Himesh Patel ပါဝင်သော ဇာတ်ကားများ

The Odyssey (2026) ++++++++++ ဒီနှစ် ၂၀၂၆ ရဲ့ အပေါက်ဆုံးနဲ့ ရုံတင်ဝင်ငွေ အကြမ်းဆုံး ရုပ်ရှင်တစ်ကားလို့ ပြောရမယ့် Christopher Nolan ရဲ့ The Odyssey ကိုတင်ပေးထားပါတယ်။ လုံးဝအကြည်မဟုတ်သေးတာကြောင့် စောင့်နိုင်သူတွေ မကြည့်ကြသေးပါနဲ့။ ဒီရုပ်ရှင်မျိုးကို ရုံမှာ မကြည့်ရတဲ့သူတွေအတွက် စိတ်မကောင်းကြောင်းပဲ ပြောစရာရှိပါတော့တယ်။ ဒီကားက သာမန် ဒဏ္ဍာရီလာ စိတ်ကူးယဉ် ဇာတ်လမ်းမျိုးချည်းသက်သက် မဟုတ်ဘဲ Nolan ရဲ့ စတိုင်အတိုင်း သမိုင်းကြောင်းနဲ့ အဖြစ်မှန်ကို အခြေခံပြီး တကယ့်ကို လက်တွေ့ကျကျ မြင်ယောင်လာအောင် ရိုက်ကူးထားတာပါ။ ရုပ်ရှင်က အချိန်အားဖြင့် ၁၇၂ မိနစ် (၃ နာရီနီးပါး) ရှိပေမယ့် ကြည့်ရတာ လုံးဝ မပျင်းရပါဘူး။ အထူးသဖြင့် ထရိုဂျန်မြင်းကြီး (Trojan Horse) ပါတဲ့ အခန်းတွေနဲ့ နောက်ဆုံး အဆုံးသတ် တိုက်ပွဲအခန်းတွေဆိုရင် အသက်ရှူမှားလောက်အောင်ကို မိုက်ပါတယ်။ မူလထွက်ရှိထားတဲ့ Odyssey 1997 နှစ်ပိုင်းနဲ့မတူတာကတော့ မူရင်းဇာတ်လမ်းမှာ နတ်ဘုရားတွေကို အကောင်အထည်လိုက် ဆက်ဆံပြောဆိုတဲ့အဆင့်တွေထည့်ထားပြီး ဂရိဒဏ္ဍာရီတွေနဲ့ အများကြီးနီးစပ်ပါတယ်။ နိုလန်ကတော့ ဒါကို လူ့သဘောနဲ့ပိုနီးစပ်အောင် ပြုပြင်ထားတာပဲ ဖြစ်ပါတယ်။ အော်ဒစ်ဆီးယပ်စ်တစ်ယောက် အိမ်မပြန်နိုင်တာဟာ ပိုဆိုက်ဒွန်ကြောင့်လား သူလိပ်ပြာမလုံလို့လား ဆိုတာမျိုး စဉ်းစားစရာဖြစ်အောင် ပြသထားတာပါ။ နိုင်ငံပေါင်း ၆ နိုင်ငံ (မော်ရိုကို၊ ဂရိ၊ အီတလီ၊ အိုက်စလန်၊ စကော့တလန်နဲ့ အနောက်ဆဟာရ) မှာ တကယ့် Location တွေချည်း သွားရိုက်ထားတာမို့ ရှုခင်းတွေ၊ မြင်ကွင်းတွေကလည်း တကယ်ကို အကြမ်းစားပါပဲ။ ဧရာမ မြင်းရုပ်ကြီးတွေ၊ ဆိုက်ကလော့ဘီလူးတွေကို တကယ်တည်ဆောက်ရိုက်ကူးထားတာဖြစ်ပြီး သင်္ဘောကြီးတွေပေါ်မှာ လှေလှော်ပညာကိုပါ တကယ့်သင်ယူစေပြီးရိုက်ကူးခဲ့တာဖြစ်ပါတယ်။ ဖြစ်နိုင်ရင် ဘီလူးအစစ်နဲ့ စုန်းမအစစ်တွေကိုတောင် ထည့်ရိုက်ချင်တဲ့လူမျိုးပါပဲ။ ဇာတ်လမ်းအကျဉ်း ဂရိဒဏ္ဍာရီထဲက နာမည်ကြီး Homer ရဲ့ The Odyssey ကို အသက်သွင်းထားတာပါ။ ထရိုဂျန်စစ်ပွဲကြီး (Trojan War) အပြီးမှာ အစ်သီကာ (Ithaca) ဘုရင် အော်ဒစ်ဆေးယပ်စ် (Odysseus) တစ်ယောက် မိန်းမဖြစ်သူ ပန်နယ်လိုပီ (Penelope) ဆီကို အိမ်ပြန်ဖို့ ကြိုးစားတဲ့ ခရီးစဉ်အကြောင်းပေါ့။ အိမ်အပြန်ခရီးက လွယ်လွယ်ကူကူ မဟုတ်ဘဲ လမ်းမှာ ဒဏ္ဍာရီလာ သတ္တဝါတွေ၊ ဘုရားသခင်တွေရဲ့ အမျက်ဒေါသတွေနဲ့ အခက်အခဲပေါင်းစုံကို ရင်ဆိုင်ကျော်ဖြတ်ရတဲ့ အကြောင်းကို စိတ်ဝင်စားဖို့ကောင်းအောင် ဇာတ်လမ်းဆင်ထားတာပါ။ ပါဝင်တဲ့ မင်းသားမင်းသမီးတွေကလည်း တကယ့် နာမည်ကြီးတွေချည်းပါပဲ။ ခေါင်းဆောင်မင်းသား အော်ဒစ်ဆီးယပ်စ် အဖြစ် Matt Damon က သရုပ်ဆောင်ထားပြီး၊ သူ့မိန်းမ နေရာမှာ Anne Hathaway က ပါဝင်ထားပါတယ်။ ဒါ့အပြင် Tom Holland, Robert Pattinson, Lupita Nyong'o, Zendaya နဲ့ Charlize Theron တို့လို နာမည်ကြီး တန်းဝင် သရုပ်ဆောင်တွေ အများကြီး အားဖြည့်ထားတာမို့ သရုပ်ဆောင်ပိုင်းကတော့ လုံးဝ အပြစ်ပြောစရာ မရှိပါဘူး။ အချုပ်ပြောရရင်တော့ ဒဏ္ဍာရီဇာတ်လမ်းတွေ ကြိုက်တဲ့သူတွေ၊ Christopher Nolan ရဲ့ ရုပ်ရှင်တွေကို စောင့်ကြည့်နေတဲ့ ပရိသတ်တွေအတွက်ရော၊ ရုပ်ရှင်ကောင်းကောင်း တစ်ကားကို အရသာရှိရှိ ခံစားချင်သူတွေအတွက်ပါ လက်လွတ်မခံသင့်တဲ့ ကားတစ်ကားပါ။ ကြည့်မယ်ဆိုရင်လည်း IMAX ရုံမှာ ကြည့်မှ တကယ့်ကို အရသာရှိမယ့် ကားမျိုးလို့ ညွှန်းချင်ပါတယ်။ File Size… (2.28GB) / (1.17GB) Quality…HDrip 1080p HEVC / 720p Format…mkv / mp4 Duration…1h 37m Genre ….Adventure, Action, and Fantasy Subtitle….Myanmar Subtitle (Hard Sub)

