Isiah Whitlock Jr. ပါဝင်သော ဇာတ်ကားများ

Hoppers (2026) +++++++++++ IMDb Rating (7.4) / Rotten Tomatoes (94%) ဒီနေ့တော့ ၂၀၂၆ ခုနှစ်မှာ အသစ်ထွက်ထားတဲ့ Pixar ရဲ့ အန်နီမေးရှင်းကားသစ်လေး Hoppers တင်ပေးထားပါတယ်။ ဒီကားကို ဒါရိုက်တာ ဒယ်နီယယ် ချောင်း က ရိုက်ကူးထားပြီး အဓိက အသံသရုပ်ဆောင်တွေကတော့ ပိုက်ပါ ကာဒါ၊ ဘော်ဘီ မွိုင်နီဟန် နဲ့ ဂျွန် ဟမ်း တို့က ပါဝင်ထားပါတယ်။ ဇာတ်လမ်းလေးကတော့ ++++++++++ မေဘယ်လ် ဆိုတဲ့ အသက် ၁၉ နှစ်အရွယ် တိရစ္ဆာန်ချစ်တဲ့ ကောလိပ်ကျောင်းသူလေး အကြောင်းပါ။ သူ့အဖွားနဲ့ အတူနေခဲ့တဲ့ တောအုပ်လေးကို မြို့တော်ဝန် ဂျယ်ရီ က ဖျက်ဆီးပြီး အဝေးပြေးလမ်းမ ဖောက်ဖို့ လုပ်လာတဲ့အခါ မေဘယ်လ် တစ်ယောက် အဲဒီတောအုပ်လေးကို ကာကွယ်ဖို့ ကြိုးစားပါတော့တယ်။ အဲဒီအချိန်မှာပဲ လူတွေရဲ့ စိတ်ကို စက်ရုပ်တိရစ္ဆာန်တွေဆီ ပြောင်းထည့်လို့ရတဲ့ နည်းပညာအသစ် တစ်ခုကို သူ တွေ့သွားတယ်။ ဒါနဲ့ မေဘယ်လ် လည်း သူ့စိတ်ကို ဗီဗာစက်ရုပ်လေးဆီ ပြောင်းထည့်ပြီး တိရစ္ဆာန်လောကထဲကို ဝင်သွားခဲ့တယ်။ အဲဒီမှာ ဗီဗာဘုရင် ဂျော့ချ် အပါအဝင် တခြား တိရစ္ဆာန်တွေနဲ့ မိတ်ဆွေဖြစ်သွားပြီး သူတို့ရဲ့ နေရာလေးကို ကာကွယ်ဖို့ လူတွေကို ဘယ်လို ပြန်ရင်ဆိုင်မလဲ ဆိုတာကို စိတ်ဝင်စားဖို့ကောင်းအောင် ရိုက်ကူးထားတာပါ။ အန်နီမေးရှင်းဆိုပေမယ့် ဟာသတွေ၊ အက်ရှင်တွေ အပြင် သိပ္ပံရုပ်ရှင်ဆန်ဆန် စိတ်လှုပ်ရှားစရာ အခန်းတွေလည်း အများကြီး ပါတယ်။ သဘာဝပတ်ဝန်းကျင်ကို ကာကွယ်ဖို့ အသိပေးတာတွေလည်း ပါသလို မိသားစု သံယောဇဉ်ကိုလည်း သေသေချာချာ ပုံဖော်ပေးထားတယ်။ Pixar ကားပီပီ ရုပ်ထွက်ကလည်း အရမ်းလှပြီး ကြည့်ရတာ တကယ်ကို တန်စေရမယ်။ တိရစ္ဆာန်လေးတွေအကြောင်းကို ပေါ့ပေါ့ပါးပါးနဲ့ ရယ်ရယ်မောမော ကြည့်ချင်တဲ့သူတွေ လက်မလွှတ်သင့်တဲ့ ကားကောင်းလေး တစ်ကားပါပဲ။ File Size… (6.55GB)/(2.17GB) / (1.23GB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 44m Genre ….Spy , Adventure , Animation , Comedy , Family , Sci-Fi Subtitle….Myanmar Subtitle (Hard Sub)

ဒီလောကကြီးမှာ တရားမျှတမှုဆိုတဲ့ စကားလုံးနဲ့ လူတိုင်း မစိမ်းကြပါဘူး တရားမျှတမှု ဆိုတာနဲ့အတူ မတရားမှုဆိုတာလည်း ဒွန်တွဲရှိနေပါသေးတယ် ဒီလိုနဲ့ တရားမျှတမှုဘက်တော်သားတွေနဲ့ မတရားသူတွေဆိုတာလည်း အလိုလို ပေါ်လာတယ် ဒါပေမဲ့ တရားမျှတမှုဘက်တော်သားတိုင်း တကယ်တရားမျှတမှုရှိကြရဲ့လား .. လောကီရေးရာတွေ သံယောဇဉ်ဆိုတာတွေ ပါလာတဲ့အခါ တရားမျှတမှုတစ်ခု ဖန်တီးပေးလိုက်ရင် ကိုယ်ချစ်တဲ့သူ တစ်ဦးတစ်ယောက် ထိခိုက်ရမယ်ဆိုရင် တရားမျှတမှုကို လိုချင်ပါဦးမလား ... မိုက်ကယ်ဒက်စီယာတိုဆိုတာ တရားသူကြီးတစ်ဦးပါ .. သူဟာ လူတိုင်းကို စာနာတတ်သူဖြစ်လို့ တရားခံအများစုကို အတတ်နိုင်ဆုံးအပြစ်လွတ်အောင် စီရင်ချက် ချတတ်ပါတယ် .. ဒီလိုလုပ်တတ်တဲ့ သူ့အကျင့်ကို ဥပဒေလောကသားတွေကတော့ သိပ်တော့ သဘောမတွေ့လှပါဘူး သူတို့ဖြစ်စေချင်တာက အပြစ်ရှိရင် အပြစ်ပေးရမယ် ညှာတာနေဖို့ မလိုဘူးပေါ့ .. ဒါပေမဲ့ အထက်မှာပြောခဲ့သလို မိုက်ကယ်ကား မေတ္တာရှင်ကြီး ... ဒီလိုနဲ့ တစ်နေ့မှာ မိုက်ကယ့်ရဲ့သားဖြစ်သူ အဒမ်ဟာ ... လမ်းပေါ်မှာ လူတစ်ယောက်ကို ကားနဲ့တိုက်မိပြီး ထွက်ပြေးလာခဲ့ပါတယ် ..