Gil Bellows ပါဝင်သော ဇာတ်ကားများ

Voicemails for Isabelle (2026) ++++++++++++++ ဒီကားဟာ ဒီနေ့ (၂၀၂၆ ဇွန်လ ၁၉ ရက်) တင်ပဲ Netflix ကနေ အသစ်စက်စက် ဖြန့်ချိလိုက်တဲ့ အမေရိကန် အချစ်ဟာသနဲ့ ဒရမ်မာ (Romantic Comedy/Drama) ရုပ်ရှင်ကားကြီး ဖြစ်ပါတယ်။ နာမည်ကြီး မင်းသမီးချော Zoey Deutch နဲ့ မင်းသား Nick Robinson တို့ အဓိက ပါဝင်သရုပ်ဆောင်ထားပြီး ဂန္ထဝင်အချစ်ကား You've Got Mail ရဲ့ ခေတ်သစ်ပုံစံမျိုးလို့ တင်စားကြတဲ့အပြင် ရယ်လည်းရယ်ရသလို မျက်ရည်လည်း ကျရမယ့် ဇာတ်ကားလေးပါ။ ဇာတ်လမ်းရဲ့ အဓိကဇာတ်ကောင်က ဆန်ဖရန်စစ္စကိုမှာ နေထိုင်ပြီး မုန့်ဖုတ်ပညာရှင်ဖြစ်ဖို့ ကြိုးစားနေတဲ့ဂျေး (Jill) ဆိုတဲ့ မိန်းကလေးပါ။ ဂျေးဟာ မကြာသေးခင်ကမှ သူ့ဘဝရဲ့ အချစ်ဆုံးနဲ့ အရေးအကြီးဆုံးဖြစ်တဲ့ ညီမလေး အစ္စဘယ်လ် (Isabelle) ကို ရောဂါတစ်ခုကြောင့် ဆုံးရှုံးလိုက်ရပါတယ်။ ဒီလိုဝမ်းနည်းပူဆွေးမှုကို မကျော်လွှားနိုင်သေးတဲ့ ဂျေးဟာ ညီမလေး ရှိနေတုန်းကလိုပဲ သူ့ရဲ့ နေ့စဉ်ဘဝအကြောင်းတွေ၊ ဆန်ဖရန်စစ္စကိုက စိတ်ပျက်စရာကောင်းတဲ့ Dating အတွေ့အကြုံတွေကို ညီမလေးရဲ့ ဖုန်းနံပါတ်ဟောင်းဆီကို Voicemails (အသံမက်ဆေ့ခ်ျတွေ) ဆက်တိုက်ပို့ပြီး ရင်ဖွင့်နေခဲ့ပါတယ်။ ဒါပေမဲ့ ဂျေးမသိတာတစ်ခုက အဲဒီဖုန်းနံပါတ်ဟောင်းဟာ အော်စတင်မြို့က အိမ်ခြံမြေအကျိုးဆောင် လူငယ်တစ်ယောက်ဖြစ်တဲ့ ဝက်စ် (Wes) ဆီကို အသစ်ပြန်ချပေးထားတာ ဖြစ်နေပါတယ်။ ဝက်စ်ဟာ သူ့ဖုန်းထဲကို မကြာခဏ ရောက်ရောက်လာတဲ့ ဂျေးရဲ့ လျှို့ဝှက်ဆန်းကြယ်ပြီး ရိုးသားလွန်းတဲ့အသံဒိုင်ယာရီတွေကို နားထောင်ရင်းနဲ့ ဂျေးဆိုတဲ့ ကောင်မလေးကို လူချင်းမတွေ့ဖူးဘဲ တဖြည်းဖြည်း သဘောကျလာပါတော့တယ်။ ဒီလိုနဲ့ ဝက်စ်ဟာ ဂျေးရဲ့ အကြိုက်တွေ၊ သူ့စိတ်ဒဏ်ရာတွေကို အသံမက်ဆေ့ခ်ျတွေကနေတစ်ဆင့် အကုန်သိနေတဲ့အတွက် သူတို့နှစ်ယောက် လူချင်းဆုံတွေ့တဲ့အခါ (သူ့ဘက်က အကွက်ကျကျ) ဂျေးရဲ့ အသည်းကို လွယ်လွယ်ကူကူပဲ ဖမ်းစားနိုင်ဖို့ ကြိုးစားပါတော့တယ်။ ဒါပေမဲ့ ဒီလိုလျှို့ဝှက်ချက်ကို အခြေခံထားတဲ့ ဆက်ဆံရေးက အမှန်တရားပေါ်ပေါက်သွားတဲ့အခါ ဘာတွေဆက်ဖြစ်မလဲဆိုတာကို ရင်ခုန်စရာ ရိုက်ကူးထားတာပါ။ ဒီကားက သာမန်အချစ်ကားတွေလို တွဲကြ၊ ရန်ဖြစ်ကြရုံတင် မဟုတ်ဘဲ "ချစ်ရသူတစ်ယောက် ဆုံးရှုံးသွားတဲ့ စိတ်ဒဏ်ရာ" ကို အချစ်နဲ့ ဘယ်လိုကုစားမလဲဆိုတာကို ခံစားချက်အပြည့်နဲ့ ရိုက်ပြထားတာပါ။ ဇာတ်ဝင်တေးတွေကလည်း အရမ်းကောင်းပြီး မင်းသားမင်းသမီးနှစ်ယောက်ရဲ့ Chemistry ကလည်း တကယ့်ကို လိုက်ဖက်လွန်းတာမို့လို့ ဒီအပတ်ပိတ်ရက်မှာ Netflix မှာ လက်မလွတ်တမ်း ကြည့်သင့်တဲ့ ကားကောင်းလေး ဖြစ်ပါတယ်။ File Size… (1.33GB) / (811MB) Quality… WEB-DL 1080p HEVC / 720p Format…mkv / mp4 Duration…1h 58m Genre ….Comedy , Drama , Romance Subtitle….Myanmar Subtitle (Hard Sub)

နက်ဖလစ်ရဲ့ နောက်ထပ်ရုပ်ရှင်သစ်တစ်ကားထွက်လာပါပြီ။ ဒါကလည်း ကမ္ဘာပျက်တဲ့ကားပါပဲ။ ဒီတစ်ခါ အရင်နဲ့မတူအောင်ပျက်ရမှာပေါ့။ ထူးခြားတဲ့ အဖြစ်အပျက်တစ်ခုကြောင့် တစ်ကမ္ဘာလုံးက လျှပ်စစ်တွေအကုန် ပြတ်တောက်သွွားပြီး လူတွေအကုန်လုံး အိပ်နိုင်စွမ်းကို ဆုံးရှုံးသွားပါတယ်။ မေ့ဆေးပေးတောင် အိပ်လို့မရတော့ပါဘူး။ သေတာနဲ့နိုးနေတာ နှစ်မျိုးပဲ ကျန်ပတော့တယ်။ လူတွေဟာ မအိပ်ဘဲနေနိုင်တဲ့ ရက်အကန့်အသတ်ရှိပါတယ်။ ရက်ကြာလာတာနဲ့အမျှ တွေးခေါ်နိုင်စွမ်းတွေ ပျောက်လာတယ်၊ ထင်ယောင်ထင်မှားတွေ မြင်လာတယ် ၊ ချိနဲ့လာတယ် စသည်ဖြင့်ပေါ့။ ဒီတော့ ရက်ပိုင်းအတွင်းမှာ မလွှဲမရှောင်သာ ကမ္ဘာပျက်ပါတော့မယ်။ အဲဒီအချိန်မှာပဲ အိပ်လို့ရနေတဲ့ ကလေးမလေးတစ်ယောက်ကို တွေ့သွားကြတဲ့အခါ သူ့ကိုစမ်းသပ်ပြီး အချိန်မီ ကုထုံးကိုရှာဖို့ ကြိုးစားကြပါတော့တယ်။ ဒါပေမယ့် ကလေးမလေးရဲ့အမေကလည်း သူ့ကလေးကို ကာကွယ်ဖို့အတွက် အစွမ်းကုန်ကြိုးစားလာတဲ့အခါ... File size…(1.7 GB) and (1 GB) Quality….web 1080p and 720p Format…mp4 Duration….02:36:00 Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ဟင်နရီဘိတ်ကာက