Chuck Norris ပါဝင်သော ဇာတ်ကားများ

2024 ခုနှစ်အတွင်းထွက်ရှိခဲ့ာတဲ့ "Agent Recon" ရုပ်ရှင်ကတော့ အက်ရှင်သိပ္ပံဇာတ်ကား‌ကောင်းတခု ဖြစ်ပါတယ်။ ဒီဇာတ်ကားမှာ ကမ္ဘာမြေလုံခြုံရေးတာဝန် တပ်ဖွဲ့ရဲ့ လျှို့ဝှက်တပ်မှူးကြီး Alastair ဟာ စူပါပါဝါရှိတဲ့ လူသစ် Jim ကို သူ့တပ်ဖွဲ့ထဲဝင်ရောက်စေခဲ့ပြီး တိုက်ပွဲ အတွေ့အကြုံရင့် ဗိုလ်ချုပ် Green နဲ့ကျွမ်းကျင်မရိန်း တပ်သားတွေ ဦးဆောင်တဲ့ မစ်ရှင်တခုမှာ ပါဝင်ဆောင်ရွက်ဖို့ တာဝန်ပေးခဲ့ပါတယ်။ သူတို့ရဲ့ရည်ရွယ်ချက်ကတော့ နယူးမက္ကဆီကိုက ဂြိုလ်သားနည်းပညာကို စမ်းသပ်နေတဲ့ လျှို့ဝှက်အခြေ စိုက်စခန်းတခုမှာ ထူးခြားလျှို့ဝှက်ဆန်းကြယ်တဲ့ စွမ်းအင်နှောင့်ယှက်မှုကို ခြေရာခံဖို့ဖြစ်ပါတယ်။ ဒါပေမဲ့ ဒီမစ်ရှင်အတွင်းမှာ သာမန်ထက်သာလွန်တဲ့ ခွန်အား၊ အမြန်နှုန်းနဲ့ စွမ်းရည်ကိုပိုင်ဆိုင်ထားပြီး အသိဉာဏ်ကင်းမဲ့တဲ့ စစ်သားတွေကိုထိန်းချုပ်နေတဲ့ အမည်မသိသတ္တဝါကြီးကို ရင်ဆိုင်ရပါတော့တယ်။ ဒီဂြိုဟ်သားခံတပ်နောက်ကွယ်က အမှန်တရားကို Jim တယောက်ရှာဖွေတဲ့အခါ ဘယ်လိုအရာတွေကို တွေ့ရှိလာမှာလဲ၊ လူသားမျိုးနွယ်ပျက်သုဉ်းမှုကနေ ကာကွယ်နိုင်ပါ့မလားဆိုတာကို သဲထိတ်ရင်ဖိုစောင်ကြည့်ခံစားရမှာဖြစ်ပါတယ်။ File size…1.78GB / 752MB Quality…WEB-DL 1080p 5.1CH / 720p Format…mp4 Duration….1h 25m Genre ….. Action , Sci-Fi Subtitle….Myanmar Subtitle (Hard Sub) Encoder….Min Wai Translated by Zaw Myint

The Expendables ဟာ လူတိုင်းနီးပါးကြည့်ပြီးသား ကြိုက်ပြီးသားကားဆိုပေမယ့် ဆရာကြီး Sylvester Stallone ကတော့ သိပ်ကျေနပ်ပုံမရပါဘူး။ အဲဒါနဲ့ပဲ ပိုပြီးပြည့်စုံခမ်းနားသွားမယ့် The Expendables Director's Cut ဆိုတာကို ထပ်မံထုတ်လုပ်ခဲ့ပါတယ်။ မင်းသားကြီးများပြီး အပျော်ကြည့် ရုပ်ရှင်ကားတစ်ကားအနေနဲ့ ကြည့်ရှုသူများပြားခဲ့တဲ့ The Expendables ရဲ့ Director's Cut မှာ ထူးခြားသွားတာက Character တွေကို ပိုပြီး အလေးပေးဖော်ပြထားတယ်၊ ရုပ်ထွက်တွေ၊ အသံတွေ အရင်မူရင်းဗားရှင်းထက် ပိုပြီး ကြည်လင်ပြတ်သားသလို ကြည့်ရတာကလည်း ပိုပြီး ချော့မွေ့သွားတယ်လို့ ခံစားရလိမ့်မယ်။ ဇာတ်လမ်းက နည်းနည်းလေး ပိုရှည်သယောင်ယောင်ဖြစ်နေရတာကလည်း ဒိုင်ယာလော့တွေ၊ ဇာတ်ကွက်တွေကို ပိုပြီး အချိန်ပေးထားတာကြောင့်ဖြစ်ပါတယ်။ ဒါကြောင့် အရင်က ကြည့်ရ ထောက်နေတာတွေ၊ ဟာ​နေတဲ့ ဇာတ်ကွက်​တွေ နာမည်ကြီးမင်းသားတွေရဲ့ Screen Time နည်းတာတွေက ဒီဗားရှင်းမှာဖြေရှင်းပြီးသားဖြစ်သွားပါတယ်။ ပြီးတော့ ယခင်ဗားရှင်းထက် အနည်းငယ်ထူးခြားသွားတာကိုတော့ ကြည့်ရှုရင်းနဲ့ပဲ အဖြေရှာကြပါလို့ ညွှန်းဆိုလိုက်ရပါတယ်။ Quality__720p and1080p File Size__1.5GB and 2.3GB IMDb Rating__6.6/10 Format__mp4 Duration__1h43min Type__Action, Adventure, Triller Subtitle__Myanmar Subtitle (Hardsub) Encoded by Htet Wai Lwin

အက်ရှင်မင်းသားကြီး Chuck Norris ရဲ့ အမာခံ ပရိသတ်တွေအတွက် ဒီနေ့မှာတော့ ၂၀၀၅ ခုနှစ်က ထွက်ရှိခဲ့တဲ့ မှုခင်းအက်ရှင် ဇာတ်ကားကောင်း "The Cutter (၂၀၀၅)" ကို တင်ဆက်ပေးချင်ပါတယ်။ ဒါရိုက်တာ Bill Tannen ရိုက်ကူးထားပြီး မင်းသားကြီး Chuck Norris နဲ့အတူ ကိုယ်ခံပညာရှင် မင်းသား Daniel Bernhardt တို့ရဲ့ အကြိတ်အနယ် ရင်ဆိုင်တိုက်ခိုက်မှုတွေကို မြင်တွေ့ရမယ့် အက်ရှင်ဇာတ်ကားတစ်ကား ဖြစ်ပါတယ်။ ဇာတ်လမ်းကတော့ ဂျွန် ရှက်ဖတ် (John Shepherd - သရုပ်ဆောင် Chuck Norris) ဆိုတဲ့ ရဲစုံထောက်ဟောင်းတစ်ယောက်ကနေ စတင်ပါတယ်။ သူဟာ ပြန်ပေးဆွဲခံရတဲ့ ကလေးမလေးတစ်ယောက်ကို ကယ်တင်တဲ့ စစ်ဆင်ရေးတစ်ခုမှာ အချိန်မီ မကယ်လိုက်နိုင်တဲ့အတွက် စိတ်ဒဏ်ရာရပြီး ရဲတပ်ဖွဲ့ကနေ အနားယူကာ ပုဂ္ဂလိက စုံထောက်အဖြစ် ရပ်တည်နေသူပါ။ တစ်ဖက်မှာတော့ ဒါ့ခ် လို့ခေါ်တဲ့ သွေးအေးရက်စက်တဲ့ ကြေးစားလူသတ်သမားတစ်ယောက်ဟာ တမန်တော် မိုးဇက် လက်ထက်ကတည်းက တည်ရှိခဲ့တဲ့ သမိုင်းဝင် တန်ဖိုးဖြတ်မရသော စိန်ရတနာတုံးကြီးတွေကို ခိုးယူခဲ့ပါတယ်။ အဲဒီရှေးဟောင်း စိန်တုံးကြီးတွေကို ပြန်လည်သွေးဖြတ်ဖို့အတွက် ဒုတိယကမ္ဘာစစ်အတွင်းက အော့ဇ်ဝစ်ဇ် အကျဉ်းစခန်းကနေ အသက်ရှင်လွတ်မြောက်လာခဲ့တဲ့ သက်ကြီးရွယ်အို စိန်သွေးပညာရှင်ကြီး အိုက်ဇက် တယ်လာ ကို ဒါ့ခ် က ပြန်ပေးဆွဲသွားပါတော့တယ်။အိုက်ဇက် ရဲ့ တူမဖြစ်သူ အဲလိဇဘက် က သူမရဲ့ ဦးလေးဖြစ်သူကို ကယ်တင်ပေးဖို့ ဂျွန် ရှက်ဖတ် ကို ငှားရမ်းလိုက်တဲ့အခါ၊ စိန်သွေးတဲ့အလုပ် ပြီးတာနဲ့ အိုက်ဇက် ကို သတ်ပစ်မယ့် ကြေးစားလူသတ်သမားရဲ့ လက်ထဲကနေ ရှက်ဖတ် တစ်ယောက် အချိန်မီ ဘယ်လို အသက်စွန့် ကယ်တင်မလဲ ဆိုတာကို စိတ်လှုပ်ရှားဖွယ် ရိုက်ကူးထားတာပါ။ "The Cutter (၂၀၀၅)" ဟာ ၉၀ ပြည့်လွန်နှစ်တွေနဲ့ ၂၀၀၀ ပြည့်လွန်နှစ် အစောပိုင်းက Old-School အက်ရှင်ဇာတ်ကားတွေရဲ့ အရသာကို ပြန်လည်ခံစားချင်သူတွေနဲ့ မင်းသားကြီး Chuck Norris ရဲ့ ပရိသတ်တွေအတွက် အပန်းဖြေ ကြည့်ရှုလို့ကောင်းမယ့် မှုခင်းအက်ရှင် ဇာတ်ကားကောင်းတစ်ကား ဖြစ်ပါတယ်။ File size… 2.05 GB / 1.19 GB Quality… Blu-ray 1080p / 720p Format… mp4 Duration…. 1h 32mGenre ..... Action, Crime, Thriller Subtitle…. Myanmar Subtitle (Hard Sub)

