Go Ara ပါဝင်သော ဇာတ်ကားများ

The Scandal of Chun Hwa (2025) အပိုင်းသစ် (၁ မှ ၁၀) စ/ဆုံး နန်းတွင်းအချစ်ဇာတ်လမ်းတွေကို ကြိုက်နှစ်သက်တဲ့ ပရိသတ်ကြီးအတွက် မင်းသမီး Go Ara၊ မင်းသား Chang Ryul နဲ့  SF9အဖွဲ့ဝင် Chani တို့ အဓိကပါဝင်သရုပ်ဆောင်ထားတဲ့ ဇာတ်လမ်းတွဲသစ်ကလေးကို တင်ဆက်ပေးလိုက်ပါတယ်နော်။ ဇာတ်လမ်းကတော့.. တော်ဝင်မိသားစုရဲ့ အငယ်ဆုံးမင်းသမီးလေးဖြစ်တဲ့ ဟွာရီ (Go Ara) ဟာ အချစ်ဦးနဲ့လွဲခဲ့ရပြီး လက်ထပ်ဖို့ အသက်အရွယ်လည်း‌ရောက်ပြီမလို့ သူမရဲ့အနာဂတ်ခင်ပွန်းလောင်းကို ကိုယ်တိုင်ရွေးချယ်ချင်တာကြောင့်ရော ကာမရမ္မက်နှိုးကြွစေတဲ့ ချွန်းဟွာပန်းချီကားမှာ သူမရဲ့မျက်နှာကို အဓိကအမျိုးသမီး‌‌ဇာတ်ကောင်အဖြစ် ထည့်‌ရေးဆွဲခဲ့တဲ့သူကို ရှာချင်တာကြောင့်ရော နန်းတော်ပြင်ပကိုထွက်လာခဲ့ပါတယ်။ ချွဲဟွမ် (Chang Ryul)ကတော့ မြို့တော်ရဲ့အချမ်းသာဆုံး ရုပ်ရည်ချောမောတဲ့ ကုန်သည်လူရှုပ်လေးဖြစ်ပြီး သူ့မှာ လျှို့ဝှက်ချက်တစ်ခုလည်းရှိနေပါတယ်။ အီဂျန်ဝန်း (Chani) ကတော့ ဂုဏ်ထူးဆောင်မိသားစုရဲ့ အကြီးဆုံးသားဖြစ်တဲ့အပြင် ခန့်ညားပြီး ဉာဏ်ကောင်းလွန်းတာကြောင့် မျိုးရိုးမြင့်မိသားစုတွေကြားမှာ စံပြသမက်ပုံစံလေးအဖြစ် ရေပန်းစားတဲ့သူလေးပေ့ါ။ ဒါကြောင့် မင်းသမီးလေးဟွာရီက သူမရဲ့ခင်ပွန်းလောင်းကို ဘယ်လိုရွေးချယ်သွားမလဲ။ သူမရဲ့မျက်နှာကို ချွန်းဟွာပန်းချီကားထဲ ထည့်ရေးဆွဲခဲ့တဲ့သူကိုရော ရှာတွေ့သွားမလား။ နန်းတွင်းအချစ်ဇာတ်လမ်းဆိုတဲ့အတိုင်း သခင်လေး ချောချောလေးတွေ အများကြီးပါမှာမလို့ မလွတ်တမ်းကြည့်ရှုလိုက်ကြပါဦးနော်။ (ဒီဇာတ်လမ်းလေးဟာ 19+ အပြောအဆိုတွေများနှင့် ဇာတ်ဝင်ခန်းများ ပါရှိတဲ့အတွက် အသက်မပြည့်သေးသူများ ကြည့်ရှုရန် မသင့်တော်ပါ။) (အညွှန်းကိုတော့ Toe Toe Aung မှ ရေးသားထားပါတယ်။) Aired: Feb 6, 2025 - ? Aired On: Thursday Genres: Historical, Romance, Drama Episodes: 10 Original Network: TVING Translated by Esth, Hnin Wai Oo, Vanessa, Su Sandi & Htoo Htoo Aung Encoded by Tiff