နာမည်ကျော် ရာဇဝတ်သားတစ်ယောက်ပါ။ နာမည်ကြီးသလို ရန်သူလည်းများပြီး သူ့ပိုင်ဆိုင်မှုတွေကို မျက်စိကျနေသူတွေကလည်း မနည်းဘူး။ သူ့မှာ ဆမ်ဘတ်ဆိုတဲ့ ရုပ်ချင်းချွတ်စွပ်တူတဲ့ ညီတစ်ယောက်ရှိတာကြောင့် ရန်သူတွေက ညီအစ်ကိုနှစ်ယောက်ကို လူမှားတတ်ကြပါတယ်။ ညီအစ်ကိုကြားမှာလည်း ရှင်းမရတဲ့ကိစ္စတစ်ခု ပေါ်လာပြီး တစ်ယောက်နဲ့တစ်ယောက် သတ်ဖြတ်ဖို့အထိ ဖြစ်လာခဲ့တယ်။ နောက်ဆုံး တစ်ယောက်က သေဆုံးပြီး တစ်ယောက်က ထောင်ကျသွားပါတယ်။ နှစ်အတော်ကြာလို့ သူတို့ရဲ့သားတွေ အရွယ်ရောက်လာချိန်မှာ ထောင်ကျနေသူလည်း ပြန်လွတ်လာတယ်။ ညီအစ်ကိုနှစ်ယောက်ကြားက ဇာတ်ရှုပ်ဟာ သားတွေလက်ထက်မှာ ဘယ်လိုဆက်ဖြစ်လာမလဲဆိုတာကို ဆက်ပြထားပါတယ်။ ဇာတ်လမ်းအလှည့်အပြောင်းတွေပါတဲ့ သည်းထိတ်ရင်ဖို မှုခင်းကားဖြစ်ပြီး ရှိတ်စပီးယားရဲ့ “ဗင်းနစ်မြို့က ကုန်သည်” အငွေ့အသက်တချို့ကို ထည့်ထားသလို ရှိတ်စပီးယားစာသားနဲ့ အဆုံးသတ်ထားပါတယ်။

မကြာသေးခင်ကမှ ရုံတင်သွားတဲ့ Horror ကား ကောင်းကောင်းလေးပါဗျ။ ဇာတ်လမ်းတွေက နာကျင်စေတယ်။ ဇာတ်လမ်းတွေက အနာကျက်စေတယ်။ ဇာတ်လမ်းတွေက ကျွန်တော်တို့ ဘယ်သူဘယ်ဝါရယ် လို့ ပုံဖော်ပေးတယ်။ ခင်ဗျားတို့ရော ကိုယ်ရဲ့ ရှေ့ဖြစ်ဇာတ်လမ်းကို ကြိုသိရပါမယ် ဆိုပါစို့။ ​အကောင်းတွေတော့ မဟုတ်ဘူးနော်။ အဆိုးတွေ..... ကံကြမ္မာဆိုးတွေ ဇာတ်လမ်းကတော့ ဒီလိုပါ။ ဟောလိုဝင်းနေ့မှာ ကလေးတစ်သိုက်က သရဲခြောက်တဲ့အိမ်ကြီးတစ်အိမ်ကို ရောက်သွားတယ်။ အဲဒီအိမ်မှာ ဒဏ္ဍာရီတစ်ခု ရှိတယ်။ အဲဒီအိမ်က အမျိုးသမီးရဲ့ဇာတ်လမ်းကို နားထောင်ပြီးတဲ့ကလေးတိုင်း ပျောက်ဆုံးသွားလေ့ ရှိတယ်။ မမျှော်လင့်ဘဲ အဲဒီအမျိုးသမီးကြီးရဲ့ ဇာတ်လမ်းတွေ ရေးထားတဲ့ စာအုပ်ကို ရခဲ့တယ်။ စာအုပ်ထဲမှာ ဇာတ်လမ်းတွေ အလိုလိုပေါ်လာခဲ့တယ်။ ပေါ်လာခဲ့တဲ့ ဇာတ်လမ်းတွေကလည်း တကယ်ဖြစ်လာခဲ့တယ်။ အဲဒီကံကြမ္မာဆိုးကို သူတို့ ဘယ်လို ရှောင်လွှဲကြမလဲ????? ရှောင်လွှဲဖို့ရော ဖြစ်နိုင်ပါ့မလား????? စာအုပ်ကရော ဘာရာဇဝင်တွေ ရှိနေတာလဲ????? ဇာတ်လမ်းက ကြောက်ဖို့ကောင်းသလို တော်တော်လေးလည်း စိတ်ဝင်စားစရာကောင်းပါတယ်။