Peter La Fleur က ရည်မှန်းချက်ကြီးကြီးမားမား မရှိဘဲ အေးအေးဆေးဆေး နေတတ်သူပါ။ Average Joe’s ဆိုတဲ့ ရပ်ကွက်အားကစားရုံလေးတစ်ရုံ ပိုင်ပြီး လာကစားနေကျ လူတစ်စုလည်း ရှိတယ်။ ဒါပေမယ့် အားကစားရုံကနေ ငွေမရတာ ၁၃ လရှိနေပါပြီ။ တစ်နေ့မှာတော့ ရက် ၃၀ အတွင်း ဒေါ်လာ ၅၀,၀၀၀ မဆပ်နိုင်ရင် အားကစားရုံကို ဘဏ်က သိမ်းတော့မယ်ဆိုတဲ့ သတင်းဆိုး ရောက်လာတယ်။ ဘေးက နာမည်ကြီး Globo Gym ကလည်း ဒီနေရာကို ကားပါကင်လုပ်ဖို့ ဝယ်မှာပါ။ ပီတာနဲ့ သူ့ဘော်ဒါတွေအတွက် Average Joe’s က အားကစားလုပ်တဲ့နေရာတစ်ခုထက် ပိုပါတယ်။ နေ့စဉ်ဘဝက အပန်းဖြေပြီး ခိုနားနိုင်တဲ့နေရာဖြစ်လို့ ဘယ်သူမှ လက်မလွှတ်ချင်ကြဘူး။ ဒီတော့ သတ်မှတ်ရက်အတွင်း လိုတဲ့ငွေရဖို့ နည်းမျိုးစုံ ဝိုင်းစဉ်းစားကြရင်း Dodgeball Championships ပြိုင်ပွဲမှာ ဝင်ပြိုင်ဖို့ ဆုံးဖြတ်လိုက်ကြပါတယ်။ ပြိုင်မယ်လို့သာ ဆုံးဖြတ်လိုက်တာ၊ သူတို့ထဲမှာ ကောင်းကောင်းကစားတတ်တဲ့သူ တစ်ယောက်မှ မရှိပါဘူး။ ကိုယ့်အားကစားရုံကို ကာကွယ်ဖို့ ဘာမဆိုလုပ်မယ့် ပီတာတို့အဖွဲ့ ပြိုင်ပွဲထဲဝင်တော့ ဘယ်လိုအလွဲတွေ ကြုံရဦးမလဲ၊ အခက်အခဲတွေကို ကျော်ဖြတ်ပြီး သူတို့မြတ်နိုးတဲ့ နေရာလေးကို ထိန်းထားနိုင်ပါ့မလား။

ကျွန်တော်တို့ရဲ့ အချစ်တော်ကြီး အမေရိကန်နေထူးနိုင် ချက်ခ်နိုးရက်စ် ရဲ့ ကြမ်းကြမ်းရမ်းရမ်း အက်ရှင်ကားတကားထပ်လာပါပြီ။ ဒီကားထဲမှာတော့ ချက်ခ်နိုးရက်စ် က ကားစကတည်းက ဆရာကြီးဖြစ်နေပါပြီ။ တက္ကသိုလ်မှာ ပါမောက္ခ အဖြစ်နေနေပြီးတော့ တကယ်တည်းအလုပ်ကတော့ သမ္မတရဲ့ လူယုံတော်တယောက်ပါ။ သမ္မတခိုင်းတဲ့ မဖြစ်နိုင်တဲ့ စစ်ဆင်ရေးတွေကိုပဲ ကိုင်တာဖြစ်ပါတယ်။ သမ္မတရဲ့ စူပါမန်းပါပဲ။ သမ္မတ မိန်းမကိုကယ်တာကအစ နူကလီယားဗုံးလုပ်တဲ့သူတွေကို ဖမ်းတာက အဆုံး မလုပ်နိုင်တာမရှိပါဘူး။ တကယ့်နေထူးနိုင်ပါပဲ။ ဒါပေမဲ့ ကွီးချက်နိုးရက်စ်မှာလည်း အတိုင်းအတာတခုရှိပါတယ်။ ဒီအလုပ်ကို ငယ်ငယ်ကတည်းကလုပ်လာတဲ့အတွက် အသက်ကြီးလာတဲ့အခါ သမီးလေးနဲ့ နှစ်ယောက်တည်းအေးဆေးနေချင်ပါတော့တယ်။ ဒါကြောင့် သူနေရာကိုအစာထိုးဖို့ သူလို့ လူတယောက်ကိုရှာရပါတော့တယ်။ ဒါပေမဲ့ ဘယ်သူ့မှ ကွီးချက်နိုးရက်စ်လောက် မကြမ်းနိုင်ပါဘူး။ ဒါကြောင့် သူ့လောက်နည်းပါးကြမ်းနိုင်မယ့် သူတယောက်ကိုရှာပြီးတော့ လေ့ကျင့်‌ပေးရပါတော့တယ်။ လူငယ်လေးက အစွမ်းအစရှိပေမဲ့ ကွီးချက်စ် လောက် မတော်တော့ ကွီးချက်စ်အစမှ စိတ်ညစ်ရပါတော့တယ်။ ဆရာမပြ နည်းမကျတွေဖြစ်လာတဲ့အတွက် ကွီးချက်စ်က သေချာလေးလေ့ကျင့်ရပါတော့တယ်။ ကွီးချက်စ် လုပ်ရင်မဖြစ်နိုင်တာ မရှိတော့ သူ့တပည့်လေးကို သင်ကြားပေးလိုက်ပါတော့တယ်။ သူ့လောက်နည်းပါးတော့မကြမ်းပေမဲ့ သူ့လောက်နီးနီးကြမ်းအောင်သင်ပေးပြီး နှစ်ယောက်ပေါင်းဘယ်လိုတွေကြမ်းမလဲဆိုတာကို ကြည့်ရှုရမှာပါ။ File size… 1.7 GB/ 1 GB Quality…BluRay 1080p/ 720p Format… mp4 Duration…. 1h 30m Genre .....Adventure, Action Subtitle…. Myanmar Subtitle (Hard Sub)

ဒီကားမှာတော့ ကွီးချက်က အကြမ်းလွန်ပြီး ကိုယ်တိုင်တောင်မပါတော့ပဲ သူ့တူသားပေါက်လေးကိုပဲ သင်ပေးတာတောင် သူ့တူလေးကတနိုင်ငံလုံးပတ်ချနိုင်လောက်အောင်စွမ်းပါတယ်။ ကွီးချက်ပညာနဲ့တောင် ဘယ်လောက်စွမ်းလဲဆိုတာကိုကြည့်ပါ။ ဇာတ်လမ်းဟာ အသက် (၁၀) နှစ်အရွယ် ကောင်လေး လိုဂန် ဖယ်လွန် (Logan Fallon) ကနေ စတင်ပါတယ်။ လိုဂန်ရဲ့ ဖခင်ဟာ ခရိုင်ရှေ့နေတစ်ဦးဖြစ်ပြီး မာဖီးယားဂိုဏ်းကြီးတစ်ခုကို အမှုဖွင့်ဖို့ ပြင်ဆင်နေချိန်မှာပဲ မိသားစုတစ်ခုလုံး လုပ်ကြံသတ်ဖြတ်ခြင်း ခံလိုက်ရပါတယ်။ လိုဂန် တစ်ယောက်တည်းသာ အသက်ရှင်ကျန်ရစ်ခဲ့ပြီး မိသားစုကို သတ်သွားတဲ့ လူဆိုးတွေကို လက်စားချေဖို့ ဆုံးဖြတ်လိုက်ပါတယ်။ လိုဂန့်ကို အမေရိကန် အထူးတပ်ဖွဲ့ဝင် (Army Ranger) ဟောင်းဖြစ်တဲ့ ဦးလေးဖြစ်သူ ဂျိတ်ခ် (ကွီးချက်) က ခေါ်ယူမွေးစားခဲ့ပါတယ်။ ဦးလေးဖြစ်သူက လိုဂန်ကို ကိုယ်ခံပညာတွေ၊ လက်နက်ကိုင်တွယ်နည်းတွေ သင်ပေးခဲ့ပြီး လိုဂန်ကိုယ်တိုင်လည်း ကြီးလာတဲ့အခါ Ranger တပ်ဖွဲ့ထဲ ဝင်ရောက်ခဲ့ပါတယ်။ နှစ်တွေကြာလာတဲ့အခါမှာတော့ အရွယ်ရောက်လာပြီဖြစ်တဲ့ လိုဂန် (သရုပ်ဆောင် Eddie Cibrian) ဟာ တပ်ကနေထွက်ပြီး သူ့မိသားစုကို သတ်ခဲ့တဲ့ မာဖီးယားဂိုဏ်းထဲကို "ဂျင်မီ တက်စတာ" (Jimmy Testa) ဆိုတဲ့ ကြေးစားလူသတ်သမား နာမည်နဲ့ လျှို့ဝှက် ဝင်ရောက်ပါတော့တယ်။ အဲဒီနောက် ဦးလေးဖြစ်သူ ဂျိတ်ခ်ရဲ့ အကူအညီနဲ့ လူဆိုးတွေကို ဘယ်လို လက်စားချေမလဲ ဆိုတာကို ၉၀ ပြည့်လွန်နှစ် အက်ရှင်စတိုင်လ်နဲ့ ကြည့်ရှုရမှာပါ။ File size… 1.83 GB / 1 GB Quality… Blu-Ray 1080p / 720p Format… mp4 Duration…. 1h 30m Genre ..... Action, Drama Subtitle…. Myanmar Subtitle (Hard Sub)

ဒီဇာတ်ကားမှာတော့ ကွီးချက်က လူမဟုတ်တော့ပါဘူး။ လူလုပ်ရတာအရမ်းရိုးသွားလို့ တောသားတွေကို တောထဲကနေ နှိမ်နင်းမယ့် တောစောင့်နတ်ကြီးဖြစ်နေပါပြီ။ တောထဲကိုလာပြီးတော့ ဒုက္ခရောက်အန္တရာယ်ကျတဲ့သူတွေကို ကယ်တင်ပေးတဲ့ လူတွေပါးစပ်ရာဇဝင်လိုမျိုး နာမည်ကြီးတောစောင့်နတ်ကြီးပါ။ တနေ့မှာတော့ ဒီတောထဲကိုလာပြီး သစ်ပင်တွေခုတ် တိရစ္ဆာန်တွေ ဒုက္ခရောက်အောင်လုပ်မယ့် သစ်ထုတ်လုပ်ရေး ကုမ္ပဏီပိုင်ရှင်က ဥပဒေမဲ့ ဒီတောအုပ်ကြီးကို ခုတ်ထွင်ရှင်းလင်းဖို့ ကြိုးစားလာတဲ့အခါမှာတော့ တောအုပ်ကို ချစ်မြတ်နိုးတဲ့ ဒေသခံ ကလေးတစ်သိုက်နဲ့အတူ John McKenna က ဘယ်လိုမျိုး အပိုင်နှိမ်နင်း ကာကွယ်သွားမလဲဆိုတာကို ရိုက်ကူးထားတာပါ။ သူက ကလေးတွေကိုဘယ်လိုကာကွယ်ပြီးတောသားတွေကို ဘယ်လိုနှိမ်နင်းမလဲဆိုတာကို CGI တွေ ဘာတွေမပါပဲ ချပေးတာကိုကြည့်ရှု့ရမှာပါ။ File size… 4 GB / 1 GB Quality… WEB-DL 1080p / 720p Format… mp4 Duration…. 1h 37m Genre ..... Action , Crime Subtitle…. Myanmar Subtitle (Hard Sub)

