Jake Busey ပါဝင်သော ဇာတ်ကားများ

Killing Mary Sue (2025) IMDb Rating (5.1) ဒီဇာတ်ကားကတော့ Dark Comedy နဲ့ Thriller အမျိုးအစားကိုမှ ပေါ့ပေါ့ပါးပါး ကြည့်ရှုချင်သူတွေအတွက် မေလတုန်းက ထွက်ရှိထားတဲ့ ဇာတ်ကားသစ်တစ်ကား ဖြစ်ပါတယ်။ ဇာတ်လမ်းအကျဉ်း အကျင့်ပျက် ခြစားတတ်တဲ့ Senator တစ်ယောက်မှာ သူ့ရဲ့ နိုင်ငံရေးလမ်းကြောင်းနဲ့ ဂုဏ်သိက္ခာအတွက် အကြီးမားဆုံး အဟန့်အတားဖြစ်နေတဲ့ လူတစ်ယောက်ရှိနေပါတယ်။ အဲဒါကတော့ သူ့ရဲ့မယားပါသမီးဖြစ်သူ Mary Sue ပါပဲ။ Mary Sue ဟာ စိတ်ကစဉ့်ကလျားနိုင်ပြီး ထင်ရာစိုင်းတတ်တဲ့သူမို့ Senator အတွက်တော့ ရှင်းထုတ်ပစ်ရမယ့် ၀န်ထုပ်၀န်ပိုးတစ်ခုဖြစ်နေပါတယ်။ ဒီတော့ Senator ဟာ Mary Sue ကို လုပ်ကြံသတ်ဖြတ်ဖို့ လူမိုက်တွေ ငှားပြီး စီစဉ်ပါတော့တယ်။ ဒါပေမဲ့ သူထင်သလို ဖြစ်မလာဘဲ Mary Sue က လုပ်ကြံသူတွေကြားထဲမှာ မထင်မှတ်ထားတဲ့ ပုံစံမျိုးနဲ့ အသက်ရှင်လွတ်မြောက်ပြီး ဘယ်လိုတွေ ပြန်ကမောက်ကမဖြစ်ကုန်မလဲ၊ လုပ်ကြံသူတွေပဲ ဒုက္ခရောက်မလားဆိုတာကို ဟာသနှောပြီး ရိုက်ကူးထားတဲ့ ဇာတ်ကားဖြစ်ပါတယ်။ File size… (1.2 GB) / (750 MB) Quality…. WEB-Rip 1080p HEVC / 720p Format…. mkv/mp4 Genre…. Action,Comedy,Thriller Duration…. 01:38:47 Subtitle…. Myanmar Subtitle (Hardsub)

ဒီရုပ်ရှင်လေးကတော့ ၁၈၀၀ ပြည့်နှစ်ကာလများက အမေရိကန်ပြည်ထောင်စုအခြေအနေကို နောက်ခံထား ရိုက်ကူးထားတဲ့ ကောင်းဘွိုင်ရုပ်ရှင်ဇာတ်ကားဖြစ်ပါတယ်။ ၁၈၀၀ ပြည့်နှစ်များမတိုင်ခင်မှာ အမေရိကန်က ဌာနေ တိုင်းရင်းသားလူမျိုးစုများနဲ့ စစ်ပွဲပေါင်းအလီလီနွှဲခဲ့ရပြီး ဒီဇာတ်လမ်း ဇာတ်အိမ်တည်ထားတဲ့ ၁၈၈၀ ပြည့်နှစ် အလွန်ကာလများမှာလည်း ဌာနေတိုင်းရင်းသားတွေ၊ လူဆိုး ဓားပြတွေ များစွာပေါများနေပြီး ရဲတပ်ဖွဲ့ရဲ့ တရားဥပဒေစိုးမိုးမှုအားနည်းနေချိန်ပါ။ လူးကပ် ဆိုတဲ့ ကောင်လေးက ညီဖြစ်သူနဲ့အတူ နှစ်ယောက်တည်းနေထိုင်ပြီး အဖေဖြစ်သူရော အမေ ဖြစ်သူပါ ဆုံးပါးသွားပါပြီ။ ညီအစ်ကိုနှစ်ယောက် ဘဝကို ကြိုးစားရုန်းကန်ရင်း အစ်ကိုကြီးလူးကပ်က တစ်ရက် မှာတော့ လျော်ကြေးလာတောင်းတဲ့ လူတစ်ယောက်ကို မထင်မှတ်ပဲ မတော်တဆ သေနတ်တဲ့ပစ်သတ်လိုက်မိ ပါတော့တယ်။ တရားရုံးက တရားစီရင်ချက်ချအပြီးမှာ သေဒဏ်ချမှတ်ခံလိုက်ရပါတော့တယ်။ ဒီလိုနဲ့ ဘဝတစ်ဆစ်ချိုးပြောင်းလဲသွားရင်းနဲ့ မထင်မှတ်ပဲ လူးကပ်တစ်ခါမှမတွေ့ဖူးတဲ့အဘိုးကြီးတစ်ယောက်က ထောင်ဖောက်ပြီး လူးကပ်ကို လာကယ်သွားပါတယ်။ သူတို့ရဲ့ ပတ်သတ်မှုက ဘယ်လိုလဲ။ ထွက်ပြေးရာလမ်းတစ်လျှောက်မှာ ဘယ်လိုအခက် အခဲတွေကြုံတွေ့ရမလဲ ဆိုတာကို ကောင်းဘွိုင်ကားတို့ ထုံးစံ အက်ရှင်ခန်းအပြည့်နဲ့ စိတ်ဝင်စားဖွယ်ရိုက်ကူး တင်ဆက်ထားတာဖြစ်ပါတယ်။ File size… (1.62 GB) / (992 MB) Quality… WEB-DL 1080p HEVC /720p Format…mkv / mp4 Duration….2h 19m Genre …..Western Subtitle….Myanmar Subtitle (Hard Sub) Encoder….Min Wai Translated by Wil

ဒီဇာတ်လမ်းလေးကတော့ မိုးအေးအေးလေးနဲ့ အေးဆေးကြည့်လို့ကောင်းမဲ့ သည်းထိတ်ရင်ဖိုလူသတ်ကားလေးပဲဖြစ်ပါတယ် ဇာတ်လမ်းလေးကတော့ မိခင်ကွယ်လွန်ထားတာမကြာသေးတဲ့ဂျက်စီကာဆိုတဲ့ကောင်မလေးတစ်ယောက် သူ့မိခင်သေဆုံးရလို့ ဖြည်မဆည်နိုင်ဖြစ်နေပါတယ် အဲဒီကြားထဲ သူအမေချန်ခဲ့တဲ့သေတမ်းစာအရ သူငယ်ငာ်လေးထဲကအဆက်အသွယ်မရှိတာကြာပြီဖြစ်တဲ့ သူ့အဒေါ်တို့လင်မယားဆီကိုလည်းအမွေခွဲပေးဖို့ပါလာပါတယ် ဖြစ်ချင်တော့ ကိုယ်ပိုင်လယ်လေးနဲ့အေးအေးချမ်းချမ်းနေနေတဲ့ အဲဒီအဒေါ်ဖြစ်သူတို့စုံတွကိုဘယ်လိုဆက်သွယ်ဆက်သွယ်မရဖြစ်နေပါတယ် အဲဒီလိုနဲ့ သူ့အဒေါ်ဆီကိုခရီးထွက်ဖို့အကြောင်းဖန်လာပါတော့တယ် အဲဒီလိုနဲ့ပဲ သူနဲ့‌သူ့ကောင်လေးတို့ ရုပ်တောင်သေချာတောင်မမှတ်မိတော့တဲ့သူ့အဒေါ်ဆီ ခရီးထွက်လာကြပါတော့တယ် သူ့အဒေါ်တို့အိမ်မှာကတော့ သူ့အဒေါ်တို့စုံတွဲကိုtတ်ပြီး အိမ်မှာပုန်းခိုနေထိုင်နေတဲ့လူသတ်သမားအတွဲရှိနေပါတယ် သူတို့လာနေတယ်ဆိုတာကိုအကြောင်းသိပြီးတော့ သူ့အဒေါ်တို့လို့ဟန်ဆောင်ပြီးငွေတွေကိုရအောင်ယူဖို့ကြံပါတော့တယ် ဒီလိုနဲ့ ဂျက်စီကာတို့စုံတွ လူသတ်သမားတွေနဲ့ထိပ်တိုက်တိုးဖို့ဖြစ်လာတဲ့အခါမှာတော့ ဘာတွေဆက်ဖြစ်သွားမလဲဆိုတာ ရင်ခုန်စွာ‌နဲ့ကြည့်ရမဲ့ ဇာတ်လမ်းလေးတစ်ခုဖြစ်ပါတယ် File size…(1.6 GB)/(830 Mb) Quality….Blu-Ray 1080p / 720p Format…mp4 Duration….01:28:00 Genre... Thriller Subtitle….Myanmar Subtitle (Hardsub) Encoder….Garfield Translated by C.M.Minhtike

