Colm Meaney ပါဝင်သော ဇာတ်ကားများ

Remarkably Bright Creatures (2026) +++++++++++++++ ဒီဇာတ်ကားလေးကတော့ ရေဘဝဲတစ်ကောင်နဲ့ လူနှစ်ယောက်ကြားမှာ ထူးခြားတဲ့ဇာတ်အိမ်လေးနဲ့ ရိုက်ကူးတင်ဆက်ထားတဲ့ ဆွတ်ပျံ့ကြည်နူးဖွယ်ရာ ဇာတ်ကားကောင်းလေးပဲ ဖြစ်ပါတယ်။ ဇာတ်လမ်းအကျဉ်း +++++++++ မာဆဲလပ်စ်ဆိုတဲ့ ရေဘဝဲလေးဟာ တိရိစ္ဆာန်ကယ်ဆယ်ရေးအဖွဲ့က ခေါ်လာပြီး ငါးပြတိုက်မှာ ထားခဲ့တဲ့အတွက် သူ့ဘဝတစ်လျှောက်လုံး သူ့အိမ်ဖြစ်တဲ့ ပင်လယ်ကြီးနဲ့ ခွဲနေရရှာတဲ့ကောင်လေးပါ။ နောက်ဇာတ်ကောင်တစ်ယောက်ကတော့ ယောက်ျားဖြစ်သူရော သားဖြစ်သူပါ ဆုံးသွားပြီး တစ်အိမ်လုံးမှာ တစ်ယောက်တည်းကျန်လို့ ငါးပြတိုက်မှာ အလုပ်လာလုပ်တဲ့ တိုဗာ ဆူလီဗန်ဆိုတဲ့ သန့်ရှင်းရေးအမျိုးသမီးပါ။ နောက်ဆုံးဇာတ်ကောင်ကတော့ ကင်မရွန်ဆိုတဲ့ တခြားနယ်က ကောင်လေးတစ်ယောက်ပါ။ သူက ရေဘဝဲလေးနဲ့ သန့်ရှင်းရေးအမျိုးသမီးရှိတဲ့မြို့ကို အကြောင်းရှိလို့ လာခဲ့တာဖြစ်ပြီး ကားထဲမှာပဲ နေနေရတဲ့ အလုပ်လက်မဲ့လေးပါ။ ဒီတော့ ဒီဇာတ်ကောင်သုံးယောက်က ဒီဇာတ်လမ်းမှာ ဘယ်လိုများ တွေ့ဆုံကြုံတွေ့လာရမလဲဆိုတာကို သိချင်စိတ်ဖြစ်လာစေမဲ့ ဇာတ်ကားကောင်းလေးပဲ ဖြစ်ပါတယ်။ File Size… (2.14GB) / (1.06GB) Quality… WEB-DL 1080p HEVC / 720p Format…mkv / mp4 Duration…1h 51m Genre ….Drama Subtitle….Myanmar Subtitle (Hard Sub)

IMDb - 6.4/10 ဒီစီးရီးကတော့ ဒီနှစ်စပိုင်းမှထွက်ရှိထားတာဖြစ်ပါတယ်။ Thriller/crimeအမျိုးအစားဖြစ်ပြီး အပိုင်း ၇ပိုင်းပါ၀င်ပါတယ်။ ဇာတ်လမ်းအကျဉ်းက ဟက်ကာတစ်ယောက်ဖြစ်သူ တိုဘိုင်ရက်စ်နဲ့ သူငယ်ချင်းဖြစ်သူမာကိုတို့ က သူတို့လုပ်နေတဲ့ အိုင်းစပိုင်ဆိုတဲ့ဆော့ဖ်ဝဲအတွက် ငွေလိုနေကြတဲ့သူပါ။ အဲဒီမှာ အိုင်းရစ်မာဖီးယားအဖွဲ့ကလည်း ပစ္စည်းတင်ပို့မှုမှာ သုံးခေါက်ကရဲဖမ်းခံရလို့ ဆိပ်ကမ်းရဲ့လုံခြုံရေးကိုစစ်ဖို့ မာကိုကိုလာကမ်းလှမ်းပါတယ်။ ဒီလိုနဲ့ တိုဘိီနဲ့မာကိုတို့ အိုင်းရစ်မာဖီးယားဂိုဏ်းနဲ့ မတော်တဆတွေ့ဆုံမိပြီး ဥရောပဆေးကုန်ကူးမှုထဲ ပါ၀င်ပတ်သက်မိတဲ့အကြောင်းပါ။ (သရုပ်ဆောင်အနေနဲ့ဆိုရင် GoTထဲက ဂျော့ဖရေးနဲ့သီယွန်ဂရေးဂျွိုင်းသရုပ်‌ဆောင် နှစ်ယောက်လုံးပါ၀င်ပါတယ်) ။ ကြည့်ရှုခံစားလိုက်ကြပါဦး။ File size…(525 MB)/(2862 MB) Quality….Webrip 1080p / 720p Format…mp4 Duration….00:52:00 Genre...Crime , Drama Subtitle….Myanmar Subtitle (Hardsub) Encoder….Swan Min Htet Translated by Soe Thiri Nwe

The Ballad of Davy Crockett (2025) 1815 ဝန်းကျင် လူရိုင်းတိုင်းရင်းသားလူမျိုးတွေကို ရှင်းပစ်ဖို အင်ဒီးယန်းဖယ်ရှားရေးဥပဒေကို ‌လက်မှတ်ရေးထိုးနေကြတဲ့အချိန် Davy Crockett က လက်မှတ်ထိုးပြီး သူ့ရဲ့ နာမကျန်းဖြစ်နေတဲ့ မိန်းမနဲ့ ကလေးနှစ်ယောက်ရှိရာ တောနယ်မြေကြမ်းကို အမြန်‌ပြန်လာခဲ့တယ်။ ဒါပေမဲ့ သူ့မိသားစုဆီ ပြန်သွားတဲ့ခရီးစဉ်မှာ တွေ့ကြုံခဲ့ရတဲ့ဖြစ်ရပ်တွေက သူ့ရဲ့ လူရိုင်းတွေအပေါ် ထားခဲ့တဲ့သဘောထားတွေကို ဘယ်လိုသင်ခန်းစာတွေ ရစေမလဲဆိုတာ ဒီဇာတ်လမ်းထဲမှာ ဆက်လက်ကြည့်ရှူလိုရပါတယ်။ File size… (1.7 GB) / (920 MB) Quality…. WEB-DL 1080p HEVC / 720p Format…. mkv/mp4 Genre…. Action, Biography, Drama, History, War, Western Duration…. 01:36:00 Subtitle…. Myanmar Subtitle (Hardsub)

အရိုးရဲ့ "ဟိုဖက်ခြံထဲက ကြက်ဖနဲ့ ကျုပ်ကြက်မနဲ့ညား"ဆိုတဲ့ကြက်ဥကိစ္စ ခွက်စောင်းခုတ်တဲ့သီချင်းကို မကြားဖူးတဲ့လူတော့ရှိလောက်မယ်မထင်ပါဘူး။အခုတင်ဆက်ပေးမဲ့ ဇာတ်ကားလေးကလည်း ဒီသီချင်းနဲ့ခပ်ဆင်ဆင်ပါပဲ။မတူတာကတော့ သီချင်းကကြက်တွေအကြောင်းဖြစ်ပြီး ဒီကားကတော့ သိုးထီးတွေအကြောင်းဖြစ်နေတာပါပဲ။အဓိကအကြောင်းအရင်းကတော့ကျေးလက်ဒေသက သိုးမွေးမြူရေးခြံပိုင်ရှင် ၂ ယောက်ကြားကအားပြိုင်မှုတွေ မသမာမှုတွေ ခွက်စောင်းခုတ်ကြပုံတွေကိုစိတ်ဝင်စားစရာရိုက်ကူးထားတာဖြစ်ပါတယ်။ ဇာတ်လမ်းနာမည်ကတော့ Bring Them Down ဖြစ်ပြီး လက်ရှိIMDb Rating 6.6 အထိရရှိထားတဲ့အတွက် အဖြစ်သဘောမဟုတ်တဲ့ ဇာတ်ကားဆိုတာတော့သိသာနေပါတယ်။သရုပ်ဆောင်တွေအနေနဲ့လည်း It Comes At Night တို့Poor Things တို့လိုဇာတ်ကားကြီးတွေထဲမှာ ပါဝင်ခဲ့ဖူးတဲ့Christopher Abbott တို့ နာမည်ကြီးဇာတ်လမ်းတွေတော်တော်များများမှာပါဝင်ခဲ့ဖူးတဲ့ Barry Keoghan တို့အပြင် တခြားသောနာမည်ကြီးသရုပ်ဆောင်ပေါင်းများစွာ ပါဝင်သရုပ်ဆောင်ထားတာပဲဖြစ်ပါတယ်။ ဇာတ်လမ်းအကြောင်းအရာကတော့ အထက်မှာပြောခဲ့တဲ့အတိုင်းဖြစ်ပြီး အဓိက မွေးမြူရေးခြံပိုင်ရှင် ၂ ယောက်ကတော့မိုက်ကယ်နဲ့ဂယ်ရီတို့ဖြစ်ပြီး ဂယ်ရီရောင်းတဲ့သိုးတွေထဲမှာမိုက်ကယ်က သူ့ရဲ့အမှတ်အသားလုပ်ထားတဲ့ သိုး ၂ ကောင်ကိုတွေ့ရာကနေစတာပါပဲ။မိုက်ကယ်က အေးအေးလူလူသမားပေမဲ့ဂယ်ရီက ပိုက်ဆံနောက်လိုက်ပြီး ပေါက်ပန်းလေးဆယ်တွေလိုက်လုပ်နေတဲ့လူဖြစ်ပါတယ်။ဒီလိုနဲ့ အဲ့ဒီသိုး ၂ ကောင်ကအစပြုပြီး မွေးမြူရေးခြံ ၂ ခုကြားမှာ ဘယ်လိုမကျေမချမ်းတွေပြဿနာတွေဖြစ်လာမလဲဆိုတာတွေအပြင် ဒရာမာပေါင်းသောင်းခြောက်ထောင်ကို စိတ်ဝင်စားစရာကောင်းစွာ ရှုစားရဦးမှာပဲဖြစ်ပါတယ်။ File size…  (1.25 GB) / (793 MB) Quality… WEB-DL  1080p HEVC / 720p Format…mkv / mp4 Duration….1h 46m Genre …..Drama , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