ဒီတခါတော့ လူချက်နိုးရားနဲ့ ခွေးချက်နိုးရားနဲ့ တွေ့ပါပြီ။ ကွီးချက်က လူအနေနဲ့ ကြမ်းတယ်ဆိုရင် ဒီခွေးကလည်း ခွေးကြမ်းပါပဲ။ သေနတ်နဲ့ပစ်လည်း ရှောင်တယ် ခွေးတွေလုပ်လို့ရတာကို အကုန်လုပ်နိုင်တဲ့ စူပါရဲခွေးပါ။ လူကယ် ၊ ဆေးဖမ်း ၊ လူကိုက် အကုန်လုပ်ပါတယ်။ ဇာတ်လမ်းကတော့ ခွေးလေးနဲ့ အတူတူအလုပ်လုပ်တဲ့ ရဲတယောက်က လူဖြူအစွန်းရောက်အဖွဲ့တခုရဲ့ သတ်ဖြတ်မှု့ကြောင့် သေဆုံးသွားပြီး ခွေးလေးပဲအသက်ရှင်ကျန်ရစ်ပါတယ်။ အဲ့မှာ ကွီးချက်နဲ့ ဒီခွေးလေးကိုတွဲပေးလိုက်တဲ့အခါမှာတော့ သောက်ကြမ်းလူနဲ့ သောက်ကြမ်းခွေးနှစ်ကောင်ပေါင်းပြီးတော့ ဒီလူဆိုးအုပ်စုကို တီးထုတ်ပေးပါတော့တယ်။ ကွီးချက်ကလည်း နဂိုကြမ်းကို ဒီခွေးနဲ့ပေါင်းပေးလိုက်တော့ နှစ်ယောက်ပေါင်းလောင်းကျော်ပြီးတော့ ထိန်းမနိုင်သိမ်းမနိုင် ဖြစ်ပြီးဘယ်လိုတွေရှုပ်ကုန်မလဲကို ဆက်လက်ကြည့်ရှု့လိုက်ပါ။ File size… 2 GB / 1GB Quality… WEB-DL 1080p / 720p Format… mp4 Duration…. 1h26m Genre ..... Action , Adventure , Comedy Subtitle…. Myanmar Subtitle (Hard Sub)

၁၉၉၄ ခုနှစ်က ထွက်ရှိခဲ့တဲ့ "Hellbound" ဇာတ်ကားဟာ သာမန် အက်ရှင်ဇာတ်ကား တစ်ကားမဟုတ်ပါဘူး။ ကမ္ဘာကြီးကို သိမ်းပိုက်ဖို့ ကြိုးစားတဲ့ နတ်ဆိုးကြီးတစ်ကောင်ဟာ သူ့ဘဝရဲ့ အကြီးမားဆုံး အမှားတစ်ခုကို ကျူးလွန်မိသွားတဲ့ အကြောင်းပါ။ အဲဒီအမှားကတော့ "ချပ်နောရစ် (Chuck Norris) ရှိနေတဲ့ ကမ္ဘာမြေကို လာမိခြင်း" ပါပဲ။ ဇာတ်လမ်းမှာ ချပ်နောရစ်ဟာ ချီကာဂို ရဲအရာရှိ ဖရန့်ရှက်တာ (Frank Shatter) အဖြစ် သရုပ်ဆောင်ထားပါတယ်။ အမှုတစ်ခုကို စုံစမ်းရင်း အစ္စရေးနိုင်ငံအထိ ရောက်သွားပြီး အဲဒီမှာ ရှေးဟောင်းနတ်ဆိုးကြီး "ပရိုဆာတာနို့စ်" (Prosatanos) နဲ့ သွားတွေ့ပါတယ်။ ပုံမှန်ဇာတ်ကားတွေမှာဆိုရင်တော့ လူတွေက နတ်ဆိုးကို ကြောက်ပြီး ထွက်ပြေးရမှာပါ။ ဒါပေမယ့် ဒီကားက ချပ်နောရစ် ပါနေတဲ့အတွက် ဇာတ်က ပြောင်းပြန်ဖြစ်သွားပါတယ်။ ဒီကားဟာ လူတွေအတွက် ထိတ်လန့်စရာ ဇာတ်ကားမဟုတ်ဘဲ၊ ချပ်နောရစ်ကို ကြောက်ပြီး ထွက်ပြေးနေရတဲ့ နတ်ဆိုးကြီးရဲ့ သရဲကား (Horror Movie) လို့တောင် ခေါ်လို့ရပါတယ်။ နတ်ဆိုးကြီးမှာ သေချာပေါက် မသေနိုင်တဲ့ ခန္ဓာကိုယ်နဲ့ မှော်အစွမ်းတွေ ရှိပါတယ်။ ဒါပေမယ့် ချပ်နောရစ်မှာတော့ သူ့ရဲ့ နာမည်ကြီး Roundhouse Kick (ဝိုက်ကန်ချက်) ရှိပါတယ်။ မှော်အစွမ်းက ချပ်နောရစ်ရဲ့ ခြေထောက်ကို ဘယ်လိုမှ မယှဉ်နိုင်တာကို တွေ့ရမှာပါ။သာမန်လူတွေက နတ်ဆိုးနှင်ဖို့ မယ်တော်ရေတွေ၊ လက်ဝါးကပ်တိုင်တွေ လိုအပ်ပေမယ့် ချပ်နောရစ်ကတော့ လက်သီးတစ်လုံး၊ ခြေထောက်တစ်ချောင်းနဲ့တင် နတ်ဆိုးကို ငရဲပြည် ပြန်ပြေးချင်စိတ်ပေါက်အောင် လုပ်နိုင်ပါတယ်။ "Hellbound" ဟာ ဇာတ်အိမ်ခိုင်မာမှုနဲ့ အနုပညာမြောက်မှုအပိုင်းမှာ အော်စကာဆုရလောက်တဲ့ ဇာတ်ကားမျိုး မဟုတ်ပါဘူး။ ဒါပေမယ့် "Chuck Norris Facts" (ချပ်နောရစ်ရဲ့ အစွမ်းထက်လွန်းတဲ့ ဟာသအလွဲများ) ကို သဘောကျတဲ့ ပရိသတ်တွေအတွက်တော့ အရမ်းကို ရယ်ရပြီး ကြည့်လို့ကောင်းတဲ့ ကားတစ်ကားပါ။ နတ်ဆိုးတွေကို သေနတ်နဲ့ပစ်၊ ခြေထောက်နဲ့ကန်ပြီး အနိုင်ကျင့်တဲ့ ချပ်နောရစ်ကို ကြည့်ချင်တယ်ဆိုရင်တော့ ဒီကားကို လက်မလွတ်သင့်ပါဘူး။ File size…    2.5 GB / 1.1 GB Quality… WEB-DL 1080p / 720p Format… mp4 Duration…. 1h 35m Genre ..... Action, Horror , Thriller Subtitle…. Myanmar Subtitle (Hard Sub)

၉၀ ပြည့်လွန်နှစ်တွေတုန်းက ကိုယ်ခံပညာ (Martial Arts) ဇာတ်ကားဟောင်းလေးတွေကို လွမ်းဆွတ်နေတဲ့ သူတွေအတွက်တော့ ၁၉၉၂ ခုနှစ်က ထွက်ရှိခဲ့တဲ့ "Sidekicks" ဇာတ်ကားလေးက တကယ့်ကို အကြိုက်တွေ့စေမယ့် ဇာတ်ကားလေးပါ။ "The Karate Kid" ရဲ့ လွှမ်းမိုးမှုတွေ အများကြီးပါပေမယ့် သူ့ခေတ်သူ့အခါက ကလေးတွေ၊ လူငယ်တွေကြားမှာ တော်တော်လေး ရေပန်းစားခဲ့တဲ့ Feel-good ဇာတ်ကားလေး တစ်ကားဖြစ်ပါတယ်။ ဇာတ်လမ်းက ဘယ်ရီ (Barry) ဆိုတဲ့ အထီးကျန်ဆန်ပြီး ပန်းနာရင်ကျပ်ရောဂါရှိတဲ့ ဆယ်ကျော်သက် ကောင်လေးတစ်ယောက်အကြောင်းပါ။ ကျောင်းမှာ အမြဲအနိုင်ကျင့်ခံရတဲ့ ဘယ်ရီဟာ လက်တွေ့ဘဝကနေ ထွက်ပြေးဖို့အတွက် နာမည်ကြီး အက်ရှင်မင်းသားကြီး ချပ်ခ်နောရစ် (Chuck Norris) နဲ့အတူ သူကိုယ်တိုင် တွဲဖက် (Sidekick) အဖြစ် စွန့်စားခန်းတွေဖွင့်နေတယ်လို့ အမြဲ စိတ်ကူးယဉ်လေ့ရှိပါတယ်။ တစ်နေ့မှာတော့ မစ္စတာလီ (Mr. Lee) ဆိုတဲ့ တရုတ်စားသောက်ဆိုင်က အဖိုးအိုဆီမှာ ကိုယ်ခံပညာ သင်ယူခွင့်ရသွားပါတယ်။ အဲ့ဒီနောက်မှာတော့ ဘယ်ရီတစ်ယောက် သူ့ရဲ့ ကြောက်စိတ်တွေကို ဘယ်လိုကျော်လွှားမလဲ၊ အနိုင်ကျင့်တဲ့သူတွေကို ကရာတေးပြိုင်ပွဲမှာ ဘယ်လို ရင်ဆိုင်မလဲဆိုတာကို ရိုက်ကူးထားတာပါ။ ရိုးရှင်းပေမယ့် ကြည့်ရတာ စိတ်ချမ်းသာစေတဲ့ (Comfort movie) အရသာကို အပြည့်အဝ ပေးစွမ်းနိုင်ပါတယ်။ ကိုယ့်ကိုယ်ကိုယ် ယုံကြည်မှုမရှိတဲ့ ကောင်လေးတစ်ယောက် ကြိုးစားရင်း အောင်မြင်လာတဲ့ ဇာတ်ကွက်မျိုးက ဘယ်အချိန်ကြည့်ကြည့် စိတ်ခွန်အား ရစေပါတယ်။ ကွယ်လွန်သူ မင်းသားချောလေး ဂျိုနသန် ဘရန်ဒစ် (Jonathan Brandis) ရဲ့ သရုပ်ဆောင်မှုက သဘာဝကျပြီး အားပေးချင်စရာ ကောင်းပါတယ်။ အက်ရှင်မင်းသားကြီး Chuck Norris ကိုယ်တိုင် ပါဝင်သရုပ်ဆောင်ပေးထားတာကလည်း ဒီကားရဲ့ အသက်ပါပဲ။ ဘယ်ရီရဲ့ စိတ်ကူးယဉ်ကမ္ဘာထဲမှာ Chuck Norris ရဲ့ နာမည်ကြီး ဇာတ်ကားတွေ (ဥပမာ- Missing in Action လိုကားမျိုးတွေ) ကို ပြန်လည်သရော်ထားတဲ့ အခန်းလေးတွေက တော်တော်လေး ရယ်ရပြီး ဖျော်ဖြေမှု အပြည့်ပေးနိုင်ပါတယ်။ အချုပ်ပြောရရင် Sidekicks ဟာ အော်စကာဆုရလောက်တဲ့ ပြောင်မြောက်လှတဲ့ ရုပ်ရှင်ကားကြီး မဟုတ်ပေမယ့်၊ ငယ်ဘဝကို ပြန်လွမ်းချင်တဲ့ အချိန်တွေ၊ ပေါ့ပေါ့ပါးပါးနဲ့ ရယ်ရယ်မောမော ကြည့်ချင်တဲ့ ပိတ်ရက်တွေအတွက်တော့ ကွက်တိဖြစ်မယ့် ဇာတ်ကားဟောင်းလေး တစ်ကား ဖြစ်ပါတယ်။ File size… 2.4 GB/ 1 GB Quality… Blu-ray 1080p/ 720p Format… mp4 Duration…. 1h 41m Genre ..... , Adventure, Action , Drama , Family Subtitle…. Myanmar Subtitle (Hard Sub)

