Dave Davis ပါဝင်သော ဇာတ်ကားများ

Hazard (2024) IMDb Rating (7.2) / Rotten Tomatoes (90%) ဘဝမှာ အကြိမ်ကြိမ်ပြိုလဲပြီး ပြန်ထနိုင်သူတွေဟာ သူရဲကောင်းတွေဆိုရင် ချောက်ကမ်းပါးထက်နက်တဲ့ မူးယစ်ဆေးသံသရာကနေ လွတ်မြောက်ဖို့ ကြိုးစားရုန်းကန်နေသူတွေဟာလည်း ချီးကျူးထိုက်သင့်သူတွေပါပဲ။ ဒီ Hazard ဆိုတဲ့ ရုပ်ရှင်မှာ Sara နဲ့ Will တို့ဟာ သူတို့သားလေး Morgan အတွက် မူးယစ်ဆေးနွံထဲက လွတ်မြောက်အောင် ရုန်းကန်ကြပုံကို ပုံဖော်ရိုက်ကူးထားတာပါ။ Sara က ဆေးဖြတ်ထားတာ တစ်နှစ်ကျော်နေပြီး သားဖြစ်သူ Morgan ကို သန့်ရှင်းရေးအလုပ် လုပ်ပြီး တစ်ကိုယ်တည်း ထိန်းကျောင်းနေတာပါ။ Will ကတော့ သားနဲ့ အမျိုးသမီးဖြစ်သူဆီ မကြာခဏ လာလည်ပါတယ်။ သူကိုယ်တိုင်ကတော့ ဆေးအရောင်းအဝယ်လုပ်ရင်း တစ်ရက်မှာ ဆယ်ကျော်သက် မိန်းကလေးတစ်ယောက်ကို ဆေးရောင်းမိသွားပါတယ်။ အဲ့ဒီမိန်းကလေး ဆေးလွန်ပြီး သေဆုံးသွားတဲ့အခါ Sara ရဲ့ အစ်ကိုဖြစ်သူ ရဲမှူး John က အမှုနောက်ကြောင်းကို စုံစမ်းစစ်ဆေးပါတော့တယ်။ ဘာတွေဆက်ဖြစ်မလဲဆိုတာကတော့ ရုပ်ရှင်ထဲမှာ ဆက်လက်ရှုစားပေးပါ။ File size… (2.6 GB) / (900 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:28:47 Subtitle…. Myanmar Subtitle (Hardsub)

ဒီ Resurrected ဆိုတဲ့ ဇာတ်ကားလေးကတော့ နာမည်အတိုင်းပဲ လူတွေကိုပြန်အသက်သွင်းတဲ့ အကြောင်းအပေါ် ဇာတ်အိမ်တည်ပြီးတော့ ရိုက်ကူးထားတာပါ။ ဒီဇာတ်ကားလေးမှာဆိုရင်တော့ The Walking Dead နဲ့ Logan ဇာတ်ကားမှာ ပါဝင်သရုပ်ဆောင်ဖူးတဲ့ မင်းသား Dave Davis ကနေ ဇာတ်ဆောင်အဖြစ်ပါဝင်သရုပ်ဆောင်ထားပြီးတော့ ၂၀၁၉ နဲ့ ၂၀၂၀ မှာထွက်ထားတဲ့ Manifest နဲ့ Dynasty ဆိုတဲ့ ဇာတ်လမ်းတွဲတွေမှာ ပါဝင်ခဲ့တဲ့ မင်းသမီးချော Erika Chase ကနေပြီးတော့ ပါဝင်အားဖြည့်ပေးထားပါတယ်။ ဒီဇာတ်ကားရဲ့ ဇာတ်လမ်းကတော့ သိပ်မကွာတော့တဲ့ အနာဂတ်ကာလတစ်ခုမှာ ဗာတီကန်ကလူတွေဟာ သေလူတွေကို သေရာကနေပြန်ရှင်လာအောင် အသက်သွင်းတဲ့နည်းလမ်းကို ရှာဖွေတွေ့ရှိသွားတဲ့အကြောင်းပါ။ တစ်ဖက်မှာလည်း အဲ့အချိန်ကာလအတွင်းမှာပဲ မင်းသားကြီး Dave Davis ရဲ့ ဇာတ်ကောင်ဖြစ်တဲ့ စတန်လေမာတင်ဆိုသူရဲ့ သားဟာလည်း မတော်တဆမှုအကြောင့် သေဆုံးသွားခဲ့ရပါတယ်။ ဒီလိုနဲ့ ဗာတီကန်ကလူတွေက စတန်လေမိသားစုရဲ့ အဖြစ်ဆိုးကိုအခွင့်ကောင်းယူပြီး သူတို့သားလေး နစ်ခ်ကိုလက်စ်ကို ပြန်အသက်သွင်းခဲ့ပါတော့တယ်။ ဒီလိုနဲ့ပဲ အချိန်အပိုင်းတစ်ခုကို ကျော်သွားတဲ့အခါမှာ အသက်ပြန်သွင်းတယ်ဆိုတဲ့ ကိစ္စဟာ Trend တစ်ခုလိုဖြစ်လာခဲ့ပြီး ခရစ်ယာန်ဂိုဏ်းတွေမှာ သေဆုံးပြီးတဲ့သူတွေကို ပြန်အသက်သွင်းဖို့လုပ်တာကလည်း တရားဝင်ကျင့်သုံးလာတဲ့ အစဉ်အလာတစ်ခုလိုဖြစ်လာခဲ့ပါတယ်။ ဒါပေမဲ့ ဒီ ပြန်အသက်သွင်းတယ်ဆိုတဲ့ ကိစ္စက သွေးရိုးသားရိုးကော ဟုတ်ရဲ့လား... ဒီလို