အစပိုင်းမှာတော့ မိုက်ကယ်ဟာ ဒီကိစ္စကို တရားဥပဒေအရ အတတ်နိုင်ဆုံး ဖြေရှင်းဖို့ ဆုံးဖြတ်ပြီး သားဖြစ်သူနဲ့ ရဲစခန်းကို သွားခဲ့ပါတယ် သို့ပေမဲ့ ရဲစခန်းရောက်တဲ့အခါ သိလိုက်ရတာက တစ်ဖက်က သေဆုံးသွားတဲ့ ကောင်လေးဟာ မြို့ရဲ့ ဒိတ်ဒိတ်ကြဲ မျက်လုံးတစ်လုံးဆို မျက်လုံးတစ်လုံးပြန်ယူတတ်သူ လူဆိုးဂိုဏ်းချုပ်ကြီးရဲ့သားဖြစ်နေတဲ့အခါ... သားကို ကာကွယ်ဖို့အရေး တရားသူကြီးဖြစ်သူ မိုက်ကယ်ဒက်စီယာတိုဟာ မတရားမှုတွေကို ဖန်တီးရပါတော့တယ် ... File size…(700 MB) Quality….Webrip 1080p Format…mp4 Duration….01:04:00 Genre...Drama, Crime Subtitle….Myanmar Subtitle (Hardsub) Encoder….Mr. Anderson Translated by Act Molemy

ဒီဇာတ်လမ်းလေးကတော့ ၁၉၇၀အစောပိုင်းက အမေရိကန်နိုင်ငံ ကော်လိုရာဒိုပြည်နယ်ရဲ့ ကော်လိုရာဒိုစပရင်းမြို့ရဲဌာနမှာ ပထမဦးဆုံး တာဝန်ထမ်းဆောင်နိုင်ခဲ့တဲ့ အာဖရိကန်-အမေရိကန် နီဂရိုးစုံထောက်တစ်ယောက်ဖြစ်တဲ့ ရွန် စတောလ်ဝေါ့ရဲ့ ဖြစ်ရပ်မှန်ကိုရိုက်ကူးပုံဖော်ထားတာပါ... အဲ့ခေတ်အခါက လူမည်းတွေနဲ့ တခြားမျိုးနွယ်ဝင်တွေ (ဥပမာ - ဂျူးလူမျိုးများ)ကို ခွဲခြားဆက်ဆံပြီး လူဖြူမျိုးနွယ်တွေသာမြင့်မြတ်သည်ဟု ခံယူထားကြသည့် "Ku Klux Klan" လို့အမည်ရတဲ့ လူဖြူဝါဒကြီးစိုးရေးအဖွဲ့လဲပေါ်ပေါက်လျက်ရှိပါတယ်... ဒီရုပ်ရှင်ထဲမှာတော့ နီဂရိုးလူမျိုးတစ်ယောက်ဖြစ်တဲ့ ရွန် စတောလ်ဝေါ့အနေနဲ့ သူ့ရဲ့လုပ်ဖော်ကိုင်ဘက်ဖြစ်တဲ့ ဂျူးအနွယ်ဝင် ဖလစ် ဇင်မာမန်းနဲ့အတူ "KKK" အဖွဲ့ထဲ ဘယ်လို လျှို့ဝှက်အသွင်ပြောင်းဝင်ရောက်ပြီးတော့ အဖွဲ့ရဲ့သတင်းအချက်အလက်တွေကို ရယူမလဲဆိုတာကို ကြည့်ရှုခံစားရမှာပါ... ထိုခေတ်အခါက အမေရိကန်နိုင်ငံမှာနေထိုင်တဲ့ လူဖြူမဟုတ်တဲ့ မျိုးနွယ်ဝင်တွေဖြစ်ကြတဲ့ နီဂရိုးလူမည်းတွေနဲ့ တခြားအနွယ်ဝင်တွေ ဘယ်လိုဒုက္ခခံစားရတယ်ဆိုတာကိုလဲ တွေ့မြင်နိုင်ပါသေးတယ်... (အညွှန်းနဲ့ဘာသာပြန်ကတော့ MiKi ပဲဖြစ်ပါတယ်....) File Size : (1 GB) Quality : WEBDL 720p Running Time : 2hr 15min Format : Mp4 Genre : Biography , Comedy , Crime Subtitle : Myanmar Subtitle (Hard Sub) Source : WEBDL 1080p Translated by MiKi Encoded by Moe Myint Lwin

ကဲအခုနှစ်2017 ကမှထွက်ထားတဲ့Comedy/Actionကားလေးပါဗျာ။ မင်းသားကိုတချက်ကြည့်လိုက်တာနဲ့သိလောက်မှာပါ။ ဂျွန်ဘိတ်ကာနဲ့ပေါ့ချ်ရီလိုဆိုတဲ့သူနှစ်ယောက်ဟာကာလီဖိုးနီးယားအမြန်လမ်းရဲတပ်ဖွဲ့ကိုတူတူအသစ်ဝင်လာကြတဲ့သူတွေပါ။ ဒါပေမယ့်ဝင်လာရတဲ့အကြောင်းအရင်းတွေကတော့မတူကြပါဘူး။ ဂျွန်ဘိတ်ကာကအရင်ကဆိုင်ကယ်ပြိုင်ပွဲမောင်းတဲ့သူပါ။ အတိတ်ကရွှေရောင်နေ့ရက်တွေမှေးမှိန်သွားပြီးတဲ့နောက်အိမ်ထောင်ရေးပြန်လည်အဆင်ပြေစေဖို့ရဲဝင်လုပ်တာပါ။ ပေါ့ချ်ရီကတော့FBIအထူးစုံထောက်ဖြစ်ပြီးအဲဒီအမြန်လမ်းရဲတပ်ဖွဲ့ရဲ့အမှုတခုကိုဖြေရှင်းဖို့အသွင်ယူပြီးရောက်လာခဲ့တာပါ။ နှစ်ယောက်လုံးတူတူရောက်လာကြပြီးပူးတွဲတာဝန်ပေးခံလိုက်ရတဲ့အခါမှာတော့ ပေါ့ချ်ရဲ့ကြောင်တောင်တောင်အကျင့်တွေဘိတ်ကာရဲ့အူအူပုံစံတွေအတွေးအခေါ် တွေကြောင့်ဘယ်လိုတွေပေါက်ကရဖြစ်ကြမလဲ။ တယောက်ကအခုမှရဲလုပ်မယ့်သူ၊တယောက်ကအတွေ့အကြုံရှိတဲ့သူဘယ်လိုတွေအဆီအငေါ်မတည့်ဖြစ်ကြမလဲ။ သူတို့နှစ်ယောက်ဘယ်လိုကတောက်ကဆတ်တွေဖြစ်ပြီးရယ်စရာတွေလုပ်ပြမလဲ။ အမှုကရောဘယ်လိုဖြေရှင်းသွားမလဲဆိုတာကတော့ဆက်ကြည့်လိုက်ရအောင်ဗျာ။ အားလပ်ချိန်ကိုအားရပါးရရယ်လိုက်မောလိုက်အပန်းဖြေလိုက်ကြရအောင်ဗျာ။ [မင်းသားကတော့ပေါက်ကရလုပ်မယ့်မင်းသားဆိုတာသိမှာပါ:P]။ ပြောတာလေးတွေကနည်းနည်းတော့ဆဲတာလေး18+တွေပါပါမယ်။မိသားစုနဲ့မကြည့်သင့်ပါဘူး။ (ဘာသာပြန်သူကတော့ The Fridays ဖြစ်ပါတယ်) File Size : 750 MB Quality : Bluray 720p Running Time : 1hr 40minutes Format : Mp4 Genre : Action, Comedy, Crime Translator : The Fridays Encoder :Thanhtike Zaw

Detachment (2011) ~ IMDb - 7.7/10, Rotten Tomatoes - 59% ~ Detachment ရဲ့ အဓိကဇာတ်ကောင်က Adrien Brody သရုပ်ဆောင်တဲ့ အစားထိုးဆရာ ဟင်နရီဘတ်ပဲ။ သူ့အလုပ်က အမြဲတမ်းဆရာလစ်လပ်နေတဲ့ ကျောင်းတွေမှာ အစားထိုးဆရာ ခဏဝင်လုပ်၊ ကျောင်းက အမြဲတမ်းဆရာရသွားတဲ့အချိန် နောက်တစ်ကျောင်းကိုကူး။ ဒီလိုပဲရှင်သန်လာခဲ့တဲ့သူ။ သူ့မှာ တွယ်ငြိရမယ့်သူ သူနဲ့သက်ဆိုင်နေတဲ့သူဆိုလို့လည်း သူ့အဘိုးတစ်ယောက်ပဲရှိတယ်။ သူ့အဖေက သူမွေးကင်းစကတည်းက သူတို့သားအမိကို ပစ်သွားခဲ့ပြီး သူ့အမေကလည်း သူရှစ်နှစ်လောက်မှာတင် ဆုံးသွားသကိုး။ ဆိုတော့ အလုပ်လုပ်လိုက် သူ့အဘိုးရှိတဲ့ လူအိုရုံကိုသွားလိုက် သူ့ဘဝက ဒါပဲ။ ဒီတစ်ခါ သူအစားထိုးဆရာ ဝင်လုပ်ပေးရမယ့်ကျောင်းက တစ်နယ်လုံးမှာ နာမည်အပျက်ဆုံးကျောင်း။ ကျောင်းသူကျောင်းသားတွေကလည်း ဆရာကိုထဆဲတဲ့ကောင်နဲ့ ဆရာမကို Gang Bang မယ်ပြောတဲ့သူနဲ့ တကယ့်အလိမ္မာတုံးလေးတွေချည်းပဲ။ ဒီလိုကျောင်းကို ဟင်နရီဘတ်ရောက်သွားတယ်။ ဒီကျောင်းသားဆိုးတွေကြားမှာ သိပ်မဆိုးတဲ့ ကျောင်းသူတစ်ယောက်ရှိတယ်။ ဒီကားရဲ့ ဒါရိုက်တာ Tony Kaye ရဲ့သမီး Betty Kaye သရုပ်ဆောင်တဲ့ မာရီဒစ်လို့ခေါ်တဲ့ ကျောင်းသူ။ သူက ကျန်တဲ့ကလေးတွေ စကားနဲ့အနိုင်ကျင့်တာကို ခံနေရတဲ့သူလည်းဟုတ်တယ်။ ကျောင်းသားတွေစော်ကားတာခံနေရတာကို ဘာမှမတုံ့ပြန်တဲ့ ဘတ်ကို မာရီဒစ်က ကျွန်မရှင့်လိုသန်မာချင်လိုက်တာလို့ပြောတော့ "သန်မာတာနဲ့ မဆိုင်ဘူး... မင်းကို အခုလိုဖိနှိပ်မယ့်လူတွေကို ဘယ်အရွယ်ပဲရောက်ရောက်တွေ့နေရဦးမှာပဲ... မင်းစိတ်ကို ဒုတိယကမ္ဘာစစ်က ကတုတ်ကျင်းလို ခိုင်မာနေအောင်လုပ်ထားဖို့လိုတယ်... " လို့ ဘတ်က ပြန်ပြောခဲ့တယ်။ နောက်ဇာတ်ကောင်က အဲရစ်ကာလို့ခေါ်တဲ့ ကလေးမလေး။ ငယ်ပေမဲ့ အားကိုးအားထားမရှိတော့‌ ပြည့်တန်ဆာလုပ်စားနေတာ။ ဘတ်က ဒီကလေးမလေးကို ဘတ်စ်ကားပေါ်မှာ စတွေ့တာ။ လုပ်ပြီး ပိုက်ဆံမပေးဘဲ အထိုးခံ အနိုင်ကျင့်ခံနေရတာကို သူစတွေ့ခဲ့တယ်။ သူက ဒီကလေးမကို ဒီဘဝက ရုန်းထွက်နိုင်အောင် ကူညီပေးချင်ခဲ့တယ်။ ဒီအချက်တွေကို ကြည့်ရင် ဘတ်ဟာ လူကောင်းလို့ ကျွန်တာ်တို့ ယူဆလို့ရတယ်။ နောက်တစ်ခြမ်းကို ဆက်သွားရရင် ဘတ်ဟာ ဖိနှိပ်ခံတစ်ယောက်လို့ ကျွန်တော်တို့ ယူဆလို့ရလို့ သူဟာ ဖိနှိပ်ခံလူတန်းစားတွေကို ကောင်းကောင်းနားလည်တာလို့ ပြောလို့ရတယ်။ ဒါပေမဲ့ သူ့အဘိုး အိမ်သာထဲ လော့ချထားပြီး ထွက်မလာလို့ ဘယ်လိုမှခေါ်မရလို့ ဂေဟာက မိန်းမက သူ့ကိုဖုန်းဆက်တော့ သူညကြီးမင်းကြီးဂေဟာကို လိုက်သွားလိုက်ရတယ်။ ဒီလိုလိုက်သွားလိုက်တဲ့အချိန်မှာ ဂေဟာက အမျိုးသမီးကို သူ့ကိုအလုပ်ရှုပ်အောင်လုပ်လို့ဆိုပြီး ရစရာမရှိအောင်ကိုပြောခဲ့တယ်။ အောက်ဆုံးထိုးကျနေတဲ့ မျက်လုံးတွေနဲ့ အမျိုးသမီးကို သူနည်းနည်းမှမညာခဲ့ဘူး။ ရှေ့မှာ ဘတ်ဟာ စိတ်ကို ကတုတ်ကျင်းလို ခိုင်မာနေအောင်ထားဖို့လိုတယ်လို့ပြောခဲ့ပေမဲ့ တကယ်တမ်း ဘတ်ဟာ စာသင်ချိန်ပြင်ပ သူ့ဘဝမှာ အမြဲတမ်း ရီဝေနေတဲ့မျက်လုံးတွေနဲ့ မှုန်ရီနေတဲ့သူပဲ။ နောက်ပိုင်း ဘတ်ဟာ မာရီဒစ်အတွက် မိတ်ဆွေအဖြစ် ရှိနေပေးခဲ့တဲ့ သူ့ဖြစ်တည်မှုကို ကျောခိုင်းခဲ့သလို အဲရစ်ကာအတွက် ဒိုင်းသဖွယ်ဖြစ်နေပေးတဲ့ သူဖြစ်တည်မှုကိုလည်း‌ ကျောခိုင်းခဲ့တယ်။ ဒီမှာ ဘတ်ဟာ လူကောင်းမဟုတ်ဘူးလို့ ကျွန်တော်တို့ ယူဆလိုက်လို့ရပြန်တယ်။ ဒါက အကုန်တော့ မဟုတ်သေးတဲ့ ဟင်နရီဘတ်ကာရိုက်တာကို ပုံဖော်ထားတဲ့ တစ်စိတ်တစ်ပိုင်းပါပဲ။ ဘာလို့ သူ့ကောင်းခြင်းမကောင်းခြင်းနဲ့ သူ့အကြောင်းပြောနေရသလဲဆို ဒီဇာတ်တစ်ခုလုံးက ဟင်နရီဘတ်စ် အဲဒီကျောင်းမှာ အစားထိုးဆရာဝင်လုပ်ခဲ့တဲ့တစ်လမှာ သူမြင်နေရတဲ့ဆရာတွေ ကျောင်းသားတွေရဲ့ ဖြစ်တည်မှုတွေကနေ သူ့ဖြစ်တည်မှုကို လာထင်ဟပ်သွားတဲ့အကြောင်းမလို့ပဲ။ အဲဒီလိုထပ်ဟပ်တာကို ပိုအသက်ဝင်အောင်လည်း ဇာတ်ဝင်ခန်းသိပ်မပါလှပေမဲ့ သူ့ဘေးကလူတွေကို သရုပ်ဆောင်ကောင်းတဲ့ လူတွေချည်းသုံးပေးထားတယ်။ James Caan, Bryan Cranston, Lucy Liu, Christina Hendricks နဲ့ Maricia Gay Harden တို့လို လူတွေပေါ့။ ဒီလူတွေရဲ့ ရိုက်ခတ်မှုနဲ့ ဟင်နရီဘတ်ဟာ သူ့ဖြစ်တည်မှုကနေ သူရွေ့လျောသွားတယ်။ ဇာတ်ရဲ့အစမှာ သုံးထားတဲ့ ကမြူးရဲ့ စာအတိုင်းပဲ ဟင်နရီဘတ်ဟာ ဒီအရာအားလုံးဟာ သူနဲ့ဆိုင်နေသလို ခံစားရရင်းမှာပဲ အရာအားလုံးဟာ သူနဲ့မဆိုင်နေသလိုပါ ခံစားလာရတယ်။ Attachment တွေအားလုံး Detachment ဖြစ်သွားတယ်။ အဲဒီအကျိုးဆက်တွေကိုလည်း သူကြုံခဲ့ရတယ်။ သူ့ကိုယ်သူ ပျောက်ဆုံးသွားခဲ့တယ်။ ဒီလိုဆိုလို့ ဒီရုပ်ရှင်မှာ အဖြေတစ်ခုခုရှိနေမယ် မက်ဆေ့တစ်ခုခုရှိနေမယ်ထင်ရင်လည်း မှားမှာပဲ။ ဘာအဖြေမှမပါတဲ့ တင်ပြသွားခြင်းသက်သက်ပဲ။ သူပြောခဲ့သလိုပဲ ဒါတွေက အခုမှရှိနေတဲ့အရာတွေလည်း မဟုတ်ဘူး။ ခန်းမထဲမှာပဲဖြစ်ဖြစ် အတန်းထဲမှာပဲဖြစ်ဖြစ် လမ်းလျှောက်နေရင်း မင်းတို့ထဲက ဘယ်သူတွေ မင်းတို့ကို ဖိနှိပ်ထားတဲ့ အလေးချိန်ကို ခံစားမိကြလဲလို့ အတန်းထဲ သူပြောခဲ့တုန်းကလိုပဲ အားလုံးလက်ထောင်တယ်။ သူကိုယ်တိုင်လည်း လက်ထောင်တယ်။ ကျွန်တော်တို့လည်း လက်ထောင်ရမှာပဲ။ ကိုယ့်ဖြစ်တည်မှုကိုကိုယ်မတွေ့ဘဲ မမြင်နိုင်တဲ့အလေးချိန်တစ်ခုကသာ ဖိနှိပ်ထားတဲ့ ခံစားချက်မျိုး လူတိုင်းနီးပါး ခံစားဖူးကြမှာပဲ။ သူ့စကားအတိုင်းပေါ့။ အဂ္ဂါအယ်လန်ပိုးက ဒီအကြောင်းတွေကို