ပေါ့​ပေါ့ပါး​ပါး ကြည့်ရှု​လို့​ရမဲ့ ဟာသ​ရုပ်ရှင်​လေး​တစ်ခု​ ဖြစ်​တဲ့ ဒီဇာတ်ကားလေးက buddy comedy အမျိုး​အစား​ဖြစ်​ပြီး​ ဇာတ်​ဝင်​ခန်း​အများ​စုကို အိုင်​ယာ​လန်​နိုင်ငံ​ ကျေး​လက်ဒေသတွေမှာ​ပဲ ရိုက်ကူး​ထားတာဖြစ်ပါတယ်။ ဇာတ်လမ်း​အကျဥ်း​ကတော့​ Ciaran နဲ့ Berry တို့​ဟာ​ တစ်ဝမ်းကွဲ​ညီအစ်ကို​တွေ​ ဖြစ်​ကြပေမဲ့ တစ်ယောက်​ကို​ တစ်ယောက်​ တစ်ခါမှ​ မမြင်ဖူးသူတွေပါ။ ဒီလို​ဖြစ်​ရတာ​က ဆယ်စုနှစ်​များစွာ​ ကြာမြင့်​ခဲ့ပြီ​ဖြစ်တဲ့ မိသားစု​တစ်​ခုတည်းက မျိုး​ဆက်​နှစ်​စုအကြား ပဋိပက္ခ​ကြောင့်​ဖြစ်​ပါတယ်။ မျိုး​ဆက်​တစ်​ခုက​ အမေရိက​မှာ​ အခြေ​ချ​ပြီး​ ကျန်​တစ်​ခုက​ အိုင်​ယာ​လန်​မှာပဲ အခြေ​စိုက်​ပါတယ်​။ ဒီလို​နဲ့​ Ciaran ရဲ့အ​ဖေ ဆန္ဒ​အတိုင်း​ နယူးယောက်​က Berry တစ်ယောက်​ အိုင်​ယာ​လန်​ကို​ ရောက်လာပါတော့တယ်။ အစပိုင်းမှာ Ciaran​ နဲ့ Berry တို့​ အချင်း​ချင်း​ အဆင်​ပြေ​ပေမဲ့​ နောက်​ပိုင်း​မှာ အမွေ​ကိစ္စ​ကြောင့် နှစ်​ယောက်​သား ခွာ​ပြဲ​သွား​ကြပြီ​ တစ်ယောက်​ကို​တစ်ယောက်​ ဒုက္ခ​ပေး​ကြပါ​တော့​တယ်​။ ဇာတ်လမ်း​အမျိုး​အစားက ပေါ့​ပေါ့ပါး​ပါး​ ဟာသ​ရုပ်ရှင်​ ဖြစ်​ပြီး​ ဇာတ်​အိမ်​ရိုး​ရှင်း​သလို​ အိုင်း​ရစ်​ရှ်နောက်ခံဂီတတွေနဲ့ အပျင်းပြေကြည့်ရှုလို့ကောင်းမဲ့ ဇာတ်​ကား​တစ်​ကား​ဖြစ်​ပါတယ်​။ File size…(1.9 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Thriller, Drama  Subtitle….Myanmar Subtitle (Hardsub) Encoder….Swan Min Htet Translated by Wolfenheim

ဒီကားလေးကတော့ ဂိုဏ်းစတားကားလေးဖြစ်ပါတယ် မင်းသမီးက ညဘက်တွေမှာ Clubထဲမှာခါးပိုက်နှိုက်တဲ့သူပေါ့ တစ်နေ့မှာတော့ ရော့ဆိုတဲ့ ဂန်းစတားတစ်ယောက်နဲ့တွေ့ခဲ့ပြီး ချစ်ကြိုက်ခဲ့တယ် အဲ့အချိန်မှာပဲ ရော့နောက်ကိုလိုက်နေတဲ့လူတွေရဲ့ ရန်ရှာမှုကိုခံခဲ့ရတယ် မင်းသမီးကလည်း အရာအားလုံးစွန့်ပစ်ပြီး ရော့ဆီလိုက်ခဲ့တာပေါ့ အဲ့အချိန်မှာ ရော့တို့အဖွဲ့နဲ့မိတ်ဆက်ပေးခဲ့တယ် ပြီးတော့ ခုနကရော့ကိုလိုက်တဲ့လူတွေဆိုတာက ရော့ရဲ့စိန်လုပ်ငန်းကိုလိုချင်လို့ပါ အဲ့တော့ရော့လုပ်နေတဲ့ စိန်လုပ်ငန်းကဘာလဲ နောက်ပြီးတော့ဒီဇာတ်ကားက ဇာတ်အိမ်အရမ်းခိုင်ပါတယ် ပြီးတော့ထင်မထားတဲ့အရာတွေလည်း အများကြီးပါတာကြောင့်ကြည့်ရှုပေးကြပါဦး File size…(2 GB)/(1 GB) Quality….Webrip 1080p / 720p Format…mp4 Duration….01:18:00 Genre... Action, Crime, Thriller Subtitle….Myanmar Subtitle (Hardsub) Encoder….Mr. Anderson Translated by Phoo Myat Thwe

No Way Up (2024) လတ်တလောထွက်ရှိထားတဲ့ Thriller/Actionဇာတ်လမ်းကောင်းတစ်ခုကို တင်ဆက်ပေးလိုက်ပါတယ်။ မတူညီတဲ့ နောက်ကြောင်းကိုယ်စီနဲ့ ခရီးသည်တွေပါတဲ့ ကာဘိုကိုသွားမဲ့ မနက်အစောကြီးလေယာဉ်တစ်စင်း။ မနက်အစောလေယာဉ်ဖြစ်တာမို့ ခရီးသည် များများစားစားမပါပေမဲ့ ကံဆိုးချင်တော့ သမုဒ္ဒရာထဲကို ပျက်ကျပါတယ်။ ဒီမှာပဲ တဖြည်းဖြည်း သမုဒ္ဒရာကြမ်းပြင်ဆီ မြုပ်နေတဲ့လေယာဉ်ထဲက ခရီးသည်တွေ အောက်စီဂျင်မရှိတော့မယ့် ဒုက္ခနဲ့ ငါးမန်းတွေဝိုင်းနေတဲ့ အန္တရာယ်ကိုရင်ဆိုင်ရပါတော့တယ်။ သူတို့တွေ ဒီအဖြစ်ဆိုးကနေ လွတ်မြောက်ဖို့ကြိုးစားကြတာကို အသဲတလှပ်လှပ်နဲ့ ခံစားကြည့်ရှုရမှာပါ။ (အညွှန်းနဲ့ဘာသာပြန်ကတော့ aungmo3han ဖြစ်ပါတယ်) Genre..... Action, Horror, Thriller Quality…. 1080p | 720p File size… 1.3GB | 631MB Format… mp4 Duration…. 1h 30min Subtitle…. Myanmar Subtitle (Hardsub) Translator ..... aungmo3han Encoder ..... Aaron

Marlowe (2022) ဒီကားက Philip Marlowe ဆိုတဲ့ စုံထောက်ကြီးအကြောင်းကို ရိုက်ထားတာပါ။ သူကလည်း ရှားလော့ဟုမ်းတို့ ပယ်ရီမေဆင်တို့လောက် နာမည်မကြီးတာပဲရှိတယ် နှယ်နှယ်ရရတော့မဟုတ်တဲ့ ပုဂ္ဂိုလ်ပေါ့။ ရေမွန်ချန်ဒလာဆိုတဲ့ စာရေးဆရာကြီးက ၁၉၃၀ကျော်ကတည်းက စအသက်သွင်းခဲ့ပြီး ဝတ္တုရှည်၇အုပ်နဲ့ ဝတ္တုတိုအများအပြားထွက်ခဲ့သလို နောက်ပိုင်းတခြားစာရေးဆရာတွေကလည်း ဒီဇာတ်ကောင်ကိုသုံးပြီး အများကြီးပြန်ရေးခဲ့ကြတယ်။ ဒီစာအုပ်တွေကို ဇာတ်ကားအဖြစ်လည်း ၁၃ခါပြန်ရိုက်ခဲ့သလို နောက်ဆုံးထွက်ထားတဲ့ ဇာတ်ကားက 1978 တုန်းက The Big Sleep ပါ။ ဆိုတော့ ၄၄နှစ်ကြာပြီးမှ Marlowe ဇာတ်ကောင်ကို ထပ်အသက်သွင်းတဲ့ရုပ်ရှင်ဆို‌တော့ ထူးထူးခြားခြားပေါ့။ ခုကားကတော့ 2014 ခုနှစ်ထွက် The Black-Eyed Blonde ဝတ္ထုကို ရုပ်ရှင်အဖြစ် အသက်သွင်းထားတာပါ။ 40s ခုနှစ်တွေကို အခြေပြုထားတဲ့ ဂန္ထဝင်စတိုင် စုံထောက်ရုပ်ရှင်အမျိုးအစားဖြစ်ပါတယ်။ မင်းသားကတော့ Taken မင်းသားကြီး လီယံနီဆန်ပါပဲ။ မင်းသမီးတွေကတော့ Big Fish တို့၊ The Postman Always Rings Twice တို့က Jessica Lange နဲ့ National Treasure အပြင် Inglourious Basterds ထဲက ဂျာမန်သွေးနှောအလှလေး Diane Kruger တို့ ပါပါတယ်။ စိတ်ဝင်စားစရာ စုံထောက်ကားမို့ အားလုံးကြိုက်ကြမှာပါ။ စုံထောက်ကားကိုမှ Neo-noir ကားဆိုတော့ Neo-noir ကားတွေ ကြိုက်တဲ့လူတွေလည်း အကြိုက်တွေ့ကြမှာပါ။ စုံထောက်ကြီးမာလိုဟာ ရဲတပ်ဖွဲ့ကနေ ပြဿနာတက်ပြီး ထွက်လိုက်ရလို့ ပင်စင်မရဘဲ အလွတ်စုံထောက်လုပ်စားနေရတာပဲဖြစ်ပါတယ်။ တစ်နေ့မှာတော့ ကလဲယားဆိုတဲ့ မိန်းမလှသူဌေးမလေးတစ်ယောက်က အလုပ်အပ်လာပါတယ်။ သူ့ရဲ့အငယ်အနှောင်းချစ်သူ နီကိုပီတာဆန်ဆိုတဲ့လူ ပျောက်ဆုံးမှုပါပဲ။ အစကတော့ သူ့ကိုပလစ်သွားတဲ့ဘဲကို လိုက်ရှာပေးရုံပဲထင်မိပေမဲ့ လူသတ်မှုတွေ၊ လူဆိုးဂိုဏ်းတွေနဲ့ အရှုပ်တော်ပုံတွေကြားထဲက ရောက်သွားပြီး လျို့ဝှက်ချက်တွေတစ်ခုပြီးတစ်ခုပေါ်လာတဲ့အခါ... (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size - 2GB, 880MB Quality - 1080p, 720p IMDb Rating - 5.7/10 Format - mp4 Duration - 1H 49Min Genre - Crime, Mystery, Thriller Subtitle - Myanmar Subtitle (Hardsub) Translated by Mr. Anderson Encoded by Y

