David Conrad ပါဝင်သော ဇာတ်ကားများ

ဗယ်လ်ဂျိန်းဟာ ခင်ပွန်းနဲ့ ကလေးတွေကို ဂရုစိုက်ပြီး အိမ်မှုကိစ္စတွေကိုလည်း သေသေချာချာ လုပ်ကိုင်တတ်တဲ့ အမျိုးသမီးတစ်ယောက်ပါ။ တစ်နေ့ ခင်ပွန်းအလုပ်သွားနေတုန်း ကလေးနှစ်ယောက်နဲ့ အိမ်မှာရှိနေတဲ့အချိန် သေနတ်ကိုင်ထားတဲ့ လူတစ်ယောက် ဝင်လာပြီး ပြဿနာရှာပါတော့တယ်။ ကလေးတွေ ဒုက္ခမရောက်စေချင်တဲ့ ဗယ်လ်ဟာ အဲဒီလူကို အိမ်ထဲက ထွက်သွားအောင် ကြိုးစားရတယ်။ ဒီလိုကြိုးစားရင်း သူ ဘာတွေထပ်ကြုံရမလဲ၊ သေနတ်သမားကရော ဘယ်လိုဘဝမျိုး ဖြတ်သန်းလာပြီး ဘာကြောင့် အခုလို လုပ်နေတာလဲဆိုတဲ့ မေးခွန်းတွေနဲ့ ဆက်သွားတဲ့ ဒရာမာ၊ သည်းထိတ်ရင်ဖိုဇာတ်ကားပါ။

Ghost Whisperer ဆိုတာ ၂၀၀၀ ပြည့်လွန်နှစ်တွေမှာ တကယ်ကို အောင်မြင်ခဲ့ပြီး CBS ရုပ်သံလိုင်းကနေ ၅ ရာသီ (Season 5) အထိ ထုတ်လွှင့်ခဲ့တဲ့ ကမ္ဘာကျော် Supernatural Drama / Fantasy စီးရီးကြီး ဖြစ်ပါတယ်။ သရဲကားလို့ ဆိုပေမဲ့ ကြောက်စရာကောင်းတာမျိုး စိတ္တဇဆန်တာမျိုးထက်"စိတ်ဒဏ်ရာတွေကို ကုစားပေးတာ၊ ချစ်ခြင်းမေတ္တာနဲ့ ခွင့်လွှတ်ခြင်း" ဆိုတာမျိုးကို အဓိက ပုံဖော်ထားတာကြောင့် ပရိသတ်တွေ ရင်ထဲမှာ အနွေးဓာတ်ပေးနိုင်ခဲ့တဲ့ ဂန္ထဝင် စီးရီးတစ်ခုပဲ ဖြစ်ပါတယ်။ ဇာတ်လမ်းရဲ့ အဓိက ဇာတ်ကောင်က Grandview မြို့လေးမှာ ရှေးဟောင်းပစ္စည်းဆိုင်လေး ဖွင့်ထားတဲ့ မယ်လင်ဒါ ဆိုတဲ့ အမျိုးသမီးလေးပဲ ဖြစ်ပါတယ်။ မယ်လင်ဒါက ငယ်စဉ်ကတည်းက သူ့ရဲ့ အဘွားဆီကနေ အမွေရရှိခဲ့တဲ့ ထူးဆန်းတဲ့ စွမ်းအားတစ်ခု ရှိပါတယ်။ အဲဒါကတော့ "မကျွတ်မလွတ်သေးတဲ့ ဝိညာဉ်တွေ သရဲတွေ နဲ့ စကားပြောနိုင်၊ ဆက်သွယ်နိုင်" ခြင်းပါပဲ။ ဒီဝိညာဉ်တွေဟာ လက်ရှိလူ့လောကမှာ မပြီးပြတ်သေးတဲ့ အလုပ်တွေ၊ ဖွင့်မပြောခဲ့ရတဲ့ လျှို့ဝှက်ချက်တွေ ဒါမှမဟုတ် ချစ်ရသူတွေဆီ ပေးချင်တဲ့ စကားပါးမရလို့ လူ့လောကနဲ့ တစ်ဖက်ကမ်း အလင်းတန်းဆီ မကူးပြောင်းနိုင်ဘဲ သောင်တင်နေကြသူတွေပေါ့။ မယ်လင်ဒါ ကတော့ အဲဒီဝိညာဉ်တွေနဲ့ သက်ရှိလူတွေကြားမှာ အလယ်ကနေ ပေါင်းကူးတံတားအဖြစ် ကူညီပေးရင်း သူတို့ရဲ့ စိတ်ဒဏ်ရာတွေကို ဖြေရှင်းပေးရတဲ့ ဇာတ်လမ်းဇာတ်အိမ်မျိုး