Han Dong ပါဝင်သော ဇာတ်ကားများ

မင်းသားကြီး Jackie Chan ကို အက်ရှင်ဇာတ်ကားတွေမှာ အမြဲမြင်နေကျ ဟီးရိုးပုံစံမဟုတ်ဘဲ နှလုံးသားနဲ့ သရုပ်ဆောင်တဲ့ ပုံစံအသစ်တစ်မျိုးကို မြင်ချင်ရင် သူပါဝင်ထားတဲ့ ဒီဇာတ်ကားလေးကို မလွဲမသွေ ကြည့်သင့်ပါတယ်နော်ဒီကားလေးမှာဆိုရင် တိုက်ခိုက်ခန်းတွေထက် နှလုံးသားကိုထိမိစေမဲ့သရုပ်ဆောင်မှုနဲ့ စိတ်ခံစားမှုတွေ မိသားစုဆက်ဆံရေးကို အဓိကထားပြောပြထားတဲ့ ဒရာမာရုပ်ရှင်ကားလေးတစ်ကားဖြစ်ပါတယ် Zhong Bufan ဆိုတဲ့ လူငယ်လေးတစ်ယောက်ဟာ မိသားစုအခက်အခဲတွေကြောင့် သူ့ရဲ့ မြို့ငယ်လေးကို စွန့်ခွာပြီး ပေကျင်းကို သွားရောက်ဖို့ ကြိုးစားပါတယ်… သူ့ဘဝကို ပြန်လည်စတင်ဖို့ ကြိုးစားနေတဲ့ အချိန်မှာပဲ Alzheimer ရောဂါခံစားနေရတဲ့ အသက်ကြီးကြီးအဘိုးကြီး Ren Jiqing နဲ့ မထင်မှတ်ဘဲ ဆုံတွေ့သွားပါတယ်… Ren Jiqing က Zhong Bufan ကို သူ့သား ရန်ကျွမ့်ကျွမ့်အဖြစ် မှားယွင်းသိမှတ်ပြီး မျှော်လင့်ချက် မေတ္တာနဲ့ လက်ခံလိုက်တဲ့အခါမှာတော့… Zhong Bufan အတွက်တော့ ဒီဆုံတွေ့မှုဟာ မထင်မှတ်တဲ့ တာဝန်တစ်ခုဖြစ်လာသလို Ren Jiqing အတွက်တော့ သူ့ဘဝရဲ့ နောက်ဆုံးမျှော်လင့်ချက်တစ်ခုလို ဖြစ်နေပါတယ်... အစပိုင်းမှာ မတော်တဆမှုလို စတင်ခဲ့တဲ့ ဆက်ဆံရေးက တဖြည်းဖြည်း သားအဖဆက်ဆံရေးတစ်ခုလို အပူအပင်နဲ့ အနွေးထွေးဆုံးပုံစံအဖြစ် ပြောင်းလဲသွားတဲ့အခါ ဘာဆက်ဖြစ်လာမလဲဆိုတာ... Jackie Chan ကို အက်ရှင်ဟီးရိုးအဖြစ်မဟုတ်ဘဲ နှလုံးသားနဲ့ သရုပ်ဆောင်တဲ့ ဖခင်တစ်ယောက်အဖြစ် မြင်ချင်ရင် ဒီကားလေးကို သေချာပေါက် ကြည့်သင့်ပါတယ်နော်... ဒီကားလေးကနေ ပရိသတ်ကြီး နှလုံးသားထဲမှာ အေးချမ်းမှုနဲ့ နောင်တအနည်းငယ် ပေါင်းစပ်နေတဲ့ ခံစားချက်တစ်ခု ကျန်ရစ်သွားမယ်ဆိုတာ အသေအချာပါပဲနော် Filesize : 7.34 GB / 1.91 GB / 1.06 GB Quality : WEB-DL 4K HEVC , 1080p HEVC , 720p HEVC Format : mkv/mp4 Genres : Comedy , Drama Runtime : 2h 1 min Subtitle : Myanmar Subtitle ( Hardsub )

ဒီတစ်ခါမှာတော့ ထန်မင်းဆက်နှောင်းပိုင်းခေတ်ကို အခြေတည်ထားပြီး စိတ်လှုပ်ရှားစရာ တစ္ဆေပုံပြင်ဆန်ဆန် လူသတ်မှုခင်း ရုပ်ရှင်ကားလေးတစ်ကားနဲ့ မိတ်ဆက်ပေးချင်ပါတယ် iQIYI ကနေ ထုတ်လွှင့်ခဲ့တဲ့တရုတ် web film အမျိုးအစားရုပ်ရှင်တစ်ကားဖြစ်ပြီး ထန်မင်းဆက်နှောင်းပိုင်း အငတ်ဘေးကြီးကျရောက်နေချိန် အရာရှိမင်းတွေရဲ့အကျင့်ပျက်ခြစားမှုကို နောက်ခံထားပြီး Han Dong နဲ့ Zhao Daixi တို့က အဓိက သရုပ်ဆောင်ထားတဲ့ thriller / suspense ပုံစံရုပ်ရှင်လေးတစ်ပုဒ်ဖြစ်ပါတယ်... >>>ဇာတ်လမ်းအညွှန်း<<< ထန်မင်းဆက်နှောင်းပိုင်းခေတ် ညအမှောင်ရိပ်အောက်က ရှေးဟောင်းဘုရားကျောင်းတစ်ခုဟာ သာမန်မဟုတ်တဲ့ လျှို့ဝှက်မှုတွေကို ဖုံးကွယ်ထားခဲ့ပါတယ် ညတိုင်းရေကန်အတွင်းက မသိသာသလိုပေါ်လာတဲ့အရိပ်တွေ လူမရှိတဲ့နေရာမှာ ကြားရတဲ့အသံတွေ ဒါတွေဟာ တစ္ဆေသရဲပုံပြင်တစ်ပုဒ်ပဲလား ဒီရုပ်ရှင်လေးထဲမှာ လူသုံးယောက် မသိမသာ အိပ်ပျော်ရာကနေ နိုးထလာပြီး သူတို့ကို တံခါးပိတ်အခန်းတစ်ခန်းအတွင်း ထိန်းသိမ်းထားခံနေရပြီး မိမိတို့အတိတ်အကြောင်းကို တစ်ယောက်ချင်းစီ ပြောပြဖို့ အတင်းအကြပ် ခိုင်းစေခံရပါတယ် သူတို့ပြောပြတဲ့ ဇာတ်လမ်းတွေမှာ မိမိတို့ကိုယ်တိုင်ကို သမာဓိရှိတဲ့သူ တရားမျှတမှုရှိတဲ့သူတွေအနေနဲ့ ဖော်ပြကြပြီး မကောင်းမှုတွေအားလုံးကို မကောင်းဆိုးဝါးမိစ္ဆာတွေအပေါ် အပြစ်ပုံချထားကြပါတယ် ဒါပေမဲ့ သူတို့ပြောတဲ့ အကြောင်းအရာတွေက လိမ်လည်ထားတာ လှည့်စားထားတာတွေဖြစ်ကြောင်း အမှန်တရား တဖြည်းဖြည်း ပေါ်လာတဲ့အခါ... အမှုအခင်းတစ်ခုစီကို ပဟေဠိဆန်ဆန် အပိုင်းအစလေးတွေ ပြသထားပါတယ် အဖြစ်အပျက်တစ်ခုစီဟာ သီးခြားဖြစ်နေသလိုထင်ရပေမဲ့ အဆုံးသတ်မှာ အချင်းချင်း ဘယ်လိုချိတ်ဆက်သွားမလဲတစ္ဆေဆန်ဆန်ပုံပြင်တွေရဲ့နောက်ကွယ်က တကယ့်ဖြစ်ရပ်မှန်က ဘယ်လိုဖြစ်မလဲ လူ့စိတ်အတွင်းက အမှောင်ဘက်ခြမ်းကို ထိုးဖောက်မေးခွန်းထုတ်ထားတဲ့အကြောင်းအရာတွေကြောင့် ဒီရုပ်ရှင်လေးဟာ ကြည့်ရှုသူတွေကို နောက်ဆုံးထိ မျက်စိမခွာနိုင်အောင် ဆွဲဆောင်နိုင်မှာပါ ဒီရုပ်ရှင်လေးအဆုံးမှာသိရမဲ့အမှန်တရားတစ်ခုက တစ္ဆေသရဲတွေထက် လူ့စိတ်ကပိုကြောက်စရာကောင်းလားဆိုတဲ့ ကြည့်ရှုသူပရိသတ်တွေကို မေးခွန်းထုတ်စရာဖြစ်လာစေမှာပါ Filesize : 1.38 GB / 716 MB Quality : WEB-DL 1080p HEVC , 720p HEVC Format : mp4 Genres : Mystery and Thriller Runtime : 1h 23 min Subtitle : Myanmar Subtitle ( Hardsub )

