Devadarshini ပါဝင်သော ဇာတ်ကားများ

Sardar 2 (2026) ဆာ‌ဒါ-၂ IMDb (6.2/10) တမီးလ်မင်းသားကြီး Karthi ရဲ့ ၂၀၂၂ ခုနှစ်က နာမည်ကြီးခဲ့တဲ့ Spy Thriller ဇာတ်ကားကြီးရဲ့ အဆက် Sardar 2 ဇာတ်ကားကြီးကတော့ထွက်ရှိလာခဲ့ပါပြီ။Sardar 2 ကတော့ ပထမကားထက် ပိုကြီးမားတဲ့ နိုင်ငံတကာအဆင့် အန္တရာယ်တစ်ခုကို ရှုစားရမှာပါ။ ဇာတ်လမ်းကတော့ RAW အေးဂျင့် ဝေါရပ်စ် ပျောက်ဆုံးသွားကနေစပြီး ‌ စပါယ်ရှယ် သူလျှိုကြီး ဆာဒါရဲ့သားဖြစ်သူ အင်စပက်တာဗီဂျီ ကဒီအမှုကို လိုက်လံစုံစမ်းပါတော့တယ်။ ဝေါရပ်စ် ကသူ မ‌ေ_သခင် သဲလွန်စ အဖြစ် ထူးဆန်းတဲ့ သော့တစ်ချောင်းကိုချန်ထားခဲ့ပါတယ်။ အဲဒီကနေတဆင့် ဓားမြှောင်နက် လို့ခေါ်တဲ့နိုင်ငံတကာ ဒုစရိုက်ဂိုဏ်းကြီးရဲ့ ဇီဝလက်နက်အန္တရာယ်ကြီးတစ်ခုကို သွားတွေ့မိပါတော့တယ်။ဒီကြီးမားတဲ့ ပဟေဠိနက်နက်ကြီးထဲရောက်သွားတဲ့အခါ အင်စပက်တာ ဗီဂျီတစ်ယောက် သူလျှိုလောကရဲ့ ဂန္ထဝင်ဖြစ်တဲ့ သူ့အဖေ ဆာဒါ ရဲ့ အမွေအနှစ်၊ နည်းဗျူဟာတွေကို ပြန်သုံးပြီး ကမ္ဘာကြီးကို ကယ်တင်ဖို့ ကြိုးစားရပါတော့တယ်။ File size… 9.4 GB / 2.8 GB / 1.8 GB Quality…WEB DL 4K / 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Youth 2026 တစ်ခါက တက္ကသိုလ် IMDb 7.3 ဆယ်ကျော်သက်အရွယ် တက္ကသိုလ်ကျောင်းသားဘဝကို ပြန်လည်လွမ်းဆွတ်ဖို့ရာ ၅၄ ကုဋေ ထိ အမြတ်အစွန်းရရှိထားတဲ့ ရုံကားတစ်ကား တင်ဆက်ပေးလိုက်ရပါတယ် အသက် ၁၅ နှစ်အရွယ် ပရာဗင်းဆိုတဲ့ ကောင်လေးတစ်ယောက်က လူငယ်သဘာဝ ဘဝရဲ့ စစ်မှန်တဲ့အချစ်ကို ရှာဖွေဖို့ ကြိုးစားရင်း ဆယ်ကျော်သက်အရွယ်ရဲ့ ထုံးစံအတိုင်း ရင်ခုန်စရာ၊ စိတ်လှုပ်ရှားစရာနဲ့ ရှုပ်ထွေးပွေလီလှတဲ့ အချစ်ဇာတ်လမ်းတွေကြားထဲမှာ နစ်မျောနေခဲ့ပါတယ်။ ငယ်ရွယ်နုပျိုတဲ့အချိန်မှာ ကြုံတွေ့ရတတ်တဲ့ အချစ်ဦးရဲ့ ခံစားချက် အတွေ့အကြုံတွေ၊ မျှော်လင့်ချက်တွေနဲ့အတူ တစ်ဖက်မှာလည်း မမျှော်လင့်ဘဲ ရင်ဆိုင်လိုက်ရတဲ့ ဆုံးရှုံးမှုတွေက ဆုံးရှုံးပြီးမှ တန်ဖိုးနားလည်ဆိုသလို ဘဝရဲ့ အနိမ့်အမြင့်အတက်အကျတွေကို နားလည်လာပြီး ချစ်ခြင်းမေတ္တာရဲ့ အဓိပ္ပာယ်နဲ့ ပတ်သက်မှုတွေအပေါ်မှာလည်း အရင်ကထက် ပိုပြီးရင့်ကျက်တဲ့ အမြင်သစ်တွေ ရရှိလာရင်း ဒီဇာတ်လမ်းဟာ လူပျိုဖော်ဝင်စ ကောင်လေးတစ်ယောက်ရဲ့ သန့်စင်တဲ့ စိတ်ကူးအိပ်မက်တွေ၊ ရုန်းကန်ရမှုတွေနဲ့အတူ သူ့ကိုယ်သူ ပြန်လည်ရှာဖွေတွေ့ရှိသွားတဲ့ ခရီးစဉ်တစ်ခုကို ပုံဖော်ထားတာဖြစ်ပြီး ငယ်စဉ်က ဖြတ်သန်းခဲ့ရတဲ့ ဆယ်ကျော်သက်ဘဝရဲ့ အမှတ်တရတွေကို ပြန်လည်ခံစားရမယ့် ဇာတ်ကားကောင်းတစ်ကားပဲ ဖြစ်ပါတယ် File size… 2.4 GB / 1.2 GB Quality…1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub)

Lucky the Superstar (2026) ခွေးကလေး လပ်ကီး ခွေးပေါက်ကလေး လပ်ကီးက သူ့အမေ ခွေးမကြီးနဲ့ကွဲကွာသွားပြီး အော်တစ်ဇင်ရောဂါ ခံစားနေရတဲ့ ကောင်မလေး အမ်မူးတို့အိမ်ကို ရောက်ရှိလာပါတယ်။ တစ်ယောက်တည်း အမြဲတမ်း ဂျီကျ ပြီးအငြိမ်မနေတတ်တဲ့ ကောင်မလေး အမ်မူးတစ်ယောက် ခွေးပေါက်လေး လပ်ကီးနဲ့ သံယောဇဉ်ဖြစ်သွားပြီး ကစားဖော်တွေဖြစ်သွားတော့တာပေါ့။ တစ်နေ့ခွေးပေါက်ကလေး လပ်ကီးကို မသမာသူတွေက ဖမ်းခေါ်သွားကြပြီး အမ်မူးတစ်ယောက် အရင်လိုဂျီကျဆိုးသွမ်း သွားတဲ့အခါမှာတော့ အမ်မူးရဲ့ဦးလေးဖြစ်သူ လက်ရှ်မန်းတစ်ယောက် လပ်ကီးကို အသဲအသန်ရှာဖွေဖို့ ကြိုးစားရပါတော့တယ်။ လပ်ကီးဆိုတဲ့ နာမည်နဲ့လိုက်အောင် ကံကောင်းစေတဲ့ ခွေးကလေးလပ်ကီး မသမာသူတွေလက်ထဲ မှာဘယ်လို အသုံးချခံဖြစ်မလဲ။လက်ရှ်မန်းတစ်ယောက် ဘယ်လိုခွေးရှာပုံတော်ဖွင့်သွားမလဲဆိုတာ ..... File size… 3.7 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2hr 3mins Subtitle….Myanmar Subtitle (Hard Sub)

Thalavara (2025)(ဖြစ်တည်မှု) IMDb: 7.2/10 ဒီတစ်ခါတင်ဆက်ပေးမယ့် ဇာတ်ကားလေးကတော့ မာလာယာလမ်ဘာသာစကားနဲ့ ရိုက်ကူးထားတဲ့ကားလေးဖြစ်ပါတယ်။ ဇာတ်လမ်းလေးက ပါလတ်ကတ်ဆိုတဲ့ မြို့လေးမှာရှိတဲ့ ဂျိုသစ်ဆိုတဲ့ ရှုပ်ရှင်စတားတစ်ယောက်ဖြစ်ချင်တဲ့ ကောင်လေးတစ်ယောက်ကြောင်းပဲဖြစ်ပါတယ်။ ဘယ်လောက်တောင် စိတ်အားထက်သန်လဲဆိုရင် သောကြာနေ့တိုင်း ရုပ်ရှင်ကြည့်ဖို့အတွက်နဲ့ အလုပ်ကိုအကြောင်းမျိုးမျိုးပြပြီး လစ်တဲ့အထိပါပဲ။ ဝါသနာအရ အဲဒီလိုမျိုးတွေ ခဏခဏလုပ်လို့ အလုပ်တွေလည်း ခဏခဏပြောင်းရတဲ့အထိပါပဲ။ ဒီလိုနဲ့ တစ်နေ့မှာတော့ ဘော်ဒါတွေကအိမ်နားကို ကောင်မလေးတစ်ယောက် အိမ်ပြောင်းလာတာ သွားကြည့်ဖို့ခေါ်တာတောင်မလိုက်ပဲ ဂျိုသစ်တစ်ယောက် အလုပ်ကိုပဲအတည်တကျလုပ်ဖို့ဆုံးဖြတ်ချက်နဲ့အတူ အလုပ်ဆိုင်သို့ချီတက်ခဲ့ပါတယ်။ ဖြစ်ချင်တော့ အဲဒီပြောင်းလာတဲ့ ကောင်မလေးက သူတို့ဆိုင်ကို ဈေးဝယ်လာရင်း ဂျိုသစ်နဲ့တိုးပါတော့တယ်။ ဒီလိုနဲ့ ဂျိူသစ်နဲ့ အဲဒီကောင်မလေးနဲ့ ဘယ်လိုဇာတ်လမ်းတွေဖြစ်သွားမလဲဆိုတာ ဆက်လက်ကြည့်ရှု့ပေးကြပါဦးဗျ။ File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 1m Subtitle….Myanmar Subtitle (Hard Sub)

