Devon Bostick ပါဝင်သော ဇာတ်ကားများ

Mile End Kicks (2026) IMDb Rating (6.3) / Rotten Tomatoes (88%) ဂီတလောကရဲ့ နောက်ကွယ်က ဖန်တီးမှုတွေ၊ ဆယ်ကျော်သက်ဘဝကနေ လူငယ်ဘဝဆီ ကူးပြောင်းစအချိန် ၂၀ ကျော်အရွယ်မှာ ရှုပ်ထွေးလှတဲ့ လူမှုဆက်ဆံရေးတွေနဲ့ အချစ်ဇာတ်လမ်းကို ပေါ့ပေါ့ပါးပါးနဲ့ အနုပညာဆန်ဆန် ရိုက်ပြထားတဲ့ Romantic Comedy / Drama ကားကောင်းတစ်ကား ဖြစ်ပါတယ်။ မွန်ထရီအောမြို့က နာမည်ကြီး အနုပညာရပ်ကွက်ဖြစ်တဲ့ "Mile End" ရဲ့ ဂီတအငွေ့အသက်တွေကို အခြေခံထားတာပါ။ ဇာတ်လမ်းကတော့ အသက် ၂၄ နှစ်အရွယ်၊ ထက်မြက်ပြီး ကိုယ်ပိုင်အရည်အချင်းရှိတဲ့ အမျိုးသမီး ဂီတဝေဖန်ရေးပညာရှင်လေးတစ်ဦးအကြောင်းပါ။ သူမဟာ မြေအောက်ဂီတလောကက တက်သစ်စ အင်ဒီတီးဝိုင်း (Indie Band) တစ်ခုကို သဘောကျသွားပြီး၊ သူတို့ကို လူသိများလာအောင် မီဒီယာတွေပေါ်မှာ ကူညီမြှင့်တင်ပေးဖို့ဆုံးဖြတ်လိုက်ပါတယ်။ ဒါပေမဲ့ ပြဿနာက အလုပ်နဲ့ ပုဂ္ဂိုလ်ရေးဆိုင်ရာ ကိစ္စတွေ ရောမိသွားတဲ့အခါမှာ စတင်ပါတော့တယ်။ သူမဟာ အဲဒီအင်ဒီတီးဝိုင်းကို ကူညီရင်းနဲ့ တီးဝိုင်းအဖွဲ့ဝင်တွေနဲ့ပါ မထင်မှတ်ဘဲ အချစ်ဇာတ်လမ်းတွေ ရှုပ်ထွေးပွေလီစွာ ပတ်သက်မိသွားပါတော့တယ်။ အလုပ်အကိုင် အောင်မြင်မှု၊ ဂီတအပေါ် ထားတဲ့ ရူးသွပ်မှုနဲ့ စိတ်ကူးယဉ် အချစ်ကမ္ဘာကြားမှာ သူမ ဘယ်လိုမျိုး ဟန်ချက်ညီအောင် ထိန်းညှိမလဲ၊ ဘယ်လို ရယ်စရာ၊ စိတ်နာစရာ အလွဲအချော်တွေ ကြုံရမလဲဆိုတာကို လူငယ်ဆန်ဆန် ရိုက်ပြထားပြီး Euphoria နဲ့ လူသိများခဲ့တဲ့ Barbie Ferreira ရဲ့ အမိုက်စား သရုပ်ဆောင်ချက်တွေကို မြင်တွေ့ရမှာပါ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (6.8 GB) / (1.4 GB) / (900 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Drma,Music,Romance Duration…. 01:52:12 Subtitle…. Myanmar Subtitle (Hardsub)

Crime 101 (2026) IMDb Rating (7.0) / Rotten Tomatoes (89%) Thor မင်းသားနဲ့ Hulk မင်းသားတို့ရဲ့ ဓားပြရုပ်ရှင်အသစ် လာပါပြီ။ စာရေးဆရာ Don Winslow ရဲ့ နာမည်ကြီး ဝတ္ထုကို အသက်သွင်းပြီး ဒါရိုက်တာ Bart Layton ကိုယ်တိုင် ရေးသားဖန်တီးထားတဲ့ "Crime 101" ရုပ်ရှင်ကို တင်ပေးထားပါတယ်။ ဒီကားရဲ့ အဓိက Theme ကတော့ လော့စ်အိန်ဂျလိစ်မြို့က နာမည်ကြီး 101 အဝေးပြေးလမ်းမကြီးပေါ်မှာ ဖြစ်ပွားခဲ့တဲ့ ပဟေဠိဆန်ဆန် ရတနာလုယက်မှုတွေနဲ့ အဲဒီနောက်ကွယ်က ရာဇဝတ်မှုတွေကို ၁၉၉၀ ပြည့်လွန်နှစ်တွေက မှုခင်းကားတွေရဲ့ အငွေ့အသက်မျိုးနဲ့ အမိုက်စား တင်ဆက်ထားတာပဲ ဖြစ်ပါတယ်။ ဒီကားမှာ အဓိက သရုပ်ဆောင်တွေအနေနဲ့ မာဗယ်မင်းသားကြီး Chris Hemsworth က နာမည်ဆိုးနဲ့ကျော်ကြားတဲ့ သူခိုးကြီး Mike အဖြစ် ပါဝင်ထားပြီး၊ သူ့ကို အသေအလဲ လိုက်ဖမ်းမယ့် စုံထောက်ကြီး Lou အဖြစ် Mark Ruffalo က သရုပ်ဆောင်ထားပါတယ်။ သူတို့နှစ်ယောက်ရဲ့ အပြန်အလှန် အားပြိုင်မှုတွေက တကယ့်ကို ကြည့်ကောင်းပါတယ်။ ဒါ့အပြင် အာမခံပွဲစားမလေး Sharon အဖြစ် နာမည်ကျော် မင်းသမီးကြီး Halle Berry က ပါဝင်ထားပါသေးတယ်။ ကြမ်းကြမ်းတမ်းတမ်း ဆိုင်ကယ်ဂိုဏ်းသား Ormon အဖြစ် Barry Keoghan ကလည်း အပီပြင်ဆုံး သရုပ်ဆောင်ထားပါသေးတယ်။ ဇာတ်လမ်းအကျဉ်း ဇာတ်လမ်းအစမှာတင် ရဲတွေတောင် ခေါင်းကိုက်သွားလောက်အောင် ပြောင်မြောက်တဲ့ ရတနာလုယက်မှုတွေနဲ့အတူ Mike တစ်ယောက် လော့စ်အိန်ဂျလိစ်ကို မွှေနှောက်နေတာကို မြင်တွေ့ရမှာပါ။ အဓိက ပဋိပက္ခကတော့ Mike ဟာ သူ့ရဲ့ နောက်ဆုံးပွဲသိမ်း အကြံအစည်ကြီးအတွက် အာမခံပွဲစား Sharon နဲ့ ပူးပေါင်းလိုက်ချိန်မှာ၊ တစ်ဖက်ကလည်း စုံထောက်ကြီး Lou က အနီးကပ် ခြေရာခံမိလာတာပါပဲ။ ဇာတ်လမ်းက တဖြောင့်တည်း ပုံစံမျိုးနဲ့ပဲ သွားပေမယ့် ဖမ်းသူနဲ့ ပြေးသူကြားက အကြိတ်အနယ် ပြိုင်ဆိုင်ရတဲ့ ပြေးတမ်းလိုက်တမ်း ကစားပွဲကို ဖြည်းဖြည်းချင်း အရှိန်ယူတဲ့ (Slow-burn) ပုံစံမျိုးနဲ့ တဖြည်းဖြည်း ဆွဲခေါ်သွားတာ ဖြစ်ပါတယ်။ ဒီကားက အက်ရှင်ကားဆိုပေမယ့် သွေးထွက်သံယို အရမ်းများတာမျိုး မဟုတ်ဘဲ ဦးနှောက်စားရတဲ့ မှုခင်းကားမျိုး ဖြစ်လို့ စိတ်အေးလက်အေး ကြည့်လို့ရပါတယ်။ "Crime 101" ရဲ့ အဓိက အချက်ကတော့ Chris Hemsworth နဲ့ Mark Ruffalo တို့လို နာမည်ကြီး သရုပ်ဆောင်ကြီးတွေရဲ့ ပီပြင်တဲ့ သရုပ်ဆောင်မှုတွေနဲ့ ကြည့်ရှုသူကို ရင်တမမ ဖြစ်စေမယ့် ဇာတ်လမ်းအချိတ်အဆက်တွေပါပဲ။ ဦးနှောက်သုံးရတဲ့ (Heist/Crime Thriller) ဇာတ်ကားကောင်းတွေကို နှစ်သက်သူတွေ၊ ပြေးတမ်းလိုက်တမ်း စုံထောက်ကားတွေကို သဘောကျတဲ့ ပရိသတ်တွေ လုံးဝ အကြိုက်တွေ့စေမယ့် ဇာတ်ကားပါ။ အကြိတ်အနယ် အားပြိုင်မှုတွေပါဝင်တဲ့ မှုခင်းဇာတ်ကားကောင်း တစ်ကားကို ရှာဖွေနေတယ်ဆိုရင်တော့ ဒီကားလေးကို လက်မလွှတ်တမ်း ကြည့်ရှုဖို့ အကြံပြုချင်ပါတယ်။ File size… (9.3 GB) / (2.4 GB) / (1.1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime, Drama, Thriller Duration…. 02:22:00 Subtitle…. Myanmar Subtitle (Hardsub)

