Han Yeri ပါဝင်သော ဇာတ်ကားများ

Doubt (2024) ဒီသည်းထိပ်ရင်ဖိုဖွယ်ရာ series လေးမှာတော့ Dr.Romantic မှ ဂင်ဆာဘူအဖြစ် လူသိများကြတဲ့ မင်းသားကြီး Han Suk Kyu နှင့်အတူ Sweet Home, Snow Dropစသည့် ဇာတ်လမ်းတွဲများ‌တွင် ပါဝင်ခဲ့ဖူးတဲ့ မင်းသမီးချောလေး Chae Won Binတို့က အဓိကဇာတ်ဆောင်များအဖြစ် ပါဝင်ထားကြပါတယ်။ ဇာတ်လမ်းအကျဥ်း.. ဂျန်ထယ်ဆူဟာ တရားခံများရဲ့ စရိုက်လက္ခဏာများကို အကဲခတ်လေ့လာပြီး အမှုမှန်ဖော်ထုတ်ရာတွင် နာမည်ကြီးတဲ့ ဆရာတစ်ဆူဖြစ်ပါတယ်။ အဲဒီလိုမျိုးရှားမှရှား မှုခင်းပညာရှင် ဂျန်ထယ်ဆူဟာ ရူပ်ထွေးပွေလီတဲ့ လူသတ်မှုတစ်ခုကို ကိုင်တွယ်ရန်ဖြစ်လာပါတော့တယ်။ သူ့မှာ မိခင်မေတ္တာငတ်နေတဲ့ ဂျန်ဟာဘင်းဆိုတဲ့ သမီးလေးတစ်ဦးရှိပြီး အဖေတစ်ခု သမီးတစ်ခုဖြတ်သန်းခဲ့ကြရပေမဲ့ ဒီအမှုမှာ သမီးဖြစ်သူ ပါဝင်နေကြောင်းသိလိုက်ရချိန်ကစလို့ အခြေအနေတွေဟာ ဗြောင်းဆန်ကုန်ပါတော့တယ်။ ဟာဘင်းက တကယ်ပဲ ဒီအမှုမှာ ပါဝင်ပက်သက်နေတာလား.. တရားခံကရော ဘယ်သူလဲ.. သမီးဖြစ်သူကိုရော ဘယ်လိုကာကွယ်ပေးသွားမလဲ.. စသည်ဖြင့် ဇာတ်လမ်းဇာတ်ကွက်စုံစုံကို နိမ့်ချည်တစ်လှည့် မြင့်ချည်တစ်ဖုံကို အပါတ်စဉ် သောကြာ စနေနေ့များတွင် စောင့်မျှော်ကြည့်ရူရမှာပဲ ဖြစ်ပါတယ်။ (အညွှန်းကိုတော့  Khin Ni မှ ရေးသား‌ထားပါတယ်။) Aired: Oct 11, 2024 - Nov 9, 2024 Aired On: Friday, Saturday Genres: Action, Thriller, Mystery, Psychological Episodes: 10 Original Network: MBC Translated by  Hnin Wai Oo, Stary, Khin Ni, Eric, Han & Htoo Pyae Encoded by Tiff

ဆန်းကြယ်တဲ့ကွင်းဆက်လူသတ်မှုနဲ့ သဘာဝမဆန်တဲ့အရာတွေကို ရှာဖွေသိရှိခဲ့ရတဲ့ ၁၉၉၉ ခုနှစ်က နယ်မြိုလေးတစ်ခုကို အခြေတည်ထားပါတယ် ၁၉၈၉ ခုနှစ်မှာ အကြမ်းဖက်သမား Jo Kyung Ho ဟာ ဂျပန်နိုင်ငံမှာ ပညာသင်ပြီးနောက် တောင်ကိုရီးယားနိုင်ငံကိုပြန်လာကာ သူ့ရဲ့မွေးရပ်မြေက ဘူတာရုံတစ်ခုမှာ Sarin gas ကို ထုတ်လွှတ်ကာ ခရီးသည်တွေကိုသေစေခဲ့တာကြောင့် ထောင်ဒဏ်တစ်သက်တစ်ကျွန်း ချမှတ်ခံခဲ့ရပါတယ် သူ့ရဲ့သမီးဖြစ်သူ Jo Jae Young ကိုတော့ ညီမဖြစ်သူ Jo Jung Hyun ဆီသိုလွှတ်ကာ နေထိုင်စေခဲ့ပါတယ် ဆယ်နှစ်ကြာပြီးတဲ့နောက် လူသတ်မှုဖြစ်တဲ့ဖြစ်တဲ့ နယ်မြိုလေးကို ရောက်ရှိလာတဲ့ စုံထောက် Choi Hyun ဟာ လူသတ်မှုတွေဟာ အကြမ်းဖက်သမားတွေနဲ့ တစ်နည်းနည်းပက်သက်နေတယ်လို သံသရှိနေခဲ့ပါတယ်......လွန်ခဲ့တဲ့ ၁၀ နှစ်က အကြမ်းဖက်သမားတွေရဲ့ရန်ကနေ ဇနီးသည်ကို မကာကွယ်နိုင်တာကြောင့် အပြစ်ရှိစိတ်ဖြစိနေတဲ့ Choi Hyun ဟာ Jung Hyun ရဲ့တူမဖြစ်သူ ပျောက်ဆုံးသွားရာက အမှုကို စတင်စုံစမ်းခဲ့ပါတော့တယ် Jung Hyun တစ်ယောက် အခက်အခဲတွေနဲ့ ရင်ဆိုင်ကြုံတွေ့နေရချိန် Choi Hyun နဲ့လက်တွဲကာ အမှန်တရားကို ရှာဖွေဖိုကြိုးစားရင်း ဘယ်လိုဆန်းကြယ်တဲ့အမှုတွေ အံ့ဩထိတ်လန့်မှုတွေ ကြုံတွေ့ရဦးမလဲဆိုတာကိုတော့...... အပတ်စဥ် ဗုဒ္ဓဟူးနေ့နဲ့ ကြာသပတေးနေ့တွေမှာ ထုတ်လွှင့်ပြသသွားမယ့် ဒီကားလေးမှာ စောင့်ကြည့်နိုင်ပါတယ်အပိုင်းကတော့ ၁၂ ပိုင်းပါဝင်မှာဖြစ်ပါတယ် Quality : HDTV 720p Format : mp4 Total Episodes : 12 Genres : Thriller , Mystery , Horror , Drama Subtitle : Myanmar Subtitle ( Hardsub ) Translated By Shoon & Lwin & Khine & Khaing & Yamin Encoded By LK