The Odyssey: The Making of an Epic (2026) +++++++++++++++++++ ရုပ်ရှင် ၇ ကားစာလောက် အားစိုက်ခဲ့ရတဲ့ ပရောဂျက်ကြီးဒါရိုက်တာ ခရစ္စတိုဖာ နိုလန် ကိုယ်တိုင်က ဒီရုပ်ရှင်ဟာ သူရိုက်ခဲ့သမျှထဲမှာ ရည်မှန်းချက် အကြီးမားဆုံးနဲ့ အကြီးကျယ်ဆုံးပဲလို့ ဆိုထားပါတယ်။ ပါဝင်တဲ့ လူအင်အား၊ ဇာတ်အိမ် တည်ဆောက်ပုံတွေက ကြီးမားလွန်းလို့ ရုပ်ရှင် ၆ ကား၊ ၇ ကားလောက် ပြိုင်တူရိုက်နေရသလိုမျိုးကို ခံစားခဲ့ရတာပါ။ နိုလန်ဟာ အက်ရှင်တင်မကဘဲ ဂရိဒဏ္ဍာရီလောကထဲက လူသားဆန်မှုနဲ့ ခံစားချက် အနှစ်သာရကိုပါ အမိအရ ဖမ်းဆုပ်ပြသွားခဲ့ပါတယ်။ CGI မသုံးဘဲ အပြင်မှာ တကယ် စိန်ခေါ်ခဲ့ကြပုံများဒီ Documentary ထဲမှာ အထင်ကြီးစရာ အကောင်းဆုံးကတော့ နိုလန်ရဲ့ ထုံးစံအတိုင်း ကွန်ပျူတာ အထူးပြုလုပ်ချက် (CGI) တွေကို အတတ်နိုင်ဆုံး မသုံးဘဲ အပြင်မှာပဲ တကယ် တည်ဆောက်၊ တကယ် ရိုက်ကူးခဲ့တာပါပဲ။ ရိုက်ကူးရေးအဖွဲ့သားတွေဟာ ၂ ပတ် တစ်ခါလောက် နိုင်ငံတွေ ပြောင်းပြီး ရိုက်ခဲ့ရလို့ အရှိန်အဟုန်ကတော့ တကယ်ကို ကောင်းခဲ့တာ။ ဒါပေမဲ့ သွားရခက်၊ ရိုက်ရခက်တဲ့ နေရာတွေဖြစ်လို့ ဝတ်စုံအပြည့်နဲ့ တောင်ပေါ်ကို ၄၅ မိနစ်လောက် လမ်းလျှောက်တက်ရတာမျိုးတွေ ရှိခဲ့ပါတယ်။ ဆန်တာ ကာတာရီနာ ရဲတိုက် ရိုက်ကွင်းဆိုရင် တောင်ထိပ်မှာ ရှိတာမို့ ပစ္စည်းတွေကို ကြိုးကားတွေ၊ ဟယ်လီကော်ပတာတွေနဲ့ ခက်ခက်ခဲခဲ သယ်ခဲ့ရတာပါ။ ဇုနတ်မင်း မွေးဖွားခဲ့တယ်လို့ ပြောကြတဲ့ ဂရိနိုင်ငံက နက်စတာ ဂူလို နေရာမျိုးမှာလည်း ဘယ်သူမှ မရိုက်ဖူးသေးဘဲ သဘာဝ ရိုက်ကွင်းအဖြစ် ပြင်ဆင်ပြီး အစစ်အမှန် ရိုက်ကူးပြသွားခဲ့ပါတယ်။ အသက်ဝင်လွန်းတဲ့ ထရိုဂျင် မြင်းကြီးနဲ့ နန်းတော် တည်ဆောက်မှု၃၅ ပေမြင့်တဲ့ မြင်းကြီး : လူတိုင်းသိတဲ့ ထရိုဂျင် မြင်းကြီးကို ဘီးတပ်ထားတဲ့ မြင်းမျိုး မဖြစ်စေချင်လို့ ပိုဆိုက်ဒွန် နတ်မင်းကို ပူဇော်တဲ့ သင်္ဘောပုံစံမျိုး ပုံဖော်ခဲ့တာပါ။ ပေါင် ၈၀၀၀၊ ၉၀၀၀ လောက် လေးတဲ့ ဒီမြင်းကြီးကို သေတ္တာတွေနဲ့ သယ်ပြီး ကမ်းခြေကနေ မြို့ထဲအထိ လူ ၁၀၀ က တကယ် ဆွဲရွှေ့ခဲ့ကြတာ မြင်ရတာ တကယ့်ကို အံ့သြစရာပါပဲ။ အက်သကာ နန်းတော် : အိုဒက်ဆီးယပ်စ်ရဲ့ နန်းတော်ကို ဖာဗစ်နာနာက ရှိပြီးသား အပျက်အစီး အစစ်တွေပေါ်မှာ ထပ်ပြီး တည်ဆောက်ခဲ့တာ ဖြစ်လို့ ရိုက်ကွင်းထဲ ဝင်သွားရင် ကိုယ်ပိုင် ကမ္ဘာတစ်ခုထဲ ရောက်သွားသလိုမျိုး သရုပ်ဆောင်တွေပါ ထင်ယောင်ထင်မှား ဖြစ်ခဲ့ရပါတယ်။ သရုပ်ဆောင်တွေရဲ့ ပင်ပန်းကြီးစွာ အားစိုက်မှုများလှေလှော် သင်တန်း : "The Odyssey" ဆိုတော့ လှေပေါ်မှာ နေရမယ့် အချိန်က လပေါင်းများစွာပါပဲ။ ရှေးဟောင်း သစ်သားသင်္ဘောကြီးတွေကို သုံးပြီး အပြင်မှာ အစစ်အမှန် လှော်ခတ်ရတာမို့ သရုပ်ဆောင်တွေခမျာ လှေလှော်သင်တန်း တက်ခဲ့ရပါတယ်။ ပင်လယ်အလယ်မှာ နားနေဆောင်လည်း မရှိဘဲ ပင်ပန်းလှပေမဲ့ မတ်က သင်္ဘောဘက် ကြည့်နေတုန်း လင်းပိုင်တစ်ကောင် ကင်မရာရှေ့ ခုန်တက်သွားတာမျိုး အပြင်မှာ တကယ် ကြုံခဲ့ရလို့ ထိုက်တန်ခဲ့ပါတယ်။ တိုက်ကွက် အက်ရှင်များ : တိုက်ခိုက်ခန်းတွေက ကပြတာနဲ့ ပိုတူပြီး သရုပ်ဆောင်တွေကိုယ်တိုင် ကျွမ်းကျင်သွားအောင် လေ့ကျင့်ခဲ့ရလို့ စတန့်သမားတွေလိုပဲ တော်ခဲ့ကြတာကို တွေ့ရမှာပါ။ တစ်ကားလုံးကို IMAX နဲ့ ရိုက်ကူးပြီး ရှေးဟောင်း ဂီတနဲ့ ပုံဖော်ခြင်းနိုလန်ဟာ အသက် ၁၆ နှစ်ကတည်းက မက်ခဲ့တဲ့ အိပ်မက်အတိုင်း ရုပ်ရှင်တစ်ကားလုံးကို IMAX ပုံစံနဲ့ ရိုက်ကူးခဲ့ပါတယ်။ အိုင်မက်စ် ကင်မရာရဲ့ အသံထွက်တဲ့ စိန်ခေါ်မှုကို အင်ဂျင်နီယာအဖွဲ့က သေတ္တာထဲ ထည့်တဲ့နည်းနဲ့ ဖြေရှင်းပေးခဲ့လို့ ၆ လက်မလောက် အကွာမှာတောင် အသံကို သေချာ ရခဲ့တာပါ။ နောက်ပြီး တေးဂီတပိုင်းမှာလည်း လူဒဝစ်က နှစ်ပေါင်း ၁၀၀၀ လောက် ခေတ်စားခဲ့တဲ့ ရှေးဟောင်းဂရိ တူရိယာတွေဖြစ်တဲ့ အောလော့စ် (Aulos) နဲ့ လိုင်ယာ (Lyre) တို့ကို ပုံတူပြန်လုပ်ပြီး သေချာ သုတေသနလုပ်ကာ ထူးခြားတဲ့ အသံတွေနဲ့ ဖန်တီးပေးခဲ့ပါတယ်။ သုံးသပ်ချက် : နေ့တိုင်း ခရစ် နိုလန် ပြောလေ့ရှိတဲ့ ဆောင်ပုဒ်ကတော့ "လွယ်နေရင် လူတိုင်း လုပ်နေကြမှာပေါ့" တဲ့။ ဒီ Documentary ကို ကြည့်ပြီးတဲ့အခါ ရုပ်ရှင်အဖွဲ့သားတွေရဲ့ အစွမ်းကုန် ကြိုးစားအားထုတ်မှုတွေကြောင့် "The Odyssey" ဆိုတာ ဘာလို့ ရုပ်ရှင်အစစ်အမှန် ဖြစ်လာရလဲဆိုတာကို ကောင်းကောင်းကြီး သိမြင်သွားစေမှာ ဖြစ်လို့ မဖြစ်မနေ ကြည့်သင့်တဲ့ ဖန်တီးမှု မှတ်တမ်းတစ်ခုပါပဲ။ File Size… (550MB) / (291MB) Quality… WEB-DL 1080p HEVC / 720p Format…mkv / mp4 Duration…22m Genre ….Documentary Subtitle….Myanmar Subtitle (Hard Sub)

Enola Holmes 3 (2026) 4K HEVC ++++++++++ အားလုံးစောင့်မျှော်နေကြတဲ့ Enola Holmes ရဲ့ တတိယမြောက် ဇာတ်လမ်းထွက်လာပါပြီ။ ဒီတစ်ခါတော့ အရင်ကားတွေလို ဗြိတိန်မှာပဲ လည်မနေဘဲ မော်လ်တာ (Malta) ကျွန်းဆီကိုပါ ဇာတ်အိမ်ချဲ့သွားပါတယ်။ ဒီဇာတ်လမ်းမှာတော့ အီနိုလာ (Enola) နဲ့ လော့ဒ် တုစ်ဘူရီ (Lord Tewkesbury) တို့ စေ့စပ်ပွဲလုပ်ဖို့ ပြင်ဆင်နေကြတုန်း၊ သူ့ရဲ့ အစ်ကိုဖြစ်သူ နာမည်ကျော် စုံထောက်ကြီး ရှားလော့ခ်ဟုမ်းစ် (Sherlock Holmes) ပြန်ပေးဆွဲခံလိုက်ရပါတော့တယ်။ အဲဒီ ပြန်ပေးသမား တွေက ဘယ်သူတွေလဲ၊ ဘာရည်ရွယ်ချက်နဲ့ လုပ်တာလဲ ဆိုတာကို အီနိုလာတစ်ယောက် လိုက်စုံစမ်းရင်း ပိုကြီးမားတဲ့ လျှို့ဝှက်ပူးပေါင်းကြံစည်မှုကြီးတစ်ခုထဲကို ပါသွားပါတော့တယ်။ တစ်ဖက်မှာလည်း သူ့ရဲ့ အချစ်ရေး၊ အိမ်ထောင်ရေး ကိစ္စတွေနဲ့ စုံထောက်အလုပ်ကြားက ရွေးချယ်မှုတွေကို မြင်တွေ့ရမှာပါ။ ဇာတ်လမ်းက အရင်ကားတွေထက် ပိုပြီး အသက်အရွယ်ရင့်ကျက်လာတဲ့ အီနိုလာရဲ့ ဘဝအခက်အခဲတွေကိုပါ ထည့်သွင်းရိုက်ကူးထားပါတယ်။ ဒါရိုက်တာကတော့ အရင်ကားတွေကို ရိုက်ခဲ့တဲ့ ဟယ်ရီ ဘရက်ဒ်ဘီးယား (Harry Bradbeer) မဟုတ်တော့ဘဲ ဖိလစ် ဘာရန်တီနီ (Philip Barantini) က ပြောင်းလဲ တာဝန်ယူ ရိုက်ကူးထားတာပါ။ အရင်ကားတွေလိုပဲ ဉာဏ်စမ်းတွေ၊ အက်ရှင်တွေ၊ မိသားစု အချစ် အလွမ်းတွေနဲ့ စိတ်လှုပ်ရှားစရာ ကောင်းတာမို့လို့ ပေါ့ပေါ့ပါးပါးနဲ့ စိတ်ဝင်စားစရာ စုံထောက်ကား ကြိုက်တဲ့သူတွေ လက်မလွတ်သင့်တဲ့ ဇာတ်လမ်းကောင်းလေး တစ်ပုဒ်ဖြစ်ပါတယ်။ File Size… (6.98GB) / (1.89GB) / (940MB) Quality… WEB-DL 4K HEVC/ 1080p HEVC / 720p Format…mkv / mp4 Duration…1h 45m Genre ….Action , Adventure , Comedy , Crime , Drama , Mystery Subtitle….Myanmar Subtitle (Hard Sub)

The Assessment (2025) IMDb Rating (7.1) / Rotten Tomatoes (83%) Elizabeth Olsen နဲ့ Himesh Patel တို့ ပါဝင်ထားတဲ့ သိပ္ပံစိတ်ကူးယဉ် ဆိုက်ကိုဒရာမာပါ။ လူနည်းနည်းနဲ့ ဇာတ်လမ်းအဆန်းမျိုးကို ကြိုက်တဲ့သူတွေအတွက် ကွက်တိပါပဲ။ ဒီလို ဇာတ်လမ်းမျိုးလည်း အရင်က မကြည့်ဖူးကြသေးလောက်ပါဘူး။ ဇာတ်လမ်းအကျဉ်း ကမ္ဘာကြီးမှာ သယံဇာတနဲ့ စားစရာတွေကုန်ခါနီး အချိန်မှာ လူတစ်စုက ကမ္ဘာပေါ်မှာပဲ နေရာတစ်ခုကို ဖန်လုံအိမ်ပုံစံတည်ဆောက်ပြီး အသက်ရှင်အောင်နေကြပါတယ်။ အဲဒီ နေရာကို မလာရတဲ့လူတွေကတော့ ကမ္ဘာဟောင်းမှာ စုတ်ပြတ်နေအောင် နေကြရတာပါ။ အဲဒီ ကမ္ဘာသစ်ထဲမှာ လိုတာအကုန် အပြည့်အစုံရရုံမက ဆီနိုစီဒင်းဆိုတဲ့ ဆေးတစ်မျိုးကိုပါ ဖော်စပ်နိုင်ခဲ့ပြီး နေမကောင်းဖြစ်တာတွေ အသက်ကြီးတာတွေ အားလုံးကိုပါ ရပ်တန့်စေခဲ့ပါတယ်။ ဒါကြောင့် ကမ္ဘာသစ်ထဲကလူတွေက တစ်ယောက်အသက်ကို တစ်ယောက် မှန်းလို့မရကြပါဘူး။ အဲဒီနေရာရဲ့ ကန့်သတ်ချက်ကတော့ ကလေးမွေးခွင့်မရှိတာပါပဲ။ ရင်းမြစ်တွေမလောက်မှာဆိုးတဲ့အတွက် ကလေးတစ်ယောက်ယူခွင့်ရဖို့ဆိုရင် ခက်ခက်ခဲခဲ လျှောက်လွှာတင်ရပြီး အရမ်းခက်ခဲတဲ့ စစ်ဆေးမှုကို ခံယူရပါတယ်။ အဲဒီစစ်ဆေးမှုကို အောင်မှပဲ ကလေးမွေးခွင့်ရမှာပါ။ ဒီဇာတ်လမ်းထဲက စုံတွဲကလည်း ကလေးမွေးခွင့်လျှောက်ထားပြီးနောက်မှာ စစ်ဆေးရေးမှူးက အိမ်မှာ ၇ ရက် အတူလာနေပြီး မိဘဖြစ်ဖို့ အရည်အချင်းမီမမီ မျိုးစုံစစ်ဆေးပါတော့တယ်။ ဒီတော့ နောက်ဆုံး ရလဒ်က ဘာဖြစ်မလဲ၊ ဘာလှည့်ကွက်တွေ ရှိနေမလဲဆိုတာ တရစ်ချင်း ဖြည်ပြပါလိမ့်မယ်။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (1.5 GB) / (830 MB) Quality….WEB-DL 1080p HEVC / 720p Format…. mkv/mp4 Genre….Drama, Sci-Fi Duration….01:55:10 Subtitle….Myanmar Subtitle (Hardsub) Encoder….Benjamin Translated by Mr. Anderson

အပိုင်း ( ၁ မှ ၈ ) အထိ စ / ဆုံး လူတော်တော်များများဟာ စူပါဟီးရိုးရုပ်ရှင်တွေကို သဘောကျ တတ်ကြပါတယ် ။ ဒါပေမဲ့ အဲဒီရုပ်ရှင်တွေ ဖြစ်လာဖို နောက်ကွယ်က ပေးဆပ်မှုတွေကတော့ တစ်ခါတလေမှာ အမေ့လျော့ခံဖြစ်နေ တတ်ကြပါတယ် ။ ဒီတစ်ခေါက် The Franchise လိုခေါ်တဲ့ စီးရီးသစ်မှာတော့ ဘက်ပေါင်းစုံက ပြဿနာအမျိုးမျိုးတက်နေတဲ့ Tecto : The Eye of Storm ဆိုတဲ့ စူပါဟီးရိုးရုပ်ရှင်ကို ထုတ်လုပ်ဖို ကြိုးစားကြတဲ့ အဖွဲသားတွေအကြောင်းကို ဟာသဇာတ်နှောရင်း ရိုက်ကူးပြထားတာဖြစ်ပါတယ် ။ အချင်းချင်း မျက်နှာကြောမတည့်ကြတဲ့ သရုပ်ဆောင်တွေ ၊ လောကကြီးနဲ့ ကင်းကွာနေတဲ့ ဒါရိုက်တာ ၊ ဒါ့အပြင် ပြိုင်ဘက် ရုပ်ရှင်တစ်ကားကပါ ဝင်ရှုပ်လာတဲ့အခါ လက်ထောက်ဒါရိုက်တာ ဒန်နီရယ်တစ်ယောက် ဘယ်လိုစခန်းသွားမလဲဆိုတာကို စိတ်ဝင်စားဖွယ် စောင့်ကြည့်ရမှာဖြစ်ပါတယ် ။ ဒါဆိုရင်တောင် Tecto : The Eye of Storm ရုပ်ရှင်ကြီး အောင်မြင်စွာ အဆုံးသတ်သွားမလားဆိုတာကိုတော့ CM နဲ့ အတူတူ စောင့်ကြည့်လိုက်ရအောင်နော် ။ File Size – 601 MB Quality –WEB-DL 1080p HEVC Episodes -  8 Eps Duration -  29 min Subtitle – Myanmar Hardsub Format – mkv Genre :  Comedy Translator –  Hazelle , Chothet_mlmt , Aoi Encoder – Min Wai

ပင်လယ်ကမ်းစပ်မြို့လေးကို တာဝန်ကြောင့် ပြောင်းရွှေ့လာခဲ့တဲ့ ဝေလ်နဲ့ သူ့ဇနီးပေ့ဂျ်တို့၊ ကိုယ်ဝန်ရှိနေပြီဖြစ်တဲ့ ဇနီးဖြစ်သူနဲ့ ဘဝတစ်ခုကို ကောင်းကောင်းမွန်မွန်အစပြုချင်တဲ့အတွက်ကြောင့် ဒီမြို့လေးကို တစ်ခါတည်းပြောင်းရွှေ့လာကြတဲ့သူတွေဖြစ်ပါတယ်။ လူသစ်,စိတ်သစ်,နေရာသစ်,အလုပ်သစ်မှာနေထိုင်ရင်း ဝေလ်ဟာ အလုပ်စဝင်တဲ့ပထမဆုံးရက်မှာပဲ တိုင်ကြားချက်တစ်ခုကို ဖြေရှင်းဖို့သွားရင်းနဲ့ မတော်တဆဖြစ်ကာ လူသတ်မိသွားပါတော့တယ်။ ဒီပြဿနာကို ဘယ်လိုဖြေရှင်းရမလဲ မသိဖြစ်နေတဲ့အချိန်မှာ မမျှော်လင့်ဘဲ ဝေလ်နဲ့ သူ့လုပ်ဖော်ကိုင်ဖက်ဖြစ်သူ တယ်ရီတို့ဟာ အိမ်ထဲမှာ ဒေါ်လာ၁သန်းငွေသားတွေအပြည့်ထည့်ထားတဲ့ ခြင်းတစ်ခုကို တွေ့သွားကြပါတယ်။ ဒီလိုနဲ့ ပိုက်ဆံကိုမြင်ပြီးနောက် လောဘစိတ်ရယ်, လူသတ်မှုကို အမှုမပတ်ဖို့အတွက် နှစ်ယောက်သား အကြံထုတ်ရင်း ဒေါ်လာတစ်သန်းကို ခွဲယူကြပြီး ဒီလူသတ်မှုကိုတော့ တခြားတစ်ယောက်က သတ်တဲ့ပုံစံနဲ့ထားခဲ့မယ်ဆိုပြီး လုပ်ကြပါတော့တယ်။ ဒီလိုနဲ့ ဒီအမှုကိစ္စကြီးရဲ့နောက်ကွယ်မှာ ဘယ်လိုရှုပ်ထွေးမှုတွေ ရှိနေဦးမလဲ ........ လောဘကြောင့်နဲ့ ဝေလ်တို့ ဘယ်လိုကိစ္စတွေ ကြုံတွေလာရဦးမလဲ..... ဆိုတာတွေကို ကြည့်ရှုရမယ့် ဇာတ်လမ်းကောင်းလေးတစ်ပုဒ်ဖြစ်ပါတယ်။ (အညွှန်းနဲ့ ဘာသာပြန်ကတော့ Sakura ပဲဖြစ်ပါတယ်) File size…(1.6 GB)/(854 MB) Quality….Webrip 1080p / 720p Format…mp4 Duration….01:39:00 Genre... Comedy, Mystery, Crime  Subtitle….Myanmar Subtitle (Hardsub) Encoder….Mr. Anderson Translated by Sakura