Hollywood ကားကြီးတွေမှာပါနေကြ အာရှသား သရုပ်ဆောင် Kenneth Choi နဲ့ Margaret Cho တို့အပြင် Morden Family ထဲက Jesse Tyler Fergusonတို့လို့ ဇာတ်ပို့ကောင်းတွေအများကြီးပါဝင်ထားတဲ့ ကားကောင်းလေးပါ ဇာတ်လမ်းက twist မများပေမယ့် စိတ်ခံစားချက် နဲ့ healing journey ကို အဓိကထားပြထားတဲ့ကားပါ Emma ဆိုတဲ့ အမျိုးသမီးတစ်ယောက်အကြောင်းပါ..သူဟာ သူ့ဘဝမှာ ချစ်ရတဲ့ လူတွေနဲ့ အမှတ်တရတွေကို အမြဲတန်ဖိုးထားတဲ့သူပေါ့သူ့ယောက်ျားဟောင်းနဲ့ကွဲခဲ့တာလည်း သမီးလေးတစ်သက်ရှိပါပြီ..သားအမိနှစ်ယောက်လုံးဒီလူ့ကို စိတ်နာနေတာပါ... အမ်မာလည်း ဘဝအသစ်မှာ မိတ်ဆွေ ချစ်ခင်သူအသစ်တွေနဲ့အသားကျနေပြီးမှခင်ပွန်းဟောင်းဖြစ်သူ အန်ဒီက သူတို့ဘဝထဲကို ပြန်လည်ဝင်ရောက်လာတဲ့အခါ လူမှုရေးပြဿနာတွေကြားက ဖြစ်တတ်တဲ့ ပဋိပက္ခတွေနဲ့သူတို့ သားအမိ ၃ ယောက်ရဲ့ ပြဿနာတွေကို ဘယ်လိုဖြေရှင်းကျော်ဖြတ်သွားမလဲဆိုတာကို ကြည့်ရမှာဖြစ်ပါတယ် File size…(1.1 GB)/(616 MB) Quality….Webrip 1080p / 720p Format…mp4 Duration….01:00:00 Genre...Drama Subtitle….Myanmar Subtitle (Hardsub)

IMdb Rating (8.5) / Rotten Tomatoes (93%) ဒါရိုက်တာ ခရစ္စတိုဖာနိုလန်ရဲ့ အကောင်းဆုံးရုပ်ရှင်တွေထဲက တစ်ကားဖြစ်တဲ့ အော့ပန်ဟိုင်းမားကို 4K IMAX HDR/SDR Quality တွေနဲ့ တင်ဆက်လိုက်ပါတယ်။ Peaky Blinder ရဲ့ မင်းသား Cillian Murphy က ဒေါက်တာ ဂျေ ရောဘတ် အော့ပန်ဟိုင်းမားအဖြစ် ခေါင်းဆောင်ပါဝင်ထားပြီး၊ နာမည်ကြီးတွေဖြစ်တဲ့ Robert Downey Jr., Emily Blunt, Matt Damon, Rami Malekတို့ အစုံပါဝင်ထားပါတယ်။ ဒီရုပ်ရှင်ဟာ သမိုင်း၊ ဒရာမာ၊ အထ္ထုပ္ပတ္တိ အမျိုးအစားပဲဖြစ်ပါတယ်။ သမိုင်းကို နည်းနည်းလေး ကြားဖူးသူတိုင်းတောင် ဟီရိုရှီးမားနဲ့ နာဂါဆာကီကို ကြားဖူးကြမှာပါ။ ဒီရုပ်ရှင်ထဲက ပုဂ္ဂိုလ်ကတော့ အဲဒီမြို့နှစ်မြို့ကို ကျဲချခဲ့တဲ့ အနုမြူဗုံးကို တီထွင်ခဲ့တဲ့ သူပါပဲ။ သမိုင်းတလျှောက် အကျော်ကြားဆုံးလူတွေထဲကတစ်ယောက်ဖြစ်ပါတယ်။ ဒီရုပ်ရှင်ကို နိုလန်ရဲ့ထုံးစံအတိုင်း အတန်းလိုက်မဟုတ်တဲ့ ဇာတ်ကြောင်းပြောပုံတွေရယ်၊ နောက်ကြောင်းပြန်ပုံတွေရယ်နဲ့ စိတ်ဝင်စားစရာကောင်းအောင်ရိုက်ကူးထားပါတယ်။ အော့ပန်ဟိုင်းမားရဲ့ ကျောင်းသားဘဝ၊ ပါမောက္ခဘဝ၊ ကွန်မြူနစ်နောက်ခံ ဘဝတွေကနေ အမေရိကန်ရဲ့ အကြီးမားဆုံး စီမံကိန်းဖြစ်တဲ့ မန်ဟက်တန်စီမံကိန်းကို လော့စ် အာလာမို့စ်မှာ ဦးဆောင်ခဲ့ရပုံတွေကိုပြသထားပါတယ်။ အနုမြူဗုံးကိုအောင်မြင်စွာဖန်တီးပြီး စစ်နိုင်သွားတဲ့နေရာမှာ ရပ်သွားတာမဟုတ်ဘဲ အဲဒီနောက်ပိုင်းမှာ သမ္မတနဲ့ အစိုးရကိုပါ အတိုက်အခံလုပ်ပြီး အနုမြူလက်နက် ကန့်သတ်ရေးကို လှုပ်ရှားခဲ့တဲ့ဘဝအကြောင်းတွေပါ ပါဝင်ပါတယ်။ ပထမဆုံး အဖြူအမည်း IMAX ရိုက်ချက်တွေကို ဖန်တီးထည့်သွင်းထားသလို ရုပ်ရှင်တစ်ကားလုံးကို CGI မသုံးခဲ့တဲ့အတွက်လည်း နာမည်ကြီးနေပါသေးတယ်။ ပြီးတော့ အော့ပန်ဟိုင်းမားနဲ့ခေတ်ပြိုင် နာမည်ကြီး သိပ္ပံပညာရှင်တွေလည်း အချက်အလက်အသေးစိတ်ထည့်သွင်းထားပါသေးတယ်။ အဲဘတ်အိုင်းစတိုင်း၊ ကာ့ထ်ဂိုဒဲ၊ ရစ်ချက်ဖိုင်းမန်းတို့လို ဇာတ်ကောင်တွေကိုလည်း အသေးစိတ်ဖန်တီးထားပါတယ်။ အတော်ကိုကြည့်ကောင်းတဲ့ ရုပ်ရှင်ပါပဲ။ (4K Quality ကို IMAX Version ကိုမှ ကာလာပိုလှပတဲ့ HDR Version နဲ့ ရိုးရိုး SDR Version ၂ ခုစလုံးတင်ဆက်ပေးထားပါတယ်။ HDR ကိုတော့ HDR Play နိုင်တဲ့ ခေတ်ပေါ် Device များမှာသာ ကြည့်ရှုလို့ရမှာဖြစ်ပြီး SDR ကတော့ ဘာနဲ့ကြည့်ကြည့်ရပါတယ်ခင်ဗျာ။) File size… (5.8 GB)/ (10 GB) /(2.35 GB) /  (1.05 GB) Quality… BluRay  4K HDR/SDR /1080p / 720p Format… mkv/mp4 Duration…. 3 hr Genre .....  Drama, History Subtitle…. Myanmar Subtitle (Hard Sub) Encoder…. Thit San Khant,Ka Naung Translated by Mr. Anderson

Words on Bathroom Walls (2020) IMDb Rating - 7.0/10 စိတ်ဆိုတာ သိပ်ထူးဆန်းတဲ့အရာပါ။ စိတ်ရောဂါတွေက ကုလို့ မပျောက်တဲ့ ရောဂါတွေပါပဲ။ ဒါကို ရင်ဆိုင်ကျော်လွှားနိုင်ဖို့ စိတ်နဲ့ပဲ ကျော်ဖြတ်နိုင်မှ ရမှာပါ။ စိတ်ရောဂါကို ကျော်လွှားနိုင်ဖို့ ဆိုတာ လူကြီးရင့်မာကြီးတွေတောင် ကျော်လွှားဖို့ ခက်ခဲတဲ့အချိန်မှာ ဆယ်ကျော်သက်တစ်ယောက်က ဘယ်လိုများ ရင်ဆိုင်ကျော်လွှားနိုင်မှာတဲ့လဲ? စိတ်ရောဂါတစ်ခုကို ထိန်းချုပ်နိုင်ဖို့ ဆိုတာ စိတ်ခွန်အား အရမ်းကောင်းတဲ့လူတွေမှ တတ်နိုင်တာမျိုးပါပဲ။ အချစ်ကြောင့် အရာရာ အကောင်းအတိုင်း ဖြစ်စေမယ် ဆိုတဲ့ စကားတော့ ရှိပါတယ်။ စိတ်ရောဂါကို အချစ် ကြောင့် မေတ္တာတရားကြောင့် အောင်နိုင်တယ် ဆိုတာမျိုးက ဖြစ်နိုင်ပါ့မလား? မေတ္တာတရား ဆိုတာ စိတ်ခံစား ချက်တစ်မျိုးပဲ မဟုတ်လား? ဘာသာတရားနဲ့ရော စိတ်ကို ကုနိုင်ပါ့မလား? စိတ်ကို စိတ်နဲ့ပဲ ကုရင်တော့ ရကောင်း ပါတယ်။ ဒီဇာတ်လမ်းထဲမှာတော့ ဆယ်ကျော်သက် စိတ်ရောဂါသည် အာဒမ် ပက်ထရာဇယ်လီ ရဲ့ စိတ်ရောဂါကို ရင်ဆိုင်ရပုံတွေကို မြင်တွေ့ရမှာပါ။ တစ်ခုလပ် အမေနဲ့ နေရတဲ့ အာဒမ် ရဲ့ စိတ်ရောဂါဟာ ဓာတုဗေဒ ဓာတ်ခွဲခန်းထဲမှာ စပြီး ပေါ်ပေါက်လာပါ တယ်။ သူ့နားမှာ အသံတွေ ကြားရပါတယ်။ အနားမှာ မရှိတဲ့ လူတွေကို သူ မြင်နေရပါတယ်။ သူ့ကိုယ်သူ စိတ်ကစဉ့်ကလျား ရောဂါသည်မှန်း သိလာပေမယ့် ဒီလူတွေနဲ့ ဒီအသံတွေကို သူ မထိန်းချုပ်နိုင်ပါဘူး။ ဆေးသောက်ပြန်တော့လည်း ဆေးရဲ့ဘေး ထွက်ဆိုးကျိုးကြောင့် စားဖိုမှူး ဖြစ်ချင်တဲ့ အာဒမ် အရသာ မခံနိုင်တော့ပါဘူး။ လက်ကလည်း တုန်လာပြန်ပါတယ်။ ဆေးဖြတ် လိုက်ပြန်တော့လည်း အသံတွေကြား မရှိတဲ့လူတွေကို မြင်နေရပြန်ပါတယ်။ အဓိကဇာတ်ဆောင်က သရုပ်ဆောင် ကောင်း လွန်းတော့ ကိုယ်ပါ မွန်းကြပ်လာတာမျိုးပါ။ စိတ်ရောဂါကို စိတ်ဝင်စားတယ်ဆိုရင် ကြည့်ကြည့်ပါ။ ဒါရိုက်တာရဲ့ တင်ပြချက် ကောင်းလွန်းတော့ အာဒမ်နေရာမှာ ကိုယ်ရောက်သွားပြီး ကိုယ်ပါ ရုန်းထွက်လို့ မရတော့တဲ့ အနေအထားမျိုးထိ ဖြစ်ပါတယ်။ အာဒမ် တစ်ယောက် စိတ်ရောဂါကို ဘယ်လို ရင်ဆိုင်ကျော်လွှားမယ်ဆိုတာတော့ ဒီကားလေးမှာကြည့်မြင်နိုင်ပါတယ်။ (ဒီဇာတ်ကားရဲ့ အညွှန်းနဲ့ဘာသာပြန်ရေးသားပေးသူကတော့ August ပဲဖြစ်ပါတယ်။) Quality – 1080p, 720p WebRip 5.1CH Duration - 1h 50min Subtitle – Myanmar Hardsub Format – Mp4 Genre : Drama, Romance Source : 1080p.WebRip Translator – August Encoder – SWM

