Dylan Smith ပါဝင်သော ဇာတ်ကားများ

IMDb Rating - 7.4/10 The Forgotten war ဆိုတဲ့ နာမည်လေးအတိုင်း သမိုင်းတွင်ခဲ့ပေမဲ့ သမိုင်းစာမျက်နှာထက်မှာ အကျယ်တဝင့်ဖော်ပြခြင်းမခံခဲ့ရတဲ့ စစ်ပွဲလေးအကြောင်းကိုအခြေတည်ရိုက်ထားတဲ့ဇာတ်ကားလေးပါ။ D-Day လိူ့ဆိုလိုက်တာနဲ့ မဟာမိတ်တွေ ဂျာမာန်တွေကိုအနိုင်ယူခဲ့တဲ့ နောမန်ဒီကမ်းတက်စစ်ပွဲကြီးကို တစ်ခါတည်းတွဲမြင်တတ်ကြပါတယ်။ ဒါပေမဲ့ အဲ့ဒီစစ်ပွဲကြီးဖြစ်တည်ဖို့ လမ်းဖောက်ပေးခဲ့တဲ့ Scheldt တိုက်ပွဲလေးအကြောင်းကိုတော့ လူတွေသိပ်မသိခဲ့ကြပါဘူး။ နော်မန်ဒီတိုက်ပွဲအတွက် ရိက္ခာလက်နက်ထောက်ပံ့ပို့ရန်ဆိပ်ကမ်းတစ်ခုအသည်းအသန်လိုအပ်နေခဲ့တဲ့ မဟာမိတ်တွေဟာ ဘယ်ဂျီယံနိုင်ငံထဲက Antwerp ဆိပ်ကမ်းလေးကိုတွေ့ရှိပြီး စစ်သင်္ဘောတွေဆိုက်ကပ်နိုင်ဖို့ ကြိုးစားခဲ့ပါတယ်။ ဒါပေမဲ့ Scheldt မြစ်ကြောင်းတစ်လျှောက်မှာ ဂျာမာန်တွေကခြေကုပ်ယူထားတဲ့အခါမှာတော့.... ဒီဇာတ်ကားလေးဟာ Scheldt တိုက်ပွဲမှာအောင်ပွဲဆင်နိုင်ဖို့ လူမသိသူမသိအညတရသူရဲကောင်းလေးတွေရဲ့ ကိုယ်စီအားထုတ်ကြိုးစားခဲ့မှုလေးတွေ အခက်အခဲတွေကိုဖြတ်ကျော်ခဲ့ရပုံတွေကို အလေးပေးရိုက်ကူးထားတဲ့ စစ်ကားကောင်းလေးတစ်ကားပါ။ ဒီကားထဲမှာ Tom Felton (harry potter ထဲမှ မက်ဖွိုင်း) လည်း ပါဝင်ထားပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူများကတော့ Chit Tee ပဲဖြစ်ပါတယ်။) Quality – 1080p, 720p, WebRip Duration - 2hr 04min Subtitle – Myanmar Hardsub Format – Mp4 Genre : Drama, War Source : 1080p.WebRip Translator – Chit Tee Encoder - SWM

Maze Runner: The Death Cure (2018) IMDb.....6.3 ဒီ Maze Runner 3 မှာတော့  ​ပထမ၂ကားထဲက လွတ်​​မြောက်​လာကြတဲ့​​ ကောင်​​လေးတွေထဲက သောမတ်စ်က လွတ်​​မြောက်​လာတဲ့ လူ​တွေကို စုစည်းပြီး သူ့သူငယ်​ချင်း​တွေကို ကယ်​ဆယ်​ဖို့ ရည်ရွယ်ကာ အဖွဲ့တစ်ဖွဲ့ကို တည်ထောင်ခဲ့ပါတယ်။ ဒီလိုနဲ့ တစ်​ရက်​မှာ မလွတ်​​သေးဘဲ ကျန်​​နေခဲ့​သေးတဲ့ သူ့သူငယ်​ချင်းတွေကို တင်​​ဆောင်​လာတဲ့ ရထားကို ဖြတ်​တိုက်​ပြီး​တော့ ကယ်​ဖို့ကြိုးစားရင်း မ​အောင်​မြင်​ဘဲ သောမတ်စ်တစ်ယောက် သူ့ရဲ့ အဖွဲ့နဲ့အတူ Cranks(Zombie)​ တွေရှိနေတဲ့ လိုဏ်ခေါင်းထဲကို ရောက်သွားပြီး အန္တာရယ်တွေနဲ့ ရင်​ဆိုင်​ကြရပြန်ပါတော့တယ်.. သူတို့ထဲကမှ ဒီဖုတ်​​ကောင်​ကူးစက်​တဲ့​ရောဂါကို ခံနိုင်​ရည်​ရှိတာက​တော့ မင်​ဟိုဆိုတဲ့ ​ကောင်​​လေးပါ.. ဒီလိုနဲ့ မင်​ဟိုကို ​ဖြေ​ဆေး​ဖော်​ဖို့ The Last City မြို့က လူ​တွေက လိုက်​ဖမ်းရင်း ​နောက်​ဆုံးမှာ သူတို့ ဘယ်​လို​တွေဖြစ်​ကြမလဲ.. ဖုတ်​​ကောင်​​တွေရန်​က​ရော ကာကွယ်​နိုင်​ပါ့မလား.. Maze ထဲကလွတ်​​မြောက်​လာတဲ့ ပထမဆုံး Runner ​တွေက​ရော ဘာအတွက်​ ​ထွက်​​ပြေး​နေရတာလဲ.. ဆိုတာကို​တော့ ကိုယ်တိုင်ကိုယ်ကျပဲ ဆက်​လက်ရှုစားလိုက်ပါဦး.. (ဘာသာပြန်သူကတော့ ကို အာကာဖြိုး ပါ) File Size : 2.65GB/ 1.29GB Quality : Blu-Ray 1080p 5.1 CH/720p Format…mp4 Duration…02:24:00 Genre : Action, Mystery, Sci-Fi Subtitle : Myanmar Subtitle (Hard Sub) Translated by Arkar Phyo Encoded by Tiff