Delta Force 2: The Colombian Connection (1990) မင်းသားကြီး Chuck Norris ရဲ့ Delta Force Trilogy ထဲက ဒုတိယမြော​က်ကား လာပါပြီ။ ပထမကားကတော့ 1986 ထွက် The Delta Force ပါ။ ဒီတစ်ခါကတော့ အမေရိက မှောင်ခိုဈေးကွက်မှာ အကြီးအကျယ် လုပ်ပိုင်ခွင့်ရထားတဲ့ တောင်အမေရိက မူးယစ်ဆေး တင်ပို့ရောင်းချသူ ရာမွန်ကိုတာကို ဖျက်ဆီးပစ်ရမယ့် မစ်ရှင်ဖြစ်ပါတယ်။ နာမည်ဆိုးနဲ့ ကျော်ကြားလှတဲ့ ဆန်ကားလို့စ်နိုင်ငံက ကိုကိန်းဘုရင် ရာမွန်ကိုတာဟာ ​Chuck Norris (ကာနယ် မက်ကွိုင်း) ရဲ့ Delta Force တွဲဖက်အပြင် အမေရိကရဲ့ မူးယစ်ဆေးဝါး အေးဂျင့်အဖွဲ့ကို ဖမ်းထားပြီး သူ့အိမ်မှာ အကျဉ်းချထားတာပါ။ အဲဒါနဲ့ပဲ Delta Force ဟာ ကိုတာရဲ့ အင်အားကြီးမားတဲ့ ကိုကိန်းအင်ပါယာကြီးကို ရင်ဆိုင်တိုက်ခိုက်ရဖို့ ဖြစ်လာပါတယ်။ မက်ကွိုင်းနဲ့ သူ့ရဲ့ Delta Force ဟာ လျှပ်စီးလို အရှိန်အဟုန်နဲ့ တရားလွန် စိတ်လှူပ်ရှားစရာကောင်းတဲ့ စွန့်စားခန်းထဲမှာ ဓားစာခံတွေကို ကယ်တင်ပြီး အညှာအတာကင်းမဲ့တဲ့ ရာဇဝတ်သား အကောင်ကြီးကြီးကို ဖျက်ဆီးပစ်ဖို့အရေး ပြင်းထန်လှတဲ့ Final Battle ကို ဘယ်လိုဆင်နွှဲမလဲဆိုတာ... ရင်သိမ့်တုန် ကြည့်ရှုခံစားရမှာ ဖြစ်ပါတယ်။ (ဒီဇာတ်ကားနဲ့အညွှန်းကို Hnyun Yadanar Myintmo Htun မှ ပြန်ဆို ရေးသားထားပါတယ်) Size - 2.05GB, 910MB Quality - 1080p, 720p Format - mp4 Duration - 1H 51Min Genre - Action, Adventure, Crime Subtitle - Myanmar Subtitle (Hardsub) Translated by Hnyun Yadanar Myintmo Htun Encoded by Y

ဇာတ်ကားဟာ 1988 ကထွက်ရှိထားတဲ့ Action/Thriller အမျိုးအစား ဖြစ်ပါတယ်။ IMDb 5.2 ရရှိထားပြီးတော့ မင်းသားကြီး Chuck Norris ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ စုံထောက် အိုဘရိုင်ယန် ဟာ တစ်ယောက်တည်းလှုပ်ရှားတာကိုနှစ်သက်ပြီးလူသတ်မှုတွေကို ဘယ်လိုစုံစမ်းမလဲ၊ ကွင်းဆက်လူသတ်သမား လွတ်မြောက်လာမှုကို ဘယ်လိုပြန်လည်ဖမ်းဆီးမလဲဆိုတာကို ရှုစားရမှာပါ။ 1988 ခုနှစ်ကထွက်ရှိထားပြီး အက်ရှင်ဇာတ်ကားကြိုက်သူတို့အတွက် ဇာတ်လမ်းကောင်းလေးတစ်ပုဒ်ဖြစ်မှာ သေချာပါတယ်။ File Size :  2 GB, 984 MB Quality : WEB-DL 1080p / 720p Running Time : 1hr 40min Format : Mp4 Genre : Action, Crime, Drama, Thriller Subtitle : Myanmar Subtitle (Hard Sub) Translated by : KK Encode by : Thit San Khant

Missing in Action Trilogy ရဲ့နောက်ဆုံးကားဖြစ်ပြီး MIA II ရဲ့ Sequel ရုပ်ရှင်ဖြစ်ပါတယ်။ ထုံးစံအတိုင်း အတော်လေးကိုကြည့်လို့ကောင်းတဲ့ ရုပ်ရှင်တစ်ကားဖြစ်ပြီး အက်ရှင် ပြကွက်မျိုးစုံကိုခံစားမိမှာဖြစ်ပါတယ်။ ဇာတ်ညွှန်း ကာနယ် ဂျိမ်းစ်ဘရက်ဒေါ့ခ် ဟာ စစ်ပွဲကြီးအပြီး ၁၉၇၅ ခုနှစ်မှာ အမေရိကန်နိုင်ငံသို့ပြန်လာခဲ့ပါတယ်။ သူဟာ စစ်ပွဲထဲမှာ အမေရိကန်သံရုံးမှာအလုပ်လုပ်နေတဲ့ ဗီယက်နမ်မလေး လင်းနဲ့ ချစ်ကျွမ်းဝင်ခဲ့ပြီး လက်ထပ်ထိမ်းမြားနိုင်ခဲ့ပါတယ်။ သို့သော်လည်း ကံမကောင်းစွာနဲ့ လင်းကတော့အသက်ရှင်လျက်နဲ့ ဗီယက်နမ်ကနေမထွက်နိုင်ခဲ့ပါဘူး။ ဒါကတော့ ဘရက်ဒေါ့ခ်ရဲ့အမြင်ပေါ့လေ။ တစ်ရက်မှာတော့ ဖာသာကြီးတစ်ယောက်ရောက်လာပြီး ဘရက်ဒေါ့ဒ်ကို သူ့မိန်းမ လင်း မသေသေးကြောင်းနှင့် ကလေးတစ်ယောက်ပါရှိနေကြောင်းလာပြောခဲ့ပါတယ်။ ဒါပေမယ့် မျက်စိနှင့်တပ်အပ်မြင်ခဲ့တဲ့ ဘရက်ဒေါ့ခ် ဟာ အဆိုပါအကြောင်းအရာကိုယုံကြည်ခြင်းမရှိခဲ့ပဲ ဖာသာကြီးကိုမောင်းထုတ်ခဲ့ပါတယ်။ သို့သော်လည်း သိပ်မကြာခင်မှာ အမှန်တရားကိုသိရှိသွားခဲ့ပြီး ဘရက်ဒေါ့ခ်ဟာ ဗီယက်နမ်ကို တရားမဝင်ပြန်ဝင်လာပြီး မိန်းမနဲ့ သားလေးကို ကယ်တင်ဖို့ကြိုးစားပါတော့တယ်။ ဘယ်လိုမျိုး အတားအဆီးတွေနဲ့ ကြုံရမယ် ဘယ်လိုကြမ်းမလဲဆိုတာကို တော့ကိုယ်တိုင်ပဲ ခံစားကြည့်လိုက်ကြပါ။ File Size :  3.5 GB, 1.5 GB Quality : Blu-Ray 1080p / 720p Running Time : 1hr 43min Format : Mp4 Genre : Action, Adventure, Drama, War Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

ဒီတခါမှာတော့ ကွီးချက်က အင်ဒီယာနာဂျုန်းစ် တဖြစ်လဲ အင်ဒီယာနာချက်ခ် ပါ။ ဇာတ်လမ်းထဲမှာ ကွီးချက်နဲ့ လီအို တို့ နှစ်ယောက်က အလွဲလွဲအချော်ချော်နဲ့ အမြဲတမ်း ပြဿနာရှာတတ်တဲ့ ရတနာမုဆိုး သူငယ်ချင်းနှစ်ယောက်ပါ။ တစ်နေ့မှာတော့ ပက်ထရစ်ရှာ ဆိုတဲ့ အမျိုးသမီးတစ်ယောက်က ရှေးဟောင်း အက်ဇ်တက် (Aztec) ရွှေတွေ ဝှက်ထားတဲ့ နေရာကို ပြထားတဲ့ မြေပုံတစ်ခုနဲ့ သူတို့ဆီ ရောက်လာပါတယ်။ ဒီလိုနဲ့ သူတို့သုံးယောက်သား ရွှေတွေကိုရှာဖို့ ဗဟိုအမေရိကရဲ့ တောနက်ကြီးတွေထဲကို စွန့်စားခန်းထွက်ကြပါတော့တယ်။ လမ်းခရီးမှာ သာမန် ရန်သူတွေတင်မကဘဲ မှော်ပညာတွေ တတ်ကျွမ်းတဲ့ "El Coyote" ဆိုတဲ့ လူကြမ်းကြီးနဲ့ပါ ရင်ဆိုင်ရတဲ့အခါ သူတို့ဘယ်လို အလွဲလွဲအချော်ချော်တွေနဲ့ ရင်ဆိုင်ကျော်ဖြတ်မလဲ ဆိုတာကို ရယ်မောဖွယ်ရာ ကြည့်ရှုရမှာပါ။ ဒါပေမဲ့ အင်ဒီယာနာချက် ဖြစ်တဲ့အတွက် ဘာလာလာတီးထုတ်ပေးပြီး စွန့်စားခန်းတွေဖွင့်မလဲဆိုတာ ဆက်လက်စောင့်ကြည့်ရမှာဖြစ်ပါတယ်။ File size…    2.56 GB / 1.29 GB Quality… Blu - Ray 1080p / 720p Format… mp4 Duration…. 1h 44m Genre ..... Comedy , Action , Adventure Subtitle…. Myanmar Subtitle (Hard Sub)