ကိုရီးယားအမျိုးသမီးငယ်လေး မီဂျာနဲ့ သူ့ရဲ့မိတ်ဆွေထူးဆန်းတဲ့သတ္တဝါကြီး အုတ်ဂျာတို့ရဲ့အကြောင်းကို ဇာတ်အိမ်ဖွဲ့ထားတာပါ။ အသက်(၁၃)နှစ်အရွယ် မိဘမဲ့မိန်းကလေး မီဂျာဟာအဘိုးဖြစ်သူနဲ့ တောင်ကိုရီးယားက တောင်တန်းတစ်ခုမှာနေထိုင်ပြီး သူ့ရဲ့တစ်ဦးတည်းသော အဖော်လည်းဖြစ်၊သူငယ်ချင်းလည်းဖြစ်သူ အုတ်ဂျာဆိုတဲ့ အနေအေးပြီးထူးခြားကြီးမားတဲ့ဝက်ကြီးတစ်ကောင်ပါ။ မီဂျာနဲ့ အုတ်ဂျာဟာတောင်တန်းတွေ၊ တောတွေထဲ အတူလျှောက်သွားကစား ကြရင်း မခွဲအတူနေထိုင်ကြပြီး အိပ်ရင်တောင် အတူတူပါ။ တစ်ရက်မှာတော့ သူတို့နှစ်ယောက်ရဲ့ ပျော်ရွှင်ကြည်နူးစရာ ကမ္ဘာလေးပျက်သုဉ်းဖို့ ဖြစ်လာခဲ့ပါတယ်။ အဲဒါကတော့ အုတ်ဂျာ ထူးဆန်းစွာနဲ့ ပျောက်ဆုံးသွားတာကြောင့်ပါ။ တကယ်တော့ အုတ်ဂျာကို မီရန်ဒိုစီးပွားရေးလုပ်ငန်းစုကြီးကနေ သူတို့သဘောနဲ့သူတို့ ဖမ်းဆီးသွားတာဖြစ်ပြီး နယူးယောက်ကို ပို့ဆောင်ခဲ့ပါတယ်။ မီရန်ဒိုကော်ပိုရေးရှင်းဟာ အသားထုတ်လုပ်မှုတွေ ပိုမိုတိုး မြှင့်နိုင်ဖို့အတွက် အုတ်ဂျာကို သုတေသနလုပ်ရအောင်လို့ ဖမ်း ဆီးသွားတာဖြစ်ပါတယ်။ အုတ် ဂျာနဲ့ မခွဲအတူနေခဲ့တဲ့ မီဂျာဟာ သူ့အချစ်ဆုံးသူငယ်ချင်းကို အိမ် ပြန်ခေါ်လာနိုင်ဖို့ ကြိုးပမ်းပါတော့ တယ်။ အဲဒါနဲ့ မီဂျာဟာ အုတ်ဂျာရှိ တဲ့ မီရန်ဒိုကော်ပိုရေးရှင်းကို လိုက်သွားပြီး ကယ်ဆယ်နိုင်ဖို့ လုပ် ဆောင်ရင်း တိရစ္ဆာန်အရေးလှုပ် ရှားသူတွေနဲ့ပါ ပေါင်းမိခဲ့ပြီး အုတ်ဂျာကို ကယ်ဆယ်နိုင်ရေး လုပ် ဆောင်ခဲ့ပါတယ်။ အုတ်ဂျာအတွက်နဲ့ နယူး ယောက်ကို လိုက်သွားတဲ့ မီဂျာ ဘယ်လိုအခက်အခဲတွေရင်ဆိုင် ရမှာလဲ။ အုတ်ဂျာကိုကော အချိန် မီကယ်တင်နိုင်မှာလား။ သူချစ်တဲ့ အုတ်ဂျာကို မူလနေရပ်ဆီ ပြန် ခေါ်သွားနိုင်မှာလားဆိုတာ ဆက် ကြည့်လိုက်ဦးနော်။ ခါတိုင်းကြည့်နေကျ ကိုရီး ယားဇာတ်လမ်းတွေလိုမဟုတ်တဲ့ ဇာတ်အိမ်လေးနဲ့မို့ ပရိသတ်တွေ သဘောကျမယ်ထင်ပါတယ်။ ဒီဇာတ်ကားမှာ မီဂျာအဖြစ် အန်းဆိုဟွန်းက အဓိကပါဝင် သရုပ်ဆောင်ထားပြီး တီလ်ဒါဆွင် တန်၊ ပေါလ်ဒါနို၊ ဂျိတ်ဂျီလင်ဟော စတဲ့ကိုရီးယား၊ အမေရိကန်သရုပ်ဆောင်များစွာ ပါဝင်ထား ပါတယ်။ (ဇာတ်လမ်းအညွှန်းကိုတော့ (http://www.7daydaily.com) မှကူးယူဖော်ပြထားတာဖြစ်ပြီး ဘာသာပြန်သူကတော့ Khin Pyae Twinlay ပဲဖြစ်ပါတယ်) File Size : (903 MB) Quality : 720p Webrip Running Time : 1hr 58minutes Format : Mp4 Genre : Action, Adventure, Drama Translated By Khin Pyae Littletwinlay Encode By Thanhtike Zaw

လျို့ဝှက်သည်းဖို ဇာတ်လမ်းတွေမှ နှစ်ခြိုက်သူတို့ မဖြစ်မနေကြည့်သင့်တဲ့ ဇာတ်လမ်းကောင်းတစ်ပုဒ်ပါ ဇာတ်ကားကြည့်နေတဲ့တောက်လျှောက် ကိုယ်တိုင်ဝင်ပါပြီး စုံစမ်းချင်စိတ်ပေါက်သွားမယ့်ကားမျိုး... ဇာတ်လမ်းအစမှာ အိန်ဂျလာက သူ့အဖေကို အဓမ္မပြုကျင့်ပါတယ်ဆိုပြီး ရဲတိုင်ထားပါတယ် သူ့အဖေက ဝန်ခံပေမယ့် ဘာမှမမှတ်မိဘူးတဲ့ အဲ့ဒီလိုနဲ့ ဇာတ်လမ်းကို စိတ်ဝင်စားစရာကောင်းအောင် အစပျိုးလိုက်ပါတယ် "လူ့စိတ်ဆိုတာ စကြာဝဠာကြီးတစ်ခုလုံးပဲ " မလိုချင်တဲ့ မှတ်ဉာဏ်တွေက အလိုလို တံခါးပိတ်သွားတက်တယ် ဖွင့်ပေးရမယ့် သော့က Regression လို့ခေါ်တဲ့ စိတ်နောက်ပြန်ဆွဲတဲ့ အိပ်မွေ့ချ ကုထုံးပဲ ဘယ်ညာယိမ်းနေတဲ့ ချိန်သီးရဲ့ နောက်မှာ ဘာရှိနေလဲ မကောင်းဆိုးဝါးတွေလား? စေတန်ခေါ် နတ်ဆိုးလား? နတ်ဆိုးဝါဒီတွေလား? တစ်စုံတစ်ဦးကတော့ သူ့ချိန်သီးရဲ့နောက်မှာ မကောင်းဆိုးဝါးတွေရှိနေခဲ့တယ် တစ်စုံတစ်ဦးရဲ့ ချိန်သီးရှေ့ကို စေတန်ဝါဒီတွေရောက်လာတယ် စိတ်ဆိုတဲ့ကျယ်ပြောတဲ့ စကြာဝဠာကြီးထဲမှာ အတွေးကွင်းဆက်တွေနဲ့ စိတ်လှုပ်ရှားဖွယ်ရာ ကြည့်ရှုရမှာပဲ ဖြစ်ပါတယ် ။ File Size__1.8 GB, 1 GB Quality__1080p, 720p IMDb Rating__5.7/10 Format__mp4 Duration__01:45:00 Type__Crime, Drama, Mystery Subtitle__Myanmar Subtitle (Hardsub) Translated by Oleander Encoded by Naing Aung Latt

The Art of the Steal (2013) (အမိုက်စားကားမို့ Blu-Ray 1080p 5.1 CH ပါပြုလုပ်ပေးထားပါတယ်...) ကျွန်တော်တို့ဟာ မကောင်းမှုကို အားပေးတာမျိုးမဟုတ်ပေမဲ့ အမိုက်စား ဘဏ်ဓားပြကားတွေ၊ သူခိုးကားတွေဆိုရင်တော့ အရမ်းသဘောကျတယ်...ဘာလို့ဆိုဒီလိုကားတွေဟာ အချက်အလက်တွေများစွာ အသုံးပြုရသလို ခေတ်မှီနည်းပညာတွေနဲ့ ပါဝင်ဖွဲ့စည်းထားပြီး ဇာတ်လမ်းအစမှအဆုံးထိ စိတ်လှုပ်ရှားရင်ခုန်မှုပေးနိုင်လွန်းလို့ဖြစ်တယ်... ဒီကားထဲမှာလည်း တကယ့်အချီကြီးတွေကိုမှ ခိုးကြလိမ်ကြတာ...ညီအကို(၂)ယောက်ဉီးဆောင်ပြီး အဖွဲ့လေးတစ်ဖွဲ့ရှိတယ်..အချီကြီးတွေမှ သမတာ...ကျွမ်းကျင်မှုကိုယ်စီရှိသလို အဆက်အသွယ်ကောင်းတွေလည်းရှိတယ်... အကိုဖြစ်သူဟာ ခိုးမှုကြောင့်ပဲ ထောင်(၁၀)နှစ်ကျသွားတယ်...အကျင့်တွေပြင်အောင်ထောင်ထဲထည့်လိုက်ပေမဲ့ ထောင်ကထွက်လာပြီးနောက် အချီကြီးပွပေါက်တစ်ခုထပ်တွေ့တဲ့အခါမှာတော့... သူတို့ ဘယ်လိုဆရာကျကျ ခိုးကြမလဲဆိုတာကိုတော့...... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်... File Size : 1.23 GB & 540 MB Quality : Blu-Ray 1080p 5.1 CH, Blu-Ray 720p Format…mp4 Duration…01:30:00 Genre : Comedy ,Crime , Thriller Subtitle : Myanmar Subtitle (Hard Sub) Translated by Paing Encoded by Phyo Pyae