ဖိလစ်ပိုင်ရဲ့ မြေအောက်ကြေးစားလက်ဝှေ့လောကမှာ ကျင်လည်နေတဲ့ ဖိုက်တာတစ်ယောက်ဟာ ကိုရီးယားလူမျိုးဖခင်နဲ့ ဖိလစ်ပိုင်လူမျိုးမိခင်တို့က မွေးဖွားလာသူပါ။ လက်ရှိမှာ မိခင်နဲ့အတူ နေထိုင်ပြီး ကျန်းမာရေးမကောင်းတဲ့ မိခင်အတွက် ကြုံရာကြိုးဝိုင်းမှာ လက်ဝှေ့ထိုးရင်း ပိုက်ဆံရှာနေရတယ်။ သူဖြစ်ချင်တာက ကိုရီးယားမှာရှိတဲ့ ဖခင်ကို ရှာတွေ့ပြီး မိသားစုအတူ ပျော်ပျော်ရွှင်ရွှင် နေထိုင်နိုင်ဖို့ပါ။ တစ်နေ့မှာ အဖေဘက်ကလူတွေက သူ့ကို ရှာတွေ့သွားပြီး ကိုရီးယားကို လိုက်ခဲ့ဖို့ ခေါ်လာကြပါတယ်။ ဖခင်နဲ့တွေ့ရတော့မယ်ဆိုပြီး ထွက်လာတဲ့ခရီးမှာတော့ မမျှော်လင့်ဘဲ ကြေးစားလူသတ်သမားအများအပြားက သူ့နောက်ကို လိုက်လာကြတယ်။ Kim Seon-Ho ကို လက်မရွံ့တဲ့ ကြေးစားလူသတ်သမားဟန်ပန်နဲ့ တွေ့ရမယ့် အက်ရှင်ဒရာမာဖြစ်ပြီး ကြမ်းတမ်းတဲ့ သတ်ဖြတ်ခန်းတွေ ပါဝင်ပါတယ်။

အပိုင်း(၁ မှ ၁၆ ) ထိ စ/ဆုံး ချမ်းသာတဲ့မိသားစုမှာ မွေးဖွားလာပြီး ဖခင်ဖြစ်သူရဲ့စောင့်ရှောက်မှုအောက်မှာ အပူအပင်ကင်းကင်းနဲ့ စန္ဒရားပညာတစ်ခုတည်းကိုပဲ အာရုံစိုက်သင်ယူခဲ့တဲ့ ဂိုရာရာ ကံဆိုးစွာနဲ့ပဲ သူမရဲ့မင်္ဂလာပွဲနေ့မှာ ဖခင်သေဆုံးသွားပြီး အိမ်ရဲ့စီးပွားရေးလည်း ဒေဝါလီခံခဲ့ တာကြောင့် မင်္ဂလာပွဲလည်း ပျက်ခဲ့ရပါတယ်။ ရာရာ့ရဲ့ မင်္ဂလာဆောင်နေ့မှာ အဖြူရောင်သတို့သမီးဝတ်စုံ ကို့ရို့ကားယားနဲ့ပုံကို သတိထားမိသွားတာကတော့ အချိန်ပိုင်းအလုပ်တွေလုပ်ရင်း သူ့ရဲ့နောက်ကွယ်က အတိတ်တွေကိုဖုံးကွယ်ထားတဲ့ ဆွန်းဝူဂျွန်ဆိုတဲ့ကောင်လေးပဲဖြစ်ပါတယ်။ ဒီလိုနဲ့ အခက်အခဲတွေကို အပြုံးမပျက်ရင်ဆိုင်နေတဲ့ ရာရာနဲ့ ဆောင်ဝူဂျွန်တို့  ကျေးလက်ဒေသတစ်ခုမှာ ဆုံတွေ့ကြတဲ့အခါမှာတော့ သူတို့၂ဦးဘယ်လိုရှေ့ဆက်ကြမလဲ.....  ဆောင်ဂျောင်ဝူရဲ့နောက်ကွယ်က အတိတ်ကရော ဘာတွေဖြစ်လာမလဲဆိုတာကို စိတ်ဝင်တစားကြည့်ရှုရမယ့် ဟာသ melodramaလေးတစ်ခုပဲဖြစ်ပါတယ်။ ဒီဇာတ်လမ်းတွဲက အတော်လည်းရယ်ရသလို စိတ်လည်းအပန်းပြေတဲ့စီးရီးလေးဖြစ်ပါတယ်... အပတ်စဉ် Wednesday, Thursday ညတွေမှာ စောင့်မျှော်ကြည့်ရှူကြပါကုန်... Quality – WEB-DL 720p Duration – 60Min (@Episode) Subtitle – Myanmar Hardsub Format – Mp4 Genres: Romance, Drama Translated by Lwin Lwin Aung,,Ei Phyu Khin ,Chu Chu& Myat Chel Encoder – Phyo Pyae

၁၇၁၉ ခုနှစ် ဆော့ဂျုံးဘုရင် နောက်ဆုံးမင်းဆက်မှာ အိမ်ရှေ့စံမင်းသားဟာ နန်းဆက်မထွန်းကားနိုင်တော့ဘူးဆိုတဲ့ ကောလဟာလတွေပြန့်နှံနေခဲ့ပါတယ်... ဒီကောလဟာလတွေကြောင့် ခေါင်းဆောင်မျိုးရိုး ေ နာက်လိုက်မျိုးရိုးဆိုပြီး ပိုင်းခြားမှုတွေဖြစ်ပေါ်လာပါတယ် ဒီလိုမျိုး ဆူပူမှုအတောအတွင်း ဂျိုဆွန်းပြည်မှာ ဆာဟွန်းဘူဆိုတဲ့ အာဏာအရှိဆုံးလူတွေပဲ ကျန်ခဲ့ကြပါတယ် မျိုးရိုးနိမ့်တဲ့မိဘုရားကမွေးဖွားလာတဲ့ မင်းသားလီဂွန်းဟာ ဒီလိုပိုင်းခြားမှုတွေကြောင့် အိမ်ရှေ့စံဘွဲ့နဲ့လွဲခဲ့ရပြီး ကိုယ်တိုင်လည်းအိမ်ရှေ့စံဖြစ်မှန်းတောင် မသိပါဘူး ဒီလိုအချိန်မှာ ထက်မြက်လှတဲ့ မင်းသားလီဂွန်းရယ် မတရားမှုတွေကို ဖော်ထုတ်ဖြေရှင်းရာမှာ သူမတူအောင် ထူးချွန်လွန်းပြီး ကိုယ်ခံပညာအပြင် နိုင်ငံခြားဘာသာစကာကိုလည်း ကျွမ်းကျင်စွာပြောတတ်တဲ့ ယောဂျီရယ် ဉာဏ်ရည်နိမ့်ပါးပေမယ့် အရာရှိစာမေးပွဲကိုအောင်မြင်ချင်လို့ အကြိမ်ကြိမ်ကြိုးစားနေရှာတဲ့ ကြင်နာတတ်တဲ့ကောင်လေးပတ်မွန်ဆူးရယ် ကိုယ်ခံပညာတော်တဲ့ နာမည်ကြီးဒယ်မွန်ရယ် လေးယောက်ပူးပေါင်းပြီးတော့ ဆာဟွန်းဘူကိုပြန်လည်ဖွဲ့စည်းဖို့နဲ့ မင်းသားလီဂွန်းကို မင်းအဖြစ်ဆက်ခံနိုင်ဖို့အတွက် အတူတူကြိုးစားကြမှာပါ သမိုင်းနောက်ခံ ဒဏ္ဍာရီဆန်တဲ့ ဒီနန်းတွင်းကားလေးမှာတော့ နန်းတွင်းကားတို့ ထုံးစံအတိုင်း အမတ်ဝန်ကြီး မိဖုရားနှင့်ဘုရင်အရှုပ်တော်ပုံကြီးကို စိတ်ဝင်စားဖွယ်ကြည့်ရှုရပါလိမ့်မယ် ဒီဇာတ်လမ်းလေးကတော့ မင်းသားချော ဂျန်အီဝူး (Jung Ii Woo) နဲ့ မင်းသမီးချောလေး ဂိုအာရာ (Go Ah Ra) တို့ ပါဝင်သရုပ်ဆောင်ထားကြတဲ့ Rating 8.0/10 ရရှိထားတဲ့ ဇာတ်ကားကောင်းလေးဖြစ်ပါတယ် Quality : WEB-DL 720p Total Episodes : 48 Subtitle : Myanmar Subtitle ( Hardsub ) Subtitle Credit to Somonlian ( Subscene )