Secret Zoo (2020) အခုတစ်ခေါက်မှာတော့ အတည်ပေါက်ကြီးနဲ့ ရယ်ရမဲ့ Secret Zoo ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ် .. သရုပ်ဆောင်တွေနဲ့ မင်းသား Ahn Jae Hong, မင်းသမီး Kang So Ra, မင်းသားကြီး Park Young Gyu, မင်းသား Kim Sung Oh, မင်းသမီး Jeon Yeo Been တို့နဲ့အတူ အခြား နာမည်ကြီး သရုပ်ဆောင်ပေါင်းများစွာ ပါဝင်ထားပါတယ် .. ဇာတ်လမ်းအညွှန်း ဇာတ်လမ်းအကြောင်းအရာလေးကတော့ ရှေ့နေတစ်ယောက်ဖြစ်သူ ဂန်ထယ်ဆူ(Ahn Jae Hong)က ရှေ့နေအဖွဲ့အစည်းကြီးတစ်ခုဖြစ်တဲ့ JH မှာ တရားဝင်ဝန်ထမ်းဖြစ်ဖို့ အမြဲအိမ်မက်နေခဲ့သူပါ။ တစ်နေ့တော့ သူ့အတွက် တရားဝင်ဝန်ထမ်းဖြစ်ဖို့ အခွင့်အရေးတစ်ခုကလည်း ကျရောက်လာပါတယ်။ အဲဒါကတော့ အကြွေးနဲ့သိမ်းခံရတော့မယ့် .. နိုင်ငံခြားက ဝယ်ယူထားတဲ့တိရိစ္ဆာန်ရုံတစ်ခုကို ဦးစီးပေးဖို့ ကုမ္ပဏီက စေခိုင်းခဲ့ပါတယ်။ ကြည့်ရင်တော့လွယ်တယ်ထင်ရပေမယ့် တကယ်သွားကြည့်တဲ့အခါမှာတော့ ထူးခြားတာက အဲဒီတိရိစ္ဆာန်ရုံမှာ ပြစားလို့ရတဲ့ တိရိစ္ဆာန် တစ်ကောင်မှ မရှိတာပါပဲ။ ကျန်တဲ့ အသေးအမွှား တိရိစ္ဆာန်လေးတွေပဲ ကျန်ခဲ့ပြီး တခြား တန်ဖိုးကြီးတိရိစ္ဆာန်တွေက အကြွေးကြောင့် ရောင်းစားခံလိုက်ရတဲ့ အခြေအနေပါ။ အဲဒီလို ပြစားစရာတိရိစ္ဆာန်တောင်မရှိတဲ့ တိရိစ္ဆာန်ရုံကြီးကို ဂန်ထယ်ဆူကို ၃လအတွင်း ဦးစီးပြီး အကြွေး သိန်းတစ်သောင်းကို JH က ဆပ်ခိုင်းထားပါတယ်။ ဒီတော့ အကြွေးဆပ်ဖို့အတွက် ရှိသမျှ အကြံထုတ်ရပါတော့တယ်။ ဂန်းထယ်ဆူတစ်ယောက် တိရိစ္ဆာန်ကြီးတစ်ကောင်မှ မရှိတဲ့ တိရိစ္ဆာန်ရုံကြီးကို ဘယ်လိုလည်ပတ်အောင် လုပ်မလဲ။ အကြွေး ဘယ်လိုဆပ်မလဲဆိုတာကတော့ ကိုယ်တိုင်ကြည့်ပြီး အဖြေရှာကြည့်စေချင်ပါတယ်။။ ပိတ်ရက်မှာ ဒီကားလေးနဲ့ ရယ်မောပြီး အနားယူခံစားကြည့်စေချင်ပါတယ်။ File Size : 1.94 GB and 909 MB Quality : BluRay 1080p, 720p Format…mp4 Duration…1 hr. 57 min. Genre : Comedy, Drama Subtitle : Myanmar Subtitle (Hard Sub)

Illang: The Wolf Brigade (2018) IMDb..... 6.3 ပရိသတ်ကြီးတို့အတွက် ဒီတစ်ခေါက်မှာတော့  Japan Anime "Jin-Roh: The Wolf Brigade"ကို remake ပြန်ရိုက်ထားတဲ့ Sci-Fi ဇာတ်ကားကောင်းလေးကို တင်ဆက်ပေးလိုက်ပါတယ်။ Cast တွေအနေနဲ့ကတော့ A-list မင်းသား၊ မင်းသမီးတွေဖြစ်ကြတဲ့ Gang Dong-Won၊ Jung Woo-Sung၊ Huh Joon-Ho၊ Han Hyo-Joo၊ Kim Moo-Yul၊ Choi Min-Ho တို့အပြင် ပရိသတ်တွေနဲ့ မစိမ်းတဲ့ နာမည်ကြီး