Diary of a Wimpy Kid: Dog Days (2012) ~ IMDb - 6.3/10, Rotten Tomatoes - 53% ~ ငပိန်လေးရဲ့ ၇ တန်းနှစ်ကုန် နွေရာသီကျောင်းပိတ်ရက် ဒိုင်ယာရီပါ။ နွေရာသီကျောင်းပိတ်ရက်မှာ ရင်းနှီးစပြုလာတဲ့ Crush လေးကို သူငယ်ချင်းအဆင့်က တက်အောင် တလွဲအစီအစဉ်တွေနဲ့ ဘယ်လိုကြိုးစားလဲဆိုတာကိုတွေ့ရမှာပါ။ ဒီအရှေ့က ဇာတ်ကားမှာ အစ်ကိုနဲ့ ကြားကဆက်ဆံရေးကို ပြင်ဆင်တာကိုတွေ့ခဲ့ရပြီးတော့ ဒီဇာတ်ကားမှာတော့ သူ့အဖေနဲ့ ဆက်ဆံရေး ပိုကောင်းအောင် ဘယ်လိုလုပ်လဲဆိုတာ တွေ့ရပါလိမ့်မယ်။ နောက်ထပ် သူ့ရဲ့အချစ်ဆုံး ရိုလီရဲ့ အဖေနဲ့ အမေတို့က ကြည့်မရဖြစ်နေတာ ဒီဇာတ်ကားမှာ ပိုဆိုးသွားပါတယ်။ ဟတ်ဖလေမိသားစုဝင် ခွေးလေးတစ်ကောင်လည်း တိုးလာပါသေးတယ်။ ခွေးကလည်း ငပိန်လေးလို ပြဿနာရှာတတ်တဲ့ကောင်လေးပါပဲ။ ထုံးစံတိုင်း ပျော်စရာ၊ ရယ်စရာ၊ ချစ်စရာကောင်းတဲ့ ငပိန်လေးရဲ့ ဒိုင်ယာရီ နောက်ဆုံးပိုင်းပေါ့။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 2.65GB, 1.2GB Quality - BluRay 1080p HEVC, 720p IMDb Rating - 6.3/10 Format - mp4 Duration - 1H 34Min Genre - Quirky Comedy, Comedy, Family Subtitle - Myanmar Subtitle (Hardsub) Translated by 666 Encoded by Y

အတိတ်က လုပ်ခဲ့မိတဲ့အရာတွေအတွက် အပြစ်ရှိစိတ်နဲ့ နေနေရတဲ့ စီအိုင်အေအေးဂျင့်ဟောင်း ဂျက်ဘီဂိုစီယန်ဟာ အလုပ်ကနေ အနားယူထားပါတယ်။ လက်ရှိမှာ ရေဒီယိုနိုင်ငံရေးစကားဝိုင်း အစီအစဉ်မှူးလုပ်ရင်း မိသားစုနဲ့ အေးအေးချမ်းချမ်း ဘဝဖြတ်သန်းနိုင်ဖို့ ကြိုးစားနေသူပါ။ ဒါပေမယ့် ကလီယာဘက်ခ်ရေကုမ္ပဏီရဲ့ ထိပ်တန်းရှယ်ယာရှင်တစ်ယောက်က အလုပ်တစ်ခု လာအပ်တဲ့အခါ သူရှောင်ထားတဲ့အရာတွေနဲ့ ပြန်ရင်ဆိုင်ရတော့တယ်။ ကုမ္ပဏီရဲ့ လောဘကြောင့် အီကွေဒေါနိုင်ငံမှာ ဖြစ်ပွားခဲ့တဲ့ ဆိုးရွားတဲ့ဖြစ်ရပ်တွေကို သွားရောက်စုံစမ်းပေးဖို့ပါ။ ဂျက်ဟာ အဲဒီဖြစ်ရပ်တွေရဲ့ နောက်ကွယ်က အမှန်တရားကို လိုက်ရှာရင်း အတားအဆီးတွေနဲ့ ရင်ဆိုင်လာရပါတယ်။ မိသားစုနဲ့ ဘဝသစ်စဖို့ ကြိုးစားနေတဲ့ အေးဂျင့်ဟောင်းတစ်ယောက်က ဒီအမှုကို ဘယ်အထိ ဖော်ထုတ်နိုင်မလဲဆိုတဲ့ အက်ရှင်နဲ့ သည်းထိတ်ရင်ဖိုဇာတ်လမ်းပါ။

Diary of a Wimpy Kid: Rodrick Rules (2011) ~ IMDb - 6.6/10, Rotten Tomatoes - 48% ~ ခြောက်တန်းပြီးလို့ ၇ တန်းရောက်လာတဲ့ ငပိန်ကောင်လေး ဆန့်ကျင်ဖက်လိင်ကို စတင်စိတ်ဝင်စားတတ်လာပါပြီ။ ကျောင်းပြောင်းလာတဲ့ အချောလေးကတော့ သူ့ရဲ့ပစ်မှတ်ပေါ့။ ဒါပေမဲ့လည်း အလယ်တန်းကျောင်းတိုက်ပွဲမှာ အလဲအလဲအကွဲကွဲနဲ့ ခံနေရတာတွေကို တွေ့ရမှာပါ။ ဒီဇာတ်ကားက ကျောင်းက တိုက်ပွဲအကြောင်းမဟုတ်ပါဘူး သူ့အစ်ကိုနဲ့ ဆက်ဆံရေးအကြောင်းပါ။ သူ့အစ်ကိုကလည်း တခြားနေရာတွေမှာ အပျင်းတကာ့ထိပ်ခေါင်ဆိုပေမဲ့ သူ့ကို စဖို့နောက်ဖို့ ကြပ်ဖို့အတွက်တော့ အတက်ကြွဆုံး အကြိုးစားဆုံးနဲ့ သူ့ကို အနိုင်ကျင့်ရတာ အားကစားသာဖြစ်ခဲ့ရင် ရွှေတံဆိပ်ဆုပါပေးသင့်တဲ့အားကစားသမားလိုပါပဲ။ အဲဒီတော့ ငပိန်လေးရဲ့ ၇ တန်း ဒိုင်ယာရီမှာ သူ့အစ်ကိုနဲ့ ကြားကဆက်ဆံရေးကို ပြုပြင်ပြီး ကျောင်းသူသစ်လေးနဲ့ဆက်ဆံရေးကို တံတားထိုးဖို့ ကြိုးစားတာကိုတွေ့ရမှာပါ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 2.7GB, 1GB Quality - BluRay 1080p HEVC, 720p IMDb Rating - 6.6/10 Format - mp4 Duration - 1H 39Min Genre - Buddy Comedy, Comedy, Family Subtitle - Myanmar Subtitle (Hardsub) Translated by 666 Encoded by Y

Diary of a Wimpy Kid (2010) ~ IMDb - 6.2/10, Rotten Tomatoes - 54% ~ စာအုပ်အနေနဲ့ရော ဇာတ်ကားတွေ အနေနဲ့ပါ အောင်မြင်နေတဲ့ ငပိန်လေးရဲ့ ဒိုင်ယာရီ ပထမဆုံးဇာတ်ကားပါ။ ဇာတ်ကားမှာတော့ "ဒါက အလယ်တန်းကျောင်းသားလေးတစ်ယောက်ရဲ့ ဒိုင်ယာရီမဟုတ်ဘူး အလယ်တန်းကျောင်းမှာ မသေအောင်ဘယ်လိုနေရမလဲဆိုတဲ့ လမ်းညွှန်" လို့ ရွှတ်နောက်နောက်ရေးထားပါတယ်။ ဒီဇာတ်ကားလေးတွေကို ကြည့်ဖူးတဲ့သူတွေ များကြမှာပါ။ ဇာတ်ကားကိုကြည့်ပြီးတော့ ကိုယ်တိုင် အလယ်တန်းကျောင်းသားဘဝကို ပြန်ရောက်သွားသလိုသတိရဖြစ်ကြလိမ့်မယ်ထင်ပါတယ်။ ကလေးမဟုတ် ဆယ်ကျော်သက်မမြည် ဟိုမရောက်ဒီမရောက်၊ စကောစက၊ လအော့လအယ် လူချဉ်စရာ ကန့်လန့်အရွယ်လေးတွေပေါ့ဗျာ။ ကျောင်းမှာရော အိမ်မှာပါ အတွေးအခေါ်အဆန်းကြီးတွေတွေးပြီး ပေါက်ကရ လျှောက်လုပ်တာကို အဟုတ်ကြီးမှတ်ပြီး ကိုယ့်ကိုယ်ကိုယ် ဆရာကြီးထင်ဖူးကြတာကို ပြန်သတိရသွားအောင်လုပ်ပေးပါလိမ့်မယ်။ Chloë Grace Moretz ပေါက်စလေးကို ထည့်ထားတာက အလကားနေ ဇာတ်ကောင်အပိုထည့်ထားတဲ့ပုံပေါက် နေပေမဲ့ ကြည့်ရတာ ချစ်စရာကောင်းနေတော့လည်း အပြစ်မပြောချင်တော့ပါဘူး။ ဒါကတော့ ငပိန်ကောင်လေးရဲ့ ၆ တန်းနှစ်က ဒိုင်ယာရီလေးပါပဲ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 2.75GB, 1.15GB Quality - BluRay 1080p HEVC, 720p IMDb Rating - 6.2/10 Format - mp4 Duration - 1H 34Min Genre - Comedy, Drama, Family Subtitle - Myanmar Subtitle (Hardsub) Translated by 666 Encoded by Y