တွမ်ခရုဇ် အဓိကပါဝင်ထားတဲ့ The Mummy မှာ ခရူးဆိတ်စစ်ပွဲဝင် သူရဲကောင်းတစ်ဖွဲ့ဟာ အေဒီ ၁၁၂၇ ခုနှစ်က ရှေးဟောင်းအီဂျစ်နိုင်ငံဆီက ပတ္တမြားကြီးတစ်လုံးကို ရခဲ့ပြီး ဂူတစ်ခုထဲမှာ အမှတ်အသားနဲ့ မြှုပ်နှံထားခဲ့ပါတယ်။ ယနေ့ခေတ် လန်ဒန်မြို့မှာ မြေအောက်ရထားလမ်းဖောက်နေတဲ့ လုပ်သားတွေက အဲဒီသူရဲကောင်းတွေရဲ့ဂူကို တွေ့သွားတယ်။ ဂူထဲက ထူးဆန်းတဲ့အရာတွေနဲ့ အမှတ်အသားတစ်ခုကို စူးစမ်းရာကနေ ဖာရိုးဘုရင်တစ်ပါးရဲ့သမီး အာမာနက်မင်းသမီးအကြောင်း ပေါ်လာပါတယ်။ အာမာနက်ဟာ မူလက ထီးနန်းဆက်ခံရမယ့်သူဖြစ်ပေမယ့် ခမည်းတော်ရဲ့ ဒုတိယဇနီးက သားတော်မွေးလာတဲ့အခါ အဲဒီအခွင့်အရေးကို လက်လွှတ်ရမယ့်အခြေအနေ ဖြစ်သွားတယ်။ သူသာ ထီးနန်းဆက်ခံရမယ်လို့ ဆုံးဖြတ်ထားတဲ့ အာမာနက်က အီဂျစ်နတ်ဘုရား ဆက်ဆီ သူ့ဝိညာဉ်ကို ယစ်ပူဇော်ခဲ့ပါတယ်။ အဲဒီနောက် ခမည်းတော်နဲ့ မိသားစုကို သတ်ပစ်ပြီး ဆက်ကို လူသားအသွင်နဲ့ ပေါ်လာစေဖို့ သူ့ချစ်သူကိုပါ စတေးခဲ့တယ်။ ဘုန်းတော်ကြီးတွေကတော့ အာမာနက်ကို အရှင်လတ်လတ် မြှုပ်နှံပြီး ဂူပတ်လည်မှာ ပြဒါးတွေ ဝန်းရံထားခဲ့ပါတယ်။ ယနေ့ခေတ် အီရတ်နိုင်ငံမှာ အမေရိကန်စစ်တပ်အရာရှိ နစ်မော်တန်နဲ့ လုပ်ဖော်ကိုင်ဖက် ခရစ္စဗေးလ်တို့က အာမာနက်ရဲ့ဂူကို မထင်မှတ်ဘဲ ရှာတွေ့သွားတယ်။ နစ်ရဲ့ချစ်သူဟောင်း ရှေးဟောင်းသုတေသနပညာရှင် ဂျန်နီဟာလ်ဆေလည်း ရောက်လာပြီး ဂူကို စူးစမ်းခဲ့ပါတယ်။ နောက်တော့ ကာနယ်ကရင်းဝေးရဲ့ ညွှန်ကြားချက်နဲ့ အာမာနက်ရဲ့အခေါင်းကို ဆက်လေ့လာဖို့ အင်္ဂလန်ဆီ လေယာဉ်နဲ့ သယ်သွားကြတယ်။ ခရီးမှာ ဗေးလ်က အခေါင်းထဲက ပင့်ကူကိုက်ခံရပြီး မကောင်းဆိုးဝါးပူးကပ်ကာ အခေါင်းကို ဖွင့်ဖို့ ကြိုးစားလာပါတယ်။ လေယာဉ်ကိုလည်း ကျီးအုပ်ကြီး ဝင်တိုးလို့ ပျက်ကျသွားတယ်။ နစ်က ဂျန်နီကို လေထီးနဲ့ လွှတ်ပေးနိုင်ခဲ့ပေမယ့် သူကိုယ်တိုင်တော့ လေယာဉ်နဲ့အတူ ပါသွားခဲ့ပါတယ်။ အောက်စဖို့ဒ်က ရင်ခွဲရုံကို ရောက်သွားတဲ့ နစ်ဟာ နောက်တစ်နေ့မှာ အသက်ပြန်ရှင်လာတယ်။ ဗေးလ်ကလည်း အာမာနက်ရဲ့အစွမ်းကြောင့် မကောင်းဆိုးဝါးအဖြစ် ပြောင်းလဲသွားခဲ့တာပါ။ အာမာနက် လွတ်မြောက်လာပြီး သူ့အစွမ်းတွေနဲ့ ဒုက္ခပေးလာတဲ့အခါ နစ်နဲ့ ဂျန်နီတို့ သူမကို ဘယ်လိုရင်ဆိုင်ကြမလဲ၊ ပြန်ထိန်းချုပ်နိုင်ပါ့မလားဆိုတဲ့ အခြေအနေကို ရောက်လာပါတယ်။ တွမ်ခရုဇ်နဲ့အတူ အန်နာဘဲလ်ဝေါလစ်၊ ဆိုဖီယာဘိုတယ်လာ၊ ဂျိတ်ဂျွန်ဆင်နဲ့ ကော့တနီဘီဗန့်စ်တို့ ပါဝင်သရုပ်ဆောင်ထားပါတယ်။

Spectral (၂၀၁၆) ဟာ Netflix ကနေ ထုတ်လွှင့်ခဲ့တဲ့ Sci-Fi/Action ဇာတ်ကားကောင်း တစ်ကားဖြစ်ပါတယ်။ စစ်ပွဲတွေ၊ သိပ္ပံပညာနဲ့ သဘာဝလွန်ဖြစ်ရပ်တွေကို ပေါင်းစပ်ထားတဲ့ ဇာတ်ကားမျိုး ကြိုက်တတ်ရင်တော့ ဒါက သင့်အတွက်ပါပဲ။ "Black Hawk Down" နဲ့ "Ghostbusters" ကို ပေါင်းထားသလို ခံစားရပါလိမ့်မယ်။ ဇာတ်လမ်းက စစ်ပွဲတွေဖြစ်နေတဲ့ မော်လ်ဒိုဗာ (Moldova) နိုင်ငံမှာ စတင်ပါတယ်။ အဲ့ဒီမှာရှိတဲ့ အမေရိကန်စစ်သားတွေကို မျက်စိနဲ့မမြင်ရတဲ့ သရဲလိုလို ဘာလိုလို