Phoenix Veezhan (2025) "မီးလျှံထဲက ဖီးနစ်ငှက်ငယ်" IMDb - 5.1/10 ဒီတစ်ခါမှာတော့ မင်းသားကြီးဗီဂျေးဆေ့သူပသီရဲ့သားဖြစ်သူ ဆူရ်ယာ ခေါင်းဆောင်မင်းသားအဖြစ် ပွဲဦးထွက်ပါ၀င်ထားတဲ့ တမီလ်ရုပ်ရှင်ကို တင်ဆက်ပေးချင်ပါတယ်။ ဇာတ်လမ်းထဲမှာတော့ ဆယ်ကျော်သက်လူငယ်လေး ဆူရ်ယာက လူတစ်ဦးကို သတ်မှုနဲ့ စွပ်စွဲခံရပြီး လူငယ်ထိန်းသိမ်းရေးစခန်းမှာ ထိန်းသိမ်းခံလိုက်ရပါတယ်။ တကယ်တော့ အဲဒီနောက်ကွယ်မှာ ထင်မထားလောက်တဲ့ လှည့်ကွက်တွေအများကြီးပါ၀င်ပြီး ‌ဆူရ်ယာက ဓားစာခံဖြစ်ခဲ့ရတာပါ။ ဆူရ်ယာတစ်ယောက် အထိန်းသိမ်းခံရရုံမကဘဲ ထိန်းသိမ်းရေးစခန်းမှာလည်း အသက်ကိုရန်ရှာခံလာရတဲ့အခါ... ဆူရ်ယာတစ်ယောက် အရွယ်နဲ့မမျှတဲ့အန္တရာယ်တွေကို ဘယ်လိုရင်ဆိုင်သွားမလဲ၊ ရှေ့ဆက်ပြီး ဘာတွေကြုံရဦးမလဲ၊ အမှုနောက်ကွယ်မှာ ဘယ်လိုဇာတ်ရှုပ်တွေရှိနေမလဲဆိုတာကို ဆက်လက်ကြည့်ရှုကြရမှာ ဖြစ်ပါတယ်။ File size…2.2 GB / 1.2 GB Quality…WEB DL 1080p HEVC/ 720p Format…mkv/ mp4 Duration….1h 58m Subtitle….Myanmar Subtitle (Hard Sub)

Bun Butter Jam (2025) "ပေါင်မုန့်ထောပတ်သုတ်" ပရိသတ်တို့အတွက် တမီးလ်စကားပြော အချစ်ဟာသဒရာမာဇာတ်လမ်းလေးတစ်ပုဒ်ကို တင်ဆက်ပေးလိုက်ပါတယ် မင်္ဂလာဆောင်တစ်ခုမှ အမှတ်မထင်ဆုံရင်း စကားလုံးလက်စုံကျခဲ့တဲ့ သားရှင်မိခင်နဲ့ သမီးရှင်မိခင်တို့ဟာ အခုမှ ၁၂ တန်းပြီးထားတဲ့ သူတို့ရဲ့သားသမီးတွေရဲ့ အနာဂတ်အတွက်ပူပန်ကြရင်း သားဖြစ်သူနဲ့ သမီးဖြစ်သူတို့ကို အိမ်ထောင်ချပေးဖို့ စိတ်ကူးလာကြပါတယ် ဒါပေမဲ့ သူတို့ရဲ့အကြံအစည်အရ ဒီတိုင်းပေးစားဖို့ မဟုတ်ဘဲ သူတို့ချင်း အရင်ချစ်ကြိုက်သွားအောင် တိတ်တဆိတ်အကွက်ချကြမှာဖြစ်တာကြောင့် ဒီအမေနှစ်ယောက်ပေါင်းပြီး ဘယ်လိုတွေဇာတ်လမ်းဆင်ကြမလဲ သူတို့ရဲ့စိတ်ကူးနဲ့လက်တွေ့က တစ်ထပ်တည်းကျပါ့မလား ဆိုတာကတော့ ။ ။ အညွှန်းနဲ့ ဘာသာပြန်ကတော့ B-Team မှ ဖြစ်ပါတယ် File size… 3.2 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2h 27m Subtitle….Myanmar Subtitle (Hard Sub) Translated by B Team

Am Ah (2025)"အ.. မေ" အသစ်ထွက်ရှိထားတဲ့ မာလျာလမ်စကားပြော ကြည်နူးစရာ မိဘမေတ္တာဖွဲ့ ရုပ်ရှင်ကောင်းလေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ ဇာတ်လမ်းကတော့ ရိုးရိုးရှင်းလေးပါပဲ။ ဝေးလံခေါင်ဖျားပေမဲ့ အရမ်းလှတဲ့ ကာဗန်သာဆိုတဲ့ရွာလေးကို ကတ္တရာလမ်းခင်းတဲ့စီမံကိန်းမှာ ကြီးကြပ်သူအဖြစ်တာဝန်ကျပြီး ကာဗန်သာရွာလေးကို ရောက်လာတဲ့ စတီဖန်တစ်ယောက်၊ ရွာမှာနေထိုင်တဲ့ သားအမိနှစ်ယောက်ကြားက ဆွတ်ပျံ့ကြည်နူးစရာ ချစ်ခြင်းမေတ္တာတွေကို မြင်တွေ့ခံစားရပုံတွေကို အင်မတန်လှပတဲ့ တောင်ပေါ်ရှုခင်းတွေနဲ့အတူ ပရိသတ်တွေ ကြည့်ရှုခံစားခွင့်ရမယ့် ရုပ်ရှင်ကောင်းလေးတစ်ခုပဲဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…1.8 GB / 980 MB Quality…WEB DL 1080p HEVC / 720p Format…mkv/mp4 Duration….1h 55min Subtitle….Myanmar Subtitle (Hard Sub) Encoder….YK Translated by CM Bollywood Team

Badava (2025) ဘဝရဲ့ အချိုးအ‌ကွေ့လေးတွေ IMDb 6.7/10 အက်ရှင် ဟာသဒရမ်မာပရိသတ်တို့အတွက် တမီးလ်ရုပ်ရှင်လေးနဲ့ မိတ်ဆက်ပေးလိုက်ပါတယ်။ ဗယ်လန်က အလုပ်လက်မဲ့ ပြဿနာအိုးလေးတစ်ယောက်ပါ။ သူ့ကို အလုပ်လုပ်ဖို့ဆိုပြီး အိမ်ကသူအားလုံးက မလေးရှားကို အတင်းပြောင်းရွှေ့ခိုင်းကြပါတယ်။ မလေးရှားရောက်သွား‌တော့လည်း အဆင်မပြေပြန်တဲ့အတွက် အလုပ်ပြုတ်ပြီး အိမ်ပြန်ရဖို့ပဲ ဖြစ်လာလေရဲ့။ အဲဒီအချိန်မှာပဲ အုတ်ဖိုပိုင်ရှင်တစ်ယောက်ဟာ သူ့နယ်ခံအလုပ်သမားတွေကို လခနည်းနည်းပဲပေးပြီး အလုပ်မတရားခိုင်းနေတာကို သူက သိသွားပါတယ်။ ဒီလိုနဲ့ မဟုတ်မမှန်ရင်ခေါင်းငုံ့မခံတတ်တဲ့ သူ့ရဲ့စိတ်ဓာတ်လေးပေါ်ထွက်လာပြီး ခေါင်းပုံဖြတ်နေတဲ့ အလုပ်ရှင်ကို ဆန့်ကျင်တော်လှန်ပါတော့တယ်။ ဗယ်လန်ရဲ့ အခက်အခဲတွေကိုသတ္တိရှိရှိနဲ့ရင်ဆိုင်ပုံ၊ အရှုံးမပေးပုံတို့ကို စိတ်ခွန်အားတက်ကြွဖွယ်နဲ့ ဟာသဆန်ဆန်လေး တွေ့မြင်ရမှာမို့ ခံစားကြည့်ရှု အားပေးကြရအောင်ပါ။ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…3.4 GB / 1.6 GB Quality…WEB DL 1080p HEVC / 720p Format…mkv/mp4 Duration….2h 30min Subtitle….Myanmar Subtitle (Hard Sub) Encoder….YK Translated by CM Bollywood Team

Aindham Vedham (2024) "လျှို့ဝှက်ခန်းဆောင်" IMDb - 7.3/10 တောင်ပိုင်မင်းသမီး စိုင်းဒါဟန်ရှီကာရဲ့ မကြာသေးခင်ကထွက်ရှိထားတဲ့ လျှို့ဝှက်ဆန်းကျယ် ရုပ်သံစီးရီးကို တင်ဆက်ပေးလိုက်ပါတယ်။ အမေဖြစ်သူ ကွယ်လွန်သွားတာမို့ ဓလေ့ထုံးစံအရ အမေ့နာရေးအတွက် လှူဒါန်းမှုပြုဖို့ မြို့လေးတစ်ခုကို ရောက်နေတဲ့ အန်နူ။ ငယ်ငယ်လေးကတည်းက အမေနဲ့ပဲနေပြီး အဖေနဲ့ခပ်ကင်းကင်းနေခဲ့ရသူမို့ အဖေဖြစ်သူနဲ့ သိပ်အကြောမတည့်လှ။ အမေဖြစ်သူနာရေးအတွက် လုပ်စရာရှိတာတွေလုပ်ပေးပြီး ပြန်ဖို့လုပ်တဲ့အချိန် တည်းခိုခန်းပိုင်ရှင်က သူ့ကို သေတ္တာတစ်လုံးပေးပြီး ချက်ချင်းပဲသေသွားခဲ့ပါတယ်။ မတော်တဆမှုဖြစ်တဲ့အတွက် အန်နူတစ်ယောက် ဘာမှတော့မဖြစ်ပေမဲ့ ထူးခြားမှုတွေနဲ့အတူ တည်းခိုခန်းပိုင်ရှင်ကြီးပေးခဲ့တဲ့သေတ္တာတစ်လုံးနဲ့ တိုင်ပတ်ပါတော့တယ်။ အဲဒါအပြင် အေအိုင်အက်ပ်ထဲက စက်ရုပ်မနဲ့ သမီးရည်းစားလိုဆက်ဆံနေတဲ့ နည်းပညာသမားနဲ့အတူ ခရီးထွက်ရတဲ့အခါ...။ သူ့ပါးစပ်က ကျိန်လိုက်တိုင်း အမှန်တကယ်တွေဖြစ်လာတဲ့အခါမှာတော့...။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်၊) File Size – 800 MB (Appx;)@Episode Quality – 1080p WEB DL Duration –40 minute (@Episode) Total Episodes:Eps Subtitle – Myanmar Hardsub Format – Mp4 Genre : Mystery Translator – CM Bollywood Team Encoder – YK