လွန်ခဲ့တဲ့အနှစ်တစ်ရာကတည်းက ရေးပြီးသား။ ပိုးရဲ့ ဝတ္တုတိုထဲက အက်ရှာအိမ်တော်ကြီးဟာ ရဲတိုက်ဟောင်းကြီးသက်သက်မဟုတ်ဘူး။ ဖြစ်တည်မှုရဲ့ နိမိတ်ပုံတစ်ခု။ အက်ရှာအိမ်တော်ကြီးအကြောင်းဟာ တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်လိမ့်မယ်။ Detachment ဟာလည်း တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်နိုင်တယ်။ ဒီဇာတ်လမ်းရဲ့အဆုံးမှာတော့ တူညီတဲ့နှလုံးသားတစ်ခုဟာ တဆစ်ဆစ်ကိုက်နေမှာပဲ။ "တိမ်တွေ ကောင်းကင်နံရံမှာ နိမ့်ပါးစွာတွဲလျောင်းကျနေတဲ့ ဆောင်းဦးရဲ့ မှောင်မဲတိတ်ဆိတ် မှုန်မှိုင်းတဲ့နေ့တစ်နေ့မှာ မြင်းတစ်ကောင်ကိုစီးရင်း ကျေးလက်ရဲ့ မသာမယာလမ်းကြောတစ်ခုပေါ် တစ်ကိုယ်ရေတည်း ဖြတ်လာခဲ့တယ်။ ညနေခင်းရဲ့ ဆည်းဆာမှာ အရိပ်ထင်လာတဲ့အခါ လွမ်းညှို့ဖွယ်အက်ရှာအိမ်တော်ရဲ့ မြင်ကွင်းကို ငါမြင်နေရတယ်။ ဘာကြောင့်လဲ ငါမသိပေမဲ့ အက်ရှာအိမ်တော်ကြီးကို ပထမဆုံးရိပ်ခနဲမြင်လိုက်တဲ့အချိန် မခံရပ်နိုင်စရာ အဆွေးဓာတ်က ငါ့သန္တာန်မှာ လွှမ်းသွားတယ်။ အရောင်အဆင်းမရှိတော့တဲ့နံရံတွေကို... ဆွေးမြေ့ပြီးတဲ့သစ်ပင်တွေရဲ့ ပင်စည်ဖြူဖြူတွေကို... အက်ရှာအိမ်တော်ကြီးရဲ့မြင်ကွင်းကို... အကြွင်းမဲ့ပြိုလဲနေတဲ့ စိတ်နဲ့ သုန်မှုန်ရီ ငါငေးကြည့်မိတယ်။ အဲဒီမှာ နှလုံးသားတစ်ခုဟာ စက်ဆုပ်စဖွယ် အေးစက်သိမ်ငယ်နေတယ်..." စာကြွင်း။ ။ ဒါရိုက်တာ Tony Kaye ဟာ American History X ဆိုတဲ့ ပွဲဦးထွက်ရုပ်ရှင်နဲ့ ဟောလိဝုဒ်မှာ အောင်မြင်မှုရပြီးတဲ့နောက် ၂၀၀၆မှာမှ Lake of Fire ဆိုတဲ့ ဒိုကူမန်ထရီကို ပြန်ရိုက်ခဲ့တယ်။ အဲဒီနောက် American History X နောက်ပိုင်း ၁၅နှစ်နီးနီးကြာပြီး ၂၀၁၁မှာမှ သူရဲ့ ဒုတိယရုပ်ရှင် Detachment ကို ရိုက်ခဲ့တယ်။ အခု ၂၀၂၄အထိတော့ ဘာဆိုဘာမှ ထွက်မလာသေးဘူး။ ဒါပေမဲ့လည်း Tony Kaye ဟာ အတော်ဆုံး ဒါရိုက်တာတွေထဲက တစ်ယောက်လို့ပြောရမယ်။ သူရိုက်ခဲ့တဲ့ အနုပညာ ၃ခုလုံးက ပြစ်ချက်ပြောစရာမရှိလောက်အောင် ကောင်းလွန်းနေခဲ့တယ်။ နှမြောစရာကောင်းတာကတော့ အခု သူ့အသက်၇၁ထိမှာမှ သူ့ရုပ်ရှင်ဆိုလို့ ၂ကားပဲ တွေ့ရသေးတာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.1GB, 1.05GB Quality - 1080p, 720p IMDb Rating - 7.7/10 Format - mp4 Duration - 1H 38Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

Twelve (2010) ဒီဇာတ်ကားက ဝှိုက်မိုက်ဆိုတဲ့ မူးယစ်ဆေးရောင်းတဲ့ လူငယ်တစ်ယောက်ရဲ့ အကြောင်းကို ရိုက်ပြထားတာဖြစ်ပါတယ်... အရင်ကတော့ သူက အရမ်း ချမ်းသာတဲ့ မိသားစုက ကလေးတစ်ယောက်ဖြစ်ခဲ့ဖူးပေမဲ့ အခုတော့ ကျောင်းထွက်ပြီး သူ့အရင်က အတန်းဖော်တွေကို ဆေးခြောက်ရောင်းရင်း အသက်မွေးနေရတဲ့ သူတစ်ယောက် ဖြစ်သွားပါပြီ... သူ့အမေ သေဆုံးသွားတဲ့နောက်မှာ သူ့ဘဝက အောက်ကို ပိုပြီး ထိုးကျခဲ့တော့တာပါပဲ... သူ့ရဲ့ ဝမ်းကွဲညီဖြစ်သူကလည်း ဆေးရောင်းတဲ့ကောင်တစ်ယောက်ဆီမှာ အသတ်ခံလိုက်ရပါတယ်... အဲဒီမှာ ဘာတွေ ဆက်ဖြစ်မလဲ ဆိုတာကတော့ ဇာတ်ကားထဲမှာ ဆက်လက် ကြည့်ရှုရမှာဖြစ်ပါတယ်။ ဒီဇာတ်ကားမှာ အဓိကအနေနဲ့ မူးယစ်ဆေးက လူငယ်တွေရဲ့ ဘဝကို ဘယ်လောက်ထိ ဖျက်ဆီးပစ်နိုင်လဲဆိုတာကို ပြောထားတာဖြစ်လို့ ကြည့်ကို ကြည့်သင့်တဲ့ ဇာတ်ကားလေးတစ်ကားပါ လို့ ပြောလိုက်ပါရစေ... အညွှန်းနဲ့ ဘာသာပြန် BZW ဖြစ်ပါတယ်... File Size : 1.64GB / 700MB Quality : BluRay 1080p 5.1ch / 720p Duration : 1 hr. 38 min. Genre : Crime, Thriller Subtitle : Myanmar Subtitle (Hard Sub) Translated by BZW Encoded by Heather Oo

