Craig Roberts ပါဝင်သော ဇာတ်ကားများ

Can You Keep a Secret? (2026) S1 +++++++++++++++ အပိုင်း ( ၁ မှ ၆ ) အထိ စ / ဆုံး ဒီဇာတ်လမ်းတွဲဟာ ဗြိတိန်နိုင်ငံမှာ အမှန်တကယ်ဖြစ်ပွားခဲ့တဲ့ "Canoe Man"အမှုကို အခြေခံပြီး ခပ်နောက်နောက် ခပ်ရွှဲ့ရွှဲ့ ပုံစံနဲ့ ပြန်လည်ရိုက်ကူးထားတဲ့ Dark Comedy အမျိုးအစား ဖြစ်ပါတယ်... ဇာတ်လမ်းကတော့ ဒက်ဘီဖန်ဒန်ဆိုတဲ့ အမျိုးသမီးကြီးဆီကနေ စတင်ပါတယ်။ သူမရဲ့ခင်ပွန်း ဝီလီယမ် ဟာ မတော်တဆမှုတစ်ခုမှာ သေဆုံးသွားပြီလို့ လူတိုင်းက မှတ်ယူလိုက်ကြတဲ့အခါ ဒက်ဒီက အမှန်တရားကို ဖွင့်မပြောဘဲ "အသက်အာမခံကြေး" ရဖို့အတွက် အကွက်ချပါတော့တယ်။ သူမဟာ ဝီလီယမ်ကို အပြင်လောကမှာ သေဆုံးပြီးသားလူအဖြစ် ဟန်ဆောင်ခိုင်းပြီး သူတို့အိမ်ရဲ့ အိမ်ခေါင်မိုးထပ်ထဲမှာ နေခိုင်းထားလိုက်ပါတယ်။ ဒါပေမဲ့ ပြဿနာက အဲဒီမှာတင် မပြီးသွားပါဘူး။ လျှို့ဝှက်ချက်ကို သိနေတဲ့ သူတို့ရဲ့သားဖြစ်သူ ဟယ်ရီဟာ စိတ်ဖိစီးမှုတွေကြောင့် ရူးကြောင်ကြောင် ဖြစ်လာသလို ဟယ်ရီရဲ့ ဇနီးကလည်း ရဲအရာရှိ တစ်ယောက် ဖြစ်နေတဲ့အခါမှာတော့... အိမ်ခေါင်မိုးပေါ်က ခင်ပွန်းသည်ကို ဘယ်လိုဆက်ဖုံးကွယ်မလဲ? ဘယ်သူတွေကရော "စပိုင်" လုပ်နေကြတာလဲ? ဆိုတာကို ရင်တထိတ်ထိတ်နဲ့ ဟာသနှောပြီး ကြည့်ရှုရမှာပါ..... Size – 497MB Quality –WEB-DL 1080p HEVC Episodes -  6 Eps Duration -  30m Subtitle – Myanmar Hardsub Format – mkv Genre :  Comedy

Let's Love (2026) မင်းသားကြီး မာတင် ဖရီးမန်း အပါအဝင် The Hunger Games , Five Nights at Freddy's ထဲကမင်းသား Josh Hutcherson တို့ပါဝင်ထားတဲ့ စိတ်ဝင်စားစရာ အချစ်ဒရမ်မာဇာတ်လမ်းလေးဖြစ်ပါတယ် လွန်ခဲ့တဲ့ ဆယ်နှစ်တုန်းက တစ်ကမ္ဘာလုံးမှာ တစ်ဟုန်ထိုး ပေါက်ကွဲအောင်မြင်ခဲ့တဲ့ ရုပ်ရှင်ကားကြီးတစ်ကား ရှိခဲ့ဖူးပါတယ်။ အခုအချိန်မှာတော့ အဲဒီရုပ်ရှင်ရဲ့ ဖန်တီးရှင်တွေနဲ့ မင်းသား၊ မင်းသမီးတွေဟာ အရှိန်အဝါတွေ ကျဆင်းပြီး ဘဝကို အပြင်းအထန် ရုန်းကန်နေရတဲ့ အခြေအနေကို ရောက်ရှိနေကြပါပြီ။ ဇာတ်လမ်းကတော့ အဆိုပါရုပ်ရှင်ရဲ့ ဇာတ်ညွှန်းဆရာ နိုင်ဂျယ် ဒါရိုက်တာ အန်ဒရီယာနဲ့ အဓိကသရုပ်ဆောင်တွေဖြစ်ကြတဲ့ ဂျက်ဆင်နဲ့ ဂျက်စ်တို့ လေးဦးဟာ... သူတို့ရဲ့ ကျဆင်းနေတဲ့ အနုပညာသက်တမ်းကို တစ်ကျော့ပြန် အသက်သွင်းဖို့ မျှော်လင့်ချက်ကိုယ်စီနဲ့... ဝေးစ်မှာ ကျင်းပမယ့် ရုပ်ရှင်ချစ်သူများ ပရိသတ်ပွဲတော် တစ်ခုဆီကို ရောက်ရှိလာပြီး ပြန်လည်ဆုံတွေ့ကြရာကနေ စတင်ထားပါတယ်။ ဆယ်နှစ်အကြာမှာ ပြန်ဆုံကြတဲ့အခါ... အတိတ်က ရှိခဲ့ဖူးတဲ့ အနုပညာအာဃာတတွေ၊ လျှို့ဝှက်အချစ်ဇာတ်လမ်းဟောင်းတွေ၊ အတ္တတွေနဲ့ ခေတ်သစ် Pop-Culture ရဲ့ ပရိသတ်တွေကြားထဲမှာ သူတို့လေးဦးတစ်ယောက် ဘယ်လိုမျိုး အလွဲလွဲအချော်ချော် ဉာဏ်ကစားပွဲတွေ ကြုံတွေ့ရမလဲ၊ အချင်းချင်း ရန်ဖြစ်လိုက်၊ ပြန်ချစ်လိုက်နဲ့ ဘဝရဲ့ စစ်မှန်တဲ့ တန်ဖိုးကို ဝေးစ်နိုင်ငံရဲ့ လှပတဲ့ ဆောင်းဦးနောက်ခံကြားထဲမှာ ဘယ်လိုရှာဖွေမလဲဆိုတာကို ရိုက်ပြထားပါတယ်။