Good Grief (2023) ~ IMDb - 6.4/10, RT - 78%, Meta - 60% ~ Schitt's Creek Sitcom နဲ့ နာမည်စရလာခဲ့သလို Schitt's Creek ရဲ့နောက်ဆုံးစီဆန်ကိုလည်း ကိုယ်တိုင်ရေးသား ရိုက်ကူး သရုပ်ဆောင်ခဲ့တဲ့ Emmy လေးဆုပိုင်ရှင် Dan Levy ကိုယ်တိုင် ရေးသား ရိုက်ကူး သရုပ်ဆောင်ထားတဲ့ရုပ်ရှင်ပါ။ Dan Levy ရဲ့ ပွဲဦးထွက်ရုပ်ရှင်လည်း ဟုတ်တယ်။ Rotten Tomatoes - 78% ရထားတော့ ပွဲဦးထွက်အနေနဲ့ဆို အရည်အချင်းရှိတယ်ပြောရမှာပါပဲ။ နက်ဖလစ်ကနေ ဖြန့်ပေးထားတဲ့ ရုပ်ရှင်လည်း ဟုတ်ပါတယ်။ ဇာတ်ကတော့ လိင်တူအချစ်ကို Focus ထားပြသလိုပြနေရင်းက သူငယ်ချင်းတစ်အုပ်ကြားကအချစ်ကို Focus ထားပြထားတဲ့ ရုပ်ရှင်လို့ပြောလို့ရပါတယ်။ မက်ဆိုတဲ့ ဂေးတစ်ယောက်ရှိတယ်။ သူက ပန်းချီဆွဲတဲ့အလုပ်လုပ်တယ်။ ပြောရရင်သရုပ်ဖော်ပုံဆွဲတာပေါ့။ စာအုပ်အဖုံးတို့ ပုံပြင်တို့ကိုဆွဲတာများတယ်။ သူ့ယောက်ျားကတော့ နာမည်ကျော် စာရေးဆရာ။ သူ့ယောက်ျားစာအုပ်တွေကိုလည်း သူပဲ သရုပ်ဖော်ပုံဆွဲတာ။ သူတို့လင်ယောက်ျားနှစ်ယောက် ပျော်ပျော်ရွှင်ရွှင်နဲ့ပဲ နေလာခဲ့တာကြာပြီ။ သူတို့အိမ်လေးကလည်း ပါတီတွေ သူငယ်ချင်းတွေနဲ့သာယာနေခဲ့တယ်။ ဒီလိုနဲ့ အပျော်တွေမကုန်ခင် တစ်နေ့မှာ သူ့ယောက်ျားဆုံးသွားတယ်။ ဘဝမှာ သူ့ယောက်ျားကိုပဲကြည့်ရင်း နေလာခဲ့တဲ့လူတစ်ယောက်ဟာ သူ့ယောက်ျားမရှိတော့တဲ့နောက် သူ့ယောက်ျားနဲ့အတူနေခဲ့တဲ့ အိမ်ကြီးထဲ တစ်ကိုယ်တည်း ရှင်သန်ရဖို့ဖြစ်လာတယ်။ သူ့သူငယ်ချင်းတွေက သူတို့ဘဝရဲ့ တစ်နှစ်တာအချိန်ကို အကုန်ခံပြီး သူ့ကိုအားပေးဖို့ သူနဲ့အတူလာနေပေးကြတယ်။ တစ်နှစ်ပြည့်ပြီးတဲ့နောက် သူ့ယောက်ျားချန်ထားခဲ့တဲ့စာကို ဖောက်ဖတ်ဖို့ သတ္တိရှိလာတဲ့အချိန် ဒီစာဟာ သူ့ဘဝကို ဘယ်လိုရိုက်ခတ်သွားခဲ့သလဲ... သူ့သူငယ်ချင်းတွေနဲ့သူ့ဆက်ဆံရေးက ဘာဖြစ်သွားမလဲ... ကျွန်တော်တို့မြင်ရလိမ့်မယ်။ ဆိုခဲ့သလို ဒီရုပ်ရှင်ဟာ အချစ်အကြောင်းကနေ သူငယ်ချင်းတွေအကြောင်းဖြစ်သွားတဲ့ရုပ်ရှင်ပါပဲ။ ခင်မင်မှုရဲ့ ခွင့်လွှတ်ခြင်း လှပခြင်းတွေကို တစိမ့်စိမ့်ကြည့်ရလိမ့်မယ်။ ဒီလိုကားမျိုးတွေက သရုပ်ဆောင်ကောင်းရင်ကောင်းသလောက် ပိုတာသွားတတ်သလို Dan Levy, Luke Evans, Emma Corrin, Passing (2021) ထဲက အဓိကဇာတ်ကောင်ဖြစ်ခဲ့တဲ့ မင်းသမီးဇာတ်ဆောင်အော်စကာဆု ဆန်ခါတင်ဖူးခဲ့တဲ့ Ruth Negga, Yesterday (2019)ထဲက မင်းသား Himesh Patel တို့လို သရုပ်ဆောင်ကောင်းတဲ့ ဆရာကြီးတွေချည်း သရုပ်ဆောင်ထားတာမို့ ကြည့်ရတာတော့ ရှယ်တန်မှာပါ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 1.5GB, 665MB Quality - 1080p, 720p IMDb Rating - 6.4/10 Format - mp4 Duration - 1H 40Min Genre - Comedy, Drama, Romance Subtitle - Myanmar Subtitle (Hardsub) Translated by W Encoded by Y

မိခင်ပျောက်ဆုံးမှုနဲ့ တုစ်ဘူရီရဲ့အမှုတို့ကို ဖြေရှင်းနိုင်ခဲ့ပြီးတဲ့နောက် အနိုလာဟုမ်းစ်က ကိုယ့်အစွမ်းကို ယုံကြည်လာပြီး ကိုယ်ပိုင်စုံထောက်လုပ်ငန်းတစ်ခု ဖွင့်လိုက်ပါတယ်။ ဒါပေမယ့် ငယ်ရွယ်တဲ့မိန်းကလေးတစ်ယောက်ကို ယုံယုံကြည်ကြည် အမှုလာအပ်မယ့်သူ မရှိတော့ လုပ်ငန်းက အရှုံးပေါ်ပြီး ရုံးခန်းပိတ်ဖို့တောင် စီစဉ်လာရတယ်။ အဲဒီအချိန်မှာ မီးခြစ်ဆံစက်ရုံအလုပ်သမ ကောင်မလေးတစ်ယောက်က ပျောက်နေတဲ့အစ်မကို ရှာပေးဖို့ ရောက်လာပါတယ်။ အနိုလာက လူပျောက်ကို လိုက်ရှာရင်း ဒီအမှုဟာ ထင်ထားသလို ရိုးရိုးလူပျောက်မှုမဟုတ်ဘဲ မသမာမှုတွေ၊ လာဘ်စားမှုတွေနဲ့ လူသတ်မှုတွေပါ ရောယှက်နေမှန်း တွေ့လာတယ်။ စုံစမ်းလေလေ သူကိုယ်တိုင်လည်း အန္တရာယ်တွေနဲ့ ရင်ဆိုင်လာရပါတယ်။ နက်ဖလစ်ရဲ့ ဒီဒုတိယကားမှာ မီလီ ဘော်ဘီ ဘရောင်းက အနိုလာအဖြစ်၊ ဟင်နရီ ကာဗယ်က အစ်ကိုဖြစ်သူ ရှားလော့ခ်ဟုမ်းစ်အဖြစ် ပြန်ပါဝင်ထားပါတယ်။ အစ်ကိုကြီး မိုက်ခရော့ဖ်တော့ ပြန်မပါလာပေမယ့် အနိုလာနဲ့ လော့ဒ်တုစ်ဘူရီတို့ရဲ့ အချစ်ဇာတ်လမ်းကို ဆက်ပြထားပါတယ်။