သေဆုံးပြီးတော့ ပြန်အသက်သွင်းခံလိုက်ရတဲ့သူတွေရော ပုံမှန်လူတွေလိုပြန်ဖြစ်သွားတာပဲလား... ဗာတီကန်ရဲ့နောက်ကွယ်မှာ ဘယ်လိုရှုပ်ထွေးမှုတွေရှိနေမလဲဆိုတာကို ဒီဇာတ်ကားလေးမှာ သည်းထိတ်ရင်ဖို စိတ်ဝင်စားဖွယ် ရှုစားရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - Quality - 1080p, 720p Format - mp4 Duration - 2H 2Min Genre - Horror, Sci-Fi Subtitle - Myanmar Subtitle (Hardsub) Translated by Mark Encoded by Y

မုဆိုးတွေနဲ့ တိုက်ခိုက်ရင်း ဒဏ်ရာအပြင်းအထန်ရထားတဲ့ ဒရက်ကူလာဟာ စွမ်းအားပြန်ပြည့်လာဖို့ စောင့်ရင်း ခေတ်သစ်ကမ္ဘာမှာ ပုန်းခိုနေရပါတယ်။ သူစားသုံးဖို့ လူသားတွေကို ရှာပေးရသူကတော့ အမှုထမ်းရန်ဖီးပါ။ ဒါပေမဲ့ ရန်ဖီးက စိတ်ရင်းမဆိုးသူမို့ လူရှာပေးရတဲ့အခါ တတ်နိုင်သမျှ လူဆိုးတွေကိုပဲ ရွေးရှာပေးနေတယ်။ တစ်နေ့မှာ လူဆိုးဂိုဏ်းတစ်ခုရဲ့လက်ချက်နဲ့ သေတော့မယ့် ရဲမေတစ်ယောက်ကို ရန်ဖီး ကယ်တင်လိုက်ပါတယ်။ အဲဒီနောက် လူကောင်းတစ်ယောက်အဖြစ် နေချင်စိတ်ပေါက်လာပြီး ဒရက်ကူလာကို စွန့်ခွာလာတယ်။ ဒီကနေ ရဲတွေ၊ လူဆိုးတွေ၊ ဒရက်ကူလာနဲ့ သူ့အမှုထမ်းတို့ကြား ဘာတွေဆက်ဖြစ်လာမလဲဆိုတာ ဆက်ထားတဲ့ ထိတ်လန့်ဟာသဇာတ်ကားပါ။ ဒရက်ကူလာအဖြစ် နီကိုလက်ကေ့၊ ရန်ဖီးအဖြစ် နီကိုလက်ဟောက်နဲ့ ရဲမေ ရေဘက်ကာကွင်စီအဖြစ် အော်ကွာဖီနာတို့ ပါဝင်ထားပါတယ်။ ရန်ဖီးဆိုတဲ့နာမည်ကို ဒရက်ကူလာဝတ္ထုထဲက အမှုထမ်းရဲ့နာမည်အတိုင်း ယူထားပြီး ရေဘက်ကာကွင်စီရဲ့နာမည်ကလည်း အဲဒီဝတ္ထုထဲက အမေရိကန်ဇာတ်ကောင် Quincey P Morris ကို အမှတ်တရ ရည်ညွှန်းထားတာပါ။

၁၈၆၀ ပြည့်နှစ်တွေမှာ အမေရိကန်နိုင်ငံက လူမျိုးရေးဖိနှိပ်မှုနဲ့ ကျွန်စနစ်ကို ထောက်ခံသူတွေ၊ တိုက်ဖျက်လိုသူတွေ ထိပ်တိုက်တွေ့နေကြပါတယ်။ ဒီဖိနှိပ်မှုတွေကြားကနေ ရုန်းထွက်ဖို့ ကြိုးစားခဲ့တဲ့ လူမည်းကျွန် ပီတာရဲ့ ဖြစ်ရပ်မှန်မှတ်တမ်းကို အခြေခံပြီး Emancipation ကို ရိုက်ကူးထားတာပါ။ ပီတာအဖြစ် Will Smith သရုပ်ဆောင်ထားပြီး Ben Foster လည်း ပါဝင်ထားပါတယ်။ လူဝီစီယားနားက လူမည်းအလုပ်သမားစခန်းတစ်ခုမှာ ပီတာတို့ဟာ ဖိနှိပ်နှိပ်စက်မှုတွေကို ခံနေရတယ်။ သူတို့အလုပ်သမားတစ်စုက လူမည်းတပ် Native Guard ရှိရာ ဘေတန်ရုဂ်မြို့ဆီ ထွက်ပြေးဖို့ ကြိုးစားကြပါတယ်။ ဒါပေမယ့် စခန်းပတ်လည်မှာ နွံအိုင်တွေ ဝိုင်းနေပြီး ထွက်ပြေးသူတွေကို လိုက်ဖမ်းဖို့ မြင်းစီးမုဆိုးတွေနဲ့ အမဲလိုက်ခွေးတွေကလည်း အသင့်ရှိနေတယ်။ လွတ်မြောက်ဖို့ မလွယ်မှန်း သိပေမယ့် ပီတာတို့က အသက်ကိုရင်းပြီး စခန်းကနေ ထွက်ပြေးလာကြပါတယ်။ နောက်က လိုက်လာတဲ့ မုဆိုးတွေကို ရှောင်တိမ်းရသလို ရှေ့မှာလည်း နွံအိုင်တွေ၊ သားရဲတွေနဲ့ မမြင်နိုင်တဲ့ အန္တရာယ်တွေကြား အသက်ရှင်အောင် ရုန်းကန်ကြရတယ်။

