Eli Roth ပါဝင်သော ဇာတ်ကားများ

Ice Cream Man (2026) ++++++++++ ဒီဇာတ်ကားကတော့ Horror, Comedy နဲ့ Thriller အမျိုးအစား ရုပ်ရှင်ဇာတ်ကားသစ်ပဲ ဖြစ်ပါတယ်။ ဒါရိုက်တာ Eli Roth က ဖန်တီးရိုက်ကူးထားပြီး အဓိက သရုပ်ဆောင်တွေအဖြစ် Ari Millen, Charlie Zeltzer, Sarah Abbott နဲ့ Benjamin Byron Davis တို့ ပါဝင်ထားကြပါတယ်။ ဒါ့အပြင် နာမည်ကျော် ရပ်ပါ အဆိုတော် Snoop Dogg ကလည်း ဇာတ်ဝင်တေးဂီတတွေ ဖန်တီးပေးထားပါသေးတယ်။ ဇာတ်လမ်းကတော့ Bayleen Bay လို့ခေါ်တဲ့ အေးချမ်းတဲ့ ဆင်ခြေဖုံးမြို့လေး တစ်မြို့ဆီကို ရေခဲမုန့်ရောင်းတဲ့သူ တစ်ယောက် ရောက်လာရာကနေ စတင်ပါတယ်။ အဲဒီ ရေခဲမုန့်သည်က ကလေးတွေကို ချိုမြိန်တဲ့ ရေခဲမုန့်တွေ လိုက်ကျွေးရာကနေ ရေခဲမုန့် စားမိတဲ့ ကလေးတွေအားလုံး သွေးဆာနေတဲ့ လူသတ်ကောင်တွေအဖြစ် ပြောင်းလဲသွားပါတော့တယ်။ မြို့လေးထဲက ကလေးတွေက လူကြီးတွေကို လိုက်လံ သတ်ဖြတ်တာတွေ၊ ကြောက်မက်ဖွယ် ပြကွက်တွေကိုရော အသက်လု ထွက်ပြေးရတဲ့ အခြေအနေတွေကိုရော ရင်တမမ ကြည့်ရှုရမှာပါ။ ဒီဇာတ်ကားဟာ Eli Roth ရဲ့ ထုံးစံအတိုင်း သွေးထွက်သံယို အကြမ်းပတမ်း ပြကွက်တွေကို (Gore-fest) အသားပေး ရိုက်ကူးထားတာ ဖြစ်ပါတယ်။ သွေးထွက်သံယို သရဲကားတွေကို သီးသန့် သဘောကျတဲ့ ပရိသတ်တွေအတွက်ပဲ ပိုပြီး သင့်တော်မယ့် ဇာတ်ကားမျိုး ဖြစ်ပါတယ်။ File Size… (1.91GB) / (1.07GB) Quality… WEB-DL 1080p HEVC / 720p Format…mkv / mp4 Duration…1h 26m Genre …Horror, Comedy, and Thriller Subtitle….Myanmar Subtitle (Hard Sub)

အမေရိကန်ပြည်ထောင်စုမှာ ငွေကြေးဖောင်းပွမှုတွေကြောင့် သာမန်လူတန်းစားတွေဟာ အကျပ်အတည်းတွေ ကြုံတွေ့နေရပါတယ်။ အထူးသဖြင့်တော့ အိမ်ခြံမြေပိုင်းမှာပေါ့။ လူလတ်တန်းစားတွေဟာ အဆမတန် ထိုးတက်လာတဲ့ အိမ်အငှားစရိတ်တွေကြောင့် နှင်ထုတ်ခံရသူက နှင်ထုတ်ခံရ၊ လမ်းပေါ်ရောက်တဲ့သူကရောက် ဖြစ်နေတဲ့ အချိန်ကာလတစ်ခုပေါ့။ ဒီပြဿနာကို ကြုံတွေ့ဖို့ လက်တစ်ကမ်းအလိုမှာ ရှိနေတာကတော့ လင်နက်တို့ မိသားစုပါ။ ဒါပေမဲ့ လင်နက်ဟာ သူ့မိသားစု ခြေသလုံးအိမ်တိုင် ဘဝမရောက်ဖို့အတွက် အိမ်ပိုင်ရှင်ကို အကူအညီတောင်း စောင့်ဆိုင်းခိုင်းပြီး ချေးငွေနဲ့ အိမ်ကို ဝယ်ဖို့ လုပ်ပါတယ်။ ပြဿနာက စာချုပ်အပြီးချုပ်ရမဲ့ နေ့မှာ လင်နက်ရဲအမေဖြစ်သူဟာ အိမ်ဝယ်မဲ့ငွေတွေနဲ့ ကားတစ်စီးကို မပြောမဆို ဝယ်ချလိုက်ပါတယ်။ ဒီလိုမဲ့ လင်နက်ဟာ အိမ်စာချုပ်မချုပ်နိုင်တော့ဘဲ အိမ်ရှင်က ပေးတဲ့ နာရီပိုင်းရှိတဲ့ အချိန်တိုအတွင်းမှာ အိမ်ဝယ်ဖို့ အသည်းအသန် ငွေတွေ ပြန်ရဖို့ ကြိုးစားရင်း အမှားတွေ လုပ်မိပါတော့တယ်။ File Size… (949 MB) / (651 MB) Quality… WEB-DL 1080p HEVC /720p Format…mkv / mp4 Duration…1h 48m Genre ….Crime , Drama , Thriller Subtitle….Myanmar Subtitle (Hard Sub)c

Eli Roth Presents The Legion of Exorcists (2023) 2023 ထဲမှာထွက်လာတဲ့ Horror Series ကောင်းကောင်းလေးတစ်ခု တင်ဆက်ပေးလိုက်ပါတယ်။ တစ်ပိုင်းချင်းစီဟာ ဇာတ်လမ်းတစ်ပုဒ်ဆီဖြစ်ပြီးတော့ အဲ့ဇာတ်လမ်းတွေကလဲ ဖြစ်ရပ်မှန်တွေပါ။ အမေရိကန်နိုင်ငံတစ်ဝှမ်းက ထူးဆန်းတဲ့ အမှုတွေ နတ်ဆိုးဝင်ပူးတာတွေ ပုဏ္ဏကတိုက်တဲ့ အိမ်မျိုးတွေ ကျိန်စာသင့်နေတဲ့ပစ္စည်းတွေ စတဲ့အရာတွေကို ကိုယ်တိုင်ကြုံတွေ့ပြီး ဖြေရှင်းခဲ့ကြတဲ့သူတွေကနေ ပြန်လည်ပြောပြပြီး တင်ဆက်ပေးထားတဲ့ Series လေးပါ။ Conjuring တို့ Insidious တို့လိုမျိုး ဇာတ်လမ်းတွေစိတ်ဝင်စားတဲ့သူတွေအတွက်ကတော့ တကယ့်ကို စိတ်ဝင်စားစရာကောင်းတဲ့ အကြောင်းတွေပါပါတယ်။ စီးရီးက အရမ်းလဲကြောက်ဖို့မကောင်းသလို စိတ်ဝင်စားစရာ အချက်လေးတွေနဲ့ တကယ့်အပြင်မှာ ဘယ်လိုအပနှင်လဲဆိုတာတွေ စုန်းအတတ်တွေကို ဘယ်လိုရင်ဆိုင်ရမလဲဆိုတာတွေကို လက်တွေ့အပနှင်ခဲ့သူတွေက အချင်းချင်းပညာတွေဖလှယ်ပြီး ဝေမျှပေးထားတဲ့ Horror Series ကောင်းလေးတစ်ခုပါ။ ဇာတ်လမ်းအကျဉ်းလေးကတော့ အကျင့်စာရိတ္တတွေပျက်စီးလားတဲ့ ခေတ်ကြီးဟာ မကောင်းမှုတွေပြည့်နှက်လာခဲ့ပြီး ငရဲကနတ်ဆိုးတွေအတွက်တော့ မျက်စိကျစရာနေရာ တစ်ခုဖြစ်လာခဲ့ပါပြီ။ ဒါပေမဲ့လဲ နတ်ဆိုးတွေကို ခုချိန်ထိ လူသားတွေဆီကနေ ကာကွယ်ပေးနေတဲ့ စစ်သည်တော်တွေ ရှိပါသေးတယ်။ ခုခါမှာတော့ ထိုသူတွေဟာ စုစည်းပြီးတော့ ခုခေတ်မှာကြုံရတဲ့ အပနှင်တဲ့နေရာက အခက်အခဲတွေ လူတွေရဲ့မယုံကြည်မှုတွေ နတ်ဆိုးရဲ့လှည့်စားမှုတွေကို စိတ်ဝင်စားစရာ စီးရီးအဖြစ်တင်ဆက်ပေးထားပါတယ် စုစုပေါင်း ၆ ပိုင်း တင်ဆက်ပေးသွားမှာမို့ ကြည့်ရှုအားပေးလိုက်ကြပါဦး အညွှန်း နဲ့ ဘာသာပြန်ကတော့ K.Hein ပဲ ဖြစ်ပါတယ်။ Genre..... Documentary Quality…. 1080p File size… 600MB Format… mp4 Duration…. 43min Subtitle…. Myanmar Subtitle (Hardsub) Translator ..... K.Hein Encoder ..... Aaron

