Colin Stinton ပါဝင်သော ဇာတ်ကားများ

လွန်ခဲ့တဲ့ ရှစ်နှစ်က လေယာဉ်ပြန်ပေးဆွဲမှုတစ်ခုမှာ ဓားစာခံ ရာနဲ့ချီ သေဆုံးခဲ့ပါတယ်။ အကြမ်းဖက်မှုဆိုင်ရာ ထောက်လှမ်းရေးအေဂျင်စီအတွက် အရှက်တကွဲ ဖြစ်ခဲ့ရပြီး ပိတ်သိမ်းထားခဲ့တဲ့ အမှုတစ်ခုပါ။ အမှုနဲ့ ပတ်သက်ခဲ့သူတွေထဲမှာလည်း သေဆုံးသူတွေ ရှိသလို အငြိမ်းစားယူသွားသူတွေလည်း ရှိနေပြီဖြစ်ပါတယ်။ ရှစ်နှစ်ကြာတဲ့အခါ လေယာဉ်ပြန်ပေးဆွဲမှုရဲ့ ခေါင်းဆောင်ကို ဖမ်းမိခဲ့ပြီး ဒီအမှုမှာ ထောက်လှမ်းရေးအတွင်းလူတစ်ယောက် ပါဝင်နေကြောင်း သိလာရတယ်။ ဒါကြောင့် အေဂျင်စီက အတော်ဆုံး ထောက်လှမ်းရေးသမားကို တာဝန်ပေးပြီး သစ္စာဖောက်ဟာ ဘယ်သူလဲဆိုတာ ပြန်စုံစမ်းခိုင်းပါတယ်။ ခရစ္စပိုင်း ပါဝင်သရုပ်ဆောင်ထားတဲ့ စပိုင်ဇာတ်ကားဖြစ်ပြီး နှစ်တွေကြာအောင် ပိတ်ထားခဲ့တဲ့ အမှုကို ပြန်လည်ဖော်ထုတ်ရတဲ့အကြောင်းပါ။

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Wonder Woman 1984 (2020) IMDb Rating (5.4) / Rotten Tomatoes (73%) DatShin Review: WW84 … 2017 က ထွက်ခဲ့တဲ့ Wonder Woman ရုပ်ရှင်ဟာ DC Comics တွေထဲမှာတင်မဟုတ်ဘူး Superhero ကားတွေထဲမှာပါ အကောင်ဆုံးရုပ်ရှင်ကားတစ်ကား။ Perfect မဟုတ်ပေမဲ့ Superhero ကား (အထူးသဖြင့်) အမျိုးသမီး Superhero ကားဆိုတာ ဒီလိုရိုက်ရတယ် ဆိုပြီး ရှေ့ဆောင်လမ်းပြခဲ့သလိုမျိုးကို အောင်မြင်ခဲ့ပါတယ်။ Gal Gadot နဲ့ Chris Pine တို့ရဲ့ သရုပ်ဆောင်မှုနဲ့ chemistry, Wonder Woman ရဲ့ အပြစ်ကင်းစင် ပြုံးရွှင်နေတဲ့ အပြုံးနဲ့အတူ လူတွေကြားမှာ စစ်မက်တွေ ကင်းမဲ့အောင် ကြိုးပမ်းမှု၊ အမျိုးသမီးတွေကို နှိမ့်ချနေတဲ့ discrimination တွေကို မားမားမတ်မတ် ရပ်တည်ပြမှု၊ စစ်သည်တွေကို ဦးဆောင်နိုင်မှု စတာတွေကြောင့် Wonder Woman ရုပ်ရှင်ဟာ serious ဖြစ်သလောက် ပျော်လည်းပျော်၊ အားလည်းတက်ရတဲ့ ရုပ်ရှင်ကားတစ်ကားဖြစ်ခဲ့ပါတယ်။ WW84 မှာတော့ Patty Jenkins နဲ့ အဖွဲ့တွေဟာ အရင်ကားလိုမျိုး formula အတိုင်းပဲ သွားခဲ့ပါတယ်။ 1984 theme ဆိုတော့ အရောင်စုံ လင်းလက်နေပြီး မျှော်လင့်ချက်တွေ၊ ပျော်စရာတွေ ပိုယူဆောင်လာမဲ့အထာပေါ့။ ဇာတ်လမ်း concept ကလည်း မိုက်တယ် မဆိုးဘူး။ ဒီမှာအပြောအရဆို “message” ကောင်းကောင်း ပေးနိုင်မဲ့ဟာမျိုး။ ဒါပေမဲ့ တကယ်တမ်းမှာတော့ ဇာတ်က over တွေဖြစ်ပြီး အရင်ကားနဲ့ ဘာမှကိုမဆိုင်တော့အောင် ဖြစ်နေခဲ့ပါတယ်။ Wonder Woman ဆိုတာ ဘယ်လိုကြမ်းကြောင်း၊ ဘယ်လို epic ဖြစ်ကြောင်း၊ လူတွေကို ဘယ်လိုကယ်ကြောင်း အမျိုးသမီးငယ်လေးတွေကို ဘယ်လိုမျိုး hope and inspiration တွေယူဆောင်လာကြောင်း စတာတွေကို အရမ်းအရမ်းကို လုပ်ပြထားတယ်။ ကာတွန်းကားဆန်ဆန်ဖြစ်နေတယ်။ ကလေးတွေဆို ကြည့်ပြီး ရယ်ကြ သဘောကျကြမဲ့ အကွက်တွေ ထည့်ထားတယ်။ Slow motion တွေ စွတ်သုံးထာတယ်။ ဒီလို Over ဖြစ်နေတဲ့ script နဲ့ edit တို့ကြောင့် WW84 ဟာ DC က Superhero ကားတစ်ကား ပုံစံမဟုတ်ဘဲ Disney channel မှာလာနေတဲ့ ကလေးကြည့် ဇာတ်လမ်းတွဲတစ်ပုဒ်လိုမျိုးကိုဖြစ်နေတယ်။ Femenism ကိုပြတာမှာလည်း အရင်ကားလိုမဟုတ်ဘဲ အရမ်းကိုပြီးစလွယ်ဖြစ်လာတယ်။ သတိထားကြည့်ရင် Wonder Woman ကယ်တာခံရတဲ့ ကလေးတွေအပါအဝင် victim တွေ အားလုံးနီးပါးက အမျိုးသမီးတွေဖြစ်ပြီး ယောင်္ကျားတွေ နမော်နမဲ့လုပ်လို့ ဝင်ကယ်လိုက်ရတာချည်းပဲ။ အဲအပြင်လည်း ယောင်္ကျားတစ်ယောက်မှ ကောင်းတာမပါဘဲ အားလုံးက စော်ချောချောလေးမြင်တာနဲ့ hey sexy ဆိုပြီး ဝိုင်အော်ကြတဲ့ super နှာဘူးတွေချည်းပဲဖြစ်နေတယ်။ Wonder Woman (2017) တုန်းကလို တကယ်ကို epic and powerful လည်းဖြစ် meaningful ဖြစ်တဲ့အခိုက်အတန့်တွေမပါပဲ သက်သက်ကြီးလုပ်ပြနေတာမျိုးတွေပဲ ပိုများနေတယ်။ တချို့ cut တွေဆိုလည်း လုံးဝမထည့်ရင် ရသလောက် နားမလည်မှာစိုးလို့လားမသိဘူး အတင်းကြီးလုပ်ပြထားတာတွေရှိတယ်။ Truth is beautiful ဆိုတာကလည်း ပြောလို့သာ လူကြားကောင်းတာပါ။ လောဘမတက်ကြတဲ့ပေါ့။ မိုက်တယ် concept က။ ဒါပေမဲ့ သေချာစဉ်းစားကြည့်ရင် အလုပ်မဖြစ်ပါဘူး။ သူကတော့ ပြောနိုင်တာပေါ့ Amazon က Goddess ချောပြီးသား လှပြီးသား၊ တော်ပြီးသား။ စစ်ဘေးရှောင် ငတ်ပြတ်ပြီး ဘယ်တော့သေရမလဲ ဘယ်ပြေးရမလဲ မသိတဲ့ မိဘမဲ့ ကလေးတွေအတွက်တော့ truth is beautiful သွားလုပ်နေလို့မရပါဘူး။ သရုပ်ဆောင်တွေမှာလည်း Gal Gadot ကတော့ Gal Gadot ပဲ။ Steve ကိုကြည့်တဲ့ မျက်လုံးနဲ့အပြုံးတွေနဲ့ သူ့ရဲ့ ဝမ်းနည်းမှုတွေကတကယ့် top notch acting ဖြစ်ပြီး ရုပ်ရှင်ရဲ့ ရှားရှားပါးပါး ကောင်းကွက်တစ်ခုလည်းဖြစ်ပါတယ်။ Chris Pine လည်း မိုက်တယ်။ သနားမိတာကတော့ Pedro Pascal ပါပဲ။ Mandalorian နဲ့ Game of Thrones မှာ ကြမ်းခဲ့သလောက် ဒီမှာတော့ ငပေါကြီးလိုဖြစ်နေတယ်။ ကြိုးတော့ ကြိုးစားပါတယ် တချို့အခန်းတွေဆို သူဘယ်လောက်လုပ်နေလည်း သိသာတယ် ဒါပေမဲ့ script နဲ့ direction အောက်မှာ အူကြောင်ကြောင်နိုင်နေခဲ့တာတွေ များတယ်။ Max Lord နဲ့ Barbara တို့နှစ်ယောက် ပြောတဲ့အခန်းဆိုရင် ဟာသ sitcom တစ်ခုမှာ ဟာသတွေ ပြောနေတဲ့အခန်းလိုမျိုး တော်တော်လေး ကြည့်ရဆိုးတယ်။ DC ကားတစ်ကားအနေနဲ့ villain character ကို ဒီထက်အများကြီး ပိုကောင်း ပိုလှအောင် လုပ်ပြထားနိုင်ရက်နဲ့ တော်တော်နှမြောဖို့ကောင်းတယ်။ Action sequnce တွေက တချို့ပြောသလောက် မနည်းပါဘူး။ ကျွန်တော့် personal taste အရကတော့ action sequence များဖို့မလိုဘူး လိုအပ်သလောက် ထိထိရောက်ရောက် ပါရင် ရပြီ။ WW84 မှာ action sequence တွေက 1 တုန်းကလောက် သိပ်အားမရနိုင်ဘူးလို့ မြင်ပါတယ်။ ကြိုးတစ်ချောင်းနဲ့ ဟိုခုန် ဒီခုန် swing လုပ်နေတဲ့ cool move တွေပဲများပြီး သူ့ရဲ့ fighting skill ကို သေချာပြနိုင်မဲ့ဟာမျိုးတွေ မပါခဲ့ဘူး။ Final fight မှာတော့ CG က Black Panther Final Fight ထက်တော့ ပိုကောင်းတယ်၊ ဒါပေမဲ့ ထိရောက်မှု ရှိမနေပါဘူး။ Black Panther ထက်ပိုကောင်းတယ်ဆိုတာ ဒီတစ်ခန်းလောက်ပဲ ရှိပါတယ်။ ကျန်တဲ့ action sequence တွေမှာတော့ Marvel ကို လုံးဝမမီသေးပါဘူး။ Creative ဖြစ်အောင်လည်း မပြနိုင်သေးဘူး။ ဥပမာ သူပြေးတဲ့အခန်းဆို Black Panther နဲ့ Captain America တို့ပြေးသလောက် ကြည့်မကောင်းဘဲ တစ်မျိုးကြီးပဲ။ ကြည့်ရ အဆင်မပြေဘူး။ ဆိုတော့ အရင်ကားမှာ အရမ်းမိုက်သလောက် အခုကားမှာဘာကြောင့် ဒီလောက်ဖြစ်သွားလဲတော့ မသိဘူး။ အရမ်းကောင်းတယ်လို့ ဝိုင်းပြောလို့ပဲ လွတ်သွားတာလား။ တစ်ခုရှိတာ ဟိုနေ့က Patty Jenkins ပြောပုံအရဆို Wonder Woman (2017) ရဲ့ ဇာတ်သိမ်းက သူ့ original vision မဟုတ်ဘဲ WB အကြိုက်ရိုက်ခဲ့ရတာတဲ့။ ဆိုတော့ WW84 ကိုလည်း ပိုပျော်ဖို့ကောင်းအောင်၊ younger audience တွေပါ ကြည့်လာအောင် လုပ်ခိုင်းပြန်သလားတော့ မသိဘူး။ ပထမကား ဘယ်လောက်ကောင်းကောင်း WB ဝင်ပါမှ sequel တွေဂွမ်းကုန်တာ ဆန်းတဲ့ဟာတော့ မဟုတ်ဘူးလေ။ ဘာပဲဖြစ်ဖြစ် WW84 ရုပ်ရှင်ဟာ worthy sequel ဖြစ်မလာခဲ့တာကတော့ နှမျောစရာပါပဲ။ Admin KPK DatShin: 2/5 IMDB: 5.7/10 Rotten Tomatoes: 63% (ရုပ်ရှင်အညွှန်းကို DatShin FB Page မှ ကူးယူဖော်ပြပါသည်။) File size…(10 GB)/ (3 GB)/(1.5 GB) Quality…BluRay 4K HEVC /1080p HEVC/720p Format…mkv/mp4 Duration….02:31:07 Subtitle….Myanmar Subtitle (Hardsub) Encoder….Ka Naung Translated by CM Team

ဒီရုပ်ရှင်ကတော့ ၁၈၈၅ ဝန်းကျင်မှာ ဖြစ်ခဲ့တဲ့ သောမတ်အက်ဒီဆင်၊ နီကိုလာ တက်စလာ၊ ဂျော့ ဝက်စတင်ဟောက် တို့ရဲ့ အားပြိုင်မှုတွေကို အခြေတည်ထားတာပါ။ အက်ဒီဆင်ဆိုတဲ့ ဥာဏ်ကြီးရှင်ကို မကြားဖူးတဲ့သူ ရှားပါလိမ့်မယ်။ ဒီရုပ်ရှင်မှာလည်း ဥာဏ်ကြီးရှင်ဇာတ်ရုပ်တွေအတွက် မွေးလာသလို့ထင်ရတဲ့ မင်းသားပဲ သရုပ်ဆောင်ထားတာပါ။ ဘန်နီဒစ် ကမ်းဘားဘက်ခ်ျ ပါပဲ။ သူ့ရဲ့လက်ထောက်အဖြစ်တော့ စပိုက်ဒါမန်းမင်းသား တွမ်ဟော်လန် က ပါဝင်ထားပါတယ်။ နီကိုလာတက်စလာ အဖြစ်တော့ နီကိုလတ်ဟောက်ထ် က သရုပ်ဆောင်ထားပါတယ်။ သူ့ကိုတော့ x-men အဖြစ်ရော warm bodies ထဲက ဇွန်ဘီးအဖြစ်ရော သိကြမှာပါ။ သူတို့တွေရဲ့ အဓိက အားပြိုင်မှုကတော့ လျှပ်စစ်ဖြန့်ဖြူးရေး စျေးကွက်မှာပါပဲ။ အက်ဒီဆင်က DC Current ကိုအသုံးပြုပြီး AC ဟာ လူသေနိုင်ချေ အရမ်းများတဲ့အတွက် အသုံးမပြုခဲပါဘူး။ ဂျော့ဝက်စတင်ဟောက်နဲ့နီကိုလာတို့ကတော့ ဒီစီထက် သုံးဆလောက် စျေးသက်သာမယ့် အေစီနဲ့ စျေးကွက်ကို ယှဉ်ပြိုင်လာပါတယ်။ ဒီတော့ အက်ဒီဆင်က အေစီတွေဟာ လူသေစေနိုင်ကြောင်း သက်သေပြဖို့ ကြိုးစားရင်းနဲ့လျှပ်စစ်ကုလားထိုင်ကို တီထွင်ဖို့ ကူညီလိုက်မိတဲ့အထိဖြစ်လာခဲ့ပါတယ်။ တစ်ဖက်မှာလည်း နီကိုလာက အေစီလျှပ်စစ်နဲ့ နိုင်ရာဂရာရေတံခွန်ကြီးကနေ လျှပ်စစ်ဖြန့်ဖို့အထိ ကြိုးစားခဲ့တာပါပဲ။ ဒီကားကို သမိုင်းစိတ်ဝင်စားသူတွေနဲ့ အင်ဂျင်နီယာတွေ သဘောကျကြမှာပါ။ ပညာရှင်တွေရဲ့ စေတနာတွေ၊ ဇွဲတွေ၊ မာနတွေကို ကောင်းကောင်းပုံဖော်ပြထားတာပါပဲ။ ဇာတ်လမ်းအဆုံးမှာ မူရင်းလူတွေရဲ့ သမိုင်းတွေကို ရှင်းပြတာအပြင် အက်ဒီဆင်ရဲ့ အခန်းပိုပါသေးတာမို့အဆုံးထိကြည့်ကြပါလို့။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်…. File Size : (900 MB) and (450 MB) Quality : Blu-Ray 720p Running Time : 1hr 42min Format : Mp4 Genre : Biography, Drama, History Subtitle : Myanmar Subtitle (Hard Sub) Source : 1080p.BluRay.X264-AMIABLE Translated by Littleneo Encoded by Thanhtike Zaw

(အက်ရှင်ဦးစားပေးစစ်ကားဖြစ်သဖြင့် Blu-Ray 1080p 5.1 CH , Blu-Ray 720p အားUpdate ပေးလိုက်ပါသည်...)) စစ်ကားကောင်းတွေ ငတ်နေကြသူတွေအတွက် ရုရှားနဲ့ အမေရိကန်ဆော်ကြမယ့် 2018 ထွက် Hunter Killer ဆိုတဲ့ ဇာတ်ကားကောင်းတစ်ကား တင်ဆက်ပေးလိုက်ပါတယ်.... Hunter Killer ဆိုတာက အမေရိကန်ရေငုပ်သင်္ဘော အမျိုးအစားတစ်ခုရဲ့နာမည်ဆိုပါတော့... တစ်နေ့ အမေရိကန်ရေငုပ်သင်္ဘောတစ်စီး (တန်ပါဘေး) ဟာ အာတိတ်သမုဒ္ဒရာထဲ ကင်းထောက်နေတုန်း ရုရှား ရေငုပ်သင်္ဘောတစ်စီး ပေါက်ကွဲပျက်စီးသွားတာကြားလိုက်ရပါတယ်... ဘာကြောင့် ဒီလိုဖြစ်သွားသလဲ စုံစမ်းနေတုန်း မရှေးမနှောင်းမှာပဲ သူတို့သင်္ဘော တန်ပါဘေးလည်း ဒုံးကျည်ထိမှန်ပြီး နစ်မြုပ်ခဲ့ရပါတယ် ...အမေရိကန်အစိုးရ နဲ့ ရုရှားအစိုးရလည်း ဘယ်သူက စတင်ပစ်ခတ်တယ်ဆိုတာ မသေချာပေမယ့် နှစ်ဖက်စလုံးမှာအထိအခိုက်ရှိသွားတာဖြစ်တဲ့အတွက် နိုင်ငံရေးတင်းမာမှုတွေ ရှိလာခဲ့ပါတယ်... ဒါကြောင့် အမေရိကန် ရေတပ်ဗိုလ်ချုပ်ကြီးက နစ်မြုပ်သွားတဲ့ တန်ပါဘေးကို ကယ်ဆယ်ဖို့ ကပ္ပတိန် ဂျိုးဂလက်စ် ဦးစီးတဲ့ Hunter killer တစ်စီးလွှတ်ပါတော့တယ်... မြေပြင်မှာ လည်း ရုရှားသမ္မတရဲ့ခြေလှမ်းတွေစောင့်ကြည့်ဖို့ အထူးစစ်သားလေးယောက် ချထားလိုက်ပါတယ်.... ရုရှား အမေရိကန် နိုင်ငံရေးတင်းမာမှုတွေဟာ ဘယ်လောက်ထိကြီးကျယ်ပြီး တတိယကမ္ဘာစစ်ကို ခေါ်ဆောင်သွားနိုင်သလားဆိုတာ ပရိတ်သတ်ကြီးပဲ ရှုစားတော်မူကြပါ ဇာတ်လမ်းအညွှန်းနဲ့ဘာသာပြန်သူကတော့ Zuel Khant Thwinပဲဖြစ်ပါတယ်... File Size : (2.13GB),(982MB)  Quality : Blu-Ray 1080p 5.1 CH, Blu-ray 720P Format…mp4 Duration…02:02:00 Genre : Action, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

Romance လည်းကြည့်ချင်တယ် Sports ကလည်း ပါချင်သေးတယ် Actionလည်း ကြည့်ချင်တာဆိုရင်တော့ တစ်ကားတည်းနဲ့ ရသမျိုးစုံခံစားရစေမဲ့ မင်းသားကြီး Chris Hemsworth ရဲ့ ဒီmovie‌‌ လေးကို recommend‌ ပေးပါရစေ။ ဒီကားကိုတော့ အားကစားကိုစိတ်ဝင်စားတဲ့သူတွေ ကားပြိုင်ပွဲတွေကြည့်ရတာ စိတ်ဝင်စားတဲ့သူတွေနဲ့ ကားတွေအကြောင်းစိတ်ဝင်စားတဲ့သူတွေ ကြည့်သင့်ပါတယ် ပြီးတော့ ဒီရုပ်ရှင်လေးက တကယ့်ဖြစ်ရပ်မှန်ပေါ်အခြေခံပြီး ရိုက်ကူးထားတာဖြစ်လို့ အစကနေအဆုံးထိ လုံးဝ မပျင်းရအောင် ဆွဲဆောင်သွားမှာအာမခံပါတယ်။ အဲ့တော့ ဇာတ်ကောင်တွေအကြောင်းကို နည်းနည်းလောက် အကျဉ်းချုံးလေး ပြောပြချင်ပါတယ် အဓိက ဇာတ်ကောင်တွေအနေနဲ့ကတော့ James Huntနဲ့ Niki Lauderဆိုတဲ့ ပြိုင်ကားသမားနှစ်ယောက်ကြားက ယှဉ်ပြိုင်မှုတွေ သူတို့ရဲ့ ဘဝစိတ်နေစိတ်ထားတွေကို ပြသထားပါတယ်။ သူတို့ကပြိုင်ဘက်‌တွေဖြစ်ပေမယ့် သဘောထားကတော့ အတော်လေးကွာခြားတယ်လို့ပြောလို့ရပါတယ် Jamesက ဆံပင်ရှည်ရှည် ခန္ဓာကိုယ်ကခပ်မိုက်မိုက်နဲ့ ပျိုတိုင်းကြိုက်တဲ့နှင်းဆီခိုင်ပေါ့၊ ဘဝကိုပျော်ပျော်နေတတ်ပြီး စည်းတွေကမ်းတွေနဲ့ဆို မနေတတ်တဲ့သူ၊ တစ်ခုခုဆို တဇွတ်ထိုးလုပ်တဲ့သူ၊ နိုင်ဖို့စိတ်အားထက်သန်ပြီး အနိုင်ရဖို့ အသက်ကိုတောင် လောင်းကြေးထပ်ရဲတဲ့သူ။ Nikiကတော့ ပုံရိုးပြီး စတိုင်လည်း သိပ်မထုတ်တတ်တဲ့သူ၊ ဘဝကို တသမတ်တည်းနေတတ်ပြီး တစ်ခုခုဆို စဉ်းစားချင့်ချိန်တွက်ချက်ပြီးမှ လုပ်တဲ့သူ။ အဲ့လိုမျိုး ဘဝခံယူချက်သဘောထားတွေ မတူကြပေမယ့် ကားပြိုင်ပွဲမှာတော့ သူတို့ရဲ့လယ်ဗယ်ကလာတူနေတဲ့အခါ ပြိုင်ပွဲတိုင်းမှာ အကြိတ်အနယ်ဖြစ်နေပြီး ထိပ်တိုက်တွေ့ရတဲ့အခါမှာ သူတို့တွေအဆင်ပြေကြပါ့မလား