The Delta Force (1986) 1985 တုန်းက လေယာဉ်ပြန်ပေးဆွဲခံခဲ့ရတဲ့ တကယ့်ဖြစ်ရပ်မှန်ကို Reference ယူပြီး ရိုက်ထားတဲ့ 1986 က ​ကားဟောင်းလေးပါ။ Delta Force Trilogy ထဲက ပထမဆုံးကားဖြစ်ပါတယ်။ အမေရိကန် ဖိုက်တာကြီး Chuck Norris ပါဝင်သရုပ်ဆောင်ထားတာမို့ အပစ်အခတ် ​အကြမ်းစားတွေ သေချာပေါက်တွေ့ရမှာပါ။ ဇာတ်လမ်းကတော့... အကြမ်းဖက်သမားနှစ်ယောက် အဒူရာဖိုင်းနဲ့ မူစတာဖာတို့က အေသင်ကနေ ရောမ နယူးယောက်ကိုသွားမယ့် လေယာဉ်ကို ပြန်ပေးဆွဲသွားပြီး ဘဲရု လက်ဘနွန်ကို ပျံခိုင်းလိုက်တယ်။ အမေရိကန် ဒယ်တာတပ်ဖွဲ့က ကာနယ်နဲ့ မေဂျာစကော့တို့ ဦးဆောင်ပြီး ဓားစာခံတွေကိုကယ်တင်ဖို့ တာဝန်ကျလာတယ်။ အဒူရာဖိုင်းက ခရီးသည် ၁၄၄ ယောက်ထဲက ဂျူးတွေနဲ့ မရိန်းတပ်သားတွေကို ခွဲထုတ်ပြီး ဘဲရုမှာထားခဲ့ပြီးတော့ သူတို့အစား အကြမ်းဖက်သမားအဖော်တွေခေါ်တင်လာတယ်။ အယ်ဂျီးရီးယားကို ဆက်ပျံလာပြီး ဓားစာခံမိန်းကလေးတွေကို လွှတ်ပေးမယ်ဆိုတော့ ဒယ်တာတပ်ဖွဲ့က အကြမ်းဖက်သမား ၂ယောက်ပဲပါတယ်ဆိုပြီး အလစ်ဝင်တိုက်ဖို့လုပ်ပေမယ့် ၁၄ယောက် ဖြစ်နေတာသိသွားတော့ မစ်ရှင်ဖျက်လိုက်ရတယ်။ အကြမ်းဖက်သမားတွေက မရိန်းတပ်သား တစ်ယောက်ကို သတ်လိုက်ပြီးတော့ အမျိုးသား ခရီးသည်တွေနဲ့ ဘဲရုကိုပြန်သွားတယ်။ ဆိုတော့ ဒယ်တာတပ်ဖွဲ့အနေနဲ့ ဓားစာခံတွေကိုကယ်တင်ဖို့ အကြမ်းဖက်သမားတွေအပြည့်နဲ့ နေရာ ၂ခုကို ခွဲတိုက်ရဖို့ ဖြစ်လာတယ်.. ဘယ်နားမှာထားထားမှန်းမသိတဲ့ ဓားစာခံတွေကို သူတို့ဘယ်လိုရှာဖွေမလဲ... အားလုံးကို အောင်မြင်စွာ ကယ်ထုတ်နိုင်မှာလားဆိုတာကတော့... (ဒီဇာတ်ကားနဲ့အညွှန်းကို Hnyun Yadanar Myintmo Htun မှ ပြန်ဆို ရေးသားထားပါတယ်) Size - 2.2GB, 950MB Quality - 1080p, 720p IMDb Rating - 5.6/10 Format - mp4 Duration - 2H 5Min Genre - Action, Adventure, Drama Subtitle - Myanmar Subtitle (Hardsub) Translated by Hnyun Yadanar Myintmo Htun Encoded by Y

မင်းသားကြီး Chuck Norris ရဲ့ ပရိတ်သတ်တွေအတွက် သူ့ရဲ့ အက်ရှင် ဇာတ်ကားကောင်းလေးတစ်ခုနဲ့ မိတ်ဆက်ပေးချင်ပါတယ်။ မတ် ဟန့်တာဆိုတာကတော့ FBI ကနေ အနားယူသွားခဲ့တဲ့ နာမည်ကြီး အေးဂျင့်တစ်ယောက်ပါ။ တစ်နေ့မှာတော့ သူ့ရဲ့ ရန်သူတော်ဟောင်းဖြစ်တဲ့ ‌ရော့စတော့ဗ်က အမေရိကန်နိုင်ငံထဲကို ပြန်ရောက်နေတဲ့အပြင် သူ့ရဲ့လက်အောက်ခံတပ်သားတွေနဲ့ ကျူးကျော်စစ်ပွဲတစ်ခု စတင်ဖို့ ကြံရွယ်နေတာကို သိလိုက်ရတဲ့အခါမှာတော့ ဟန့်တာတစ်ယောက် ရော့စတော့ဗ်ကို အပြီးတိုင် တားဆီးဖို့ ဖြစ်လာခဲ့ပါတော့တယ်။ ရော့စတော့ဗ်ရဲ့ လှည့်စားတိုက်ခိုက်မှုတွေကြောင့် ဖြစ်လာတဲ့ ပြဿနာတွေကို နှိမ်နင်းမရဖြစ်နေတဲ့ အာဏာပိုင်တွေနဲ့ တိုက်ခိုက်မှုတွေအောက် ဖရိုဖရဲဖြစ်နေတဲ့ ပြည်သူတွေအကြားမှာ ဟန့်တာတစ်ယောက် သူချစ်တဲ့ အမေရိကန်နိုင်ငံ‌တော်ကြီးကို တစ်ကိုယ်တော် ဘယ်လိုမျိုး မီးကုန်ယမ်းကုန် ကြမ်းပြရမ်းပြပြီး ကာကွယ်သွားမလဲဆိုတာကို အက်ရှင်ချစ်ပရိတ်သတ်ကြီးတွေ အဝကြည့်ရှုကြရမှာပဲဖြစ်ပါတယ် File Size :  3.4 GB, 1.6 GB Quality : WEB-DL 1080p / 720p Running Time : 1hr 40min Format : Mp4 Genre : Action, Thriller Subtitle : Myanmar Subtitle (Hard Sub) Translated by : Brackman Encode by : Thit San Khant

မင်းသားကြီး Chuck Norris ရဲ့ ပရိတ်သတ်တွေအတွက် သူ့ရဲ့ အက်ရှင် ဇာတ်ကားကောင်းတစ်ကားနဲ့ မိတ်ဆက်ပေးချင်ပါတယ်။ အက်ဒီ ကူးဆက်ဆိုတာကတော့ ချီကာဂိုမြို့က ရဲတပ်ကြပ်ကြီးတစ်ယောက်ပါ။ အက်ဒီက သူ့ရဲ့အဖွဲ့ဝင်တွေကတောင် ဩချရတဲ့အထိ ဖြောင့်မတ်သလို မှန်တယ်ထင်ရင် ထင်သလိုလုပ်တဲ့သူတစ်ဦးပါ။ တစ်နေ့မှာတော့ အက်ဒီဦးဆောင်တဲ့ မူးယစ်ဆေး အသွင်ယူဖမ်းဆီးရေး မစ်ရှင်တစ်ခုမှာ အလွဲအမှားဖြစ်တာကနေ စလာခဲ့တဲ့ ကိုမာချိုနဲ့ လူနာဂိုဏ်းကြီးနှစ်ဂိုဏ်းရဲ့စစ်ပွဲကြီးကြားမှာ မိန်းမပျိူလေးတစ်ဦးကို ကာကွယ်‌ဖို့ဖြစ်လာခဲ့ပါတယ်။ သူ့ရဲ့ မှန်ရင်မှန်သလို လုပ်တတ်တဲ့အကျင့်ကြောင့် ရှောင်‌နေကြ ချဉ်နေကြတဲ့ ရဲတပ်ဖွဲ့တွေနဲ့ ကောင်မလေးနောက် လိုက်နေကြတဲ့ ဂိုဏ်းအဖွဲ့တွေကြားမှာ အက်ဒီတစ်ယောက် တစ်ကိုယ်တော် ဘယ်လိုမျိုး သိုင်း‌ကွက်တွေပြ ပညာတွေပြပြီး ကာကွယ်သွားမလဲဆိုတာကို အက်ရှင် ပရိတ်သတ်တွေ အားပါးတရ ကြည့်ရှုကြရမှာပဲ ဖြစ်ပါတယ်ခင်ဗျ။ File Size :  1.8 GB, 952 MB Quality : Blu-Ray 1080p / 720p Running Time : 1hr 40min Format : Mp4 Genre : Action, Crime, Drama Subtitle : Myanmar Subtitle (Hard Sub) Translated by : Brackman Encode by : Thit San Khant

MIA 1 ရဲ့ Preque; ရုပ်ရှင်ဖြစ်ပါတယ်။ ပထမကားရဲ့ အရှေ့မှာဖြစ်ခဲ့တဲ့အချိန်ကိုရိုက်ကူးထားတာဖြစ်ပါတယ်။ ရုပ်ရှင်အတွဲရဲ့ ၂ကားမြောက်ကားဖြစ်ပါတယ်။ ထုံးစံအတိုင်း ဆရာ့ဆရာကြီး Chuck Norris ရဲ့ ကားမလို့ အက်ရှင်မကြမ်းမှာကိုတော့ စိုးရိမ်စရာမရှိပါဘူး။ ဇာတ်ညွှန်း ကာနယ်ဘရက်ဒေါ့ခ်နဲ့ သူ့လူတွေဟာ ဗီယက်နမ်စစ်မြေပြင်မှာ အဖမ်းခံခဲ့ရပါတယ်။ သူတို့ကို ကာနယ်ရင်ဦးဆောင်တဲ့ ဗီယက်နမ်စစ်သားတွေဟာ တောထဲက စခန်းတစ်ခုမှာ ဖမ်းထားခဲ့ပါတယ်။ ဒီလိုနဲ့ ကာနယ်ဘရက်ဒေါ့ခ်တို့အုပ်စု လွတ်အောင်ဘယ်လိုပြေးမလဲဆိုတာကို အက်ရှင် အလန်းစားတွေနဲ့ကြည့်ရမှာဖြစ်ပါတယ်။ File Size :  3 GB, 1.3 GB Quality : Blu-Ray 1080p / 720p Running Time : 1hr 41min Format : Mp4 Genre : Action, Adventure, Drama, War Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

