J.D. Evermore ပါဝင်သော ဇာတ်ကားများ

Snack Shack (2024) IMDb - 7.0/10 ဒါရိုက်တာ Adam Rehmeierရဲ့လက်ရာ အမေရိကန်လူငယ်ဟာသဇာတ်မြူးလေးပေါ့။ ၁၉၉၁ ခုနှစ် နီဘရာစကာက ဆယ်ကျော်သက်နှစ်ယောက်ရဲ့ စီးပွားရှာကြပုံနဲ့ ဖွန်ကြောင်ကြတာကို ရှုစားကြရမှာပါ။ မုစ်နဲ့ အေဂျေဆိုတဲ့ သူငယ်ချင်းနှစ်ယောက်က ပိုက်ဆံအတော်ရှာချင်တဲ့ကောင်တွေ။ ခွေးအပြေးပြိုင်ပွဲလည်း ဝင်လောင်း၊ ဘီယာလည်း ကိုယ့်ဘာသာချက်ရောင်းနဲ့ အတော်ဟုတ်နေတာ။ ဒါပေမဲ့ မိဘဖြစ်သူတွေက သူတို့လုပ်ငန်းတွေကို ကဖျက်ကယက်လုပ်တဲ့အတွက် ဘော်ဒါနှစ်ကောင်ဘူရပါရော။ ဒီမှာပဲ ဘော်ဒါနှစ်ကောင် နွေရာသီအတွင်း ရေကူးကန်တစ်ခုမှာ မုန့်ရောင်းပြီး စီးပွားရှာဖို့ကြံကြပါတော့တယ်။ အေဂျေ့အိမ်နားကို ပြောင်းလာတဲ့ စော်လေးတစ်ဗွေပြောင်းလာပြီး ဘော်ဒါနှစ်ကောင် ဝိုင်းကြောင်ရာက စော်လေးက သူတို့လုပ်ငန်းကိုခြိမ်းခြောက်လာတဲ့အတွက် သူတို့ဘယ်လိုကြံကြမယ်ဆိုတာ ကြည့်ရှုကြပါဦး။ ( aungmo3han ဘာသာပြန်ထားပါတယ်) Genre..... Comedy Quality…. 1080p | 720p File size… 1.9GB | 935MB Format… mp4 Duration…. 1h 52min Subtitle…. Myanmar Subtitle (Hardsub) Translator ..... aungmo3han Encoder ..... Aaron

Breakwater (2023) Mystery နဲ့ Thriller ပေါင်းစပ်ထားတဲ့ Plot ဆန်းဆန်းနဲ့ ဇာတ်ကားဖြစ်ပါတယ်။ အဓိကဇာတ်လိုက်ဖြစ်တဲ့ ရေးနဲ့ ဒက်ဗီဆိုတဲ့လူငယ်တို့က အကျဉ်းသားတွေဖြစ်ပြီး ထောင်ထဲမှာ ရင်းနှီးခဲ့တာပါ။ ဒက်ဗီက သူ့ပြစ်မှုအတွက် ထောင်သုံးနှစ်ကျတာဖြစ်ပြီး မကြာခင် ပြန်လွတ်တော့မှာဖြစ်တဲ့အတွက် ရေးက အကူအညီတစ်ခုတောင်းရာကနေ စပါတယ်။ ရေးက သူ့မှာသမီးရှိကြောင်း၊ သူက ကင်ဆာဖြစ်နေလို့ မနေရတော့တဲ့အတွက် သူ့သမီးရှိတဲ့မြို့ကိုသွားပေးပြီး သူ့သမီး ပျော်နေလား ကြည့်ခိုင်းပါတယ်။ သူ့သမီးနာမည်က မာရီနာပါတဲ့။ အဘိုးကြီးရေးကို စာနာပြီး ထောင်ကလွတ်တဲ့အချိန် ဒက်ဗီက နယ်မကျော်ရတဲ့စည်းကမ်းကိုပါ ချိုးဖောက်ပြီး မာရီနာရှိတဲ့ ကမ်းရိုးတန်းမြို့လေးကို သွားခဲ့ပါတယ်။ အဲဒီမှာ မာရီနာအမည်နဲ့မဟုတ်ဘဲ အိဖ်‌ဆိုတဲ့ ကလေးတစ်ယောက်အမေနဲ့ တွေ့ပါတယ်။ တစ်ချိန်တည်းမှာပဲ ကင်ဆာရောဂါသည် သနားစရာအဘိုးကြီးလို့ ဒက်ဗီထင်နေတဲ့ရေးက သွေးအေးလူသတ်သမားဖြစ်ပြီး ထောင်ကထွက်ပြေးလာတဲ့အခါ... ရေးနဲ့မာရီနာက တကယ်ပဲ သားအဖလား... အိဖ်နဲ့ရော ဘယ်လိုပတ်သက်နေတာလဲ... သူတို့နှစ်ဦးပြောပြတဲ့ အဖြစ်တွေနောက်မှာ ဘယ်လိုအကြောင်းအရာတွေရှိနေတာလဲ... ဘုမသိဘမသိကူညီမိတဲ့ ဒက်ဗီရော ဘယ်လိုကိစ္စတွေ ကြုံရမလဲဆိုတာ... ဆက်လက်ရှုစားနိုင်ပါပြီ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.9GB, 790MB Quality - 1080p, 720p IMDb Rating - 5/10 Format - mp4 Duration - 1H 37Min Genre - Thriller Subtitle - Myanmar Subtitle (Hardsub) Translated by Shune Lai KK Encoded by Y

ဇာတ်ကားအကျဉ်းပြောရမယ်ဆိုရင်တော့ ထောင်ထွက်တစ်ဦးနဲ့ အိမ်တွင်းရေးအဆင်မပြေတဲ့ ကလေးတစ်ယောက် ရဲ့အကြောင်းပေါ့။ ပါးလ်မာ က ထောင်ထဲ (၁၂)ကျော်နေခဲ့ပြီးမှ ခံဝန်နဲ့လွတ်လာသူဖြစ်ပြီး သူ့အဖွားအိမ်၊ သူ့ဇာတိမြို့မှာပဲ ပြန်လာနေခဲ့တယ်။ ဆမ် ဆိုတာကတော့ ပါးလ်မာရဲ့အိမ်ဘေးမှာနေတဲ့ ကလေး။ ဆမ့်အမေက ဆေးသမား၊ ပထွေးဖြစ်သူ ကလဲ အချိုးမပြေ။ မိသားစုအခြေအနေလုံးဝမကောင်းတဲ့ ကလေးတစ်ယောက်။ ထောင်ထွက် ပါးလ်မာနဲ့ အိမ်တွင်းရေး အဆင်မပြေတဲ့ ဆမ် တို့နှစ်ယောက်ရဲ့အကြောင်းကို ခပ်ငြိမ့်ငြိမ့်လေးနဲ့ တင်ဆက်သွားတဲ့ Drama ဇာတ်ကားကောင်းလေး တစ်ကားဖြစ်ပါတယ်။ ဒီလို Drama ကားမျိုးကြည့်ရတာ စိတ်ထဲအတော်လေး ကျေနပ်သွားမိတယ်။ IMDB rating (7.3/10) ၊ Rotten Tomato ကလည်း (74 %) ဆိုတဲ့အတွက်ကြောင့် ဇာတ်ကားကောင်းဖြစ်မယ်ဆိုတာတော့ ပြောစရာလိုမယ်မထင်ပါဘူး။ ပါးလ်မာ အဖြစ် သရုပ်ဆောင်ထားသူကတော့ အဆိုတော်/သရုပ်ဆောင် Justin Timberlake ပဲဖြစ်ပါတယ်။ (ဒီဇာတ်လမ်းရဲ့ အညွှန်း နဲ့ ဘာသာပြန်ရေးသားပေးသူကတော့ Jack ပဲဖြစ်ပါတယ်။) Quality – 1080p, 720p WebRip Duration - 1h 50min Subtitle – Myanmar Hardsub Format – Mp4 Genre : Drama Source : 1080p.WebRip Translator – Jack Encoder – SWM

ယခုစီးရီးကတော့ Marvel Comic Book Series များထဲမှ တစ်ခုဖြစ်ပါတယ် ဇာတ်အိမ်တည်ထားတာကတော့ နယူးအော်လန်ဆိုတဲ့ မြို့လေးမှာပါ တန်ဒီဘိုဝင်နဲ့တိုင်ရိုဂျွန်ဆင်ဆိုတဲ့ ကလေးနှစ်ယောက်ဟာ တစ်ရက်တည်းမှာပဲ ကံဆိုးမှုကိုယ်စီ ကြုံတွေ့ခဲ့ကြပြီး တန်ဒီ့အဖေ နေသန်ဘိုဝင်နဲ့ တိုင်ရို့အစ်ကို ဘီလီတို့ကို ဆုံးရှုံးလိုက်ရပါတယ် သေဆုံးမှုရဲ့ဆက်နွယ်မှုအကြောင်းတရားကလည်း နေသန်ဘိုဝင်အလုပ်လုပ်တဲ့ ရေနံစင်ကြီး ပေါက်ကွဲသွားလို့ပါပဲ ရေနံတူးဖော်တယ်လို့သာ လူသိထားတဲ့ ရေနံစင်ဟာ တကယ်တော့ ရေနံထက် ၁၀ ဆ ပိုပြင်းတဲ့ စွမ်းအင်တစ်မျိုးကို လူမသိသူမသိ တူးထုတ်နေခဲ့တာပဲဖြစ်ပါတယ် ပေါက်ကွဲသွားတဲ့အချိန်မှာ ရေထဲမှာရှိနေတဲ့ သက်ရှိလူသားနှစ်ဦးဖြစ်တဲ့ တန်ဒီနဲ့ဘိုဝင်ဆီကို စွမ်းအင်တွေ ကူးပြောင်းသွားပါတော့တယ် သူတို့နှစ်ဦးဟာ နှစ်ပေါင်းများစွာ တစ်ယောက်နဲ့တစ်ယောက် မသိခဲ့ဘဲ၊ ကိုယ်ပိုင်ထားတဲ့စွမ်းအင်တွေကို မသိခဲ့ပဲနေခဲ့ရာက သူတို့နှစ်ဦး အမှတ်မထင်ဆုံတွေ့ပြီး လက်ချင်းထိမိခဲ့တဲ့အချိန်မှာတော့ စွမ်းအင်တွေက ပေါ်ထွက်လာခဲ့ပါတော့တယ် ကိုယ်ပိုင်ထားတဲ့စွမ်းအင်ကို ဘာမှန်းမသိ၊ ဘယ်လိုအသုံးချရမယ်မှန်းမသိသေးခင်မှာပဲ တရားမျှတမှုကို လိုက်ရှာရင်းနဲ့ အင်အားကြီးအဖွဲ့တွေရဲ့ အရှုပ်အထွေးတွေထဲမှာ ပါဝင်မိနေရက်သား ဖြစ်နေပါတော့တယ် နယူးအော်လန်မြို့ရဲ့ယုံတမ်းစကားတွေ ဒဏ္ဍာရီတွေအရ၊ မြို့တော်မှာကပ်ဘေးကြုံရတိုင်း ကောင်းကင်ဘုံရဲ့အတွဲအဖက်လို့ခေါ်တဲ့ လူသားနှစ်ယောက်ကပဲ ကပ်ဆိုးကို တားနိုင်ခဲ့ပါတယ်.. သူတို့အနေနဲ့ မြို့တော်မှာ ကပ်ဘေးတစ်ခုအစပြုနေပြီမှန်းသိတဲ့အခါမှာတော့ အသက်အန္တရာယ်တွေကြားကနေ၊ သူတို့ကသတ်ချင်သူတွေကြားထဲကနေ နှစ်ယောက်သားဘယ်လိုကျော်ဖြတ်ပြီး ကပ်ဘေးကိုတားကြမလဲဆိုတာကို ကြည့်ရှုရမှာပဲဖြစ်ပါတယ် Translator : Neve Encoder : Moe Myint Lwin