ဒီဇာတ်လမ်းတွဲလေးကတော့ ရှီလာခေတ်ကို အခြေတည် ရိုက်ကူးထားပြီး အဆင်ချောချောလေးတွေကို တစ်ဝကြီး ကြည့်လိုရမယ့် ဇာတ်ကားကောင်းလေး တစ်ကားဖြစ်ပါတယ်။ ဒီကားထဲမှာ Park Seo Jun , Park Hyun Sik, Go A-Ra, အချေမမ Seo YeJi အပြင် SHINee Choi Min Ho, Do Ji Han, Jo Yoon Woo နဲ့ အာမီလေးတိုရဲ့ အချစ်တော် Kim Tae Hyungကလည်း ပါဝင်သရုပ်ဆောင်ထားပါတယ်။ မွေးနာမည်တောင် မရှိဘဲ ခွေးငှက်လို ခေါ်ကြပြီး သူငယ်ချင်း ဖြစ်သူရဲ့ သေဆုံးမှုကို လက်တုံပြန်ဖိုအတွက် မြိုတော်ကို ရောက်လာကာ ဟွာရန်းထဲ ဝင်ရောက်လာတဲ့ ဆောင်းအူ ... ရှီလာရဲ့ ဘုရင်ဖြစ်ပေမယ့် မိခင်ဖြစ်သူက ကိုယ်စားအုပ်ချုပ်နေပြီး လူလုံးထွက်ပြလို မရတဲ့ ရုပ်သေးရုပ်ဘုရင်ဖြစ်နေတာကြောင့် အင်အားစုစည်းဖို Hwarangထဲကို ဝင်ရောက်ခဲ့တဲ့ ဂျီဒွီ ... ရှီလာမှာ အာဏာအရှိဆုံး အဖိုးဖြစ်သူ လက်အောက်မှာ ကြီးပြင်းလာပြီး သူငယ်ချင်းအစစ် ဆိုတာမျိုး မရှိခဲ့တဲ့ ဘန်းရူကလည်း ပြိုင်ဖက်ဖြစ်တဲ့ ပျိုတိုင်းကြိုက် နှင်းဆီခိုင် ၊ ရင်းနှီးဖော်ရွေတတ်ပြီး ဘက်စုံထူးချွန်တဲ့ ဆူဟိုနဲ့ ရန်ဖြစ်ပြီးနှစ်ယောက်သား ဟွာရန်းဖြစ်လာခဲ့တယ်။ အစ်ကို ဖြစ်သူက သူ့ထက်အရာရာ တော်နေပေမယ့် သွေးသန့်ဆိုတဲ့ အကြောင်းပြချက်နဲ့ တစ်မိသားစုလုံးရဲ့ မျှော်လင့်ချက် ဖြစ်နေတဲ့ ဟန်ဆောင်း ... တစ်ပြည်လုံးမှာ အလှဆုံး အမျိုးသားအဖြစ် သတ်မှတ်ခံရတဲ့ ယောအူးရ် ... သူတိုအားလုံး ဟွာရန်းထဲမှာ တွေ့ဆုံကြပြီး ဘယ်လိုမျိုး ပြဿနာ အခက်အခဲတွေကို ဖြေရှင်းပြီး ရှီလာပြည်ကို ကယ်တင်မလဲဆိုတာကို စိတ်ဝင်တစား ကြည့်ရှုရမှာ ဖြစ်ပါတယ်။ မောင်နှမအဖြစ် သိထားပေမယ့် တစ်ယောက်နဲ့ တစ်ယောက် မေတ္တာရှိနေကြတဲ့ ဆောင်းအူနဲ့ အာရို၊ အာရိုကို တစ်ဖက်သတ် ကြိုက်နေတဲ့ ဂျီဒွီရဲ့ သုံးပွင့်ဆိုင် အချစ်ဇာတ်လမ်း ... ရှီလာရဲ့ တော်ဝင်မင်းသမီးဖြစ်ပြီး ဆောင်းအူကိုမှ တစ်ဖတ်သတ် သဘောကျမိသွားတဲ့ ဆုမြောင်း ... တစ်သက်လုံး ရန်ဘက်ဖြစ်‌လာပြီး ဆူဟိုရဲ့ ညီမကိုမှ သဘောကျမိသွားတဲ့ ဘန်းရူ တို့အပြင် တခြား အရံဇာတ်ကောင်တွေကလည်း