Scalper ဆိုတာက သူ့ရဲ့သားကောင်တွေကို ဓားနဲ့ထိုးသတ်၊ ပြီးရင် အရေခွံတွေကို စုတ်ခဲ့တဲ့သူဖြစ်လို့ အရေခွံခွါသူဆိုပြီးနာမည်ကြီးတဲ့ လူသတ်သမားတစ်ဦး။ Scalper ရဲ့ဒဏ်ကိုခံခဲ့ရတဲ့ နစ်နာသူမိသားစုထဲက ကလမ်မာတိုင်းကာတာဆိုတဲ့အမျိုးသမီးကတော့ Scalper ရဲ့မျက်နှာတည့်တည့်ကို သေနတ်နဲ့ပစ်ကာ Scalper ကိုအဆုံးသတ်ခဲ့တဲ့သူတစ်ဦး။ ကလမ်မာတိုင်းက သာမန်အမျိုးသမီးမဟုတ်ဘူး။ သူကအကြားအမြင်စိတ်ပညာသည်တစ်ဦး။ အထူးသဖြင့် သေဆုံးသွားသူတွေနဲ့ ထိတွေ့မှုလုပ်လိုက်တဲ့ခါ သူတို့ရဲ့ဝိညာန်တွေနဲ့ဆက်သွယ်ပြီး သေဆုံးသူရဲ့ အတိတ်နဲ့ အနာဂတ်တွေကို မြင်တွေ့နိုင်တဲ့အစွမ်းအစရှိသူတစ်ဦး။ အခုလက်ရှိမှာတော့ ကလမ်မာတိုင်းဟာ သူ့ရဲ့စိတ်စွမ်းအင်ကြောင့်နာမည်ကြီးနေပြီး ရေဒီယိုကအစီအစဉ်တစ်ခုမှာပါ ဖိတ်ကြားခံထားရပြီး အသံလွှင့်တင်ဆက်နေပါတယ်။ ဒီလိုနဲ့ ကလမ်မာတိုင်းတို့ အသံလွှင့်တင်ဆက်နေတုန်းမှာ ဖုန်းတစ်ကောလ်၀င်လာပြီး ဒီဖုန်းကော်လ်ကိုနားထောင်လိုက်မိတဲ့ကလမ်မာတိုင်းဟာ သေဆုံးခါနီး ဖုန်းခေါ်သူနဲ့ စိတ်ဆက်သွယ်မှုတစ်ခုရလိုက်ပြီး Scalper ပြန်ရောက်လာတာကိုသိရှိလိုက်ရတဲ့နောက်မှာတော့... ကလမ်မာတိုင်းကိုယ်တိုင် သတ်ခဲ့တဲ့ Scalper က တကယ်ပဲသေရွာကနေပြန်ရောက်လာတာလား၊ ဒါမှမဟုတ် Scalper ရဲ့ခြေရာကိုနင်းမယ့်သူ လူသစ်သမားအသစ်တစ်ယောက်ပေါ်လာတာလား၊ ကလမ်မာတိုင်းကိုရော ဘယ်လိုလက်စားပြန်ချေဦးမလဲဆိုတာ ဆက်လက်ရှုစားလိုက်ကြပါဦး။ File size…(1.2 GB)/(544 Mb) Quality….Webrip 1080p / 720p Format…mp4 Duration….01:23:00 Genre...Horror Subtitle….Myanmar Subtitle (Hardsub) Encoder….Garfield Translated by Steven Khant

အနောက်တိုင်းကောင်းဘွိုင်ကားတွေကိုကြိုက်တဲ့သူတွေအတွက် ၂၀၂၂ တုန်းကထွက်ရှိခဲ့တဲ့ A Tale Of Two Guns ဆိုတဲ့ ဇာတ်ကားကိုတင်ဆက်ပေးလိုက်ပါတယ်။ကောင်းဘွိုင်ကားတွေ ထုံးစံအတိုင်း ဘိုင်ဝမ်းသေနတ်ယှဉ်ပစ်တာတွေနဲ့ သေနတ်ပစ် စကေးတွေကိုတစ်၀ကြီးကြည့်ရှုရမှာဖြစ်ပြီး ဇာတ်ညွှန်းကလည်း မဆိုးတဲ့အတွက်ကြည့်လို့ကောင်းတဲ့ ဇာတ်ကားတစ်ကားလို့ပြောလို့ရပါတယ်။ ဇာတ်ကားအစမှာတော့ ကောင်းဘွိုင်များလို့ခေါ်တဲ့ လူဆိုးအဖွဲ့နဲ့ အရာရှိကြီးမက်တိတို့ တိုက်ခိုက်နေတာကိုတွေ့ရမှာဖြစ်ပြီး နှစ်ဖက်လုံး အထိနာခဲ့ကြပြီး လူဆိုးအဖွဲ့ထဲက အေဘယ်ဆိုတဲ့တစ်ယောက်က လွတ်သွားပါတော့တယ်။အရာရှိကြီးလည်း သူ့ရဲ့ ညာလက်ရုံးကို ဆုံးရှုံးလိုက်ရပြီး ဒဏ်ရာအပြင်းအထန်ရရှိခဲ့ပါတော့တယ်။အဲ့ဒါကြောင့် ညာလက်ရုံးအသစ် လိုအပ်နေတဲ့အရာရှိကြီးဆီကို ဟိုလင်ဂျာဆိုတဲ့ လူတစ်ယောက်ရောက်ရှိလာပါတော့တယ်။  သူကလည်း ရာဇဝတ်သားတွေကို နှိမ်နင်းရာမှာအရမ်းနာမည်ကြီးတဲ့ အရာရှိ တစ်ယောက်ဖြစ်ပါတယ်။ဟိုလင်ဂျာရဲ့ အရည်အချင်းအစစ်အမှန် တွေကို အရာရှိကြီးတွေ့ပြီးနောက်မှာတော့ လွတ်မြောက်သွားတဲ့ အေဘယ်ဆိုတဲ့ ၀ရမ်းပြေးကိုလိုက်လံဖမ်းဆီးဖို့ယုံယုံကြည်ကြည် တာဝန်ပေးလိုက်ပါတော့တယ်။ဒီလိုနဲ့ ဟိုလင်ဂျာတစ်ယောက် အေဘယ်ကိုဘယ်လိုလိုက်ဖမ်းမလဲ လမ်းမှာရောဘယ်လို အခက်အခဲ တွေနဲ့ကြုံတွေ့ရမလဲ နောက်ဆုံးမှာရောဘယ်လိုအဆုံးသတ်သွားမလဲ ဆိုတာကိုစိတ်ဝင်စားစရာကောင်းစွာကြည့်ရှုရမဲ့ဇာတ်ကားလေးပဲ ဖြစ်ပါတယ်။ File size…1.59GB / 769MB Quality…Blu-Ray 1080p 5.1 CH/ 720p Format…mp4 Duration….1h 31m Genre ….. Western Subtitle….Myanmar Subtitle (Hard Sub) Encoder….Min Wai Translated by Saw Lay