အရာတွေက လိုက်လံသတ်ဖြတ်နေပါတယ်။ သာမန်လက်နက်တွေနဲ့ ပစ်ခတ်လို့မရဘဲ ထိလိုက်တာနဲ့ ချက်ချင်းသေဆုံးသွားစေတဲ့ ဒီလျှို့ဝှက်ချက်ကို ဖော်ထုတ်ဖို့ DARPA က အင်ဂျင်နီယာတစ်ယောက်ကို စစ်မြေပြင်ဆီ ခေါ်ယူလိုက်တဲ့အခါ ဘာတွေဆက်ဖြစ်မလဲဆိုတာ စိတ်ဝင်စားစရာ ကြည့်ရှုရမှာပါ။ သရဲတစ္ဆေတွေကို ရိုးရာယုံကြည်မှုတွေနဲ့ မဟုတ်ဘဲ သိပ္ပံပညာ (Bose-Einstein condensate) ကို အသုံးပြုပြီး ရှင်းပြသွားတဲ့ Concept က တော်တော်လေး ဆန်းသစ်ပါတယ်။ Visual Effects (VFX) တွေက တော်တော်လေး ကြည့်ကောင်းပါတယ်။ မျက်စိနဲ့မမြင်ရတဲ့ အကောင်တွေကို ပုံဖော်ထားတာ မိုက်သလို၊ Action အခန်းတွေကလည်း ဂိမ်းတစ်ခု ဆော့နေရသလို ခံစားချက်မျိုး ပေးစွမ်းနိုင်ပြီး အစအဆုံး ဆွဲဆောင်ထားနိုင်ပါတယ်။ သိပ္ပံပညာရှင်က ပစ္စည်းအဟောင်းတွေကိုသုံးပြီး အမြင်အာရုံခံ မှန်ပြောင်းတွေ၊ လက်နက်တွေ အမြန်တီထွင်တဲ့ အခန်းတွေက Sci-Fi ပရိသတ်တွေအတွက်တော့ တကယ့်ကို သဘောကျစရာပါ။ အချုပ်ပြောရရင်တော့ Spectral ဟာ အချိန်ပေးပြီး ကြည့်ရကျိုးနပ်တဲ့ ရုပ်ရှင်ကောင်းတစ်ကားပါ။ ပြီးပြည့်စုံတဲ့ ဂန္ထဝင်လက်ရာကြီး မဟုတ်ပေမယ့် Action, Sci-Fi ဇာတ်ကားတွေကို အပန်းဖြေကြည့်ချင်တဲ့ သူတွေအတွက်တော့ ၁၀၈ မိနစ်လုံးလုံး ပျင်းဖို့အချိန်မရလောက်အောင် ဖျော်ဖြေပေးနိုင်မယ့် ဇာတ်ကားတစ်ကား ဖြစ်ပါတယ်။ File size…1.6 GB/ 800 MB Quality… Blu- ray 1080p/ 720p Format… mp4 Duration…. 1h 49m Genre ..... Adventure, Action , Sci-Fi Subtitle…. Myanmar Subtitle (Hard Sub)

Forsaken (2015) IMDB - 6.4 နာမည်ကြီးသရုပ်ဆောင် Kiefer Sutherland ရဲ့ ဇာတ်ကားကောင်းလေးတစ်ကားပါ။ ဇာတ်လမ်းအကျဉ်းက နာမည်ကြီးသေနတ်သမား ဂျွန်ဟန်နရီက 10 နှစ်ကြာပြီးတဲ့နောက်မှာ သူ့မွေးရပ်မြေဖြစ်တဲ့ Fowler ဆိုတဲ့မြို့လေးကို ပြန်ရောက်လာတယ်။ အတိတ်တုန်းကတိုက်ပွဲမှာ ရက်စက်စွာသတ်ဖြတ်ခဲ့တဲ့ သူ့စွမ်း‌ဆောင်ရည်တွေကြောင့် သူပြန်ရောက်‌ရောက်ချင်းမှာ မြို့သူမြို့သားတွေဟာ အံ့ဩထိတ်လန့်မိကြသလို သူတို့အတွက် မျှော်လင့်တစ်ခုရှိလာပြီဆိုတဲ့ ခံစားချက်မျိုးလည်းရှိနေကြတယ်။ အကြောင်းကတော့ မက်ကာဒီဆိုတဲ့လူက လယ်မြေတွေကို မြို့သူမြို့သား‌တွေဆီက အတင်းအဓ္ဓမဝယ်နေတယ်။ မရောင်းချင်တဲ့သူတွေကို သူ့အောက်က လက်မရွံသေနတ်သမားတွေနဲ့ ဖြေရှင်းခိုင်းတယ်။ ဘယ်သူကမှ မက်ကာဒီနဲ့ ရင်မဆိုင်ချင်ကြဘူး။ အကြောင်းတစ်စုံတစ်ရာကြောင့် သေနတ်ကို ရာသက်ပန်စွန့်လွှတ်ထားတဲ့ ဂျွန်ဟင်နရီဟာ မက်ကာဒီကြောင့် သေနတ်ပြန်ကိုင်ရတော့မယ်အခြေအနေကိုရောက်လာတဲ့အခါမှာတော့... (အညွှန်းကို Tin Myo Lwin မှ ရေးသားထားပါတယ်) File size…1.35GB / 588MB Quality… BluRay 1080p/ 720p Format…mp4 Duration….1h 31m Genre ….. Western, Action, Drama Subtitle….Myanmar Subtitle (Hard Sub) Translated by Tin Myo Lwin Encoded by AHtet

Total Recall (2012) Extended Cut လူသားတစ်ယောက်ခြင်းစီ လိုက်လံရှာဖွေရတဲ့ ပဟေဠိဆိုတာက ကိုယ့်ကိုယ်ကိုယ် ဘယ်သူလဲဆိုတဲ့ မေးခွန်းပါပဲတဲ့။ အဲဒါရဲ့အဖြေဟာ အတိတ်မှာ မရှိပါဘူး၊ လက်ရှိ ပစ္စုပ္ပန်မှာပဲ ရှာတွေ့နိုင်ပါတယ်တဲ့။ ဒီတော့ ကိုယ်ဟာ ဘာကောင်ကြီးဖြစ်တယ်ဆိုတာ အခု ကိုယ်လက်ရှိဖြစ်နေတဲ့ အချိန်ကိုပဲ ကြည့်ပြီး ပြောရမှာလို့ ဆိုလိုတာပေါ့ဗျာ။ အတိတ်က ရွှေထီးဆောင်းခဲ့ဖူးရုံနဲ့ အခုလက်ရှိမှာ ငါက အကောင်ကြီးလို့ မပြောနိုင်သလို အတိတ်က ဆိုးမိုက်ခဲ့သမျှတွေဟာလည်း အခုအချိန် ဆက်မဖြစ်တော့ဘူးဆိုရင် နှိမ့်ချဆက်ဆံခံရစရာ မလိုပါဘူး။ ပြင်လို့မရတဲ့ အမှားမျိုးကတော့ ချွင်းချက်ပါ။ အခုတင်ဆက်ပေးမယ့်ကားကတော့ Total Recall ပါ။ အဲဒီနာမည်က ကျွန်တော်တို့လို ၈၇/၈၈ ပတ်ချာလည်မွေးတဲ့သူတွေအတွက်တော့ ရွှေရောင်အမှတ်တရတစ်ခုပေါ့။ အဲဒီတုန်းကတော့ မင်းသားကြီး Arnold Schwarzenegger (အာနိုး) ပါ။ ၁၉၉၀ ခုနှစ်မှာ ရိုက်ကူးတဲ့ အဲဒီဇာတ်လမ်းမှာတော့ ကမ္ဘာနဲ့ ဗုဒ္ဓဟူးဂြိုလ် (Mars) နဲ့အသွားအပြန်လုပ်ရတဲ့ အကြောင်းဖြစ်ပါတယ်။ ဂြိုလ်သားတွေလည်း ပါတာပေါ့။ အခုတင်ဆက်ပေးမှာကတော့ Extended Cut Version ဖြစ်ပြီး 2012 မှာ ရိုက်ကူးရုံတင်ခဲ့တဲ့ Remake ဇာတ်ကားပါ။ မင်းသား Colin Farrell က အဓိကဇာတ်ဆောင်မင်းသားအဖြစ် သရုပ်ဆောင်ထားပါတယ်။ ဇာတ်လမ်းကျောရိုးတစ်ခုလုံး တူရုံတင်မက အဓိကဇာတ်ဆောင် နာမည်များဖြစ်တဲ့ "ဒေါက်ဂ် ကွေ့ဒ်" ၊ "ကားလ် ဟောက်ဇာ" ၊ "ကိုဟေဂန်" ၊ "မယ်လီနာ" ၊ "လော်ရီ" တွေကို အတူတူပြန်သုံးထားပါတယ်။ ဒီဇာတ်ကားမှာတော့ ဗုဒ္ဓဟူးဂြိုလ်နဲ့ ဂြိုလ်သားတွေ မပါလာတော့ပဲ ကမ္ဘာပေါ်က နယ်မြေနှစ်ခုကို အမိုက်စား ဆက်သွယ်ရေးလမ်းကြောင်းနဲ့ ခပ်မိုက်မိုက် ပြန်တင်ဆက်ထားတာပေါ့။ ၁၉၉၀ ခုနှစ်က ဂြိုလ်သားတွေခေတ်စားပြီး ၂၀၁၂ မှာတော့ ရိုးအီလာတာကြောင့် plot ပြောင်းလိုက်တာလို့ ယူဆရပါတယ်။ ဇာတ်လမ်းအကျဉ်းကတော့ ဘဝကို ငြီးငွေ့လာတဲ့ အလုပ်သမားလေးတစ်ယောက်က ဦးနှောက်ထဲကို မှတ်ဉာဏ်အတုတွေထည့်ပေးပြီး ဖျော်ဖြေမှုပေးတဲ့ "Rekall" ဆိုတဲ့ နေရာ‌ကို သွားရောက်မိပါတယ်။ သူတို့ရဲ့ ဓာတုဗေဒဆေးတွေ ထိုးထည့်လိုက်ချိန်မှာပဲ သူ့ဘဝအမှန်က ရုတ်တရက်ပေါ်ထွက်လာပြီး သူတစ်ချိန်လုံး ထင်နေတဲ့ဘဝတစ်ခုလုံးက အတုအယောင်ဖြစ်ကြောင်း သိလိုက်ရပါလေရော။ သူ့စိတ်ထဲကို မှတ်ဉာဏ်အတုတွေ ရိုက်ထည့်ပေးလိုက်တဲ့ အဖွဲ့အစည်းက သူ့နောက်ကို အသည်းအသန် စပြီး လိုက်ပါတော့တယ်။ ဒီလိုပဲ ပြေးရင်း လွှားရင်း ဘဝမှန်ကို ဖော်ထုတ်ရင်း သူပါဝင်ပက်သက်နေတဲ့ကိစ္စက ပေါ့သေးသေးမဟုတ်ဘဲ ကမ္ဘာ့အရေးအခင်းနဲ့ သက်ဆိုင်လာတဲ့အခါမှာ ၊ လူတွေအားလုံးရဲ့တာဝန်ကို သူ့ပုခုံးပေါ် ပြောင်းတင်လိုက်ရတဲ့အခါမှာ သူဘာတွေလုပ်မလဲ။ သူဘာတွေ တွေးမလဲ ဆိုတာကို ကြည့်ရှုရပါမယ်။ နှစ်ကားလုံးကြည့်ပြီးသားဆိုရင်လည်း ပြန်ကြည့်ရတာ အရသာရှိမှာပါ။ IMDb 6.2 ဆိုတာကလည်း Science Fiction တစ်ခုအနေနဲ့ အမြင့်ဆုံး ပေးထားသလိုပါပဲ။ ပထမကားပဲ ကြည့်ရသေးတယ်ဆိုရင်တော့ အမြန်သာ ဒေါင်းလိုက်ပါ။ ဘယ်ကားမှ မကြည့်ရသေးဘူးဆိုရင်လည်း အဆက်မပါတဲ့အတွက် ကိစ္စမရှိပါဘူး။ ဒီကားကို ကြည့်ရုံနဲ့ ရပါတယ်။ အချိန်ရရင်တော့ အရင်ကားကို ပြန်ရှာ ကြည့်ပြီး ဒီကားပြန်လာကြည့်ရင် ပိုအရသာရှိပါလိမ့်မယ်။ (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 2.2GB, 1.31GB Quality - Bluray 1080p, 720p IMDb Rating - 6.2/10 Format - mp4 Duration - 2H 10Min Type - SciFi, Action Subtitle - Myanmar Subtitle (Hardsub) Translated by Arr Khun Winchester Encoded by Y