ဟာကွက်မရှိအောင် အပြည့်အဝ ပံပိုးပေးထားတာကြောင့် ရိုးအီမနေဘဲ ဟာသ၊ ဒရာမာ၊ သမိုင်းကြောင်း တွေကို တစ်ကားထဲမှာ ကြည့်လို့ရပြီး ရသမျိုးစုံ ပေးနိုင်တဲ့ ဇာတ်ကားကောင်းလေးတစ်ကား ဖြစ်တာမလို လက်လွှတ်မခံသင့်ပါဘူး။ (အညွှန်းကိုတော့ Win က ရေးပေးထားပါတယ်။) Aired: December 19, 2016 --  February 21, 2017 Aired On: Monday, Tuesday Duration: 60mins Episodes: 20 Quality & File Size: 1080p(~1.2GB) & 720p(~450MB) Genres: Action, Historical, Comedy, Romance Translated by Yumeko, Shoon, Chit The, Win & ChoThet Encoded by  Kinnov

Phantom Detective (2016) ၁၉၈၀ ခုနှစ်ကို ဇာတ်အိမ်တည်ထားတဲ့ စုံထောက်ကျော် အက်ရှင်ဇာတ်ကားကောင်းလေးတွေကို ကြိုက်နှစ်သက်ကြတဲ့သူတွေအတွက် Taxi Driver ထဲက Lee Je-Hoon, Kim Sung-Kyun နဲ့ မမ Go Ara တို့လို ထိတ်ထိတ်ကြဲသရုပ်ဆောင်တွေပါဝင်ထားတဲ့ ၂၀၁၆ခုနှစ်က ဇာတ်ကားကောင်းလေးကို ပြန်လည်တင်ဆက်ပေးလိုက်ပါတယ်။ ဇာတ်လမ်းအညွှန်း ဟုံးဂီဒုံ(Lee Je-Hoon)ဟာ .. ဥက္ကဌဟွမ်(Go Ara) တည်ထောင်ထားတဲ့ တရားမဝင်စုံထောက်အေဂျင်စီမှာ ပုဂ္ဂလိကစုံထောက်ခေါင်းဆောင်အဖြစ် လုပ်ဆောင်နေသူပါ။ အမှုမှန်သမျှကို တစ်ခဏအတွင်းဖြေရှင်းနိုင်ပြီး တစ်နာရီအတွင်း မရှာနိုင်တဲ့လူမရှိအောင်ထက်မြက်တဲ့ ဟုံးဂီဒုံဆီမှာ နှစ်ပေါင်း၂၀ကြာ ရှာမတွေ့နိုင်တဲ့လူတစ်ယောက်ရှိပါတယ်။ အဲဲဒီလူကတော့ ငယ်စဥ်ဘဝက သူ့မျက်စိရှေ့မှာတင် သူ့အမေကိုသတ်သွားခဲ့တဲ့ ဂင်ဗြောင်ဒေါ့ဆိုတဲ့လူပါ။ တစ်နေ့မှာတော့ ဂင်​ဗြောင်ဒေါ့ရှိတဲ့နေရာကို သိလို​က်ရပြီး လက်စားချေဖို့ ရောက်လာတဲ့အခါမှာတော့ ဂင်ဗြောင်ဒေါ့ဟာ ထူးဆန်းတဲ့လူတစ်စုရဲ့ ပြန်ပေးဆွဲတာခံလိုက်ရပြီး မြေးမလေးတွေဖြစ်တဲ့ ဒုံအီနဲ့ မာဆွန်းသာ ကျန်နေခဲ့တာကို တွေ့လိုက်ရပါတယ်။ ပါးစပ်နားရောက်ခါနီးမှ ရိုက်ချခံရသလို ခံစားလိုက်ရတဲ့ ဟုံးဂီဒုံတစ်ယောက် ကလေးမလေးနှစ်ယောက်ကို မြင်လိုက်ပြီးနောက်မှာတော့ တစ်ပုံစံတည်းလက်စားပြန်ချေဖို့အတွက် ကလေးမလေးနှစ်ယောက်ကို "အဘိုးကို ရှာပေးမယ်"လို့ လိမ်​ညာခေါ်ဆောင်ပြီး ဂင်ဗြောင်ဒေါ့ရှာပုံတော် စဖွင့်ပါတော့တယ်။ ဒီလိုနဲ့ အဘိုးကြီး​ပြန်ပေးဆွဲခံရမှုက စုံထောက်ကျော် ဟုံးဂီဒုံထင်နေသလို မလွယ်ကူနေဘဲ နောက်ကွယ်မှာ လျှို့ဝှက်အဖွဲ့အစည်းကြီးတစ်ခုရှိနေတာကို သိလိုက်ရတဲ့အခါမှာတော့ .. တွေ့တာနဲ့ သတ်ဖို့ကြံစည်ထားတဲ့ ဟုံးဂီဒုံနဲ့ .. အဘိုးမရှိလို့မဖြစ်တဲ့ မြေးမလေးနှစ်ယောက်ကြား ရှာပုံတော်လမ်းခရီးတစ်လျှောက် ဘယ်လိုအလွဲအချော်လေးတွေနဲ့ ကြုံတွေ့ရမလဲ ... နောက်ကွယ်က အဖွဲ့အစည်းကြီးနဲ့ ဟုံးဂီဒုံတို့ကြားမှာရော ဘယ်လိုပတ်သတ်ဆက်နွှယ်မှုတွေရှိနေမလဲဆိုတာကို လျှို့ဝှက်ဆန်းကြယ်စွာနဲ့ စိတ်ဝင်တစားကြည့်ရှုသွားရမှာပဲဖြစ်ပါတယ်။ (အညွှန်းကို Hsu Pyae မှ ရေးသားထားပါတယ်) File size…1.84GB / 892MB Quality… WEB-DL 1080p/ 720p Format…mp4 Duration….2 hr. 6 min. Genre ….. Action, Thriller, Mystery, Drama Subtitle….Myanmar Subtitle (Hard Sub) Translated by Hsu Pyae Encoded by AHtet

The Magician(2015) The magician ဆိုတဲ့ ၂၀၁၅ ခုနှစ်မှာထွက်ရှိခဲ့တဲ့ romance, fantasy ဇာတ်ကားကောင်းနဲ့မိတ်ဆက်ပေးပါရစေ။ Yoo Seung Ho နဲ့ Go Ara တို့ ပါဝင်သရုပ်ဆောင်ထားပါတယ်။ ဇာတ်လမ်းလေးကတော့ ဂျိုဆွန်းပြည်ဟာ တရုတ်ပြည်ကိုစစ်ရှုံးပြီးနောက် ဂျိုဆွန်းပြည်ရဲ့တော်ဝင်မင်းသမီးကို တရုတ်ပြည်ကိုဆက်သဖို့ဖြစ်လာပါတယ်။ ဂျိုဆွန်းဘုရင်ဟာ သူ့သမီးအရင်းကိုမဆက်သလိုတာကြောင့် ဆွေတော်မျိုးတော်ထဲက သမီးတစ်ယောက်ကို ဝယ်ယူပြီး မွေးစားခဲ့ပါတယ်။ တရုတ်ပြည်ကိုကြင်ယာတော်ဆက်သဖို့သွားကြတဲ့အခါ လမ်းမှာရာသီဥတုဆိုးရွားတာကြောင့် ဧည့်ဂေဟာတစ်ခုမှာတည်းဖို့ဖြစ်လာပြီး ဧည့်ဂေဟာကအရမ်းနာမည်ကြီးတဲ့ မျက်လှည့်ဆရာဟွမ်ဟီးနဲ့ မင်းသမီးတို့တွေ့ဆုံကြပါတော့တယ်။အဲ့ဒီနောက်မှာတော့............... File Size :(2.4GB)(892MB) and (306MB) Quality : Blu-Ray1080p5.1Ch, 720p Format…mp4 Duration…02:02:00 Genre : Fantasy,Romance , Drama Subtitle : Myanmar Subtitle (Hard Sub) Translated by  Yee Wai Encoded by Phyo Pyae

