David House ပါဝင်သော ဇာတ်ကားများ

Shot Caller (2017) ဒီဇာတ်လမ်းလေးက ဒုစရိုက်ဂိုဏ်းသားတွေ ထောင်ထဲမှာ ဘယ်လိုခြယ်လှယ်နေတယ်ဆိုတာကို ပုံဖော်ထားတဲ့ Action ဇာတ်ကားလေးပါ။ ဇာတ်လမ်းအကျဉ်းလေးကတော့ လူတိုင်းက အားကျလောက်ရအောင် စီးပွားရေးလည်းအောင်မြင် မိသားစုပျော်ပျော်ရွှင်ရွှင်ရှိနေတဲ့ ဂျေကော့ လို့ခေါ်တဲ့လူတစ်ယောက် တစ်နေ့မှာတော့ ကံဆိုးပြီး ကားမတော်တဆဖြစ်ကာ ကားပေါ်ပါတဲ့ သူ့သူငယ်ချင်းသေသွားသလို တစ်ဖက်လူလည်း အပြင်းအထန် ထိခိုက်မိတဲ့အတွက် ထောင်ကျသွားပါတယ်။ အကုသိုလ် ကံဆိုးမှုတွေဟာ အဖော်အပေါင်းနဲ့လာတတ်တဲ့ဆိုတဲ့အတိုင်းပဲ ထောင်ကျသွားမှ ပိုပြီးတာ့ ကံဆိုးမိုးမှောင်ကျသွားပါတော့တယ်။ ထောင်ထဲမှာ ဒုစရိုက်သမားတွေရဲ့ ဖိနှိပ်ကွပ်ကဲမှုကို ခုခံဖို့ကြိုးစားရင်းနဲ့ သူကိုယ်တိုင်လည်း မဖြစ်ချင်ဘဲနဲ့ တဖြည်းဖြည်း လူဆိုးဂိုဏ်းဝင် တစ်ယောက်ဖြစ်လာပါတယ်။ ထောင်ကအထွက် လက်နက် မှောင်ခိုတစ်ခု ကွပ်ကဲဖို့အတွက် သူ့ မိသားစု အသက်အန္တရာယ်ကို ခြိမ်းခြောက်ပြီး စေခိုင်းခံလိုက်ရပါတယ်။ ဂျေကော့တစ်ယောက် ဘယ်လိုနည်းလမ်းတွေ ရှာကြံပြီး သူ့မိသားစုလည်း ဘေးအန္တရာယ်မရောက်အောင် လက်နက်မှောင်ခိုမှုကိုလည်း ဖော်ထုတ်နိုင်အောင် ရာဇဝင်လူဆိုးတွေကို ပညာသားပါပါ ဘယ်လိုရင်ဆိုင်သွားလဲဆိုတာ စောင့်ကြည့်ရမှာပါ။ အိမ်ထောင်ဦးစီး ဖခင်တစ်ယောက် ဒုက္ခအခက်အခဲတွေကို ကြံ့ကြံ့ခံ ရင်ဆိုင်ရင်း မိသားစုအတွက် ဘယ်လိုကာကွယ်သွားတယ်ဆိုတာကို ခံစားကြည့်ရှုလိုက်ပါဦးနော်။ File Size - 2.5 GB/ 1.2 GB Quality - BluRay 1080p/ 720p Duration - 2h Format - mp4 Genre - Crime, Drama, Thriller Subtitle - Myanmar Subtitle (Hard Sub)