လူတွေယူဆထားတဲ့အတိုင်း သူတို့ကတကယ်ပဲ ရန်သူတွေလား? ကားပြိုင်ပွဲတွေရဲ့ထုံးစံအတိုင်း အသက်ကိုပါလောင်းကြေးထပ်ပြီး ပြိုင်ရတာဖြစ်တဲ့အတွက် သူတို့တွေ ဘေးကင်းကြပါ့မလား နောက်ဆုံးမှာ ဘယ်သူကအောင်နိုင်သူလဲ ဘယ်သူကအရှုံးသမားလဲ ဘယ်သူ့အယူအဆကမှန်ပြီး ဘယ်သူကမှားနေခဲ့တာလဲ စသဖြင့် drama၊ အဓိက‌ဇာတ်ကောင်နှစ်ယောက်က ပြိုင်ကားသမားတွေဖြစ်လို့ သူတို့ယှဉ်ပြိုင်တဲ့ ကားပြိုင်ပွဲတွေ အတွေ့အကြုံတွေကို ပီပီပြင်ပြင် ရိုက်ကူးထားလို့ action, sports စသဖြင့် genreအမျိုးအစားစုံလင်စွာနဲ့ သည်းထိတ်ရင်ဖို စိတ်လှုပ်ရှားစွာကြည့်ရှုရမှာဖြစ်ပါတယ် File size…(2.1 GB)/(1.2 GB) Quality….Blu-Ray 1080p / 720p Format…mp4 Duration….02:03:00 Genre...Action, Biography, Drama Subtitle….Myanmar Subtitle (Hardsub) Encoder….Garfield Translated by Phoo Myat Thwe

Jason Bourne ဟောလိဝုဒ် ရုပ်ရှင်နယ်မြေကနေ ခေတ်အဆက်ဆက် စုံထောက်ဇာတ်လိုက်များအား မိတ်ဆက်ခဲ့သည်ကို ကျွန်တော်တို့ပရိသတ်တွေ ခေတ်အလိုက် ကြည့်ရှုခဲ့ကြရသည်။စုံထောက်အမျိုးမျိုးအနက်က လူသိအများဆုံးမှာ ဗြိတိသျှစုံထောက်ကျော်ကြီး ကိုယ်ပိုင်အမှတ်တံဆိပ် 007 ဂျိမ်းစဘွန်းကြီး ဖြစ်လောက်မည်။ယင်းစုံထောက်ကြီး၏ ရုပ်ရှင်များဖြင့် အသားသေနေချိန်မှာ 2002ကာလလောက်တွင် Jason Bourne ဟု အမည်ရသည့် အေ့ဂျင့်ကလေးပေါ်လာလေသည်။စာရေးဆရာကြီး Robert Ludlum ၏ ဇာတ်ကောင်ဖြစ်ပါသည်။Jason Bourne ဇာတ်ကောင်သည် 1988ကတည်းက Mini Series အဖြစ်ထွက်ရှိပေမယ့် သိပ်မထင်ရှားခဲ့ပေ။ 2000ခုနှစ်လောက်မှ Bourneကိုပြန်လည်အသက်သွင်းဖို့ ကြိုးပမ်းခဲ့သည်။ဘရက်ပစ် ။စတားလုံးတို့အား လျာထားခဲ့သော်လည်း Matt Damon ကိုသာ ရွေးချယ်ဖြစ်ခဲ့သည်။အတိတ်မေ့ ဒဏ်ရာရနေသော လူတစ်ယောက်ဇာတ်ရုပ်ပီပြင်ဖို့အတွက် Matt မှာ အထူးပင် လေ့ကျင့်အားထုတ်ခဲ့ရသည်။အေ့ဂျင့်တစ်ယောက်စရိုက်နှင့် ကိုက်ညီနေစေဖို့ တိုက်ခိုက်ရေးသင်တန်းများတက်၍ ခြောက်လနီးပါး လေ့ကျင့်ခဲ့သလို..ဇာတ်ကားထဲက စတန့်အများစုကိုလည်း လူစားမထိုးပဲ သရုပ်ဆောင်ခဲ့သည်။ထိုသို့ ဇာတ်လမ်း ဇာတ်ကွက် ပြန်လည်ဖန်တီးရသည့် အခက်အခဲများ..ဘက်ဂျက်အခက်အခဲများ စတဲ့ အခက်အခဲများစွာကို ကျော်လွန်ဖြတ်သန်းပြီးမှ ထွက်ရှိလာသော The Bourne Identity (2002)ရုပ်ရှင်သည် ကြိုးစားသမျှ အရာထင်ခဲ့သည်ဟု ဆိုရပေမည်။ စပိုင်ကားအများစုအား နှစ်ရှည်လများ စိုးမိုးထားခဲ့သော ဂျိမ်းစဘွန်းများ၏ အရှိန်အဝါကို ကျော်လွန်နိုင်ခဲ့ကာ လက်တွေ့ဘဝနှင့်နီးစပ်သည့် လူသားတစ်ယောက်ကို ဖန်တီးပေးနိုင်ခဲ့သည်။ထို့အပြင် Die Hardလို ဇာတ်ကားထဲက အက်ရှင်ခန်းများကိုပါ မေ့ပစ်နိုင်လောက်သည့် တိုက်ခိုက်ခန်း အသက်လုပြေးလွှားခန်းများဖြင့် ကြည့်ရှုသူအပေါ် ဖမ်းစားခဲ့တာကို တွေ့ခဲ့ရပါမည်။ မြေထဲပင်လယ်ထဲမှာ သတိမေ့မျောပါနေတဲ့ လူတစ်ယောက်ကို တံငါလှေတစ်စီးက ကယ်တင်လိုက်ရကနေ Jason Bourne ဇာတ်လမ်းကို ပဟေဠိများဖြင့် စတင်ဖွင့်လှစ်လာခဲ့သည်။သတိပြန်ရသည့်တိုင်အောင် သူ့ကိုယ်သူ ဘယ်သူမှန်း မသိ ။ဘယ်ကလာမှန်းလည်း မသိ။ကျောမှာ သေနတ်ကျည်ဆန်နှစ်ခုက ထိုးဝင်လျက်သား။နောက် တင်ပါးမှာ ဘဏ်နံပါတ်တစ်ခု ။ သူကဘယ်သူပါလဲ။အဲဒီနံပါတ်ကလေးက သူ့ဘဝ ဖြစ်တည်ရာကို ပြန်လည်ရှာဖွေရာကနေ အသည်းထိတ်ရှု ပ်ထွေးဖွယ် ဇာတ်အိမ်ကြီးတစ်ခုကို ကျွန်တော်တို့အားလုံး ရင်မမဖြင့်စကြည့်ရတော့သည်။ သူနှင့်အတူ တစ်ဖြည်းဖြည်းသိရှိလာရသော အချက်အလက်များအရ သူက ထိပ်တန်း အေ့ဂျင့်တစ်ယောက်။အမေရိကန် CIA ဌာနက တရားမဝင် နှိမ်နင်ရေးလုပ်ငန်းတွေလုပ်ဖို့ဖွဲ့စည်းထားသည့် ထရက်စတုန်း စီမံကိန်းထဲက အဓိကကျသည့် လူတစ်ယောက်ဆိုတာ သိလာခဲ့ရသည်။ထို့အပြင် ယင်းအဖွဲ့၏ တရားမျှတမှု မရှိသော သတ်ဖြတ်လုပ်ကြံခြင်း လုပ်ငန်းများအား လုပ်ကိုင်လိုစိတ် မရှိတော့၍ ထွက်ခွာလာခဲ့သည့် လူတစ်ယောက်ဖြစ်တယ်ဆိုတာကို သိရှိလာသည့်အခါမှာ ။ထိုအဖွဲ့အစည်း၏ ခေါင်းဆောင်များ၏ နှု တ်ပိတ်ခြင်းကို တန်ပြန်ခုခံရဖို့ အကြောင်းဖန်လာရတော့သည်။ သူတို့အနေဖြင့် သူတို့ကိုယ်တိုင် စိတ်တိုင်းကျ ဖန်တီးပုံသွင်းခဲ့သော Bourneအား နှိမ်နင်းသတ်ဖြတ်ဖို့ရာ လုံးဝမလွယ်ကူလှပါ။Bourneထံတွင် ရောက်ရှိနေသည့် အချိန်ကာလနေရာမရွေး အံဝင်ဂွင်ကျ ပြောင်းလဲလှုပ်ရှားနိုင်သည့် အရည်အချင်းပေါင်းများစွာကို