Don Johnson ပါဝင်သော ဇာတ်ကားများ

ဒီဇာတ်လမ်းတွဲကတော့ ဆေးပညာနောက်ခံကိုမှ အ‌ပျော်စီး သင်္ဘောကြီးတစ်စီးဖြစ်တဲ့ အိုဒက်စီ သင်္ဘောကြီးပေါ်မှာ ကြုံရတွေ့ရမယ့် ထူးထူးဆန်းဆန်း ဆေးပညာပြဿနာ တွေကို သင်္ဘောဆရာဝန်အဖွဲ့က ဘယ်လိုပုံစံမျိုးတွေနဲ့ ဖြေရှင်းသွားမလဲဆိုတာ ကြည့်ရှုရမှာဖြစ်ပါတယ်။ မက်ဇ်ဘန့်မန်းက အိုဒက်စီသင်္ဘောပေါ် အသစ်ရောက်တဲ့ ဆရာဝန်ကြီးဖြစ်ပြီး အေဗရီနဲ့ ထရစ်စတန်တို့က လုပ်သက် ရင့်နေပြီဖြစ်တဲ့ သူနာပြုနှစ်‌ယောက်ပါ။ ဆေးအဖွဲ့ထဲကိုအသစ်ရောက်လာတဲ့ ဆရာဝန်နဲ့ နဂိုရှိပြီးသား သူနာပြု နှစ်ယောက်ကြားက အားပြိုင်မှုတွေ၊ အချင်းချင်းနားလည်မှု ရသွားပုံတွေ၊ သင်္ဘောပေါ်က ခရီးသည်ပေါင်းစုံရဲ့ မျိုးစုံ သော ပြဿနာပေါင်းစုံ၊ ရောဂါပေါင်းစုံ၊ အရေးပေါ်ကိစ္စ ပေါင်းစုံတို့ကို ‌‌‌‌‌‌‌‌အတူတူဖြေရှင်းကြပုံတွေကို ကြည့်ရမှာပဲ ဖြစ်ပါတယ်။ IMDb - 5.8နဲ့ RT 71% ရထားပြီး အပတ်စဉ် ပုံမှန်တင်ဆက်ပေးသွားပါမယ်။ File Size – 1GB(Appx;)@Episode Quality – 1080p WEB DL Duration –45minute (@Episode) Total Episodes:8Eps Subtitle – Myanmar Hardsub Format – Mp4 Genre : Drama Translator – JimX Encoder – YK

Thriller ဇာတ်ကားတွေကို ကြိုက်နှစ်သက်တဲ့ cm ပရိသတ်ကြီးကို ဇာတ်ကားလေးတစ်ခုနဲ့ မိတ်ဆက် ပေးချင်ပါတယ်။ သရုပ်ဆောင် မင်းသမီးက ပရိသတ်တွေ ရင်းနှီးပြီးသား Orphan ဇာတ်ကားထဲက အက်စသာအဖြစ် သရုပ် ဆောင်ခဲ့တဲ့ အစ္စဘယ်လာ ဖြစ်ပါတယ်။ ဒီဇာတ်ကားမှာလည်း သူမရဲ့ ကျရာဇာတ်ရုပ်ကို ပီပြင် အောင် သရုပ်ဆောင်ထားနိုင်တာကို တွေ့ရမှာပါ။ ဇာတ်လမ်းအကျဉ်းကတော့ ဂျက်ဆင်ဗီးလ်က အစွန် အဖျားရပ်ကွက်မှာ မိသားစုအမွေ သိုလှောင်ရုံ ပိုင်ဆိုင် ထားတဲ့ လော်ရီစကိုင်လာဆိုတဲ့ ကောင်မလေးက ပိတ်ရက် နက်ရှ်ဗီးလ်မှာ ရှိတဲ့ သူ့ရည်းစားဆီ မွေးနေ့ အတွက် သွားလည်ဖို့ စီစဉ်နေပါတယ်။ ကံဆိုးချင်တော့ လေယာဉ်ချိန် နောက်ကျသွားတဲ့အပြင် သူ့ဝန်ထမ်း ကောင်မလေးက ရုတ်တရတ် ခွင့်ယူသွားတော့ သွားဖို့ အစီအစဉ် ပျက်သွားပါတယ်။ ရေယိုစိမ့်မှုဖြစ်နေတဲ့ သိုလှောင်ခန်း တစ်ခန်းကို သွားပြင်ရင်း အခန်းနံပါတ် ၂၃၄ ထဲမှာ သတိလစ်နေတဲ့ လူတစ်ယောက်ကို တွေ့လိုက်ရတဲ့ အခါမှာ လန့်သွား ခဲ့ပါတယ်။ ဒီလူက ဘယ်သူလဲ..... ဒီလူကို ခေါ်ဖို့အတွက် သေနတ်တွေ ကိုင်ထားတဲ့ အဖွဲ့တွေက ရောက်လာတဲ့ အခါမှာတော့….။ ဇာတ်ကားအစကနေ အဆုံးအထိ ပျင်းရိစရာ အခန်း မရှိဘဲ ဇာတ်သိမ်းထိကို Twist ပါတဲ့ Thriller ဇာတ်ကားလေးမို့ ကြည့်ရတာ တန်ပါတယ်လို့‌ ပြောချင်ပါတယ်။ File size… (872 MB) / (563 MB) Quality… WEB-DL 1080p HEVC /720p Format…mkv / mp4 Duration….1h 26m Genre …..Thriller Subtitle….Myanmar Subtitle (Hard Sub) Encoder….Min Wai Translated by Aoi

နက်ဖလစ်က ထွက်တဲ့ အက်ရှင်ကားအသစ်ပါ။ ဂျက်ရိချာလိုပဲ စစ်ပြန်တစ်ယောက်နဲ့ မြို့ငယ်လေးတစ်ခုက အကျင့်ပျက်နေတဲ့ ရဲစခန်းတစ်ခုလုံး ရင်ဆိုင်ရတဲ့အမျိုးအစားပါပဲ။ ဒါရိုက်တာကလည်း True Detective အပိုင်းတွေ ရိုက်ဖူးတဲ့ Jeremy Saulnier မို့ ဥပဒေပိုင်း ရဲအပိုင်းတွေ‌တော့ ပိုင်ပါတယ်။ RT 98 အထိ ရထားတာဆိုတော့ ဇာတ်လမ်းရောအက်ရှင်ရော ကောင်းတဲ့အထဲမှာပါပါတယ်။ အရမ်းကြီး ကြမ်းထော်နေတာလဲမဟုတ်ဘဲ True Detective လိုပဲ လူသားဆန်ဆန်ဇာတ်လမ်းမျိုးပါပဲ။ ဇာတ်လမ်းအကျဉ်း တယ်ရီဆိုတဲ့ စစ်ပြန်ဟာ သူ့ရဲ့ညီဝမ်းကွဲ ဆေးမှုနဲ့ အဖမ်းခံထားရတာကို အာမခံထုတ်ပေးဖို့ ငွေထုပ်ပိုက်ပြီး စက်ဘီးနဲ့ လာတဲ့လမ်းမှာ ရဲကားတစ်စီးက သူ့ကို တိုက်လိုက်တယ်။ ပြီးတော့ သူယူလာတဲ့ငွေတွေကို မသင်္ကာမှုနဲ့ပါ သိမ်းလိုက်တယ်။ သူက အဲဒီငွေတွေကို ပြန်ရဖို့နဲ့ သူ့ညီလွတ်ဖို့လောက်ပဲ ပြန်လိုက်ကြိုးစားပေမဲ့ ပြဿနာတွေက ရှုပ်လာပြီး ရစခန်းတစ်ခုလုံးရဲ့ ခြစားမှုတွေနဲ့ အရှုပ်တော်ပုံတွေထဲကို ကြားညပ်သွားပါတယ်။ သူနဲ့ သူ့ကိုကူညီနေတဲ့ ရှေ့နေအလုပ်သင်မလေးကို လိုက်သတ်ကြတဲ့အခါ အသက်ရှင်ဖို့နဲ့ ရဲတွေအားလုံးရဲ့ ပြစ်မှုတွေကို ဖော်နိုင်ဖို့ ကြိုးစားရပါတော့တယ်။ File size…(1.5 GB)/(780 Mb) Quality….Webrip 1080p / 720p Format… mp4 Duration…. 02:11:00 Genre... Action, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Mr. Anderson

