Corey Large ပါဝင်သော ဇာတ်ကားများ

လော့စ်အိန်ဂျလိစ်မြို့မှာ ငွေတွေတင်လာတဲ့ ထရပ်ကားတစ်စီးကို ဓားပြအဖွဲ့တစ်ဖွဲ့ ဝင်တိုက်ပါတယ်။ စုံထောက်နိုက်တ်နဲ့ သူ့တွဲဖက် ဖစ်ဇ်တို့က ဖမ်းဆီးဖို့ ကြိုးစားကြရင်း ဖစ်ဇ် သေနတ်ထိသွားပြီး အရေးပေါ်ဆေးကုသမှု ခံယူရတဲ့အထိ ဖြစ်သွားတယ်။ အဲဒီနောက် နိုက်တ်က ဓားပြအဖွဲ့ကို မိဖို့ အစွမ်းကုန် လိုက်ဖမ်းပါတော့တယ်။ ဒါပေမဲ့ ဒီအဖွဲ့က တစ်မြို့ပြီးတစ်မြို့ ပြောင်းပြီး ဓားပြတိုက်နေသလို ခြေရာဖျောက်တာလည်း သေသပ်လို့ ဖမ်းမမိနိုင်ဖြစ်နေပါတယ်။ နောက်ဆုံး နယူးယောက်မြို့မှာ သူတို့ရဲ့ခြေရာကို နိုက်တ်လိုက်မိသွားပြီး အရင်က ပတ်သက်ဖူးတဲ့ သတင်းပေး ဝင်းနာနဲ့ ပြန်တွေ့လာတယ်။ အဲဒီပြန်လည်ဆုံတွေ့မှုကနေ ဘယ်လိုအလှည့်အပြောင်းတွေ ဖြစ်လာမလဲဆိုတာကို ဆက်ပြထားပြီး စုံထောက်နိုက်တ်အဖြစ် Bruce Willis က သရုပ်ဆောင်ထားပါတယ်။

Detective Knight ဇာတ်ကားသုံးကားတွဲထဲက Redemption မှာတော့ Bruce Willis သရုပ်ဆောင်ထားတဲ့ စုံထောက်နိုက်ဟာ တရားရင်ဆိုင်ရဖို့ ထောင်ထဲမှာ စောင့်နေရပါတယ်။ အဲဒီမှာ ဖာသာကွန်လန်နဲ့ မူးယစ်ဆေးသုံးစွဲသူ ကိုဒီရို့ဒ်တို့ကို သိကျွမ်းလာပြီး လွတ်မြောက်ရေးအကြောင်း ဆွေးနွေးဖြစ်ကြတယ်။ တစ်ဖက်မှာတော့ နယူးယောက်မြို့မှာ ဘဏ်ဓားပြတိုက်မှုတွေနဲ့ ဗုံးပေါက်ကွဲမှုတွေ ဆက်တိုက်ဖြစ်လာလို့ ပြည်သူတွေလည်း ကြောက်လန့်နေကြပါပြီ။ ရဲဌာနနဲ့ မြို့တော်ဝန်တို့ပါ အကျပ်ရိုက်လာတဲ့အခါ အရင်က အတွဲညီခဲ့တဲ့ စုံထောက်နိုက်နဲ့ စုံထောက်ဖစ်တို့ဆီ အကူအညီတောင်းဖို့ ဖြစ်လာပါတယ်။ ခရစ္စမတ်နေ့မှာ ဆန်တာဝတ်စုံတွေဝတ်ပြီး ဘဏ်ဖောက်နေကြသူတွေရဲ့ နောက်ကြောင်းနဲ့ ဒီအမှုတွေကို နိုက် ဘယ်လိုကိုင်တွယ်မလဲဆိုတာ ဆက်ပြထားတဲ့ အက်ရှင်သည်းထိတ်ရင်ဖိုဇာတ်ကားပါ။

ရိုင်ယန်ဆိုတဲ့ လူငယ်တစ်ယောက်ဟာ သူ့အဖေ သေဆုံးခဲ့တဲ့ Maui ကျွန်းကို ရောက်လာပါတယ်။ အဖေ့သေဆုံးမှုရဲ့ အဖြစ်မှန်ကို ဖော်ထုတ်ဖို့ ကြိုးစားနေရင်း မထင်မှတ်ဘဲ ရန်သူတွေ ဝိုင်းလာတော့တယ်။ ရိုင်ယန်လည်း ရနိုင်သမျှ အကူအညီတွေကို ယူရင်း မူးယစ်ရာဇာတစ်ယောက်နဲ့ ထိပ်တိုက်ရင်ဆိုင်ရတဲ့အထိ ဖြစ်လာပါတယ်။ Pulp Fiction မှာ အတူသရုပ်ဆောင်ခဲ့ကြတဲ့ Bruce Willis နဲ့ John Travolta တို့ ပြန်လည်တွဲဖက်ပါဝင်ထားတဲ့ အက်ရှင်၊ သည်းထိတ်ရင်ဖိုဇာတ်ကားပါ။