A Boy Called Sailboat (2018) IMDb...6.7....Rotten...85% ဆေးလ်ဘုတ်တို့မိသားစုဟာ နေထိုင်မှုပုံစံအရ မပြည့်စုံဘူးလို့ပြောရမယ်...နေတာကလည်း မြို့ပြင်မှာဖြစ်ပြီး အိမ်လေးလဲမပြိုအောင် ဒေါက်တိုင်တစ်တိုင်ကိုတစ်ဖက်ကထောက် တစ်ဖက်က ကြိုးနဲ့ ကျားကန်ထားရလေရဲ့.... ဆေးလ်ဘုတ်ဆိုတာ အသက်(၇)နှစ်ခန့်အရွယ် ကောင်လေးတစ်ယောက်ပါ...သူ့အဖေနဲ့ အမေဟာ သူ့ကိုသိပ်ချစ်ကြတယ်....မိသားစုဝင်(၃)ဦးပေါ့... ဒီကားက အဓိကဇာတ်ဆောင်ဟာ ဆေးလ်ဘုတ်ဆိုတဲ့ကောင်လေးပါ....သူရဲ့နောက်ခံစကားပြောသံလေးနဲ့ တစ်ကားလုံးကို ပြီးဆုံးစေတယ်...သူ့ကြည့်ရတာ သူ့ရဲ့အဘွားကိုအတော်ချစ်တဲ့ပုံပဲ... ဘာလို့လဲဆိုတော့ အကြောင်းအရာတိုင်းဟာ သူ့အဘွားရဲ့ သွန်သင်မှုတွေကနေ မြစ်ဖျားခံလာလို့ပါပဲ... ဥပမာ..."ကျွန်တော့်အဘွားက ပြောတယ်...မြေးလေး ရှာဖွေမှု မလုပ်တဲ့အချိန်မျိုးမှာမှ အရးအကြီးဆုံးအရာကို တွေ့တတ်တယ်တဲ့... တချို့အရာတွေဖြစ်လာတာက တခြားသောအရာတွေ ဆက်စပ်ဖြစ်လာနိုင်ဖို့ပါတဲ့..." ဒီကောင်လေးဟာ အဘွားရဲ့ ပြောဆိုမှုတွေနဲ့ လောကကြီးကို သုံးသပ်နေဟန်ပါပဲ.. ကျွန်တော်တို့ဟာ ဆေးလ်ဘုတ်ရဲ့နောက်ခံစကားပြောသံနဲ့ အတွေးတွေနောက်ကို လိုက်ရင်း တချို့သောအကြောင်းအရာလေးတွေကို ဖမ်းဆုပ်မိနေလိမ့်မယ်.. ဒီကားက တချို့သောသူတွေအတွက် ဘာကြီးမှန်းမသိဘူးဆိုပြီးဖြစ်သွားပါလိမ့်မယ်.. ဒါပေမယ့် တချို့သောသူတွေအတွက် ရိုးစင်းပြီးနက်နဲတဲ့ ကဗျာတစ်ပုဒ်နဲ့တူပါလိမ့်မယ်... ခံစားကြည့်လိုက်ပါဦးလို့ပဲပြောပါရစေ..... File Size : 2.15 GB, 889 MB Quality : BluRay 1080p, 720p  Format…mp4 Duration…01:32:00 Genre : Comedy, Drama, Family Subtitle : Myanmar Subtitle (Hard Sub) Translated by Little Neo Encoded by AHtet

အတော်ကြာကြာ စောင့်လိုက်ရတဲ့ ရုပ်ရှင်ကားလေး အခုတော့ ထွက်လာပါပြီ။ Predator တွေကိုတော့ ရုပ်ရှင်ချစ်သူအတော်များများ ရင်းနှီးပြီးဖြစ်မှာပါ။ ကိုယ်ပျောက်နိုင်စွမ်းတွေ လက်နက်ဆန်းတွေနဲ့ လူတွေကို အားကစားတစ်ခုလို အမဲလိုက်တတ်ကြတဲ့ ဂြိုလ်သားတွေပါပဲ။ ဒီကားအကျဉ်းကတော့ စစ်တပ်က လက်ဖြောင့်စနိုက်ပါတစ်ဦးဟာ ယာဉ်နဲ့ကျလာတဲ့ ပရက်ဒေတာဂြိုလ်သားဆီကနေ ပစ္စည်းတွေ ရလာခဲ့ပါတယ်။ သူ့အတွက် သက်သေဖြစ်အောင်လို့ ဒါတွေကို သူ့ရဲ့မိသားစုဆီကို ခိုးပြီးပို့လိုက်ခဲ့တယ်ပေါ့။ ဒါပေမယ့် ဒီဂြိုလ်သားနည်းပညာကိုလိုချင်တဲ့အဖွဲ့ နဲ့ သူ့ပစ္စည်းတွေကို ပြန်လိုက်ရှာမယ့် ပရက်ဒေတာ နဲ့ အခြားပြဿနာကြီးတွေ ရင်ဆိုင်လာရပါတော့တယ်။ Predator ဇာတ်ကားအကုန်လုံးကို ဒီမှာ https://channelmyanmar.org/category/special-package/predator/  ကြည့်ပါ။ File size…(7 GB)/(1.9 GB)/(900 MB) Quality…BluRay 4K HEVC/1080p HEVC/720p Format…mkv/mp4 Duration….01:48:00 Subtitle….Myanmar Subtitle (Hardsub) Encoder….Nyeinsaeya Aung,THZ Translated by Little Neo

The Killing Jar (2010) IMDb....5.8 လျှို့ဝှက်သည်းဖို ဇာတ်ကားမျိုး ကြိုက်သူတွေအတွက် ၂၀၁၀ ခုနှစ်က ထွက်ခဲ့တဲ့ ဇာတ်ကားကောင်းလေး တစ်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်း ဝေးလံခေါင်သီတဲ့ နေရာဒေသတစ်ခုရဲ့ လမ်းဘေး စားသောက်ဆိုင်လေး တစ်ဆိုင်မှာ လူ ခုနှစ်ယောက်ဟာ တိတ်ဆိတ်စွာ ညနေခင်းအချိန်လေးကို ကိုယ်စီ ဖြတ်သန်းနေကြပါတယ်။ အဲဒီဆိုင်နားက မြို့တစ်မြို့မှာ လေးလောင်ပြိုင် လူသတ်မှု ဖြစ်တဲ့အကြောင်း ဆိုင်မှာ ဖွင့်ထားတဲ့ ရေဒီယိုကနေ သတင်းလွှင့်သွားတာကို အားလုံး ကြားလိုက်ကြရတယ်။ အဲဒီနောက် ဆိုင်ထဲကို ထူးထူးဆန်းဆန်း သူစိမ်းတစ်ယောက်ဝင်လာပြီး အဲဒီလူရဲ့ ပုံစံက ထူးဆန်းနေတာကြောင့် အားလုံးက သူ့ကို ရေဒီယိုထဲမှာ လွှင့်သွားတဲ့ လေးလောင်ပြိုင် လူသတ်သမားလို့ ထင်သွားကြပါတယ်။ ဒါပေမဲ့ ဘယ်သူက အဲဒီ လေးလောင်းပြိုင် လူသတ်မှုကို တကယ် ကျူးလွန်ခဲ့တာလဲ။ အဲဒီနောက် ဘာတွေဆက်ဖြစ်မလဲဆိုတာကတော့ ဇာတ်ကားထဲမှာ ရင်တထိတ်ထိတ်နဲ့ ကြည့်ရှုရမှာဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်သူကတော့ BZW ပဲ ဖြစ်ပါတယ်...) File Size : 1.97GB/ 750MB Quality : Blu-Ray 1080p 5.1 CH/ Blu-Ray 720p Format…mp4 Duration…01:21:00 Genre : Drama, Thriller, Mystery Subtitle : Myanmar Subtitle (Hard Sub) Translated by BZW Encoded by Tiff