ဇွန်ဘီးတွေကြောင့် ကမ္ဘာတစ်ဝန်း ပရမ်းပတာဖြစ်နေချိန်မှာ ဆာ့ခ်ျနဲ့ စစ်သားတစ်စုက အထက်လူကြီးတွေကို စိတ်နာပြီး တပ်ကနေ ထွက်ပြေးလာကြပါတယ်။ သူတို့လိုချင်တာက ဘေးကင်းကင်းနေနိုင်မယ့် နေရာတစ်ခုပါ။ ပလမ်းကျွန်းပေါ်မှာလည်း အိုဖလင်းမိသားစုနဲ့ မဲလ်ဒွန်းမိသားစုတို့ ဇွန်ဘီးတွေအပေါ် အယူအဆမတူကြလို့ မကြာခဏ ပစ်ခတ်နေကြတယ်။ အိုဖလင်းတွေက ဇွန်ဘီးတွေကို အမြစ်ဖြုတ်သတ်ပစ်ရမယ်လို့ ယူဆကြပေမယ့် မဲလ်ဒွန်းတွေကတော့ သူတို့ကို ပြောင်းလဲပေးနိုင်မယ်လို့ ယုံကြည်နေကြပါတယ်။ အင်အားနည်းသွားတဲ့ အိုဖလင်းဘက်က ခေါင်းဆောင် ပတ်ထရစ်ဟာ နောက်ဆုံး ကျွန်းပေါ်ကနေပါ နှင်ထုတ်ခံလိုက်ရတယ်။ ကျွန်းကိုပြန်ဖို့ ကြံစည်နေတဲ့ ပတ်ထရစ်နဲ့ ခိုလှုံရာရှာနေတဲ့ ဆာ့ခ်ျတို့ တွေ့ဆုံမိတဲ့အခါ သူတို့ရဲ့ခရီးက ဘယ်လိုဆက်ဖြစ်မလဲ။ တစ်ယောက်တစ်မင်း လုပ်နေကြတဲ့ ဒီအချိန်မှာ ဘယ်သူတွေ အသက်ရှင်ကျန်နိုင်မလဲဆိုတာကို ဆက်ပြထားပါတယ်။

CM ကနေ နာမည်ကျော် Saw ဇာတ်ကားတွေကို ဆင်ဆာမဖြတ်ထားတဲ့ Version တွေဖြစ်တဲ့ Unrated/Director's cut Version တွေနဲ့ ပြန်လည် Update လိုက်ပါတယ်။ Saw ဇာတ်လမ်းတွေရဲ့အစကတော့ ရုပ်ရှင်ကျောင်းကနေ သင်တန်းဆင်းလာတဲ့ ဒါရိုက်တာပညာသင်ထားတဲ့ James Wan နဲ့ ဇာတ်ညွှန်းပညာသင်ထားတဲ့ Leigh Whannell  တို့ ၂ ယောက် ရုပ်ရှင်လောကထဲဝင်ဖို့ လုံလောက်တဲ့ ငွေကြေးမရှိရာကနေ စပါတယ်။ ရုပ်ရှင်ရိုက်ဖို့ ပိုက်ဆံမရှိတော့ ဘတ်ဂျက်နည်းနည်းနဲ့ Twist များတဲ့ ဇာတ်ညွှန်းကို နှစ်ယောက်သားဖန်တီးရိုက်ကူးခဲ့ရာကနေ Saw 2004 ပထမဆုံးရုပ်ရှင်ဖြစ်လာခဲ့ပါတယ်။ လူမငှားနိုင်လို့ ဇာတ်ညွှန်းဆရာ Leigh Whannell ကိုယ်တိုင်သရုပ်ဆောင်ဝင်ရိုက်ခဲ့ရပြီး အခန်းတစ်ခန်းအတွင်းမှာပဲ ရိုက်ကူးခဲ့ရတဲ့ Saw 2004 ရုပ်ရှင်ဟာ ဘတ်ဂျက် ၁ သန်းပဲ ကုန်ကျခဲ့ပေမယ့် ရုံတင်ဝင်ငွေ သန်း ၁၀၀ ကျော်ပြန်လည်ရရှိသည်အထိ အောင်မြင်သွားခဲ့ပါတယ်။ Saw ဟာ ဘယ်လိုရုပ်ရှင်တွေလဲဆိုတာကိုတော့....(လူသာမန်ရဲ့ အညွှန်း နဲ့ညွှန်းခဲ့ချင်ပါတယ်။) ဆိုးဆိုးရွားရွား လူသတ်ပြတဲ့ဇာတ်ကွက်တွေ၊ သွေးထွက်သံယို ရာဇဝတ်မှုတွေကို အိပ်မက်ထဲအထိ သယ်ပိုးယူဆောင်ကာ လန့်နိုးတတ်သူတွေအတွက် SAW Series ကို လုံးဝ ရှောင်သင့်တယ်။ ကြည့်မိရင် ကာလတစ်ခုစာအထိ ရက်စက်တဲ့လူသတ်ပုံတွေကို မေ့နိုင်မှာမဟုတ်လို့ ဒီလိုဆိုရခြင်းပါ။ Horror ရုပ်ရှင်တွေကို စွဲကြည့်တတ်သူတွေကတော့ SAW ကို လုံးဝ လက်မလွှတ်ကြ။ ● Jigsaw ဆိုပြီး ရဲတွေက အမည်သညာပေးထားတဲ့ ကွင်းဆက်လူသတ်သမားရဲ့ ထူးခြားတဲ့စီမံမှုတွေကြား Jigsaw ရွေးချယ်ထားတဲ့လူတွေဟာ ရှင်သန်မှုအတွက် ပါဝင်ကစားကြရတယ်။ ကစားကွင်းနယ်မြေကို Jigsaw က ရွေးချယ်ထားတာဖြစ်ပြီး ပါဝင်ကစားသူတွေဟာလည်း နိုးလာတာနဲ့ သူ့ကစားကွင်းထဲကို ရောက်နေကြရတာ ဖြစ်တယ်။ ထူးခြားတာက ဒီကစားပွဲမှာ ရှုံးရင် အသက်တွေ ပေးအပ်ကြရတာ။ Jigsaw ဟာ သူ ရွေးချယ်လိုက်တဲ့လူတွေကို မေ့မြောနေတဲ့အချိန်မှာကတည်းက သတ်ဖြတ်ပစ်လိုက်လို့ရပေမယ့် မသတ်ဘူး။ သူ့ရည်ရွယ်ချက်က ကိုယ့်အသက်ရှင်သန်မှုအတွက် ကိုယ်တိုင် ပါဝင်ပြီး ရွေးချယ်ဆုံးဖြတ်ကြစေလိုတာပဲ။ သူက တိကျတဲ့အချိန်တွေ သတ်မှတ်ပေးတယ်။ ရွေးချယ်ခွင့်တွေ ပေးတယ်။ လိုအပ်တဲ့တန်ဆာပလာတွေ ပေးတယ်။ ပေးထားချက်တွေကို ကိုယ် တတ်စွမ်းသမျှနဲ့ ဆောင်ရွက်ရင် အသက်ရှင်မယ်။ (တချို့သော ခန္ဓာကိုယ်အစိတ်အပိုင်းတွေတော့ ဆုံးရှုံးကောင်း ဆုံးရှုံးမယ်။) ပါဝင်ကစားရတဲ့သူတွေကလည်း အဆက်အစပ်မဲ့သူတွေ မဟုတ်ကြ။ တစ်နည်းမဟုတ်တစ်နည်းနဲ့ ဘဝမှာ ပတ်သက်ဖူးသူတွေကို ကွင်းတစ်ခုထဲ ချထားပေးသလို သူက ရွေးချယ်ထားတာ။ လူဖြစ်မှုနဲ့ပတ်သက်ပြီး Jigsaw ခံယူထားတာက " ကိုယ့်ရှင်သန်မှုကို တန်ဖိုးထား တွယ်တာမှ လူဟာ ရှင်သန်နေထိုင်သင့်တယ် " ဆိုတာပဲ။ ဒီ့အပြင် Jigsaw ဖော်ပြလိုတဲ့တခြားသောအရာတွေ ရှိသေးတယ်။ အထူးသဖြင့် ကလဲ့စားချေလိုမှုနဲ့ ခွင့်လွှတ်မှုပေါ့။ နောက် မိသားစုဘဝနဲ့ ရွေးချယ်ထားတဲ့အလုပ်ပေါ် တန်ဖိုးထားမှု။ Jigsaw ဆိုတဲ့ ကွင်းဆက်လူသတ်သမား ဖြစ်ပေါ်လာရခြင်းအကြောင်းကလည်း စိတ္တဇလူသတ်သမားတွေဖြစ်ပေါ်လာတတ်တဲ့အကြောင်းရင်းတွေအတိုင်းပါပဲ။ သို့သော် Jigsaw ရဲ့ ကြိုတင်စီမံမှုတွေကကျ တခြားလူသတ်သမားတွေထက် အဆင့်မြင့်တယ်။ မြင်နေကျ သာမန်သတ်ဖြတ်မှုပုံစံတွေလည်း မဟုတ်။ ရက်စက်လွန်းတဲ့သတ်ဖြတ်မှုပုံစံတွေဆိုတာကိုတော့ ပုံတွေ ကြည့်ရုံနဲ့တင် ခန့်မှန်းလို့ ရပါလိမ့်မယ်။ ● ကမ္ဘာပေါ်မှာ သမ္မာကျမ်းစာ စာအုပ်တွေပြီးရင် ရောင်းအကောင်းဆုံးဖြစ်တဲ့စာအုပ်တွေက ဖြစ်ရပ်မှန် ရာဇဝတ်မှုတွေအကြောင်းကို ပုံတွေနဲ့တကွ သေသေချာချာ ဖော်ပြ ရေးသားထားတဲ့စာအုပ်တွေပါတဲ့။ ဒီရုပ်ရှင်ဟာ အဲဒီလို လူတွေ အကြိုက်ဆုံးရုပ်ရှင်တွေထဲက တစ်ခုလို့ ဆိုကြတယ်။ တချို့လူတွေမှာ ဒီလိုအကြောင်းနဲ့ပတ်သက်ပြီး မေးခွန်းတစ်ခု ရှိတယ်။ ဒီလိုရက်ရက်စက်စက် ပြကွက်တွေ၊ ရေးသားချက်တွေကို လူတွေက ဘာလို့ကြိုက်ကြတာလဲ တဲ့။ စိတ်ပညာရှုထောင့်အရတော့ လူမှာ အမြဲဒွန်တွဲနေလေ့ရှိတဲ့ ဆန့်ကျင်ဘက် စိတ်နှစ်မျိုးအရ ဒီလိုကားတွေကို တချို့တွေ ကြိုက်ကြတာလို့ ဆိုတယ်။ လူဟာ သူတော်စင်လုပ်မလား၊ မကောင်းဆိုးဝါးလုပ်မလားဆိုတာကို ကိုယ်တိုင် ဆုံးဖြတ်ကြရတာပဲ။ သူတော်စင်ဘက် ယိမ်းသူက မကောင်းဆိုးဝါးကို ချိုးနှိမ်အုပ်ချုပ်ရာမှာ အောင်မြင်သူ၊ မကောင်းဆိုးဝါးဘက် ယိမ်းသူက သူတော်စင်ကို ချိုးနှိမ်အုပ်ချုပ်ရာမှာ အောင်မြင်သူ။ တချို့တွေကတော့ သူ ဖြတ်သန်းနေရတဲ့ဘဝအခြေအနေအရ ဟိုဘက် ယိမ်းလိုက် ဒီဘက် ယိမ်းလိုက်ဖြစ်နေကြသူတွေ။ လူတွေဟာ ကိုယ်တိုင် လက်တွေ့ မလုပ်ရဲတာတွေကို စိတ်ကူးနဲ့ပဲ ပုံဖော်ကြရတယ်။ ကိုယ့်အပေါ် တစ်ခုခု မတရားကျူးလွန်ခဲ့သူကို လက်တွေ့ မှာ ပေါ်ပေါ်ထင်ထင် မသတ်ရဲကြပေမယ့် စိတ်ကူးနဲ့ နေ့စဉ် သတ်ဖြတ်နေသူတွေ၊ ဝဇီကံနဲ့ သတ်ဖြတ်နေသူတွေ မနည်းလှဘူး။ ဒီလူတွေကပဲ ဘဝမှာ ခံခဲ့ရတဲ့မတရားမှုတွေ၊ အဆင်မပြေမှုတွေကို ဖြေဖျောက်ဖို့အတွက် သူတို့လိုတွေးတဲ့တခြားစိတ်ကူးတွေကို ရှာဖွေကြတယ်။ နွားရိုင်းသတ်ပွဲလို သွေးထွက်သံယို ပွဲတော်တွေကို နှစ်သက်ကြတယ်။ လူချင်း ထိုးသတ်ကြတဲ့ပွဲတော်တွေဆီ သွားကြတယ်။ နောက်တော့ စာပေထဲက ရက်စက်မှုတွေဆီ ရောက်တယ်။ ရုပ်ရှင်ကတော့ ကိုယ့်စိတ်ကူးနဲ့ကို ရိုက်စရာမလိုတော့ဘူး။ (စာပေက ကိုယ့်ဘာသာ ပြန်ရိုက်နေရသေးတာကိုး။) ဒါရိုက်တာက ပြထားတဲ့အတိုင်း ရက်စက်မှုတွေကို လိုက်ပါခံစားရုံ၊ ရင်ထိတ်ရုံ၊ ကျေနပ်ရုံပဲ။ ဒီတော့ Horror ကြိုက်တယ်ဆိုရင် . . . Jigsaw က စောင့်နေကြောင်း ဆိုပါရစေလား။ -လူသာမန်- Saw ဇာတ်ကားများအားလုံးကို ဒီမှာ https://channelmyanmar.org/category/special-package/saw-collection/  ကြည့်ပါ။ Saw 6 (2009) "Live or Die..Choice is Yours" ဇာတ်အိမ်ခိုင်ခိုင်နဲ့ စိတ်လှုပ်ရှားဖို့​ကောင်းတဲ့ horror ချစ်သူ​တွေအ​နေနဲ့ လက်လွတ်ဖို့မသင့်တဲ့ကား​ကောင်းတစ်ကားပါ SAW VI မှာ ကိုယ်​တွေရဲ့ဇာတ်လိုက်ကြီး ဂျစ်​ဆောက ​သေသွား​ပေမယ့် သူ့ရဲ့ဇနီး​ဟောင်းနဲ့ ရဲအရာရှိတစ်​ယောက်​ပေါင်းပြီး သူ့ရဲ့​နောက်ဆုံးဆန္ဒကိုဖြည့်ဆည်း​ပေးတဲ့အ​နေနဲ့ လူသတ်ဂိမ်း​တွေ ဆက်ပြီးအသက်သွင်းကြတယ် ဒီထဲမှာ​​တော့ ဂျစ်​ဆောကို သနားစိတ်ဝင်မိမယ်လို့ထင်ပါတယ် သူ့မှာက​လေးလည်းဆုံးရှုံးရတယ် သူ့ကျန်းမာ​ရေးအာမခံအတွက် အာမခံမ​ပေးခဲ့တယ့် အကျင့်ပြတ်ချစား​နေတဲ့ အာမခံကုမ္ပဏီပိုင်ရှင်ကို ဘယ်လို​တွေ ကလဲ့စား​ချေရင်း စိတ်လှုပ်ရှားစရာ (လူသတ်)ဂိမ်း​တွေနဲ့ ဇာတ်လမ်းအဆုံးထိ ကြည့်ချင်​လောက်တဲ့အထိ ဖြစ်မှာ ကို အာမခံပါတယ်။ File size…(2.4 GB)/(1 GB) Quality….BluRay Director's cut 1080p/720p Format…mp4 Duration….01:31:39 Subtitle….Myanmar Subtitle(Hardsub) Encoder….Ka Naung