MonsterVerse Timeline MonsterVerse ရဲ့ ၅ ကားမြောက် Godzilla x Kong: The New Empire (2024) လဲထွက်လာခဲ့ပြီဆိုတော့ Godzilla, Kong နဲ့ သူတို့ကြားက အဖြစ်အပျက်တွေကြားက timeline ကို တစ်ချက်ပြန်ကြည့်ကြည့်ရအောင်. ဒီ timeline ထဲက အဖြစ်အပျက်တွေက ထွက်ရှိခဲ့တဲ့ MonsterVerse ရုပ်ရှင်၊ ဇာတ်လမ်းတွဲတွေအပြင် tied in graphic novels တွေက အကြောင်းတွေပါ ပါဝင်ပါတယ်။ Event တွေများ source တွေလည်း များလို့ မှားနေတာ လိုနေတာရှိရင် ဝင်ဆွေးနွေးသွား ထောက်ပြသွားနိုင်ပါတယ်။ - 252 millions BC ကမ္ဘာ့ မျက်နှာပြင်ပေါ်မှာ Radiation တွေ ယနေ့လက်ရှိအချိန်ထက် အဆပေါင်းများစွာရှိနေတုန်းက radiation ကို စားသုံးကြီးထွားတဲ့ Godzilla နဲ့ တခြား Titan တွေဟာ ကမ္ဘာမျက်နှာပြင်ပေါ်မှာနေကြတယ်။ ဒီမှာ Shinomura ဆိုတဲ့ နှစ်ကောင်ပေါင်းပြီး တစ်ကောင်ဖြစ်နိုင်တဲ့ Titan နဲ့ Godzilla တို့ ချနေကြတဲ့အချိန် ဘေးကိုဥက္ကာခဲကြီးကျလာပြီး ဖြစ်လာတဲ့ ကျင်းကြီးထဲကို Shinomura ပြုတ်ကျသွားတယ်။ ဥက္ကာခဲကျပြီး ပေါက်ကွဲမှုကြီးကြောင့် ကမ္ဘာ့ မျက်နှာပြင် radiation ပမာဏ ကျဆင်းသွားတဲ့အတွက် Godzilla နဲ့ တခြားအကောင်ကြီးတွေ နေစရာ စားစရာရှားလာတာမို့လို့ radiation ရှိသေးတဲ့ ကမ္ဘာ့အတွင်းပိုင်း၊ ပင်လယ်ရေအောက်ကြမ်းပြင် တွေကို ပြောင်းရွှေ့သွားကြသလို မြေအောက်မှာ နှစ်တေတွအကြာကြီး hibernate လုပ်ကိန်းအောင်းနေကြတာတွေလည်း ဖြစ်ကုန်ကြတယ်။ - Hollow Earth နဲ့ Skull Island ကမ္ဘာ့ မျက်နှာပြင်အောက်မှာ အခေါ်င်းကြီးဖြစ်နေပြီး Godzilla လို တခြား titan ကြီးတွေ နေထိုင်ကြတဲ့ Hollow Earth ဆိုတာရှိတယ်။ ဒီ Hollow Earth နဲ့ ချိတ်ဆက်နေတဲ့ တစ်နေရာကတော့ ပင်လယ်ထဲက ပြင်ပလောကနဲ့ အဆက်အသွယ်မရှိတဲ့ Skull Island ဆိုတဲ့ ကျွန်းကြီးတစ်ကျွန်း။ ဒီကျွန်းကို Kong ရဲ့ မျိုးနွယ် ape ကြီးတွေရောက်လာပြီး နေကြတယ်။ ဒါပေမယ့် နောက်တော့ Skullcrawler ဆိုတဲ့ကောင်တွေပေါ်လာလို့ Kong တို့အမျိုးတွေနဲ့ နှစ်ပေါင်းများစွာ စစ်ခင်းကြတယ်။ Iwi လူမျိုးတွေ ကျွန်းပေါ်စရောက်လာတဲ့အချိန်မှာတော့ Skull Island မှာ Kong ရဲ့ မိဘနှစ်ပါးပဲ ကျန်တော့တယ်။ Skullcrawler တွေလက်ချက်ကြောင့် Kong မွေးပြီးပြီးချင်း သူ့မိဘတွေ ဆုံးသွားခဲ့တယ်။ - Early 20th Century 1926 မှာ အမည်မသိလူတစ်ယောက် ဦးဆောင်တဲ့အဖွဲ့တစ်ဖွဲ့က ဒီ hollow earth ကို စူးစမ်းလေ့လာဖို့ထွက်သွားခဲ့ပေမယ့် ပြန်ပေါ်မလာခဲ့ဘူး။ 1938 မှာတော့ ပြင်သင်နိုင်ငံက ဂူကြီးတစ်ခုက Hollow Earth ရဲ့ ဝင်ပေါက်တစ်ပေါက်ဖြစ်ပြီး ဒီကသွားရင် Titan ကြီးတွေဆီရောက်လိမ့်မယ်လို့ ပုံတွေဘာတွေ ထွက်ရှိလာခဲ့တယ်။ 1943 မှာလည်း U.S.S Lawton ဆိုတဲ့ အမေရိကန် စစ်ရေယာဥ်တစ်စင်းဟာ အမည်မသိအကောင်တစ်ကောင် တိုက်ခိုက်ခံခဲ့ရပြီး William Randa တစ်ယောက်ကလွဲလို့ တစ်ယောက်မှ အသက်ရှင်မကျန်ခဲ့ဘူး။ US အစိုးရကတော့ ဒါကို ဖုံးကွယ်ခဲ့တယ်။ - WWII and Hiroshima ဒုတိယကမ္ဘာစစ်အတွင်း အမေရိကန်တိုက်လေယာဥ်တစ်စင်းနဲ့ ဂျပန်တိုက်လေယာဥ်တစ်စင်းတို့ ရင်ဆိုင်တိုက်ခိုက်ရင်း ကျွန်းတစ်ကျွန်းပေါ်ကိုပျက်ကျတယ်။ ဒီကျွန်းက Kong နေတဲ့ Skull Island ဖြစ်နေသလို ဒါကိုသိသွားခဲ့ကြတဲ့ pilot ၂ ယောက်ဟာ ရန်သူတွေကနေ မိတ်ဆွေတွေ၊ ညီအစ်ကိုတွေဖြစ်သွားခဲ့ကြပြီး ကျွန်းကလွတ်မြောက်ဖို့ အတူတူကြိုးစားခဲ့ကြတယ်။ 1945 မှာ Hiroshima ကို nuclear bomb ဖေါက်ခွဲခဲ့တဲ့အခါမှာတော့ ကြီးမား များပြားတဲ့ radiation တွေပေါ်ထွက်လာခဲ့ပြီမို့လို့ အရင် တိမ်မြုပ်နေတဲ့ titan တချို့ ပြန်လည်နိုးထလာတယ်။ အရင်ဆုံး ပေါ်လာတာကတော့ Godzilla နဲ့ ရင်ဆိုင်ရင်း ချောက်ထဲကျသွားတဲ့ Shinomura ဖြစ်ပြီး သူ့ကိုမျက်မြင်တွေ့ခဲ့သူတွေထဲမှာ “Let them fight” ဆိုပြီးပြောခဲ့တဲ့ Dr. Serizawa ရဲ့ အဖေ Eiji လည်းပါပါတယ်။ - 1946 - Monarch 1946 မှာတော့ Monarch ကိုတည်ထောင်တယ်။ ဒီ “အကောင်ကြီးတွေ” ကိုရှာဖွေ လေ့လာ စူးစမ်းဖို့အတွက်ပေါ့။ နောက်တော့ Monarch အဖွဲ့ထဲမှာ Eii Serizawa လည်း ပါဝင်လာခဲ့တယ်။ Monarch အဖွဲ့ကို ဦးဆောင်ခဲ့သူတွေထဲမှာ Keiko Miura, Lee Shaw နဲ့ Bill Randa တို့လည်း ပါဝင်လာခဲ့တယ်။ Keiko က single mother တစ်ယောက်ဖြစ်ပြီး အစပိုင်းမှာ Lee Shaw နဲ့ ကြိုက်မလိုဖြစ်ခဲ့ပေမယ့် နောက်တော့ သူနဲ့ စိတ်တူကိုယ်တူ Bill Randa နဲ့ပဲ လက်ထပ်ဖြစ်ခဲ့တယ်။ ဒါပေမယ့်လည်း ၃ ယောက်သားက အခင်မင်မပျက်ခဲ့ဘူး။ ဒီကြားထဲ Shinomura ပေါ်လာပြီး နေရာစုံ လိုက်တိုက်ခိုက် ရန်ရှာနေတာကို Godzilla က လိုက်ရန်တွေ့မောင်းထုတ်နေရင်း 1954 ခုနစ် Castle Bravo nuclear “စမ်းသပ်မှု” မှာ Monarch နဲ့ US အစိုးရက Godzilla နဲ့ Shinomura ကို မျှားခေါ်ပြီး ဖေါက်ခွဲခဲ့တာမှာ Godzilla တော့ မသေဘဲ Shinomura အလုံးစုံ ပျက်စီးသွားခဲ့တယ်။ 1959 မှာတော့ Keiko Miura တို့ ၃ ယောက် Kazakhstan မှာ သွားရောက် စူးစမ်းရှာဖွေတုန်း အကောင်တွေထွက်လာလို့ Keiko ပါသွားတယ်။ 1962 မှာ Lee Shaw ဦးဆောင်ပြီး Operation Hourglass ဆိုတဲ့ Hollow Earth ကို စူးစမ်းလေ့လာတဲ့ခရီးထွက်ခဲ့တယ်။ ဒါပေမယ့် အဆက်အသွယ်ပြတ်တောက်သွားခဲ့လို့ Bill Randa တစ်ယောက်ပဲ ကျန်ခဲ့တော့တယ်။ - 1973 - Kong: Skull Island 1973 ခုနစ် US အစိုးရက Vietnam စစ်ပွဲက ဆုတ်ခွာလာတဲ့အချိန် Bill Randa နဲ့ Monarch အဖွဲ့ဟာ လက်နက်ကိုင် အစောင့်အရှောက်တွေနဲ့တကွ Skull Island ကိုသွားပြီး စူးစမ်းလေ့လာခဲ့တယ်။ ဒီမှာ Skull crawler တွေလက်ချက်နဲ့ Brill Randa အပါအဝင် အများအပြား သေခဲ့ကြတယ်။ James Conrad, Brooks, San နဲ့ WWII pilot Marlow တို့ပဲ လွတ်မြောက်ခဲ့တယ်။ Bill က မသေခင် သူ့မှတ်တမ်းတွေကို ရေထဲမျှောပစ်ခဲ့တယ်။ - 1982 - Lee Shaw 1982 ခုနစ်မှာ Shaw တစ်ယောက် Monarch ဆေးရုံတစ်ရုံမှာ ပြန်လည်နိုးထလာတယ်။ သူ့အတွက် Hollow Earth ထဲမှာ ရက်အနည်းငယ်ပဲကြာသေးပေမယ့် ခုသူပြန်ရောက်လာတဲ့အခါမှာတော့ Keiko ရဲ့သား Hiroshi ကပါ Monarch မှာ လူကြီးတစ်ယောက်ဖြစ်နေပြီ။ Bill ရဲ့ recording တွေကို ပြန်ဆယ်တွေ့ထားလို့ ဒီကြားထဲ Bill ဆုံးသွားမှန်း သိခဲ့ရတယ်။ - 1973- Aaron Brooks 1973 ခုနစ် Skull Island က ပြန်လွတ်လာခဲ့တဲ့ Huston Brooks ရဲ့ သား Aaron Brooks ကလည်း Monarch ဆီရောက်နေပြီ။ ဒီမှာ Skull Island လိုအရေးကြီးတဲ့နေရာကို Kong တစ်ကောင်တည်းလက်ထဲ ထားလို့ရမရ သွားကြည့်မယ်ဆိုပြီး သူ့အဖွဲ့တွေနဲ့အတူ Skull Island ကိုသွားတယ်။ ဟိုမှာအကောင်တွေလက်ချက်ကြောင့် တစ်ဖွဲ့လုံးနီးပါးသေတဲ့အပြင် Aaron တို့အဖွဲ့သားတစ်ယောက်ကြောင့် Iwi တွေရဲ့ တံတိုင်းတွေပါ ပျက်ကုန်တဲ့အခါ Aaron လည်း ပြန်မလာဖြစ်တော့ဘဲ Randa တုန်းကလိုပဲ recording တွေလုပ်ပြီး ရေထဲပြန်မျှောပေးလိုက်တယ်။ ဒီ recording တွေကို 2012 မှာ Huston Brooks ရရှိခဲ့တယ်။ - 1999 - MUTO 1999 မှာတော့ ဖလစ်ပိုင်က Titan လိုအကောင်ကြီးတစ်ကောင်ရဲ့ အရိုးစုတွေထဲမှာ ကပ်ပါးကောင်ဥ တွေရှာတွေ့ကြတယ်။ ကောင်းနေပြီး မြုံနေတဲ့ ဥတစ်လုံးကိုတော့ Nevada ကိုပြန်ယူသွားနိုင်ခဲ့ပေမယ့် နောက်တစ်ဥကတော့ ပေါက်သွားခဲ့ပြီ။ သိပ်မကြာခင်မှာပဲ ဂျပန်နိုင်ငံက Janjira nuclear power plant ကို ခုနက ဥကပေါက်ပြီးထွက်သွားတဲ့ဆိုတဲ့ MUTO ဝင်မွှေတယ်။ ဓာတ်ပေါင်းဖိုပျက်စီးတာကြောင့် Joe Brody ရဲ့ ဇနီးဆုံးသွားခဲ့တယ်။ ဒီမှာ MUTO က ဓာတ်ပေါင်းဖိုက radiation တွေကို စုပ်ယူနေပြီး နောက်ထပ် ၁၅ နှစ်လောက် မလှုပ်ရှား အိပ်စက်နေခဲ့တယ်။ Joe က ဇနီးဆုံးသွားတာ ဒီတိုင်း ငလျင်လှုပ်လို့ စခန်းပြိုတာကြောင့်မဟုတ်ဘူးဆိုပြီး တောက်လျှောက်တွေးနေ လေ့လာနေလို့ သူ့ reputation တင်မက သားဖြစ်သူနဲ့ပါ ဆက်ဆံရေးထိလာခဲ့တယ်။ - 2005 - Orca Technology Emma နဲ့ Mark Russell တို့ ဇနီးမောင်နှံပေါင်းပြီး Orca နည်းပညာကို စမ်းသပ်တီထွင်ခဲ့တယ်။ ဒီဟာကိုသုံးပြီး Titan တွေကို စကားပြောလို့ရ (သို့မဟုတ်) ဒီစက်ကြောင့် Titan တွေ အမူအကျင့် ပြောင်းနိုင်လိမ့်မလားဆိုပြီး ဖြစ်လာတယ်။ နှစ်ယောက် အိမ်ထောင်ကွဲသွားခဲ့ပြီးနောက် Monarch မှာ ဆက်ရှိနေရင်း ဒီနည်းပညာကို ဆက်လေ့လာနေခဲ့တယ်။ ဒီကြားထဲမှာလည်း MUTO စောင့်ကြည့်စခန်းတွေဆီ Alan Jonah ဆိုတဲ့လူ ခိုးဝင်တာမိရာက သူ့ပါ စောင့်ကြည့်စာရင်းထဲ ထည့်ခဲ့ကြတယ်။ - 2009 - Nathan Lind နဲ့ Mothra Nathan Lind ရဲ့ အစ်ကိုဖြစ်သူဟာ ၂၀၀၉ ခုနစ်မှာ Hollow Earth ကို စူးစမ်းလေ့လာဖို့ ခရီးထွက်ပေမယ့် ဝင်ဝင်ချင်းမှာပဲ မြေဆွဲအား ပြောင်းလဲမှုကြောင့် သေဆုံးခဲ့တယ်။ ဒီအချိန်မှာပဲ တရုတ်နိုင်ငံ Yunnan ပြည်နယ် တောအုပ်ကြီးထဲက သီးချင်းဆိုသံတွေ ကြားရတယ်ဆိုလို့ ရှာဖွေကြရာက Mothra ဖြစ်လာမယ့် ပိုးအိမ်ကိုတွေ့ခဲ့တယ်။ Outpost 61 ဆိုတာ ဆောက်လုပ်ခဲ့ကြပြီး Emma Russell ရဲ့ အဓိက တာဝန်ကျနေရာဖြစ်လာခဲ့တယ်။ - 2013 - Ford Brody Joe ရဲ့သားဖြစ်သူ Ford Brody ဟာ ဗုံးဖြုတ်စစ်သား EOD ပညာရှင်အနေနဲ့ ၁၄ လ ကြာ စစ်မှုထမ်းစထွက်ခဲ့တယ်။ - 2014 - Godzilla : G-Day Ford အိမ်ပြန်ရောက်ရောက်ချင်းပဲ အဖေဖြစ်သူ တားမြစ်နယ်မြေထဲဝင်လို့ဆိုပြီး သွားခေါ်ထုတ်ပေးရာက နှစ်ယောက်သား ပြန်ခိုးဝင်ရင်း MUTO ထွက်ပေါ်လာတယ်။ Brody ဆုံးတယ်။ ဒီမှာ MUTO နဲ့ Godzilla တို့လက်ချက်ကြောင့် မြို့တွေ ရွာတွေတော်တော်များများ ပျက်စီးကုန်ပြီး Godzilla နဲ့ တခြားကောင်တွေ ရှိနေသေးတယ်ဆိုတာ public က သိလာခဲ့တယ်။ San Francisco မှာဖြစ်ခဲ့တဲ့အတွက် ဒီနေ့ကို G-Day လို့ ခေါ်လာခဲ့ကြတယ်။ ဒီနောက်ပိုင်းမှာ Mark Russell လည်း Monarch က ထွက်သွားခဲ့တယ်။ - 2015 - Legacy of the Monsters Keiko ရဲ့ မြေးနှစ်ယောက်ဖြစ်တဲ့ Cate နဲ့ Kentaro တို့ အဖေတူ အမေကွဲမောင်နှမနှစ်ယောက်ဟာ ပျောက်သွားတဲ့ သူတို့အဖေ Hiroshi Randa ကိုလိုက်ရှာရင်း လူအိုရုံမှာ အသက်ကြီးသလောက် လျှင်မြန်ဖြတ်လတ်နေသေးတဲ့ Lee Shaw နဲ့တွေ့တယ်။ နေရာစုံ သွားလာရင်းနောက်ဆုံး Hiroshi နဲ့ပြန်တွေ့ပေမယ့် Shaw က Hollow Earth ကိုသွားလို့ရတဲ့ ဝင်ပေါက်ထွက်ပေါက်တွေအကုန်လုံးကို ပတ်ပစ်ဖို့ ကြိုးစားတယ်။ အကြောင်းအမျိုးမျိုးကြောင့် Cate, Shaw နဲ့ May တို့ ၃ ယောက် Hollow Earth ထဲရောက်သွားခဲ့တယ်။ ဒီမှာ Hollow Earth ထဲကိုရောက်တာ ရက်ပိုင်းပဲရှိသေးလို့ ကယ်မယ့်လူစောင့်နေတဲ့ Keiko နဲ့ ပြန်တွေ့ကြတယ်။ ရှိတဲ့စက်အပျက်တွေ ပြန်ပြင်သုံးရင်း လက်ရှိအချိန်ကို ပြန်လာဖို့ ကြိုးစားတာမှာ Shaw က အသေခံပြီး Hollow Earth မှာ ကျန်ခဲ့တယ်။ - 2016 - King Ghiorah Antarctica တိုက်က ရေခဲပြင်တွေအောက်မှာ မြုပ်နေတဲ့ ခေါင်းသုံးလုံးရှိတဲ့ Ghidorah ကို Monarch အဖွဲ့က ရှာဖွေတွေ့ရှိခဲ့တယ်။ - 2017 - Apex Cybernetics Hollow Earth မှာ ခနလေးသောင်တင်ပြီး ထွက်ပြေးလာခဲ့တဲ့ Keiko, Cate နဲ့ May တို့ဟာ 2017 ခုနစ် Skull Island ပေါ်က Apex Cybernetics စခန်းမှာ ပြန်လည်ထွက်ပေါ်လာခဲ့ပါတယ်။ - 2019 - Godzilla: King of the Monsters Emma နဲ့ သူ့သမီး Madison တို့ကို Alan Jonah က ပြန်ပေးဆွဲခဲ့ပြီး တခြား အိပ်စက်နေတဲ့ Titan တွေကို လိုက်နှိုးခဲ့ကြတယ်။ Emma က Alan နဲ့ပေါင်းပြီး Titan တွေကို ပြန်လွှတ်ပေးချင်တာဖြစ်ပေမယ့် သူတို့လွှတ်ပေးလိုက်တဲ့ Ghidorah က ကမ္ဘာ့ပြင်ပကလာတဲ့ ဂြိုလ်သားတစ်ကောင်ဖြစ်နေပြီး သူ့စိတ်အရ တစ်ဂြိုလ်လုံးကို ပျက်စီးအောင်လုပ်မှာဖြစ်လို့ Godzilla ပြန်နိုင်အောင် ဝိုင်းကူကြရတယ်။ နောက်ဆုံး Godzilla နိုင်ပြီး King of the Monsters ဖြစ်လာတယ်။ Dr. Serizawa နဲ့ Emma တို့ ဆုံးပါးခဲ့တယ်။ - 2021 - Kingdom Kong 2021 ခုနစ်မှာတော့ Monarch အဖွဲ့ဟာ Skull Island မှာရှိတဲ့ Hollow Earth ဝင်ပေါက်ကို တူးဖေါ်စမ်းသပ်ဖို့ လုပ်ကြတယ်။ ဒီအချိန်မှာပဲ ကြီးမားပြင်းထန်တဲ့ မုန်တိုင်းကြီးတစ်ခုကလည်း Skull Island ဆီကို ဦးတည်လာနေတယ်။ ဝင်ပေါက်ကို ဖေါက်ကွဲလိုက်မိတဲ့အချိန်မှာပဲ အထဲက Titan Camaztoz ဆိုတဲ့ လင်းနို့လိုကောင်ကြီးနဲ့ သူ့လိုအကောင်သေးသေးလေးတွေ ထွက်လာပြီး Kong နဲ့ ရင်ဆိုင်တယ်။ Iwi တွေရဲ့ ဟောကိန်းအရ နေရောင်ပျောက်တဲ့အချိန် မြေအောက်က ဒီဘုရင်ကြီးနိုးထလာမယ်လို့ ရှိတာမို့လို့ မုန်တိုင်းတွေကြောင့် နေရောင်ပျောက်တာနဲ့ အံကိုက်ဖြစ်နေတယ်။ Kong ဘက်ကနေ Monarch တိုက်လေယာဥ်တွေ ဝိုင်းကူလို့ Camaztoz ရှုံးသွားတယ်။ ဒါပေမယ့် မုန်တိုင်းကြီးကြောင့် Skull Island ရဲ့ eco system ကို လုံးဝ ထိခိုက်လာနေပြီမို့လို့ ကျွန်းပေါ်က Iwi လူမျိုးစုကို ကယ်ထုတ်ရင်း Kong ကိုပါ ပြောင်းရွှေ့ဖို့ လုပ်ကြရတယ်။ - 2024 - Godzilla vs. Kong Apex Cybernetics ရဲ့ Mechagodzilla project ကို ဖျက်ဆီးဖို့လို့ရင်း လူသားတွေနဲ့ Godzilla တို့ ထိပ်တိုက်တွေ့သလိုဖြစ်လာခဲ့တယ်။ ဒီအချိန် Skull Island က ပြောင်းရွှေ့လာတဲ့ Kong နဲ့လည်း Godzilla တို့ တွေ့ကြပြန်တယ်။ Apex ကလည်း Hollow Earth က အင်အားကြီးမားတဲ့ energy source တွေကို လိုချင်လာတဲ့အတွက် Kong ကိုလမ်းပြခိုင်းပြီး အထူးပြုလုပ်ထားတဲ့ ယာဥ်တွေနဲ့တကွ Hollow Earth ကို လိုက်သွားကြတယ်။ ဒီက ရတဲ့ Energy signature ကို ပြန်ပွားပြီး Mechagodzilla ကို အသက်သွင်းတယ်။ Kong ကလည်း Hollow Earth မှာ ပုဆိန်ပြန်ရပြီး သိပ်မကြာဘူး Godzilla ရန်စလို့ Japan ကိုသွားပြီး ရင်ဆိုင်ရပြန်တယ်။ Ishiro Serizawa ရဲ့သား Ren Serizawa ဟာ Apex က ပညာရှင်တစ်ယောက်ဖြစ်ပြီး Mechagodzilla ကိုမောင်းနှင်ရတဲ့ pilot လည်းဖြစ်တယ်။ Ghidorah ရဲ့ ဦးခေါင်းခွံနဲ့ ဦးနောက်ကိုသုံးပြီး လှုပ်ရှားတာဖြစ်တာမှာ Ghidorah က Pilot ကိုပြန်အပိုင်စီးပြီး Mechagodzilla ကိုမောင်းနှင်ခဲ့လို့ တွေ့သမျှအကုန်ဖျက်ဆီးမဲ့ပုံစံ ဖြစ်သွားခဲ့တယ်။ ဒါကြောင့် Godzilla နဲ့ Kong တို့နှစ်ယောက်ပေါင်းပြီး Mechagodzilla ကို ရင်ဆိုင် အနိုင်ယူခဲ့ရတယ်။ — (MonsterVerse Timeline ရှင်းတမ်းကို  Movie Monster FB Page မှ ကူးယူဖော်ပြပါသည်။) ထွက်ရှိပြီးသမျှ MonsterVerse ရုပ်ရှင်တွေကို ဒီမှာ  https://channelmyanmar.org/?s=monsterverse ကြည့်လို့ရပါတယ်။ +++++++++++++++++++++++++++++++++++++++++++++++++++ MonsterVerse ရဲ့  ၃ ကားမြောက် ရုပ်ရှင်ကားကတော့ Godzilla: King of the Monsters (2019) ဖြစ်ပါတယ်။ Godzilla: King of the Monsters (2019) ဂေါ်ဇီလာရုပ်ရှင်တော်တော်များများကို ကျွန်တော်တို့ကြည့်ဖူးကြပါတယ်.. ကြည့်လိုက်တိုင်းလည်း လူသားတွေရဲဲ့ပြသနာရှာမှုတွေကို ဂေါ်ဇီလာကပဲ လိုက်ဖြေရှင်းတိုက်ခိုက်ပေးနေရတာပါ... ပြောရမယ်ဆိုရင် လူသားတွေကတိုက်တန်ကြီးတွေကိုမုန်းတယ် ဒါပေမယ့် တကယ်တမ်းပြသနာတက်လာခဲ့ရင်လည်း အဲဒီတိုက်တန်တွေရဲ့ဘုရင်ကြီးကပဲ ထွက်လာရတာပါပဲ.... အဲချိန်ကျမှ ဟေးခနဲ ၀ါးခနဲ အသံတွေနဲ့ပျော်နေကြတာလည်း လူသားတွေပါပဲ.... ဒီကားမှာလည်း နဂိုထဲကပျောက်ကွယ်လုနီးပါးဖြစ်နေတဲ့ Ghidorah (ခေါင်းသုံးလုံးနဂါး) ကိုထွက်လာအောင်သွားလုပ်လို့ ဘုရင်ကြီးကပဲ မနေနိုင်မထိုင်နိုင်ဖြစ်ပြီးထွက်ကယ်ရပြန်ပါတယ်.... အသေချကြပါတယ်..... အကောင်ကြီးတွေချတာကြည့်ပြီး ကြက်သီးလည်းထတယ်.. အကောင်းဆုံးကတော့ ဂေါ်ဇီလာရဲ့ theme song ပြန်ပါလာပါတယ်.... အဲအသံကိုကြားတဲ့ချိန်ပျော်တယ်ဆိုတာထက် မိုက်တယ်ကွာလို့တောင် ပြောမိတယ်.... ကျွန်တော်တို့ ဟာခနဲ ဟင်ခနဲ ဖြစ်သွားစေတဲ့ Epic Battle တစ်ခုကိုခံစားပြီးပါပြီ... End Game က Final Scene ပါ.... နောက် Epic Battle တစ်ခုကိုပြောပါဆိုရင်တော့ ဒီကားထဲက Godzilla နဲ့  Ghidorah (ခေါင်းသုံးလုံးနဂါး) တို့ရဲ့ တိုက်ပွဲပါပဲ... တကယ်လည်းမိုက်တယ် .... အသေချတယ်.... ကြည့်ရတဲ့လူအဖို့ ဂေါ်ကြီးနိုင်ပါစေ .... ဂေါ်ကြီးထိသွားရင်လည်း ဟာခနဲဖြစ်ပြီး ရင်ခုန်ပြီးကြည့်နေရတာပါ.... ဒီကားက တိုက်တန်ကြီးတွေချတာကိုကြည့်တာနဲ့တင် လုံးဝတန်နေပြီဖြစ်တဲ့ ကားလို့တောင်ပြောလို့ရပါတယ်... ဒါကြောင့် ဒီကားရဲ့ ဇာတ်လမ်းအကြောင်းကို အားလုံးလည်းနားလည်အောင် အနည်းငယ်တင်ဆက်ပေးပါရစေ... ဒီရုပ်ရှင်ကတော့ ၂၀၁၄ ဂေါ်ဇီလာကားရဲ့ အဆက်ဖြစ်ပြီးတော့ Rating 6.6 ရရှိထားပါတယ်.. Rating နည်းတာကိုမကြည့်ပါနဲ့...တိုက်တန်ကြီးတွေရဲ့ Battle တွေကိုကြည့်ကြည့်ပါ... လုံးဝအလန်းကြီးတွေပါ......... ဇာတ်လမ်းသဘောအရတော့ ဂေါ်ဇီလာနဲ့ တိုက်တန်အချို့တိုက်ပွဲအပြီးမှာ မိုနာ့ခ် အဖွဲ့ကြီးဟာ အခြားသော တိုက်တန်တွေကို ရှာဖွေထိန်းသိမ်းနေကြပါတယ်။ ဒေါက်တာ အမ်မာကတော့ တိုက်တန်တွေကို အမိန့်ပေးနိုင်မယ့် အော်ကာလို့ ခေါ်တဲ့ စက်တစ်မျိုးကို တီထွင်နိုင်ခဲ့တယ်။ အဲဒီစက်ကနေ ဂီဒီုရာနိုးထလာပြီး အခြားတိုက်တန်တွေရဲ့ ဘုရင်နေရာအတွက် ဂေါ်ဇီလာနဲ့ အားပြိုင်မှုတွေ ဖြစ်လာပါတော့တယ်......။ File size…(8.5 GB)/(2.4 GB) / (1.4 GB) Quality….BluRay 4K HEVC/1080p HEVC / 720p Format…mkv/mp4 Duration….02:11:43 Subtitle….Myanmar Subtitle (Hardsub) Encoder….Ka Naung Translated by Littleneo