Immortals (2011) IMDb Rating - 6.0/10 #Unicode ဂရိသူရဲကောင်း သီးစီးယက်စ်ကို အားလုံးပဲသိကြမှာပါ။ သူက ဟာဂျူလီတို့လို အင်အားကြီးမားတဲ့ သူရဲကောင်းမျိုး မဟုတ်ပေမယ့် ဥာဏ်ပညာကြီးမားပြီး တိုက်ရည်ခိုက်ရည်ကောင်းတဲ့ သူရဲကောင်း တစ်ယောက်ပါပဲ။ ဒီကားဟာ ဂရိဒဏ္ဍာရီတွေပေါ် မှီငြမ်းရိုက်ကူးထားတဲ့ Fantasy အမျိုးအစားပဲ ဖြစ်ပါတယ်။ သို့ပေမယ့် ဇာတ်လမ်းကြောရိုးသာတူပြီး ငယ်ငယ်တုန်းကဖတ်ခဲ့ဖူးတဲ့ ပုံပြင်တွေနဲ့တော့ ကွဲထွက်နေမှာ အမှန်ပါပဲ။ ဇာတ်လမ်းကတော့ လူသားမျိုးနွယ်ကို ဖျက်စီးဖို့ ဘုရင်ဟစ်ပီးရီးယန်းက အစ်ပိုင်းရပ်စ်လေးတော်ကို လိုက်ရှာနေတာနဲ့ အစပြု့ထားပါတယ်။ လူသားတို့ရဲ့ အရေးကိစ္စတွေထဲ ပါဝင်ပတ်သက်ခြင်းမပြု့ရလို့ ဇူးစ်ကိုယ်တိုင်က ဥပဒေချမှတ်ထားတာကြောင့် နတ်ဘုရားတွေကိုယ်တိုင် ကလည်း ဝင်ကူညီရခက်နေကြပါတယ်။ ဒါကြောင့် ဘုရင်ကြီးဟစ်ပီးရီးယန်းကို တားဆီးနိုင်ဖို့အတွက် သီးစီးယက်စ်ရဲ့ အကူအညီကို ရယူရပါတော့တယ်...။  ဒီကားရဲ့ တင်ဆက်ပုံဟာ 300 Spartans ကားနဲ့ အတော်လေးတူညီနေတာကို သတိထားမိတယ်။ နောက်ခံတွေ တိုက်ပွဲတွေဟာ 300 ကားကိုပြန်ကြည့် နေရသလိုပါပဲ။ Fan တွေကတော့ ဂရိဒဏ္ဍာရီတွေနဲ့ အတော်လေးကွဲထွက်နေတာကို သိပ်သဘောမကျ ကြပုံပါပဲ။  ဒါပေမယ့် ကျွန်တော်တို့ရဲ့ စူပါမင်း(Man of Steel) တစ်ဖြစ်လဲ Witcher မင်းသားကြီး Henry Cavill သရုပ်ဆောင်ထားတာကြောင့် ကြည့်ရှု့သင့်တဲ့ ဇာတ်ကားစာရင်းထဲကို ထည့်ထားလိုက်ဖို့တော့ သင့်ပါတယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Kiwi ပဲဖြစ်ပါတယ်။) Quality – 1080p, 720p  BluRay Duration - 1 hr 50 min Subtitle – Myanmar Hardsub Format – Mp4 Genre : Action, Drama, Fantasy Source : 1080p.BluRay Translator – Kiwi Encoder – SWM

300 (2006) IMDb - 7.6/10 Rotten - 61% ဒီဇာတ်ကားက တကယ့်အဖြစ်အပျက်ရာဇဝင်ကို အခြေခံပြီးရိုက်ကူးထားတာပါ။ဇာတ်ကားရဲ့ အသက်ကတော့ စကားအသုံးအနှုန်းနှင့် Graphic Effect တွေပါ။ စကားအသုံးအနှုန်းတွေ တကယ်အသက်ဝင်ပြီး မာန်ပါလှပါတယ်။ ဇာတ်ညွှန်းဆိုတာထက် သမိုင်းက တကယ့်အဖြစ်အပျက်ကိုတော့ အနည်းငယ်ပြောပြချင်ပါတယ်။ ***300 (သို့မဟုတ်) Battle of Thermopylae*** ဘီစီ ၄၈၀ ခုနှစ် သြဂုတ်လတွင် ပါရှားဘုရင် ဇပ်ဇီး(စ်) (Xerxes) သည် ဂရိပြည်အား တိုက်ခိုက် ရန်အတွက် စစ်သည် နှစ်သိန်း ၊ စစ်သဘောၤတထောင်မျှ ပါဝင်သည့် ဧရာမ တပ် ကြီးနှင့် ချီ၍ လာသည်။ ထိုစဉ်က ဂရိတို့သည် (City state ) မြို့တမြို့ တနိုင်ငံ စံနစ်ဖြင့် သီးခြားစီ ရပ်တည်နေထိုင်လျက် ရှိကြသည်။ သို့သော် တမျိုးနွယ်လုံး၏ ရန်သူ ပါရှန်တို့ စစ် ချီလာပြီ ဆိုသည့် အခါ မြို့နိုင်ငံ အများစုပေါင်း ၍ ခုခံရန် ပြင်ဆင်ကြသည်။ ထိုအခါ ဂရိပြည် မြောက်ပိုင်းမှ တောင်ပိုင်းဆီ ထိုးဖောက်လာမည့် ပါရှန်စစ်ကြောင်းကြီး တခုကို စစ်ရေးစစ်ရာ အရ အချက်အချာကျသည့် သာမော်ပီလေး(Thermopylae) တောင်ကြားမှ ပိတ်ဆို့ခုခံရန် တာဝန်သည် စပါတာ မြို့နိုင်ငံခေါင်းဆောင် ဘုရင်လီယွန်နီဒပ်(စ်) နှင့် သူ့စစ်သည် တော်များထံ ကျ ရောက် လာသည်။ လီယွန်နီဒပ်(စ်) သည် လူခြောက်ထောင်ပါ တပ်တစ်တပ်ဖြင့် သာမော်ပီလေးမှ ခုခံရန် အသင့် ပြင်သည်။ သူ့တပ်တွင် လူရင်း စပါတာများအပြင် အခြားမြို့ပြ နိုင်ငံများမှ တပ်ဖွဲ့အချို့လည်း ပူးပေါင်းပါဝင်သည်။ သာမော်ပီလေးသည် လေးမိုင်ခန့်ရှည်လျားပြီး ကျဉ်းမြောင်းသည့် နေရာများ၌ အကျယ်ပေ ငါးဆယ်မျှသာ ရှိသည့် တောင်ကြားလမ်း စစ်စစ် ဖြစ်သည်။ဘေးတဖက် တချက်စီတွင် အလွန်မြင့်မောက် မတ်စောက်သော တောင်နံရံကြီးများ ကာဆီးနေသည် ဖြစ်ရာ ရန်သူသည် ဒီတောင်ကြားမှ အပ အခြားဝင်စရာ လမ်းမရှိ။ ဝင်လာလျှင် လီယွန်နီဒပ်(စ်) ၏တပ်နှင့်ရင်ဆိုင် ရလိမ့်မည်။ သည်တပ်ကို အလုံးစုံချေမှုန်း နိုင် မှ သည်လမ်းက ဖြတ်သန်း၍ ရလိမ့်မည်။ သည်တွင် လီယွန်နီဒပ်(စ်)တို့ စပါတာများအကြောင်း အနည်းငယ်ပြောချင်သည်။ စပါတာတို့သည် ရဲ ဝံ့စွန့်စားမှုအတွက် အထူးလေ့ကျင့် ထားကြသူများဖြစ်သည်။ အလွန် စည်းကမ်းကြီးသည်။ ခြိုးခြံကျပ်တည်းစွာ စားသောက်နေထိုင်နိုင်သည်။ ကိုယ်ရောစိတ်ပါ ကြံ့ ခိုင်မာကျောသည်။ စပါတာ တစ်ယောက် စစ်ထွက်ခါနီးတွင် သူကိုင်ဆောင်ရမည့် ဒိုင်းကြီးကို မိခင်ကိုယ်တိုင် က ယူဆောင်လာပေးလေ့ ရှိသည်။ ပြန်ရင် ဒီဒိုင်းကို ကိုင်ပြီး ပြန်ခဲ့။ မကိုင်နိုင်ရင်လည်း ဒိုင်းပေါ်က ပြန်လာခဲ့ဟု မှာတတ်သည်။ စစ်ပွဲမှာ အနိုင်တိုက်ပြီး အသက်ရှင်လျက် အမေ့ထံ ပြန်ခဲ့ပါ။ အကယ်၍ တိုင်းပြည်အတွက် အသက်ပေးခဲ့ရပြီ ဆိုလျှင်လည်း သူ၏ ရုပ်အလောင်းကို ဒိုင်းပေါ်တင်ကာ အတူစစ်ထွက် သည့် ရဲဘော်ရဲဘက်တွေ ထမ်းပိုးပြီး ဂုဏ်သရေ ရှိစွာ ပြန်ရောက်လာတာ မြင်ချင်ပါသည်။ ဟု ဆိုလိုခြင်းဖြစ်သည်။ သည်စကားနောက်ကွယ်တွင် အဓိပ္ပါယ်တွေ ကိန်းအောင်းနေသေး သည်။ စစ်မြေမှာ ရန်သူနှင့် ရင်ဆိုင်ရသည့်အခါ သူရဲဘောကြောင်စွာ လက်လွတ်ထွက်ပြေး သည် ။သုံ့ပန်းအဖြစ် အဖမ်းခံရပြီး ကျေးကျွန်ဘဝ ရောက်သွားသည် ။ စတာ မျိုးတွေ မကြားချင်ပါ ဟူသော သဘော။ မိခင်တွေပင် အဲသည်လို စိတ်ဓာတ်မျိုးရှိသည့် စပါတာ ။။ ထို့ကြောင့် စပါတာ မှန်လျှင် ဓားဒါဏ်ရာ၊ လှံဒါဏ်ရာကို ကျောမှာ မပြချင်။ စပါတာတွေ လေ။ ကြည့်စမ်းပါ ။ သူတို့ဒါဏ်ရာတွေ အားလုံး ရှေ့ဘက်မှာတဲ့။ ကဗျာစာဆိုတွေက ဖွဲ့ကြသည်။ အဲသည်တော့ သာမော်ပီလေးမှာ ဆုံကြသည့်အခါ လီယွန်နီဒပ်(စ်) နှင့် သူ့စစ်သည်တွေ တောင်ကြားလမ်း တလျောက် ပိတ်ဆို့ကာ တက် လာသမျှ ရန်သူကို ရင်ဆိုင်ခုခံကြသည်။ ပါရှန်တို့မှာ လူအင်အားအဆမတန် များသော် လည်း တိုက်ရည်ခိုက်ရည်တွင် စပါတာကို လုံးဝ မယှဉ်နိုင်။ နှစ်ရက်လုံးလုံး အကျအဆုံး များ စွာခံကာ အတင်းဝင်တိုက်သော်လည်း ဂရိတပ်ကို မကျော်ဖြတ်နိုင်။ တတိယနေ့တွင်မူ လျှို့ဝှက်သည့် တောင်ကျော်လမ်းသေးလမ်းမြောင် တခုကို ဂရိသစ္စာ ဖောက်တဦးက ပြသဖြင့် ရန်သူတို့ဂရိတပ်၏ နောက်ကျောဘက် သို့ရောက်လာကြသည်။ ကြီးမားသော အင်အားဖြင့် ညှပ်ပူးညှပ်ပိတ် အတိုက်ခံ ရတော့မည် ဆိုတာ မြင်သည့်အခါ လီယွန်နီဒပ်(စ်) က တပ်ဗိုလ်များကို ဆင့်ခေါ်သည်။ တိုက်ပွဲ ကအနေအထားပြောင်းသွားပြီ၊ သည်နေရာမှာ ဆက်တိုက်လျှင် မိမိတို့အားလုံး ချေမှုန်း ခံရလိမ့်မည်။ ထို့ကြောင့် ကျန်သည့် တပ်ဖွဲ့တွေ အားလုံး အချိန်မှီ ဆုတ်ခွာကြပါ ။ မိမိနှင့် စပါတာစစ်သည် သုံးရာ ကတော့ တာဝန်အရ သည်နေရာတွင် အသက်ပေးခုခံ ကျန်ရစ်မည်ဟု ကြေညာသည်။ သည်တွင် အခြားမြို့ပြနိုင်ငံတို့မှ စစ်သည်အများအပြား ထွက်ခွာသွားကြပြီး သပ်စပီယေ မြို့ သား ခုနှစ်ရာနှင့် သီးဗ် (စ်) မြို့သားလေးရာတို့သာ စပါတာများနှင့်အတူကျန်ရစ်သည်။ ပါရှန်တို့က ရှေ့ဖက်မှ တပ်မကြီးတတပ် နောက်ဖက်မှတောင်ကိုကျော်၍ တပ်မကြီး တတပ် ညှပ်ပိတ်တိုက်ခိုက်ရန် ပြင်ဆင်လာသည့် အချိန် လီယွန်နီဒပ်(စ်) က သူ့တပ်ကို စစ်မျက်နှာ ကျယ်ကျယ်ဖွင့်၍ တိုက်နိုင်မည့်နေရာသို့ရွေ့ ယူသည်။ ထို့နောက်တွင် ရန်သူ ချီတက်လာသည် အထိ မစောင့် ။ မိမိတို့က အရင် ဦးအောင်ဝင်တိုက်သည်။ စပါတာတို့ တိုက်ခိုက်ပုံက သည်ပွဲတွင် ပါရှန်ရန်သူကို အပြီးသတ် ချေမှုန်းရန် သံန္နိဌာန် ချထားကြသည့် အလားပင် ။ ရဲစွမ်းသတ္တိသက်သက်နဲ့သာ ဆုံးဖြတ်မည်ဆိုက ဒီပွဲသည် ပါရှန်တွေ မရှုမလှ အရေးနိမ့်သည့် ပွဲ ဖြစ်ရလိမ့်မည်။ သို့သော် အရေအတွက်ခြင်းက အဆမတန် ကွာခြားလွန်းလှသည်။ စစ်မြေတခွင်လုံးမှာ ပါရှန်တွေ တင်းကြမ်းပြည့်နေသည်။ ဓားသံလှံသံ ကြွေးကြော် အော်ဟစ်သံတွေ သောသောညံနေသည့် ကြားမှာ လီယွန်နီဒပ်(စ်) ကျဆုံးသည်။ ချက်ချင်းပင် စပါတာတွေ သူ တို့ခေါင်းဆောင်နဘေးမှာ ဝိုင်းရံလိုက်ကြပြီး အပြင်းအထန် ခုခံကာကွယ်ကာ အနီးရှိ တောင်ပူစာ တခုဆီသို့ အလောင်းကို သယ်ကြသည်။ သည်နေရာတွင် နောက်တကြိမ် အဝိုင်းခံရသည်။ စပါတာအားလုံး သူတို့ခေါင်းဆောင်နည်းတူ နောက်ဆုံးအချိန်အထိ တိုက်ပွဲဝင်သွားကြသည်။ သက်(စ်)ပီယေသားများ လည်း စပါတာတို့နှင့် အတူ ကျဆုံးခဲ့သည်။ သီးဗ်(စ်) မြို့သားတချို့သာ လက်နက်ချ အညံ့ခံခဲ့ကြသည်။ ဂရိနှင့်ပါရှန်တို့တိုက်ပွဲတွေ ဆက်လက်ဆင်နွဲကြပြီး နောက်ဆုံး၌ ပါရှန်တို့ အရေးနိမ့်ကာ ဂရိမြေမှ ဆုတ်ခွာထွက်ပြေးသွားကြရသည်။ စစ်ကြီးအပြီးတွင် တောင်ပိုင်းသား စပါတာတွေ သာမော်ပီလေးသို့ လာရောက်ကာ ကျဆုံးခဲ့ သော စစ်သည်များအတွက် ထိုနေရာ၌ ကျောက်စာတိုင်တတိုင် စိုက်ထူထားသည်။ ကျောက်စာတိုင်၌ "Go tell the spartans , thou that passeth by , That here obedient to their laws , we lie." "အဆွေ ခရီးသွား အမှာစကား ပါးပါရစေ။ စပါတာ၏ အမိန့်ဥပဒေများကို စောင့်ထိန်းလိုက်နာကာ ကျွန်ုပ်တို့ ဤနေရာ၌ လဲလျောင်းခဲ့ ကြပြီဖြစ်ကြောင်း စပါတာတို့အား ပြောကြားပေးပါလေ။" ဟူ၍ အဓိပ္ပါယ် ရသည့် ကမ္ပည်းစာတခု ရေးထိုးထားသည်။ ကျောက်စာတိုင်ကား တရံရောအခါ က ဂရိအမျိုးသား တရပ်လုံးအတွက် မိမိတို့အသက်ကို ပေးလှူသွားခဲ့သည့် စပါတာ မြို့နိုင်ငံခေါင်းဆောင် (ဘုရင်) လီယွန်နီဒပ်(စ်) (Leonidas) နှင့်နောက်ပါစစ်သည် သုံးရာတို့၏ ရဲစွမ်းသတ္တိနှင့် ကိုယ်ကျိုးစွန့် အနစ်နာခံသည့်စိတ်ဓာတ်ကို