CM ကနေ နာမည်ကျော် Saw ဇာတ်ကားတွေကို ဆင်ဆာမဖြတ်ထားတဲ့ Version တွေဖြစ်တဲ့ Unrated/Director's cut Version တွေနဲ့ ပြန်လည် Update လိုက်ပါတယ်။ Saw ဇာတ်လမ်းတွေရဲ့အစကတော့ ရုပ်ရှင်ကျောင်းကနေ သင်တန်းဆင်းလာတဲ့ ဒါရိုက်တာပညာသင်ထားတဲ့ James Wan နဲ့ ဇာတ်ညွှန်းပညာသင်ထားတဲ့ Leigh Whannell  တို့ ၂ ယောက် ရုပ်ရှင်လောကထဲဝင်ဖို့ လုံလောက်တဲ့ ငွေကြေးမရှိရာကနေ စပါတယ်။ ရုပ်ရှင်ရိုက်ဖို့ ပိုက်ဆံမရှိတော့ ဘတ်ဂျက်နည်းနည်းနဲ့ Twist များတဲ့ ဇာတ်ညွှန်းကို နှစ်ယောက်သားဖန်တီးရိုက်ကူးခဲ့ရာကနေ Saw 2004 ပထမဆုံးရုပ်ရှင်ဖြစ်လာခဲ့ပါတယ်။ လူမငှားနိုင်လို့ ဇာတ်ညွှန်းဆရာ Leigh Whannell ကိုယ်တိုင်သရုပ်ဆောင်ဝင်ရိုက်ခဲ့ရပြီး အခန်းတစ်ခန်းအတွင်းမှာပဲ ရိုက်ကူးခဲ့ရတဲ့ Saw 2004 ရုပ်ရှင်ဟာ ဘတ်ဂျက် ၁ သန်းပဲ ကုန်ကျခဲ့ပေမယ့် ရုံတင်ဝင်ငွေ သန်း ၁၀၀ ကျော်ပြန်လည်ရရှိသည်အထိ အောင်မြင်သွားခဲ့ပါတယ်။ Saw ဟာ ဘယ်လိုရုပ်ရှင်တွေလဲဆိုတာကိုတော့....(လူသာမန်ရဲ့ အညွှန်း နဲ့ညွှန်းခဲ့ချင်ပါတယ်။) ဆိုးဆိုးရွားရွား လူသတ်ပြတဲ့ဇာတ်ကွက်တွေ၊ သွေးထွက်သံယို ရာဇဝတ်မှုတွေကို အိပ်မက်ထဲအထိ သယ်ပိုးယူဆောင်ကာ လန့်နိုးတတ်သူတွေအတွက် SAW Series ကို လုံးဝ ရှောင်သင့်တယ်။ ကြည့်မိရင် ကာလတစ်ခုစာအထိ ရက်စက်တဲ့လူသတ်ပုံတွေကို မေ့နိုင်မှာမဟုတ်လို့ ဒီလိုဆိုရခြင်းပါ။ Horror ရုပ်ရှင်တွေကို စွဲကြည့်တတ်သူတွေကတော့ SAW ကို လုံးဝ လက်မလွှတ်ကြ။ ● Jigsaw ဆိုပြီး ရဲတွေက အမည်သညာပေးထားတဲ့ ကွင်းဆက်လူသတ်သမားရဲ့ ထူးခြားတဲ့စီမံမှုတွေကြား Jigsaw ရွေးချယ်ထားတဲ့လူတွေဟာ ရှင်သန်မှုအတွက် ပါဝင်ကစားကြရတယ်။ ကစားကွင်းနယ်မြေကို Jigsaw က ရွေးချယ်ထားတာဖြစ်ပြီး ပါဝင်ကစားသူတွေဟာလည်း နိုးလာတာနဲ့ သူ့ကစားကွင်းထဲကို ရောက်နေကြရတာ ဖြစ်တယ်။ ထူးခြားတာက ဒီကစားပွဲမှာ ရှုံးရင် အသက်တွေ ပေးအပ်ကြရတာ။ Jigsaw ဟာ သူ ရွေးချယ်လိုက်တဲ့လူတွေကို မေ့မြောနေတဲ့အချိန်မှာကတည်းက သတ်ဖြတ်ပစ်လိုက်လို့ရပေမယ့် မသတ်ဘူး။ သူ့ရည်ရွယ်ချက်က ကိုယ့်အသက်ရှင်သန်မှုအတွက် ကိုယ်တိုင် ပါဝင်ပြီး ရွေးချယ်ဆုံးဖြတ်ကြစေလိုတာပဲ။ သူက တိကျတဲ့အချိန်တွေ သတ်မှတ်ပေးတယ်။ ရွေးချယ်ခွင့်တွေ ပေးတယ်။ လိုအပ်တဲ့တန်ဆာပလာတွေ ပေးတယ်။ ပေးထားချက်တွေကို ကိုယ် တတ်စွမ်းသမျှနဲ့ ဆောင်ရွက်ရင် အသက်ရှင်မယ်။ (တချို့သော ခန္ဓာကိုယ်အစိတ်အပိုင်းတွေတော့ ဆုံးရှုံးကောင်း ဆုံးရှုံးမယ်။) ပါဝင်ကစားရတဲ့သူတွေကလည်း အဆက်အစပ်မဲ့သူတွေ မဟုတ်ကြ။ တစ်နည်းမဟုတ်တစ်နည်းနဲ့ ဘဝမှာ ပတ်သက်ဖူးသူတွေကို ကွင်းတစ်ခုထဲ ချထားပေးသလို သူက ရွေးချယ်ထားတာ။ လူဖြစ်မှုနဲ့ပတ်သက်ပြီး Jigsaw ခံယူထားတာက " ကိုယ့်ရှင်သန်မှုကို တန်ဖိုးထား တွယ်တာမှ လူဟာ ရှင်သန်နေထိုင်သင့်တယ် " ဆိုတာပဲ။ ဒီ့အပြင် Jigsaw ဖော်ပြလိုတဲ့တခြားသောအရာတွေ ရှိသေးတယ်။ အထူးသဖြင့် ကလဲ့စားချေလိုမှုနဲ့ ခွင့်လွှတ်မှုပေါ့။ နောက် မိသားစုဘဝနဲ့ ရွေးချယ်ထားတဲ့အလုပ်ပေါ် တန်ဖိုးထားမှု။ Jigsaw ဆိုတဲ့ ကွင်းဆက်လူသတ်သမား ဖြစ်ပေါ်လာရခြင်းအကြောင်းကလည်း စိတ္တဇလူသတ်သမားတွေဖြစ်ပေါ်လာတတ်တဲ့အကြောင်းရင်းတွေအတိုင်းပါပဲ။ သို့သော် Jigsaw ရဲ့ ကြိုတင်စီမံမှုတွေကကျ တခြားလူသတ်သမားတွေထက် အဆင့်မြင့်တယ်။ မြင်နေကျ သာမန်သတ်ဖြတ်မှုပုံစံတွေလည်း မဟုတ်။ ရက်စက်လွန်းတဲ့သတ်ဖြတ်မှုပုံစံတွေဆိုတာကိုတော့ ပုံတွေ ကြည့်ရုံနဲ့တင် ခန့်မှန်းလို့ ရပါလိမ့်မယ်။ ● ကမ္ဘာပေါ်မှာ သမ္မာကျမ်းစာ စာအုပ်တွေပြီးရင် ရောင်းအကောင်းဆုံးဖြစ်တဲ့စာအုပ်တွေက ဖြစ်ရပ်မှန် ရာဇဝတ်မှုတွေအကြောင်းကို ပုံတွေနဲ့တကွ သေသေချာချာ ဖော်ပြ ရေးသားထားတဲ့စာအုပ်တွေပါတဲ့။ ဒီရုပ်ရှင်ဟာ အဲဒီလို လူတွေ အကြိုက်ဆုံးရုပ်ရှင်တွေထဲက တစ်ခုလို့ ဆိုကြတယ်။ တချို့လူတွေမှာ ဒီလိုအကြောင်းနဲ့ပတ်သက်ပြီး မေးခွန်းတစ်ခု ရှိတယ်။ ဒီလိုရက်ရက်စက်စက် ပြကွက်တွေ၊ ရေးသားချက်တွေကို လူတွေက ဘာလို့ကြိုက်ကြတာလဲ တဲ့။ စိတ်ပညာရှုထောင့်အရတော့ လူမှာ အမြဲဒွန်တွဲနေလေ့ရှိတဲ့ ဆန့်ကျင်ဘက် စိတ်နှစ်မျိုးအရ ဒီလိုကားတွေကို တချို့တွေ ကြိုက်ကြတာလို့ ဆိုတယ်။ လူဟာ သူတော်စင်လုပ်မလား၊ မကောင်းဆိုးဝါးလုပ်မလားဆိုတာကို ကိုယ်တိုင် ဆုံးဖြတ်ကြရတာပဲ။ သူတော်စင်ဘက် ယိမ်းသူက မကောင်းဆိုးဝါးကို ချိုးနှိမ်အုပ်ချုပ်ရာမှာ အောင်မြင်သူ၊ မကောင်းဆိုးဝါးဘက် ယိမ်းသူက သူတော်စင်ကို ချိုးနှိမ်အုပ်ချုပ်ရာမှာ အောင်မြင်သူ။ တချို့တွေကတော့ သူ ဖြတ်သန်းနေရတဲ့ဘဝအခြေအနေအရ ဟိုဘက် ယိမ်းလိုက် ဒီဘက် ယိမ်းလိုက်ဖြစ်နေကြသူတွေ။ လူတွေဟာ ကိုယ်တိုင် လက်တွေ့ မလုပ်ရဲတာတွေကို စိတ်ကူးနဲ့ပဲ ပုံဖော်ကြရတယ်။ ကိုယ့်အပေါ် တစ်ခုခု မတရားကျူးလွန်ခဲ့သူကို လက်တွေ့ မှာ ပေါ်ပေါ်ထင်ထင် မသတ်ရဲကြပေမယ့် စိတ်ကူးနဲ့ နေ့စဉ် သတ်ဖြတ်နေသူတွေ၊ ဝဇီကံနဲ့ သတ်ဖြတ်နေသူတွေ မနည်းလှဘူး။ ဒီလူတွေကပဲ ဘဝမှာ ခံခဲ့ရတဲ့မတရားမှုတွေ၊ အဆင်မပြေမှုတွေကို ဖြေဖျောက်ဖို့အတွက် သူတို့လိုတွေးတဲ့တခြားစိတ်ကူးတွေကို ရှာဖွေကြတယ်။ နွားရိုင်းသတ်ပွဲလို သွေးထွက်သံယို ပွဲတော်တွေကို နှစ်သက်ကြတယ်။ လူချင်း ထိုးသတ်ကြတဲ့ပွဲတော်တွေဆီ သွားကြတယ်။ နောက်တော့ စာပေထဲက ရက်စက်မှုတွေဆီ ရောက်တယ်။ ရုပ်ရှင်ကတော့ ကိုယ့်စိတ်ကူးနဲ့ကို ရိုက်စရာမလိုတော့ဘူး။ (စာပေက ကိုယ့်ဘာသာ ပြန်ရိုက်နေရသေးတာကိုး။) ဒါရိုက်တာက ပြထားတဲ့အတိုင်း ရက်စက်မှုတွေကို လိုက်ပါခံစားရုံ၊ ရင်ထိတ်ရုံ၊ ကျေနပ်ရုံပဲ။ ဒီတော့ Horror ကြိုက်တယ်ဆိုရင် . . . Jigsaw က စောင့်နေကြောင်း ဆိုပါရစေလား။ -လူသာမန်- Saw ဇာတ်ကားများအားလုံးကို ဒီမှာ https://channelmyanmar.org/category/special-package/saw-collection/  ကြည့်ပါ။ Saw 4 (2007) အခုကားကတော့ Saw Franchise ရဲ့  စတုတ္ထမြောက်ကား။ Jigsaw လို့ အများကခေါ်ကြတဲ့ John Kramer ဟာ ဉာဏ်ကြီးရှင် civil အင်ဂျီနီယာတစ်ယောက်။ ပြီးတော့ စိတ္တဇလူသတ်သမားတစ်ယောက်လည်း ဖြစ်တယ်။ ရူးသွပ်ဖွယ် philosophy ကို လက်ကိုင်ထားပြီး စိတ္တဇကစားပွဲတွေကို ဖန်တီးသူတစ်ယောက်။ သူက လူတွေကို သူ့ရဲ့ ပြောင်မြောက်လှတဲ့ လူသတ်ကိရိယာတွေနဲ့ စမ်းသပ်မှုတွေလုပ်ပြီး ကစားပွဲထဲကို ခေါ်ငင်တယ်။ ရှင်သန်ဖို့နဲ့ သေဆုံးဖို့... ရွေးချယ်မှုကတော့ မင်းလက်ထဲမှာ... မင်း စိတ်ကြိုက်ရွေးချယ်လိုက်ပါ...။ File size…(2.6 GB)/(1 GB) Quality….BluRay Director's cut 1080p/720p Format…mp4 Duration….01:35:31 Subtitle….Myanmar Subtitle(Hardsub) Encoder….Ka Naung