Wristcutters: A Love Story (2007) သေဆုံးပြီးနောက် ဘယ်ကိုရောက်သွားသလဲဆိုတဲ့ မေးခွန်းဟာ ဘာသာတရား၊ ယုံကြည်မှုနဲ့ ဒဿနအမြင်ပေါ်မူတည်ပြီး အဖြေကွဲပြားပါတယ်။ ဗုဒ္ဓဘာသာအရ လူတစ်ယောက်သေဆုံးရင် သူ့ရဲ့ကံကြောင့် ဘဝသံသရာထဲမှာ ပြန်လည်မွေးဖွားလာပြီး နတ်ဘုံ၊ လူ့ဘုံ၊ ငရဲဘုံစတဲ့ ဘဝတစ်ခုခုမှာ ရောက်ရှိတတ်ပါတယ်။ ခရစ်ယာန်ဘာသာမှာတော့ ယုံကြည်သူတွေဟာ ကောင်းကင်ဘုံ သို့မဟုတ် ငရဲသို့ ရောက်ရှိတယ်လို့ ယူဆပါတယ်။ အချို့ယုံကြည်မှုတွေမှာတော့ သေပြီးနောက် ဝိညာဉ်ဟာ အဆုံးမရှိတဲ့ အနားယူရာနေရာ ဒါမှမဟုတ် စကြဝဠာနဲ့ တစ်သားတည်းဖြစ်သွားတယ်လို့ ယူဆကြပါတယ်။ ကိုယ့်ကိုယ်ကိုယ် သေကြောင်းကြံစည်ခြင်းနဲ့ ပတ်သက်လာရင်တော့ ဘာသာတရားအများစုက ဒါဟာ ကောင်းတဲ့လုပ်ရပ် မဟုတ်ဘူးလို့ ယူဆပါတယ်။ ဒီလိုပါပဲ။ ဒီဇာတ်ကားလေးမှာတော့ အဲဒီအယူအဆတွေနဲ့ကွဲပြားနေပြီး လူတစ်ယောက်က ကိုယ်တိုင်သေကြောင်းကြံစည်လိုက်တဲ့အခါ ဘုံတစ်ခု ရောက်သွားတာပါ။ ဇီယာဆိုတဲ့ကောင်လေးက သူ့ကောင်မလေးနဲ့လမ်းခွဲပြီး ကိုယ့်ကိုယ်ကိုယ်အဆုံးစီရင်လိုက်ပြီးတဲ့နောက်မှာ သေကြောင်းကြံစည်သူတွေချည်း နေထိုင်တဲ့ ထူးဆန်းတဲ့ ဘဝတစ်ခုမှာ နိုးထလာပါတယ်။ အဲဒီဘဝမှာ လူတွေက ပြုံးရယ်တာမျိုးမရှိဘဲ သူ့အလုပ်သူလုပ်ပြီး ရှင်သန်ရတာပါ။ အသက်ရှင်စဥ်မှာ ကိုယ့်ကိုယ်ကိုယ် အသုံးမဝင်တော့ဘူးလို့ ခံစားရတဲ့ဇီယာတစ်ယောက် သေဆုံးပြီးချိန်မှာလည်း ရောက်သွားတဲ့ဘုံမှာ သူဘာအတွက်ရှင်သန်မှာလဲဆိုတာ အဖြေရှာကြည့်ရင်း သူကြုံ့တွေ့လာရမယ့်အဖြစ်အပျက်တွေကို ကြည့်ရှုလိုက်ကြရအောင်။ ကိုယ့်ကိုယ်ကိုယ်သတ်သေခြင်းဟာ မကောင်းတဲ့ကံကို ဖြစ်ပေါ်စေပြီး နောက်ဘဝမှာ ဆိုးရွားတဲ့အကျိုးဆက်တွေနဲ့ ရင်ဆိုင်ရနိုင်တယ်လို့ ဆိုပါတယ်။ ဒါပေမယ့် ဘဝရဲ့အခက်အခဲတွေကို ကျော်လွှားဖို့ အကူအညီရယူခြင်းဟာ ပိုမိုကောင်းမွန်တဲ့ ရွေးချယ်မှုဖြစ်ပြီး စိတ်ပိုင်းဆိုင်ရာ အကူအညီတွေ၊ မိသားစုနဲ့ သူငယ်ချင်းတွေရဲ့ ပံ့ပိုးမှုတွေက ဒီလိုအခြေအနေတွေကို ရင်ဆိုင်ဖို့ အင်အားပေးနိုင်ပါတယ်။ ဘဝဟာ အဖိုးတန်တဲ့အရာဖြစ်ပြီး ဘယ်လိုအခက်အခဲပဲရှိရှိ အသက်ရှင်နေထိုင်ဖို့ အကြောင်းတစ်ခုခုတော့ အမြဲရှိနေတတ်ပါတယ်။ (ဇာတ်လမ်းအညွှန်းကိုတော့ ZWTက ရေးသားထားပါတယ်) File Size - 2.78 GB/ 1.37 GB Quality - WEB-DL 1080p/ 720p Duration - 1h 28m Format - mp4 Genre - Comedy, Drama, Fantasy, Romance Subtitle - Myanmar Subtitle (Hard Sub) Translated by - ZWT Encoded by - Treasure Htet

ဇာတ်လမ်းအစမှာတော့ လူသာနဲ့ နိုရာတို့ရဲ့ တစ်ဦးတည်းသောသမီးလေးက တောင်အမေရိကမှာရှိတဲ့ ပီရူးနိုင်ငံကို ခရီးထွက်သွားပါတယ်။ နောက်နှစ်ခရစ်စမတ်မှ ပြန်လာတော့မှာ ဖြစ်ကြောင်းလည်း မိဘနှစ်ပါးကို ပြောခဲ့ပါသေးတယ် အထီးကျန်ပြီးကျန်ခဲ့တဲ့ ခရန့်ခ်တို့လင်မယားက ဒီနှစ် ခရစ်စမတ်မှာ သမီးလေးမရှိတဲ့အတွက် ပါဝင်ဆင်နွှဲခြင်းမပြုတော့ဘူးလို့ ရပ်ကွက်ထဲမှာရော အသိမိတ်ဆွေတွေကိုရော လိုက်လံပြောကြားပါတော့တယ်။ ဒါပေမဲ့ ခရစ်စမတ်နေ့ ရောက်မှ သူတို့ရဲ့ သမီးလေးက အိမ်ပြန်လာတဲ့ လမ်းမှာ ရောက်နေပြီဖြစ်ကြောင်း အကြောင်းကြားပြီး မိဘနှစ်ပါးကို အံ့အားသင့်အောင် လုပ်လိုက်တဲ့အခါ သူတို့လင်မယားနှစ်ယောက် ခရစ်စမတ်ပွဲကို အမြန် ဘယ်လိုစီစဉ်ကြမလဲဆိုတာ ဆက်လက်ကြည့်ရှုရမှာပဲ ဖြစ်ပါတယ်။ မိသားစုဟာသကားဖြစ်တဲ့အလျောက် ပေါ့ပေါ့ပါးပါးကြည့်ရှုလို့ရမယ့် ဇာတ်လမ်းကောင်းလေးတစ်ခုပဲ ဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(2.1 GB)/(1.1 GB) Quality….Webrip 1080p / 720p Format…mp4 Duration….01:39:00 Genre... Comedy, Family Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

