Colleen Wheeler ပါဝင်သော ဇာတ်ကားများ

This Time Each Year (2024) ဒီတစ်ခါမှာ‌တော့ This Time Each Year ဆိုတဲ့ ခရစ္စမတ်ဇာတ်ကားလေးကိုတင်ဆက်ပေးပါရစေ။ ကယ်ဗင်နဲ့လောရန်တို့ဇနီးမောင်နှံဟာ သူတို့စိတ်ကူးအိပ်မက်ထားတဲ့ အိမ်လေးတစ်လုံးကိုဝယ်လိုက်ပေမယ့် အဲဒီအိမ်ကြောင့်ပဲ ပြဿနာတွေဖြစ်ပြီးလင်မယားခွဲနေကြတဲ့အထိဖြစ်သွားတာပါ။ လင်မယားခွဲနေပေမယ့်သားဖြစ်သူချာလီအတွက် ခရစ္စမတ်ရောက်ရင်တော့ အတူပြန်ဆုံဖြစ်ကြပါတယ်။ တစ်နေ့မှာတော့ သူတို့လင်မယားခွဲနေတာကိုမသိသေးတဲ့လောရန်ရဲ့မိခင်ဖြစ်သူဟာ လောရန်ဆီကိုလာနေဖို့အကြောင်းဖန်လာပြီး ကယ်ဗင်နဲ့လောရန်တို့လည်း အတူတူနေသလိုဟန်ဆောင်ဖို့ဖြစ်လာပါတော့တယ်။ မိသားစုကိုပြန်ပေါင်းထုပ်ချင်နေတဲ့ကယ်ဗင်အတွက် ဒီခရစ္စမတ်ဟာ သူ့အတွက်လက်ဆောင်လိုဖြစ်လာပြီး ကယ်ဗင်တို့မိသားစုလေး ဘယ်လိုတွေဆက်ဖြစ်မလဲဆိုတာကို ကြည့်ရမှာပါ။ ခရစ္စမတ်ကာလကိုအခြေခံထားတဲ့ Romance ကားလေးဆိုတော့ ခရစ္စမတ်​vibes အပြည့်ရစေမှာတော့အမှန်ပါပဲ။ (အညွှန်းကို Thura Mg Mg မှ ရေးသားထားပါတယ်) File size…1.66GB / 864MB Quality… WEB-DL 1080p/ 720p Format…mp4 Duration….1h 25m Genre ….. Life, Romance, Drama Subtitle….Myanmar Subtitle (Hard Sub) Translated by Thura Mg Mg Encoded by AHtet

ဒီဇာတ်ကားက​တော့ သမီးရည်းစားနှစ်​ယောက်မြင်မြင်ချင်း ချစ်ကြိုက်ကြပြီး လက်ထပ်ဖို့စီစဥ်ကြတဲ့ အခါမှာ​သူတို့နှစ်ဦးတွေ့ကြုံရတဲ့ အခက်အခဲ​တွေကိုရိုက်ပြထားတဲ့ အချစ်ဇာတ်လမ်း​လေးဖြစ်ပါတယ်။ မင်္ဂလာပွဲမတိုင်ခင် အလုပ်ကိစ္စ၊ မိဘ​တွေမမြင်မတူတာ နဲ့ တစ်ဦးနဲ့ တစ်ဦး ​သ​ဘောထားချင်းမကိုက်ညီတာ​တွေကို ဘယ်လို​​ကျော်ဖြတ်ကြမလဲဆိုတာကြည့်ရမဲ့အပြင် ဂျူးလူမျိုး​တွေရဲ့ မင်္ဂလာပွဲရိုးရာအ​ကြောင်းကိုပါ​လေ့လာရမဲ့ ဇာတ်ကား​လေးတစ်ကားဖြစ်ပါတယ်။ အဓိကဇာတ်​ကောင်နှစ်ဦးက ဖြစ်​ပေါ်လာတဲ့အခက်အခဲ​တွေ့ကို ဘယ်လို​ကျော်ဖြတ်မလဲဆိုတာက​တော့ ဇာတ်လမ်းလဲမှာ ကြည့်ရှုလိုက်ကြပါဦးခင်ဗျာ.. File size…(1.3 GB)/(790 Mb) Quality….Blu-Ray 1080p / 720p Format…mp4 Duration….01:24:00 Genre... Comedy, Romance Subtitle….Myanmar Subtitle (Hardsub) Encoder….Garfield Translated by Jack