စကားပြောတတ်တဲ့ ကြောင်လေး မော်ရိစ်၊ မိဘမဲ့ကောင်လေး ကိသ်နဲ့ စကားပြောတတ်တဲ့ ကြွက်တစ်စုတို့ဟာ မြို့တကာလှည့်ပြီး လူတွေကို လိမ်လည်ငွေရှာနေကြပါတယ်။ အရင်ဆုံး ကြွက်တွေကို မြို့ထဲလွှတ်ပြီး သောင်းကျန်းခိုင်းလိုက်တယ်။ မြို့ခံတွေက ကြွက်တွေကြောင့် အအိပ်ပျက် အစားပျက်ဖြစ်ကြရသလို ပုလိပ်ရောဂါကူးမှာကိုလည်း စိုးရိမ်လာကြပါတယ်။ အဲဒီအချိန်ရောက်မှ မော်ရိစ်က ကိသ်ကို ပုလွေသမားအဖြစ် ဟန်ဆောင်ခိုင်းပြီး ပုလွေတီးလို့ ကြွက်တွေကို မြို့အပြင် ခေါ်ထုတ်သွားစေတယ်။ ကြွက်တွေကို ရှင်းပေးနိုင်တဲ့သူလို့ ယုံသွားတဲ့ မြို့ခံတွေက ငွေပေးကြတော့ သူတို့အတွက် အလုပ်ဖြစ်နေတဲ့ နည်းလမ်းတစ်ခုပေါ့။ ဒီလိုနဲ့ ဘက်လစ်ဇ်ဆိုတဲ့မြို့ကို ရောက်လာကြပါတယ်။ အချက်အချာကျတဲ့ မြို့ကြီးတစ်မြို့ဖြစ်ပေမယ့် တစ်မြို့လုံးက ထူးထူးဆန်းဆန်း တိတ်ဆိတ်နေတယ်။ စားစရာမှန်သမျှ ပျောက်ဆုံးနေပြီး မြို့ခံတွေ အငတ်ဘေးဆိုက်နေတာပါ။ ဒီအခြေအနေကို တွေ့ရတော့ သူတို့လည်း လိမ်လည်ငွေရှာမယ့် အစီအစဉ်ကို စွန့်လွှတ်ပြီး မြို့တော်ဝန်ရဲ့သမီးနဲ့အတူ စားစရာတွေ ဘာကြောင့်ပျောက်နေရတာလဲဆိုတာ လိုက်ရှာကြပါတော့တယ်။

Station Eleven (2021) အိမ်ထဲမှာ ရက် (၈၀) လောက် ဘာအလုပ်မှ မလုပ်ဘဲ အေးအေးဆေးဆေး အိပ်လိုက်စားလိုက် နေရင်းနဲ့ အချိန်ဖြုန်းရရင် သိပ်ကောင်းမှာပဲလို့ တွေးမိကြလား။ စားစရာ အပြည့်အစုံနဲ့ သောက်စရာ ရေအလုံအလောက်နဲ့။ ကိုဗစ်ကာလမှာ stay home ခဲ့ရတာတောင် အမှတ်ရသွားကြမယ် ထင်ပါတယ်။ တစ်လစာ ဝယ်ထားတာတွေ တစ်ပတ်လောက်နဲ့ ကုန်သွားလို့ ပရဟိတသမားလေးတွေကို ဖုန်းဆက်ပြီး ဝယ်ခိုင်းရတာမျိုးတွေပေါ့။ အခုတင်ဆက်ပေးမဲ့ ဇာတ်လမ်းတွဲကလည်း အိမ်ထဲမှာ စားစရာတစ်ပုံတစ်ပင်နဲ့ ရက် (၈၀) အိမ်တွင်းပုန်းနေတဲ့ အမျိုးသားနှစ်ဦးနဲ့ ကလေးငယ်ကောင်မလေးတစ်ယောက်ရဲ့ အကြောင်းကနေ စပြောရမယ်ထင်ပါတယ်။ ဒါပေမဲ့ တစ်ခုထူးခြားတာက သူတို့ ရက် (၈၀) အကြာ အိမ်ပြင်ထွက်လာတဲ့ အခါမှာတော့ ကမ္ဘာကြီးက လုံး၀ကိုပျက်စီးနေပါပြီ။ ဘာ့ကြောင့်လဲ။ ဘုရားသခင်ရဲ့ အမျက်တော်ကြောင့်လား။ ကံ၊ကံရဲ့ အကျိုးအရ လက်ငင်းဘဝမှာ အကျိုးပေးတာလား။ ကိုယ်နေထိုင်ရာ ကမ္ဘာကြီးကို နည်းမျိုးစုံနဲ့ ဖျက်ဆီးပစ်နေတဲ့ လူသားတွေအတွက် ကူရာမဲ့ ကယ်ရာမဲ့ ပြစ်ဒဏ်ခတ်ခြင်းတစ်ခု မျက်မှောက်မှာ ကြုံတွေ့လိုက်ရပါပြီ။ သိပ်ပြင်းထန်တယ်။ သိပ်ပြီး ကူးစက်လွယ်တယ်။ ရပ်နေရင်း ထိုင်နေရင်း ကားမောင်းနေရင်း ကုန်ကုန်ပြောရင်ဗျာ မနက်ဖြန်အတွက် ဘာလုပ်ရမလဲ စိတ်ကူးနေရင်းမှာကို လူတွေက သေမင်း ချောင်းဆိုးသံနဲ့အတူ ခေါက်ခနဲ လဲကျ သေဆုံး။ သေမင်းက Control + A နှိပ်ပြီး သေဆုံးစာရင်း ရွေးချယ်လိုက်သလိုမျိုး။ ဟုတ်ပါတယ်။ ကမ္ဘာကြီးကို ကြောက်မက်ဖွယ် တုပ်ကွေးဆန်ဆန် ရောဂါကြီး ကျရောက်လာတဲ့ စိတ်ဝင်စားဖွယ် ဇာတ်လမ်းတွဲလေးပါ။ ကျရောက်လာတဲ့ ရောဂါကြီးကလည်း ကျွန်တော်တို့တွေ ခုလို နဖူးတွေ့ဒူးတွေ့ ကြုံနေရတဲ့ COVID-19 လို သ​န္ဓေ​ပြောင်း ဗိုင်းရပ်စ်​ကြောင့်ပဲ ဖြစ်ပါတယ်။ ညီအစ်ကို နှစ်ယောက်ရယ် သူစိမ်း ကလေးမလေးတစ်ယောက်နဲ့ ရှင်သန်ကျန်ရစ်ပြီးအိမ်တွင်းပုန်း ဇာတ်လမ်းသွားကို စထားတယ်။ အဲဒီဇာတ်လမ်း ဘယ်လိုဆက်ဖြစ်မယ် ဘယ်လိုအဆုံးသတ်မယ်ဆိုတာကတော့ ငွေရောင်ပိတ်ကားပေါ်မှာ ဆက်လက်ကြည့်ရှုရမှာဖြစ်သလို အပတ်တိုင်းလည်း တင်ဆက်သွားမှာဖြစ်လို့ အကျယ်တဝင့် မပြောတော့ပါဘူး။ ကိုဗစ် စတုတ္ထလှိုင်းတို့ အိုမီခရွန်တို့ ခေတ်စားနေချိန်မှာ ကျောချမ်းချမ်း ကြည့်ရှုရမှာဖြစ်ပြီး ကမ္ဘာကြီးပျက်စီးပြီး​နောက် ရှင်သန်ကျန်ရစ်သူတွေဘယ်လိုမျိုး​ရှေ့ဆက်ကြတယ်ဆိုတဲ့ Post-apocalypse ပုံစံမျိုးနဲ့ survival technique တွေလည်း အတုယူနိုင်ပါတယ်။ (ဇာတ်ကားအညွှန်းကို Arr Khun Winchester မှ ရေးသားပေးထားပါတယ်) Quality - WEBrip 1080p, 720p Duration - 45min (@Episode) Subtitles - Myanmar Hardsub Format - MP4 Genre - Sci-Fi, Fantasy, Drama Source - 1080p.HMAX.WEBRip.DDP5.1.Atmos.x264 Translated by Arr Khun Winchester, Mugiwara Ya, Murphy Encoded by Y