Identity(2003) IMDb....7.3,,,,Rotten.....62% သရဲကားတော့မဟုတ်ပါဘူး ဒါပေမယ့် Thriller ပါ လုံးဝအာရုံအပြည့်အဝစူးစိုက်ပြီးကြည့်ရလောက်အောင် ဆွဲခေါ်သွားမယ့်ဇာတ်ကားပါ... ဇာတ်လမ်းအကျဉ်းကတော့ Nevada မှာရှိတဲ့ Motel တစ်ခုမှာ မုန်တိုင်းဒဏ်ကြောင့် သောင်တင်ကြတဲ့ လူ ၁၀ယောက်ရှိပါတယ်... ဒါပေမယ့်အဲ့၁၀ယောက်အတွက် ကပ်ဆိုးကြီးတစ်ခုက ဆိုက်ရောက်လာတယ်... အဲ့ဒါကတော့ ထူးဆန်းစွာပဲ၁ယောက်ပြီး၁ယောက်အသတ်ခံရတာပါ... ခင်ဗျားတို့ကိုယ်တိုင် ဘယ်သူသတ်တယ် ...ဘယ်သူက ကြံစည်နေတယ်ဆိုတာကိုတော့ အဖြေရှာကြည့်လိုက်ပါ..... Spoiler ဖြစ်သွားမှာစိုးလို့ဆက်ပဲကြည့်ကြပါလို့ အဲပြီးတော့တစ်ခုလောက်ပြောပြဦးမယ် "As I was walking up the stairs, I met a man who wasn't there. He wasn't there agian today. I wish, I wish he'd go away." ဒီစာသားလေးကအခုနေမြင်ရဖတ်ရတာတော့သာမန်လိုပဲဖြစ်နေပေမယ့် တကယ်တမ်းကတော့ ဒီစာသားက Canda ရဲ့ Antigonish Nova Scotia မြို့လေးမှာရှိတဲ့ သရဲခြောက်တဲ့အိမ်ကြီးထဲက လှေကားနားက လူတစ်ယောက်အကြောင်းကို William Hughes Mearns ရေးသားထားတဲ့ နာမည်ကြီးကဗျာထဲကစာသားလေးပါ... ဒီဇာတ်ကားကိုကြည့်ပြီးသွားတဲ့အခါ သာမန်ကဗျာစာသားကနေ ဒီစကားကိုကြားတိုင်းကြားတိုင်း ကျောချမ်းလောက်တဲ့အထိကိုဖြစ်စေတာပါ... ဇာတ်ကားကြည့်ပြီးခံစားနေတုန်းခပ်ကြမ်းကြမ်းနှလုံးခုန်သံတွေထွက်ပေါ်လာတာကို နှစ်ခြိုက်သူတွေအတွက်  ထွေးပွေ့ထားသင့်တဲ့ Thriller ကားပါ... ဇာတ်လမ်းအညွှန်းနဲ့ ဘာသာပြန်သူကတော့  ညီမငယ် JtheKoala  ပဲဖြစ်ပါတယ်... File Size : (900 MB) and (336 MB) Quality : Blu-Ray 720p Format…mp4 Duration…01:30:00 Genre : Thriller,Mystery Subtitle : Myanmar Subtitle (Hard Sub) Translated by  JtheKoala Encoded by Phyo Pyae

နာမည်ကျော် ၁၉၈၆ The Hitcher ရဲ့ direct-sequel ဖြစ်ပါတယ်။ The Hitcher ရဲ့အဖြစ်အပျက်တွေအပြီး ဆယ့်ငါးနှစ်အကြာမှာ Jim Halsey ဟာ ရဲအရာရှိတစ်ယောက်ဖြစ်နေပါပြီ။ ဒါပေမယ့်လည်းအမှု တစ်ခုမှာမလိုအပ်ပဲအင်အားသုံးခဲ့တဲ့အတွက် အလုပ်ကဆိုင်းငံ့ခံလိုက် ရပါတယ်။ အဲ့ဒါနဲ့ကပ္ပတိန်အက်စ်ထရစ်ချ်ဆီကိုဆက်သွယ်ပြီး ချစ်သူ ကောင်မလေးဖြစ်တဲ့ မက်ဂီနဲ့အတူ တက္ကဆက်ကိုစိတ်ပြေလက်ပျောက် ခရီးထွက်လာခဲ့ပါတယ်။ တက္ကဆက်အဝေးပြေးလမ်းပေါ်မှာ ဂျင်မ်ရဲ့အတိတ်စိတ်ဒဏ်ရာတွေ ပြန်ပေါ်လာခဲ့ပြီး ကားကြုံလိုက်သူတစ်ယောက်နဲ့အတူ လွန်ခဲ့တဲ့ ၁၅ နှစ်ကအဖြစ်အပျက်တွေတကျော့ပြန်ကြုံရချိန်မှာတော့..။ The Hitcher (1986) ထဲမှာ Jim Halsey အဖြစ်သရုပ်ဆောင်ခဲ့တဲ့ C. Thomas Howell ကပဲပြန်ပြီးပါဝင်ထားပါတယ်။ မူရင်းကားကိုမမီပေမယ့်လည်း ကြည့်ကောင်းတဲ့ Road Thriller ကားကောင်းတစ်ကားပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size..........(2 GB) / (927 MB) Quality............WEB-DL 1080p / 720p Duration.........1Hr 33Min Subtitle...........Myanmar Hardsub Format............MP4 Genre..............Horror, Thriller Translator.......Alias Encoder..........SWM

"Home Fries" ဟာ ၁၉၉၈ ခုနှစ်က ထွက်ရှိခဲ့တဲ့ အမေရိကန် ရိုမန်တစ်ကွန်မီဒီ ရုပ်ရှင်လေးတစ်ကားပါ။ ဒီဇာတ်ကားက ဟာသနဲ့ အချစ်ရေးကို ရောယှက်ထားပြီး နည်းနည်းလေး ဒရာမာနဲ့ လျှို့ဝှက်ဆန်းကြယ်တဲ့ အရောအနှောလည်း ပါသေးတယ်။ မိသားစုရှုပ်ထွေးမှုတွေ၊ အချစ်ဇာတ်လမ်းလေးတွေနဲ့ ပေါ့ပါးစွာ ရိုက်ကူးထားတာမို့ ကြည့်ရတာ တကယ်ကို စိတ်အပန်းပြေစရာပါ။ ဇာတ်လမ်းလေး အကျဉ်းချုပ် ဒိုရီဆိုတဲ့ ကောင်မလေး (Drew Barrymore) က ဒေသတွင်းဘာဂါဆိုင်မှာ အလုပ်လုပ်နေတဲ့ ကိုယ်ဝန်ဆောင်မိန်းကလေးတစ်ယောက်။ သူ့ဘဝမှာ ရုတ်တရက် ချစ်သူတစ်ယောက် ဆုံးပါးသွားတဲ့အခါ ထူးထူးဆန်းဆန်း အဖြစ်အပျက်တွေကြားထဲ ပိတ်မိနေရှာတယ်။ ဒီအချိန်မှာပဲ ဆယ်လ်ဗီယာ (Luke Wilson) နဲ့ သူ့အစ်ကိုဖြစ်သူ အန်းဂတ်စ် (Jake Busey) ဆိုတဲ့ ညီအစ်ကိုနှစ်ယောက်က သူတို့မိသားစုရဲ့ လျှို့ဝှက်ချက်တွေကို ဖုံးကွယ်ဖို့ ကြိုးစားရင်း ဒိုရီရဲ့ဘဝထဲ ဝင်ရောက်လာကြတယ်။ ဒိုရီနဲ့ ဆယ်လ်ဗီယာတို့ တဖြည်းဖြည်း နီးစပ်လာတော့ ဟာသတွေ၊ အချစ်ဇာတ်လမ်းလေးတွေ၊ မိသားစုရှုပ်ထွေးမှုတွေ တစ်ခုပြီးတစ်ခု ပေါ်ပေါက်လာတာပေါ့။ ဒီဇာတ်လမ်းက နှလုံးသားကို ထိတွေ့စေတဲ့ အခိုက်အတန့်လေးတွေနဲ့ ပေါ့ပါးတဲ့ ဟာသတွေကို ရောမွှေထားပြီး နောက်ဆုံးမှာ ပျော်ရွှင်စရာ အချစ်ဇာတ်လမ်းလေးတစ်ပုဒ်အဖြစ် အဆုံးသတ်ထားပါတယ်။ Drew Barrymore နဲ့ Luke Wilson ရဲ့ သရုပ်ဆောင်ပိုင်နိုင်မှုက ဒီကားကို တကယ်ကို ထူးခြားစေပါတယ်။ ဇာတ်အိမ်ရဲ့ ထူးခြားတဲ့ ဟာသအရောအနှောက တခြား အချစ်ဟာသကားတွေနဲ့ မတူတဲ့ အရသာတစ်မျိုးကို ပေးစွမ်းနိုင်ပါတယ်။ ပေါ့ပေါ့ပါးပါး အပန်းပြေရင်း အချစ်နဲ့ မိသားစုအကြောင်း ခံစားချင်တယ်ဆိုရင် "Home Fries" က လုံးဝသင့်တော်တဲ့ ရွေးချယ်မှုတစ်ခုပါ။ File size…(2 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Thriller, Horror  Subtitle….Myanmar Subtitle (Hardsub) Encoder….Swan Min Htet