ရှန်ရှား ဝူရှားကားမျိုးမှ ကြိုက်တယ်ဆိုတဲ့ CM ချစ်ပရိသတ်တို့အတွက်ကို ဇာတ်ကားလေးတစ်ခုနဲ့ မိတ်ဆက်ပေးလိုက်ပါတယ်... ဒီကားလေးကတော့ Clash of the Titans (2025) ပါ.. မန်းဂထဲက ခွဲထွက်လာတဲ့ ကျန်းယွီရှီ မမရဲ့ ကားသစ်လေးမလို့ ရူပဒါနမြောက်မှာသေချာပါတယ်... Dashing Youth က ဝူမင်သခင်လေး၊ Flourished Peonyက လီရှင်း အဖြစ် သရုပ်ဆောင်ခဲ့တဲ့ ထုံမုန့်ရှီကို ဒီကားမှာ ဇာတ်လိုက်မင်းသားအဖြစ်နဲ့တွေ့ရမှာပါနော်... ဇာတ်လမ်းလေးကို ပြောရမယ်ဆိုရင်... အမှားနဲ့အမှန်၊ အကောင်းနဲ့အဆိုးတို့ဟာ နှစ်ထောင်ပေါင်းများစွာကတည်းက သံသယတွေနဲ့အတူ မခွဲနိုင်မဖျက်နိုင်အောင် တွဲကပ်နေခဲတယ်။ ဒီသမိုင်းကြောင်းထဲမှာ ပေါ်ထွက်လာတဲ့ စိတ်ဝင်စားဖွယ် ဇာတ်လမ်းတစ်ပုဒ်ပေါ့... ဖန်ဆင်းမှုနဲ့ ဖျက်စီးမှု တို့ကြားမှာ ချစ်ခြင်းမေတ္တာက ပေါက်ဖွားလာမှာလား... Fengyue Jianzun နဲ့ နတ်ဆိုးကြယ်သခင် Feng Xing တို့က ဒီသမိုင်းပေါ်မှာ အဆုံးအဖြတ်ချနိုင်ဖို့ တိုက်ပွဲတစ်ခုကို ဆင်နွှဲခဲ့ကြရတယ်။ ဒါပေမဲ့ တကယ် စိတ်ဝင်စားဖို့ကောင်းတာကတော့ Shen Shao You နဲ့ Feng Li Xue တို့ရဲ့ မထင်မှတ်တဲ့ မိတ်ဆွေဖြစ်မှုပေါ့... မေတ္တာရော မုန်းတီးမှုရော စုစည်းထားတဲ့ Shen Shao You ဟာ ဆရာကိုကယ်ဖို့ ဆုံးဖြတ်ချက်တစ်ခု ချလိုကတယ်။ ဒါကတော့ သူ့မိတ်ဆွေ Feng Li Xue ကို ရှင်းပစ်ဖို့အတွက် ချောက်ကမ်းပါးကနေ တွန်းချလိုက်ရတာပဲ။ အဲဒီအချိန်မှာ Feng Li Xue ဟာ မသေဘဲ နတ်ဆိုးလမ်းစဉ် ကျင့်ကြံသူအဖွဲ့ရဲ့ Chong Hua ဆရာကြီး ကယ်တင်တာခံလိုက်ရပါတယ်။ မတူညီတဲ့လမ်းစဉ်ပေါ်မှာ ပြန်မဆုံနိုင်တော့တဲ့ ချစ်ခြင်းတစ်ခု မတူညီတဲ့လမ်းကို ရွေးချယ်ခဲ့ကြတဲ့ သူတို့နှစ်ယောက်၊ Feng Li Xue က နတ်ဆိုးလမ်းစဉ်ကို ဦးဆောင်သူဖြစ်လာပြီး Shen Shao You က သူတော်ကောင်းလမ်းစဉ်ရဲ့ ခေါင်းဆောင်ဖြစ်လာခဲ့ပါတယ်။ သူတို့ကြားက တိတ်တခိုး မေတ္တာနဲ့ တစ်ခါက ခင်မင်ခဲ့တဲ့မေတ္တာကို မထောက်တစ်ဦးကို တစ်ဦး သတ်ရမယ့် တာဝန် ဖြစ်ပေါ်လာတဲ့အချိန်မှာ… သာမာန်သိုင်းကားဆိုတာထက် ပိုပြီး နက်နဲလေးနက်တဲ့ကားလေးပါ... အမှန်တရား၊ သစ္စာ၊ ချစ်ခြင်း၊ အထင်လွဲမှုတွေနဲ့ ထုတ်ပြောခွင့်မရှိတဲ့ ခံစားချက်တွေကို ပုံဖော်ရေးသားထားတာမို့ CM Team နဲ့အတူ ကြည့်ဖို့ ဖိတ်ခေါ်လိုက်ပါတယ်နော်... Quality : WEB-DL 1080p, 720p Total Episodes : 40 Format : mp4 Genres : Romance, Wuxia, Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

