Esom ပါဝင်သော ဇာတ်ကားများ

Phantom Lawyer (2026) အပိုင်းသစ် (1 မှ 16) စ/ဆုံး ယခုတစ်ခေါက်မှာတော့ Mystery, Comedy, Law ဇာတ်လမ်းအမျိုးအစားလေးဖြစ်တဲ့အပြင် မင်းသား Yoo Yeon Seok, မင်းသမီး Esom တို့အပြင် အခြားနာမည်ကြီး သရုပ်ဆောင်များစွာ ပါဝင်ထားတဲ့ သရဲတွေကိုယ်စား အမှုလိုက်ပေးသွားမဲ့ ‌ရှေ့နေဇာတ်လမ်းတွဲသစ်လေးကို ပရိသတ်ကြီးများအတွက် တင်ဆက်ပေးလိုက်ပါတယ်။ ဇာတ်လမ်းအကျဉ်း ရှင်းအီရန်း (Yoo Yeon Seok) ဟာ သူ့ပုံပန်းသွင်ပြင်နှင့် မလိုက်မဖက် ကပျက်ကချော်နိုင်တဲ့သူဖြစ်တဲ့အပြင် သရဲတစ္ဆေတွေကို မြင်နေရတဲ့ ရှေ့နေတစ်ဦးဖြစ်ပြီး ဟာနာယွန်း (Esom) ကတော့ ပြင်းထန်လှတဲ့ အနိုင်လိုချင်စိတ်ကြောင့် သူမရဲ့ နယ်ပယ်မှာ အမှုပေါင်းများစွာ အနိုင်ရထားတဲ့ ထိပ်တန်းရှေ့နေတစ်ဦးဖြစ်ပါတယ်။ သရဲတွေကို မြင်နေတဲ့ ရှေ့နေ ရှင်းအီရန်းနဲ့ ထိပ်တန်းရှေ့နေ ဟာနာယွန်းတို့ ၂ ယောက် ပူးပေါင်းပြီး အထူးအမှုသည်ဖြစ်တဲ့ သရဲတစ္ဆေတွေအတွက် အမှုလိုက်ပေးဖို့ ဖြစ်လာတဲ့အခါမှာတော့... ပုံမှန် အမှုသည်တွေ မဟုတ်တဲ့ သူတို့ရဲ့ ထူးခြားတဲ့ အမှုသည်တွေအတွက် အမှန်တရားနဲ့ တရားမျှတမှုတွေကို ဥပဒေဘောင်အတွင်းကနေ ဘယ်လိုများ ဖြေရှင်းပေးသွားမလဲဆိုတာကို ဒီ Phantom Lawyer ဆိုတဲ့ ဇာတ်လမ်းတွဲအသစ်လေးမှာ အပတ်စဥ် သောကြာ၊ စနေနေ့တိုင်း စောင့်မျှော်ကြည့်ရှုပေးကြပါဦးနော်။ Aired: Mar 13, 2026 - May 2, 2026 Aired On: Friday, Saturday Genres: Mystery, Comedy, Law, Supernatural Episodes: 16 Original Network: SBS

The Ultimate Duo (2026) အလှည့်အပြောင်းပေါ် အလှည့်အပြောင်းဆင့်ပြီး ခန့်မှန်းရခက်တဲ့ မှုခင်းဇာတ်လမ်းတွေကို ကြိုက်နှစ်သက်သူများအတွက် ဂျပန်မှာ အမှန်တကယ် ဖြစ်ပျက်ခဲ့တဲ့ ဖြစ်ရပ်မှန်ကို အခြေခံ ရိုက်ကူးထားတဲ့ အမိုက်စား ရုံတင်ကားသစ်လေးကို တင်ဆက်ပေးလိုက်ပါပြီ။ Light Shop ထဲက မင်းသားကြီး Bae Seong-Woo၊ Love Alarm ထဲက မင်းသား Jung Ga-ram၊ လက်ရှိပြသနေတဲ့ Phantom Lawyer ထဲက မင်းသမီး Esom တို့အပြင် တခြား ဝါရင့်သရုပ်ဆောင်ကြီးများစွာ ပါဝင်သရုပ်ဆောင်ထားကြပါတယ်။ - ဇာတ်လမ်းအကျဉ်း - ဆောဂျယ်ဟျော့ (Bae Seong-Woo) ကတော့ တစ်ချိန်က အောင်မြင်ခဲ့ပေမဲ့ အမှုတစ်ခုမှာ အမှားအယွင်းဖြစ်ပြီးတော့ ရာထူးကျပြီး နယ်ဘက်ကို ရွှေ့ပြောင်းခံလိုက်ရတဲ့ ဝါရင့်စုံထောက်တစ်ဦးပါ။ တစ်နေ့မှာ ဉာဏ်ရည်ထက်မြက်တဲ့အပြင် ငွေကြေးဥစ္စာပါ ပြည့်စုံတဲ့ လူချမ်းသာ စုံထောက်သစ်လေး ဂင်ဂျွန်းဟို (Jung Ga-ram) က ဂျယ်ဟျော့တို့ရဲ့ နယ်စခန်းလေးဆီကို ပြောင်းလာပါတော့တယ်။ ဘာတစ်ခုမှ ကိုက်ညီမနေတဲ့ သူတို့နှစ်ဦးဟာ ဘုရားကျောင်းအလှူငွေကို ခိုးသွားတဲ့ သူခိုးကို ဖမ်းမိခဲ့ရာကနေ အဲဒီသူခိုးက ဆိုးလ်မြို့၊ ဂန်းနမ်လူသတ်မှုရဲ့ ဖြစ်နိုင်ခြေအရှိဆုံး သံသယရှိသူဖြစ်နေကြောင်း ဖော်ထုတ်လိုက်နိုင်ပေမဲ့ ပြဿနာက အဲဒီအမှုရဲ့ တရားခံကို ဖမ်းတောင်မိပြီးသွားလို့ အမှုပိတ်သိမ်းပြီးသား ဖြစ်နေတာပါပဲ.... ဒါကြောင့် သူတို့နှစ်ဦးအတူ ဒီအမှုရဲ့ နောက်ကွယ်က အမှန်တရားကို စုံစမ်းဖို့အတွက် ဆိုးလ်မြို့ပေါ် အလုပ်ခရီး ထွက်လာတဲ့အခါမှာတော့... ဖမ်းမိပြီးသား တရားခံကပဲ တရားခံအစစ် ဖြစ်နေမလား........ အလှူငွေသူခိုးက တရားခံအစစ် ဖြစ်နေမလားဆိုတာကို ဂျယ်ဟျော့နဲ့ ဂျွန်းဟိုတို့ စုံထောက်နှစ်ဦးနဲ့အတူ puzzle ဆက်သလို အဖြေရှာရင်း ကြည့်ရှုရမဲ့ ဇာတ်ကားကောင်းလေးဖြစ်တာကြောင့် လက်မလွတ်တမ်း ကြည့်ရှုကြဖို့ ညွှန်းဆိုပေးလိုက်ပါတယ်။ File Size : 1.37GB/ 660MB Quality : WEB-DL 1080p/ 720p Format : mp4 Duration : 1hr 38m Genre : Action, Comedy, Crime Subtitle : Myanmar Subtitle (Hard Sub)