ဖြစ်ပါတယ်။ သူက တစ်ပိုင်းကို ဇာတ်လမ်းတစ်ပုဒ်လိုမျိုးလေး‌တွေ ဖြစ်နေတော့ အပိုင်းတစ်ပိုင်းစီမှာ ဝိညာဉ်တစ်ကောင်ရဲ့ အဖြစ်အပျက်/ပဟေဠိကို မယ်လင်ဒါ က စုံထောက်တစ်ယောက်လို လိုက်လံစုံစမ်း ဖြေရှင်းပေးပြီး အဆုံးသတ်ကျမှဝိညာဉ်နဲ့ သူတို့ရဲ့ မိသားစု/ချစ်သူတွေ ပြန်လည် နားလည်မှုရသွားပြီး မျက်ရည်ကျစရာ၊ နွေးထွေးစရာကောင်းတာမျိုးလေးတွေပါ။ စကားကို အဆုံးသတ်ရတော့မယ်ဆိုရင်တော့ Ghost Whisperer က Supernatural တို့ The X-Files တို့လို အကြမ်းစား သရဲကား မဟုတ်ဘဲ၊ လူသားတွေကြားက သံယောဇဉ်၊ သေခြင်းတရားနဲ့ ခွင့်လွှတ်ခြင်းအကြောင်းကို အလှပဆုံး ပုံဖော်ထားတဲ့ ၂၀၀၀ ပြည့်လွန်နှစ်တွေရဲ့ ဂန္ထဝင် TV စီးရီးကောင်းတစ်ခု ဖြစ်တာကြောင့် လာရောက်ကြည့်ရှုအားပေးဖို့ ဖိတ်မန္တကပြုလိုက်ပါရစေဗျာ...။

ကွာရှင်းမှုတွေမှာ ကြားဝင်ညှိနှိုင်းပေးတဲ့အလုပ် လုပ်ကြတဲ့ ဂျွန်နဲ့ ဂျရဲမီဟာ ငယ်ပေါင်းကြီးဖော် သူငယ်ချင်းနှစ်ယောက်ပါ။ သူတို့နှစ်ယောက်ရဲ့ ဝါသနာကတော့ အဖိတ်မခံရတဲ့ မင်္ဂလာပွဲတွေကို လိုက်တက်ဖို့ပါပဲ။ ပွဲရှင်တွေအကြောင်း ကြိုစုံစမ်းပြီး သတို့သားရဲ့အသိလိုလို၊ သတို့သမီးဘက်က အမျိုးလိုလို ဇာတ်ကြောင်းတွေ ဖန်တီးကာ ဝင်ရောကြတယ်။ ပွဲမှာ အလကားစားသောက်ရင်း မျက်စိကျတဲ့ မိန်းကလေးတွေနဲ့ တစ်ညတာ ပျော်ပါးကြတာက သူတို့အတွက် အလေ့အထတစ်ခု ဖြစ်နေပါပြီ။ တစ်နေ့ ဘဏ္ဍာရေးဝန်ကြီးက သူ့သမီးရဲ့ မင်္ဂလာပွဲကို ကြေညာလိုက်တဲ့အခါ သူတို့နှစ်ယောက်လည်း အဆင့်မြင့်အသိုင်းအဝိုင်းက မိန်းကလေးတွေနဲ့ တွေ့ရတော့မယ်ဆိုပြီး ပွဲတက်လာကြတယ်။ ဒါပေမဲ့ ပွဲမှာ သတို့သမီးအရံအဖြစ် ပါလာတဲ့ ဝန်ကြီးသမီး ကလဲရာကို တွေ့ပြီး ဂျွန်တစ်ယောက် တကယ်ချစ်မိသွားပါတယ်။ ကိုယ့်အကြောင်းကို အစကတည်းက လိမ်ပြောထားတဲ့သူအတွက် ဒီတစ်ခါတော့ ခါတိုင်းလို ပျော်ပြီးပြန်ဖို့ မလွယ်တော့ဘူး။ ဂျရဲမီကလည်း ကလဲရာရဲ့ညီမ ဂလော်ရီရာနဲ့ တွေ့ဆုံသွားပြီး သူငယ်ချင်းနှစ်ယောက်ဟာ အဲဒီမိသားစုရဲ့ အပန်းဖြေအိမ်အထိ ပါသွားကြတယ်။ ဂျွန်နဲ့ ကလဲရာကြားက အချစ်ရေးဟာ သူဖန်တီးထားတဲ့ အလိမ်အညာတွေကြား ဘယ်လိုဆက်ဖြစ်မလဲ၊ ဂျရဲမီနဲ့ ဂလော်ရီရာတို့ကရော ဘာတွေကြုံကြမလဲဆိုတာကို အချစ်နဲ့ ဟာသ ရောယှက်တင်ပြထားပါတယ်။ ဂျွန်အဖြစ် Owen Wilson၊ ဂျရဲမီအဖြစ် Vince Vaughn တို့ သရုပ်ဆောင်ထားပြီး Christopher Walken နဲ့ Rachel McAdams တို့လည်း ပါဝင်ထားပါတယ်။