စုံထောက်ကြီးဒီးရန်ကျယ်ရဲ့ အမှုသစ်ဇာတ်ကားသစ်လာပါပြီ။ ယန်ကျိုးမြို့မှာ လူသတ်မှုတွေဆက်တိုက်ဖြစ်နေတဲ့အတွက် စုံထောက်ကြီးဒီးကို စုံစမ်းပေးဖို့ခေါ်လိုက်ကြပါတယ်။ အလောင်း(၇)လောင်းဟာ ယဇ်ပူဇော်တဲ့ အခမ်းအနားဆန်ဆန်ရက်ရက်စက်စက် သတ်ဖြတ်ပြင်ဆင်ခံထားရတာဖြစ်ပြီးတော့ သဲလွန်စတွေဟာရှုပ်ထွေးနေတဲ့အတွက် ကန့်သတ်အချိန်အတွင်း အမှုကိုဖော်နိုင်ဖို့ ဒီးရန်ကျယ်ဟာအကြပ်ရိုက်နေပါတယ်။ သဲလွန်စတွေက အလောင်းတစ်ခုချင်းဆီရဲ့ဖော်ဆောင်တဲ့ အဓိပ္ပါယ်တွေကြားမှာရှိနေတဲ့အတွက် သဲလွန်စတွေနောက်ကိုလိုက်ရင်း လွန်ခဲ့တဲ့ဆယ်နှစ်ကျော်က အမှုဟောင်းတစ်ခုဆီကိုဦးတည်နေပါတယ်။ လျှို့ဝှက်ချက်တွေကို တစ်ခုချင်းစိတ်ဝင်စားစရာကောင်းအောင်ဖော်ထုတ်သွားပြီးတော့ လှည့်ကွက်တွေအပြည့်နဲ့ စုံထောက်ကြီးဒီးရဲ့အမှုလိုက်စွမ်းရည်တွေကိုရှုစားလိုက်ပါဦးနော်...... Filesize : 1.23 GB / 660 MB Quality : WEB-DL 1080p HEVC , 720p HEVC Format : mkv Genres : Mystery Runtime : 1h 33 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ချင်လင်တောင်ထက်ကလျှို့ဝှက်ဆန်းကြယ်တဲ့ ဇာမဏီဘုရင်သင်္ချိုင်းဗိမာန်ကို ဖောက်ဝင်ဖို့ကြိုးစားတဲ့ သဲထိတ်ရင်ဖိုဇာတ်လမ်းဖြစ်ပါတယ်။ ပြည်သူတွေရဲ့အကျိုးအတွက် သေဆုံးသွားတဲ့ ဇာမဏီဘုရင်နဲ့မိဖုရားရဲ့သင်္ချိုင်းကို သူ့ရဲ့သစ္စာရှိစစ်သူကြီးမျိုးရိုးဟာ ခေတ်အဆက်ဆက်စောင့်ရှောက်လာခဲ့ပါတာ နှစ်၁၀၀၀ကျော်ပါပြီ။ ပလိပ်ရောဂါကပ်ဘေးဖြစ်တဲ့အတွက် ရွာသူရွာသားတွေကယ်တင်ဖို့ ဆေ းနည်းရှိတယ်ဆိုတဲ့ တောင်အောက်ကို လူတစ်စုဟာဝင်ခဲ့ကြတယ်။ နောက်ဆုံးမှာတော့ ၂ယောက်သာအသက်ရှင်ကျန်ပြီး ပြန်ထွက်လာနိုင်ခဲ့ပါတယ်။ အဲဒီနောက်မှာသူတို့၂ယောက်ဟာ ဇာတ်မြှုပ်နေထိုင်လာခဲ့ကြပါတယ်။ ၁၀နှစ်ကျော်ကြာပြီးတဲ့နောက်မှာ လောဘကြီးတဲ့ကုန်သည်တစ်ယောက်နဲ့ နိုင်ငံခြားသားတစ်ယောက်အကြပ်ကိုင်တာကြောင့် ဇာမဏီဘုရင်သင်္ချိုင်းဂူထဲကိုထပ်ဝင်ဖို့ဖြစ်လာခဲ့ပါတယ်။ ရှေးဟောင်းဘုရင်သင်္ချိုင်းတွေရဲ့အစဉ်အလာအတိုင်းထောင်ချောက်တွေ အပြည့်ရှိနေတဲ့ သင်္ချိုင်းထဲကိုသူတို့လူစုကဆင်းသွားပြီးနောက်မှာဘယ်လိုအနာဂတ်တွေဖြစ်လာမလဲ...... Filesize : 790 MB / 433 MB Quality : WEB-DL 1080p HEVC , 720p HEVC Format : mkv Genres : Action , Adventure , Mystery Runtime : 1h 11 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဒီဇာတ်ကား‌လေးကတော့ နာမည်ကြီး Donghua တစ်ခုကို အခြေခံပြီး adapt လုပ်ထားတဲ့ ရှန်းရှဇာတ်လမ်းတွဲလေးပဲဖြစ်ပါတယ် ။ သရုပ်ဆောင်တွေအနေနဲ့ အဓိကမင်းသမီးအဖြစ် 85s flower တွေထဲကတစ်ယောက်ဖြစ်တဲ့ မမယန်းမီ ၊ မင်းသားအဖြစ် ခုခေတ် Traffic star တွေထဲ ထိပ်တန်းမင်းသားတစ်လက်ဖြစ်နေတဲ့ Gong Jun အပြင် တခြားနာမည်ကြီးအနုပညာရှင်တွေအများကြီးပါဝင်သရုပ်ဆောင်ထားကြတဲ့ IQIYI ရဲ့ ပထမဆုံး Super S+ Drama ပဲဖြစ်ပါတယ် ။ ဇာတ်လမ်းအညွှန်းလေးအနေနဲ့ - ထူရှန်းဟုန်ဟုန်က ထူရှန်းတောအုပ်မှာ ထူရှန်းမျိုးနွယ်ဝင်တွေရဲ့ အကြီးအကဲဖြစ်ပြီး ညီမလေး၂ယောက်နဲ့အတူ မျိုးနွယ်စုကိုစောင့်ရှောက်နေထိုင်လျက်ရှိပါတယ် ။ ထူရှန်းမျိုးနွယ်တွေဟာ တောအုပ်ထဲကို ဘယ်လူသားကိုမှဝင်ခွင့်မပြုခဲ့ပေမဲ့ တုန်းဖန်းယွဲချူးဆိုတဲ့လူသားလေးကိုတော့ လူဆိုးကြီးလက်ထဲကနေ ကယ်ခဲ့ပြီးတော့ ထူရှန်းဟုန်ဟုန်က သူနဲ့အတူ ထူရှန်းတောအုပ်မှာလိုက်နေစေခဲ့ပါတယ် ။ နှစ်ပေါင်းများစွာကြာပြီးတဲ့နောက်မှာ မမြင်နိုင်တဲ့အန္တာရာယ်တစ်ခုကလည်း ထူရှန်းမျိုးနွယ်ဆီချဉ်းကပ်လာခဲ့ပြီး ပြဿနာတွေအစပျိုးလာခဲ့တဲ့အချိန် အရွယ်ရောက်နေပြီဖြစ်တဲ့ တုန်းဖုန်းယွဲချူးတစ်ယောက် သူ့ရဲ့နတ်သမီးမမကိုဘယ်လိုပြန်ပြီး‌ေတာ့ကာကွယ်သွားမလဲ ? ဘယ်လိုမေတ္တာသက်ဝင်သွားမလဲဆိုတာကို စိတ်ဝင်စားဖွယ် လှလှပပCGI တွေနဲ့အတူ ရှုစားရမှာဖြစ်လို အဆုံးထိလိုက်ပါစောင့်ကြည့်ဖိုတိုက်တွန်းလိုက်ပါရစေ‌ရှင် ။ Quality : WEB-DL 1080p , 720p Total Episodes : 38 Format : mp4 Genres : Romance, Drama, Wuxia, Fantasy Runtime : 45 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyo Encoded by LK

အားလုံးရဲ့ အချစ်တော် ပူတင်းတုံးလေး Yu Shuxin နဲ့ ကိုကို Xu Kai တို့ရဲ့ Chinese Paladin 6： Sword and Fairy ကို ဒီနေ့ စကြည့်ရပါပြီနော် ယွဲ့ကျင်းကျောင်း နဲ့ ယွဲ့ချီတို့ ၂ ယောက်ဟာ ဝူးယန်ရွာလေးမှာ ၃ နှစ်တာလုံး တစ်ယောက်ကိုတစ်ယောက်အဖော်ပြုပြီး နေလာခဲ့ကြရင်း တစ်ယောက်အပေါ်တစ်ယောက် ထူးဆန်းတဲ့ ခံစားချက်မျိုးရှိပေမဲ့ သူတို့ရဲ့နောက်ကြောင်းနဲ့ ပတ်သက်ပြီး တစ်ခုမှ မမှတ်မိခဲ့ကြတာကြောင့် သူတို့ရဲ့နောက်ကြောင်းနဲ့ ပတ်သက်တဲ့ မှတ်ဉာဏ်တွေကို ရှာဖွေဖို့ ခရီးထွက်လာခဲ့ပါတယ် ၂ ယောက်လုံးဟာ လမ်းခရီးမှာ ချီယွမ်သူတော်စင်ဂိုဏ်းရဲ့ အရှုပ်အထွေးတွေနဲ့ လော့အိမ်တော်ခံတပ်ရဲ့ သွေးနဲ့ယဇ်ပူဇော်မှုလို ထူးဆန်းတဲ့ ကိစ္စတွေကြားထဲမှာ ပါဝင် ပတ်သက်မိသွားသလို သူတော်စင်ဂိုဏ်းနဲ့ အတိုက်အခံဖြစ်နေတဲ့ကာလမှာ ယွဲ့ချီရဲ့ မှတ်ဉာဏ်တွေနဲ့ ခံစားချက်တွေကိုကို ချိတ်ပိတ်ထားတာ ပြန်ပွင့်သွားခဲ့ပါတယ်။ အဲဒီနောက်မှာတော့ လော့အိမ်တော်က လော့ကျားပေါင်နဲ့ လော့ကျောက်ယန်တို့ အမြွှာ ၂ ယောက်ရယ်၊ နှစ်တစ်ထောင်ဝံပုလွေမိစ္ဆာရှန်ချင်းအပြင် ကုဟန့်ကျန်းနဲ့မင်ရှို့တို့ ဆရာတပည့်နဲ့အတူ သိုင်းလောကထဲက အရှုပ်အထွေးတွေကို ဘယ်လို‌ဖြေရှင်းကြမလဲ မှတ်ဉာဏ်တွေ ပြန်ရလာတဲ့အခါ ယွဲ့ကျင်းကျောင်းနဲ့ ယွဲ့ချီတို့ရဲ့ သရုပ်မှန်ကရော ဘယ်သူတွေ ဖြစ်နေမလဲ ယွဲ့ချီအမြဲတမ်းအိပ်မက်မက်နေတဲ့ အိပ်မက်ထဲမှာ မျက်နှာမမြင်ရတဲ့ သူ့ဆရာကရော ဘယ်သူလဲဆိုတာ ဒီဇာတ်လမ်းတွဲလေးမှာ အားပေးကြပါဦး ဂိမ်းလောကမှာ နာမည်အကြီးဆုံး The Legend of Sword and Fairy ဆိုတဲ့ ဂိမ်းကို အခြေခံပြီးရိုက်ကူးထားတာမို့ ရှေ့မှာထွက်ခဲ့တဲ့ Chinese Paladin 1,3,5 တုန်းကလိုပဲ ပရိသတ်ကြီး အကြိုက်တွေ့မှာ သေချာပါတယ် Quality : WEB-DL 4K , 1080p , 720p Total Episodes : 36 Format : mp4 Genres : Drama , Romance , Fantasy Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By MeeMeeJueJue Encoded by LK