သရုပ်ဆောင်များစွာ ပါဝင်ထားကြတာဖြစ်လို့ Cast  တွေနဲ့တင် လက်မလွှတ်သင့်တဲ့ ကားကောင်းလေးဖြစ်ပါတယ်။ ဇာတ်လမ်းအညွှန်း ~ ၂၀၂၄ ခုနှစ်မှာ တောင်ကိုရီးယားနဲ့ မြောက်ကိုရီးယားက ပေါင်းစည်းရေးအတွက် ၅ နှစ်တာ ကြိုတင်ပြင်ဆင်မှုကာလကို ကြေညာလိုက်ပြီးနောက် ပေါင်းစည်းရေးကြောင့် ကိုရီးယားက အာရှမှာ အင်အားကြီးသွားမှာကို မလိုလားတဲ့ ကမ္ဘာ့အင်အားကြီးနိုင်ငံများက ပေါင်းစည်းရေးကို တားမြစ်ဖို့အတွက် ကိုရီးယားရဲ့ စီးပွားရေးကို ဖျက်ဆီးဖို့ ကြိုးစားပါတော့တယ်။ နိုင်ငံရဲ့ စီးပွားရေး ပျက်စီးလာတာကြောင့်ပဲ မတည်ငြိမ်မှုတွေ ဖြစ်လာပြီး ပေါင်းစည်းရေး အစိုးရကို ဆန့်ကျင်တဲ့ Sect ဆိုတဲ့ အကြမ်းဖက်အဖွဲ့ တစ်ဖွဲ့ပေါ်ပေါက်လာပါတော့တယ် ။ အင်အားကြီးတဲ့ Sect  အဖွဲ့ကို သာမန်ရဲတပ်ဖွဲ့ဝင်တွေ နှိမ်နင်းဖို့ မဖြစ်နိုင်တဲ့အတွက် အထူးလေ့ကျင့်ထားကြတဲ့ အထူးတပ်ဖွဲ့ကို ဖွဲ့စည်းလိုက်ပြီးနောက်မှာ သွေးစွန်းတဲ့သောကြာဆိုတဲ့ အပြစ်မဲ့ကလေးတွေ သေခဲ့ကြတဲ့ ဖြစ်ရပ်တစ်ခု ဖြစ်ပေါ်လာပြီးနောက်မှာတော့ အထူးတပ်ဖွဲ့ရဲ့ လျှို့ဝှက်တပ်ဖွဲ့လို့ ကောလာဟလထွက်နေတဲ့ လူသားဝံပုလွေဆိုတဲ့ အဖွဲ့တစ်ခုပါ ထပ်ပေါ်လာခဲ့ပါတော့တယ် ။ ဒီလိုနဲ့ပဲ လက်ရှိ ၂၀၂၉ ခုနှစ်ဖြစ်တဲ့ ဖရိုဖရဲဖြစ်နေတဲ့ ခေတ်ကြီးထဲမှာအဖွဲ့အစည်းများစွာရဲ့ အာဏာလုပွဲတွေ စတင်လာခဲ့ပြီးနောက်မှာတော့... ရိုက်ချက်တွေလည်း လှပြီး အက်ရှင်ခန်းတွေပါဝင်တဲ့ စိတ်ကူးယဉ်သိပ္ပံကားကောင်းလေးဖြစ်လို့ ပရိသတ်ကြီးတို့အတွက် တင်ဆက်ပေးလိုက်ရပါတယ်။ File Size : 2.68GB/ 1.14GB Quality : BluRay 1080p 5.1CH/ 720p Format…mp4 Duration…2hr 20m Genre : Action, Military, Thriller, Sci-Fi Subtitle : Myanmar Subtitle (Hard Sub)

ကိုရီးယား ဒရာမာဆန်ဆန် ဇာတ်လမ်းကောင်းတွေကို ကြည့်ရှူချင်ကြသူတွေအတွက် ဝတုတ်မင်းသားလို့ခေါ်ကြတဲ့ ကိုရီယားမင်းသား Ma Dong-Seok ရဲ့ ၂၀၁၈ ထွက်ကားကောင်းတစ်ကားတင်ဆက်ပေးလိုက်ပါတယ်… မာ့ခ် လို့ခေါ်တဲ့ ကိုရီယားလူမျိုး တစ်ယောက်ဟာ အကြောင်းတစ်ခုကြောင့် အမေရိကန်လူမျိုးမိသားတစ်စုရဲ့ မွေးစားခြင်းကိုခံရပြီး အမေရိကန် နိုင်ငံမှာပဲ ကြီးပြင်းခဲ့ပါတယ်.. သူဟာငယ်စဉ်ကတည်းက လက်မောင်းလှဲအားကစားကို ရူးသွပ်ပြီး ချန်ပီယံတစ်ယောက် ဖြစ်ချင်ခဲ့တာပါ… ဒီလိုနဲ့အရွယ်ရောက်လာချိန်မှာ အမေရိကန် လက်မောင်းလှဲ အားကစားအသင်းတစ်ခုမှာ ဝင်ရောက်ကစားကာ အောင်ပွဲတွေဆက်တိုက်ယူနေရင်း အကြောင်းတစ်ခုကြောင့် ထုတ်ပယ်ခံခဲ့ရပြီးနောက်မှာ သူဟာ ကလပ်တွေ ဘားတွေ ဈေးဆိုင်တွေမှာ လုံခြုံရေးအဖြစ် ကြုံရာ လုပ်ကိုင်နေထိုင်ခဲ့ရပါတယ် တစ်ရက်တော့ ညီအစ်ကိုလိုချစ်ခင်ရတဲ့ သူငယ်ချင်းတစ်ယောက်က ကိုရီးယားမှာ လက်မောင်းလှဲပြိုင်ပွဲကြီးရှိတဲ့အတွက် သူ့ကို ကိုရီးယားကိုခေါ်ပါတော့တယ်…. မာ့ခ်တစ်ယောက် ပြိုင်ပွဲဝင်ဖို့ကိုရီးယားရောက်လာပြီး သူ့ရဲ့ပျောက်ဆုံးနေတဲ့မိသားစုကို ပြန်လည်ရှာဖွေရင်း ချန်ပီယံတစ်ယောက်ဖြစ်လာနိုင်ပါမလား….