Thalaivettiyaan Paalayam (2024) "မြို့သားရွာရောက်" IMDb 7.4 တမီးလ်စကားပြော ကျေးလက်ဟာသဇာတ်လမ်းတွဲလေးကို တင်ဆက်လိုက်ပါတယ် ဟင်ဒီစီးရီး Panchayat ရဲ့ remake ဖြစ်ပြီး စကားပြောခန်းလေးတွေက သဘာဝကျကျနဲ့ ရယ်ရတာကြောင့် ကြည့်ပျော်မယ့် စီးရီးလေးပါပဲ ရှက်ကိုးရှက်ကန်း မြို့သားလူငယ်လေး ဆစ်ဒါက သာလာဗက်တီယမ်ပါလာယမ်ဆိုတဲ့ ဝေးလံတဲ့ ရွာလေးတစ်ရွာမှာ ကျေးရွာအတွင်းရေးမှူးလုပ်ဖို့ကလွဲ... တခြားအလုပ်မရှိတာမို့ သွားရပါတယ် ဟိုရောက်တော့ ချက်ချင်းဆိုသလို ဂွကျတဲ့ဖြစ်ရပ်တွေ တစ်ခုပြီးတစ်ခုဆင့်ကာ ကြုံရတဲ့အခါမှာ တစ်နေ့တည်းနဲ့ ပြန်ပြေးချင်စိတ်ပေါက်သွားပါတယ် ဖော်ရွေပွင့်လင်းတဲ့ လုပ်ဖော်ကိုင်ဖက်ရွာသားတွေနဲ့အတူတူ ဘယ်လိုအလွဲလေးတွေ ဆက်ဖြစ်ဦးမှာလဲ ရွာငယ်လေးတစ်ရွာက အလေ့အထတွေနဲ့ သူအသားကျနိုင်မှာလားဆိုတာကို ဆက်လက်ကြည့်ရှုအားပေးကြပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File Size – 800 MB(Appx;)@Episode Quality – 1080p WEB DL Duration –35minute (@Episode) Total Episodes:8Eps Subtitle – Myanmar Hardsub Format – Mp4 Genre : Comedy Translator – CM Bollywood Team Encoder – YK

Lubber Pandhu (2024) "ချည်သောကြိုးများ" ကမ္ဘာမှာ ခရစ်ကတ်ကစားနည်းကို အနှစ်သက်ဆုံးရော အအောင်မြင်ဆုံးအသင်းအဖြစ်ရောပါဝင်နေတဲ့ နိုင်ငံတွေထဲမှာ အိန္ဒိယဆိုတာ ထိပ်ဆုံးမှာပါဝင်နေတာ အိန္ဒိယရုပ်ရှင်ပရိသတ်တွေသိကြမှာပါ။ အခုတင်ဆက်ပေးမှာက ဒါရိုက်တာ Tamizharasan Pachamuthuရဲ့ ပွဲဦးထွက်လက်ရာ တမီးလ်ရုပ်ရှင်။ ခရစ်ကတ်အားကစား၊ အချစ်နဲ့ ဟာသကို အချိုးညီညီချက်ပြုတ်ထားတဲ့ ဟင်းကောင်းတစ်ခွက်မို့ မြည်းစမ်းကြည့်ကြစေဖို့ တင်ဆက်ပေးလိုက်ပါတယ်။ ဂျိုလီဖရန့်ဆိုတဲ့ ခရစ်ကတ်အသင်းမှာ ဝင်ကစားရမယ်ဆိုတဲ့စိတ်နဲ့ ရောက်လာခဲ့တဲ့ အန်ဘူး။ သဘောထားချင်းမတိုက်ဆိုင်လို့ ဂျိုလီဖရန့်မှာ ဝင်မကစားတော့ဘဲ တစ်ဘက်အသင်းမှာကစားနေတဲ့ ဒူဘိုင်းပြန် မြို့ရဲ့ဂုဏ်ဆောင် ဂီသူးဆိုတဲ့လူကြီးရဲ့ အံ့မခန်းရိုက်ချက်တွေကို ရပ်ကြည့်နေခဲ့တဲ့ကောင်လေး။ ဂျိုလီဖရန့်အသင်းဝင်မဖြစ်ခဲ့တဲ့အန်ဘူးတစ်ယောက် ဆယ်နှစ်ဆိုတဲ့အချိန်ကာလကိုဖြတ်ကျော်ပြီးချိန်မှာ ဘယ်အသင်းသားမှမလုပ်ဘဲ ကြုံရာအသင်းမှာ ဧည့်သည်ကစားသမားအဖြစ်နဲ့ ဝင်ကစားနေပြီး အားကစားဝတ်စုံဆိုင်လေးဖွင့်ထားခဲ့တာပေါ့။ တစ်နေ့တော့ မင်္ဂလာဆောင်တစ်ခုမှာ ကောင်မလေးတစ်ယောက်ကို ကြွေမိသွားရာကစ သူငယ်ငယ်က ရပ်ကြည့်ခဲ့ရတဲ့ ဆရာကြီးဂီသူးရဲ့သမီးဆိုတာကိုသိရတဲ့နောက်မှာတော့...။ ဘယ်လိုတွေဆက်ဖြစ်လာမလဲဆိုတာကို မြူးမြူးကြွကြွတင်ဆက်ရိုက်ကူးထားမှုမှာ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်။) File size… 3.2 GB / 1.56 GB Quality…WEB DL 1080p HEVC/ 720p Format…mkv/ mp4 Duration….2h 26m Subtitle….Myanmar Subtitle (Hard Sub) Encoder….YK Translated by CM Bollywood Team

Meiyazhagan(2024) စစ်မှန်သောအလှပိုင်ရှင် လူသား မီယာဇ်ဟာဂန် ၂၀၂၄ ထွကိ ဘောလီးဝုဒ်ကားကောင်းလေးတစ်ကားနဲ့မိတ်ဆက်ပေးပါရစေ။ ဆွေမျိုးတွေအကြား အမွေစားအမွေခံခွဲဝေမှုတွေကြောင့်ဘိုးဘွားပိုင်အိမ်လေးနဲ့ မွေးရပ်မြေမြို့လေးကို စိတ်နာနာနဲ့ခွဲခွာနှုတ်ဆက်ပြီး အပြီးအပိုင်ထွက်သွားခဲ့တဲ့ အာရူလ်တစ်ယောက် ... တစ်ဝမ်းကွဲညီမဖြစ်သူမှ သူ့ရဲ့မင်္ဂလာဆောင်ကို တက်ပေးဖို့ စာပို့လာတဲ့အခါမှာတော့ နှစ်ပေါင်း(၂၀) အကြာခွဲခွာခဲ့ရတဲ့ မွေးရပ်မြေဇာတိမြို့လေးကို ပြန်ရဖို့အကြောင်းဖန်လာပါတော့တယိ။ ဘဝမှာထပ်မတွေ့ချင်တော့တဲ့ လူတွေရှိတဲ့ ချစ်ရတဲ့မြို့လေးကို အာရူလ်တစ်ယောက်ပြန်ရောက်အပြီး တစ်စုံတစ်ယောက်နဲ့အမှတ်မထင်တွေ့ဆုံပြီးတဲ့နောက်မှာ သူ့ရဲ့ဘဝမှာ အပြောင်းအလဲတွေဖြစ်လာရတဲ့အခါ..... ကြည့်ပြီးရင် နောင်တမရစေမယ့် မိသားစု ဒရမ်မာကားကောင်းလေးတစ်ကားမလို့ ကြည့်ရှူဖို့တိုက်တွန်းလိုက်ပါရစေ။ (အညွှန်းနဲ့ဘာသာပြန်ကိုတော့ CM Bollywood Team ကရေးသားပေးထားခြင်းဖြစ်ပါတယ်) File size… 3.00 GB / 1.27 GB Quality…WEB DL 1080p HEVC/ 720p Format…mkv/ mp4 Duration….2h 57m Subtitle….Myanmar Subtitle (Hard Sub) Encoder….YK Translated by CM Bollywood Team

Raghu Thatha (2024) "အရိုင်းပန်းပုံပြင်" နာမည်ကြီးဗီဂျေးတွေထဲကတစ်ယောက်ဖြစ်တဲ့ မင်းသားကြီး ရာဗင်ဒရာဗီဂျေးနဲ့ မင်းသမီးချောလေး ကီရ်သီဆူရက်ရှ်တို့ရဲ့ အသစ်ထွက် ကျေးလက် ဟာသဒရာမာရုပ်ရှင်လေးကို စီအမ်ကနေ တင်ဆက်ပေးချင်ပါတယ်။ ဇာတ်လမ်းကတော့ ကာယာဟာ မဟုတ်မခံစိတ်ရှိတဲ့ ဆတ်ဆတ်ကြဲ မိန်းမလှလေးတစ်ယောက်ပါ။ သူဟာ မိန်းကလေးစာရေးဆရာတွေကို အားမပေးတဲ့ ရှေးရိုးစွဲ လူ့အဖွဲ့အစည်းထဲမှာ ယောက်ျားလေးနာမည်နဲ့ စာရေးပြီး အတော်အသင့်အောင်မြင်နေသူလည်းဖြစ်ပါတယ်။ အသက် ၂၅ နှစ်ရောက်ပေမဲ့ အိမ်ထောင်မကျသေးတာကြောင့် တစ်ရွာလုံးက တွေ့တဲ့အချိန်တိုင်း ဘယ်တော့စားရမှာလဲလို့မေးတာခံနေရတဲ့သူဖြစ်ပြီး သူကလည်း မေးတဲ့သူတိုင်းကိုဂရုမစိုက်ဘဲ ကိုယ့်ခံယူချက်နဲ့ကိုယ် နေထိုင်သူဖြစ်ပြီး သူ့ရဲ့ ခံယူချက်တွေနဲ့ အများကသတ်မှတ်ထားတဲ့စည်းမျဉ်းတွေကြားမှာ မဖြစ်မနေရွေးချယ်ရမယ့်အခြေအနေ ဖြစ်လာတဲ့အခါမှာတော့...။ ကျေးလက်မြင်ကွင်းစိမ်းစိမ်းစိုစိုလေးတွေနဲ့ ရယ်ရမောရတဲ့ ရုပ်ရှင်လေးဖြစ်လို့ ပရိသတ်တွေ ခေတ္တစိတ်အပန်းပြေစေဖို့အတွက် ချန်နယ်မြန်မာရဲ့ ဘောလိဝုဒ်အဖွဲ့သားတွေကနေ ညွှန်းဆိုဘာသာပြန်တင်ဆက်ပေးလိုက်ပါတယ်...။ File size… 2.35 GB / 1.04 GB Quality…WEB DL 1080p HEVC/ 720p Format…mkv/ mp4 Duration….2h 14m Subtitle….Myanmar Subtitle (Hard Sub) Encoder….YK Translated by CM Bollywood Team