Greyhound(2020) IMDb...7.2,,,Rotten....78% အချိန်ကား ဒုတိယ ကမ္ဘာစစ်ကာလ... ကပ္ပတိန် Ernest Krause  ဟာ Greyhound ဆိုတဲ့ escort warship ကြီးကို ဉီးဆောင်ပြီး North Atlantic ဒေသကို ြဖတ်သန်းဖို့ပြင်ဆင်ရတယ်..ဒီခရီးစဉ်မှာ သူဟာ မဟာမိတ်သင်္ဘော၃၇စီးကိုစောင့်ကြပ်ဦးစီးရတဲ့ကွန်မန်ဒါ... သူ့အပေါ်မှာ အသက်ပေါင်းများစွာ မူတည်နေတယ်....ဘာလို့ဆို ခရီးစဉ်မှာ ရန်သူ့ ဂျာမန် U-boatတွေ ရေငုတ်သဘေ်ာတွေဟာ သေမင်းတွေလို့ သူတို့ကိုဇီဝိန်ချွေဖို့စောင့်နေလို့ပါပဲ.... ခရီးစဉ်စကထဲက ရန်သူတွေဟာ Greyhound ကြီးနဲ့မဟာမိတ်သဘေ်ာတွေကို အမဲလိုက်သလို တဝုန်းဝုန်း စစ်မျက်နှာဖွင့်ပါတယ်...ကပ္ပတိန် Ernest Krause တစ်ယောက် ဘယ်လိုတွေရင်ဆိုင်သွားမလဲဆိုတာကိုတော့.... ဒီရုပ်ရှင်ကားကြီးဟာ C.S Foresterရဲ့ 1955 ခုနှစ်ကထုတ်ဝေတဲ့ The Good Shepherd ကိုအခြေခံထားပြီး Captain ရဲ့နေရာမှာတော့ အားလုံးရဲ့အချစ်တော်မင်းသားကြီး Tom Hanks က သရုပ်ဆောင်ထားပါတယ်... စစ်ပွဲရဲ့အလယ်မှာ ရရှိတဲ့ အချက်အလက်တွေမူတည်ပြီး စက္ကန့်ပိုင်းအတွင်း မှန်ကန်တဲ့ အမိန့်ကိုပေးဖို့က တကယ့်ကိုမလွယ်ပါဘူး...တစ်ချက်လောက်မှားလိုက်တာနဲ့ အားလုံးအသက်ပျောက်သွားတဲ့အပြင် သူစောင့်ရှောက်တဲ့ သဘေ်ာတွေလည်း အလွယ်တစ်ကူဆုံးရှုံးရမှာမို့ တာဝန်က ကြီးလွန်းလှပါတယ်....ဒီရုပ်ရှင်ဟာ battle scene တွေက ဇာတ်လမ်းစပြီးကို မကြာဘူး ဝုန်းဂျိန်းနဲ့ကိုတွယ်တာပါ...ကြည့်ရှုသူ ကိုယ်တိုင် ကပ္ပတိန် Ernest Krause  နေရာကိုရောက်သွားပြီး မွန်းကြတ်လာပါလိမ့်မယ်...ခံစားကြည့်ကြပါဉီး.... ဇာတ်လမ်းအညွှန်းနဲ့ဘာသာပြန်သူတွေကတော့ Hein That Naing နဲ့ Aye Mon Kyaw တို့ပဲဖြစ်ပါတယ်... File Size : (1.74GB) (900 MB) and (340 MB) Quality :WEB-DL 1080p 5.1CH, WEB-DL 720p Format…mp4 Duration…01:31:00 Genre : Action , Drama, History Subtitle : Myanmar Subtitle (Hard Sub) Translated by  Hein That Naing & Aye Mon Kyaw Encoded by Phyo Pyae

ဒီဇာတ်လမ်းလေးကတော့ Horror/ Thriller/Film Noir အမျိုးအစားဖြစ်ပါတယ်။ IMDB 5.7 ရထားပြီးတော့ ဒီဇာတ်လမ်းမှာ လူတွေရဲ့ လုပ်ရပ်ကြောင့် ဒီကမ္ဘာကြီးဘယ်လောက်ဆိုးရွားပျက်ဆီး ကပ်ဆိုက်နေပြီလဲ ဆိုတာကို စိတ်လှုပ်ရှားဖွယ်ရိုက်ကူးပေးထားတာဖြစ်ပါတယ်။ ဇာတ်လမ်းအကျဉ်းကတော့ မာခ့် ဆိုတဲ့ လူတစ်ယောက်ဟာ ကွာရှင်းပြီးသား သူ့မိန်းမနဲ့ ပြန်လည်ပေါင်းထုတ်ဖို့ သူ့မိန်းမကို သွားခေါ်တာကနေစပြီး သူတို့နှစ်ယောက် အတူတူ ခရီးထွက်လာကြတာဖြစ်ပါတယ်။ ဒါပေမဲ့ ကမ္ဘာကြီးမှာ အကြင်နာတရားတွေ ကိုယ်ချင်းစာမှုတွေ မရှိတော့တဲ့ လူ့သရဲတွေ များပြားလာတဲ့အခြေအနေနဲ့ အစာ ရှားပါးဘေးကပ်ဆိုက်နေလို့ လူလူချင်းပြန်စားနေကြရတဲ့အခြေအနေမှာ ခရီးတစ်ခုထွက်ဖို့ဆိုတာ အသက်ကို ဖက်နဲ့ ထုပ်ထားရသလိုပါပဲ။ အဲ့တော့ သူတို့နှစ်ယောက်ဟာ တကယ်ရော