Dwight Schultz ပါဝင်သော ဇာတ်ကားများ

**"Watchmen: Chapter I" (2024)** ဟာ Alan Moore နဲ့ Dave Gibbons တို့ရဲ့ အထင်ကရ ဂရပ်ဖစ်ဝတ္ထုကို ကာတွန်းနဲ့ လိုက်လျောညီထွေဖြစ်အောင် ဖန်တီးထားခြင်း ဖြစ်ပါတယ်။ အချိန်ကာလ တလှည့်စီဖြစ်ပျက်နေတဲ့ ၁၉၈၅ ခုနှစ်မှာ လူမှု အသိုင်းအဝိုင်းက သဘောထားမတိုက်ဆိုင်မှုတွေကြောင့် စူပါဟီးရိုးတွေကို တရားမ၀င်သောကမ္ဘာတခုမှာ ဖြန့်ကြက်ထား တာပါ။ ‌ဇာတ်လမ်းရဲ့အဖွင့်မှာတော့ လူရွှင်တော် "The Comedian" လို့ လူသိများတဲ့ အစိုးရကထောက်ပံ့ထားတဲ့ စူပါဟီးရိုးတစ်ဦး သတ်ဖြတ်ခံရမှုနဲ့အတူ စတင်ထားပါတယ်။ Rorschach က ဒီအမှုကိုလိုက်တဲ့အခါမှာ အမှုက ပိုမိုနက်ရှိုင်း လာတာနဲ့အမျှ Nite Owl၊ Silk Spectre၊ Dr. Manhattan နဲ Ozymandias အပါအဝင် သူ့ရဲ့လုပ်ဖော်ကိုင်ဖက်ဟောင်းတွေ ပါ၀င်တဲ့ ရှုပ်ထွေးတဲ့ ပူးပေါင်းကြံစည်မှုတခုကို ဖော်ထုတ်တွေ့ရှိ ခဲ့ပါတယ်။ ဒီစုံစမ်းစစ်ဆေးမှုဟာ သူတို့ရဲ့အသက်ကို ခြိမ်းခြောက်နိုင်ရုံတင်မက သမိုင်းလမ်းကြောင်းကို ပြောင်းလဲစေမည့် အလားအလာရှိပြီစ ကမ္ဘာကြီးတခုလုံးကို ပြာပုံအတိဖြစ်စေမယ့် အကြောင်းအရာပဲ ဖြစ်ပါတယ်။ ပရိသတ်တွေကပဲ ဒီဇာတ်ကားရဲ့အနှစ်သာရကို ဆက်လက်ကြည့်ရှု ခံစားကြည့်ကြပါဦး။ ( အညွှန်းနဲ့ ဘာသာပြန်ကတော့ PHONIX ဖြစ်ပါတယ် )  File size…1.55GB / 689MB Quality…WEB-DL 1080p 5.1CH / 720p Format…mp4 Duration….1h 23m Genre ….. Animation Subtitle….Myanmar Subtitle (Hard Sub) Encoder….Min Wai Translated by PHONIX

Happy Halloween Scooby-Doo! (2020) IMDb Rating - 6.7/10 အောက်တိုဘာ 2 ရက်နေ့မှစတင်ဖြန့်ချီတဲ့ စကူဘီ-ဒူး ဇာတ်ကားလေးပဲဖြစ်ပါတယ်။ မေလကထွက်တဲ့ Scoob အပြီးမှာထပ်ထွက်တဲ့ 35th Animated Movie ဖြစ်ပါတယ်။ 2018 ကထွက်ခဲ့တဲ့ Batman နဲ့ Crossover အပြီး နောက်ထပ် Link ချိတ်ထားတဲ့ကားပါခင်ဗျ။ ဘာလို့လဲဆို ဆြာဘတ်ရဲ့ ရန်သူတော်ကြီးစာခြောက်ရုပ် ကရိန်းပါဝင်ထားလို့ပါပဲ။ ထုံးစံအတိုင်း ပဟေဠိဖော်သူများအဖွဲ့က ဟောလိုးဝင်းမှာ ပဟေဠိတစ်ခုကိုဖော်ထုတ်ရင်း စာခြောက်ရုပ်နဲ့တည့် တည့်တိုးခဲ့ရပါတယ်။ စာခြောက်ရုပ်ကိုဖမ်းနိုင်ခဲ့ပြီး အောင်ပွဲခံချိန်မှာပဲ စကူဘီအဖွဲ့ရဲ့ အကုန်သွတ် ၂ ကောင်ဖြစ်တဲ့ စကူဘီနဲ့ ရှက်ဂီတို့နှစ်ယောက် ဟောလိုးဝင်းမှာ မုန့်လိုက်တောင်းရင်း ဖရဲသီးသရဲကြီးနဲ့ ပက်ပင်းတိုးခဲ့ရပါတယ်။ ထုံးစံအတိုင်း သုတ်ခြေတင်ပြီး အဖွဲ့ကိုပြော လူတွေကိုပြောပေမဲ့ဘယ်သူမှ မယုံကြဘဲ သူတို့နှစ်ကောင်သာအရူးဖြစ်ခဲ့ရပါတယ်။ ဒါပေမဲ့ ဒီပုစ္ဆာဟာ ပဟေဠိဖော်သူများရဲ့ ဉာဏ်ကြီး ရှင်ဖြစ်တဲ့ ဗယ်မာကိုယ်တိုင်တောင် မတွေးတတ်အောင် ပဟေဠိဆန်လွန်းပြီး တကယ့်လက်တွေ့ဖြစ် ပျက်နေတော့ အားလုံးအခက်ကြုံခဲ့ရပါတော့တယ်။ ဒီတစ်ခေါက် ဖရုံသီးသရဲပဟေဠိကို စကူဘီတို့အဖွဲ့ ဘယ်လို ဘယ်လိုဒုက္ခတွေရောက်ကြမလဲဆိုတာနဲ့  MIDB 6.7 ရရှိထားတဲ့ ပဟေဠိဖော်သူများအဖွဲ့ရဲ့ ဟောလိုးဝင်းပုစ္ဆာဖြေရှင်းပုံများကို ကြည့်ရူအားပေးလိုက်ကြပါဦး။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့  ငတုံးမျိုးကို ပဲဖြစ်ပါတယ်။) Quality –  720p Web-DL Duration - 1hr 20min Subtitle – Myanmar Hardsub Format – Mp4 Genre : Animation, Adventure, Comedy Source : 1080p.Web-DL Translator – ငတုံးမျိုးကို Encoder – SWM

Lego DC Comics Super Heroes: The Flash (2018) IMDB : 6.5 Rotten Tomatoes : 83% Genre : Animation / Action / Comedy Lego DC Comics Super Heroes: The Flash ကတော့ DC ပရိသတ်တွေနဲ့ Lego အန်နီမေးရှင်း ဇာတ်ကားတွေကို သဘောကျတဲ့ သူတွေအတွက် မိသားစုနဲ့အတူတူ ကလေးတွေရော လူကြီးတွေပါ ပေါ့ပေါ့ပါးပါးနဲ့ ရယ်မောကြည့်ရှုနိုင်မယ့် အက်ရှင် ဟာသ ဇာတ်ကားကောင်း တစ်ကား ဖြစ်ပါတယ်။ ဇာတ်ညွှန်း Justice League ရဲ့ အဖွဲ့ဝင်ဖြစ်သလို ကမ္ဘာပေါ်မှာ အမြန်ဆုံးလူသားဖြစ်တဲ့ The Flash ဟာ သူ့ရဲ့ အဓိက ရန်သူတော်ကြီးဖြစ်တဲ့ Reverse-Flash ရဲ့ ထောင်ချောက်ဆင်မှုကို ခံလိုက်ရပါတယ်။ Reverse-Flash ဟာ အချိန်ကို ကစားပြီး Flash တစ်ယောက် တူညီတဲ့ နေ့တစ်နေ့ကိုပဲ ထပ်ခါတလဲလဲ ဖြတ်သန်းနေရအောင် (Time Loop ထဲ ပိတ်မိနေအောင်) ဖန်တီးလိုက်ပါတယ်။ ဒီလိုနဲ့ အမှားတွေ ထပ်ခါတလဲလဲ လုပ်မိပြီး ပြဿနာတွေ ကြီးလာတဲ့အခါမှာတော့ Flash ဟာ သူ့ရဲ့ အမြန်နှုန်း စွမ်းအားတွေ ဆုံးရှုံးသွားတဲ့အပြင် Justice League အဖွဲ့ကနေပါ ထုတ်ပယ်ခံလိုက်ရပါတယ်။ စွမ်းအားတွေမရှိတော့ဘဲ သာမန်လူတစ်ယောက် ဖြစ်သွားတဲ့ Flash ဟာ သူ့ရဲ့ မောက်မာမှုတွေ၊ အမြဲတမ်း အလျင်လိုနေမှုတွေကို ပြင်ဆင်ပြီး Atom ၊ Krypto အစရှိတဲ့ သူငယ်ချင်းတွေရဲ့ အကူအညီနဲ့ စွမ်းအားတွေကို ပြန်လည်ရယူဖို့ ကြိုးစားပါတော့တယ်။ သူ့အနေနဲ့ အချိန်အသွားအလာကို နှေးကွေးအောင် ဘယ်လိုလုပ်မလဲ Reverse-Flash ရဲ့ အကြံအစည်ကို ဘယ်လို ဟန့်တားပြီး Justice League အဖွဲ့ရဲ့ ယုံကြည်မှုကိုရော ပြန်လည်ရယူနိုင်မလား ဆိုတာကို Lego Style အလွဲလေးတွေနဲ့တင်ဆက်ထားတာမလို့ခံစားကြည့်လိုက်ကြပါ။ File size…    1.8 GB/ 850 MB Quality… BluRay 1080p / 720p Format… mp4 Duration…. 1h 18m Genre ..... Animation / Comedy / Action Subtitle…. Myanmar Subtitle (Hard Sub)

Barbie: Star Light Adventure (2016) မြန်မာစာတန်းထိုး IMDb rating - 5.6/10 ဘာဘီကားလေးတွေကိုမှ ကြိုက်တယ်၊ ဘာဘီရုပ်လေးတွေကိုမှ ချစ်တတ်တဲ့ မိန်းကလေးတွေအတွက် ဘာဘီရုပ်ရှင်စီးရီးရဲ့ စတုတ္ထမြောက်စီးဆင်းထဲက ဒုတိယမြောက်ရုပ်ရှင်ဖြစ်တဲ့ 2016ခုနစ်ထွက် ဘာဘီကားလေးကို ဘာဘီချစ်သူအားလုံးတို့အတွက် မြန်မာစာတန်းထိုးနဲ့ တင်ဆက်ပေးလိုက်ပါတယ်။ ဘာသာပြန်ပေးတဲ့သူကိုယ်တိုင်ငယ်ငယ်လေးကတည်းက ဘာဘီ ကမ္ဘာထဲမှာ Barbieကားတွေကြည့်ရင်းကြီးခဲ့သူဆိုတော့ကား၊ နောက်ခုထိလည်း ကလေးဆန်ဆန်ဘာဘီကားတွေကြည့်နေဆဲမို့လို့ ကိုယ့်လိုဘာဘီချစ်ပရိသတ်တွေကြည့်ဖို့ ဘာသာပြန်ပေးလိုက်တာပါနော် ဇာတ်လမ်းလေးကတော့ တစ်ခါတုန်းက ဂလက်ဆီမှာ ကြယ်တွေဟန်ချက်ပျက်ပြီးပျောက်ကွယ်တော့မယ်ဆိုတဲ့ တဘောင်ထွက်ပေါ်လာခဲ့ပါတယ်။ အဲဒီ ပြဿနာကိုဖြေရှင်းဖို့ ဘုရင်ကြီးက အထူးအဖွဲ့တစ်ခုဖွဲ့စည်းခဲ့ပါတယ်။ အဲ့ဒီအဖွဲ့အတွက် ဂလက်ဆီရဲ့တစ်နေရာမှာနေထိုင်တဲ့ဟိုဗာဘုတ်စီးကျွမ်းတဲ့ ဘာဘီကို ဘုရင်ကြီးက ဖိတ်ခေါ်ခဲ့ပါတယ်။ ဘာဘီတစ်ယောက် ဘုရင့်နန်းတော်ကိုရောက်ရှိသွားတဲ့အခါမှာ ဘယ်လိုပြဿနာတွေဖြစ်ကြမလဲ။ ဘာဘီရဲ့ချစ်စရာ ကမောက်ကမနိုင်ပုံလေးတွေ...အဖွဲ့တစ်ခု ဖြစ်ဖို့ဘာဘီလုပ်ခဲ့တာလေးတွေနဲ့ စကြာဝဋ္ဌာကြီး အလင်းပြန်ရဖို့ သူတို့အဖွဲ့ ဘယ်လိုတွေကယ်တင်ကြမလဲ? ဘာတွေဖြစ်ကြမလဲဆိုတာကိုတော့ အောက်ကlinkမှာ ကိုယ့်ဘာသာကိုယ် down ကြည့်လိုက်ပါနော် ဒါနဲ့ ဘာဘီက အရမ်းချစ်စရာကောင်းသလို ဇာတ်ဝင်တေးသီချင်းဖြစ်တဲ့ "shooting star" သီချင်းကလည်းအရမ်းနားထောင်ကောင်းတာမို့ ကြည့်ဖြစ်အောင် ကြည့်ကြဖို့ ဘာဘီချစ်သူတွေကို လက်တို့ပြီးတော့ ပြောလိုက်ပါတယ်နော် ( ရုပ်ရှင်အညွှန်းနဲ့ ဘာသာပြန်သူကတော့ Theint Han Ni ဖြစ်ပါတယ်) File Size : ( 700 MB) Quality : BRRip 720p Format : mp4 Duration : 1h 19m Genre : Animation , Adventure , Family Subtitle : Myanmar Subtitle (Hard Sub) Translated by Theint Han Ni Encoded by Mgzin

ဒီကားလေးကတော့ DC ရဲ့ နာမည် ကျော် Animation တွေထဲက တစ်ကားဖြစ်ပါတယ်။ ဒီကားထဲမှာတော့ Batman ရဲ့ နာမည်ကျော် ဗီလိန်တွေဖြစ်တဲ့ ဂျိုကာ ရာအယ်ဂူး Red Hood အစရှိတဲ့ သူတွေပါဝင်တဲ့ဇာတ်လမ်းကောင်းတစ်ကားဖြစ်ပါတယ်။ဇာတ်လမ်း အကျဉ်းကို ပြောရရင်တော့ ဂျိုကာ ရဲ့ လက်ချက်နဲ့ Second Robin ဖြစ်တဲ့ Jason Todd သေဆုံးသွားပြီးနဲ့နောက်မှာ Batman ဟာ ဆိုရင် ဘယ်သူ့ အကူအညီမှ မယူပဲတစ်ယောက်ထဲ လှုပ်ရှား နေပါတော့တယ်။အဲ့အချိန်မှာပဲ Gotham မှာ Joker က Arkham Asylum ထဲမှာ အဖမ်းခံနေရပြီး ရာဇဝတ်လုပ်ငန်းတွေကို Black Mask က ချုပ်ကိုင် နေတဲ့ အချိန်ပေါ့။ အဲ့အချိန်မှာပဲ Red Hood လို့အမည်ရတဲ့ အနီရောင် မျက်နှာဖုံးစွပ် ဗီလိန်တစ်ဦး ပေါ်ထွက်လာခဲ့ပါတယ်။သူကတော့ Black Mask တို့လို မူးယစ်ဆေး အရောင်း အဝယ်လုပ်ဖို့ ဆိုးသွမ်း ဖို့ မဟုတ်ပဲ Gotham မြို့ ကို သန့်ရှင်းမယ်ဆိုတဲ့ ရည်ရွယ်ချက်နဲ့ စတင် ထိန်းချုပ်ပါတော့တယ်။ Black Mask ရဲ့ နယ်မြေတွေကို လုယူ ပြီး မူးယစ်ဆေးအရောင်းအဝယ်တွေကို ကန့်သတ်ထိန်းချုပ်ပြီး ရက်စက် စွာသတ်ဖြတ်ပါတော့တယ်။ ဒီလို နဲ့ Arkham Asylum က ဂျိုကာ ကို Black Mask က အကူအညီတောင်း ရာက Joker လွတ်မြောက် လာခဲ့ပြီး ဂေါ်သမ် မြို့ ကို ထိန်းချုပ် သန့်စင်ဖို့ ွကြိုးစားနေတဲ့ Red Hood နဲ့ သူ့ကို တားဆီး စုံစမ်းနေတဲ့ Batman တို့ရဲ့ ကြားကို Joker ပါ ရောက်လာတဲ့ အချိန်မှာတော့ မထင်မှတ်ထားတဲ့ နာကြည်းစရာ အတိတ် တွေ ပြန်ပေါ်လာခဲ့ပါတော့တယ်။ ဘယ်လို အတိတ် တွေလည်း ဘယ်လို ဆက်ဖြစ်ကြမလဲ ဆိုတာကို စိတ်ဝင်စားဖွယ် ကြည့်ရှု့ရမှာပါ။ File Size : (800 MB) and (340 MB) Quality : Blu-Ray 720p Running Time : 1h 15min Format : Mp4 Genre :Animation, Comedy, Family Subtitle : Myanmar Subtitle (Hard Sub) Source : 1080p BRrip x264 Encoded by A_Z

The A-Team (2010) — ဦးနှောက်ခြောက်အောင် စဉ်းစားစရာမလိုဘဲ ပေါက်ကွဲခန်းတွေ၊ သေနတ်သံတွေနဲ့ အဝရယ်ရမယ့် ၂၀၀၀ ပြည့်လွန်နှစ်များရဲ့ အပီပြင်ဆုံး Popcorn Action ကားကြီး။ IMDb Rating: 6.8/10 နာမည်ကျော်မင်းသားတွေဖြစ်ကြတဲ့ Liam Neeson, Bradley Cooper, Quinton Jackson, Sharlto Copley တို့ကို မတူညီတဲ့ အသွင်အပြင်နဲ့ ခပ်ကြမ်းကြမ်းပုံဖော်ထားတဲ့ တကယ့်အက်ရှင်ဇာတ်ကားကြီးပါ။ - Hannibal (Liam Neeson): ဆေးပြင်းလိပ်တိုကို ပါးစပ်မှာ အမြဲခဲထားပြီး အစီအစဉ်ဆွဲရတာကို ရူးသွပ်တဲ့ အဖွဲ့ရဲ့ ခေါင်းဆောင်ဦးနှောက်ကြီး။ "I love it when a plan comes together" ဆိုတဲ့ စကားအတိုင်း သူဆွဲထားတဲ့ ပလန်တွေ လွဲသွားတာ မရှိသလောက်ပါပဲ။ - Face (Bradley Cooper): စကားတစ်ခွန်းနဲ့တင် လူတိုင်းကို လှည့်စားနိုင်တဲ့၊ လိုချင်တာရအောင် မျက်နှာချိုသွေးတတ်တဲ့ စော်ကြည်ဘဲ စတန့်သမား။ - B.A. Baracus (Quinton Jackson): တစ်ဖက်လူကို လက်သီးတစ်ချက်နဲ့ အလဲထိုးနိုင်တဲ့ တကယ့်သံမဏိဗလကြီး ဖြစ်ပေမဲ့ လေယာဉ်စီးရမှာကျ သေမလောက်ကြောက်တဲ့ အသည်းငယ်တဲ့လူသန်ကြီး။ - Murdock (Sharlto Copley): စိတ်ရောဂါကုဆေးရုံကနေ အမြဲဖောက်ထွက်ပြေးနေကျ ကြောင်တောင်တောင် အရူးပုံစံနဲ့ ဘယ်လေယာဉ်မဆို မောင်းတတ်တဲ့ ပါရမီရှင် လေယာဉ်မှူး။ ဇာတ်လမ်းကတော့.... အီရတ်စစ်မြေပြင်မှာ ဒေါ်လာရိုက်နှိပ်တဲ့ တံဆိပ်ပြားတွေကို ပြန်လည်ရယူဖို့ စစ်ဆင်ရေးတစ်ခုကို Hannibal ဦးဆောင်တဲ့ အယ်လ်ဖာအဖွဲ့က အောင်အောင်မြင်မြင် ပြီးမြောက်ခဲ့ပါတယ်။ ဒါပေမဲ့ မမျှော်လင့်ဘဲ အထက်အရာရှိတွေရဲ့ သစ္စာဖောက်မှုကြောင့် အဖွဲ့တစ်ခုလုံး ထောင်ဒဏ်နှစ်ရှည် ချမှတ်ခံလိုက်ရတဲ့အခါ... သူတို့ ၄ ယောက် ထောင်ကနေ ဘယ်လိုဖောက်ထွက်ပြီး အပြစ်ကင်းစင်ကြောင်း သက်သေပြမလဲ၊ သစ္စာဖောက်တွေကို ဘယ်လို ပညာပေးမလဲဆိုတာ ရင်တမမ စောင့်ကြည့်ရမှာပါ။ ရူပဗေဒသဘောတရားတွေကို ဘေးချိတ်ထားပြီး လေယာဉ်ပေါ်က ပြုတ်ကျနေတဲ့ တင့်ကားကို အမြောက်လှည့်ပစ်ကာ လေထဲပျံဝဲပြတဲ့ အမိုက်စား Action အခန်းမျိုးတွေ၊ ဇာတ်ကောင် ၄ ယောက်ရဲ့ အပေးအယူတည့်တည့် အပေါက်ဆိုးစကားလုံးတွေနဲ့ ၂ နာရီလုံးလုံး ပျင်းဖို့အချိန်ရမှာ မဟုတ်ပါဘူး။ (ကျည်ဆံတွေ၊ အမြောက်ဆံတွေ စခရင်ထဲက ထွက်လာပြီး ထိမှန်နိုင်တာမို့ စိတ်ကူးနဲ့ ကျည်ကာအင်္ကျီလေး ဝတ်ပြီးမှ ကြည့်ရှုကြပါခင်ဗျာ) File Size : (3.5 GB) / (1.6 GB) Quality : Blu-Ray 1080p HEVC / 720p Format…mkv/ mp4 Duration…02:13:00 Subtitle….Myanmar Subtitle (Hardsub)

၂၀၀၆ ခုနှစ်ထွက် Ultimate Avengers: The Movie ရဲ့အဆက်မှာ ချီတာရီတွေကို အနိုင်ယူခဲ့ပြီးနောက် Avengers အဖွဲ့အတွင်း အဆင်မပြေမှုတွေ ဖြစ်လာပါတယ်။ ကပ္ပတိန်အမေရိကဟာ စိတ်ဒဏ်ရာနောက်ဆက်တွဲ စိတ်ဖိစီးမှုဖြစ်တဲ့ PTSD အနည်းငယ် ခံစားနေရပြီး မစ်ရှင်တွေကိုပဲ ဖိလုပ်နေတယ်။ သူဦးဆောင်ရတဲ့ အဖွဲ့နဲ့ အဆင်မပြေတော့ဘဲ တစ်ယောက်တည်း လှုပ်ရှားသူလို ဖြစ်လာသလို ဒေါက်တာဘန်နာကလည်း ဟော့ခ်ပုံစံကို မထိန်းချုပ်နိုင်တာကြောင့် ဖြူရီရဲ့ ချုပ်နှောင်မှုကို ခံနေရပါတယ်။ အဲဒီအချိန်မှာ ၁၉၄၅ ခုနှစ်က ကပ္ပတိန်အမေရိက လက်ချက်နဲ့ သေသွားပြီလို့ ထင်ထားကြတဲ့ နာဇီဗိုလ်ချုပ်ကလိုင်ဇာဟာ ဝါကန်ဒါမှာ ပြန်ပေါ်လာတယ်။ ချီတာရီတစ်ယောက်လည်းဖြစ်တဲ့ ကလိုင်ဇာက တီချာလာတို့ဆီက စွမ်းအင်အရင်းအမြစ်ကို လုယူပြီး ကမ္ဘာတစ်ခုလုံး ဖျက်ဆီးဖို့ ကြိုးစားလာပါတယ်။ စည်းလုံးမှုအားနည်းနေတဲ့ Avengers အဖွဲ့ဟာ Black Panther နဲ့ ပူးပေါင်းပြီး ကလိုင်ဇာရဲ့အန္တရာယ်ကို ရင်ဆိုင်ကြရပါတော့တယ်။

Star Trek ရဲ့ ကမ္ဘာမှာ ဂြိုဟ်တစ်ခုပေါ်က လူ့အဖွဲ့အစည်းတစ်ခုဟာ ကိုယ့်အားကိုယ်ကိုး တိုးတက်လာပြီး အလင်းထက်မြန်တဲ့နှုန်းနဲ့ ခရီးသွားနိုင်ဖို့ Warp Drive ကို တီထွင်နိုင်ချိန်က အရေးကြီးတဲ့ အလှည့်အပြောင်းတစ်ခုပါ။ Warp အချက်ပြတွေကို Federation ရဲ့ တာဝေးအာရုံခံစနစ်တွေက ထောက်လှမ်းမိတဲ့အခါ သံတမန်တွေစေလွှတ်ပြီး အဖွဲ့ထဲဝင်ဖို့ ကမ်းလှမ်းပါတယ်။ အဲဒီလို ပထမဆုံး စဆက်သွယ်တဲ့အချိန်ကို First Contact လို့ ခေါ်ကြတယ်။ တတိယကမ္ဘာစစ်အပြီး ပြန်လည်ရုန်းထနေတဲ့ ကမ္ဘာမှာတော့ ၂၀၆၃ ခုနှစ်၊ ဧပြီလ ၅ ရက်နေ့က ပထမဆုံး Warp Drive ကို စမ်းသပ်မောင်းနှင်နိုင်ခဲ့ပါတယ်။ အဲဒီအချက်ပြကို Federation က ထောက်လှမ်းမိပြီး ပူးပေါင်းဖို့ လာဖိတ်ခေါ်ခဲ့တာကြောင့် အဲဒီနေ့ဟာ ကမ္ဘာရဲ့ First Contact နေ့ ဖြစ်လာတယ်။ ဒါပေမဲ့ ဂလက်စီရဲ့ Delta Quadrant ဘက်မှာ ကြီးထွားလာတဲ့ စက်နဲ့သက်ရှိ ပေါင်းစပ်ထားသော Borg အုပ်စုက