H. Jon Benjamin ပါဝင်သော ဇာတ်ကားများ

Familiar Touch (2025) +++++++++ ပရိသတ်ကြီးရေ၊ ဒီတစ်ခါမှာတော့ သက်ကြီးရွယ်အိုဘဝကို သိမ်မွေ့နက်နဲစွာ ချဉ်းကပ်တင်ပြထားတဲ့ ဒရာမာရုပ်ရှင်ကောင်းတစ်ကားဖြစ်တဲ့ Familiar Touch (2024) ကို မိတ်ဆက်ပေးချင်ပါတယ်။ ဒီကားဟာ ဒါရိုက်တာ Sarah Friedland ရဲ့ ပထမဆုံး ဇာတ်လမ်းရုပ်ရှင်ရှည်ဖြစ်ပြီး၊ Venice ရုပ်ရှင်ပွဲတော်မှာ ဆုတွေ ရရှိထားတာကြောင့် အနုပညာတန်ဖိုး မြင့်မားတဲ့ ဇာတ်ကားတစ်ကားလို့ ဆိုနိုင်ပါတယ်။ ဇာတ်လမ်း အကျဉ်းချုပ် +++++++++++++ ဇာတ်လမ်းက အသက် ၈၀ အရွယ် သက်ကြီးရွယ်အို အမျိုးသမီးတစ်ဦးဖြစ်တဲ့ ရုသ့် (Kathleen Chalfant) အကြောင်းပါ။ သူဟာ မှတ်ဉာဏ်လျော့ပါးလာတဲ့ (Dementia) ရောဂါကို ရင်ဆိုင်နေရပြီး၊ သူ့ရဲ့သားက သူ့ကို သူနာပြု စောင့်ရှောက်မှုပေးတဲ့ စင်တာတစ်ခု ကို ပြောင်းရွှေ့ပေးတဲ့အခါမှာ ဇာတ်လမ်း စတင်ပါတယ်။ တစ်ချိန်က ထက်မြက်ပြီး ကိုယ့်အားကိုယ်ကိုးတတ်တဲ့ စားဖိုမှူးဟောင်း ရု့သ် ဟာ အကျွမ်းတဝင်မရှိတဲ့ ပတ်ဝန်းကျင် အသစ်နဲ့ နေ့စဉ် ပုံမှန်လုပ်ရိုးလုပ်စဉ်တွေနဲ့ ရင်းနှီးအောင် ကြိုးစားရပါတော့တယ်။ တစ်ခါတရံမှာ သူမဟာ စင်တာထဲက လူတွေကို သူ့ရဲ့ သားသမီးတွေအဖြစ် မှားယွင်းမြင်ယောင်ပြီး အမိန့်ပေးတာမျိုး၊ ဒါမှမဟုတ် သူကိုယ်တိုင် အဲဒီစင်တာမှာ အလုပ်လုပ်နေတယ်လို့ ထင်မှတ်ပြီး ဟင်းချက်တာမျိုးတွေ လုပ်တတ်ပါတယ်။ Familiar Touch ဟာ ရု့သ် ရဲ့ အတွင်းစိတ်ကမ္ဘာထဲကို ခေါ်ဆောင်သွားပြီး၊ သူ့ရဲ့ မှတ်ဉာဏ်တွေ လျော့ပါးလာချိန်မှာတောင် သူမရဲ့ ကိုယ်ပိုင်အမှတ်သရုပ်၊ ဆန္ဒနဲ့ လူသားဆန်တဲ့ ဂုဏ်သိက္ခာကို ဘယ်လို ထိန်းသိမ်းဖို့ ကြိုးစားနေလဲဆိုတာကို နူးညံ့စွာ ပုံဖော်ပြသထားပါတယ်။ စောင့်ရှောက်သူတွေနဲ့ သူမကြားက နွေးထွေးတဲ့ ထိတွေ့မှုတွေ (Familiar Touch) ဟာ သူမရဲ့ စိတ်ကို ငြိမ်သက်စေဖို့ အဓိက အရေးပါလာတာကို စိတ်ဝင်စားစရာ ရှုစားရမှာပဲ ဖြစ်ပါတယ်။ File Size… (1.01GB) / (676MB) Quality… WEB-DL 1080p HEVC /720p Format…mkv / mp4 Duration…1h 30m Genre … Drama Subtitle….Myanmar Subtitle (Hard Sub)