IMDb - 7.3/10 Rotten - 72% ဒန်နီယယ်ဇာဗစ်ဟာ အစိုးရရဲ့ထောက်ပံ့ကြေး နဲ့ ကနေဒါငန်း တွေကိုလေ့လာနေသူတစ်ဦးပါ ။ တစ်နေ့ N.S.A အရာရှိတစ်ဦး က လွှတ်တော်ဥက္ကဋ္ဌကို ဥပဒေမူကြမ်းတစ်ခု နဲ့ ပတ်သက်ပြီး လုပ်ကြံသတ်ဖြတ်ခဲ့ပါတယ် အဲဒါကို ဒန်နီ ရဲ့ မှတ်တမ်းတင်ကင်မရာ ကမှတ်တမ်းတင်မိသွားခဲ့တယ်။ N.S.Aကလည်းဒါကိုသိပြီး ဒန်နီယယ် နောက်ကိုလိုက်ပါတော့တယ် ။ ဒင်း ( willsmith) ဟာမိသားစုကို ချစ်ပြီး ဂိုဏ်းတွေနဲ့ ပြသနာတက်နေတဲ့ အလုပ်သမားရှေ့နေ တစ်ဦးပါ ။ ခရစ္စမတ် အတွက်ဈေးဝယ်ထွက်ရင်း ဆိုင်တစ်ခုမှာ ဒန်နီယယ် နဲ့ ဆုံမီကြရာ ကနေ သူ့ဇာတ်လမ်းထဲပါလာခဲ့တယ် ။ ဒန်နီယယ် အသတ်ခံရပြီး တိပ်ခွေကြောင့် N.S.A တွေ ဒင်း နောက်ကိုလိုက်ကြရမှာတော့ နောက်ဆုံး အသတ်ခံရမလား လွတ်မြောက်အောင် ကြိုးစားနိုင်မလား ဆိုတာတော့....... မလွတ်တန်းကြည့်မယ့်အက်ရှင်ကားကောင်း တစ်ကားပဲဖြစ်ပါတယ်။ (ဘာသာပြန်သူကတော့ စည်သူထက် ပါ) File Size : (805 MB) Quality : Bluray 720p Running Time : 2hr 12minutes Format : Mp4 Genre : Action, Crime, Mystery Translated By Sithu Htet Encode By Thanhtike Zaw