ပိုင်ဆိုင်ထားသည်။အထူးသဖြင့် သူတို့အားလုံး၏ အကြံအစည်များကို နောကြေအောင် သိရှိနေခြင်းကပင် တစ်လှမ်းသာနေသည်။CIAလိုမျိုး ကမ္ဘာအနှံ့အပြား ချိတ်ဆက်ထားသည့်နည်းပညာကွန်ယက်ကြားတွင် Bourne တစ်ယောက် လွတ်အောင် ရုန်းထွက်ဖို့ရာ မလွယ်ကူလှပါ။CIAကလည်း Bourne၏တည်နေရာအား ချက်ချင်းသိလိုက်တာနှင့် ကြေးစားတွေအား သတ်ဖြတ်ဖို့ လွှတ်လိုက်တာချည်းဖြစ်သည်။ Bourneထံတွင် အနီးနားမှာ စာအုပ်ထူထူ တစ်အုပ်ဖြစ်ဖြစ် ဘော့ပင်တစ်ချောင်းပဲဖြစ်ဖြစ် ရှိနေပါက ထိုအရာအား အသုံးပြုပြီး တစ်ဖက်ရန်သူအား အနိုင်ယူတိုက်ခိုက်နိုင်သည့် တိုက်ခိုက်ရေးပညာတွေရှိသည်။ဘာသာစကားမြောက်မြားစွာပြောဆိုနိုင်သည်။သူမကိုင်တတ် မသုံးစွဲတတ်သော ယာဉ်၊လက်နက်၊အီလက်ထရောနစ်ပစ္စည်းမရှိသလောက်ပင်။အားလုံးကို ရင်းနှီးကျွမ်းဝင်နေသည်။ကြောင်တစ်ကောင်လို လျင်မြန်သော အဟုန်မျိုးဖြင့် သုံးမိုင်လောက်အား မနားတမ်းပြေးနိုင်သည်။စက္ကန့်ပိုင်းလောက်ဝေ့ကြည့်လိုက်တာနှင့် ကားသုံးစီ၏ နံပါတ်များအား ချက်ချင်းအလွတ်ပြောနိုင်သည်။လူတစ်ယောက်ကိုဖျတ်ခနဲကြည့်လိုက်ရုံဖြင့် ဘယ်သန်လား ညာသန်လား သိနိုင်သည့် လေ့ကျင့်မှု စွမ်းရည်တွေ ပိုင်ဆိုင်ထားသည်။ ထိုအရည်အသွေးများအား အသုံးပြု၍သာ အင်အားကြီးမားလှသော ရန်သူတွေလက်အောက်ကနေ ရုန်းထွက်ရလေသည်။အသက်လုပြေးရလေသည်။ဒဏ်ရာဗလပွဖြင့်နာကျင်ရလေသည်။ Jason Bourne ဇာတ်ကားသုံးပိုင်းလုံးသည် ထရက်စတုန်းအဖွဲ့ကြီးနှင့် Bourneတို့ အပြန်ပြန်အလှန်လှန် ဉာဏ်ကစားပုံ ။အသက်လုထွက်ပြေးတိုက်ခိုက်ရသည့် ဇာတ်ဝင်ခဏ်းများဖြင့် ဒရစပ် တည်ဆောက်ထားသည်။(2012မှာ ထရက်စတုန်းစံမံကိန်းထဲက အခြားအေ့ဂျင်တစ်ယောက်ဇာတ်အိမ်ဖြင့် မင်းသား ဂျေမီရမ်နာအား ထည့်သွင်းကာ The Bourne Legacy အမည်ဖြင့် ရိုက်ကူးသေးသည်။Matt Damon၏ Bourneကားများကို လိုက်မမီခဲ့ချေ )။ ထရက်စတုန်းစီမံကိန်းက ခေါင်းဆောင်တွေကလည်း Bourneလိုလူမျိုးကိုတောင် ဖန်တီးနိုင်ခဲ့သူများပီပီ တကယ့်ဉာဏ်နီဉာဏ်နီသမားတွေဖြစ်ကြပြီး နည်းပညာအထောက်အကူများဖြင့် Bourneရှိရာနောက်ကို ထပ်ကြပ်မကွာ ရှာဖွေခဲ့သည်။Bourne ကိုယ်တိုင် ချစ်သူအသစ်နှင့် ဘဝသစ်တစ်ခုအား တည်ဆောက်ဖို့ ကြို းစားခဲ့သော်လည်း အတိတ်ဟောင်းက ကိစ္စရပ်များအောက်က ရုန်းထွက်ခွင့် မသာခဲ့ချေ ။သူသာ ကြေကွဲခဲ့ရတော့သည်။ထိုအခါမှာ ကျေအေးပြီးသား အတိတ်အိပ်မက်ဆိုးတွေအား အပြီးသုတ်သင်ဖို့ ဆုံးဖြတ်ပစ်ခဲ့တော့သည်။ The Bourne Identity(2002)| The Bourne Supremacy (2004)| The Bourne Ultimatum (2007) အပိုင်းသုံးပိုင်းသည် အေ့ဂျင့် Bourne၏ အတိတ်ကို ပြန်လည်စုံစမ်းပုံ |လာရောက်လုပ်ကြံသူများအား ပြန်လည်တိုက်ခိုက်ပုံ။ချစ်သူနှင့်ဘဝတစ်ခုဖန်တီးဖို့အားပြု ချိန်မှာ ထပ်မံပြီး လုပ်ကြံခံရပုံ။ထို့နောက်တွင် ထိုအဖွဲ့ကြီးအား ပြန်လည်တုံ့ပြန်ပြီး Bourneတစ်ယောက် ပျောက်ကွယ် သွားပုံတို့ဖြင့် အဆုံးသတ်ခဲ့သည်။ ဆိုရလျှင် Bourne၏ ဘဝသမိုင်း နိဂုံးကမ္ပတ်အဆုံးသတ်ပြီဟု ထင်မှတ်ခဲ့မိသည်။သို့ရာတွင်မူ Bourneသည် တစ်ဖန်ပြန်လာခဲ့ပါသည်။2016တွင် ရုံတင်လာခဲ့သော Jason Bourne ဇာတ်ကားတွင်မူ Bourneသည် ဘဝသစ်တွင် အသားကျစပြုပြီ။အတိတ်ဆိုးမဟူရာညနက်တွေအား မှတ်မိနေပြီဖြစ်သော်လည်း အဲဒီကို ပြန်မသွားတော့ ။နှစ်ကာလတွေပင် မနည်းကြာခဲ့ပြီ။သို့ဖြစ်စေကာမူ ပြန်လည်ထိတွေ့ရန် ကြမ္မာကံက ဖန်လာပြန်သည်။သူ့ကို အရေးတကြီးတွေ့လိုတဲ့ မိတ်ဆွေဟောင်းတစ်ယောက်ပေါက်လာပြန်သည်။လွန်လေပြီးခဲ့သောကာလများက အကျွမ်းတဝင် ပတ်သက်ခဲ့ဖူးသည့် သူတို့နယ်ပယ်ထဲက ဘဝတူ မိန်းခလေး Nicky Parsons ဖြစ်သည်။သူမယူဆောင်လာသည့်သတင်းက သူ၏အတိတ်နှင့်သက်ဆိုင်သော မြှု ပ်ကွက်သတင်းတစ်ခု ဖြစ်သည်။ခိုးယူလာခဲ့သော သတင်းဖြစ်သောကြောင့်ပင် သူမနောက်ကိုလည်း CIA နောက်တော်သားများက သုတ်သင်ပစ်ဖို့ လိုက်လာကြလေပြီ။ ထို့နောက်မှာ Bourne နှင့် သူတို့ပြန်လည်ဆုံတွေ့ကြသောအခါ ။ရုပ်ရှင်ပိတ်ကားပေါ်မှာသာ ဆက်လက်ကြည့်ရှုဖို့တိုက်တွန်းလိုပါသည်။ ထွက်ရှိလာသောဝေဖန်ချက်များအရ ယခုရုပ်ရှင်သည် အရင်ထွက်ရှိပြီးသား ဇာတ်ကားတွေကို လိုက်မမီဟု ဝေဖန်ကြပါသည်။ မည်သို့ပင်ဖြစ်ပါစေ အချိန်ယူ ကျကျနနပြင်ဆင်ပြီး ရိုက်ကူးထားသော ဇာတ်ကွက်များအရကြည့်ရှုရန် ထိုက်တန်သည့် ရုပ်ရှင်ကားတစ်ကားဆိုသည်ကတော့ အခိုင်အမာ ပြောလိုပါသည်။ နောက်ထပ် Bourneတွေ ထပ်ထွက်လာဦးမလား ဆိုတာတော့ ။ - ညီလင်းအိမ် (ရုပ်ရှင်အညွှန်းကို ကိုညီလင်းအိမ် Facebook မှ ကူးယူဖော်ပြပါသည်။) Bourne ရုပ်ရှင်ဇာတ်ကားအားလုံးကို ဒီမှာ https://channelmyanmar.org/?s=jason+bourne ကြည့်ပါ။ File size…(5.1 GB)/ (1.9 GB)/(1.1 GB) Quality….BluRay 4K HEVC/1080p /720p Format…mkv/mp4 Duration….01:55:15 Subtitle….Myanmar Subtitle(Hardsub) Encoder….Ka Naung