IMDb - 6.0/10 Rotten 66% 2018 ထွက် ရုံတင် ရုပ်ရှင် မှော်ကားလေးတစ်ကား တင်ပေးထားပါတယ်။ ဇာတ်လမ်းအကျဉ်းကတော့ မိဘ၂ပါး ကားအက်ဆီးဒန့်နဲ့ ဆုံးသွားပြီး မိဘမဲ့ဖြစ်နေတဲ့ လူးဝစ်ဆိုတဲ့ ကလေးလေးဟာ ဦးလေးဖြစ်သူ ဂျိုနသန်နဲ့အတူနေဖို့ ပြောင်းရွှေ့လာပါတော့တယ်။ ဂျိုနသန်ရဲ့အိမ်အတွင်းမှာ ညဘက်တွေမှာ ထူးဆန်းတဲ့အသံတွေကြားရပြီ သူ့ဦးလေးနဲ့အိမ်နီးချင်းဖြစ်သူရဲ့ ထူးဆန်းတဲ့အပြုအမှုတွေကနေ တဆင့် သူမသိထားတဲ့ မှော်လောကတစ်ခုအကြောင်း သိလာပြီး သူကိုယ်တိုင် မှော်ဆရာတွေ စုန်းမတွေနဲ့ ရင်ဆိုင်လာရတဲ့အခါ...... Little Neo မှ ဘာသာပြန်ပေးထားပါတယ် Thit San Khant

