Go Riju ပါဝင်သော ဇာတ်ကားများ

Himitsu: The Top Secret (2025) အပိုင်း (၁ မှ ၁၁ ထိ) စ/ဆုံး ဒီစီးရီးလေးကတော့ Shimizu Reiko ရေးသားထားတဲ့ Himitsu ဆိုတဲ့ Manga ‌လေးကို ပုံဖော်ရိုက်ကူးထားတာပဲဖြစ်ပါတယ်။ ဇာတ်လမ်းအမျိုးအစားက Sci-fi, mystery ဆိုပေမဲ့ ‌ ဇာတ်ကောင်နှစ်ခုကြားက friendship နဲ့ အချင်းချင်း နားလည်မှုတွေကို ကြည့်ရှုရမှာပါ။ ဇာတ်လမ်းအကျဉ်း ဂျပန်ရဲနည်းပညာသိပ္ပံဌာနရဲ့ အခွဲတစ်ခုဖြစ်တဲ့ "the Ninth" ဟာဆိုရင် သေဆုံးသွားတဲ့ လူတွေရဲ့ ဦးနှောက်ကို ဖယ်ထုတ်ပြီး မသေဆုံးမီမှာ မြင်ခဲ့တဲ့ ပုံရိပ်ကို ပြန်လည်ပုံ‌ဖော်နိုင်တဲ့ MRI နည်းပညာအသစ်ကို သုံးပြီးတော့ အမှုတွေကို စစ်ဆေးဖော်ထုတ်ပေးနေတဲ့ အမှုခင်းစုံစမ်းတဲ့ ဌာနတစ်ခုဖြစ်ပါတယ်။ ဒီနည်းပညာကို သုံးပြီး မဖြေရှင်းနိုင်သေးတဲ့ အမှုတွေကို တဖြည်းဖြည်းချင်း ဖြေရှင်းသွားတဲ့ ရဲအရာရှိနှစ်ယောက်ဖြစ်တဲ့ မာကိနဲ့ အာအိုကိဟာ .. ပြင်းထန်တဲ့ စိတ်ခံစားမှုတွေ၊ အမှန်တရားနောက်ကွယ်က ငိုကြွေးမှုတွေ၊ သေဆုံးသူတွေရဲ့ နောက်ဆုံးအချိန်အထိ သိုသိပ်ထားခဲ့တဲ့ လျှို့ဝှက်ချက်‌တွေကို မြင်တွေ့ရတဲ့အခါ.... ဝမ်းနည်းမှုနဲ့ ကိုယ့်ကိုယ်ကိုယ် အပြစ်တင်စိတ်‌တွေကိုလည်း ခံစားလာရပါတယ်...။ တစ်ပိုင်းချင်းစီမှာပါတဲ့ ဇာတ်လမ်းဇာတ်ကွက်‌တွေက တဖြည်းဖြည်းချင်း ခံစားမှုတွေကို ထိရောက်အောင် ဖွဲ့စည်းထားပြီး...ဇာတ်ဆောင်နှစ်ဦးရဲ့ ရင်းနှီးမှု၊ ယုံကြည်မှုနဲ့ သူတို့နှစ်ယောက်ကြားထဲက ထူးခြားစိတ်ဝင်စားဖို့ကောင်းပြီး သာမန်ရင်းနှီးမှုထက်ပိုတဲ့ တစ်စုံတစ်ခုကို မြင်ရမှာပါ... ဒါ့အပြင် လူသေမှုအပေါ် ထင်မြင်ချက်တွေကိုလည်း အမြင်သစ်တစ်ခုနဲ့ ရိုက်ကူးထားတာကြောင့် သာမန် ရဲဒရာမာစီးရီးတွေနဲ့ ခြားနားမှုရှိပါတယ်။ စုံထောက်ကားကို ကြိုက်နှစ်သက်တဲ့‌ လူတွေအတွက်တော့ အကြိုက်တွေ့မှာ သေချာပါတယ်။ တစ်ပိုင်းပြီး တစ်ပိုင်း ဆက်ဆက်ပြီး ကြည့်ချင်လောက်တဲ့အထိ အမှုထဲမှာ ကိုယ်တိုင်စီးမြောသွားမိမှာပါ။ Justice in the dark တို့ Manner of death