အငြိမ်းစားစစ်သား ကြေးစားလူသတ်သမားကြီးအဖြစ် လီယံနီဆန် သရုပ်ဆောင်ထားတဲ့ အိုင်ယာလန်ရုပ်ရှင်သစ်ထွက်လာပါပြီ။ ဒီရုပ်ရှင်ဟာ အိုင်ယာလန်တော်လှန်ရေးနဲ့ ပြည်တွင်းစစ်အပြီးကာလကို အခြေခံထားတာမို့ အိုင်ယာလန်သမိုင်းကို နည်းနည်းသိထားရင် ကြည့်ရအဆင်ပြေမှာပါ။ လက်ရှိရုပ်ရှင်ကတော့ ၁၉၇၂ နောက်ပိုင်းဖြစ်လို့ ဗုံးခွဲတဲ့သူတွေက Provisional IRA ပဲ ဖြစ်ပါတယ်။ သမိုင်းအကျဉ်း အိုင်ယာလန်ဟာ ၁၂ ရာစု အန်ဂလို-နော်မန် ကျူးကျော်စစ်အပြီးမှာ ယူကေ ခေါ် ဂရိတ်ဗြိတိန် လက်အောက်ကို ကျရောက်ခဲ့ပါတယ်။ ၁၉၁၉ မှာတော့ အိုင်ယာလန် ရီပက်လစ်ကန် အာမီ (IRA) ကိုဖွဲ့စည်းပြီး အိုင်ယာလန်လွတ်မြောက်ရေးအတွက် ဗြိတိသျှတပ်တွေကို တိုက်ခိုက်ခဲပါတယ်။ တိုက်ပွဲက နှစ်နှစ်လောက်ပဲကြာခဲ့ပေမဲ့ အိုင်ယာလန်ပြောက်ကြားတွေ စစ်ရေးအရေးသာလာတာကြောင့် အန်ဂလို-အိုင်းရစ် သဘောတူညီချက်စာချုပ်ကို ချုပ်ဆိုနိုင်ခဲ့ပါတယ်။ ဒီမူရင်း IRA ကို မူလလက်ဟောင်း Old IRA လို့ခေါ်ပါတယ်။ အဲဒီစာချုပ်အရ ၂၆ ပြည်နယ်နဲ့ လွတ်လပ်သော အိုင်ယာလန်ကို တည်ထောင်နိုင်ခဲ့ပေမဲ့ အိုင်ယာလန်မြောက်ပိုင်းကတော့ UK လက်အောက်မှာပဲ ဆက်တည်ရှိနေပါတယ်။ ဒါကိုသဘောတူလိုက်တဲ့အချက်ကလည်း အိုင်ယာလန်မြောက်ပိုင်း ပရိုတက်စတင့်နဲ့ အခြားပြည်နယ်တွေက ကတ်သလစ်ဘာသာဝင်တွေကို အတူစည်းရုံးလို့မရမဲ့အတူတူဆိုပြီး သဘောတူလိုက်တာများပါတယ်။ ဒီစာချုပ်ကြောင့် IRA နှစ်ခြမ်းကွဲသွားခဲ့ပြီး စာချုပ်ကိုသဘောတူတဲ့ IRA နဲ့ သဘောမတူတဲ့ IRA ဆိုပြီး အချင်းချင်းထချကြလို့ အိုင်ယာလန်ပြည်တွင်းစစ် ၁၉၂၂ မှာဖြစ်သွားပါတော့တယ်။ အိုင်ယာလန်အကွဲအပြဲတွေကို သရော်တဲ့အနေနဲ့အလကားနေရန်ထဖြစ်တဲ့ သူငယ်ချင်းနှစ်ယောက်အကြောင်းကို ရိုက်ထားတဲ့ The Banshees of Inisherin ကိုလည်း ချန်နယ်မြန်မာမှာ တင်ပေးထားပါသေးတယ်။ ပြည်တွင်းစစ်မှာ စာချုပ်သဘောတူတဲ့အဖွဲ့က အစိုးရတပ်ဖွဲ့ Provisional Government of Irelandဖြစ်လာပြီး မတူတဲ့အဖွဲ့က anti-Treaty Irish Republican Army ဖြစ်လာခဲ့ပါတယ်။ စာချုပ်ဆန့်ကျင်ရေး IRA ၁၉၂၃ စစ်ရှုံးသွားခဲ့ပေမဲ့ လက်နက်မချဘဲ ၁၉၆၉ အထိ ဆက်လက်တည်ရှိခဲ့ပါတယ်။ ဒီဆန့်ကျင့်ရေးအဖွဲ့ကို အင်္ဂလန်ဗုံးခွဲမှုတွေနဲ့ ၁၉၃၁ မှာ တရားမဝင်အဖွဲ့အစည်းကြေညာခံခဲ့ရပါတယ်။ ဒုတိယကမ္ဘာစစ်အတွင်းမှာတော့ ဗြိတိန်ကိုတိုက်ချင်ဇောနဲ့ ဟစ်တလာဆီက အကူအညီတောင်းခံခဲ့လို့ IRA ခေါင်းဆောင် ၅ ယောက်ကြိုးပေးခံခဲ့ရပါတယ်။ ၁၉၆၉ မှာကျတော့ အဲဒီ ဆန့်ကျင်ရေး IRA က ထပ်ပြီး ကွဲသွားပါတယ်။ ရိုမန်ကတ်သလစ်၊ ပရိုတက်စ်တန့်ဘာသာအရေးအခင်းကြောင့်ပါပဲ။ ဆန့်ကျင်ရေး IRA ကိုမှ Official IRA နဲ့ Provisional IRA ဆိုပြီးကွဲသွားတာပါ။ Official IRA က နိုင်ငံရေးလိုင်းကနေ အိုင်ယာလန်ကို ပေါင်းစည်းဖို့ကြိုးစားပြီး Provs IRA ကတော့ အကြမ်းဖက်လိုင်းဖြစ်သွားပါတယ်။ IRA ဗုံးခွဲတဲ့ကိစ္စနဲ့ပတ်သတ်တဲ့ဇာတ်ကားကိုတောင် The Foreigner ဆိုပြီး ဂျက်ကီချန်းနဲ့ရိုက်ထားတာရှိပါတယ်။ ဒီလက်နက်ကိုင် Prov IRA ဟာ ၂၀၀၅ မှာမှ စစ်ရေးဆန့်ကျင်မှုတွေကနေ နိုင်ငံရေးအဖြစ် ပြောင်းလဲဖို့ ကြေညာခဲ့တာဖြစ်ပါတယ်။ ဇာတ်လမ်းအကျဉ်း ဇာတ်လမ်းကတော့ ရိုးရှင်းပါတယ်။ စစ်ပြန်ကြီး ဖင်းဘားဟာ မိန်းမဖြစ်သူသေဆုံးသွားပြီးနောက်ပိုင်း ကြေးစားလူသတ်သမားအလုပ်နဲ့အသက်မွေးပါတယ်။ ဒီလိုနဲ့အသိဝင်လာပြီးအနားယူတော့မဲ့အချိန်မှာမှ IRAဖောက်ခွဲရေးသမား ဝရမ်းပြေးတစ်ယောက်က သူ့ရွာမှာ လာပုန်းနေရင် ကလေးမလေးတစ်ယောက်ကို နှိပ်စက်နေတာတွေလို့ သတ်လိုက်မိပါတယ်။ အဲဒီ IRA ရဲ့ အပေါင်းအပါတွေကို လက်စားချေဖို့ လိုက်ရှာတာကို ပြန်ရင်ဆိုင်ရတဲ့ဇာတ်လမ်းပဲဖြစ်ပါတယ်။ ဇာတ်လမ်းနာမည်ဖြစ်တဲ့ သူတော်စင်တွေနဲ့အပြစ်သားတွေရဲ့မြေဆိုတာက အများအားဖြင့် ဘာသာရေးကိုင်းရှိုင်းပြီး ညစ်ညမ်းတဲ့အပျော်အပါးတွေပေါတဲ့ မြို့တွေကို တင်စားခေါ်ကြတာများပါတယ်။ ဒီရုပ်ရှင်မှာတော့ နှလုံးလှတဲ့လူသတ်သမားရဲ့ ဝိရောဓိကိုလည်း တင်စားတာ ဖြစ်နိုင်ပါတယ်။ ကောင်းဘွိုင်ဆန်ဆန် ရွာလေးထဲကလူနည်းစု တိုက်ပွဲတွေကလည်း အရသာတစ်မျိုးမို့ ကြည့်လိုက်ကြပါဦး။ File size… 1.40GB / 625MB Quality…WEB-DL 1080p 5.1CH / 720p Format…mp4 Duration….1h 46m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

Maya ကိုယ်ဝန်ရှိခါစမှာ လူရမ်းကားသုံးယောက်က အိမ်ထဲ အတင်းဝင်လာပြီး သူနဲ့ ခင်ပွန်း Jamie ကို ရိုက်နှက်ခဲ့ပါတယ်။ အဲဒီအဖြစ်အပျက်ကြောင့် နှစ်ယောက်စလုံး စိတ်ဒဏ်ရာတွေ ရနေကြတယ်။ Maya မီးဖွားခါနီးတော့ Jamie ရဲ့အဒေါ် ကွယ်လွန်ပြီး အမွေပေးခဲ့တဲ့ အိုင်ယာလန်က ကျေးလက်အိမ်ဆီ ပြောင်းလာကြပါတယ်။ ဘဝသစ်စပြီး ကလေးကို အေးအေးဆေးဆေး မွေးနိုင်ဖို့ မျှော်လင့်ထားကြတာပါ။ အိမ်ကြီးနဲ့ ဥယျာဉ်ကျယ်ကျယ်ကို တွေ့ရတော့ လင်မယားနှစ်ယောက် ဝမ်းသာနေကြပေမယ့် အဒေါ်မှာခဲ့တဲ့ ကိစ္စတစ်ခုလည်း ရှိနေပါတယ်။ ခြံထဲက သစ်သားအိမ်လေးရှေ့မှာ ညနေတိုင်း အသည်းအစိမ်းကို မပျက်မကွက် ချကျွေးရမှာပါ။ သဘာဝလွန်ကိစ္စတွေကို အယုံအကြည်မရှိတဲ့ သူတို့ကတော့ တချို့နေ့တွေမှာ ကျွေးဖို့ မေ့လာကြတယ်။ ဒီအလေ့အထကို ပျက်ကွက်မိရင် ဘာဖြစ်လာမလဲ၊ သစ်သားအိမ်လေးနောက်မှာ ဘယ်လိုသတ္တဝါတွေ ရှိနေမလဲဆိုတာကို သူတို့ မသိကြသေးပါဘူး။

ဂရင်းစဘီမှ ငါးဖမ်းသမား နဲ့ ဝန်ထမ်းအမျိုးသမီးအဖွဲ့ဟာ ရရှိလာတဲ့ လခတွေကို သုံရက်တာ သန်းကြွယ်သူဌေး ဂုဏ်ပုဒကို ရရှိဖို့ အလျင်အမြန် သုံးလိုက်ကြပြီး သူတို့နောက်ထပ် သင်္ဘောမတက်ရတော့ဘူဆိုတာ သိလိုက်ရပါတယ်။ ပိုက်ဆံနည်းလာပြီး မျှော်လင့်ချက်ကုန်သလောက်ဖြသ်လာတဲ့အခါ သူတို့ဘဝရဲ့ အကြီးကျယ်ဆုံး လုယက်မှုကို ကျူးလွန်ပြီး ဆိပ်ကမ်းကို မပျက်ဆီးအောင် ထိန်းသိမ်းဖို့ ကြိုးစားကြတဲ့အခါ...

ပြဇာတ်ဆန်ဆန် ​အေး​အေးငြိမ့်ငြိမ့်​လေး ခံစားလို့ရမယ့် Drama ရုပ်ရှင်​လေးတစ်ကားကို တင်​ဆက်​ပေးချင်ပါတယ်။ ၁၉၉၃ခုနှစ် ဝေးလ်နိုင်ငံ၊ ကာမာသန်မြို့မှာ ဖြစ်ခဲ့တဲ့ ဖြစ်ရပ်မှန်ကို အ​ခြေခံ၍ ရိုက်ကူးထားတာပါ။ IMDb - 6.7 နဲ့ Rotten Tomatoes 70%ထိရရှိထားပြီး Gotham series မင်းသမီး​ချော Erin Richards နဲ့Draco Malfoyအ​နေနဲ့ လူသိများတဲ့ Tom Feltonတို့ ပါဝင်ထားပါတယ်။ ကာမာသန်မြို့ရဲ့ လစ်ရစ်ဇာတ်ရုံက ဟိုးနှစ်​ပေါင်းများစွာတည်းက စင်တင်ပြဇာတ်​​တွေနဲ့ ​အော်ပရာတွေ တင်ဆက်လာတဲ့ ဇာတ်ရုံကြီးဖြစ်သလို ​နောက်ပိုင်းနှစ်​တွေမှာ ရုပ်ရှင်ရုံအဖြစ် ပြောင်းခဲ့​​ပေမယ့် လာ​ရောက်ကြည့်ရှုသူ မရှိသ​လောက်နည်း​နေသလို ၂လ၃လ​နေမှ တစ်ခါပြတဲ့ ​ပြဇာတ်​တွေနဲ့ အသက်ဆက်​နေရတာပါ။ ဒီလို​ဒေဝါလီခံရကာနီး​နေတဲ့ ရုပ်ရှင်ရုံကိုဖြိုချပြီး ​ဈေးဝယ်စင်တာ ​ပြောင်း​ဆောက်ဖို့ ကြံ​နေသူ​တွေက​တော့ ကာမာသန်မြို့​တော်ဝန်နဲ့သူ့ရဲ့ ခရိုနီ​တွေပါ။ လစ်ရစ်ရုံဟာ ဝင်​​ငွေမရ​တော့​ပေမယ့် မြို့​ခံလူ တချို့​အတွက်​ မ​​မေ့နိုင်တဲ့အမှတ်တရ​များစွာ ရှိ​နေတဲ့နေရာတစ်ခု ဖြစ်သလို မြို့ရဲ့ အထိမ်းအမှတ်လည်းဖြစ်​လို့ ဖြိုချမယ့် အကြံကို လုံးဝလက်မခံခဲ့ကြပါဘူး။ ဒါ​ပေမဲ့ ကောင်စီအစည်းအ​ဝေးကြီးမှာမထင်မှတ်ဘဲ မဲရှုံးနိမ့်သွားခဲ့တာ​ကြောင့် ရုပ်ရှင်ရုံဖြိုချဖို့ အဆိုက အတည်ဖြစ်လာတဲ့အခါ လစ်ရစ်ရုံကြီးကို ကယ်တင်နိုင်ဖို့အတွက် မြို့ခံ​တွေဟာ ​မြို့​တော်ဝန်နဲ့ ထိပ်တိုင်​တွေ့ရပါ​တော့တယ်။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.9GB) / (1GB) Quality__WEB-DL_1080p, 720p IMDb Rating__6.7/10 Format__mp4 Duration__01:49:00 Type__Drama Subtitle__Myanmar Subtitle (Hardsub) Translated by Jim X Encoded by Naing Aung Latt