LTNS (Long Time No Sex) (2024) ကားနာမည်မြင်ရုံနဲ့တင်ကြည့်သင့်နေပါပြီ... ဒီဇာတ်လမ်းတွဲသစ်မှာတော့ မြန်မာပရိတ်သတ်တွေသိပ်မစိမ်းလှတဲ့ အခွီသရုပ်ဆောင် Ahn Jae Hong နဲ့ Esom တို့ပါဝင်ထားတဲ့အပြင် အခြားနာမည်ကြီးဇာတ်ပို့တွေလည်းပါဝင်ပါတယ်....18+ အဖြစ်သတ်မှတ်ထားကြလို့ ကလေးသူငယ်လေးတွေတော့ မကြည့်သင့်ဘူးထင်ပါတယ်... Woo Jin နဲ့ Samuel တို့ဟာ အိမ်ထောင်သက်ကြာလာတဲ့အမျှ ပြဿနာတစ်ခုကြုံလာရတယ် ..၂ယောက်လုံးငယ်ရွယ်နုပျိုနေသော်ငြားလည်း sexကိစ္စနဲ့ပတ်သက်ပြီး တစ်ယောက်ကိုတစ်ယောက် ရင်ခုန်ခြင်းမရှိတော့တာပါပဲ... သူတို့ ၂ယောက်ဟာ ဒီအခြေအနေက ရုန်းထွက်ချင်တယ်...မချစ်တော့ဘူးလား သံယော်ဇဉ်မရှိတော့ဘူးလားဆိုတော့လည်းမဟုတ်ကြပြန်တော့ သူတို့ (၂)ဦးဟာ ဒီကိစ္စနဲ့ပတ်သက်ပြီးရေရှည်အစီအစဉ်ဆွဲပြီး ဖြေရှင်းဖို့ ကြိုးစားပါတော့တယ် ...သူတို့ဘာတွေလုပ်ကြမလဲဆိုတာကိုတော့.... Aired: Jan 19, 2024 Aired On: Friday  Genres: Comedy, Drama Duration: 45 mins Episodes: 6 Original Network: TVING Translated by  Treasure Htet, Miri, Toe Toe Aung,Phyu Sin Hnin &  Thinn Thinzar Encoded by  Phyo Pyae

Escape (2024) ဒီတစ်ခါမှာတော့ Taxi Driver, Chief Detective1958 တို့လို rating အမြင့်ဆုံးရထားတဲ့seriesတွေထဲက မင်းသား Lee Je Hoon၊ D.P., Parasyte: The Grey ဇာတ်ကားတွေမှ မင်းသား Koo Kyo Hwan၊ Hopeless ထဲမှ မင်းသား Hong Xa Bin တို့ အဓိကပါဝင်ထားပြီး Song Kang cameo ပါဝင်ထားတဲ့ အရမ်းပေါက်နေတဲ့ မြောက်ကိုရီးယား တပ်ပြေးဇာတ်လမ်းလေးကို တင်ဆက်ပေးသွားမှာပဲဖြစ်ပါတယ်။ ဇာတ်လမ်းကတော့ မြောက်ကိုရီးယားစစ်သား အင်ဂယူနမ်ဟာ တောင်ကိုရီးယားမှာ လွတ်လပ်မှုကို အိပ်မက်မက်ရင်း မျှော်လင့်ချက်အပြည့်ရှိတဲ့ ဘဝအသစ်တစ်ခုစတင်ဖို့  အိပ်မက်မက်နေသူပါ။ ဒါကြောင့် သူ့အိပ်မက်ဖြစ်မြောက်ဖို့အတွက်ဆိုရင် အမိနိုင်ငံကနေ ထွက်ပြေး စစ်မဲ့ဇုန်ကို ‌ကျော်ဖြတ်ပြီး တောင်ကိုရီးယားနိုင်ငံကို ဝင်ရောက်ရမှာပဲဖြစ်ပါတယ် တစ်နေ့မှာတော့ မြောက်ကိုရီးယားကနေ ထွက်ပြေးဖို့လုပ်ရင်း စစ်သား‌လေး ဒုံဟျော့ဆီမှာ မိသွားပါတော့တယ်။ အဲဒီနေရာကို ဗိုလ်မှူးရီဟျွန်းဆန်းပါ ရောက်ရှိလာတဲ့အခါမှာတော့...။ နှစ်ပေါင်းများစွာ တပ်ထဲက ထွက်ပြေးဖို့ ကြိုးစားနေတဲ့ ဂယူနမ်ကို နည်းမျိုးစုံနဲ့ တားနေတဲ့ ဗိုလ်မှူးရီဟျွန်းဆန်းတစ်ယောက် ဒီတစ်ခါမှာရော တားနိုင်ဦးမှာလား။ ဂယူနမ်ကရော သူ့အိပ်မက်တွေဖြစ်မြောက်အောင် ထွက်ပြေးပြီး လွတ်လပ်မှုကို ရှာဖွေနိုင်ပါ့မလားဆိုတာတွေကိုတော့ ဇာတ်လမ်းလေးထဲမှာပဲ ရင်တထိတ်ထိတ်နဲ့ ရှုစားလိုက်ကြရအောင်နော်။ (အညွှန်းကိုတော့ Toe Toe Aung မှ ရေးသားထားပါတယ်။) File size…1.47GB / 610MB Quality…WEB-DL 1080p/ 720p Format…mp4 Duration….1h 35m Genre ….. Action, Military, Thriller, Drama Subtitle….Myanmar Subtitle (Hard Sub) Encoder….Tiff Translated by Miri Stary, Hnin Wai, ToeToe Aung, Shwe Pyae & Kaung Htet

Black Knight(2023) အပိုင်း(၁ မှ ၆ ) စ/ဆုံး အားလုံးစောင့်မျှော်နေကြတဲ့ Netflix Series အသစ် Black Knight ဟာဆိုရင် 2071 ခုနှစ် မှာဇာတ်အိမ်တည်ထားတာဖြစ်ပြီး လေထုအဆိပ်သင့်မှုပြင်းထန်လာတာနဲ့အညီ ကမ္ဘာကြီးမှာရှိတဲ့ လူဦးရေရဲ့ ၁% ပဲ အသက်ရှင်ကျန်တော့တဲ့ခေတ်ကာလပါ... ဒီလိုခေတ်ကာလမှာတော့ လူတွေက အိမ်ထဲကအိမ်ပြင်မထွက်ကြတော့ပါဘူး... အိမ်အပြင်ကိုထွက်ကြတာနဲ့လည်း အောက်စီဂျင် Mask တွေ တပ်ကြရတာမို့လို့ တစ်ဦးနဲ့တစ်ဦး ပေးပို့ချင်တာ စားနပ်ရိက္ခာ ပစ္စည်း စတာတွေကို Knight လို့ ခေါ်ကြတဲ့ Delivery သမားတွေက ပို့ပေးကြရပါတယ်.... အန္တရာယ်တွေကြား သူခိုးဓါးပြတွေကြားကနေ Delivery လိုက်ပို့ပေးရတဲ့ Knight တွေထဲမှာ ကိုယ်ခံပညာအကျွမ်းကျင်ဆုံးနဲ့ အတော်ဆုံးကတော့ Knight 5-8 (Kim Woo Bin) ပဲဖြစ်ပါတယ်... ကမ္ဘာပျက်ကာလရဲ့ သူရဲကောင်း 5-8 နဲ့ အပြိုင်ဇာတ်လမ်းမှာပါလာမယ့် ဗီလိန်ကတော့ ရက်စက်ကြမ်းကြုတ်မှုတွေနဲ့ ကမ္ဘာကြီးကိုအုပ်စိုးဖို့ ကြိုးစားနေတဲ့ ဥက္ကဌကြီး Ryu Hae Jin ရဲ့ တစ်ဦးတည်းသောသား Ryu Seok ပဲဖြစ်ပါတယ်... Ryu Seok နေရာမှာတော့ နာမည်ကြီးမင်းသားကြီး Song Seung Heon က ပါဝင်သရုပ်ဆောင်ထားပြီး ခေါင်းဆောင်မင်းသမီးနေရာမှာလည်း နာမည်ကြီးမင်းသမီး Esom က ပါဝင် သရုပ်ဆောင်ထားတာမို့လို့ အနာဂတ်စိတ်ကူးယဉ်သိပ္ပံ အမျိုးအစားဒီဇာတ်လမ်းတွဲကတော့ ဇာတ်အိမ်ကိုပဲကြည့်ကြည့် သရုပ်‌ဆောင်တွေကိုပဲကြည့်ကြည့် အဖက်ဖက်က အရမ်းမိုက်နေပြီမို့လို့ အားလုံးလည်း ၂၀၇၁ ခုနှစ် ခေတ်ပျက်ကာလကြီးမှာ ဘာတွေဖြစ်ကြမလဲဆိုတာ တူတူစောင့်ကြည့်လိုက်ကြပါ.... Episodes: 6 Aired On:Friday File Size:1GB&450MB Quality :Web-DL 1080p,720p Genres: Action, Adventure, Drama, Sci-Fi Translated by  Thynn , Miri, Tiff , Thinn Thinzar & Yee Wai Encoded by  Phyo Pyae