ဒီကားက အက်ရှင် ဟာသ စိတ်ကူးယဉ်ကားပါ။ တကယ့် ငစားကားလို့ ပြောလို့လည်းရတယ်။ ဒါရိုက်တာ Moritz Mohr ကလည်း ရုပ်ရှင်အများကြီး ရိုက်ဖူးတာမရှိဘူး။ ဒါပေမဲ့ Bullet Train တို့ ဂျွန်ဝစ် တို့ရဲ့ ဒါရိုက်တာလိုမျိုး စကေးတွေ ပြသွားတယ်။ မင်းသားကတော့ IT ထဲက ပန်နီဝိုက်စ်ကြီး Bill Skarsgård ပါပဲ။ The Raid ထဲက ဆရာကြီး Yayan Ruhian လည်းပါပြီး Action တွေကလည်း The Raid ကို မှီနေတယ်။ ပါဏာတိပါတာတွေ အနိဌာရုံတွေကတော့ အရမ်းများတာ သတိပေးချင်ပါတယ်။ ဇာတ်လမ်းအကျဉ်း ဗန် ဒါ ကွိုင်း မိသားစုဟာ မြို့ကြီးတစ်မြို့လုံးကို ချုပ်ကိုင်ထားတဲ့ အာဏာရှင်တွေပါ။ နှစ်တိုင်း မြို့သူမြို့သားတွေ မတော်လှန်ရဲစေဖို့ ကားလင်းပွဲဆိုတာ လုပ်လေ့ရှိတယ်။ အဲဒါကတော့ မြို့ထဲကနေ သူ့ကို ဆန့်ကျင်ချင်တဲ့လူတွေကို ရှာပြီး အစုလိုက်အပြုံလိုက် ရှင်းပစ်တာပါပဲ။ အဲဒီလိုပွဲကြောင့် မိသားစုတစ်ခုလုံး ဆုံးရှုံးသွားတဲ့ နားမကြား ကောင်လေးတစ်ယောက်ဟာ တောထဲမှာ ဆရာကြီးတစ်ယောက်နဲ့ သိုင်းတွေကျင့်ပြီး လက်စားချေဖို့ မြို့တက်လာပါတယ်။ ဇာတ်လမ်းအစကတည်းက မျိုးစုံတလွဲတွေဖြစ်ပြီး အသားကုန် ချကြတာ အဆုံးအထိပါပဲ။ အက်ရှင် ဟာသ ကောင်းကောင်းကြည့်ချင်ရင် သေချာပေါက်ကြည့်ဖြစ်အောင်သာ ကြည့်ပါ။ File size…5.13GB/2.01GB / 933MB Quality…WEB-DL 4KHEVC/1080p5.1CH / 720p Format…mp4 Duration….1h 51m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

ဘော့ဘ်နဲ့ လင်ဒါတို့ လင်မယားက ဘာဂါဆိုင်ဖွင့်ထားပြီး တီနာ၊ ဂျင်း၊ လူးဝစ်ဆိုတဲ့ ကလေးသုံးယောက် ရှိပါတယ်။ သူတို့မိသားစုက နည်းနည်းတော့ အူကြောင်ကြောင်နိုင်တယ်။ ပြဿနာတစ်ခုခုဖြစ်ပြီဆိုရင် သူတို့လည်း ပါနေတတ်ပြီး မိသားစုလိုက် စွန့်စားခန်းတွေ ဖွင့်ကြသူတွေပါ။ ၂၀၁၁ ခုနှစ်ဝန်းကျင်က စတင်ထုတ်လွှင့်ခဲ့တဲ့ Bob's Burgers အန်နီမေးရှင်းစီးရီးထဲက ဒီမိသားစုရဲ့ စွန့်စားခန်းတစ်ခုကို တစ်ကားပြီးရုပ်ရှင်အဖြစ် ရိုက်ကူးထားတာ ဖြစ်ပါတယ်။ ဟာသနဲ့ စွန့်စားခန်းတွေ ပါဝင်ပြီး စီးရီးမကြည့်ဖူးသူတွေလည်း သီးခြားကြည့်လို့ရတဲ့ ပုံစံနဲ့ တင်ဆက်ထားပါတယ်။