အချစ်ဆိုတဲ့အရာရှိသေးလို့ ပြန်လည် ပေါင်းထုတ်ကြတာလား သူတို့ကရော အဲ့ဒီ လူ့သရဲ လူမိုက်ဂိုဏ်းတွေ လက်ခုပ်ထဲကရေလိုပဲ သေသွားရမှာလား ဒါမှမဟုတ် ထွက်ပြေးလွတ်မြောက်နိုင်ပါ့မလားကို သဲထိတ်ရင်ဖို ဇာတ်လမ်းအဆုံးထိကြည့်ရမှာဖြစ်ပါတယ် (ဘာသာပြန်သူကတော့ Brilliant Star ပါ) File Size : (700 MB) Quality : AMZN WEB-DL 720p Running Time : 1hr 35min Format : Mp4 Genre : Horror, Thriller Subtitle : Myanmar Subtitle (Hard Sub) Source : 1080p.AMZN.WEBRip.DDP5.1.x264-NTG Translated by Brilliant Star Encoded by Thanhtike Zaw

Jeepers Creepers III ဟာဆိုရင်တော့ ယခင် Jeepers Creepers I နှင့် Jeepers Ceeper II တို့ရဲ့အဆက် ယခုနှစ်၂၀၁၇ကမှထွက်ထားတဲ့ Horror ဇာတ်ကားကောင်းလေးပါ။ ေ့ရှနှစ်ကားမှာအောင်မြင်မှုတွေရခဲ့ပြီး ပရိသတ်တွေကိုဖမ်းစားနိုင်ခဲ့တဲ့ Jeeper ကြီးကို နောက်ထပ် ၂၃နှစ်ပြည့်လို့ ပြန်လည်ရောက်ရှိလာတာကို တွေ့ရမှာပါ။ သူ့ရဲ့ဖြစ်စဉ်အတိုင်းပဲ ပြန်ရောက်လာတဲ့အချိန်ကစပြီး ၂၃ရက်တိုင်တိုင်သတ်ဖြတ် စားသောက် ပါတော့တယ်။လူသားတွေရဲ့ကြောက်စိတ်ကိုအနံ့ခံပြီး လိုက်လံသတ်ဖြတ်နေတဲ့သူ့ကို ယခုအခါမှာတော့ ပြန်လည်တိုက်ခိုက်မည့် လူ့အဖွဲ့အစည်းတွေပေါ်လာပါတယ်။ ဒီအပိုင်းမှာတော့ ေ့ရှနှစ်တွေမှာသူသောင်းကျန်းခဲ့တာတွေကို ပြန်လည် တန်ပြန်တိုက်ခိုက်ဖို့စီစဉ်ရင်း Jeeper ဆိုတဲ့အဲဒီသတ္တဝါကြီးရဲ့ လျို့ဝှက်ချက်တွေကိုသိလာပါတော့တယ်။တကယ်ကိုထိတ်လန့်စရာကောင်းပြီး ရင်တထိတ်ထိတ်နဲ့ကြည့်ရမည့်ကားပါပဲ။ယခုအပိုင်းမှာရက်စက်မှုအပေါင်းသရဖူဆောင်းခဲ့တဲ့ Jeeper ကြီးရဲ့လျို့ဝှက်ချက်ကိုပါ သိသွားတဲ့သူတွေရှိလာပြီဆိုတော့ ဇာတ်ရှိန်တက်လာပြီပဲဖြစ်ပါတယ်။ ဒီတော့ အဲဒီလျို့ဝှက်ချက်ဟာဘာလဲ၊အဲဒီသတ္တဝါကြီးကိုရော အဆုံးသတ်နိုင်ပါ့မလား၊လူသားတွေအနေနဲ့ တွန်းလှန်နိုင်ပါ့မလား။ဒါမှမဟုတ် ထင်သလောက်မလွယ်ကူဘဲ နောက်ထပ်၂၃နှစ်စောင့်လိုက်ရဦးမလား။ဘာတွေဆက်ဖြစ်လာဦးမလဲဆိုတာတော့ စိတ်ဝင်စားမှုအပြည့်နဲ့ ရင်တထိတ်ထိတ်ဆက်ကြည့်လိုက်ကြပါဦး…။ File size…(1.5 GB)/(840 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Thriller  Subtitle….Myanmar Subtitle (Hardsub) Encoder….Swan Min Htet Translated by Ye Yint

In the near future, a weary Logan cares for an ailing Professor X in a hideout on the Mexican border. But Logan's attempts to hide from the world and his legacy are upended when a young mutant arrives, pursued by dark forces. File size…(2.4 GB) and (1.3 GB) Quality…Blu-Ray Rip 1080p 5.1 Format…mp4 Duration….02:17:00 Subtitle….Myanmar Subtitle (Hardsub) Encoder….Nyeinsaeya Aung Translated by Thomas Wayne Jr.