ဇာတ်လမ်းက အရမ်းကောင်းတယ်ဗျာ။ သရုပ်ဆောင်ကတော့ All Stars လို့ ပြောရမှာပဲ။ လီယိုနာဒို၊ ဂျနီဖာလောရန့်၊ မရဲ စထရိ၊ ကိတ် ဘလန့်ချက်၊ တင်မိုးသီး၊ မာ့ရိုင်လန့်၊ အာရီရာနာ ဂရန်ဒေ၊ ဘန်နီဒစ် ဒရက်စ် စသဖြင့် အများကြီးပဲ။ ဇာတ်လမ်းအကျဉ်း။ ပါမောက္ခ မင်ဒီ နဲ့ ပါရဂူကျောင်းသူ ကိတ်တို့ မတော်တဆ ဥက္ကာခဲကြီးတစ်ခုကို တွေ့သွားတယ်။ အရွယ်အစားက ၁၀ ကီလိုမီတာလောက်ရှိပြီး ကမ္ဘာကြီးဆီကို တည့်တည့်ကြီး ပျံလာနေတာ။ ဝင်တိုက်မိရင် ကမ္ဘာပျက်ပြီ။ အဲဒါကို နာဆာကိုအကြောင်းကြား သမ္မတကိုလည်း သွားတွေ့တယ်။ ခက်တာက သမ္မတက စောင်ပေါ။ နာဆာညွှန်ချုပ်က သမ္မတရဲ့ စပွန်ဆာ မေ့ဆေးဆရာဝန်ဆိုတော့ ဘာမှနားမလည်ဘူး။ သမ္မတ လက်ထောက်က သမ္မတရဲ့ သားကို ပြန်ခန့်ထားတာ။ အဲဒီမှာ သူပြောတာကို မယုံကြတော့ ဒေါက်တာ မင်ဒီလည်း မီဒီယာတွေကနေ ကမ္ဘာပျက်တော့မယ်ဆိုတာ ယုံအောင်ကြိုးစားရတော့တာပေါ့။ ဆိုရှယ်မီဒီယာ အကြောင်းတွေ နိုင်ငံရေးအကြောင်းတွေကို ထိုင်လှောင်ထားတာ။ အူနာနေအောင်ကို ရယ်ရမယ့် ဟာသကားမျိုးပဲ။ ကြည့်လိုက်ကြပါ။ အညွှန်း နဲ့ ဘာသာပြန်ကတော့ Mr.Anderson နဲ့ Thiha Yan Naing ပဲ ဖြစ်ပါတယ်။ Genre.....Comedy, Sci-fi, Drama Quality….WEB-DL 1080p and 720p and 360p File size…1.8GB and 1.1GB and 330 MB Format…mp4 Duration….2h 23min Subtitle….Myanmar Subtitle (Hardsub) Translator ..... Mr.Anderson and Thiha Yan Naing Encoder .....August

Inception နဲ့ Interstellar တို့ကို ရိုက်ကူးခဲ့တဲ့ ခရစ္စတိုဖာနိုလန်ရဲ့ Tenet ဟာ အချိန်လမ်းကြောင်းကို ပြောင်းပြန်သွားခြင်းဆိုတဲ့ စိတ်ကူးနဲ့ တည်ဆောက်ထားတဲ့ သိပ္ပံစိတ်ကူးယဉ် အက်ရှင်ရုပ်ရှင်ပါ။ လူတွေနဲ့ အရာဝတ္ထုတွေဟာ ပုံမှန်အားဖြင့် အချိန်နဲ့အတူ ရှေ့ကို ဆက်သွားနေကြပါတယ်။ ဥပမာ ၇ နာရီမှာ ရှိနေတဲ့လူတစ်ယောက်ဟာ ဆယ်မိနစ်ကြာရင် ၇ နာရီ ၁၀ မိနစ်ကို ရောက်လာမှာပါ။ အချိန်နဲ့ဆန့်ကျင်ဘက်ကို သွားနေရင်တော့ ၇ နာရီကနေ ဆယ်မိနစ်ကြာတဲ့အခါ ၆ နာရီ ၅၀ မိနစ်ကို ရောက်သွားမယ်ဆိုတဲ့ သဘောဖြစ်ပါတယ်။ ဒီလိုပြောင်းပြန်ဖြစ်နေတဲ့ အခြေအနေမှာ အကျိုးသက်ရောက်မှုကို အရင်တွေ့ရပြီး အကြောင်းရင်းက နောက်မှ ပေါ်လာနိုင်ပါတယ်။ နံရံမှာ မြုပ်နေတဲ့ ကျည်ဆံတစ်တောင့်က သေနတ်ထဲကို ပြန်ဝင်သွားတာမျိုးပါ။ လူတစ်ယောက်က အချိန်ပြောင်းပြန်သွားနေရင်တော့ ပစ္စည်းတွေလို မလွယ်ဘဲ အသက်ရှူတာ၊ မြင်တာ၊ ကြားတာတွေ ပုံမှန်မဖြစ်နိုင်ဘူးလို့ မူရင်းမိတ်ဆက်စာက ရှင်းပြထားပါတယ်။ အတိတ်နဲ့ အနာဂတ်ကြား ပစ္စည်းပို့နိုင်ပုံကိုလည်း ဥပမာတစ်ခုနဲ့ ရှင်းထားတယ်။ ပစ္စည်းတစ်ခုကို ၂၀၂၀ နိုဝင်ဘာ ၃၀ ရက် မနက် ၉ နာရီမှာ မြေမြှုပ်ထားတယ်ဆိုပါစို့။ ၂၀၅၀ ခုနှစ်မှာ တစ်ယောက်ယောက်က အဲဒီပစ္စည်းကို တူးယူပြီး အချိန်ပြောင်းပြန်သွားနိုင်အောင် လုပ်ကာ မူလနေရာမှာ ပြန်မြှုပ်လိုက်မယ်ဆိုရင် ပစ္စည်းက အတိတ်ဘက်ကို ရွေ့လာနိုင်မယ်ဆိုတဲ့ စိတ်ကူးပါ။ အဲဒီသဘောအရ ၂၀၂၀ ခုနှစ်ကလူဟာ မူလအချိန်မှာပဲ နှစ်သုံးဆယ်ခန့် အနာဂတ်က ပြန်လာတဲ့ပစ္စည်းကို တူးယူနိုင်မလား၊ ဒီနည်းနဲ့ အချိန်ကာလနှစ်ခုကြား သတင်းစကားပါးနိုင်မလားဆိုတာကို တွေးကြည့်နိုင်ပါတယ်။ မူရင်းက ဆက်ရှင်းထားတဲ့ အယူအဆတစ်ခုက Grandfather paradox လို့ခေါ်တဲ့ အဘိုးဝိရောဓိပါ။ လူတစ်ယောက် အတိတ်ပြန်သွားပြီး ကိုယ့်အဘိုးကို သတ်လိုက်ရင် ကိုယ်တိုင်လည်း မွေးလာနိုင်တော့မှာ မဟုတ်ပါဘူး။ မွေးမလာခဲ့ရင် အတိတ်ကိုပြန်ပြီး အဘိုးကိုသတ်မယ့်သူလည်း ရှိနိုင်တော့မှာ မဟုတ်ဘူး။ ဒီလို အကြောင်းနဲ့အကျိုး ပြန်ငြိနေတဲ့ ပြဿနာကို Tenet ရဲ့ အချိန်ဆိုင်ရာစိတ်ကူးတွေနဲ့ တွဲစဉ်းစားဖို့ မိတ်ဆက်ထားပါတယ်။ အတိတ်ကို ပြောင်းလဲနိုင်ခဲ့ရင် ရလဒ်မတူတဲ့ အချိန်လမ်းကြောင်းတွေ ကွဲထွက်လာနိုင်မလား၊ စကြဝဠာအမျိုးမျိုး တည်ရှိလာနိုင်မလားဆိုတာကလည်း မူရင်းမှာ အဖြေသတ်မှတ်မထားတဲ့ မေးခွန်းတွေပါ။