Mission In Action (1984) ကတော့ နာမည်ကျော် မင်းသား Chuck Norris ရဲ့ အက်ရှင်ဇာတ်လမ်းတစ်ခုဖြစ်ပါတယ်။ Chuck Norris ဆိုတာကတော့ "ကိုယ်မွေးမယ့်ဆေးရုံကို ကိုယ်တိုင်တည်ဆောက်ခဲ့တဲ့လူ" "မြွေကိုက်ရင်တောင် ၂ ရက်နေရင် မြွေ အနိစ္စရောက်သွားလောက်အောင်ကိုယ်ခံအားကောင်းတဲ့လူ" Stars War မှာလည်း Chuck Norris ပါပါတယ်။ "May the Force Be With You" မှာ Force ဆိုတာ Chuck Norris ကိုပြောတာဖြစ်ပါတယ်။ အဲဒီလိုမျိုး သုတ်မယ်၊ ပြုတ်မယ်၊ အရည်သောက်မယ်၊ အဖတ်စားမယ် မင်းသားသရုပ်ဆောင်ထားတာဖြစ်လို့ မကြမ်းမှာတော့မပူပါနဲ့။ ဇာတ်ညွှန်း ကာနယ် ဘရက်ဒေါ့ခ်ဟာ ဗီယက်နမ်စစ်ပွဲမှာ ရွပ်ရွပ်ချွံချွံ တိုက်ပွဲဝင်ခဲ့တဲ့ စစ်ပြန်ကြီးတစ်ယောက်ဖြစ်ပါတယ်။ ဒါပေမယ့် သူဟာ ဗီယက်နမ်မှာ ၇ နှစ်ကြာ အဖမ်းခံခဲ့ရပြီးမှပြန်လွတ်လာတာဖြစ်ပါတယ်။ ဒါပေမယ့် ပြန်လွတ်လာသေးတဲ့ စစ်သုံ့ပန်းတွေအများကြီးရှိသေးကြောင်း သူထွက်ဆိုခဲ့ပေမယ့် တရားဝင်ဖြောင့်ချက်ပေးဖို့ ငြင်းဆိုခဲ့ပါတယ်။ ဒါပေမယ့် တစ်ရက်မှာတော့ စိတ်ပြောင်းသွားပြီး အထက်လွှတ်တော်အမတ်နဲ့ ဗီယက်နမ်ကိုလိုက်သွားပြီး ဒီကိစ္စကိုအပြီးသက်ဖြေရှင်းဖို့လုပ်ခဲ့ပါတယ်။ သို့သော်ငြား ဗီယက်နမ်ဖက်ကတော့ အဲလိုမျိုး ဖမ်းထားခြင်းမရှိဘူးဆိုပြီး ငြင်းခဲ့ပါတယ်။ ဒီလိုနဲ့ဘရက်ဒေါ့ခ်ဟာ တစ်ကိုယ်တော် အမေရိကန်သုံ့ပန်းတွေကို ကယ်တင်ဖို့လုပ်ပါတော့တယ်။ ဆက်လက်ခံစားကြည့်လိုက်ကြပါ။ File Size :  4.1 GB, 1.8 GB Quality : Blu-Ray 1080p / 720p Running Time : 1hr 41min Format : Mp4 Genre : Action, Adventure, Drama, War Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

ဒီဇာတ်ကားလေးကတော့ အမေရိကန်နေထူးနိုင်လို့တင်စားလို့ရတဲ့ chuck norris ရဲ့ Texas Ranger လုပ်တဲ့ ကားလေးပါ။ "Chuck Norris ကိုမြွေဟောက်ကကိုင်လိုက်ပြီး ၁၀ မိနစ်လောက်အလူးအလဲ ခံစားရပြီးနောက်မှာ မြွေဟောက်ဟာ သေသွားပါတယ် " " Chuck Norris ဟာဒိုက်မထိုးပါဘူး သူထောက်တဲ့အချိန်က ကမ္ဘာကြီးကပဲမတင်ပေးရပါတယ်" ဆိုပြီး ဟာသတွေ ကို Chuck Norris Joke ဆိုပြီး ခေါ်ရတဲ့အထိကို ရုပ်ရှင်တွေထဲမှာ တစ်ကိုယ်တော်အရမ်းကြမ်းပြပါတယ်။ ဒီဇာတ်လမ်းထဲမှာလည်း Chuck Norris က ရုပ်ရှင်စတည်းက တစ်ကိုယ်တော်တွေ ကြမ်းပြနေတာပါ။ Chuck Norris က Texas ပြည်နယ်က Ranger လို့ခေါ်တဲ့ ရဲအရာရှိတစ်ယောက်ပါ။ တစ်ကိုယ်တော်တွေအရမ်းကြမ်းလွန်းလို့တောင် ရဲကပ္ပတိန်က တစ်ကိုယ်တော်မကြမ်းနဲ့ဆိုပြီး တွဲဖက်တစ်ယောက်နဲ့တွဲပေးပါတယ်။ ဒါပေမဲ့လည်း မေဒီကန် နေထူးနိုင်ကတစ်ကိုယ်တော်ပဲ ကြမ်းဆဲပါ။ တစ်နေ့မှာတော့ လက်နက် မှောင်ခိုရောင်းတဲ့ အဖွဲ့ရဲ့ပစ်ခတ်မှုကြားမှာ ကွီး Chuck Norris ရဲ့ သမီးကိုမှ ကံဆိုးသူ လူဆိုးတစ်စုက ဆွဲထည့်မိသွားပါတယ်။ ကွီး Chuck Norris ရဲ့သမီးကိုမှ ထိမိသွားတော့ လူဆိုးတွေ ဘယ်လို အသေဆော်တာကို ခံရမလဲဆိုတာကတော့ ဒီဇာတ်ကားလေးထဲမှာပဲဆက်လက် ကြည့်ရှုလိုက်ပါ။ File Size : 2.13 GB, 1.32 GB Quality : Blu-Ray 1080p / 720p Running Time : 1hr 47min Format : Mp4 Genre : Action, Crime, Drama Subtitle : Myanmar Subtitle (Hard Sub) Translated by : Nikobaby Encode by : Thit San Khant

ဇာတ်လမ်းရဲ့ အဓိကဇာတ်ကောင် Josh Randall တဖြစ်လဲ ကွီးချက်ဟာဆိုရင်ဖြင့် ဟောင်ကောင်မြို့က နာမည်ကြီး ကာစီနိုလောင်းကစားရုံတစ်ခုမှာ လုံခြုံရေးအကြီးအကဲအဖြစ် တာဝန်ထမ်းဆောင်နေသူပါ။ ကာစီနိုပိုင်ရှင်ဖြစ်တဲ့ Sam Paschal ဟာ Josh အတွက်တော့ သူဌေးဆိုတာထက် ဖခင်တစ်ယောက်လို ကျေးဇူးရှင်လည်း ဖြစ်ပါတယ်။ တစ်နေ့မှာတော့ ဒေသခံ မြေအောက်ဂိုဏ်း (Triads) က ကာစီနိုကို အတင်းအဓမ္မ သိမ်းပိုက်ဖို့ ကြိုးစားရာကနေ Sam တစ်ယောက် အသတ်ခံလိုက်ရပါတယ်။ ဒီလိုနဲ့ ကျေးဇူးရှင်ဖြစ်သူ အသတ်ခံလိုက်ရတဲ့အတွက် ဒေါသထွက်နေတဲ့ ကွီးချက်တယောက် ဟောင်ကောင်မြေအောက်လောကက လူမိုက်ဂိုဏ်းကို တစ်ယောက်တည်း တီးထုတ်ပေးပါတော့တယ်။ ကာစီနိုက အကြွေးတောင်းတဲ့ သူဆိုပေမဲ့ ပညာမခေတဲ့ကွီးချက်က မုတ်ဆိတ်မွှေးတောင်မပါတော့ပဲ နှုတ်ခမ်းမွှေးသီးသန့်နဲ့ပဲ တီးထုတ်ပေးတာကို အားရပါးရကြည့်ရမှာပါ။ ဇာတ်လမ်းက ထွေထွေထူးထူးမဟုတ်ပေမဲ့ ကွီးချက်ဟောင်ကောင်ကွန်ဖူးတွေနဲ့ အကြမ်းပတမ်းတီးထုတ်တာကိုကြည့်ရမှာပါ။ Chuck Norris ရဲ့ ပီပြင်တဲ့ သရုပ်ဆောင်မှုတွေနဲ့ အက်ရှင်အကြမ်းစားတွေကို ခံစားချင်တဲ့ အက်ရှင်ရုပ်ရှင်ချစ်သူတွေ၊ ၈၀ ပြည့်လွန်နှစ်တွေက အငွေ့အသက်တွေကို ပြန်လည်လွမ်းဆွတ်ချင်သူတွေအတွက် အထူးသင့်လျော်တဲ့ ဂန္ထဝင်အက်ရှင်ကားကောင်းတစ်ကားအဖြစ် ညွှန်းဆိုပေးလိုက်ပါတယ်။ 9 G File size… 2 GB Quality…Blu - Ray 1080p Format… mp4 Duration…. 1h 30m Genre ..... Action , Adventure Subtitle…. Myanmar Subtitle (Hard Sub)