Daddy's Home (2015) ပရိသတ်ကြီးရေ၊ အခုတစ်ခါမှာတော့ ပေါ့ပေါ့ပါးပါးနဲ့ ၊ ဟာသတွေ ရောစပ်ထားတဲ့ မိသားစုဟာသကား Daddy's Home (2015) ကို တင်ဆက်ပေးချင်ပါတယ်။ ဒီကားမှာတော့ ဟာသဘုရင် Will Ferrell နဲ့ အက်ရှင်မင်းသား Mark Wahlberg တို့ရဲ့ တွဲဖက်ညီညီ သရုပ်ဆောင်မှုတွေကို ရှုစားရမှာပဲ ဖြစ်ပါတယ်။ ဇာတ်လမ်း အကျဉ်းချုပ် ဇာတ်လမ်းက သိမ်မွေ့ပြီး စည်းကမ်းရှိတဲ့ ရေဒီယိုအမှုဆောင် Brad Whitaker (Will Ferrell) အကြောင်းပါ။ သူဟာ သူ့ရဲ့ ဇနီး Sara (Linda Cardellini) နဲ့ သူမရဲ့ ကလေးနှစ်ယောက်ဖြစ်တဲ့ Megan နဲ့ Dylan တို့ကို အကောင်းဆုံး ပထွေးတစ်ယောက်အနေနဲ့ ပြုစုစောင့်ရှောက်နေပါတယ်။ ကလေးတွေနဲ့ သူ့ရဲ့ ဆက်ဆံရေး တဖြည်းဖြည်း ကောင်းမွန်လာချိန်မှာပဲ၊ ကလေးတွေရဲ့ အဖေအရင်းဖြစ်သူ Dusty Mayron (Mark Wahlberg) ရုတ်တရက် ရောက်လာပါတော့တယ်။ Dusty ဟာ လွတ်လပ်ပေါ့ပါးတဲ့ အမိုက်စား ဆိုင်ကယ်စီးသူ တစ်ယောက် ဖြစ်ပြီး၊ Brad ရဲ့ စည်းကမ်းတင်းကျပ်တဲ့ အဖေပုံစံနဲ့ လုံးဝ ဆန့်ကျင်ဘက်ပါ။ ကလေးတွေရဲ့ အဖေအစစ်ဖြစ်တဲ့ Dusty ရောက်လာတဲ့အခါ၊ Brad ဟာ ကလေးတွေရဲ့ အာရုံစိုက်မှုကို ပြန်ရဖို့အတွက် Dusty နဲ့ ပြိုင်ဆိုင်မှုတွေ၊ တစ်ယောက်ကိုတစ်ယောက် အနိုင်ယူဖို့ ကြိုးစားမှုတွေ ဆက်တိုက် ဖြစ်လာပါတော့တယ်။ ဒီအဖေနှစ်ယောက်ဟာ ကလေးတွေရဲ့ ချစ်ခင်မှုကို ရရှိဖို့အတွက် အလွဲလွဲအချော်ချော်တွေ၊ ရှက်စရာကောင်းတဲ့ အခြေအနေတွေနဲ့ ရင်ဆိုင်ရပြီး၊ ဒီပြိုင်ဆိုင်မှုတွေက ဘယ်လို အဆုံးသတ်သွားမလဲဆိုတာကို ရယ်မောရင်း ကြည့်ရှုရမှာ ဖြစ်ပါတယ်။ File Size - 944 MB/ 1.83 GB Quality - BluRay 1080p/ 720p Duration - 1h 36m Format - mp4 Genre - Comedy Subtitle - Myanmar Subtitle (Hard Sub)

ဒီဇာတ်လမ်းလေးမှာတော့ မိသားစုတစုဟာ စိတ်အပန်းဖြေရာ နေရာတခုဖြစ်တဲ့ Ozark ဆိုတဲ့ သစ်ပင်တောတောင်တွေ ကန်တွေချောင်းတွေနဲ့ နေရာတခုကို အပန်းဖြေခရီးထွက်လာခဲ့ကြပါတယ်။ ဒါပေမယ့် မထင်မှတ်စွာနဲ့ပဲ ကံဆိုးမိုးမှောင်ကျကာ စိတ်ခြောက်ခြားစရာ သွေးစွန်းတဲ့ ခရီးဖြစ်လာခဲ့ပါတယ်။ ပင်လယ်ထဲကနေ ရေချိုဒေသ ကန်ထဲကို ပြောင်းလာခဲ့ကြတဲ့ ငါးမန်းတွေဟာ သောင်းကျန်းနေကြရာကနေ မိသားစုလေး ဘယ်လို ဒုက္ခရောက်ရသလဲ။ သူတို့ ဒီဒုက္ခတွေကို ဘယ်လိုကျော်ဖြတ်မလဲဆိုတာကို စိတ်ဝင်စားဖွယ်ရာ ကြည့်ရမှာပဲ ဖြစ်ပါတယ် File Size :  2.1 GB, 1.3 GB Quality : Blu-Ray 1080p / 720p Running Time : 1hr 28min Format : Mp4 Genre : Adventure, Comedy, Drama Subtitle : Myanmar Subtitle (Hard Sub) Translated by : Dr Zac Encode by : Thit San Khant