Men of Honor(2000) IMDb.....7.2 ကားနာမည်ကိုမြင်လိုက်ရုံနဲ့ ခင်ဗျားတို့ဟာ ဒီဇာတ်ကားရဲ့ အတိမ်အနက်ကို အနည်းငယ် ခန့်မှန်းမိလောက်မယ်ထင်မိပါရဲ့.... ဇာတ်ကားရဲ့နာမည်က လေးနက်သလို ဒီကားထဲက သရုပ်ဆောင်တွေ ဇာတ်လမ်းဇာတ်ကွက်တွေ စကားပြောတွေ ပေးချင်တဲ့ message တွေဟာလည်း ခမ်းနားလှပလွန်းပါတယ်.... ဒီကားက အမေရိကန် ရေတပ်မတော်မှာ ပထမဆုံးသော လူမည်းရေငုတ်သမားဘဝကို ဖိနှိပ်တားဆီးမှုကြားက ကြိုးစားခဲ့ရတဲ့ ကားလ်ဘရေးရှီးရှား Carl Brashear ရဲ့ ဘဝဖြစ်စဉ်ကို ရိုက်ပြထားတာဖြစ်ပါတယ်... ဒီကားထဲက မင်းသားကြီးတွေဖြစ်တဲ့ Robert De Niro နဲ့ Cuba Gooding Jr. တို့ကိုတော့ တော်တော်များများ သိကြမယ်ထင်ပါတယ်.... ဇာတ်လမ်းနဲ့ပတ်သက်ပြီး ကျွန်တေ်ာဒီလောက်ပဲပြောပြချင်တယ်... ဒီကားက ဟာသတွေ CGI နည်းပညာတွေ မျက်ရည်ချူကွက်တွေ ရိုဆန်ဆန်အမူအရာတွေ တစ်ခုမှ မပါပါဘူး... သို့ပေမဲ့  ခင်ဗျားဟာ ဇာတ်လမ်းအမျိုးအစားရွေးချယ်ကြည့်ရှုရာမှာ ဘယ်လောက်ပဲ ဇီဇာကြောင်နေနေ ... ဒီကားက ခြွင်းချက်ဖြစ်သွားလိမ့်မယ်လို့ ကျွန်တော် မဝံမရဲ အာမခံပေးလိုက်ပါ့မယ်...ခံစားကြည့်လိုက်ပါဦးဗျ.... File Size : 2.37GB/ 1.02GB Quality : Blu-Ray 1080p 5.1 CH/720p Format…mp4 Duration…02:09:00 Genre :Biography, Drama Subtitle : Myanmar Subtitle (Hard Sub) Translated by Thet Htet Oo Encoded by Tiff

Return to Paradise (1998) IMDb Rating (6.9) / Rotten Tomatoes (70%) ဒီဇာတ်ကားကတော့ အော်စကာဆုရှင်တစ်ဦးဖြစ်တဲ့ Joker မင်းသားကြီး Joaquin Phoenix နဲ့ နာမည်ကြီးဟာသမင်းသားတစ်ယောက်ဖြစ်တဲ့ Cince Vaughn တို့ ငယ်စဉ်တုန်းက ရိုက်ကူးခဲ့တဲ့ ရိုမန်တစ်ဆန်ဆန် ဒရာမာဇာတ်ကားတစ်ကားဖြစ်ပါတယ်။ 1998 တုန်းက ထွက်ရှိထားတယ်ဆိုပေမယ့် IMDB မှာ 6.9 အထိရထားတာမလို့ Oldie but Goodies ထဲပါတဲ့ ဇာတ်ကားတစ်ကားလို့ဆိုရမှာပါ။ ဇာတ်လမ်းအကျဉ်း ရှဲရက်ဖ်၊ လူးဝစ်နဲ့ တိုနီတို့ သုံးယောက်ဟာ လွန်ခဲ့တဲ့ ၁၀စုနှစ် တစ်ခုစာလောက်က အခုလက်ရှိ လူဖြူတွေလိုမျိုးပဲ ထိုင်းမှာခဏတာသွားပြီး ပျော်ပါးခဲ့ကြပါတယ်။ ထိုင်းရဲ့ tourist တွေကို ဆွဲဆောင်ချက်အလျောက် အမျိုးသမီးတွေ ဆေးခြောက်တွေကတော့ လူဖြူတွေကြားမှာ တမ်းတမ်းစွဲပါပဲ။ တစ်နေ့မှာတော့ ရှဲရက်ဖ်တို့ သူငယ်ချင်းသုံးယောက်ဟာ ဆေးခြောက်တွေကို စျေးတော်လို့ဆိုပြီး ဂရမ်အများကြီးဝယ်စုထားခဲ့ကြပါတယ်။ ဖြစ်ချင်တော့ သူတို့ရဲ့ မွေးရပ်မြေ အမေရိကကို ပြန်ချိန်ရောက်လာပေမယ့် ဆေးခြောက်ကို သုံးလို့မကုန်တဲ့အတွက် ထိုင်းတစ်ဝိုက်မှာပဲဆက်နေပြီး တောရိုင်းတိရစ္ဆာန်ကယ်ဆယ်ရေးလုပ်မယ့် တိုနီနဲ့ သူတို့ဝေါ်ကီးတွေကိုချန်ခဲ့လိုက်ပါတယ်။ ကံမကောင်းစွာနဲ့ဘဲ တစ်ချိန်ကထိုင်မှာရှိနေစဉ်ရှဲရက်ဖ်တစ်ယောက် စက်ဘီးငှားပြီး ငှားထားတဲ့ဟာကို လမ်းတစ်လျှောက်လုံးပြန်သယ်သွားရမှာစိုးပြီး လွှတ်ပစ်လိုက်တာကို အဲဒီပိုင်ရှင်က ရဲခေါ်ပြီး ရှဲရက်ဖ်တို့နေခဲ့တဲ့ တိုနီတစ်ယောက်ထဲပဲကျန်နေခဲ့တဲ့အိမ်ကို ရဲတွေခေါ်လာတဲ့အခါမှာ ဆေးခြောက်တွေအများကြီးကိုဖမ်းမိသွားပါတယ်။ အဲဒီတုန်းက ဆေးခြောက်တွေကိုဆိုတာ ထိုင်းမှာသုံးလို့ရပေမယ့် ဂရမ်အများကြီးဖြစ်နေရင် ရောင်းဝယ်ဖောက်ကားမှုပုဒ်မနဲ့ဖမ်းဆီးခံရတတ်ပါတယ်။ ဒီလိုနဲ့ တိုနီဟာ ထိုင်းရဲတွေရဲ့ဖမ်းဆီးခြင်းကို ခံရပြီး သူ့သူငယ်ချင်းတွေက ထိုင်းပြန်လာပြီး သူတို့အပြစ်ကို သူတို့အထိုက်အလျောက်လာမခံရင် တိုနီဟာ နောက်ဆုံးမှာ အကြီးဆုံးပစ်ဒဏ်နဲ့တရားစီရင်ခံရဖို့ဖြစ်လာခဲ့ပါတယ်။ ဒီလိုနဲ့ တစ်ချိန်က သူတို့အတွက် နတ်ပြည်ဖြစ်တဲ့ ထိုင်းနိုင်ငံဆီကို ရှဲရက်ဖ်နဲ့ လူးဝစ်တို့ ဘယ်လိုပြန်သွားကြမလဲဆိုတာ ဒီဇာတ်ကားထဲမှာ မြင်တွေ့ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (2.3 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Drama, Romance, Thriller Duration…. 01:53:05 Subtitle…. Myanmar Subtitle (Hardsub) Encoder…. Benjamin Translated by Mark