Contact (1997) IMDb Rating (7.5) / Rotten Tomatoes (68%) Forrest Gump တို့  Cast Away တို့  Back to the Future တို့လို နာမည်ကျော်ရုပ်ရှင်ကားတွေကို ရိုက်ကူးခဲ့တဲ့ ဒါရိုက်တာ Robert Zemeckis ရဲ့ Sci-Fi /Drama ရုပ်ရှင်ကားကြီးဖြစ်ပါတယ်။ မင်းသမီး Jodie Foster, မင်းသားကြီး Matthew McConaughey တို့လို ဝါရင့်သရုပ်ဆောင်တွေပါဝင်ထားပြီး ရုံတင်ဝင်ငွေ $171.1 million ထိ ရရှိခဲ့တဲ့ တခေတ်တခါက အောင်မြင်ကျော်ကြားခဲ့တဲ့ရုပ်ရှင်ကားကြီးဖြစ်ပါတယ်။ လူသားတွေက ကိုယ့်ရဲ့ဖြစ်တည်မှုတစ်ခုတည်းနဲ့တောင် ပြဿနာတွေ ဒီလောက်ရှုပ်ထွေးနေတာ အဆုံးအစမဲ့ ကျယ်ပြောလှတဲ့ စကြဝဠာကြီးထဲကိုတောင် ခြေဆန့်လို့ ငါလိုလူမျိုးရှိသေးလား ရှာဖွေတတ်ကြသူတွေပါ။ လူကြီးမင်းအနေနဲ့ အပေါစား ဂြိုဟ်သားဇာတ်ကားထဲကလို ကွိကွိကွကွတွေပြော၊ အစိမ်းရောင်ကိုယ်ခန္ဓာနဲ့ အခြားကမ္ဘာသားတွေကို စိတ်ဝင်စားတတ်သူတစ်ယောက်လား။ ဒါဆိုရင်တော့ ဒီဇာတ်ကားက လူကြီးမင်းအတွက် မဟုတ်ပါဘူး။ အတ္တအဇ္ဇတ္တတစ်ခုနဲ့ပဲ လူကြီးမင်းဟာ ကမ္ဘာပေါ်က နေ့ရက်တစ်ခုကို ကျင်လည်ခဲ့တယ်ဆိုပါစို့။ လူကြီးမင်းဖြတ်သန်းနေတဲ့ မိနစ်တိုင်းမှာ စကြဝဠာထဲက ခုန်လျှိုးပေါက်တွေကတဆင့် သတ္တဝါတွေဟာ အလင်းနှစ်သန်းချီအဝေးကို စက္ကန့်မခြား ခရီးထွက်နေကြသတဲ့။ မိခင်မြေက စွန့်ခွာလာသူတွေကို ကြိုဆိုလိုက် မောင်းထုတ်လိုက် လုပ်နေသူတွေရှိပါတယ်။ ဒါဟာ ဘယ်သူတွေပါလဲ။ ဒါမှမဟုတ် ဘယ်သူပါလဲ။ သိပ္ပံပညာဟာ အချက်အလက် (database) နဲ့ သက်သေသက္ကာရ (prove) ကို အလေးအနက်ထား နံပါတ် ၁ နေရာက စဉ်းစားကြသူတွေပါ။ ဒါပေမဲ့ သိပ္ပံပညာနဲ့ ဖြေရှင်းလို့မရတဲ့ အရာတွေမှာရော ဘုရားရှင်ကို အရာရာရဲ့ အဖြေပါလို့ လက်ညိုးထိုးမလား။ သတိထားပါ လူကြီးမင်း။ ဘုရားသခင်ကို ဘယ်သူဖန်ဆင်းခဲ့သလဲလို့မေးရင် ကြက်ဥနဲ့ ကြက်မပြဿနာလို ဂျာအေးကို မုန့်လုံးစက္ကူကပ်နေမှာပါပဲ။ ဆင်မှာလည်း ဆင်အထွာနဲ့၊ ဆိတ်မှာလည်း ဆိတ်အထွာနဲ့ဆိုပေမဲ့ ဆင်အထွာကိုရော ဆိတ်အထွာကိုရော ပုရွက်ဆိတ်လေးက မမီခဲ့ပါဘူး။ ဒါပေမဲ့ ဆင်တွေ ဆိတ်တွေကို အောင်သေအောင်သားစားသူက ပုရွက်ဆိတ်လေးလည်း ဖြစ်နိုင်ပါရဲ့။ နွားခြေရာခွက်ထဲမှာ ရေတင်ကျန်ရစ်တာကို သမုဒ္ဒရာကြီးထင်နေတဲ့ ဖားလောင်းကို ဧရာဝတီမြစ်ထဲက ငါးကြင်းတစ်ကောင်က ရယ်သွမ်းသွေးတယ်ပဲ ထားကြပါစို့။ ‌အတ္တလန်းတစ် သမုဒ္ဒရာထဲက ဝေလငါးကတော့ သူ့နေရာမှာတောင် နယ်မနှံ့ခဲ့သေးပါဘူး။ ဒီလိုနဲ့ပဲ ဘုရားသားတော်တစ်ပါးနဲ့ သိပ္ပံကျေးကျွန်တစ်ယောက်က ကိုယ်ယုံကြည်ရာကို တစိုက်မတ်မတ် လုပ်ခဲ့ပေမဲ့ ရေများရင် ရေနိုင်လို့ မီးများရင် မီးနိုင်တဲ့လောကကြီးမှာ အမှန်တရားနဲ့ ယုတ္တိကျ ပြေပြစ်ခြင်းဆိုတာ တစ်ခါတလေမှာလည်း ဘယ်ဘက်မှာ၊ တစ်ခါတလေမှာလည်း ညာဘက်မှာ။ လူကြီးမင်းက အဖြူကို အဖြူပါလို့လက်ခံထားချိန်မှာ မဟူရာလို နက်မှောင်ပါတယ်လို့ ပြောလာသူတစ်ယောက်ကို လေးစားတတ်ဖို့ တကယ်အရေးကြီးပါတယ်။ သူကလည်း အမည်းကို ‌အဖြူလို့ ပြောလာသူတစ်ယောက်ကို ရင်ဆိုင်နေရသူပါ။ ဒါပေမဲ့ တစ်ထွာစာ မြေနေရာလောက်နဲ့ လူတစ်သိန်းအသက်ကို စတေးရဲသူ လူသားတွေဟာ အမည်းကို အဖြူပြောတယ်ဆိုပြီး အယူလွှဲမှားသူစာရင်းထဲကိုထည့် ရက်ရက်စက်စက် အပြစ်ပေးတတ်သူတွေ။ ဒီလိုနဲ့ပဲ အပြစ်အနာအဆာတွေ အများကြီးနဲ့ လူသားတွေရယ်၊ လူသားတွေလိုသတ္တဝါတွေရယ်ကို သူတို့က ဘယ်လောက်တောင် သိမ်နုတ်သလဲ၊ ဉာဏ်တိမ်သလဲဆိုတာ ခေါ်ပြောလိုက်ရုံတမယ် တစ်ဆင့်မြင့် အခြားကြယ်စုကြယ်ဝေးက ဂြိုဟ်သားတွေဟာ ရေဒီယိုလှိုင်းတွေနဲ့ ဆက်သွယ်ခေါ်ယူ ပညာပေးနေကြသတဲ့။ ဒီဇာတ်လမ်းဟာ လူကြီးမင်းတို့ကို အတွေးတစ်စုံတစ်ရာ ‌ပေးစွမ်းမှာဖြစ်ပြီးတော့ တနုံ့နုံ့ခံစားနေရမယ့် ရုပ်ရှင်တစ်ကားပါပဲ။ သိပ္ပံပညာရှင် အမျိုးသမီးတစ်ဦး ဗေဂါကြယ်အဖွဲ့အစည်းဆီကနေ ဆက်သွယ်မှုတစ်ခုရ၊ သူတို့ပေးတဲ့နည်းပညာနဲ့ သူတို့ဆီကို ခရီးထွက်ခဲ့တဲ့အကြောင်းဆိုပေမဲ့ အရင်းစစ်ရင် အမြစ်ကဆိုသလို မြေကမ္ဘာပေါ်မှာပဲ အသိအသစ်တွေနဲ့ အစကနေ ပြန်လည်နေထိုင်ရခြင်းကို ရည်ညွှန်းတယ်ထင်ပါရဲ့လေ။ စိတ်ပညာအသားပေးရုပ်ရှင်မလို့ ဇာတ်လမ်းနဲ့ ဇာတ်ကွက်ကို အဓိကမထားဘဲ ဒါရိုက်တာပေးချင်တဲ့ သတင်းစကားကိုသာ လိုအပ်သလို အဓိပ္ပာယ်ဖွင့်ယူနိုင်တဲ့ ကြည့်သင့်ကြည့်ထိုက်တဲ့ ဇာတ်ကားဖြစ်‌ကြောင်းပါဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။) File size…(3 GB) / (1.4 GB) Quality….BluRay 1080p/720p Format…mp4 Duration….02:29:40 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