The Big Short (2015) Won 1 Oscar... Another 37 wins & 80 nomination IMDb….7.8/10 Rotten….88% [Unicode] The Big Short စကားဦးသန်းချင်တာကတော့ ရုပ်ရှင်တစ်ကားကို ချဉ်းကပ်တဲ့အခါ အပျင်းပြေကျော်ကြည့်ချင်ရုံသက်သက်ဆို ဒီရုပ်ရှင်ကို လက်ရှောင်သင့်ပါတယ်။ ဘာတစ်ခုမှနားလည်လိုက်မှာ မဟုတ်ပါဘူး။ The Wolf of Wall Streetတို့ Moneyballတို့လိုကားတွေကြိုက်တယ်ဆိုရင်တော့ ဒီကားက ခင်‌ဗျားအတွက်ပါပဲ။ ဒီရုပ်ရှင်ကို Brad Pittရဲ့ Plan B Productionက ထုတ်ထားပြီး Brad Pittကိုယ်တိုင်ပါတဲ့အပြင် Christiain Bale, Steve Carell,Ryan Glosingတို့ရဲ့ မှော်ဝင်မှုတွေလည်း ခမ်းနားပါတယ်။ Margot Robbieနဲ့ Selena Gomezတို့လည်း ဧည့်သည်သရုပ်ဆောင်အဖြစ်ပါပါတယ်။ Best adapted Screenplay awardနဲ့ အော်စကာရခဲ့ပြီး Baleရဲ့ Best supporting Acotrအပါအဝင် ဆန်ခါတင်လေးဆုဝင်ထားပါတယ်။ 2010မှာထွက်ခဲ့တဲ့ The Big Shortဆိုတဲ့ စာအုပ်ကို ရိုက်ထားတာပါ။ 2008တုန်းက Financial Crisis ဘဏ္ဍာရေးပျက်ကပ်တစ်ခု ဖြစ်ခဲ့တယ်။ အမေရိကန်သမိုင်းမှာ ဒီ့ထက်ကြီးတာဆိုလို့ ၁၉၃၀က Great Depression စီးပွားပျက်ကပ်ပဲကျန်ပါတယ်။ ကျောက်တုံးကို တူနဲ့ထုခွဲရင် ကျောက်တုံးကွဲတာ နောက်ဆုံးထုချက်ကြောင့်သက်သက်မဟုတ်ပါဘူး။ အရှေ့က အားစိုက်မှုတွေပါပါတယ်။ဒီဖြစ်ရပ်က ၂၀၀၈မှာ ဖြစ်ခဲ့တယ်ဆိုပေမယ့် ဘယ်အဖြစ်အပျက်ကမှ ဝုန်းခနဲကျကွဲသွားမတတ်ပါဘူး။ ၂၀၀၅ကတည်းက ဘွန်းတွေရဲ့ ယိုယွင်းမှု အခြေအနေကို ဆရာဝန်လောကက အနားယူပြီး စီးပွားရေးလောက ရောက်နေတဲ့ ဒေါက်တာ ဘာရီ(Blae)က သတိထားမိပြီး ပြောပြခဲ့ပါတယ်။ ရုပ်ရှင်ရဲ့ အစမှာ ပြောထားတဲ့ စကားလေးလိုပါပဲ ကျွန်တော်တို့ကို အကျပ်အတည်းရိုက်စေတာက ကျွန်တော်တို့ မသိတဲ့အရာတွေမဟုတ်ပါဘူး။ ကျွန်တော်တို့ သိတယ်ထင်ပြီး မပြောင်းလဲဘူး ထင်ထားတဲ့အရာတွေကပါ။ အငြိမ်ဆုံးဈေးကွက်ဖြစ်တဲ့ အိမ်ခြံမြေဈေးကွက်ကို ပျက်စီးမယ်ပြောတဲ့ ဘာရီရဲ့ စကားကို ဘယ်သူမှ မယုံကြည်ခဲ့ကြပါဘူး။ ဒီတော့ ဒေါက်တာ ဘာရီက သူ့ယုံကြည်ချက်အတိုင်း အိမ်အရောင်းအဝယ်ဈေးကွက်ကို