ဒါရိုက်တာ Michael Goldermann နဲ့ David James Ryan တို့ရဲ့ ထူးခြားတဲ့ ရိုက်ချက်တွေကြောင့် ဒီကားက Indie Action/Horror ပရိသတ်တွေကြားမှာ ရေပန်းစားတဲ့ကားလေးဖြစ်ပါတယ်..... မြို့လေးတမြို့က အရုပ်ဆိုင်ကို အမွေဆက်ခံရရှိပြီးနောက် Cincy Nerd နဲ့ Retro Freaks အဖွဲ့သားတွေဟာ သူတို့ရဲ့ ကမ္ဘာငယ်လေးထဲမှာ ပျော်ရွှင်နေကြပါတယ်။ ဒါပေမဲ့ သူတို့ရဲ့ ပျော်ရွှင်မှုတွေဟာ ကြာရှည်မခံလိုက်ပါဘူး။ ပျော်စရာအတိတ်ဟောင်းတွေကို အိပ်မက်ဆိုးတွေအဖြစ် ပြောင်းလဲပစ်နိုင်တဲ့ လျှို့ဝှက်ကောက်ကျစ်တဲ့ ရန်သူအသစ်တစ်ယောက် ပေါ်ပေါက်လာလို့ပါပဲ။ ဒီရန်သူဟာ သူတို့မြတ်နိုးတဲ့ အတိတ်ကအရာတွေကို အသုံးချပြီး သူတို့ကို ဒုက္ခပေးဖို့ ကြိုးစားလာတဲ့အခါမှာတော့... Retro Freaks အဖွဲ့သားတွေဟာ ရှင်သန်နိုင်ဖို့အတွက် သူတို့ကိုယ်တိုင် ရှောင်နေခဲ့တဲ့အတိတ်က အမှားတွေကို ပြန်လည်ရင်ဆိုင်ကြတဲ့ Fantasy/Horror ကားကောင်းလေးဖြစ်ပါတယ် File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဒီလမှာမှ ပူပူနွေးနွေးထွက်ရှိထားပြီး Apple TV+ ရဲ့ IMDB 6.2/10, Rt 78 % ရရှိထားတဲ့ Comedy series လေးတစ်ခုနဲ့ မိတ်ဆက်ပေးချင်ပါတယ်။ မင်းသား Craig Roberts (Submarine) နဲ့ မင်းသမီး Antonia Thomas (The Good Doctor ထဲက Dr. Claire Browne)တို့က အဓိကပါဝင်သရုပ်ဆောင်ထားကြပါပြီး စုစုပေါင်း အပိုင်း ၈ ပိုင်း ထွက်ရှိမှာဖြစ်ပါတယ်။ အိမ်ထဲက အိမ်ပြင်လည်းမထွက်၊ ညညဆို အိပ်မပျော်တတ်၊ သန်းခေါင်မှ သရဲဝင်ပူးသလိုလို ဖုတ်ပဲဝင်သလိုလိုနဲ့ အိုးတွေခွက်တွေလှန်ပြီး အစားတွေထစား၊ ရည်းစားဆိုလို့ မူးလို့တောင် ရှူစရာမရှိဘဲ messenger ထဲဝင်ပြီး "ဟေး"တို့ "ဟိုင်း" တို့ကနေ မတက်တဲ့ အခြေအနေမျိုးနဲ့သူတွေ ရှိပါသလား။ ရှိတယ်ဆိုရင်တော့ ဒီကားထဲက ဒန်နီ့ကို ရင်ဘတ်ကြီးနဲ့ရင်းပြီး ကိုယ်ချင်းစာတတ်မှာပါ။ ဒန်နီက အပြင်ထွက်ရမှာကြောက်တဲ့ အိမ်တွင်းပုန်းတစ်ယောက်ဖြစ်ပြီး သူ့အတွက် လိုတာတွေကို ဝယ်ခြမ်းပေး၊ ကိုယ်စား အပြင်ထွက်ပေးတတ်တာက အိမ်နီးနားချင်း အက်ဒမ်ပါ။ ညအိပ်မပျော်တတ်သူ ဒန့်နီအတွက် ညစဉ်ညတိုင်း စကားပြောပေးတာကတော့ သူ့ video call သူငယ်ချင်းမလေး လီဆာပါပဲ။ လီဆာ့မှာတော့ တွဲနေတဲ့ ဗက်ဂျီဆိုတဲ့သူရှိပြီး သူတို့ကလည်း dating app တစ်ခုကနေ တွေ့ခဲ့ကြတာပါ။ ညဘက်ဆို အချိန်မှန်ဖုန်းဆက်ပြီး တစ်နေ့တာရဲ့အမောတွေကိုဖြေ၊ ပေါက်ကရတွေပြောကြနဲ့ လိုက်ဖက်ညီလှတဲ့ ဒန်နီနဲ့ လီဆာတို့သူငယ်ချင်းနှစ်ယောက်က အတိုင်အဖောက်လည်း ညီလှပြီး တော်ရုံအတွင်းရေးတွေကအစ ပွင့်ပွင့်လင်းလင်း ပေါ့ပေါ့ပါးပါး ရင်ဖွင့်ပြောတတ်တဲ့အထိ ရင်းနှီးကြသူတွေပါ။ တစ်နေ့မှာတော့ အရမ်းကိုအိမ်တွင်းပုန်း ကိုနေမထိ၊လေမထိဖြစ်နေတဲ့ ဒန်နီ့ကို မကြည့်ရက်တော့တဲ့ လီဆာတစ်ယောက် dating app တစ်ခုကို sign up လုပ်ပေးလိုက်ပါတော့တယ်။ သူနဲ့ ဗက်ဂျီကလည်း ဒီ dating app ကနေပဲ တွေ့ခဲ့ကြတာဖြစ်ပြီး ကိုက်ညီမှုက ၅၂ % ပဲရှိခဲ့ပေမဲ့ အဆင်ပြေနေတာဖြစ်ကြောင်း၊ ဒန်နီလည်း အဆင်ပြေနိုင်တာမို့ စိတ်ပူဖို့မလိုကြောင်းတွေ ပြောပြီး လိုအပ်တဲ့အချက်အလက်တွေကို ဒန်နီ့ကိုမေးရင်း စိတ်မြန်လက်မြန်ရှိလှတဲ့ လီဆာတစ်ယောက် dating app ကို finishing လုပ်လိုက်ချိန်မှာပဲ ပထမဆုံး ပေါ်ထွက်လာတဲ့ ဒန်နီ့အတွက် ၉၁ % ကိုက်ညီတဲ့ profile က သူ့ profile ဖြစ်နေတဲ့အခါ... ဒန်နီမသိအောင် သူ့ profile ကို delete လုပ်လိုက်ပေမဲ့ ၉၁ % တောင် ကိုက်ညီနေမှုက သူတို့နှစ်ယောက်ရဲ့ ဆက်ဆံရေးအပေါ် ဘယ်လိုတွေများပြောင်းလဲသွားမှာစေလဲ.. အိမ်ထဲကနေ ခြေတစ်လှမ်းတောင် မထွက်တဲ့ ဒန်နီတစ်ယောက်ရော ဘယ်လိုသတ္တိမျိုးတွေ တွန်းအားမျိုးတွေနဲ့ အပြင်ကိုပြန်ထွက်နိုင်လာမှာလဲ.. ဗက်ဂျီနဲ့ လီဆာ့ကြားမှာရော ပြောင်းလဲမှုတွေဖြစ်ပေါ်လာမှာလား.. လီဆာနဲ့ ဒန်နီတို နှစ်ယောက်ရဲ့အဆုံးသတ် ဆက်ဆံရေးကရော ဘယ်လိုများဖြစ်သွားမလဲ.. ဆိုတာကိုတော့ စီးရီးလေးထဲမှာပဲ ဆက်လက်စီးမျောကြည့်ကြပါဦးလို့။ (ဒီစီးရီးရဲ့ အညွှန်းနဲ့ ဘာသာပြန်ကတော့ Emily ပါ) File size…(388 GB)/(197 MB) Quality….Webrip 1080p / 720p Format…mp4 Duration….00:27:00 Genre...Comedy Subtitle….Myanmar Subtitle (Hardsub) Encoder….Mr. Anderson Translated by Emily

ဒီရုပ်ရှင်ကိုတော့ လူတိုင်းကြိုက်မယ်မထင်ပါဘူး။ အရမ်းကြိုက်မယ့်သူတွေလည်း ရှိပါလိမ့်မယ်။ ဒါက ကျွန်တော်တို့တွေ အရမ်းကြိုက်ရတဲ့ ရုပ်ရှင်တွေရဲ့ မူရင်းဝတ္ထုတွေကို ရေးသားခဲ့တဲ့ စာရေးဆရာကြီး တစ်ယောက်ရဲ့ အကြောင်းပါပဲ။ The lord of the rings နဲ့ Hobbit ရုပ်ရှင်တွေကို အများစု သိကြမှာပါ။ အော်စကာတွေ တစ်ပြုံကြီးနဲ့ ဂန္ဓဝင် ရုပ်ရှင်တွေကိုး။ ဒါပေမယ့် မူရင်းဝတ္ထုရဲ့ စာရေးသူကိုတော့ အမာခံဖန်တွေပဲ သိကြမယ်ထင်ပါတယ်။ J.R.R.Tolkien ခေါ် ဂျွန် ရော်နယ် ရူအယ် တိုကင်းန်ပါပဲ။ တိုကင်းန်ဟာ လူငယ်ဘဝမှာ သူငယ်ချင်း သုံးယောက်ရှိခဲ့ပါတယ်။ စာပေအနုပညာကို စိတ်တူကိုယ်တူလိုက်စားကြတဲ့ လေးယောက်အဖွဲ့ပေါ့။ ဒါကြောင့်လဲ သူ့ရဲ့ဝတ္ထုတွေမှာ လေးယောက်တွဲတွေ လွှမ်းမိုးမှုရှိခဲ့တာလားပါပဲ။ တိုကင်းန်ဟာ ဘာသာစကားတွေ ဒဏ္ဍာရီတွေဘက်မှာ အရမ်းထူးချွန်တဲ့သူပါ။ သူဟာ ပထမကမ္ဘာစစ်မှာ ပါဝင်တိုက်ခဲ့ဖူးခဲ့တယ်။ ဒုတိယ ကမ္ဘာစစ်မှာ ဝှက်စာဖြေသူအဖြစ် ပြောင်မြောက်စွာ လုပ်ကိုင်ပေးခဲ့ပါသေးတယ်။ ကျန်တဲ့အချိန်တွေမှာတော့ ဘာသာစကား ပါမောက္ခအဖြစ် တာဝန်ယူခဲ့တာပါ။ ဘာသာစကားနဲ့ပတ်သတ်ပြီး သူပြုစုခဲ့တဲ့ စာအုပ်တွေ ဘာသာပြန်တွေဟာ အခုထိ တက္ကသိုလ်တွေမှာ လေ့လာနေကြရဆဲပါပဲ။ Lotr နဲ့ Hobbit ရုပ်ရှင်တွေကို ကြည့်ရတာ ဇာတ်အိမ်ကျယ်ပြန့်လှပြီလို့ ထင်မိပါသလား။ ဒါဆိုရင်တော့ ဆရာ တိုကင်းန်က ပြုံးပါလိမ့်မယ်။ သူ့ရဲ့ ဝတ္ထုတွေထဲမှာ ဇာတ်ကောင်တွေသာမက ဆွေစဉ်မျိုးဆက် သမိုင်းတွေ၊ ပြက္ခဒိန်တွေ၊ သူကိုယ်တိုင်ဆွဲထားတဲ့ မြေပုံတွေ အပြင် ကိုယ်ပိုင်တီထွင်ထားတဲ့ ဘာသာစကားအသစ်တွေပါ ပါဝင်ခဲပါတယ်။ အဲဒီဘာသာစကားအတွက်လည်း အဘိဓာန်တွေ ပြန်ထုတ်ပေးခဲ့ပါသေးတယ်။ ရုပ်ရှင်ထဲက အကြောင်းအရာတွေဟာ တိုကင်းန်ရဲ့ လက်ရာတွေနဲ့စာရင် အကျဉ်းချုံးလေးသာသာပဲ ရှိပါသေးတယ်။ တိုကင်းန်အပြင် သူသေဆုံးပြီးနောက်မှာ သူ့ရဲ့သား ခရစ္စတိုဖာ တိုကင်းန်ကလည်း သူ့ရဲ့ လက်ရေးမှတ်စုတွေကို ပြန်စုစည်းတည်းဖြတ်ပြီး ထုတ်ဝေခဲ့တဲ့ ကမ္ဘာကျော်စာအုပ်တွေ ရှိခဲ့ပါသေးတယ်။ ဒါကြောင့် Lotr ဖန်တွေ ဂျေအာအာတိုကင်းန်ကို စိတ်ဝင်စားတဲ့သူတွေအတွက် ဒီရုပ်ရှင်က အရမ်းကို နှစ်သက်ဖို့ ကောင်းပါလိမ့်မယ်။ ဒါတွေနဲ့ မရင်းနှီးဘဲတော့ ဒီရုပ်ရှင်ကိုကြည့်ပြီး ပျင်းစရာလို့ ထင်ကောင်းထင်ပါလိမ့်မယ်လို့ ကြိုပြီး သတိပေးပါရစေ။ ဇာတ်လမ်းအညွှန်းနဲ့ ဘာသာပြန်သူကတော့ Little Neo ပဲဖြစ်ပါတယ်…… File Size : (900 MB)  Quality : Blu-Ray 720p Running Time : 1hr 52min Format : Mp4 Genre : Biography, Drama, War Subtitle : Myanmar Subtitle (Hard Sub) Source : 720p.BluRay.X264-AMIABLE Translated by Littleneo Encoded by Thanhtike Zaw

ဒီရုပ်ရှင်ကတော့ ၁၈၈၅ ဝန်းကျင်မှာ ဖြစ်ခဲ့တဲ့ သောမတ်အက်ဒီဆင်၊ နီကိုလာ တက်စလာ၊ ဂျော့ ဝက်စတင်ဟောက် တို့ရဲ့ အားပြိုင်မှုတွေကို အခြေတည်ထားတာပါ။ အက်ဒီဆင်ဆိုတဲ့ ဥာဏ်ကြီးရှင်ကို မကြားဖူးတဲ့သူ ရှားပါလိမ့်မယ်။ ဒီရုပ်ရှင်မှာလည်း ဥာဏ်ကြီးရှင်ဇာတ်ရုပ်တွေအတွက် မွေးလာသလို့ထင်ရတဲ့ မင်းသားပဲ သရုပ်ဆောင်ထားတာပါ။ ဘန်နီဒစ် ကမ်းဘားဘက်ခ်ျ ပါပဲ။ သူ့ရဲ့လက်ထောက်အဖြစ်တော့ စပိုက်ဒါမန်းမင်းသား တွမ်ဟော်လန် က ပါဝင်ထားပါတယ်။ နီကိုလာတက်စလာ အဖြစ်တော့ နီကိုလတ်ဟောက်ထ် က သရုပ်ဆောင်ထားပါတယ်။ သူ့ကိုတော့ x-men အဖြစ်ရော warm bodies ထဲက ဇွန်ဘီးအဖြစ်ရော သိကြမှာပါ။ သူတို့တွေရဲ့ အဓိက အားပြိုင်မှုကတော့ လျှပ်စစ်ဖြန့်ဖြူးရေး စျေးကွက်မှာပါပဲ။ အက်ဒီဆင်က DC Current ကိုအသုံးပြုပြီး AC ဟာ လူသေနိုင်ချေ အရမ်းများတဲ့အတွက် အသုံးမပြုခဲပါဘူး။ ဂျော့ဝက်စတင်ဟောက်နဲ့နီကိုလာတို့ကတော့ ဒီစီထက် သုံးဆလောက် စျေးသက်သာမယ့် အေစီနဲ့ စျေးကွက်ကို ယှဉ်ပြိုင်လာပါတယ်။ ဒီတော့ အက်ဒီဆင်က အေစီတွေဟာ လူသေစေနိုင်ကြောင်း သက်သေပြဖို့ ကြိုးစားရင်းနဲ့လျှပ်စစ်ကုလားထိုင်ကို တီထွင်ဖို့ ကူညီလိုက်မိတဲ့အထိဖြစ်လာခဲ့ပါတယ်။ တစ်ဖက်မှာလည်း နီကိုလာက အေစီလျှပ်စစ်နဲ့ နိုင်ရာဂရာရေတံခွန်ကြီးကနေ လျှပ်စစ်ဖြန့်ဖို့အထိ ကြိုးစားခဲ့တာပါပဲ။ ဒီကားကို သမိုင်းစိတ်ဝင်စားသူတွေနဲ့ အင်ဂျင်နီယာတွေ သဘောကျကြမှာပါ။ ပညာရှင်တွေရဲ့ စေတနာတွေ၊ ဇွဲတွေ၊ မာနတွေကို ကောင်းကောင်းပုံဖော်ပြထားတာပါပဲ။ ဇာတ်လမ်းအဆုံးမှာ မူရင်းလူတွေရဲ့ သမိုင်းတွေကို ရှင်းပြတာအပြင် အက်ဒီဆင်ရဲ့ အခန်းပိုပါသေးတာမို့အဆုံးထိကြည့်ကြပါလို့။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်…. File Size : (900 MB) and (450 MB) Quality : Blu-Ray 720p Running Time : 1hr 42min Format : Mp4 Genre : Biography, Drama, History Subtitle : Myanmar Subtitle (Hard Sub) Source : 1080p.BluRay.X264-AMIABLE Translated by Littleneo Encoded by Thanhtike Zaw

IMDb rating 7.4/10 ရရှိထားပြီး Rotten Tomatoes 77% ရထားသော မိခင်တယောက်ရဲ့မေတ္တာကို ပြသထားတဲ့ ကားလေးတကားနဲ့ မိတ်ဆက်ပေးခြင်ပါတယ်ဗျ ဇာတ်လမ်းအကျဉ်းကိုပြောရရင်တော့ ဘန်ဟာ အငြိမ်းစား စာရေးဆရာတစ်ယောက်ဖြစ်ပြီး လွန်ခဲ့တဲ့သုံးနှစ်ကမှ သားတစ်ယောက်ကို ဆုံးရှုံှုးထားသူပါ လက်ရှိမှာတော့ အလုပ်လက်မဲ့ဖြစ်ကာ ပြုစုစောင့်ရှောက်ရေးအလုပ်လက်မှတ်လဲ ရရှိထားသူဖြစ်ပါတယ် ကံကောင်းစွာပဲ ပြုစုစောင့်ရှောက်ရမယ့်အလုပ်တစ်ခုရရှိခဲ့ပေမယ့် ကံဆိုးစွာပဲ သူပြုစုစောင့်ရှောက်ပေးရမယ့် ထရေဗာ ဆိုတဲ့ ကလေးဟာ အောက်ပိုင်းမသန်စွမ်းသူတစ်ယောက်ဖြစ်ပြီး ကလန်ကဆန် လုပ်တတ်တဲ့အကျင့်ရှိလို့ လာသမျှ ပြုစုစောင့်ရှောက်ရေးသမားတိုင်းနဲ့ မတည့်ပါဘူး အလုပ်လိုနေတဲ့ ဘန်နဲ့ ကလန်ကဆန်လုပ်တတ်တဲ့ ထရေဗာတို့တွေ့ပြီး ဘယ်လိုတွေဖြစ်ကြမှာလဲဆိုတာ ဘယ်လိုပုံစံမျိုးတွေ ပြုစုစောင့်ရှောက်ပေးရမလဲဆိုတာ တော့ ပရိတ်သတ်ကြီးက ဆက်လက်ရှူစားကြရမှာပါ ဘာသာပြန်နဲ့ ဇာတ်လမ်းအညွှန်းကိုတော့ Poe Thinzar Kyaw ကရေးသားပေးထားတာပါဗျ

Neighbors (2014) IMDb-6.3/10 Rotten Tomatoes-73% CM ပရိတ်သတ်ကြီးအတွက် 2014က ထွက်ရှိခဲ့တဲ့ ဟာသကားကောင်းလေးတစ်ကားကို တင်ဆက်ပေးလိုက်ပါတယ်။ Seth Rogen, Zac Efron နဲ့ Rose Byrne စတဲ့ သရုပ်ဆောင်တွေ ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းလေးကတော့ မက်ခ်နဲ့ ကယ်လီတို့ဟာ အခုမှကလေးရထားတဲ့ စုံတွဲလေးဖြစ်ပြီး သူတို့ရဲ့ လူငယ်ဘဝကုန်ဆုံးသွားခဲ့ပြီလို့ ခံစားနေကြရတဲ့ စုံတွဲလေးပါ ဆိတ်ငြိမ်ရပ်ကွက်လေးမှာ အိမ်လေးတစ်လုံးဝယ်ပြီး မိသားစုသုံးယောက်အတူ ပျော်ပျော်ရွှင်ရွှင်ဖြတ်သန်းနေကြပါတယ်။ တစ်နေ့မှာတော့ သူတို့ ဘေးအိမ်ကို ဒယ်တာ ဆိုင်လ်ဆိုတဲ့ တက္ကသိုလ်ကလပ်က ကျောင်းသားတွေအပြုံလိုက် ပြောင်းချလာပါတော့တယ်။ မက်ခ်နဲ့ ကယ်လီတို့လည်း အနှောက်အယှက်မဖြစ်အောင် ပြောဆိုထားပေမဲ့ နေ့တိုင်း ရက်ဆက်ပါတီတွေပေးပြီး ဆူညံနေကြတာမလို့ ရဲကိုတိုင်လိုက်တဲ့ကိစ္စကနေစပြီး ဒယ်တာဆိုင်လ်အဖွဲ့ဝင်တွေနဲ့ သူတို့နှစ်ယောက်ကြားမှာ အချင်းချင်းဒုက္ခတွေပေးကြရင်း နောက်ဆုံးဘယ်ဘက်ကနိုင်သွားမလဲ ဆိုတာကို ဆက်လက်ကြည့်ရှုလိုက်ကြပါဦးဗျ။ အမြင်မသင့်တော်တဲ့ပြကွက်တွေနဲ့ ကြမ်းတမ်းတဲ့အသုံးအနှုံးတွေပါဝင်တာမလို့ (၁၈) နှစ်အောက် လူငယ်တွေ ကြည့်ရှုဖို့ မသင့်တော်ပါဘူး။ File size…    1.8 GB /  921 MB Quality… BluRay 1080p / 720p Format… mp4 Duration…. 