တရုတ်ပြည်ကြီးရဲ့ပြည်တွင်းစစ်တွေနဲ့ ရှုပ်ထွေးနေတဲ့ခေတ်မှာ အမြတ်ထုတ်ချင်ကြတဲ့ နိုင်ငံခြားသားတွေကအလုံးနဲ့အရင်းနဲ့ဝင်လာခဲ့တယ်။ ရှေးဟောင်းယဉ်ကျေးမှုအမွေအနှစ်တွေကိုကာကွယ်ဖို့အတွက် နိုင်ငံခြားသားတွေထပ်အရင် ရတနာတွေကိုရှာပြီးဖွက်ဖို့လူတစ်စုဟာကြံစည်ကြတယ်။ ဒါပေမယ့် ကံမကောင်းချင်တော့ ရှေးဟောင်းသုတေသနပါမောက္ခကြီးက ရှေးဟောင်းသင်္ချိုင်းကိုစွန့်စားရှာဖွေရင်း ထူးဆန်းရှားပါးတဲ့မြွေဆိပ်မိသွားခဲ့တယ်။ အဲဒါကြောင့် သူ့ရဲ့သမီးဖြစ်တဲ့သူက မြွေဆိပ်ဖြေဆေးကိုရှာဖွေကိုကြိုးစားတဲ့ဇာတ်လမ်းဖြစ်ပါတယ်။ အဆိပ်ကိုဖြေနိုင်ဖို့ မြွေဆိပ်ကိုဖန်တီးသူသာသိလိမ့်မယ်ဆိုပြီးတော့ မြွေတွေကိုထိန်းချုပ်ပြီးနာမည်ကြီးခဲ့တဲ့ ပင်လယ်ဓားပြကြီးရဲ့ ရှေးဟောင်းသင်္ချိုင်းမှာ မြွေဆိပ်ဖြေဆေးကိုရှာကြမယ့် စွန့်စားခန်းဟာ ဘယ်လိုအန္တရာယ်တွေနဲ့ပြည့်နေမလဲ...... ထောင်ချောက်တွေနဲ့ပြည့်နေတဲ့ ရှေးသင်္ချိုင်းကြီးထဲမှာ ဖြေဆေးဆိုတာရောရှိနိုင်ပါ့မလား...... Filesize : 3.56 GB / 1.46 GB / 769 MB Quality : WEB-DL 4K HEVC , 1080p HEVC , 720p HEVC Format : mkv Genres : Action , Thriller , Adventure Runtime : 1h 35 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဒီဇာတ်ကားလေးကတော့ တရုတ်ပြည်မှာနာမည်ကြီး တန်ခိုးကြီးနတ်မင်းတစ်ပါးဖြစ်တဲ့ယန်ကျန်နတ်မင်းရဲ့ လူ့ဘဝတုန်းကအကြောင်းလေးကိုပြန်လည်ရိုက်ကူးထားတာဖြစ်ပါတယ် ။ ဇာတ်လမ်းအညွှန်းလေးကတော့ : လူ့ပြည်မှာကောင်းကင်နဲ့မြေကြီးကိုတောင်ခွဲနိုင်တယ်ဆိုတဲ့ ဖန့်ကူပုဆိန်တစ်လက်ရှိပါတယ် ။ အဲဒီပုဆိန်က ကောင်းတဲ့လူ လက်ထဲရောက်ရင်တော့ လောကသားတွေအတွက် အကျိုးရှိမှာဖြစ်ပြီးတော့ မကောင်းတဲ့သူရဲ့လက်ထဲမှာဆိုရင်တော့ တော်တော်လေး ဒုက္ခများစေမဲ့အရာလည်းဖြစ်ပါတယ် ။ အဲဒါကြောင့် အဲဒီဖန့်ကူပုစိန်ထဲက ဖန့်ကူနှလုံးကို နတ်မင်းကြီးဖုရှီးက ထုတ်ယူပြီးတော့ မျိုးနွယ်စုနှစ်ခုကိုကာကွယ်စောင့်ရှောက်စေခဲ့ပါတယ် ။ နှစ်ပေါင်းများစွာကြာပြီးတဲ့နောက်မှာ ယန်ကျန်ဟာ သူတို့ကျင်းရှားဂူမှာအတော်ဆုံးတပည့်လည်းဖြစ် ဆရာဖြစ်တဲ့သူကလည်း သူ့ကိုယုံကြည်တာမို့ ဆရာတံခါးပိတ်မကျင့်ကြံခင်မှာ သူ့ကို ဓားစံအိမ်ကဖန့်ရှင်းနှလုံးကိုကြည့်ရှု‌ကာကွယ်ထားဖို့တာဝန်တစ်ခုပေးခဲ့ပါတယ် ။ ကိုယ့်ကိုယ်ကိုယ်အထင်ကြီးလွန်းတဲ့ယန်ကျန်ဟာ သတိလက်လွတ်နေရင်းနဲ့ ဖန့်ကူနှလုံးဟာလည်း အခိုးခံလိုက်ရပါတော့တယ် ။ အပြစ်ရှိစိတ်နဲ့ယန်ကျန်ဟာ သူ့တာဝန်သူကျေပွန်စေရမယ်ဆိုပြီး ဖန့်ကူနှလုံးကိုခိုးသွားတဲ့သူနောက်ကိုလိုက်ရင်းနဲ့ သူ့ရဲ့စွန့်စားခန်းစာတင်ခဲ့ပါတော့တယ် ။ Quality : WEB-DL 1080p , 720p Format : mp4 Genres : History , Fantasy Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyoe Encoded by LK

ဒီတစ်ခါမှာတော့ CM ကနေတင်ဆက်ပေးမှာကတော့ မကောင်းဆိုးဝါးနဲ့အမတမျိုးနွယ်ကြားက အချစ်ဇာတ်လမ်းလေးပဲဖြစ်ပါတယ် ဇာတ်လမ်းလေးကတော့ မကောင်းဆိုးဝါးတွေကို နှိမ်နင်းရတဲ့ အမတဂိုဏ်းက ထက်မြတ်တဲ့ တပည့် မုချင်းတစ်ယောက် ဆရာအတူ တစ်ဖန်ပြန်ပေါ်ထွက်လာတော့မယ့် မ‌ကောင်းဆိုးဝါးဘုရင်ပိုင်ကျယ်ကို ချိတ်ပိတ်ဖို့ ချင်းလွမ်မှန်အပိုင်းအစကိုလိုက်ရှာဖို့ တာဝန်ပေးခံခဲ့ရတဲ့ မုချင်းတစ်ယောက် မကောင်းဆိုးဝါး နယ်မြေဖြစ်တဲ့ ပန့်ပုသောကို ရောက်ရှိလာခဲ့ပါတယ် တကယ့်ကိုမှ ပြင်းထန်ပြီးစိတ်လှုပ်ရှားဖွယ် အချစ်တစ်ခုနဲ့ထိတွေ့ချင်နေတဲ့ စိတ်ကောင်းရှိတဲ့ ကြောင်မကောင်းဆိုးဝါးမလေးကျောင်းယန်ကတော့ ပန့်ပုသောရဲ့တန်ကျင်တောင်မှာ နေထိုင်လာတာ နှစ်ရာချီနေခဲ့ပါပြီ မကောင်းဆိုးဝါးမှန်သမျှဟာ လူ့လောကကို တစ်ချိန်ချိန်မှာဒုက္ခပေးမယ်ဆိုတဲ့ အသိကိုရိုက်သွင်းခံထားရတဲ့ မုချင်းတစ်ယောက် စိတ်ကောင်းရှိပြီး ကူညီပေးတတ်တဲ့ မကောင်းဆိုးဝါးမလေးကျောင်းယန်နဲ့ဆုံတွေ့ပြီးနောက်မှာတော့ အမတမျိုးနွယ်နဲ့ မကောင်းဆိုးဝါးမလေးတို့ကြားမှာ အချစ်စစ်တစ်ခု ပေါက်ဖွားလာခဲ့ပါတယ် အမတမျိုးနွယ်နဲ့မကောင်းဆိုးဝါးမျိုးနွယ်ဆိုတာ သူသေကိုယ်သေတိုက်ပွဲဖြစ်ဖို့ပဲ အလားအလာရှိနေတာဆိုတော့ သူတို့နှစ်ယောက်ရဲ့ အချစ်ခရီးလမ်းဘယ်လိုတွေဖြစ်လာမှာလဲ လောကမှာ ကောင်းတဲ့သူနဲ့မကောင်းတဲ့သူပဲရှိတာမို့လို့ ဒီလိုတစ်ယူသန်အတွေးတွေကြောင့် ဘယ်လိုဒုက္ခတွေနဲ့ရင်ဆိုင်ရမှာလဲဆိုတာကိုတော့ ဒီကားလေးမှာ ကြည့်ရှုလို့ရပါတယ်နော် Quality : WEB-DL 1080p , 720p Format : mp4 Genres : Romance , Fantasy , Drama Runtime : 1h 33 min Subtitle : Myanmar Subtitle ( Hardsub ) Translated by CM Team Reviewed By Kyawt Encoded by LK