Raayan (2024) "ရာယန်" IMDb 6.9 CM ပရိသတ်ကြီးအတွက် အသစ်ထွက်ရှိလာတဲ့ တမီးလ် action ဇာတ်ကြမ်း ရုံကားအသစ်လေးကို မိုးလင်းလင်းချင်း မနှေး/အမြန် တင်ဆက်ပေးလိုက်ပါတယ် နာမည်ကျော် မင်းသား Dhanush ရဲ့ ကားငါးဆယ်ပြည့်ရုပ်ရှင်ဖြစ်ပြီး သူကိုယ်တိုင် ဇာတ်ညွှန်းရေးကာ ဒါရိုက်တာလုပ် အစွမ်းပြထားတဲ့ ဒီရုပ်ရှင်ဟာ ရုံတင်ငွေ ၁၅၈ ကုဋေ ရရှိထားပါတယ် ဇာတ်လမ်းအကျဥ်းကိုပြောရရင် ရာယန်ဟာ ညီငယ်နှစ်ယောက်ဖြစ်သူ မူတူးနဲ့ မာနီကမ်၊ အချစ်ဆုံး ညီမလေး ဒူရ်ဂါတို့ရဲ့ အစ်ကိုကြီးဖြစ်ပြီး အဖေအမေတို့စွန့်ပစ်သွားကတည်းက ရွာကနေမြို့ကို ညီလေးညီမလေးတွေ လက်ဆွဲခေါ်လာကာ ကြုံရာစား ရရာလုပ်ရင်း လူစည်ကားတဲ့ မုန့်ဆိုင်တစ်ဆိုင်ဖွင့်နိုင်တဲ့ ဘဝရောက်လာပါတယ် ညီလတ်ဖြစ်သူ မူတူးက အရက်မူး သွေးဆိုးကာ ပြဿနာရှာတတ်သူဖြစ်ပြီး ညီငယ် မာနီကမ်ကတော့ လိမ္မာတဲ့ ကောလိပ်ကျောင်းသားလေးပါ တုန်နေအောင်ချစ်ရတဲ့ ညီမအငယ်ဆုံးလေးကို လက်ထပ်ပေးနိုင်ဖို့နဲ့ မူတူးစရိုက်ကို ပြုပြင်ပေးနိုင်ဖို့ပဲ ပဓာနထားတဲ့ ရာယန်... တစ်နေ့မှာတော့ ဒူရိုင်နဲ့ ဆီသူ ဆိုတဲ့ လူမိုက်ဂိုဏ်းခေါင်းဆောင်နှစ်ယောက်နဲ့ ပတ်သက်မိရာမှ ဖြူစင်ရိုးသားတဲ့ သူတို့ဘဝတွေ အကျင့်ပျက် ဒုစရိုက်ပတ်ဝန်းကျင်ကြောင့် အရောင်နွမ်းမယ့်အရေး... အစ်ကိုကြီးတစ်ယောက်အနေနဲ့ ဘယ်လိုကယ်ထုတ်သွားနိုင်မလဲ ဆိုတာကတော့ ... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size… 6.9GB / 2.5GB / 1.1GB Quality…4k HEVC WEB DL / WEB DL 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by CM Bollywood Team

Yaavarum Vallavare (2024) မေ့မရတဲ့တစ်ညတာ ပူလောင်အိုက်စပ်နွေညတွေရဲ့ ရယ်ရွှင်ဆေးဖြစ်လာစေမယ့် ဇာတ်လိုက်ကျော်ကြီး ယိုဂီဘာဘူပါဝင်တဲ့ drama comedy ဇာတ်လမ်းသစ်လေးကို တင်ဆက်ပေးလိုက်ပါပြီ။ ဒီဇာတ်လမ်းမှာတော့ အခွဲလေးခုပါဝင်မှာဖြစ်ပြီးတော့ ဘယ်လိုဆက်စပ်သွားမလဲဆိုတာ ရှုစားကြပါဦး။ ကျွန်တော်တို့အားလုံး ဒုက္ခတွေ့ချိန်မှာ ကယ်တင်ရှင်ကို အမြဲမျှော်တတ်ကြပေမဲ့ ကယ်တင်ရှင်ကတော့ အမြဲပေါ်မလာတတ်ပါဘူး။ ကိုယ့်မှာ ပြေးကြည့်မှကိုယ်ပဲရှိတဲ့အချိန်တွေမှာ ကိုယ်တိုင်ပဲကယ်တင်ရှင်ဝင်လုပ်ဖို့ဖြစ်လာတဲ့အချိန်တွေ လူတိုင်းမှာ ရှိခဲ့ဖူးမှာပါပဲ။ ဒီဇာတ်ကားလေးကတော့ ကိုယ့်ဘဝရဲ့သူရဲကောင်းက ကိုယ်ဖြစ်နေတဲ့အခိုက်အတန့်လေးတွေကို ရိုက်ကူးပုံဖော်ထားတာပါ။ ဒီဇာတ်လမ်းလေးမှာ အကျင့်စာရိတ္တကောင်းမွန်မှုနဲ့ ထောင်ဒဏ်လျှော့ရက်ရပြီး ၅ နှစ်အကြာမှာလွတ်မြောက်လာတဲ့လူတစ်ယောက်၊ ၅ နှစ်လုံးလုံး မိသားစုနဲ့တွေ့ခွင့်မရတဲ့သူနဲ့ သူ့ကိုစောင့်ကြည့်နေတဲ့လူတစ်စု နိုင်ငံ့တာဝန်ထမ်းဆောင်ရင်း အကြမ်းဖက်တွေနဲ့စစ်ပွဲမှာ တိုက်ပွဲကျသွားတဲ့ စစ်သားနဲ့ ကိုယ်ဝန် ၃ လနဲ့ကျန်နေခဲ့တဲ့သူ့ဇနီးဖြစ်သူ တစ်ဖက်က ပျောက်ဆုံးနေတဲ့အဖေကို လိုက်ရှာနေတဲ့သားတစ်ယောက် နောက်ဆုံးအနေနဲ့ ရုပ်ရှင်အဖွဲ့သားယောင်ယောင်နဲ့ အိမ်မှာရုပ်ရှင်ရိုက်မယ်ဆိုပြီး ရောက်လာတဲ့ အကြံသမားနှစ်ယောက်နဲ့ အိမ်ရှင်သူဌေးမရဲ့သမီးကို ခိုးပြေးချင်တဲ့ဒရိုက်ဘာလေးရဲ့ဇာတ်လမ်း ဒီဇာတ်လမ်းလေးခုက အဖြစ်အပျက်လေးခုက တစ်ညတည်းမှာဖြစ်လာတဲ့အခါ ဒီလူတွေ ရဲ့ဘဝမှာ ဘယ်လိုရိုက်ခတ်မှုတွေဖြစ်လာမလဲဆိုတာ ရှုစားကြပါဦး။ (အညွှန်းနဲ့ဘာသာပြန်ကတော့ CM Bollywood Team မှဖြစ်ပါတယ်) File size…1.7GB / 762MB Quality…WEB DL 1080p / 720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

အာရ်သီဟာ အလုပ်လုပ်ရင်း တလွဲတချော်တွေ ဖြစ်တတ်တဲ့ ရဲစုံထောက်မလေးပါ။ တစ်နေ့မှာတော့ သူ့အဖေ ရဲမှူးအဖြစ်ကနေ အငြိမ်းစားမယူခင် ခက်ခက်ခဲခဲ ဖမ်းဆီးခဲ့ဖူးတဲ့ ရာဇဝတ်ကောင် ဒါးစ်ဟာ ထောင်ဖောက်ထွက်ပြေးသွားပါတယ်။ အဲဒီသတင်းကြားတာနဲ့ အာရ်သီလည်း ဒါးစ်ကို ပြန်ဖမ်းနိုင်ဖို့ အသည်းအသန် လိုက်ရှာတော့တယ်။ ဒါပေမဲ့ ဒါးစ်နောက်လိုက်ရင်း အလွဲအချော်တွေ ဖြစ်ပြီးတဲ့နောက် သူ့အိမ်မှာပါ အပမှီသလိုလို မသင်္ကာစရာအဖြစ်တွေ ကြုံလာရပါတယ်။ ကာဂျယ်အက်ဂါဝယ် ပါဝင်သရုပ်ဆောင်ထားတဲ့ တမီလ်စကားပြော သရဲဟာသကားဖြစ်ပြီး သူ ကလေးမွေးပြီးနောက် ပထမဆုံး ပြန်လည်ထွက်ရှိလာတဲ့ ရုပ်ရှင်ပါ။

အရေးပေါ်ဖုန်းခေါ်ဆိုမှုတွေ လက်ခံတဲ့ဌာနဆီ ဖုန်းတစ်ကောလ် ဝင်လာပါတယ်။ တစ်နေရာမှာ အမျိုးသမီးတစ်ယောက် အန္တရာယ်ကြုံရတော့မှာမို့ အမြန်သွားကယ်ဖို့ ပြောတာပါ။ ဖုန်းဆက်သူက သူဘယ်သူလဲ၊ ဘယ်ကဆက်တာလဲဆိုတာ မပြောဘဲ နေသွားတယ်။ နောက်တစ်နေ့မှာတော့ သူပြောထားတဲ့အတိုင်း အမျိုးသမီးတစ်ယောက် အသတ်ခံလိုက်ရပါတယ်။ အဲဒီနောက်လည်း သူ့ဆီက ဖုန်းတွေ ဆက်တိုက်ဝင်လာပြီး ကြိုပြောထားတဲ့ လူသတ်မှုတွေနဲ့ မတော်တဆမှုတွေ တကယ်ဖြစ်လာကြတယ်။ သူပြောလိုက်လို့ပဲ ဒီကိစ္စတွေ ဖြစ်လာရတာလား၊ နောင်ဖြစ်မယ့်အရာတွေကို သူ ကြိုသိနေတာလား။ ဒါမှမဟုတ် ဖုန်းဆက်နေသူကိုယ်တိုင်ကပဲ ဒီအမှုတွေကို ကျူးလွန်နေတာလား။

အာရူလ်ဗာမာက စစ်မှုထမ်းအငြိမ်းစားတစ်ယောက်ဖြစ်ပြီး မှုခင်းအကြောင်းတွေ တင်ဆက်တဲ့ YouTuber လည်း ဖြစ်ပါတယ်။ နိုင်ငံအတွင်း ဖြစ်ပျက်သမျှကို သူ့အမြင်တွေနဲ့အတူ YouTube မှာ တင်ဆက်ပညာပေးနေသလို ရဲတွေရဲ့ အမှုစုံစမ်းမှုတွေမှာလည်း မကြာခဏ ဝင်ကူတတ်သူပါ။ တစ်နေ့တော့ သူ့တူမအရင်း ကိုယ့်ကိုယ်ကိုယ် သတ်သေသွားတယ်ဆိုတဲ့ သတင်းကို ကြားလိုက်ရတယ်။ အစမှာ ပေးစားတဲ့သူကို မလိုချင်လို့ ဒီလိုလုပ်သွားတာလို့ ယူဆခဲ့ကြပါတယ်။ ဒါပေမဲ့ တူမရဲ့ဖုန်း သူ့လက်ထဲရောက်လာပြီး WhatsApp ထဲက အကြောင်းအရာတွေကို သိလာတဲ့အခါ သေဆုံးမှုနောက်ကွယ်မှာ ထင်ထားသလောက် မရိုးရှင်းတဲ့ ကိစ္စတွေ ရှိနေပါတယ်။ ဒီမှုခင်းဇာတ်ကားကို Mohan G. Kshatriyan က ကိုယ်တိုင် ဇာတ်ညွှန်းရေး၊ ဒါရိုက်တာလုပ်ပြီး ထုတ်လုပ်ထားပါတယ်။