Lee Dong Wook  နဲ့ Im Soo Jung တို့ အဓိကပါဝင်ထားတဲ့ အချစ်၌ကိုးကွယ်ခြင်းနတ္ထိ ပုံစံဆန်ဆန်ကား လေးထွက်ရှိလို့လာပါပြီ....သရုပ်ဆောင်တွေနဲ့တင်ကြည့်ရတာတန်ပါတယ်... Lee Dong Wook ကတော့ ဒီကားထဲမှာ Single ဘဝကိုနှစ်ခြိုက်တဲ့  ဆယ်လီတစ်ယောက်ဆိုပါတော့.. အသက်ကလေးရလာလေ တစ်ယောက်တည်းဘဝက ပိုပြီး စိုပြေတယ်ဆိုတဲ့အယူအဆကြောင့် သူ့ကို လူတချို့ကလည်းစိတ်ဝင်စားလာကြတယ်... Im Soo Jung ကတော့ သူနဲ့ဆန့်ကျင်ဖက်ဆိုပါတော့.....ဘဝမှာ အိမ်သာတက်တောင်  ဖုန်းလေးနဲ့ ချစ်သူဆီ စာပို့ရင်းတက်မှ ပိုအရသာရှိတယ်လို့ ထင်တဲ့ အပျိုကြီးမမပေါ့... သူမ က အတည်တကျအတွဲလေးလိုချင်ပေမဲ့လည်း ဘဝက ချောတဲ့ကွီးယားမင်းသားတိုင်းကို ကျွန်မဘဲပါလို့  ဆိုရှဲမီဒီယာထက်မှာ ပိုစ်တင်တာမျိုးလို လွယ်ကူမနေဘူး... သူမရဲ့ အဓိက ရည်ရွယ်ချက်က စင်ဂဲဘဝကိုပိုင်ဆိုင်ထားတဲ့ ဆယ်လီတစ်ချို့နဲ့  စာရေးဆရာတွေရဲ့ အကြောင်းကို စာအုပ်ထုတ်ဖို့ကြံစည်နေတာပေါ့... ဒီလိုနဲ့ အပျိုကြီးမမနဲ့ လူပျိုကြီး ဦးလေးကြီးနဲ့တွေ့တဲ့အခါမှာတော့... File Size :(1.3GB) (536MB) Quality : Web-Dl 1080p/720p Format…mp4 Duration…01:43:00 Genre :  Romance, Comedy Subtitle : Myanmar Subtitle (Hard Sub) Translated by Miri Tiff, Hnin Stary & Treasure Htet Encoded by Phyo Pyae

စွန်းကြမ်းတဲ့ အပနှင်Mystery / Thriller movie  လာပါပြီ... အပနှင်တဲ့သူလိုလို နတ်ဆရာလိုလို အာပလာ ပရော်ဖက်ဆာချွန်းနဲ့ သခင်လေးဂန်လို့ ခေါ်တဲ့ သူ့တပည့် ဂန်အင်ဘယ်တို့က အပနှင်ဖို့ အလုပ်လာအပ်တိုင်း အပနှင်ချင်ယောင်ဆောင် အိမ်ကို 4D နည်းပညာသုံးပြီးတော့ ဝုန်းဒိုင်းကြဲပြလေ့ရှိပါတယ် ပစ္စည်းတွေကိုလည်း မကောင်းဆိုးဝါးကပ်နေတယ်ဆိုပြီး သိမ်းယူလာခဲ့ပြီး အောက်ဈေးနဲ့ ပြန်ရောင်းစားနဲ့ ပိုက်ဆံရှာကြတဲ့ လူလိမ်တွေပေါ့ အပနှင်တဲ့ အလုပ်လုပ်ပေမဲ့လည်း သရဲ ရှိတယ်ဆိုတာကို လုံးဝ အယုံအကြည်မရှိသလို သူတို့ရင်ဆိုင်ရမယ့်အရာက သရဲ မဟုတ်ဘဲ လူတွေရဲ့ စိတ်လို့ပဲ လက်ခံထားကြတယ် ဒါပေမဲ့ တစ်နေ့မှာ ယူဂယောင်းဆိုတဲ့ ကောင်မလေးတစ်ယောက် ရောက်လာပြီးတော့ သိန်း ၅၀၀ ပုံပေးပြီး သူ့ ညီမလေးကို အပနှင်ပေးဖို့အတွက် သူ့အိမ်ကို ခေါ်ခဲ့တယ် အလုပ်ဖြစ်ရင် နောက်ထပ် သိန်း ၅၀၀ ထပ်ပေးမယ်လို့ မက်လုံးပေးတဲ့အတွက် ပိုက်ဆံမက်တဲ့ ပရော်ဖက်ဆာကြီးတို့လည်း ကောက်ကောက်ပါအောင် လိုက်သွားခဲ့တယ်..... ကောင်မလေးအိမ်ကို ရောက်တဲ့အခါမှာ‌တော့ အလွန်ကြောက်စရာ ပရောဂစွဲကပ်နေသလို အောက်လမ်းဆရာကြီးတွေနဲ့ ရင်ဆိုင်လာရတဲ့အခါမှာတော့....အညွှန်းကိုတော့ Miriကရေးသားပေးထားပါတယ်... File size… 1.4GB/608MB Quality…WEB-DL 1080p / 720p Format…mp4 Duration….1hr 38min Genre …..Mystery, Horror, Crime, Fantasy Subtitle….Myanmar Subtitle (Hard Sub) Encoder…. Phyo Pyae Translated by  Tiff Miri, Treasure Hnin & Stary

Kill Boksoon(2023) Netflix က အသစ်ထပ်ထွက်လာတဲ့ ဒီ Action, Drama ရုပ်ရှင်ကတော့ လောလောဆယ်မှာ RT 92% တောင်ရထားတာဖြစ်ပါတယ်... ဘို့ဆွန်းဆိုတဲ့ အမျိုးသမီးက နာမည်ကြီး ကြေးစားလူသတ်သမား‌တစ်ယောက်ဖြစ်တယ်.. သူတို့လောက က တကယ်တော့ တရားဝင် ဟန်ပြကုမ္ပဏီထောင်ကြပြီး နောက်ကွယ်မှာတော့ ကြေးစားလူသတ်သမားတွေမွေးထုတ်ပြီး ဒိတ်ဒိတ်ကျဲတွေကို အခကြေးငွေယူပြီးသတ်ပေးပါတယ်.. ဒီလူတွေထဲမှာ ဘို့ဆွန်းကတော့ တိုက်ရည်ခိုက်ရည်ပြည့်ဝပြီး အောင်မြင်မှု ၁ ရာခိုင်နှုန်းပဲရှိရင်တောင် ဖြစ်အောင်လုပ်နိုင်လို့ သူတို့လောကမှာတော့ အားလုံးက ကြောက်ရွှံလေးစားကြပါတယ်.. ဘယ်အလုပ်မဆို အနားယူရမဲ့ အချိန်ကာလဆိုတာ ရှိကြတယ်မလား..ဘို့ဆွန်းမှာလည်း သမီးလေးတစ်ယောက်ရှိသလို ဒီလောက က အနားယူပြီး အေးဆေး သာမန်မိခင်တစ်ဦးအနေနဲ့ နေချိန်တန်ပြီလို့ သူမ ယူဆလာတယ်.. ဒါ့ကြောင့် အနားယူဖို့ ပြင်ဆင်ခါ မှ သူမ မမျှောလင့်ထားတဲ့အရာအားလုံးဖြစ်ပျက်ခဲ့သလို ဒီလောကကြီးထဲက အတော်ဆုံးဆိုသော ကြေးစားလူသတ်သမားတွေ သူမနောက်ကို တစ်ပြုံကြီးလိုက်လာကြတဲ့အခါမှာတော့..... ကိုရီးယားရဲ့ အထင်ကရမင်းသမီးကြီး Jeon Do Yeon နဲ့  မင်းသားကြီး Sol Kyung Gu တို့ အဓိက ပါဝင်ကြမ်းရမ်းထားကြပြီး  Esom လေးကလည်း ဇပျင်းပျင်းနဲ့ ဖိုက်တာ  အဖြစ်ပါဝင်ထားတာကြောင့် ခံစားကြည့်ကြပါဦး.... File Size : (1.8GB) (739MB) &(232MB) Quality :WEB-DL1080P5.1Ch,720p Format…mp4 Duration…02:1700 Genre : Action, Thriller Subtitle : Myanmar Subtitle (Hard Sub) Translated by Thynn Shoon & Hnin Estel Encoded by  Phyo Pyae