ရှူရှန်းဂိုဏ်းဟာ လူ့ပြည်မှာ ပုန်းအောင်းနေတဲ့ မိစ္ဆာတွေကို လိုက်လံနှိမ်နင်းတဲ့ ဂိုဏ်းဖြစ်ပါတယ်။ ရှူရှန်းဂိုဏ်းက နင်အဆင့်တပည့် စီးထူကျုံးဟာ ထူးခြားတဲ့သွေးစီးဆင်းနေတဲ့အတွက် အရက်မသောက်ရရင်မူးနေတက်ပြီး အရက်သောက်ရမှ နိုးကြားနေတတ်သူ ဖြစ်ပါတယ်။ စီးထူကျုံးဟာ သိုင်းပညာမှာ ကျွမ်းကျင်ပေမဲ့ လွတ်လပ်ခြင်းကို နှစ်သက်သူ ဖြစ်တဲ့အတွက် ဂိုဏ်းစည်းကမ်းတွေကို မလိုက်နာပဲ အကြီးအကဲတွေအတွက် ခေါင်းကိုက်စရာတပည့်တစ်ယောက် ဖြစ်ပါတယ်။ တစ်နေ့မှာ ယုန်မိစ္ဆာမလေး ဖုန်းရှောင်ရွှိနဲ့ တွေ့ဆုံခဲ့ပြီး သူ့စိတ်ထဲမှာ ဖုန်းရှောင်ရွှိကို ရင်းနှီးနေသလို ခံစားနေရပါတယ်။ ဖုန်းရှောင်ရွှိကလည်း သူ့ကိုယ်သူ လွန်ခဲ့တဲ့ ၃ နှစ်ခန့်က စီးထူကျုံးရဲ့ချစ်သူဖုန်းရှောင်ရှန်းရဲ့ ညီမလေးဖြစ်ကြောင်း ပြောပြခဲ့ပါတယ်။ နောက်နေ့မှာ ဖုန်းရှောင်ရွှိကို ဆရာဦးလေးက ရှူရှန်ကို ဖမ်းဆီးခေါ်ဆောင်ခဲ့ပြီး ဖုန်းရှောင်ရွှိကနေပြီးတော့ သူ့ဂိုဏ်းတူညီလေး နန်ကုန်းဟွမ်ဟာ ဝံပုလွေမိစ္ဆာဖြစ်ကြောင်း ဖော်ထုတ်ခဲ့ပါတယ်။ နန်ကုန်းဟွမ်ကို ကာကွယ်ပေးဖို့အတွက် စီးထူကျုံးတို့တစ်တွေ ရှူရှန်းမှ ထွက်ပြေးခဲ့ပြီး ယွိကျိုးမြို့ကို ရောက်ရှိလာပါတယ်။ သူတို့တစ်တွေ ရှူရှန်းဂိုဏ်းရဲ့ လိုက်လံဖမ်းဆီးခြင်းက လွတ်မြောက်နိုင်ပါ့မလား...... ဖုန်းရှောင်ရွှိကရော ဘာအတွက် စီးထူကျုံးကို လာရောက်ချဉ်းကပ်နေတာလဲ...... စီးထူကျုံးရဲ့ ထူးခြားတဲ့ သွေးမျိုးရိုးကရော ဘယ်က ဖြစ်လာတာလဲ...... ဆိုတာကို ရုပ်ရှင်နဲ့အတူ ခံစားကြည့်ရှုလိုက်ရအောင်နော်။ Quality : WEB-DL 1080p , 720p Format : mp4 Genres : Action , Fantasy Runtime : 1h 32 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

ဒီတစ်ခေါက် CM ပရိတ်သတ်ကြီးအတွက်တင်ဆက်ပေးမဲ့ ကားလေးကတော့ ကျော်ကြားသော ဥပဒေကျောင်းမှ ကျောင်းသူ ရှေ့နေမလေး အန်းနီရဲ့ ဇာတ်လမ်းကို သည်းထိတ်ရင်ဖို စိတ်ဝင်စားဖွယ်ရိုက်ပြထားတဲ့ ရှေ့နေစုံထောက်ကားလေးပဲဖြစ်ပါတယ် ဒီဇာတ်ကားရဲ့အကြောင်းအရာကတော့ အောင်မြင်ကျော်ကြားတဲ့ ရှေ့နေမလေး အန်းနီဟာ ကျန်းချိန်စုံစမ်းစစ်ဆေးရေးရှေ့နေဌာနသို ဝင်ရောက်ခဲ့ပြီးတဲ့နောက် ခက်ခဲနက်နဲသော ရာဇဝတ်မှုများစွာကို ရင်ဆိုင်ခဲ့ရပြီး မှုခင်းရဲတပ်ဖွဲမှူး ဟယ်လုယွမ်နှင့် ပူးပေါင်းကာ အမျိုးမျိုးသောတရားစွဲဆိုမှုလုပ်ငန်းများကို ပြောင်မြောက်စွာ တာဝန်ယူဆောင်ရွက်နိုင်ခဲ့ပါတယ်။ အန်းနီဟာ စုံစမ်းစစ်ဆေးရေးရှေ့နေဌာနတွင် တာဝန်ထမ်းဆောင်နေချိန်မှာပဲ လျှိဝှက်ဆန်းကြယ်သော စတုတ္ထအစိုးရရှေ့နေဌာနသို တာဝန်ပေးအပ်ခံရပြီး ခက်ခဲသော ဆိုက်ဘာရာဇ၀တ်မှုအသစ်များစွာကို ရင်ဆိုင်ခဲ့ရပြန်တယ်။ သူမနှင့် သူမရဲ့ လုပ်ဖော်ကိုင်ဖက်တွေဟာ ပြစ်မှုဆိုင်ရာ သဲလွန်စများကို ဖော်ထုတ်ခဲ့ကြပြီး မှုခင်းရဲမှူး ဟယ်လုယွမ်ရဲ့ ပူးပေါင်းဆောင်ရွက်မှုဖြင့် နယ်စပ်ဖြတ်ကျော် အမှန်တရားကို ခြေရာခံရှာဖွေခဲ့ကြရာမှ နောက်ဆုံးမှာ ရှာဖွေဖော်ထုတ်နိုင်ခဲ့ကြပါတယ်။ သံသယရှိသူ၊ တရားခံတွေကို တစ်ဦးပြီးတစ်ဦး ဘယ်လိုဖမ်းဆီး တရားစီရင်သွားမလဲဆိုတာကိုတော့ CM ပရိတ်သတ်ကြီးအနေနဲ့ ဇာတ်လမ်းလေးထဲ စိတ်ဝင်စားဖွယ် ဆက်လက်ကြည့်ရှုရမှာပဲဖြစ်ပါတယ် ဒီဇာတ်လမ်းလေးထဲမှာ အန်းနီအဖြစ် နာမည်ကြီးမင်းသမီး Dilireba နဲ့ မှုခင်းရဲမှူးဟယ်လုယွမ်အဖြစ် Tong Da Wei တိုမှပါဝင်သရုပ်ဆောင်ထားပါတယ်။ (အညွှန်းရေးသားထားသူကတော့ Myat Thandar Minn ဖြစ်ပါတယ်) Quality : WEB-DL 1080p Total Episodes : 40 Format : mp4 Genres : Mystery, Law, Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