တို့လို bromance ပိုင်းခပ်ပါးပါးနဲ့ ကလိကလိဖြစ်ရတာ ကြိုက်တဲ့လူတွေအတွက် သေချာပေါက်ကြည့်သင့်တဲ့ ဇာတ်ကားတစ်ကားဖြစ်ပါတယ်။ စပွိုင်းမပါအောင် ဒီလောက်ထိပဲ ပြောပါမယ်ဗျ။ (အညွှန်းကို Reddy မှ ရေးသားပေးထားပါတယ်) Episodes: 11 Aired: Jan 20, 2025 - Apr 7, 2025 Aired On: Monday Original Network: Netflix Genres: Mystery, Psychological, Sci-Fi, Drama  Translated by Char Ou, Reddy, KHHZ & Mary Christ Encoded by AHtet

The Beginning of the Sea (2024) အပိုင်း (၁ မှ ၁၂) စ/ဆုံး "ကျွန်မက အမှီအခိုကင်းတဲ့သူလေ ကျွန်မရဲ့ ဆုံးဖြတ်ချက်ကို ရှင်‌ဘယ်တော့မှ မပြောင်းလဲနိုင်ခဲ့ဖူးပါဘူး"(မိဇုကိ) "မဟုတ်ဘူး မင်းက သိပ်တစ်ကိုယ်ကောင်းဆန်တဲ့သူ သူများကို ဂရုမစိုက်တတ်တဲ့သူ"(နတ်ဆု) "လူကြီးတွေက သေသွားတဲ့လူတစ်ယောက်ကို ထွက်သွားပြီလို့ပဲ အမြဲပြောနေကြတာလဲ အမေက အူမီနဲ့ ဒီမှာအမြဲရှိနေခဲ့တာ ဒီမှာမရှိနေခဲ့တဲ့သူက နတ်ဆုပဲ"(အူမီ) အခုတစ်ခါတင်ဆက်ပေးမှာကတော့ မိဘမေတ္တာကို ဖော်ကြူးထားတဲ့ ဂျပန် melodrama လေး တစ်ကားပါ။ မိဘဖြစ်ဖို့ အဆင်သင့်မဖြစ်သေးတဲ့ ကောလိပ်ကျောင်းသားအရွယ်ချစ်သူ နှစ်ယောက်ကြားမှာ ကလေးဆိုတဲ့ ဝန်ပိုတစ်ခုရောက်လာချိန်မှာတော့ မိဇုကိတစ်ယောက် ဗျာများရပါပြီ။ နတ်ဆုရဲ့အနာဂတ်လမ်းကို မပိတ်ပင်လိုတဲ့ မိဇုကိတစ်ယောက် ကလေးကိုဖျက်ချဖို့ ဆုံးဖြတ်လိုက်တယ်လို့ပြောပြီး ကျောင်းကလည်းထွက်လို့ နတ်ဆုရဲ့ဘဝထဲကနေ လုံးဝကို ခြေရာဖျောက်သွားပါတော့တယ်။ ဒီလိုနဲ့ ၇ နှစ်အကြာမှာ နတ်ဆုတစ်ယောက် မိဇုကိနဲ့ပတ်သက်လို့ ပထမဆုံးကြားလိုက်ရတဲ့ သတင်းက နာရေးသတင်းဖြစ်နေပြီး မိဇုကိမှာ ၇ နှစ်အရွယ် အူမီဆိုတဲ့ ကလေးတစ်ယောက် ရှိနေတာကို သိလိုက်ရတဲအခါ.... လွန်ခဲ့တဲ့ ၇ နှစ်က မိဇုကိတစ်ယောက် ဘာလို့ဒီလိုရဲတင်းတဲ့ဆုံးဖြတ်ချက်ကို တစ်ယောက်တည်း ဆုံးဖြတ်လိုက်တာလဲ။ ရုတ်တရက် လူပျိုဘဝကနေ ကလေးတစ်ယောက်အဖေဖြစ်လာတဲ့ နတ်ဆုကရော ဘယ်လိုရှေ့ဆက်မလဲ။ ၇ နှစ်လုံး နာမည်တောင် သဲ့သဲ့ပဲကြားခဲ့ဖူးတဲ့အဖေကို