အချိန်ကာလကတော့ ၁၉၆၉ ခုနှစ် ..... ဇူလိုင်လ ၁၆ရက် ၁၃:၃၂နာရီ ခန့်ပေါ့............ စိတ်ကူးယဉ်ခဲ့ရတဲ့ လမင်းကြီးဆီကို သမိုင်းရဲ့ ပထမဆုံးအနေနဲ့ ကျွန်တော် ထွက်ခွာသွားရတော့မှာ .... အောင်မြင်မှာလား ကျရှုံးမှာလား.. ...ကျွန်တော် ဆက်မတွေးတော့ပါဘူး....... ဆုံးသွားတဲ့ ကျွန်တော့်ရဲ့သမီးလေးကို ဝမ်းနည်းစွာ သတိရနေတာလား.... .... ကျွန်တော့်ထက်အရင် လကမ္ဘာကိုသွားရောက်ဖို့ ကြိုးစားခဲ့တဲ့ သူငယ်ချင်းတွေရော.. . ကောင်းမွန်တဲ့ဘုံဘဝမှာ ပျော်ရွှင်ကျေနပ်နေပြီလား..... ဒါမှမဟုတ် ကျွန်တော်ပဲ ဒီအခန်းကျဉ်းလေးထဲမှာ စက်နှိုးမဲ့အချိန်ကို စောင့်စားရင်း ခြောက်ခြားနေမိတာလား ... . ကျွန်တော်တို့ရဲ့ အမြင်အာရုံကလဲ အကန့်အသတ်နဲ့ပဲမြင်နေရတယ် လက်တစ်ဝါးသာသာလောက် မှန်ပြတင်းလေးကနေ ကောင်းကင်ကြီးကို မျှော်ကြည့်ရင်း ကမ္ဘာလောကကြီးကို နှုတ်ဆက်ထွက်ခွာရတော့မယ် ကျွန်တော်ချစ်ခင်တဲ့ မိသားစုလေးကတော့ ကမ္ဘာမြေပေါ်က အိမ်လေးထဲမှာ ကျန်နေခဲ့မှာလေ ဘယ်သူမှ မရှိတဲ့ လကမ္ဘာပေါ်မှာ ကျွန်တော်တို့ အထီးကျန်နေမှာလား ပြီးတော့ ကမ္ဘာမြေပေါ် ပြန်မရောက်လာနိုင်ခဲ့ရင်ရော....... အဲ့လိုတွေးနေရင်းနဲ့ပဲ......ခရီးစဉ်ထွက်ခွာဖို့အတွက် တဆယ်.....ကိုး....ရှစ်......ဆိုပြီး... .အချိန်မှတ်နေတဲ့အသံကို မိုက်ခရိုဖုန်းထဲကနေ ကြားလိုက်ရတယ်...... အတိတ်ကိုတွေးပြီး လွမ်းဆွေးနေလို့ မဖြစ်တဲ့အချိန်ကို ရောက်နေပြီလေ..... အာရုံကိုစုစည်းပြီး....လက်ရှိပစ္စုပ္ပန်ကိုပဲ ရင်ဆိုင်ဖြေရှင်းမှ ကျွန်တော်တို့ အသက်ရှင်နိုင်မှာပေါ့..... သူ့နာမည်က နေးလ် အမ်းစထရောင်း...တဲ့ ၁၉၃၀ ဩဂုတ်လ ၅ရက်နေ့မှာ အမေရိကန်နိုင်ငံ အိုဟိုင်းယိုးပြည်နယ်.. ဝါပါကိုနီတာမြို့မှာ မွေးဖွားခဲ့ပါတယ် လူသားတို့ရဲ့သမိုင်းမှာပထမဦးဆုံးသော လကမ္ဘာပေါ် ခြေချနိုင်ခဲ့သူလဲ ဖြစ်တယ် အဲ့အချိန်ကာလတုန်းက သိပ္ပံပညာရှင်တွေဟာအာကာသအကြောင်းကို အများကြီး သိပ်မသိကြသေးပါဘူး.... လေထဲပျံသန်းတဲ့ နည်းစနစ်ကိုလည်း သူတို့ခေတ်ကာလကနေ တွက်ကြည့်ရင် လွန်ခဲ့တဲ့ နှစ်ပေါင်း ၆၀ကျော်ခန့်ကမှ စတင်သိရှိခဲ့ကြတာပါ အမေရိကန်ဟာ ဆိုဗီယက်နိုင်ငံကို အနိုင်ရချင်တဲ့ဇောနဲ့သာ အချိန်တိုလေးအတွင်းမှာ ထွက်ခွာနိုင်ဖို့ ပြင်ဆင်ခဲ့ကြပေမယ့် အရမ်းလွယ်ကူတဲ့ အရာမျိုးတော့ မဟုတ်ခဲ့ပါဘူး လကမ္ဘာပေါ်ခြေချနိုင်ဖို့ ပေးဆပ်ခဲ့ရတဲ့ တန်ကြေးတွေလည်း မနည်းခဲ့ပါဘူး ငွေကြေးတစ်ခုတည်းတင် မကဘဲ အာကာသယာဉ်မှူးများစွာရဲ့အသက်တွေကိုလည်း စတေးခဲ့ကြရပါတယ် နိုင်ငံရေးအရ အဆင်မပြေခဲ့တာတွေလဲ ရှိခဲ့ပါသေးတယ် အောင်မြင်တော့မှသာ ဝိုင်းဝန်းလက်ခုပ်တီးခဲ့ကြတာဖြစ်ပြီး မအောင်မြင်ခင်မှာတော့ အဓိပ္ပါယ်မရှိဘူးလို့ လက်ညှိုးထိုးခံခဲ့ရတဲ့ ကိစ္စတစ်ခုပါ.... သူဟာ အဖက်ဖက်က ထိုးနှက်တိုက်ခိုက်တာတွေကို နာကျည်းစရာလို့မမြင်ဘဲ ခွန်အားအဖြစ်ပြောင်းလဲ အသုံးပြုခဲ့တဲ့သူတစ်ယောက်ပါပဲ ပြီးတော့နောက်တစ်ချက်က " အောင်မြင်တဲ့ ယောကျာ်းတစ်ယောက်ရဲ့ နောက်ကွယ်မှာ ထက်မြတ်တဲ့မိန်းမတစ်ယောက် ရှိတယ်"ဆိုတဲ့စကားအတိုင်းပဲ သူ့ရဲ့အမျိုးသမီးကလည်း အကောင်းဆုံးသော ပါရမီဖြည့်ဖက်တစ်ယောက်ဖြစ်ခဲ့ပါတယ် ကိုယ့်ယောကျာ်းအပေါ်ကို နားလည်မှု အပေးနိုင်ဆုံး မိန်းမတစ်ယောက်အဖြစ် ဒီရုပ်ရှင်လေးမှာ မြင်ရမှာပါ..... အနှစ်ချုပ်ပြောရရင်တော့ First Man ဇာတ်ကားဟာ IMDB 7.3ရရှိထားပြီး အနှစ်သာရပြည့်ဝတဲ့ လကမ္ဘာပေါ် ပထမဆုံးခြေချခဲ့သူ "နေးလ် အမ်းစထရောင်း"ရဲ့အတ္ထုပ္ပတ္တိကို ပြန်လည်ရိုက်ကူးထားတဲ့ ရုံတင်ဇာတ်ကားကောင်းလေးတစ်ကားပဲဖြစ်ပါတယ် (ဒီဇာတ်ကားနဲ့အညွှန်းကို Mg King မှရင်နဲ့ခံစားပြီး ဘာသာပြန်ပေးထားပါတယ်...) File Size : (1.2 GB) Quality : BluRay 720p Running Time :2hr 21min Format : Mp4 Genre : Biography , Drama , History Subtitle : Myanmar Subtitle (Hard Sub) Translated by Mg King Encoded by Moe Myint Lwin

Live by Night ဆိုတာ 2016 ခုနှစ်မှာ ထွက်ရှိခဲ့တဲ့ ရာဇဝတ်မှုဒရာမာရုပ်ရှင်ဖြစ်ပြီး Ben Affleck က ဒါရိုက်တာအနေနဲ့ကော အဓိကဇာတ်ဆောင်အနေနဲ့လည်း ပါဝင်ထားပါတယ်။ Dennis Lehane ရဲ့ ဝတ္ထုကို အခြေခံပြီး Prohibition Era (အရက်သောက်ခွင့်တားမြစ်ခဲ့တဲ့အချိန်) ကို ဇာတ်အိမ်ထားရိုက်ကူးထားတာပါ။ ဇာတ်လမ်းက Joe Coughlin (Ben Affleck) ဆိုတဲ့ စစ်သားဟောင်းတစ်ယောက်ရဲ့ အချုပ်အခြာမဲ့လူနေမှုနဲ့ စတင်ပြီး မူးယစ်အမှုအခင်းတွေထဲ ရောက်သွားတဲ့အခါ ဘဝရဲ့ တိုးတက်မှုအဆင့်ဆင့်ကို ပြသထားပါတယ်။ Joe က မူးယစ်ရောင်းချမှုတွေ၊ ဖလော်ရီဒါမှာ လျှို့ဝှက်လုပ်ငန်းတွေ စတင်လုပ်ကိုင်ပြီး နောက်ဆုံးမှာ သူငယ်ချင်း၊ အချစ်၊ သစ္စာဖောက်မှုတွေနဲ့ ရင်ဆိုင်ရတဲ့ အခန်းတွေအထိ ရောက်သွားပါတယ်။ ရုပ်ရှင်ထဲမှာ Elle Fanning, Zoe Saldana, Chris Messina တို့လို ကောင်းမွန်တဲ့ သရုပ်ဆောင်တွေ ပါဝင်ထားပြီး Ben Affleck ရဲ့ သရုပ်ဆောင်မှုကလည်း စွဲမက်ဖွယ်ကောင်းပါတယ်။ အထူးသဖြင့် ဇာတ်အိမ်အဖြစ်ထားတဲ့ အချိန်နှင့်နေရာတွေကို ရုပ်ရှင်ရိုက်ချက်အလှအပနဲ့ ဖော်ကျူးပြသထားတာကလည်း အရမ်းလှပါတယ်။ သို့သော် ဇာတ်လမ်းက အချို့နေရာတွေမှာ တိုတောင်းမူရှိပြီး ဇာတ်ကောင်တစ်ချို့ရဲ့ ဖွံ့ဖြိုးမှုက အားနည်းနေပါတယ်။ သစ္စာ၊ တောင့်တင်းမှုနဲ့ ပြန်လည်ရယူမှုအကြောင်းရသတွေကို မျှော်လင့်ထားသလို အားမရစေတဲ့အချို့အပိုင်းတွေလည်း ရှိပါတယ်။ Live by Night က ရုပ်ရှင်ကြည့်တဲ့အချိန်မှာ စိတ်ဝင်စားစေတဲ့ အချိန်တစ်ချို့ရှိပေမယ့် ရင်ထဲမှာအမြဲတမ်းကျန်နေစေမယ့် ရုပ်ရှင်တစ်ကားတော့ မဟုတ်သေးပါဘူး။ File size…(1.5 GB)/(860 Mb) Quality….Blu-Ray 1080p / 720p Format… mp4 Duration…. 02:09:00 Genre... Action, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Banyar Aung