22 Jump Street (2014) IMDb Rating (7.0) / Rotten Tomatoes (84%) ဒီကားကတော့ ၂၀၁၂ တုန်းက အောင်မြင်ခဲ့တဲ့ 21 jump street ရဲ့ အဆက်ဖြစ်ပြီး ပထမကားလိုပဲ ပရိသတ်တွေကြားမှာ အောင်မြင်မှုရရှိခဲ့တဲ့ ရုပ်ရှင်ပါ။ ပထမ ကားမှာ အထက်တန်းကျောင်းရဲ့ မူးယစ်ဆေးဖန်တီးနေသူတွေကို ရှာဖွေ ဖမ်းဆီးနိုင်လိုက်ပြီးနောက်မှာတော့ ဒီတစ်ခေါက် ရှမစ် နဲ့ ဂျန်ကို တို့ ကောလိပ် က မူးယစ်ဆေးဖြန့်နေတဲ့ အဖွဲ့ကို ဖော်ထုတ်ဖို့ တာဝန်ကျလာပါတော့တယ်။ ဒီတစ်ခေါက်မှာတော့ ကောလိပ်ကျောင်းသားအဖြစ်ဟန်ဆောင်ရင်း ရှမစ်ကလည်း ကောင်မလေးအသစ် ရလာသလို ဂျန်ကိုကလည်း သူငယ်ချင်းအသစ်တွေ ရလာတဲ့ အတွက် သူတို့အချင်းချင်း သဘောထားမတိုက်ဆိုင်မှု တွေ ပိုများလာပါတယ်။ အဲ့လို အခြေအနေကနေ ကောလိပ်က မူးယစ်ဆေး တွေဟာ တစ်နိုင်ငံလုံး ဆီ ပျံ့သွားမယ့် အရေး နဲ့ ကြုံလာတဲ့အခါ သူတို့နှစ်ယောက် အတူတူ ပြန်လက်တွဲပြီး တားဆီးဖို့ ဖြစ်လာပါတော့တယ်။ ပထမကားက နာမည်ကြီးသရုပ်ဆောင်တွေ ပြန်လည်ပါဝင်ထားသလို Buddy Cop ရုပ်ရှင်တွေ နှစ်သက်တဲ့သူတွေအဖို့ ကြည့်ပျော်မှာ သေချာတဲ့ရုပ်ရှင်ကားတစ်ကားပဲ ဖြစ်ပါတယ်။ 21 jump street(2012) နဲ့ 22 Jump Street (2014) ဆိုပြီး ၂ ကားထွက်ခဲ့ပြီးတော့ ၂ ကားလုံးတခွီးခွီးနဲ့ ရယ်နေရပါတယ်။ Jump Street ရုပ်ရှင်တွေကြည့်ပြီးသွားရင် Jonah Hill နဲ့ Channing Tatum တို့ ပရိတ်သတ်ဖြစ်သွားနိုင်ပါတယ်။ (ရုပ်ရှင်အညွှန်းနဲ့ဘာသာပြန်ကို Marco မှတင်ဆက်ထားပါတယ်။) File size…(6.7 GB)/(1.9 GB )/(1.2 GB) Quality…BluRay 4K HEVC/ 1080p HEVC / 720p Format…mkv/mp4 Duration….01:52:00 Subtitle….Myanmar Subtitle (Hardsub) Encoder….Ka Naung Translated by Marco

Family Guy : It’s A Trap (2010) (Only on Bioscope) IMDB : 7.3 Rotten Tomatoes : 62% Genre : Animation / Comedy / Action Family Guy မှာ Special Standalone Episode ၆ ခုရှိပါတယ်။ ပြောရရင် ရုပ်ရှင် ၆ ကားပေါ့။ အဲဒီထဲမှာ Star Wars ကို Reference ယူ Parody လုပ်ထားတဲ့ Blue Harvest (2007) Something, Something, Dark Side (2009) It's a Trap! (2011) သုံးကားလည်းပါဝင်ပါတယ်။ It’s a Trap ကတော့ Family Guy Star Wars Standalone Parody သုံးကားရဲ့ နောက်ဆုံးကားဖြစ်ပါတယ်။ “Last but not least” ဆိုတဲ့အတိုင်း It’s a Trap က ရှေ့နှစ်ကားလိုပဲ စခွီကိုဘက်ပေါင်းစုံကနေထရမှာဖြစ်ပါတယ်။ It’s a Trap ဟာ Star Wars: Episode VI - Return of the Jedi ရဲ့ Parody ဖြစ်ပြီး Cast တွေကတော့ ရှေ့ကားကအတိုင်းမလို့ အထွေအထူးပြောနေစရာမလိုတော့ပါဘူး။ ခံစားစခွီထကြပါခင်ဗျာ။ File size…    1 GB Quality… WEB-DL 1080p Format… mp4 Duration…. 1h Genre ..... Animation / Comedy / Action Subtitle…. Myanmar Subtitle (Hard Sub)

Family Guy : Something, Something, Something, Dark Side (2009) (Only On Bioscope) IMDB : 7.7 Rotten Tomatoes : 76% Genre : Animation / Comedy / Action Family Guy ရဲ့ ၂၀၀၉ ခုနှစ်ထွက် Something, Something, Something, Dark Side ကတော့ Family Guy ရဲ့ Stars Wars Parody Special Standalone ရုပ်ရှင် ၆ ကားရဲ့ ဒုတိယမြောက် ရုပ်ရှင်တစ်ခုဖြစ်ပါတယ်။ ပြောရရင် ပထမ Blue Harvest အောင်မြင်ခဲ့တာကြောင့် ဒီရုပ်ရှင်ဆက်ထွက်ခဲ့တာဖြစ်ပါတယ်။ ဒီအပိုင်းမှာလည်း Robot Chicken နဲ့ Family Guy တစ်နည်းပြောရရင် Seth MacFarlane နဲ့ Seth Green နောက်ထပ်ပြောရရင် Peter နဲ့ Chris တို့ရဲ့ အားပြိုင်မှုလေးတွေကိုလည်း မြင်ရမှာဖြစ်ပါတယ်။ ဒီရုပ်ရှင်ကတော့ Star Wars: The Empire Strikes Back ကို Parody လုပ်ထားတာဖြစ်ပြီး Star Wars ပရိသတ်မဟုတ်လည်း ကြည့်ရှုခံစားလို့ရမှာဖြစ်ပါတယ်။ ဂျေဒိုင်းနေရာမှာ တစ်မိသားစုလုံးမှာ အတုံးဆုံး ခရစ်စ်က သရုပ်ဆောင်ထားပြီး ဟန်ဆိုလိုနေရာမှာ မဟန်တဲ့ပီတာက မျက်ခွက်ဝင်ပြောင်ထားပါတယ်။ ယိုဒါကလည်း စိတ်ဓာတ်ပဲကျနေတာလား ဆေးပဲပြဲနေတာလားလို့ ထင်ရလောက်အောင် ကပေါက်တိကပေါက်ချာလေးပါ။ အညွှန်းကတော့ Star Wars: The Empire Strikes Back အတိုင်းပဲမလို့ အထွေအထူးပြောစရာမလိုတော့ပါဘူး။ ပိတ်ရက်လေးမှာ ခံစားကြည့်ကြပါ။ “ဟေ့ကောင်ရေ ငါကြိုက်တဲ့ကားကို ဒီကောင်တွေ ဘာလုပ်လိုက်တာလဲ” ဆိုပြီး စခွီထရမှာဖြစ်လို့ ကြည့်သင့်ပါကြောင်း… File size…    600 MB Quality… WEB-DL 1080pFormat… mp4 Duration…. 50 m Genre ..... Animation / Comedy / Action Subtitle…. Myanmar Subtitle (Hard Sub)