။ အရမ်းကိုကြည့်ကောင်းတဲ့ဇာတ်ကားလေးဖြစ်ပြီး အသည်းနုသူတွေအတွက် မျက်ရည်ဝဲစေမယ့်ကားလေးတစ်ကားဖြစ်ပါတယ်လို့ အာမခံပေးပါရစေ။ Rating တွေအနေနဲ့ကတော့ IMDb- 6.4/10….Rotten Tomatoes – 89 %။ File size…(2.7 GB )/(1.2 GB) Quality….WEB-DL 1080p HEVC / 720p Format…mkv/mp4 Duration….01:48:07 Subtitle….Myanmar Subtitle (Hardsub) Encoder….Ka Naung Translated by Zuel Khant Twin

The Table (2017) Josee တို့ Persona တို့ စတဲ့ ဇာတ်ကားတွေရဲ့ ဒါရိုက်တာကြီး Kim Jong Kwan ရိုက်ကူးထားတဲ့ IMDb 6.3 ရှိတဲ့ ဇာတ်ကားလေးတစ်ကားကို တင်ဆက်ပေးလိုက်ပါတယ်…။ ပါဝင်တဲ့ သရုပ်ဆောင်တွေကတော့ Jung Yumi, Han Yeri, Jung Eunchae, Lim Soojung, Kim Hye Ok, Yeon Woojin, Jung Joonwon, Jeon Sung woo စတဲ့ နာမည်ကြီး လူကြိုက်များပြီးသား ထိတ်ထိတ်ကြဲ သရုပ်ဆောင်တွေပဲ ဖြစ်ပါတယ်…။ ဇာတ်လမ်းလေးကတော့… စားပွဲတစ်လုံး ခုံနှစ်လုံးမှာ လူနှစ်ယောက်ဟာ သူတို့ရဲ့ခံစားချက်တွေကို ထုတ်ဖော်ပြောဆိုကြတယ်…။ ကြည့်ရှုသူတွေက သူတို့ရဲ့ Conversation တွေကနေတစ်ဆင့် သူတို့နှစ်ယောက်ကြားက ဆက်ဆံရေးတွေ ခံစားချက်တွေကို မြင်ရမှာဖြစ်ပါတယ်…။ ဒါရိုက်တာကတော့ သူ့ရဲ့ ထုံးစံအတိုင်း ဒီလိုပုံစံမျိုးကို စုံတွဲ ၄ တွဲနဲ့ ပြထားခဲ့ပါတယ်…။ အဲဒီတော့ မတူညီတဲ့ ဇာတ်လမ်း ၄ မျိုးကို ကြည့်ရှုသူတွေက စီးမျောခံစားရမှာ ဖြစ်ပါတယ်…။ အဲဒီဇာတ်လမ်း ၄ မျိုးမှာ ပထမတစ်ခုကတော့ နာမည်ကြီးမင်းသမီးနဲ့ သူ့ရည်းစားဟောင်းရဲ့ Conversation, ဒုတိယတစ်ခုကတော့ တစ်ညတာချစ်ကြည်နူးခဲ့ကြတဲ့ စုံတွဲတစ်တွဲရဲ့ Conversation, တတိယတစ်ခုကတော့ သက်လတ်ပိုင်း အမျိုးသမီးတစ်ယောက်နဲ့ သူ့လက်ထပ်ပွဲမှာ အမေအဖြစ်ဟန်ဆောင်ပေးမယ့် အမျိုးသမီးကြီးတစ်ယောက်ရဲ့ Conversation, နောက်ဆုံးတစ်ခုကတော့ လက်ထပ်တော့မယ့် အမျိုးသမီးတစ်ယောက်နဲ့ ရည်းစားဟောင်းရဲ့ Conversation စတာတွေပဲ ဖြစ်ပါတယ်…။ သူတို့ Conversation တွေကနေတစ်ဆင့် ဘယ်လို ဇာတ်လမ်းမျိုးတွေ ပေါက်ဖွားလာမလဲဆိုတာတော့ ကြည့်ရှုခံစားကြည့်လိုက်ပါနော်…။ File size…652MB / 245MB Quality… WEB-DL 1080p/ 720p Format…mp4 Duration….1 hr. 12 min. Genre ….. Life, Drama Subtitle….Myanmar Subtitle (Hard Sub)

Worst Woman (2016) IMDb... 6.5 ဒီတစ်ခါမှာတော့ ၂၀၁၆တုန်းက ထွက်ရှိခဲ့တဲ့ ဇာတ်လမ်းလေးနဲ့ မိတ်ဆက်ပေးချင်ပါတယ်။ အဓိကသရုပ်ဆောင်ဆောင်တွေအဖြစ် Hello, My Twenties ထဲက မင်းသမီး Han Ye Ri နှင့်အတူ Karma ထဲက Lee Hee Joon ၊ Longing For You နဲ့ Connection ကားတွေထဲမှာ Kwon Yul တို့အပြင် ဂျပန်မင်းသား Iwasa Ryo တို့က အဓိက ပါဝင်သရုပ်ဆောင်ထားပါတယ်။ ဇာတ်လမ်းအညွှန်း- ဒီဇာတ်လမ်းက Titleကို ကြည့်ရင် မင်းသမီးကို ပွေရှုပ်တဲ့ဇာတ်ကောင်လို့ ထင်ကောင်းထင်နိုင်ပေမဲ့ တကယ်တော့ ယွန်ဟီးဆိုတဲ့ ကောင်မလေးရဲ့ ဆိုးရွားတဲ့တစ်နေ့တာကို ပုံဖော်ပြထားတဲ့ ဇာတ်လမ်းလေးပါ။ သရုပ်ဆောင်ဖြစ်ဖို့ လေ့ကျင့်နေတဲ့ ယွန်ဟီးတစ်ယောက် ချစ်သူကောင်လေးနဲ့ တွေ့ဖို့သွားတဲ့လမ်းမှာ ယောက်ျားလေး နှစ်ယောက်နဲ့ ဆုံခဲ့ရပါတယ်။ တစ်ရက်တည်းမှာတင် ယောက်ျားလေးသုံးယောက်နဲ့ တွေ့ဆုံခဲ့ပြီး တစ်ယောက်ချင်းစီအလိုက် သူ့ရဲ့ပုံစံက ပြောင်းလဲနေခဲ့တာပါ။ နွေးထွေးပြီးနူးနူးညံ့ညံ့နေတတ်တဲ့ မိန်းကလေးလည်း ဖြစ်သွားတတ်သလို တည်ငြိမ်ရင့်ကျက်တဲ့ မိန်းကလေးအဖြစ်လည်း  ပြောင်းလဲသွားတတ်တဲ့အပြင် ‌ ယောက်ျားဆန်ပြီး  စိတ်မရှည်တတ်တဲ့ ပုံစံလည်း ရှိနေပါသေးတယ်။ ယွန်ဟီး ကြုံတွေ့ရသမျှက ဟန်ဆောင်မျက်နှာဖုံးတွေနဲ့ သရုပ်ဆောင်နေခဲ့ရတဲ့ နေ့တစ်နေ့ပါပဲ။ အဲဒီထဲမှာမှ သူတွေ့ခဲ့ရတဲ့ ဂျပန်စာရေးဆရာ ရိုဟေးကလည်း ယွန်ဟီးနဲ့မခြားမနားပါပဲ။ သူ့ရဲ့တစ်နေ့တာကလည်း ပရမ်းပတာတွေနဲ့ ဆိုးရွားနေခဲ့တာပါ။ တစ်နေ့တာရဲ့ အဆုံးသတ်မှာ မျိုးစုံကြုံတွေ့ခဲ့ရပြီးမှ သိလာရတဲ့ ရိုဟေးရဲ့ စိတ်ကူးထဲက ဇာတ်သိမ်းက ဒီဇာတ်လမ်းရဲ့ အဆုံးသတ်ဆိုတာပါပဲ။ ဒီကားရဲ့ ဒါရိုက်တာက IUရဲ့  Persona ကားကို ရိုက်ကူးခဲ့တဲ့ ဒါရိုက်တာပါ။ သူရိုက်ကူးသမျှက ရိုးရှင်းပေမဲ့ နက်နဲတာတွေချည်းပဲဆိုတော့ ဒီကားကလည်း ကြည့်နေရင်း ကိုယ်ပုံဖော်ချင်တဲ့ ဇာတ်သွားအတိုင်း တွေးကြည့်ရမဲ့ကားဆိုတော့ ဘာမက်ဆေ့ချ်ကို ‌ပေးချင်လဲဆိုတာ ကိုယ်တိုင်ပဲ ကြည့်ရှုခံစားရင်း အဖြေရှာကြည့်ဖို့ အကြံပြုပေးချင်ပါတယ်။ File Size… 1.23GB/ 590MB Quality…WEB-DL 1080p/ 720p Format…mp4 Duration…1h 33m Genre …..Romance, Life, Drama, Melodrama Subtitle….Myanmar Subtitle (Hard Sub)

Sea Fog (2014) ပရိသတ်ကြီးတို့အတွက် Action, Thriller အမျိုးအစားဖြစ်တဲ့ "Sea Fog " ဆိုတဲ့ ဒီကားလေးကတော့ ၂၀၀၁ ခုနှစ် အောက်တိုဘာလတုန်းက ယောဆူရဲ့ အနောက်တောင်ပင်လယ်မှာ မတော်တဆမှုဖြစ်ခဲ့တဲ့ ကိုရီးယား-တရုတ် တရားမဝင်ရွှေ့ပြောင်းနေထိုင်သူ ၂၅ ယောက်ရဲ့ ဖြစ်ရပ်မှန်ကို အခြေခံပြီး ရိုက်ကူးထားတဲ့ ဇာတ်လမ်းလေးဖြစ်တာမို့လို့ ပရိသတ်ကြီးတို့အတွက် တင်ဆက်ပေးလိုက်ပါတယ် .. cast တွေအနေနဲ့ကတော့ Missing You, Rooftop prince က မင်းသား Park Yoo Chun, The Frog က မင်းသားကြီး Kim Yoon Seok , The Nokdu flower မှ မင်းသမီးလေး Han Ye Ri နဲ့အတူ အခြားသော သရုပ်ဆောင်များစွာ ပါဝင်ထားပါတယ် .. ဇာတ်လမ်းအညွှန်း ဂျွန်ဂျင်းသင်္ဘောလို့ အမည်ရတဲ့ ငါးဖမ်းသင်္ဘောဟာ ပင်လယ်ထဲကို ငါးရှာထွက်ခဲ့ပေမဲ့လည်း မျှော်လင့်ထားသလောက် မရဘဲ ပြန်လာနေရပါတယ် .. ငါးဖမ်းအလုပ်ကို ရေရှည်ဆက်လုပ်ဖို့အတွက်ရယ် သင်္ဘောပေါ်က အဖွဲ့သားတွေရဲ့ စားဝတ်နေရေး အတွက်ရယ်ကြောင့် ကပ္ပတိန်ဂန်ဟာ တရားမဝင် ရွှေ့ပြောင်းနေထိုင်သူတွေကို မှောင်ခိုကူးဖို့အတွက် ဆုံးဖြတ်ချက်ချပြီး အဖွဲ့သားတွေနဲ့အတူ အစီအစဥ်ကို အကောင်အထည်‌‌ဖော်ပါတော့တယ် .. အဲဒီလိုနဲ့ မုန်တိုင်းထန်တဲ့ ညတစ်ညမှာ ဂျွန်ဂျင်းသင်္ဘောက