ဒီဇာတ်ကားလေးကတော့ US$ သိန်း၃ဝဝလောက် အကုန်အကျခံပြီး ရိုက်ကူးထားတဲ့ ဇာတ်ကားလေးပါ။ ဇာတ်လမ်းအကျဉ်းလေးကတော့………………………………. ငယ်စဉ်ကတည်းက မားစ်ဂြိုဟ်ပေါ်ကို အလည်သက်သက်မဟုတ်ဘဲနဲ့ အခြေချနေထိုင်ချင်တဲ့စိတ်ကူးရှိတဲ့ လူငယ်လေးတစ်ယောက်ဟာ သူရဲ့ မဆုတ်မနစ်ကြိုးစားမှုကြောင့် နောက်နှစ်ပိုင်းများစွာမှာ မားစ်ပေါ်မှာ အခြေချနေထိုင်ဖို့အတွက် East Texas ဆိုတဲ့ ကိုလိုနီနယ်ပယ်ငယ်လေးတစ်ခုကို တည်ဆောက်နိုင်ခဲ့တဲ့ သိပ္ပံပညာရှင်ကြီးတစ်ယောက်ဖြစ်လာပါပြီ။ မားစ်ဂြိုဟ်ပေါ်ကို  ပထမဆုံးစွန့်ဦးတီထွင်သူတွေအဖြစ်နဲ့ သွားရောက်နေထိုင်မယ့်သူတွေကတော့ “ဆာရာအီလီရော့” ခေါ်တဲ့ အာကာသယာဉ်မှူး မိန်းမချောလေး ဦးဆောင်တဲ့ အာကာသယာဉ်မှူး ၆ဦးပါပဲ။ မားစ် ကိုခရီးနှင်နေတဲ့ ကာလအတွင်း ၂လခန့်မှာတော့ “ဆာရာအီလီရော့” မှာ ကိုယ်ဝန် နှစ်လခန့်ရှိနေတာကို မမျှော်လင့်ဘဲသိလိုက်ရပါတယ်။ ပထမဆုံးစွန့်ဦးတီထွင်သွားရောက်မှာဖြစ်ခြင်း နောက်လှည့်ဖို့ မဖြစ်နိုင်တဲ့အခြေအနေမှာ ကိုယ်ဝန်ကို အာကာသထဲမှာ ဆောင်ခဲ့ရတယ်။ မားစ်ရောက်ပြီး မကြာခင်မှာပဲ ကိုယ်ဝန်လစေ့လို့ မွေးဖွားရင်း သေဆုံးသွားခဲ့ပါတယ်။ ကလေးရဲ့ဖခင်ဟာ ဘယ်သူမှန်း ဘယ်သူမှ မသိခဲ့ပါဘူး။ ဒီကိစ္စဟာ အာကာသယာဉ်မှူးတစ်ဦးရဲ့ ဂုဏ်သိက္ခာ ၊ ကုမ္ပဏီကိုလည်း လူထုအမြင်စောင်းပြီး ပြိုကွဲသွားမှာစိုးရိမ်သလို သူတို့Project ဆက်လက်တည်မြဲဖို့အတွက် ဖုံးဖိပြီး လျှို့ဝှက်ထားလိုက်ကြပါတယ်။ ကလေးငယ်လေးကတော့ ကမ္ဘာထက် ဆွဲငင်အား ၃ ပုံ၂ပုံလျော့ကျတဲ့နေရာမှာ မွေးဖွားခဲ့တာမို့ ကမ္ဘာကို ပြန်ခေါ်လာဖို့ မဖြစ်နိုင်ပါဘူး။ ဒါကြောင့်မားစ်မှာပဲ သိပ္ပံပညာရှင်တွေက ပျိုးထောင်ခဲ့ရပါတယ်။ ဒီကလေးငယ်လေး ကြီးပြင်းလာတဲ့အခါမှာတော ့ကမ္ဘာဂြိုဟ်ကကောင်မလေးတစ်ယောက်နဲ့ အွန်လိုင်းပေါ်ကနေ သူငယ်ချင်းဖြစ်လာတဲ့အခါမှာတော့……………………………….. ဘာတွေဆက်ဖြစ်ကြမှာလဲ….သူ ကမ္ဘာဂြိုဟ်ကိုလာဖို့ ဘာတွေများလိုအပ်မှာလဲ ကမ္ဘာဂြိုဟ်မှာရော သူ အသက်ရှင်နို်င်ဖို့ ဖြစ်နိုင်ပါ့မလား….. မားစ်ဂြိုဟ်မှာမွေးဖွားခဲ့တဲ့ ပထမဆုံးလူသားတစ်ဦးရဲ့ အမြင်မှာ ကမ္ဘာဂြိုဟ်က တန်ဖိုးထားစရာကောင်းလား ပျော်ရွင်စရာရှိရဲ့လား…… ကမ္ဘာကလူတွေက မားစ်ဂြိုဟ်ကို