၈၀ ပြည့်လွန်နှစ်တွေက ထွက်ခဲ့တဲ့ အက်ရှင်ကားဟောင်းလေးတွေကို လွမ်းနေပြီလား? ဒါဆိုရင်တော့ ၁၉၈၂ ခုနှစ်က ထွက်ရှိခဲ့တဲ့ "Silent Rage" ဆိုတဲ့ ဇာတ်ကားလေးက သင့်အတွက်ပါပဲ။ ဒီကားက ရိုးရိုး အက်ရှင်ကား မဟုတ်ပါဘူး။ Chuck Norris ရဲ့ ကရာတေးအက်ရှင်တွေနဲ့ ကြောက်မက်ဖွယ်ရာ လူသတ်ကောင် (Slasher/Horror) ဇာတ်လမ်းပုံစံကို ထူးထူးခြားခြား ပေါင်းစပ်ထားတဲ့ ကားပါ။ တစ်နည်းပြောရရင် "Chuck Norris နဲ့ Michael Myers (Halloween ကားထဲက လူသတ်ကောင်) တို့ ချကြတဲ့ကား" လို့တောင် တင်စားလို့ရပါတယ်။ တက္ကဆက်ပြည်နယ်က မြို့ငယ်လေးတစ်ခုမှာ ရဲအရာရှိ Dan Stevens (Chuck Norris) တာဝန်ကျနေပါတယ်။ တစ်နေ့မှာတော့ စိတ်ဝေဒနာရှင် John Kirby (Brian Libby) ဆိုတဲ့ လူတစ်ယောက်က လူတွေလိုက်သတ်လို့ ရဲတွေက ဝိုင်းဝန်းပစ်ခတ် ဖမ်းဆီးရပါတော့တယ်။ ဒါပေမယ့် Kirby ဟာ ဆေးရုံရောက်တဲ့အခါမှာ သေလုမျောပါး ဖြစ်နေတာကို သိပ္ပံပညာရှင် သုံးယောက်က အသက်ရှင်အောင်ဆိုပြီး စမ်းသပ်ဆဲ ဆေးအသစ်တစ်မျိုးနဲ့ ကုသလိုက်ပါတယ်။ ပြဿနာက အဲဒီကစတာပါပဲ။ အဲဒီဆေးရဲ့ အာနိသင်ကြောင့် Kirby ဟာ ဒဏ်ရာတွေ ချက်ချင်းပြန်ကျက်နိုင်တဲ့ (Wolverine လိုမျိုး) မသေနိုင်တဲ့ လူသတ်ကောင်ကြီး ဖြစ်လာပါတော့တယ်။ ဒီလို သာမန်လူတွေထက် အဆပေါင်းများစွာ သန်မာပြီး သတ်လို့မသေနိုင်တဲ့ လူသတ်ကောင်ကြီးကို Sheriff Dan Stevens တစ်ယောက် ဘယ်လိုရင်ဆိုင် နှိမ်နင်းမလဲ ဆိုတာကို စိတ်လှုပ်ရှားဖွယ် ကြည့်ရှုရမှာပါ။ အက်ရှင်၊ သိပ္ပံ (Sci-Fi) နဲ့ ထိတ်လန့်စရာ Horror အရသာ သုံးမျိုးစလုံးကို ရောမွှေထားတာက ဒီကားရဲ့ အသက်ပါ။ ၈၀ ပြည့်လွန်နှစ်တွေရဲ့ B-movie ဇာတ်ကားတွေဆီက ရနိုင်တဲ့ ဖျော်ဖြေမှုမျိုးကို အပြည့်အဝ ပေးစွမ်းနိုင်ပါတယ်။ သူပါတဲ့ကားဆိုတဲ့အတိုင်း လှပတဲ့ ကန်ချက်တွေ၊ ခပ်တည်တည်နဲ့ အေးဆေးဖြေရှင်းတတ်တဲ့ ကာရိုက်တာတွေကို အားရပါးရ မြင်တွေ့ရမှာပါ။ ဘားတစ်ခုထဲမှာ အရက်မူးနေတဲ့ လူမိုက်တစ်သိုက်ကို သူတစ်ယောက်တည်း ဝင်ရှင်းတဲ့ အခန်းဆိုရင် တော်တော်လေးကို မိုက်ပါတယ်။ ဗီလိန်ဇာတ်ကောင် Kirby ဟာ စကားတစ်ခွန်းမှ မပြောဘဲ စက်ရုပ်တစ်ရုပ်လို လိုက်သတ်နေတာ တော်တော်လေး ကျောချမ်းစရာကောင်းပါတယ်။ Terminator ဇာတ်ကားထဲက လူသတ်စက်ရုပ်လိုမျိုး ခံစားချက်မျိုး ပေးပါတယ်။ ၈၀ ပြည့်လွန်နှစ်တွေက ရုပ်ရှင်တွေရဲ့ ရိုးရှင်းမှု၊ Chuck Norris ရဲ့ မာန်ပါလှတဲ့ ကရာတေးအက်ရှင်တွေနဲ့ Horror ဆန်ဆန် ရင်ဖိုစရာတွေကို တစ်ထိုင်တည်း ခံစားချင်တယ်ဆိုရင်တော့ ပိတ်ရက်မှာ အချိန်ပေးပြီး ကြည့်ကြည့်ဖို့ တိုက်တွန်းချင်ပါတယ်။ File size… 2.46 GB/ 1.36 GB Quality… Blu - Ray 1080p/ 720p Format… mp4 Duration…. 1h 43m Genre ..... Action , Horror , Sci - Fi Subtitle…. Myanmar Subtitle (Hard Sub)

ဒီကားမှာတော့ ကွီးချက်က အငြိမ်းစား နင်ဂျာတစ်ယောက်ပါ။ တနေ့မှာတော့ ကွီးချက်က နင်ဂျာတွေနဲ့ ဖွဲ့စည်းထားတဲ့ အကြမ်းဖက်အဖွဲ့အစည်းတစ်ခု ပေါ်လာတာကို တွေ့လိုက်ရပါတယ်။ ဒီနင်ဂျာ အဖွဲ့ကတော့ သူ့နဲ့ ငယ်ငယ်တုန်းက နင်ဂျာ လေ့ကျင့်ရေးတွေကို အတူတူလုပ်ခဲ့တဲ့ မွေးစားအစ်ကိုဖြစ်သူ ဆေကူရ က ခေါင်းဆောင်ဖြစ်နေပါတယ်။ အပြစ်မဲ့ပြည်သူတွေ ထပ်မံမသေဆုံးစေဖို့နဲ့ သူ့အစ်ကိုကို တားဆီးဖို့အတွက် စကော့ဂျိမ်းစ်ဟာ "The Octagon" လို့ခေါ်တဲ့ နင်ဂျာလေ့ကျင့်ရေးစခန်းကို ကိုယ်တိုင်သွားရောက်ပြီး အသက်စွန့် တိုက်ခိုက်ရပါတော့တယ်။ ဒီမှာတော့ နင်ဂျာ တွေ နာကျင်အောင် ကွီးချက်က စာမတင်လောက်တဲ့ အထာအမြင်တွေနဲ့ ကျုံးပါတော့တယ်။ ဒီမှာတော့ လူတွေ မသိအောင်လုပ်နိုင်တဲ့ နင်ဂျာတွေက ကွီးချက်လာတာကိုတော့ မမြင်နိုင်ခဲ့ပါဘူး။ အဲ့ဒါနဲ့ပဲ နင်ဂျာတွေ ကွီးချက်နဲ့တွေ့တော့ ဘယ်လိုနာကျင်မလဲဆိုတာကို တော့ ဒီကားထဲမှာပဲ ကြည့်လိုက်ပါတော့။ File size…    3.25 GB / 1.33 GB Quality… Blu - Ray 1080p / 720p Format… mp4 Duration…. 1h 44m Genre ..... Action , Adventure , Thriller Subtitle…. Myanmar Subtitle (Hard Sub)

ဒီကားမှာတော့ ကွီးချက်က ကာရာတေးဆရာကြီးပါ။ ကယ်လီဖိုးနီးယားက မူးယစ်ဆေးဝါး မှောင်ခိုဂိုဏ်းတစ်ခုကို စုံစမ်းနေတဲ့ ရဲတပ်ဖွဲ့ဝင်တွေ တစ်ယောက်ပြီးတစ်ယောက် လျှို့ဝှက်ဆန်းကြယ်စွာ လုပ်ကြံခံလာရပါတယ်။ လူသတ်သမားက သာမန်လူမဟုတ်ဘဲ ကိုယ်ခံပညာကို အဆင့်မြင့်မြင့် ကျွမ်းကျင်သူတစ်ယောက် ဖြစ်နေတာကို တွေ့လိုက်ရတဲ့အခါ... ရဲတပ်ဖွဲ့က ကစ်ဘောက်ဆင် ချန်ပီယံ ကွီးချက်ကို အကူအညီတောင်းရပါတော့တယ်။ ကွီးချက် တစ်ယောက် ရဲတပ်ဖွဲ့ဝင်တွေကို ကိုယ်ခံပညာနဲ့ ခုခံကာကွယ်နည်းတွေ သင်ပေးရင်း၊ တစ်ဖက်မှာလည်း မထင်မှတ်ထားတဲ့ ဆုံးရှုံးမှုတွေနဲ့ ကြုံတွေ့လာရတဲ့အခါ ဒီသွေးအေးလူသတ်သမားကို သူကိုယ်တိုင် ဘယ်လို ထိပ်တိုက်ရင်ဆိုင် နှိမ်နင်းမလဲဆိုတာကို စိတ်ဝင်စားဖွယ် ကြည့်ရှုရမှာ ဖြစ်ပါတယ်။ Karate Kid လိုမျိုး ကွီးချက်အတွက်ကတော့ Karate Adult ကားပေါ့။ တဖက်ကလည်း ကာရာတေးဆရာကြီးတယောက်က လူဆိုးဆိုတော့ ကွီးချက်တို့ အသေတီးထုတ်ပေးပါတော့တယ်။ ဒီကားရဲ့ အဓိကဆွဲဆောင်မှုကတော့ ကွီးချက် ရဲ့ သဘာဝကျကျ သိုင်းကွက်တွေနဲ့ ကြည့်ကောင်းလှတဲ့ အက်ရှင်အခန်းတွေပါပဲ။ CGI အထူးပြုလုပ်ချက်တွေ မပါဝင်ဘဲ လူကိုယ်တိုင် အစစ်အမှန် တိုက်ခိုက်ကြတဲ့ ရိုက်ကူးမှုတွေက အခုခေတ်ကားတွေနဲ့မတူတဲ့ ရသတစ်မျိုးကို ပေးစွမ်းနိုင်ပါတယ်။ နည်းပညာတွေ မတိုးတက်ခင်က အစစ်အမှန် ကိုယ်ခံပညာ အက်ရှင်ကားဟောင်းတွေကို လွမ်းဆွတ်နေတဲ့ သူတွေအတွက်ရော ကွီးချက် ရဲ့ ငယ်ရုပ်နဲ့ သူ့ရဲ့ နာမည်ကြီး Kickboxing စတိုင်တွေကို ပြန်လည်ခံစားချင်သူတွေအတွက်ပါ A Force of One (1979) က သေချာပေါက် ကြည့်သင့်တဲ့ ဇာတ်ကားတစ်ကား ဖြစ်ပါတယ်။ File size…    3.32 GB / 1.5 GB Quality…Blu - Ray 1080p / 720p Format… mp4 Duration…. 1h 30m Genre .....Action, Adventure Subtitle…. Myanmar Subtitle (Hard Sub)