The Collective (2023) Missionတွေလုပ်ရတဲ့ အက်ရှင်ကားကောင်းလေးတွေ မျှော်နေသူတွေသဘောတွေ့စေမယ့် The Collection ဆိုတဲ့ကားသစ်လေးကို တင်ဆက်ပေးလိုက်ပါပြီ။ X-men ထဲက Havok ဖြစ်တဲ့ Lucas Till နဲ့ FF မိသားစုဝင် Roman (Tyrese Gibson)တို့ ဘယ်လိုအတွဲညီညီနဲ့ ရန်သူကို နှိမ်နင်းမလဲဆိုတာ ကြည့်ရှုလိုက်ရအောင်ပါ။ မသမာမှု လာဘ်စားမှုတွေနဲ့ ပြည့်နှက်နေတဲ့ ငွေသာအရာရာဖြစ်နေတဲ့လောကကြီးမှာ ဝိသမလောဘသားတွေက ငွေထုပ်လှေကားခုပြီး ဥပဒေပေါ်တက်ထိုင်နေကြတာပေါ့။ နိုင်ငံရေးလောကရဲ့ထိပ်သီးတွေ အစိုးရရာထူးအကြီးပိုင်းတွေကိုပါ ငွေနဲ့အိတ်ထဲထည့်ထားတဲ့ ဒီလိုလူတွေ CIAလိုအဖွဲ့ကတောင် ဥပဒေဘောင်တွင်းက ဘာမှလုပ်မရဘဲ ကြည့်နေရုံသာ တတ်နိုင်ပါသတဲ့။ ဒါပေမဲ့ မတရားမှုကို လက်ပိုက်ကြည့်မနေနိုင်တဲ့လူတွေစုပြီး ဒီလို ဥပဒေသွားထိလို့မရတဲ့လူတွေ သေနတ်နဲ့ရှင်းမယ်ဆိုတဲ့ အခွင့်ထူးခံတွေကို ကျရှုံးစေမယ့် The Collectiveဆိုတဲ့ အမှန်တရားဘက်တော်သားကြေးစားအဖွဲ့ပေါ်လာပါတော့တယ်။ မီရိုဆိုတဲ့ လူကုန်ကူးတဲ့ ရာဇာကြီးတစ်ယောက်က ရွေးကောက်ပွဲမဲဝယ်တဲ့ကိစ္စနဲ့ပတ်သက်ပြီး သတင်းဖြန့်ခဲ့တဲ့ သတင်းပေးခရစ်စတိုဖာနီလီဆိုတဲ့လူကို ထုံးစံအတိုင်း လေလံပစ်ဖို့လုပ်နေတာပေါ့။ ရွေးကောက်ပွဲနဲ့ ပတ်သက်ပြီး သတင်းထွက်တာကြောင့် ခံလိုက်ရသူတွေလည်းမနည်းတော့ နီလီကိုလက်စားချေအမှုန့်ကြိတ်ချင်နေသူတွေကလည်းဒုနဲ့ဒေးပါပဲ။ The Collectiveအဖွဲ့ကလည်း နီလီကိုသာရရင် ရာထူးကြီးပိုင်းက အကျင့်အပျက်ခြစားမှုတွေကို ဖော်ထုတ်နိုင်မှာဖြစ်လို့ နီလီကိုပစ်မှတ်ထားထားတာပေါ့။ ဒါပေမဲ့ မီရိုကလည်း ခေသူတစ်ယောက်မဟုတ်တဲ့အခါ... ဆမ်ကတော့ လတ်လတ်လောလော ‌training အောင်ထားတဲ့ လက်တွေ့မစ်ရှင်မလုပ်ဖူးသေးတဲ့ ကြေးစားလက်သစ်လေးပေါ့။ ဒါပေမဲ့ Collectiveအဖွဲ့ရဲ့စနစ်ကို မီရိုဘက်ကလူတွေက ဟက်ခ်သွားတာကြောင့် အေးဂျင့်တွေအကြောင်းအကုန်ပေါ်သွားတဲ့အတွက် စနစ်ထဲမရောက်သေးတဲ့ လူသစ်လေးက မီရိုလိုရာဇာကြီးကိုဖမ်းဖို့ အဖွဲ့ထဲကကြေးစားဂုရုကြီးဟူဂိုနဲ့ လက်တွဲရဖို့ဖြစ်လာတဲ့အခါမှာတော့ .... ကြေးစားဂုရုကြီးဟူဂိုနဲ့ ဒုစရိုက်ကျားကြီးမီရိုတို့ရဲ့တိုက်ပွဲအလယ်က လူတစ်ယောက်မှမသတ်ဖူးတဲ့ ဘုရားစူးအဖြူထည်ကြေးစားလေးဆမ်တို့ ဘာတွေဘယ်လိုဆက်ဖြစ်ကြမလဲ။ မီရိုလက်က ခရစ်စတိုဖာနီလီကိုရော The Collectiveအဖွဲ့က ရသွားမှာလားဆိုတာ ဆက်လက်ကြည့်ရှုလိုက်ရအောင်ပါ။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre..... Action, Thriller Quality…. 1080p | 720p File size…1.6GB| 663MB Format… mp4 Duration…. 1h 26min Subtitle…. Myanmar Subtitle (Hardsub) Translator ..... Mary Christ Encoder ..... Aaron and Thit San Khant