ဒီဇာတ်ကားလေးကတော့ ၂၀၀၆ မှာ ထွက်ရှိခဲ့ပြီး မင်းသားကြီး Jean-Claude Van Damme ပါဝင်ထားတာ နိုင်ငံရေးနဲ့ အက်ရှင်ကို ပေါင်းစပ်ရိုက်ကူးထားတဲ့ ဇာတ်ကားကောင်းလေးပဲဖြစ်ပါတယ်။ ဗိုလ်မှူး ကီနန်ဟာ အရှေ့ဥရောပ နိုင်ငံငယ်တစ်ခုက အမေရိကန်သံရုံးကို သွားရောက်ကြီးကြပ်စောင့်ရှောက်ဖို့ တာဝန်ကျတဲ့အတွက် အဲဒီနိုင်ငံငယ်လေးကို ရောက်ရှိလာခဲ့ပါတယ်။ သူရောက်ပြီးမကြာပါဘူး၊ သမ္မတအိမ်တော်ရှေ့မှာ စုပေါင်းဆန္ဒပြနေတဲ့ လက်နက်မဲ့ပြည်သူတွေကို လက်နက်ကိုင်အဖွဲ့တွေက စတင်ပစ်ခတ်ပါတော့တယ်။ အဲဒီအချိန်မှာ ပြည့်သူတော်လှန်ရေးစစ်တပ်လို့ ခေါ်ကြတဲ့တပ်ဖွဲ့က သမ္မတက အပြစ်မဲ့ပြည်သူတွေကို သတ်ဖြတ်ပါတယ်လို့ ခေါင်းစဉ်တပ်ပြီး သမ္မတအိမ်တော်ကို ဝင်စီးဖို့ လုပ်တဲ့အတွက် ဗိုလ်မှူး ကီနန်နဲ့ ရဲဘော်အဖွဲ့ဝင်တွေက သမ္မတကြီးကို အမေရိကန်ပိုင်မြေ သံရုံးပိုင်နက်ထဲကို ကယ်လာခဲ့ပါတော့တယ်။ သိပ်မကြာခင်မှာပဲ ပြည်သူ့စစ်ခေါင်းဆောင်ဆိုတဲ့လူက သမ္မတကို လွဲပြောင်းပေးဖို့ အမေရိကန်သတင်းထောက်တွေကို ဓားစာခံလုပ်ထားပါတော့တယ်။ ဒီတော့ ဗိုလ်မှူး ကီနန်တစ်ယောက် ရဲဘော်လက်တစ်ဆုပ်နဲ့ ဘယ်သူက အပြစ်မဲ့ပြည်သူတွေကိုသတ်တာလဲ၊ ဘယ်သူက ဆိုးတာလဲ၊ ဘယ်သူက ကောင်းတာလဲဆိုတာကို အဖြူအမဲ မသဲကွဲပဲ ဒီအခြေအနေကို ရင်ဆိုင်ကျော်ဖြတ်ရမှာဖြစ်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

၂၀၀၅ ခုနှစ်တုန်းက ထွက်ရှိခဲ့တဲ့ Triller Drama ဇာတ်ကားတစ်ကားဖြစ်ပြီး နာမည်ကြီးသရုပ်ဆောင်တွေဖြစ်တဲ့ Anthony Hopkins, Jake Gyllenhaal နဲ့ Gwyneth Paltrow တို့ ပါဝင်ထားပါတယ်။ ဇာတ်လမ်းအကျဥ်းကတော့ စိတ်ပုံမှန်မရှိတဲ့ သင်္ချာပညာရှင်ဖခင်ကို ကူညီစောင့်ရှောက်ရင်း ဖခင်သေဆုံးသွားချိန်မှာ သူမပြီးဆုံးခဲ့တဲ့ သင်္ချာသီအိုရီသက်သေပြချက်ကို ကြိုးစားရှာဖွေနေတဲ့ သမီးဖြစ်သူအကြောင်းကို ဇာတ်အိမ်တည်ရိုက်ကူးထားတာပါ။ အဖေတူသမီး ကတ်သရင်းဟာလည်း သင်္ချာပညာရပ်နဲ့ပတ်သက်ပြီး ဖခင်ရဲ့ဗီဇပါတဲ့အတွက် သင်္ချာတွက်ချက်မှုတွေကို ကျွမ်းကျင်တယ်။ ဒါ့အပြင် သူ့အဖေရဲ့တပည့်တစ်ဦးဖြစ်သူ ဟယ်လ်ရိုးဟာ PhD စာတမ်းရေးဖို့အတွက် ကတ်သရင်းရဲ့အိမ်မှာ လာရောက်လေ့လာရင်း သူတို့နှစ်ဦးသား သံယောဇဉ်တွယ်သွားကြတယ်။ ဒီလိုနဲ့ သူတို့နှစ်ဦးသား ကတ်သရင်းအဖေမသေဆုံးခင်က တွက်ချက်ခဲ့တဲ့ပုစ္တာကို ကြိုးစားတွက်ချက်ရင်း သင်္ချာသီအိုရီတစ်ခုကို သက်သေပြချက်ထုတ်ဖို့ကြိုးစားသွားကြတာကို ဇာတ်အေးကြိုက်သူများအနေနဲ့ စိတ်လှုပ်ရှားဖွယ်ကြည့်ရှုရမှာပါ။ File size…(1.9 GB)/(1 GB) Quality….Webrip 1080p / 720p Format…mp4 Duration….01:40:00 Genre...Drama, Mystery Subtitle….Myanmar Subtitle (Hardsub) Encoder….Garfield Translated by Vader

ဂျက်ဟာ ရှေ့တန်းမှာ ပစ္စတိုနဲ့ အနီးကပ်ပစ်ခတ်ခံခဲ့ရတဲ့ စစ်သားတစ်ယောက်ပါ။ အသက်မသေခဲ့ပေမယ့် ဒဏ်ရာရဲ့နောက်ဆက်တွဲအဖြစ် သတိမေ့တတ်လာပြီး အာရုံကြောဝေဒနာပါ ခံစားရတာကြောင့် ပင်စင်ပေးခံလိုက်ရတယ်။ ကျောပိုးအိတ်တစ်လုံးလွယ်ပြီး လမ်းမကြီးအတိုင်း လမ်းလျှောက်ပြန်လာခဲ့တဲ့ သူ့အတွက် နောက်တစ်ကြိမ် သတိရလာချိန်မှာတော့ အခြေအနေက လုံးဝပြောင်းနေပါပြီ။ ဂျက်ဟာ ရဲအရာရှိတစ်ယောက်ကို သတ်မှုနဲ့ တရားရုံးမှာ ရင်ဆိုင်နေရတယ်။ တရားသူကြီးက စစ်မေးပေမယ့် ဖြစ်ခဲ့သမျှကို ဘာမှမမှတ်မိတဲ့အတွက် သူဖြေနိုင်တာက မသိပါဘူးဆိုတာပဲ။ စိတ်ကူးယဉ်၊ ဒရာမာနဲ့ လျှို့ဝှက်ဆန်းကြယ်မှုတွေ ရောစပ်ထားတဲ့ ဒီဇာတ်ကားမှာ Adrian Brody၊ Keira Knightly နဲ့ Daniel Craig တို့ ပါဝင်သရုပ်ဆောင်ထားပါတယ်။