ဒီတစ်ခါတော့ စွန်းကြမ်းတဲ့ Horror/Thrill တကားနက် မိတ်ဆက်ပေးမယ် ကြမ်းလား မကြမ်းလားကတော့ ပိုစတာကြည့်သိမှာပါ :P ဇာတ်လမ်း အကျဉ်းလေးကတော့ ကယ်ဘင် ဆိုတဲ့ နေရာကို သူငယ်ချင်း ၅ယောက် သွားလည်ရာမှ မပြန်လမ်းကို မြန်းသွားပုံကို ရိုက်ကူးပြထားပြီး Horro တို့ရဲ့ ထုံးစံ အတိုင်း Rating တော့ အတော်နည်းတာကိုတွေ့ရတယ်ဗျ ပုရိသအကြိုက်ကား မျိုးမို့ ကြောက်တာရယ် ဟွာရယ် ဆိုတဲ့ ရသ ၂မျိုးကို တပြိုင်နက် ခံစားရမှမို့ သိပ်လန်းမယ်ဆိုတာ တော့ ပြောစရာမလိုတော့ဘူးထင်ပါတယ် သူတို့က ၅ယောက်စုသွားတယ် ကွီးတို့က ၁၈ယောက် စုကြည့်ကြပေါ့ :P

The Man with the Iron Fists (2012) ဒီတစ်ခါတော့ ငယ်ငယ်တုန်းက ကြည့်နေကျ တရုတ်သိုင်းကားတွေကိုမှ western actor တွေ ၊ English စကားပြောတွေနဲ့ ပေါင်းစပ်ထားတဲ့ လူစွမ်းကောင်းရုပ်ရှင်တစ်ခုနဲ့ မိတ်ဆက်ပေးလိုက်ပါတယ်...ဒီဇာတ်ကားမှာ Russell Crowe ကလွဲလို့ မင်းသား၊မင်းသမီးတော်တော်များများက  ကျန်တဲ့ဇာတ်ကားတွေမှာ second line-up အဖြစ်အသုံးတော်ခံခဲ့ကြသူတွေပါ။ သိုင်းဝတ္ထု ဖတ်နေသလို ခံစားရမယ့်ဇာတ်ကားပါ... မိသားစုနဲ့တော့မကြည့်သင့်ပါဘူး... ဇာတ်လမ်းအကျဉ်း လူရိုင်းမျိုးနွယ်စုတွေ အုပ်စိုးတဲ့ Jungle Villageကို ဧကရာဇ်ရဲ့ ရွှေတွေ တင်ဆောင်လာတဲ့ သင်္ဘောက ဖြတ်ရာကနေ လူရိုင်းမျိုးနွယ်စုတွေက အဲဒီ ရွှေတွေကိုခိုးဖို့ ကြိုးစားကြတဲ့ ဇာတ်လမ်းမျိုးဖြစ်ပါတယ်...မျိုးနွယ်စု ခေါင်းဆောင်ဖြစ်တဲ့ golden lion ကို သတ်ပြီး ခေါင်းဆောင်တက်လုပ်နေတဲ့ silver lion ကလည်း ရွှေသယ်လာတဲ့ သံတမန်တပ်ဖွဲ့တွေကို သတ်ပြီး ရွှေတွေကို ဆောင်ကြာမြိုင်ရဲ့ မြေအောက်ထပ်မှာ ဖွက်ထားဖို့ ကြံပါတော့တယ်...ဒါပေမဲ့ Golden Lion ရဲ့ သားဖြစ်သူ Zen Yi , Jungle village ရဲ့ တစ်ဦးတည်းသော ပန်းပဲဆရာ Thadeus နဲ့ Mr.Knife လို့ နာမည်ကျော်တဲ့ ဓားသခင် Jack တို့ကရော Silver Lion တို့ အဖွဲ့ကို ဒီအတိုင်းထားပါ့မလား... ဆောင်ကြာမြိုင်ရဲ့ ခေါင်းဆောင်ဖြစ်တဲ့ Lady Blossom ကရော အဲဒီရွှေတွေကို မတပ်မက်ဘဲ နေနိုင်ပါ့မလားဆိုတာကိုတော့ The Man With Iron Fists မှာ ဆက်လက်ရှုစားလိုက်ရအောင်... ဇာတ်လမ်းအညွှန်းနှင့်ဘာသာပြန်သူကတော့ Hazelle ဖြစ်ပါတယ်... File Size : 1.79GB / 859MB Quality : WEB-DL 1080p / 720p Genres : Action / Martial Arts Duration : 1h 35m Subtitle : Myanmar Subtitle (Hard Sub) Translated by Hazelle Encoded by Heather Oo

သီချင်းဆိုရင်း အသက်မွေးဖို့ နယ်မြို့လေးကနေ ထွက်လာတဲ့ Sherrie ဟာ လော့စ်အိန်ဂျလိစ်က Sunset Strip ကို ရောက်ရောက်ချင်း လုယက်ခံလိုက်ရပါတယ်။ အဲဒီမှာ နာမည်ကြီး Bourbon Room မှာ အချိန်ပိုင်းအလုပ်လုပ်နေတဲ့ Drew နဲ့ ဆုံမိပြီး သူကိုယ်တိုင်လည်း အဲဒီနေရာမှာ အလုပ်ရလာတယ်။ ဝါသနာတူတဲ့ ဒီလူငယ်နှစ်ယောက်ဟာ ကိုယ့်အနုပညာလမ်းကို လျှောက်ဖို့ အခွင့်အရေး ရလာကြပါတယ်။ တစ်ဖက်မှာတော့ တစ်ခေတ်တစ်ခါက အလွန်ကျော်ကြားခဲ့တဲ့ ရော့ခ်အဆိုတော် Stacee Jaxx ရှိနေတယ်။ Tom Cruise သရုပ်ဆောင်ထားတဲ့ ဒီအဆိုတော်ဟာ လူမှုရေးပြဿနာတချို့ကြောင့် အနုပညာအလုပ်တွေ ရပ်တန့်နေတာ ကြာပါပြီ။ အခု Bourbon Room မှာ ပထမဆုံး တစ်ကိုယ်တော်ရှိုးပွဲလုပ်ပြီး အနုပညာခရီးကို ပြန်ဆက်ဖို့ ပြင်ဆင်နေပါတယ်။ ဒါပေမယ့် Stacee ရဲ့ ပြန်လာမှုက Sherrie နဲ့ Drew တို့ကြားမှာ အနှောင့်အယှက်တစ်ခု ဖြစ်လာတယ်။ အဆိုတော်ဖြစ်ဖို့ ကြိုးစားနေတဲ့ လူငယ်နှစ်ယောက်နဲ့ နာမည်ကျော်ဘဝဆီ ပြန်ဝင်လာချင်တဲ့ ရော့ခ်အဆိုတော်တို့အကြောင်းကို ဟာသအနည်းငယ်၊ သီချင်းများစွာနဲ့ တင်ဆက်ထားတဲ့ ဂီတဇာတ်ကားပါ။

နွေပူပူနဲ့ ကြည့်လို့ကောင်းမဲ့ကားလေး နောက်တစ်ကား တင်ဆက်ပေးလိုက်ရပါတယ်။ ဒီကားလေးကတော့ ၂၀၁၀ မှာထွက်ထားတာဖြစ်ပြီး သွေးသံရဲရဲခန်းတွေ ရှယ်ပလန်နဲ့ပါတဲ့ သဲထိတ်ရင်ဖိုကားလေးပါ။ ဂျိတ်ခ်နဲ့ဂျူလီဟာ သားအမိတွေဖြစ်ပြီး ဂျူလီကတော့ ရေကန်ရဲ့ရဲမှူးပါ။ နွေရာသီပိတ်ရက်ကြောင့် လူပြည့်လာတဲ့ ဗစ်တိုးရီးယားရေကန်ကြိးကြောငိ့ အလုပ်များလာတဲ့ဂျူလီဟာ သားနဲ့သမီးအငယ်နှစ်ယောက်ကိုထိန်းဖို့ သားကြီးဖြစ်တဲ့ ဂျိတ်ခ်ကို တာဝန်ပေးလိုက်ပါတော့တယ်။ ဂျိတ်ခ်ခဗျာလည်း သားအကြီးပီသစွာနဲ့ နှစ်တိုင်းကလေးထိန်းနေရာကနေ ဒီနှစ်မှာတော့ ရေကန်လမ်းပြအလုပ်နဲ့ လည်ပတ်ဖို့ရာဖြစ်လာပါတော့တယ်။ လူတွေအပြည့်နဲ့ကြက်ပျံမကျစည်ကားနေတဲ့ ဗစ်တိုးရီးယားရေကန်ကြီးကတော့ မြေငလျင်ကြောင့် မြေအောက်ရေကန်နဲ့ လမ်းကြောင်းပွင့်သွားပြီး အသားစားငါးတွေထွက်လာတာကို ဘယ်သူမှ မသိခဲ့ပါဘူး။ ဒီလိုနဲ့ အလုပ်များနေတဲ့ ရဲမှူးမေမေနဲ့ အမေကျောခိုင်းတာနဲ့ လုပ်ချင်သလိုခိုးလုပ်ကြတဲ့ ‌ ကလေးတွေရယ်၊ အသားစားငါးတွေပြည့်နေတဲ့ ရေကန်ကြီးနဲ့ အပျော်ကြူးနေကြတဲ့ လူအုပ်ရယ် ...။ သွေးသံတရဲရဲနဲ့ အသည်းတယားယားကြည့်ရမဲ့ကားလေးမို့ ဘာသာပြန်တင်ဆက်ပေးလိုက်ရပါတယ်နော်။ File size…      1.4 GB /   578 MB Quality… BluRay 1080p / 720p Format… mp4 Duration…. 1h 28m Genre ..... Comedy/Thriller Subtitle…. Myanmar Subtitle (Hard Sub) Encoder…. Thit San Khant Translated by  Aditi