CM ပရိသတ်ကြီးတို့နဲ့ ရင်းနှီးနေပြီးသား မင်းသားဖြစ်တဲ့ Xiao Zhan ရဲ့ ရှန်းရှကားအသစ်လေးနဲ့ မိတ်ဆက်ပေးချင်ပါတယ်။ ဒီဇာတ်လမ်းမှာတော့ မင်းသား Xiao Zhan နဲ့ မင်းသမီး Ren Min တို့က အဓိကသရုပ်ဆောင်တွေအဖြစ် ပါဝင်ထားပါတယ်။ ဇာတ်လမ်းအကျဉ်းကိုပြောပြရရင် ရှေးအခါတုန်းက ခုံစမ်းနိုင်ငံမှာ အေးဆေးတည်ငြိမ်တဲ့ ခုံစန်းမင်းသား ရှစ်ယင် (Xiao Zhan )နဲ့ ရိုးသားချောမောတဲ့ ချီကျူးမင်းသမီးလေး ကျူးယန် ( Ren Min ) တို့ရှိပါတယ် သူတို့၂ယောက်မှာ အတိတ်ဘဝ က ကြိုတင်သတ်မှတ်ထားတဲ့ တွေ့ဆုံရမယ့် ကံကြမ္မာတစ်ခုရှိပေမယ့်လည်း ဒီဘဝမှာတော့ လွဲမှားမှုတစ်ခုကြောင့် သူတို့ဟာ ၃ နှစ်တိုင်တိုင် ဆရာနဲ့ တပည့်ဖြစ်လာခဲ့ပါတယ်။ ရှစ်ယင်က ကျူးယန်ကို မြင်မြင်ချင်း ချစ်မိသွားခဲ့တာပါ။ ကျူးယန် ၁၃ နှစ်အရွယ်မှာ ရှစ်ယင်က ကျူးယန်ကို ကျိုးယိတောင်ကို လွှတ်လိုက်ပြီးတော့ သူ့ကို ကျောက်စိမ်းအရိုး ပေးခဲ့ပါတယ်။ ကျောက်စိမ်းအရိုးဆိုတာ ခုံစန်းဧကရာဇ်တွေက သတို့သမီးတွေကို ပေးလေ့ရှိတဲ့ လက်ဆောင်ပဏ္ဍာတစ်ခုပါ။ တချိန်မှာ မိစ္ဆာတွေထကြွလာတဲ့အခါ ခုံစန်းနိုင်ငံဟာ အန္တရာယ်ကျရောက်လာခဲ့တယ်။ ကျူးယန်နဲ့အတူ ကြီးပြင်းလာခဲ့တဲ့ ကျစ်ယွမ်ကို ပင်လယ်ဧကရာဇ်လို့ ရှစ်ယင်က အထင်မှားသွားခဲ့ပြီးတော့ ကျစ်ယွမ်ကို ပိတ်လှောင်ခဲ့ပါတယ်။ ဒီလုပ်ရပ်ဟာ ရှစ်ယင်နဲ့ ကျူးယန်ကြား သဘောထားကွဲလွဲမှုကို ဖြစ်သွားစေခဲ့တယ်။ ထွက်ပေါ်ထားတဲ့ ကြိုဟောနိမိတ်စကားအရ ကျူးယန်က ရှစ်ယင်ကို သူပေးထားတဲ့ ကျောက်စိမ်းအရိုးနဲ့ထိုးပြီး သတ်ပစ်မယ်ဆိုတဲ့ ဟောကိန်းလေး တခုရှိပါသေးတယ် ဒါဆိုရင် ဒီကြိုဟောနိမိတ်က တကယ်ပဲဖြစ်လာမလား၊ ရှစ်ယင်နဲ့ ကျူးယန်တို့ကရော ဒီဘဝမှာ ပေါင်းစည်းနိုင်ပါ့မလား ဆိုတာကိုတော့ ဒီဇာတ်ကားထဲမှာ ခံစားချက်မျိုးစုံနဲ့ ကြည့်ရှုရမှာ ဖြစ်ပါတယ်။ Quality : WEB-DL 1080p Total Episodes : 40 Format : mp4 Genres : Romance , Fantasy , Drama Runtime : 45 min Subtitle : Myanmar Subtitle ( Hardsub ) Translated by CM Team Reviewed By Htet Nyein Khant Encoded by LK

Tale of the Mural (2023) ဒီတရုတ်ကားကတော့ ကြည့်ကောင်းပါတယ်။ ဘုရားစူး တကယ်ကြည့်ကောင်းပါတယ်။ အဓိကကတော့ မင်းသမီးတွေလှသလို ဖမ်းစားတဲ့အခန်းတွေလည်း ပါသကိုး။ ဇာတ်ကတော့  နာမည်ကျော်  Chinese Ghost Storyလို အမျိုးအစားမျိုးပဲ။ မမြင်အပ်ဘဝတွေနဲ့ လူသားတွေ ချစ်ကြိုးသွယ်တဲ့ အကြောင်းပေါ့။ ဒါပေမဲ့ သူကနည်းနည်းလေးတော့ ဇာတ်အိမ်က ကွန့်ထားတယ်။ဇာမဏီနတ်ဘုရားမနဲ့ စာကလေးမိစ္ဆာမ ထိပ်တိုက်ရင်ဆိုင်တိုက်ခိုက်ရင်း အပယ်ဘုံတံခါးကို စာကလေးမိစ္ဆာမက ဖွင့်လိုက်တဲ့နောက် ဇာမဏီနတ်ဘုရားမက သူ့ကိုယ်သူပါ နံရံဆေးရေးပန်းချီကားထဲ ချိပ်ပိတ်ခံပြီး မိစ္ဆာတွေကို တားဖို့စတေးခဲ့တယ်။  ဒီလိုနဲ့ အပြင်လောကမှာ သူ့စွမ်းအားတွေ ကိန်းဝပ်နေတဲ့ အတောင်တစ်ချောင်းကို ကျကျန်ခဲ့ပြီး သူ့ကိုယ်သူ  ပန်းချီကားထဲ ချိပ်ပိတ်မိသွားခဲ့တယ်။ ဒီလိုနဲ့ အနှစ်နှစ်ဆယ်ကျော်ကြာတဲ့အထိ ဒီပန်းချီကားထဲကနေ ဘယ်သူမှမထွက်နိုင်ခဲ့ဘူး။ ဒါပေမဲ့ ဒီကာလတွေမှာ မိစ္ဆာမဟာ လူသားယောက်ျားတွေကို တစ္ဆေမတွေကိုသုံးပြီး ဖျားယောင်းပြီး အသက်ဓာတ်စုပ်ရင်း ဒီပန်းချီကားထဲကနေ ထွက်ဖို့အားဖြည့်နေခဲ့တယ်။ ဒီလိုနဲ့ တစ်နေ့မှာ ဇာမဏီနတ်ဘုရားမရဲ့ အတောင်ကိုပိုင်ထားတဲ့ ပန်းချီဆရာလူသားဟာ  ပန်းချီကိုလေ့လာဖို့လာရင်း ပန်းချီကားနောက်က လောကထဲရောက်လာတဲ့အခါ မိစ္ဆာမ ဇာမဏီနတ်ဘုရားမနဲ့ လူသားကြား  ဘာတွေဖြစ်လာမလဲ ကြည့်ကြရမှာပါ။ ဇာတ်က ကြည့်တော့ကောင်းနေသလို မင်းသမီးကလည်း ဆွဲဆောင်မှုအပြည့်ရှိနေတော့ ကြည့်ရတော်တော်လေးတန်တဲ့ ရုပ်ရှင်ပါပဲ။ မြင်နေကျ ဒီလိုကားတစ်ချို့လောက်တော့ မဆိုးရွားပါဘူး။ ပြောရရင် ဒီကရတဲ့အငွေ့အသက်က ဝူခုန်းထဲ ဆရာတော် ဥဒေါင်းမနဲ့ တွေ့တဲ့အခန်းလိုပါပဲ။ စစအဖွင့်က ဥဒေါင်းမရဲ့ အလှက အဲဒီဝူခုန်းစီးရီးတစ်လျှောက်ထဲ စိတ်ထဲ အစွဲထင်ဆုံးကျန်ခဲ့တဲ့အထိ ညှို့ဓာတ်ကောင်းပါတယ်။ ဒီမှာတော့ ဇာမဏီမနဲ့ လူသားကြားက အချစ်ဇာတ်ပေါ့။ ဇာတ်အိမ်ကလည်း အတော်အတန်တော့ ကောင်းနေတော့ အကောင်းစားမဟုတ်တောင် အချိန်ပေးရတန်မှာပါပဲ။   ( ဘာသာပြန်ပြီး အညွှန်းရေးသားထားသူကတော့ W ပါ ) File size_(1.3GB)/(750MB) Quality_Blu-Ray 1080p / 720p Format_mp4 Duration_01:20:00 Genre_Drama, Fantasy Subtitle_Myanmar Subtitle (Hardsub) Encoder_a hao Translated by W