American Pie Presents ဇာတ်ကားတွေကတော့ နာမည်ကျော် American Pie မူလဇာတ်လမ်းရဲ့  Spin-off ဇာတ်ကားတွေဖြစ်ပါတယ်။ - American Pie Presents: Band Camp (2005) - American Pie Presents: The Naked Mile (2006) - American Pie Presents: Beta House (2007) - American Pie Presents: The Book of Love (2009) - American Pie Presents: Girls' Rules (2020) ဒီ American Pie Presents ဇာတ်ကားတွေကတော့ မူလဇာတ်ကြောင်းနဲ့ဆက်စပ်မှုနည်းပါးသွားပြီး မူလဇာတ်လမ်းထဲက Jim ရဲ့ အဖေဖြစ်သူ လက်ဗင်စတိန်းနဲ့ Stifler ရဲ့ အမျိုးတွေလောက်သာ ပါလာပြီး တစ်ကားကို ဇာတ်လမ်းတစ်ခုစီဖြစ်ပါတယ်။ +++++++++++++++ American Pie Presents: The Naked Mile (2006) အားလုံးသိကြတဲ့အတိုင်းပဲ American Pie ထဲက ဇာတ်လိုက်ကျော်တွေထဲက စတိဗ်စတစ်ဖ်လာကို မသိသူမရှိကြသလို စတစ်ဖ်လာ မျိုးရိုးမှာမွေးလာတဲ့ ယောကျ်ားလေးတိုင်းကလဲ စတိဗ်လိုပဲ ခေသူတွေမဟုတ်ပါဘူး။ ဆရာ့ဆရာကြီးတွေတောင်မှ ဆရာလို့ခေါ်ရတဲ့ ထိပ်ခေါင်ဆရာကြီးတွေဖြစ်ပါတယ်။ ဒါပေမယ့် ဒီမိသားစုမှာပဲပေါက်ဖွားလာတဲ့ အဲရစ်ခ်စတစ်ဖ်လာကတော့ အဲလိုမဟုတ်ပါဘူး။ လုပ်လိုက်ရင်တလွဲ၊ အံဝင်ဂွင်ကျမဖြစ်၊ အဆိုးဆုံးကတော့ စတစ်ဖ်လာတစ်ယောက်ဖြစ်ပြီး လူပျိုရည်မပျက်သေးတာပါပဲ။ စတစ်ဖ်လာ မျိုးရိုးကို အိုးမည်းသုတ်နေတဲ့လူဆိုရင်လည်းမမှားဘူးပေါ့။ ဒါပေမယ့် ခုကြည့်နေတဲ့လူလိုမဟုတ်ပဲ သူ့မှာ ထရေစီဆိုတဲ့ ချစ်သူလေးတစ်ယောက်ရှိတယ်။ ချစ်သူလေးကလည်း နင့်ခရမ်းသီးငါ့လာမနှပ်နဲ့ အပျိုအတိုင်းပဲနေချင်သေးတယ် ဆိုတဲ့လူမျိုး။ အဲဒီတော့ အဲရစ်ခ်တစ်ယောက်တိုင်ပတ်ပြီ။ ဘဝကို အပြာကားကြည့်ပြီး သိုင်းကွက်ကျင့်ရင်း ကုန်ဆုံးနေခဲ့ရပါတယ်။ ဒါကိုသနားသွားတဲ့ ထရေစီဟာ အဲရစ်ခ်ကိုကျောင်းပိတ်ရက်မှာ ဘာနောက်ဆက်ဆွဲဆိုးကျိုးမှမရှိပဲနဲ့ လုပ်ချင်ရာလုပ်ခွင့်ပေးခဲ့ပါတယ်။ ဒီလိုနဲ့ အဲရစ်ခ်တစ်ယောက် သူ့အစ်ကိုဝမ်းကွဲနာမည်ကြီး ဒွိုက်စတစ်ဖ်လာတက်နေတဲ့ ကောလိပ်မှာ Naked Mile ဆိုတဲ့ပွဲကို ဆင်နွှဲဖို့ သူငယ်ချင်း ငမွှေထိုးနှစ်ကောင်နဲ့တူတူသွားခဲ့ပါတယ်။ Naked Mile ဆိုတာကတော့ စာမေးပွဲပြီးတဲ့အချိန်မှာ စိတ်လွတ်ကိုယ်လွတ်ပျော်ပွဲရွှင်ပွဲအဖြစ် ကိုယ်တုံးလုံးချွတ်ပြီး တက္ကသိုလ်ဝန်းထဲမှာ တစ်မိုင်ပြေးကြတာဖြစ်ပါတယ်။ ဒီလိုနဲ့ အဲရစ်ခ်ရဲ့ လူပျိုရည်ပျက်ရေး ဒို့အရေးဆိုတဲ့ ဆန္ဒလေး ပြီးပြည့်စုံသွားမလားဆိုတာကို ဆက်လက်ရှုစားကြည့်လိုက်ကြပါခင်ဗျာ။ ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး CM အနေနဲ့ မြန်မာစာတန်းထိုးကိုလဲ ယခင်ကထက်ပိုမိုကောင်းမွန်အောင် ပြင်ဆင်ပေးထားပါတယ်။ (American Pie ဇာတ်ကားတွေက အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။) File size…(2.6 GB )/(1.6 GB) Quality…BluRay Unrated 1080p HEVC / 720p Format…mkv/mp4 Duration….01:44:00 Subtitle….Myanmar Subtitle (Hardsub) Encoder….Ka Naung Translated by Lucifer Maximoff