ကျွန်တော်တို့ ၉၀ ခုနှစ်ကျော်က Sci-fi ကားကောင်းတွေအကြောင်း ပြောမယ်ဆိုရင် Star Wars တွေ Star Trek တွေ Alien တို့လောက်နဲ့ မပြီးဘူးဗျ ဒီ Starship Trooper ကို ဇာတ်ကားနာမည်သာ မသိမယ် ဓားခုတ်ကောင်ကြီးတွေနဲ့ ချတယ်ဆိုပြီး လူတိုင်းငယ်ဘဝက ကြည့်ခဲ့ဖူးကြမယ် ထင်ပါတယ် (တချို့အခန်းတွေအကြောင်းလည်း ပါမယ်ပေါ့လေ)။ ထားပါ ပြောချင်တာက သူကတော့ Franchise အနေနဲ့ ၃ ကားထိ ထွက်ရှိထားတာ ဖြစ်ပါတယ် အကုန်လုံး တင်ဆက်ပေးသွားမှာပဲ ဖြစ်ပါတယ်။ ဒါရိုက်တာဖြစ်တဲ့ Paul Verhoeven ဆိုရင်လည်း တခြား Robocop တို့ Hollow Man တို့ကို ရိုက်ကူးထားတဲ့လူပါ။ နောက်ပြီး ၁၉၉၈ ခုနှစ် အော်စကာဆုပေးပွဲမှာ Best Visual Effect စကာတင်လည်း ဝင်ခဲ့ပါသေးတယ် (Titanic နဲ့ Jurassic World ဆိုတော့ ယှဉ်မရဘူးပေါ့လေ) ဇာတ်လမ်းအကျဉ်းကတော့ နောင်အနာဂတ်တွေမှာ ကမ္ဘာကြီးတစ်ခုလုံးက နိုင်ငံတွေအနေနဲ့ ရှိမနေတော့ပဲ ဖက်ဒရယ်အစိုးရနဲ့ ဖက်ဒရယ် ပြည်ထောင်စုလိုက်ကြီး ဖြစ်နေပါပြီ။ ရန်စွယ်အနေနဲ့ကလည်း ကလန်ဒတ်သူဂြိုလ်က အယ်ရာခနစ်ဆိုတဲ့ ပိုးကောင်တွေဖြစ်ပြီး သူတို့ကလည်း ဥက္ကာခဲတွေ လွှတ်ပြီး တိုက်ခိုက်တယ်ပေါ့လေ။ အဲဒီအချိန် ဖက်ဒရယ်ပညာရေးကျောင်းမှာ သူငယ်ချင်း ၃ ယောက်ရှိကြတယ် ရီကိုရယ် ကားလ်ရယ် ကာမန်ရယ်ပေါ့၊ ရီကိုနဲ့ ကာမန်က အတွဲ၊ ရီကို့ကို ခိုးကြိုက်နေတဲ့ ကောင်မလေး ဒစ်ဇီဆိုတာလည်းရှိတယ်။ ကားလ်နဲ့ ကာမန်ကတော့ ဖက်ဒရယ်စစ်တာဝန် ထမ်းဆောင်ချင်ကြသူတွေပေါ့၊ ရီကိုကတော့ သူဌေးသား စိတ်ကသိပ်မပါပေမယ့် ကောင်မလေး ကာမန်သဘောကျအောင် မိဘတွေ တားနေရက်နဲ့ စစ်ထဲဝင်ချင်တဲ့ကောင်ပေါ့လေ။ ဖြစ်ချင်တော့ ဖက်ဒရယ်စနစ်မှာ အမျိုးအစားက ၃ နေရာရှိတယ် ပထမ ဉာဏ်အတော်ဆုံး ဆရာကြီးဌာနက ထောက်လှမ်းရေးပေါ့လေ (စိတ်စွမ်းအားရှိတဲ့လူတွေကို ပျိုးထောင်ပေးတဲ့နေရာ) အဲဒီကို ကားလ်က ရောက်သွားခဲ့တယ်၊ ဒုတိယကတော့ ယာဉ်တန်းစု တပ်ဖွဲ့ကြီး၊ ယာဉ်အမျိုးအစားပေါင်းစုံ မောင်းနှင်ရတာပေါ့၊ အဲဒီမှာက ပိုင်းလော့ဖြစ်ချင်တဲ့ ကာမန်ရောက်သွားတယ်၊ တတိယအနေနဲ့ကတော့ သချာၤနဲ့ အမျိုးအစားခွဲပါတယ်ဆိုမှ အမှတ်အနည်းဆုံးရရင် သွားရတဲ့ ခြေလျင်တပ်ရင်း ဖြစ်ပါတယ် ရီကိုတစ်ကောင် ဒီကိုရောက်သွားတာပေါ့၊ သူ့ကို ကြိုက်နေတဲ့ ဒစ်ဇီကလည်း ဒီကိုရောက်လာပါတယ်။ ဒီလိုနဲ့ ကိုယ်စီ ကြိုးစားလေ့ကျင့်နေကြတုန်း ရန်သူတွေဖြစ်တဲ့ အယ်ရာခနစ်တွေ ခြေလှမ်းစလှမ်းလိုက်တဲ့အခါမှာတော့……….။ ရုပ်ရှင်တစ်ကားများ ကောင်းပြီဆို ဘယ်နှခုနှစ်ကထွက်တာဖြစ်ဖြစ် ကြည့်လို့ကောင်းနေဆဲပဲ။ တစ်ခုရှိတာက အပေါ်ပိုင်းတွေ လွတ်လပ်စွာ တင်ဆက်ထားတဲ့ R Rated ကားဖြစ်တဲ့အတွက် ကြည့်ရှုမယ်ဆို သတိပြုစေလိုပါတယ် သွေးသံရဲရဲ သတ်ဖြတ်မှုတွေလည်း ပါဝင်ပါတယ်။ ကဲ Old School တွေ ပြန်ခံစားလိုက်ကြရအောင်ဗျာ File size…  3.2 GB /  1.7 GB Quality… BluRay 1080p / 720p Format… mp4 Duration…. 2h  9m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by Thura Aung

ဒီကားလေးကတော့ ၁၉၉၆ခုနှစ်ကထွက်ရှိခဲ့တဲ့ Comedy/Fantasy/Horror ဇာတ်ကားလေးတစ်ကားပဲဖြစ်ပါတယ်။ IMDb rating 7.1/10ရရှိထားတဲ့ဇာတ်ကားလေးလည်းဖြစ်ပါတယ်။ ဇာတ်လမ်းအကျဉ်းလေးကတော့Frank Bannister ဆိုတဲ့ ဗိသုကာပညာရှင်တစ်ယောက်ဟာ အလွန်အောင်မြင်တဲ့သူတစ်ယောက်ဖြစ်ခဲ့ပေမဲ့ မိန်းမဖြစ်သူနဲ့စကားများရင်း ကားမတော်တဆမှုတစ်ခုဖြစ်ပွားခဲ့တာပဲဖြစ်ပါတယ်။ အဲ့ဒီနောက်မှာအသက်ရှင်ကျနိခဲ့တဲ့ Bannister တစ်ယောက်ဟာ ထူးခြားမှုတွေစတင်တွေ့ကြုံခဲ့ရတာဖြစ်ပြီး ဝိညာဉ်တွေနဲ့ ဆက်သွယ်ပြောဆိုနိုင်တဲ့သူတစ်ယောက်ဖြစ်လာတာပဲ ဖြစ်ပါတယ်။ အဲ့ဒီနောက်သူတို့မြို့်လေးအပေါ်ကပ်ဘေးကြီးတစ်ခုကျရောက်လာပြီး အဲ့ဒီကပ်ဘေးကြီးရဲ့နောက်ကွယ်မှာမကောင်းဆိုးဝါး တစ်ကောင်ရှိနေတာကိုသိရပြီးနောက် အဲ့ဒီမြို့လေးကိုကယ်နိုင်မယ့် တစ်ဦးတည်းသောသူက Bannister ပဲဖြစ်နေတာဖြစ်ပါတယ်။ ဆက်လက်စောင့်ကြည့်ခံစားပါ Translated & Reivew By Thura ZarNi Aung Encoded By LK

Twister (1996) IMDb - 6.4/10 Rotten - 58% သာယာတဲ့မိသားစုလေးတစ်စုရှိတယ်....တစ်နေ့တော့ လေမုန်တိုင်းကြီးတစ်ခုဟာသူတို့နေတဲ့ နယ်မြို့လေးကို ဖြတ်တိုက်သွားတယ် မိသားစု ၃ဦးရှိတဲ့အထဲက အဖေကိုလေမုန်တိုင်းကြီးက ဝါးမြိုသွားတယ်...... အမေနဲ့သမီးပဲကျန်ခဲ့လေရဲ့ ....သမီးဖြစ်သူဟာ သူ့မျက်စိရှေ့တင် မုန်တိုင်းနဲ့ပါသွားတဲ့အဖေကိုတွေ့ မြင်ခဲ့လေတော့ စိတ်ဒဏ်ရာရခဲ့တယ်....သူမဟာ အရွယ်ရောက်လာတော့ မုန်တိုင်းလိုက်မုဆိုးဖြစ်လာတယ်... မုန်တိုင်းမလာခင် ၃မိနစ်ပဲမိုးလေဝသဌာနက ကြိုတင်သတိပေးနိုင်တော့ ပြည်သူတွေအတွက် အချိန်မလုံလောက် ဘူး ဒါကြောင့် အသက်တွေဆုံးရှုံး စီးပွားတွေပျက်စီးရတယ် သူမဟာ သတိပေးချိန်များများရအောင် တွက်ချက်နိုင်ဖို့ကြိုးစားတယ်....သူမနဲ့သူ့ချစ်သူကောင်လေးနဲ့အသက်အန္တရယ်တွေကြားကကြိုးစားပုံတွေ ကို ရင်တထိတ်ထိတ်နဲ့ကြည်ရမှာဖြစ်ပြီး ကြည်နူးဖွယ် အချစ်ဇတ်လမ်းလေးကိုပါ ခံစားရမှာပါ.. File Size…(800 MB)  Quality…BluRay 720p Format…mp4 Duration…01:53:00 Subtitle…Myanmar Subtitle(Hardsub) Encoder…Phyo Pyae Translated by  Myo Min Aung