ပင်လယ်ပြင်လယ်မှာ ရပ်ပြီးတော့ တခြားသင်္ဘောကနေ တရားမဝင် ရွှေ့ပြောင်းနေထိုင်သူတွေကို တင်ဆောင်ပြီးအပြန်မှာ ကိစ္စတွေက စီစဉ်ထားသလိုမဖြစ်ဘဲ မမျှော်လင့်ထားတဲ့ ပြဿနာတွေ ပေါ်လာတဲ့အခါမှာတော့ .... File size…1.75GB / 855MB Quality… BluRay 1080p/ 720p Format…mp4 Duration….1 hr. 51 min. Genre ….. Action, Thriller, Romance, Drama Subtitle….Myanmar Subtitle (Hard Sub)

The Spy: Undercover Operation (2013) Chul-Soo ဆိုတဲ့ အေးဂျင့်တစ်ယောက်ဟာ ထူးချွန်ထက်မြက်တဲ့အတွက် အရေးကြီးစစ်ဆင်ရေးတွေ တိတ်တဆိတ်သုတ်သင်ရေး ကိစ္စတွေမှာဆို အထူးတာဝန်ပေးအပ်ခြင်းခံရတယ်...... အေးဂျင့်တစ်ယောက်မှာရှိတဲ့ အရည်အချင်းအားလုံးရှိသလို စည်းမျဉ်းစည်းကမ်းတွေကိုလည်း တစ်သွေမတိမ်းလိုက်နာလေ့ရှိတယ်... အထူးအေးဂျင့်ဖြစ်နေတော့ သူ့အလုပ်ကို အိမ်သူသက်ထားကိုတော့ အသိပေးထားခြင်းမရှိဘူး..... သိပ်တော်တဲ့အေးဂျင့်ဖြစ်ပေမယ့် သူ့မှာ အားနည်းချက်တစ်ခုတော့ရှိတယ်... အိမ်က လေဒီကို မဟားတရား နင်းကန် ကြောက်ရပါတယ်.... ရန်သူတွေရဲ့ကျည်ဆန် မိုးသီးမိုးပေါက်တွေလိုကျနေတာတောင် ဖုန်းမကိုင်ဘဲ မနေရဲပါဘူး....................... ဒီလိုနဲ့ အထူးစစ်ဆင်ရေးတွေတာဝန်ထမ်းရင်း မိန်းမကလည်း အိမ်ထောင်ဦးစီးမပီသလိုဖြစ်နေတဲ့သူ့ကို ကြာတော့ စိတ်ပျက်လာဟန်တူပါတယ်.... ဒီလောက်အခြေအနေဆိုးတဲ့ကြားထဲ ကိုးရီးယားတစ်နိုင်ငံလုံးကို ဒုက္ခရောက်စေမယ့် အကြမ်းဖက်အဖွဲ့ကို နှိမ်နှင်းဖို့စုံစမ်းထောက်လှမ်းရတဲ့အခြေအနေကိုရောက်လာတဲ့အခါမှာတော့ .. Chul-Soo တစ်ယောက် ဘယ်လိုတွေရှေ့ဆက်ဖြတ်သန်းမလဲ ... ဒီကားက မင်းသားကြီး Kyung-gu Sol အဓိကသရုပ်ဆောင်ထားပြီး အက်ရှင်ခန်းတွေလည်း မိုက်သလို ရိုက်ချက်တွေလည်း အတော်ကိုလန်းပါတယ်... ရယ်လည်းရယ်ရသလို ရင်ခုန်စိတ်လှုပ်ရှားရတဲ့ အက်ရှင်ခန်းပေါင်းများစွာလည်းပါလေတော့ ခံစားကြည့်လိုက်ဦးဗျို့.... (အညွှန်းကို Alias မှ ရေးသားထားပါတယ်) File size…2.37GB / 0.99GB Quality… WEB-DL 1080p/ 720p Format…mp4 Duration….2h 00m Genre ….. Action, Comedy, Crime Subtitle….Myanmar Subtitle (Hard Sub) Translated by Alias Encoded by AHtet

Big Bang အဖွဲ့က အဆိုတော် Choi Seung Hyun (T.O.P) ခေါင်းဆောင်ပါဝင်ပြီး Han Ye Ri ၊ နာမည်ကြီးမင်းသမီး Kim Yoo Jung ၊ Yoon Je Moon ၊ Jo Sung Ha နဲ့ မင်းသားကြီး Jung Ho Bin တို့ ပါဝင်သရုပ်ဆောင်ထားတဲ့ Commitment ဇာတ်ကားဟာ အက်ရှင်ဒရမ်မာ ဇာတ်ကြမ်းတစ်ကား ဖြစ်ပါတယ်။ ဒါရိုက်တာ Park Hong Soo ရိုက်ကူးပြီး ကိုရီးယားစစ်ပွဲရဲ့ တတိယမျိုးဆက်တွေ ဘုမသိဘမသိနဲ့ ဓားစာခံဖြစ်ရပုံအကြောင်း ရိုက်ကူးထားတဲ့ IMDb Rating 6.8 ထိရရှိထားတဲ့ ဇာတ်ကားကောင်း ဖြစ်ပါတယ်။ ကိုရီးယားကားတွေရဲ့ ထုံးစံအတိုင်း အကြမ်းနဲ့ အလွမ်းကို ရောသမမွှေထားပြီး မတူညီတဲ့ ပတ်ဝန်းကျင်တွေကို