1h 37m Genre ..... Comedy Subtitle…. Myanmar Subtitle (Hard Sub) Encoder…. Thit San Khant Translated by TMMT

22 Jump Street (2014) IMDb Rating (7.0) / Rotten Tomatoes (84%) ဒီကားကတော့ ၂၀၁၂ တုန်းက အောင်မြင်ခဲ့တဲ့ 21 jump street ရဲ့ အဆက်ဖြစ်ပြီး ပထမကားလိုပဲ ပရိသတ်တွေကြားမှာ အောင်မြင်မှုရရှိခဲ့တဲ့ ရုပ်ရှင်ပါ။ ပထမ ကားမှာ အထက်တန်းကျောင်းရဲ့ မူးယစ်ဆေးဖန်တီးနေသူတွေကို ရှာဖွေ ဖမ်းဆီးနိုင်လိုက်ပြီးနောက်မှာတော့ ဒီတစ်ခေါက် ရှမစ် နဲ့ ဂျန်ကို တို့ ကောလိပ် က မူးယစ်ဆေးဖြန့်နေတဲ့ အဖွဲ့ကို ဖော်ထုတ်ဖို့ တာဝန်ကျလာပါတော့တယ်။ ဒီတစ်ခေါက်မှာတော့ ကောလိပ်ကျောင်းသားအဖြစ်ဟန်ဆောင်ရင်း ရှမစ်ကလည်း ကောင်မလေးအသစ် ရလာသလို ဂျန်ကိုကလည်း သူငယ်ချင်းအသစ်တွေ ရလာတဲ့ အတွက် သူတို့အချင်းချင်း သဘောထားမတိုက်ဆိုင်မှု တွေ ပိုများလာပါတယ်။ အဲ့လို အခြေအနေကနေ ကောလိပ်က မူးယစ်ဆေး တွေဟာ တစ်နိုင်ငံလုံး ဆီ ပျံ့သွားမယ့် အရေး နဲ့ ကြုံလာတဲ့အခါ သူတို့နှစ်ယောက် အတူတူ ပြန်လက်တွဲပြီး တားဆီးဖို့ ဖြစ်လာပါတော့တယ်။ ပထမကားက နာမည်ကြီးသရုပ်ဆောင်တွေ ပြန်လည်ပါဝင်ထားသလို Buddy Cop ရုပ်ရှင်တွေ နှစ်သက်တဲ့သူတွေအဖို့ ကြည့်ပျော်မှာ သေချာတဲ့ရုပ်ရှင်ကားတစ်ကားပဲ ဖြစ်ပါတယ်။ 21 jump street(2012) နဲ့ 22 Jump Street (2014) ဆိုပြီး ၂ ကားထွက်ခဲ့ပြီးတော့ ၂ ကားလုံးတခွီးခွီးနဲ့ ရယ်နေရပါတယ်။ Jump Street ရုပ်ရှင်တွေကြည့်ပြီးသွားရင် Jonah Hill နဲ့ Channing Tatum တို့ ပရိတ်သတ်ဖြစ်သွားနိုင်ပါတယ်။ (ရုပ်ရှင်အညွှန်းနဲ့ဘာသာပြန်ကို Marco မှတင်ဆက်ထားပါတယ်။) File size…(6.7 GB)/(1.9 GB )/(1.2 GB) Quality…BluRay 4K HEVC/ 1080p HEVC / 720p Format…mkv/mp4 Duration….01:52:00 Subtitle….Myanmar Subtitle (Hardsub) Encoder….Ka Naung Translated by Marco

The Double (2013) ဇာတ်လမ်းအညွှန်း Psycho/ Mystery ဆန်ဆန်ဇာတ်ကားမျိုးကို နှစ်သက်ရင်တော့ ဒီဇာတ်ကားလေးကိုကြည့်ရှုဖို့ recommend ပေးပါတယ်နော်။ ကုမ္ပဏီတစ်ခုမှာ ၇ နှစ်တာအလုပ်လုပ်ခဲ့ပေမယ့် လူရေးလူတာမသိသေးတဲ့ ဆိုင်မွန်ဂျိမ်းစ် … သူ့စကားဆိုရင် ဘယ်သူကမှ အဖက်မလုပ်ကြသလို လူရာလည်းမသွင်းကြတာကြောင့် ကိုယ့်ကိုယ်ကို ယုံကြည်မှုတွေပျောက်ဆုံးပြီး ရဲရဲဝံ့ဝံ့မပြောရဲမဆိုရဲရှာသူပေါ့။ စိတ်ဝင်စားနေတဲ့ကောင်မလေးကိုလည်း ချောင်းကြည့်ရုံကလွဲပြီး ဘာမှမလုပ်ရဲတဲ့ လူပျော့လူညံ့ကလေးပေါ့။ တစ်နေ့မှာတော့ သူတို့ကုမ္ပဏီကို သူနဲ့ချွတ်စွပ်တူတဲ့လူတစ်ယောက် ရောက်လာခဲ့တယ်။ ရုပ်ရည်က ချွတ်စွပ်ပေမယ့် အကျင့်စရိုက်တွေအားလုံးက ဆန့်ကျင်ဘက်ဖြစ်နေတဲ့အခါ ... အဲဒီလူက ဘယ်သူလဲဆိုတာကို ဆိုင်မွန်နဲ့အတူ အဖြေရှာကြည့်လိုက်ပါဦး။ (ဇာတ်လမ်းအညွှန်းနဲ့ ဘာသာပြန်ကတော့ May Myat Thu ပါ) File Size          :  (788MB) Quality            : 720p BluRay Format            : mp4 Duration         : 1hr & 33mins Genre              : Comedy, Drama, Mystery Translated by  May Myat Thu Encoded by Kinnov

စိတ်ပညာရှင် ပါမောက္ခ ဒေါက်တာ မာဂရက် မက်သီဆန်နဲ့ ရူပဗေဒပညာရှင် တွမ် ဘတ်ကလီတို့ဟာ သဘာဝလွန်အစွမ်းရှိတယ်လို့ လိမ်လည်နေသူတွေကို ဖော်ထုတ်ကြပါတယ်။ အောက်လမ်း၊ အထက်လမ်း၊ မှော်ဆရာ၊ တန်ခိုးရှင်ဆိုတဲ့ အမည်တွေအောက်မှာ မဟုတ်မမှန် လုပ်ကြံပြနေကြတာတွေကို သူတို့က စစ်ဆေးဖော်ထုတ်နေတာပါ။ ဒီလို လိုက်ဖော်ထုတ်ရင်း ကမ္ဘာကျော် အကြားအမြင်ဆရာ ဆိုင်မွန် ဆေးလ်ဗားကိုလည်း စစ်ဆေးဖို့ ဖြစ်လာတယ်။ သူ့အစွမ်းတွေက တကယ်လား၊ အတုအယောင်လားဆိုတာ သိဖို့ ကြိုးစားကြရင်း ကြောက်စရာအမှန်တရားတွေကို ဖော်ထုတ်မိလာကြပါတယ်။ Cillian Murphy၊ Elizabeth Olsen၊ Sigourney Weaver နဲ့ Robert De Niro တို့ ပါဝင်သရုပ်ဆောင်ထားတဲ့ လျှို့ဝှက်ဆန်းကြယ်ဒရမ်မာဇာတ်ကားပါ။

အထက်တန်းကျောင်းက စီနီယာကျောင်းသား ဒေးဗစ်နဲ့ ဂျူနီယာကျောင်းသူ အော်ဘရီတို့ဟာ ပါတီတစ်ခုမှာ ထူးထူးခြားခြား တွေ့ဆုံကြပါတယ်။ အဲဒီတွေ့ဆုံမှုကနေ ခံစားချက်တွေ ပေါ်လာပြီး အချိန်တိုအတွင်း နှစ်ယောက်ကြားမှာ သံယောဇဉ် တွယ်လာကြတယ်။ သူတို့ရဲ့အချစ်ဇာတ်လမ်းကို အတက်အကျကြီးတွေထက် ပေါ့ပေါ့ပါးပါးနဲ့ အေးအေးဆေးဆေး ပြထားတဲ့ ၂၀၁၂ ခုနှစ်ထွက် ဆယ်ကျော်သက် အချစ်ဟာသကားပါ။ ဒေးဗစ်အဖြစ် Dylan O'Brien နဲ့ အော်ဘရီအဖြစ် Britt Robertson တို့ ပါဝင်ထားပါတယ်။ Dylan O'Brien ကို The Maze Runner နဲ့ Teen Wolf တို့မှာ တွေ့ဖူးနိုင်သလို Britt Robertson ကလည်း The Longest Ride နဲ့ Tomorrowland တို့မှာ အဓိကဇာတ်ဆောင်အဖြစ် ပါဝင်ဖူးသူပါ။

Submarine (2011) IMDb - 7.3 IMDb မှာ rating 7.3 ရရှိထားတဲ့ ဟာသ-ဒရာမာ အမျိုးအစား ရုပ်ရှင်ကားတစ်ကားဖြစ်တဲ့ Submarine ဇာတ်ကား နဲ့ မိတ်ဆက်ပေးချင်ပါတယ်။ ဒီဇာတ်လမ်းဟာဆိုရင် အရွယ်ရောက်လာပုံကို ဟာသဆန်ဆန်ပုံဖော်ထားပေးပြီး ဆယ်ကျော်သက်ဘဝရဲ့အတွေ့အကြုံတွေကို ထင်ဟပ်ပြထားနိုင်မှုကြောင့် ဝေဖန်သူတွေရဲ့ ချီးကျူးမှုတွေကိုပါ လက်ခံရရှိခဲ့ပါတယ်။ အရွယ်ရောက်ချိန်မှာ ကြုံတွေ့ရတတ်တဲ့ အချစ်ဇာတ်လမ်းနဲ့ မိသားစုရေးရာအကြောင်းတွေကိုပါ ထည့်သွင်းပြထားတဲ့အတွက် လက်တွေ့ဆန်မှုကိုပါခံစားနိုင်မှာဖြစ်ပါတယ်။ Oliver Tate ဆိုတဲ့ကောင်လေးတစ်ယောက် အရွယ်ရောက်ချိန်မှာ ဘာတွေကြုံတွေ့ရသလဲ...