Grace Miller ဟာ လူသတ်မှုတွေအကြောင်း အသေးစိတ် ရေးသားနိုင်လို့ စာဖတ်သူတွေ နှစ်သက်ကြတဲ့ နာမည်ကြီး မှုခင်းဝတ္ထုစာရေးဆရာမတစ်ယောက်ပါ။ သူ့ညီမ Kathleen ကတော့ အိမ်ထောင်ရေးပြဿနာတွေနဲ့ ရုန်းကန်နေရပြီး ဆေးစွဲတဲ့အထိ ဖြစ်နေပါတယ်။ တစ်နေ့မှာ Kathleen က ဖုန်းဆက်ခေါ်လာတာကြောင့် Grace က ညီမဆီ အပြေးအလွှား သွားတွေ့တယ်။ နောက်တစ်ရက်မှာတော့ ညီမရဲ့ အိမ်နီးချင်းအမျိုးသားတစ်ယောက်နဲ့ ချိန်းပြီး ညစာထွက်စားဖြစ်ကြပါတယ်။ ဒိတ်က အဆင်ပြေပြေ ပြီးဆုံးသွားပေမယ့် အိမ်ပြန်ရောက်တဲ့အခါ Grace ဘာကို ရင်ဆိုင်တွေ့လိုက်ရမလဲဆိုတဲ့နေရာကနေ ဇာတ်လမ်းကို ဆက်ထားပါတယ်။ Nora Roberts ရဲ့ မှုခင်းနဲ့ လျှို့ဝှက်ဆန်းကြယ်ဝတ္ထု Brazen Virtue ကို အခြေခံရိုက်ကူးထားတဲ့ Netflix ဇာတ်ကားပါ။ Grace Miller အဖြစ် Alyssa Milano က သရုပ်ဆောင်ထားပြီး Sam Page လည်း ပါဝင်ထားပါတယ်။

The Willoughbys(2020) နက်ဖလစ်ရဲ့ ကာတွန်းရုပ်ရှင်အသစ်လာပါပြီ။ ဒီကာတွန်းလေးကတော့ အရင်ကြည့်ဖူးတဲ့ ပုံတွေနဲ့ မတူဘဲ တမူထူးဆန်းပြီး ရယ်ရပါတယ်။ ဇာတ်လမ်းကိုတော့ ကြောင်ဆရာကြီးတစ်ကောင်က ပြောပြနေတဲ့ပုံနဲ့ တည်ဆောက်ထားပါတယ်။ ဆရာကြောင်က ပြောတယ် မိသားစုတွေ ချစ်ခင်တာတွေ စည်းလုံးတာတွေ အဆုံးသတ်မှာ ပြန်ပေါင်းတဲ့ ဇာတ်လမ်းမျိုးတွေကို သဘောကျတတ်ရင် ဒီရုပ်ရှင်က မင်းအတွက် မဟုတ်ပါဘူးတဲ့။ ဟုတ်ပါတယ် ဒီရုပ်ရှင်ထဲက အဓိက မိသားစုကတော့ ဝယ်လိုဘီ မိသားစုပါ။ သူတို့တွေဟာ အစဉ်အဆက် သိပ္ပံပညာရှင်တွေ၊အနုပညာရှင်တွေ ကြီးမြတ်တဲ့သူတွေ ဖြစ်ခဲ့ပါတယ်။ ဒါပေမယ့် မျိုးဆက်တစ်ခုအရောက်မှာတော့ တော်နေ တတ်နေကြတာတွေ အဆုံးသတ်သွားသလိုပါပဲ။ ဝယ်လိုဘီ ဇနီးမောင်နှံဟာ ဘာမှ မထူးချွန်ပေမယ့် တစ်ယောက်ကို တစ်ယောက် အရမ်းချစ်ကြပါတယ်။ ချစ်တာမှ အခြား ဘယ်သူ့ကိုမှ မချစ်တတ်လောက်အောင်ကို ချစ်တာပါ။ လင်မယားချင်းပဲချစ်ကြပြီး မွေးထားတဲ့ ကလေး ၄ ယောက်ကို တော့ မေတ္တာတစ်စက်မှမရှိကြသလို သာမန်ဂရုစိုက်မှုမျိုးလေးတောင် မလုပ်ပါဘူး။နေ့တိုင်း လင်မယားနှစ်ယောက်ထဲ သာယာနေကြတာပါ။ ဒီတော့ ကလေး ၄ ယောက်လည်း မိဘကျေးဇူးဆပ်တဲ့အနေနဲ့ သေဖို့ ရာနှုန်း ၉၀ လောက်ရှိတဲ့ နေရာတွေအကုန်တန်းစီပြီး မိဘ၂ယောက်ကို အပျော်ခရီးစဉ်တပ်ပေးပြီး မရဏလမ်းကို စီစဉ်ပေးလိုက်ပါတော့တယ်။ မိဘမဲ့ဖြစ်ဖို့ကြိုးစားကြတာပါတဲ့။ ဒါပေမယ့် မိဘ ၂ ယောက်ကလည်း ကလေးတွေကိုမချစ်ပေမယ့် အိမ်ကိုတော့ စိတ်မချသေးတော့ ဈေးအပေါဆုံး ဘယ်သူမှ မလိုချင်တဲ့ ကလေးထိန်းကို ရှာပြီး အပ်ထားခဲ့ပါတယ်။ အဲဒီနောက်မှာတော့ အဲဒီကလေးထိန်းရယ်၊ မိဘတွေရယ်၊ မိဘမဲ့စောင့်ရှောက်ရေးအဖွဲ့တွေရင် စွန့်စားခန်းဖွင့်စရာတွေ အကြောင်းဖန်လာပါတော့တယ်။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်.... File Size : (800 MB) and (380 MB) Quality : WEB-DL 720p Format…mp4 Duration…01:30:00 Genre : Adventure, Animation, Comedy Subtitle : Myanmar Subtitle (Hard Sub) Translated by Littleneo Encoded by Phyo Pyae