"ထိုင်ကြည့်နေရုံနဲ့ကမ္ဘာ့ကြီးဟာပြောင်းလဲမလာပါဘူး၊ ကိုယ်နေထိုင်ဖို့ ရွေးချယ်လိုက်တဲ့ လမ်းကသာ ကမ္ဘာကြီးကိုပြောင်းလဲစေမှာပါ"တဲ့။ စူးစမ်းလိုစိတ်အပြည့်ရှိတဲ့ သိပ္ပံပညာရှင် နက္ခတ္တဗေဒပညာရှင် ဂျိမ်းစ် ဂလီရှာဟာ ကောင်းကင်ကြီးရဲ့သဘောသဘာဝကိုသာ အပြည့်အဝနားလည်ရင် ရာသီဥတုကို ခန့်မှန်းနိုင်မှာ ဆိုတဲ့ ယုံကြည်ချက်နဲ့ လှောင်ရယ်သံတွေ အကြား စွန့်စားခရီးနှင်ခဲ့သူပါ။ သူတို့ခေတ်သူတို့အခါမှာ မိုးလေဝသကိုခန့်မှန်းမယ်ဆိုတာ အခြေအမြစ်မရှိဘူးလို့ အများသူငှာကယူဆကြပါတယ်။ ဒါပေမယ့် ဂျိမ်းစ်ကတော့ ကောင်းကင်ကိုလေ့လာဖို့အတွက် မီးပုံးပျံစီးကာ ခရီးနှင်နေကြဖြစ်တဲ့ အမ်မလီရာဆိုတဲ့ မုဆိုးမလေးနဲ့ ကောင်းကင်ခရီးထွက်ဖို့စီစဉ်ပါတော့တယ်။ အမ်မလီရာကလဲ အကြောင်းကြောင်းကြောင့် မီးပုံးပျံထပ်မစီးတော့ဘူးလို့ ဆုံးဖြတ်ထားသူပါ။ တစ်နေ့တော့ သူတို့နှစ်ယောက်ပေါင်းကာ ကမ္ဘာ့အမြင့်ဆုံးဆိုတဲ့ စံချိန်ကိုချိုးဖို့ထွက်ခွာခဲ့ပါတော့တယ်။ အင်္ဂလိပ်လူမျိုးမိုးလေဝသပညာရှင် ဂျိမ်းစ်ဂလီရာအကြောင်းရိုက်ကူးထားတဲ့ ဒီဇာတ်ကားဟာ ဖြစ်ရပ်မှန်တွေက ပုံပြင်ထက်ပိုဆန်းကျယ်တယ်ဆိုတဲ့ အကြောင်းကိုသက်သေပြနေသလိုပါပဲ။ လူနှစ်ဦးရဲ့ရဲစွမ်းသတ္တိ၊စူးစမ်းရှာဖွေလိုစိတ်၊ဉာဏ်ပညာ၊အတိတ်၊ရည်ရွယ်ချက် စတာတွေကိုအကောင်းဆုံးပုံဖော်ပေးထားတဲ့ဒီကားလေးနာမည်ကတော့ The aeronauts(2019)ပါ။ Rotten Tomatoes 72%ရရှိထားပြီး Eddie Redmanye ကိုယ်တိုင် အကောင်းဆုံးသရုပ်ဆောင်ထားတာမလို့ ကောင်းတယ်ဆိုတာအထွေအထူးမညွှန်းတော့ပဲနဲ့ Channel Myanmar ပရိသတ်ကြီးအတွက် တင်ဆက်ပေးလိုက်ပါတယ်။ File Size : (945 MB , 294 MB ) Quality :  WEB-DL 720p Running Time : 1 hr 40 min Format : Mp4 Genre : Action , Adventure , Biography Subtitle : Myanmar Subtitle (Hard Sub) Translated by Aye Mon Kyaw Encoded by Moe Myint Lwin

esterday ဆိုတဲ့ ရုပ်ရှင်လေး ကြည့်ကြရအောင်။ Musical ကားလေးပါပဲ။ ကမ္ဘာပေါ်မှာ အကောင်းဆုံး အဆိုတော်အဖွဲ့လို့ ပြောပြီဆို လူအတော်များများ ပြေးမြင်မိကြမှာ ဘီတယ်စ်ပါပဲ။ အအောင်မြင်ဆုံးနဲ့ အကောင်းဆုံး သီချင်းတွေကို ရေးဖွဲ့ခဲ့ကြပါတယ်။ ဒီရုပ်ရှင်ကတော့ ဘိုဟီးမီးယန်းတို့ ရော့ကတ်မန်းတို့လို ဘိုင်အိုပစ် မဟုတ်ပါဘူး။ ဘီတယ်စ်ကိုအခြေခံထားတဲ့ စိတ်ကူးယဉ် ဂီတ ရုပ်ရှင်လေးပါ။ ဇာတ်လမ်းအကျဉ်းကတော့ အင်္ဂလန်ရဲ့ မြို့လေးတစ်မြို့မှာ အရမ်းကြိုးစားပေမယ့် မအောင်မြင်တဲ့ အဆိုတော်လေး တစ်ယောက် ရှိတယ်ပေါ့။ တစ်နေ့တော့ သူဟာ အဆိုတော်ဘဝကို လက်လျှော့လိုက်တော့မယ် အချိန်မှာ အဖြစ်ဆန်းတစ်ခု ကြုံလိုက်ရပါတော့တယ်။ အဲဒါကတော့ ကမ္ဘာပေါ်က လျပ်စစ်အားလုံး ၁၂ စက္ကန့် ပြတ်တောက်သွားပြီး အမှောင်ကျသွားတာပါပဲ။ အဲဒီ ၁၂ စက္ကန့်အပြီးမှာ ကမ္ဘာပေါ်က အရာအချို့ဟာ လုံးဝပျောက်ကွယ်သွားခဲ့ပြီး လူတွေက ရှိခဲ့တယ်ဆိုတာကိုတောင် မသိတော့ပါဘူး။ ကိုကာကိုလာတို့ စီးကရက်တို့ကို လူတွေ မသိကြတော့ပါဘူး။ အဲဒီအထဲမှာ ဘီတယ်စ် အဖွဲ့လည်း ပါသွားတယ်ပေါ့။ အဲဒီ သီချင်းတွေနဲ့ သူတို့လေးယောက်ကို မှတ်မိနေသူက ဂျက် မာလစ် တစ်ယောက်ပဲ ရှိပါတော့တယ်။ ဒီတော့ သူဟာ ဘီတယ်စ်ရဲ့ သီချင်းတွေကို ကိုယ်တိုင်ရေးသားသီဆိုသလို အသက်သွင်းဖို့ ကြိုးစားရင်း ကမ္ဘာကျော်ဖြစ်ဖို့အခွင့်အရေးကြုံလာတဲံအခါ.. ဒီရုပ်ရှင်ကိုကြည့်ပြီးရင် ဘီတယ်စ်ကို အရင်က မသိခဲ့သူတွေတောင် ဘီတယ်စ် သီချင်းတွေကို ကြိုက်သွားကြမှာ သေချာပါတယ်။ ခံစားကြည့်လိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Little Neo ပဲဖြစ်ပါတယ်……