The Machinist(2004) IMDB….7.7/10,,,,,Rotten…77% ဒီကားက ကြည့်ဖူးတဲ့သူတိုင်းညွှန်းဆိုကြသလို မဖြစ်မနေကြည့်သင့်တဲ့ကားရယ်လို့ သတ်မှတ်ထားကြတယ်.. ..ဒီကားက အံသြမင်သက်စရာတွေများလှတယ်…..insomniaရောဂါသည်တစ်ယောက်အဖြစ် Baleကသရုပ်ဆောင်ထားတယ်… .ဒီရောဂါက ညဖက်အိပ်မပျော်တဲ့ရောဂါ…သူ့ရဲ့ဆိုးကျိုးကတော့  အင်အားချိနဲ့ပြီး ပိန်လှီလာစေတာပဲ. …ကျွန်တော့အထင်ပြောရရင် ဒီကားရဲ့ အဓိက ကျောရိုးလိုဖြစ်နေတဲ့ bodyပိုင်းကို အဓိကပြင်ဆင်ခဲ့ပုံပေါ်တယ်…. ဒီလိုပိန်ဖို့ baleဟာ နေ့စဉ်လုပ်နေကျ gym ကိုလုံးဝရပ်တန့်လိုက်ပြီး အစားအစာ အဟာရလုံဝလျော့ချလိုက်တယ်.. .သူ့ရဲ့မူလ ၁၇၄ပေါင်ကို ပေါင် ၆၀ထိချပြီး insomniaရောဂါသည်နဲ့တူအောင်လုပ်လိုက်တယ်.. .Body Transformation အကြီးကျယ်ဆုံး top 10 ထဲမှာတောင်ပါတယ်…သူ့ရဲ့ပြင်ဆင်မှုက ကြောက်စရာကောင်းလှတယ်. ..နိုင်ငံတစ်ကာရုပ်ရှင်ဆု ၇ဆုတောင်ရရှိထားပါတယ်….ဒီကားကမကြည့်ရသေးသည့်တိုင်အောင် တော်တော်များများရင်းနှီးကြပါတယ်… .. ဇာတ်လမ်းနဲ့ပတ်သက်ပြီးမပြောတာအကောင်းဆုံးဖြစ်မယ်လို့ ယူဆထားလို့ ကျွန်တော်မပြောတော့ပါဘူး… . ဒီကားဟာ ပေးချင်တဲ့ Message က အရမ်းကိုကောင်းပါတယ်… ပေးချင်တဲ့ message အရမ်းကောင်းတာကို ဘယ်လောက်တောင်ကောင်းလဲ ဘာကြောင့်ကောင်းလဲ ဆိုတာ ကျွန်တော်မပြောပြတတ်တဲ့အတွက် ခွင့်လွှတ်ပေးပါလို့…. ဇာတ်လမ်းအညွှန်းနဲ့ဘာသာပြန်သူကတော့ ကို Sherlock ဖြစ်ပါတယ်….. File Size…(956MB) Quality…BluRay 720p Format…mp4 Duration…01:41:00 Subtitle…Myanmar Subtitle(Hardsub) Encoder…..Phyo Pyae Translated by Sherlock

အဆင်ပြေနေတဲ့ ချစ်သူနှစ်တွဲမှာ တစ်တွဲစီက တစ်ယောက်စီ ဆုံမိပြီး အချင်းချင်း သဘောကျသွားကြပါတယ်။ အဲဒီကနေ ခိုးတွေ့တာတွေ၊ ဖောက်ပြန်တာတွေ ဖြစ်လာပြီး လူလေးယောက်ရဲ့ အချစ်ရေး ရှုပ်ထွေးလာပါတော့တယ်။ တစ်ကိုယ်ကောင်းဆန်မှုနဲ့ မကြာခဏ လိမ်ညာနေမှုတွေကြားက သူတို့ရဲ့ ဆက်ဆံရေးကို အဓိကထား ပြထားတာပါ။ ဒီလေးယောက်ထဲမှာ လန်ဒန်မှာနေတဲ့ အမေရိကန်ဓာတ်ပုံဆရာမတစ်ယောက်၊ သတင်းစာတိုက်က ဂျာနယ်လစ်တစ်ယောက်၊ အမေရိကန်ကနေ ပြောင်းလာသူတစ်ယောက်နဲ့ အရေပြားဆရာဝန်တစ်ယောက် ပါဝင်ပါတယ်။ ဓာတ်ပုံဆရာမအဖြစ် Julia Roberts နဲ့ ဂျာနယ်လစ်အဖြစ် Jude Law တို့ သရုပ်ဆောင်ထားတဲ့ ၂၀၀၄ ခုနှစ်ထွက် အချစ်ဒရာမာဇာတ်ကားပါ။

IMDB : 4.6/10 ဒီဇာတ်ကားလေးကတော့ ထိုင်းနဲ့မြန်မာနယ်စပ်မှာ ရိုက်ကူးထားတဲ့ဇာတ်ကားဖြစ်ပြီး အမေရိကန်ရဲ့စီအိုင်အေတွေနဲ့အတူပါဝင်ရိုက်ကူး ထားပြီး ဖခင်တစ်ယောက်ရဲ့ချစ်ခြင်းမေတ္တာက ဘယ်လောက်အထိကြီးမားလဲဆိုတာကို ပြသထားတဲ့ဇာတ်ကားလေးပါပဲဗျ။ ဇာတ်လမ်းလေးရဲ့ အကြောင်းအရာကတော့ ဂျိတ်ခ်ဟော်ပါဆိုတဲ့သူဟာ အမေရိကန်ရဲ့ သူလျှိအဖြစ်နဲ့အရှေ့တောင်အာရှမှာ တာဝန်ထမ်းဆောင်ခဲ့ပြီး အနားယူလိုက်တာ ၁၀ နှစ်ရှိသွားခဲ့ပါပြီ။တစ်နေ့မှာ ဂျိတ်ခ်ရဲ့သမီး ဂျက်စီကာနဲ့အတူ သူ့သူငယ်ချင်းတွေက ထိုင်းကိုအလည်သွားကြပါတယ်။တောမှာအပန်းဖြေခရီးထွက်ရင်းကနေ အကြမ်းဖက်လက်နက်ကိုင်အဖွဲဖြစ်တဲ့ အာဘူကာရက်ဖ်ဟာ ဂျက်စီကာတိုကိုပြန်ပေးဆွဲသွားလိုက်ပါတယ်။ ပြန်ပေးဆွဲရချင်းက ဂျက်စီကာရဲ့သူငယ်ချင်းဖြစ်သူဟာ အမေရိကန်ရဲ့လွှတ်တော်အမတ် ဂျောန်ဝင်းသရုတ်ရဲ့သမီးဖြစ်နေတဲ့အတွက်ကြောင့်ဖြစ်တယ်။ဒီသတင်းကို ဟော်ပါကြားလိုက်ရပြီး သူ့သမီးကိုပြန်လည်ကယ်တင်ဖို ထိုင်းကိုသူလာခဲ့ပါတော့တယ်။ထိုင်းရောက်တော့ သူ့ရဲ့အရင်အလုပ်အကိုင်က သူငယ်ချင်းတွေနဲ့ ပြန်လည်ချိတ်ဆက်ပြီး သဲလွန်စရှာဖွေရာကနေ အာဘူကာရက်ဖ်တိုဟာ တကယ်ပဲပြန်ပေးဆွဲသူတရားခံလား ဒါမှမဟုတ် အစိုးရရဲ့အထက်အရာရှိ‌တွေကပဲ ပြဇာတ်ရဲ့နောက်ခံကနေ ကြိုးကိုင်နေတာလားဆိုတာကို ဟော်ပါဟာသူ့သမီးကိုကယ်တင်ရင်း ဘယ်လိုဖြေရှင်းသွားမလဲဆိုတာကိုတော့..... File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

2002 ခုနှစ်ကထွက်ရှိခဲ့တဲ့ The hours ဆိုတဲ့ psychological drama အမျိုးအစားဇာတ်ကားလေးတင်ဆက်ပေးလိုက်ပါတယ်။ တခေတ်တခါကနာမည်ကြီးမင်းသမီးတွေဖြစ်တဲ့ Meryl Steep , Julianne Moore နဲ့ Nicole Kidman တို့ပါဝင်သရုပ်ဆောင်ထားပါတယ်။ သုံးရောက်စလုံးက Oscar ဆုရရှိထားသူတွေပါ။ ဒီရုပ်ရှင်ဇာတ်ကားဟာလည်း IMDb rating 7.5 အထိရရှိထားတဲ့အပြင် Oscar ဆုတစ်ခုနဲ့အခြားဆုပေါင်းများစွာရရှိခဲ့ပါတယ်။ Oscar ဆုကတော့ Nicole Kidman က best actress ဆုကိုရရှိခဲ့တာပါ။ ဒီလောက်ဆုတွေလည်းရထားတယ်၊ rating တွေလည်းကောင်းတယ်ဆိုတော့ တကယ်ကောင်းတဲ့ကားဆိုတာငြင်းလို့မရပါဘူး။ ဒီဇာတ်လမ်းဟာ အင်္ဂလိပ်စာရေးဆရာမ Adeline Virginia Wolf ရေးခဲ့တဲ့ Mrs.Dalloway