ရှေ့နေကန်နာဘီရန်ရဲ့ မိဘတွေက သားဖြစ်သူ လမ်းမှားမလျှောက်ဘူးလို့ အမြဲယုံကြည်ထားကြသူတွေပါ။ သားသဘောကျတဲ့ ကောင်မလေးကို တင်တောင်းလို့မရရင် ခိုးပြေးဖို့တောင် ဝိုင်းမြှောက်ပေးကြလို့ ဒီမိသားစုရဲ့အဖြစ်တွေက အလွဲအချော်တွေနဲ့ ရယ်စရာဖြစ်နေတတ်တယ်။ ဒါပေမယ့် ခိုးပြေးဖို့ စီစဉ်ထားတဲ့နေ့မှာ မထင်မှတ်တဲ့ကိစ္စတစ်ခု ပေါ်လာပါတယ်။ သူနဲ့ ခိုးပြေးမယ့်မိန်းကလေးရဲ့ သူငယ်ချင်း အန္တရာယ်ကြုံနေရတယ်ဆိုတဲ့ သတင်းရလာလို့ ကန်နာဘီရန်က သွားကယ်တင်ပါတယ်။ အဲဒီကနေ သိလာရတဲ့ အမှန်တရားတွေနောက်မှာ တစ်မြို့လုံးက မိန်းကလေးတွေကို အသုံးချပြီး အကျပ်ကိုင်ခြိမ်းခြောက်တဲ့ ကိစ္စအထိ ရောက်လာတယ်။ နောက်ကွယ်က အကျပ်ကိုင်နေသူဟာ သူအလွယ်တကူ ရင်ဆိုင်နိုင်တဲ့လူ မဟုတ်တဲ့အခါ ကန်နာဘီရန် ဘယ်လိုလှည့်ကွက်တွေနဲ့ တုံ့ပြန်မလဲဆိုတာ ဆက်တွေ့ရမှာပါ။

ခရစ်ကတ်ဟာ အမျိုးသမီးတွေနဲ့ မဆိုင်ဘူးလို့ လှောင်ပြောင်ပြောဆိုခံရပေမယ့် ကလေးမလေးတစ်ယောက်ကတော့ ငယ်ငယ်ကတည်းက ဒီအားကစားကို အရူးအမူး နှစ်သက်ခဲ့ပါတယ်။ ရတဲ့နည်းနဲ့ ကစားခဲ့ပေမယ့် အရွယ်ရောက်လာချိန်မှာ သူ့အိပ်မက်ကို ကိုယ်တိုင် အကောင်အထည်မဖော်နိုင်တော့ဘူး။ အဲဒီအခါ သူ့အချစ်ဆုံးသူငယ်ချင်းက အဲဒီအိပ်မက်ကို ကိုယ်စားဖြည့်ဆည်းဖို့ ကြိုးစားလာပါတယ်။ အစွမ်းကုန် ကြိုးစားခဲ့တဲ့ သူငယ်ချင်းဟာ အသင်းခေါင်းဆောင် ဖြစ်လာသလို အသင်းကလည်း စွမ်းဆောင်ရည်ပြည့်ဝလာတယ်။ ကမ္ဘာ့အဆင့်ပြိုင်ပွဲတွေအထိ တက်ရောက်ဖို့ ရည်မှန်းကြပြီး အဲဒီအထိ ရောက်နိုင်တဲ့အခြေအနေလည်း ရှိနေပါတယ်။ ဒါပေမဲ့ လုံလောက်တဲ့ ထောက်ပံ့မှုမရသလို တစ်နှစ်တာအတွင်း ဝင်ပြိုင်နိုင်တဲ့ ပြိုင်ပွဲတွေကလည်း နည်းလွန်းတော့ ရှေ့ဆက်ရမယ့်လမ်း ပျောက်လာကြတယ်။ နောက်ဆုံးမှာ ကပ္ပတိန်က လက်လျှော့ပြီး ဇာတိကို ပြန်သွားသလို အသင်းသူတွေလည်း တစ်ကွဲတစ်ပြား ဖြစ်သွားကြပါတယ်။ ခရစ်ကတ်ကို အပြီးလက်လျှော့ပြီး အိမ်ထောင်ပြုကာ သာမန်ဘဝနဲ့ပဲ နေသွားတော့မလား၊ ကမ္ဘာ့အဆင့် ခရစ်ကတ်ပြိုင်ပွဲအထိ ရောက်အောင် ကြိုးစားနိုင်ဦးမလားဆိုတဲ့ အမျိုးသမီးအားကစားသမားတွေရဲ့အကြောင်းကို တာ့ပ်ဆီးပါနူး ပါဝင်သရုပ်ဆောင်ထားပါတယ်။

မြန်မာပြည်ပရိသတ်တွေကြား ယင်ကောင်မင်းသားရယ်လို့ နာမည်ရခဲ့တဲ့ Nani ရဲ့ ဇာတ်ကားကောင်းလေးတစ်ကားထွက်လာလို့ ဘာသာပြန်တင်ဆက်ပေးလိုက်ပါတယ်။ ဒီကားလေးကလည်း မနှစ်ကထွက်တဲ့ V ဆိုတဲ့ ရုပ်ရှင်လိုပဲ ရသတစ်ခုခုကို ပေးစွမ်းနိုင်လိမ့်မယ်လို့ ယုံကြည်ပါတယ်။ ဇာတ်လမ်းအကျဥ်း ဘူဒေဗီပူရမ်လို့ခေါ်တဲ့ ရွာကြီးတစ်ရွာမှာ ရွာခေါင်းဆောင် အာဒီးဆာ့နိုင်ဒူးဆိုသူ တစ်ဦးရှိပြီး ၊ ရွာရဲ့သာရေးနာရေး ကိစ္စအဝဝကိုသာမက ၊ ရပ်ရွာအေးချမ်းသာယာရေးအတွက်ပါ ကိုယ်ကျိုးစွန့်အနစ်နာခံ ဆောင်ရွက်နေသူဖြစ်ပါတယ်။ ကိုယ်တိုင်ချမ်းသာကြွယ်ဝသူ ဖြစ်တဲ့ အလျောက် သားသမီးတွေကလည်း များပြားလှပါတယ်။ သူရှိနေတုန်းက သင့်မြတ်ကြတဲ့ သားသမီးတွေဟာ သူမရှိတဲ့အချိန်ကျတော့ အမွေကိစ္စတွေကြောင့် အချေအတင်ဖြစ် ၊ ပြဿနာတွေ တောက်လျောက်တက်ကုန်ရာကစပြီး အာဒီးဆာ့နိုင်ဒူးရဲ့ မယားကြီးငယ်နဲ့ရတဲ့ သားကြီးဖြစ်သူ ဘို့စ်က ဒီအမွေတွေဟာ သွားလေသူမိခင်ဘက်က ပါလာတာဆိုပြီး ဖခင်အမွေအားလုံးကို မောင်ပိုင်စီးပါတော့တယ်။ အမွေတွေကို မလိုချင်ဘဲ ၊ မိသားစုကို ပြန်သင့်မြတ်စေလိုတဲ့ အငယ်ဆုံးသားလေး Tuck ဂျာဒစ်ရှ်တစ်ယောက် ဒီမိသားစုအရေးကို ဘယ်လိုဖြေရှင်းပေးမလဲဆိုတာက ဒီဇာတ်လမ်းရဲ့ ဇာတ်အိမ်တည်ရှိရာ ဖြစ်ပါတယ်။ မိသားစုပြဿနာတွေဆိုလို့ ဒရမ်မာကားသက်သက်လို့ ထင်နေဦးမယ်။ တောင်ပိုင်းရုပ်ရှင်ထုံးစံအတိုင်း အချစ် ၊ အကြမ်း ၊ အလွမ်းအစုံအလင်နဲ့ မိသားစုနဲ့အတူ ကြည့်နိုင်တဲ့ ရုပ်ရှင်လေးပါလို့ပဲ ဆိုလိုက်ပါရစေတော့ ခင်ဗျာ။ File size…1.4GB / 2.34GB Quality…720p / 1080p HDRIP 5.1CH Format…Mp4 Duration….2h 25mins Subtitle….Myanmar Subtitle (Hard Sub) Encoder….YK Translated by Myint Thu & Nyi Koe

ပေါ့ပေါ့ပါးပါးကြည့်ရမယ့် တာ့ပ်ဆီးနဲ့ဗီဂျေစည်သူတို့ရဲ့ ကားသစ်လေးကိုတင်ဆက်ပေးလိုက်ပါတယ်။ ဒီဇာတ်ကားကတော့ သရဲတွေ နေတဲ့ စံအိမ်တစ်ခုအကြောင်းပါပဲ။ ဒီအိမ်ထဲ သရဲတွေဟာ ဆွေမျိုးအများကြီးနဲ့အကျဉ်းကျနေကြတယ်။ နန်းတော်သဖွယ်တည်ဆောက်ထားတဲ့ အဲ့ဒီအိမ်ဟာ သူခိုးမလေးတို့ အဖွဲ့ရဲ့ မျက်စိကျစရာ ဖြစ်လာခဲ့ပါတယ်။ သူခိုးမလေးဆိုတာကတော့ တာ့ပ်ဆီးပါပဲ။ သူတို့သူခိုးအဖွဲ့ကို သရဲတွေမှာတော့ အားကိုးရတဲ့ အချက်တစ်ချက်ရှိပါတယ်။ အဲ့ဒါက သူတို့အားလုံး ဒီအိမ်ကလွတ်ဖို့ သူခိုးမလေးကူညီနိုင်မယ်ဆိုတဲ့ ရည်မှန်းချက်ပါပဲ။ ပျာယီးပျာနိုင်လှတဲ့ သရဲမိသားစုဟာသူခိုးမလေးနဲ့ တစ်အိမ်ထဲ ဘယ်လို နှစ်ပါးသွားကြမလဲဆိုတာကိုဟာသတွေနဲ့ အတူ ခံစားကြည့်ကြပါဦးဗျာ။ File size…1.32GB / 2.13GB / 511MB Quality…720p WEB DL / 1080p WEB DL 5.1CH  /480p Format…Mp4 Duration….2h 14mins Subtitle….Myanmar Subtitle (Hard Sub) Encoder….YK Translated by Myint Thu & Nyi Koe & Thaik San

Kanchana 3 (2019) မြန်မာစာတန်းထိုး မင်္ဂလာပါ အိန္ဒိယတောင်ပိုင်းကား ပရိတ်သတ်တို့ရေ.... ဒီတစ်ခေါက် ပရိတ်သတ်ကြီးအတွက် ရွေးထုတ်တင်ဆက်ပေးလိုက်တဲ့ ဇာတ်ကားက မြန်မာပြည်မှာ တာတေကြီးရယ်လို့နာမည်ကြီးခဲ့တဲ့ Kanchana ဇာတ်ကားတွေရဲ့ သုံးကားမြောက်ကားဖြစ်တဲ့ Kanchana 3 ပါတဲ့ ခင်ဗျာ ။ ဒီကားဟာ အရှေ့မှာ 1 2 ထွက်ခဲ့ပြီး အောင်မြင်မှုတွေ ရခဲ့တဲ့ကားမို့ သုံ းကားမြောက်အဖြစ် ရိုက်ထားတဲ့ ကားပါ။ ဒီဇာတ်ကားမှာလည်း Kanchana ကားတွေမှာ ပုံမှန်မြင်တွေ့နေကျဇာတ်ကောင်ဖြစ်တဲ့ သရဲဆိုရင် ကြောက်ဒူးတုန်တတ်တဲ့ ရာဂဗားရယ်။ မတရားအသတ်ခံခဲ့ရတဲ့ ကာလီဆိုသူ မိဘမဲ့ဂေဟာ ပိုင်ရှင်နဲ့သူ့ချစ်သူ ရိုစီတို့ရယ် ။ ရာဂဗားတို့မိသားစုရယ်နဲ့ ဇာတ်လမ်းကို ရိုက်ပြထားတာပါ ။ အဖိုးနဲ့အဖွားရဲ့ နှစ်၆၀ပြည့် မင်္ဂလာနှစ်ပတ်လည်ကို သွားရင်း လမ်းမှာ ဝင်နားမိတဲ့ သစ်ပင်ကနေ နာနာဘာဝတွေကြောင့် ပူးကပ်ပါလာရာက စလို့... ရာဂဗားတို့မိသားစုကို နာနာဘာဝတွေက ခြောက်လှန့်ပုံ ၊ ဒီမကောင်းဆိုးဝါးအမှောင်လောကသားတွေကို မောင်းထုတ်ဖို့ကြိုးစားပုံတွေအပြင် . . . မိမိတည်ထောင်ထားတဲ့ မိဘမဲ့ဂေဟာ မီးရှို့ဖျက်ဆီးခံရပြီး ၊ မိမိရဲ့ အပေါင်းအသင်းမိတ်ဆွေတွေ ၊ မိမိရဲ့သွေးသားလိုဖြစ်နေတဲ့ မိဘမဲ့ကလေးတွေကို ထိပါးလာလို့ ပြန်လက်စားချေတဲ့ ကာလီဆိုတဲ့ လူတစ်ယောက်အကြောင်းကို တွေ့မြင်ရမှာဖြစ်ပါတယ် ။ သရဲကားဆိုတာထက် အကြမ်းပတမ်းတွေ ထိုးတဲ့ကြိတ်တဲ့ အက်ရှင်ခန်းတွေပါတဲ့ ကြည့်ပျော်ရှုပျော်ရှိလှတဲ့ ဇာတ်ကားတစ်ကားပါပဲ။ အိုဗာအက်ရှင်တွေကို မျှော်လင့်ထားတယ်ဆိုမှသာ ဒီကားကို ကြည့်ပါ။ တမီးလ်နာဒူးပြည်နယ်အကြိုက် ရိုက်ထားရတဲ့ အိန္ဒိယတောင်ပိုင်းကား စစ်စစ်မို့၊ တောင်ပိုင်းပရိတ်သတ်တွေကတော့ လက်ခုပ်လက်ဝါးတီးပြီး အားပေးကြဦးမှာအမှန်ပါပဲ၊။ ဘာသာပြန် နဲ့ အညွှန်းကတော့ Translated by Myint Thu (MLMC) ဖြစ်ပါတယ်။

Bigil (2019) [ 4K Quality ထိတင်ဆက်ထားပါပြီ။] IMDb - 7.5/10 တစ်ရပ်ကွက်လုံးရဲ့ အာဏာရှိ လူမိုက် မိုက်ကယ်၊ မိန်းမလည်း မရှိ၊ ကျားလည်းမကိုက်၊ သောက်သောက်စားစား လူရမ်းကားလေး။ တနေ့တော့ သူ့သူငယ်ချင်း ကာဒီးရ်ဟာ အမျိုးသမီးဘောလုံးအသင်းရဲ့ နည်းပြအဖြစ်နဲ့ အသင်းအတူ ဒေလီသွားဖို့ သူ့ဆီ ဝင်ပါတယ်။ မမျှော်လင့်ဘဲ မိုက်ကယ်ရဲ့ ရန်ကြွေးတွေကြောင့် နည်းပြဆရာ ကာဒီးရ်ကို ဓားချက်ထိခဲ့ရတယ်။ ကြယ်ပွင့်လေး ၁၅ပွင့်ရဲ့ တစ်ဦးတည်းသော ကယ်တင်ရှင် နည်းပြကာသီဟာ တစ်နှစ်တာ အနားယူရမယ်လို့ သိလိုက်ရစဉ်မှာတော့..... ဒီဇာတ်ကားထဲမှာတော့ ဗီဂျေးကို ဘောလုံးသမား၊ လူမိုက်ကြီး၊ နည်းပြ စသဖြင့် ပုံစံမျိုးစုံ မြင်ရပြီး အဖေလိုတစ်မျိုး သားလိုတစ်ဖုံ တွေ့ရမှာပါ။ အဖေ ပေးတဲ့ အိပ်မက်ကို သားမက်ခွင့်ရခဲ့ပေမဲ့... လွဲချော်ခဲ့ရတယ်။ ဒီအိပ်မက်တွေကို သူ ပြန်လည် အကောင်အထည်ဖော်ဖို့.. ကြိုးစားရင်း ထပ်လွဲချော်ခဲ့တယ်။ သို့ပေမဲ့.... 'တချို့အိပ်မက်တွေကို ကိုယ်မဖြစ်ခဲ့လို့ သူတပါးကို ဖြစ်စေချင်မိတာ လူတိုင်းရဲ့ ဆန္ဓပါ' 'ဒါပေမဲ့ ကိုယ့်အိပ်မက်ကိုတော့ ကိုယ်တိုင်ပဲ အကောင်အထည်ဖော်ရတာပဲမလား' File size… 9.3 GB / 3.3 GB / 2.1 GB Quality…WEB DL4K / 1080p HEVC/ 720p Format…mkv/ mp4 Duration…. 2h 57m Subtitle….Myanmar Subtitle (Hard Sub)

Krishnarjuna Yudham (2018) "ခရစ်ရှန နှင့် အာဂျွန်" ဒီတစ်ခါမှာ ပရိသတ်တို့အတွက် ယင်ကောင်မင်းသား နာနီ နှစ်ကိုယ်ခွဲပါဝင်တဲ့ တေလဂူးအက်ရှင်ဇာတ်လမ်းအဟောင်းလေးတစ်ပုဒ်ကို ပြန်လည်တင်ဆက်လိုက်ပါတယ် ခရစ်ရှနာကတော့ ဗရုတ်ကျတဲ့ရွာသားဖြစ်ပြီး မိန်းကလေးတိုင်းအမြင်ကပ်တာခံရသူပါ။ သူနဲ့ရုပ်ချင်းတူတဲ့ အာဂျွန်ကတော့ ချက်နိုင်ငံမှာ ရော့ခ်အဆိုတော်တစ်ယောက်ဖြစ်နေပြီး မိန်းကလေးတွေသည်းသည်းလှုပ်ခြင်းခံရသူတစ်ယောက် သူတို့နှစ်ယောက်လုံး တစ်နေ့မှာတော့ ချစ်သူမိန်းကလေးကိုယ်စီတွေ့သွားခဲ့ပြီးနောက်မှာ သူတို့ကောင်မလေးတွေ ဟိုက်ဒရာဘတ်ကိုထွက်သွားတဲ့အခါ နောက်ကနေကိုယ်စီလိုက်လာကြပါတယ် သို့ပေမဲ့ သူတို့ကောင်မလေး နှစ်ယောက်လုံး ပြန်ပေးဆွဲခံလိုက်ရတဲ့အခါ ဘယ်လိုရှာကြမလဲ ဘယ်လိုစွန့်စားခန်းတွေနဲ့ကြမ်းကြမလဲ ဆိုတာကတော့ ။ ။ အညွှန်းနဲ့ ဘာသာပြန်ကတော့ B-Team မှ ဖြစ်ပါတယ် File size…3.3 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 36m Subtitle….Myanmar Subtitle (Hard Sub) Encoder…B Coder Translated by B Team

Awe! (2018) "ဆန်းဆန်းပြားပြား" IMDb - 7.6/10 ထူးခြားတဲ့ဇာတ်လမ်းဖွဲ့စည်းပုံနဲ့ ထူးခြားတဲ့ဇာတ်ကောင်တွေကို ထူးထူးခြားခြားရိုက်ကူးတင်ဆက်ထားတဲ့ တလေဂူးရုပ်ရှင်။ တောင်ပိုင်မင်းသမီးချောတွေဖြစ်တဲ့ ကာဂျယ်လ်အက်ဂ်ဝယ်လ်နဲ့ ရက်ဂျီနာကာဆန်ဒရာတို့ပါဝင်ထားကြပါတယ်။ မိဘတွေကိုပြန်တွေ့ဖို့ဆိုတဲ့ ရည်ရွယ်ချက်နဲ့ အချိန်ခရီးသွားစက်တီထွင်ဖို့မျှော်လင့်နေတဲ့ ရှီဗာ။ ဘီးတပ်ကုလားထိုင်ခုံနဲ့ အနာဂတ်က သူပါဆိုပြီးရောက်လာတာက ပါဗသီဆိုတဲ့အမျိုးသမီးတစ်ယောက်။ ရွှေငါးတစ်ကောင်နဲ့ ဘွန်ဇိုင်းပင်ဆီက အကြံယူပြီး စားဖိုမှူးလုပ်စားနေတဲ့ နာလာ။ မူးယစ်ဆေးစွဲနေတဲ့ ကော်ဖီဖျော်တဲ့သူ မီရာ။ ရှေးရိုးစွဲမိဘတွေကို ဘ၀လက်တွဲဖော်နဲ့မိတ်ဆက်ဖို့ဆိုပြီး မိတ်ဆက်ပေးဖို့လုပ်တဲ့ လိင်တူချစ်သူ ရာဒါ။ စသဖြင့် စရိုက်အသီးအသီး ပုံစံအစုံစုံနဲ့ ဇာတ်ကောင်တွေကို ဇာတ်အိမ်တစ်ခုမှာဖွဲ့စည်းလိုက်တဲ့အခါ။ ထင်မှတ်မထားတဲ့အကြောင်းအရာတွေနဲ့ ကြည့်ပျော်မဲ့ရုပ်ရှင်မို့ တင်ဆက်ပေးလိုက်ပါတယ်။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်။) File size… 1.7 GB / 834 MB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