Choke (2008) IMDb - 6.4/10 R-ratedဖြစ်တဲ့အတွက် ၁၇နှစ်အောက်ကလေးတွေ လက်ရှောင်ပေါ့။ ဒါရိုက်တာက Clark Gregg၊ မင်းသားကြီး ဟယ်ရီဆန်ဖို့ဒ်ရဲ့ What Lies Beneath (2000)ရုပ်ရှင်ကို ရေးခဲ့တဲ့ဆရာ။ မင်းသားက Sam Rockwell။ ဇာတ်လမ်းအကျဉ်းပြောရရင် ငယ်ငယ်ကတည်းက မွေစားမိဘတွေ တစ်ယောက်ပြီးတစ်ယောက်ဆီကနေ ထွက်ပြေးခဲ့တဲ့သူ။ ဘာလို့ထွက်ပြေးလဲ၊ အမေအရင်းက လာလာခေါ်ပြီး ပညာတွေပေးနေလို့။ ဘယ်လိုပညာလဲ၊ ဒီကမ္ဘာကြီးဆိုတာ တိရစ္ဆာန်ဥယျာဉ်လိုပဲ အကျဉ်းထောင်တစ်ခု၊ တိရစ္ဆာန်တွေနဲ့ ငါတို့ကြားက ကွာခြားမှုက တိုင်တွေနောက်မှာရှိနေရတာနဲ့ ရှိမနေရတာပဲဆိုပြီး လမ်းသစ်ဖောက် ဘ၀အသစ်ကိုလျှောက်ဆိုတဲ့အမေ။ အရွယ်ရောက်လာတဲ့အချိန် အမေဖြစ်သူ အယ်လ်ဇိုင်းမားရောဂါနဲ့ စိတ်ကျန်းမာရေးဆေးရုံတင်ထားရတဲ့အချိန်။ သူ့အလုပ်အကိုင်က ရှေးခေတ်ကိုသရုပ်ဖော်တဲ့နေရာမှာ သရုပ်ဆောင်နေရတာ။ အမေ့ဆေးဖိုးလောက်ငှဖို့ ရောက်လေရာစားသောက်ဆိုင်မှာ အစာနင်ချင်ယောင်ဆောင်ပြီး လာကူပေးသူတွေဆီက ထောက်ပံ့ပေးကြေးရအောင် ဟန်ဆောင်တယ်။ နောက်ပြီး တွေ့သမျှမိန်းမနဲ့အတူနေတဲ့ လိင်စိတ်စွဲလန်းနေတဲ့ဘဲ။ ဒီလိုနဲ့ စိတ်ကျန်းမာရေးဆေးရုံက သူ့အမေကိုကုသပေးနေတဲ့ ဒေါက်တာမလေးနဲ့တွေ့တဲ့နောက်မှာ သူ့ဘ၀ တစ်ဆစ်မက နှစ်ဆစ် သုံးဆစ်ချိုးပြောင်းလဲသွားတဲ့အခါမှာတော့...။ (အညွှန်းနဲ့ဘာသာပြန်ကတော့ Zeoဖြစ်ပါတယ်။) File size… 3.9 GB / 1.8 GB Quality…Bluray 1080p HEVC/ 720p Format…mkv/ mp4 Duration….1h 32m Subtitle….Myanmar Subtitle (Hard Sub) Encoder….XCross Translated by Zeo

IMDb rating 6.9/10 ရရှိထားပြီး ကြောက်မက်ဖွယ်ရာသရဲအကြောင်း ပရလောကအကြောင်း နဲ့ သရဲခြောက်တဲ့ အိမ်တွေ အကြောင်းရေးပြီး နာမည်ရလာတဲ့ စာရေးဆရာ တစ်ယောက်ရှိတယ်အရမ်းနာမည်ကြီးနေတဲ့ သရဲခြောက်တဲ့နေရာတွေ သူသွားဖူးတယ် အဲ့ဒီနေရာတွေမှာ သူတစ်ယောက်ထဲ နေတယ်ပေါ့....ဒါပေမယ့် သူကြုံရတာတွေက လူတွေ စိတ်ခြောက်ချားတာ ဖြစ်ပြီးအမှန်တကယ် ဘာ ပရလောကသားကိုမှ မတွေ့ခဲ့ဖူးပါဘူး... တစ်ဖြေးဖြေး သူစိတ်ပျက်လာတယ် ...တကယ့် သရဲဆိုတာတွေကို မတွေ့တဲ့ အပေါ် မယုံကြည်တော့ဘူး ဒီလိုနဲ့ တစ်ရက်မှာတော့ ဘယ်သူတည်းတည်း သေတဲ့ ဟိုတယ်တစ်ခုက အခန်းကို သူငှားဖို့ကြိုးစားခဲ့တယ်... အားလုံးက ဝိုငး်ကန့်ကွက်ခဲ့ကြပေမယ့်သူဟာ ဒီအခန်းကို တည်းဖို့ဆုံးဖြတ်ချက်က လုံးဝမပြောင်းခဲ့ ဘူး....နောက်ဆုံး ကြံဖန်ရင်း အဲ့ဒီအခန်းမှာ သူငှားခွင့်ရသွားတယ်...အဲ့ဒီအခန်းကတော့ ဓါတ်လှေကား နံပါတ်မှာ မပါတဲ့ (၁၃) လွှာမြောက် အခန်းနံပါတ် 1408တဲ့.... ကဲ ဒီလောက်ပဲ ပြောပါတော့မယ် Horror ပရိတ်သက်ကို တကယ်အကြိုက်တွေ့စေမယ့် ရုပ်ရှင်ကားဖြစ်လို့ ကျနော် ပြန်လုပ်ပေးထားပါတယ်... File Size :1.6GB Quality : Blu-Ray 1080p Format…mp4 Duration…01:44:00 Genre : Horror , Mystery, Fantasy Subtitle : Myanmar Subtitle (Hard Sub) Translated by Aye Chan Su Encoded by Thit San Khant