ဆိုတဲ့စာအုပ်နဲ့ ဆက်စပ်ပြီး စိတ်ကျဝေဒနာကိုခံစားနေကျရတဲ့အမျိုးသမီးသုံးယောက်ရဲ့ဘဝအကြောင်းကိုရိုက်ပြထားတာပါ။ ပထမဇာတ်ဆောင်ဖြစ်တဲ့ Virginia Wolf အနေနဲ့ Nicole Kidman ကသရုပ်ဆောင်ထားပြီး ၁၉၂၃ ခုနှစ် မှာ Mrs.Dalloway စာအုပ်ကိုစရေးနေစဉ်သူမရဲ့စိတ်ခံစားမှုအကြောင်းကိုရိုက်ပြထားပါတယ်။ Virginia Wolf ဟာသူမရဲ့လိင်စိတ်ခံယူမှုကိုစတင်နားလည်လာချိန်ဖြစ်ပြီး ဘဝအပေါ်စိတ်ပျက်မှုနဲ့ခေါင်းကိုက်ဝေဒနာကိုခံစားနေရချိန်ဖြစ်ပါတယ်။ ညီမဖြစ်သူလာလည်စဉ်အတူပါလာတဲ့တူမလေးရဲ့ သေခြင်းတရာနဲ့ပတ်သတ်ပြီးမေးတဲ့မေးခွန်းဟာသူမအပေါ်လွှမ်းမိုးမှုရှိခဲ့ပါတယ်။ ဒုတိယဇာတ်ဆောင်ဖြစ်တဲ့ Laura Brown အနေနဲ့ Julianne Moore ကသရုပ်ဆောင်ထားပါတယ်။ Laura Brown မှာ သားတစ်‌ယောက်ရှိပြီးနောက်ထပ်ကိုယ်ဝန်လည်းလွယ်ထားရပါတယ်။ သူမဟာဒုတိယကလေးပင်ရတော့မည်ဆိုသော်ငြားလည်း မိမိကိုယ်ကို မိခင်ဖြင်ဖို့မလုံလောက်သေးဘူးဟုထင်ပြီးစိတ်ကျဝေဒနာကိုခံစားနေရတာပါ။ ကြံရာမရတဲ့အဆုံးသူမဘာဆက်လုပ်မလဲဆိုတာကိုတော့ဆက်လက်ခံစားကြည့်ပါ။ တတိယဇာတ်ဆောင်ဖြစ်တဲ့ Clarissa Vaughan အနေနဲ့ Meryl Steep ကသရုပ်ဆောင်ထားပါတယ်။သူမဟာ ၂၀၀၁ ခုနှစ်မှာ New York မြို့မှာနေတဲ့ထုတ်ဝေသူတစ်ယောက်ပါ။ သူမဟာ AIDS ကြောင့်သေရတော့မဲ့သူမရဲ့သူငယ်ချင်း ရစ်ချတ်ကိုစောင့်ရှောက်ပေးနေခဲ့တာပါ။ ပြီးတော့သူမဟာလည်းမိန်းမချင်းကြိုက်နှစ်သက်သူဖြစ်ပြီး တချိန်တုန်းကပတ်သတ်ခဲ့ဖူးတဲ့ရစ်ချတ်အပေါ်စွဲလန်းနေသူပါ။ ဒီရုပ်ရှင်ကပြသချင်တဲ့အဓိကအကြောင်းအရာကတော့ ကိုယ့်ဘဝကိုကိုယ့်‌ပျော်ရွှင်မှုအတွက်ရှင်သန်မလား၊သူတစ်ပါးရဲ့ပျော်ရွှင်မှုအတွက်ရှင်သန်မလားဆိုတာပဲဖြစ်ပါတယ်။ဇာတ်ဆောင်အမျိုးသမီးသုံးယောက်လုံးရဲ့ဘဝတွေကိုသေချာခံစားကြည့်ပါ၊ဒီသဘောထားကိုနားလည်ပါလိမ့်မယ်။ ပြီးတော့ဇာတ်လမ်းသွားကဘာမှသိပ်မရှိပေမဲ့ အဆုံးထိဆွဲခေါ်သွားနိုင်ပါတယ်။နောက်ခံတီးလုံးရဲ့ပံ့ပိုးမှုကြောင့်တချို့ဇာတ်ကွက်တွေဟာဆိုရင် thriller vibe ‌တောင်ရစေပါတယ်။ခံစားကြည့်ကြပါခင်ဗျာ။ File size…(2.7 GB)/(1.2 GB) Quality….Webrip 1080p / 720p Format…mp4 Duration….01:50:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Akm

Spy Game(2002) IMDb - 7.1 Spy Gameဟာ စပိုင်ရုပ်ရှင်ပေမဲ့ မြင်နေကျ စပိုင်ကားတွေလို စပိုင်က ကြမ်းထော် ဂေါ်ထွက်နေတဲ့စပိုင်တွေအကြောင်း မဟုတ်ဘူး။ လက်တွေ့ကျကျ စပိုင်လောကကို ချည်းကပ်ပြသွားတဲ့ ကားပါပဲ။ စပိုင်လောကကို ရှင်းပြ SPYဖြစ်အောင်ဘာတွေလုပ်ရလဲရောပြသွားပြီး ဝါရင့်စပိုင်ကြီးရဒ်ဖို့က စပိုင်ပေါက်စ ဘရက်ပစ်ကို စပိုင်ပညာတွေသင်ပေးတာကို သေချာနီးပါး ပြသွားတယ်။ ရဒ်ဖို့ရဲ့ကာရိုက်တာနဲ့ စီအိုင်အေဌာနချုပ်ကြားညဏ်ကစားတွေအခန်းတွေဆို တော်တော်လေး သဘောကျစရာပါပဲ။ ဒါရိုက်တာတိုနီစကော့ ကလည်း စပိုင်ကားတွေချည်းရိုက်ခဲ့တဲ့ ဒါရိုက်တာပါပဲ။ အရှေ့အလယ်ပိုင်း ပြဿနာတွေရော၊ တရုတ်ပြဿနာတွေရော စုံနေအောင်ကိုသုံးပြီး ရှေ့ဆက်ဘာဖြစ်မလဲ ရင်ဖိုစရာကောင်းအောင် ဒါရိုက်တာက ခပ်အေးအေးနဲ့ တဖြည်းဖြည်းချင်း ချပြသွားတယ်။ Actionခန်းနည်းပေမဲ့ တော်တော်ကောင်းတဲ့ စပိုင်ကားလို့ဆိုရပါလိမ့်မယ်။ အထနှေးပေမဲ့ ဆုံးအောင်ကြည့်ပြီးတဲ့အခါ ပရိတ်သတ်ရင်ထဲကျန်နေခဲ့မယ့် ကားကောင်းလို့ ကျွန်တော်တော့ ထင်တယ်။ ( အညွှန်းရေးသားထားသူကတော့ WiRa Aung ပါ ) Browse this website File Size__2.2 GB , 1.1 GB Quality__1080p, 720p IMDb Rating__7.1/10 Format__mp4 Duration__02:06:00 Type__Action , Crime , Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဒီ ဇာတ်ကားကတော့ မင်းသား Pierce Brosnan ရဲ့ ဒုတိယမြောက်ဘွန်းဇာတ်ကားဖြစ်ပါတယ်.. Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်... ကြင်အင်လက္ခဏာ...တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ.... နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. ဒီဇာတ်ကားမှာတော့ အရှေ့တိုင်းရဲ့ နာမည်ကျော် မင်းသမီး မီရှဲယိုလဲပါဝင်ထားပါတယ်... IMDb Rating (6.5/10) ရရှိထားပါတယ်...။ File size…(2.6 GB) and (1.4 GB) Quality….BluRay 1080p and 720p (HEVC Encode) Format…mkv Duration….02:00:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias