Dylan Minnette ပါဝင်သော ဇာတ်ကားများ

Scream ရုပ်ရှင်တွေဟာ ကမ္ဘာကျော် ဖရန်ချိုက်စ် ရုပ်ရှင်တွဲ‌တွေပဲမို့ အများစု သိပြီးသားဖြစ်မှာပါ။ အခုနောက်ဆုံးထွက်တဲ့ ရုပ်ရှင်က Scream-5 တော့ rating 7 အထိ ရထားတာပြီး အတော်ကြည့်လို့ကောင်းပါတယ်။ ခုနောက်ပိုင်း ရုပ်ရှင်တွဲပေါင်းစုံရဲ့ နောက်ဆက်တွဲတွေက ကြည့်ရတာ စိတ်ပျက်ရတာ များနေတဲ့အချိန်မှာ Scream ကတော့ တမူထူးခြားအောင်ပြသွားပါတယ်။ ဒီကားက လူသတ်ဟော်ရာကားဖြစ်သလို စုံထောက်လို လျို့ဝှက်ဆန်းကျယ်လိုလို ဟာသလိုလိုလေးတွေလည်းပါပါသေးတယ်။ ဟောလိဝုရဲ့ ရုပ်ရှင်အတွဲလိုက်ကြီးတွေကိုတောင် လှောင်သွားပါသေးတယ်. Scream-1 ဟာ အရမ်းကောင်းခဲ့ပေမဲ့ Scream 2,3,4 က သိပ်ခြေရာမနင်းနိုင်တာကိုလည်း ပြန်လှောင်ထားသလိုပါပဲ။ အရင်ရုပ်ရှင်တွေရဲ့ မူလဒါရိုက်တာက ဆုံးပါးသွားပြီဖြစ်လို့ ဒီကားကတော့ ဒါရိုက်တာအသစ်ရဲ့လက်ရာအသစ်ပါပဲ။ ဒါ့အပြင် သရုပ်ဆောင် လူငယ်အသစ်ကောင်းကောင်းတွေကို မူလရုပ်ရှင်တွေထဲက သရုပ်ဆောင်တွေနဲ့ သေချာပေါင်းစပ်ထားပြီး ဇာတ်လမ်းကိုလည်း ဆန်းသစ်ထားတာမို့ rating ကောင်းရနေတာဖြစ်ပါလိမ့်မယ်။ ဇာတ်လမ်းအကျဉ်းတော့ မပြောတော့ဘူး စပရိုက်များများဖြစ်အောင်လို့ပါ။ ကြည့်ကြည့်လိုက်ပါ ကြိုက်မှာပါ။ Scream ရုပ်ရှင်အကုန်လုံးကိုလည်း Scream Franchise ကနေ ကြည့်ရှုနိုင်ပါတယ် File size…(1.7 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:54:00 Genre...Horror, Mystery, Thriller  Subtitle….Myanmar Subtitle (Hardsub) Encoder….Mr. Anderson Translated by Mr. Anderson

13 Reasons Why (S1 to S4) ဒီစီးရီးကိုတော့ လူအတော်များများ ကြားဖူးပြီးနေလောက်ပါပြီ။ Netflix ရဲ့ ကမ္ဘာတစ်ဝှမ်းမှာ ကျော်ကြားသွားတဲ့ စီးရီးပါပဲ။ IMDb နဲ့ RT တွေမှာ rating 9 ကျော်နေပြီး  ဝေဖန်ရေးဆရာတွေရဲ့ ချီးကျူးသံတွေ ဆက်တိုက်ရရှိခဲ့တဲ့ စီးရီးလေးပါ။ ၂၁ ရာစု အကောင်းဆုံး High School Drama တွေထဲက တစ်ခုလို့ ချီးကျူးကြတယ်။ စလယ်ဆုံး ဇာတ်ရှိန်မကျဘဲ ဆွဲခေါ်သွားနိုင်တယ်။ ခံစားချက်မျိုးစုံကို ပေးနိုင်တယ် စသည်ဖြင့် မှတ်ချက်တွေပြည့်နေခဲ့ပါတယ်။  ဝေဖန်ခံရတဲ့ အချက်ကတော့ ဇာတ်လမ်းရဲ့ အဓိကဇာတ်ဆောင်ဟာ မိမိကိုယ်ကို သတ်သေခဲ့ပြီးမှ သူ့ရဲ့  နောက်ဆက်တွဲတွေကို ခမ်းနားစွာ ဖော်ပြထားတဲ့ ဇာတ်ကြောင်းဖြစ်နေလို့ သတ်သေမှုတွေကို တနည်းအားဖြင့် အားပေးနိုင်တယ်ဆိုပြီး  ပြောသူတွေတော့ ရှိပါတယ်။ ဒါပေမယ့် ဒီစီးရီးရဲ့ အကြောင်းအရာတွေမှာ အထက်တန်းကျောင်းသားတွေရဲ့ စိတ်ဖိအား၊ခံစားချက်တွေတွေကို နားလည်ဖို့နဲ့ ဆရာတွေမိဘတွေ ပိုပြီး သတိထားမိလာစေဖို့၊ ကျောင်းသားသူတွေကြားထဲက ကိုယ်ချင်းစာတရားတွေ ပိုကောင်းမွန်လာဖို့ အားပေးတဲ့အချက်တွေ အများကြီးပါပါတယ်။ ဒီစီးရီးရဲ့ အဓိက သရုပ်ဆောင် ၂ ယောက်ဟာလည်း တကယ်ကောင်းမွန်ခဲ့တာမို့ ချီးကျူးမှုတွေ အများအပြားရရှိထားပြီး သူတို့ သရုပ်ဆောင်ဘဝလမ်းကတော့ ပိုပြီးတောက်ပြောင်လာလိမ့်မယ် ထင်မိပါသေးတယ်။ ဇာတ်လမ်း အကျဉ်းပြောရရင် အစမှာ ဟန်နာ ဆိုတဲ့ အထက်တန်းကျောင်းသူလေး မိမိကိုယ်ကို သေကြောင်းကြံသွားခဲ့တာက စပါတယ်။ အဲဒီအဖြစ်ရဲ့ ရိုက်ခတ်မှုတွေဟာ ဆရာတွေ၊ကျောင်းသားတွေ နဲ့ မိဘတွေကြားမှာနည်းမျိုးစုံနဲ့ သက်ရောက်နေခဲ့တယ်။ ကျောင်းသားတွေထဲမှာမှ ဟန်နာနဲ့ထူးထူးခြားခြားသိကျွမ်းခဲ့တဲ့ ကလေးရ်(Clay) ဆိုတဲ့ ကောင်လေးကတော့ ပိုပြီးသူ့ကို သတိရနေခဲ့သူပါ။ တစ်ညမှာတော့ ကလေးရ်ဆီကို ဟန်နာ အသံသွင်းထားတဲ့ တိတ်ခွေလေးတွေ ရောက်လာခဲ့တယ်။ တိတ်ခွေမှာ အကြောင်း ၁၃ ပိုင်း ပါဝင်ပြီး သူသတ်သေခဲ့ရတဲ့ ၁၃ ချက်သောအကြောင်းရင်းတွေကို  ပြောပြထားခဲ့တယ်။ တိတ်ခွေအစမှာ ဒီတိတ်ခွေတွေကို သူသေဆုံးခဲ့ရမှုအတွက် တာဝန်ရှိတဲ့ လူအားလုံးကို တစ်ယောက်ပြီး တစ်ယောက် လက်ဆင့်ကမ်းပြီး နားထောင်ဖို့  ပြောထားခဲ့ပြီး ဒီစည်းကမ်းကို မလိုက်နာရင်တော့ သူတာဝန်ပေးခဲ့တဲ့ တစ်ယောက်သောသူဟာ ဒီအခွေတွေကို လူတွေကြားထဲကို ချပြလိုက်လိမ့်မယ်လို့ ချိန်းခြောက်ထားပါတယ်။ Clay ရဲ့ အရင်ရှေ့မှာ နားထောင်ပြီးတဲ့သူတွေဟာ ဟန်နာကို သစ္စာဖောက်ခဲ့သူတွေ၊ အနိုင်ကျင့်ခဲ့သူတွေ စသည်ဖြင့် အကြောင်းအရာမျိုးစုံပါဝင်နေပါတယ်။ သက်ဆိုင်သူအားလုံးနည်းပါးက ဒီတိတ်ခွေတွေကို တစ်ညတည်း အကုန်နားထောင်နိုင်ကြပေမယ့် Clay အတွက်တော့ မတူခဲ့ပါဘူး။ သူ့အတွက် ဒီတိတ်ခွေတွေက ပေးတဲ့ ခံစားချက်တွေက ပြင်းထန်လွန်းလို့ အပိုင်းပိုင်းလေးတွေပဲ နားထောင်နိုင်စွမ်းရှိနေပါတယ်။ ကျန်တဲ့ သူတွေအားလုံးကတော့ ကလေးရ် ဒါတွေအကုန်နားထောင်ပြီးချိန်မှာ ဘယ်လိုတုံ့ပြန်လာမလဲ ရင်တမမနဲ့  စောင့်နေရပါပြီ။ တချို့လည်း သူဆက်နားမထောင်နိုင်အောင်၊ သူဘယ်တော့မှထုတ်မပြောရဲအောင်၊ ဟန်နာပြောတာတွေကို မယုံအောင် နည်းမျိုးစုံကြိုးစားလာကြပါတော့တယ်။ ဟန်နာသေဆုံးရတဲ့ တရားခံတွေထဲမှာ Clay လို  အေးဆေးပြီး စိတ်ထားကောင်းတဲ့ သူက ဘာလို့ပါနေရတာလဲ။ သူလည်း ဘာတွေလုပ်ခဲ့သလဲ။ ကျန်တဲ့သူတွေကရော ကလေးရ်နားထောင်မိသွားမယ့်အကြောင်းအရာတွေအတွက် ဘာလို့ ကြောက်လန့်နေကြသလဲဆိုတဲ့ အဖြေတွေကိုတော့ တစ်ပိုင်းချင်းစီမှာ  ပြသသွားပါလိမ့်မယ်။ ဒီစီးရီးမှာ ကြောက်စရာ လူသတ်ကောင်တွေ ရက်စက်လွန်းတဲ့ ဖြစ်ရပ်တွေတော့ မပါဝင်ပါဘူး။ ဒါပေမယ့် သာမာန် Horror ကားတွေထက် ပိုကြောက်စရာကောင်းပါလိမ့်မယ်။ ဘာကြောင့်လဲဆိုတော့ ဒီထဲက တရားခံဆိုတဲ့သူတွေလူတွေ လုပ်ခဲ့တဲ့ အရာတွေဟာ ကျွန်တော်တို့ကိုယ်တိုင် သတိမမူရင်၊ အခြေအနေတစ်ခုမှာ လုပ်လိုက်မိနိုင်တဲ့ အပြစ်တွေ ဖြစ်နေတဲ့အတွက် ဇာတ်လမ်းထဲမှာ စိတ်နှစ်ပြီး ခံစားမိရင်တော့ အပိုင်းတိုင်းဟာ  ကြောက်စရာကောင်းပြီး စိတ်လှုပ်ရှားစရာတွေ ပြည့်နေပါလိမ့်မယ်။ ဘယ်လိုခံစားရလည်း ဆိုတာကိုတော့ ကိုယ်တိုင်ကြည့်ပြီးမှ ဆုံးဖြတ်ကြည့်လိုက်ပါတော့။ Quality – 720p NF WEB-DL Duration – 1hr 00min (@Episode) Subtitle – Myanmar Hardsub Format – Mp4 Genre : Drama, Mystery Source : 720p.NF.WEBRip.DDP5.1.x264-MZABI

IMDb - 7.4/10 Rotten - 91% နိုင်ငံတိုင်းမှာ ရုပ်ရှင်လောကတိုင်းမှာ ပေါကားဆိုတာရှိစမြဲပါ။ ပေါတဲ့ခံယူချက်ကတော့ တူကြမှာမဟုတ်ပါဘူး။ သရုပ်ဆောင်မကောင်းလို့၊ ဇာတ်အိမ်မကောင်းလို့၊ ကိုယ့်အနုပညာကို ပရိသတ်မြင်လာအောင်မချပြနိုင်လို့ပေါကားဖြစ်သွားကြတာတွေရှိသလို သူများနဲ့မတူအောင် ရိုက်ရာကနေ ပေါသွားတာမျိုး၊ ပိုက်ဆံရရင်ပြီးရော ပရိသတ်ကိုနားလည်ပါးရိုက်လုပ်နေတဲ့ ပေါကားတွေလဲ ဒုနဲ့ဒေးပါပဲ။ ဒီ Disaster Artist ဆိုတဲ့ရုပ်ရှင်ကားကတော့၂၀၀၃ ခုနှစ်မှာထွက်ရှိခဲ့တဲ့ ကမ္ဘာ့အဆိုးဆုံးရုပ်ရှင်၊ အပေါဆုံးရုပ်ရှင်ဆိုတဲ့ ဂုဏ်ပုဒ်တွေရယူထားနိုင်တဲ့ The Room ဇာတ်ကားရဲ့ပဲ့ကိုင်ရှင် Tommy Wiseau အကြောင်းကို ရိုက်ကူးပြထားတာပဲဖြစ်ပါတယ်။ ဘယ်ကလာတယ်၊ အသက်ဘယ်နှနှစ်လဲ၊ ဘယ်မှာမွေးတာလဲ၊ ပိုက်ဆံတွေဘယ်လိုရလာသလဲဆိုတဲ့ နောက်ကြောင်းရာဇဝင် ဘာဆိုဘာမှမသိရတဲ့ Tommy Wiseau နဲ့ သရုပ်ဆောင်ဖြစ်ရရင်၊ အောင်မြင်ရရင် ကျေနပ်ပါပြီဆိုတဲ့ Greg။ သူတို့နှစ်ယောက် လော့အိန်ဂျလိစ်ရဲ့လမ်းမထက်မှာ အိပ်မက်ကိုယ်စီမက်ခဲ့ကြတယ်။ တစ်ယောက်ကိုတစ်ယောက် အားပေးဖို့၊ ကိုယ့်အိပ်မက်ကို ဘယ်တော့မှလက်မလျှော့ဖို့ ကတိပေးခဲ့ကြတယ်။ ဟောလိဝုဒ်မှာ နေရာတစ်နေရာရလာဖို့ အမျိုးစုံကြိုးစားခဲ့ပေမယ့် ဟောလိဝုဒ်က သူတို့ကိုငြင်းပယ်လာတဲ့အခါ..... သူတို့နှစ်ယောက်မှာ ကမ္ဘာ့အဆိုးဆုံးရုပ်ရှင်တစ်ကားဖြစ်လာဖို့ ကမ္ဘာ့အကောင်းဆုံးအကြံတစ်ခုထွက်လာကြပါတယ်။ အဲ့ဒါကတော့ ကိုယ့်ပိုက်ဆံနဲ့ကိုယ် ရုပ်ရှင်တစ်ကားရိုက်ဖို့ပါတဲ့။ ပိုက်ဆံနဲ့လုပ်ချင်စိတ်ကလွဲပြီး ဘာဆို ဘာမှမသိနားမလည်ပေမယ့် Tommy Wiseau နဲ့ Greg တို့ The Room ရုပ်ရှင်ကို အခက်အခဲပေါင်းများစွာကြားထဲကနေ မရရအောင် ဖန်တီးကြပါတော့တယ်။ Shakespeare, Tennessee Williams တို့ခေတ်နောက်ပိုင်း အကောင်းဆုံးဒရမ်မာရုပ်ရှင်လို့တောင် ကြွေးကြော်ခဲ့တဲ့ Tommy Wiseau နဲ့ Greg တို့ ဒီရုပ်ရှင်ကို ဘယ်လိုဖန်တီးရိုက်ကူးခဲ့ကြသလဲ၊ ရုပ်ရှင်ပရိသတ်တွေကရော ဘယ်လိုထင်မြင်ကြသလဲ။ ဒါတွေကိုတော့ The Disaster Artist ရုပ်ရှင်ထဲမှာအဖြေပေးသွားပါလိမ့်မယ်။ ဒီရုပ်ရှင်ကိုတော့ Spiderman 1,2,3 , 127 Hours ဇာတ်ကားတွေနဲ့လူသိများတဲ့ James Franco က ဒါရိုက်တာအဖြစ်၊ Tommy Wiseau အဖြစ်ပါဝင်သရုပ်ဆောင်ထားပြီး Now You See Me ကားထဲက မင်းသားချောလဲဖြစ်၊ James Franco ရဲ့ ညီအရင်းလဲဖြစ်တဲ့ Dave Franco က Greg အဖြစ် ပါဝင်ထားပါတယ်။ ပေါလှပါတယ်ဆိုတဲ့ကားက ဘာကြောင့်များ အတ္ထုပတ္တိရုပ်ရှင်တစ်ကားအဖြစ် ပြန်ရိုက်ရလောက်အောင် အောင်မြင်သွားတာပါလဲ၊ The Disaster Artist ရုပ်ရှင်ထွက်လာအပြီးမှာ The Room ရုပ်ရှင်ကို လူတွေက ဘာကြောင့်သဘောကျသွားကြတာပါလဲ။ အဖြေကတော့ ရှင်းပါတယ်။ Tommy Wiseau ဟာ အနုပညာချစ်စိတ်အပြည့်အဝနဲ့ စိတ်ရောကိုယ်ပါနှစ်ပြီး ပေါကားတစ်ကားကို ရိုက်မှန်းမသိ ရိုက်ခဲ့တာပါ။ ဒါကို ဘယ်လောက်ပဲ ဆိုးဝါးတဲ့ရုပ်ရှင်လို့ပြောပြော Tommy Wiseau ရဲ့လက်ရာ The Room ရုပ်ရှင်ဟာ အခုခေတ် မင်းသား၊မင်းသမီးဗန်းပြပြီး အောက်လုံးတွေနဲ့ပြက်လုံးထုတ်နေ၊ ပရိသတ်ကို ကလိထိုးရယ်ခိုင်းပြီး ပိုက်ဆံညာယူနေတဲ့ရုပ်ရှင်ကားတွေထက်စာရင် အပုံကြီးသာပါတယ်။ The Disaster Artist ရုပ်ရှင်ဟာ ဒီအချက်ကို ကောင်းကောင်း မီးမောင်းထိုးပြသွားနိုင်ခဲ့ပါတယ်။ ယခုနှစ် အော်စကာ အကောင်းဆုံးရုပ်ရှင်ဆုအတွက်လဲ ဆန်ကာတင်စာရင်းမှာ ရွေးချယ်ခံထားရတဲ့ရုပ်ရှင်ကားဖြစ်ပြီး ဆုပေါင်းများစွာလဲ ဆွတ်ခူးထားပါတယ်။ အနုပညာပါတဲ့ရုပ်ရှင်နဲ့ ပိုက်ဆံရရုံရိုက်တဲ့ရုပ်ရှင်ရဲ့ ကွာခြားချက်ကို သိလာဖို့၊ပေါကားနွံနစ်နေတဲ့ ရုပ်ရှင်ချစ်ပရိသတ်တွေ ပေါတာနဲ့အနုပညာရူးသွပ်တာကို ခွဲခြားလာတတ်ဖို့၊ အသိပညာပေးနိုင်ဖို့ ဒီကားဟာ ကြည့်ကိုကြည့်သင့်တဲ့ကားတစ်ကားဖြစ်ပါတယ်။ မကြာခင်မှာလဲ CM က Tommy Wiseau ရဲ့ ကမ္ဘာ့အဆိုးဝါးဆုံးရုပ်ရှင် "The Room" ကို ဘာသာပြန်တင်ဆက်ပေးသွားမှာဖြစ်ပါတယ် (ဇာတ်လမ်းးအညွှန်းနဲ့ဘာသာပြန်သူက ကွီးအာကာဖြိုးပါ) File Size : (900 MB) Quality : WEB-DL 720p Running Time : 1hr 44min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p.WEB-DL.X264.AC3-EVO[EtHD] Translated by Arkar Phyo Encoded by Thanhtike Zaw

လက်ရှိ နာမည်ကြီး လူကြိုက်များနေတဲ့ Horror/Thriller တစ်ကားကို တင်ပေးလိုက်ပါတယ်။ Evil Dead ကို ဖန်တီးခဲ့သူ Fede Alvarez ရဲ့ အကောင်းဆုံးလက်ရာတစ်ခုပါပဲ။ ဘက်ဂျက် ၉ သန်းပဲ အသုံးပြုခဲ့ပြီး လက်ရှိ သန်း ၁၄၀ အထိ Box office မှာတက်နေပါပြီ။ အိမ်လေးတစ်လုံးထဲမှာ သရုပ်ဆောင်လေး ၄-၅ ယောက်ကိုပဲ အားပြုပြီး တင်ဆက်သွားတာပါ။ ဒါပေမယ့် ဇာတ်လမ်း၊ မထင်မှတ်တဲ့လှည့်ကွက်တွေ၊ သရုပ်ဆောင်၊ အသံပိုင်းတွေမှာ ပြောစရာမရှိအောင် ကောင်းမွန်လွန်းတဲ့အတွက် ဒီလို အောင်မြင်သွားတာပဲ ဖြစ်မယ်ထင်ပါတယ်။ လက်ရှိတော့ IMDb 7.1 နဲ့ ရပ်တည်နေပါတယ်။ ဇာတ်လမ်းအကျဉ်းလေးကတော့ တစ်ယောက်တည်းနေတဲ့ စစ်ပြန် မျက်မမြင်အဘိုးကြီးတစ်ယောက်ရဲ့အိမ်ကို ဖောက်ထွင်းဝင်ရောက်တဲ့ ဆယ်ကျော်သက်လေး ၃ ယောက်ရဲ့အကြောင်းပါ။ အလွယ်ဆုံးဖောက်ထွင်းမှုလို့ ထင်ပြီး ဝင်ရောက်သွားခဲ့ပေမယ့် မျက်မမြင်အဘိုးကြီးဟာ သူတို့ထင်သလို အဆိပ်မရှိတဲ့ ရေမြွေမဟုတ်တဲ့အခါ......တံခါးတွေ အားလုံးပိတ် မီးအမှောင်ချပြီး အကုန်လုံးကို သတ်ပစ်ဖို့ ကြိုးစားလာတဲ့အခါ.... အသက်မရှုလိုက်နဲ့ ဆိုတဲ့ ဇာတ်ကားရဲ့ နာမည်အတိုင်း အသက်ရှုသံ တစ်ချက် ခြေသံတစ်ချက်က သေခြင်းရှင်ခြင်းကို အဆုံးအဖြတ်ပေးလာပြီဆိုရင်......။ File size…(1.4 GB) / (600 MB) Quality…BluRay 1080p/720p Format…mp4 Duration….01:28:32 Subtitle….Myanmar Subtitle (Hardsub) Encoder….Nyeinsaeya Aung & Little Neo Translated by Little Neo

Alexander and the Terrible, Horrible, No Good, Very Bad Day(2014) IMDb....6.2,Rotten ...60 ရုပ်ရှင်အမျိုးအစား family,comedy ဆိုတာမျိုးတွေက rating ပေးတာနည်းပါတယ်...5ဆိုရင်တောင် အတော်ကောင်းကြတာများပါတယ် ကျွန်တော့အထင်ပေါ့လေ.6.2 ဆိုတော့ကြည့်ရတာမဆိုးဘူး..ရယ်လည်းရယ်ရတယ် မိသားစုတွေမှာဖြစ်တတ်တဲ့ချို့ယွင်းချက်လေးတွေ ဖြည့်ဆည်းပေးရမယ့် အရာလေးတွေကို ဟာသလေးတွေနဲ့ပညာသားပါပါပြသွားတယ်...Ben Cooper တို့ဇနီးမောင်နှံမှာ ကလေး (၄)ယောက်ရှိတယ်...အရွယ်အသီးသီးနဲ့ဆိုတော့ မိဘတွေအနေနဲ့လည်း ထိန်းသိမ်းရမလွယ်ပါဘူး....အမေက အလုပ်သွား အဖေကလည်း အလုပ်ပြုတ်လို့အိမ်မှာကလေးထိန်း....ကျန်တဲ့ ကလေးတွေက ကျောင်းသွားကြပေါ့ .... အလက်ဇန်းဒါးဆိုတဲ့ ကောင်လေးရဲ့စိတ်ထဲမှာ ခံစားနေရတာတစ်ခုရှိတယ် အဲ့ဒါက သူတစ်ယောက်ထဲကသာ ကံတွေဆိုး ဘယ်သူမှဂရုစိုက်မခံရ အားလုံးရဲ့လျစ်လျူရှှုခံရလို့တွေးနေမိတယ်...သူ့ကိုုလည်းအပြစ်လို့ပြောမရပြန်ဘူး..ဒီတော့ ကလေးပီပီ ကျိန်စာတိုက်လိုက်တယ်...သူကလွဲလို့ ဘယ်သူမှအဆင်မပြေပါစေနဲ့ဆိုပြီးတော့ပေါ့...ဒီလို့နဲ့နောက်နေ့ မိုးလင်းတော့ သူ့ကျိန်စာက တကယ်ဖြစ်နေတယ်.......ကိုင်းပြိတ်သတ်ကြီးရေ သရုပ်ဆောင်တွေကတော့သိပြီးသားနေမှာပါ....Steve Carell  ,Jennifer Garner နဲ့ 13 Reasons Why   ဇာတ်လမ်းနဲ့ လူသိများခဲ့တဲ့  Dylan Minnettle တို့ဖြစ်ပါတယ်.... File Size…(950MB) and (355MB) Quality…BluRay 720p Format…mp4 Duration…01:21:00 Subtitle…Myanmar Subtitle(Hardsub) Encoder…..Phyo Pyae Translated by Honest Abe

IMDb (6.9/10)....Rotten Tomatoes (35%) ခင်ပွန်းက နောက်အိမ်ထောင်ပြုပြီး စွန့်သားတစ်ယောက်နဲ့စွန့်ပစ်ခံရတဲ့ အမျိုးသမီး တစ်ယောက်အနေနဲ့ (Adele) အနေနဲ့ Kate Winslet ပါဝင်ထားပါတယ်။ (Adele)ရဲ့ သားတစ်ယောက်အနေနဲ့ ကလေးသရုပ်ဆောင် အကျော်အမော်လေး Gattlin Griffith က (Henry) အဖြစ် သရုပ်ဆောင်ထားပါတယ်။ လူသတ်သမား တစ်ယောက်အနေနဲ့ မင်းသားကြီး Josh Brolin က Frank အဖြစ် ပါဝင်ထားပါတယ်။ သားတစ်ယောက်နဲ့ခင်ပွန်းသည်စွန့်ပစ်ခြင်းကို ခံရတဲ့ Adele ရဲ့ဘဝဟာ  တိတ်ဆိတ်ခြောက်ကပ်လွန်းနေမှန်း သားဖြစ်သူ Henry ဟာ ခံစားမိနေပါတယ်။  တစ်ရက်သားအမိနှစ်ယောက် Shopping Center မှာ ဈေးဝယ်တုန်း Henry နားကို လူတစ်ယောက်ရောက်လာပြီး သူ့အမေကို လက်ညှိုးထိုးပြကာ မင်းအမေလားလို့ မေးပါတယ်။ ပြီးတာနဲ့ တစ်ဆက်တည်း သူ့ကို အကူအညီပေးဖို့  သူ့မှာဒဏ်ရာရလာကြောင်းပြောပါတယ်။ Adele က ထိုသူကိုတွေ့လိုက်ချိန်မှာတော့ သူမကူညီနိုင်ကြောင်းပြောတဲ့အခါမှာ Frank ဆိုတဲ့သူဟာ သူ့ကိုကူညီမှ ဖြစ်မယ်ဆိုတဲ့ အကြောင်း အတင်းအကြပ်ပြောလာတဲ့အခါမှာတော့။ Adele တို့သားအမိဟာ Frank ဆိုတဲ့သူကို သူတို့အိမ်ရှိရာ ခေါ်လာရပါတော့တယ်။ အိမ်ရောက်ရောက်ခြင်းမှာပဲ ထိုသူဟာ လူသတ်မှုနဲ့ ထောင်ဒဏ်(၁၈)နှစ်ကျခံထားရပြီး ထောင်ဆေးရုံကနေ ခုန်ဆင်းပြီးပြေးလာတယ်လို့လည်း တီဗွီချန်နယ်တွေကနေ လွှင့်တာတွေ့ရတဲ့အခါမှာတော့……………….။ ဇာတ်ကောင် သုံးယောက်စလုံးဟာ ဇာတ်လမ်းပြီးဆုံးသည်အထိ အပိုအလိုမရှိ ဆွဲခေါ်သွားတဲ့ ဇာတ်ကားပါ။ Kate Winslet ကို အရမ်းနှစ်သက်မိလွန်းလို့    သူ့ကို မချီးကျူးပဲ မနနိုင်အောင်ဖြစ်မိသလို။ ကလေးသရုပ်ဆောင် ကလေးကိုလည်း  အလွန်နှစ်သက်မိပါတယ်။ ဇာတ်လမ်းအချိုးအကွေ့လေးတွေဟာ မထင်မှတ်အောင် ကောင်းလှသလို။ မထင်မှတ်ထားတဲ့ Tempo မြင့်မှုတွေနဲ့  ဇာတ်လမ်းအချိုးတွေကို ခံစားချင်တယ်ဆိုရင်တော့။ လက်လွတ်မခံသင့်ပါဘူး။  အက်ရှင်ကားလို့ ထင်ခဲ့ပေမယ့် Drama ကို ရင်တဖိုဖိုကြည့်ခဲ့ရလို့  ကျွန်တော်ကတော့ သိပ်ကြိုက်မိတဲ့ ဇာတ်ကားတစ်ခုအဖြစ် စာရင်းထပ်သွင်းမိပြန်ပါတယ်။ #AungMoeThu (ရုပ်ရှင်အညွှန်းကို mandalaygazette.com မှကူးယူဖော်ပြပါသည်။) File size…(805 MB) Quality…BR-Rip 720p Format…mp4 Duration….01:51:13 Subtitle….Myanmar Subtitle (Hardsub) Encoder….Nyeinsaeya Aung

Prisoners (2013) IMDb Rating (8.2) / Rotten Tomatoes (82%) Duneတို့ Blade Runner 2049တို့ Arrivalတို့နဲ့ အော်စကာတွေ တစ်သီကြီးရဖူးသလို ပရိသတ်လက်ခံမှုအားလည်းများတဲ့ Denis Villeneuveရဲ့ Prisonersကို မကြည့်ဖူးတဲ့ လူလည်း မရှိလောက်တော့ပါဘူး။ သရုပ်ဆောင်တွေကလည်း Jake Gyllenhaalတို့ Hugh Jackmanတို့ Paul Danoတို့ David Dastmalchianတို့လို သရုပ်ဆောင်ပိုင်းမှာ နာမည်ကောင်းအပြည့်ရထားတဲ့ လူတွေချည်းပါပဲ။ အရင်ငါးနှစ်လောက်ကတည်းက တင်ထားခဲ့တာမို့ အားလုံးလည်းကြည့်ပြီးနေပြီမို့ Screenrantက Prisoners Ending Explained: Does Loki Find Keller?ဆိုတဲ့‌ ဆောင်းပါးထဲက အချက်တွေကို ပြန်ထုတ်နုတ်ထည့်ပြီး ဇာတ်လမ်းအစဉ်လိုက်အတိုင်းပဲ ဖြည့်စွက်ပြန် ပြောပြထားပါတယ်။ မကြည့်ရသေးရင်တော့ ဒီလောက်ထိပဲ ဖတ်သင့်ပါတယ်။ အားလုံးသိတဲ့အတိုင်း ဒီရုပ်ရှင်ရဲ့ဇာတ်က ကလေးအခိုးခံရတာကို ပြန်ရှာတဲ့ဇာတ်ပါပဲ။ ကျေးဇူးတော်နေ့မှာ ဒိုဗာ ( ဟုချ်ဂျက်မန်း)တို့ မိသားစုက အိမ်နီးချင်းအိမ်ကို သွားလည်တယ်။ အိမ်နီးချင်းရဲ့သမီးလေးနဲ့ သူ့သမီးလေးက အပြင်ထွက်သွားရာက ပျောက်သွားတယ်။ ကလေးတွေပျောက်သွားတဲ့အမှုကို စုံထောက်လိုက်ီ ( ဂျိတ်)က ဦးဆောင်ပြီးစုံစမ်းတယ်။ သူတို့ စုံစမ်းတာကို အားမရတဲ့ ဒိုဗာက သူ့နည်းသူ့ဟန်နဲ့ ကလေးကိုရှာတယ်။ ဒါကို အစကနေ အဆုံးအထိ ကွင်းဆက်တွေ ချိတ်ဆက်ပြီး Denis Villeneuve တင်ဆက်ထားပုံက ကြည့်ရှုသူတွေအတွက် တော်တော်လေးအားရစရာကောင်းသလို , သူတို့ရှာတွေ့သမျှ အရာအားလုံးက လမ်းစတွေဖြစ်နေသလို အဲဒီအရာအားလုံးကပဲ လမ်းပျောက်စေခဲ့တာက ဒီရုပ်ရှင်ထဲက ခံစားနေရသူတွေအတွက် ကြည့်ရှုတွေအနေနဲ့ တော်တော်လေးအားမလို အားမရဖြစ်စရာကောင်းခဲ့တယ်။ ဒီရုပ်ရှင်ထဲက စုံထောက်လိုကီ လိုက်စုံစမ်းခဲ့သမျှ လူတွေဟာ တကယ့်တရားခံမဟုတ်ခဲ့ပေမဲ့ တရားခံနဲ့ တိုက်ရိုက်ဖြစ်စေ သွယ်ဝိုက်ဖြစ်စေ ပတ်သက်နေတဲ့ လူတွေချည်းပဲ။ သူတို့စစစုံစမ်းခဲ့တဲ့သူက အဲလက်စ်ဂျုန်းပါ။ ကလေးတွေကို ကားပေါ်တင်ခေါ်သွားမိပေမဲ့ ဘာအပြစ်မှမရှိဘူးလို့ ကောက်ချက်ချထားကြတဲ့ ၁၀နှစ်ကလေး ဉာဏ်ရည်နဲ့ လူပါ။ ရုပ်ရှင်စစချင်းတော့ သူက တရားခံလိုလိုထင်ခဲ့ရပေမဲ့ တကယ်တမ်း သူလည်း ဂျုန်းလင်မယားရဲ့ ပထမဆုံးနစ်နာသူတစ်ယောက်ဖြစ်နေခဲ့တယ်။ သူ့ကားပေါ်ပါသွားတယ်လို့ ယူဆထားတော့ ရဲတွေက သူ့ကိုဖမ်းပြီး စစ်ဆေးတဲ့အချိန်မှာ ဆယ်နှစ်ကလေးဉာဏ်ရည်ပဲရှိတာသိခဲ့ရပြီး သူ့ဆီက ဘာမှမေးမရခဲ့လို့ ပြန်လွှတ်ပေးလိုက်ရတယ်။ ဒါပေမဲ့ သူက သဲလွန်စတွေ အများကြီးပေးခဲ့ပါတယ်။ ဒိုဗာကို သူပြောခဲ့တဲ့ " ကျွန်တော်မထားခဲ့ခင်အထိ သူတို့မငိုသေးဘူး"ဆိုတဲ့ စကားရယ် ။ "ကျွန်တော်က အဲလက်စ် မဟုတ်ဘူး"ဆိုတဲ့ စကားရယ်။ " ကျွန်တော်စောင့်နေပေမဲ့ သူရောက်မလာခဲ့ဘူး"ဆိုတဲ့ စကားရယ်။ "သူတို့က ဝင်္ကပါထဲမှာ"ဆိုတဲ့ စကားရယ်က ဒီကားလုံးမှာ သူ့ဘာသာပြောခဲ့တဲ့ စကားအကုန်ပါပဲ။ ဒီစကားတွေ အားလုံးကလည်း အမှုရဲ့အဖြေဆီ ဦးတည်နေခဲ့တယ်။ တကယ်လို့သာ ဒီစကားတွေကို လိုကီသိခဲ့ရင် အစကတည်းက ကွင်းဆက်မိပြီး မြန်မြန်ဖြေရှင်းနိုင်လောက်ပါတယ်။ ဒါပေမဲ့ ရဲတွေကို မယုံတော့တဲ့ ဟုချ်က သူ့ဘာသာပဲ ကြိတ်လုပ်ခဲ့လို့ ကွင်းဆက်က မမိခဲ့တာကတော့ သူတို့ကို တော်တော်လေးစိတ်ထဲ အားမလိုအားမရဖြစ်စေခဲ့သလို ရုပ်ရှင်ရဲ့ thrillerအရသာကလည်း အရသာပိုရှိသွားခဲ့တယ်။ အဲလက်စ်ဟာ Paul Danoရဲ့ သရုပ်ဆောင်သက်တမ်းမှာ သူ့အရည်အချင်းကို ထုတ်ပြနိုင်ခဲ့တဲ့ ဇာတ်ကောင်တွေထဲက တစ်ခုဖြစ်ခဲ့သလို Paul Danoဟာလည်း ၁၀နှစ်ကလေးဉာဏ်ရည်နဲ့ လူကြီးဖြစ်နေတဲ့ အဲလက်စ် ဇာတ်ကောင်ကို ကောင်းကောင်းပုံဖော်သွားနိုင်ခဲ့တယ်။ အဲလက်စ်ဂျုန်းကို လွှတ်ပေးပြီးတဲ့နောက် စုံထောက်လိုကီဟာ တစ်အိမ်တက်တစ်အိမ်ဆင်းလိုက်ရှာခဲ့တယ်။ ဒီမှာ သူထပ်တွေ့ခဲ့ရတာက ဖာသာရဲ့ မြေအောက်ခန်းထဲက အလောင်းပါပဲ။ ဖာသာကတော့ အဲဒီလူကိုသတ်တာဟာ အဲဒီလူဟာ ကလေး၁၆ယောက်ကိုသတ်ခဲ့ကြောင်းပြောပြီး သူ့ဆီအာပတ်လာဖြေရင်း ဘုရားသခင်နဲ့ စစ်ပွဲဆင်နေတဲ့အကြောင်းပြောခဲ့လို့ပါပဲ။ နောက်ပိုင်းမှာတော့ အဲဒီလူဟာ မစ္စတာဂျုန်းဖြစ်ကြောင်း ဟော်လီဂျုန်းရဲ့စကားနဲ့ဆက်စပ်နဲ့ ဆက်စပ်ပြီး သိခဲ့ရတယ်။ ဟော်လီဂျုန်းအိမ်က ပုံထဲက မစ္စတာဂျုန်းပုံမှာလည်း အလောင်းမှာတွေ့ရတဲ့ ဝင်္ကပါပုံစံလည်ဆွဲကို ဝတ်ဆင်ထားခဲ့တယ်။ ဒါကို လိုကီက နောက်ဆုံးမှ သိခဲ့ပါတယ်။ တကယ်လို့သာ လိုကီသာ အဲလက်စ်နဲ့ဆက်စပ်ပြီး ဂျုန်းကို သံသယဝင်ခဲ့လို့ ဒါကိုစောစောသတိထားမိခဲ့ရင် ဖာသာစကားနဲ့ချိတ်ဆက်ပြီး ဂျုန်းလင်မယားဟာ ကလေးခိုးသူတွေဖြစ်ကြောင်း ပိုစောစောသိရင်လည်း သိခဲ့နိုင်ပေမဲ့ ဒီမှာလည်း ထပ်လွတ်ပြန်တာပါပဲ။ ဖာသာက သူသတ်ခဲ့တဲ့ ကလေးသူခိုး (ဝါ) မစ္စတာဂျုန်းက မိသားစုနဲ့အတူလုပ်ခဲ့တာလို့ ပြောခဲ့တယ်လို့ပါ ပြောပြခဲ့ပေမဲ့လည်း လွတ်သွားတာပါပဲ။ တော်တော်လေး လက်တွေ့ကျတယ်လို့တောင် ပြောရမလားမသိပါဘူး။ ရှိနေတဲ့ သဲလွန်စအများကြီးမှာမှ မိချင်တဲ့ဟာပဲမိပြီး နောက်ဆုံးမှအမှုပေါ်သွားတာမျိုးပေါ့။ နောက်ထပ် စုံထောက်လိုကီ သံသယဝင်ခဲ့တဲ့သူကတော့ ဘော့တေလာပါ။ သူ့ကိုတော့ တရားခံအစစ်လို့ပါ သေချာထင်ခဲ့ကြတယ်။ သူကိုယ်တိုင်လည်း ဂျုန်းမိသားစုခိုးတာခံခဲ့ရတဲ့ ကလေးတစ်ယောက်ပါပဲ။ တရားခံအစစ်လို့ ထင်လည်းထင်ချင်စရာပါပဲ သူကတော့ တော်တော်စားတဲ့ ဇာတ်ကောင်ပါပဲ။ လိုကီဟာ သူ့ကို သံသယဝင်ပြီး သူ့အိမ်လိုက်သွားတော့ သူ့အိမ်မှာ သွေးစွန်းနေတဲ့ ကလေးအဝတ်တွေအများကြီးတွေ့ခဲ့ရသလို မြွေတွေ ဝင်္ကပါပုံတွေလည်း တွေ့ခဲ့ရတယ်။ သွေးစွန်းနေတဲ့ ကလေးအဝတ်တွေမှာ ပျောက်သွားတဲ့ကလေးတွေရဲ့ အဝတ်တွေပါနေတယ်လို့ မိသားစုက အတည်ပြုပြီးတဲ့နောက် သူ့ကိုပဲ တရားခံလို့ ကောက်ချက်ချပြီး ကလေးတွေအလောင်းရှိတဲ့နေရာကို ဆက်တိုက်မေးခဲ့ပေမဲ့ သူကတော့ ဝင်္ကပါပုံတွေပဲ ထိုင်ဆွဲပေးခဲ့တယ်။ နောက်ဆုံး သူ့ကိုယ်သူ သတ်သေသွားခဲ့တယ်။ ဒီမြွေတွေ ဝင်္ကပါတွေ ကလေးသတ်တာတွေဟာ တကယ်တမ်း မစ္စတာဂျုန်းစိတ်ဝင်စားခဲ့တဲ့ အရာတွေပါ။ သူ့ထရော်မာက လာတာတွေပါပဲ။ တကယ်တမ်း သူက ကလေးတွေကို မသတ်ခဲ့ဘဲ မစ္စတာဂျုန်းကို လိုက်တုပြီး ဝက်သွေးတွေနဲ့ ကလေးအဝတ်တွေနဲ့ အတုလုပ်ခဲ့တာဖြစ်ခဲ့တယ်။ သူဟာ မစ္စတာဂျုန်းပြန်ပေးဆွဲတာခံရပြီး လွတ်လာခဲ့သူဖြစ်ပေမဲ့ ဘာမှမမှတ်မိဘူးလို့ ကောက်ချက်ချထားခဲ့ကြပေမဲ့ ဒါတွေက သူမှတ်မိနေတာကိုတော့ ပြနေတယ်။ သူ့ကွင်းဆက်မှာတော့ ဖာသာ့ဆီက မစ္စတာဂျုန်းအလောင်းကဆွဲပြားနဲ့ တေလာဆွဲထားတဲ့ ဝင်္ကပါပုံတူနေတာကို လိုကီက သတိထားမိခဲ့ပေမဲ့ ဟော်လီဂျုန်းကို ကွင်းဆက်မမိခဲ့ပြန်ပါဘူး။ ပြောရရင် ဒီရုပ်ရှင်မှာ တကယ့်သဲလွန်စအစစ်တွေကို လိုကီရော ဒိုဗာရော ရခဲ့ပေမဲ့ တစ်ယောက်တစ်ခြမ်းစီလိုဖြစ်နေပြီး နှစ်ခုပေါင်းလိုက်ရင် ပြည့်စုံသွားမှာပေမဲ့ ဒိုဗာက လိုကီကို ဘယ်လိုမှမယုံတာကြောင့် မချိတ်ဆက်မိခဲ့တာကလည်း တော်တော်လေး အားမလိုအားမရဖြစ်စရာပါပဲ။ တကယ်တမ်း ဘယ်သဲလွန်စကိုမှ သူတို့မချိတ်ဆက်မိခဲ့ပါဘူး။ ကလေးမလေးနှစ်ယောက်ထဲက တစ်ယောက်ဖြစ်တဲ့ ဂျွိုင်းက ထွက်ပြေးပြီး လွတ်လာတဲ့အချိန် ဂျွိုင်းက ဒိုဗာကို "ဦးလေး အဲဒီမှာရှိခဲ့တယ်"လို့ ပြောမှပဲ ဒိုဗာက ဟော်လီဂျုန်းကို ကွင်းဆက်မိသွားသလို လိုကီကလည်း ဒိုဗာရှိမယ်ထင်တဲ့နေရာနောက်လိုက်ရင်း အဲလက်စ်ဂျုန်းကို တွေ့လို့ ရဲမှူးခိုင်းတဲ့အတိုင်း ဟော်လီဂျုန်းဆီသွားရင်းမှ ပုံကလည်ဆွဲကိုတွေ့သလို ကလေးကိုဆေးထိုးနေတာကိုလည်း လက်ပူးလက်ကြပ်မိခဲ့တာပါပဲ။ တော်တော်လေး မချင့်မရဲဖြစ်စရာကောင်းတဲ့ တည်ဆောက်ပုံနဲ့ thrillerအရသာအပြည့်ထွက်အောင် လုပ်သွားတဲ့ Villeneuveနဲ့ ဇာတ်ညွှန်းဆရာ Aaron Guzikowskiကို ဆလံပေးရမှာပါပဲ။ တစ်ချိန်လုံး အားမလိုအားမရဖြစ်စရာတွေ စိတ်ထဲမချင့်မရဲဖြစ်ချင်စရာတွေနဲ့ပဲ အသက်ဆက်သွားခဲ့တဲ့ ဒီကားဟာ အဆုံးထိလည်း ဒီလိုပဲ လုပ်သွားခဲ့ပါတယ်။ အရှိန်ကုန်တင်လိုက်တယ်လို့တောင် ပြောလို့ရတယ်။ လိုကီဟာ တွင်းထဲအပိတ်ခံထားရတဲ့ ဒိုဗာဝီစီမှုတ်တဲ့အသံ သဲ့သဲ့ကို‌တော့ ကြားလိုက်သလိုလိုဖြစ်နေတဲ့ အခန်းနဲ့ အဆုံးသတ်သွားခဲ့တာပါ။ တွေ့မတွေ့တော့ မပါတော့ပါဘူး။ တွင်းထဲက ဒိုဗာကို လိုကီတွေ့မလား မတွေ့ဘူးလားဆိုတဲ့ မသေချာမှုနဲ့ အဆုံးသတ်သွားခဲ့တာက ပရိသတ်တွေအတွက် စိတ်ထဲ မကျေမလည်ဖြစ်ချင်စရာ ကောင်းနေတယ်။ ဒါပေမဲ့ Screenrantက ဆောင်းပါးထဲတော့ Prisonersလို ရုပ်ရှင်မျိုးဟာ လုံးဝသေချာနေတဲ့ Happy Endingနဲ့ အဆုံးသတ်ရင် ကြောင်တောင်တောင်ဖြစ်သွားမယ်လို့ ဆိုပါတယ်။ သူ့စကားကို တွေးကြည့်တော့ ဟုတ်လည်းဟုတ်ပါတယ်။ ဒီလိုမဟုတ်ပေမဲ့ လူပျောက် ပြန်တွေ့ ပျော်စရာဇာတ်သိမ်းနဲ့ အဆုံးသတ်သွားတဲ့ကားတွေ ကျွန်တော်တို့ကြည့်ခဲ့ဖူးပါတယ်။ နည်းနည်းပေါနေတဲ့ ကားတွေ ဖြစ်နေတတ်တာလည်း များသလို ဒီကားရဲ့အဆုံးသတ်ကို မိသားစုပြန်ပေါင်းစည်းကြလေသတည်းဆိုပြီး ကိုယ့်ဘာသာတွေးကြည့်တော့လည်း အခုအဆုံးသတ်လို အရသာရှိမနေပြန်ပါဘူး ဒီတိုင်းသာ အကောင်းဆုံးလို့ပဲ သူ့စကားအတိုင်း ထောက်ခံရမှာပါပဲ။ တစ်ချိန်တည်းမှာပဲ ဒိုဗာအတွက် စိတ်မကောင်းဖြစ်စရာကောင်းသလို တစ်ဖက်မှာလည်း ဒိုဗာ အဲလက်စ်အပေါ်လုပ်ခဲ့တဲ့ လုပ်ရပ်တွေအရ ဖြစ်သင့်လို့ဖြစ်လာတယ်လို့ ထင်ချင်စရာလည်း နည်းနည်းကောင်းတယ်။ ဒါပေမဲ့ ကျွန်တော့်အမြင်တော့ ဒိုဗာမမှားခဲ့ပါဘူး။ အဲလက်စ်ဟာ ၁၀နှစ်ကလေးဉာဏ်ရည်ပဲရှိသလို အပြစ်ကင်းတယ်လို့ အဆုံးမှာ ကောက်ချက်ချခဲ့ပေမဲ့ တကယ်တမ်း ဟော်လီဂျုန်းစကားအတိုင်းဆို အဲလက်စ်ဟာ ဟော်လီဂျုန်းဆီ ကလေးတွေကို မခေါ်သွားခဲ့ရင် ကလေးတွေအဖမ်းမခံရပါဘူး။ ဟော်လီဂျုန်းကတော့ အဲလက်စ်ဟာ ကလေးတွေကို ခေါ်ပဲခေါ်လာတာ လက်ဖျားနဲ့တောင် မထိခဲ့ဘူးလို့ ဒိုဗာ့ကို ကျင်းထဲ ပစ်မချခင်ပြောခဲ့ပါတယ်။ ဒါကလည်း ဒိုဗာ့ကို အပြစ်ရှိစိတ်ဝင်စေချင်လို့ပဲ ဖြစ်နိုင်ပါတယ်။ ကြောက်လို့ပဲဖြစ်ဖြစ် စိတ်မနှံ့လို့ပဲဖြစ်ဖြစ် ဟော်လီဂျုန်းဆီမှာ ရှိနေတာသိသိနဲ့ ဟော်လီဂျုန်းကို သူလုံးဝမဖော်ခဲ့တဲ့အချက်ကလည်း တကယ်မပြောတတ်လို့ပဲဆိုဆို အပြစ်ကင်းတယ်လို့ မထင်ရပြန်ပါဘူး။ အပြစ်ကင်းနေရင်တောင် ချုပ်ထားခဲ့တဲ့ ဒိုဗာမမှားခဲ့ပါဘူး။ ဟော်လီဂျုန်းက အဲလက်စ်မရှိလို့ သူအထီးကျန်လွန်းလို့ ကလေးတွေကို ကျင်းထဲကနေ ထုတ်ပေးခဲ့တယ်လို့ ပြောခဲ့ပါတယ်။ ဒိုဗာသာ အဲလက်စ်ကို မချုပ်ထားခဲ့ရင် ဂျွိုင်းလည်း လွတ်လာမှာမဟုတ်သလို သူတို့လည်း ဘယ်တော့မှ တွေ့တော့မှာမဟုတ်ပါဘူး။ ဒိုဗာရဲ့လုပ်ရပ်တွေဟာ လွန်ကျူးခဲ့ပေမဲ့ မမှားခဲ့လို့ ဒီကံကြမ္မာနဲ့ မထိုက်တန်ခဲ့ပါဘူး။ ဝမ်းနည်းစရာကောင်းတာက ဒီအမှုကို တကယ်တမ်းဖြေရှင်းလိုက်တာက ဒိုဗာဖြစ်ခဲ့ပေမဲ့ သူ့သမီးက လိုကီ့ဆီလာလည်တော့ သူ့အ‌မေက သူ့သမီးက သူ့သူရဲကောင်းကိုလာတွေ့တာလို့ပြောခဲ့တာပါပဲ။ တကယ်တမ်း သူလွတ်လာတဲ့ အကျိုးဆက်ဖြစ်လာစေခဲ့တဲ့ အကြောင်းတရားဖြစ်ခဲ့တဲ့ သူ့သူရဲကောင်းအစစ်ဖြစ်ခဲ့တဲ့ သူ့အဖေကတော့ လူဆိုးသက်သက်ဖြစ်သွားသကိုး။ သူ့အဆုံးသတ်က လိုကီက ဒိုဗာကိုတွေ့မတွေ့က မရေမရာဖြစ်နေပေမဲ့ ကျွန်တော်တော့ တွေ့မယ်လို့ပဲ မြင်ပါတယ်။ အားလုံးထွက်သွားပြီး မီးတွေပါအမှောင်ချသွားခဲ့တဲ့ ညလယ်ခေါင်နားမှာ ဒိုဗာဟာ ဒီအသံကို ကျိန်းသေရှာတွေ့မှာပါပဲ။ ဘာလှုပ်ရှားမှုမှမရှိတော့တဲ့ ညနက်ရဲ့ တိတ်ဆိတ်တဲ့ဓာတ်ဟာ အသံ အရွေ့အနံ့စသဖြင့် အပြောင်းအလဲသေးသေးလေးတွေကိုတောင် တော်တော်ထင်းစေတဲ့ ဓာတ်မျိုးပါပဲ။ ဒီတိုင်း အရာအားလုံးတိတ်နေငြိမ်နေလို့ ထင်ရှားသွားတယ်ဆိုတာထက် သူ့ဓာတ်မှာကို တစ်ခုခုရှိနေသလို ကျွန်တော်တော့ ခဏခဏခံစားမိဖူးတယ်။ ဒီတော့ တွေ့ကိုတွေ့မယ်လို့ပဲ ယုံပါတယ်။ ရုပ်ရှင်ရဲ့ အကျဉ်းသားများဆိုတဲ့ နာမည်ကိုတော့ Screenrantက အဓိဇာတ်ကောင်၂ကောင် သူတို့ကိုယ်တိုင်အကျဉ်းသားဖြစ်လာတဲ့ အကျိုးဆက်နဲ့ ရင်ဆိုင်လာရတာကိုပြောချင်တာလို့ အဓိပ္ပာယ်ကောက်ထားပါတယ်။ ဒိုဗာကလည်း သူ့သမီးကိုရှာဖို့ သူ့လူသားဆန်မှုကို ကျောခိုင်းပြီး သောကတွေရဲ့ အကျဉ်းသားဖြစ်လာခဲ့သလို နောက်ဆုံးမှာ ကျင်းထဲမှာ အကျဉ်းသားဖြစ်သွားရတယ်။ လိုကီကလည်း ကလေးတွေကိုရှာဖို့ အရမ်းစိတ်စွဲနေတာကြောင့် သူ့အမှုမှာ သူပိတ်မိပြီး သူ့အမှုရဲ့အကျဉ်းသားဖြစ်ခဲ့ပေမဲ့ အန်နာကိုကယ်ပြီး ဒီအကျဉ်းထဲက ထွက်လာနိုင်ခဲ့တယ်ဆိုပါတယ်။ ဒါပေမဲ့ ကျွန်တော်တော့ ဒိုဗာကိစ္စက သူ့အတွက် မတင်မကျဖြစ်နေသေးတာမို့ ဒိုဗာကိုရှာမတွေ့မချင်း ဒီအမှုမှာ လိုကီဟာ အကျဉ်းသားဖြစ်နေဦးမယ်လို့မြင်တယ်။ ဒိုဗာကို လိုကီတွေ့ခဲ့ရင်တော့ နှစ်ယောက်စလုံး အကျဉ်းသားဘဝက လွတ်မြောက်သွားမှာပါ။ တစ်နည်းပြောရရင် ဝင်္ကပါထဲက လွတ်သွားမှာပါ။ ဒိုဗာကို လိုကီမတွေ့ခဲ့ရင်တော့ နှစ်ယောက်စလုံး အကျဉ်းသားအဖြစ် ကျန်ရှိနေမှာပါပဲ။ ဘယ်လိုဖြစ်စေချင်လဲကတော့ ထုံးစံအတိုင်း ကျွန်တော်တို့ရဲ့ လွတ်လပ်ခွင့်ပေါ့။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။) File size…(5.6 GB)/(1.8 GB )/(1.3 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:33:00 Subtitle….Myanmar Subtitle (Hardsub) Encoder….Ka Naung Translated by WiRa Aung

Let Me In (2010) IMDB : 7.1 Rotten Tomatoes : 89% Genre : Horror / Fantasy Let Me In (2010) ကတော့ နာမည်ကြီး ဒါရိုက်တာတစ်ယောက်ဖြစ်တဲ့ Matt Reeves ရဲ့ လက်ရာတစ်ပုဒ်ဖြစ်ပါတယ်။ ၂၀၀၄ ခုနှစ်ထွက် စာရေးဆရာ John Ajvide Lindqvist ရဲ့ Let the Right One In ကို အသက်သွင်းထားတဲ့ ဒုတိယမြောက်ရုပ်ရှင်ဖြစ်ပြီး တော်တော်လေးကို ကြည့်လို့ကောင်းတယ်လို့ဆိုရပါမယ်။ ဒီရုပ်ရှင်က Horror / Fantasy ဆိုပေမဲ့ Romance Genre ကိုပါ ထည့်သွင်းထားတာကြောင့် ရင်ထဲမှာ စွဲကျန်စေခဲ့တဲ့ ရုပ်ရှင်တစ်ကားဆိုလည်းမမှားပါဘူး။ ဇာတ်ညွှန်း လူတစ်ယောက် ဆေးရုံကိုရောက်လာခဲ့တယ်။ ရဲတစ်ယောက်လည်း နောက်ကလိုက်လာတယ်။ ဘာသာရေးဂိုဏ်းတစ်ခုခုနဲ့ ဆက်နွယ်နေလားလို့ မေးခွန်းထုတ်ဖို့ ကြံနေတုန်းမှာ မထင်မှတ်ထားတာ တစ်ခုဖြစ်ခဲ့တယ်။ အဲဒီလူမှာ သမီးလေးတစ်ယောက်ရှိတယ်တဲ့… အိုဝင်ဆိုတာကတော့ ကျောင်းမှာ ကျောင်းသားချင်းအနိုင်ကျင့်ခံနေရတဲ့ ကောင်လေးတစ်ယောက်ဖြစ်ပါတယ်။ အိမ်ပြန်လာတော့လည်း အမေပဲရှိတယ်။ အမေကလည်း အဖေနဲ့ ကွဲကွာဖို့ကြံနေတယ်။ ဆိုတော့ အိုဝင်က ငယ်ဘဝ စိတ်ဒဏ်ရာဆိုတဲ့ ခေါင်းစဉ်အောက်က အချက်တော်တော်များများနဲ့သွားကိုက်ညီနေတယ်။ တစ်ရက်မှာတော့ သူအက်ဘီဆိုတဲ့ကောင်မလေးတစ်ယောက်နဲ့ဆုံခဲ့တယ်။ အက်ဘီက သူ့အိမ်နားကိုပြောင်းလာတဲ့ ကောင်မလေးတစ်ယောက်။ သူနဲ့အတူ သူ့အဖေလည်းပါလာခဲ့တယ်။ ဒါပေမဲ့ အက်ဘီမှာလျှို့ဝှက်ချက်ရှိတယ်။ သူ့အဖေမှာလည်း လျှို့ဝှက်ချက်ရှိတာပဲ။ အရိုးခံနဲ့ အိုဝင်တစ်ယောက်သာ ဘာမှမသိခဲ့တာ။ ဒီလိုနဲ့ အိုဝင်နဲ့အက်ဘီ သူငယ်ချင်းဖြစ်ခဲ့တယ်။ ခက်တာက အိုဝင်မသိတဲ့အချက်တွေ အများကြီးရှိသေးတယ်။ ကျောင်းမှာကလည်း အနိုင်ကျင့်တဲ့လူတွေကရှိနေပြန်တယ်။ ဘယ်လိုမျိုး ဖြစ်သွားမှာလဲဆိုတာကို ကြည့်ရှုခံစားကြည့်လိုက်ကြပါခင်ဗျာ။ ဇာတ်လမ်းလေးကလည်း ဆန်းတာမလို့ ရင်ထဲမှာ စွဲငြိပြီးကျန်ခဲ့မှာသေချာပါတယ်။ အိုဝင်အဖြစ်မင်းသား Kodi Smit-McPhee အက်ဘီအဖြစ် ငယ်ဘဝက အချစ်တော်မင်းသမီးလေး (ခုထိလည်းချစ်တုန်း) Chloë Grace Moretz ဘူလီကောင်အဖြစ် 13 Reasons Why ထဲက မင်းသား Dylan Minnette တို့က သရုပ်ဆောင်ထားကြပါတယ်။ File size… 1.16 GB/ 650 MB Quality… BluRay 1080p & 720p Format… mp4 Duration…. 1h 56m Genre .....Horror / Fantasy / Romance Subtitle…. Myanmar Subtitle (Hard Sub)