ပြိုင်ပြီး အိမ်အရောင်းအဝယ်ဈေးကွက်ပျက်မယ့်ဘက်က လောင်းလိုက်ပါတယ်။ မိုက်ကယ်ဘာရီစာတမ်းကို သိတဲ့ ဂျရတ် ဗန်းနတ်(Ryan Glosing)ကနေ ဆက်စပ်မိရာက မတ်ဘန်း(Steve Carell)နဲ့ ဘန် ရစ်ချက်(Brad Pitt)နဲ့ တက်သစ်စ စတော့ကစားသမားလေးနှစ်ယောက်လည်း ဒီအလောင်းအစားမှာ ပါလာပါတယ်။ 2008မှာတော့ Michael Burryမှန်သွားပြီး ဘဏ္ဍာရေးပျက်ကပ် financial crisisဖြစ်ခဲ့တယ်။ မတ်ဘန်းပြောတဲ့စကားနဲ့ပြောရမယ်ဆိုရင် ဒီအဖြစ်အပျက်မှာ သူတို့မှန်သွားတာဟာ ပျော်စရာမကောင်းလှပါဘူး။။ဘာလို့ဆို လူရှစ်သန်းလောက်က အလုပ်လက်မဲ့ဖြစ်ခဲ့ကြပြီး ၆သန်းလောက်က အိမ်ခြေရာမဲ့ဖြစ်ခဲ့ကြပါတယ်။ ဒေါ်လာ ငါးထရီလီယမ်( သန်းတစ်သန်း) ဆုံးရှုံးသွားပါတယ်။ ငါးရဲ့နောက်မှာ သုညဆယ့်နှစ်လုံး ရှိပါတယ်။ စတော့လောက ဘွန်းလောကဟာ အလျော်အစားကြီးပါတယ်။ ဒါပေမယ့် တကယ်တမ်း နစ်နာမှုကြီးသူတွေကတော့ ဘဏ်တွေရဲ့ ဘွန်းတွေနဲ့ တိုက်ရိုက်သွယ်ဝိုက်ချိတ်ဆက်မိနေကြ သူတွေပါပဲ။ လူတိုင်းနီးပါး ငွေလိုချင်ကြပါတယ်။ ရှိထိုက်တဲ့လောဘနဲ့ မရှိရင်တော့ ခင်ဗျားတို့အတွက် လမ်းဆုံးကြီးက ငုတ်တုတ်စောင့်နေပါတယ်။ ဒီရုပ်ရှင်မှာ ခင်ဗျားတို့ နားမလည်လောက်မယ့် Wall Streetအသုံးတွေပါပါတယ်။စိတ်မပူပါနဲ့ ဒါရိုက်တာက Margot Robbieတို့ Selena Gomezတို့လို စကီချောချောလေးတွေကို အပြင်လောကက ပညာရှင်တွေနဲ့အတူတွဲ Fourth Wallချိုး ရှင်းပြပေးထားပါတယ်။ စာကြွင်းပြောရရင် လောလောလတ်လတ်မှာလည်း ကိုရိုနာကြောင့် စတော့တွေထုတ်ရောင်းနေပြီး ဒေါ်လာနဲ့ရွှေ အဝယ်များနေတဲ့အတွက် ထပ်ဖြစ်နိုင်ချေရှိတယ် ဆိုပါတယ်။ ( အညွှန်းနဲ့ဘာသာပြန်သူကတော့WiRa Aung ဖြစ်ပါတယ် ) File size__( 1.16 GB ) Quality__Blu-720p IMDb Rating__7.8/10 Format__mp4 Duration__02:10:06 Type__Biography, Comedy, Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ချမ်းသာတဲ့ စီးပွားရေးမန်နေဂျာ ဂျိမ်းစ်ကင်းဟာ ငွေကြေးအလွဲသုံးစားလုပ်မှု၊ လိမ်လည်မှုစတဲ့ စွဲချက်တွေနဲ့ ဖမ်းဆီးခံရပြီး ထောင်ဆယ်နှစ် ချမှတ်ခံလိုက်ရပါတယ်။ ထောင်မဝင်ခင် လိုအပ်တာတွေ ပြင်ဆင်ဖို့ ရက်သုံးဆယ်ရပေမယ့် ဂျိမ်းစ်ကတော့ ထောင်ထဲမှာ မိနစ်ပိုင်းတောင် ခံနိုင်မှာမဟုတ်ဘူးလို့ တွေးပြီး ယောင်ယောင်ချာချာ ဖြစ်နေတယ်။ အဲဒီအချိန်မှာ ဒါနဲလ်နဲ့ တွေ့ပြီး သူ့ကို ထောင်ထွက်လူမိုက်တစ်ယောက်လို့ အထင်မှားသွားပါတယ်။ တကယ်တော့ ဒါနဲလ်ဟာ ကားရပ်နားမှုအတွက် ဒဏ်ကြေးဖြတ်ပိုင်းတောင် မရဖူးတဲ့သူပါ။ ဒါကိုမသိတဲ့ ဂျိမ်းစ်က ထောင်ထဲမှာ အသက်ရှင်နေတတ်အောင် သင်ပေးဖို့ ဒါနဲလ်ကို ဆရာတင်လိုက်တဲ့အခါ နှစ်ယောက်သား အလွဲတွေနဲ့ ကြုံကြရတော့တယ်။ ဂျိမ်းစ်က တကယ်ပဲ ငွေလိမ်ခဲ့တာလား၊ နောက်ကွယ်မှာ ဘယ်သူတွေရှိနေသလဲဆိုတာလည်း ရှင်းရဦးမှာပါ။ ၂၀၁၅ ခုနှစ်ထွက် ဒီဟာသဇာတ်ကားမှာ Will Ferrell က ဂျိမ်းစ်ကင်းအဖြစ်၊ Kevin Hart က ဒါနဲလ်အဖြစ် သရုပ်ဆောင်ထားပါတယ်။ R-rated ဖြစ်ပြီး လူကြီးကြည့်အခန်းတချို့နဲ့ ကြမ်းတမ်းတဲ့စကားအသုံးအနှုန်းတွေ ပါဝင်ပါတယ်။

တစ်ချိန်တစ်ခါက ဟုန်းဟုန်းတောက်ကျော်ကြားခဲ့ပြီး အခုအချိန်မှာလည်း ပြန်လည်တွေ့မြင်နေရပြီဖြစ်တဲ့မင်းသားကြီး Nicolas Cage ရဲ့ ဇာတ်ကားဟောင်းလေးကို ပြန်လည်တင်ဆက်ပေးလိုက်ပါတယ်။ ဇာတ်ကားနာမည်ကတော့ Stolen ဖြစ်ပြီးတော့ သူ့ကိုအများဆုံးတွေ့ရတဲ့ ဇာတ်ရုပ်ဖြစ်တဲ့ ရာဇဝတ်သားတစ်ယောက်နေရာကနေ သရုပ်ဆောင်ထားတာကို တွေ့ရမှာပဲဖြစ်ပါတယ်။ ဒီထဲမှာတော့ ဝေလ်ဆိုတဲ့ဉာဏ်ကြီးရှင် သူခိုးတစ်ယောက်နေရာကနေ တွေ့ရမှာပဲဖြစ်ပါတယ်။ဇာတ်လမ်းအစမှာ ဘဏ်တစ်ခုထဲက ပိုက်ဆံတွေကို ခိုးယူပြီးထွက်ပြေးနေတာကို တွေ့ရမှာပါ။ဒါပေမယ့် အကြောင်းအရင်း တစ်ခုခုကြောင့် သူ့တွဲဖက်ဖြစ်သူ ဗင်းဆင့်နဲ့သဘောထားကွဲလွဲပြီး သူတစ်ယောက်တည်း ပိုက်ဆံတွေနဲ့ ကျန်ခဲ့ပြီးအဖမ်းခံလိုက်ရပါတော့တယ်။ ဒါပေမယ့် ထူးဆန်းတာက သူ့ကိုဖမ်းမိတဲ့အချိန်မှာ ပိုက်ဆံတွေကမရှိတော့ပါဘူး။ ဒီလိုနဲ့ ထောင်ရှစ်နှစ်ကျပြီး ပြန်ထွက်လာတဲ့အချိန်မှာတော့ သူ့ဘဝမှာ အချစ်ရဆုံးသူဖြစ်တဲ့ သူ့သမီးနဲ့သွားတွေ့ခဲ့ပါတယ်။ဒါပေမယ့် ခါးခါးသီးသီး ငြင်းလွှတ်ခံလိုက်ရလို့ လုပ်ဖော်ကိုင်ဖက်ဟောင်းတွေနဲ့ သွားတွေ့နေတဲ့အချိန်မှာ သူ့သမီးပြန်ပေးဆွဲခံလိုက်ရပြီး လွန်ခဲ့တဲ့ရှစ်နှစ်ကပိုက်ဆံတွေကို တောင်းပါတော့တယ်။ ဒီလိုနဲ့ ဝေလ်တစ်ယောက်သမီးကိုပြန်ရဖို့အတွက် ဘယ်လိုတွေရုန်းကန်ရမလဲ အဲ့ဒီပိုက်ဆံတွေကရော တကယ်တမ်းဘယ်ရောက်သွားလဲဆိုတာတွေအပြင် တခြားစိတ်ဝင်စားစရာ ဇာတ်လမ်းဇာတ်ကွက်တွေကိုလည်း ကြည့်ရမဲ့ ဇာတ်ကားဟောင်းထဲးကမှ ဇာတ်ကားကောင်း တစ်ကားပဲဖြစ်ပါတယ်။ File size…1.93 GB / 769MB Quality…Blu-Ray 1080p / 720p Format…mp4 Duration….1h 36m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Saw Lay