လွန်ခဲ့တဲ့ အနှစ်နှစ်ဆယ်လောက်က ဝတ္ထုတစ်အုပ်နဲ့ စာပေလောကကို လှုပ်ခတ်စေခဲ့တဲ့ ရှရိုက်ဗာဆိုတဲ့ စာရေးဆရာတစ်ယောက် ရှိခဲ့ပါတယ်။ သူက လူလုံးထွက်မပြသူဖြစ်ပြီး သမ္မတက ပေးတဲ့ အမျိုးသားစာပေဆုကိုတောင် တက်မယူခဲ့ဘူး။ အဲဒီစာအုပ်တစ်အုပ် ထွက်ပြီးနောက်မှာလည်း ပျောက်ကွယ်သွားခဲ့ပါတယ်။ အခုတော့ ပရော်ဖက်ဆာကလီရီတို့ဟာ တက္ကသိုလ်စာပေပွဲတော်အတွက် အခက်တွေ့နေကြတယ်။ ဘုတ်အဖွဲ့က ဘတ်ဂျက်ဆက်မပေးတော့တဲ့အတွက် ပွဲတော်ကို ဆက်ကျင်းပနိုင်ဖို့ နည်းလမ်းရှာရင်း ကလီရီက ရှရိုက်ဗာကို ရှာဖွေဖိတ်ကြားလိုက်ပါတယ်။ သူသာ လာတက်မယ်ဆိုရင် ပွဲတော်ကို လူတွေ ပြန်စိတ်ဝင်စားလာပြီး ဆက်ကျင်းပနိုင်လိမ့်မယ်လို့ မျှော်လင့်ထားတာပါ။ ဒါပေမယ့် ဖိတ်စာရောက်သွားတဲ့ ရှရိုက်ဗာကတော့ စာရေးဆရာမဟုတ်ပါဘူး။ သူများခိုင်းသမျှလုပ်ပြီး နေ့ရက်တွေကို ဖြတ်သန်းနေတဲ့ အထီးကျန်အရက်သမားတစ်ယောက်ပါ။ ကြောင်လေးကိုပိုက်ပြီး အိပ်ရာပေါ်ကနေ ရေယိုနေတဲ့မျက်နှာကြက်ကို ကြည့်နေတတ်တဲ့ သူ့ကို ဘေးကမိတ်ဆွေက စာရေးဆရာအဖြစ် ဟန်ဆောင်သွားရင် ဆုတွေဘာတွေ ရနိုင်တယ်ဆိုပြီး မြှောက်ပေးလိုက်တယ်။ ဒီလိုနဲ့ သူလည်း စာပေပွဲတော်ကို ဟန်ဆောင်တက်ရောက်ဖို့ ဖြစ်လာပါတယ်။ သုံးရက်ကြာမယ့် ပွဲတော်အတွင်း သူ့ကို စာရေးဆရာလို့ ယုံနေကြသူတွေကြားမှာ ဘယ်လောက်ကြာကြာ ဟန်ဆောင်နိုင်မလဲ၊ အလိမ်အညာတွေ ပေါ်သွားမလားဆိုတာကို စာပေလောကရဲ့ အလွဲအမှားတွေနဲ့အတူ ဟာသဒရမ်မာပုံစံ တင်ဆက်ထားပါတယ်။ အဓိကသရုပ်ဆောင်တွေအဖြစ် Michael Shannon နဲ့ Kate Hudson တို့ ပါဝင်ထားပါတယ်။

အန်နာလို့လည်း ခေါ်တဲ့ အန်ညာဟာ ခင်ပွန်းနဲ့အတူ ပြင်သစ်စားသောက်ဆိုင်တစ်ဆိုင် ပူးတွဲပိုင်ဆိုင်ထားတဲ့ စားဖိုမှူးတစ်ယောက်ပါ။ မီးဖိုချောင်ထဲမှာ တစ်ခါတလေ ဒေါသပေါက်ကွဲတတ်လို့ ခင်ပွန်းကတော့ သူ့ကို ယုတ္တိမတန်သူလို့ မြင်ထားတယ်။ ဒါပေမယ့် အန်ညာမှာ ခင်ပွန်းမသိတဲ့ အတိတ်တစ်ခု ရှိနေပါတယ်။ သူဟာ ရုရှားစပိုင်ဘဝကနေ ထွက်ပြေးလာပြီး ကိုယ်ယောင်ဖျောက်နေသူပါ။ ဆိုင်ဖွင့်ပွဲညမှာ ခင်ပွန်းက သူ့ကို ဂုဏ်ပြုချင်လို့ ဆိုင်အကြောင်းကို သတင်းစာထဲ ထည့်ပေးလိုက်တယ်။ အဲဒီကနေ အန်ညာ ဖုံးကွယ်ထားတဲ့ အတိတ်က ပြန်လိုက်လာသလို ခင်ပွန်းရဲ့ အကြွေးပြဿနာတွေလည်း တစ်ညတည်းမှာပဲ ပေါ်လာပါတော့တယ်။ အန်ညာတစ်ယောက် ဆိုင်ထဲမှာ တပ်စွဲပြီး စားသောက်ဆိုင်နဲ့ ကိုယ့်အသက်ကို ကာကွယ်ဖို့ ရင်ဆိုင်ရပုံကို အက်ရှင်နဲ့ ဟာသရောပြီး ရိုက်ထားပါတယ်။

Nash Bridges လူအချို့က သာမန်ဘဝလေးနဲ့ ရောင့်ရဲတက်ပေမယ့် အချို့က ချမ်းသာသထက် ချမ်းသာချင်ကြတယ် ငွေရဖို့ဆိုရင် ဘယ်လို ရာဇဝတ်ကို မဆို ကျူးလွန်တက်ကြတယ် ဘယ်သူသေသေ ငတေမာရင် ပြီးရောဆိုတဲ့စိတ်နဲ့ သက်ရှိလူသားတွေလို ကြွက်ကလေးတွေလို သဘောထားပြီး စိတ်ပျော်ရာအတွက် အသုံးချကြတယ် လူကုန်ကူးမှုသံသယတရားခံကို လိုက်ဖမ်းရင်း မြို့ထဲ ပေါက်ကွဲမှုဖြစ်အောင် လုပ်လိုက်လို့ နက်ရှ်တစ်ယောက် တာဝန်ကနေ ဆိုင်းငံ့ခံလိုက်ရပါတယ် ကြုံရာကျပန်း နေလာပြီး ၁နှစ်အကြာမှာ နေဝင်ချိန်လူသတ်မှုလို့ခေါ်တဲ့ ကွင်းဆက်လူသတ်မှုလို့ ထင်ရတဲ့ အမှုတစ်ခု ပေါ်လာပါတော့တယ် နစ်နာသူ ၁၁ယောက်ထိ ရှိလာပြီးတဲ့နောက် ရဲဌာနက နက်ရှ်ရဲ့ အကူအညီလိုလာပါရော ခေါတ်မီနည်းပညာတွေမသုံးပဲနဲ့ နက်ရှ်တို့တွေ ဘယ်လိုများ အမှုလိုက်ကြမလဲ နစ်နာသူတွေက ဆက်တိုက်ဆိုသလိုပေါ်လာနေပြီးတော့ တရားခံအစစ်ကိုရော ဖမ်းမိကြမလား လူချမ်းသာရဲ့နောက်ကွယ်က မြေအောက်မှာ ဘာတွေဖြစ်နေတာလဲ ဆိုတာကိုဆန်းပြားတဲ့ ဇာတ်လမ်းကျောရိုးနဲ့ စိတ်ဝင်စားဖွယ်ရာ ကြည့်ရှုရမှာပါ ( ဘာသာပြန်ပြီး အညွှန်းရေးသားထားသူကတော့ Oleander ပါ ) File Size__(1.5GB) / (800MB) Quality__1080p, 720p IMDb Rating__6.1/10 Format__mp4 Duration__01:22:00 Type__Comedy, Crime, Drama Subtitle__Myanmar Subtitle (Hardsub) Translated by Oleander Encoded by Naing Aung Latt

ဒီကားလေးကတော့ဖြစ်ရပ်မှန်ဇာတ်လမ်းကိုပြန်လည်ရိုက်ကူးထားတဲ့ ကားကောင်းလေးတစ်ကားပါ ဒူ့စ်နဲ့ချက်ကီဆိုတဲ့သူငယ်ချင်းနှစ်ယောက်က အသက်ဆယ့်ငါးနှစ်ထဲကခင်လာပြီးသူခိုးအလုပ်တူတူလုပ်ပြီး အရွယ်ရောက်လာတော့ ဘဏ်တွေကိုဓါးပြတိုက်ကြ ကံဆိုးချင်တော့တစ်ရက်မှာဘဏ်ဓါးပြတိုက်ပြီးဖမ်းခံလိုက်ရတဲ့အချိန်မှာ.... လူမိုက်ဂိုဏ်းကအုပ်စိုးထားတဲ့အကျဉ်းထောင်ကိုပို့ခံလိုက်ရပြီး အဲဒီအချိန်ကစပြီးသူတို့ဘဝရဲ့ကံဆိုးမှုကြီးစတင်တာပဲ... လူမိုက်အဖွဲ့ထဲကတစ်ယောက်ကသူတို့နှစ်ယောက်ကိုသတိထားမိပြီးတော့ အပေးအယူတစ်ခုကိုကမ်းလှမ်းလိုက်တယ် အဲဒီအပေးအယူအတိုင်းသူတို့လည်းထောင်ကထွက်ကရော လူမိုက်တွေရဲ့ပိုက်ဆံတွေကိုအစိုးရကမသိအောင်သိမ်းပေးတဲ့ ဆိုင်တစ်ဆိုင်ကိုဓါးပြဝင်တိုက်ရပေမယ့်... အပေးအယူအတိုင်းဖြစ်မလာပဲ လူတွေတစ်ယောက်ပြီးတစ်ယောက်သတ်ခံလာရတဲ့အခါမှာ နောက်ဆုံးအချစ်ဆုံးသူငယ်ချင်းနှစ်ယောက်သစ္စာဖောက်ဖို့အထိတွေပါဖြစ်လာတဲ့အခါ နောက်ကွယ်ကအကုန်လုံးကိုကြိုးကိုင်ထားတဲ့လူဆီရောက်နိုင်မလား သူတို့အသက်ရှင်နိုင်မလားဆိုတာတွေကို ကြည့်ရှုလိုက်ပါဦးနော် သူငယ်ချင်းသံယောဇဉ်တွေငွေနောက်ကိုပဲ မလိုက်သင့်တဲ့အကြောင်းတွေဘယ်သူ့ကိုမှမယုံကြည်သင့်တဲ့အကြောင်းတွေကို သေချာရိုက်ကူးထားတဲ့ဖြစ်ရပ်မှန်ကားကောင်းလေးတစ်ကားပါ File Size : (928 MB) & (176MB) Quality : WEB-DL 720p Running Time : 1 hr 39 min Format : Mp4 Genre : Crime , Drama Subtitle : Myanmar Subtitle (Hard Sub) Translated by Phue Encoded by Moe Myint Lwin

IMDb Rating (8.0) / Rotten Tomatoes (97%) ဒီဇာတ်ကားက Rating တွေ ကြမ်းသလို နာမည်ကြီးသရုပ်ဆောင်တွေ တော်တော်များများပါဝင်ထားတယ်။ ဂျိမ်းစ်ဘွန်းမင်းသားကြီး Daniel Craig, ကပ္ပတိန်အမေရိက Chris Evans, No Time to Die နဲ့ Knock Knock ဇာတ်ကားတို့မှာ ပရိတ်သတ်အာရုံကို အပြည့်အဝဖမ်းစားခဲ့တဲ့ မင်းသမီး Ana de Armas, 13 Reason Why ရဲ့ Katherine Langford တို့အပြင် တခြားနာမည်ကြီးတွေလဲပါသေးတယ်။ မင်းသမီး Ana de Armas ရဲ့ ရှယ်သရုပ်ဆောင်ချက်တွေကို မြင်တွေ့ရမှာဖြစ်ပြီး Daniel Craig က သူ့ရဲ့သရုပ်ဆောင်ချက်တွေကို ကြိုက်လို့ No Time to Die ဂျိမ်းစ်ဘွန်းဇာတ်ကားမှာ ဒီမင်းသမီးကို ထည့်ရိုက်ခိုင်းခဲ့တယ် ဆိုကြတယ်....ပါဝင်သရုပ်ဆောင်ရတဲ့အချိန် အတိုလေးဆိုပေမယ့် သူ့ရဲ့ဖမ်းစားမှုကို အားလုံးခံခဲ့ကြရတယ်မလား...ခုကားမှာလဲ သူကပဲ ဇာတ်ကို စလည်ဆုံး ဆွဲခေါ်သွားပါဦးမယ်။ စုံထောက်ကားကောင်းကောင်းငတ်နေသူတွေအတွက်ဆို ဒီကားက ရှယ်ပေါ့ဗျာ။ဇာတ်လမ်းကတော့ ၂ ပင် ၃ ပင်လိမ်အောင်ကို လှည့်တာပါ။ တကယ်ကောင်းပါတယ်။နာမည်ကြီးတွေစုပြုံပါဝင်ပေမယ့် ဒီတစ်ခါတော့ ဆရာများ သားသေ မဖြစ်တော့ပါဘူး။ ဇာတ်လမ်းအကျဉ်းပဲ ပြောပြမယ်နော်။ အများကြီးပြောလို့မရဘူး။ ဟာလန်သရွန်ဘီဆိုတဲ့ နာမည်ကြီး လျို့ဝှက်သည်းဖို စာရေးဆရာကြီးရဲ့ ၈၅ နှစ်မြောက် မွေးနေ့မှာ သူ့ သားသမီးတွေ မြေးတွေနဲ့ သမက် ချွေးမတွေ လာစုစည်းပြီး ပါတီလုပ်ကြတယ်။ အကုန်လုံးကလည်း အဘိုးကြီးနဲ့ ပြဿနာ ကိုယ်စီပေါ့။ နောက်နေ့မနက်မှာ ဟာလန်ကြီးက သေနေပါလေရော။ လည်ပင်းကို လှီးပြီး ကိုယ့်ကိုယ်ကို သတ်သေသွားတာပါ။ သတ်သေမှုပါဆိုမှ ဘယ်သူက  အလုပ်အပ်လိုက်မှန်းမသိဘဲ နာမည်ကျော် အလွတ်စုံထောက်ကြီးက ရောက်ချလာရော။ ပြီးတော့ မထင်ထားတာတွေ ဆက်တိုက်ဖြစ်ပြီး ဇာတ်သိမ်းအထိ မထတမ်း ကြည့်မိသွားပါလိမ့်မယ်။ ဒီလောက်ဆို ဘယ်လိုကားလဲ  မှန်းမိမှာပါ။ ရုံးပိတ်ရက်မှာ အပမ်းပြေကြပါစေ။ File size…(4.3 GB) /(1.2 GB)/(1 GB) Quality….BluRay 4K HEVC/1080p HEVC/ 720p Format…mkv/mp4 Duration….02:10:12 Subtitle….Myanmar Subtitle (Hardsub) Encoder….MML , Nyeinsaeya Aung Translated by Little Neo

သည်းထိတ်ရင်ဖိုမှုခင်းဇာတ်ကားတွေကို ကြည့်ရှုချင်တဲ့ ပရိသတ်တွေအတွက် ၂၀၁၈ခုနှစ်ထွက် Dragged Across Concrete ဆိုတဲ့ ဇာတ်ကားလေး တင်ဆက်ပေးလိုက်ပါတယ်… IMDb -7.3/10 နဲ့ Rottem tomatoes 73 တောင်ရရှိထားပြီး ရင်တမမနဲ့ တကယ်မိုက်တဲ့ဇာတ်ကားတစ်ကားဖြစ်ပါတယ် ရစ်ဂျမန်းနဲ့ အန်သနီဆိုတဲ့ ရဲအရာရှိနှစ်ယောက်တို့ဟာ တရားခံဖမ်းတဲ့နေရာမှာ ကြမ်းတမ်းစွာ ကိုင်တွယ်ဖြေရှင်းခဲ့တာတွေကို အရပ်သားတစ်ဦးက ဗီဒီယိုရိုက်ယူခဲ့အပြီးမှာတော့ တီဗီသတင်းထဲအထိ ဟိုးလေးတကြော်ကြော်ဖြစ်ပြီး အလုပ်ကနေ လစာမဲ့ လေးပတ် ခေတ္တရပ်စဲခံရပါတယ်။ စုံထောက်ရစ်ဂျမန်းဟာ နောက်လမှာ အသက် ၆၀ပြည့်ပင်စင်ယူရတော့မှာဖြစ်ပြီး ပင်စင်ယူချိန်ရောက်ရင် နေမကောင်းတဲ့ ဇနီးနဲ့ ဆယ်ကျော်သက်သမီးလေးကို ထောက်ပံ့ဖို့ ငွေရေးကြေးရေး အခက်အခဲရှိနေသူပါ။ အန်သနီကလည်းမကြာခင် လက်ထပ်တော့မှာဖြစ်ပြီး သူ့ရှေ့ရေးအတွက် နဲ့ ရည်းစားကို ရွှေပေါ်မြတင်ထားချင်သူအနေနဲ့ သူကလည်း ပိုက်ဆံတစ်နည်းနည်းနဲ့ လိုအပ်နေပါတယ်။ ပိုက်ဆံလိုနေကြတဲ့ အလုပ်လက်မဲ့ ရဲစုံထောက်နှစ်ယောက်ဟာ တစ်နေ့မှာ မသင်္ကာတဲ့ ကားတစ်စီးနောက်ကိုလိုက်ရင်း ရာဇဝတ်မှုတစ်ခုထဲ ခုန်ဆင်းလျက်သားဖြစ်နေပါတော့တယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ) File Size : (1.20 GB) and (550 MB) Quality : WEB-DL 720p Running Time : 2h 39min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 1080p.WEB-DL.DD5.1.H264-CMRG Translated by Zuel Khant Thwin Encoded by Thanhtike Zaw

"ဥပဒေက တရားမျှတမှု မပေးနိုင်တော့တဲ့အခါ လက်တုန့်ပြန်ခြင်းကပဲ တစ်ခုတည်းသော ထွက်ပေါက် ဖြစ်လာခဲ့ရင်…… ဇူလိုင်လ ၄ ရက်နေ့ လွတ်လပ်ရေးနေ့ညမှာ သမီးနဲ့အတူ အိမ်ပြန်လာတဲ့ "တီနာ" ဟာ မမျှော်လင့်ဘဲ ရက်စက်တဲ့ လူတစ်စုရဲ့ အုပ်စုဖွဲ့စော်ကားခြင်းကို ခံခဲ့ရပါတယ်။ သမီးဖြစ်သူ "ဘက်သီ "ကတော့ တရားခံတွေကို မျက်မြင်တွေ့ရှိခဲ့ပြီး သက်သေအဖြစ် ထွက်ဆိုပေးခဲ့တာကြောင့် တရားခံတွေကို ရဲတပ်ဖွဲ့က ဖမ်းဆီးနိုင်ခဲ့ပါတယ်။ ​ဒါပေမဲ့ တရားခံတွေက အရမ်းတော်တဲ့ ရှေ့နေကြီးကို ငှားပြီး တရားခွင်မှာ အကွက်ဆင်တိုက်ခိုက်ခဲ့တာကြောင့် တရားဥပဒေရဲ့ ဟာကွက်တွေကြားမှာ ပြစ်ဒဏ်ကနေ လွတ်မြောက်ဖို့ လမ်းစပေါ်လာခဲ့ပါတယ်။ တရားမျှတမှု ရသင့်သလောက် မရဘဲ မတရားစွပ်စွဲခံနေရတဲ့ တီနာကို ကြည့်ပြီး ဒီအမှုကို ကိုင်တွယ်ခဲ့တဲ့ စုံထောက်ဂျွန်ဒရိုမော တစ်ယောက် သည်းမခံနိုင်တော့တဲ့အဆုံး…… ​တရားဥပဒေက အပြစ်ပေးဖို့ ပျက်ကွက်ခဲ့တဲ့ တရားခံတွေကို သူကိုယ်တိုင် တရားစီရင်ဖို့ ဆုံးဖြတ်လိုက်တဲ့အခါမှာတော့…… တရားမျှတမှုဆိုတာ တရားခွင်ထဲမှာပဲ ရှိတာမဟုတ်ကြောင်း သက်သေပြလိုက်တဲ့ ထိမိတဲ့ အက်ရှင် Crime Thriller ဇာတ်ကားကောင်းတစ်ကားပါပဲ

နောက်ဆုံးအလုပ်ဆိုပြီးလုပ်လိုက်တဲ့အလုပ်မှာလွဲမှားမှုတွေဖြစ်ပြီး ဘရက်ဒ်တစ်ယောက်ထောင်ကျတော့တာပါပဲ။အဲဒီကစလို့ပွဲကြမ်းတော့တာပဲ။ ဘယ်လိုပွဲကြမ်းမလဲဆိုတာတော့ကိုယ်တိုင်ပဲဆက်ကြည့်လိုက်ပါ။ အသည်းယားတတ်သူများကတော့ဝေါင်ဝေါင်ရှေးထားပေါ့ဗျာ။ အမှန်အကန်ကြမ်းပြတာပါပဲ။လောကမှာအကြောင်းအကျိုးနဲ့ဖြစ်လာသမျှကို ဘယ်သူမှရှောင်လို့မရတာကိုပြသွားတာပါ။ကိုယ်မျှော်လင့်သလိုဖြစ်မလာနိုင်တာကိုလည်းတွေ့ရမှာပါ။ Ratingကလည်းကောင်းတယ်ဆိုတော့ အပန်းပြေဇာတ်ကြမ်းလေးအားပေးလိုက်ကြပါဦး။ Qty - 720p Web dl IMDb : 7.3/10 Genre : Crime/Thriller Duration : 2Hours and 12Minutes Subtitle - Myanmar Hardsub Review - Thura Zarni Aung Translator - Thura Zarni Aung Encoder - Kyaw Ye Aung

The Other Woman (2014) IMDb Rating (6.0) ညှို့အားပြင်း မင်းသမီး ကင်မရွန်းဒီယာ့ဇ် (Cameron Diaz) ၊ နှုတ်ခမ်းဖျားကမှဲ့လေးနဲ့ ချစ်စဖွယ် အလှပိုင်ရှင် Vogue Model ကိတ်အပ်(ပ)တန် (Kate Upton) ၊ 17 Again, This is 40 စတဲ့ဇာတ်လမ်းတွေထဲကမင်းသမီး လက်(ဇ)လီမန်း (Leslie Mann) တို့အပြင် bonus အနေနဲ့ ရပ်(ပ်) အဆိုတော် Nicki Minaj စတဲ့ မင်းသမီးအလန်းတွေချည်း တစုတစည်းတည်း သောင်းကျန်းထားတဲ့ အချစ်ဟာသရုပ်ရှင်ကားကြီးပါ။ အဲ့လို မင်းသမီးအလန်းတွေကို တပြိုင်တည်းဆော့ကစားမယ့် ဘဲကြီးကတော့ Game Of Thrones ရဲ့ အချစ်သူရဲကောင်းကြီး ဂျိမ်းလန်နစ်စတာအဖြစ် လူသိများသူ မင်းသား Nicolaj Coster-Waldau ပဲ ဖြစ်ပါတယ်... အချစ်သူရဲကောင်းကြီးကိုတော့ ဒီဇာတ်ကားထဲမှာလဲ အချစ်တွေများနေတဲ့ သူရဲကောင်းအဖြစ် မြင်တွေ့ရဦးမှာပါ။ ဇာတ်လမ်းကတော့.... ထက်မြက်ပြီးချောမောလှပတဲ့ ကာလီတယောက် သူတွဲနေတဲ့ သူ့ ချစ်သူ မက်ခ်ဟာ အိမ်ထောင်ကျပြီးသားဖြစ်ပြီး သူက ရာထူးနိမ့်နေတာကို သိသွားပါတယ်။ အဲဒီနောက် ကာလီဟာ မက်ခ်ရဲ့ မိန်းမ ကိတ်နဲ့တွေ့ပြီး သူတို့နှစ်ယောက် မထင်မှတ်ဘဲ သူငယ်ချင်းတွေ ဖြစ်သွားပါတယ်။ ဒါပေမဲ့ ဖြစ်ချင်တော့ မက်ခ်မှာ သူတို့နှစ်ယောက်အပြင် နောက်ထပ် မိန်းမချောလေးတစ်ယောက် ရှိသေးတယ်ဆိုတာကိုပါ ထပ်သိသွားပါတော့တယ်။ ဒီလို ဆော် ၃ ပွေကို တပြိုင်တည်းတွဲနေတဲ့ မက်ခ်ဆိုတဲ့ ဘဲကြီးဟာ စီးပွားရေးလောကမှာပါ လိမ်လည်ကောက်ကျစ်လှည့်ဖျားတတ်တဲ့သူဖြစ်ပြီး မိန်းမမြင်ရင် ခြေရှုပ်ချင်တဲ့ဘဲကြီးဆိုတာ သိသွားတဲ့အခါမှာတော့ မိန်းမတွေရဲ့ နာကျည်းမှုတွေဟာ သူ့အပေါ်ကို အပြွတ်လိုက် ကျရောက်လာပါတော့တယ်။ ကဲ ဘယ်လိုတွေ ရှေ့ဆက်ဖြေရှင်းကြမလဲဆိုတာ အလှလေးတွေထိုင်ကြည့်ရင်း ရယ်မောပျော်ရွှင်ရမယ့်ဇာတ်ကားပါ။ File size…(10 GB)/ (2 GB )/(999 MB) Quality….BluRay 4K HEVC/ 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Trasnlated by Marco