ဒီဇာတ်ကားကိုတော့ ၁၉၉၅ခုနှစ်မှာ အခြေခံထားပါတယ် လီဂျာယောင်း ဂျောင်ယူနာ ရှင်းဘိုရမ်ဆိုတာ တက္ကသိုလ်ဆက်မတက်နိုင်တဲ့ အထက်တန်းကျောင်းထွက်တွေဖြစ်ကြပေမယ့် ဘဝကိုကြိုးကြိုးစားစားနေထိုင်ကြပြီး ဆမ်ဂျင်းအီလက်ထရောနစ်ကုမ္ပဏီရဲ့အမျိုးသမီးဝန်ထမ်းတွေလည်းဖြစ်ကြပါတယ် အလုပ်မှာထူးချွန်သူတွေဖြစ်ကြပေမယ့် တက္ကသိုလ်မတက်နိုင်ခဲ့တော့ အဆင့်အတန်းခွဲခြားခံရင်း တစ်နေ့မှာ မန်နေဂျာဖြစ်နိုင်ဖို့ မျှော်လင့်နေကြတဲ့သူတွေပေါ့ ဒီလိုနဲ့ တစ်နေ့ ကုမ္ပဏီမှာ TOEIC အမှတ်၆၀၀ကျော်ရင် မန်နေဂျာဖြစ်နိုင်တယ်လို့ ကြေညာစာထွက်လာခဲ့တယ် အဲဒီအချိန်ကစပြီး သူငယ်ချင်း၃ယောက် ကြိုးစားပမ်းစား အင်္ဂလိပ်စာသင်ခဲ့ကြတယ် တစ်ချိန်တည်းမှာပဲ ကုမ္ပဏီရဲ့ရှေ့ရေးကို ထိခိုက်စေတဲ့ ဓာတုပစ္စည်းတရားမဝင်စွန့်ထုတ်မှုတွေ ကြုံတွေ့လာရတဲ့အခါ မန်နေဂျာဖြစ်ဖို့ကြိုးစားနေတဲ့ ကိုယ့်ရဲ့ရည်မှန်းချက်တွေကို ထိခိုက်မလာစေဖို့ ဒီတရားမဝင်စွန့်ထုတ်မှုရဲ့နောက်ကွယ်မှာ ဘယ်သူတွေရှိလဲ ဒီကုမ္ပဏီကို ဘယ်လိုတွေကာကွယ်ရမလဲ ဘယ်သူ့လက်ထဲကနေ ကာကွယ်ရမလဲဆိုတာ ဒီကားထဲမှာ စောင့်ကြည့်လိုက်ကြရအောင် မင်းသမီး၃ယောက်လုံးကိုတော့ ကိုရီးယားဒရာမာပရိသတ်တွေ သေချာပေါက်ရင်းနှီးနေမှာအမှန်ပါပဲ စုပေါင်းခြင်းသည်အင်အားဆိုတဲ့ ဆိုရိုးစကားကို ဒီဇာတ်ကားလေးထဲမှာ အသေအချာတွေ့နိုင်ပါလိမ့်မယ် နောက်ပြီးတော့လည်း သူငယ်ချင်းသံယောဇဉ် အထက်လူကြီးတစ်ယောက်ရဲ့မေတ္တာ အလုပ်ခွင်သံယောဇဉ်နဲ့ယုံကြည်မှုတွေကို အပြည့်အဝခံစားရပါလိမ့်မယ် သေချာပေါက်ကြည့်သင့်တဲ့ ဇာတ်ကားတစ်ကားဖြစ်လို့ ညွှန်းပေးချင်ပါတယ် Translated by : Phue Nge Nge Thein  Encoded by : Thit San Khant  Quality : 1080p and 720p File Size : 1.16 Gb and 541 Mb

Microhabitat ( 2017 ) အိမ်မဟုတ်တောင် လူတစ်ယောက်အတွက် နေစရာ အမိုးတစ်ခု အကာတစ်ခုနဲ့ နေရာတစ်ခုတော့ အနည်းဆုံးရှိဖို့က မရှိမဖြစ်ပေါ့။ မိန်းကလေးတစ်ယောက်အတွက်ဆိုရင်တော့ အမိုးတစ်ခု အကာတစ်ခုထက် ပိုပြီးလုံခြုံတဲ့နေရာတစ်ခု လိုလိမ့်မှာပဲ။ အစစအရာရာဈေးတွေတက်လာပြီး လခတွေမတက်လာတဲ့အခါကျတော့ နေဖို့ထိုင်ဖို့တင် တော်တော်များများသုံးလိုက်ရတဲ့အခါ တခြားကိုယ်နှစ်ခြိုက်တဲ့အရာတွေကို လျှော့ချရဖို့ဖြစ်လာတယ်။ စီးကရက်ဟာ ဈေးတက်တဲ့ခေတ်မှာ ဇိမ်ခံပစ္စည်းပါပဲ။ စီးကရက် တစ်နေ့တစ်ဘူးကို တစ်လစာစုလိုက်ရင် အိမ်ငှားခတစ်လစာလောက်ရှိတယ်။ အကုန်ဈေးတက်လာပြီး နေဖို့စားဖို့နဲ့တင် ရသမျှကုန်တဲ့အခါကျ စီးကရက်တို့ ဝီစကီတို့ကို လျှော့တာလို့ ဖြတ်တာတို့ လုပ်ရမယ့် အခြေအနေဆိုက်သွားပါလိမ့်မယ်။ Microhabitatထဲက "မီဆို" ကတော့ စီးကရက်နဲ့ ဝီစကီကို ဖြတ်မယ့်အစား အိမ်နဲ့မနေဖို့ပဲ ဆုံးဖြတ်လိုက်ပါတယ်။ အစကတော့ သူက အရင်က သူ့ဆီလာနေခဲ့ဖူးတဲ့ သူငယ်ချင်းတွေ အိမ် တစ်အိမ်ပြီး တစ်အိမ်သွားနေဖို့ ကြိုးစားပါတယ်။ ဒါပေမဲ့ နှစ်တွေလည်းကြာ ဘဝတွေလည်းပြောင်းနဲ့ တစ်အိမ်မှ အဆင်မပြေခဲ့ပါဘူး။ မပြောင်းလဲတဲ့သူဆိုလို့ သူပဲကျန်တာကိုး။ ဒီလိုနဲ့သူ သူ့ဘာသာ အခန်းကျဉ်းလေးငှားဖို့ ရှာခဲ့တယ်။ စုတ်ပြတ်သက်နေတဲ့ အခန်းတောင် သူ တတ်နိုင်တဲ့ဈေးမှာ မရှိနေဘူး။ ဒီအချိန်အထိ မီဆိုရဲ့ ဘဝမှာ အရေးအကြီးဆုံးက သုံးခုပဲရှိတယ်။ စီးကရက် ... ဝီစကီ ... သူ့ကောင်လေး။ ဒါပေမဲ့ သူ့ကောင်လေးကလည်း လုပ်အားပေးလုပ်ဖို့ ဆော်ဒီအာရေဗျကိုပါသွားတယ်။ ဒီတော့ သူ့မှာ ဘာမှမကျန်တော့ဘူး။ စီးကရက်နဲ့ ဝီစကီပဲ ကျန်တော့တယ်ပေါ့။ ဒီလိုနဲ့ သူ အရက်ဘားကို ရောက်သွားတယ်။ ဝီစကီဈေးကလည်း တက်သွားတယ်။ ဒီလိုနဲ့ မီဆိုဟာ စီးကရက်နဲ့ နေစရာ ဘာကိုရွေးသွားလဲဆိုတဲ့ အကြောင်းကို ဒါရိုက်တာက ပြထားခဲ့တယ်။ ဒါရိုက်တာက IU ရဲ့ Persona ဇာတ်လမ်းတွဲထဲက Kiss Is Sin ဆိုတဲ့ အပိုင်းကို ရိုက်ခဲ့တဲ့တစ်ယောက်ပါပဲ။ Persona ကို ရိုက်ခဲ့တဲ့ ဒါရိုက်တာလေးယောက်လုံးက Art House ဆန်ဆန်တွေ အရိုက်များကြပါတယ်။ ဒီဇာတ်လမ်းမှာ ဒါရိုက်တာက အစစအရာရာဈေးတက်လာခဲ့တဲ့ ကိုရီးယားနဲ့ ပြည်သူတွေအခြေအနေကို ပြချင်တာ ဖြစ်ချင်ဖြစ်ပါလိမ့်မယ်။ ဒီမှာလည်း မထူးဘူးမို့လား Mevius ၃၅၀၀, Dunhill ၅၀၀၀, တစ်နေ့တစ်ဘူးစာနဲ့ တစ်လဆို တစ်လစာအိမ်လခတော့ကောင်းကောင်းရတယ်။ ခင်ဗျားတို့ ကျွန်တော်တို့သာဆိုလည်း ဈေးပေါတဲ့အိမ်ငှားပြီး ဆေးလိပ်တော့ ဆက်သောက်ဖြစ်နေဦးမပေါ့။ ဒီရုပ်ရှင်ကို ဆေးလိပ်ငါးလိပ်လောက်သောက်ရင်း ကြည့်ပြီးတဲ့နောက် ဆေးလိပ်ဆိုတာ ဇိမ်ခံပစ္စည်းဆန်တာကို ကောင်းကောင်းကြီးပိုသတိထားမိသွားခဲ့တယ်။ ဒီလိုနဲ့ ရုပ်ရှင်အပြီးမှာ ကျွန်တော်သင်ခန်းစာရပြီး စီးကရက်နောက်တစ်လိပ် ထပ်မီးညှိဖြစ်သွားတယ်။ "သူများအိမ်မှာ ကပ်နေပြီး စီးကရက်သောက်နိုင်သေးတယ် ငါ အင်မတန်ကံကောင်းပါလား" ဆိုတဲ့ သင်ခန်းစာကြီးပေါ့။ အားလုံးပဲ ရုပ်ရှင်ကြည့်ပြီး သင်ခန်းစာ ယူနိုင်ကြပါစေ။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre..... Comedy, Drama, Romance Quality…. 1080p | 720p | 480p File size… 1.21GB | 555MB | 264MB Format… mp4 Duration…. 1h 46min Subtitle…. Myanmar Subtitle (Hardsub) Translator ..... WiRa Aung Encoder ..... August