Cosmic Sin (2021) ကျွန်တော်တို့ နေထိုင်ကြတဲ့ စကြဝဠာကြီးမှာ ကမ္ဘာဂြိုဟ်က သတ္တဝါတွေအပြင် တခြား မျိုးစိတ်တွေ ရှိနေဦးမယ်လို့ ထင်ပါသလား .... ရှိနေရင်ရော ဘယ်လိုပုံစံတွေ ဖြစ်မယ်လို့ထင်လဲ၊ သူတို့ကရော ကမ္ဘာဂြိုဟ်ကလူတွေလို အသိဉာဏ်ရှိကြလား၊ ဒါမှမဟုတ် နိမ့်ကျမလား သာလွန်နေမလား၊ ဒါတွေဟာ စဉ်းစားကြည့်မယ်ဆို စိတ်၀င်စားစရာပဲ . . . ပိုပြီး စိတ်၀င်စားဖို့ ကောင်းတာက ဒီလိုမျိုးစိတ်တွေသာ တကယ်ရှိပြီး လူတွေထက် အသိဉာဏ်နဲ့ ဖန်တီးနိုင်မှု စွမ်းအား ကလည်း ပိုမြင့်နေမယ်၊ သူတို့က လူတွေကို အန္တရာယ်ပေးလာမယ်ဆိုရင် လူသားတွေအနေနဲ့ ဘယ်လိုရင်ဆိုင်ကြမလဲ ဆိုတာပါပဲ။ ဒါဆိုရင် လူသားတွေအနေနဲ့ ဒီ ကြမ္မာဆိုးကြီးကို ကျော်ဖြတ်နိုင်ပါ့မလား လူသားတွေသက်တမ်းဟာ အဓွန့် ရှည်ပါ့မလား ......ဆိုတာဟာ စဥ်းစားစရာပါပဲ။ ဒီဇာတ်ကားမှာ မင်းသားကြီး Bruce Willis က ဂျိမ်းစ် ဖို့ဒ်အမည်ရှိ အာကာသဆိုင်ရာ မဟာမိတ်ကောင်စီရဲ့ ဗိုလ်ချုပ်ဟောင်း ကြီးအဖြစ် ပါ၀င်ထားပြီး Frank Grillo က ဗိုလ်မှူး ရိုင်အဖြစ်ပါ၀င်သရုပ်ဆောင်ထားပါတယ်။ Action, Adventure , sci-fi ချစ်သူတွေအတွက် အကြိုက်တွေ့စေမယ့် ဇာတ်လမ်းတစ်ပုဒ်ပဲဖြစ်ပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Yoon Sandi Aung ပဲဖြစ်ပါတယ်။) Quality – 1080p, 720p WebRip Duration - 1h 28min Subtitle – Myanmar Hardsub Format – Mp4 Genre : Adventure, Action, Sci-Fi Source : 1080p.WebRip Translator – Yoon Sandi Aung Encoder – SWM

Apex ဆိုတဲ့ကျွန်းကြီးပေါ်မှာ လစဉ်လတိုင်း ထိပ်တန်းလူချမ်းသာ၆ယောက်ဟာ လူတစ်ယောက်ကို သားကောင်အဖြစ်အမဲလိုက်ကစားကြပါတယ်။ သူပါတဲ့ပွဲတိုင်းနိုင်နေတဲ့ ဒေါက်တာရိန်းစ်ဖို့ဒ်ဟာ ကစားပွဲစီစဉ်သူကို သတ်ရအခက်ဆုံးသားကောင် တောင်းဆိုလိုက်တဲ့အခါ... တစ်သက်တစ်ကျွန်းကျနေတဲ့ ဘရုစ်ဝီလီတစ်ယောက် လွတ်မြောက်ဖို့အခွင့်အရေး ရလာပါတော့တယ် ကစားသမား၆ယောက်ဟာ သားကောင်ဖြစ်တဲ့ လူအိုကြီးဘရုစ်ဝီလီကို လျှော့တွက်ထားရာကနေ ထင်မထားတဲ့ရလဒ်တွေဖြစ်လာမလားဆိုတာ ကြည့်ရမယ့်ဇာတ်လမ်းဖြစ်ပါတယ်။ File Size__1.6GB , 900 MB Quality__ 1080p and 720p IMDb Rating__5.7/10 Format__mp4 Duration__01:30:00 Type__Action , Thriller Subtitle__Myanmar Subtitle (Hardsub) Translated by Pyi T. Nyein Encoded by Naing Aung Latt

၂၀၂၀ ခုနှစ်ထဲ ထွက်ထားတဲ့ Fantasy, Horror, Thriller အမျိုးအစားထဲ ပါတဲ့ ဒီဇာတ်ကားလေးက လူတကာက လက်ခံထားတဲ့ ထူးဆန်းလွန်းတဲ့စင်ကလဲ မိသားစုရဲ့ အကြောင်းအရာဆိုတာထက် မိသားစုတွင်း ပြဿနာတွေကြား ကြားညှပ်မိသလိုလို ဖြစ်သွားတဲ့ ဇာတ်ကောင်တချို့ ၊ ပြီးတော့ မမျှော်လင့်ထားတဲ့ လှည့်ကွက်လိုမျိုးတွေနဲ့ မထင်မှတ်နိုင်လောက်တဲ့ ရာဇဝင်တွေ၊ မှော်ဆန်ဆန် အဖြစ်အပျက်တွေကို အချိတ်အဆက်မိအောင်လည်း ပြထားတယ်။ အော်ဂလီဆန်စရာ အဖြစ်လေးတချို့ပါပေမယ့် သွေးထွက်သံယို အခန်းတွေပါတာမျိုးလည်း မဟုတ်ပြန်ဘူး။ အဲ့ဒါကိုက ထူးဆန်းနေတာမျိုးဆိုတော့ ထူးဆန်းတာတွေ သဘောကျတတ်တဲ့သူတွေအနေနဲ့ အမြန်သာ ဒေါင်းပြီး ကြည့်လိုက်ကြဖို့ တိုက်တွန်းလိုက်ရပါတယ်ခင်ဗျာ။ File size…  994 MB /  489 MB Quality… BluRay 1080p / 720p Format… mp4 Duration…. 1h 30m Genre .....  Horror Subtitle…. Myanmar Subtitle (Hard Sub) Encoder…. Thit San Khant Translated by Vowel

Breaking Bad ထဲမှာပါဝင်သရုပ်ဆောင်ခဲ့တဲ့ Giancarlo Esposito တို့ ဇာတ်ကြမ်းမင်းသားကြီး Ron Perlman တို့ အပြင် တခြားသောဂန္တဝင်မင်းသားကြီးတွေပါဝင် သရုပ်ဆောင် ခဲ့တဲ့ ၂၀၁၄ ခုနှစ်တုန်းကထွက်ရှိခဲ့တဲ့ Old But Gold ဇာတ်ကားဟောင်းလေးတစ်ကားကိုပြန်လည်တင်ဆက် ပေးလိုက်ပါတယ်။ ဇာတ်ကားနာမည်ကတော့ Poker Night ဖြစ်ပြီး IMDb Rating 6.2 အထိရရှိခဲ့တဲ့ မှုခင်းသည်းထိပ်ရင်ဖို ဇာတ်ကားကောင်းတစ်ကားပဲဖြစ်ပါတယ်။ လူရယ်လို့ ဖြစ်လာရင် ဉာဏ်ပညာနဲ့ လွန်မှရတဲ့ အသိဆိုတာ လူတိုင်းမှာရှိစမြဲပါပဲ။ဉာဏ်ပညာဆိုတဲ့အရာမှာ အတွေ့အကြုံကနေ ရလာတဲ့ ဉာဏ်ပညာတွေက ပြဿနာတစ်ခုခု ကြုံလာရရင် ကိုယ့်ကိုချက်ချင်း မကူညီပေးနိုင်ပဲနဲ့ နောက်တစ်ခါကျရင် အဲ့လို ထပ်မဖြစ်အောင် ကူညီပေးနိုင်လောက်တဲ့အထိပဲစွမ်းဆောင် ပေးနိုင်ပါတယ်။ထိုနည်းတူ လွန်မှရတဲ့ အသိဆိုတာကလည်း ကိုယ်တစ်ခုခု အမှားလုပ်မိလိုက်တော့မှ သိလာရတဲ့အသိမျိုးဖြစ်တဲ့ အတွက် ကိုယ့်အတွက်ကတော့ အရမ်းကြီးအရေးမပါလှပါဘူး။ ဒါပေမယ့်ရဲတွေ စုံထောက်တွေရဲ့လုပ်ငန်းခွင်မှာတော့ အဲ့ဒီဉာဏ် ပညာနဲ့ လွန်မှရတဲ့အသိဆိုတာမျိုးက ကိုယ့်နောက်ကရောက်လာတဲ့ နောင်လာနောက်သားလူသစ်တွေအတွက်ကတော့ အရမ်းအရေးကြီး လွန်းပါတယ်။အဲ့လို ကိုယ့်အတွေ့အကြုံတွေကို မျှဝေမှပဲလူသစ်တွေက ကိုယ်မှားခဲ့တဲ့ အမှားတွေထပ်မဖြစ်တော့ပဲနဲ့ မှုခင်းတွေကို အန္တရာယ် ကင်းကင်း ကိုင်တွယ်ဖြေရှင်းနိုင်မှာဖြစ်ပါတယ်။အဲ့ဒီလိုမျိုး ကိုယ်ဖြစ်ခဲ့ ဖူးတဲ့ ဇာတ်လမ်းတွေကိုပြန်လည်မျှဝေဖို့အတွက်ဇာတ်ကားနာမည် အတိုင်း ပိုကာကစားတဲ့ညတစ်ည သတ်မှတ်ထားကြပြီး အဲ့ဒီညမှာ အကြမ်းဆုံးရဲတွေစုစည်းပြီး ကိုယ်ကြုံတွေ့ခဲ့ရတဲ့ ဇာတ်လမ်းတွေကို လူသစ်လေးတွေကိုပြောပြကြပါတယ်။ ဒီတစ်ခါမှာတော့ လူသစ်လေးကစတန်လို့ ခေါ်တဲ့ထူးချွန်ရဲတစ်ယောက် ဖြစ်ပြီး ရဲသားရာထူးကနေစုံထောက်ရာထူးကို တက်လှမ်းတော့မှာ ဖြစ်တဲ့အတွက် သူသိသင့်သိထိုက်တဲ့ပညာတွေကို ပိုကာကစားရင်းနဲ့ ပြောပြနေကြပါတော့တယ်။ဖြစ်ချင်တော့အဲ့ဒီကနေအပြန်မှာပဲ လူဆိုးတစ်ယောက်ရဲ့ ဖမ်းဆီးခြင်းကိုခံလိုက်ရပြီး သူသင်ယူထားတဲ့ ပညာတွေကို ချက်ချင်းကြီ းပြန်အသုံးချဖို့လိုလာတဲ့အခါမှာတော့ သူ့ရဲ့စီနီယာကြီးတွေဆီက ရထားတဲ့ဉာဏ်ပညာနဲ့ လွန်မှရတဲ့အသိတွေကို ပေါင်းစပ်ပြီး လွတ်မြောက်အောင်လုပ်နိုင်ပါ့မလားဆိုတာကို စိတ်ဝင်စားစရာ ကောင်းကောင်းနဲ့ ကြည့်ရှုရမဲ့ဇာတ်ကားကောင်း တစ်ကားပဲဖြစ်ပါတယ်။ File size…1.89 GB / 813 MB Quality…Blu-Ray 1080p  / 720p Format…mp4 Duration….1h 44m Genre ….. Crime , Mystery , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Kid Cannabis (2014) ~ IMDb - 6.4/10, Rotten Tomatoes - 71% ~ လောကမှာ ပိုက်ဆံတွေဒလဟောဝင်ဖို့ အကောင်းဆုံး စီးပွားရေးကဘာဖြစ်မလဲ...? သေချာပါတယ်... မူးယစ်ဆေးဝါး ရောင်းဝယ် ဖောက်ကားတာကလွဲပြီး တခြားမရှိနိုင်ပါဘူး။ အမေရိကန်နိုင်ငံက ဆယ်ကျော်သက်ကောင်လေး၂ယောက်ဟာ သူတို့ရဲ့ အိပ်မက်တွေအမှန်တကယ်ဖြစ်ပေါ်လာဖို့ ဆေးခြောက်တွေရောင်းရင်း ချမ်းသာလာတဲ့ ဖြစ်ရပ်မှန်ဇာတ်လမ်းကို Kid Cannabis ဆိုတဲ့ ရုပ်ရှင်ကားမှာကြည့်ရပါမယ်။ ဖြစ်ရပ်မှန်အပေါ်အခြေခံထားတဲ့ ဒီရုပ်ရှင်ကားလေးမှာ ဆယ်ကျော်သက်ကလေးတွေဟာ သူတို့ဘဝချမ်းသာလာဖို့ ကနေဒါနိုင်ငံက ဆေးခြောက်တွေကို အမေရိကန်နိုင်ငံထဲ ခိုးသွင်းခဲ့ကြတယ်။ ကလေးတွေဆိုတော့ အားလုံး ကိုယ်ထူကိုယ်ထပါပဲ။ Cartel တွေလို အဆင့်မြင့်မြင့် မှောင်ခိုသွင်းကြတာမဟုတ်ဘဲ ကနေဒါ အောက်လမ်းကတဆင့် ခိုးကူးပြီးသွင်းကြရတာပေါ့။ အစပိုင်းမှာအဆင်ပြေသလို၊ အိပ်မက်တွေအကောင်အထည်ပေါ်လာသလိုဖြစ်ပေမယ့် လောကရဲ့ ဒုတိယဘုရားသခင်ဖြစ်တဲ့ ပိုက်ဆံပေါင်းမြောက်များစွာနဲ့ ထိတွေ့လာပြီးနောက်ပိုင်းမှာ သူငယ်ချင်းတွေကြားက အချင်းပွားမှုတွေ အဝေမတည့်တာတွေ မနာလိုသူရဲ့ တိုက်ခိုက်မှုတွေ စတင်ထိတွေ့လာခဲ့ရပါတယ်။ အဓိကဇာတ်ဆောင်ကောင်လေး နိတ်တစ်ယောက် ဘယ်လိုနည်းလမ်း ဘယ်လိုလှည့်ကွက်တွေနဲ့ မှောင်ခိုလုပ်မလဲ လောကဓံတရားတွေကို သူကြံ့ကြံ့ခံနိုင်မလားဆိုတာ စိတ်ဝင်စားဖွယ် မြင်တွေ့ရမှာပါ။ ဗဟုသုတအနေနဲ့ဖြစ်စေ ငွေကြေးတွေဒလဟောဝင်တာ ဘယ်လိုမျိုးလဲ လေ့လာဆန်းစစ်ချင်လို့ပဲဖြစ်စေ ဒီ Kid Cannabis ကားလေးဟာ အပျင်းပြေကြည့်ရှုဖို့အဆင်ပြေတဲ့အကြောင်း ညွှန်းဆိုလိုက်ပါရစေ...။ (ဒီဇာတ်ကားနဲ့အညွှန်းကို Mugiwara Ya မှ ပြန်ဆို ရေးသားထားပါတယ်) Size - 2.5GB, 1.3GB, 602MB Quality - 1080p, 720p, 480p IMDb Rating - 6.4/10 Format - mp4 Duration - 1H 50Min Genre - Biography, Comedy, Crime Subtitle - Myanmar Subtitle (Hardsub) Translated by Mugiwara Ya Encoded by Chuck

Lone Survivor (2013) အချိန်က ၂၀၀၅ ဂျွန်လ။ အာဖဂန်နစ္စတန်မှာ တာလီဘန်အုပ်ချုပ်ရေး ၂၀၀၁ မှာပြိုပြီးတဲ့နောက် ပြန်လည်တည်ဆောက်ရေးလုပ်နေဆဲကာလပေါ့။ တာလီဘန်တွေက ကုန်သွားတာတော့မဟုတ်ဘူး။ အလ်ကိုင်ဒါနဲ့ မဟာမိတ်ဖွဲ့ထားတဲ့ နီယိုတာလီဘန်ဆန်ဆန် အဖွဲ့တွေကျန်သေးတယ်။ သူတို့ကိုလည်း တာလီဘန်လို့ပဲခေါ်တယ်။ အာဖဂန်မှာလည်း တာလီဘန်ဆန့်ကျင်တဲ့ပြည်သူတွေကျန်နေသေးတယ်။ အဲဒါကိုလည်း ဒီရုပ်ရှင်မှာမြင်ရမယ်။ အဲဒီ ၂၀၀၅ ခုနှစ်ရဲ့ အရေးအပါဆုံးစစ်ဆင်ရေးက‌ Red Wings တောင်ပံနီစစ်ဆင်ရေး။ ဒီရုပ်ရှင်က တောင်ပံနီစစ်ဆင်ရေးမှာ မကျဆုံးခဲ့တဲ့ SEAL တပ်သား Marcus Luttrell ရဲ့ Lone Survivor ဆိုတဲ့စာအုပ်ကိုမှီငြမ်းထားတယ်။ စာအုပ်အချက်အလက်တွေအပြင် တကယ့် စစ်ပွဲမှတ်တမ်းအထောက်အထားတွေကိုပါသုံးရိုက်ထားတဲ့အတွက် Realistic ဆန်တဲ့အပိုင်းမှာ ဝေဖန်ရေးဆရာတွေရဲ့ ချီးမွမ်းမှုကို အတော်လေးရခဲ့တယ်။ National Board of Review ရဲ့ ၂၀၁၃ ခုနှစ်အတွင်း အကောင်းဆုံးရုပ်ရှင် ၁၀ကားစာရင်းမှာပါခဲ့တယ်။ ဒီရုပ်ရှင်ကိုရိုက်တဲ့ Peter Berg ကလည်း ၂၀၁၂ မှာ Mark Wahlberg နဲ့ Battleship ကိုရိုက်ပြီးခါစဆိုတော့ စစ်ကားအပိုင်းမှာ ဒါရိုက်တာကော မင်းသားပါ အရှိန်ရနေခဲ့တဲ့ကာလလို့ပြောရမယ်။ ဒီရုပ်ရှင်က တောင်ပံနီစစ်ဆင်ရေးရဲ့ တာဝန်က Ahmad Shah ဆိုတဲ့ တာလီဘန်ခေါင်းဆောင်ကိုရှင်းဖို့။ သူက တာလီဘန်အဖွဲ့တစ်ခုဖြစ်တဲ့ Hezb-e-Islami Gulbulddin (HIG) ရဲ့ ခေါင်းဆောင်ဖြစ်ပြီး အာဖဂန်မှာ အမေရိကန်တပ်သားတွေကို ချုံခိုရှင်းခဲ့တာတင်မကဘဲ အမေရိကန်စစ်တပ်ကိုကူညီတဲ့ အာဖဂန်ရွာသားတွေကိုပါ ရှင်းတာကြောင့် သူ့ကိုအန္တရာယ်ကြီးရာဇဝတ်ကောင်အဖြစ်သတ်မှတ်ထားတယ်။ သူ့ကိုရှင်းထုတ်ဖို့ SEAL အဖွဲ့ဝင် ၄ ယောက်က တာဝန်ပေးခံရတယ်။ သူတို့ ၄ ယောက်က တောင်ပံနီစစ်ဆင်ရေးအတွက် တာဝန်ကျနေရာကိုရောက်ပြီး နေရာယူထားတဲ့အထိ အားလုံးကအဆင်ပြေနေသေးတယ်။ ဆိတ်ကျောင်းသားမြေးအဖိုးတွေ မရောက်လာခင်အထိပေါ့။ ဆိတ်ကျောင်းသားတွေကိုမိတဲ့အချိန် သူတို့အနေနဲ့ သတ်မလား…လွှတ်မလား… ရွေးရတော့တယ်။ ရှင်းလိုက်ရင် သူတို့နေရာမပေါက်ကြားတော့ဘူး။ တာဝန်ကိုဖြောင့်အောင်ဆက်လုပ်လို့ရတယ်။ ဒါပေမဲ့ အဲဒါကသူတို့ရဲ့ ထိတွေ့တိုက်ခိုက်မှုစည်းမျဉ်းကို ချိုးဖောက်ရာရောက်သွားမယ်။ လွှတ်လိုက်ရင် သူတို့နေရာပေါက်ကြားပြီး တာလီဘန်အယောက် ၂၀၀ လောက်က သူတို့ကို အမဲလိုက်ဖျက်တာခံရမယ်။ ဘာရွေးခဲ့လဲ။ သူတို့စည်းမျဉ်းအတိုင်းပဲ လွှတ်ပေးခဲ့တယ်။ အကျိုးဆက်ကတော့ ရာနဲ့ချီတဲ့တာလီဘန်တွေကို ၄ ယောက်တည်းနဲ့ ခံတိုက်ရတာပဲ။ သာမန်အားဖြင့်ဆိုရင် SEAL တွေက ဒီလိုအခြေအနေတွေကိုကောင်းကောင်းတုံ့ပြန်နိုင်ဖို့ လေ့ကျင့်ပြီးသားပါ။ မြေပြန့်မှာဆိုရင်ပေါ့။ ဖြစ်ချင်တော့ သူတို့တိုက်ပွဲဖြစ်တဲ့နေရာက တောင်တွေအတော်ထူထပ်တဲ့ အာဖဂန် အရှေ့မြောက်ပိုင်းဖြစ်နေတယ်။ အဲဒီမှာ မြေပြင်အနေအထားအရ တာလီဘန်တွေအသာစီးရပြီး SEAL တွေအတော်ထိသွားတယ်။ တောင်ပေါ်ကပြုတ်ကျတာလည်းအကြိမ်ကြိမ်၊ ကျည်ဆန်မှန်တာလည်းအကြိမ်ကြိမ်နဲ့ပေါ့။ နောက်ဆုံးမှာ Marcus Luttrell တစ်ယောက်ပဲ အသက်ရှင်ခဲ့တဲ့အထိပဲ။ မစ်ရှင်ကတော့ မအောင်မြင်ခဲ့ဘူး။ ဒီရုပ်ရှင်က SEAL တွေရဲ့ ရဲစွမ်းသတ္တိနဲ့ အနစ်နာခံမှုတွေကို တမ်းတအောက်မေ့တဲ့အနေနဲ့ ရိုက်ခဲ့တာဖြစ်တယ်။ ရိုက်ကူးတုန်းကလည်း တကယ့် Navy SEAL တွေ စစ်ပြန်တွေက ရိုက်ကွင်းအကြံပေးတွေအနေနဲ့ပါခဲ့ကြတယ်။ လက်တွေ့ဘဝက Marcus Luttrell တောင်မှ cameo အနေနဲ့ပါခဲ့သေးတယ်။ တောင်ပေါ်က ပြုတ်ကျတဲ့အခန်းတွေဆိုရင်လည်း CGI နဲ့ရိုက်တာမဟုတ်ဘဲ Stunt double တွေနဲ့ အမှန်အကန်ရိုက်ခဲ့တယ်။ အရိုက်လွန်ပြီး Mark Wahlberg ရဲ့ စတန့်သမားတောင် တစ်ခန်းအပြီး ဆေးရုံတင်လိုက်ရသတဲ့။ အဓိကချီးကျူးစရာက အသံပိုင်းဖြစ်လိမ့်မယ်။ အဲဒါကြောင့်လည်း အသံပိုင်းမှာ Academy ဆု ဆန်ခါတင် ၂ ခုဝင်ခဲ့တယ်။ သရုပ်ဆောင်တွေအနေနဲ့လည်း Mark Wahlberg တို့ Taylor Kitsch တို့ Ben foster တို့လို ဆရာကြီးတွေပါ‌တဲ့အတွက် အပြစ်ပြောစရာမရှိဘူး။ ဖြစ်ရပ်မှန်စစ်ကားကောင်းကောင်းလေးမှကြိုက်တယ်ဆိုရင်တော့ ဒီရုပ်ရှင်ကို အကြိုက်တွေ့ပါလိမ့်မယ်။ (ရုပ်ရှင်အညွှန်းနဲ့ဘာသာပြန်ကို Min Khant Bo မှ တင်ဆက်ထားပါတယ်။) File size…(6.1 GB)/(2.7 GB)/(1.5 GB) Quality….BluRay 4K HEVC/1080p /720p Format…mkv/mp4 Duration….02:01:16 Subtitle….Myanmar Subtitle (Hardsub) Encoder….Ka Naung Translated by Min Khant Bo

ဆမ်ချီလ်ဒါးစ်ဟာ ထောင်ထဲဝင်လိုက် ထွက်လိုက်ဖြစ်နေတဲ့ လူဆိုးဂိုဏ်းဝင်တစ်ယောက်ပါ။ နောက်တစ်ကြိမ် ထောင်ကပြန်ထွက်လာတဲ့အခါ ဇနီးဖြစ်သူက ဘုရားသခင်ကို ယုံကြည်ကိုးစားပြီး အတိတ်ကအပြစ်တွေကို ဆေးကြောရင်း ဘဝသစ်စနေပြီလို့ ပြောလာတယ်။ ချီလ်ဒါးစ်ကိုလည်း အရင်လိုမနေတော့ဖို့ တိုက်တွန်းပေမယ့် သူကတော့ အကျင့်ဟောင်းတွေအတိုင်း ဆက်ဆိုးမိုက်နေဆဲပါ။ ဒါပေမယ့် မထင်မှတ်ဘဲ ဘုရားကျောင်းကို လိုက်သွားဖြစ်တဲ့နောက်မှာ သူ့လုပ်ရပ်တွေအတွက် နောင်တရလာပြီး ဘဝကို ပြန်ပြင်ချင်လာတယ်။ အဲဒီကနေ အာဖရိကကို သွားပြီး ပရဟိတလုပ်ငန်းတွေ စလုပ်ဖြစ်လာပါတယ်။ အတိတ်ကလုပ်ရပ်တွေကြောင့် သူ့ကို အထင်သေးနေသူတွေကြားမှာ ဒီလုပ်ငန်းတွေ အောင်မြင်နိုင်ပါ့မလား၊ စေတနာနဲ့ လုပ်ပေးသမျှကရော ချောချောမွေ့မွေ့ ဖြစ်ပါ့မလားဆိုတာ ကြုံရဦးမှာပါ။ ဒီဇာတ်ကားကို အပြင်မှာ တကယ်ရှိတဲ့ ဆမ်ချီလ်ဒါးစ်ရဲ့ စာအုပ်ကို အခြေခံပြီး ရိုက်ကူးထားပါတယ်။

Disturbing Behavior (1998) IMDb Rating (5.7) / Rotten Tomatoes (35%) စတီဗန်တို့မိသားစုဟာ အစ်ကိုအကြီးဆုံးဖြစ်တဲ့"အာလန်"သေဆုံးပြီးနောက်မှာ ခရစ်ဒယ်ဘေးကျွန်းသို့ မိသားစုလိုက်ပြောင်းလာကြပါတယ်။ အဲ့ကအထက်တန်းကျောင်းမှာတက်ရင်း ဂါဗင်,ရေချယ်တို့နဲ့သူငယ်ချင်းဖြစ်လာပါတယ်။ ဒါပေမဲ့ အဲ့ဒီအထက်တန်းကျောင်းက ကျောင်းသားတွေဟာဝါသနာတူရာစုပြီးအုပ်စုတွေကွဲနေကြပါတယ်။ အဲ့လိုအုပ်စုတွေအများကြီးရှိတဲ့အထဲကမှ "အပြာရောင်ဖဲပြား"ဆိုတဲ့ စာတော်ပြီးထူးချွန်ထက်မြက်တဲ့အဖွဲ့ကသူတွေဟာ အရင်ကနဲ့မတူဘဲပြောင်းလဲလာပါတယ်။ ဂါဗင်ကိုယ်တိုင်ကလည်း အပြာရောင်ဖဲပြားအဖွဲ့ဝင်"အန်ဒီ"က မယ်ရီဂျိုးဆိုတဲ့အတန်းဖော်ကောင်မလေးကိုသတ်ပစ်တာကို မျက်မြင်ကိုယ်တွေ့မြင်လိုက်ရပါတယ်။ ဒါပေမဲ့ ရဲအရာရှိကော့ခ်စ်က အားလုံးကိုဖုံးကွယ်ပေးခဲ့တာကြောင့် သက်သေလည်းမရှိဘဲနှုတ်ပိတ်နေခဲ့ရပါတယ်။ ဂါဗင်ဟာ အဲ့အဖွဲ့ဝင်တွေကို မကောင်းတဲ့အမှောင်စွမ်းအင်တစ်ခုခုကထိန်းချုပ်စေခိုင်းနေတယ်လို့သံသယဝင်မိတယ်လို့ သူငယ်ချင်းတွေကိုပြောပြပေမဲ့ ဘယ်သူကမှမယုံခဲ့ကြပါဘူး။ နောက်တော့ သူကိုယ်တိုင်အဲ့အဖွဲ့ဝင်ဖြစ်သွားပြီး အပြုအမူတွေပြောင်းလဲလာတော့မှ စတိဗ်နဲ့ရေချယ်တို့နှစ်ယောက် နောက်ကွယ်ကလျှို့ဝှက်ချက်ကိုဖော်ထုတ်ဖို့ကြိုးစားကြပါတော့တယ်။ (အညွှန်းနဲ့ဘာသာပြန်ကတော့ Rubyjane ဖြစ်ပါတယ်။) File size…(1.8 GB) / (840 MB) Quality….Blu-Ray 1080p HEVC / 720p Format…. mkv/mp4 Genre….Horror,Mystery,Science Fiction Duration….01:24:08 Subtitle….Myanmar Subtitle (Hardsub) Encoder….Double K Translated by Rubyjane