You Are All Surrounded(2014) အပိုင်း(၁ မှ ၂၀ )ထိ စ/ဆုံး မတူညီတဲ့ကျောထောက်နောက်ခံတွေ၊ မတူညီတဲ့အိမ်မက်တွေ၊ မတူညီတဲ့‌အကျင့်စရိုက်တွေရှိကြတဲ့ စုံထောက်အသစ်လေး လေးဦးဟာ ဂန်းနမ်ရဲစခန်းရဲ့ aceဖြစ်တဲ့ မှုခင်းဌာန အဖွဲ့ ၃မှာ တွေ့ဖို့ဖြစ်လာခဲ့ကြပါတယ်။ အမှန်တော့ မှုခင်းဌာနအဖွဲ့ ၃ဟာ သူတို့စိတ်ကူးထားတဲ့ လုပ်ငန်းခွင်လေးတော့မဟုတ်ခဲ့ပါဘူး။ လစာများများရလို့ လာတဲ့သူ၊ မသေခင် ဂန်းနမ်မှာနေဖူးချင်လို့ လာတဲ့သူ၊ ကိုယ့်ဟာကိုယ် ဘာကြောင့်လာလာပေါ့ ဆိုတဲ့သူနဲ့ အရမ်းကို chaotic ဖြစ်တဲ့အဖွဲ့လေးပါ။ သူတို့အဖွဲ့ရဲ့ အဖွဲ့မှူးကတော့ legendary စုံထောက်တစ်ဦးဖြစ်တဲ့ ဆောဖန်းဆော့ (Cha Seung Won)ပဲဖြစ်ပါတယ်။ ဆောဖန်းဆော့မသိတဲ့အရာကတော့ လွန်ခဲ့တဲ့ ၁၁နှစ်က သူတာဝန်ယူခဲ့တဲ့ မာဆန်းသူနာပြုဆရာမအသတ်ခံမှုရဲ့ နစ်နာသူဖြစ်သူရဲ့သားဟာ သူ့အဖွဲ့ထဲမှာ ရှိနေတယ်ဆိုတာပါပဲ။ အဖွဲ့ ၃ဟာ အစပိုင်းမှာ ကတောက်ကဆလေးတွေရှိခဲ့ပေမဲ့ ရာဇဝတ်မှုတွေကို teamwork ကောင်းကောင်းနဲ့ အတူတူရင်ဆိုင်ဖြေရှင်းကြပြီးတော့ လွန်ခဲ့တဲ့ ၁၁နှစ်က အမှုရဲ့ နောက်ကွယ်က ဖြစ်ရပ်မှန်ကိုပါ ဖော်ထုတ်ကြမှာဖြစ်ပါတယ်။ စုံထောက်အသစ်လေးတွေအဖြစ် Lee Seung Gi, Go Ara, Ahn Jae Hyun, Park Jung Min စတဲ့ ဒိတ်ဒိတ်ကြဲ cast တွေပါဝင်ထားပြီးတော့ action, crime, romance အမျိုးအစားအပြင် ကြည်နူးစရာကောင်းတဲ့ bromance, friendship, teamwork လေးတွေပါ ပါဝင်ပါတယ်။ Hwayugi ထဲက Lee Seung Gi (မျောက်) နဲ့ Cha Seung Won (နွား) တို့ရဲ့ bromance ကို ကြိုက်နှစ်သက်သူတွေက ဒီကားကိုသေချာပေါက်ကြည့်သင့်ပါတယ်။ Episodes: 20 File Size:1.5GB, 500MB Quality :NF.Web-DL 1080p,720P Genres: Action, Mystery, Comedy, Drama Translated by  Khine Khine Wai,Windi, Miri , Ei Phyu Khin  &  Thynn Encoded by  Phyo Pyae