သမမျှတအောင် ထည့်သွင်းရိုက်ကူးထားတာ တွေ့ရပါတယ်။ နူးညံ့တဲ့ စန္ဒယားသမား ကျောင်းသားတစ်ယောက်ရဲ့ ခံစားချက်ကို လူသတ်သမားတစ်ယောက်ရဲ့ သွင်ပြင်နဲ့ ရောသမမွှေထားပြီး သိမ်မွေ့တဲ့ အချစ်ဇာတ်လမ်းနဲ့ ပေါင်းစပ်တန်ဆာဆင်ထားပါတယ်။ အက်ရှင်ကားတွေ ကြိုက်တဲ့ ပရိသတ်တွေ ကြည့်သင့်တဲ့ ဇာတ်ကားပါပဲ။ Spoiler Alert ဇာတ်လမ်းကတော့.... Myung Hoon ဟာ မြောက်ကိုရီးယား သူလျှိုဟောင်းတစ်ယောက်ရဲ့ သားဖြစ်ပြီး စန္ဒယားပညာရှင် တစ်ဦးဖြစ်ဖို့ စိတ်ကူးယဉ်နေသူပါ။ ဒါပေမယ့် တောင်ကိုရီးယားမှာ သူ့ဖခင် သေဆုံးသွားပြီး နောက်ပိုင်း သူ့ညီမ Hye In အလုပ်ကြမ်းစခန်းကို ရောက်သွားခဲ့ပါတယ်။ သူ့ဖခင်ရဲ့ အထက်အရာရှိ ကာနယ် Moon Sang Chul က Myung Hoon အတွက် အလုပ်တစ်ခု သယ်ဆောင်လာပါတယ်။ အကယ်၍ အဲဒီအလုပ် အောင်မြင်ခဲ့ရင် သူရော သူ့ညီမပါ လွတ်မြောက်မှာ ဖြစ်ပါတယ်။ အဲဒီအလုပ်ကတော့ သူ့အဖေရဲ့ မပြီးသေးတဲ့ တာဝန်တွေကို ဆက်လက်ထမ်းဆောင်ဖို့ပါပဲ။ သူ့ညီမကိုပါ လွှတ်ပေးမယ်ဆိုတာကြောင့် Myung Hoon က ဒီအလုပ်ကို လက်ခံလိုက်ပြီး ၂ နှစ်တိုင်တိုင် အပြင်းအထန် လေ့ကျင့်ပေးပါတယ်။ Myung Hoon ဟာ မြောက်ကိုရီးယားကနေ ထွက်ပြေးလာသူတစ်ဦး အသွင်နဲ့ တောင်ကိုရီးယားမှာ အခြေချပါတယ်။ မြောက်ကိုရီးယား သူလျှိုအဖွဲ့အစည်းထဲက လင်မယားနှစ်ယောက်အိမ်မှာ မွေးစားသားအနေနဲ့ လာရောက်နေထိုင်ပါတယ်။ သူ့ရဲ့တာဝန်က "ခုနစ်စင်ကြယ်" (Big Dipper) လို့ နာမည်ဝှက်ပေးထားတဲ့ မြောက်ကိုရီးယားရဲ့ သူလျှိုတစ်ယောက်ကို ပြန်လည် ဖြိုခွင်းရမှာပါ။ မွေးစားလင်မယားက သူ့ကို ကျောင်းထားပေးတာမို့ အထက်တန်းကျောင်းမှာ တက်ရပါတယ်။ ကျောင်းမှာ အနိုင်ကျင့်ခံနေရတဲ့ ကျောင်းသူလေး Hye In ကို သူ့ညီမနဲ့ နာမည်တူနေတာမို့ ကူညီရင်း သံယောဇဉ်ဖြစ်မိပါတယ်။ Hye In ဟာ အကပညာရှင် ဖြစ်ဖို့ စိတ်ကူးယဉ်နေသူလေးပါ။ ဒါပေမယ့် အခြေအနေဟာ Myung Hoon ကို ကျဉ်းထဲကြပ်ထဲ ရောက်အောင် တွန်းပို့ပေးလိုက်ပါတယ်။ မြောက်ကိုရီးယားခေါင်းဆောင် ကင်ဂျုံအီ သေဆုံးပြီး ကင်ဂျုံအွန် အာဏာရလာတဲ့အခါမှာ Moon Sang Chul ဟာ သူ့ကို သစ္စာဖောက်ပါတော့တယ်။ တောင်ကိုရီးယားရဲ့ ထောက်လှမ်းရေးတွေကလည်း သူ့ကို စတင်ထောက်လှမ်းမိနေပါပြီ။ သူဘာဆက်လုပ်မလဲ။ သူ့ညီမကို ဘယ်လို ကယ်တင်မလဲ။ သူ့ညီမနဲ့ နာမည်တူတဲ့ သူ့ရဲ့ နံရိုးတစ်ချောင်းကိုရော ဘယ်လိုကာကွယ်ပေးမလဲ ဆိုတာကိုတော့ ဆက်လက်ကြည့်ရှုကြပါ။ Hollinaz (ရုပ်ရှင်အညွှန်းကို mmmovieguide မှကူးယူဖော်ပြပါသည်။) File size…(1.8 GB) / (900 MB) Quality….BluRay HEVC 1080p / 720p Format…mkv/mp4 Duration….01:52:41 Subtitle….Myanmar Subtitle (Hardsub) Encoder….Nyeinsaeya Aung Translated by JJ