မိသားစုကိုချစ်မြတ်နိုးတဲ့ Richard Dane က ညနက်သန်းခေါင် သူ့အိမ်ထဲကို ကျူးကျော်ပြီးဝင်လာတဲ့ Freddy Russell ဆိုတဲ့သူကို မတော်တဆသတ်မိသွားတဲ့အခါ၊ ထင်မှတ်မထားတဲ့အဖြစ်ကြောင့် Freddy အဖေ ထောင်ထွက် လူမိုက်ကြီးက Richard Dane တို့မိသားစုကို လက်စားချေဖို့ ကြံစည်လာတဲ့အခါ... Richard တယောက် ကြံရာမရဖြစ်ပြီး ရဲတပ်ဖွဲ့ကို အကူအညီတောင်းပါတော့တယ်။ ဒါပေမဲ့ Freddy အဖေကို ရဲတွေက လူမသိသူမသိလုပ်ကြံဖို့ ကြိုးစားတဲ့အခါ ဒီနောက်ကွယ် မှာတော့ FBI ရဲ့ ဘယ်လိုပူးပေါင်းကြံစည်မှုတွေ၊ လှည့်ကွက်တွေရှိနေတာလဲ။ Richard Dane တယောက် ဘယ်လိုလှည့်စားခံခဲ့ရတာလဲ။ Richard က Freddy အဖေကိုကယ်ထုတ်ပြီး သူတို့နှစ်ယောက်ပူးပေါင်းလိုက်ကြတဲ့အခါ Freddy အစစ်ကို ရှာပုံတော်ဖွင့်ကြမှာဖြစ်ပါတယ်။ ဒီဇာတ်လမ်းက အစပိုင်းမှာ ရိုးရိုးရှင်းရှင်းစတင်ထားတယ်ဆိုပေမဲ့ နောက်ပိုင်းမှာတော့ အထူးစုံထောက်ကြီး Johnson ကပါ ပူးပေါင်းပါဝင်လာတဲ့အခါ ရာဇဝတ်မှုအရှုပ်တော်ပုံကြီးကို တဆင့်ပြီးတဆင့် ဖော်ထုတ် သွားကြမှာဖြစ်ပါတယ်။ အချိန်ပေးပြီး ကြည့်ရကျိုးနပ်စေမယ့် မှုခင်းစုံထောက်ဇာတ်ကားကောင်းဖြစ်လို့ အသည်းတအေးအေး ကြည့်ရှုကြရမှာဖြစ်ပါတယ်။ File size…1.38GB / 656MB Quality…Blu-Ray 1080p 5.1CH / 720p Format…mp4 Duration….1h 49m Genre …..Crime , Thriller Subtitle….Myanmar Subtitle (Hard Sub) Encoder….Min Wai Translated by AICOG