Girl Walks Into a Bar (2011) ကြည့်ဖူးနေကျ ဇာတ်ကားတွေနဲ့မတူဘဲ တစ်မူကွဲထွက်နေတဲ့ 2011 ခုနှစ်တုန်းက ထွက်ရှိခဲ့တဲ့ ဇာတ်ကားလေးတစ်ကားကို ပြန်လည်တင်ဆက်ပေးလိုက်ပါတယ်။ ပုံမှန်ဆိုရင် ဇာတ်ကားတွေမှာ အဓိကသရုပ်ဆောင်တွေက ၁ ယောက် ၂ ယောက်ပဲပါပေမဲ့ ဒီဇာတ်ကားမှာ တွေ့ရမဲ့ ဇာတ်ကောင်တိုင်းကတော့ သူ့ဘ၀နဲ့သူ သူ့ဇာတ်ကြောင်းနဲ့သူ အဓိကဇာတ်ဆောင်တွေဖြစ်နေကြတာပါပဲ။ ဇာတ်ကြောင်းဆိုပြီးတစ်ခုတည်း ခွဲထွက်နေတာမရှိသလို ဟိုရောက်ဒီရောက်နဲ့ ကြည့်ရမှာဆိုပေမဲ့ တစ်မူထူးခြားနေလို့ ရိုးရိုးတွေကို အီနေပြီဆိုရင် ဒီကောင်လေးက မဆိုးဘူးလို့ပြောရမှာပါပဲ။ ဇာတ်ကားနာမည်ကတော့ Girl Walk Into A Bar ဖြစ်ပြီး IMDb Rating 5.6 အထိ ရရှိထားပါတယ်။ဇာတ်ကားနာမည်အတိုင်း ကောင်မလေးတစ်ယောက် ဘားတစ်ခုထဲ ဝင်လာတာကနေ ဇာတ်လမ်းစထားပြီး စိတ်ဝင်စားစရာကောင်းတဲ့ တစ်ယောက်ချင်းစီတိုင်းရဲ့ အကြောင်းအရာတွေကို ချိတ်ဆက်ပြသသွားမှာဖြစ်တာမို့ ဇာတ်လမ်းအကျဉ်းချုပ်ရယ်ဆိုပြီး မရှိတဲ့အတွက် ကိုယ်တိုင်ပဲကြည့်ရှုခံစားကြည့်လိုက်ဖို့ ညွှန်းပေးလိုက်ပါတယ်။ (အညွှန်းကို Saw Lay မှ ရေးသားထားပါတယ်) File size…1.36GB / 412MB Quality… BluRay 1080p/ 720p Format…mp4 Duration….1h 20m Genre ….. Comedy, Romance, Drama Subtitle….Myanmar Subtitle (Hard Sub) Translated by Saw Lay Encoded by AHtet

တစ်ခေတ်တစ်ခါက အက်ရှင်ဇာတ်ကြမ်းကားတွေထဲမှာ အလွန်နာမည်ကြီးခဲ့တဲ့ မင်းသားဟောင်းကြီး Steve Austin ရဲ့ 2010 တုန်းကထွက်ရှိခဲ့တဲ့ Hunt To Kill ဆိုတဲ့ အက်ရှင် ဇာတ်ကားကိုတင်ဆက်ပေးလိုက်ပါတယ်။ IMDb Rating 5.1 ရရှိထားပြီး Rotten Tomatoes မှာ 34% သာရရှိထားပေမဲ့ ဇာတ်ကားကသူ့ခေတ်သူ့အခါအတိုင်းအတာနဲ့ အထိုက်အလျောက်တော့ကြည့်ကောင်းပါတယ်။ဂျင်မ်ဆိုတဲ့ လူတစ်ယောက်က ရဲတပ်ဖွဲ့ကဖြစ်ပြီးလုပ်ငန်းခွင်အတွင်းဖြစ်ရပ်ဆိုး