Rotten Tomatoes 89% IMDb 8.3/10 ရရှိထားပြီး အော်စကာ ၁ ဆုနဲ့ အခြားသော ဆုပေါင်း ၁၂၄ ဆုရရှိခဲ့တဲ့ ၂၀၀၉ ခုနှစ်ထွက် ဟစ်တလာ လုပ်ကြံရေး ဇာတ်ကားကောင်း တစ်ကားကို CM ပရိသတ်ကြီးအတွက် တင်ဆက်ပေးလိုက်ပါတယ်။ ဒုတိယကမ္ဘာစစ်ရဲ့ အစပိုင်း ပြင်သစ်ကို နာဇီတို့ သိမ်းပိုက်ထားချိန်ကာလ..... နာဇီတွေကို တန်ပြန်သုတ်သင်ဖို့အတွက် မဟာမိတ် တွေဟာ လျှို့ဝှက် တပ်ဖွဲ့တစ်ခုကို ဖွဲ့စည်းဖို့ လက်ဖတင်နင် Aldo Raine (Brad Pitt)ကို တာဝန်ပေးခဲ့ပါတယ်။ Aldo ဟာ Basterds လို့ခေါ်တဲ့ ဂျူး ကပြားတွေ အများအပြားပါဝင်တဲ့ တပ်ဖွဲ့ကိုဖွဲ့စည်းပြီး ဟစ်တလာရဲ့ နားရွက်ကို တံတွေးစွတ်ပါတော့တယ်။ Basterds တွေဟာ နာဇီမှန်သမျှရက်ရက်စက်စက်သတ်ပြီး ဦးခေါင်းရေကို ခွါယူလေ့ရှိပါတယ်။သူနဲ့သူ့လူတွေဟာ ဟစ်တလာကို လုပ်ကြံဖို့ ဗြိတိသျှတို့ရဲ့သူလျှို၊ဂျာမန် နာမည်ကြီးမင်းသမီး Bridget von Hammersmark(Diane Kruger)နဲ့ပူးပေါင်းပြီး ကီနို စစ်ဆင်ရေးကို အကောင်အထည်ဖော်ဖို့ ကြိုးပမ်းကြပါတော့တယ်။ အဲဒီအချိန်မှာပဲ နာဇီတွေ သုတ်သင်ခဲ့တဲ့ ဂျူးမိသားစုတစ်ခုက ထွက်ပြေးလွတ်မြောက်ပြီး နာဇီတွေကို လက်စားချေဖို့ကြိုးစားနေတဲ့ ရုပ်ရှင်ရုံပိုင်ရှင် ဂျူး မိန်းမလှလေး Shosanna Dreyfus(Mélanie Laurent) ကလည်း သူ့လက်စားချေမှုကို အကောင်အထည်ဖော်ဖို့ အခွင့်အရေးတစ်ခုကို အမှတ်မထင် ရရှိလာပါတယ်။ ဒီလို အခြေအနေမှာပဲ Jews Hunter လို့နာမည်ကြီးပြီး ကောက်ကျစ်စဉ်းလဲပြီး ဉာဏ်များတတ်တဲ့၊ ကာနယ် Hans Landa (Christoph Waltz) ဟာ ဒီလုပ်ကြံမှုကို ဘယ်လိုမျိုး တားဆီးကာကွယ်မလဲ။ Basterds တွေရဲ့ ကံကြမ္မာနဲ့ ဟစ်တလာရဲ့ ကံကြမ္မာဟာ ဘယ်သူ့အပေါ်မှာ မူတည်မလဲ? လုပ်ကြံမှုကရော အောင်မြင်မလား.... ကျဆုံးမလား ဆိုတာကို ရင်သပ်ရှုမောနဲ့ ကြည့်ရှုရမှာပါ။ ဒီဇာတ်ကားဟာ ဇာတ်လမ်း ဇာတ်အိမ်နဲ့ ဇာတ်ရုပ်တွေကို အများနဲ့မတူအောင် ခွဲထွက်ရိုက်ကူးတဲ့ နေရာမှာ နာမည်ကျော်တဲ့ အော်စကာဆုအပြင် အခြားဆုတွေအများကြီး ရထားတဲ့ ဒါရိုက်တာ Quentin Tarantino ရဲ့ လက်ရာပါ။ ဇာတ်လမ်း၊ သရုပ်ဆောင်မှု နဲ့ ရိုက်ကူးတင်ပြမှုတွေအရမ်းကောင်းတာကြောင့် ကြာမြင့်ချိန် ၂ နာရီခွဲကို ဆိမ့်နေအောင် ကျကျနနခံစားကြရမှာပါ။ (ရုပ်ရှင်အညွှန်းနဲ့ဘာသာပြန်ကို Kaung Thant Sin မှတင်ဆက်ထားပါတယ်။) 4K Quality ကိုတော့ ကာလာပိုလှတဲ့ HDR Version နဲ့ တင်ဆက်ထားတာမလို့ 4K ဖိုင်ကို HDR Play နိုင်တဲ့ ခေတ်ပေါ် Device များသာကြည့်ရှုလို့ရမှာဖြစ်ပြီး 1080p နဲ့ 720p ဖိုင်တွေကိုတော့ ပုံမှန်အတိုင်း ကြည့်ရှုလို့ရပါတယ်ခင်ဗျာ။ File size…(5.3 GB)/ (2.2 GB)/(1.1 GB) Quality….BluRay V2 4K HDR/1080p HEVC/720p Format…mkv/mp4 Duration….02:32:53 Subtitle….Myanmar Subtitle(Hardsub) Encoder….Ka Naung Translated by Kaung Thant Sin

Death Proof (2007) IMDb Rating (7.0) / Rotten Tomatoes (67%) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  6 ကားမြောက် slasher အမျိုးအစား ရုပ်ရှင်ကားကြီးဖြစ်ပါတယ်။ သွေးထွက်သံယို ဒါရိုက်တာကြီး Tarantino ကတော့ ဒီကားကို သူရိုက်ဖူးသမျှ ကားတွေထဲမှာ အစုတ်ပြတ်ဆုံးပဲလို့ ပေါ်တင် ကြေညာခဲ့တယ်။ ဒါပေမယ့် ရုပ်ရှင်ဝေဖန်ရေးဆရာ တော်တော်များများကတော့ ဒီကားဟာ Tarantino ရိုက်သမျှ ကားတွေထဲမှာ အကောင်းဆုံးတစ်ကားလို့တောင် ဆိုနိုင်တယ်လို့ ပြောတဲ့သူက ပြောကြတယ်။ တချို့ကျတောပလည်း အကောင်းဆုံးမဟုတ်တောင် တော်တော် ကောင်းတဲ့ ကား ဖြစ်တယ်လို့ ချီးကျူးကြတယ်။ ဒီကားက Tarantino ရိုက်သမျှကားတွေထဲမှာ အရိုးရှင်းဆုံး နဲ့ linear အတိုင်းသွားတဲ့ (အတိတ်ရောက်သွားလိုက် အနာဂတ်ရောက်သွားလိုက် မလုပ်တဲ့) တစ်ကားတည်းသော ကားပါ။ ဒီကားအကြောင်းပြောမယ်ဆို အရင်ဆုံး ပြောရမှာက ဒီကားမှာ အဓိက တွေ့ရမယ့် စတန့်မန်းဘဲကြီးရဲ့ character အကြောင်းပါ။ ဒီဘဲက ကျွန်တော့်အဖို့တော့ ကြည့်ဖူးသမျှ ရုပ်ရှင်တွေထဲမှာ တော်တော်ကြမ်းပြီး တော်တော် ကြောက်စရာကောင်းတဲ့ ဆိုက်ကို ဘဲကြီးပါပဲ။ သူ့ရုပ်က ပြုံးစိ ပြုံးစိနဲ့ မခုတ်တတ်တဲ့ကြောင်လေးလို ရပ်ကွက်ထဲက သဘောကောင်းတဲ့ အဘိုးကြီးလို ရုပ်မျိုး။ တကယ်က လူတစ်ယောက်ကို ကြက်ကလေး ငှက်ကလေး လို ချက်ချင်း သတ်ပစ်ရဲတဲ့ အူကြောင်ကြောင် ဆိုက်ကို ကောင်ကြီး။ သူ အူကြောင်ကြောင် ဆိုက်ကိုဖောက်တဲ့ ပုံစံက တခြားသူတွေနဲ့ မတူဘူူး။ ဘယ်သူမှ လုံးဝ မထင်ထားတဲ့အချိန်မှာ ဘယ်သူမှ မထင်ထားတဲ့ နည်းလမ်းမျိုးနဲ့ အုံးခနဲဒိုင်းခနဲ ဆိုက်ကိုဖောက်တာ။ ဒီရုပ်ရှင်ကို နှစ်ပိုင်းခွဲပြီး မြင်လို့ရတယ်။ ပထမ တစ်ပိုင်းကတော့ ကြောက်စရာကောင်းပြီး what the ffff လို့ ထအော်ရတဲ့ အပိုင်း။ ဒုတိယပိုင်းကျတော့ သောက်ရမ်းမိုက်တယ်ဟေး လို့ အားတက်တရော လက်ခမောင်းခပ် ပျော်ရွင်ရတဲ့ အပိုင်း။ ဒါပဲ။ ရှင်းရှင်းလေးနော် ဒီ ရုပ်ရှင်က။ ဒါပေမယ့် ဒီရုပ်ရှင် ရှင်းတဲ့ ပုံစံက ထူးဆန်းတယ်။ လူတစ်ယောက် သွားတိုက်နေတယ်။ ဒါမယ့် နောက်ဆုံးမှ သိလိုက်ရတာက သူ တိုက်နေတဲ့ သွားတိုက်ဆေးက အက်ဆစ်တွေ ဖြစ်နေသလိုမျိုးပေါ့။ ရိုးရိုးလေးနဲ့ ကျောချမ်းစရာကောင်းတယ်။ မိုက်တယ်။ အထူးသဖြင့် သရုပ်ဆောင်ပိုင်းတွေမှာ ကောင်မလေး တွေကိုလည်း အရမ်းသဘောကျတယ်။ ရယ်ရတယ်။ သွားရည်ကျစရာကောင်းတယ်။ အားမလို အားမရလည်း ဖြစ်ရတယ်။ အားရစရာလည်း ကောင်းလှတယ်။ ဟို ဆိုက်ကို အဖိုးကြီးကတော့ ထပ် ပြောစရာ မလိုတော့ပါဘူး။ ပြီးတော့ ကားမောင်းတဲ့အခန်းတွေဆို ကြည့်ရတာ classic ဖြစ်ပေမယ့် အရသာရှိတယ်။ တစ်ကားလုံးရဲ့ colour tone တွေကလည်း classic ဖြစ်နေပေမယ့် ဇာတ်လမ်းနဲ့ လိုက်ဖက်တာမို့ အရသာ ရှိနေတယ်။ ပြီးတော့ costume design လို့ခေါ်တဲ့ အဝတ်အစား စတိုင်တွေကလည်း classic ဆန်ဆန် sexy ကျပြီး character တိုင်းနဲ့ လိုက်ဖက်နေတယ်။ သီချင်းတွေလည်း ဒီတိုင်းပဲ။ classic ဆန်တယ်။ နားဝင်မှာ ရှတတနဲ့ လှတယ်။ ဒီကားနဲ့ပတ်သက်ပြီး စိတ်အကျေနပ်ဆုံးကတော့ ခုနက ပြောတဲ့ moment နှစ်ခုပဲ။ ဇာတ်လမ်း တစ်ဝက်မှာ အုံးခနဲ ဒိုင်းခနဲ ဖြစ်သွားတာလေးရယ် အဆုံးသတ်က ရင်တထိတ်ထိတ်နဲ့ မိုက်နေတာရယ် . . ။ အဲ့ဒီ စိတ်ကျေနပ်မှုက ဘာနဲ့မှ လဲလို့ မရဘူး။ ဒီရုပ်ရှင်က သွေးထွက် သံယို ဒါရိုက်တာကြီး Tarantino ကို အကြွေရဆုံး အချက်တွေထဲက တစ်ချက်ပေါ့။ မှတ်ချက် (၁) ။ ။ တော်ရုံ သွေးထွက်သံယိုလောက်မှ မကြည့်ရဲရင်တော့ ဒီကား မကြည့်ပါနဲ့။ မှတ်ချက် (၂) ။ ။ ဇာတ်လမ်း အတက်နဲ့ အကျနဲ့ ငိုတာလေး ရယ်တာလေး drama ချိုးတာလေးတွေမှ ကြည့်ချင်တယ်ဆိုရင်တော့ ဒီကား မကြည့်ပါနဲ့။ (ရုပ်ရှင်အညွှန်းကို DatShin  Movie Page မှ ကူးယူဖော်ပြပါသည်။) File Size : (6.9 GB) / (3.2 GB) / (1.4 GB) Quality : Blu-Ray Ai Upscaled 4K / 1080p / 720p Format…mkv/ mp4 Duration…01:53:00

Hostel (2005) IMDb - 5.9/10 Rotten - 61% ပုရိတ်သတ်ကြီးအတွက် တစ်ခေတ်တစ်ခါက နာမည်ကျော်ကြားခဲ့ပြီး ဝက်ဝက်ကွဲအောင်မြင်ကျော်ကြား ခဲ့တဲ့ ဒါရိုက်တာကြီး Eli Roth ရဲ့ဇာတ်ကားကောင်းတွေကို တင်ဆက်လိုက်ပါတယ်။ အမှန်တော့ Hostel ဇာတ်ကားတွေက ဖြစ်ရပ်မှန်ကို အခြေခံရိုက်ကူးထားတာမဟုတ်ပါဘူး။ ဒါပေမဲ့ အပိုင်းသုံးပိုင်းထဲက အပိုင်းတစ်ခုဟာထိုင်းမှာ အလားတူသဏ္ဍန် တစ်ခုဖြစ်သွားခဲ့တဲ့အတွက် ဒီဇာတ်ကားဟာ ဖြစ်ရပ်မှန်ကိုအခြေခံထားတယ်ဆိုပြီး သတင်းတွေထွက်ပေါ်လာခဲ့ပါတယ်။ ...... လူတွေဆိုတာ အခက်သားကလား။ သာယာမှု့ဆိုတာကို လူတိုင်းလက်ခံသဘောကြ ကြပါတယ်။ နာကြင်မှု့ကိုတော့ ကြားတောင်မကြားချင်ကြပါဘူး။ ဒီဇာတ်ကားက အဲဒီခံစားချက်နှစ်မျိုးရဲ့ အချိတ်ဆက်ကို ဖော်ပြပေးသွားမှာပါ။ မူမှန်တဲ့ လူတွေအတွက် ပျော်စရာ ကလပ်တွေရှိနေသလို မူမမှန်တဲ့သူတွေအတွက်လည်း ပျော်စရာ ကလပ်တွေ ရှိနေပါတယ်။ မူမမှန်သူတွေကတော့ လူ့အသက်တွေနဲ့ အကြောက်တရားတွေကို ငွေကုန်ကြေးကျခံပြီး ကစားကြသူတွေပါ။ ဇာတ်ကားရဲ့အခြေခံကတော့ မြို့တွေကို ပျော်ရွင်စရာတွေနဲ့ သုခဘုံအလားဖန်တီးထားပြီးနိုင်ငံခြားသား/သူ တွေကို အစဖျောက်ဖမ်းခေါ်ပြီးမူမမှန်တဲ့ သူတွေဆီကို ပိုက်ဆံယူပြီး ဝကွက်အပ်လိုက်တာပါပဲ။ ပိုက်ဆံအတွက် အသတ်ခံကြရသလို ပိုက်ဆံအတွက် သတ်ကြရပါတယ်။ လျှင်သူစားစတမ်းပေါ့ဗျာ... (ဘာသာပြန်သူကတော့ ကိုအေးမင်းဦးပါ) File Size : (700 MB) Quality : 720p Bluray Running Time : 1hr 34min Format : Mp4 Genre :Horror, Mystery, Thriller Subtitle : Myanmar Subtitle (Hard Sub) Translated by Aye Min Oo Encode by Thanhtike Zaw

2001 : Maniacs (2005) သွေးထွက်သံယိုဇာတ်ကွက်‌‌တွေ နဲ့ လူသတ်ကားခပ်ကြမ်းကြမ်းလေးကို တောင့်တနေမိတယ်ဆိုရင်တော့ ၂၀၀၅ ခုနှစ်ကထွက်ရှိထားတဲ့ 2001: Maniacs ဆိုတဲ့ဇာတ်ကားလေးကို မိတ်ဆက်ပေးလိုက်ပါမယ်။ ဒီဇာတ်ကားက ၂ ကားထွက်ထားတာဖြစ်ပြီး 2001 : Maniacs : Field of Screams (2010) ဆိုတဲ့ကားကိုလဲ တပါတည်းတင်ဆက်လိုက်ပါတယ်။ ဇာတ်လမ်းကတော့... ကျောင်းတွေပိတ်လို့ နွေရာသီအားလပ်ရက်ခရီးထွက်လာကြတဲ့ ကျောင်းသားတစ်စုဟာ လမ်းတစ်၀က်အရောက် လမ်းလယ်ခေါင်မှာပိတ်ထားတဲ့ လမ်းလွှဲဆိုင်းဘုတ်တစ်ခုကို တွေ့လိုက်ရပါတယ်။ သူတို့ကလည်း လမ်းညွှန်ရာအတိုင်း ၀င်လာခဲ့တဲ့နောက်မှာ အင်မတန်ထူးဆန်းတဲ့ မြို့တစ်မြို့ထဲကို ရောက်သွားခဲ့ပါတယ်။ မြို့သူမြို့သားတွေဟာ သူတို့ရောက်လာတာနဲ့ ၀မ်းပမ်းတသာ ကြိုဆိုနေခဲ့ကြပြီး နေရာထိုင်းခင်း အ‌စားအသောက်တွေ အဆင်သင့် ပြင်ဆင်ဧည့်ခံပါတော့တယ်။ ဒါပေမယ့် တဖြေးဖြေးနဲ့ ကျောင်းသားတွေ တစ်ယောက်ချင်းစီ ပျောက်ပျောက်လာတဲ့နောက်မှာ သူတို့တွေဟာ သံသယတွေ ၀င်လာခဲ့ကြပါတယ်။ သူတို့ရောက်နေတာ ဘယ်မြို့လဲ။ ဘာလို့ သူတို့ကိုကြိုဆိုနေကြတာလဲ။ သူငယ်ချင်းတွေရော ဘယ်တွေရောက်ကုန်တာလဲ...စတဲ့ မေးခွန်းပေါင်းများစွာနဲ့ ပဟေဠိဆန်လွန်းလှတဲ့ ဒီမြို့လေးမှာ ဘာလျို့ဝှက်ချက်တွေရှိနေမလဲ၊ သူတို့သူငယ်ချင်းတွေကို ရှာတွေ့မှာလား၊ သူတို့ရော လွှတ်မြှောက်နိုင်ပါ့မလားဆိုတာ....။ (အသတ်အဖြတ်၊ အပြောအဆို ၊ ခပ်ကြမ်းကြမ်းပြကွက်တွေကြောင့် R-Rated ဇာတ်ကားတွေဖြစ်ပြီး မိသားစုနဲ့ကြည့်လို့မရပါ။) File size….(3.7 GB )/(2.6 GB) Quality….BluRay 1080p HEVC / 720p Format…mkv/mp4 Duration….01:28:00 Subtitle….Myanmar Subtitle (Hardsub) Encoder….RGB Translated by Jaka

ကောလိပ်ကျောင်းသား ငါးယောက်ဟာ စာမေးပွဲအပြီး တောအုပ်ထဲကသစ်လုံးအိမ်လေးမှာ စုပြီးအနားယူဖို့ထွက်လာကြပါတယ် ညဘက်မီးပုံပွဲလေးလုပ်ပြီး စကားစမြည်ပြောဆိုနေကြတုန်းမှ ထူးဆန်းတဲ့ရောဂါကူးစက်ခံနေရသူတစ်ယောက်က အကူအညီတောင်းလာပါတယ်။ အားလုံးကလည်း ကြောက်လန့်တကြားနဲ့ အကူအညီပေးဖို့ ငြင်းဆန်ရာမှရုန်းရင်းဆန်ခတ်တွေဖြစ်ကာ သူတို့ပါလာတဲ့ကားပျက်စီးသွားပါတော့တယ်။ နောက်တစ်နေ့မနက် ကားပြင်ဖို့ကြိုးစားရင်း ဘာတွေဆက်ဖြစ်မလဲ။ ထူးဆန်းတဲ့သူကရော ဘယ်သူလဲ။ ထူးဆန်းတဲ့ရောဂါကရော ကုသနိုင်မှာလား။ သူတို့ သူငယ်ချင်းအုပ်စုကို ရောဂါကူးစက်မခံရဘဲနဲ့ အိမ်ပြန်လာနိုင်မလား စသဖြင့် ကြည့်ရှုခံစားရမဲ့ သည်းထိပ်ရင်ဖိုဇာတ်ကားတစ်ခုပဲဖြစ်ပါတယ်။ File size…(1.8 GB)/(969 MB) Quality….Webrip 1080p / 720p Format…mp4 Duration….01:37:00 Genre... Horror Subtitle….Myanmar Subtitle (Hardsub) Encoder….Mr. Anderson Translated by Eunice