So Ji Sub ပါဝင်ထားတဲ့ Confession မှာ ယူမင်ဟိုဟာ IT ကုမ္ပဏီတစ်ခုရဲ့ ဥက္ကဋ္ဌဖြစ်ပါတယ်။ ဟိုတယ်အခန်းတစ်ခန်းထဲ မိန်းကလေးတစ်ယောက် အသတ်ခံရတဲ့အမှုမှာ အမှုစစ်တွေက သူ့ကို သံသယရှိနေကြတယ်။ သူ့ဘက်က ခုခံချေပပေးဖို့ ရှေ့နေအဖြစ် ယန်းရှင်းအယ် ရောက်လာပါတယ်။ ယန်းရှင်းအယ်က ရှေ့နေလုပ်သက်တစ်လျှောက် အမှုတစ်ခါမှ မရှုံးဖူးသူပါ။ အသတ်ခံရတဲ့ ဂင်ဆယ်ဟီးနဲ့ ယူမင်ဟိုတို့ ဘယ်လိုပတ်သက်နေကြတာလဲ၊ လူသတ်မှုနောက်ကွယ်မှာ ဘာတွေရှိနေသလဲဆိုတာ မေးခွန်းဖြစ်နေပါတယ်။ တစ်ခါမှ အမှုမရှုံးဖူးတဲ့ ယန်းရှင်းအယ်ကရော ဒီတစ်ကြိမ်မှာ သူ့အမှုသည်ကို ကယ်တင်ပေးနိုင်ဦးမလား။

Pixie (2020) IMDb Rating(5.9)/ Rotten Tomatoes (93%) ဇာတ်လမ်းအညွှန်း ဇာတ်ကားနာမည် ပစ်စီဆိုတာက ဖျတ်ဖျတ်လတ်လတ်နဲ့ ဘာမဆို လက်ရဲဇက်ရဲလုပ်ရဲတဲ့ လည်လည်ဝယ်ဝယ် ကောင်မလေးတစ်ယောက်ပါ ဆန်ဖရန်စစ္စကိုသွားပြီး ဘဝကိုအသစ်ကပြန်စဖို့ ကြိုးပမ်းနေတဲ့အစီအစဥ်​ပျက်သွားပြီးနောက်ပိုင်းမှာ သူ့ဘဝအရှုပ်တော်ပုံထဲ ပြန်ပြီးခြေချရပါတော့တယ် သူ့ကိုဘားမှာတွေ့ပြီး လာကြောင်တဲ့နှစ်ယောက်ခမျာမှာလည်း မသိမသာနဲ့ ပစ်စီ့အရှုပ်တော်ပုံထဲ ယောင်လည်လည်ပါသွားပြီး သုံးယောက်ပေါင်းလောင်းကျော်ကြပါတော့တယ် ဆိုတော့ ပစ်စီ့ဘဝမှာ ဘာတွေကရှုပ်ထွေးနေတာလဲ ဇာတ်လမ်းအစမှာ အမေ့အုတ်ဂူရှေ့ရပ်ပြီး အမေ့အ​ပေါ်သူတို့လုပ်ခဲ့တဲ့လုပ်ရပ်တွေအတွက်လက်စားချေမယ်ဆိုတော့ အဲဒီ "သူတို့" ဆိုတာကရော ဘယ်သူလဲ ဆိုတာတွေကိုတော့ ပစ်စီကိုယ်တိုင်ပဲဖြေပေးသွားပါလိမ့်မယ် Crime comedy ဆိုတော့ အရမ်း serious မဖြစ်ဘဲ အလွဲလေးတွေနဲ့ ပေါ့ပေါ့ပါးပါးပဲကြည့်ရမယ့်ဇာတ်ကားမျိုးပါပဲ။ File size…(1.7 GB) and (1 GB) Quality….BluRay 1080p and 720p Format…mp4 Duration….01:33:00 Subtitle….Myanmar Subtitle (Hardsub) Encoder….Nyeinsaeya Aung Translated by MTA

ကလေးဘဝကတက်ဆက်ဇ်မြို့မှာဖိနပ်တိုက်သမားအဖြစ်နဲ့ အလုပ်လုပ်ရတဲ့ လူမည်းလေးဘာနာ့ဒ်ဂါရက်တ်ဟာ ဉာဏ်စွမ်းဉာဏ်စနဲ့ပြည့်စုံပြီး ပါရမီပါတဲ့အတွက် ဖိနပ်တိုက်ရင်းကြားရတဲ့စကားတွေကို သေချာလေ့လာမှတ်သားရင်း ပညာဝမ်းစာဖြည့်ပါတယ်..... သူအရွယ်ရောက်လာတော့ လော့စ်အိန်ဂျယ်မြို့ကိုပြောင်းလာရင်း ဂျိုးဆက်မောရစ်ဆိုတဲ့ လူမည်းတစ်ယောက်နဲ့တွေ့ပြီးတော့ စပ်တူအိမ်ခြံမြေလုပ်ငန်းလုပ်ကိုင်ဖို့ဖြစ်လာခဲ့ပါတယ်.... ဒါပေမယ့် လူမည်းတစ်ယောက်ကိုဘယ်သူမှ အဖက်လုပ်မဆက်ဆံခြင်ကြတဲ့အတွက် သူတို့အခက်အခဲက တကယ့်ကို ကြီးမား လွန်းပါတယ်...သူတို့ (၂) ဘယ်လို ဉာဏ်နီ ဉာဏ်နက်တွေ ထုတ်ပြီး ရှေ့ဆက်မလဲဆိုတာကိုတော့ ခံစားကြည့်ကြပါဦး..... ဒီဇာတ်ကားကတော့ ၁၉၅၀ခုနှစ်ကျော်ကျော်က အမေရိကန်နိုင်ငံမှာ လူမျိုးရေးခွဲခြားမှုတွေ ဖြစ်နေချိန်မှာ ဘဏ်တစ်ခုကိုဝယ်ပြီးတော့ လုပ်ငန်းလုပ်ကိုင်ဖို့ကြိုးစားတဲ့ လူမည်းနှစ်ယောက်အကြောင်းကို ဖြစ်ရပ်မှန်အပေါ်အခြေခံပြီး ရိုက်ကူးထားတဲ့ကားကောင်းတစ်ကားဖြစ်ပါတယ်... မှတ်သားစရာများစွာပါရှိသလို သူတို့ရဲ့ကြိုးစားပုံတွေလည်းတကယ့်ကို အတုယူစရာပါပဲ... အဓိက သရုပ်ဆောင်ဖြစ်တဲ့ Samuel L. Jackson, Nicholas Hoult နဲ့ Anthony Mackie တို့ကိုတော့ အတော်များများသိကြမှာပါ.... ဇာတ်လမ်းအညွှန်းနဲ့ဘာသာပြန်သူတွေကတော့ K နဲ့ MarTizasပဲဖြစ်ပါတယ် File Size : (1.1 GB) and (428 MB) Quality : Blu-Ray 720p Format…mp4 Duration…02:00:00 Genre : Drama Subtitle : Myanmar Subtitle (Hard Sub) Translated by MarTiza & K Encoded by Phyo Pyae

Seberg (2019) ၂၀၁၉ ခုနှစ်က ထွက်ရှိခဲ့တဲ့ နိုင်ငံရေး သည်းထိတ်ရင်ဖိုရုပ်ရှင် Seberg ဟာ ၁၉၆၀ ပြည့်လွန်နှစ်တွေက နာမည်ကြီးဟောလိဝုဒ်မင်းသမီး ဂျင်းဆီဘတ် (Jean Seberg) ရဲ့ဘဝအကြောင်းကို ရိုက်ကူးထားတာပါ။ အဓိကကတော့ သူ့ဘဝမှာ အမေရိကန်အစိုးရရဲ့ နိုင်ငံရေး ညှဉ်းပန်းမှုတွေ ခံစားရပုံပါပဲ။ ဇာတ်လမ်းကတော့ ဂျင်းဟာ လူမည်းအခွင့်အရေးလှုပ်ရှားမှုမှာ ထောက်ခံသူတစ်ယောက်ဖြစ်လာတာကနေ စတင်ပါတယ်။ အထူးသဖြင့် Black Panther Party လို့ခေါ်တဲ့အဖွဲ့က Hakim Jamal ဆိုတဲ့သူနဲ့ အချစ်ဇာတ်လမ်းဖြစ်သွားတာကို အမေရိကန်အစိုးရက မကြိုက်ပါဘူး။ FBI က သူ့ကို စောင့်ကြည့်စုံထောက်တယ်၊ သူ့ပုဂ္ဂိုလ်ရေးဘဝကို ခြိမ်းခြောက်တယ်၊ နာမည်ဖျက်တယ် စသဖြင့် အမျိုးမျိုးဖိအားပေးလုပ်ဆောင်ခဲ့တာကြောင့် ဂျင်းရဲ့ရုပ်ကျန်းမာရေး၊ စိတ်ကျန်းမာရေးတွေ ထိခိုက်လာရာကနေ နောက်ဆုံးမှာ သူ့ကိုယ်သူအဆုံးစီရင်သွားတဲ့အထိ ဖြစ်သွားခဲ့ရပါတယ်။ နိုင်ငံရေးသဘောထားတစ်ခုကြောင့် လူတစ်ယောက်ရဲ့ဘဝ ဘယ်လိုပျက်သွားရသလဲဆိုတာ မြင်တွေ့ရမှာဖြစ်လို့ ဒီရုပ်ရှင်ကို ကြည့်ရတာ အတော်လေး စိတ်ထိခိုက်စရာကောင်းပါတယ်။ မင်းသမီးချော Kristen Stewart က ဂျင်းဆီဘတ်အဖြစ် သရုပ်ဆောင်ထားတာ တကယ်ကိုကောင်းပါတယ်။ လွတ်လပ်တဲ့ အတွေးအခေါ်တွေနဲ့ နိုင်ငံရေးဖိနှိပ်မှုရဲ့ဝါးမြိုမှုကိုခံရတဲ့ အနုပညာရှင်တစ်ဦးရဲ့ ဝမ်းနည်းဖွယ်ဇာတ်လမ်းပါပဲ။ သမိုင်းဝင်ဒရာမာကို ကြိုက်တတ်တဲ့သူတွေအတွက် ကြည့်သင့်တဲ့ ရုပ်ရှင်တစ်ကားဖြစ်ပါတယ်။ File Size - 964 MB/ 2.19 GB Quality - WEB-DL 1080p/ 720p Duration - 1h 42m Format - mp4 Genre - Drama, Thriller Subtitle - Myanmar Subtitle (Hard Sub)