As One (2012) Secret Garden, Empress Ki ထဲက မင်းသမီး Ha Ji Won နဲ့ Kingdom, Family Matters ထဲက မင်းသမီး Bae Doona တို့ရဲ့ Sport, Drama ဇာတ်ကားလေးတစ်ကား တင်ဆက်ပေးလိုက်ပါတယ်…။ ဇာတ်လမ်းအစမှာတော့ အာရှအားကစားပြိုင်ပွဲမှာ မြောက်ကိုရီးယားက ရီဘွန်ဟီး (Bae Doona) နဲ့ တောင်ကိုရီးယားက ဟျွန်းဂျောင်ဟွာ (Ha Ji Won) တို့က စားပွဲတင်တင်းနစ်ပြိုင်ပွဲကို ပါဝင် ယှဉ်ပြိုင်ခဲ့ကြပါတယ်။ အဲဒီအချိန်မှာ ဘွန်ဟီးကရှုံးသွားခဲ့ပြီး ဂျောင်ဟွာကလည်း တရုတ်အသင်းရဲ့ ကစားသမားနဲ့ထိပ်တိုက်တွေ့ရာမှာ ရှုံးနိမ့်သွားခဲ့ပါတယ်။ ၆လအကြာမှာတော့ ကမ္ဘာ့စားပွဲတင်တင်းနစ်ချန်ပီယံရှစ်ကို ဂျပန်မှာ သွားရောက်ယှဉ်ပြိုင်ရဖို့ဖြစ်လာပြီး တောင်နဲ့မြောက်ကိုရီးယားအဖွဲ့ကို တစ်ဖွဲ့တည်းအနေနဲ့ပေါင်းစည်းယှဉ်ပြိုင်စေဖို့ အစိုးရတွေကြားမှာ ဆုံးဖြတ်ချက်ချခဲ့တဲ့အခါ .. သူတို့အချင်းချင်းကြားမှာ နားလည်မှုလွဲ အဆင်မပြေတာတွေကနေ သံယောဇဉ်တွေ ဖြစ်ပေါ်လာမလား…။ တောင်မြောက် ပေါင်းစည်းခြင်းအဖွဲ့အနေနဲ့ရော ပြိုင်ပွဲမှာ အနိုင်ရသွားမလားဆိုတာ ဇာတ်လမ်းလေးကနေတစ်ဆင့် ကြည့်ရှုကြည့်ပါနော်။ ဒီဇာတ်လမ်းလေးကတော့ ၁၉၉၁ ကမ္ဘာ့စားပွဲတင်တင်းနစ်ချန်ပီယံရှစ်မှာ ပထမဆုံးအကြိမ် တောင်မြောက်ပေါင်းစည်းပြီး ပြိုင်ပွဲယှဉ်ပြိုင်ခဲ့ကြတဲ့ ဖြစ်ရပ်မှန်ကို ရိုက်ကူးထားတာဖြစ်ပါတယ်။ မင်းသမီးကြီးတွေနဲ့ပဲဆိုတော့ acting တွေကလည်း ထိမိလို့…။ IMDb လည်း 7.2 ရှိတာကြောင့် sport drama တွေ သဘောကျတဲ့သူဆို မဖြစ်မနေ ကြည့်ကြည့်ပါနော်။ File size…1.63GB / 667MB Quality… WEB-DL 1080p/ 720p Format…mp4 Duration….2 hr. 7 min. Genre ….. Sports, Drama Subtitle….Myanmar Subtitle (Hard Sub)

Paju (2009) ဒီတစ်ခေါက်မှာတော့ ဒီနှစ်ပိုင်းမှာ comeback ပြန်လာတော့မယ့် မင်းသမီး Seo Woo ရဲ့ ၂၀၀၉ ခုနှစ်က ရုပ်ရှင်လေးကို တင်ဆက်ပေးပါဦးမယ် မိဘတွေမရှိဘဲ အစ်မနဲ့ နစ်ယောက်တည်းနေရင်း အစ်ကို ကာကွယ်ပေးချင်တဲ့စိတ်ကြောင့် အိမ်က ထွက်ပြေးခဲ့တဲ့ ကောင်မလေးဟာ ပြန်လာတော့လည်း အစ်မက သေဆုံးသွားတာကြောင့် ခဲအိုနဲ့ အဆင်မပြေပြန်လို့ နောက်တစ်ခါထပ်ပြီးထွက်ပြေးခဲ့ပါတယ် အဲလိုနဲ့ ၇ နှစ်ကြာမှ အစ်မဖြစ်သူရဲ သေဆုံးရတဲ့ အကြောင်းအရင်းကို သိသွားပြီး စုံစမ်းရင်းနဲ့ အစ်မဖြစ်သူ သေဆုံးမှုမှာ ခဲအိုပတ်သက်လိမ့်မယ်လို့ သံသယဝင်လာပါတော့တယ် ပြန်လာတဲ့အချိန်မှာလည်း မိဘတွေအမွေပေးခဲ့တဲ့ အိမ်က ဖွံ့ဖြိုးမှုအတွက် ပြန်လည်တည်ဆောက်မှု နယ်မြေထဲပါနေပြန်တော့ အဲအတွက်လည်း ကြိုးစားရပါတော့တယ် ဇာတ်လမ်းကငြိမ့်ငြိမ့်လေးပဲသွားတာဖြစ်ပြီး ဆုတွေလည်း အများကြီး ရထားတဲ့ ရုပ်ရှင်တစ်ခုပါ၊ အမြင်မတော်တဲ့အခန်းတချို့ပါတဲ့အတွက် မိသားစုနဲ့မကြည့်ဖို့ သတိပေးချင်ပါတယ် ရုပ်ရှင်ကို တစိမ့်စိမ့်ခံစားပြီး ကြည့်တတ်တဲ့သူတွေ အကြိုက်ဖြစ်စေမှာပါ အညွှန်း နဲ့ ဘာသာပြန်ကတော့ Joyz ပဲ ဖြစ်ပါတယ်။ Genre..... Drama Quality…. 1080p | 720p | 480p File size… 2.1GB | 748MB| 277MNB Format… mp4 Duration…. 1h 50min Subtitle…. Myanmar Subtitle (Hardsub) Translator ..... Joyz Encoder ..... August