Bruce Lee ဘယ်လိုသေသွားလဲသိကြလား။ သိတာပေါ့။ ဇာတ်ကားရိုက်ရင်း အပစ်ခံလိုက်ရတာလေ။ ဟုတ်တယ်မလား။ အဲ့ဒါဆို Bruce Leeဘာကြောင့်သေသွားလဲဆိုတာရောသိကြလား။ သူရိုက်နေတုန်း လုပ်ကြံခံလိုက်ရတဲ့ ဇာတ်ကားနာမည်က The Game of death 2 အခု ဒီဇာတ်ကားနာမည်က The Game of Death ။ ထူးဆန်းတိုက်ဆိုင်စွာပဲ ဒီဇာတ်ကားရဲ့‌ဇာတ်လမ်းမှာ ဘရုစလီဟာ ရုပ်ရှင်မင်းသားတစ်ယောက်ရဲ့နေရာမှာသရုပ်ဆောင်ထားပြီး အင်အားကြီးမားတဲ့လုပ်ငန်းစုတစ်ခုရဲ့ စည်းရုံးသိမ်းသွင်းခြင်းခံကိုခံနေရပါတယ်။ ဒါပေမယ့် Bruce က အတွင်တွင်ငြင်းတဲ့အခါ လုပ်ငန်းစုက သူရုပ်ရှင်ရိုက်နေတုန်း သေနတ်နဲ့ပစ်သတ်ဖို့ကြံခဲ့တယ်။ ဇမ္မူဒီပါလက်ယာတောင်ကျွန်း ဩဘနမိတ်ထွန်းလို့ လူကြီးတွေဆိုကဆုံးမကြတယ်။ မကောင်းတာတွေမပြောရဘူး။ နမိတ်နောက်နမာလိုက်တယ်လို့လဲ ဆိုတတ်ကြသေးတယ်။ အဲ့ဒါဆိုရင် Bruce Lee ဟာ အဲ့ဒီ့စကားပုံတွေ ဆုံးမမှုတွေအတိုင်းဖြစ်သွားတာလား။ The Game of Death မှာ လုပ်ကြံခဲရတဲ့ ဇာတ်လမ်းကိုရိုက်ပြီး The Game of Death 2မှာ တကယ်လုပ်ကြံခံလိုက်ရတယ်။ ဒါပေမယ့် ဒီဇာတ်ကားမှာတော့ Buruce ဟာတကယ်သေမသွားပါဘူး။ ကံကောင်းထောက်မစွာအသက်ရှင်သွားပြီး‌ေနာက် ဘယ်လိုတွေဆက်ဖြစ်သွားမလဲဆိုတာ ခံစားကြည့်ပါဦး။ သေချာတာတစ်ခုကတော့ ခင်များက Bruce Lee တို့ Jack Li တို့ Kackie Chan တို့ရဲ့အက်ရှင်ကားတွေနဲ့ ကြီးပြင်းလာခဲ့တဲ့လူတစ်ယောက်ဆိုရင် Bruce ရဲ့ဘ၀ဟာ ဒီထဲကအတိုင်းဖြစ်ပါစေကွာလို့ ဆုတောင်းမိမှာတော့ အမှန်ပဲ။ File Size -  1.1 gb and 500mb Quality - Bluray 1080p and 720p Subtitle -  Burmese Translator - Nay Myo Thu Encoder - Thit San Khant

ခုတင်ဆက်ပေးမှာက bruce leeရဲ့ ၁၉၇၂ခုနှစ်မှာ ထွက်ခဲ့တဲ့ ဇာတ်ကားကောင်းလေးတစ်ခုပါ အက်ရှင် ဟာသ ကြိုက်တဲ့လူတွေအတွက်တော့ ကွက်တိပါပဲနော် ဇာတ်လမ်းလေးကတော့.. ထျန်လုန်(bruce lee)ဆိုတဲ့ သိုင်းပညာရှင်တစ်ယောက် က သူ့အသိဆွေမျိုးရဲ့ စားသောက်ဆိုင်ကို ရောင်းဖို့ဖိအားပေးခံနေရတဲ့ ဒုက္ခကို ကူညီဖို့ ရောမကို ရောက်လာတဲ့ ပုံစံမျိုးလေးဇာတ်အိမ်တည်ထားတာပါ အရင်တုနး်ကကားဆိုတဲ့အတိုင်း dialog တွေအများကြီးမပါဘဲ သရုပ်ဆောင်ချက်တွေနဲ့ ဇာတ်ကားလေးကို ကောင်းကောင်း ပုံဖော်သွားတာပါနော် အရင်တုန်းက ကားဆိုပြီး အထင်မသေးလိုက်ပါနဲ့ ကြည့်ပြီးရင် လုံးဝ နောင်တမရစေမယ့် ကားလေးပါ File Size -  1.1 gb and 500mb Quality - bluray 1080p and 720p Subtitle -  burmese Translator - Yamin Ei Encoder - Thit San Khant

၆၀ ပြည့်လွန်နှစ်တွေက ဂျိမ်းစ်ဘွန်း စတိုင်လ် စပိုင်ဇာတ်ကားတွေကို ပေါ့ပေါ့ပါးပါး ဟာသနှောပြီး ရိုက်ကူးထားတဲ့ "The Wrecking Crew (၁၉၆၈)" ဆိုတဲ့ ဂန္ထဝင် အက်ရှင်ဟာသ စပိုင်ဇာတ်ကားလေးကို ဒီနေ့မှာ တင်ဆက် ပေးချင်ပါတယ်။ ဒါရိုက်တာ Phil Karlson ရိုက်ကူးထားပြီး နာမည်ကျော် အဆိုတော်နဲ့ မင်းသားကြီး Dean Martin၊ မင်းသမီးချော Sharon Tate၊ Elke Sommer နဲ့ Nancy Kwan တို့ ပါဝင်သရုပ်ဆောင်ထားတဲ့အပြင် ကမ္ဘာကျော် Bruce Lee နဲ့ Chuck Norris တို့ရဲ့ အမှတ်တရ သမိုင်းဝင် ပါဝင်ပတ်သက်မှုတွေပါ ရှိနေတဲ့ ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းကတော့ အမေရိကန် လျှို့ဝှက်ထောက်လှမ်းရေးအဖွဲ့ (ICE) ရဲ့ ထိပ်တန်းအေးဂျင့် မက်တ် ဟဲလ်မ် (Matt Helm - သရုပ်ဆောင် Dean Martin) ရဲ့ စတုတ္ထမြောက်နဲ့ နောက်ဆုံး စစ်ဆင်ရေးအကြောင်းကို ရိုက်ကူးထားတာပါ။ ကောင့် ကွန်တီနီ (Count Contini - သရုပ်ဆောင် Nigel Green) လို့ခေါ်တဲ့ ရာဇဝတ်ဂိုဏ်းချုပ်ကြီးဟာ ကမ္ဘာ့စီးပွားရေးတစ်ခုလုံး ကမောက်ကမ ဖြစ်သွားစေဖို့အတွက် ဒေါ်လာ သန်းတစ်ထောင် (၁ ဘီလီယံ) တန်ဖိုးရှိတဲ့ ရွှေချောင်းတွေကို သယ်ဆောင်လာတဲ့ ရထားကြီးကို အပိုင်စီးပြီး ခိုးယူသွားခဲ့ပါတယ်။ ဒီရွှေတွေကို ပြန်လည်ရှာဖွေဖို့နဲ့ ကွန်တီနီရဲ့ အကြံအစည်ကို တားဆီးဖို့ အေးဂျင့် မက်တ် ဟဲလ်မ် တစ်ယောက် ဒိန်းမတ်နိုင်ငံ၊ ကိုပင်ဟေဂင်မြို့ကို ရောက်ရှိလာပါတယ်။ အဲဒီမှာ သူ့ကို လမ်းညွှန်အဖြစ် တွဲဖက်ပေးလိုက်သူကတော့ ဖရေယာ ကာလ်ဆင် ဆိုတဲ့ လှပပေမယ့် လုပ်သမျှ အလွဲလွဲအချော်ချော် ဖြစ်တတ်တဲ့ မိန်းကလေးတစ်ယောက်ပါ။ ကွန်တီနီရဲ့ လက်ပါးစေ မိန်းမချောလေးတွေဖြစ်တဲ့ လင်ကာ နဲ့ ယူရန်း တို့ရဲ့ လုပ်ကြံမှုတွေကြားကနေ၊ အူကြောင်ကြောင်နိုင်လှတဲ့ ဖရေယာ နဲ့အတူ ဟဲလ်မ် တစ်ယောက် ရွှေတွေကို ဘယ်လို ပြန်လည်လုယူမလဲ၊ ဖရေယာ ရဲ့ နောက်ကွယ်က တကယ့်လျှို့ဝှက်ချက်ကရော ဘာဖြစ်မလဲ ဆိုတာကို အက်ရှင်ဟာသအပြည့်နဲ့ ကြည့်ရှုရမှာပါ။ Choreography & Chuck Norris's Screen Debut)အက်ရှင်ပရိသတ်တွေအတွက် အထူးခြားဆုံး အချက်ကတော့ ဒီဇာတ်ကားရဲ့ Fight Scenes ကို ကမ္ဘာကျော် ကိုယ်ခံပညာရှင်ကြီး Bruce Lee ကိုယ်တိုင် "Karate Advisor" အဖြစ် တာဝန်ယူ သင်ကြားပေးခဲ့တာပဲ ဖြစ်ပါတယ်။ မင်းသမီး Sharon Tate နဲ့ Nancy Kwan တို့ရဲ့ အကြိတ်အနယ် ကရာတေး တိုက်ခိုက်ခန်းကို Bruce Lee ကိုယ်တိုင် လေ့ကျင့်ပေးခဲ့သလို၊ အက်ရှင်မင်းသားကြီး Chuck Norris ရဲ့ ရုပ်ရှင်လောကထဲ ပထမဆုံး စတင်ဝင်ရောက်လာတဲ့ အခန်းတိုလေးကိုလည်း ဒီဇာတ်ကားထဲမှာ မြင်တွေ့ရမှာပါ။ "The Wrecking Crew (၁၉၆၈)" ဟာ လေးနက်တဲ့ ထောက်လှမ်းရေးကားမျိုး မဟုတ်ဘဲ ပေါ့ပေါ့ပါးပါး ရယ်မောရမယ့် ၆၀ ခုနှစ်များရဲ့ Retro Spy-Comedy ဇာတ်ကားကောင်းလေး ဖြစ်ပါတယ်။ မင်းသားကြီး Dean Martin နဲ့ မင်းသမီး Sharon Tate တို့ရဲ့ အမှတ်တရ သရုပ်ဆောင်မှုတွေနဲ့ Bruce Lee ရဲ့ တိုက်ခိုက်ရေး လက်ရာတွေကို ပြန်လည်ကြည့်ရှုခံစားချင်တဲ့ ဂန္ထဝင်ရုပ်ရှင် ချစ်သူတွေအတွက် အထူးပဲ ညွှန်းဆိုပေးလိုက်ပါတယ်။ File size… 2.26 GB / 1.15 GB Quality… Blu-ray 1080p / 720p Format… mp4 Duration…. 1h 45m Genre ..... Action, Adventure, Comedy Subtitle…. Myanmar Subtitle (Hard Sub)