ကဲ အခုမိတ်ဆက်ပေးမှာကတော့ Mad Max, Atomic Blonde, Snow White and the Huntsman တို့အပြင် Fate of the furious အစရှိတဲ့ရုပ်ရှင်ကားတွေမှာ ပါဝင်သရုပ်ဆောင်ခဲ့တဲ့ မင်းသမီးချော Charlize Theron အဓိကဇာတ်ဆောင်အဖြစ်ပါဝင်ထားတဲ့ Drama ကားအသစ်လေးပါ အကြမ်းအရမ်းပိုင်တဲ့ ထိုမင်းသမီးဟာ ဒရမ်မာကိုလည်း ရှယ်ပိုင်နိုင်တာကို တွေ့ရမှာဖြစ်ပါတယ် ဇာတ်လမ်းအကျဉ်းကတော့ မာလိုတို့ မိသားစုလေးမှာ ရှစ်နှစ်အရွယ် သမီးကြီးဆယ်ရာရယ် အော်တစ်ဇင်ဖြစ်နိူင်ချေရှိတဲ့ သားလတ် ဂျိုနာရယ် အလုပ်အမြဲရှုပ်ပြီး ခရီးတွေခဏခဏထွက်ရတဲ့ ခင်ပွန်းသည်ဒရူးတို့ပါဝင်ပါတယ် မရည်ရွယ်ပဲ တတိယကိုယ်ဝန်ရရှိပြီး သမီးထွေးလေး မီယာကို မွေးဖွားပြီးတဲ့အခါမှာတော့ မာလိုတစ်ယောက် နေ့တိုင်းစိတ်ပင်ပန်းလူပင်ပန်းဖြစ်နေရရှာပါတယ်... မာလိုရဲ့ မောင်ပေးတဲ့ အကူအညီနဲ့အတူ တယ်လီလို့ အမည်ရတဲ့ ညကလေးထိန်းတစ်ယောက် သူတို့အိမ်ကိုရောက်လာတဲ့အခါမှာတော့... အမြဲတမ်းပျော်ရွှင်တက်ကြွပြီး ဗဟုသုတကြွယ်တဲ့ တယ်လီကြောင့် မာလို့ဘဝလေး ပြန်စိုပြေလာပါတော့တယ်.. ဒါပေမယ့် တယ်လီဆိုတာက... Plot Twist အကြီးကြီးပါဝင်ပြီး မိခင်တစ်ယောက်ရဲ့ဘဝဟာ ဘယ်လောက်ပင်ပန်းလဲဆိုတာ ရိုက်ကူးပြသထားပါတယ် IMDB 7.0 ရရှိထားပါတယ် (ဇာတ်လမ်းအညွှန်းနဲ့ဘာသာပြန်ပေးထားသူကတော့ May Myat Thu ပါ) File Size : (750 MB) Quality : Blu-Ray 720p Running Time : 1hr 35min Format : Mp4 Genre : Comedy, Drama Subtitle : Myanmar Subtitle (Hard Sub) Source :  720p.BluRay.x264-DRONES Translated by May Myat Thu  Encoded by Thanhtike Zaw

