ့ဘဝက လွယ်ကူရဲ့လား၊ ကိုယ့်ရဲ့ တကယ့်တန်ဖိုးနဲ့ အနှစ်သာရက ဘာလဲဆိုတာကို ဒီဇာတ်လမ်းကနေတစ်ဆင့် သင်ခန်းစာပေးထားပါတယ်။ ဒီရုပ်ရှင်ရဲ့ အဓိကဆွဲဆောင်မှုကတော့ သာယာနာပျော်ဖွယ်ကောင်းတဲ့ သီချင်းတွေပါပဲ။ ဇာတ်လမ်းနဲ့လိုက်ဖက်ပြီး နားထဲစွဲနေမယ့် သီချင်းကောင်းတွေ အများကြီးပါဝင်တာကြောင့် ကလေးရောလူကြီးပါ ကြည့်ရှုခံစားနိုင်မှာပါ။ File size…    1.3 GB /  637 MB Quality… BluRay 1080p / 720p Format… mp4 Duration…. 1h 40m Genre ..... Animation / Comedy / Fantasy Subtitle…. Myanmar Subtitle (Hard Sub)

Barbie as the Island Princess (2007) ဘာဘီ ရုပ်ရှင်တွေထဲမှာနောက်ခံသီချင်းကောင်းကောင်းနဲ့ စကားပြောတတ်တဲ့ တိရစ္ဆာန်လေးတွေပေါင်းစပ်ရိုက်ကူးထားတဲ့ ဇာတ်လမ်းတစ်ပုဒ်ပါ ဇာတ်လမ်းကတော့ ငယ်စဉ်ကတည်းက သင်္ဘောပျက်ရာကနေ သာယာလှပတဲ့ သီးခြား ကျွန်းကလေးပေါ် သောင်တင်ခဲ့ပြီး တိရစ္ဆာန် မိတ်ဆွေလေးတွေနဲ့အတူ ကြီးပြင်းလာခဲ့ရတဲ့ မိန်းကလေးငယ် "ရို" (Ro) အကြောင်းကနေ စတင်ထားတာပါ။ ရို ဟာ စကားပြောတတ်တဲ့ ပန်ဒါနီ၊ ဒေါင်းနဲ့ ဆင်ပေါက်ကလေးတို့နဲ့အတူ ကြီးပြင်းခဲ့သူ ဖြစ်ပါတယ်။ တစ်နေ့မှာတော့ စွန့်စားရတာကို နှစ်သက်တဲ့ မင်းသားလေး "အန်တိုနီယို"ဟာ အဲ့ဒီ ကျွန်းပေါ်ကို ရောက်ရှိလာခဲ့ပြီး... ရို နဲ့ သူမရဲ့ တိရစ္ဆာန် သူငယ်ချင်းလေးတွေကို သာယာလှပတဲ့ မြို့ပြနန်းတော်ဆီ လိုက်ပါ လည်ပတ်ဖို့ ဖိတ်ခေါ်လိုက်ပါတော့တယ်။ နန်းတော်ဆီ ရောက်သွားတဲ့အခါမှာတော့... နန်းတွင်းက မကောင်းကြံသူတွေရဲ့ ပရိယာယ်တွေကို ရင်ဆိုင်ရင်း ရိုဟာ သူမရဲ့ ပျောက်ဆုံးနေတဲ့ အတိတ်ဘဝကိုပါ ရှာဖွေသွားပုံကိုကြည့်ရမှာ ဖြစ်ပါတယ်။

Barbie in the 12 Dancing Princesses (2006) ​ ​ဘုရင်ကြီးရန်ဒေါ့ဖ် မှာ သမီးတော် ၁၂ ပါး ရှိပြီး သမီးတော်တွေဟာ မင်းသမီးလို ပီပီသသ အမူအရာတွေ မရှိဘဲ လွတ်လပ်စွာ ကခုန်ရတာကို နှစ်သက်ကြသူတွေ ဖြစ်ပါတယ် ဒါပေမဲ့ မင်းကြီးက မိဖုရားကြီး ကွယ်လွန်ပြီးတဲ့နောက်မှာ သမီးတော်တွေကို နန်းမူနန်းရာနဲ့ ကြီးပြင်းလာစေချင်တဲ့အတွက် အမျိုးတော်သူ "မြိုစားကတော် ရိုဝီနာ " ကို သမီးတော်တွေကို ထိန်းကျောင်းခိုင်းဖို နန်းတော်ကို ခေါ်လာခဲ့ပါတယ် ​ယုတ်မာစိတ်ရှိတဲ့ ရိုဝီနာကတော့ နန်းတော်ကို ရောက်လာပြီးတဲ့နောက်မှာ ပရိယာယ်မျိုးစုံသုံးပြီး မင်းသမီးလေးတွေရဲ့ လွတ်လပ်ခွင့်နဲ့ ကခုန်ခွင့်တွေကို ပိတ်ပင်လိုက်ပါတယ်။ အဲဒါအပြင် မင်းကြီးရဲ့ ထီးနန်းအာဏာကို လုယူဖိုအတွက် မင်းကြီးကို တဖြည်းဖြည်း အဆိပ်ခတ်ပြီး ဒုက္ခပေးပါတော့တယ် ​တစ်နေ့မှာတော့ မင်းသမီးလေးတွေက အမေ ပေးခဲ့တဲ့ ပုံပြင်စာအုပ်ထဲကနေ လျှိဝှက်ချက်ကို သိရှိသွားပြီး စာအုပ်ထဲက အကွက်ဆန်းတွေကို နင်းကာ မန္တန်ကမ္ဘာဆီ သွားရောက်နိုင်တဲ့ လျှိဝှက်တံခါးကို တွေ့ရှိသွားခဲ့ပါတယ် အဲဒီလျှိဝှက်ကမ္ဘာမှာ မင်းသမီးလေးတွေ စိတ်ကြိုက် ကခုန်ရင်း ပျော်ရွှင်နေကြချိန်မှာ နန်းတော်ထဲမှာတော့ ရိုဝီနာ က တိုင်းပြည်အာဏာကို လုယူပြီး သူ့ကိုယ်သူ မိဖုရား အဖြစ် ကြေညာကာ နန်းစိုက်ဖို ပြင်ဆင်နေခဲ့ပါပြီ ​မင်း​​ကြီးရဲ့ အသက်နဲ့ တိုင်းပြည်တစ်ခုလုံးကို မြိုစားကတော် ရိုဝီနာ ရဲ့ ယုတ်မာတဲ့ လက်ကနေ မင်းသမီး ၁၂ ပါးလုံး ချစ်ခြင်းမေတ္တာ၊ စည်းလုံးမှုနဲ့ ဉာဏ်ပညာကို အသုံးချပြီး အောင်အောင်မြင်မြင်နဲ့ ပြန်လည်ကယ်တင်နိုင်မလားဆိုတာကိုတော့ မိသားစုနဲ့အတူ အပန်းဖြေရင်း ကြည့်ရှုခံစားလိုက်ကြရအောင်