အူမီလေးကရော နားလည်နိုင်မှာလား။ လူတစ်ယောက် ဘဝထဲကထွက်သွားခြင်းဟာ ပတ်ဝန်းကျင်ကလူတွေအပေါ် ဘယ်လောက်ထိ သက်ရောက်မှုဖြစ်လာစေလဲဆိုတာ CM နဲ့အတူ ရှုစားလိုက်ရအောင်ပါ။ (အညွှန်းကို Mary Christ မှ ရေးသားပေးထားပါတယ်) Episodes: 12 Aired: Jul 1, 2024 - Sep 23, 2024 Aired On: Monday Original Network: Fuji TV Genres: Life, Family, Melodrama Translated by Mary Christ, Richie, Nisarh, DaoPhyo, Erica Thaw, Kim & Reddy Encoded by AHtet

ဒုတိယကမ္ဘာစစ်ကြီးပြီးဆုံးချိန် ဂျပန်တွေ စစ်ရှုံးကာလ ဝန်းကျင်ကို အခြေပြု ရိုက်ကူးထားတဲ့ ဇာတ်ကားလေး တစ်ကားနဲ့ cm ပရိသတ်ကြီးကို မိတ်ဆက်ပေးပါရစေ။ ဒီဇာတ်ကားဟာ နာမည်ကြီး နိုင်ငံတကာ ရုပ်ရှင်ပွဲတော်တွေ ဖြစ်တဲ့ မြူးနစ်ရုပ်ရှင်ပွဲတော်နဲ့ ဗင်းနစ် ရုပ်ရှင်ပွဲတော်တွေမှာ ၂၀၂၃ အကောင်းဆုံးဇာတ်ကားအဖြစ် ရွေးချယ်ခံခဲ့ရပါတယ်။ စစ်ကြီးအတွင်းမှာ ဂျပန်နိုင်ငံကို မဟာမိတ်တပ်ဖွဲ့တွေ ဗုံးကြဲတိုက်ခိုက်မှုတွေ အများအပြားရှိခဲ့ပြီး နာမည်ကြီး ဟီရိုရှီးမားနဲ့ နာဂါဆာကီ အဏုမြူဗုံးကြဲချမှုတွေအပြင် "အနက်ရောင်ဆီးနှင်းကျတဲ့ည"လို့တင်စားခေါ်ဝေါ်တဲ့ တိုကျိုဗုံးကြဲတိုက်ခိုက်မှုမှာ တစ်ညအတွင်း လူပေါင်း တစ်သိန်းကျော် အသက်ဆုံးရှုံးခဲ့ကြပြီး နိုင်ငံသားအများ အပြား အိုးအိမ်မဲ့ ဖြစ်ခဲ့ကြရတာပါ။ ဇာတ်လမ်းကို မိသားစုတစ်ခုလုံး မီးလောင်ဗုံးကြဲမှုမှာ အသက်ဆုံးရှုံးခဲ့ရပြီး ပြည့်တန်ဆာအဖြစ် အသက်မွေးနေရတဲ့ အမျိုးသမီးလေး တစ်ယောက်၊ အစားအစာတွေကို လစ်သလိုခိုးယူပြီး ရှင်သန်နေရတဲ့ မိဘမဲ့ ကောင်လေး တစ်ယောက်နဲ့ စိတ်ဒဏ်ရာအများအပြား ရရှိထားတဲ့ စစ်ပြန် စစ်သားတစ်ယောက်တို့ အတူတွေ့ဆုံမှုနဲ့ စဖွင့်ထားပါတယ်။ သူတို့တွေ ဆုံးရှုံးခဲ့ရတဲ့ မိသားစုဘဝတွေကို ခဏတာ အစားပြန်ရသလို ပျော်ရွှင်ခဲ့ကြပေမယ့် ရရှိထားကြတဲ့ ရုပ်ပိုင်း ဆိုင်ရာ၊ စိတ်ပိုင်းဆိုင်ရာ ဒဏ်ရာတွေနဲ့ ပျော်ရွှင်မှုကို ရေရှည် ပိုင်ဆိုင်ခွင့် ရဖို့ဆိုတာ အင်မတန်ခက်ခဲပါတယ်။ ဒီဇာတ်ကားမှာ ပါဝင်တဲ့ ဇာတ်ကောင်တွေအတွက် မျှော်လင့်ချက် ကင်းမဲ့မှုတွေ၊ ကြေကွဲဝမ်းနည်းမှုတွေနဲ့အတူ အထီးကျန်မှုကိုပါ ထင်ဟပ်ပြသထားပြီး တကယ့်ကို ခံစားမှုရသပေးစွမ်းနိုင်တဲ့ စစ်ပွဲဆန့်ကျင်ရေး ဇာတ်ကားကောင်း တစ်ကားလို့ ဆိုပါရစေ။ File size…1.59GB / 697MB Quality…WEB-DL 1080p 5.1CH / 720p Format…mp4 Duration….1h 35m Genre ….. Drama , History , Mystery Subtitle….Myanmar Subtitle (Hard Sub) Encoder….Min Wai Translated by Aoi

Gannibal Season 2 (2025) S1+S2 (စ/ဆုံး) 2022 တုန်းက Hit ဖြစ်ခဲ့တဲ့ Japanese Horror Thriller Series "Gannibal "ဟာ Season 2 ထပ်မံထွက်ရှိလာပြီဖြစ်ပါတယ်။ Season 2 မှာတော့ ရဲအရာရှိဒိုင်ဂို အာဂါဝါ က "ဒီရွာက လူသားစားကြတယ်"ဆိုတဲ့ ကြောက်လန့်စရာကောလဟာလရဲ့  အမှန်တရားကိုဖော်ထုတ်သွားမှာ ဖြစ်ပါတယ်။ "ဒီအရူးလိုရွာရဲ့ အမှန်တရားကိုဖော်ထုတ်ဖို့ သူတို့ထက်ပိုရူးမှဖြစ်မယ်"ဆိုကာ ရဲအရာရှိ ဒိုင်ဂိုက ဘယ်သူမှ မထိရဲကြတဲ့ ရွာက ဩဇာကြီးမားတဲ့ ဂိုတိုမိသားစုဆီကို သွားရောက်စုံစမ်းပါတော့တယ်။ ကျိန်စာသင့်ရွာဟု ပြောဆိုသတင်းလွှင့်ရင်းနဲ့ ဂိုတိုမိသားစုက ဘာတွေ လျှို့ဝှက်ထားတာလဲ.... လျှို့ဝှက်ချက်ကို ဖုံးကွယ်ချင်နေတဲ့ ဂိုတိုမိသားစုနဲ့ ရဲအရာရှိဒိုင်ဂို အာဂါဝါ တို့ ဘယ်လိုတွေ ထိပ်တိုက်တွေ့ကြမလဲ... ဂိုတိုမိသားစုရဲ့အတိတ်ကို လိုက်လံတူးဆွရင်း သူ့မိသားစုမှာ ဘယ်လိုအန္တရာယ်မျိုးတွေ ရင်ဆိုင်ကြုံတွေ့ရမလဲ... ရဲအရာရှိဒိုင်ဂို သမီးနဲ့ဇနီးကို ကယ်တင်ပေးနိုင်ပါ့မလားဆိုတာတွေကို အပတ်စဥ် ဗုဒ္ဓဟူးနေ့တိုင်း တင်ဆက်သွားမှာဖြစ်လို့   လက်မလွှတ်တမ်း ကြည့်ရှုလိုက်ပါဦးနော်။ (အညွှန်းကိုတော့ Dao Phyo မှ ရေးသားထားပါတယ်။) Aired: Mar 19, 2025 - ? Aired On: Wednesday Genres: Thriller, Mystery, Horror, Psychological Episodes: 8 Original Network: Disney+ Translated by Dao Phyo, Mary, Char Ou & KIM Encoded by Tiff

