Georgia Engel ပါဝင်သော ဇာတ်ကားများ

ဒီGrown ups 2 2013 ကားလေးကတော့ဟာသ မင်းသားကြီးAdam Sandlerရဲ့ 2010ကGrown ups ကားလေးရဲ့အဆက်ပါ Adam Sandlerဆိုရင်တော့ ဟာသကြိုက်ပရိသတ်ကြီးတို့မသိဘဲနေမှာမဟုတ်ပါဘူး နာမည်မသိရင်တောင်မှသူ့ကားတွေကိုတော့ရင်းရင်းနှီးနှီး တွေ့ဖူးမှာပါ ကဲအညွှန်းလေးကိုဆက်သွားရအောင် ဒီကားလေးမှာတော့Adam Sandlerဖြစ်တဲ့လန်နီဟာ သူရဲ့ဇာတိမြို့လေးမှာပြန်ပြီးနေထိုင်နေပါတယ် Grown Ups 1 မှာအသက်ကြီးကြီးအဘွားကြီးနဲ့ ယူထားတဲ့ရော့ကတော့ဒီကားမှာ သူ့မိန်းမနဲ့ကွဲပြီး ကျောင်းကားမောင်းနေပါတယ် ရော့ကို ဒီ2မှာတော့ အခန်းနည်းနည်းပဲတွေ့ရမှာပါ တခြားသူငယ်ချင်းတွေ ဖြစ်တဲ့ လန်မွန်ဆော့နဲ့မက်ကင်ဇီတို့ကလည်းကလေးတွေ လည်းကြီးပြင်းလာပြီးတော့ ဟစ်ဂင်ကတော့သူ့ရဲ့သား ဆိုပြီးတော့ ရထားနဲ့ရောက်လာခဲ့ပါတယ် တစ်နေ့မှာ လန်မွန်ဆော့ကို သူတို့ငယ်ငယ်ကခုန်ချနေကျ ချောက်ကမ်းပါးမှာခုန်ချခိုင်းဖို့သွားရင်းနဲ့ Twilightထဲက ဝံပုလွေမင်းသားဂျက်ကော့ ဖြစ်တဲ့ဲ့အန်ဒီတို့အဖွဲ့နဲ့တွေ့ပြီးအရှက်တွေကွဲခဲ့ရပါတယ် ဂျက်ကော့ Taylor Launterကိုတော့ဒီထဲမှာ ပေါတော တော ကောလိပ်ကျောင်းသားအဖြစ်တွေ့ရမှာပါ အန်ဒီတို့အဖွဲ့ကိုဟစ်ဂင်ရဲ့သားဖြစ်သူကမကျေနပ် ဘဲအန်ဒီတို့နေတဲ့နေရာကိုဖျက်ဆီးခဲ့ပါတယ် အန်ဒီတို့ကလန်နီတို့လုပ်တယ်ထင်ပြီး လန်နီတို့ပါတီကို လာရောက်ဖျက်ဆီးပြီး နှစ်ဖွဲ့ချကြပုံများကို ပရိသတ်ကြီး သွားမစိဘဲကြည့်ရမှာပါ လန်နီအတွက် သတင်းဆိုးလား သတင်းကောင်းလားလို့ ပြောရမဲ့နေ့ရောက်လာပါတယ် သူ့မိန်းမမှာကိုယ်ဝန်ရှိနေ တာပဲဖြစ်ပါတယ် လန်နီကအစမှာတော့ဒီကလေးကိုမလိုချင်ပါဘူး နောက်ပိုင်းမှာတော့သူလည်းကိုယ်တိုင်ဒီကလေးကို လိုလိုချင်ချင်နဲ့ကြည်နူးစရာဇာတ်သိမ်းထားပါတယ် Quality…..BluRay 1080p Duration…..01:41:00 Format…Mp4 File Size…(724 MB ) Encoder…..Moe Myint Lwin Translator…..Yair Yint Kyaw

Open Season Franchise ရဲ့ တတိယမြောက် Direct-to-Video ကားဖြစ်ပြီး၊ ဒီတစ်ခေါက်မှာတော့ ဝက်ဝံကြီး Boog ရဲ့ အထီးကျန်ဆန်မှုနဲ့ "ရုရှားဆပ်ကပ်အဖွဲ့ (Russian Circus)" ဆီကို လမ်းလွဲရောက်ရှိသွားတဲ့ အလွဲဟာသတွေကို အဓိက အသားပေး ပုံဖော်ထားပါတယ်။ ဇာတ်လမ်းလေးက ပြောရမယ်ဆိုရင် နှစ်စဉ်ပြုလုပ်နေကျ ယောကျ်ားလေးသီးသန့် ခရီးထွက်ပွဲ ကို သွားဖို့ Boog က စိတ်လှုပ်ရှားနေပေမဲ့၊ Elliot အပါအဝင် သူ့သူငယ်ချင်းတွေအားလုံးမှာ ကိုယ်စီ အိမ်ထောင်တွေ၊ သားသမီးတွေနဲ့ အလုပ်ရှုပ်နေကြတာကြောင့် ဘယ်သူမှ မလိုက်နိုင်တော့ပါဘူး။ စိတ်ပျက်လက်ပျက်နဲ့ တစ်ယောက်တည်း ခရီးထွက်လာတဲ့ Boog ဟာ လည်ပတ်နေတဲ့ ရုရှားဆပ်ကပ်အဖွဲ့တစ်ခုဆီ ရောက်သွားပါတယ်။ အဲဒီမှာ သူ့နဲ့ ရုပ်ချင်းတစ်ထေရာတည်းတူတဲ့ Doug ဆိုတဲ့ ဆပ်ကပ်ဝက်ဝံနဲ့ ဆုံတွေ့ပြီး၊ အပြင်လောကမှာ လွတ်လွတ်လပ်လပ် နေချင်တဲ့ Doug ရဲ့ လှည့်စားမှုကြောင့် Boog ဟာ နေရာချင်း လဲလှယ်ခံလိုက်ရပါတယ်။ ဆပ်ကပ်ထဲမှာ ရောက်နေတဲ့ Boog ဟာ အာဂျင်တီးနားနိုင်ငံသူ ဝက်ဝံမလေး Ursa နဲ့ ချစ်ကြိုက်သွားပြီး ဆပ်ကပ်ဖျော်ဖြေပွဲတွေ လုပ်နေရချိန်မှာ၊ တောထဲမှာ ကျန်ခဲ့တဲ့ Elliot နဲ့ သူငယ်ချင်းတစ်စုကတော့ Doug ဟာ Boog အစစ်မဟုတ်မှန်း ရိပ်မိသွားပြီး ဆပ်ကပ်အဖွဲ့ ရုရှားကို မပြန်ခင် Boog ကို သွားရောက်ကယ်တင်ဖို့ ကြိုးစားကြတာတွေကို ထုံးစံအတိုင်း ပျော်ပျော်ရွှင်ရွှင် ကြည့်ရှုခံစားရမှာပဲ ဖြစ်ပါတယ်....။

Open Season 2 (2008) ပထမကားရဲ့ အောင်မြင်မှုအပြီး Direct-to-Video အဖြစ် ထွက်ရှိလာခဲ့ပြီး၊ မုဆိုးတွေနဲ့ တိုက်ခိုက်ရတဲ့ တောတွင်းစစ်ပွဲကနေ "တောရိုင်းတိရစ္ဆာန်များ vs အိမ်မွေးတိရစ္ဆာန်များ" ဆိုတဲ့ ဟာသဆန်ဆန် အားပြိုင်မှုဘက်ကို ဦးတည်ပြောင်းလဲသွားမယ့် ဒုတိယကားလေး ဖြစ်ပါတယ်။ ဇာတ်လမ်းအကျဉ်းလေးကတော့ ပထမကားအပြီး သမင်ပေါက်စ Elliot ဟာ သူ့ရဲ့ ချစ်သူသမင်မလေး Giselle နဲ့ မင်္ဂလာဆောင်ဖို့ ပြင်ဆင်နေချိန်မှာ အိမ်ထောင်သည်ဘဝရဲ့ တာဝန်တွေကို ကြောက်ရွံ့ပြီး