ဆယ်ကျော်သက်အတွေးတွေကရော ဘယ်လိုရှိလဲ...မိသားစုနဲ့ရော အခြေအနေဘယ်လိုလဲ...အချစ်ဇာတ်လမ်းကရော အဆင်ပြေပါ့မလား ဒါတွေအားလုံးကို Submarine ရုပ်ရှင်ထဲမှာ ဆက်လက်ခံစားနိုင်မှာဖြစ်ပါတယ်။ ကြည့်ရတာတန်တဲ့ ဇာတ်လမ်းကောင်းလေးတစ်ပုဒ်လို့ညွန်းပေးလိုက်ပါရစေ။ File Size - 3.28 GB/ 777 MB Quality - BluRay 1080p/ 720p Duration - 1:38:53 Format - mp4 Genre - Comedy, Drama, Romance Subtitle - Myanmar Subtitle (Hard Sub) Translated by - Theint Waddy Lynn Encoded by - Treasure Htet

၂၀၁၁ က ထွက်ရှိခဲ့တဲ့ ၂နာရီကြာ ရုပ်ရှင်ကို Cary Fukunaga ရိုက်ကူးခဲ့ပြီး အဓိကဇာတ်ဆောင်အနေနဲ့ Alice in Wonderland မင်းသမီးဖြစ်တဲ့ Mia Wasikowskaနဲ့ မင်းသား Michael Fassbenderတို့ သရုပ်ဆောင်ထားပါတယ်။ ဗြိတိန်လူမျိုး စာရေးဆရာမ Charlotte Bronteရဲ့ ဝတ္ထုကို မှီငြမ်းပြီး ရိုက်ကူးထားတာဖြစ်ပါတယ်။ ဒီဝတ္ထုကို ပြန်ပြီး ရိုက်ကူးထားတဲ့ ရုပ်ရှင်တွေထဲမှာ ဒီဇာတ်ကားက စာအုပ်ရဲ့အလွမ်းအဆွေးmoodကို အမိအရပုံဖော်နိုင်လို့အအောင်မြင်ဆုံးရုပ်ရှင်ဖြစ်ပါတယ်။ ဇာတ်လမ်းအစကို Jane Eyreဟာ မျက်ရည်တွေနဲ့ Thornfield Hallကနေ ထွက်ပြေးခဲ့ပြီး အိမ်တစ်အိမ်ရဲ့ တံခါးဝမှာ မေ့မြောလဲသွားခဲ့တာကနေ စထားပါတယ်။Janeရဲ့ ငယ်ဘဝမှာ သူမရဲ့ အဒေါ်နဲ့ အစ်ကိုဝမ်းကွဲဖြစ်သူဆီကနေ အနိုင်ကျင့် နှိပ်စက်ဒဏ်ကို ခံခဲ့ရပါတယ်။ သူမရဲ့အဒေါ်က Lowood Schoolကို ပို့လိုက်စဥ်မှာလည်း စည်းကမ်းတင်းကြပ်လှတဲ့ကျောင်းမှာ ရှင်သန်ရပ်တည်ဖို့ ကြိုးစားခဲ့ရပါတယ်။Janeက စိတ်ဓာတ်ပြင်းထန်ပြီး မတရားမှုအပေါ်လည်း စိတ်ထဲရှိတဲ့အတိုင်း ပြောတတ်ဆိုတတ်တာကြောင့် သူ့ဘဝက အရွယ်ရောက်တဲ့အထိအထီးကျန်စွာ ဖြတ်သန်းခဲ့ရပါတယ်။ ကျောင်းကနေ ထွက်လာပြီး Thornfield Hallဆိုတဲ့ အိမ်ကြီးမှာ Mr. Rochester ဆိုသူရဲ့ အုပ်ထိန်းခံပြင်သစ်ကလေးမလေးကို စာသင်ကြားပေးရတဲ့ ဆရာမအနေနဲ့ ဝင်ရောက်လုပ်ကိုင်ခဲ့ပါတယ်။ Mr. Rochesterရဲ့ ပုံစံအရ မာနကြီးပြီး တော်ရုံလူကိုတန်းတူညီမျှ သဘောမထားတတ်တဲ့သူက Jane နဲ့ တွေ့ပြီးနောက်မှာ နူးညံ့ပျော့ပြောင်းတဲ့အသွင်ပြောင်းလဲလာခဲ့ပါတယ်။ ဒါပေမယ့်လည်း သူ့မှာ လူသိမခံတဲ့ လျှို့ဝှက်ချက်တစ်ခုရှိပါတယ်။ အဲ့ဒါကို Jane သိသွားတဲ့ အခါမှာ ဘာဆက်ဖြစ်မလဲ Janeကရော ဘာဖြစ်လို့ထွက်ပြေးလာတာလဲ Jane ထွက်ပြေးလာတဲ့နေရာအသစ်ကရော ဘယ်လိုပုံစံမျိုးလဲ ရုပ်ရှင်ကားက ဆက်ပြောပြသွားမှာပါ။ Pride & Prejudice နဲ့ romanceက နည်းနည်းလေးဆင်သလိုလို ရှိပြီးတော့ သူ့ပုံစံနဲ့ သူ ခံစားကြည့်ရှုလို့ကောင်းတဲ့ကားပါ။ File size…(2.3 GB)/(1.08 GB) Quality…. 1080p / 720p Format…mp4 Duration….02:00:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Hsu Hlyun