Zombies apocalypse ရုပ်ရှင်တွေ အရိုက်များလာတဲ့​နောက် Old but gold zombie ကား​​​ကောင်းတစ်ကားကို CM fan​တွေ မကြည့်ဖူးမရှိရ​​အောင် တင်​​​ဆက်​ပေးလိုက်ပါတယ် 2005ခုနှစ်ကတည်းက ထွက်ရှိခဲ့တာဖြစ်ပြီး IMDb 6.2, RT 74% rating ရထားပါတယ်။ အမျိုးအမည်မသိရတဲ့ကပ်​ဘေးတစ်ခု​ကြောင့် တစ်ကမ္ဘာလုံးက လူ​အများစု ဖုတ်​ကောင်​တွေ ဖြစ်သွားတဲ့​နောက် ​လူကုံထံ​တွေက လုံခြုံ​ရေးအထပ်ထပ်နဲ့ မြို့သစ်တွေတည်ပြီး​​​နေထိုင်ကြပါတယ်၊ ကပ်​ဘေးကလွတ်လာတဲ့ မျက်နှာမွဲလူဆင်းရဲ​တွေကို​တော့ မြို့ရဲ့အစွန်ဆုံး၊ ခြံစည်းရိုး​တွေနဲ့ အနီးဆုံးမှာပဲ ​ပေး​နေပါတယ်၊ ရိက္ခာကို​တော့ ကြေးစားလူစွန့်စား​တွေကို ငှားရမ်းပြီး ဖုတ်​​ကောင်​တွေပြည့်နေတဲ့ မြို့ပျက်ငယ်​တွေမှာ ရှာ​​ဖွေခိုင်းပြီး အသက်ဆက်​နေကြတာပါ။ ရိုင်​လေ နဲ့ ချိုလိုဒယ်မိုရာတို့က အဆိုပါ​​ ကြေးစားအဖွဲ့ဝင်​တွေပဲ ဖြစ်ပါတယ်၊ အစပိုင်းမှာ​တော့ ဖုတ်​ကောင်​တွေက လမ်း​လျှောက်တတ်တဲ့ လူ​သေ​ကောင်သာသာပဲမို့လို့ စားနပ်ရိက္ခာ ရှာ​ဖွေရာမှာ သိပ်အခက်အခဲမရှိခဲ့ပေမယ့် တစ်​​နေ့မှာ​တော့ ဆင့်ကဲ​ပြောင်းလဲတတ်တဲ့ သဘာဝအတိုင်း အချင်းချင်း ဆက်သွယ်တတ်တာကစလို့ ကမ္ဘာဦးလူသား​တွေလို အစာရှာဖို့၊ ကိုယ့်ကိုယ်ကိုယ်ခုခံဖို့ နားလည်လာပြီး ​မြို့ပျက်​တွေက​နေ လူကုံထံ မြို့သစ်​တွေဆီကို အစာရှာဖို့ တက်လာကြပါ​တော့တယ်၊ ဒီလိုနဲ့ပဲ ရိက္ခာရှာ​ပေးရတဲ့ ရိုင်​လေတို့အဖွဲ့ဟာ ဖုတ်​ကောင်​တွေရဲ့ ရန်ကိုပါ ကာကွယ်ရမယ့် တာဝန်ရှိလာပါ​တော့တယ်။ ​သွေးသံရဲရဲနဲ့ 2005ထွက် ဇာတ်ကားနဲ့ မတူ​အောင် ပြကွက်​တွေက အ​တော်​လေးကြမ်း​လို့ သွေးလန့်တတ် သူ​တွေ၊ ​ရွံစရာ​တွေကို sensitiveဖြစ်သူ​တွေ သတိထားပြီး ကြည့်ဖို့ ​ပြောချင်ပါတယ်။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.9GB) / (950MB) Quality__Blu-Ray_1080p, 720p IMDb Rating__6.2/10 Format__mp4 Duration__01:33:00 Type__Horror, Sci-Fi, Thriller Subtitle__Myanmar Subtitle (Hardsub) Translated by Jim X Encoded by Naing Aung Latt

Godsend (2004) IMDb Rating – 4.8/10 ပေါလ်နဲ့ ဂျက်စီတို့မှာ အဒမ်ဆိုတဲ့သားလေးတစ်ယောက်ရှိပြီး ပျော်ရွှင်စရာကောင်းတဲ့မိသားစုတစ်ခုဖြစ်ပါတယ်။ ဇာတ်လမ်းအစမှာပဲ အဒမ်က အသက် ၈ နှစ်ပြည့်မွေးနေ့ကျင်းပကာ နောက်တစ်ရက်မှာ မတော်တဆတစ်ခုဖြစ်ပြီး ဆုံးပါးသွားပါတော့တယ်။ ယူကျုံးမရဖြစ်နေတဲ့ လင်မယားနှစ်ယောက်က သူတို့သားလေးရဲ့ ဆဲလ်ကိုပွားလိုက်ပြီး ချွတ်စွတ်တူတဲ့ ကလုန်းတစ်ယောက်ကို တရားမဝင် ထပ်မံမွေးဖွားဖို့ ဆုံးဖြတ်လိုက်ပါတော့တယ်။ ဒါပေမဲ့ အဒမ် (ကလုန်း) အသက် ၈ နှစ်ပြည့်ပြီး ကျော်လွန်တဲ့ရက်ကစလို့ ကျောင်းမှာရော အိမ်မှာပါ အပြုအမူတွေက အရမ်းကို ဆိုးဝါးလာပါတော့တယ်။ သူတို့ သားလေးရဲ့ အမူအကျင့်တွေပြောင်းလဲလာပုံကို လင်မယားနှစ်ယောက် လိုက်လံစုံစမ်းရင်းနဲ့ ဘာတွေကို သိလာရမလဲဆိုတာ ဆက်လက်ကြည့်ရှုနိုင်ပါတယ်။ ဇာတ်လမ်းအမျိုးအစားက Horror/ Sci-fi ဖြစ်ပြီးတော့ ကလုန်းဖန်တီးပေးတဲ့ ဆရာဝန်ကြီးအဖြစ် Robert De Niro က အဓိကဇာတ်ဆောင်တစ်ဦးနေရာက ပါဝင်ထားပါသေးတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(1.6 GB)/(670 MB) Quality….Webrip 1080p / 720p Format…mp4 Duration….01:42:00 Genre... Drama, Horror, Science Fiction, Thriller  Subtitle….Myanmar Subtitle (Hardsub) Encoder….Mr. Anderson Translated by Nway OO K Zaw