တစ်ခုကြောင့် သူ့ တွဲဖက်ဖြစ်သူကိုဆုံးရှုံးခဲ့ရတဲ့အခါမှာ သမီးဖြစ်သူနဲ့ အတူပြန် အနားယူနေခဲ့ပါတယ်။သမီးဖြစ်သူကလည်း လူငယ်ပီပီ ပြဿနာ မီးခွက်ထွန်းရှာတဲ့အခါမှာတော့ ရဲစခန်းရောက်သွားခဲ့ပါ တော့တယ်။ဒီလိုနဲ့ သမီးဖြစ်သူကိုပြန်လိုက်ရွေးဖို့လိုက်သွားခဲ့တဲ့ အခါမှာတော့ ရဲစခန်းမှာထိတ်လန့်စရာမြင်ကွင်းကိုမြင်လိုက်ရ ပါတော့တယ်။အဲ့ဒါကတော့လူဆိုးတစ်သိုက်က ရဲစခန်းကိုဝင်စီးထားတဲ့ မြင်ကွင်းပါပဲ။သမီးဖြစ်သူက လူဆိုးတွေကြားမှာရှိနေပြီးတော့ ရဲမှူးကလည်း အသတ်ခံလိုက်ရပါတယ်။နောက်မှသိလာရတာက အဲ့ဒီလူဆိုးတွေက ဘဏ်ဓားပြတိုက်တဲ့လူတွေဖြစ်ပြီး ပိုက်ဆံတွေ အကုန်ယူပြီး ထွက်ပြေးသွားတဲ့ သူတို့ထဲကလူတစ်ယောက်ကို လိုက်ရင်းနဲ့ ဒီကိုရောက်လာတာပါပဲ။နေရာမှားကို အချိန်မှား ရောက်သွားခဲ့တဲ့ ဂျင်မ်တို့သားအဖသူတို့ လက်ကနေလွတ်မြောက်နိုင် ဖို့အတွက် အဲ့ဒီလူကိုရှာဖို့ ကူညီပေးရပါတော့တယ်။ဒီလိုနဲ့ သူတို့သား အဖနဲ့ လူဆိုးတစ်သိုက်တောထဲမှာ ထွက်ပြေးသွားတဲ့လူကိုလိုက်ရှာရင်း ဘယ်လိုအခက်အခဲတွေနဲ့ ရင်ဆိုင်ရပြီး ဘာတွေဖြစ်ကြမယ်ဆိုတာကို ကြည့်ရမှာပဲဖြစ်ပါတယ်။ File size…2.07GB / 1.14GB Quality…Blu-Ray 1080p  / 720p Format…mp4 Duration….1h 38m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

ကျွန်တော် ခဏခဏမေးဖြစ်တဲ့ မေးခွန်းလေးတစ်ခုမေးကြည့်ချင်ပါတယ်။ ခင်ဗျားက စနိုက်ပါ တစ်လက်နဲ့ လူတစ်ယောက်ကို ချိန်ထားတယ်။ အဲဒီလူက လူတွေအများကြီးရှိနေတဲ့ နေရာမှာ ဗုံးခွဲမလို့ လုပ်နေတဲ့သူ။ အဲဒီလူကို ပစ်သတ်ဖို့ ခင်ဗျား သေနတ်မောင်းကို ဆွဲမှာလား။ ခင်ဗျားလက်မှာ သွေးအစွန်းခံပြီးတော့ ဗုံးကွဲလို့သေမယ့်သူတွေကို ကယ်မှာလား။ ဒါမှမဟုတ် လူသတ်သမားတစ်ယောက် အဖြစ်ခံပြီး ပစ်သတ်လိုက်မှာလား။ ပစ်သတ်လိုက်မယ်ဆိုရင်တော့ ခင်ဗျားက သူရဲကောင်းကြီးတစ်ယောက် ဖြစ်သွားနိုင်တာပေါ့။ ဒါပေမဲ့ လူသတ်သမားတော့ ဖြစ်သွားလိမ့်မယ်။ ခင်ဗျားက လွတ်လပ်တဲ့လူတစ်ယောက်ဖြစ်လို့ သေနတ်မောင်းခလုတ်ကို မဆွဲဘဲ လှည့်ထွက်သွားမယ်ဆိုရင်လည်း ရပါတယ်။ အနေသာကြီးပါ။ ဒါပေမဲ့ လူပေါင်းများစွာ သေကြေပျက်စီးရမယ့် ကိစ္စကို တားနိုင်တဲ့ အစွမ်းရှိရဲ့သားနဲ့ မတားနိုင်ဘူးဆိုရင် အဲဒီအသက်တွေအတွက် ခင်ဗျားမှာ တာဝန်ရှိသွားလိမ့်မယ်။ အဲဒါဆို လူအများနဲ့ တစ်ယောက် လဲမှာလား။ Witcher ထဲက ဇာတ်ဆောင်ရဲ့စကားကို ငှားပြီးပြောရမယ်ဆိုရင် မကောင်းမှုဆိုတာက မကောင်းမှုပါပဲ။ သေးသေး၊ ကြီးကြီး။ အလတ်စားလောက်ပဲဖြစ်ဖြစ် မကောင်းမှုက မကောင်းမှုပါပဲ တဲ့။ သေးတဲ့မကောင်းမှုကို ကျူးလွန်မှာလား ဒါမှမဟုတ် မကောင်းတာတစ်ခုကို အဖြစ်ခံမှာလား။ ရွေးကြည့်ပါ။ နောက်ထပ် စဉ်းစားစရာထပ်ထည့်ပေးကြည့်ပါမယ်။ အဲဒီ ဗုံးခွဲမယ့်သူက ကလေးမလေးတစ်ယောက်ဖြစ်နေမယ်ဆိုရင်ရော။ ကလေးတွေ အမျိုးသမီးတွေကို (လိင်ခွဲခြားဆက်ဆံခြင်းမဟုတ်တာကို သတိပြုစေချင်ပါတယ်) မထိခိုက်ရဘူးဆိုတဲ့ ခင်ဗျားရဲ့ ဖြောင့်မှန်နေမှုကြီးကို စတေးပြီးတော့ ပစ်သတ်လိုက်မှာလား။ မပစ်ဘဲထားမယ်ဆိုရင်လည်း သူ့ကြောင့် ထိခိုက်နစ်နာရတဲ့သူတွေထဲမှာ ကလေးတွေ၊ အမျိုးသမီးတွေ ပါနေနိုင်တာပဲလေ။ ထိခိုက်နစ်နာသူက တစ်ယောက်တည်းတောင် မဟုတ်ဘူး အများကြီးရှိနေမှာ။ ပစ်သတ်လိုက်မယ်ဆိုရင်တော့ ကလေးသတ်သမားတစ်ယောက် ဖြစ်သွားပါလိမ့်မယ်။ ဘာကိုရွေးမှာလဲ။ ဒီမေးခွန်းကိုပဲ နောက်ထပ် အခြေအနေလေးတစ်ခု ထပ်ထည့်ပေးကြည့်ပါမယ်။ ခင်ဗျားက စစ်သား တစ်ယောက်ဖြစ်တယ်ဆိုပါတော့။ အမိန့်ကလည်း ပစ်သတ်ဖို့ အမိန့်ပေးထားမယ်။ သေနတ်မောင်းကို ဆွဲဖို့ မဆွဲဖို့ဆိုတာ ခင်ဗျားတစ်ယောက်တည်းရဲ့ ဆုံးဖြတ်ချက်ဖြစ်သွားပြီ။ ပစ်သတ်လိုက်မယ်ဆိုရင် စစ်သားတစ်ယောက်အနေနဲ့ တာဝန်ရှိတဲ့ အတိုင်း တာဝန်ကို ကျေကျေပွန်ပွန်ဆောင်ရွက်နိုင်တဲ့ စစ်သားတစ်ယောက်၊ အသက်ပေါင်းများစွာကို ကယ်တင်နိုင်တဲ့ သူရဲကောင်း ဖြစ်မှာပါ။ ဒါပေမဲ့ စစ်သားဆိုတာလည်း လူတစ်ယောက်ပဲလေ။ ခံစားချက်ရှိတယ်။ နှလုံးသားရှိတယ်။ ဒီလူ(သို့) ဒီကလေးမလေးရဲ့ သွေးတွေ ခင်ဗျားလက်မှာ စွန်းနေပြီ။ ခင်ဗျားရဲ့ ဝိညာဉ်တစ်စိတ်တစ်ပိုင်းကို ချိုးဖျက်ပစ်လိုက်ရမှာပါ။ အများအသက်ကိုကယ်တင်နိုင်တဲ့ သူရဲကောင်းတစ်ယောက်၊ တာဝန်ကျေပွန်တဲ့ စစ်သားကောင်းတစ်ယောက်ဆိုတာက ပဲ့ကြွေကျသွားတဲ့ ကိုယ့်ဝိညာဉ်ရဲ့ အစိတ်အပိုင်းကို ပြန်ဖြည့်ဖို့ဆိုတာ လုံလောက်နိုင်မှာလား။ မပစ်ခဲ့ဘူးဆိုရင်ရော တာဝန်မကျေတဲ့ စစ်သားတစ်ယောက်၊ လူအများအသက်ကို ကယ်နိုင်ဖို့ ကိုယ့်ရဲ့ ကိုယ်ကျင့်တရားကို မစတေးရဲတဲ့ လူတစ်ယောက် ဖြစ်သွားနိုင်ပါတယ်။ ခင်ဗျားရဲ့ လူသားပီသမှု စံနှုန်းကဘယ်လိုပါလဲ။Unthinkable (2010) ဇာတ်ကားထဲမှာတော့ ဒီအခြေအနေအတိုင်း ဖြစ်နေတဲ့ ဇာတ်ကောင်တွေကို တွေ့ရပြီး အဲဒီဇာတ်ကောင်တွေထဲက တစ်ယောက်ချင်းစီက သူတို့ရဲ့ ရွေးချယ်မှုကို ဘယ်လိုတွေ လုပ်သွားတယ်ဆိုတာတွေ့ရမှာပါ။ ဘယ်သူမှ မှားတယ်လို့ ပြောလို့မရသလို ဘယ်သူမှလည်း မှန်တယ်လို့ ပြောလို့မဖြစ်နိုင်ပါဘူး။ အဆိုးဆုံးပြောရမယ်ဆိုရင် မှားပါတယ်ဆိုတဲ့ အကြမ်းဖက်ဗုံးခွဲတဲ့သူရဲ့ဘက်က ကြည့်မယ်ဆိုရင် သူလည်း မှန်နေတာတွေ အများကြီးပါပဲ။ ဇာတ်လမ်းကရှင်းသလို ခပ်သွက်သွက်နဲ့ တင်ဆက်သွားတဲ့ ဇာတ်ကားကောင်းတစ်ကားပါ။ ပြီးတော့ ခင်ဗျားအတွက် တွေးစရာတွေ အများကြီးရသွားပါလိမ့်မယ်။ (ဇာတ်လမ်းအညွှန်းနဲ့ဘာသာပြန်သူကတော့ d3mon ပါ) File Size : (1.60 GB),(800 MB) And (400 MB) Quality : Blu-Ray (1080p 5.1,720p,480p) Running Time : 1hr 37min Format : Mp4 Genre : Crime, Drama, Thriller Subtitle : Myanmar Subtitle (Hard Sub) Source : EXTENDED.CUT.1080p.Bluray.x264-LEVERAGE Translated by d3mon Encoded by Thanhtike Zaw

အရွယ်ရောက်ပြီးသူတစ်ယောက်ရဲ့ ဘဝမှာ လွယ်ကူတာဆိုလို့ မရှိဘူးလို့ ဒေ့ဗ်ရဲ့အဖေက အမြဲဆုံးမတတ်ပါတယ်။ ဒါပေမဲ့ ဒေ့ဗ်ကတော့ အဲဒီစကားကို လက်မခံနိုင်ဘဲ ပြဿနာပေါင်းစုံနဲ့ ရှုပ်ထွေးနေတဲ့ သူ့ဘဝကို အဆိုးမြင်နေသူပါ။ အသက်အရွယ်နဲ့အမျှ မရင့်ကျက်သေးဘဲ အဆင်မပြေတာတွေကိုပဲ အလိုမကျဖြစ်၊ ဒေါသထွက်နေတတ်တယ်။ ဒေ့ဗ်စပရစ်ဇ်ရဲ့ အလုပ်က မိုးလေဝသသတင်း ကြေညာသူဖြစ်ပေမယ့် မိုးလေဝသပညာကိုတော့ သိပ်နားမလည်ပါဘူး။ သူ့ခန့်မှန်းချက်တွေကလည်း မကြာခဏ လွဲနေတတ်တယ်။ အိမ်မှာတော့ ဇနီးဖြစ်သူ နိုရင်းနဲ့ တကျက်ကျက် ရန်ဖြစ်နေရပြီး မိဘတွေရဲ့ နေ့စဉ်အငြင်းပွားမှုတွေကြားမှာ ကလေးတွေကလည်း စိတ်ထွက်ပေါက်ရှာရင်း မူးယစ်ဆေးစွဲတာ၊ ဆေးလိပ်သောက်တာ စတဲ့ ပြဿနာတွေ ရှိလာကြပါတယ်။ ဒီကြားထဲ အဖေနဲ့ပတ်သက်တဲ့ သတင်းဆိုးကိုပါ ကြားလိုက်ရတော့ ဒေ့ဗ်အတွက် ပိုခက်ခဲလာတယ်။ အပြင်ထွက်ပြန်တော့လည်း တီဗီပေါ်က သူ့ကို မကျေနပ်သူတွေက တွေ့တဲ့နေရာမှာ မုန့်နဲ့ ပစ်ပေါက်ကြတယ်။ အလုပ်ရော မိသားစုဘဝပါ အဆင်မပြေဖြစ်နေချိန်မှာ သူလိုချင်နေတဲ့ အိပ်မက်ထဲကအလုပ်ကို ရနိုင်မယ့် အခွင့်အရေး ရောက်လာပါတယ်။ ဒီတစ်ခါ သူ့ရွေးချယ်မှုတွေမှာ အရင်လိုပဲ တွေဝေနေဦးမလား၊ ရင်ဆိုင်နေရတဲ့ ပြဿနာတွေကို ဘယ်လိုဖြေရှင်းမလဲဆိုတာကနေ ဇာတ်လမ်းဆက်သွားတယ်။ Nicolas Cage ပါဝင်ထားတဲ့ ဒီမိသားစုဟာသဒရာမာမှာ ဘဝရဲ့ အလွဲအချော်တွေကြား ကိုယ့်ကိုယ်ကိုယ် လက်ခံတတ်ဖို့ဆိုတဲ့ အကြောင်းကို တင်ပြထားသလို ဒေ့ဗ်နဲ့ ရောဘတ်တို့ရဲ့ ဖခင်မေတ္တာကိုလည်း ဖော်ပြထားပါတယ်။

လူသတ်မှုနဲ့ ထောင်ဒဏ်တစ်သက် နှစ်ခါ ကျခံရတဲ့ ဘဏ်လုပ်ငန်းရှင် အန်ဒီ ဒူဖရင်းက ရှောရှန့်ခ်ထောင်ထဲ ရောက်လာပါတယ်။ အဲဒီမှာ ထောင်သက်ရင့်နေပြီဖြစ်တဲ့ ရက်ဒ်နဲ့ သိကျွမ်းပြီး မိတ်ဆွေဖြစ်လာတယ်။ အပြင်လောကနဲ့ ကွာသွားတဲ့ဘဝမှာ အန်ဒီက ထောင်ထဲက အခက်အခဲတွေကို ရင်ဆိုင်ရင်း ကိုယ့်ကိုယ်ကို ပြန်တည်ဆောက်ဖို့ ကြိုးစားနေပါတယ်။ ဒီဇာတ်လမ်းမှာ စိတ်ဝင်စားစရာက မျှော်လင့်ချက်မရှိတော့ဘူးလို့ ထင်ရတဲ့နေရာမှာ အန်ဒီ ဘယ်လိုဆက်နေသွားသလဲဆိုတာပါ။ အန်ဒီနဲ့ ရက်ဒ်ရဲ့ မိတ်ဆွေဘဝကို လိုက်ကြည့်ရင်း လွတ်လပ်မှုဆိုတာ ဘယ်လောက်တန်ဖိုးရှိသလဲ၊ လူတစ်ယောက် ဆက်ရှင်သန်ဖို့ မျှော်လင့်ချက်က ဘာကြောင့်လိုသလဲဆိုတာပါ တွေးမိစေပါတယ်။ Tim Robbins နဲ့ Morgan Freeman တို့ သရုပ်ဆောင်ထားပြီး ထောင်တွင်းဘဝအကြောင်းထက် လူနှစ်ယောက်ရဲ့ သံယောဇဉ်နဲ့ ရုန်းကန်မှုကို ပိုခံစားရတဲ့ကားပါ။