မင်္ဂလာဆောင်ကနေ ထွက်ပြေးဖို့ အကြောင်းပြချက် ရှာနေပါတယ်။ အဲဒီအချိန်မှာပဲ ပထမကားတုန်းက တောထဲရောက်လာခဲ့တဲ့ အိမ်မွေးခွေးပုလေး Mr. Weenie ကို သူ့ရဲ့ မူလပိုင်ရှင်တွေက အမှတ်မထင် ပြန်တွေ့ပြီး အိမ်မွေးတိရစ္ဆာန် အပန်းဖြေစခန်း (Pet Resort) ဆီ ပြန်ခေါ်သွားကြပါတယ်။ အီလီယက်က မင်္ဂလာပွဲကို ရွှေ့ဆိုင်းဖို့ အခွင့်အရေးရသွားပြီး Boog အပါအဝင် တောတွင်းတိရစ္ဆာန်တစ်အုပ်လုံးကို စုစည်းပြီးတော့ Mr. Weenie ကို သွားရောက်ကယ်တင်မယ်ဆိုပြီး လူတွေရဲ့ အပန်းဖြေစခန်းဆီ ခရီးထွက်ခဲ့ကြပြီး လမ်းမှာ တလွဲတွေလုပ် ပေါက်ကရတွေဖြစ် နောက်ပြီး အပန်းဖြေစခန်းမှာလည်း တောရိုင်းတိရစ္ဆာန်တွေကို ရွံရှာမုန်းတီးပြီး အိမ်မွေးတိရစ္ဆာန်တွေကို ဦးဆောင်နေတဲ့ ပုဒယ်ခွေးဖြူ Fifi နဲ့ ထိပ်တိုက်ရင်ဆိုင်ရတဲ့အခါ ဘာတွေဆက်ဖြစ်လာကြမလဲဆိုတာကတော့.....။

သစ်တော နဲ့ နီးစပ်တဲ့ မြို့ငယ်လေး တစ်ခုမှာ ဘတ်ဂ် လို့ ခေါ်တဲ့ တောခေါင်း အမျိုးသမီးငယ်လေးဟာ ဘုဂ် လို့ နာမည်ပေးထားတဲ့ ဝက်ဝံကြီးတစ်ကောင်ကို ငယ်စဉ်ကတည်းက မွေးစားထားပါတယ် ဘုဂ် ဟာ သင်ရပြုရလွယ်ပြီး လိမ္မာရေးခြားရှိတဲ့ ဝက်ဝံကြီးတစ်ကောင် ဖြစ်လာပြီး သူ့သခင်မ နဲ့ အတူ နယ်မြိုကလေးမှာ လာလည်တဲ့ ဧည့်သည်တွေကို ဖျော်ဖြေလေ့ ရှိပါတယ်... တစ်ရက်မှာတော့ စည်းကမ်းမရှိတဲ့ မုဆိုးတစ်ယောက်ဟာ အမဲလိုက်ရာသီမစခင်မှာ သမင်လေးတစ်ကောင်ကို ကားနဲ့ တိုက်လာပြီး ဘုဂ် တို့ ရှိတဲ့ မြို့လေးထဲ ရောက်အလာ သနားတက်တဲ့ ဘုဂ် က သမင်လေး အီလီယော့ ကို ကယ်တင်ပေးလိုက်ပါတယ် ဒါပေမဲ့ ဘုဂ် ကယ်တင်ပေးလိုက်တဲ့ အီလီယော့ က တကယ့်ငမွေထိုးဖြစ်ပြီး တည်ငြိမ်နေတဲ့ ဝက်ဝံကြီး ဘုဂ် ရဲ့ ဘ၀ ကိုပါ ငါးပါးမှောက်အောင်လုပ်လိုက်တဲ့အခါ ဝက်ဝံကြီး ဘုဂ် ကို သခင်ဖြစ်သူက ရင်နာနာနဲ့ပဲ တောတွင်းထဲကို ပြန်လွှတ်ပေးလိုက်ရပါတော့တယ် လူယဉ်နေတဲ့ ဝက်ဝံကြီး ဘုဂ် တစ်ယောက် တောတွင်းထဲမှာ ဘယ်လို ကမောက်ကမတွေ ဆက်ဖြစ်မလဲ ဆိုတာတော့ ရုပ်ရှင်ချစ်သူများ ကြည့်ရှုလိုက်ကြပါဦး