Django Unchained (2012) IMDb Rating (8.5) / Rotten Tomatoes (87%) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  နာမည်ကျော် Western ရုပ်ရှင်ကားကြီးဖြစ်ပါတယ်။ Leonardo DiCaprio, Christoph Waltz , Samuel L. Jackson , Jamie Foxx တို့လို သူနဲ့တွဲရိုက်နေကျ သရုပ်ဆောင်တွေအပြင် တခြားသရုပ်ဆောင်များစွာပါဝင်ထားပါတယ်။ ဇာတ်လမ်းဟာ လူမည်းကျွန်စနစ်ရှိတဲ့ ခေတ်ကာလကို တည်ထားတယ်။ နောက်ပြီးဒီဇာတ်ကားက တကယ့် Black Comedy။ Dr. King Schultz ဆိုတာ နယ်လှည့်သွားလာနေတဲ့ သွားဆရာဝန်အမည်ခံ ဂျာမန်လူမျိုး bounty hunter တစ်ယောက်ပဲ။ သူရှာနေတာက မြေပိုင်ရှင် ညီအစ်ကို ၃ ယောက်။ သူတို့ကို ရှာမယ်ဆိုပေမယ့် တွေ့လည်း မတွေ့ဖူးဘူး။ ညီအစ်ကို ၃ ယောက်ဆိုတာက လွဲလို့ ဘာမှ မသိဘူး။ အဲဒါကြောင့် အဲဒီညီအစ်ကို ၃ ယောက်ဆီမှာ အလုပ်လုပ်ခဲ့ဖူးတဲ့ ကျွန်တစ်ယောက်ကို လိုက်ရှာနေတယ်။ ဖြစ်ချင်တော့ တစ်ည လမ်းခရီးမှာ အဲဒီကျွန်တစ်ယောက်ကို တွေ့သွားခဲ့တယ်။ ဒါပေမယ့် အဲဒီဂျာမန်သွားဆရာဝန်ရဲ့ ပြောပုံဆိုပုံကြောင့် လူဖြူကျွန်ပိုင်ရှင်တွေက မရောင်းဘဲနဲ့ ငြင်းလိုက်တယ်။ ဒါပေမယ့်လည်း ဂျာမန်သွားဆရာဝန်ဟာ bounty hunter လေ။ သူ့ကို အဲဒီလို အချိုးမျိုး လာလုပ်လို့မရဘူးဆိုတာ လက်တွေ့ပြလိုက်တယ်။ ဒီလိုနဲ့ သူလိုချင်တဲ့ ကျွန်တစ်ယောက် ခေါ်လာနိုင်ခဲ့တော့တယ်။ အဲဒီလူမည်းနာမည်က Django ။ D silent ဂျန်ဂို တဲ့။ ဒီနေရာမှာ bounty hunter ဂျာမန်သွားဆရာဝန်ရဲ့ ကာရိုက်တာကို နည်းနည်းပြောချင်တယ်။ လူမည်းကျွန်စနစ်ခေတ်ကြီးထဲမှာ သူခေါ်လာတဲ့ လူမည်းကို လူလိုသဘောထားပြီး တန်းတူဆက်ဆံတာဆိုလို့ သူ တစ်ယောက်တည်း ရှိတယ်။ အဲဒါအပြင်သူက သူ့ကျွန်ကို အပြည့်အ၀ ကာကွယ်ပေးသေးတာ။ အဲဒီလိုသဘောထားလို့လည်း ရောက်တဲ့နေရာတိုင်းမှာ သူ့တို့နှစ်ယောက်ကို လူဖြူတွေရော လူမည်းတွေပါ အထူးအဆန်းလို ကြည့်ကြတယ်။ အဲဒီ bounty hunter က ဂျန်ဂို ကိုပြောတယ်။ ဂျန်ဂိုအနေနဲ့ ညီအစ်ကို ၃ ယောက်ကို ရှာတွေ့ပြီး သတ်ပေးနိုင်ရင် သူ့ကို ကျွန်ဘဝကနေ လွတ်လပ်ခွင့်ပေးပါမယ်တဲ့။ ဆိုတော့ သူတို့နှစ်ယောက် ညီအစ်ကို ၃ ယောက် ရှာပုံတော် ဖွင့်ကြတော့တယ်။ ဒီကားထဲမှာ Quentin Tarantino ရဲ့ ကာရိုက်တာတွေ အထိုင်ချတာကို တော်တော်သဘောကျတယ်။ ဂျာမန် bounty hunter အဖြစ် Christoph Waltz ကို လုပ်ခိုင်းပြီး သူ့ရဲ့ အဖော်ကျွန်နေရာမှာတော့ Jamie Foxx ကို လုပ်ခိုင်းတယ်။ လူဖြူသူဌေးအဖြစ် Leonardo ၊ လူဖြူသူဌေးရဲ့ သစ္စာတော်ခံလူယုံအဖြစ် Samuel Jackson က သရုပ်ဆောင်ရတယ်။ ဒီနေရာမှာ Leo Vs Christoph ထက် Samuel Jackson Vs Jamie Foxx နှစ်ယောက်ရဲ့ အားပြိုင်သရုပ်ဆောင်မှုကို ပိုပြီးတွေ့ရမယ်။ မထုံတတ်သေးနဲ့ ရန်သူကို သွေးအေးအေးနဲ့ လှည့်စားတတ်တဲ့ Christoph ရဲ့ ကာရိုက်တာကြောင့်လည်း ဒီကားက ပိုပြီးဆွဲဆောင်မှု ရှိနေတာပါ။ (Christoph Waltz ဟာ ဒီဇာတ်ကားနဲ့ ဒုတိယအကြိမ် အော်စကာဆုရခဲ့ပါတယ်။ ) နောက်ပြီး ဒီရုပ်ရှင်ထဲမှာ Spaghetti Western ရုပ်ရှင်တွေရဲ့ လွမ်းမိုးမှုတွေ ပါဝင်နေတာတွေ့ရတယ်။ အထူးသဖြင့် သေနတ်ထပစ်ကြတဲ့အခန်းတွေ။ သေနတ်ပစ်ကြတဲ့ပုံစံတွေ။ Django Unchained နဲ့ The Hatefull Eight ဟာ ခေတ်တစ်ခေတ်ကို အကြောင်းပြုပြီး ရိုက်ထားတာဆိုပေမယ့် Bounty Hunter Character ကို ယူသုံးထားတာက လွဲလို့ တစ်ခြားဇာတ်အိမ် ဆက်စပ်မှု သိပ်မရှိပါဘူး။ လုပ်မယ့်လုပ်စေချင်ရင် Django Unchated ( 2012 ) ထဲက bounty hunter ဖြစ်သွားတဲ့ လူမည်း Jamix Foxx ကာရိုက်တာဟာ sequel အနေနဲ့ The Hatefull Eight ( 2015 ) မှာ Major Warren အနေနဲ့ Bounty Hunter လာဖြစ်တယ်ဆိုတာမျိုးပဲ ဖြစ်လုပ်လို့ရမယ်ထင်တယ်။ (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။) File size…(13 GB)/(3 GB )/(1.8 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:45:00 Subtitle….Myanmar Subtitle (Hardsub) Encoder….Ka Naung Translated by Kiwi

IMDb (6.6) / Rotten Tomatoes (72%) မန်ချက်တေးဟာ ဖယ်ဒရယ်တပ်ဖွဲ့ဝင်ဟောင်းတစ်ယောက်ဖြစ်ပြီး လက်ရှိကတော့တက္ကဆက်နယ်စပ်မှာခိုးဝင်လုပ်သားတစ်ယောက်အနေနဲ့ဇာတ်မြုပ်နေပါတယ်၊ တစ်နေ့မှာ သူ့ကိုမြို့ခံစီးပွားရေးသမားတစ်ယောက်ကမြို့တော်ဝန်ကိုလုပ်ကြံဖို့ ဒေါ်လာ ၁၅၀၀၀၀ နဲ့ငှားရမ်းခဲ့ပါတယ်။ သူ့လိုနယ်စပ်က တရားမဝင်ခိုးဝင်လုပ်သားတွေကိုကူညီပေးနေတဲ့ မိန်းကလေး လုဇ်နဲ့ သူ့ကွန်ယက်အဖွဲ့ကို အထောက်အပံ့ပေးနိုင်ဖို့ ဒီကိစ္စကို လက်ခံခဲ့ပေမယ့် သူ့ကိုငှားရမ်းခဲ့တဲ့သူဟာ နိုင်ငံရေး တရားမဝင်မူးယစ်ဆေး စီးပွားရေးဆိုင်ရာ အကျိုးအမြတ်တွေအတွက် သူ့ကိုထောင်ချောက်ဆင်အသုံးချသွားတယ်ဆိုတာ မကြာခင်မှာပဲသိလိုက်ရပါတော့တယ်။ ဒါပေမယ့် အဲ့ဒီလူမသိလိုက်တာကတော့ သူဟာ အတိတ်က ဘယ်လောက်အထိကြမ်းခဲ့ရမ်းခဲ့ပြီး သူ့နာမည်ကြားတာနဲ့ ဖိန့်ဖိန့်တုန်သွားရလောက်တဲ့ အကြောင်းသိတွေ ရှိနေတယ်ဆိုတာကိုပါပဲ။ ကြမ်းတာကတော့ရှယ်ကြမ်းပါတယ်၊ သွေးသံရဲရဲငေါက်တောက်တွေ မြက်ရိတ်စက်ကြီးနဲ့ ယမ်းတာတွေ ဓားမကြီးနဲ့ ဆွဲခုတ်တာတွေ လုံးဝအသစ်အဆန်းတွေချည်းပါပဲ။ အဲ့ဒိအချိန်တုန်းက အတော်ကြီး Hype ဖြစ်ခဲ့ကြရတဲ့ကားပါ။ လူကြမ်းကြီးအဖြစ်တောက်လျှောက်လူသိခဲ့တဲ့ Danny Trejo ကိုခေါင်းဆောင်မင်းသားတင်ထားပြီးတော့ Robert De Niro, Jessica Alba, Don Johnson, Michelle Rodriguez, Steven Seagal, Lindsay Lohan စတဲ့ ဒိတ်ဒိတ်ကြဲတွေ အားလုံးက ဗီလိန်တွေ ဇာတ်ပို့တွေအဖြစ်သူ့ကိုပို့ပေးရတယ်ဆိုတာကိုက စိတ်ဝင်စားမှုကိုမြင့်တက်စေခဲ့ပြီး သွေးသံရဲရဲကြမ်းတမ်းတဲ့ပြကွက်တွေထဲမှာ satire ဆန်ဆန်တမင်ထည့်ထားတဲ့ဟာသကွက်တွေကလဲအပြည့်အဝဖျော်ဖြေမှုပေးနိုင်ပါတယ်။ နောက်ထပ်ပိုစိတ်ဝင်စားဖို့ကောင်းတဲ့အချက်က ဒီကားထဲကမင်းသမီးမှန်သမျှရဲ့ဝတ်လစ်စားလစ်ဇာတ်ဝင်ခန်းတွေပါ။ အပစ်အခတ် အညှစ်အသတ်နဲ့ အညစ်အပတ်တွေ ဒင်းကြမ်းနဲ့ အစကနေအဆုံးအထိ မနားတမ်းကြမ်းပြမယ့်ကားဖြစ်ပါတယ်။ (မိသားစုနဲ့တော့ မကြည့်သင့်ပါ။) File size…(2.3 GB) and (1.2 GB) Quality….BluRay 1080p and 720p 5.1CH Format…mp4 Duration….01:45:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