ကဲ.. CM က အချစ်တို့ရေ..... 90 နှစ်ပိုင်းတွေကို မလွမ်းကြဘူးလား... ဒါမှမဟုတ် ဘယ်လိုလေးများလဲလို့ မသိချင်ကြဘူးလား.. အဖြေက Yes! ဆိုရင်တော့... ဒီ Reply 1994 စီးရီးလေးကို လက်လွှတ် မခံသင့်တာ သိပ်သေချာသွား​ပြီပေါ့... ၉ဝ ခုနှစ် ဝန်းကျင်က အသိုင်းအဝိုင်း ... ပတ်ဝန်းကျင်.... လူ့သဘောထား... ဒါတွေဟာ ခုခေတ်နဲ့ လားလားမှ မတူတာမို့... အတိတ်ဟောင်းတွေ ကို ပြန်ငဲ့ ကြည့်မိသလို နွေးနွေးထွေးထွေးလေး ခံစားရမှာနော်... ( ငယ်ချစ်ဟောင်းတွေ ပြန်တွေးမိရင်တော့ တာဝန် မယူပါကွယ်... ) အထူးသဖြင့် ဒီစီးရီး​​လေးဟာ..​..နယ်ပေါင်းစုံကနေ ​လာနေရင်း ကျောင်းတက် ရသူတွေ အတွက် တစ်ထပ်တည်းကျ လွမ်းဆွေးခွင့်ရမယ့်ကားလေးဆိုရင် မမှားဘူးရယ်... ဘော်ဒါ​နေ အဆောင်သူ အဆောင်သားတို့ ရဲ့ သဘာဝ.... အချစ်ဦးဆိုတာကို အဲ့ဒီ​ခေတ်က လူငယ်တွေ ဘယ်လို မျိုးသဘောထားကြလဲ... အဲ့ဒီခေတ်အခါက လူ့သဘော... လူ့အကြိုက်... အထူးသဖြင့် လူငယ်တွေရဲ့ သဘာဝကို ဟာသလေးနှောပြီး ရယ်ရယ်မောမော နဲ့ လွမ်းလွမ်းဆွေးဆွေး ကြည့်ခွင့်ရမယ့် ကားကောင်းလေးဆိုတာကိုတော့.. ရဲရဲ ကြီး အာမခံပါတယ်... ဇာတ်လမ်းလေးကတော့ ဒီလိုပါတဲ့ကွယ်.. ၂၀၁၃ခုနှစ် မှာ..အိမ်ပြောင်းရင်း ပစ္စည်းတွေ နေရာချထားနေတဲ့.. အိမ်ရှင်မ​​လေး နာဂျောင်းဟာ.. အမှတ်မထင်​တွေ့တဲ့ သူမရဲ့ မင်္ဂလာပွဲဗီဒီယို​လေး ကို ​ပြန်ကြည့်ဖြစ်ပါသတဲ့... အဲ.. ဒီမှာ စဥ်းစားစရာဖြစ်လာတာက.. သူ့ခင်ပွန်းသည် ကိုတော့ မပြဘဲ မြုပ်ထားတာရယ်..... ဒီတော့.. ၁၉၉၄ ခုနှစ်ရဲ့.. ရှင်းချွန်း ဘော်ဒါဆောင်လေးက အဆောင်သူ အဆောင်သားတို့ရဲ့ အ​ဖြစ်အပျက်ဇာတ်လမ်း​လေး တွေကို ကြည့်ရင်း... အဓိက မင်းသမီး နာဂျောင်းလေးရဲ့ ခင်ပွန်းသည်က ဘယ်သူ ဖြစ်မလဲ ဆိုတာ.. လိုက်ခန့်မှန်းရင်း.. ၉၀ ခုနှစ်က ဘဝ လေးတွေ ထဲကို CM က အချစ်တို့ လည်း အတူတူ အလွမ်းပြေ စီးမျောကာ... ပါဝင်ခံစားကြည့်​ကြရအောင်..... Review ကိုတော့ Naw Phoo က ရေးသားပေးထားပြီး ဘာသာပြန်တွေကတော့ August, Hein That Naing, YK, Pyae Shan Tun Wai, Charm Wave, Htoo Htoo Ka Joe, Thaw, Dolly, MTA,Naw Phoo, Phu Nge Nge Thein, Hnin Wut Yi, Shoon Thu Thu Chain  တို့ပဲ ဖြစ်ကြပါတယ် Encodedy by August