IMDb 5.8, Rotten Tomatoes 64% ဒီရုပ်ရှင်ကတော့ ၁၉၈၄ ခုနှစ်မှာထွက်ရှိခဲ့တဲ့ ပထမဦးဆုံး တော့စစ်အဗန်ဂျာရုပ်ရှင်နဲ့ ချိတ်ဆက်ထားတာပါ။ ကြားထဲက Part II/ Part III နဲ့လုံးဝမသက်ဆိုင်ပါဘူး။ ပထမဇာတ်ကားမှာ တော့စီရဲ့ ကောင်မလေးနာမည်က ဆယ်ရာဖြစ်ခဲ့ပြီး Part II နဲ့ Part III မှာတော့ ကလဲရ်ဆိုတဲ့ မျက်မမြင်မလေး ဖြစ်နေခဲ့တာပါ။ ဒီဇာတ်ကားမှာ တော့စီရဲ့ ကောင်မလေးနာမည်ကစလို့ ပထမဆုံးဇာတ်ကားနဲ့ ပြန်တူသွားတာကို မြင်တွေ့ရမှာပါ။ ဇာတ်လမ်းအကျဉ်း အထူးလိုအပ်ချက်ရှိကလေးများအတွက် စာသင်ကျောင်းတစ်ကျောင်းကို အကြမ်းဖက်အဖွဲ့တစ်ခုက ဝင်ရောက်စီးနင်းထားတဲ့အတွက် တော့စီက ကလေးတွေကိုဝင်ကယ်ပေးရင်း တခြားဒိုင်မန်းရှင်းထဲကို ရောက်သွားပါတယ်။ အဲဒီဒိုင်မန်းရှင်းမှာက တော့စစ်အဗန်ဂျာမဟုတ်ဘဲ နော့ရှက်စ်အော်ဖန်ဒါဆိုပြီး လုံးဝကိုဆိုးသွမ်းတဲ့ပုံစံတူ တစ်ဦးရှိပါတယ်။ ကမ္ဘာနှစ်ခုမှာ ပြင်းအားတူတဲ့ပေါက်ကွဲမှုတစ်ခု တပြိုင်နက်တည်း ဖြစ်ပေါ်လာတဲ့အတွက် နှစ်ယောက်သားက တစ်ယောက်ရဲ့ကမ္ဘာထဲ တစ်ယောက် ဝင်သွားခဲ့ပါတယ်။ တော့စီက ဆိုးဝါးတဲ့ကမ္ဘာထဲဝင်သွားတဲ့အခါ သူ့ထုံးစံအတိုင်း ရာဇဝတ်မှုတွေကို လိုက်လံနှိမ်နင်းပေးပေမယ့်လို့ သူချစ်မြတ်နိုးရတဲ့ ထရွန်မာဗီလ်ကတော့ နော့စီကြောင့် မြို့သားတိုင်း ကျီးလန့်စာစားရတဲ့ အခြေအနေကို ရောက်သွားပါတယ်။ ဒီတော့ တော့စီတစ်ယောက် သူ့ရဲ့ကမ္ဘာဆီ၊ သူ့ရဲ့ချစ်သူဆီကို ပြန်နိုင်မလား။ ထရွန်မာဗီလ်ကရော ဘယ်လောက်အတိုင်းအတာထိ ပျက်စီးသွားဦးမှာလဲ။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

IMDb 6.7/10 Horse Whisperer ဆိုတဲ့အတိုင်း လူနဲ့တိရိစ္ဆာန်တွေကြားက ချစ်ခြင်းမေတ္တာ၊ မိသားစုကြားက နွေးထွေးမှု၊ မွန်တာနာကျေးလက်ဒေသက သဘာဝအလှတရားတွေ စတာတွေအကုန်လုံးကို စုံလင်စွာကြည့်ရှုနိုင်မယ့် ဇာတ်ကားကောင်းတစ်ကားဖြစ်ပါတယ်............. စိတ်ဒဏ်ရာတွေကို ကုစားဖို့က မေတ္တာတရားနဲ့ အချိန်ကာလတစ်ခုပဲ လိုအပ်တယ်ဆိုတာကို ပြသပေးသွားမယ့် ရုပ်ရှင်တစ်ကားပဲဖြစ်ပါတယ်............. ဆယ်ကျော်သက်အရွယ် ဂရေ့စ်နဲ့ သူ့အချစ်ဆုံးသူငယ်ချင်း ဂျူဒီတို့က မြင်းစီးထွက်လာခဲ့ကြရင်း မတော်တဆမှုတစ်ခုနဲ့ ကြုံတွေ့ခဲ့ရာကနေ သူ့အချစ်ဆုံးသူငယ်ချင်း ဂျူဒီဟာ သေဆုံးသွားခဲ့ရတယ်။ ဂရေ့စ်ရော ဂရေ့စ်ရဲ့ မြင်း Pilgrimရော ဆိုးရွားတဲ့ဒဏ်ရာတွေရရှိခဲ့ကြပြီး ဂရေ့စ်အတွက် စိတ်ရောကိုယ်ပါ ထိခိုက်မှုတွေ ဖြစ်သွားစေခဲ့တယ်။ Pilgrim ကလည်း ဒီမတော်တဆမှုကြောင့် စိတ်ဒဏ်ရာအပြင်းအထန်ရရှိခဲ့တာကြောင့် ဂရေ့စ်ရဲ့ အမေ အန်နီက သူ့သမီးရဲ့မြင်းကို ကုစားပေးဖို့ မွန်တာနာကျေးလက်ဒေသရှိ Tom Booker ဆီကို ခေါ်သွားခဲ့ပါတယ်။ Tom Booker က မြင်းတွေရဲ့ စိတ်ကို နားလည်နိုင်စွမ်းရှိသူဖြစ်ပြီးတော့ Grace နဲ့ Pilgrim တို့ကို စိတ်ရှည်ရှည်နဲ့ ပြန်လည်ကုစားပေးဖို့ ကူညီပေးခဲ့တယ်။ အချိန်ကြာလာတာနဲ့အမျှ Annie နဲ့ Tom တို့ကြား ရင်းနှီးမှုတွေ တိုးလာခဲ့ပြီး ရှုပ်ထွေးတဲ့စိတ်ခံစားချက်တွေ ဖြစ်လာခဲ့တယ်။ ဒီစိတ်ခံစားချက်ကြောင့် Annie ရဲ့ အိမ်ထောင်ရေးနဲ့ မိသားစုဘဝကို စိန်ခေါ်မှုတွေဖြစ်လာခဲ့တဲ့အခါမှာ... Annie က ဘယ်သူ့ကို ရွေးချယ်မှာလဲ???? သမီးလေးရဲ့အဖေ Robert လား ဒါမှမဟုတ် သူချစ်မိသွားခဲ့တဲ့သူ Tom လားဆိုတာကိုတော့ The Horse Whisperer ဆိုတဲ့ ဇာတ်ကားလေးမှာ ဆက်လက်ကြည့်ရှုလိုက်ကြပါအုံး...................... File size…(2,2 GB)/(1.3 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Adventure, Drama, Romance Subtitle….Myanmar Subtitle (Hardsub) Encoder….Swan Min Htet Translated by Su Mon

The Lost World သည် Jurassic Park ၏အဆက် ဖြစ်ပြီး ပထမကားထွက်ပြီးလေးနှစ် အကြာ (၁၉၉၇) တွင်ရုံတင်ခဲ့သည်။ ထိုခေတ်အခါက ရုံတင်ဝင်ငွေအကြမ်းဆုံးဇာတ်ကားလည်းဖြစ်ခဲ့သည်။ ဒါရိုက်တာ Steven Spielberg ကိုယ်တိုင်ပင် ဆက်လက်ရိုက်ကူးခဲ့ပြီး IMDb 6.5 ရရှိခဲ့သည်။ လူဆိုသည်မှာ လက်လျှော့တတ်သောသတ္တဝါမဟုတ်ဟုဆိုသည့်အတိုင်း ဒိုင်နိုဆောများကိုဖန်တီးခဲ့သည့် အင်ကြင်းကုမ္ပဏီ(InGen)သည် ကုန်ကျစားရိတ်များကာမိစေရန်အတွက် ထပ်မံကြိုးစားလိုကြသည်။ အရှုံးသမားဘုတ်အဖွဲ့ဒါရိုက်တာ ဂျွန်ဟမ်မွန်က တားမြစ်ခဲ့သော်လည်း လက်မခံခဲ့ဘဲ ပီတာလုဒ်လော ဦးဆောင်ပြီးဆိုနာကျွန်း(အလုပ်ရုံB)သို့သွားရောက်ခဲ့ကြသည်။ လုဒ်လော၏ရည်ရွယ်ချက်မှာ ထိုကျွန်းကို တိရိစ္ဆာန်ရုံပြုလုပ်ရန်မဟုတ်။ ဆန်ဒီရေဂိုမြို့ထဲတွင်တိရိစ္ဆာန်ရုံ တည်ဆောက်ပြီး ဒိုင်နိုဆောများကို ထည့်သွင်းပြသရန်ဖြစ်သည်။ လုဒ်လောသည်ကြေးစားမုဆိုးအဖွဲ့တစ်ဖွဲ့ကိုငှားပြီး ဒိုင်နိုဆောများကိုဖမ်းဆီးရန်ကြိုးစားစဉ်တွင် ဂျွန်ဟမ်မွန်လွှတ်လိုက်သည့် စောင့်ကြည့်မှတ်တမ်းယူအဖွဲ့(ပညာ ရှင်များအဖွဲ့)နှင့်ထိပ်တိုက်တိုးခဲ့ကြသည်။ ထူးခြားသည်က ဤရုပ်ရှင်တွင် ဒိုင်နိုဆောများသည် မိမိအသိုက်အမြုံကိုကာကွယ်လိုသည့်သဘောဖြင့်သာကြမ်းကြုတ်လာခဲ့ကြပုံ၊ အုပ်စုဖွဲ့မုဆိုးများဖြစ်ကြသော လူသားများနှင့်ရက်ပ်တာများ ထိပ်တိုက်တွေ့ကြပုံ၊ ဒိုင်နိုဆောများကို သက်ရှိများအဖြစ်မြင်ပြီး ကာကွယ်လိုသောပညာရှင် အဖွဲ့နှင့် ဒိုင်နိုဆောများကို ပိုက်ဆံများအဖြစ်မြင်ပြီးဖမ်းဆီးလိုသောအဖွဲ့ထိပ်တိုက်တိုးကြပုံ စသည်ဖြင့်အလွန်စိတ်ဝင်စားဖွယ်ဖြစ်အောင် ရိုက်ကူးတင်ဆက်ထားပါသည်။ File Size : 3.6 GB / 1.6 GB Quality : BluRay 1080p / 720p Running Time : 2hr 09min Genre :Action,Adventure,Sci-Fi Subtitle : Myanmar Subtitle (Hard Sub) Encoded by Thit San Khant