သွားချင်နေချိန်မှာ မားစ်ဂြိုဟ်ကကောင်လေးတစ်ယောက်ကရော အဲဒီဂြိုဟ်မှာ နေချင်ရဲ့လား…………… စတာတွေကို ဇာတ်လမ်းထဲမှာ  ရှုသပ်ရှုမောဖွယ်ကောင်းတဲ့ ရှုခင်းအလှအပများကို ခံစားရင်းဆက်လက်ရှုစားလိုက်ကြပါ။ Quality…..BluRay 1080p Duration......2:00:00 Format…Mp4 File Size…(865 MB , 551 MB ) Encoder…..Moe Myint lwin

Maze Runner: The Scorch Trials (2015) IMDb.....6.3 အားလုံးပဲစောင့်မျှော်နေကြတဲ့ Maze Runner 2 လာပါပြီ.. ဒီ Maze Runner 2 မှာတော့ သောမတ်စ် ဆိုတဲ့ကောင်လေးကို WCKD အဖွဲ့က အဖွဲ့ဝင်တွေ ခေါ်ဆောင်သွားတာနဲ့ အစပျိုးထားပါတယ်... နှစ်တွေကြာလာတဲ့ အချိန်မှာတော့ သောမတ်စ်နဲ့အတူ ကျန်ရှိနေသေးတဲ့ ဂလိတ် အဖွဲ့ဝင်တွေကို မစ္စတာ ဂျန်ဆန်က ကယ်တင်ခဲ့တယ်.. သူကတော့ WCKD အဖွဲ့ဝင်တွေရဲ့ ရန်ကနေ ကယ်တင်ပေးဖို့လို့ ပြောပေမဲ့ သောမတ်စ်က မသင်္ကာလို့ စုံစမ်းလာတဲ့ အခါမှာတော့ မစ္စတာ ဂျန်ဆန်ကလည်း WCKD အဖွဲ့နဲ့ ပူးပေါင်းလုပ်ကိုင်နေတယ်ဆိုတာကို သူ သိလာခဲ့ရပါတယ်.. ဒီနောက်ပိုင်းမှာတော့ သူတို့တွေ ဘယ်လိုကြိုးစားရုန်းကန်ကြမလဲဆိုတာကိုတော့ ရုပ်ရှင်ထဲမှာ ဆက်လက်ရှုစားလိုက်ပါဦး.. (ဇာတ်ကားအညွန်းရေးသူကတော့ Carey Nyein ပဲဖြစ်ပါတယ်) File Size : 1.89GB/ 980MB Quality : Blu-Ray 1080p 5.1 CH/720p Format…mp4 Duration…02:12:00 Genre : Action, Mystery, Sci-Fi Subtitle : Myanmar Subtitle (Hard Sub) Translated by  ကျော်ကျော် (CU-Mdy) Encoded by Tiff

ဂြိုဟ်သားတွေက ကမ္ဘာကို ကျူးကျော်လာပေမယ့် လက်နက်တွေနဲ့ တိုက်ခိုက်ကြတာ မဟုတ်ပါဘူး။ လူတွေရဲ့ခန္ဓာကိုယ်ကို အပိုင်စီးပြီး လူသားတွေအဖြစ်ပဲ ဆက်နေထိုင်ကြတာပါ။ ခန္ဓာကိုယ်တင်မကဘဲ ဦးနှောက်နဲ့ မှတ်ဉာဏ်တွေကိုပါ သိမ်းယူဖျက်ဆီးကြတဲ့အတွက် ပြန်လည်တွန်းလှန်ဖို့လည်း မလွယ်ကူဘူး။ ခုခံသူတွေကိုတော့ သတ်ပစ်ကြပါတယ်။ အဲဒီလို ခုခံနေသူတွေထဲမှာ မယ်လနီဆိုတဲ့ မိန်းကလေးလည်း ပါဝင်တယ်။ တစ်နေ့မှာ သူ့ခန္ဓာကိုယ်ကိုပါ ဂြိုဟ်သားတစ်ဦးက အပိုင်စီးလိုက်တဲ့အခါ မယ်လနီ ဘာဆက်ကြုံရမလဲ။ Saoirse Ronan ပါဝင်သရုပ်ဆောင်ထားတဲ့ သိပ္ပံအက်ရှင်ရုပ်ရှင်ပါ။