" ငါတို့ ဘယ်ရထားမှာ လွဲခဲ့သလဲ တစ်ခါလွဲရင် နှစ်ပေါင်းဘယ်လောက် ကြာတတ်လဲ ။ ခင်ခင်ပျိုရေ ..... ငါ စောင့်ခဲ့တယ် ။ ။ #အောင်ချိမ့် အချစ်ဆိုတာလည်း အချိန်ကို စောင့်တတ်တာမျိုး မဟုတ်ပါဘူး။ ဖူးစာဆိုတာဟာလည်း ဦးရာလူပါပဲ။ လွဲရမဲ့ ကံကြမ္မာတွေဟာ လွဲကို လွဲကြရတာပါပဲ။ မဆုံဆည်းဖြစ်ခဲ့တဲ့ ကံကြမ္မာက တစ်ပတ်လည်လို့ မဖြစ်မနေ ပြန်လည် ဆုံဆည်းရမယ် ဆိုပါစို့။ အဲဒီအချိန်တွေကို တန်ဖိုးရှိအောင် အသုံးချရမှာပေါ့။ ဖြူစင်လွန်းတဲ့အချစ်တွေက ပိုင်ရှင်အတွက် တန်ဖိုး ရှိပေမဲ့ လက်ခံသူထားတဲ့တန်ဖိုးပေါ် မူတည်ပြီး တန်ဖိုးတွေက ပြောင်းလဲလို့ နေပါတယ်။ အထက်တန်းကျောင်းသားဘဝကတည်းက အခြေတည်ခဲ့တဲ့အချစ်တစ်ခုဟာ အကြောင်းအမျိုးမျိုးကြောင့် အလွဲလွဲ အချော်ချော်တွေ ဖြစ်ခဲ့ရပြီး ကံကြမ္မာ မျက်နှာသာမပေးလို့ အနီးဆုံးမှာ ရှိနေပေမဲ့ အဝေးကြီး ဝေးခဲ့ရတဲ့အဖြစ်တွေ .... "ငါတို့တွေ ပြန်တွေ့ရတဲ့အချိန် ငါ့မှာလည်း အကြွေးတွေနဲ့ နင့်မှာလည်း ကလေးတွေနဲ့" ဆိုတဲ့ စကားဟာ ကြားရရင် ဟာသစွက်သလို ဆိုပေမဲ့ ခံလိုက်ရတဲ့ကောင်ကတော့ ရင်အနင့်ကြီး နင့်ရသပေါ့။ အချစ်ဦးကို အိမ်ထောင်သည်အဖြစ် ပြန်တွေ့ရတဲ့အခိုက်အတန့် တစ်ညလုံး မအိပ်ဘဲ ကိုယ် မျိုသိပ်ခဲ့ရတဲ့ အချစ်တွေကို ရင်ဖွင့်ခွင့် ရခဲ့တဲ့လူတစ်ယောက်ရဲ့ အရိုးသားဆုံး အဖြူစင်ဆုံး ဝန်ခံချက်တွေကြောင့် ဒီဇာတ်ကားကို ကြည့်တဲ့ သူတွေလည်း နင့်နေ‌အောင် ခံစားကြရမှာပါပဲ။ ၉၆ ဆိုတဲ့ ၁၉၉၆ ခုနှစ်က အထက်တန်းကျောင်းသားလေး နဲ့ ကျောင်းသူလေးရဲ့ နှစ် ၃၀ ကြာမှ ဖြေရှင်းခွင့် မရခဲ့တဲ့ အကြောင်းတွေကို ဖြေရှင်းခွင့် ရခဲ့တဲ့အခါမှာ အရာရာဟာ နောက်ကျသွားခဲ့ပြီ ဆိုပေမဲ့ မပြောဖြစ်ခဲ့တဲ့ စကားတွေကို ပြောခွင့်ရတဲ့ တစ်ညတာက အင်မတန် တန်ဖိုးရှိလှပါတယ်။ တစ်ညလုံးလုံး မအိပ်ဘဲ စကားပြောဖြစ်လောက်အောင်အထိ အတူတူ ရှိနေချိန်တွေက တန်ဖိုး ရှိနေခဲ့တဲ့ ဇာတ်လမ်းလေး။ အချစ်ဦး နဲ့ လွဲခဲ့တဲ့လူတွေ ဒီဇာတ်လမ်းကို ကြည့်ပြီး မငိုရဘူးဆိုရင် ကြိုက်သလို ပြောပါ။ အင်္ဂလိပ်မှာ 500 Days of Summer ကိုရီးယားမှာ On your wedding day တရုတ်မှာ My Love ထိုင်းမှာ One Day ဆိုရင် .... ဒီတောင်ပိုင်းကား 96 ကလည်း အဲဒီအနွယ်ဝင်ပဲ ဖြစ်ပါလိမ့်မယ်။ အညွှန်း နဲ့ ဘာသာပြန်ကတော့ August ပဲ ဖြစ်ပါတယ်။

Mersal ဇာတ်ကားဟာ ၂၀၁၇ ခုနှစ်မှာဖြန့်ချိခဲ့တဲ့ အိန္ဒိယဇာတ်ကားကောင်းတစ်ကားဖြစ်ပါတယ် IMDB rating 8.8/10 ရရှိထားပါတယ် သရုပ်ဆောင်များအနေနဲ့ မင်းသား Vijay,Samantha,Nithya Menon တို့ပါဝင်သရုပ်ဆောင်ထားသော သဲထိတ်ရင်ဖိုအက်ရှင်ကားဖြစ်ပါတယ် ဇာတ်လမ်းအကျဉ်းကတော့ ဒေါက်တာ Marran တစ်ယောက် ဆေးပညာရပ်နှီးနှောဖလှယ်ပွဲတစ်ခုတက်ရင်း အခြားဆရာဝန်တစ်ယောက်ဖြစ်တဲ့ Arjun နဲ့မသင့်မမြတ်ဖြစ်ခဲ့ပါတယ် ထို့နောက် Arjun နဲ့လက်ထောက် Anu Pallavi တို့ကို့ မျက်လှည့်ပြပွဲကြည့်ရန်ဖိတ်ခေါ်ခဲ့ပါတယ် မျက်လှည့်ပြနေစဉ် ဒေါက်တာ Arjun တစ်ယောက် အသတ်ခံလိုက်ရတဲ့အခါ...... တရားခံအစစ်အမှန်ကဘယ်သူလဲ....... နောက်ကွယ်မှာဘယ်သူတွေရှိနေလဲဆိုတာ....... စိတ်ဝင်စားဖွယ်ရိုက်ကူးတင်ဆက်ထားတဲ့ဇာတ်ကားကောင်းလေးဖြစ်ပါတယ် File Size : (1.3 GB) Quality : HDRip 720p Running Time : 2hr 52min Format : Mp4 Genre :Action, Drama, Fantasy Subtitle : Myanmar Subtitle (Hard Sub) Source : HDRip1080p.x264.AVC.AC3.5.1.HC.ESub Team TMR Encoded by Thanhtike Zaw

Sarrainodu (2016) IMDb-6.6/10 ဘောလိဝုဒ်ပရိတ်သတ်ကြီးအတွက် ကားဟောင်းထဲက ကားကောင်းလေးတကားဖြစ်တဲ့ အာလူးအာဂျွန်နဲ့ မင်းသမီးချော မဟာလက်ရှ်မီးတို့ရဲ့ အမှန်တရားဘက်တော်သား အက်ရှင်ကားလေးကိုတင်ဆက်ပေးလိုက်ရပါတယ်။ ဘတ်ဂျတ် ရူပီးသန်းငါးရာ အသုံးပြုထားပြီး ရူပီးသန်းထောင့်နှစ်ရာခုနစ်ဆယ်ပြန်ရခဲ့တဲ့ကားတကားလဲဖြစ်ပါတယ်။ အိမ်ရဲ့သဲသဲလှုပ်အချစ်ခံရတဲ့ တဦးတည်းသောသားလေးဖြစ်ပြီး စစ်ပြန်ကြီးလည်းဖြစ်တဲ့ ဂါနာက မတရားတာတွေ့ရင် လက်ပါခြေပါနဲ့ဖြေရှင်းတတ်သူတစ်ယောက်။သိပ်ချစ်မိသွားတဲ့ ချစ်သူလေးက အကြမ်းဖက်တာမျိုးမလုပ်ရင် လက်ထပ်ပါမယ်လို့ကတိပေးပြီးတဲ့နောက်မှာတော့။ ဝန်ကြီးချုပ်ရဲ့ သားဖြစ်သူက သူ့အကျိုးစီးပွားအတွက် အာဏာကိုသုံးပြီး လူတွေသတ် မြေတွေအဓမ္မသိမ်းနဲ့ ထင်ရာစိုင်းနေခဲ့တယ်။အသတ်ခံရတဲ့လယ်သမားတွေဘက်ကနေပြီး ရပ်တည်ပေးနေတဲ့ သားဖနှစ်ယောက်နဲ့ ချစ်သူကိုအကြမ်းမဖက်ပါဘူးဆိုပြီး ကတိပေးထားတဲ့ဂါယာတယောက် ဝန်ကြီးချုပ်သားရဲ့ မတရားမှုမှာ ပါဝင်လာတဲ့အခါမှာတော့။ အရင်က ဘောလိ၀ုဒ်ကားတွေရဲ့ အရသာကိုတဖန်ပြန်လည်ခံစားကြပါဦး။ (အညွှန်းနဲ့ဘာသာပြန်တွေကတော့ V~Zwe~Moon~Cherry~BpL~Yunniတို့ပဲဖြစ်ပါတယ်) File size…4.4GB / 2.1GB Quality…1080p  WEB DL /720p Format…mp4 Duration….2h 39m Subtitle….Myanmar Subtitle (Hard Sub) Encoder….YK Translated by V~Zwe~Moon~Cherry~BpL~Yunn

Eega(2012) IMDB rating 7.7နဲ့ ရရှိထားထတဲ့ ဇာတ်ကားဖြစ်ပါတယ်။ Tamil-Telugu ဇာတ်ကားအမျိုးအစားဖြစ်ပြီး မင်းသမီး Samantha Akkineniပါဝင်သရုပ်ဆောင်ထားပါတယ်။ ဘင်ဒူဆိုတဲ့ကောင်မလေးဟာ ပရဟိတ လုပ်ငန်းတစ်ခုမှာ ပါဝင်တဲ့သူတစ်ယောက်ပေါ့... ရိုးရှင်းစွာဖြတ်သန်းပြီး ခပ်ပြုံးပြုံးလေးနေတတ်တဲ့ သူမကို သိပ်ချစ်တဲ့ကောင်လေး နာနီဆိုတာရှိတယ်... ဒီကောင်လေးကလည်း သူ့ကိုလိုက်နေတာ ၃နှစ်၃မိုးဆိုပါတော့လေ... အဖြေပြန်မပေးပေမယ့် ကောင်မလေးကလည်း ကြာတော့သူ့ကို သံယော်ဇဉ်တွယ်လာပုံပါပဲ... တစ်နေ့တော့ ဘင်ဒူဆိုတဲ့ကောင်မလေးကို သူဌေးကြီးတစ်ဉီးက မျက်စိကျသွားတယ်... ဒီသူဌေးကြီးဟာ ကောင်မလေးကိုရဖို့ဆို  အနားမှာရှိတဲ့ နာနီကိုရှင်းထုတ်မှဖြစ်မယ်ဆိုပြီးအသေသတ်ပစ်လိုက်တယ်.... ထူးဆန်းစွာပဲနာနီဟာ သေပြီးနောက် ယင်ကောင်အဖြစ်ပြန်လည်မွေးဖွားခဲ့တယ်... ယင်ကောင်ဖြစ်ပေမယ့် အတိတ်ဘဝက သူ့ကို ဖျက်စီးခဲ့တဲ့သူကိုအမှတ်ရပြီးနောက်မှာတော့..... ယင်ကောင်ပင်ဖြစ်လင့်ကစား ဒီအမျိုးယုတ်သူဌေးကို ရတဲ့နည်းနဲ့လက်စားချေဖို့ကြိုးစားပါတော့တယ်... ယင်ကောင်ရဲ့အကြံအစည်တွေအထမြောက်လာမလားဆိုတာကိုတော့.... ဇာတ်လမ်းအညွှန်းနဲ့ဘာသာပြန်သူကတော့ Thaik San ပဲဖြစ်ပါတယ်... File size… 3.22GB / 1.4GB Quality…BluRay 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by  Thaik San