မမမူဒေါ့ကိုလွမ်းနေမယ့် ယော်ရောဘွန်းတို့အတွက် Jung So Min Unnie ရဲ့ series ဟောင်းလေးတစ်ခုကို CM ကနေအလွမ်းပြေတင်ဆက်ပေးလိုက်ပါတယ်နော်.... နမ်ဟယ်နယ်သူဖြစ်ပေမယ့် စာတော်တဲ့အတွက် ဆိုးလ်တက္ကသိုလ်ထွက်ဖြစ်သူ Yoon Ji Ho (Jung So Min) ကတော့ နာမည်ကြီးထမင်းငတ်၊ ဘွဲ့ရအလုပ်လက်မဲ့တစ်ယောက်ပါ။ အသက် ၃၀ အထိရည်းစားလည်းမထားဖူးတဲ့အပျိုကြီးပေါက်စ Yoon Ji Ho အနေနဲ့ အိမ်ကိုလည်း သေချာမထောက်ပံ့နိုင် အိမ်ထောင်ဖက်တွေ့ဖို့လည်းအဆင်မပြေဖြစ်နေခဲ့ပါတယ်။ တစ်ဖက်မှာလည်း အိမ်ပိုင်ရှိပြီး အလုပ်အကိုင်အတည်တကျရှိနေပေမယ့် အပေါင်ကြွေးခေါင်ခိုက်နေသူ Nam Se Hee (Kim Min Ki) ကတော့ အဖေဖြစ်သူဆီကနေ အိမ်ထောင်ပြုဖို့ အကြပ်ကိုင်တိုက်တွန်းခံနေရချိန်မှာ...... ဆန့်ကျင်ဘက်တွေနဲ့ပြည့်နေတဲ့ ထိုလူသားနှစ်ဦး ကြံကြံဖန်ဖန်ပေါင်းစည်းရဖို့ဖြစ်လာပါတော့တယ်။ ဇာတ်လမ်းလေးက ပေါ့ပါးပေမယ့် ဆွဲဆောင်မှုရှိတဲ့အပြင် Healing Drama လည်းဆန်တဲ့အတွက် watch list ထဲထည့်သင့်တဲ့အကြောင်း recommend ပေးလိုက်ပါတယ်နော်......။ Episodes: 16 File Size: 1.5G B Quality :Web-DL 1080p Genres: Comedy, Drama Translated by  Kit ,Phyu Phyu Thein, Mayphoo Pone,Yumeko &  Hnin Wut Yi Encoded by  Phyo Pyae

Save Me (2017) Season 1 အပိုင်း   (  ၁  မှ  ၁၆   ) အထိ   စ  / ဆုံး Ongoing အပိုင်းသစ်တွေမျှော်ရင်း ဇာတ်ကားဟောင်းကြည့်ဖို့ရှာနေသူများအတွက် ၂၀၁၇ က ထွက်ရှိထားတဲ့ "Save Me" ဆိုတဲ့ကားဟောင်းလေးကို CM ကနေ ဘာသာပြန်တင်ဆက်ပေးလိုက်ရပါတယ်။ OCN ကားဆိုတဲ့အတိုင်း thriller, mystery အမျိုးအစားဖြစ်ပြီး နာမည်ကြီးသရုပ်ဆောင်တွေဖြစ်ကြတဲ့ Ok Taec-yeon, Woo Do-hwan, Seo Ye-ji တို့ ပါဝင်ထားပါတယ်။ ဇာတ်လမ်းအကျဥ်း ဆန်းမီတို့မိသားစုဟာ စီးပွားရေးကျပ်တည်းမှုကြောင့် ဆိုးလ်မြို့ကြီးကနေ မူဂျီဆိုတဲ့ နယ်မြို့လေးကိုပြောင်းရွှေ့လာခဲ့ရပါတယ်။ မူဂျီမြို့မှာအခြေကျဖို့ကြိုးစားရင်း ဖခင်ဖြစ်သူက ရရာအလုပ်တွေရှာဖွေလုပ်ပြီး မိသားစုစားဝတ်နေရေးအတွက် ရုန်းကန်ဖြေရှင်းနေရပါတယ်။ ဒီလိုခက်ခဲနေတဲ့ ဆန်းမီတို့မိသားစုလေးကို ကူညီပေးမယ့်သူပေါ်ပေါက်လာပါတယ်။ အဲဒါကတော့ မူဂျီမြို့မှာ လူအများလေးစားယုံကြည်ကြတဲ့ ဘာသာရေးအဖွဲ့တစ်ဖွဲ့ပဲဖြစ်ပါတယ်။ ဒါပေမယ့် သာမန်ဘာသာရေးအဖွဲ့မဟုတ်ဘဲ နယ်မြေခံရဲတွေ အစိုးရအရာရှိတွေပါဝင်ပတ်သက်နေတဲ့ အစွန်းရောက်ဘာသာရေးအဖွဲ့ဖြစ်နေတဲ့အခါမှာတော့..... ဆန်းမီတို့မိသားစုရဲ့ကံကြမ္မာက ဘယ်လိုဖြစ်သွားမလဲ~ ဆန်းမီရဲ့ "ကယ်ကြပါ" ဆိုတဲ့ အချက်ပြစကားတစ်ခွန်းကြောင့် အဲဒီအဖွဲ့နောက်လိုက်စုံစမ်းကြတဲ့ လူငယ်လေးယောက်ကရော ဆန်းမီကိုကယ်တင်နိုင်ပါ့မလား~ ဆိုတာကို ဒီဇာတ်ကားလေးထဲမှာ ဆက်လက်ကြည့်ရှုလိုက်ကြရအောင်နော်... နာမည်ကြီးသရုပ်ဆောင်တွေပါဝင်ထားတဲ့ နာမည်ကြီးဇာတ်ကားဟောင်းလေးဖြစ်တာမို့ အတော်များများ ကြည့်ရှုပြီးလောက်ပေမယ့် CM လက်ရာလေးနဲ့ တစ်ဖန်ပြန်ရှုစားကြည့်ကြဖို့ တိုက်တွန်းလိုက်ပါရစေနော်~~ Episodes : 16 File Size   : 1.01 GB & 363MB Quality     :Web-Dl. 1080p,720p Genres      : Mystery , Thriller Translated by  EiPhyu Khin , Hnin Wut Yi , Chothet_mlmt  khine khine wai Encoded by  Min Wai

Warriors of the Dawn (2017) IMDb... 6.4 CM ပရိသတ်တွေ ပိတ်ရက်မှာ ဇာတ်ကားကောင်းလေးကြည့်ပြီး နှပ်နိုင်ဖို့ Lee Jung Jae, Yoo Jin Goo, Kim Moo Yeol စတဲ့ သရုပ်ဆောင်တွေ ပါဝင်ထားတဲ့ ၂၀၁၇ ခုနှစ်က ထွက်ရှိခဲ့တဲ့ ဇာတ်ကားလေးနဲ့ မိတ်ဆက်ပေးပါရစေ။ ဇာတ်လမ်းအညွှန်း ဂျပန်တွေရဲ့ကျူးကျော်မှုကို ကြုံလာရတဲ့အခါ ဂျိုဆွန်းပြည်ရဲ့မင်းကြီးဟာ ပြည်သူတွေကို မကာကွယ်ဘဲ​ တရုတ်ပြည်ကို ထွက်ပြေးတိမ်းရှောင်သွားပါတယ်။ အဲဒီမှာ ဂွမ်ဟယ်ဆိုတဲ့ အသက် ၁၈ နှစ်ပဲရှိသေးတဲ့ အိမ်ရှေ့စံမင်းသားက အကုန်တာဝန်ယူဖို့ ဖြစ်လာပါတော့တယ်။ ဒါပေမဲ့ စစ်တပ်အင်အားနဲ့ လက်နက်တွေက မလုံလောက်တဲ့အခြေအနေမှာ ရှိနေတာကြောင့် အခက်အခဲတွေကြုံလာတဲ့အချိန်မှာ သူ့ဘက်က ကူညီပေးဖို့ ထိုအူဆိုတဲ့ အစားထိုးတပ်သားခေါင်းဆောင်ကို အကူအညီတောင်းခဲ့ပါတယ်။​ အစားထိုးတပ်သားဆိုတာ တပ်သားအစစ်မဟုတ်ဘဲ တပ်သားမလုံလောက်တဲ့အချိန်မှာ စစ်အင်အားဖြည့်ဖို့ အသုံးပြုခံရတာပါ။ အိမ်ရှေ့စံမင်းသားဂွမ်ဟယ်က ထိုအူနဲ့ သူ့လူတွေရဲ့အကူအညီကိုယူပြီး ဂျပန်တွေရဲ့ရန်ကို ရှောင်ရှားနိုင်ပါ့မလားဆိုတာ ကြည့်ရှုခံစားလိုက်ပါဦးခင်ဗျာ။ (ဇာတ်လမ်းအညွှန်းကိုတော့  Yee Wai မှ ရေးသားထားပေးပါတယ်။) File Size : 3.26GB/ 1.59GB Quality : WEB-DL 1080p/ 720p Format…mp4 Duration…02:10:32 Genre : Historical, War Subtitle : Myanmar Subtitle (Hard Sub) Translated by Yee Wai, Yati Naing & Lai Laii Encoded by Tiff

My Little Brother (2017) ဒီတစ်ခေါက်မှာတော့ CMပရိသတ်ကြီးအတွက် The Walt Disney Company ကနေ ပထမဆုံးအနေနဲ့ distribute လုပ်ခဲ့တဲ့ My Little Brotherဆိုတဲ့ ရုပ်ရှင်လေးနဲ့ မိတ်ဆက်ပေးချင်ပါတယ်.. ဒီကားလေးမှာတော့ 49Days ထဲမှ Lee Yo-won, Taxi Driverထဲမှ Esom, Vagabond ထဲမှ Jeong Man-Sikနဲ့ The world of marriageထဲမှ Joon Won Jungတို့က အဓိက ပါဝင်သရုပ်ဆောင်ထားပါတယ်။ ဇာတ်လမ်းအညွှန်း ဆူဂယောင်း (Lee Yo-won), ဂျူမီ (Esom)နဲ့ ဆောင်းဟို(Jeong Man-Sik)တို့ကတော့ တစ်ယောက်နဲ့ တစ်ယောက်အဆက်အသွယ်မလုပ်ကြတော့တဲ့ မောင်နှမတွေပါ... သူတို့ ၃ယောက်ကို ပြန်ပြီးဆုံတွေ့စေခဲ့တာကတော့ အဖေဖြစ်သူ မတော်တဆမှုနဲ့ဆုံးပါးသွားပြီဆိုတဲ့ သတင်းစကားပါပဲ.. ဒါပေမဲ့ အဲဒီသတင်းနဲ့အတူ ပါလာတာကတော့ ရှိမှန်းတောင် မသိခဲ့တဲ့ နာ့လေး(Joon Won Jung)ဆိုတဲ့ ၁၁နှစ်အရွယ် သူတို့ရဲ့ မောင်နှမအငယ်ဆုံးလေးပါ... ဘယ်ကမှန်းမသိဘဲ ရုတ်တရက်ပေါ်လာတဲ့ နာ့လေးက တကယ်ပဲ သူတို့ရဲ့မောင်နှမအရင်းဟုတ်ရဲ့လား ၁၁နှစ်အရွယ်ကလေးလေးနဲ့ သူတို့မောင်နှမတွေဘယ်လိုဖြတ်သန်းသွားကြမလဲဆိုတာကို ဟာသလေးနှောပြီး ကြည့်ရှုခံစားရမဲ့ ရုပ်ရှင်ကားကောင်းလေး တစ်ကားပဲဖြစ်ပါတယ်။ (အညွှန်းကို Htoo Pyae မှ ရေးသားထားပါတယ်) File size…1.33GB / 561MB Quality… WEB-DL 1080p/ 720p Format…mp4 Duration….1h 46m Genre ….. Comedy, Family, Drama Subtitle….Myanmar Subtitle (Hard Sub) Translated by Htoo Pyae Encoded by AHtet

Like for Likes (2016) IMDb... 6.8 ခေတ်သစ်လူမှုဘဝမှာ ဆိုရှယ်မီဒီယာကို အခြေခံပြီး ချစ်ခြင်းမေတ္တာကို ဖော်ကျူးကြတဲ့ စုံတွဲသုံးတွဲအကြောင်းကို ရိုက်ကူးထားတဲ့ အချစ်ဟာသဇာတ်ကားကောင်းလေး တစ်ကားကို တင်ဆက်ပေးလိုက်ပါတယ်။ ဒီဇာတ်ကားလေးထဲမှာတော့ ဆုံးပါးသွားပြီဖြစ်တဲ့ မင်းသားကြီး Kim Joo-hyeokနဲ့အတူ နာမည်ကြီးသရုပ်ဆောင်တွေဖြစ်ကြတဲ့ Yoo Ah-in, Kang Ha-neul, Choi Ji-woo, Lee Mi-yeon, Esom တို့က အဓိက ပါဝင်သရုပ်ဆောင်ထားပါတယ်။ ဇာတ်လမ်းအညွှန်း နိုဂျင်အူ (Yoo Ah-in)ဟာ စစ်မှုထမ်းပြီးတာ မကြာသေးတဲ့ နာမည်ကြီးသရုပ်ဆောင် တစ်ယောက်ဖြစ်ပြီး ဂျိုဂယောင်းအာ (Lee Mi-yeon) ကတော့ ဇာတ်လမ်းတွဲတွေရေးတဲ့ ဇာတ်ညွှန်းရေးဆရာမတစ်ယောက်ဖြစ်ပါတယ်။ ဂယောင်းအာက သူ့ရဲ့ဇာတ်လမ်းတွဲအသစ်ထဲမှာ ပါဝင်ဖို့ နိုဂျင်အူကို ကမ်းလှမ်းခဲ့ပေမဲ့ နိုဂျင်အူကတော့ ငြင်းပယ်ခဲ့ပါတယ်။ တစ်နေ့မှာတော့ မင်္ဂလာဆောင်တစ်ခုမှာ နိုဂျင်အူဟာ ဂယောင်းအာရဲ့သားလေး ဘုမ်းလေး ကို ရုတ်တရက် တွေ့လိုက်ရပြီးတဲ့နောက်မှာ အတိတ်က ဇာတ်လမ်းတစ်ခုကြောင့် ဘုမ်းလေးက သူ့ကလေးများဖြစ်နေမလားဆိုတဲ့ သံသယတွေ ဝင်လာခဲ့ပါတော့တယ်။ ဂျောင်ဆောင်ချန်း (Kim Joo-hyuk) ကတော့ ဂျပန်စားသောက်ဆိုင်လေးတစ်ဆိုင်ဖွင့်ထားတဲ့ သူတစ်ယောက်ဖြစ်ပြီး ချစ်သူနဲ့ လက်ထပ်ပြီးရင် အတူနေဖို့အတွက် တိုက်ခန်းလေး တစ်ခန်း ငှားရမ်းဖို့လိုက်ရှာရင်းကနေ လေယာဥ်မယ်လေး ဟမ်ဂျူရန် (Choi Ji-woo) ဆီကနေ အခန်းငှားရမ်းဖြစ်သွားခဲ့ပါတယ်။ ဒါပေမဲ့ ကံအကြောင်းမလှချင်တော့ ဆောင်ချန်းဟာ ချစ်သူရဲ့ လမ်းခွဲခြင်းကို ခံလိုက်ရပြီးနောက် တစ်ချိန်တည်းမှာပဲ ဂျူရန်ကလည်း ရင်းနှီးမြှုပ်နှံမှုတစ်ခုလုပ်ရာကနေ ပိုက်ဆံအလိမ်ခံလိုက်ရပြီး ခိုကိုးရာမဲ့နေချိန်မှာ ဆောင်ချန်းက သူငှားထားတဲ့ တိုက်ခန်းမှာ ဂျူရန်နဲ့ အတူနေထိုင်ဖို့ လမ်းလှမ်းဖြစ်ခဲ့ပါတယ်။ အီဆူဟို (Kang Ha-neul) ကတော့ သီချင်းရေးဆရာတစ်ဦးဖြစ်ပြီး အထက်တန်းကျောင်းသားဘဝတုန်းက ကားမတော်တဆမှုကြောင့် အကြားအာရုံချို့ယွင်းခဲ့ရသူပါ။ သူဟာ ဆောင်ချန်းရဲ့စားသောက်ဆိုင်က ပုံမှန်ဖောက်သည်တစ်ဦးဖြစ်ပြီး တစ်နေ့မှာတော့ စားသောက်ဆိုင်ထိုင်နေရင်း ဇာတ်လမ်းတွဲ ထုတ်လုပ်သူတစ်ဦးဖြစ်တဲ့ ဂျန်နာယွန်း (Esom) နဲ့ တွေ့ဆုံခဲ့ရာကနေ နှစ်ဦးသား ရင်းနှီးသွားကြပါတော့တယ်။ အဲဒီနောက်မှာ facebookကနေတစ်ဆင့် မက်ဆေ့ချ်တွေ အပြန်အလှန် ပို့ခဲ့ကြပြီး နှစ်ဦးသား ဒိတ်တွေလည်း လုပ်ခဲ့ကြပေမဲ့ ဆူဟိုဟာ သူ့ရဲ့ အကြားအာရုံချို့ယွင်းမှုအကြောင်းကို နာယွန်းကို ဖွင့်မပြောနိုင်ဘဲ ဖြစ်နေခဲ့ရပါတယ်။ ဒီစုံတွဲလေး သုံးတွဲရဲ့ အချစ်ဇာတ်လမ်းလေး သုံးပုဒ်ဟာ နောက်ဆုံးမှာ ပျော်ရွှင်ဖွယ်အဆုံးသတ်လေးဖြစ်သွားနိုင်မလား…. ဆိုရှယ်မီဒီယာကို အသုံးပြုပြီး သူတို့ရဲ့ အချစ်တွေကို ဘယ်လိုဖော်ကျူးသွားမှာလဲ....ဆိုတာကိုတော့ ဇာတ်လမ်းလေးထဲမှာ ဆက်လက်ကြည့်ရှုပေးပါဦးနော်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Phyo ပဲ ဖြစ်ပါတယ်။) File Size : 1.75GB/ 850MB Quality : WEB-DL 1080p 5.1CH/ 720p Format…mp4 Duration…01:49:00 Genre : Comedy, Romance, Drama Subtitle : Myanmar Subtitle (Hard Sub) Translated by Phyo Encoded by Tiff

Man On high heels (2014) 2014တုန်းက ထွက်ရှိခဲ့တဲ့ Man On High Heelsကို တင်ဆက် ပေးချင်ပါတယ်။ အဓိကသရုပ် ဆောင် တွေအနေနဲ့ Our Blues နဲ့ One Ordinary Day အပြင်... နာမည်ကြီး ရုပ်ရှင်တော်တော်များများမှာ ပါဝင်တဲ့ မင်းသားကြီး Cha Seung Won... Mr.Plankton အပြင် It's okay not to be okay တို့နဲ့ လူသိများတဲ့... မင်းသား Oh Jung Se နဲ့ Taxi Driver ထဲက မင်းသမီး Esom တို့က အဓိကပါဝင်ထားပြီး... တခြားလူသိများတဲ့ သရုပ်ဆောင်တွေလည်း ပါဝင်အားဖြည့်ထားတဲ့ရုပ်ရှင် ဖြစ်ပါတယ်။ အက်ရှင်ခန်းတွေမိုက်တဲ့အပြင် စိတ်ဝင်စားစရာကောင်းတဲ့ ဇာတ်လမ်း ဇာတ်အိမ်ကြောင့်... ကြည့်ရတာတန်တဲ့ ဇာတ်လမ်းဖြစ်ကြောင်း ညွှန်းပေးချင်ပါတယ်။ ဇာတ်လမ်းအကျဉ်း တရားခံဖမ်းတဲ့အခါ ညှာတာမှုမရှိဘဲ ထိုက်ထိုက်တန်တန် အပြစ်ပေးပြီးမှ ဖမ်းဆီးတတ်တဲ့... စုံထောက် Ji Wook ဟာဆိုရင် အထက်လူကြီးကပါ ခေါင်းခဲရတဲ့ စုံထောက်ဖြစ်ပါတယ်... ရဲဌာနတစ်ခုလုံးရဲ့ အားကိုးရာ ဖြစ်တဲ့အပြင် လူမိုက်တွေ ဖိန့်ဖိန့်တုန်ကြောက်ရတဲ့ လူတစ်ယောက်ပါ။ ဒါပေမဲ့ အများအမြင်မှာ သွေးအေးပြီး ရက်စက်တဲ့ Ji Wookဟာ လူတိုင်းထင်ထားသလို မဟုတ်ဘဲ... ငယ်စဉ်ကတည်းက သူ့ရဲ့လျှို့ဝှက်ချက်တစ်ခုကြောင့်နဲ့ ပင်ပန်းခက်ခဲရသူဖြစ်ခဲ့ပါတယ်... သူ့ရဲ့ လျှို့ဝှက်ချက်ကြောင့် ရဲဝန်ထမ်းအဖြစ်ကနေ အနားယူပြီး ပြောင်းလဲနေထိုင်ဖို့ ဆုံးဖြတ်ခဲ့ပါတယ်။ ဘဝသစ်စတင်မဲ့ အချိန်ကျမှ အရင်ကရန်စရှိခဲ့တဲ့ လူမိုက်ဂိုဏ်းက ခေါင်းဆောင်ရဲ့ နှောင့်ယှက်မှုကြောင့်... လုပ်ဖော်ကိုင်ဖက်တွေနဲ့ ကာကွယ်ပေးချင်တဲ့ မိန်းကလေးတစ်ယောက်ပါ ထိခိုက်လာပါတော့တယ်။ သူတန်ဖိုးထားရသူတွေကိုပဲ ဆက်ကာကွယ်မလား...သူဖြစ်ချင်တဲ့ ဘဝကိုပဲဆက်သွားမလားဆိုတာ... ဒီဇာတ်လမ်းလေးမှာ ဆက်လက်ကြည့်ရှုပါရှင်... ဇာတ်လမ်းအညွှန်းနဲ့ ဘာသာပြန်သူကတော့ Milkeux ပဲ ဖြစ်ပါတယ်။ File Size : 1.76GB / 710MB Quality : 1080p / 720p Duration : 2 hr. 5 min. Genre : Action, Crime, Drama Subtitle : Myanmar Subtitle (Hard Sub) Translated by Milkeux Encoded by Heather Oo

Ghost (2012) [အစ-အဆုံး] ဆိုက်ဘာလောကမှာဆိုရင် ရာဇဝတ်မှုတွေဟာ လျှို့ဝှက်နက်နဲပြီး အင်မတန်မှဆန်းကြယ်လှပါတယ်။ အဲဒီလိုဆိုက်ဘာရာဇဝတ်မှုတွေကို သဲလွန်စရှာပြီး ကိုင်တွယ်ဖြေရှင်းတဲ့ပုံစံနဲ့ ရဲအရာရှိ အမှုစစ်တွေရဲ့ အကျင့်ပျက်ခြစာပြီး ပူးပေါင်းကြံစည်ပုံတွေကို ရင်တမမနဲ့တစ်ပိုင်းပြီးတစ်ပိုင်း ဆက်ကြည့်ချင်လောက်တဲ့ စီးရီးလေးပါ။ Kim Woo-hyun ကတော့ အဆင့်မြင့် ရဲအရာရှိတစ်ဦးရဲ့ သားတစ်ယောက်ပါ။ ထူးချွန်ထက်မြတ်တဲ့ Kim Woo Hyunဟာ ရဲတက္ကသိုလ်ကို အဆင့် ၁နဲ့ ဝင်လာပြီး အဆင့်၁နဲ့ပဲနဲ့ ဘွဲ့ရပြီးတဲ့နောက် ဆိုက်ဘာစုံစမ်းစစ်ဆေးရေးဌာနမှာ တာဝန်ထမ်းဆောင်ခဲ့တယ်။ ဒီလိုနဲ့ စုံထောက် Kim ဟာ ဆိုက်ဘာလောက ထဲက ပုန်းအောင်းနေတဲ့ လျှို့ဝှက်ချက်တွေကို ဖော်ထုတ်ဖို့ အကြောင်းဖန်လာခဲ့တယ်။ ဆိုက်ဘာစုံစမ်းစစ်ဆေးရေး အဖွဲ့ကို ဦးဆောင်ပြီးတော့ တရားမဝင်နိုင်ငံတကာ လောင်းကစား ဝဘ်ဆိုဒ်တစ်ခုကို ဖယ်ရှားဖို့ လုပ်ဆောင်ရင်း ဆိုက်ဘာလောကအတွက် ရန်သူတော် ဟက်ကာ Hadesကို ခြေရာခံပြီး လိုက်လံဖမ်းဆီးဖို့ ကြိုးစားခဲ့တယ်။ ဟက်ကာHadesရဲ့တည်နေရာကို ခြေရာခံလိုက်လံဖမ်းဆီးရင်း မထင်မှတ်ထားတဲ့ကိစ္စတွေနဲ့ကြုံလာတဲ့အခါ….. ဆိုက်ဘာလောကကို ဇာတ်အိမ်တည်ပြီး ရိုက်ကူးထားတဲ့ စုံထောက်ဒရမ်မာစီးရီးကောင်းလေးဖြစ်လို့ မလွှတ်တမ်းကြည့်ရှုအားပေးကြပါဦး။ Aired: May 30, 2012 -- August 9, 2012 Aired On: Wednesday & Thursday Genres: Drama, Mystery, Thriller Duration: 1hr Episodes: 20 Original Network: SBS, AMZN File Size: 1080p(~1.4GB) , 720p(~420MB) Translated by Estel, Khine Khine Wai, Miri & Thynn Encoded by Kinnov

Hindsight (2011) IMDb Rating (6.5) အခုတစ်ခါမှာတော့ ၂၀၁၁ တုန်းက ထွက်ရှိထားပြီး အားလုံးနဲ့ ရင်းနှီးပြီးသားဖြစ်တဲ့ Parasite, A Taxi Driver မှ ဝါရင့်သရုပ်ဆောင်ကြီး Song Kang Ho, Humint, Captivating the King ကားမှ မင်းသမီး Shin Se Kyeong တို့ အဓိက ပါဝင်ထားတဲ့ Action,Crime,Drama လေးကို တင်ဆက်ပေးလိုက်ပါတယ်။ ဇာတ်လမ်းအညွှန်း တစ်ချိန်တုန်းက အကျော်ဇေယျ လူဆိုးဂိုဏ်းခေါင်းဆောင်ဖြစ်ခဲ့တဲ့ Yoon Doo Hun (Song Kang Ho) ဟာ သာမန်ဘဝနဲ့ပဲ နေထိုင်လိုတာကြောင့် လူဆိုးဂိုဏ်းခေါင်းဆောင်အဖြစ်ကနေ အနားယူပြီး ကိုယ်ပိုင်စားသောက်ဆိုင် ဖွင့်ရဖို့အတွက် ဘူဆန်ကို ပြန်ပြီးတော့ ဟင်းချက်သင်တန်းတက်ရင်းနဲ့ပဲ ဘဝကို အေးအေးဆေးဆေးနဲ့ ဖြတ်သန်းနေပါတယ်။ Se Bin (Shin Sae Kyeong) ကတော့ တစ်ချိန်က ထူးချွန်တဲ့ သေနတ်ပစ်ကစားသမားဖြစ်ခဲ့ပေမဲ့ ကားအက်ဆီးဒင့်ကြောင့် အားကစားသမားဘဝကို အဆုံးသတ်ခဲ့ရသူလေးပါ။ ဒါပေမဲ့ အခုချိန်မှာတော့ သူငယ်ချင်းဖြစ်သူရဲ့ အမှားကြောင့် အတိုးကြီးစားသူဆီမှာ ဝမ် သိန်း (၁၀၀) အကြွေးတင်နေပြီး အကြွေးရှင်တွေရဲ့ ခိုင်းစေမှုကြောင့် Se Bin က Doo Hun ကို အနီးကပ်စောင့်ကြည့်ပြီး သတ်ပေးဖို့အတွက် အမိန့်ပေးခံရလိုက်တဲ့အခါမှာတော့… Doo Hun တစ်ယောက် သူ ကြိုးစားတည်ဆောက်ထားတဲ့ အေးချမ်းတဲ့ ဘဝမှာ ဘယ်လိုရိုက်ခတ်မှုတွေ ထပ်ဖြစ်လာဦးမလဲ... Doo Hun ကို Se Bin သတ်ဖို့ ကြိုးစားရတဲ့ အကြောင်းအရင်းကရော ဘာဖြစ်မလဲ... Doo Hun ရဲ့ စားသောက်ဆိုင်ဖွင့်ပြီး အေးချမ်းစွာ နေထိုင်သွားချင်တဲ့ အိပ်မက်လေးကရော အကောင်အထည်ပေါ်သွားနိုင်မလားဆိုတာကိုတော့ ဒီဇာတ်ကားလေးထဲမှာ ကြည့်ရှုပေးကြပါဦးနော်။ File Size : 2.53GB/ 1.26GB Quality : BluRay 1080p 5.1CH/ 720p Format : mp4 Duration : 2hr 02m Genre : Action, Crime, Drama Subtitle : Myanmar Subtitle (Hard Sub)