ဖူရွှိန်မြို့တော်မှာ ပျံ့နေတဲ့ ထူးဆန်းတဲ့အကြောင်းတစ်ခုကို စုံစမ်းဖို့ သတင်းသမားလုရှောင်ရှန်းဟာ စက္ကူအရုပ်ဆိုင်လေးတစ်ဆိုင်ကို ရောက်လာပါတယ်။ ဒီကိစ္စရဲ့အစက လွန်ခဲ့တဲ့ အနှစ်နှစ်ဆယ်ခန့်က ချောင်အိမ်တော်ရဲ့ မမလေးချောင်ယွမ်ယွမ် သေဆုံးခဲ့တာနဲ့ ဆက်နွယ်နေတယ်။ အဲဒီအချိန်က ချောင်အိမ်တော်ရဲ့ အိမ်တော်ထိန်းဟာ ချောင်ယွမ်ယွမ်ကို သင်္ဂြိုဟ်ဖို့အတွက် ဆိုင်ပိုင်ရှင်လျိုစန်းကို စက္ကူရုပ်တစ်ရုပ် လုပ်ခိုင်းခဲ့ပါတယ်။ လျိုစန်းက အရုပ်မှာ မျက်လုံးတပ်ပေးလိုက်တဲ့အခါ ချောင်အိမ်တော်သခင်ကြီးကို လက်စားချေဖို့ ကြောက်စရာကိစ္စတွေ ဖြစ်လာခဲ့တယ်။ သရဲတစ္ဆေနဲ့ပတ်သက်ရင် အယူမသီးတဲ့ လုရှောင်ရှန်းက ဒီအမှုကို ဆက်စုံစမ်းနေပါတယ်။ လွန်ခဲ့တဲ့နှစ်တွေက အဖြစ်အပျက်နဲ့ စက္ကူရုပ်ကြားမှာ ဘယ်လိုအမှန်တရား ဖုံးကွယ်နေသလဲဆိုတာ သူရှာဖွေနိုင်ပါ့မလား။

တိုင်းပြည် ကမောက်ကမဖြစ်တဲ့အချိန် အခြေအနေကို ထိန်းချုပ်နိုင်ဖို့ အာဏာတည်တဲ့ ဓားရှည်တစ်ချောင်းကို ခေတ်အဆက်ဆက် ထိန်းသိမ်းလာကြပါတယ်။ ဒီဓားရဲ့အရှင်သခင်အဖြစ် ဆက်ခံမယ့်သူကိုလည်း စနစ်တကျ စစ်ဆေးရွေးချယ်ကြတာမို့ ဓားပိုင်ရှင်ဖြစ်ဖို့ မလွယ်ပါဘူး။ ယွီတရုန်ဆိုတဲ့ ကောင်လေးကတော့ စစ်ဆေးမှုအဆင့်ဆင့်ကို ဖြတ်ကျော်နိုင်ခဲ့ပြီး ဓားပိုင်ရှင်အသစ် ဖြစ်လာပါတယ်။ ဒါပေမယ့် ဓားကိုလိုချင်နေတဲ့ ဓားပြတွေနဲ့ ကျူးကျော်သူတွေကြောင့် ယွီတရုန်ဟာ သူတန်ဖိုးထားရသူတွေကို ဆုံးရှုံးရတယ်။ ဒီဓားနဲ့ပတ်သက်ပြီး လူအများအပြား သေကြေနေရတဲ့ကိစ္စကို ဓားပိုင်ရှင်အသစ် ယွီတရုန်တစ်ယောက် ဘယ်လိုဖြေရှင်းမလဲဆိုတဲ့ ဇာတ်လမ်းပါ။ သည်းထိတ်ရင်ဖို ဒရာမာအမျိုးအစားဖြစ်ပြီး ကြာချိန် တစ်နာရီ ဆယ်မိနစ်ရှိပါတယ်။

သင်္ချိုင်းဂူဖောက်တဲ့ လူတစ်စုဟာ ထန်မင်းဆက်ခေတ်က သင်္ချိုင်းတစ်ခုကို ဖောက်ထွင်းရင်း မဖွင့်သင့်တဲ့အခေါင်းတစ်ခုကို ဖွင့်မိသွားပါတယ်။ အဲဒီအခါ သင်္ချိုင်းထဲက အလောင်းတွေအားလုံး အသက်ဝင်လာကြတယ်။ သူတို့အဖွဲ့ ကံကောင်းလို့ အပြင်ကို ပြန်ထွက်လာနိုင်ခဲ့ပေမယ့် အဲဒီနောက်မှာ အဖွဲ့သားတွေ တစ်ယောက်ပြီးတစ်ယောက် ထူးထူးဆန်းဆန်း သေဆုံးလာကြပါတယ်။ ရဲအုပ်ရှန်ချွင်ဟယ်ကတော့ သူ့ဆရာသေဆုံးမှုအတွက် တစ္ဆေလက်လို့ခေါ်တဲ့ သင်္ချိုင်းဖောက်ထွင်းသူကို သုံးနှစ်ကြာ စုံစမ်းနေသူပါ။ သင်္ချိုင်းဖောက်ထွင်းသူတွေ ဆက်တိုက်သေဆုံးနေတဲ့အမှုကို သူ စုံစမ်းရတဲ့အခါ ဒီအမှုနဲ့ တစ္ဆေလက် ဆက်နွယ်နေကြောင်း သိလိုက်ရတယ်။ သူ့ဆရာသေဆုံးမှုအတွက် လိုက်ရှာနေသူနဲ့ အခုသေဆုံးမှုတွေကြား ဘာတွေရှိနေသလဲဆိုတာ ရှန်ချွင်ဟယ် ဆက်လက်ဖော်ထုတ်ရပါတော့တယ်။

အားလုံးမျှော်လင့်စောင့်စားနေတဲ့ကားလေး လာပါပြီနော် Ratingတွေအများကြီးနဲ့ ပရိတ်သတ်အသည်းကို သိမ်းသွားခဲ့တဲ့ love and redemption လေးကိုမှတ်မိကြတယ်မို့လား ဒီတစ်ခေါက်တော့ CMက ​အဲ့ဒီ ဇာတ်ကားလေးထဲက မင်းသား ယွီစီဖုန်းလေးနဲ့ မင်းသမီးရဲ့အမ ချူလင်းလုံတို့ အတူတွဲဖက်ပြီး ရိုက်ကူးထားတဲ့ကားလေးကို တင်ဆက်ပေးချင်ပါတယ် ဇာတ်ကြောင်းလေးကတော့... ထန်မင်းဆက်ရဲ့ ဝမ်ကျုံးမင်းခေတ်မှာ မိန်းမစိုးတွေဟာ မင်းကြီးထက်ပိုပြီး အာဏာကုန်ရထားကြပါတယ် အဲ့လို့ အာဏာလွှမ်းမိုးနေတာကို ကြည့်မနေနိုင်တဲ့ ဝမ်ကျုံးမင်းကြီးဟာ ဝန်ကြီးဝမ်ယန်နဲ့ ပူးပေါင်းပြီး မိန်းမစိုးခေါင်းဆောင် ချိုဇီလျန်ကို အကွက်ချဖို့စီစဉ်ပါတော့တယ် ဒါပေမဲ့ သူတို့ရဲ့ အကြံအစဉ်ဟာ အကြီးအကျယ်ရှုံးနိမ့်ပြီး ဝန်ကြီး ဝမ်ယန်တို့ အိမ်တော်တစ်ခုလုံးလည်း သေဒဏ်ချမှတ်ခံခဲ့ရပါတယ် ကံကောင်းထောက်မစွာ ဝမ်ယန်ရဲ့ မြေးအမွှာနှစ်ယောက်ကတော့ လွှတ်မြောက်သွားခဲ့ပါတယ် ဒါပေမဲ့လည်း ကံကြမ္မာကမျက်နှာသာမပေးဘဲ ညီအမနှစ်ယောက် ကွဲသွားရှာတော့တယ် သူတို့ညီအစ်မနှစ်ယောက်ထဲက အမကြီး ယွီပင်အာဟာ ဇီယီဌာနက မွေးစားခံခဲ့ရပြီး သွေးကြွေးပြန်ချေဖို့ ယန်ကျီလို့ နာမည်ပြောင်းကာ ချိုရှစ်လျန်ရဲ့ မွေးစားသမီးအဖြစ်ခံယူလိုက်ပါတယ် နောက် ခုနှစ်နှစ်ကြာပြီး မင်းကြီး လီယန် နန်းတတ်လာတဲ့အခါမှာတော့ လီယန်က ဇီယီဌာနကို သုံးပြီး ချိုရှစ်လျန်ကို ဆန့်ကျင်ဖို့ ကြံပါတော့တယ် အဲ့ဒီအချိန်မှာ အမွှာညီအမနှစ်ယောက် ရန်သူအဖြစ်နဲ့ ပြန်တွေ့ကြပြီး ဘယ်လိုကံကြမ္မာဆိုးတွေက သူတို့ညီအမနှစ်ယောက်ကြားကို ဝင်မွှေဦးမလဲဆိုတာ ဆက်လက်ကြည့်ရှုကြပါဦးနော် File Size – 350MB @Episode Quality – HDTV 720p Duration – 45 minute (@Episode) Total Episodes: 49 Subtitle – Myanmar Hardsub Format – Mp4 Genre :  Drama,Romance,Fantasy Translator – CM Team Encoder – LK