တစ်ချိန်က အယ်လ်အေပီဒီရဲ့ မူးယစ်ရဲတပ်ဖွဲ့မှာ ပါဝင်ခဲ့တဲ့သူတစ်ယောက်ဟာ ငါးနှစ်ကြာပြီးနောက် ဆွန်မာတန်ဆိုတဲ့ နယ်စပ်မြို့လေးမှာ နယ်ထိန်းအဖြစ် အေးအေးချမ်းချမ်း နေထိုင်နေပါတယ်။ အာနိုးသရုပ်ဆောင်ထားတဲ့ ဒီနယ်ထိန်းရဲ့ဘဝက ဒုစရိုက်သမား ဂါဘရီယယ်ကောတက်စ် ထွက်ပြေးလာချိန်မှာ ပြောင်းလဲသွားတော့တယ်။ ကောတက်စ်ဟာ အက်ဖ်ဘီအိုင်လက်ထဲကနေ လွတ်လာပြီး သူ့အဖွဲ့သားတွေနဲ့အတူ ဆွန်မာတန်ဘက်ကို ဦးတည်လာနေပါတယ်။ နယ်ထိန်းလည်း အေးအေးဆေးဆေးနေလို့ မရတော့ဘဲ သူတို့ကို တားဆီးဖို့ ကြိုးစားရတော့တယ်။ တစ်ဖက်မှာ လက်နက်အပြည့်အစုံနဲ့ လူအင်အားများတဲ့အဖွဲ့ရှိနေပြီး ဒီဘက်မှာတော့ နယ်ထိန်းရဲအနည်းငယ်ပဲ ရှိပါတယ်။ ဒီလူနည်းစုနဲ့ ကောတက်စ်တို့ကို ဘယ်လိုတားဆီးကြမလဲဆိုတာ ဇာတ်လမ်းမှာ ဆက်ပြထားပါတယ်။ ဒီကားဟာ ကိုရီးယားဒါရိုက်တာ Kim Jee Woon ရဲ့ ပထမဆုံးအမေရိကန်ရုပ်ရှင်ဖြစ်ပြီး အာနိုးအတွက်လည်း Terminator 3 နောက်ပိုင်း အဓိကဇာတ်ဆောင်အဖြစ် ပြန်ပါဝင်လာတဲ့ကားပါ။

CM ပရိတ်သတ်အတွက် ဒီတခေါက်တင်ဆက်ပေးချင်တဲ့ ဇာတ်လမ်းကတော့ "Paul" ဖြစ်ပါတယ်... ဒီဇာတ်လမ်းကတော့ 2011 က ထွက်ရှိခဲ့တာဖြစ်ပါတယ်... လူတိုင်းမှာ ဝါသနာအမျိုးမျိုးရှိပါတယ်.. သီချင်းဆိုတာစိတ်ဝင်စားတာ.. ကွန်ပြူတာစိတ်ဝင်စားတာ...စသဖြင့် ဝါသနာကိုယ်စီရှိကြပါတယ်... ကလိုက်ဗ် နဲ့ ဂရမ်းဆိုတဲ့ သူငယ်ချင်းနှစ်ယောက်ကတော့ ဂြိုဟ်သားရှိတာကိုယုံကြည်ပြီး ဂြိုဟ်တွေအကြောင်းကို စိတ်ဝင်စားကြပါတယ်.. ဝါသနာတူသူငယ်ချင်းနှစ်ယောက်အမေရိကန်မှာကျင်းပတဲ့ သိပ္ပံရုပ်ပြပွဲကို သွားချိန်မှာဇာတ်လမ်းစတော့တာပါပဲ.... သူတို့နှစ်ယောက်ဟာ ဥက္ကာပျံတွေပျက်ကျတယ်ဆိုပြီး လူသိများတဲ့ နေရာတစ်ခုကို သွားရောက်လည်ပတ်ခဲ့ကြပါတယ်.. အဲ့အချိန် Paul လို့ အမည်ရတဲ့ ဂြိုဟ်သားဟာ FBI ကနေ ထွက်ပြေးလာချိန်ဖြစ်ပါတယ်... Paul ဟာ လွန်ခဲ့တဲ့ နှစ် ၆၀ လောက်တည်းက ကမ္ဘာမြေပေါ်ယာဉ်ပျက်ကျကာ အစိုးရခိုင်းစေတဲ့ တာဝန်တွေကို အကြံပေးနေရသူပါ... တစ်နေ့ သူ့ကိုသတ်မယ်ဆိုတဲ့ သတင်းကြားပြီးနောက် ထွက်ပြေးတိမ်းရှောင်ရပါတော့တယ်... Paul ဟာ ဂရမ်း ကလိုက်ဗ်တို့နဲ့ ပတ်ပင်းတိုးပါတော့တယ်... သူငယ်ချင်းနှစ်ယောက်ဟာ Paul ကို သူ့နေရပ်ကို ပြန်နိုင်ဖို့ ကူညီပေးခဲ့ပါတယ်... ဒီအပြန်ခရီးမှာတော့ ကြုံရတဲ့အလွဲတွေ.. ဟာသနှောထားတဲ့ အဖြစ်အပျက်လေးတွေ..FBI ရဲ့ အနှောင့်အယှက်တွေ ဖြတ်ကျော်ပုံတွေကို စိတ်လှုပ်ရှားဖွယ်ကြည့်ရှုရမှာဖြစ်ပါတယ်... ဒီဇာတ်လမ်းကို ကြည့်ပြီးချိန်မှာအတွေးတစ်ခုတော့ရလာမှာပါ... CM ပရိတ်သတ်ကကော ဂြိုဟ်သားရှိတာကို ယုံလား... ဂြိုဟ်သားပုံစံတွေကကော ဘယ်ကရလာတာလဲ သိပ္ပံပညာရှင်တွေစိတ်ကူးယဉ်သက်သက်ဆွဲထားတာလား... ဇာတ်လမ်းထဲက မင်းသမီး ရုသ် ပြောသလို ဘုရားသခင်ဖန်ဆင်းထားတဲ့ ကမ္ဘာမြေတစ်ခုတည်းရှိတာလား... ဂြိုဟ်သားဇာတ်လမ်းမျိုးစိတ်ဝင်စားတဲ့ ပရိတ်သတ်ကတော့ ဒီဇာတ်လမ်းလေးကို နှစ်ခြိုက်မယ်လို့ အာမခံပါတယ်... ကြည့်ရှုခံစားကြပါဦး File Size : (900 MB) and (344 MB) Quality : Blu-Ray 720p Running Time : 1hr 44min Format : Mp4 Genre :Adventure, Comedy, Sci-Fi Subtitle : Myanmar Subtitle (Hard Sub) Source : 1080p.BluRay.x264.AC3-ETRG Translated by May Haruko Encoded by Thanhtike Zaw

Observe and Report (2009) IMDB : 5.8 Rotten Tomatoes : 51% Genre : Crime / Comedy “အသံကြားရယ်ရပါစေ၊ ရုပ်မြင် စခွီထပါစေ” ဆိုတဲ့ ပါရမီနဲ့မွေးဖွားလာတဲ့လူတစ်ယောက်ရှိပါတယ်။ သူကတော့ ဟာသမင်းသား Seth Rogen ပါ။ သူစကားပြောရင်ကို ရယ်နေရတဲ့ လူတစ်ယောက်ပါ။ Seth Rogen ပါတော့ ထုံးစံအတိုင်းပဲ ပေါက်ကရပေါင်း ၁ သိန်း ၆ သောင်းလောက်နဲ့ တော်တော်လေးကိုရယ်ရပါတယ်။ ဒီကားက သိပ်ပြီးထူးခြားနေတဲ့ ဟာသရုပ်ရှင်မျိုးမဟုတ်ပေမဲ့ ဘဝအမောကိုတော့ ပြေစေမှာသေချာပါတယ်။ ဇာတ်ညွှန်း ရော်နီဆိုတာ ကုန်တိုက်တစ်ခုရဲ့ လုံခြုံရေးခေါင်းဆောင်။ ရဲလည်းမဟုတ်၊ သာမန်အရပ်သားလည်းမဟုတ်တဲ့ ဂွတိဂွကြားအခြေအနေပေါ့။ ကုန်တိုက်မှာ မိန်းကလေးတွေကို ဖွားဖက်တော်လိုက်လှန်ပြပြီး ထွက်ထွက်ပြေးနေတဲ့ ဘဲတစ်ဗွေပေါ်လာတယ်။ သိတဲ့အတိုင်း ဒါဟာ SA အမှု။ ဆိုတော့ ဒါကိုဖြေရှင်းဖို့ တာဝန်သိပြည်သူတစ်ယောက်လည်းဖြစ်၊ လုံခြုံရေးခေါင်းဆောင်တစ်ဦးလည်းဖြစ်တဲ့ ရော်နီရဲ့ သမိုင်းပေးတာဝန်ဖြစ်လာတယ်။ တစ်ရက်မှာတော့ ကုန်တိုက်မှာအချောလုံးဖြစ်တဲ့ ဘရန်ဒီဆိုတဲ့ကောင်မလေးတည့်တည့်မှာ အဲဒီဘဲက ထပ်လှန်ပြသွားတယ်။ “ကျွန်မ,မကြိုက်တဲ့ ဖွားဖက်တော်ကြီး” ဆိုပြီး မူးဝေအော့အန်ကာ အုတ်အော်သောင်းနင်းတွေဖြစ်ကုန်တယ်။ ရဲဌာနက စုံထောက် ဟယ်ရစ်ဆင်ပါရောက်လာခဲ့တယ်။ ဆိုတော့ ရော်နီတစ်ယောက်လုပ်ကွက်ပျောက်တော့မယ်။ ဘရန်ဒီအပေါ်ကို ချစ်ခြင်းအင်္လကာတွေသီချင်တာကတကြောင်း၊ သူဘာကောင်လဲဆိုတာ ပြချင်တာကတကြောင်းတို့ကြောင့် စုံထောက်နဲ့လုံခြုံရေးခေါင်းဆောင်တို့သည် မျက်စောင်းတောင်ထိုးပြီးမကြည့်ချင်တဲ့အခြေအနေဖြစ်လာတယ်။ ပြောရရင်တော့ ရော်ဖီဘက်ကပဲ တဖက်သတ်ဖြစ်တာပေါ့လေ။ အချိန်ကိုက်လေးမှာပဲ ဖောက်ထွင်းမှုတစ်ခုကဖြစ်နေပြန်တယ်။ ကဲ ဒီတော့ ရော်နီတစ်ယောက်ဘယ်လိုမျိုး ကိုင်တွယ်ဖြေရှင်းသွားမှာပဲဆိုတာကို စခွီထရင်း ကြည့်လိုက်ကြပါဦး။ ဒီကားက အရမ်းထူးခြားနေတာမျိုးမဟုတ်ပေမဲ့ Seth Rogen ရုပ်ရှင်ဖြစ်ပြီး ဟာသသရုပ်ဆောင် တော်တော်လေးကိုပါပါတယ်။ Ronnie အဖြစ် မင်းသား Seth Rogen Brandie အဖြစ် Scary Movie Franchise က ပင်တိုင်စံမင်းသမီးချော စပ်စလူးစိန် Anna Faris စုံထောက် Harrison အဖြစ် မင်းသားကြီး Ray Liotta Ronnie တွဲဖက် Dennis အဖြစ် Michael Pena ကော်ဖီဆိုင်ဝန်ထမ်းအဖြစ် မင်းသမီးချော Collette Wolfte