SPEC: Heaven (2012) IMDb Rating (7.2) နာမည်ကြီး SPEC: Birth TV Series အပြီးမှာ ဖြစ်ပျက်ခဲ့တဲ့ အဖြစ်အပျက်တွေအပြီးမှာ ဆက်လက်ဖြစ်ပွားခဲ့တဲ့ အကြောင်းအရာတွေကို ရုပ်ရှင်ဇာတ်လမ်းအနေနဲ့ ရိုက်ကူးတင်ဆက်ပေးထားတာဖြစ်ပြီး စီးရီးထဲမှာ ပါဝင်ထားတဲ့ မင်းသား Ryo Kase နဲ့ မင်းသမီး Erika Toda နဲ့ အခြားသရုပ်ဆောင်များကပဲ ပြန်လည်ပါဝင် သရုပ်ဆောင်ထားပါတယ်။ ရဲအရာရှိနှစ်ယောက်ဖြစ်တဲ့ တိုမာဆာယာနဲ့ ဆဲဘူမိတို့နှစ်ယောက်က သာမန်လူတွေထက် သာလွန်တဲ့ Spec စွမ်းအားရှင်တွေရဲ့ ကမ္ဘာကို စိုးမိုးချင်တဲ့ အစီအစဉ်ကို တားဆီးကြမှာဖြစ်ပါတယ်။ တစ်နေ့မှာ တိုကျို ပင်လယ်ကွေ့ထဲမှာ မျောပါလာတဲ့ သင်္ဘောကြီးတစ်စီးကနေ ရဲတပ်ဖွဲ့ဆီ သတင်းဆိုးတစ်ခု ရောက်ရှိလို့လာခဲ့ပါတယ်။ အဲဒီသင်္ဘောပေါ် ရောက်သွားတဲ့အချိန်မှာ နွေရာသီ ပူပူလောင်လောင်အချိန်ကြီးမှာတောင် သင်္ဘောတစ်ခုလုံးဟာ အေးခဲနေပြီး သင်္ဘောပေါ်မှာ ပါတဲ့လူမှန်သမျှဟာလည်း အေးခဲတောက်နေပြီး မမ်မီကြီးတွေလိုမျိုး ဖြစ်နေတာကို မြင်လိုက်ရပါတော့တယ်။ ဒီဆန်းကြယ်လွန်းတဲ့ လူသတ်မှုကို စုံစမ်းဖို့အတွက် အထူးမှုခင်းစုံစမ်းရေးဌာနက စုံထောက်မလေး တိုမာ ဆာယာနဲ့ ဆဲဘူမိတို့ တာဝန်ပေးခံလိုက်ရပြီး စုံစမ်းစစ်ဆေးမှုတွေအရ ဒီဖြစ်ရပ်ဟာ သာမန်လူသတ်မှုမဟုတ်ဘဲ သSpec စွမ်းအားရှင်တွေ စုစည်းထားတဲ့ လျှို့ဝှက်အဖွဲ့အစည်းတစ်ခုကနေ ကမ္ဘာ့အာဏာပိုင်တွေကို စိန်ခေါ်လိုက်တဲ့ "ရိုးရှင်းတဲ့ အစီအစဉ်" ရဲ့ ပထမဆုံး စစ်ဆင်ရေး ဖြစ်နေမှန်း သိလိုက်ရတဲ့အခါမှာတော့....... တိုဘာရဲ့ ထက်မြက်လှတဲ့ ဦးနှောက်နဲ့ ဆဲဘူမိရဲ့ ကြမ်းတမ်းတဲ့ အက်ရှင်တွေ ပေါင်းစပ်ပြီး ကမ္ဘာကြီးကို ပရမ်းပတာဖြစ်အောင်လုပ်နေတဲ့ စွမ်းအားရှင်တွေကို ဘယ်လိုအသေအလဲ တားဆီးမလဲဆိုတာကို ရင်သပ်ရှုမောဖွယ် ကြည့်ရှုရမှာဖြစ်ပါတယ်။ File Size : 2..28GB/ 970MB Quality : BluRay 1080p/ 720p Format : mp4 Duration : 2hr 01m Genre : Comedy, Crime, Drama, Fantasy, Mystery Subtitle : Myanmar Subtitle (Hard Sub)