Deepwater Horizon (2016) IMDb Rating (7.1) / Rotten Tomatoes (82 %) ၂၀၁၀ခုနှစ် Mexico ပင်လယ်ကွေ့ ရေနံစင်မှာ Gas ယိုစိမ့်ရာမှ ရေနံစင်မီးလောင်ပေါက်ကွဲမှုဖြစ်ပွားခဲ့ပြီး လူ (၁၁) ဦး သေဆုံးကာ လူအမြောက်အမြား ဒဏ်ရာရရှိခဲ့ပါတယ်။ ဒီမီးလောင်မှုကို ၃၆ နာရီကြာ မီးငြိမ်းသတ်ခဲ့ရပြီး အကျိုးသက်ရောက်မှုအနေနဲ့ ပတ်ဝန်းကျင်မှ လူပေါင်း ၄၈,၀၀၀ ကျော် ရွေ့ပြောင်းခဲ့ရကာ မိုင် ၂၅၀၀ ကျော် (ပေပေါင်း ၁၃.၅ မီလီယံ) လောက် ရေထုညစ်ညမ်းသွားခဲ့ပြီး ၂၀၁၄ ဒီဇင်ဘာလအထိ သဘာဝပါတ်ဝန်းကျင် ရှင်းလင်းထိန်းသိမ်းရေးလုပ်ငန်းတွေ ဆက်လက်လုပ်ဆောင်ခဲ့ရပါတယ်. ဒီမတော်တဆပေါက်ကွဲမှု ဖြစ်ရပ်မှန်ကို အခြေခံရိုက်ကူးထားတဲ့ Deepwater Horizon ဆိုတဲ့ Movie မှာတော့ မင်းသား Mark Wahlberg နဲ့ မင်းသမီး kate Hudson တို့က အဓိကပါဝင်ပြီး Lone Survivor, Hancock တို့ ကို ရိုက်ကူးခဲ့တဲ့ Director Peter Berg က ရိုက်ကူးတင်ဆက်ထားပါတယ်. Deepwater Horizon အဖြစ်အပျက်က ဗြိတိန်နိုင်ငံရဲ့ British Petrol #BP ကော်ပိုရေးရှင်းရဲ့ ရေနက်ပိုင်း ကမ်းလွန်လုပ်ကွက်မှာဖြစ်ခဲ့တာပါ။ Drilling အတွက် ကန်ထရိုက်ရတဲ့ Transocean ကော်ပိုရေးရှင်းရဲ့ Drilling rig ဖြစ်တဲ့ Deepwater Horizon မှာ ဖြစ်ခဲ့တဲ့ မတော်တဆမှုပါ။ Crew ၁၂၆ ယောက်ရှိတဲ့အနက် ၁၁ ဦး ဆုံးပါးခဲ့ရပါတယ်။ ပင်လယ်ထဲက ကမ်းလွန်ရေနံတူးစင် တွေမှာ ကြမ်းကြမ်းတမ်းတမ်း အလုပ်လုပ်ရတဲ့ အင်ဂျင်နီယာတွေ တက်ကနစ်ရှင်တွေ အော်ပရေတာတွေ ဝန်ထမ်းတွေရဲ့ ခက်ခဲတဲ့ ဘဝတွေကို ထင်ဟပ်ထားပါတယ်။ မတော်တဆဖြစ်မှုကြောင့် ပလက်ဖောင်းတစ်ခုလုံး မီးလောင်ပေါက်ကွဲပြီး အန္တရာယ်နဲ့ကြုံရတဲ့အခါ အသက်ဘေးကလွတ်မြောက်အောင် စွမ်းစွမ်းတမံ ရုန်းကန်ကြိုးစားကြပုံတွေကို ကြည့်ရမှာပါ။ OIM(Offshore Installation Manager) ဂျင်မီဟာရဲလ်(Kurt Russell) ရဲ့ ဒဏ်ရာအပြင်းအထန် ကြားထဲက တာဝန်ခံမှု၊ Chief Electronic Technician မိုက်ခ်ဝီလီယမ် (Mark Wahlberg) ရဲ့ အစွမ်းကုန်အားထုတ်မှု တွေကိုလည်း ရှုစားရပါလိမ့်မယ်။ မီးလောင်ပေါက်ကွဲမှုကြောင့် ဝုန်းဒိုင်းကြဲနေတဲ့ကရိန်းကို အသက်ကယ်လှေတွေထားရာ စုရပ်မှာ စုဝေးနေတဲ့ လုပ်ဖော်ကိုင်ဖက်တွေ အပေါ်ကို ပြုတ်ကျမလာအောင် မီးတောက်တွေ ပေါက်ကွဲမှုတွေကြားကနေ တာဝါပေါ်ကို မရအရတက်ပြီး ကြိုးစားထိန်းချုပ်ရင်း အသက်စွန့်သွားတဲ့ အယ်ရွန်ဒေးလ်ဘာကီးန် ဟာလည်း Deepwater Horizon ရဲ့ သူရဲကောင်း တစ်ယောက်ပါ။ သူအသက်စွန့် ကယ်တင်ခဲ့လို့ ကျန်တဲ့ Crew တွေအားလုံး အသက်ဘေးကလွတ်ခဲ့တာပါ။ Jason Kirkpatrick က ဒေးလ် အဖြစ် သရုပ်ဆောင်ထားပါတယ်။ ကမ်းလွန်ပင်လယ်ပြင် ရေနက်ထဲက ရေနံနဲ့သဘာဝဓာတ်ငွေ့ ထုတ်တဲ့ Offshore Platform တွေမှာ အလုပ်လုပ်ကြတဲ့ လူတွေကို ဝင်ငွေကောင်း တယ်လို့သာ သိကြပါတယ်။ အသက်နဲ့ရင်းပြီး ပင်ပင်ပန်းပန်း ရုန်းကန်ကြရတဲ့ ကြမ်းတမ်းတဲ့ ဘဝတွေဖြစ်ကြောင်းကိုတော့ ရောက်ဖူးတဲ့သူတွေမှသာ ကိုယ်ချင်းစာပြီးတော့ နားလည်ပေးနိုင်ကြပါလိမ့်မယ်။ (ရုပ်ရှင်အညွှန်းကို မင်းအောင်ခန့်ဇော် FB မှ ကူးယူဖော်ပြပါသည်။) File size…(6.6 GB )/(1.7 GB)/ (1.2 GB) Quality….BluRay 4K HEVC/ 1080p HEVC / 720p Format…mkv/mp4 Duration….01:47:00 Subtitle….Myanmar Subtitle (Hardsub) Encoder….Ka Naung Translated by Poe Thin Zar Kyaw

99 Homes (2014) အလုပ်မဲ့တစ်ခုလပ် မုဆိုးဖိုအဖေတစ်ယောက်ဖြစ်တဲ့ ဒန်းနစ် နက်ရှ်ဟာ အကြွေးနွံ့နစ်ပြီး သူ့အိမ်ကိုလည်း ဘဏ်ကသိမ်းသွားတဲ့အပြင် အိမ်ကနေလည်း နှင်ထုတ်ခံရခဲ့ပါတယ် ဒန်းနစ်ဟာ မိခင်နဲ့ သားအတွက် သူ့အိမ်ကို ပြန်လည်ရယူဖို့ နည်းမျိုးစုံနဲ့ ကြိုးစားရာမှာတော့ အမှတ်မထင် အိမ်ခြံမြေအလုပ်က သူဌေးနဲ့ဆုံမိကာ နောက်ဆုံးမှာတော့.... သူကိုယ်တိုင် အိမ်နေရာဖယ်ခိုင်းတဲ့နေရာမှာ သူကိုယ်တိုင်တာဝန်ခံတစ်ယောက်ဖြစ်လာတဲ့အခါ......သူကိုယ်တိုင်ကြုံခဲ့ရတဲ့အတွေ့အကြုံတွေကို တစ်ပါးသူတွေ ခံစားနေရတာကို မြင်တွေ့လာရတဲ့အခါ ဒန်းနစ်တစ်ယောက် ဘယ်လိုခံစားရလဲ... ပြောင်းလဲမှုတွေက ဒန်းနစ်ကို ဘယ်လိုလမ်းကြောင်းတွေပေါ်ကို ရောက်လာခဲ့လဲဆိုတာကို မြင်တွေ့ရမယ့်အပြင် အခက်အခဲကြုံလာရင် ပြောင်းလဲတတ်တဲ့ လူ့သဘာဝ ခံစားချက်တွေကိုလည်း ကြည့်ရှုမြင်တွေ့ရမယ့်​ဇာတ်ကားလေးတစ်ကားဖြစ်ပါတယ် ပြည်သူ့အချစ်တော် Spiderman မင်းသား Andrew Garfield က ဇာတ်ကောင်သရုပ်ဖော်ထားပါတယ်။ File Size - 2.28 GB/ 1.06 GB Quality - BluRay 1080p/ 720p Duration - 1h 52m Format - mp4 Genre - Drama, Crime Subtitle - Myanmar Subtitle (Hard Sub)

2014 ကတည်းကထွက်ခဲ့တဲ့ Wild ဆိုတဲ့ဇာတ်ကားလေးဟာ American Biographical Adventure Drama ဇာတ်ကားအမျိုးအစားဖြစ်ပြီး ၂၀၁၂တုန်းက Cheryl Strayed ရေးသားခဲ့တဲ့ Wild: From Lost to Found on the Pacific Crest Trail(PCT) ဆိုတဲ့ ကိုယ်တိုင်ဖြစ်ရပ်မှန်ကိုရေးသားထားတဲ့စာအုပ်ကိုအခြေခံရိုက်ကူးထားတဲ့ဇာတ်ကားလေးဖြစ်ပါတယ်။ ဇာတ်ကားထဲမှာ Cheryl နဲ့ Bobbi အဖြစ်သရုပ်ဆောင်ခဲ့တဲ့ Reese Witherspoon နဲ့ Laura Dern တို့ နှစ်ယောက်လုံးဟာလည်း အော်စကာဆုအတွက် Best Actress နဲ့ Best Supporting Actress အဖြစ်စကာတင်အရွေးခံခဲ့ရပြီး အခြားသောဆုတွေမှာလည်း စကာတင်အရွေးခံရတာတွေရှိခဲ့ပါတယ်။ Rating တွေအနေနဲ့လည်း Rotten Tomatos မှာ 89%....IMDb rating 7.1/10 အထိရရှိထားတဲ့ ဖြစ်ရပ်မှန်ဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်းလေးကတော့ ဘဝမှာအချစ်ရဆုံးအတွယ်တာရဆုံး မိခင်ဖြစ်သူသေဆုံးသွားပြီးနောက် ပူဆွေးသောကတွေရောက်ပြီး ကိုယ့်ကိုကိုယ်မထိန်းနိုင်မသိမ်းနိုင်အောင်ပျက်ဆီးသွားပြီ ကိုယ့်အိမ်ထောင်ရေးကိုပါဖျက်ဆီးမိခဲ့တဲ့ Cheryl Strayed ဆိုတဲ့အမျိုးသမီးတစ်ယောက်ဟာ.... ကိုယ်လမ်းမှားရောက်နေတာကိုသတိထားမိပြီးနောက် ကိုယ့်ကိုကိုယ်ပြန်ထူထောင်ဖို့နဲ့ စိတ်ဓာတ်တွေပြန်စုစည်းဖို့အတွက်ဆိုပြီး အမေရိကန်နိုင်ငံမှာအရှည်လျားဆုံးခရီးကြမ်းရှည် မိုင်ပေါင်း၂၆၅၀အထိရှိတဲ့လမ်းကြမ်းကို လမ်းလျှောက်ခရီးနှင်ဖို့ဆုံးဖြတ်ချက်ချခဲ့ပါတယ်။ အရင်က ဘာ Hiking အတွေ့အကြုံမှလည်းမရှိတဲ့ Cheryl တစ်ယောက်... ဆန္ဒတစ်ခုတည်းနဲ့ကျောမှာပစ္စည်းအိတ်အလေးကြီးသယ်ပြီး တကိုယ်တော်စွန့်စားခန်းဖွင့်ခဲ့တာပဲဖြစ်ပါတယ်။ ခရီးလမ်းတစ်လျှောက်တွေ့ကြုံရတာတွေ တစ်ယောက်တည်းသွားလာရင်း စဉ်းစားမိတာတွေ.. တေတွးမိတာတွေနောက်မှာ...ခရီးလည်းဆုံးရော သူ့အတွက်အရာရာပြောင်းလဲသွားတာပဲဖြစ်ပါတယ်။ True story-based ဇာတ်ကားကောင်းလည်းဖြစ်တာနဲ့ အညီ ကိုယ်တိုင်ဝင်ရောက်ခံစားမိစေမှာပါ။ (ဘာသာပြန်သူကတော့ Thura Zarni Aung ပါ) File Size : (950 MB ) and (480 MB) Quality : Blu-Ray 720p Running Time : 1hr 55min Format : Mp4 Genre : Biography, Drama Subtitle : Myanmar Subtitle (Hard Sub) Source : 1080p BRRip x264 DTS-JYK Translated by Thura Zarni Aung Encoded by Thanhtike Zaw

Dawn of the Planet of the Apes (2014) IMDb - 7.6/10 Rotten - 90% ဒီဇာတ်ကား အကြောင်းမပြောခင်မှာ Planet of the Apes အကြောင်း နည်းနည်းပြောပြချင်ပါတယ်။ Planet of the Apes ဇာတ်လမ်းတွေက ၁၉၆၈ ထဲက စတင် ရိုက်ကူးခဲ့တာဖြစ်ပြီး၊ Planet of the Apes (February 8, 1968), Beneath the Planet of the Apes (May 27, 1970), Escape from the Planet of the Apes (May 21, 1971), Conquest of the Planet of the Apes (June 29, 1972), Battle for the Planet of the Apes (June 15, 1973) ဆိုပြီး ၅ ကားရှိခဲ့သလို၊ Mark Wahlberg ရဲ့ ၂၀၀၁ ခုနှစ် Remake ဆိုပြီး ရှိပါတယ်။ လက်ရှိဇာတ်ကားတွေကတော့ ဒီ Series ရဲ့ Reboot တွေဖြစ်ပြီး Rise of the Planet of the Ape က ပထမဆုံး ဇာတ်ကားဖြစ်ပါတယ်။ ၁၉၆၈ ခုနှစ်က ဇာတ်ကား နဲ့ ဇာတ်လမ်းမတူတော့ပဲ၊ ဇာတ်လမ်း သဘောတရားကိုပဲ ပြန်ယူသုံးထားတာဖြစ်ပါတယ်။ အခု Dawn of the Planet of the Apes ဇာတ်ကားကတော့ ၁၉၆၈ Planet of the Apes ပြီးရင် အကောင်းဆုံး ဇာတ်ကားလို့ သတ်မှတ်လို့ရ လောက်အောင်ကောင်းပါတယ်။ ဇာတ်လမ်းကတော့ Rise of the Planet of the Apes အပြီးမှာ၊ မျောက်တွေ လွတ်သွားသလို၊ သူတို့ ကို စမ်းသပ်နေတဲ့ Virus ပြန်သွားပြီး လူတော်တော်များများ သေကုန်ကြပါတယ်။ Caesar ဦးဆောင်တဲ့ မျောက်တွေကတော့ San Francisco မြို့နားကတောထဲမှာ အေးအေးဆေးဆေးနေနေ ကြပါတယ်။ ဒါပေမယ့် တစ်ရက်မှာ အမှတ်မထင် ပဲ မင်းသား Malcolm (Jason Clark) ဦးဆောင်တဲ့ လူတွေရောက်လာပြီး၊ မျောက်တစ်ကောင်ကို သေနတ်နဲ့ ပစ်မိသွားတာကနေစပြီး ဘာတွေဖြစ်လာကြမလဲဆိုတာ…………။ ဒီဇာတ်ကားက အကောင်း ဆုံး အထူးပြုလုပ်ချက်တွေနဲ့ ပုံဖော်တင်ပြထားပါတယ်။ ကောင်းမွန်တဲ့ အထူးပြု လုပ်ချက်တွေကြောင့် လူဝံတွေရဲ့ ဒေါသ၊ ဆုံးရှုံးမှု၊ နာကြည်းချက်နဲ့ ခံစားမှုတွေကို ပရိသတ်တွေကပါ လိုက်ပါခံစားရပါတယ်။ အထူးသဖြင့် လူဝံ ခေါင်းဆောင် Caesar အဖြစ် သရုပ်ဆောင်ချက် တွေဟာ အော်စကာတစ်ကြိုပေး မှုနဲ့ ထိုက်တန်တယ်လို့ ဝေဖန်ရေး ဆရာတွေက ရေးသားထားပါ တယ်။ Caesar အဖြစ် သရုပ် ဆောင် Andy Serkis က သရုပ် ဆောင်ထားတာပါ။ နောက်တစ်ခု မှတ်မှတ်ရရ ဝေဖန်ရေးဆရာတွေ ပြောကြ တာကတော့ Dawn of the Planet of the Apes ဇာတ်ကားဟာ ခေါင်းဆောင်မှုအရည်အသွေး တွေကို အထူးအမွှမ်းတင်ထားတဲ့ ကားလို့ ဆိုပါတယ်။ အရမ်းကောင်းတဲ့ဇာတ်ကားကောင်းတစ်ကားပါ။ လူနဲ့ မျောက်လို့ဆိုပေမယ့်၊ အသွင်မတူတဲ့ လူတွေ တူတူ မနေနိုင်တဲ့သဘာဝကို ထင်ဟပ်ပြထားပါတယ်။ စစ်ရဲ့ ဆိုးကျိုးနဲ့ သဘောတရားကို လည်း လူတွေ မြင်သာအောင် တင်ဆက်နိုင်ခဲ့ပါတယ်။ File size…   6.4 GB / 2 GB /  1 GB Quality… BluRay 4K /  1080p / 720p Format… mp4 Duration…. 2h 11m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by El'MoH