Federation ကို ကျူးကျော်တိုက်ခိုက်လာပါတယ်။ ကမ္ဘာကိုလည်း သိမ်းပိုက်ချင်တဲ့ သူတို့ဟာ တိုက်ရိုက်တိုက်ခိုက်လို့ အနိုင်ရဖို့ မလွယ်တဲ့အတွက် အတိတ်ဆီ အချိန်ခရီးသွားပြီး First Contact နေ့ကို ဖျက်ဆီးဖို့ ကြိုးစားကြတယ်။ သူတို့ကို ရင်ဆိုင်ရမယ့်သူကတော့ ခေတ်မီအာကာသယာဉ်ကြီး အင်တာပရိုက်စ်ရဲ့ ကပ္ပတိန် ပစ်ကာ့ပါ။ သူကိုယ်တိုင်လည်း အရင်က Borg တွေရဲ့ သိမ်းသွင်းမှုကို ခံခဲ့ရဖူးသူဖြစ်တဲ့အတွက် အခုတစ်ကြိမ် ကမ္ဘာရဲ့အတိတ်ကို ဖျက်ဆီးမယ့် သူတို့အစီအစဉ်ကို ဘယ်လိုတားဆီးမလဲ။

Alone in the Dark (1982) IMDb Rating (6.0) / Rotten Tomatoes (62%) ဒေါက်တာ ဒန်ပေါ့တာဆိုတဲ့ စိတ်ကုဆရာဝန် စတင်တာဝန်ကျတဲ့ စိတ်ကျန်းမာရေး ဆေးရုံမှာ တတိယထပ်ဆိုတာ အန္တရာယ်အရှိဆုံး စိတ်ဝေဒနာရှင် ထိန်းသိမ်းရေး အပိုင်းဖြစ်ပါတယ်။ အဲ့ဒီအထပ်မှာ ထိန်းသိမ်းခံထားရတဲ့အန္တရာယ်အရှိဆုံး ဝေဒနာရှင် လေးယောက်ဟာ သူတို့ချစ်ခင်လေးစားတဲ့ ဆရာဝန်ဟောင်းကို ဒေါက်တာပေါ့တာက သတ်ပစ်လိုက်ပြီး နေရာဝင်ယူတာဖြစ်တယ်လို့ တစ်ထစ်ချယူဆထားကြပါတယ်။ တစ်ညမှာတော့တစ်မြို့လုံးလျှပ်စစ်မီးပြတ်တောက်မှုဖြစ်တဲ့ အချိန်မှာ သူတို့လေးယောက်လုံး ဆေးရုံကနေ လွတ်ထွက်သွားပြီးဒေါက်တာ ပေါ့တာရဲ့မိသားစုအိမ်ကို အရောက်သွားပြီး ကလဲ့စားချေဖို့ ကြိုးစားကြပါတော့တယ်။ ဇာတ်ကားစထွက်ထွက်ချင်းမှာတော့ သာမန် Slasher Flick တစ်ခုလို့ပဲသတ်မှတ်ခဲ့ကြပေမယ့် နောက်ပိုင်းမှာတော့ သရုပ်ဆောင်ချက်တွေ စိတ္တဇဝေဒနာရှင်တွေကိုပုံဖော်မှု ပီပြင်ချက်တွေကြောင့် ဂန္ဓဝင်ဇာတ်ကားတစ်ကားလို့သတ်မှတ်လာကြပါတယ်။ ဝေဖန်ရေးဆရာတွေရော ပရိသတ်တွေပါနှစ်သက်ခဲ့ကြပြီး ဝင်ငွေအရလည်းအောင်မြင်ခဲ့တဲ့ ဇာတ်ကားကောင်းတစ်ကားဖြစ်ပါတယ်။ File size… (2.5 GB) / (920 MB) Quality…. Blu-Ray 1080p HEVC / 720p Format…. mkv/mp4 Genre…. Horror,Thriller Duration…. 01:34:09 Subtitle…. Myanmar Subtitle (Hardsub)