ဒီတစ်ခါမှာတော့ English ရုပ်ရှင် Skyline နဲ့ Korea ရုပ်ရှင် Train to Busan တို့ကိုပြန်အမှတ်ရစေမယ့် တရုတ် ဇွန်ဘီ ဖုတ်ကောင်ကားလေးတစ်ကားကို တင်ဆက်ပေးချင်ပါတယ်။ ဇာတ်လမ်းအကျဉ်း စကားမပြောတတ်တဲ့ သမီးဖြစ်သူအတွက် သမားတော်ဆီမှာ ဆေး၀ယ်ပြီး အိမ်ကိုပြန်လာတဲ့ အဖေနဲ့ ဦးလေး.. မြို့တစ်မြို့လုံးကိုမြူတွေဆိုင်းလာပြီး မြူခိုးထဲမှ မကောင်းဆိုးဝါး အငွေ့အသက်တွေကြောင့် ဖုတ်ကောင်ဖြစ်သွားကြတဲ့မြို့သူမြို့သားတွေကြားရောက်နေတဲ့သမီးကိုကယ်တင်ရတော့မယ့်အခါ.. မကောင်းဆိုးဝါးတွေရန်က ဘယ်လိုရုန်းထွက်မလဲ။ သမီးကိုရော ပြန်တွေ့နိုင်ပါ့မလားဆိုတာခံစားကြည့်ရင်း ရသမျိုးစုံခံစားရမယ့် ရုပ်ရှင်ကားကောင်းတစ်ကားပါပဲ။ တင်ဆက်ပုံတစ်မျိုးပေမယ့် Train to Busan ကော Skyline ကိုကော သတိရမိစေတဲ့ကားကောင်းတကားမို့ ရှုစားအားပေးကြည့်လိုက်ပါဦး။ (အညွှန်းနဲ့ ဘာသာပြန်ကတော့ SST ဖြစ်ပါတယ်။) File size…(999 MB)/(550 MB) Quality….WEB-DL 1080p / 720p Format…mp4 Duration….01:15:00 Subtitle….Myanmar Subtitle (Hardsub) Encoder….Ka Naung Translated by SST

၁၉၅၀ ခုနှစ် ဇွန်လမှာ စတင်ခဲ့တဲ့ ကိုရီးယားစစ်ပွဲကို နောက်ခံထားတဲ့ စစ်ကားပါ။ ဇာတ်လမ်းထဲမှာ အမေရိကန်ဦးဆောင်တဲ့ ကုလသမဂ္ဂတပ်ဖွဲ့တွေနဲ့ ပဋိပက္ခဖြစ်လာပြီးနောက် မော်စီတုန်းဦးဆောင်တဲ့ တရုတ်အရာရှိတွေက အမေရိကန်ကို တိုက်ခိုက်ပြီး ကိုရီးယားကို ကူညီဖို့ ကြေညာကြပါတယ်။ အဲဒီနောက် နှစ်နှစ်ကျော်ကြာ ဆင်နွှဲခဲ့ရတဲ့ စစ်ပွဲကို ဆက်လက်တင်ပြထားတယ်။ တိုက်ပွဲထဲ ကိုယ်တိုင်ရောက်နေသလို ခံစားရစေဖို့ စစ်မြေပြင်ရိုက်ကွက်တွေကို အသားပေးထားပါတယ်။

In the Heat of the Sun (1995) IMDb Rating (8.0) / Rotten Tomatoes (96%) တရုတ်ရုပ်ရှင်လောကရဲ့ ဂန္ထဝင်မြောက်တဲ့ ၁၉၉၀ ပြည့်လွန်နှစ်တွေရဲ့ အကောင်းဆုံး တရုတ်ရုပ်ရှင်စာရင်းဝင် ဖြစ်ပါတယ်။ နာမည်ကြီးဒါရိုက်တာ Jiang Wen က နိုင်ငံရေးနောက်ခံကို တိုက်ရိုက်မပြဘဲ လူငယ်တွေရဲ့ ရှုထောင့်ကနေ နူးညံ့စွာ တင်ဆက်သွားတာက တကယ့်ကိုသဘောကျဖို့ ကောင်းပါတယ်။ ဇာတ်လမ်းကတော့ ၁၉၇၀ ပြည့်လွန်နှစ်များ၊ တရုတ်နိုင်ငံရဲ့ Cultural Revolution (ယဉ်ကျေးမှုတော်လှန်ရေး) ကာလအတွင်းမှာ ဖြစ်ပွားခဲ့တာပါ။ ဥက္ကဌကြီးမော်စီတုန်း နိုင်ငံကို ဦးဆောင်ပြီး တံခါးပိတ်ဝါဒါကျင့်သုံးနေတဲ့အချိန်ပေါ့။ လူကြီးတွေက တော်လှန်ရေးအလုပ်တွေနဲ့ အလုပ်ရှုပ်နေကြချိန်မှာ ပေကျင်းမြို့က ဆယ်ကျော်သက် လူငယ်တစ်စုဟာ ကျောင်းပိတ်ရက်ရှည်ကြီးမှာ လွတ်လပ်စွာ ဆော့ကစားရင်း အချိန်ကုန်နေကြပါတယ်။ ဇာတ်လိုက်ကျော် Ma Xiaojun ဟာ သော့တုလုပ်တတ်တဲ့ ပညာနဲ့ သူများအိမ်တွေကို ခိုးဝင်လေ့ရှိပြီး တစ်နေ့မှာတော့ အိမ်တစ်အိမ်ထဲမှာ အရမ်းလှတဲ့မိန်းကလေးတစ်ယောက်ရဲ့ ဓာတ်ပုံကိုတွေ့သွားရာကနေ သူမအပေါ် စွဲလန်းသွားပါတော့တယ်။ ပူပြင်းတဲ့ နွေရာသီ နေရောင်အောက်မှာ သူငယ်ချင်းတွေကြားက ခိုင်မာတဲ့ သံယောဇဉ်၊ ပထမဆုံး အချစ်နဲ့စတင်ထိတွေ့မိတဲ့ စိတ်လှုပ်ရှားမှုနဲ့ရင်ခုန်သံတွေလူပျိုဖော်ဝင်စမှာ ကြုံတွေ့ရတဲ့ စိတ်ကူးယဉ်မှုတွေကို ရုပ်ရှင်ထဲမှာ အနုပညာမြောက်အောင် ရိုက်ပြထားပါတယ်။ ဆရာတက္ကသိုလ်ဘုန်းနိုင်ရဲ့ နာမည်ကျော်ဝတ္ထုတစ်အုပ်ဖြစ်တဲ့ "နွေကန္တာဦး" နဲ့ တော်တော်လေး ဆင်တူပြီး ကိုကိုမောင် ဇာတ်ကောင်ရဲ့ ပထမဆုံးအချစ်ဦးအပေါ် စွဲလန်းမှု၊ စိတ်ကူးယဉ်မှုတွေက ဒီရုပ်ရှင်ထဲက မင်းသား Ma Xiaojun ရဲ့ ခံစားချက်နဲ့ အရမ်းတူပါတယ်။ ပေကျင်းမြို့ကြီးရဲ့ ပူပြင်းတဲ့ နေရောင်အောက်က လွတ်လပ်တဲ့ လူပျိုဖော်ဝင်စ အမှတ်တရများလို့ခေါင်းစဉ်တပ်ရမယ့်ကားမျိုးဖြစ်ပြီး ဇာတ်ကားတစ်ကားလုံးကို ဝါကျင့်ကျင့် နေရောင်ခြည်အရောင်တွေနဲ့ ရိုက်ကူးထားလို့ အတိတ်ကို ပြန်သတိရစေတဲ့ ခံစားချက် (Nostalgia) ကို အပြည့်အဝ ပေးနိုင်ပြီး သေချာပေါက်ကြည့်သင့်တဲ့ ကားမျိုးပါပဲ။ File size… (2.5 GB) / (1.6 GB) Quality…. Blu-Ray 1080p HEVC / 720p Format…. mkv/mp4 Genre…. Drama,Romance Duration…. 02:20:47 Subtitle…. Myanmar Subtitle (Hardsub)