12 Years a Slave (2013) IMDb - 8.1/10 Rotten - 95% Won 3 Oscars. Another 238 wins & 335 nominations ငွေဝယ်ကျွန်စနစ်တွေက အေဘရာဟမ်လင်ကွန်း မတိုက်ဖျက်ခင်အထိ အမေရိကမှာရှိခဲ့ကြပါတယ်။ အဲ့ဒီခေတ် အဲ့ဒီအခါအကြောင်း စာကြီးပေကြီးတွေမှာလည်း ငွေဝယ်ကျွန်တွေနဲ့ ကျွန်ပိုင်ရှင် ပဋိပက္ခတွေပါလေ့ရှိပြီး ပြည်တွင်းစစ်ကာလဆိုလည်း မမှားပါဘူး။ ကျွန်ရှင်တွေဘက်ကအမြင်ကို ပြသွားတဲ့ထဲ အကျော်ကြားဆုံးကတော့ "Gone With the Wind " လေရူးသုန်သုန်ပါ။ အဲ့ဒီစာအုပ်ရဲ့ တစ်ထောင့်တစ်နေရာမှာထည့်ဖော်ပြသွားတဲ့ ၁၉ရာစုရဲ့အရောင်းရဆုံစာအုပ် " Uncle Tom's Cabeint" အန်ကယ်တွမ်ရဲ့တဲကလေး..နဲ့ ယခုကားရဲ့ မူလဘူတ " 12yearsAslave"ဆိုတဲ့ စာအုပ် စာအုပ်တွေကတော့ ကျွန်တွေဘက်က အမြင်ကို ပြထားပြီး နှစ်အုပ်လုံးက ထွက်ချိန်မကွာသလို အကြောင်းအရာလည်း မကွာခြားလှပါဘူး။ ထူးခြားချက်ကတော့12yearsASalve ကတော့ Biography တစ်ပုဒ်ပါတဲ့။ ဒီစာအုပ်တွေမှာ နှစ်ဖက်လုံးမှာရှိတဲ့ အမှန်တရားတွေနဲ့ ထိုခေတ်အခါက ငွေဝယ်ကျွန်စနစ်ကို ကျွန်တော်တို့ ချိန်ထိုးနှိုင်းယှဉ်နိုင်ပါတယ်။ ဒီရုပ်ရှင်ကတော့ ကျွန်တော်သိသလောက် မြန်မာဘာသာပြန်စာအုပ်မရှိသေးတဲ့ 12 Years As A Slaveစာအုပ်ကို ရိုက်ထားတာပါ။ ဇာတ်ကြောင်းတစ်ပိုင်းတစ်စကိုပြောရမယ်ဆိုရင်တော့... ဟိုအရင်များဆီတုန်းက.... အမေရိကန်ပြည်တွင်းစစ်ကာလလောက်မှာ Solomon Northupဆိုတဲ့ လွတ်လပ်တဲ့ လူမည်းတစ်ယောက်ရှိခဲ့ပါတယ်။ ဂီတသမားသူ့ အရည်အချင်းကို ပြသရမယ်လို့ လှည့်ဖျားပြီး ဝါရှင်တန်ကို လူလိမ်နှစ်ယောက်က သူ့ကို လိမ်ခေါ်သွားပြီး ကျွန်ဈေးမှာ ရောင်းစားခဲ့ပါတယ်။ မိသားစု ဝါသနာ လွတ်လပ်မှုတွေ ပိုင်ဆိုင်ထားတဲ့ အပျော်ဆုံးဘဝတစ်ခုကနေ နေ့ချင်းညချင်းပဲ အောက်ဆုံးဘဝငရဲကို ထိုးဆင်းသွားရတဲ့ Solomonဟာ အသိညဏ်အရည်အချင်းတွေကို အသုံးချပြီး လွတ်မြောက်အောင် အခါခါကြိုးစားခဲ့ပေမဲ့ လူဖြူတွေဘက်ကသက်သက်ရှိနေတဲ့ ဥပဒေမျဉ်းတွေအောက်မှာ ဘာမှကိုမတတ်နိုင်ခဲ့ပါဘူး။ မကွဲပြားကြတဲ့ အရေခွံဝတ်လူတွေကြားက ခွဲခြားမှု... အရက်စက်ဆုံးလူသားတွေရဲ့ လူမဆန်မှုတွေဖြစ်ပေမဲ့ ဒီအဖြစ်အပျက်က ဒီကမ္ဘာမှာ တကယ်ဖြစ်ခဲ့ပါတယ်။ တကယ့်အဖြစ်အပျက်တွေဟာ ပုံပြင်တွေထက် ရက်စက်ပေမဲ့လည်း တစ်ခါတလေတော့လည်း မျှော်လင့်တတ်ကြရပါတယ်။ Dialougeတွေထဲ သူမပြောပြခဲ့ပေမဲ့ အရက်စက်ဆုံး လူလူချင်း ညှည်းပန်းမှုတွေအောက်မှာ မရှင်သန်ရပေမဲ့ ရှင်ကျန်ဝံ့စေခဲ့တဲ့ အိမ်ကလေးဆီ မျှော်လင့်ချက်ဝေဝါးဝါးလေးကို သူမစွန့်မလွှတ် ရှိနေခဲ့တာပါပဲ။ ဒီမျှော်လင့်ချက်ကလေး ဘယ်ရွေ့ဘယ်မျှအထိရှင်သန်နေမလဲဆိုတာကိုတော့ ကိုယ်တိုင်ပဲ ကရုဏာသက်ရင်း ခံစားသက်ဝင်ကြည့်ကြပါ။ ဇာတ်ကြောင်းကပဲ ကောင်းတာလားဆိုတော့ မဟုတ်သေးပါဘူး။ သရုပ်ဆောင်တွေပဲကြည့်ပါ Bard Pitt ... Micheal Fasssbender Beneditch Cumberbatchတို့လည်း တစ်ထောင့်တစ်နေရာက ပါဝင်ထားပါတယ်။ Producerတွေထဲ Brad Pittလည်းပါပါတယ်တဲ့။ Best Motion Picture of Year Best Performance By Actressနဲ့ Best Writing အစရှိတဲ့ Oscarဆု သုံးခုကို ဆွတ်ခူးခဲ့တဲ့အပြင် တခြား ၂၃၈ဆုရထားပါတယ်။ ဒါ့အပြင် Hans Zimmerရဲ့ Scoreတွေကိုလည်း နားထောင်ကြရဦးမှာပါ။ (အညွှန်းနဲ့ဘာသာပြန်သူကတော့ WiRa Aung ဖြစ်ပါတယ်) File size__( 1.1 GB) Quality__BR-Rip 720p IMDb Rating__8.1/10 Format__mp4 Duration__02:14:10 Type__Biography, Drama, History Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Matthew McConaughey ကိုနာမည်မကြားဖူးတောင် လူတိုင်းရုပ်မြင်တာနဲ့ သိလောက်မယ့်သရုပ်ဆောင်တယောက်ပါ။ တက္ကဆက် ရီုဒီရိုကောင်းဘွိုင်စတိုင်နဲ့ တက္ကဆက်စတိုင်စကားပြောနဲ့ သရုပ်ဆောင်အလွန်ကောင်းပါတယ်။ သူ့ကို ကြိုက်တဲ့သူဆိုရင် ဒီဇာတ်ကားက ကြည့်ကိုကြည့်သင့်တဲ့ကားထဲမှာပါပါတယ်။ ဒီဇာတ်ကားက သူ့ကို ၂၀၁၄ အော်စကာမှာ အကောင်းဆုံး အမျိုးသားဇာတ်ဆောင်ဆုကို ထိုက်ထိုက်တန်တန်ကြီးကို ရစေခဲ့တဲ့ရုပ်ရှင်ဇာတ်ကားပါ။ မင်းသား Matthew ဟာ ရွန် ဝုဒ်ရုဖ် နေရာမှာ သရုပ်ဆောင်ဖို့အတွက် သူ့ရဲ့ ခန္ဓာကိုယ်အလေးချိန် ပေါင် ၄၀ အထိ (အစွန်းရောက် ပိန်ကျုံးသွားသည်အထိ) လျှော့ချခဲ့ပါတယ်။ အစပိုင်းမှာ လိင်တူချစ်သူတွေကို မုန်းတီးပြီး အတ္တကြီးတဲ့ လူကြမ်းတစ်ယောက်အဖြစ်ကနေ၊ နောက်ပိုင်းမှာ ရောဂါဝေဒနာရှင်တွေကို ကူညီကယ်တင်ပေးတဲ့ ခေါင်းဆောင်တစ်ယောက်အဖြစ် စိတ်ပိုင်းဆိုင်ရာ ပြောင်းလဲသွားပုံကို အကောင်းဆုံး သရုပ်ဆောင်နိုင်ခဲ့ပါတယ်။ ဒီဇာတ်ကားမှာ သူနဲ့အပြိုင် ပီပီပြင်ပြင်သရုပ်ဆောင်သွားနိင်တာကတော့ Suicide Squad နဲ့ Morbious ထဲက မင်းသား Jared Leto ပါပဲ။ သူ့သရုပ်ဆောင်က ဒီဇာတ်ကားထဲမှာ Matthew McConaughey ထက်မပိုရင်တောင် သူနဲ့အတူတူကောင်းလောက်တဲ့အထိကို လိင်ကွဲချစ်သူ ရေယွန်ဆိုတဲ့ ဇာတ်ကောင်ကို ပီပီပြင်ပြင်သရုပ်ဆောင်သွားနိုင်ပါတယ်။ Jared ရဲ့ ဒီသရုပ်ဆောင်မှုဟာ ပရိသတ်တွေကို မျက်ရည်ကျစေခဲ့ပြီး သူ့အတွက်လည်း 'အကောင်းဆုံး အမျိုးသား ဇာတ်ပို့ဆု' (Best Supporting Actor) အော်စကာဆုကြီးကို ရရှိစေခဲ့ပါတယ်။ ဒီဇာတ်ကားက ဇာတ်လမ်းအနေနဲ့လဲ ၁၉၈၅ ခုနှစ်ဝန်းကျင်က HIV လူနာတွေရဲ့ ဘဝတွေ ကိုအကောင်းဆုံးထင်ဟပ်စေပြီးတော့ ကုသဖို့ဆေးစပ်သပ်ဆဲ ကာလတွေမှာ FDA ရဲ့ ငွေမက်မှုတွေ ကူးစက်ခံလူနာတွေအပေါ်ထားတဲ့ လူတွေရဲ့ သဘောထားတွေကို ကွံက်ကွက်ကွင်းကွင်းကြီးမြင်အောင်ပြသနိုင်ခဲ့ပါတယ်။ ဇာတ်လမ်းအကျဉ်းကတော့ ၁၉၈၅ ခုနှစ်တုန်းက တကယ့်အဖြစ်အပျက်ကို အခြေခံထားတာပါ။ တက္ကဆက်ပြည်နယ် ဒါးလက်စ် (Dallas) မြို့က လျှပ်စစ်ပညာရှင်နဲ့ နွားရိုင်းစီးသမား ရွန် ဝုဒ်ရုဖ် (Ron Woodroof) ဟာ ရုတ်တရက် HIV/AIDS ရောဂါ ကူးစက်ခံထားရပြီး အသက်ရှင်ဖို့ ရက် ၃၀ ပဲ အချိန်ကျန်တော့တယ်လို့ ဆရာဝန်တွေက သတ်မှတ်လိုက်ပါတယ်။ အဲဒီခေတ်က AIDS ဟာ ဆေးမရှိသေးတဲ့အပြင် လိင်တူချစ်သူတွေမှာပဲ ဖြစ်တယ်လို့ အများက ထင်မြင်ယူဆထားတဲ့ အချိန်ပါ။ ရွန် ဟာ လက်မြှောက်အရှုံးမပေးဘဲ အမေရိကန် အစားအသောက်နဲ့ ဆေးဝါးကွပ်ကဲရေးဦးစီးဌာန (FDA) က တရားဝင် ခွင့်မပြုရသေးတဲ့ ဆေးဝါးတွေကို မက္ကဆီကိုနိုင်ငံနဲ့ တခြားနိုင်ငံတွေကနေ ခိုးသွင်းလာခဲ့ပါတယ်။ အဲဒီနောက်မှာတော့ သူ့လို ဝေဒနာရှင်တွေအတွက် ရည်ရွယ်ပြီး "Dallas Buyers Club" ဆိုတဲ့ အသင်းကို တည်ထောင်ကာ ဆေးဝါးတွေ ဖြန့်ဝေပေးပြီး အသက်ရှင်ဖို့ ရုန်းကန်ကြိုးစားခဲ့ပုံကို ရိုက်ကူးထားတာ ဖြစ်ပါတယ်။ ဒီကားက တခြားဘာမှမကြည့်တောင် မင်းသားနှစ်ယောက်ရဲ့ သရုပ်ဆောင်ပုံနဲ့ လိင်တူချစ်သူတွကို မုန်းတီးတဲ့ ဝုဒ်ရုဖ် တယောက်နဲ့ လိင်တူချစ်သူ ရေမွန်တို့ကြားက အချိန်အဆက်တွေကို မျက်ရည်ကျစရာ ကိုယ်ချင်းစာစရာကောင်းလောက်အောင် ဖော်ပြနိုင်မှုတွေနဲ့တင် ကြည့်ရတာတကယ်တန်တဲ့ ဇာတ်ကားကောင်းတကားဖြစ်ပါတယ်။ File size…    2 GB / 1 GB Quality… Blu-ray 1080p / 720p Format… mp4 Duration…. 1h 57m Genre ..... Drama , History Subtitle…. Myanmar Subtitle (Hard Sub)