ဒီရုပ်ရှင်ကိုတော့ လူတိုင်းကြိုက်မယ်မထင်ပါဘူး။ အရမ်းကြိုက်မယ့်သူတွေလည်း ရှိပါလိမ့်မယ်။ ဒါက ကျွန်တော်တို့တွေ အရမ်းကြိုက်ရတဲ့ ရုပ်ရှင်တွေရဲ့ မူရင်းဝတ္ထုတွေကို ရေးသားခဲ့တဲ့ စာရေးဆရာကြီး တစ်ယောက်ရဲ့ အကြောင်းပါပဲ။ The lord of the rings နဲ့ Hobbit ရုပ်ရှင်တွေကို အများစု သိကြမှာပါ။ အော်စကာတွေ တစ်ပြုံကြီးနဲ့ ဂန္ဓဝင် ရုပ်ရှင်တွေကိုး။ ဒါပေမယ့် မူရင်းဝတ္ထုရဲ့ စာရေးသူကိုတော့ အမာခံဖန်တွေပဲ သိကြမယ်ထင်ပါတယ်။ J.R.R.Tolkien ခေါ် ဂျွန် ရော်နယ် ရူအယ် တိုကင်းန်ပါပဲ။ တိုကင်းန်ဟာ လူငယ်ဘဝမှာ သူငယ်ချင်း သုံးယောက်ရှိခဲ့ပါတယ်။ စာပေအနုပညာကို စိတ်တူကိုယ်တူလိုက်စားကြတဲ့ လေးယောက်အဖွဲ့ပေါ့။ ဒါကြောင့်လဲ သူ့ရဲ့ဝတ္ထုတွေမှာ လေးယောက်တွဲတွေ လွှမ်းမိုးမှုရှိခဲ့တာလားပါပဲ။ တိုကင်းန်ဟာ ဘာသာစကားတွေ ဒဏ္ဍာရီတွေဘက်မှာ အရမ်းထူးချွန်တဲ့သူပါ။ သူဟာ ပထမကမ္ဘာစစ်မှာ ပါဝင်တိုက်ခဲ့ဖူးခဲ့တယ်။ ဒုတိယ ကမ္ဘာစစ်မှာ ဝှက်စာဖြေသူအဖြစ် ပြောင်မြောက်စွာ လုပ်ကိုင်ပေးခဲ့ပါသေးတယ်။ ကျန်တဲ့အချိန်တွေမှာတော့ ဘာသာစကား ပါမောက္ခအဖြစ် တာဝန်ယူခဲ့တာပါ။ ဘာသာစကားနဲ့ပတ်သတ်ပြီး သူပြုစုခဲ့တဲ့ စာအုပ်တွေ ဘာသာပြန်တွေဟာ အခုထိ တက္ကသိုလ်တွေမှာ လေ့လာနေကြရဆဲပါပဲ။ Lotr နဲ့ Hobbit ရုပ်ရှင်တွေကို ကြည့်ရတာ ဇာတ်အိမ်ကျယ်ပြန့်လှပြီလို့ ထင်မိပါသလား။ ဒါဆိုရင်တော့ ဆရာ တိုကင်းန်က ပြုံးပါလိမ့်မယ်။ သူ့ရဲ့ ဝတ္ထုတွေထဲမှာ ဇာတ်ကောင်တွေသာမက ဆွေစဉ်မျိုးဆက် သမိုင်းတွေ၊ ပြက္ခဒိန်တွေ၊ သူကိုယ်တိုင်ဆွဲထားတဲ့ မြေပုံတွေ အပြင် ကိုယ်ပိုင်တီထွင်ထားတဲ့ ဘာသာစကားအသစ်တွေပါ ပါဝင်ခဲပါတယ်။ အဲဒီဘာသာစကားအတွက်လည်း အဘိဓာန်တွေ ပြန်ထုတ်ပေးခဲ့ပါသေးတယ်။ ရုပ်ရှင်ထဲက အကြောင်းအရာတွေဟာ တိုကင်းန်ရဲ့ လက်ရာတွေနဲ့စာရင် အကျဉ်းချုံးလေးသာသာပဲ ရှိပါသေးတယ်။ တိုကင်းန်အပြင် သူသေဆုံးပြီးနောက်မှာ သူ့ရဲ့သား ခရစ္စတိုဖာ တိုကင်းန်ကလည်း သူ့ရဲ့ လက်ရေးမှတ်စုတွေကို ပြန်စုစည်းတည်းဖြတ်ပြီး ထုတ်ဝေခဲ့တဲ့ ကမ္ဘာကျော်စာအုပ်တွေ ရှိခဲ့ပါသေးတယ်။ ဒါကြောင့် Lotr ဖန်တွေ ဂျေအာအာတိုကင်းန်ကို စိတ်ဝင်စားတဲ့သူတွေအတွက် ဒီရုပ်ရှင်က အရမ်းကို နှစ်သက်ဖို့ ကောင်းပါလိမ့်မယ်။ ဒါတွေနဲ့ မရင်းနှီးဘဲတော့ ဒီရုပ်ရှင်ကိုကြည့်ပြီး ပျင်းစရာလို့ ထင်ကောင်းထင်ပါလိမ့်မယ်လို့ ကြိုပြီး သတိပေးပါရစေ။ ဇာတ်လမ်းအညွှန်းနဲ့ ဘာသာပြန်သူကတော့ Little Neo ပဲဖြစ်ပါတယ်…… File Size : (900 MB)  Quality : Blu-Ray 720p Running Time : 1hr 52min Format : Mp4 Genre : Biography, Drama, War Subtitle : Myanmar Subtitle (Hard Sub) Source : 720p.BluRay.X264-AMIABLE Translated by Littleneo Encoded by Thanhtike Zaw

အခုတခါတော့ ပရိတ်သတ်ကြီးအတွက် Norm Of The North ဆိုတဲ့ ကာတွန်းကားလေးနဲ့ မိတ်ဆက်ပေးချင်ပါတယ်။ ကျတော် သဘောကျတာက ကာတွန်းကားလေးက လူတွေကို မိမိတို့ နေထိုင်တဲ့ ပတ်ဝန်းကျင်ကို ထိန်းသိမ်းဖို့ အသိပညာပေးကားလေးမို့ပါ နောက်ထပ်သဘောကျမိတာလေး တစ်ခုက ဇာတ်လမ်းထဲက စီးပွားရေးသောင်းကျန်းသူမစ္စတာ ဂရင်းနေရာမှာ သုံးထားတဲ့ ကာတွန်းပုံစံလေးပါ။ သုံးထားတဲ့ ပုံစံလေးက အခုလက်ရှိကမ္ဘာပေါ်မှာ စီးပွားရေး အသောင်းကျန်းဆုံး သဘာဝပတ်ဝန်းကျင် ထိခိုက်မှုကို ဂရုမစိုက်ဆုံး တရုပ်ကို သရော်ထားတာကိုပါပဲ။ ကဲ ဇာတ်လမ်း အကျဉ်းလေးကတော့ အာတိတ်ဒေသရဲ့ ဘုရင်လို့ခေါ်ကြတဲ့ ပိုလာဘဲတို့ရဲ့ ဒေသမှာ မစ္စတာဂရင်းက ကွန်ဒိုတွေ ဆောက်ပြီးရောင်းချဖို့ကြံစီရာမှ Norm က နယူးယောက်ထိသွားရောက်ပြီး တားဆီးပုံလေးကို ရယ်မောဖွယ်ရာ ကာတွန်းဇာတ်ကော်ငလေးများဖြင့်ပုံဖော်ပြထားပြီး ကာတွန်းဇာတ်လမ်းထဲမှာ Norm ရဲ့ ၀၀ဖိုင့်ဖိုင့် ချစ်စရာဖင်လှုပ်အကကိုလည်း ရှူစားကြပါအုံးလို့ (ဘာသာပြန်ကတော့ ကိုမျိုးမင်းသူသန်းမြင့်ပါ) File size…    1.6 GB /  976 MB Quality… BluRay 1080p / 720p Format… mp4 Duration…. 1h 30m Genre ..... Animation/Adventure/Comedy Subtitle…. Myanmar Subtitle (Hard Sub) Encoder…. LegoHeart Translated by Myo Min Thu Than Myint

ဒီကားလေးဟာ Imdb rating အနေနဲ့ 7.2/10 အထိ ရရှိထားပြီး အောင်မြင်ထားတဲ့ကားလေးပါ ထွက်ရှိတဲ့နေ့ရက်ကတော့ ၁၃ ရက် မေလ ၂၀၁၆ မှာ ထွက်ရှိခဲ့ပါတယ်။ ဒီကားလေးရဲ့ ဇာတ်အိမ်ဟာ ၁၉၈၅ ခုနှစ်လောက်ကဘောလုံးလောကထဲကို စတင်ခြေချ ခဲ့တဲ့ ဘရာဇီးနိုင်ငံသား ဘောလုံးသမားကြီး {ပီလီ (pele)} နာစီမန်တို ရဲ့ သူ ကလေးဘဝကနေစပြီးအောင်မြင်လာတဲ့ အချိန်အထိ ရိုက်ကူးထားတဲ့ ဇာတ်ကားလေးပါ။ သူ့ရဲ့ ငယ်ဘဝဟာ ဖိနပ်တိုက်ကျောင်းတက်ရတဲ့ဘဝဖြစ်ပြီး သူ့ရဲ့မွေးရာပါပင်ကိုယ်စွမ်းရည်ကတော့ဘောလုံး ကစားတာပါ။ ဘောလုံးကို ကျွမ်းကျွမ်းကျင်ကျင်ကစားတတ်ပြီး အများနဲ့မတူတဲ့ ကစားနည်းနဲ့ဆော့ကစားတာပါ ဒါပေမဲ့ ဘောလုံးဆော့တာကို သူ့ရဲ့အမေဖြစ်သူက မကြိုက်ပါဘူး။ ဒါပေမဲ့ ခိုးကြောင်ခိုးဝှက်ဆော့ရင်းနဲ့ သူ့သူငယ်ချင်းတစ်ဦးသေဆုံးခဲ့ပြီး စိတ်ဒါဏ်ရာ ရခဲ့ပါတယ်။ ဒါပေမဲ့ လဲ သူ့မှာရှိတဲ့ ဘောလုံး ပင်ကိုယ် စွမ်းရည်ကို သူ့အမေဟာ တွေ့မြင်သွားပြီး သူ့ရဲ့သားကို ချစ်တဲ့ စိတ်နဲ့ ဘောလုံးအသင်း ဥက္ကဌ တစ်ဦးနဲ့ မိတ်ဆက်ပေးခဲ့ပါတယ် ။ အဲ့လိုမိတ်ဆက်ပေးပြီးတဲ့နောက်မှာတော့ သူ့ဘဝရဲ့ အောင်မြင်မှုလမ်းကြောင်းဟာ စတင်လို့လာခဲ့ပါပြီ။ လူတိုင်းဟာ အောင်မြင်မှုလမ်းကြောင်းအပေါ် လျှောက်လှမ်းတဲ့အခါ အခက်အခဲတွေကတော့ အများကြီးတွေ့ကျစမြဲပါ ။ သူလဲ အခက်အခဲတွေအများကြီးရင်ဆိုင်ခဲ့ရပါတယ်။ သူလဲ သူ့ရဲ့ အောင်မြင်မှု လမ်းကြောင်းကို လျှောက်တဲ့အခါ ........... -ဘယ်လိုအခက်အခဲတွေတွေ့မလဲ -အောင်မြင်မှုကို ဘယ်လိုရရှိမလဲ -သူ့ရဲ့ သနားစရာကောင်းတဲ့ ငယ်ဘဝ ပုံရိပ်တွေကို ဒီကားလေးထဲမှာ ကြည့်ရှုရမှာပါ ........ -သားသမီး အပေါ်ကို ချစ်တတ်တဲ့ မိဘ ရဲ့ ပုံရိပ်လေးတွေလဲတွေ့ရမှာပါ ဇာတ်လမ်းအညွှန်းနဲ့ ဘာသာပြန်ကတော့  Saw Yan Nay Naung ပါ Quality….BluRay Rip 720P Length…1 hours 47mins Format…mp4 File size…766MB Subtitle….Myanmar Subtitle (Hardsub) Translator…Saw Yan Nay Naung Encoder….seniorkaung

နှစ်တစ်နှစ်မှာရှိတဲ့ ပွဲတော်နေ့တွေရဲ့ နာမည်တွေသာကွဲပြားသွားမယ်။ တူညီတဲ့အရာတစ်ခုကတော့ စားသောက်ပွဲပါပဲ။ ပွဲတော်တစ်ခုမှာ သူနဲ့သက်ဆိုင်တဲ့အစားအသောက်တစ်ခုကတော့ မပါမဖြစ်ပေါ့။ အချိန်တွေ ဘယ်လိုပဲပြောင်းလဲသွားပါစေ... ပွဲတော်စားစရာဆိုတာ အရင်ကတည်းကရှိသလို အခုလည်းရှိနေပြီး နောင်လည်းရှိနေဦးမှာပါပဲ။ ဥပမာပြောရရင် ကျေးဇူးတော်နေ့အတွက် မပါမဖြစ် ကြက်ဆင်သားပေါ့... အဲ့ဒါကြောင့် ကျေးဇူးတော်နေ့ရောက်ခါနီးတိုင်း ကြက်ဆင်တွေမျက်ခုံးလှုပ်ရပါတယ်။ ကြက်ဆင်နိဗ္ဗာန်ဘုံဆီ ဘယ်သူ့ကိုခေါ်သွားမလဲပေါ့။ အကြောက်ဆုံးကတော့ ကျွန်တော်တို့ရဲ့ဇာတ်လိုက်ကျော်ကြီး ရက်ဂျီ ပေါ့။ သူက ကြက်ဆင်အုပ်စုကြီးအစားခံရမှာကို တွေးပူနေပြီးတော့ ထွက်ပြေးဖို့အမြဲတမ်းစည်းရုံးနေခဲ့တာပါ။ ဒါပေမဲ့ အထိမ်းအမှတ်ပွဲအတွက် ကြက်ဆင်ဖမ်းကြတော့ သူစိတ်ပူပေးနေတဲ့ ကြက်ဆင်အုပ်စုကြီးက ရယ်ဂျီ ကိုစတေးဖို့ ဆုံးဖြတ်လိုက်ပါတယ်။ ကံကောင်းချင်တော့လည်း ရယ်ဂျီ ကို သတ်ဖို့မဟုတ်ဘဲ ဘေးမဲ့ပေးတဲ့ပွဲ ဖြစ်တာကြောင့် သမ္မတစခန်းကကြက်ဆင်ဖြစ်သွားပါတော့တယ်။ ရယ်ဂျီခဗျာ.. သမ္မတရွေးထားတဲ့ကြက်ဆင်ဆိုတော့ ကုသိုလ်ကံတွေကောင်းပြီး ဇိမ်ကျနေတဲ့အချိန်... ဂျိတ်ဆိုတဲ့ နောက်ထပ်ကြက်ဆင်တစ်ကောင်က ကျေးဇူးတော်နေ့ရဲ့ အစားအသောက်စာရင်းမှာ ကြက်ဆင်သားမပါအောင် မစ်ရှင်လုပ်ရမယ်ဆိုပြီး ရောက်ချလာတဲ့အခါ... ရက်ဂျီနဲ့ဂျိတ်တို့ ဘယ်လိုတွေလွဲမလဲ? ဘယ်လိုတွေ သောင်းကျန်းမလဲဆိုတာတွေကိုတော့ ဆက်ကြည့်လိုက်ပါတော့နော်.... File size…  1.8 GB /  900MB Quality… BluRay 1080p / 720p Format… mp4 Duration…. 1h 31m Genre .....  Action , Comedy , Adventure Subtitle…. Myanmar Subtitle (Hard Sub) Encoder…. Thit San Khant Translated by JoJoVa

နှုတ်ခမ်းနီမလေးတို့ရဲ့အသည်းကျော် Twilight ဗမ်ပိုင်းယားမင်းသားအဖြစ်လူသိများပြီး လတ်‌တ‌လောမှာလည်း Batman ကာရိုက်တာအဖြစ်နဲ့ အားလုံးရဲ့အာရုံကိုဖမ်းစားထားနိုင်တဲ့ ရောဘတ်ပတ်တင်ဆန်ရဲ့ ရှေးခေတ်နောက်ခံ ဒရာမာကားဟောင်းလေး‌တစ်ခုကို တင်ဆက်ပေးပါရစေ။ ဒီကားလေးထဲမှာ ရောဘတ်ပတ်တင်ဆန်က ဂျော့ဂ်ျစ်ဒူရွိုင်ဆိုတဲ့ ချောမောပြီး ဆွဲဆောင်မှုရှိတဲ့ ၂၆နှစ်အရွယ် ဆင်းရဲသားစစ်သားဟောင်းတစ်ဦးအဖြစ်ကနေ ပဲရစ်က လူကုံထဲအသိုင်းအဝိုင်းကြားကို တစ်စတစ်စဘယ်လိုတိုးဝင်မလဲဆိုတာကို စိတ်ဝင်တစားစောင့်ကြည့်ရမှာပဲဖြစ်ပါတယ်။ ပဲရစ်လူကုံထံအသိုင်းအဝိုင်းမှာ ယောက်ျားတွေထက် မိန်းမတွေက လည်လည်ဝယ်ဝယ်အချက်အချာကျနေတာဟာ ဂျော့ဂ်ျစ်တစ်ယောက်အတွက် သူရဲ့နှစ်လိုဖွယ် ညှို့ဓာတ်ကို ကောင်းကောင်းအသုံးချစရာဖြစ်လာခဲ့တယ်။ သူဟာ ခြစ်ကုပ်နေထိုင်ရတဲ့ မီးရထားဝန်ထမ်းဘဝကနေ စာနယ်ဇင်းအယ်ဒီတာ၊ အတင်းအဖျင်းတို့ရဲ့ဥက္ကဌ၊ နိုင်ငံရေးသမားဆိုတဲ့ ရာထူးဂုဏ်သိမ်တွေကို စာကောင်းကောင်းလည်း မတတ်ပါဘဲနဲ့ ဘယ်လိုရောက်လာခဲ့လဲ... ဘယ်သူတွေကို ဘယ်လိုအသုံးချပြီး ဘယ််သူတွေဆီက ဘယ်လိုသတင်းတွေကိုရယူခဲ့လဲ... ဘယ်လိုအတက်အကျတွေ ရင်ဆိုင်ခဲ့ရလဲ... ဘယ်အမျိုးသမီးကို တကယ်ချစ်လျက်နဲ့ ဘယ်သူတွေနားပဲဝဲခဲ့ရလဲ... အစရှိတာတွေကို စောင့်စားကြည့်ရှုရမှာပဲဖြစ်ပါတယ်။ တစ်ခုထူးတာက ဒီကားထဲမှာ Cast ကြမ်းကြမ်းဆိုလို့ ရောဘတ်ပတ်တင်ဆန်တစ်ယောက်တည်းတင်မဟုတ်ဘဲ Kill Bill, Pulp Fiction တို့နဲ့ လူတိုင်းသိကြမယ့် Uma Thurman အပြင် Original Wednesday Addams နေရာကနေသရုပ်ဆောင်ခဲ့တဲ့ Christina Ricci ကိုပါ ရှူစားကြရဦးမှာပါ။ (ဒီဇာတ်ကားနဲ့အညွှန်းကို Jina မှ ပြန်ဆို ရေးသားထားပါတယ်) Size - 1.3GB, 555MB Quality - 1080p, 720p IMDb Rating - 5.4/10 Format - mp4 Duration - 1H 55Min Genre - Comedy, Drama, Romance Subtitle - Myanmar Subtitle (Hardsub) Translated by Jina Encoded by Y

ဘရုစ် ဝီလီ နဲ့ စူပါမန်းမင်းသား ဟင်နရီကဗေးလ်တို့ သားအဖအဖြစ် သရုပ်ဆောင်ထားတဲ့ အက်ရှင်ကားကို ကြည့်ဖူးပြီလား။ မကြည့်ဖူးသေးရင် ဒီမှာကြည့်လို့ရပါပြီ။ ဒီရုပ်ရှင်ထဲမှာ ဟင်နရီက ကုမ္ပဏီလေးတစ်ခုကို ဦးစီးနေတဲ့ စီးပွားရေးသမားတစ်ယောက်ပါ။ သူ့အဖေ ဘရုစ်ကတော့ သံရုံးမှာ ယဉ်ကျေးမှုနဲ့ဓလေ့ထုံးတမ်းဆိုင်ရာကိုယ်စားလှယ်အနေနဲ့ အလုပ်လုပ်နေတဲ့သူပေါ့။ တစ်ရက်မှာတော့ စပိန်နိုင်ငံ၊ မက်ဒရစ်မြို့မှာ မိသားစုတွေ အားလပ်ရပ် အပမ်းဖြေဖို့ ချိန်းကြတာကြောင့် အဖေနဲ့မတည့်ပေမဲ့ မအားတဲ့ကြားက အရောက်လာပေးခဲ့ပါတယ်။ ရောက်လာပြီးတဲ့အချိန်မှာတော့ သူ့အဖေရဲ့ ဇာတ်ရှုူပ်တွေကြားထဲမှာကြားညပ်သွားပြီး ကြောက်စရာအဖွဲ့အစည်းတွေနဲ့ ရင်ဆိုင်ရပါတော့တယ် File size…(1.82GB/(945MB) Quality….Webrip 1080p / 720p Format…mp4 Duration….01:33:00 Genre...Action / Thriller Subtitle….Myanmar Subtitle (Hardsub) Encoder….Mr. Anderson Translated by Mr. Anderson

The Damned United (2009) IMDb Rating (7.5) / Rotten Tomatoes (92%) ဒီဇာတ်ကားဟာ အင်္ဂလန်ဘောလုံးလောကရဲ့ သမိုင်းမှာ အငြင်းပွားဖွယ်အကောင်းဆုံး ဖြစ်ရပ်တစ်ခုကို အခြေခံထားတဲ့ Biographical Drama ကားကောင်းတစ်ကား ဖြစ်ပါတယ်။ The King's Speech နဲ့ အော်စကာရခဲ့တဲ့ ဒါရိုက်တာ Tom Hooper နဲ့ နာမည်ကြီး ဇာတ်ညွှန်းရေးဆရာ Peter Morgan တို့ ပူးပေါင်းဖန်တီးထားတာဖြစ်လို့ ဇာတ်လမ်းပိုင်းက အရမ်းကို ခိုင်မာပါတယ်။ ဇာတ်လမ်းကတော့ အင်္ဂလန်ရဲ့ နာမည်ကျော် နည်းပြ Brian Clough ရဲ့ ဘဝအကြောင်းပါ။ သူဟာ Derby County အသင်းကို အောင်မြင်အောင် လုပ်ပေးနိုင်ခဲ့ပြီးနောက်မှာ သူ့ရဲ့ ပြိုင်ဘက်ဟောင်း Don Revie ရဲ့ နေရာကို ဆက်ခံဖို့ Leeds United အသင်းဆီ ရောက်ရှိလာပါတယ်။ ဒါပေမဲ့ ပြဿနာက Brian Clough ဟာ Leeds United အသင်းသားတွေနဲ့ အသင်းရဲ့ ကစားဟန်ကို အမြဲတမ်း ဝေဖန်လေ့ရှိသူ ဖြစ်နေတာပါ။ သူဟာ သူ့ရဲ့ လက်တွဲဖော်နည်းပြဖြစ်တဲ့ Peter Taylor မပါဘဲ အသင်းကို ကိုင်တွယ်ဖို့ ကြိုးစားတဲ့အခါမှာတော့... အသင်းသားတွေရဲ့ ဆန့်ကျင်မှု၊ ပရိသတ်တွေရဲ့ မကျေနပ်မှုတွေနဲ့ ရင်ဆိုင်ရပြီး ၄၄ ရက်အကြာမှာတင် ရာထူးကနေ ထုတ်ပယ်ခံလိုက်ရပါတယ်။ ဒီဇာတ်ကားဟာ Brian Clough ရဲ့ မာနကြောင့် ဖြစ်လာတဲ့ ကျရှုံးမှုနဲ့အတူ သူ့ရဲ့ အရင်းနှီးဆုံးသူငယ်ချင်း Peter Taylor နဲ့ ပြန်လည်သင့်မြတ်ဖို့ ကြိုးစားရင်း ၁၉၇၀ ပြည့်လွန်နှစ်တွေက အင်္ဂလန်ဘောလုံးလောကရဲ့ ရိုးရာအငွေ့အသက်တွေ၊ ရွှံ့ဗွက်တွေနဲ့ ပြည့်နေတဲ့ ကွင်းတွေနဲ့ ခေတ်ဟောင်းစတိုင်တွေကို မြင်တွေ့ရမဲ့ ကားလေးပါ။ File size… (2.5 GB) / (1.3 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History Duration…. 01:38:29 Subtitle…. Myanmar Subtitle (Hardsub)

Law Abiding Citizen (2009) အမေရိကန်လို ဥပဒေတင်းကျပ်တဲ့ နိုင်ငံမျိုးမှာတောင် ရာဇဝတ်မှုဆိုတာ ကိုယ့်အိမ်တံခါးဝကို အချိန်မရွေးရောက်လာနိုင်တဲ့ နတ်ဆိုးတစ်ကောင်ပါပဲ… အဲဒီနတ်ဆိုးဟာ တစ်နေ့တော့ ကလိုက်ဒ် ရှယ်တန် ဆိုတဲ့ အင်ဂျင်နီယာတစ်ယောက်ရဲ့အိမ်ကို ဆိုက်ဆိုက်မြိုက်မြိုက် ရောက်လာခဲ့ပါတယ် … ကလိုက်ဒ်တို့ မိသားစု ညစာစားဖို့ပြင်ဆင်နေတုန်း ဘယ်ကမှန်းမသိတဲ့လူတွေ အိမ်ထဲ ဇွတ်ဝင်ရောက်လာပြီးတော့ ပစ္စည်းတွေလုယက်လို့ သူ့ရဲ့မိန်းမနဲ့ လူမမည်သေးတဲ့ သမီးလေးကိုပါ သတ်သွားခဲ့ကြတယ်… ကံဆိုးတာလား ကံကောင်းတာလား မသိတာတစ်ခုက ကလိုက်ဒ်တစ်ယောက်ပဲ အသက်ပြင်းလို့ မသေဘဲကျန်ခဲ့တယ်ပေါ့… ဇာတ်လမ်းလေးက အစမှာ ယဉ်သကို ဆိုသလိုပဲ အထက်ပါအတိုင်း ဇာတ်လမ်းစထားပြီးတော့ အလယ်မှာ ဇာတ်လမ်း အရှိန် တဖြည်းဖြည်း မြင့်တက်လာရာကနေ နောက်ဆုံးမှာ လှလှပပ အဆုံးသတ်သွားခဲ့ပါတယ်.. ဇာတ်လမ်းအရသာပျက်သွားမှာစိုးလို့ ရီဗျူးတောင်မရေးရဲလောက်အောင်ပါပဲ… သေချာတာတစ်ခုကတော့ မှုခင်းကားတွေ စုံထောက်ဇာတ်လမ်းတွေ သည်းထိတ်ရင်ဖိုတွေ သဘောကျ နှစ်သက်သူတွေအတွက်ကတော့ မကြည့်မိရင် နောင်တရစေမယ့် ဇာတ်ကားပဲဖြစ်ပါတယ် သရုပ်ဆောင်တွေကလည်း တကယ့်စတားတွေဖြစ်ကြတဲ့ Gerard Butler တို့ Jamie Foxx တို့ အဓိကပါဝင်သရုပ်ဆာင်ထားပြီးတော့ IMDb မှာလည်း 7.4 / 10 တောင်ရရှိထားပါတယ်။ ကိုယ်တိုင်ပဲ ကြည့်ရှူခံစားတော်မူပါ။ File size…2.06GB / 914MB Quality… BluRay 1080p/ 720p Format…mp4 Duration….2h 00m Genre ….. Action, Crime, Drama Subtitle….Myanmar Subtitle (Hard Sub)

မာတင်ဟာ စားနပ်ရိက္ခာအစီအစဉ်တစ်ခု စတင်ဖို့အတွက် ဂါဗင်ဆိုတဲ့ ဧည့်လမ်းညွှန်ရဲ့အကူအညီနဲ့ ရစ်တောင်တန်းဆီ သွားမလို့ပါ။ ဒါပေမယ့် ကားပေါ်တက်ရုံပဲ ရှိသေးချိန်မှာ နှစ်ယောက်လုံး ဖမ်းခေါ်သွားခံလိုက်ရပါတယ်။ ဘယ်သူတွေက ဘာကြောင့် ဖမ်းသွားတာလဲဆိုတာ မသိရသေးဘဲ ဇာတ်လမ်းက အဲဒီနေရာက စထားတာပါ။ ဖမ်းဆီးခံထားရစဉ်မှာ မာတင်ဟာ သူ့ရည်းစားအကြောင်း ထပ်ခါထပ်ခါ မေးမြန်းခံရပြီး လက်ချောင်းတွေကိုလည်း တစ်ချောင်းပြီးတစ်ချောင်း ဖြတ်တောက်ခံရပါတယ်။ ဖမ်းထားသူတွေက ဖြတ်ထားတဲ့ လက်ချောင်းတွေကို ရေခဲနဲ့ သိမ်းထားပြီး သူတို့လိုချင်တဲ့အဖြေရရင် ပြန်ဆက်ပေးမယ်လို့ ဆိုကြတယ်။ အဲဒီဖမ်းဆီးခံရတဲ့ ကာလအတွင်း အရှေ့နဲ့အနောက်ကြားက အယူဝါဒတွေ၊ နိုင်ထက်စီးနင်းပြုမှုတွေနဲ့ မတူညီတဲ့ နိုင်ငံရေးအမြင်တွေကို ဆွေးနွေးပြောဆိုထားတဲ့ ဒရာမာ၊ သည်းထိတ်ရင်ဖိုဇာတ်ကားပါ။

IMDb....7.4....Rotten....80% 2004 ခုနှစ်ထွက် မင်းသားကြီး Daniel Craig ပါဝင်သရုပ်ဆောင်ထားတဲ့ Layer Cake ဆိုတဲ့ ဇာတ်ကားကို တင်ဆက်ပေးလိုက်ပါတယ်… ..Rating တွေက IMDb- 7.4, Rotten Tomatoes – 80 ရှိတယ်ဆိုတော့ Rating ကောင်းတဲ့ ကားကောင်းတစ်ကားဖြစ်ပါတယ်… အလည်အလတ်တန်းစား ကိုကင်းမူးယစ်ဆေးဖြန့်ဖြူးရေးသမားတစ်ယောက်ဟာ ပိုက်ဆံအတော်အတန် စုဆောင်းမိတဲ့အချိန်မှာ မူးယစ်ဆေးလောကကနေ အနားယူဖို့ အစီအစဉ်တွေ ချထားခဲ့ပါတယ်… သူရဲ့ ခြေရာတွေနဲ့ အလုပ်အကိုင်တွေ ဖျက်လို့မပြီးသေးခင်မှာဘဲ သူတို့မူးယစ်ဆေးသမားတွေကို အကာအကွယ်ပေးနေတဲ့ အစိုးရဖက်က လူတစ်ယောက်က သူ့ကိုအလုပ်တစ်ခု ခိုင်းလာပါတော့တယ်…ဒါကတော့ ဂိုဏ်းစတား အကောင်ကြီးကြီးရဲ့ သမီးတစ်ယောက် ပျောက်ဆုံးသွားလို့ သူ့ကိုရှာဖို့ အကူအညီတောင်းခြင်းပဲဖြစ်တယ်… တစ်ဖက်မှာလည်း အရောင်းအဝယ်လုပ်မယ့် စိတ်ကြွရူးသွပ်ဆေးပြားတွေကို ယူလာသူတွေက ဆာဗီးယားစစ်တပ်နဲ့ အငြိအစွန်းတွေ ဖြစ်ခဲ့ကြပြီး .. . သူ့ဆီကို ပြဿနာနှစ်ခုက တစ်ပြိုင်နက်တည်းဆိုက်ရောက်လာပါတော့တယ်…. ကင်မရာ ရိုက်ချက်ကောင်းကောင်းတွေနဲ့ ဇာတ်ဝင်ခန်းတွေ တစ်ကတ်နဲ့တစ်ကတ်ဆက်ထားပုံလေးတွေ အရမ်းလှပပြီး ရင်ဖိုစရာကောင်းတဲ့ ဇာတ်ကားဖြစ်တဲ့အတွက် အားပေးကြည့်ရှုလိုက်ကြပါဦးခင်ဗျာ..။ File Size : (900 MB) Quality : Blu-Ray 720p Format…mp4 Duration…01:45:00 Genre :  Crime, Drama, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

ရေခဲပြင်ဟော်ကီအားကစားကို စိတ်ဝင်စားသူတွေအတွက် ဇာတ်လမ်းကောင်းတစ်ပုဒ် Mystery, Alaska တစ်မြို့လုံးနီးပါး ဟော်ကီအားကစားကို ချစ်မြတ်နိုးကြတဲ့ နှင်းတွေဖုံးလွှမ်းနေတဲ့ ရေခဲပြင်ပေါ်မှ Mystery မြို့သားများ။ Mystery မြို့ရဲ့ Hockey အသင်းအနေနဲ့ နာမည်ကြီး Hockey အသင်း New York Rangers ကို အိမ်ရှင်အဖြစ်လက်ခံကျင်းပဖို့ အကြောင်းဖန်လာတဲ့အခါ... Sports comedy-drama အမျိုးအစားဖြစ်တဲ့ ဒီရုပ်ရှင်လေးထဲမှာတော့ ဟော်ကီအားကစားကို အသားပေးထားပြီး အချစ်၊သံယောဇဉ်၊ဟာသနဲ့ စိတ်ဓာတ်ကြံ့ခိုင်မှုတွေအကြောင်းကိုလည်း ထည့်သွင်းထားပါတယ်။ အဓိကအနေနဲ့ Mystery မြို့သားတွေရဲ့ မြို့ကိုမြတ်နိုးတွယ်တာမှုတွေကို ဟော်ကီအားကစားနဲ့အတူ စိတ်လှုပ်ရှားစွာကြည့်ရှုခံစားနိုင်မှာဖြစ်ပါတယ်။ ဇာတ်လမ်းအနိမ့်အမြင့်၊ အတက်အကျတွေကလည်း ကြည့်ရှုသူတွေရဲ့ စိတ်နှလုံးကို ဆွဲခေါ်နိုင်တာကြောင့် ဟော်ကီအားကစားကြိုက်နှစ်သက်သူတွေအတွက် ဇာတ်လမ်းကောင်းတစ်ပုဒ်ပဲဖြစ်ပါတယ်။ File size… (2.2 GB) / (1.2 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Theinyt Waddy Lynn