ထာဝရမော်ကွန်းတင်ရန် အလို့ငှာ စိုက်ထူခဲ့ခြင်း ဖြစ်သည်။ ကျောက်တိုင်ပါ ကမ္ပည်းစာကို ဖတ်ရှုပွားများကာ အင်္ဂလိပ်စာရေးဆရာကြီး ဂျွန်ရပ်စကင်း က လူသားတို့နှုတ်မှ မြွက်ဟဖူးသမျှအထဲတွင် ဂုဏ်ကျက်သရေ အရှိဆုံး စကားလုံးစုပေတည်း ဟု မှတ်ချက်ချခဲ့သည်။ Battle of Thermopylae ကား စပါတာ၏ ရဲစွမ်းသတ္တိကို ပြသော အမှတ်သင်္ကေတ ဖြစ်သကဲ့သို့ ကိုယ်ကျိုးစွန့်အနစ်နာခံခြင်း ဟူသည်ကို ထင်ရှားအောင်ပြခဲ့သည့် ဥပမာ သာဓက တစ်ခုလည်း ဖြစ်သည်။ (ရာဇဝင်ကို ဆရာဖေမြင့် ၏ အားပြင်းတဲ့ မြှားတစင်း မှ ထုတ်နှုတ်ဖော်ပြသည်။) File size...(2.1 GB) / (1.2 GB) / (800 MB) Quality....BluRay 1080p / 720p / 480p Format...mp4 Duration....01:56:32 Subtitle....Myanmar Subtitle(Hardsub) Encoder...Nyeinsaeya Aung

မြို့တော်ဝန်ရဲ့သမီး အဲလစ်ဇဘတ်သ်ဆွမ်း ငယ်ငယ်က သင်္ဘောပေါ်ကနေ ပင်လယ်ကို ငေးကြည့်နေတုန်း ရေထဲမှာ မျောပါလာတဲ့ ကောင်လေးတစ်ယောက်ကို တွေ့ခဲ့ပါတယ်။ အဲဒီကောင်လေး ဝေလ်တန်နာဟာ ကြီးပြင်းလာတဲ့အခါ သာမန်ပန်းပဲသမားတစ်ယောက် ဖြစ်လာပေမယ့် သူ့မှာ လူမသိတဲ့ နောက်ကြောင်းတစ်ခု ရှိနေတယ်။ တစ်နေ့မှာ ကပ္ပတိန်ဘာဘိုဇာက အဲလစ်ဇဘတ်သ်ကို ပြန်ပေးဆွဲသွားပါတယ်။ ဘာဘိုဇာဟာ ရတနာသိုက်တစ်ခုနဲ့ပတ်သက်ပြီး ကပ္ပတိန်ဂျက်စပဲရိုးနဲ့ သဘောထားကွဲခဲ့သူဖြစ်သလို ဂျက်ဆီက ပုလဲနက်သင်္ဘောကိုလည်း လုယူထားသူပါ။ ဒါပေမယ့် သူနဲ့ သူ့သင်္ဘောသားတွေမှာ ရှေးဟောင်းကျိန်စာတစ်ခု သင့်နေပြီး အသက်ရှင်တယ်လို့လည်း မဆိုနိုင်၊ သေဆုံးလို့လည်း မရတဲ့ဘဝကို ရောက်နေကြတယ်။ အဲဒီကျိန်စာပြယ်ဖို့ သွေးနဲ့ ယဇ်ပူဇော်ရမှာဖြစ်ပါတယ်။ ဘာဘိုဇာတို့ ကျိန်စာကို ဖျက်ဖို့ ကြိုးစားနေချိန်မှာပဲ ဂျက်နဲ့ ပြန်ဆုံကြပြီး ပုလဲနက်သင်္ဘောနဲ့ ရတနာသိုက်ကို ပတ်သက်နေတဲ့ သူတို့ရဲ့အရေးကိစ္စတွေ ပြန်ရှုပ်ထွေးလာပါတော့တယ်။

ဆိုင် ပဲရစ်ရှ်ဟာ ဖလင်ကနေ ဓာတ်ပုံကူးပေးတဲ့အလုပ်ကို ကြာကြာလုပ်လာပြီး ကိုယ့်အလုပ်အပေါ် လေးစားမှုရှိတဲ့သူပါ။ သူကူးပေးတဲ့ ဓာတ်ပုံတစ်ပုံမှာ အရောင်နည်းနည်းလွဲနေရင်တောင် မကျေနပ်ဘဲ အပြည့်အဝကောင်းနေမှ လက်ခံတတ်တယ်။ ပုံမှန်လာနေကျ ဖောက်သည်တွေကိုလည်း စေတနာနဲ့ ဓာတ်ပုံကူးခ လျှော့ပေးတတ်ပါတယ်။ အဲဒီဖောက်သည်တွေထဲမှာ ဝီလီယံနဲ့ နီနာ ယော့ကင်တို့မိသားစုလည်း ပါတယ်။ သူတို့သားလေး ငယ်ငယ်ကနေ အသက်ကိုးနှစ်ပြည့်တဲ့အထိ ဓာတ်ပုံတွေကို ဆိုင်ကပဲ ကူးပေးခဲ့ရတာပါ။ တစ်ယောက်တည်းနေတဲ့ လူပျိုကြီး ဆိုင်ဟာ အချိန်ကြာလာတာနဲ့အမျှ ယော့ကင်တို့မိသားစုကို သံယောဇဉ်တွယ်လာခဲ့တယ်။ တစ်နေ့တော့ သူ့ဆီလာကူးခိုင်းတဲ့ ဓာတ်ပုံတွေထဲမှာ ဝီလီယံ ဖောက်ပြန်နေတဲ့ပုံတွေကို တွေ့လိုက်ရပါတယ်။ အဲဒီအချိန်မှာပဲ စာရင်းကွာဟမှုတွေကြောင့် မန်နေဂျာက ဆိုင်ကို အလုပ်ဖြုတ်လိုက်တယ်။ နီနာနဲ့ သားလေးကို ဝီလီယံရဲ့အကြောင်း သိအောင်လုပ်ပေးမယ်ဆိုရင် မိသားစုအပေါ် သံယောဇဉ်ကြီးနေတဲ့ ဆိုင်က ဘယ်လိုလုပ်ရပ်တွေ ကျူးလွန်မိနိုင်မလဲ။ Robin Williams က ဆိုင် ပဲရစ်ရှ်အဖြစ် ပါဝင်ထားတဲ့ စိတ်ပိုင်းဆိုင်ရာ သည်းထိတ်ရင်ဖိုဇာတ်ကားပါ။