Kanchana ဒီကားက အခုလတ်​တ​လောမှာ ​ရေပန်​းစား​နေတဲ့ ရုံတင်​ကားကြီးဖြစ်​တဲ့ တာ​တေကြီးရဲ့ မူရင်​းဇာတ်​ကား​လေးပါ... ဇာတ်​လမ်​း ဇာတ်​ကွက်​​တွေက ​အထူး​ညွှန်​း​နေစရာ​တောင်​ မလိုအပ်​​တော့ပါဘူး... ရာဗာတို့သူငယ်ချင်း​အုပ်​စု ခရစ်​ကတ်​ ကစား​နေကြ ​မြေကွက်​လပ်​ကြီးက ကစားလို့မရ​တော့တဲ့အတွက်​ ​နေရာအသစ် ​သွားရှာတဲ့အခါမှာ...လူမရှိတဲ့ခြံကျယ်​ကြီးတစ်​ကွက်​ကို​တွေ့ခဲ့ပါတယ်​ ရာဗာတို့သူငယ်​ချင်​းအုပ်​စုက အဲ့ဒီခြံကျယ်​ကြီးထဲမှာ ခရစ်​ကတ်​ကစားဖို့ ပြင်​ဆင်​​နေကြတဲ့အချိန်​မှာပဲ ​လေပြင်​း​တွေတိုက်​ ​ကောင်​းကင်​​တွေက မဲ​​မှောင်​လာခဲ့ပါ​တော့တယ်​ ရာဗာတို့​တွေလဲ ​ကြောက်​အားလန်​့အားနဲ့ အိမ်​ပြန်​​ပြေးကြတဲ့အခါမှာ​တော့ ရာဗာရဲ့ ခရစ်​ကတ်​ကစားတဲ့တုတ်​မှာ အဲ့ဒီခြံကျယ်​ကြီးထဲက မ​ကောင်​းဆိုးဝါးကလိုက်​လာခဲ့ပါ​တော့တယ်​.... သရဲဆိုရင်​ အသံ​တောင်​ကြားမရ​အောင်​​ကြောက်​တတ်​တဲ့ သတ္တိခဲရာဗာဆီမှာမှ အမုန်​း​တွေ အညှိုး​တွေ အာဂတ​တွေနဲ့ ပြည်​့​နေတဲ့ ခြံကျယ်ကြီးထဲက သရဲ​တွေ ဝင်​​ရောက်​စီးကပ်​သွားတဲ့အခါမှာ​တော့... ရာဗာတို့မိသားစု​တွေ ဘယ်​လိုအ​ခြောက်​အလှန်​့​တွေနဲ့ ရင်​ဆိုင်​သွားရမလဲ... ရာဗာကိုယ်​တိုင်​က​ရော ဘယ်​လိုပုံစံမျိုး​တွေ​ပြောင်​းလဲသွားမလဲ... ရာဗာ့ဆီမှာ ဝင်​ပူးခဲ့တဲ့သရဲ​တွေက​ရော ဘယ်​လိုအ​ကြောင်​း​ကြောင်​့လဲဆိုတာ​တွေကို​တော့ ဇာတ်​လမ်​းဆုံးသည်​ထိ သည်းထိတ်ရင်ဖို​​​နဲ့ ကြည်​့ရှုခံစားရမယ်​့ဇာတ်​ကားတစ်​ကားဖြစ်​ပါတယ်​... သရဲကားကြိုက်​နှစ်​သက်​သူ​တွေအတွက်​ အထူးညွှန်​းစရာမလို​ပေမယ်​့ သရဲကားမကြည်​့ရဲတဲ့သူ​တွေအတွက်​လဲ ဟာသ​လေး​တွေနဲ့မို့ မ​ကြောက်​ပဲကြည်​့ကြပါလို့ ညွှန်​းချင်​ပါတယ်​ Qty - 720p Blu-ray Duration - 2hr 30min Gern - Horror/ Thrill Translator - Mie Mie Review - Mie Mie Encoder - Kyaw Ye Aung

Enthiran (2010) Robot IMDB Rating (7.2) / Rotten Tomatoes (72%) ဒီကားကတော့ အိန္ဒိယသမိုင်းမှာ မှတ်တိုင်တစ်ခု စိုက်ထူနိုင်ခဲ့တဲ့ထိ အောင်မြင်ခဲ့တဲ့ စိတ်ကူးယဉ်သိပ္ပံအက်ရှင်ဇာတ်ကားတစ်ကားပါ ရုံတင်ငွေလည်း ကုဋေ ၂၉၀လောက်အထိ ပြန်ရခဲ့ပြီး အဲ့ဒီခေတ်ကာလအနေအထားအရ ခေတ်ရှေ့ပြေးတဲ့ ဇာတ်ညွှန်းနဲ့တင်ဆက်မှုမျိုးပါပဲ။ ဒီလိုဆိုလို့ ဘောလိဝုဒ်ဇာတ်ကားလို့ထင်စရာရှိပေမယ့် တကယ်တော့ တောင်ပိုင်းက Tamil ဇာတ်ကားဖြစ်ပြီး မယ်ကမ္ဘာဆုရှင် Aishwarya Rai နဲ့ တမီးလ်မင်းသားကြီး Rajinikanth တို့အဓိကပါဝင်ထားပါတယ်။ ဇာတ်လမ်းကတော့... ဆယ်စုနှစ်တစ်ခုကြာ သုတေသနပြုပြီးတော့ ပါရမီရှင်သိပ္ပံပညာရှင် ဒေါက်တာဗာစီက လူသားနဲ့ ခပ်ဆင်ဆင်တူတဲ့ အဆင့်မြင့် humanoid စက်ရုပ်တစ်ရုပ်ကို ဖန်တီးနိုင်ခဲ့ပါတယ် သူ့ရဲ့နာမည်ကိုတော့ ချစ်တီးလို့ပေးလိုက်ပါတယ် ချစ်တီးကို လူသားတွေကိုကူညီဖို့ ရည်ရွယ်ပြီး ဖန်တီးခဲ့တာပါ အစပိုင်းမှာတော့ ချစ်တီးက အမိန့်တွေကို တိတိကျကျ လိုက်နာပြီး လူသားတွေအတွက် အလွန်အသုံးဝင်တဲ့ စက်ရုပ်တစ်ရုပ်ဖြစ်ခဲ့ပေမဲ့ ဒေါက်တာဗာစီက ချစ်တီးရဲ့ ဆော့ဖ်ဝဲလ်ကို အဆင့်မြှင့်တင်ပြီး လူသားဆန်တဲ့ စိတ်ခံစားမှုတွေကို ထည့်သွင်းလိုက်တဲ့အခါ ဇာတ်လမ်းက စတင်ရှုပ်ထွေးလာပါတော့တယ် ချစ်တီးတစ်ယောက် ဒေါက်တာဗာစီရဲ့ ချစ်သူဖြစ်သူဆာနာကို ချစ်မိသွားတဲ့အခါ ပြဿနာတွေ စတင်ပေါ်ပေါက်လာပါတော့တယ် ချစ်ခြင်းမေတ္တာရဲ့ ခံစားချက်တွေကို နားလည်လာတဲ့ ချစ်တီးက ဆာနာ့ကို ရယူလိုစိတ် ပြင်းပြလာပြီး ဒေါက်တာဗာစီနဲ့ပါ ထိပ်တိုက်ရင်ဆိုင်လာပါတော့တယ် ချစ်တီးက စွမ်းအားကြီးမားတဲ့ လူသားတွေကိုပါ ခြိမ်းခြောက်နိုင်တဲ့ စက်ရုပ်အဖြစ် ပြောင်းလဲလာတဲ့အခါမှာတော့ ဒေါက်တာက သူဖန်တီးခဲ့တဲ့စက်ရုပ်ကို ပြန်လည်ထိန်းချုပ်ဖို့နဲ့ လူသားမျိုးနွယ်ကို ကယ်တင်ဖို့အတွက် အပြင်းအထန် တိုက်ပွဲဝင်ရပါတော့တယ် ဒီကားက စိတ်ကူးယဉ် သိပ္ပံဇာတ်လမ်းအိမ်နဲ့အထူးပြုလုပ်ချက်တွေ ရင်ခုန်စရာကောင်းတဲ့ အက်ရှင်ခန်းတွေနဲ့ အချစ်ဇာတ်လမ်းကို ပေါင်းစပ်ထားတာကြောင့် အိန္ဒိယရုပ်ရှင်လောကမှာ မှတ်တိုင်တစ်ခု စိုက်ထူနိုင်ခဲ့တဲ့ ဇာတ်ကားပါ ရာဂျီနီကန့် ရဲ့ နှစ်ကိုယ်ခွဲ သရုပ်ဆောင်ချက်တွေကလည်း ဇာတ်ကားရဲ့အသက်လို့ ပြောလို့ရလောက်ပါတယ် ဇာတ်ကားကောင်းတစ်ကားမို့ လက်မနှေးဘဲ အပြေးကြည့်ကြဖို့တိုက်တွန်းရင်း။ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) ဒီကားရဲ့အဆက်အနေနဲ့ 2.0 (2018) ဇာတ်ကားထပ်မံထွက်ရှိခဲ့ပြီး cm မှာတော့ တင်ပြီးသားပါ။ File size…(8.8 GB) / (4.1 GB )/ (2.3 GB) Quality…BluRay 4K HEVC/ 1080p HEVC / 720p Format…mkv/mp4 Duration….02:57:00 Subtitle….Myanmar Subtitle (Hardsub) Encoder….Ka Naung Translated by CM Bollywood Team