Con Air (1997) IMDb.....6.9 နီကိုးလတ်စ်ကေ့စ်ချ် ရဲ့ ဒီဇာတ်လမ်းကို တော်တော်များများကြည့်ဖူးကြမယ် ထင်ပါရဲ့.... စစ်ပြန်ကြီးတစ်ယောက်ဖြစ်တဲ့ ရိန်းဂျားတပ်သားဟောင်း ကမ်မရွန်းပိုး (နီကိုးလတ်စ်ကေ့စ်ချ်) ဟာ သူအိမ်ပြန်ရောက်တဲ့နေ့မှာပဲ အရက်သမားတွေက ကိုယ်ဝန်သည်မိန်းမကို ထိကပါးရိကပါးပြောတာကို ကာကွယ်ရင်း လူသတ်မိသွားပြီးထောင်ကျသွားပါတယ်.. ထောင်နှစ်ရှည်ကျပြီး နောက်ဆုံးမှာတော့ Jail Baird ဆိုတဲ့  ထောင်သားရွှေ့ပြောင်းမယ့် လေယာဥ်ကြီးကိုစီးပြီး အိမ်ပြန်ရတော့မှာပါ... ဒါပေမဲ့ လေယာဥ်ပေါ်မှာ အဆိုးတကာ့ အဆိုးဆုံးထောင်သားတွေပါ ပါလာတဲ့အခါမှာတော့... ရိန်းဂျားတပ်သားဟောင်း ကမ်မရွန်းပိုးတစ်ဖြစ်လဲ နီကိုးလတ်စ်ကေ့စ်ချ် ဟာ ကျွန်တော်တို့ရဲ့ ဟီရိုးဖြစ်ခဲ့တယ်.... မတော်တဆကြောင့် ထောင်ကျသွားရလို့ မချင့်မရဲ ဖြစ်ခဲ့ရပြီး ထောင်ထဲမှာ ဆံရှည် မုတ်ဆိတ်ကျင်စွယ်ဗရပွနဲ့ အေးစက်စက်စကားတွေပြောတတ်တဲ့ ဒီဘဲကြီးကို ဇာတ်လမ်းအစမှ အဆုံးထိ အားပေးခဲ့ရတာတွေ ပြန်ကြည့်လည်း ဒီအရသာကို ခံစားနေရတုန်းပါပဲ.... (ဇာတ်လမ်းအညွှန်းနဲ့ ဘာသာပြန်သူကတော့ Pyae Moe Han ပဲဖြစ်ပါတယ်) File Size : 3.08GB/ 1.19GB Quality : Blu-Ray 1080p 5.1 CH/720p Format…mp4 Duration…02:၀၀:00 Genre : Action, Crime, Drama Subtitle : Myanmar Subtitle (Hard Sub) Translated by Pyae Moe Han Encoded by Tiff

Tom Cruise နဲ့ Nicole Kidman တို့ရဲ့ 1992 ခုနစ်မှာ ထွက်ရှိခဲ့တဲ့ romance/drama ဇာတ်လမ်းတစ်ပုဒ်ပါ နှစ်ယောက်လုံးရဲ့ ဇာတ်ကောင်နဲ့ လိုက်ဖက်လှလွန်းတဲ့ အသက်ပါပါ သရုပ်ဆောင်ချက်တွေကို ဒီကားထဲမှာ ခံစားကြည့်ရှုရမှာပါ IMDb rating 6.6 နဲ့ Letterboxd မှာ 3.2 ရထားတဲ့ western film ကောင်းတစ်ခုပါပဲ ၁၈၉၀ ဝန်းကျင်ကာလ အိုင်ယာလန်ပြည်မှာ မြေရှင်တွေဟာ အမြတ်ကြီးစားပြီး မြေငှားခ မတရားတင်တဲ့အတွက် မြေငှားလယ်သမားတွေက အလွန်အမင်း မုန်းတီးစက်ဆုပ်ကြတယ် အဲဒီထဲမှာ လူငယ်လေး ဂျိုးဆက်ဖ်ဒေါ်နယ်လီ လည်း အပါအဝင်ပါပဲ တစ်နေ့ မြေငှားတွေနဲ့ မြေရှင် ရုန်းရင်းဆန်ခတ်ဖြစ်ကြချိန် ဂျိုးဆက်ဖ်ရဲ့ အဖေဟာ သေနတ်မှန်ပြီး ဆုံးသွားခဲ့တယ် သူ့အဖေအတွက် ကလဲ့စားချေဖို့ ဂျိုးဆက်ဖ်ဟာ မြေရှင်ဖြစ်သူ ဒန်နီရယ်ခရစ်စတီ ကို လိုက်ရှာခဲ့တယ် မြေရှင်ရဲ့အိမ်ကိုရောက်တော့ မြေရှင်ရဲ့ သမီးဖြစ်သူ ရှာနွန်ခရစ်စတီ နဲ့ ဆုံခဲ့ပြီး နှစ်ဦးသား အကြောင်းအရင်းကိုယ်စီအတွက် အမေရိကကို ထွက်ပြေးခဲ့ကြတယ် အမေရိကကို ရောက်ချိန်မှာ ကြံစည်ထားသလို မဖြစ်လာဘဲ လောကဓံနဲ့ ကြုံရပြီး သူတို့နှစ်ဦးရဲ့ အိပ်မက်ကို အကောင်အထည်ဖော်ဖို့အတွက် ဘယ်လိုရုန်းကန်ကြမလဲ ဆိုတာကို ရှုစားလိုက်ပါဦးခင်ဗျာ File size…(2.3 GB)/(1.2 GB) Quality….Blu-Ray 1080p / 720p Format… mp4 Duration…. 02:20:00 Genre... Adventure, Drama, Romance, Western Subtitle….Myanmar Subtitle (Hardsub) Encoder….Garfield Translated by Khey Ki

မင်းသားကြီး Steven Seagal ရဲ့ အက်ရှင်ဇာတ်ကားကြီး ဖြစ်ပါတယ်။ ကေဆီရိုင်းဘတ်က မစ်ဆူရီဆိုတဲ့ စစ်သင်္ဘောဟောင်းပေါ်က ခေါင်းဆောင်စားဖိုမှူးဖြစ်ပါတယ်။ တစ်နေ့မှာ သင်္ဘောကပ္ပတိန်ကြီးရဲ့ စပရိုက် မွေးနေ့ပွဲအတွက်ဆိုပြီး တီးဝိုင်းအဖွဲ့တစ်ဖွဲ့ရယ် မိန်းမချောလေးတစ်ဦးရယ် ရောက်လာကြပါတယ်။ ဒါပေမဲ့ အဲဒီတီးဝိုင်းအဖွဲ့ရဲ့အကြံအစည်က သင်္ဘောသားတွေ ထင်ထားသလိုမဟုတ်တဲ့အခါ သူတို့သင်္ဘောတစ်စီးလုံး ပြန်ပေးဆွဲခံလိုက်ရပါတော့တယ်။ အဲဒါကို စားဖိုမှူးလို့ပဲသိထားကြတဲ့ ရေတပ် ဆီးလ်အထူးတပ်ဖွဲ့ဝင်ဟောင်း ရိုင်းဘတ်က ဘယ်လိုပြန်ကယ်ဆယ်မလဲဆိုတာ… File Size :(3.85GB) (1.05GB) Quality : Blu-Ray 1080P5.1CH,720p Format…mp4 Duration…01:43:00 Genre : Action , Thriller Subtitle : Myanmar Subtitle (Hard Sub) Translated by May Myat Thu Encoded by Phyo Pyae

Won 1 Oscar, Another 6 wins & 17 nominations အကောင်းဆုံးဇာတ်ကားတွေထဲက တစ်ကားဖြစ်တဲ့ ဒီဇာတ်ကားဟာတော့ ၁၇ ရာစုက Red Indian လူမျိုးတွေနဲ့ ဗြိတိသျှနယ်ချဲ့တွေအကြောင်းကို အခြေခံပြီး ရိုက်ကူးထားတာပါ။ မင်းသားကြီး Daniel Day‑Lewis ကို မှတ်မှတ်ထင်ထင်ဖြစ်စေခဲ့တဲ့ ဇာတ်ကားဆိုလဲမမှားပါဘူး။ Rating တွေကြည့်တာနဲ့တင် ဘယ်လောက်ကောင်းတဲ့ဇာတ်ကားဆိုတာ အထူးတလည် ညွှန်းပြစရာမလိုတဲ့အတွက် ကိုယ်တိုင်ပဲ ခံစားကြည့်ရှုဖို့ဖိတ်ခေါ်ပါရစေ။ File size…(1.7 GB)/(850 Mb) Quality….Blu-Ray 1080p / 720p Format… mp4 Duration…. 01:52:00 Genre... Action, Adventure, Drama, Romance Subtitle….Myanmar Subtitle (Hardsub) Encoder….Garfield Translated by Myo Min Aung

ခရစ်စမတ်နဲ့ နယူးရီးယားပိတ်ရက်တွေမှာ အက်ရှင်ပရိတ်သတ်တွေ ဘာရုပ်ရှင်ကြည့်ကြမလဲဆိုရင် မင်းသားကြီး Bruce Willis ရဲ့  John McClane ဇာတ်ကောင်ပါဝင်တဲ့ Die Hard ဇာတ်ကားတွေကိုပဲ အားလုံးကတော့ ညွှန်းကြမှာပါ။ Die Hard ရုပ်ရှင်က စုစုပေါင်း ၅ ကားထွက်ရှိခဲ့ပြီး ဇာတ်ကားအားလုံးကို ဒီမှာ https://channelmyanmar.org/?s=die+hard ကြည့်ပါ။ Die Hard 1 နဲ့ 2 မှာတော့ John McClane တစ်ယောက် ခရစ်စမတ်ပိတ်ရက်လေးမှာ ဇနီးသည်လေး Holly Gennaro နဲ့ Chill ဖို့ တက်ကြွစွာ ဇနီးသည်ကိုလာတွေ့ပေမယ့် ပြသနာပေါင်းသောင်းခြောက်ထောင်နဲ့ကြုံရပြီး သူမပါလို့မရတော့တဲ့ပြသနာတွေမလို့ ကိုယ်တိုင်ပါဝင် ကယ်တင်ရပုံတွေကို ကြည့်ရှုရမှာပါ။ Die Hard 3,4,5 တွေကတော့ ခရစ်စမတ်ပိတ်ရက်နဲ့ သူ့ရဲ့ဇနီး Holly Gennaro တို့နဲ့ တိုက်ရိုက်မပတ်သက်တော့ပေမယ့် သူတို့ရဲ့ သားနဲ့သမီးနဲ့ဆက်စပ်တာတွေ ဗီလိန်တွေက ဆက်စပ်နေတာတွေနဲ့ ရှေ့ကရုပ်ရှင်ကားတွေနဲ့ဆက်စပ်မှုတော့ရှိနေပါတယ်။ Die Hard နဲ့ပတ်သက်ရင်တော့ John McClane ဇာတ်ကောင်ရဲ့ တုံးတိုက်တိုက် ကျားကိုက်ကိုက် စိတ်ဓာတ်နဲ့ ပြသနာကို မရှိရှိရာနဲ့ ရသလိုဖြေရှင်းတတ်တဲ့ အကြောက်အလန့်ကင်းတဲ့စရိုက်က ပြောစမှတ်ပါပဲ။ John McClane ကိုလဲ ပြသနာတွေကကြိုက်ကြပြီး သူ့ဖာသာနေရင်းထိုင်ရင်း သူ့မိသားစုကိုကယ်တင်ရင်း ပြသနာတွေထဲကို သူ့ခမျာ လုံးလုံးလျားလျားရောက်သွားရတာပါ။ Die Hard 4 ထဲက Dialouge တစ်ခုကတော့ John McClane ဇာတ်ကောင်ကိုပိုထင်ရှားစေပါမယ်။ " သူရဲကောင်းဆိုတာ မျက်စိရှေ့မှာ မကယ်လို့ မရတာကို ကယ်ရင်းကယ်ရင်း နေသာသလို မနေလိုက်ဘဲ ပြသနာကိုဖြေရှင်းရင်းဖြေရှင်းရင်း ဒီလိုလူဖြစ်လာတာပါပဲ။ " မိသားစုအတွက် မျက်စိရှေ့ကပြသနာတွေအတွက် နေသာသလိုမနေလိုက်ဘဲ ငါကတော့ ရအောင်ဖြေရှင်းမှာပဲဆိုတဲ့ မင်းသားကြီး Bruce Willis ရဲ့  John McClane ဇာတ်ကောင်ကို ပြန်လည်ခံစားကြည့်ကြပါစို့။ Die Hard 2 (1990) IMDb Rating (7.1) / Rotten Tomatoes (70 %) File size…(7.5 GB)/(2 GB)/(1.2 GB) Quality…WEB-DL 4K HEVC/1080p/720p Format…mkv/mp4 Duration….02:03:25 Subtitle….Myanmar Subtitle (Hardsub) Encoder….Ka Naung Translated by Lin Aung