ဂြိုဟ်သားတွေက ကမ္ဘာကို ကျူးကျော်လာပေမယ့် လက်နက်တွေနဲ့ တိုက်ခိုက်ကြတာ မဟုတ်ပါဘူး။ လူတွေရဲ့ခန္ဓာကိုယ်ကို အပိုင်စီးပြီး လူသားတွေအဖြစ်ပဲ ဆက်နေထိုင်ကြတာပါ။ ခန္ဓာကိုယ်တင်မကဘဲ ဦးနှောက်နဲ့ မှတ်ဉာဏ်တွေကိုပါ သိမ်းယူဖျက်ဆီးကြတဲ့အတွက် ပြန်လည်တွန်းလှန်ဖို့လည်း မလွယ်ကူဘူး။ ခုခံသူတွေကိုတော့ သတ်ပစ်ကြပါတယ်။ အဲဒီလို ခုခံနေသူတွေထဲမှာ မယ်လနီဆိုတဲ့ မိန်းကလေးလည်း ပါဝင်တယ်။ တစ်နေ့မှာ သူ့ခန္ဓာကိုယ်ကိုပါ ဂြိုဟ်သားတစ်ဦးက အပိုင်စီးလိုက်တဲ့အခါ မယ်လနီ ဘာဆက်ကြုံရမလဲ။ Saoirse Ronan ပါဝင်သရုပ်ဆောင်ထားတဲ့ သိပ္ပံအက်ရှင်ရုပ်ရှင်ပါ။

တစ်ချိန်တစ်ခါက ဟုန်းဟုန်းတောက်ကျော်ကြားခဲ့ပြီး အခုအချိန်မှာလည်း ပြန်လည်တွေ့မြင်နေရပြီဖြစ်တဲ့မင်းသားကြီး Nicolas Cage ရဲ့ ဇာတ်ကားဟောင်းလေးကို ပြန်လည်တင်ဆက်ပေးလိုက်ပါတယ်။ ဇာတ်ကားနာမည်ကတော့ Stolen ဖြစ်ပြီးတော့ သူ့ကိုအများဆုံးတွေ့ရတဲ့ ဇာတ်ရုပ်ဖြစ်တဲ့ ရာဇဝတ်သားတစ်ယောက်နေရာကနေ သရုပ်ဆောင်ထားတာကို တွေ့ရမှာပဲဖြစ်ပါတယ်။ ဒီထဲမှာတော့ ဝေလ်ဆိုတဲ့ဉာဏ်ကြီးရှင် သူခိုးတစ်ယောက်နေရာကနေ တွေ့ရမှာပဲဖြစ်ပါတယ်။ဇာတ်လမ်းအစမှာ ဘဏ်တစ်ခုထဲက ပိုက်ဆံတွေကို ခိုးယူပြီးထွက်ပြေးနေတာကို တွေ့ရမှာပါ။ဒါပေမယ့် အကြောင်းအရင်း တစ်ခုခုကြောင့် သူ့တွဲဖက်ဖြစ်သူ ဗင်းဆင့်နဲ့သဘောထားကွဲလွဲပြီး သူတစ်ယောက်တည်း ပိုက်ဆံတွေနဲ့ ကျန်ခဲ့ပြီးအဖမ်းခံလိုက်ရပါတော့တယ်။ ဒါပေမယ့် ထူးဆန်းတာက သူ့ကိုဖမ်းမိတဲ့အချိန်မှာ ပိုက်ဆံတွေကမရှိတော့ပါဘူး။ ဒီလိုနဲ့ ထောင်ရှစ်နှစ်ကျပြီး ပြန်ထွက်လာတဲ့အချိန်မှာတော့ သူ့ဘဝမှာ အချစ်ရဆုံးသူဖြစ်တဲ့ သူ့သမီးနဲ့သွားတွေ့ခဲ့ပါတယ်။ဒါပေမယ့် ခါးခါးသီးသီး ငြင်းလွှတ်ခံလိုက်ရလို့ လုပ်ဖော်ကိုင်ဖက်ဟောင်းတွေနဲ့ သွားတွေ့နေတဲ့အချိန်မှာ သူ့သမီးပြန်ပေးဆွဲခံလိုက်ရပြီး လွန်ခဲ့တဲ့ရှစ်နှစ်ကပိုက်ဆံတွေကို တောင်းပါတော့တယ်။ ဒီလိုနဲ့ ဝေလ်တစ်ယောက်သမီးကိုပြန်ရဖို့အတွက် ဘယ်လိုတွေရုန်းကန်ရမလဲ အဲ့ဒီပိုက်ဆံတွေကရော တကယ်တမ်းဘယ်ရောက်သွားလဲဆိုတာတွေအပြင် တခြားစိတ်ဝင်စားစရာ ဇာတ်လမ်းဇာတ်ကွက်တွေကိုလည်း ကြည့်ရမဲ့ ဇာတ်ကားဟောင်းထဲးကမှ ဇာတ်ကားကောင်း တစ်ကားပဲဖြစ်ပါတယ်။ File size…1.93 GB / 769MB Quality…Blu-Ray 1080p / 720p Format…mp4 Duration….1h 36m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

၂၀၁၂ခုနှစ်က ထွက်ရှိခဲ့တဲ့ အမေရိကန်အက်ရှင်ဇာတ်လမ်းကို တင်ဆက်ပေးလိုက်ပါတယ်။ နိတ်ဆိုသူက အိမ်ခြံမြေလုပ်ငန်းမှာ လိမ်လည်မှုနဲ့ထောင်ကျသွားခဲ့တာကြောင့် သားနှစ်ယောက်ရယ် ဇနီးဖြစ်သူရယ်နဲ့ပြန်အဆင်ပြေစေဖို့ ထောင်ကထွက်လာတဲ့အချိန် အပန်းဖြေခရီးတစ်ခုထွက်လာခဲ့ပါတယ်။ တစ်ဆက်တည်းမှာပဲ လူလေးယောက်က ပိုက်ဆံလေးသန်းတင်လာတဲ့ယာဉ်ကို ဓားပြတိုက်သွားတဲ့အတွက် သတိထားကြဖို့ တွေ့ရှိကသတင်းပေးဖို့ သတင်းမှာလာနေခဲ့တယ်။ ကံမကောင်းချင်တော့ ဓားပြတွေက လမ်းမှာပိတ်စစ်နေတဲ့ရဲတွေရန်ကလွတ်အောင် နိတ်တို့မိသားစုရဲ့ကားပေါ်မှာ ငွေလေးသန်းအိတ်ကြီးကို တင်ပေးလိုက်ပါတယ်။ နိတ်တို့မိသားစုကလည်း သူတို့ကားပေါ်မှာပိုက်ဆံအိတ်ပါလာတာကို မသိဘဲခရီးဆက်လာတဲ့နောက်မှာတော့...။ မိသားစုနဲ့အဆင်ပြေဖို့ကြိုးစားနေတဲ့ နိတ်တစ်ယောက် ဓားပြတွေနဲ့ပါရင်ဆိုင်ဖို့ဖြစ်လာပါတော့တယ်။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(2.1 GB)/(1.1 GB) Quality….Webrip 1080p / 720p Format…mp4 Duration….01:58:00 Genre... Drama , Scifi Subtitle….Myanmar Subtitle (Hardsub) Encoder….Mr. Anderson Translated by Pyae Phyo

Django Unchained (2012) IMDb Rating (8.5) / Rotten Tomatoes (87%) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  နာမည်ကျော် Western ရုပ်ရှင်ကားကြီးဖြစ်ပါတယ်။ Leonardo DiCaprio, Christoph Waltz , Samuel L. Jackson , Jamie Foxx တို့လို သူနဲ့တွဲရိုက်နေကျ သရုပ်ဆောင်တွေအပြင် တခြားသရုပ်ဆောင်များစွာပါဝင်ထားပါတယ်။ ဇာတ်လမ်းဟာ လူမည်းကျွန်စနစ်ရှိတဲ့ ခေတ်ကာလကို တည်ထားတယ်။ နောက်ပြီးဒီဇာတ်ကားက တကယ့် Black Comedy။ Dr. King Schultz ဆိုတာ နယ်လှည့်သွားလာနေတဲ့ သွားဆရာဝန်အမည်ခံ ဂျာမန်လူမျိုး bounty hunter တစ်ယောက်ပဲ။ သူရှာနေတာက မြေပိုင်ရှင် ညီအစ်ကို ၃ ယောက်။ သူတို့ကို ရှာမယ်ဆိုပေမယ့် တွေ့လည်း မတွေ့ဖူးဘူး။ ညီအစ်ကို ၃ ယောက်ဆိုတာက လွဲလို့ ဘာမှ မသိဘူး။ အဲဒါကြောင့် အဲဒီညီအစ်ကို ၃ ယောက်ဆီမှာ အလုပ်လုပ်ခဲ့ဖူးတဲ့ ကျွန်တစ်ယောက်ကို လိုက်ရှာနေတယ်။ ဖြစ်ချင်တော့ တစ်ည လမ်းခရီးမှာ အဲဒီကျွန်တစ်ယောက်ကို တွေ့သွားခဲ့တယ်။ ဒါပေမယ့် အဲဒီဂျာမန်သွားဆရာဝန်ရဲ့ ပြောပုံဆိုပုံကြောင့် လူဖြူကျွန်ပိုင်ရှင်တွေက မရောင်းဘဲနဲ့ ငြင်းလိုက်တယ်။ ဒါပေမယ့်လည်း ဂျာမန်သွားဆရာဝန်ဟာ bounty hunter လေ။ သူ့ကို အဲဒီလို အချိုးမျိုး လာလုပ်လို့မရဘူးဆိုတာ လက်တွေ့ပြလိုက်တယ်။ ဒီလိုနဲ့ သူလိုချင်တဲ့ ကျွန်တစ်ယောက် ခေါ်လာနိုင်ခဲ့တော့တယ်။ အဲဒီလူမည်းနာမည်က Django ။ D silent ဂျန်ဂို တဲ့။ ဒီနေရာမှာ bounty hunter ဂျာမန်သွားဆရာဝန်ရဲ့ ကာရိုက်တာကို နည်းနည်းပြောချင်တယ်။ လူမည်းကျွန်စနစ်ခေတ်ကြီးထဲမှာ သူခေါ်လာတဲ့ လူမည်းကို လူလိုသဘောထားပြီး တန်းတူဆက်ဆံတာဆိုလို့ သူ တစ်ယောက်တည်း ရှိတယ်။ အဲဒါအပြင်သူက သူ့ကျွန်ကို အပြည့်အ၀ ကာကွယ်ပေးသေးတာ။ အဲဒီလိုသဘောထားလို့လည်း ရောက်တဲ့နေရာတိုင်းမှာ သူ့တို့နှစ်ယောက်ကို လူဖြူတွေရော လူမည်းတွေပါ အထူးအဆန်းလို ကြည့်ကြတယ်။ အဲဒီ bounty hunter က ဂျန်ဂို ကိုပြောတယ်။ ဂျန်ဂိုအနေနဲ့ ညီအစ်ကို ၃ ယောက်ကို ရှာတွေ့ပြီး သတ်ပေးနိုင်ရင် သူ့ကို ကျွန်ဘဝကနေ လွတ်လပ်ခွင့်ပေးပါမယ်တဲ့။ ဆိုတော့ သူတို့နှစ်ယောက် ညီအစ်ကို ၃ ယောက် ရှာပုံတော် ဖွင့်ကြတော့တယ်။ ဒီကားထဲမှာ Quentin Tarantino ရဲ့ ကာရိုက်တာတွေ အထိုင်ချတာကို တော်တော်သဘောကျတယ်။ ဂျာမန် bounty hunter အဖြစ် Christoph Waltz ကို လုပ်ခိုင်းပြီး သူ့ရဲ့ အဖော်ကျွန်နေရာမှာတော့ Jamie Foxx ကို လုပ်ခိုင်းတယ်။ လူဖြူသူဌေးအဖြစ် Leonardo ၊ လူဖြူသူဌေးရဲ့ သစ္စာတော်ခံလူယုံအဖြစ် Samuel Jackson က သရုပ်ဆောင်ရတယ်။ ဒီနေရာမှာ Leo Vs Christoph ထက် Samuel Jackson Vs Jamie Foxx နှစ်ယောက်ရဲ့ အားပြိုင်သရုပ်ဆောင်မှုကို ပိုပြီးတွေ့ရမယ်။ မထုံတတ်သေးနဲ့ ရန်သူကို သွေးအေးအေးနဲ့ လှည့်စားတတ်တဲ့ Christoph ရဲ့ ကာရိုက်တာကြောင့်လည်း ဒီကားက ပိုပြီးဆွဲဆောင်မှု ရှိနေတာပါ။ (Christoph Waltz ဟာ ဒီဇာတ်ကားနဲ့ ဒုတိယအကြိမ် အော်စကာဆုရခဲ့ပါတယ်။ ) နောက်ပြီး ဒီရုပ်ရှင်ထဲမှာ Spaghetti Western ရုပ်ရှင်တွေရဲ့ လွမ်းမိုးမှုတွေ ပါဝင်နေတာတွေ့ရတယ်။ အထူးသဖြင့် သေနတ်ထပစ်ကြတဲ့အခန်းတွေ။ သေနတ်ပစ်ကြတဲ့ပုံစံတွေ။ Django Unchained နဲ့ The Hatefull Eight ဟာ ခေတ်တစ်ခေတ်ကို အကြောင်းပြုပြီး ရိုက်ထားတာဆိုပေမယ့် Bounty Hunter Character ကို ယူသုံးထားတာက လွဲလို့ တစ်ခြားဇာတ်အိမ် ဆက်စပ်မှု သိပ်မရှိပါဘူး။ လုပ်မယ့်လုပ်စေချင်ရင် Django Unchated ( 2012 ) ထဲက bounty hunter ဖြစ်သွားတဲ့ လူမည်း Jamix Foxx ကာရိုက်တာဟာ sequel အနေနဲ့ The Hatefull Eight ( 2015 ) မှာ Major Warren အနေနဲ့ Bounty Hunter လာဖြစ်တယ်ဆိုတာမျိုးပဲ ဖြစ်လုပ်လို့ရမယ်ထင်တယ်။ (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။) File size…(13 GB)/(3 GB )/(1.8 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:45:00 Subtitle….Myanmar Subtitle (Hardsub) Encoder….Ka Naung Translated by Kiwi

Rt-66% ~ IMDb-6.1 ဟာသသရုပ်ဆောင် မင်းသားကြီး Will Ferrell နဲ့ The Hangover ရုပ်ရှင်တွေထဲမှာ အလန်အဖြစ်သရုပ်ဆောင်ခဲ့တဲ့ မင်းသား Zach Galifianakis တို့ရဲ့ 2012 တုန်းက ထွက်ရှိခဲ့တဲ့ ဟာသကားကောင်လေးတကားကို တင်ဆက်ပေးလိုက်ပါတယ်။ ဆဲဆိုကြမ်းတမ်းတဲ့စကားလုံးတွေနဲ့ ပြကွက်တွေပါဝင်တာမလို့ အသက် (၁၈) နှစ်အောက် ကလေးတွေကတော့မကြည့်သင့်ပါဘူး။ ဇာတ်လမ်းအကျဉ်းကတော့ ကမ် ဘရက်ဒီ (Will Ferrell) ဟာ မြောက်ကယ်ရိုလိုင်းနားပြည်နယ်မှာရှိတဲ့ ခရိုင် (၁၄) ကိုယ်စားပြု ကွန်ဂရက်လွှတ်တော်အမတ်အဖြစ် လေးကြိမ်ဆက်တိုက် ရွေးကောက်ခံခဲ့ရသူပါ။ ဒါပေမဲ့လည်း ဖောက်ပြန်ပွေရှုပ်လွန်းတဲ့လူဖြစ်တာကြောင့် လူထုထောက်ခံမှုအားကျဆင်းနေပြီး ရွေးကောက်ပွဲကလည်းကျင်းပဖို့နီးလာနေပါပြီ။ ဒီအချိန်မှာ မော့ခ်ျညီနောင်လို့ခေါ်တဲ့ ဘီလျံနာသူဌေးတွေက ခရိုင် (၁၄) မှာစက်ရုံတွေဖွင့်ပြီး လက်ဝါးအုပ်နိုင်ဖို့အတွက် ကမ်ကိုဖြုတ်ချပြီး သူ့နေရာမှာအစားထိုးဖို့ မာတီ ဟက်ဂင် (Zach Galifianakis) ကို ရွေးကောက်ပွဲမှာဝင်ရောက် ယှဉ်ပြိုင်စေခဲ့ပါတယ်။ ဒီလိုနဲ့ သူတို့နှစ်ယောက်ကြားမှာ နိုင်ငံရေးအရပြိုင်ဆိုင်မှုတွေပြင်းထန်လာခဲ့ပြီး တယောက်ကိုတယောက်ဘယ်လိုချောက်တွန်းအားပြိုင်ကြမလဲ၊ တယောက်နဲ့တယောက် ပြိုင်ကြရင်း ဘယ်လိုအလွဲ‌ကြီးတွေဖြစ်ကြမလဲ၊ နောက်ဆုံးမှာရော ဘယ်သူက ရွေးကောက်ပွဲကိုနိုင်သွားမလဲဆိုတာကို ဆက်လက်ကြည့်ရှုလိုက်ကြပါဦး။ နိုင်ငံရေးဆိုင်ရာအားပြိုင်မှုတွေမှာတလွဲလုပ်ကြကို ဟာသ‌နှောပြီး ရှယ်ဖောက်ထားတဲ့ကားကောင်လေးဖြစ်တာမလို့ ပေါ့ပေါ့ပါးပါးရယ်ရယ်မောမောကြည့်ရှုလိုက်ကြပါဦးဗျ။

IMDb rating -6.3/10 ဒီဇာတ်လမ်းကတော့ ဇာတ်အိမ်ခိုင်ခိုင် ဇာတ်လမ်းဇာတ်ကွက်မိမိရိုက်ကူးထားတင်ဆက်ထားပြီး Action Comedy ဇာတ်လမ်းအမျိုးအစားလေးဖြစ်ပါတယ်။ ဒီရုပ်ရှင်မှာ Action အခန်းတွေကို ထိထိမိမိရိုက်ကူးထားတဲ့အပြင် သရုပ်ဆောင်တွေရဲ့ ပိုင်နိုင်တဲ့သရုပ်ဆောင်မှုတွေကြောင့် Comedy scene တွေမှာဆိုရင် ဗိုက်နာအောင်ရယ်ရမယ့် ဇာတ်လမ်းဇာတ်ကွက်တွေပါကြည့်ရှူခံစားရမှာပါ။ ဇာတ်လမ်းရဲ့အကျဉ်းချုပ်ကတော့.. ဒီရုပ်ရှင်ကိုတော့ Oodie boys သုံးယောက်ကိုအဓိကထားပြီးရိုက်ကူးထားပါတယ် အကြီးဆုံးက Brick အလတ်က Lincoln နဲ့ နောက်တစ်ယောက်ကတော့ McQueenပါ သူတို့ ၃ ယောက်က ဒေသခံရဲအရာရှိ ရှယ်ရစ်ဖ်ကနေ မြို့ထဲကတခြားရာဇဝတ်ကောင်တွေကို သတ်ဖို့ငှားထားတဲ့ အမည်မသိကြေးစားလူသတ်သမားတွေပေါ့ သူတို့ကြောင့်ပဲ Alabama မြိုလေးကပြစ်မှုအနည်းဆုံးမြို့တစ်ခုဖြစ်နေတော့ ရှယ်ရစ်ဖ်တစ်ယောက် သူတို့လုပ်သမျှကိုမျက်ကွယ်ပြုပေးနေခဲ့ပါတော့တယ် တစ်နေ့မှာတော့ Celeste ဆိုတဲ့အမျိုးသမီးတစ်ယောက်က အကြမ်းဖက်တတ်တဲ့ မွေးစားအဖေလက်ထဲကနေ သူ့မွေးစားသားလေးကိုကယ်တင်ပေးဖို့ ငွေအများကြီးကမ်းလှမ်းပြီးတောင်းဆိုလာခဲ့ပါတယ်။ ငွေရဲ့ဆွဲဆောင်မှုမှာမြောသွားတဲ့ သူတို့ညီအစ်ကို ၃ ယောက် ကလေးကိုပြန်ပေးဆွဲခဲ့တဲ့အခါမှာတော့.. ဘယ်လိုအရာတွေနဲ့တွေ့ကြုံရမလဲဆိုတာကို ဒီဇာတ်လမ်းလေးထဲမှာကြည့်ရှူခံစားရမှာပါ။

Jason Statham သရုပ်ဆောင်ထားတဲ့ ဘစ်ရှော့ဟာ အလုပ်တစ်ခုလုပ်တိုင်း စက်တစ်လုံးလို တိကျသေချာအောင် အကွက်ချတတ်တဲ့ ကြေးစားလူသတ်သမားပါ။ သူ့အလုပ်က ပစ်မှတ်ကို သတ်ပစ်ရုံနဲ့ မပြီးဘူး။ လူသတ်မှုလို့ မထင်ရအောင် မတော်တဆဖြစ်သွားသလို၊ အခန့်မသင့်လို့ သေဆုံးသွားသလိုမျိုး ဖန်တီးပေးရတာပါ။ နေရာတိုင်းမှာ သေချာစီစဉ်ပြီး လှုပ်ရှားတတ်တဲ့ ဘစ်ရှော့ကိုမှ လာရှုပ်ကြတဲ့သူတွေ ရှိလာပါတယ်။ ဒီလိုလူတစ်ယောက်နဲ့ ထိပ်တိုက်တွေ့တဲ့အခါ သူတို့ ဘယ်လိုဒုက္ခရောက်ကြမလဲဆိုတာကို အက်ရှင်၊ မှုခင်းနဲ့ သည်းထိတ်ရင်ဖိုပုံစံ ရိုက်ကူးထားပါတယ်။

Jonah Hex ဆိုတာကတော့ DC Comics Book ထဲကဇာတ်ကောင်ဖြစ်ပါတယ်... Action Fantasy ဇာတ်ကားမျိုးဖြစ်ပြီး ကောင်းဘွိုင်ဆန်ဆန်ရိုက်ကူးထားတာပါ.... Megan Fox ရဲ့ညှို့အားပြင်းပြင်း သရုပ်ဆောင်ချက်တွေက ဒီဇာတ်ကားကို လူကြိုက်များစေခဲ့ပါတယ်.....ဇာတ်လမ်းက သိပ်ထူးထူးခြားခြားမဟုတ်ဘဲ သာမန် Action မျိုးပဲဖြစ်ပေမယ့် Megan Fox ပရိတ်သတ်အတွက်တော့ ကျေနပ်အားရမိမယ့် ဇာတ်ကားမျိုးပါ.....။ File size...769MB Quality....flash Format...mp4 Duration....01:14:27 Subtitle....Myanmar Subtitle(Hardsub)

The Great Debaters(2007) IMDb.....7.6,,,,,Rotten....79% စကားလုံးတွေရဲ့စွမ်းအားက ဘယ်လောက်ကြီးကြောင်းကို အားလုံးလည်းသိပါတယ်.... ကျွန်တော်တို့ငယ်ငယ်ကဖတ်ဖူးခဲ့တဲ့ ခုံတော်မောင်ကျဘမ်းဆိုတာ စာပေကျမ်းဂန်မှာ နှံ့စပ်ကျွမ်းကျင်တဲ့သလို စကားအရာမှာလည်း တစ်ဘက်ကမ်းခတ်ကျွမ်းကျင် တဲ့အတွက်အကြောင့် ကျပန်းဆိုတာ သူ့ဆီကလာတာ အားလုံးလည်းသိမှာပါ... ကျွန်တော်ဘာလို့ ဒါတွေပြောနေရလဲ ဆိုတော့ ဒီကားရဲ့နာမည်ကိုက The Great Debaters ဆိုတော့ ခင်ဗျားတို့လည်းမှန်းမိလောက်မှာပါ.... ကျွန်တော်တို့ရဲ့ မင်းသားကြီး Denzel Washington က debate ပြိုင်ပွဲအတွက်လေ့ကျင့်ပေးရတဲ့ ပါမောက္ခအဖြစ်သရုပ်ဆောင်ထားတယ်.... သူကနေ့ဘက်ဆိုရင် ကျောင်းဆရာလုပ်ပြီးတော့ ညဘက်ဆိုရင်တော့  အလုပ်သမားလူတန်းစားအတွက် တက်ကြွလှုပ်ရှားသူဖြစ်တယ်... ဒီကားက ဖြစ်ရပ်မှန်အပေါ်အခြေခံရိုက်ကူးထားတာဖြစ်လို့  အဲ့ဒီ့အချိန်က အမေရိကန်ရဲ့ ခေတ်၊ စနစ်နဲ့ လူမှုဘဝကို လွဲမှန်းနေတဲ့ဟန်ပန်တွေ မြင်နေရလိမ့်မယ်...ဒီကားကိုကြည့်မယ်ဆိုရင်  debate ပွဲတွေများစွာကြည့်ရမယ့်အပြင် ဘယ်လိုယှဉ်ပြိုင်သင့်တယ်..ဘယ်လိုပြင်ဆင်သင့်တယ်..ဘယ်လိုယူဆထားသင့်တယ်ဆိုတာတွေလည်းတွေ့လိမ့်မယ်.. ခေတ်စနစ်ရဲ့ ဆိုးကျိုးတွေ...အဲ့ဒီအချိန်အခါက လွဲမှားနေတဲ့အယူအဆတစ်ချို့တွေ တွေ့ရလိမ့်မယ်... နောက်ပြီး Debate ရဲ့ ခမ်းနားကြီးကျယ်ခြင်းတွေကိုလည်း လေ့လာပြီးသားဖြစ်နေလိမ့်မယ်... ပြီးတော့ ဒီကားကြည့်နေစဉ်မှာ စကားလုံးတွေရဲ့ စွမ်းအားကိုသဘောကျလွန်းလို့ ခင်ဗျားဟာ ကျေနပ်ပီတိဖြစ်တဲ့အပြုံးတွေလည်း ဝေနေလိမ့်မယ်.... ဘာသာပြန်သူကတော့ Scarlett May ပဲဖြစ်ပါတယ်.... File Size : (1GB) Quality : Blu-Ray 720p Format…mp4 Duration…02:06:00 Genre :  Biography, Drama, Romance Subtitle : Myanmar Subtitle (Hard Sub) Translated by Scarlett May Encoded by Phyo Pyae

The Guardian(2006) IMDb...7.0 ကယ်ဆယ်ရေး ရေကူးသမားသမိုင်းတစ်လျောက်မှာ ထင်ရှားတဲ့ ဘန် ရန်ဒဲလ် ဟာ ကယ်ဆယ်ရေးအလုပ်ကိုအလွန်ခုံမင်ပြီး ရာထူးတိုးမယူဘဲ ပင်လယ်မှာ စွန့်စားရတာကိုပဲ အထူးနှစ်သက်သူတစ်ယောက်ပါ... လှိုင်းတံပိုးကြားမှာ သေမင်းနဲ့လက်တစ်ကမ်းအလိုရောက်နေတဲ့ ဒုက္ခသည်ကိုကယ်ရတာလည်းမလွယ်လှပါဘူး... ပုံမှန်စိတ်ပျောက်ဆုံးနေတတ်တဲ့အပြင် သဘာဝဘေးအန္တရယ်ကလည်း မျှော်လင့်မထားတဲ့နည်းမျိုးစုံကြုံတွေ့နိုင်တာကြောင့် ဘန် တို့အဖွဲ့အတွက် အတော်ခက်ခဲတဲ့အလုပ်ပါပဲ...သူဟာဒီကယ်ရေးအလုပ်ကို အချိန်ပေးလွန်းလို့ ချစ်ဇနီးနဲ့တောင်ကွာရှင်း၇တဲ့အနေအထားရောက်ခဲ့ပါတယ်.. တစ်နေတော့ ညဘက် သဘေ်ာတစ်စီးဒုက္ခရောက်တာကို အရေးပေါ်ကယ်ဆယ်ဖို့အကြောင်းဖန်လာတယ်... ဒီကယ်ဆယ်ရေးလုပ်တဲ့အချိန်မှာ ဒုက္ခသယ်တစ်ယောက်ကိုမကယ်နိုင်တဲ့အပြင် ရဟတ်ယာဉ်နဲ့ သူကလွဲလို့ကျန်တဲ့သူတွေ အသက်ဆုံးရှုံးသွားတယ်... ဒီဖြစ်ရပ်ဆိုးပြီးတဲ့နောက်မှာတော့ ဘန်အတွက်အပြောင်းအလဲတွေအများကြီးဖြစ်ပါတော့တယ်... ဒီဇာတ်ကားဟာ မင်းသားကြီး Kevin Costner ဉီးဆောင်ထားပြီး  Ashton Kutcher နဲ့ အခြားနာမည်ကြီးသရုပ်ဆောင် များစွာပါဝင်ထားပါတယ်...ဆုကြီးတစ်ဆုရရှိခဲ့သလို အခြားဆု(၄)ဆုအတွက်လည်းဆန်ကာတင်စာရင်းဝင်ခဲ့တယ်... အစမှ အဆုံးထိ တော်တော်ကြီးကိုကြည့်လို့ကောင်းတဲ့ ဇာတ်လမ်းတစ်ခုပါ..ခံစားကြည့်ကြပါဉီး... ဇာတ်လမ်းအညွှန်းနဲ့ဘာသာပြန်သူကတော့ Thar Htet  ပဲဖြစ်ပါတယ်… File Size :  5.17GB / 1.85GB Quality : Blu-Ray 1080p 5.1 CH/ Blu-Ray 720p Format…mp4 Duration…02:20:00 Genre : Action, Adventure, Drama Subtitle : Myanmar Subtitle (Hard Sub) Translated by Thar Htet Encoded by Tiff

Waiting (2005) နေ့စဉ်ဘဝရဲ့ ပုံမှန်ဆန်တဲ့တစ်နေ့တာကို ငြီးငွေ့နေတဲ့သူတွေရှိရင် ဒီကားလေးကအံကိုက်ဖြစ်မှာပါ။ ၂၀၀၅ ခုနှစ်က ထွက်ရှိထားပြီး Deadpool မင်းသား Ryan Reynolds ရဲ့ masterpiece တွေထဲက တစ်ခုလို့လည်း ပြောလို့ရတဲ့ကားလေးပဲ ဖြစ်ပါတယ်။ IMDb 6.7/10 ရရှိထားတဲ့ ဟာသကားလေးလည်း ဖြစ်ပါတယ်။ Diner တစ်ခုက စားပွဲထိုးကောင်လေးနှစ်ယောက်ကို အသားပေးရိုက်ကူးထားတာဖြစ်ပြီး။ သူတို့ရဲ့ ငြီးငွေ့စရာတစ်နေ့တာကို ပျော်စရာကောင်းအောင် ထွက်ပေါက်ရှာကြတာကို ရယ်ရယ်မောမော ပေါ့ပေါ့ပါးပါးနဲ့ ကြည့်ရှုရမှာပါ။ အညွှန်းနဲ့ ဘာသာပြန်ကတော့ CM မှ Aditi ပဲဖြစ်ပါတယ်။ File size…    1.8 GB /  900 MB Quality… BluRay 1080p / 720p Format… mp4 Duration…. 1h 34m Genre ..... Comedy Subtitle…. Myanmar Subtitle (Hard Sub) Encoder…. LegoHeart Translated by Aditi

Walk the Line (2005) ~ IMDb - 7.8/10, Rotten Tomatoes - 82% ~ ကန်းထရီးအဆိုတော် ဂျွန်နီကတ်ရှ်ရဲ့ I Walk the Line သီချင်းဟာ ရိုးလင်းစတုန်းမဂ္ဂဇင်းရဲ့ သမိုင်းတစ်လျှောက်အကျော်ကြားဆုံးသီချင်းငါးရာ စာရင်းမှာ နံပါတ်၃၀ချိတ်ဖူးသလို ၂၀၁၄မှာ စာရင်းလုပ်ခဲ့တဲ့ အကောင်းဆုံးကန်းထရီးသီချင်းတစ်ရာစာရင်းမှာ နံပါတ်တစ်ချိတ်ခဲ့ဖူးတယ်။ ဂျွန်နီကတ်ရှ်ရဲ့တချို့အယ်လ်ဘမ်တွေဆိုရင်လည်း The Beatles တွေထက်တောင် ရောင်းအားကောင်းခဲ့ဖူးတယ်။ ခု Walk the Line ကတော့ သူ့ ဘိုင်အိုဂရပ်ဖီရုပ်ရှင်ပေါ့။ Walk the Line မှာ ဂျွန်နီကတ်ရှ်ပေါက်စနလေးဘဝကနေ ဘာမှပြစရာမရှိတော့တဲ့အထိ ဂျွန်နီကတ်ရှ်အကြောင်း အကုန်ပြထားတယ်။ ဂျွန်နီကတ်ရှ်ရဲ့ ဘိုင်အိုဖြစ်တဲ့ ဒီကားက ကြည့်ဖူးတဲ့ ဘိုင်အိုဂရပ်ဖီကားတွေထဲတော့ တော်တော်ဒရာမာများတဲ့ ရုပ်ရှင်လို့ပြောရမယ်။ ဘိုင်အိုကားလို့ကို ထင်စရာမရှိနေဘူး။ မရှိဆို James Mangold ရဲ့ အသက်သွင်းပုံကလည်း လှသကိုး။ ဂျိမ်းစ်မန်းဂိုးဒ်ရဲ့ သမိုင်းတစ်လျှောက် ဒီနှစ်ထွက်ခဲ့တဲ့ Indiana Jones and the Dial of Destiny တစ်ကားကလွဲ Cop Land ကနေ Ford v Ferrari အထိ ပယ်စရာကားမရှိဘူးဆိုတော့ သူ့တင်ဆက်ပုံ သိပ်ကောင်းတာတော့ ပြောစရာမလိုဘူး။ ဒီရုပ်ရှင်ကိုလည်း သူကိုယ်တိုင် ကတ်ရှ်ရဲ့ ဘိုင်အိုစာအုပ်နှစ်အုပ်ကနေ အချက်အလက်တွေယူပြီး သူ့ဘာသာဇာတ်ညွှန်းရေးခဲ့တာပဲ။ ဂျွန်နီကတ်ရှ်အကြောင်းကို သူက ဟိုးပေါက်စနလေးကတည်းကနေ ပြတာဆိုတော့ ကတ်ရှ်ရဲ့ ငယ်ဘဝထရော်မာတွေကနေ စသိရလိမ့်မယ်။ အာကန်ဆက်စ် ကျေးလက်ဘက်က မိသားစုတစ်ခုက အချစ်မခံခဲ့ရတဲ့ ကလေးတစ်ယောက်ရဲ့ဘဝကို မြင်ရလိမ့်မယ်။ ဒါလည်းလိုအပ်လို့ပါပဲ။ ခဏအတွင်းမှာပဲ ကတ်ရှ် စစ်မှုထမ်းခဲ့ရတဲ့ကာလတွေဆီ ရောက်သွားတယ်။ မန်းဂိုးဒ် ဒီလိုပြတာမှာ ကတ်ရှ်ရဲ့သီချင်းတွေ ဖြစ်လာတဲ့အချိန်တွေကို အသားပေးပြထားတယ်။ ကတ်ရှ်ဟာ သူကိုယ်တိုင်ရေး ကိုယ်တိုင်ဆိုတာများတဲ့ ကန်းထရီးအဆိုတော်ဆိုတော့ သူ့သီချင်းအားလုံးနီးပါးက သူ့ဘဝကို ထင်ဟပ်နေတယ်။ ဒီလို သူ့ဘဝကို ထင်ဟပ်နေတဲ့အကြောင်းလည်း ထည့်ပြောသွားတယ်။ တပ်ထဲကနေ ထွက်လာပြီးတဲ့နောက် မိန်းမယူထားပြီ။ ကတ်ရှ်မှာ သူရေးထားတဲ့သီချင်းတွေလည်းရှိနေပြီ... တီးဝိုင်းလေးဖွဲ့ပြီး သီချင်းဆိုဖို့လည်း ကြိုးစားနေပြီ။ သူ့အိပ်မက်နောက် သူလိုက်နေပြီပေါ့။ ဒါပေမဲ့ လက်တွေ့ဘဝမှာတော့ သူမအောင်မြင်ခဲ့ဘူး။ ဒီလိုနဲ့ သူ့တီးဝိုင်းရှိတဲ့မြို့လေးးကနေ သူပြောင်းရဖို့အကြောင်းဖန်လာတယ်။ ဒီမှာ ကတ်ရှ်က နောက်ဆုံးအခွင့်အရေးအနေနဲ့ Sun Records ကို သွားပြီး အော်ဒီးရှင်းဝင်ခဲ့တယ်။ ဒီ Sun Records က တော်တော်နာမည်ကြီးတယ်။ ပရက်စလေတို့ ဂျယ်ရီလီလူးဝစ်တို့နဲ့ အလုပ်လုပ်နေတဲ့ တေးသံသွင်းပေါ့။ ဒီလိုနဲ့ သူအဆိုတော်ဖြစ်ဖို့ လမ်းကြောင်းပေါ် စရောက်သွားရာကနေ သူ့သီချင်းကလည်း ဝက်ဝက်ကွဲ အောင်မြင်သွားခဲ့တယ်။ ဒီတော့ သူနယ်လှည့်ပွဲတွေမှာ လိုက်ဆိုတာတွေတော်တော်လုပ်လာရတယ်။ ဒီမှာ သူ June Carter နဲ့ စတွေ့တယ်။ June က မျိုးနဲ့ရိုးနဲ့ အနုပညာမျိုးရိုးက ဆင်းသက်လာတဲ့သူဖြစ်သလို ဆွဲဆောင်မှုလည်း‌တော်တော်ရှိတော့ ကတ်ရှ်က သဘောကျသွားတယ်။ ဒီနောက် သူငယ်ချင်းတွေဖြစ်လာရင်း ချစ်မိသွားတယ်။ တခြား ဂီတသမားတွေအကြောင်း ရိုက်ပြထားတဲ့ ဘိုင်အိုတွေနဲ့မတူမှာက ဒီထဲ ကတ်ရှ်ရဲ့ နယ်လှည့်ပွဲတွေကို ပြတဲ့အချိန် သူနဲ့အတူတူတွဲဖက် သီဆိုရတဲ့ တခြားနာမည်ကျော်ဂီတသမားတွေကိုလည်း ပြတယ်။ သူတို့နဲ့ကတ်ရှ်ကြားက ခင်မင်မှုတွေ။ အကုန်ပေါင်းပြီး ဗရုတ်ကျကြတာတွေကိုပြတယ်။ တော်တော်လေးကြည့်လို့ကောင်းတယ်။ အဲဒီလိုအပေါင်းအသင်းကောင်းရင်း နာမည်ကြီးလာရင်းနဲ့ပဲ ကတ်ရှ်က မူးယစ်ဆေးပြဿနာလည်းရှိလာတယ်။ လုပ်ချင်တာတွေလည်း အကုန်လျှောက်လုပ်လာတယ်။ ဒီမှာကတ်ရှ်ရဲ့အကျပိုင်း စရောက်လာတာပဲ။ June ကလည်း နောက်အိမ်ထောင်တစ်ဆက်ပြောင်းသွားပြန်တော့ ကတ်ရှ်လည်းကြေကွဲပြီး လုပ်မိလုပ်ရာတွေ လျှောက်လုပ်ရာကနေ သူ့အိမ်ထောင်ပြိုကွဲတဲ့အထိပါဖြစ်လာတယ်။ ဒီလိုနဲ့ ဆေးသုံးတာပါမိပြီး ခြူးတစ်ပြားမှမရှိတော့တဲ့ ဘဝအထိပါရောက်တယ်။ သဘောကျစရာကောင်းတာက ဒီမှာ ကတ်ရှ်က တဇောက်ကန်းလုပ်ချင်တာလုပ်တဲ့ကောင်ဆို‌တော့ တစ်ပြားမှမရှိ စီးစရာကားတောင်မရှိတော့တာတောင် တစ်မျှော်တခေါ်ဆီက June အိမ်ကို လမ်းလျှောက်ပြီး ရောက်အောင်သွားခဲ့တယ်။ တကယ့်ကို ကမှူးရှုးထိုးလုပ်ချင်တာလုပ်တဲ့လူပေါ့။ အဲဒီလိုလူနေရာမှာ Joaquin Phoenix က ပိုင်ပိုင်နိုင်နိုင်ကြီး သရုပ်ဆောင်နိုင်ခဲ့တယ်။ တော်တော်လည်းကြိုးစားခဲ့ပါတယ်။ ကတ်ရှ်သီချင်းတွေကို သူဆိုတဲ့ပုံက ကတ်ရှ်ရဲ့ဟန်နဲ့ ထပ်တူညီအောင်ဆိုနိုင်ခဲ့တယ်။ June နဲ့ ကတ်ရှ် အတူတူဖျော်ဖြေတဲ့ပွဲတွေမှာ June ကိုကြည့်တဲ့ Joaquin ရဲ့အကြည့်တွေက တော်တော်လေး အသက်ဝင်ခဲ့သလို သူနဲ့ June နေရာမှာ သရုပ်ဆောင်တဲ့ Reese Witherspoon တို့ စုံတွဲသီချင်းတွေဆိုတဲ့အခန်းတွေဆိုလည်း မူရင်းဗီဒီယိုထက်တောင် ဆွဲဆောင်မှုတော်တော်လေးပိုရှိနေတယ်။ အသံတွေအထိပါ သေချာလေ့ကျင့်ခဲ့ကြတယ်။ ဒီလိုသရုပ်ဆောင်ကောင်းကြလို့ပဲ နှစ်ယောက်စလုံး အော်စကာတွေရော ရွှေကမ္ဘာလုံးတွေရော ဆန်ခါတင်ဝင်ပြီး Joaquin က ရွှေကမ္ဘာလုံး၊ Witherspoon က အော်စကာ စသဖြင့် သရုပ်ဆောင်ဆုတွေ အသီးသီးရခဲ့ကြတယ်။ ဇာတ်ကားကလည်း Golden Globe Award for Best Motion Picture ရခဲ့သလို Best Actress, Best Actor, Best Sound, Best Costume Design နဲ့ Best Film Editing စတာတွေမှာ အော်စကာဆန်ခါတင်ဝင်ခဲ့တယ်။ ဘိုင်အိုဂရပ်ဖီကားလို့ မထင်ရလောက်အောင်လည်း ကားက ဆွဲဆောင်မှုရှိနေပြီး ဒရာမာခန်းတွေမှာလည်း ဖီလင်အပြည့်ရတော့ ဒီလောက်တော့ဖြစ်သင့်တာပါပဲ။ နောင်ဆယ်နှစ်အကြာမှာထွက်လာတဲ့ Straight Outta Compton မတိုင်ခင်အထိ Music Biopic တွေထဲ ရုံဝင်ငွေအကောင်းဆုံး ရုပ်ရှင်လည်းဖြစ်ခဲ့ပါတယ်။ မန်းဂိုးဒ် ဒီလိုရိုက်ပြနိုင်လောက်အောင်လည်း ဂျွန်နီကတ်ရှ်ဟာ သီချင်းတွေတင် ဇာတ်နာတာမဟုတ်ဘဲ ဘဝပါဇာတ်နာခဲ့တဲ့ အတက်အကျတွေ မထင်မှတ်ထားတာတွေအပြည့်နဲ့ ဘဝမျိုးရှိခဲ့တာကိုး။ ဂျွန်နီကတ်ရှ်ဟာ ထင်ရာအကုန်စိုင်းပြီး လုပ်ချင်တာလုပ်ခဲ့တဲ့သူဟုတ်သလို သူ့ဘဝနဲ့ရင်းပြီးကို သူ့အချစ်ကို ချစ်ခဲ့တဲ့သူလည်းဟုတ်တယ်။ June ကိုပဲ သူသေသည်အထိချစ်သွားခဲ့တယ်။ June မရှိတော့တဲ့နောက်လည်း သူ့နောက်လိုက်သွားခဲ့တယ်။ Walk the Line ဟာ သူ့ခံစားချက်တွေအကြောင်း သူဆိုတဲ့ ဂျွန်နီကတ်ရှ်ရဲ့ ဘဝကို ထပ်ဟပ်နေတဲ့သီချင်းတွေနဲ့ ဂျွန်နီကတ်ရှ်ရဲ့ဘဝကို တွဲဖက်ခံစားရစေမယ့် ရုပ်ရှင်တစ်ကားပေါ့။ သီချင်းတွေကလည်း နားဝင်လွယ်တဲ့ ကန်းထရီးသီချင်းတွေဆိုတော့ သူ့သီချင်းတွေ နားမထောင်ဖူးတောင် ကြည့်ရင်းနားထောင်ရင်း အကြိုက်တွေ့သွားကြမှာပါပဲ။ ဂျွန်နီကတ်ရှ်ရဲ့အကြောင်းဟာ လူကောင်းတစ်ယောက်အကြောင်းမဟုတ်သလို လူယုတ်မာတစ်ယောက်အကြောင်းလည်း မဟုတ်ပါဘူး။ ဂျွန်နီကတ်ရှ်အကြောင်းဟာ သူချစ်ချင်တာကိုချစ်ပြီး သူလုပ်ချင်တာကို လျှောက်လုပ်နေတဲ့ အနုပညာသမားတစ်ယောက်အကြောင်းပါပဲ။ " I wear this crown of thorns Upon my liar's chair Full of broken thoughts I cannot repair... " ~ Hurt by Johnny Cash (1932 - 2003) (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 3.3GB, 1.25GB Quality - 1080p, 720p IMDb Rating - 7.8/10 Format - mp4 Duration - 2H 16Min Genre - Biography, Drama, Music Subtitle - Myanmar Subtitle (Hardsub) Translated by WiRa Aung Encoded by Y

Where the Heart Is (2000) သည် စိတ်လှုပ်ရှားစရာ ၊ ရယ်စရာနှင့် ချစ်ခြင်းတွေကို ပေါင်းစပ်ဖော်ပြထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းအရ Novalee Nation (Natalie Portman)ကို သူ့ချစ်သူက Walmart မှာ ထားခဲ့တဲ့အတွက် တစ်ယောက်ထဲ နေထိုင်ဖို့ အခက်အခဲတွေကို ရင်ဆိုင်ကျော်ဖြတ်ခဲ့ရတယ် ။ ဒါပေမယ့် သူ့ရဲ့ ရယ်စရာလေးတွေ နှင့် အားပေးတတ်မှု ကြင်နာတတ်မှုတွေ နဲ့ ချစ်ခြင်းကို ရှာဖွေတွေ့ရှိခဲ့ပြီးတော့ အနာဂတ်သစ်တစ်ခု ပတ်ဝန်းကျင်အသစ်တစ်ခု စတင်နိုင်ခဲ့ပါတယ် ။ ဒါရိုက်တာ Matt Williams ရဲ့ရိုက်ကူးမှုကတော့ ဇာတ်လမ်းကို စိတ်လှုပ်ရှားစွာ ပြည့်စုံစေခဲပါတယ် Natalie Portman် အလှတရားနှင့် ဇာတ်ရုပ်တွေကြောင့် သူမရဲ့ Novalee ကို စိတ်ဝင်စားဖွယ်ဖြစ်စေပါတယ်။ ဇာတ်ပို့တွေဖြစ်တဲ့ Stockard Channing, Joan Cusack နှင့် Ashley Judd တို့ရဲ့ သရုပ်ဆောင်မှုတွေကလည်း ဇာတ်လမ်းကို ပိုမိုကောင်းမွန်စေပြီးတော့ ရယ်စရာတွေ နှင့် စိတ်ပျော်ရွှင်စရာလေးတွေ ဖြစ်စေမှာပါ ။ Where the Heart Is ကတော့ အချစ်နဲ့ ရယ်စရာဟာသလေးတွေကို လှပစွာ ပေါင်းစပ်ထားတဲ့ ရုပ်ရှင်တစ်ကား ဖြစ်ပြီးတော့ အားလုံးကို စိတ်ပျော်ရွှင်စေဖို့ နဲ့ အားတက်စရာလေးတွေဖြစ်စေမှာပါ ။ drama လေးတွေ ပျော်စရာလေးတွေသဘောကျတတ်တယ် စိတ်ကြည်ကြည်နဲ့ကြည့်ချင်တယ်ဆိုရင်တော့ ကြည့်ဖို့သင့်ပါတယ်။ File size…(2.3 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Romance, Comedy, Drama  Subtitle….Myanmar Subtitle (Hardsub) Encoder….Swan Min Htet Translated by Banyar Aung