IMDb Rating – 5.3/10 ဒီဇာတ်လမ်းမှာတော့ မင်းသား Anthony Mackie က ဂျွန်ဟင်နရီအမ်းစထရောင်းအဖြစ် အဓိကသရုပ်ဆောင်ထားပြီး Kerry Washington ၊ Woody Harrelson နဲ့ Monica Bellucci တို့ကို မြင်တွေ့ရမှာပဲ ဖြစ်ပါတယ်။ ဇာတ်လမ်းအမျိုးအစားကတော့ Comedy/ Drama အမျိုးအစားဖြစ်ပါတယ်။ ဇာတ်လမ်းအစမှာ ဂျွန်က ဆေးဝါးထုတ်လုပ်ရေးကုမ္ပဏီကြီးတစ်ခုရဲ့ ဒုဥက္ကဋ္ဌဖြစ်ပြီး သူတို့ ကုမ္ပဏီကြီးက AIDS ရောဂါကာကွယ်ဆေးကို ထုတ်လုပ်ဖို့ကြိုးစားနေတာပါ။ ထုတ်လုပ်တဲ့လုပ်ငန်းစဉ်အတွင်း ကျင့်ဝတ်ဆိုင်ရာချိုးဖောက်မှုတွေကို ဂျွန်က သိမြင်လာရတဲ့အတွက် အဲ့ဒီကိစ္စတွေကို ကျင့်ဝတ်ဆိုင်ရာထိန်းသိမ်းရေးကော်မတီတစ်ခုကို တိုင်ကြားလိုက်ပါတော့တယ်။ ဒါကြောင့် သူလည်း အလုပ်ပြုတ်သွားတဲ့အချိန်မှာ သူ တစ်ချိန်က ဇနီးအဖြစ်မတော်လိုက်ရတဲ့ ချစ်သူဟောင်း ဖာတီမာက သူ့ဘဝထဲကို ပြန်ဝင်လာပါတော့တယ်။ သူတို့ မယူဖြစ်ခဲ့ကြပုံမှာလည်း လက်ထပ်ခါနီးမှာမှ ဖာတီမာက သူမကို သူမ လိင်တူချစ်မြတ်နိုးမှန်းသိလိုက်ရတာကြောင့်ပါ။ ယခုအခါ သူမက သူမရဲ့ လက်ရှိချစ်သူကောင်မလေးနဲ့ တပြိုင်နက် ကိုယ်ဝန်လွယ်ချင်ပြီး ကလေးရဲ့ ဖခင်ကိုတော့ ဂျွန်ကို ဖြစ်စေချင်တာပါ။ ဂျွန်ကလည်း တစ်ဖက်မှာ အလုပ်ကလည်း အဆင်မပြေတာနဲ့ ဖာတီမာနဲ့ သူမ ချစ်သူကို အဆင်ပြေအောင် ကူညီပေးလိုက်ရာကနေ နောက်ထပ် နောက်ထပ်သော လိင်တူချစ်ကြိုက်ပြီး ကိုယ်ဝန်ဆောင်လိုတဲ့ အမျိုးသမီးလေးများက သူ့ဆီသို့ ရောက်လာတဲ့အခါ ဘာတွေဆက်ဖြစ်မလဲဆိုတာကို ဆက်လက်ကြည့်ရှုရမှာပဲဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(3 GB)/(1.5 GB) Quality….Webrip 1080p / 720p Format…mp4 Duration….01:40:00 Genre... Comedy, Drama Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

The Wire (2002) (Season 1 Ep 1 to 5) (Completed) IMDB : 9.3 Rotten Tomatoes : 94% Genre : Drama / Crime The Wire ဟာ Empire Magazine ရဲ့ အကောင်းဆုံး ရုပ်သံဇာတ်လမ်းတွဲမှာ နံပတ် ၄ ချိတ်ခဲ့တဲ့ ဇာတ်လမ်းတွဲတစ်ခုဖြစ်ပါတယ်။ အကောင်းဆုံး ဇာတ်လမ်းတွဲလို့များလို့ရှာလိုက်ရင် The Wire ဟာ Breaking Bad / The Sopranos / Game of Thrones တို့နဲ့အပြိုင် ပေါ်လာတတ်တဲ့ ဇာတ်လမ်းတွဲတစ်ခုလည်းဖြစ်ပါတယ်။ The Wire ဟာ ထွက်ခဲ့ဖူးသမျှထဲ Realistic အဖြစ်ဆုံး TV Series အဖြစ်သက်မှတ်ခံထားရတဲ့ ဇာတ်လမ်းတွဲလည်းဖြစ်ပါတယ်။ ဘာလို့လဲဆိုတော့ ဒီဇာတ်လမ်းတွဲမှာ လူစွမ်းကောင်းမပါပါဘူး။ ၁၀၀ နဲ့ ၁ ယောက်ယှဉ်ချမယ့် ဆရာကြီးတွေလည်းမပါပါဘူး။ အကုန်လုံးက ကိုယ့်ဘဝနဲ့ကိုယ်တိုင်ပတ်ရင်း ရဲဝန်ထမ်းဘဝကို ဖြတ်သန်းကျပုံကို မှုခင်းနဲ့ပေါင်းပြီး တင်ဆက်ထားတာဖြစ်ပါတယ်။ စကားလုံးအသုံးနှုန်းတွေကလည်း ၁၀ ကြောင်းမှာ ၇ ကြောင်းလောက်က Curse Word တွေဖြစ်ပြီး Fck အသုံးဆုံး Series တွေထဲက တစ်ခုလည်းဖြစ်ပါတယ်။ Violence / Sex / Curse Word တွေပါဝင်ပြီး R-Rated ဖြစ်တာကြောင့် မိသားစုနှင့်တော့ ကြည့်ရှုရန်မသင့်ပါဘူး။ ဇာတ်ညွှန်း Baltimore မြို့မှာကြီးစိုးနေတဲ့လူတစ်ခုရှိတယ်။ အဲဒါကတော့ ရဲတွေမဟုတ်ပဲ West Coast က ဆေးရောင်းတဲ့လူမည်းတွေဖြစ်ပါတယ်။ ဒီလူမည်းတွေက တရားရုံးတက်လည်းနိုင်တယ်။ လူသတ်လည်းလွတ်တယ်။ သူတို့က တရားရုံးကို ခါးပိုက်ထဲမထည့်ထားဘူး။ ရဲတွေကိုလည်း လာဘ်မထိုးဘူး။ သူတို့က လမ်းပေါ်ကလူတွေအကုန်လုံးကို လက်ခုပ်ထဲကရေလုပ်ထားတယ်။ အသတ်ခံရတော့လမ်းပေါ်ကလူ၊ သက်သေထွက်တာလည်း လမ်းပေါ်ကလူ၊ ဒါပေမဲ့ အဲဒီလမ်းပေါ်ကလူတွေကို ကြီးစိုးနေတာက ဒီလူမည်းတွေ။ ဆိုတော့ လူသတ်မှု ၁၀ မှုမှာ ၉ မှုလောက်က တရားစွဲလို့တောင်မရဘူး။ စွဲလို့ရတဲ့ ၁ မှုကျပြန်တော့လည်း ကွင်းလုံးကျွတ်လွတ်သွားပြန်တယ်။ ဆိုတော့ သူတို့ကိုသွားထိလို့လည်းမရပြန်ဘူး။ သိနေပေမဲ့ သက်သေကမရှိဘူး။ ဒီလိုနဲ့ သူတို့ကို အမြစ်ဖြတ်ဖို့ ဆာဂျင်ဒယ်နီယဲလ်ရဲ့လက်ထဲကို တာဝန်တစ်ခုကရောက်လာတယ်။ ဆာဂျင်က ဌာနပေါင်းစုံက အကောင်းဆုံးလူတွေကို တောင်းခံခဲ့တယ်။ ဒါပေမဲ့လည်း သိတဲ့အတိုင်း ဒီလိုတောင်းခံလိုက်ရင် ဌာနပေါင်းစုံကလည်း ငကြောင်တွေ၊ ဂကြောင်တွေ ဌာနတွင်းသုံးစားမရဘူးလို့ ထင်တဲ့လူတွေအကုန်လုံးကို ထိုးထည့်တော့တာ။ အဲဒီထဲမှာ စုံထောက် မက်နယ်လ်တီလည်းပါတယ်။ ဒီလိုနဲ့ ဆာဂျင်ခေါင်းဆောင်တဲ့ အထူးဂကြောင်တပ်ဖွဲ့ကြီးဟာ West Coast ရဲ့အကြီးမားဆုံး ဆေးဂိုဏ်းကိုဖြုတ်ချဖို့ကြိုးစားကြပါတော့တယ်။ တစ်နေရာမှာ ပြဿနာရှာတတ်၊ ဌာနမှာ တိုင်ပတ်နေတဲ့လူတွေကလည်း တစ်နေရာရာမှာ အရမ်းကိုထူးချွန်သွားတတ်ပါတယ်။ ဘာတွေဆက်ဖြစ်မှာလဲကိုခံစားကြည့်လိုက်ကြပါ။ မက်နယ်လ်တီ အဖြစ် မင်းသား Dominic West ဆာဂျင်အဖြစ် မင်းသား Lance Reddick စထရင်ဂါဘဲလ်အဖြစ် မင်းသား Idris Elba ဝေါလေ့စ်အဖြစ် မင်းသား Michael B. Jordan အပြင် မျက်နှာသိတွေတော်တော်ပါတဲ့ ရုပ်သံဇာတ်လမ်းတွဲမလို့ Sit back, relax, and enjoy! ပါခင်ဗျာ။ File size… 2 GB/ 1 GB Quality… BluRay 1080p/ 720p Format… mp4 Duration…. 1h Genre ..... Crime / Drama Subtitle…. Myanmar Subtitle (Hard Sub)

IMDb...8.7,,,,Rotten....96% IMDbရဲ့ အကောင်းဆုံး ရုပ်ရှင်ကား (၂၀)  စာရင်းထဲမှာပါတယ်....တကယ့်အဖြစ်မှန်ကို အခြေခံရိုက်ကူးထားပါတယ်.. ဒါရိုက်တာ Martin Scorsese  ရဲ့ အကောင်းဆုံးလက်ရာထဲက တစ်ကားပါ...   အော်စစကာ တစ်ဆုရရှိခဲ့ပြီး  အခြားဆုပေါင်း (၄၄)ဆုလည်း ဆွတ်ခူးခဲ့ပါတယ်... ဒီကားကို အညွှန်းမရေးပါရစေနဲ့... ရေးဖို့လည်းမစွမ်းသာတဲ့ကားမို့ပါ... ခံစားကြည့်လိုက်ပါဦးဗျို့.. ဘာသာပြန်သူကတော့ Thaw Thaw Wai Oo ပဲဖြစ်ပါတယ်...... File Size :(2.3 GB) and (1.12 GB) Quality : Blu-Ray 720p and 1080p Format…mp4 Duration…02:26:00 Genre : Crime , Drama  Subtitle : Myanmar Subtitle (Hard Sub) Translated by Thaw Thaw Wai Oo Encoded by Phyo Pyae