၁၉၉၁ ခုနှစ်က ထွက်ခဲ့ပြီး အဲဒီအချိန်က အောင်မြင်ခဲ့တဲ့ကားကောင်းတစ်ကားပါ။ IMDb rating 6.0/10 ရရှိထားပါတယ်။ ဇာတ်လမ်းထဲမှာတော့ ၁၉၉၆ ခုနှစ်ကို ဇာတ်အိမ်တည်ထားပါတယ်။ အခု အဖိုးကြီးဖြစ်နေပြီး Ironman 2 တို့ Sin City တို့ထဲမှာ လူကြမ်းအဖြစ်သရုပ်ဆောင်နေတဲ့ မင်းသားမိုက်ကီရောက်ကီနဲ့ ဒွန်ဂျွန်ဆင်တို့ရဲ့ ကားကောင်းတစ်ကားဖြစ်ပါတယ်။ ကျွန်တော့်အမြင်တော့ ဒီကားထဲမှာမိုက်ကီရောက်ကီထက်စာရင် ဒွန်ဂျွန်ဆင်ကပိုပြီးသရုပ်ဆောင် ကောင်းတယ်လို့ ထင်ပါတယ်။ ဇာတ်လမ်းအကျဉ်းကတော့ ဟာလေဒေဗစ်ဆင်ဆိုင်ကယ်ကြီးစီးပြီး ဟာလေဒေဗစ်ဆင်လိုအမည်ရတဲ့သူတစ်ယောက်ဟာ ငယ်ငယ်ကကြီးပြင်းလာခဲ့တဲ့ဘားဆိုင်တစ်ဆိုင်ကို သူငယ်ချင်းတွေနဲ့တွေ့ဖို့ ပြန်သွားခဲ့ပါတယ်။ လမ်းမှာ မာလ်ဘိုရိုမန်းလို့ခေါ်တဲ့ ကောင်းဘွိုင်စတိုင်နဲ့ သူငယ်ချင်းဟောင်းကို ပြန်တွေ့ခဲ့ပါတယ်။ သူတို့နှစ်ယောက်က သူတို့နဲ့နေရာဟောင်း ဘားဆိုင်ကိုပြန်အရောက်မှာတော့ သူတို့ဘားဆိုင်ကို ဘဏ်တစ်ဘဏ်ကအပိုင်စီးပြီး မိုးမျှော်တိုက်ကြီး ဆောက်ရန်ကြံရွယ်နေတာကို သိလိုက်ရပါတယ်။ အဲဒီအချိန်မှာ သူတို့က ဘဏ်ကိုဓါးမြတိုက်ပြီး ပိုက်ဆံရှာဖို့ ကြိုးစားခဲ့ပါတယ်။ ဒါပေမယ့် သူတို့ဓါးမြတိုက်ခဲ့တဲ့အထုပ်တွေကပိုက်ဆံတွေမဟုတ်ပဲ ဘဏ်မန်နေဂျာက လျှို့ဝှက်ဖြန့်ဖြူးနေတဲ့ အဆင့်မြင့်မူးယစ်ဆေးဝါးတွေ ဖြစ်နေခဲ့တဲ့အတွက် ပြသနာကြုံရပါတော့တယ်။ ဘဏ်မန်နေဂျာက အဆင့်မြင့်လူသတ်သမားတွေကို စေလွှတ်ပြီးသူတို့ကို လက်စဖျောက်ဖို့ ကြိုးစားတဲ့အခါ ဟာလေဒေဗစ်ဆင်နဲ့မာလ်ဘိုရိုမန်းတို့က ဘယ်လိုလွတ်မြောက်အောင် ရုန်းထွက်ကြမလဲ။ သူတိုနှစ်ယောက့်ရဲ့အဓိက ရည်မှန်းချက်ကရော ဘာတွေဖြစ်မလဲဆိုတာဇာတ်လမ်းဆုံးအောင် ကြည့်လိုက်ကြပါ။ (အပေါ်ပိုင်း ဗလာကျင်းတဲ့ အခန်းနှစ်ခန်းတော့ ပါပါတယ် ဒါပေမယ့် လိင်ခန်းတွေဘာတွေ မပါဝင်တဲ့ကားတစ်ကားပါ) (ဒီဇာတ်ကားရဲ့အညွှန်းနဲ့ ဘာသာပြန်ရေးသားပေးသူကတော့ CM Team မှ ကိုညီညီကျော်မြင့် ဖြစ်ပါတယ်။) @San Win Maung File Size                          : 700 Mb Quality                            : HD 720P File Size 2                       : 350 Mb Quality                            : HD 360P Running Time                  : 1h 38m Translated                       : Nyi Nyi Kyaw Myint Encoded                         : San Win Maung

ဟယ်ရီမက်ဒေါ့စ်ဟာ တက္ကဆက်က မြို့ငယ်လေးတစ်ခုကို ပြောင်းလာတဲ့ တစ်နယ်သားပါ။ သူ့နောက်ကြောင်းကို ဘယ်သူမှမသိသလို ဘာအကြံအစည်နဲ့ ရောက်လာသလဲဆိုတာလည်း မသိကြဘူး။ ကားဟောင်းအရောင်းသမားအဖြစ် အလုပ်လုပ်နေရင်း ဆိုင်ပိုင်ရှင်ရဲ့ ဇနီးနဲ့ ပတ်သက်နေသလို စာရင်းကိုင်မလေး ဂလိုရီယာကိုလည်း ချဉ်းကပ်နေတယ်။ တကယ်တော့ သူ့မှာ မြို့ရဲ့ဘဏ်ကို လုယက်ဖို့ ရည်ရွယ်ချက်ရှိနေပါတယ်။ ဂျနီဖာကော်နယ်လီ သရုပ်ဆောင်ထားတဲ့ ဂလိုရီယာကလည်း မြို့စွန်မှာနေတဲ့ လူတစ်ယောက်ရဲ့ ခြိမ်းခြောက်ငွေညှစ်မှုကို ခံနေရတယ်။ အဲဒီငွေညှစ်မှုနောက်မှာ ဘာတွေရှိနေသလဲ။ နယ်လှည့်ပြီး လိမ်လည်လှည့်ဖျားလာတဲ့ ဟယ်ရီအတွက် ဒီမြို့ငယ်လေးမှာ သူ့ထက်လည်တဲ့သူ ရှိနေမလား။ လျှို့ဝှက်ချက်ကိုယ်စီရှိနေတဲ့ ဒီလူတွေဟာ တစ်ယောက်ကိုတစ်ယောက် ပိပိရိရိ လှည့်ဖျားနေကြပါတယ်။