ဂိုဏ်းစတားခေါင်းဆောင်အဖြစ် Seth Rogen ကားဆိုမပါမဖြစ် ဟာသမင်းသား Danny McBride အလုပ်သင် လုံခြုံရေးဝန်ထမ်းအဖြစ် Jesse Plemons တို့က မြိုင်မြိုင်ဆိုင်ဆိုင်ကြီး အားဖြည့်ထားတာကြောင့် ကြည့်ရတန်တယ်လို့ဆိုရပါမယ်။ File size… 1.6 GB / 700 MB Quality… WEB-DL 1080p / 720p Format… mp4 Duration…. 1h 26m Genre ..... Crime / Comedy

First Snow က 2006 ခုနှစ်က ရိုက်ကူးခဲ့တဲ့ စိတ်ဝင်စားဖို့ကောင်းတဲ့ စိတ်ပညာဆန်တဲ့ ဇာတ်လမ်းတစ်ပုဒ်ပါ။ Guy Pearce ရဲ့ အထူးချွန်ဆုံး သရုပ်ဆောင်မှုတွေကို မြင်တွေ့ရမှာဖြစ်ပြီး ကံကြမ္မာနဲ့ လူသားရဲ့ ရွေးချယ်မှုတွေအကြောင်း စဉ်းစားဖို့ ဖိတ်ခေါ်ထားတဲ့ ဇာတ်ကားတစ်ကားပါ။ ရရှိခဲ့တဲ့ ဆုများ - Sitges Film Festival 2006 - Official Fantastic Selection - Fangoria Chainsaw Awards - Best Actor (Guy Pearce) အတွက် ဆန်ကာတင်စာရင်းဝင် သရုပ်ဆောင်များ - Guy Pearce (Jimmy Starks အဖြစ်) - Piper Perabo (Deirdre အဖြစ်) - William Fichtner (နိမိတ်ဖတ်အကြားမြင်ဆရာအဖြစ်) - J.K. Simmons (Vincent အဖြစ်) ဇာတ်လမ်းအကျဉ်း ++++++++++++ Jimmy Starks (Guy Pearce) ဆိုတဲ့လူဟာ ကားပျက်တဲ့အချိန်မှာ လမ်းဘေး အကြားမြင်ဆရာတစ်ယောက်ဆီ သွားမိပါတယ်။ အဲဒီမှာ "ပထမဆုံးနှင်းကျပြီးတဲ့အခါ မင်းသေလိမ့်မယ်" ဆိုတဲ့ ကြောက်စရာကောင်းတဲ့ ဟောကိန်းကို ကြားလိုက်ရပါတယ်။ ဒီအချိန်ကစပြီး Jimmy ရဲ့ဘဝဟာ လုံးဝပြောင်းလဲသွားပါတော့တယ်။ သူဟာ ဒီဟောကိန်းကို မှန်မမှန်စမ်းသပ်ရင်း သူ့အတိတ်က အမှားတွေနဲ့ ရင်ဆိုင်ရပြီး စိတ်ပိုင်းဆိုင်ရာ ပြိုလဲမှုတွေကို ကြုံတွေ့ရပါတော့တယ်။ First Snow ဟ ကြည့်ပြီးရင် စဉ်းစားစရာတွေ များများစားစားကျန်ခဲ့စေမယ့် ဇာတ်ကားတစ်ကားဖြစ်ပါတယ်။ ကံကြမ္မာဆိုတာ တကယ်ရှိလား၊ လူတွေရဲ့ ရွေးချယ်မှုတွေက ဘယ်လိုအကျိုးသက်ရောက်မှုရှိလဲ ဆိုတာတွေကို ဇာတ်ကားကြည့်ရင်းနဲ့ တွေးမိလာပါလိမ့်မယ်။ Jimmy ရဲ့ဘဝက ဘယ်လိုအဆုံးသတ်သွားမလဲဆိုတာကိုတော့ ဇာတ်ကားထဲမှာ ရှုစားပေးကြပါဦးနော်။ ❄️ File size… (1.27 GB) / (672 MB) Quality… WEB-DL 1080p HEVC /720p Format…mkv / mp4 Duration….1h 41m Genre …..Drama , Thriller Subtitle….Myanmar Subtitle (Hard Sub) Encoder….Min Wai Translated by Vic

IMB Rating (5.8/10) FBI အေးဂျင့် Thomas Mackelway က အာရုံထဲကနေ လူတွေဘာလုပ်နေလဲဆိုတာကိုမြင်နိုင်စွမ်းရှိနေပြီး သူ့စိတ်ထဲမှာ လူသတ်သမားတယောက်ဘာတွေလုပ်နေလဲဆိုတာတွေကိုမြင်နေရပါတယ်၊ တဖက်မှာ O'Ryan ဆိုသူကလည်း တခြားကွင်းဆက်လူသတ်မားတယောက်ရဲ့အာရုံတွေကိုရနေပြီး သူ့အနေနဲ့ ဥပဒေပြင်ပလုပ်ရပ်တွေနဲ့ ဒီလူသတ်သမားတွေကိုအပြစ်ပေးရမယ်လို့ယူဆနေသူပါ၊ ဒီလိုနဲ့ O'Ryan တယောက်က ဒီလူသတ်သမားအကြောင်းကို Thomas Mackelway ကိုဖက်စစ်တွေပို့ပြီး နစ်နာသူတွေရဲ့ပျောက်ဆုံးတဲ့နေရာတွေအကြောင်းကိုသတင်းတွေပို့ပါတော့တယ်၊ဒါ့အပြင် O'Ryan ကမကောင်းတဲ့လူတွေကိုသတ်ပြီးအမှုဆင် ကွင်းဆက်လူသတ်သမားနောက်သွားမယ့်နေရာကို Thomas Mackelway ကိုသဲလွန်စတွေပေးပါတော့တယ်၊တကယ်တော့ O'Ryan ကလည်း FBI အေးဂျင့်ဟောင်းတယောက်ပါပဲ FBI ကသူတို့ကိုဒီလိုတွေမြင်နိုင်စွမ်းရှိအောင်လေ့ကျင့်ပေးထားတာပါ၊ O'Ryan တယောက်အနားယူပြီးတာတောင် ဒါတွေကိုစွမ်းလမ်းနေခဲ့တာပါ၊ O'Ryan ရဲ့လုပ်ရကကောမှန်နေတာလား၊ Thomas Mackelway တယောက်ကကော O'Ryan ရဲ့လုပ်ရပ်တွေကိုမျက်ကွယ်ပြုပြီး ကွင်းဆက်လူသတ်သမားကိုဖမ်းဆီးသွားမှာလား၊ O'Ryan Thomas Mackelway နဲ့ ကွင်းဆက်လူသတ်သမားတို့ရဲ့တွေ့ဆုံမှာကော ဘာတွေဖြစ်သွားမှာလဲဆိုတာကို ဒီဇာတ်ကားမှာဟောင့်ကြည့်သွားရမှာပါ File size…(2.8 GB)/(1.4 GB) Quality….Webrip 1080p / 720p Format…mp4 Duration….01:39:00 Genre... Crime, Thriller Subtitle….Myanmar Subtitle (Hardsub) Encoder….Mr. Anderson Translated by Myat Kyaw