ဝါရှင်တန် ပြည်နယ်က ကိုးရော့ခ်ဆိုတဲ့ မြို့ငယ်လေးဟာ ယခင်က သတ္တုမိုင်း တူးဖော်ရေး လုပ်ငန်းအမှီပြုပြီး စည်ကားသိုက်မြိုက်တဲ့ မြို့လေး တစ်မြို့ ဖြစ်ခဲ့တာပါ။ မိုင်းတွင်း တူးဖော်ရေး ပိတ်ချခံလိုက်ရပြီးတဲ့ နောက်ပိုင်းမှာ စီးပွားလည်ပတ်မှု မရှိတော့ဘဲ တစ်စထက် တစ်စ အကျဘက်ကို ဆုတ်ယုတ်လာခဲ့ပါတယ်။ အဆိုးဆုံးက မြို့နေလူထုထဲမှာ ကလေးငယ်တွေ တဖြည်းဖြည်း ပျောက်ဆုံးသွားကြတာပါ။ ဒီပျောက်ဆုံးမှုတွေအတွက် ဒဏ္ဍာရီလိုလို ယုံတမ်းပုံပြင်လိုလို ဖြစ်လာတာကတော့ ခေါင်းစွပ်နဲ့'လူရှည်ကြီး' တစ်ယောက်က ကလေးတွေကို တောထဲကို ဆွဲခေါ်သွားခဲ့တာဆိုတာပါပဲ။ ဂျူလီယာဆိုတဲ့ သူနာပြုတစ်ယောက်က ခင်ပွန်းဖြစ်သူ ဆရာဝန်ဆုံးပါးပြီး နောက်ပိုင်း အိမ်မှာ သားလေးဒေးဗစ်နဲ့အတူ ကလေးထိန်း တစ်ယောက်နဲ့ နေထိုင်သူပါ။ တစ်နေ့အိပ်ယာနိုးလာချိန် တွေ့လိုက်ရတာက ကလေးထိန်းကို ကြိုးနဲ့တုပ် ပါးစပ် အဝတ်ဆို့ထားပြီး ကလေးကိုလည်း မတွေ့ရတော့ပါဘူး။ ကလေးကို ပြန်ရဖို့အတွက် ဂျူလီယာတစ်ယောက် ဘယ်လိုတွေ လုပ်မလဲ။ မြို့က ပျောက်ဆုံးနေတဲ့ ကလေးတွေနဲ့ သူမနဲ့ကရော ဘယ်လိုဆက်စပ်နေမလဲဆိုတာ ကြည့်ရှုခံစားလိုက်ပါဦး။ File size…1.44GB / 658MB Quality…Blu-Ray 1080p 5.1CH / 720p Format…mp4 Duration….1h 46m Genre ….. Crime , Drama , Horror Subtitle….Myanmar Subtitle (Hard Sub) Encoder….Min Wai Translated by Aoi

ခွဲစိတ်ဆရာဝန် ဒေါက်တာဘန်ကေဟေးဟာ အရက်ဖြတ်ထားတဲ့ဒဏ်ကြောင့် လူနာတစ်ယောက်ကို ခွဲစိတ်ပေးရမယ့်အချိန်မှာ မလုပ်ဆောင်နိုင်တော့ဘဲ ဖြစ်သွားပါတယ်။ ဒီကိစ္စကြောင့် ဆေးရုံကနေ ယာယီအနားယူဖို့ ဖိအားပေးခံရပြီး ဇနီးနဲ့အတူ ဝယ်ထားခဲ့တဲ့ အိမ်ရှိရာ ကျွန်းကို ထွက်လာခဲ့တယ်။ လမ်းမှာ အဲဒီအိမ်ရဲ့ ပိုင်ရှင်ဟောင်းဘက်က လူတစ်ယောက်နဲ့ ဆုံမိပါတယ်။ သူက ကေဟေး အိမ်ဝယ်လိုက်တာကို မကျေနပ်သူဖြစ်ပြီး ကျွန်းပေါ်ရောက်တဲ့အထိ ကေဟေးကို ကန့်လန့်တိုက်နေတော့တာပါ။ ကျွန်းပေါ်မှာတော့ အကြောင်းရင်းမသိရတဲ့ ထူးဆန်းတဲ့သေဆုံးမှုတွေ မကြာခဏ ဖြစ်နေပါတယ်။ မြို့နဲ့ဝေးလွန်းလို့ အလောင်းခွဲစိတ်စစ်ဆေးတာမျိုးလည်း မလုပ်နိုင်ကြဘူး။ တစ်နေ့မှာ ကေဟေးနဲ့ မတည့်တဲ့ အဲဒီလူ သေသွားတဲ့အခါ ကျွန်းသားတွေက ကေဟေးသတ်တာလို့ပဲ ထင်ကြတော့တယ်။ သူ့ကို တကယ်သေစေခဲ့တာ ဘာလဲ၊ အရင်သေဆုံးမှုတွေနဲ့ရော ဆက်စပ်နေမလား။ ကေဟေးက သူ့အပေါ် စွပ်စွဲထားတာတွေကို ချေပဖို့ ဘယ်လို ဖော်ထုတ်သွားမလဲဆိုတာကို ၂၀၀၀ ခုနှစ်ထွက် သိပ္ပံစိတ်ကူးယဉ်ထိတ်လန့်ကား They Nest မှာ ဆက်ကြည့်ရမှာပါ။