Ikatan Darah (2026) +++++++++ ဒီဇာတ်ကားကတော့ Action, Crime နဲ့ Martial Arts သည်းထိတ်ရင်ဖို အမျိုးအစား အင်ဒိုနီးရှား ရုပ်ရှင်ဇာတ်ကားပဲ ဖြစ်ပါတယ်။ အင်ဒိုနီးရှားရဲ့ နာမည်ကျော် အက်ရှင်မင်းသားကြီး Iko Uwais ရဲ့ Uwais Pictures ကနေ ထုတ်လုပ်ပြီး ဒါရိုက်တာ Sidharta Tata က ရိုက်ကူးတင်ဆက်ထားတာပါ။ အဓိက သရုပ်ဆောင်တွေအဖြစ် Livi Ciananta, Derby Romero, Ismi Melinda, Teuku Rifnu Wikana နဲ့ ဝါရင့်မင်းသမီးကြီး Lydia Kandou တို့က ပါဝင်သရုပ်ဆောင်ထားကြပါတယ်။ ဇာတ်လမ်းကတော့ Mega လို့ခေါ်တဲ့ အမျိုးသမီးငယ်လေးဆီကနေ စတင်ပါတယ်။ Mega ဟာ အရင်က နိုင်ငံတော်အဆင့် ပန်ချပ်ဆီလတ် (Pencak Silat) ကိုယ်ခံပညာ အားကစားမယ်တစ်ယောက် ဖြစ်ခဲ့ပေမဲ့ ပခုံးအရိုးလွဲတဲ့ ဒဏ်ရာပြင်းပြင်းထန်ထန် ရသွားတဲ့အတွက် အားကစားလောကကနေ စောစောစီးစီး အနားယူခဲ့ရပြီး စားသောက်ဆိုင် စားပွဲထိုးအဖြစ် ရိုးရိုးရှင်းရှင်း အသက်မွေးဝမ်းကျောင်း ပြုနေရသူပါ။ ဒါပေမဲ့ သူ့ရဲ့ အစ်ကိုဖြစ်သူ Bilal ဟာ မစဉ်းမစား လုပ်တတ်တဲ့ အကျင့်ကြောင့် ဧရာမ လူမိုက်ဂိုဏ်းကြီးတစ်ခုဆီမှာ အကြွေးတွေ အများကြီး တင်သွားတဲ့အခါ Mega ရဲ့ အေးချမ်းနေတဲ့ ဘဝလေး ပြောင်းလဲသွားပါတော့တယ်။ အစ်ကိုဖြစ်သူရဲ့ အသက်အန္တရာယ်ကို ကယ်တင်ဖို့ရော သူတို့နေထိုင်ရာ အိမ်လေးကိုပါ မဆုံးရှုံးရအောင် Mega တစ်ယောက် ကြိုးစားရင်းနဲ့ ရက်စက်ကြမ်းကြုတ်တဲ့ ဂိုဏ်းစတားတွေရဲ့ လိုက်လံတိုက်ခိုက်တာကို ခံရပါတော့တယ်။ အဲဒီအခါမှာတော့ Mega ဟာ သူစွန့်လွှတ်ထားခဲ့တဲ့ ကိုယ်ခံပညာတွေကို ပြန်လည်အသုံးချပြီး သွေးဆာနေတဲ့ လူမိုက်တွေလက်ထဲကနေ အစ်ကိုဖြစ်သူကို ကယ်တင်ဖို့ အသက်လု ထွက်ပြေးရင်း အပြင်းအထန် တိုက်ခိုက်ရမယ့် သည်းထိတ်ရင်ဖို အက်ရှင်ဇာတ်လမ်းကောင်းတစ်ခု ဖြစ်ပါတယ်။ ဒီဇာတ်ကားဟာ အင်ဒိုနီးရှား ရုပ်ရှင်လောကမှာ အောင်မြင်ခဲ့တဲ့ The Raid ရုပ်ရှင်တွေလိုပဲ အကြမ်းပတမ်း အက်ရှင်ပြကွက်တွေကို အဓိက အားပြု ပုံဖော်ထားတာပါ။ Iko Uwais ရဲ့ ကိုယ်ခံပညာ စတန့်အဖွဲ့ (Uwais Team) ကိုယ်တိုင် ပန်ချပ်ဆီလတ် သိုင်းကွက်တွေကို လက်တွေ့ဆန်ဆန် သွေးထွက်သံယို တိုက်ခိုက်ခန်းတွေအဖြစ် ဖန်တီးထားတာဖြစ်လို့ Martial Arts အက်ရှင်ကား ကြိုက်နှစ်သက်တဲ့ ပရိသတ်တွေ အကြိုက်တွေ့စေမယ့် ရုပ်ရှင်ကောင်းတစ်ကားပဲ ဖြစ်ပါတယ်။ File Size… (1.47GB) / (992MB) Quality… WEB-DL 1080p HEVC / 720p Format…mkv / mp4 Duration…1h 59m Genre …Action, Crime, and Thriller Subtitle….Myanmar Subtitle (Hard Sub)
ဇာတ်ကားကြည့်ရန်