ဂျိန်းနဲ့ ရော့ဇီဟာ အမြွှာညီအစ်မတွေဖြစ်ပေမယ့် အကျင့်စရိုက်ကတော့ တစ်ယောက်နဲ့တစ်ယောက် အတော်ကွာပါတယ်။ ဂျိန်းက ငယ်ငယ်ကတည်းက စာကြိုးစားပြီး ဘာလုပ်လုပ် အစီအစဉ်နဲ့ နေတတ်သူပါ။ ရော့ဇီကတော့ ပေါ့ပေါ့နေတတ်ပြီး ဂီတကို ဝါသနာပါသလောက် ကျောင်းလည်း ပြေးတတ်တယ်။ Olsen ညီအစ်မနှစ်ယောက်က ဒီအမြွှာဇာတ်ကောင်တွေကို သရုပ်ဆောင်ထားပါတယ်။ တစ်နေ့မှာ ဂျိန်းက တက္ကသိုလ်ပညာရေးအတွက် ပြိုင်ပွဲတစ်ခုမှာ မိန့်ခွန်းပြောရဖို့ ရှိလာတယ်။ အဲဒီနေ့မှာပဲ ရော့ဇီကလည်း သူ့ဂီတလမ်းကြောင်းအတွက် အခွင့်အရေးရနိုင်တဲ့ MV ရိုက်ကွင်းတစ်ခုဆီ သွားဖို့ရှိနေပါတယ်။ ကိုယ်စီရည်ရွယ်ချက်နဲ့ ရထားတစ်စင်းပေါ် အတူလိုက်ပါလာကြတဲ့ ခရီးကနေ ညီအစ်မနှစ်ယောက်ရဲ့ အလွဲတွေ စတော့တယ်။ အမြွှာဆိုပေမယ့် စိတ်တူကိုယ်တူ မရှိကြတဲ့ သူတို့နှစ်ယောက် အတူသွားမိမှပဲ ပြဿနာတွေ တစ်ခုပြီးတစ်ခု ပေါ်လာပါတယ်။

Wet Hot American Summer (2001) IMDb : 6.4 Genre : Comedy / Romance Wet Hot American Summer ကတော့ ၂၀၀၁ ခုနှစ်ထွက် ဆယ်ကျော်သည်ရုပ်ရှင်တစ်ခုဖြစ်ပါတယ်။ ဇာတ်ညွှန်း ၁၉၈၁ ခုနှစ် ဩဂုတ်လ ၁၈ ရက်နေ့မှာတော့ Camp Firewood ရဲ့ နွေရာသီစခန်းက တရားဝင်ကုန်ဆုံးခဲ့ပြီဖြစ်ပါတယ်။ ဆိုတော့ ဒီလိုနေ့မှာ ပြဿနာပေါင်းသောင်းခြောက်ထောင်တင်မကပဲ တစ်သိန်းခြောက်သောင်းလောက်ဖြစ်တတ်တာ သဘာဝပါပဲ။ ဒီလိုပဲ နောက်ဆုံးရက်မှာ ချစ်ကြကြိုက်ကြ ဗရုတ်သုတ်ခတွေကလည်း ဟိုတစ်စ ဒီတစ်စဖြစ်နေပြီး တော်တော်လေး ကသမ်းကရမ်းနိုင်လှပါတယ်။ ဘယ်ဟာကို ဘယ်ကနေအစကောက်ရမယ်မှန်းမသိအောင် ဖြစ်နေတာမလို့ ခံစားကြည့်လိုက်ကြပါခင်ဗျာ။ Paul Rudd Amy Poehler Elizabeth Banks Ken Marino တို့လိုမျိုး ပရိသတ်မျက်နှာသိတွေက အားဖြည့်ထားတာမလို့ ကြည့်ရတာတန်စေမယ့် ရုပ်ရှင်တစ်ခုလည်းဖြစ်ပါတယ်။ File size…    2.8 GB / 1.3 GB Quality… Web-DL 1080p / 720p Format… mp4 Duration…. 1h 29m Genre ..... Japanese, Crime, Mystery Subtitle…. Myanmar Subtitle (Hard Sub)

ကပ္ပတိန်အမေရိကားကြီး Chris Evans ပါဝင်သရုပ်ဆောင်ထားတဲ့အမေရိကန်ကျောင်းသားဟာသ ဇာတ်ကားအမြူးလေးပါ။ ဘတ်ဂျက် ၁၅သန်းပဲကုန်ကျခဲ့ပေမယ့် Box Office 66.5 သန်းပြန်လည်ရရှိခဲ့တဲ့ရုပ်ရှင်ကားဖြစ်ပါတယ်။ American Pie ကားတွေလိုမျိုး ကျောင်းသားလူငယ်ဟာသကားဆိုတဲ့အတိုင်း ၁၈+အခန်းလေးတွေလဲ အများအပြားပါဝင်တယ်။ ရယ်လည်းရယ်ရတယ်ပေါ့နော်။ ဇာတ်လမ်းလေးကတော့ ဂျွန်ဟူးဆိုတဲ့အထက်တန်းကျောင်းလေးမှာအခြေတည်ထားတာပါ။ ကျောင်းမှာနာမည်ကြီး Cheer leader ဖြစ်တဲ့ပရစ်ဆယ်လာနဲ့တွဲနေတဲ့ကျောင်းနာမည်ကြီးဘောလုံးကစားသမားဖြစ်တဲ့ ဂျိတ်ခ်ဝိုင်လာ(ChrisEvans)တယောက် ရုတ်တရက် အခြားအူကြောင်ကြောင်ကျောင်းသားတယောက်ကြောင့်ရည်းစားဖြတ်တာခံလိုက်ရပါတယ်။ အဲဒါနဲ့ဂျိတ်ခ်ရဲ့သူငယ်ချင်းတယောက်ကကျောင်းမှာ ရိုးအအနဲ့ လူရာသိပ်မသွင်းတဲ့ ဂျေနီဘရစ်ဆိုတဲ့ ကျောင်းသူတယောက်ကို Queenဖြစ်အောင်လုပ်ပေးဖို့လောင်းကြေးထပ်ပါတယ်။ အဲဒီကစပြီးဂျိတ်တယောက် ဂျေနီဘရစ်နဲ့နီးစပ်ဖို့အမျိုးမျိုးကြံပါတော့တယ်။ ဒါပေမယ့်ကြားထဲမှာ အစ်မဖြစ်သူကတ်သရင်းကြောင့်ရော၊ဂျေနီရဲ့လူမသိသူမသိအချစ်ဆုံးသူငယ်ချင်း ရစ်ကီလစ်မန်းရော၊ သူ့ရဲ့အတိတ်ကဘောလုံးပွဲအတိတ်ဆိုးတွေကပါအနှောင့်အယှက်ပေးတာကို ကြုံရပါတော့တယ်။ အစ်မဖြစ်သူကတ်သရင်းကတော့ သူ့မောင်ကိုတဖြေးဖြေးကူညီပေးရင်း ဂျေနီကို ပုံစံလုံးဝပြောင်းပေးပြီး အလန်းလေးဖြစ်အောင်လုပ်ပေးလိုက်တဲ့အခါမှာတော့.... Chirs Evan အပါအဝင် တကျောင်းလုံးကကောင်တွေ ဘယ်လိုကြွေကျပြီး ဘယ်လိုသောက်တလွဲတွေနဲ့ အခွီတွေလုပ်ကြမလဲဆိုတာ......။ "Not another teen movie" ဆိုတဲ့အတိုင်း ခင်ဗျားတို့ကြည့်နေကြ ဆယ်ကျော်သက်ဇာတ်ကားမျိုးလို့တော့ မထင်လိုက်နဲ့ဆိုပြီး အချီကြီးနဲ့စထားပါတယ်... ဒါပေမဲ့ ကျွန်တော်တို့ကြည့်နေကြ ဆယ်ကျော်သက်ဇာတ်ကားတွေဖြစ်တဲ့ Bring It On, American Pie, Cruel Intentions, American Beauty, Never Been Kissed, Ferris Bueller's Day Off, Can't Buy Me Love, Jawbreaker, Sixteen Candles, Dazed and Confused, Lucas, Rudy, The Breakfast Club, Risky Business ဘာညာဇာတ်ကားတွေနဲ့မထူးခြားနား ကျောင်းသားဟာသအခွီကားပါပဲ။ ဘယ်လိုပဲဖြစ်ဖြစ် ကပ္ပတိန်အမေရိကားကြီး စတိဗ်ရော်ဂျာ (Chris Evans) နဲ့ အဆိုတော်မလေး Chyler Leigh တို့နဲ့ပဲ ဒီဇာတ်ကားက ကြည့်ထိုက်တယ်ဆိုပါတော့လေ။ (ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။) File size…(3.6 GB )/(1.9 GB) Quality…BluRay Unrated 1080p HEVC / 720p Format…mkv/mp4 Duration….01:40:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester